1594
@Nezaralrkape
اسمع دعاء اليزور الحضره
يومك يغايب زلــــــم تنتظره
***
يومك يغايب زلم تنتظــــــره واتريد العجل
اسرج الغيره وزمام الشكره بعيون الزعل
يوم المواضي نشوفه امكرب بشمس الامل
يبن المعالي الجبيره وســــيد الشميه البطل
اسرج الغيره وزمام الشكره
يومك يغايب زلــــــم تنتظره
***
انت الجسور الشفيه اليكسر اخشوم الخصم
تدري الهظايم يمهدي بينــــه وصلت للعظم
وانت الشريف النظيف الابيض الضد الظلم
بس سيفك ادواهـــــم الدونيه يلضمهم لضم
ياهو الزنيم التلوحه اتشـطره
يومك يغايب زلــــــم تنتظره
***
شامخ غضــنفر يســــبطر يعفراس الكَلب
زمزيم هاشـــــــــــم يهزبر يزمجير الحرب
قسور وسندر يقضقاض ويضيــغم من يطب
حارث وحلبس يدوســـــــر يرازم بالضرب
يربات حيـــــدر يثار الزهره
يومك يغايب زلــــــم تنتظره
***
سرفن اذراعك يمهدي واشلع ألباطـل شلع
يخطف ارواح التشوفه الصارم اليلمع لمع
يوم الملاحـــــــــم نريده ايبين اهناك السبع
كل احنه جيشك نصير وخلفك انظل ننجمع
هاي الشباب الاجت متحضره
يومك يغايب زلـــــــم تنتظره
***
يشوس وهيبه وشمايل هاشـــم اووجه الكمر
ليمت نشوفك تجينه زاهـــــر ونورك ظهر
اكلوب التحبك عطاشه الشوفك اوجهك نهر
كل مره ننطر يمهـــــدي تظهر بهذا الشهر
طالت علينه وبعـــيده السفره
يومك يغايب زلــــــم تنتظره
***
عالموعد احنه ننطرك منك انريـــــد المدد
دعوه وحده عدنه كلنه المرجع الصان البلد
السيد السستاني احفظه وطول بعـــمره بعد
من عمرنه على عمره وخله للشـــيعه سند
السيد الستاني طــــول عمره
يومك يغايب زلــــــم تنتظره
***
ابو علي الركابي
للقاسم انهل المدامــــع جمـــر
أنت المعــزى يا امام العصــــر
***
يمهدي الحبـتك والوالتـــك قامت عزاها
مواكبها انصبت واتحــزمت نشرت لواها
بمراسيم الحزن تبجي وتون تعلـن ولاها
على القاسم بألم تقره الخدم رفعـت نداها
بلحن المراثي من ندك عالصدر
انت المعــــــزى يا امام العصر
***
المصايبكم نظل وشماحصل نحيي الظلامه
نقيم النايحـــــه والفاتــــحه اليوم القـــيامه
الغريب ومحنته ومصـــيبته ابيــت الامامه
مدامعنــه جرن وبهالصحن قمنه الخدامه
نقره قصايدنه وينوح الشعر
انت المعزى يا امــام العصر
***
اجتكم تنتـــــــــــحب كل الــتحـــب نهــج الشعائر
نعزي بهالبــــــــــلد باقـــــي العهد يحي الضماير
ولاهمنه البُـــــــــعد نقـــــــره ونرد فــوك المنابر
يعزيــــــك بدمــــع يالمنفجــــــــع صوت المنابر
نلطم يمهدي ونحيي هذا الامر
أنت المعـــــزى يا امام العصر
***
ولاهمنه الزمن رغم المـحن نحيــي المآتم
عقيدتنه النصـر عزم وصبر بانـــت علايم
شعار التضحيه بالضاحـــيه شفنه الملاحم
بعزم سـيد علي نعــم الولي نسـل الهواشم
السيستاني بيرغنه ويرف بالنصر
انت المعــــــــزى يا امام العصر
***
دعانه اتقبـــــــله واتســــــجله مدينـه ادينه
يمهدي انحلـــــفك وانطالــــبك تحفـظ ولينه
أبو امحمد رضا اباب الرضـا القاسم دعينه
تطولــــــه العمر وبكل عصـر خيـمه علينه
من عنده ترجف كل عروش الكفر
انت المعـــــــزى يا امام العصر
***
ابو علي الركابي
ماتت اســـــنين الحنان كلشي صار ابلا أمان
غربه اعيش بهالزمان القاسم آنه
***
راحت اسنين المحنه الجنت عايشـــهه قبل
هسه ابجي اعله الاودهم لا اجــل ولا امل
خنكَه بعيوني الوسيعه لاني ميـــت لاعدل
نوخت نوك الرزيه ومال من عندي الحمل
فاركت ناس اشكثر العشت وياهم عمر
بالله شيجرعه الصبر القاسم آنه
***
مايصح ملكَه الحبايب ماتت اســــــــنين العمر
ظلمه عايش ويه دمعي مالي حيل اعله الصبر
نحلت روحي المواجع ذبل اعظامــــي الهجر
الموت كل ساعه واجاني وانه كاعــــد انتظر
عمري ليل ابلا صبح مابعد ملكَه يصح
ينعه كَلبي ومنجرح القاسم آنه
***
فاتت ايامي بحزنهه من زغر عـــــــودي بألم
همي شالع كَلبي كلش لوخلص يلفينـــــــي هم
تارسه اعيوني المدامع حيلي من حزني انهدم
صابت احلامي النوايب سهم اصعب من سهم
هم اشوفـــــــــهن هلي وهمي مني ينجلي
راح اموت ومنهو الي القاسم آنه
***
عايش بطيف المحنه فززت حلمــــــــي المحن
طالت اهوايه غربتي ليمت ارجـــــــــع للوطن
والله مرمرني وذبحني وكتي واحــــزان الزمن
فاتحة عمري انصبتهه وجبدي بالحركَه انطحن
ياهو يمي امن الاهل كَمت انازع بالاجل
هواي تاذينـــي العلل القاسم آنه
***
راح اودعهه الغوالي راح اســــلم من بعد
راح اكللهم ابنكم للوطــــــــــــن لا مايرد
شاب ماشايف حياته ميت بعمـــــر الورد
خلي الاعزاز امن اهلنه للبواجي تســتعد
القاسم امودع الحياة حانت اعليه الوفاة
خافي اســــمه للماة القاسم آنه
***
ابو علي الركابي
كوكب النور القاسم انزور
انشارك احنه الحاضرين ويه هـــــاي المؤمنين
القاسم انزور
***
هذا سلسلة الذهـــــــب كلهم جدوده
هذا ابن الشرف الدنيا بوجوده
هذا ابن الكاظــــــــم الحابس قيوده
هذا ابن العلمــــــــه ماتنحد حدوده
ابن الاجواد وباب المراد
جينه كلنه كاصدين ويه هـــــاي المؤمنين
القاسم انزور
***
بارك الله بحضرته وصارت مناره
اليكصدلهه بحاجتــــــه ياخذ بشاره
رابح اوياه الذي ايخلــــــي التجاره
خير كلهه ومايشـــوف ابداً خساره
نعمته اهواي صاحب الماي
اليوم ندعو وطالبين ويه هـــــاي المؤمنين
القاسم انزور
***
اليدخل بصحنه يحس والله بأمانه
جن يحس بهيبته وعطفه وحنانه
واكف ابهيأت نبي ونسـمع لسانه
اهلا وحيا الله بالظيــــــف الاجانه
بصحنه و اطوف هاي الظيوف
نحضى اجر الزائرين ويه هاي المؤمنين
القاسم انزور
***
عطر جنات الخلد فــــــــاح بحضـرته
الباشدد معروفـــــــــه للوادم فزعــــته
الوارث الكافل ســجاياه وشــــــــمرته
يروي كلب الضامي من جوده وجربته
منجم الجــــود نعمته اتزود
نرجو مدينه الأدين ويه هاي المؤمنين
القاسم انزور
***
ثلث تنعـــــــام امن ابو النفس الابيه
امشيم وعنده الكـــــرم عاده وسجيه
يسند اظهور التعنولـــــــــــه بقضيه
ومايرد الحلفه بأمـــــــــــــه الزجيه
جينه هاليوم نشكي الهموم
نلتمس متأملـــــــــين ويه هاي المؤمنين
القاسم انزور
***
ابو علي الركابي
هاي البالنعش امنه الزجيه وادموعي جريه
هذا آخر وداع ابهالمسيه
***
هذا آخر وداع وترتحل عــــنه واتموت الحنينه
هذا آخر وداع ومانشوف أمنه بالنار انجوينه
هذا آخر وداع ونكَطــع الضنه ماترجـــع علينه
خلوها تظل لاتبتــــــــــعد منه وانضمها ابأدينه
خلونه نشــمها وبيدينه نضمها
زينب من دمه ادموعي جريه
***
خلوها الجنازه يمـــــــــي خلوها جا زينب شـــعدها
بيتوا جنازة امــي الليله عطلوها جفوفـــــي ماتهدها
هاي ام المحــــــــــنه لاتشيلوها روحي اتظل وحدها
ازغيرونه بعدني بصفي نزلوها ارد اغفه اعله خدها
ارد اشتم عطرها واتوسد صدرها
آنه الوصلت الروحي المنيه
***
ارد افتح جفنها وبلكـــــــــي تسمعني واتحاجينـــي مره
خلها اتشوف ضيمي اشلون مرمرني وماتنتهي الحسره
من هسه المصاب اهـــــــواي شيبني ونار الكلب جمره
اعز ناسي الحنينه المــــــوت سلبني من سلب الزهره
من افتح جفنها بلكي اتفك جفنها
واكسر خاطر الزهره الزجيه
***
ارد اشبع اموادع واحجي ويه أمي عن فكَـــــد الغوالي
واكللها الهجـــر غمك جــرح همي وما خله اعله حالي
ركد حيلي اكلها وارتجــف عظمي ومني الدمـــع هالي
ردت يوم الشدد ام الحســــــن يمي بأحــــــزان الليالي
ارد احجي المواجع بهموم ومدامـــع
من هسه ألبست ثوب العزيه
***
فكد امي الحنينه صعب يجازه هاي ام المحــــنه
باجر عازة امي بالحزن عازه لو سلبو ضـــعنه
لو ظليت وحدي ابيوم الموازه واحتركت خيمنه
من ايميل حيلي اتصير عكازه بموادع اهـــــلنه
ابقه ابلايا والي واتشيل الغوالي
ابقه ابلا اهل بالغاضريه
***
ابو علي الركابي
ميت الامــان دفــــنو الحنان حيره ياعلي
فاكَد الحبيب جرحه مايطيب بهمه مبتلي
والجانتلك وطــــن ماخـــــلاها الزمن
حيره ياعلي
***
ياعلي الله اليعـينك الزمن كصـر سنينك زهــــرة ايامك خذاها
فاطمه من شيعتها بجفك البضعه ادفنتها وادفنت روحك وراها
شخلت الدنيه بدليلك ياعلـــــــــي بس الجروح
سلبت احبابك يوالــــــي وخلتك تبجــي وتنوح
شماكلت هــــــذا عزيزي مايظـــل يمك يروح
هسه رديت اعله بيتك بس رجعت ابلايا روح
بعينك الدموع تبجي عالضلوع هايــج الألم
زادت الهموم تعـــــــثر وتكوم حيلك انهدم
مدفونه أم الحســـن ماخـــــــلاها الزمن
حيره ياعلي
***
راجع بكلبك الحــــيره امصيبتك كلش جبيره شايل اوجاع اشكثرها
امشيب وبيضه لحيتك خايف اطب اعله بيتك واليتامــــــه تنتظرها
ماتريد اطبه دارك خــــافن اتلاكي الزغار
راجع وامهم عــــــزيزه واليتيــــم بكلبه نار
وضيمك اهواي ويجمله لوشفت ظلمه الديار
تختنك روحك تحســـها واظلم اتشوف النهار
كلشي بس سواد ويعلـــن الحداد سايد الحزن
والجره حـــناك امصابه مرمراك شيب الجفن
زادت هاي المحن ماخـــــلاها الزمن
حيره ياعلي
***
باينه اعليك البواجي وي الكبر هاكثر حاجي وتشرح اعيونك صورها
دافن وجاي العيالك ومنشده عالزهره بالك واحفرت بيـــــدك كبرها
اثيابك امبين عليـــــــها امن الكبر جابت تراب
نظرت اعيونك حزينه وتحجي لولادك مصاب
بالله شجاوبها زينـــــــــــب منك اتريد الجواب
بويه وين امي الحنينه كلبــــــي مايحمل عذاب
اتكلك وتـــنوح للكـبر اروح لأمي فاطمه
بويه مالي حيل وكتي كله ليل عيني ساجمه
بدمعي اعيوني انجون ماخـــــــلاها الزمن
حيره ياعلي
***
بيدك الحضنك تضمهم الصدرك الدافي تلمهم اتكلهم امكم ماتجينه
راحت الخيمه التلمنه وانكطــــــــع منها املنه بعد ماترجـــع علينه
ياعلي بولدك تواسي وزينب اتصبر عليك
انته خيمتها واجتك خايفه ولزمـت بديك
بجفه الزغير يحـــيدر تمسح بدمعة بجيك
اتفطر بكلب العقيلـــــــه ياعلي ونة نعيك
شبكو بحـــنين هيه والحسين صدرك بدمع
والحسن جريح ياعلي يصيح يلطم الضلع
اوي امنه اشمحله السكن ماخــــــــلاها الزمن
حيره ياعلي
***
راح تكضيها حياتك بين دمعه وذكرياتك وثكلت اهمــومك جثيره
هذا دخان المصـــيبه وباجر النار اللهيبه تحرك الخيـــمه الجبيره
باجر اغيوم النوايب ياعلـــــي تمطر سهام
زينب ابنيتك غريبــــــه تبقه ماعـــده خيام
انته ماهو وامه ماهي يبدي يتلاشى السلام
ينذبح زينــب ضواها ويهجم اعليه الظلام
ماكو من مجيب بس نعي ونحيب كلشي ماسلم
ياعلـــــي الامير مايظل نصــــير توكــع الخيم
والتحمي بالضــعن ماخــــــــلاها الزمن
حيره ياعلي
***
ابو علي الركابي
ما اصدك انتي ميته (زينب والزهراء) ع
ما اصدك انتي ميتـــــــه والله يم حسين
ايرحمج الله اشلون اكلج يمه لاترحــين
لحظه ما الكاج يمه اموت اوياج
والله يم حسين
***
الله ايرحمج الزهـــــــره اسمعها الخـــــلك تنحب
وآنه ابلا شعور ابجـــي اشلون اتمــوتي يم زينب
هيه الدار من دونــــــــج يم البيـــــت ماتنــــــطب
احس مو راسي يم حسين هدمي امن القهــر شيب
والله اريدج تبقي يمي فـــــدوه لاتمشين
انتي عافيتي وحياتي وانتي موك العين
بحركه كمت انعاج يمه اموت اوياج
والله يم حسين
***
ما ريده و شـلي بعـــمري لوما شـــــوفج اكبالي
مر طعم الهجر ضـــــكته واول فركَــه من غالي
ليش ابلا يا ام ظليـــــــت ومكانج يم حسن خالي
زغيره اعله الوجع زينب وليش امرمــره احوالي
هوه التموت امه روحه تهوه بس للموت
عمره ماعايش يشـــــوفه اموسد بتابوت
والكَــلب ناداج يمه اموت اوياج
والله يم حسين
***
صعبه جلمة المرحوم تعصر بالكلب توجع
يعني مانشــوفه الراح والمدفــــون مايرجع
والام ماكو اعز منــها عليـــها الروح تتكطع
واذا عندها يتيم ازغير اشلون ابلا يا ام يقنع
والله ماتسوه الحيـــــــاة ابلا محنه انعيش
زادت اعليه المواجع حزني صاير جيش
بهجرج وفركاج يمه اموت اوياج
والله يم حسين
***
حيل ابعازتـــــج زينب لأيام الشـــــــــدد يمه
باجر من تحير ام عون وايصير الوكت ظلمه
اظل ابلا ذره واخــيام وهظمه امجلبه بهظمه
عالمسلوب خيل اثكال تسحك تكسـر بعظمه
يم حسن يمه تعالــــــي مني راح حسين
لاكمر عندي وعشيره بالله اروحن وين
روحي تترجاج يمه اموت اوياج
والله يم حسين
***
يوم المايصـــــــــــح عوان يكضي ابلا اهل صعبه
يمي بس اليكـــــــــــرهون واوجوه الزلـــــم غربه
غصبن ماعلينــــه انروح وقصـــر الشامت انطبه
واحس روحي ذبحه الهم و كلبي اتملــــــخ ابحربه
كون اموتن هسه وامشي واندفن هاليوم
اشينتظر باجر دليلي بس حزن واهموم
دمعــــي يتنخاج يمه اموت اوياج
والله يم حسين
***
ابو علي الركابي
نعي (كأني بامير المؤمني علي ع بعد فقد الزهراء ع) يبكي ويقول 00000
*
غابَ الحبيب ُ عن الديار واظلمت ياريت عُمري بعــــدهُ لاطالا
لاطابَ عيشـــــــــي لاهنئة بدُنيةٍ ذُبحت بعينــــي اجمل الآمالا
رحل الفؤاد حزيناً حــــين فارقهُ والدمعُ دماً جارحــــاً قد سالا
واريت قلبي بنفسِ اللحـدِ ملتحداً مع من بعمـرِ الوردِ مُغـــتالا
ماذنبُ فاطمةٌ تموتُ بعصـــرتةٍ وتيتمت من بعــــدها الاطفالا
ظُلمت وآذوها وأكُســر ضِلعُها بنتُ النبي عظيم الشان اجلالا
وبقيتُ انعى باكـــــــياً متوجعاً وكأن روحــــي كُبلت اغلالا
حُزني على الزهراءِ باقٍ سرمدا مازال عمري جُرحُـها مازلا
علي الباقي ابحياتك ولو حانت وفاتك
بدت رحلة مماتك
يبو الحسنين
شيطيبها الجروح بقية ابلايا روح
يبو الحسنين
***
ردنه نكَلك ياعلــــــــي عود البقيـــــــــه بعمرك
بس شفنه كلبك منكسـر ومخنوك ضايك صدرك
بفكد الزجيه ام الحســن يمكن تهــــــــدم صبرك
مابيك حيل اعله المشي ولازم بدينـــــك ظهرك
دفنت الي تودها وتمددت ابلحدها
شفت سطره اعله خدها
يبو الحسنين
دمه عينك تفوح بقية ابلايا روح
يبو الحسنين
***
رديت من المكــــــــبره بس راجع امشيب الراس
كَلبك دفنتــــــــــه بالكبر ورديت من غــير انفاس
هلت التراب اعله الورد ودافن اعز واغلى الناس
الله يعينك ياعلـــــــــــي كلبك حنـــــــين وحساس
بدت قصة عذابك تلوعـــت بشبابك
العلي ايعظم مصابك
يبو الحسنين
الدمع سرك يبوح بقية ابلايا روح
يبو الحسنين
***
ذبلان وجهـــــك ياعلي وباين يحيدر تعبك
موتجع وكلك هظـــــم راح اليعيش بكربك
ميت لجن عايش حلــم يمكن توكف كلبك
راجع ورايح كل وكت بس للمكــابر دربك
اعله كيفك وي روحك الحزن غمك جروحك
اشكثر جا يبقى نوحك
يبو الحسنين
ترد الها و تروح بقية ابلايا روح
يبو الحسنين
***
اهواي البواجي والنعي اهواي الألــــم والعبره
بس الله يدري بلوعــتك للبير تحجــــي الحسره
تاكل بروحـك جمرتك وجمر المصاب اشكبره
ظلمه حياتك موحشــه والبيت مابيـــــــه زهره
اشكبر فكَد الزجيه اشكثر هاي الأذيه
وتمنيـــــــــت المنيه
يبو الحسنين
الاجل يمك يلوح بقية ابلايا روح
يبو الحسنين
***
حكك تخاويه البجــــــــي ونكعت دموع اهدومك
ميته التطيب خاطــــــرك والي تشــــيل اهمومك
شال اوي الاعزاز الفرح شيخلصه بالهـم يومك
ظليت ورده ابلا نـــــدى ذبلانه كل ارسـومك
كلف همك يحيدر نحس يوميه يكبر
جبل صبرك تفطر
يبو الحسنين
علي بطل تنوح بقية ابلايا روح
يبو الحسنين
***
ابو علي الركابي
يالغريبه (الزهراء وزينب )ع ليلة الوداع
شدي حيلج للمواجــــع يالغريبه
باجر اتشوفين يمه اشجم مصيبه
وحـــدج يخلونج جم لوعه بعيونج
يالغربيه
***
عوفي يالحنيـــنه امصــابي هالليله
ونشفي ادموع عينــج هاج بالشيله
انتي ازغر طفل موجــــود بالعيله
وعليج الكون كلــــــــه منهدم حيله
ادري بين اولادي صح انتي الزغيره
بس المصيبه التشــوفيه جبيره
لوشابت اجفــونج جم لوعه بعيونج
يالغربيه
***
لاتبجين عالزهــــــره وكسر ضلعي
آنه اهون اجروحي وحيرتي ودمعي
أنه اعليج اللطم واهــواي راح انعي
الله ايعين كلبج كل مســـــــيه ادعي
اكثر امن امج نوايب يالحـــــــــــزينه
اتضيك بعيونج الدنيا يالحنينه
باجــــر يعذبونج جم لوعه بعيونج
يالغربيه
***
اذا هسه ضلع شـــــفتي يكسرونه
اخيج صدره بالحافـــــر يرضونه
عظمه اعله اللحــــم كله يطبكونه
ونحره بالرمل باجــــــر يطمونه
مو ضلع مكسور باجر زينب اضلوع
والبجي اعله حسين يمه ايصير ممنوع
يمه ويشوفونج جم لوعه بعيونج
يالغربيه
***
حجي الموش لايك باجر اهوايه
زينب يالغربيه اصعـب الحجايه
يدرون اليحامـــي طاح عالرايه
كفالج ييمه العشـــــــــتي بفيايه
والله كل نوحــــــي عليج بهالمسيه
يمه يمج يبقى كل بال الزجيه
باجـــر يتعــــبونج جم لوعه بعيونج
يالغربيه
***
هاج اعبايتـــي بصندوك خليها
ولو نمتي بخرابه يمه افرشيها
ولو فزت رقيـــــه بيها غطيها
ولو رديتي يمه الكبري جيبيها
بيها ريحة كربلـــــه وريحة اهلنه
بيه دم المنذبح عطـــــر المحنه
بيها دمه امتونج جم لوعه بعيونج
يالغربيه
***
ابو علي الركابي
فاتحته جبـــــــــــيره اليوم مهدينه
خلي انوح وانجــــــــبره ابواجينه
***
الله ايعين كلبـــــه اليوم ابو صالح
ركن الدين من بيت النبــــي طايح
ابو اسوالف العدله والحجي المالح
مات العسكري وطم الرمــل عينه
***
دافنله عزيز ايطـــــــــيب المجنن
شيخ اهل البخت حــلال اليعسرن
بوجه الكاصده بيبانـــــــه منسدن
الله ايصبر المنتظـــــــــــر والينه
***
رايحله حنين وكســـــــرته كسره
فكَده اجبيره واعليه انكسر ظهره
ياهو الي يصــبره وياهو اليجبره
خلي انجـــــــبره هاليوم بنعاوينه
***
الله ايعين كلب المهــــدي بمصابه
راح ايعش غربه الدنيا بغـــــيابه
اليوم النار تجـــــــوي بكلبه لهابه
راح الوالد وغابت نياشـــــــــــينه
***
وين الفاتحه امســــــــــــويها للوالد
بصحن العسكري لو بالسمه صاعد
لو يم الحســــــــــــين بكربله كاعد
نريد انسلم انواســــــــــي بتعازينه
***
وين الفاتحه وياهو الحضـر بيها
اكيد الكون كلــــــها نازل اعليها
واملاك الســــمه نشرت تعازيها
وبيت الله بجه وحــزنت حياطينه
***
ابو علي الركابي
آه اعليك يالعسكري
آه اعليك يالعسكري
***
يا آية أنـــوار الارض
ياحجه وايمان وفرض
اشلون روحك تنقبض
مسموم من اهل الغدر
***
مسموم تبقـــــه الياسبب
ياجوهـــــر ودر وذهب
يا اشرف واطهـر نسب
مسلوب ياحيـــف العمر
***
بعدك شباب ومنحـرم
شفت بحياتك بس ظلم
وامتاعب الدنيا وهظم
شاب وتوسـدت الكبر
***
مو انته يلفـــــاك الاجل
بيك العلـــم نوره اكتمل
يالبيدك اتشـــافي العلل
مو انته كلبـــك ينكسر
***
يبن الشــموس الطالعه
ويارحمة الله الواســعه
أذتنه هــــــاي الفاجعه
والطمنه هالليله الصدر
***
فجعتنه حـــيل امصيبتك
كلش جبــــــــيره فركَتك
بجتنـــــــــه والله محنتك
ندعي الله ينطينه الصبر
***
ابو علي الركابي
الليله اوي المواكب تلطم الزهره
عينوها الحزينـــــه بنوح وبعبره
***
الليله اوي المجالس حاضره البضعه
بشيلته الزجيه تمســـــــــــــح الدمعه
ماذيه مصاب العســـــــكري وضعه
يهل النوح كثرو النوح والحســـــره
***
وين اهل المجالس والحســـــينيات
وين التخدم ام حســـــــين بالهيئات
اتريد ام الحسن هالليلــــه لطميات
توصل للغريـــــب بأرض سامره
***
وين اللي ابد ماملــــــــت الخدمه
وماعافت طريق الخــير والنعمه
تحيون العزاء بغـــــــــيره وبهمه
خل انعين كَلب الطاهـــره الحره
***
كون الليله نجبر خاطر ام حسين
انساعدها ونهل وياهه دمع العين
راح الله العزيز ومـــايرده البين
يوميه بعزيز الروح منكســــره
***
الله ايعينها شافت قصــص واهموم
من مسموم والمظلـــوم والمسموم
كل ساعه بحنين الكلب ظل ملجوم
من يوم الحصل بالباب والعصره
***
تحضر بالمآتم للنعـــــــي تســــــمع
كون اوي القصــــــيده القافيه تدمع
كون ايعرج الذاكَـــــه الذي اتكطع
عطشان وتكسر بالســـحك صدره
***
ذاك اللي ابحوافــــــــر مردو لحمه
وفاض اعله الرمل يوم الطبك دمه
شيخ الساده طايــــــــح سلبو هدمه
من ثكل الحوافر منطحــــن ظهره
***
ابو علي الركابي
طود الشجاعه بالحرب مايلوي اذراعـــــه ابد
ذاك الرسـول المنتجب باسل همـــام وكالأسد
هوه وعلي يوم الوغى ظهر بظهر يوم الشدد
حماية الدين اصبحــوا من الله عدهـــم هالعهد
وحيدر شجاع وقسوره بيمينه سيف المقدره
واينادي والد فاطمه مـــدد ياحماي الحمه
***
هزموا صــــناديد الكفر ماهمهم اجيـــــوش العدى
لاعزى لالات وهــــبل سحكو على اصنام الردى
بعز الله وآيات العلــــى نشروا مفاهــــــيم الهدى
كالو وحك رب العرش احنه اهــــــــل بيت الفدى
اهل المجد والمفخره خل يدري كل المادره
هاليوم يوم الملحمه مـــدد ياحامي الحمه
***
من تشبك اســيوف الزلم لوضاكـت اهوال الحرب
وتتصعب احداث الوغى وبالحنجره ايصــير الكلب
يتنخه والد فاطــــــــــمه من يوصل الموقف صعب
انته لهـــــــا يابا الحسن هاليوم يومــــــك من تطب
يرعد حسامه بزمجره يحصد رؤس الكافره
وعلي ايجيب الغانمه مـــدد ياحامي الحمه
***
من هو اليرده لوغضب هذا الغــــــلام الحيدري
هوه ومحمد لوهجـــــم ويبدي نــزال السامري
أحد وملاحـــــمها وبدر وحصن اليهود الخيبري
يزئر يقاتل ماتعـــــــب بصوت الهدير القسوري
جمع الاعادي امطشره فوك الرمال اموذره
كامت تصيح اهل السمه مـــدد ياحامي الحمه
***
يتقدم الهادي النبـــــــي ورافع لوائــه حيدره
عدهم يقين اعله النصر مو بالجيوش القاهره
قله ويهزمون الجمــــع بحد السيوف اموذره
نار وزلازل عالارض تحصد جماجم كافره
مشوها مثل المسطره كلبوها يمنه بمسيره
وامسبحه بفيض الدمه مدد ياحامي الحمه
***
ابو علي الركابي
وينه الي ايواسي المظلومه
وينه الي ايواسي المظلومه
***
وينه الي الليلـــه ايساعدها
فاطم مفجوعــــــه بوالدها
اغلى الناس المـــيت عدها
ومن بعده اتنوح وملجومه
***
وينه الي ايواســي بدمعاته
يحضر مجلســــــنه بآهاته
يندب يالهـــــــادي بلطماته
ويساعد هـــــاي المهظومه
***
وينه الي يجبر كســـرتها
والليله اينشــــف دمعتها
من صارت تخنك دنيتها
وحدها وتبجــي ومهمومه
***
وينه الي ابدمعه ايعزيها
وبلطمه الليلـــه ايواسيها
والدها وفكَـــــده امأذيها
تنعه ام حســين ومالومه
***
خل نبجي ونتصور همها
موت الاحبــــاب أمألمها
وجرح المختار اللاجمها
من حضن الوالد محرومه
***
ماشبعت محتاجه الحضـنه
اشلون اتفكــــــر تبعد عنه
اشلون اوياه اتكطع الضنه
وكل ساعه اطلــع بهدومه
***
ابو علي الركابي
العايش اعله الذكريات
يعني عمره ابلا حياة
الراحه أله يوم الوفاة
ياغربته
***
العايش وتنزف جراحاته مواجع
يعني كاضي ايامه آهات ومدامع
الجان أمام وتبتشر بيه الجوامع
هسه مابين الغرب روحه تنازع
السيد ونسل الامام
عاش مجهول المقام
الجده ثبتها الصلاة
ياغربته
***
الكاضي كل ليله عذابات ومـناحه
مايعرف النوم ماشــــــايفله راحه
ساكت ومخنوك يحجيها الصراحه
وغمجن حيل اوصل كَلبه جراحه
القاسم واسمه الغريب
گاضي كل عمره نحيب
صادر احلامه الممات
ياغربته
***
ماتعرفه الوادم وجهلـــــــــت مقامه
وهو من بيت الوحي واصل الامامه
عابد وصاحب عطــــــيات وكرامه
ظل غريب اتحــــــمل آلام الظلامه
اتحمل احزان وجروح
باقي كل يومه ينوح
دموعه من دم جاريات
ياغربته
***
ميت وعايش فقـــــط من ذكرياته
صارت ابلايا طعم لـــــــذة حياته
من كثر مايبجــــي مانشفت عباته
شاب لاكن حانت وكربـــت وفاته
لازم اصفاحه ويلوع
بللت خده الدموع
عالبجي ليله يبات
ياغربته
***
جان تطلع روحه وكت المغربيه
جان يتذكر هلــــــه وعينه جريه
ايزور ليليه غريــــب الغاضريه
وحده ينصب مجلس ويقره عزيه
لا ينام ويســـــــتريح
عينه تبجي اعله الذبيح
والخيام امســــــلبات
ياغربته
***
ابو علي الركابي
ياكشـــخة النوماس ياهيـــــــــبة العبـــاس
القاســم فتح ديوانه وكل الهلا اعله السانه
ياهيبة العباس
***
نور وسراج الدين جامع جمــــال اثنين
من الحسـن وحسين ومن يوسف ارسومه
كل اليصد مســحور بممشاته هيبــه ونور
اينثر مسج واعطور وامهنــــدمه اهدومه
وارثهــــن العادات من صاحـب الكلفات
هم قاضي الحاجات ماتنخفـــــي اعلومه
شيخ وجيـــــه بخيت ســــيد وريث الصيت
انحسه وكــــف نادانه وكل الهلا اعله ألسانه
ياهيبة العباس
***
شايل كمال وجــود ديوانه ماله احدود
وبالدنيــه ماموجود ماينتهـــــــي خيره
طيب حنون اهواي وبجفه يسكي الماي
واليعتنيـــــه عناي مايوكــــــع بحيره
كل الذي اتعـــــــناه ميعوفـــه من ينخاه
لاوالله ماينســــــاه ماعدنه ابــد غيره
دكينه بابـــــه اليوم وامحمـــــــلين اهموم
ندريبه ماينســــــانه وكل الهلا اعله ألسانه
***
وكفت تزوره الناس اباب الشــــبه عباس
شايل وفــه ونوماس جن واكـــــــف ابابه
اتسلم عليه اصفوف واعله المزار اتطوف
وشخصيته جنه اتشوف ايسلم على احبابه
كلبه بجمر محروك ايرد الســـلام بشوك
العاشك على المعشوك واترحـــب اعتابه
وطبينه كلنــه انريد خـــيره علينـــه ايزيد
وامفتحـــــــه بيبانه وكل الهلا اعله ألسانه
***
محنيه يمــــه الروس ارواح الصحن متروس
يشبه زيـــارة طوس والزاره هنيــــــــــــاله
محتشـــــده يم ارواح وهنياله كلــــــمن راح
الطب حضرته يرتاح وكــــــل التعنـــــــــاله
الكلبه بحــزن مخنوك بشباجه شـــــد اعلوك
طعم السعاده اضوك وتتعـــدل احــــــــواله
كل خادم ومحبوب زار الرضا محسوب
وابصحنـــه يتلكَـانه وكل الهلا اعله ألسانه
***
نتأمـــــــــل المأمول وندعي بعزانه انكول
كون العــــمل مقبول هالليلــــــه هالليلـــه
يكتبنـــــــه أله خدام خـــدام اله ابكل عام
ابجاه المشـت للشام بحــرمتها ندعــــيله
يشملنه نعمه وطيب وعالخدمه كلنه انشيب
اليتوســـــله ميخيب كل نعــــمه يوفـــــيله
باب الحوائج صار وامعـــــــزب الزوار
خير ونعــم غطانه وكل الهلا اعله ألسانه
***
ابو علي الركابي
يمه اشكثر مشتاكه والولد ياذي افراكه
يبني القاسم ترجع سالم
يمه اشكثر مشتاكه
***
يمه الولـــد يمه الولـــد والله اشـكثر مشتاكَه
طك كلبي يالقاسم متت نار الهجــر حراكَه
شيبت وامك حـــــدبت وحنت عليه الناكَه
هم يصح يايوم اشـبعد وجه بوجـه نتلاكه
هم ترجع الحضن امك وابين اديـــــه اضمك
كلبي اتوجر بالي اتحير
يمه اشكثر مشتاكَه
***
ماطبكت اجفون النظر وينك يبعــــــــد اعيوني
ماسكتن ادمـــوع البجي وجرحن حــتى اجفوني
شنهو السبب ياضنوتي من شــــوفتك حرموني
ياسلوة انفاس العمـــــر خابت احسهه اضنوني
يالعايش بأنفـــاسي يوليدي شيب راسي
دايــــم نوحي خلصت روحي
يمه اشكثر مشتاكَه
***
راح اعمه يمــــه الغيبتك من مـــــــاترد اعليه
ما احمل افراكك بعـــــد يالغالي لحـــــــك ليه
جرحك جبـــــير ومابره خلف مواجــــــع بيه
بالنازل ايامـــــي احس وللموت ظـــل اشويه
وينك يبعد ايامي هجمت عليه آلامي
يبني الغالي ارحم حالي
يمه اشكثر مشتاكَه
***
ارجع الدارك موطفت رد يالولـــد ضويهه
ماتنطب وحشه صفت شايل وسف راعيهه
فك باب ديوان الكــرم ودخل ظـــيوفك بيهه
مايصلح ابلايا اهـــــل بيت النبـي وهاديهه
رد ليه وافتح دارك منتظرتك خطارك
مشتاكتلك ناسي واهلك
يمه اشكثر مشتاكه
***
شليت حالــــــي من رحت واتمرمــــت احوالي
مشتوله عيني اعله الدرب بلكــــــت يرد الغالي
مطحون كلبي امن الحزن ماعندي راحه ابالي
يايوسفي لميت تجــــــــي واكف ييمــه اكبالي
ذبلت حياتي ابدونك عميه بلايه اعيونك
يعلم ربي يطحن كلبي
يمه اشكثر مشتاكَه
***
ابو علي الركابي
قصائد استشهاد الامام القاسم ابن الامام الكاظم عليهم السلام
Читать полностью…
هالليله بحزن نقره آيمصيبة الزهره
***
هالليله بحزن نقــــره وتهل العين
لمصاب الزجيه اهواي حزنانين
بدمعات العزيــه انوح مهمومين
الله ايعين هالليله الحسن وحسين
نيران الكلب جمره آيمصيبة الزهره
***
مفجوعه القصــايد حضنت الدمعه
صاحت وي ضمايرنه بحزن تنعه
شالت ياوسافه وماتت البضـــــعه
وكل شعي مثلها منكســــر ضلعه
وادموع الالم حمره آيمصيبة الزهره
***
تجرحنه الهموم اهـــــــواي اذتنه
نلطم مايكفــــــــي ويشفي لوعتنه
مصيبتها عظيــمه وحيل كسرتنه
يازهراء يالمظلومـــــــــه ونتنه
اليوم انجدد الذكره آيمصيبة الزهره
***
ننشدد لليدور الســــــالفه ونسأل
ماتت ليش وبهذا العمــــر ترحل
ورده الياسبب ام الحســــن تذبل
من دون الخــــلك والناس تتعلل
ياهو السبب العصره آيمصيبة الزهره
***
مايشفه جرحــــنه كالجمر يلهب
الله يلعن الجــــــاني الذي اتسبب
ويتمها بزغرهـا ام الحزن زينب
وظلت من عكبــها تلطم وتنحب
حسره امجلبه بحسره آيمصيبة الزهره
***
ماتطفه النواعــــي اتفور لهابه
واتظل الدموع بحـركه سجابه
حد مايخلص الموعــود بغيابه
ويظهر للزجيه وينصر احبابه
ويمه نندب بعبره آيمصيبة الزهره
***
ابو علي الركابي
مو وكــــت الفراك ظل كلبي مشتاك
زينب زغيره اعله المحن يم المحنه يم حسن
مو وكت الفراك
***
لاوين شلتي وراحلـــــــــــــه آيالحنينه
يالمامثل فيـــــــــــــــــج ابد يمه علينه
هم ألج رده لو بعــــــــــــــد لا ماتجينه
من هسه زينب يم حسن صارت حزينه
يايمــــه ناديت شو خالي البيت
جني غريبه ابلا وطن يم المحنه يم حسن
مو وكت الفراك
***
يالبعدج بعمر الورد يمـــــــه ومشيتي
انكسرت اضلوعج وسـف واتعذبيتي
واتألميتي امن الجـــــرح واتمرمريتي
ولفراكنه يمه اشـــــــكثر شفتج بجيتي
مشتاكه ألج حيل شيخلص اللــــيل
دوهني من زغري الزمن يم المحنه يم حسن
مو وكت الفراك
***
جنتيلي خيمه وكاعــــده بفيج ييمه
خليتي من بعدج ييـمه الدنيا ظلمه
آيالعزيزه والوكت يهظــــم الحرمه
وامصيبج كلش جبيره وحيل عظمه
واشكبر المصاب يا اغله الاحباب
واعيوني من دم البجن يم المحنه يم حسن
مو وكت الفراك
***
عفتيني وانه بعازتج يابعــــــد العيون
باجر اظلن وحدي وكلكــــــــم تشلون
انده واصيحـــن والتفت بس ماتردون
ذاك الوكت الله يساعد حيرت ام عون
ردتج تحضرين لمصيبة حسين
لو حمل وشال الضعن يم المحنه يم حسن
مو وكت الفراك
***
آخ يالزهره اشكثر احــــمل مصايب
يمه من هسه امطرت فوكي النوايب
كون وياج اندفن حــــــــدر الترايب
ولا اشوفن ترتحل عنــــي الحبايب
كلبي دوه بنار من هسه محتار
واعيوني احسنهن عمن يم المحنه يم حسن
مو وكت الفراك
***
ابو علي الركابي
نعي
كأني بزينب بعد فقد الزهراء عليها السلام تبكي وتقول
***
ديران الاحنان شو خاليه ديـــران الاحنان
والحيل تعبان شاب الكَلب والحــــيل تعبان
والكيف خربان ضاك الكَلب والكيف خربان
بالجــبد نيران تجوي وتشب بالجبد نيران
***
وألهم نياشين ظلت صــــور وألهم نياشين
لوموش ميتين ماتو صدك لو موش ميتين
شالو بعيــدين عني مشو شالو بعيـــــدين
الوياي زينين بالمكــــــبره الوياي زينين
***
والراح ردوه يهل الرحم والراح ردوه
مدفون تلكَوه بالمكَبره مدفـــون تلكَوه
بس لاتخلوه جيبوه الي وبس لاتخلوه
للبيت جيبوه طك الكلب للبيت جيبوه
***
كأني بزينب تكلم امها وتبكي
***
شو ماتنشـــدين اعليه اشعجب شو ماتنشدين
جا عني ترحين كل نيتــج جا عني ترحين
وانتي تمــوتين صارت صدك وانتي تموتين
جاموش تبطين كَلبي انمــرد جاموش تبطين
***
شو مااجيتي وصيتلــــج شو ما اجيتي
جامادريتي اخلافــج متت جامادريتي
مهدوم بيتي مالــي ذره و مهدوم بيتي
وحشه ثنيتي ظلمه الوكت وحشه ثنيتي
****
وايام حلـــوات اوياج انكضت ايام حلوات
جنه احبـــيبات طول الوكـــت جنه احبيبات
واشلون كعدات يمه المحنــــه اشلون كعدات
كلش عـزيزات ايامي المضن كلش عزيزات
***
ابو علي الركابي
لاتاخذ عزيزتنه ( زينب والزهراء) ع
لاتاخذ عزيزتنـــــــــه يجناز
خلها اتبات واتودعها الإعزاز
هاي امنه الحنينه عليها اشكَد بجينه
***
يالشايل جنازة امنه ريض إلنه
نريد انودع ونشبع نظــر خلنه
بعد عكب الحنينه بالعمــرشلنه
بلكي انمــــوت يم الوالده كلنه
آنه ازغر يتيمــــه وكَلبي مشلوع
نكعت شيلتي من كثــــــر الدموع
كل احنه نعينه عليها اشكَد بجينه
***
نزل اجنازة امنه وخل نحاجيها
تســـمعنه العزيـــزه من نناديها
تحبنه اهواي ام حســين ندريها
اشلون تعوفنه وتمشـــي نخليها
أكللها ييمه واصـــــــــرخ بصوت
من تمشين يمه زينـــــــــب تموت
خل تسمع حجينه عليها اشكَد بجينه
***
نريد انشوفها الليلــــه ونشاهدها
لا تعكَد چفنها الزهــــره واتشدها
بلكي الموت نكسر كَلبه وايردها
افراك اولادها يامـوت ضاهدها
خلها اتبات يمنـــه الليلـــــــــه بالدار
يتامه احنه وبعدها اعمـــارنه ازغار
شـــــالت ماتجينه عليها اشكَد بجينه
***
نريد انهز نعشها بلكي لن تعكد
واتفتح عيــــــون النايمه واترد
خافن تمشــي عنه فاطمه وتبعد
تطحن بالدليل الفاجعـــه وتمرد
بالله اشفنه من امنـــــــــه وعمرها
راحت شابه وميتــــــــــه بزغرها
راحت من ادينه عليها اشكَد بجينه
***
بعدها ازغيره امي وصارت اجنازه
ردتها تبقى واتظــــــــل يوم الموازه
باجر لو تنخــــــــــه كَلبـي بعزازه
لو شح اليحامــــــــي وعازته عازه
باجر لوبقيت ابلايــــــــــــــــا والي
ومحد يمي من هــــــــــاي الغوالي
مجروحه وحزينه عليها اشكَد بجينه
***
ابو علي الركابي
عزانــه وبكانه يظل طول الزمن
نعــــينه وبجينه ألــج يم الحســـن
***
عزانه وي بجينه لطمنه وي نعينه تظل هالدمعه بينه
على طول الزمن
نجي بجمرة بكانه نجددلـــــج عزانه حسينيتج هـــوانه
على طول الزمن
تشـــرفنه بمحبتج توفقنـــــه الخدمتج تغطينه برحمتج
على طول الزمن
هتفنه وندبنه رغم كل المحن
نعينه وبجينه ألج يم الحســن
***
تربينــــه بلوائج ولانتــرك عزائج نجوم احنه بسمائج
بليالــــــي التعزيه
مراثيــنه وحزنه قصائدنه وشعرنه نرتلــــــها بدمعنه
بليالــــــي التعزيه
وبعد زيدي علينه بنعمتــج يالحنينه توســــلنه ودعينه
بليالــــــي التعزيه
خدمتج محبتج نحس جنة عدن
نعينه وبجينه ألج يم الحســن
***
اشــملينه بثوابـــــج بحق لوعة مصــابج خدم ندعي اعله بابج
مـــــدد يافاطمه
شفيعه انتي وكريمه ونحس فوكانه خيمه حنينــه انتي ورحيمه
مــــــدد يافاطمه
دعيناج وبجــــــــينه رفعنالـــــــــــج ادينه توســـــــلنه ونخيــنه
مــــــدد يافاطمه
نحبج نطلبج مدامـعنه جرن
نعينه وبجينه ألج يم الحســن
***
نحس ابهالمــــــــــــآتم وجــودج والله دايم نشم عطـــرج يفاطم
شــــــفاء وعافيه
رغم كل المنـــــــــاحه المجالس و بصـراحه نحس بس هيه راحه
شــــــفاء وعافيه
بحروفج كلنــــــه نقره ونطق اسمج يزهره عظيم وألنـــــه سره
شـــــفاء وعافيه
جوائز معاجز شفاء الكل بدن
نعينه وبجينه ألج يم الحســن
***
يفاطم يا ســـــــندنه احضرينه بشــددنه يمن بس انتي عدنه
دخيلج يم حسن
اذا جتنــــه النوايب ادفيعـــها المصايب وابعـــديها المتاعب
دخيلج يم حسن
دخيلج من دهـــرنه واذا خلص عمرنه وتوســــــدنه بكربنه
دخيلج يم حسن
دخيلج نريدج يمن حبج وطن
نعينه وبجينه ألج يم الحســن
***
ابو علي الركابي
اليوم وي زينب نصبنــــه الفاتحه
***
اليوم وي زينب نســــوي التعزيه
على أمـــها اشــــكثر ظلت باجيه
الدار وشحه امن المـــــحنه خاليه
وعينها الدرب المكَــــــابر شابحه
***
عينها اعله الباب زيـــــنب تنتظر
روحه اعله الزهره بالهــم تنعصر
راحت امها وما تـــــرد امن الكَبر
وعينها بدمع المواجع ســـــــابحه
***
عينها بدمع المواجـــــع ســـــاجمه
طفله زينب بالمصــاب املـــــجمه
حاضنه اهدوم الزجـــيه فاطــــمه
تبجي مابين المصــــايب طايـــحه
***
تبجي واحنه اوياها هم نبجي بحزن
نلطم بحركه وعلى الزهـــــره نون
اليوم ام حسين راحــــــــــــت تدفن
بعمر ورده وللمكابـــــر رايــــحه
***
بعمر ورده وماتظل عشـــرين عام
الشجر يبجي اعليها وطيور الحمام
ليش ظلمو فاطــــــمه اولاد الحرام
وليش محسنها حقدهم ذابــــــــــحه
***
ليش محسنها توســـــــــد عالتراب
ابد ماشاف الحيــــــاة وصار شاب
طاح ميت محســـــــن بعتبة الباب
وصدره بسمار النواصب جــارحه
***
ابو علي الركابي
يامولاي يامولاي
يامسموم
***
يارحمة الســــــــماء يا علة الوجـــــود
يامنهـــج الســـــراط يمكســــــر القيود
اقرالك بخشـــــــوع ياكوكـــــب الخلود
ويالعسكري الدموع تنزل على الخدود
انت الكتــــــاب وآية الكبرى
انت الرجاء وسـبحة الزهره
انت الكريم الماخلــص خيره
انت الحنـــــين وخبزة الفقره
يامولاي يامولاي
يامسموم
***
نورك يشع ضواه ماهــمك الظلام
قانونك الرحــيم ينشـر فقط سلام
وافعالك بهـــــدوء اترجـــم الكلام
تستقطب النفوس واتحــــبك الانام
انت الأمام الوارث العصمه
تجمع الناس وخيمتك رحمه
تهوي اليك اكلــــوبها الوادم
انت وجودك للبشـــــر نعمه
يامولاي يامولاي
يامسموم
***
يامالك القــــــــــلوب والكل الك اســـــير
فوك الارض نشوف من الله صرت امير
ملكك مــــــــلك بقاء يم العرش جـــــبير
يازاهــــــــــد الفناء واتعاشــــــــر الفقير
لورايد الدنيا تحــــــت امرك
بس الله يدري ياعظم سرك
عفت الحياة ورايــد امن الله
يقبل تضحي الدينك بعمرك
يامولاي يامولاي
يامسموم
***
تتواصـــل بخــــــفاء واتمهد الامور
للمهدي من يغيــب وايطول الظهور
كل شيعي عالبلاء لازم يظل صبور
واتوصي بالدعاء خاف الوكت يجور
تدري بغيابك تحــــــزن احبابك
اي والله يفجـــــــع كلش اغيابك
اتعلم الشيعه تنتظــــــــــر غايب
ومن هسه كمت ادرب اصحابك
يامولاي يامولاي
يامسموم
***
حسو صرت خطير عالطاغيه اللعين
خلولك الســــموم يالعسكري الحزين
عمرك وسف شباب ماطـالت السنين
جبدك لهب سعير تتلوع ابأنـــــــــين
خلصت حياتك غمــضت عينك
حانت وفاتك ســــــــكن اونينك
بثامن ربيع وتنتهــي الرحلــــه
شاب وكضوها ابسـمهم اسنينك
يامولاي يامولاي
يامسموم
***
ابو علي الركابي
ماكو مثل الغاضريه (العسكري والمهدي)ع
يابو صالح نوح لمصاب العطش غربه وابلا خيم ليل اهدعش
بويه لاتبجي عليه ماكو مثل الغاضريه
***
يابو صالح ادري حكهــن واعذر ادمــــوع الجرن
ادكول ابوي الراح منــي اشكد صعب فكد الحسن
تبجي لأجلي اينوح كلبك داوي بجــــروح المحن
ادكول بويه باجر ابقـــه بغربه وابلايـــــا وطن
حكك انته ماشي ابوك ومايرد ايعينك الله لمن اتشوف اللحد
ايعينك لله بهالمسيه ماكو مثل الغاضريه
***
يابو صالح انته يمـــي موش ميـــت بالغرب
جسمي سالم مامجرح لامــــــــوذر عالترب
بيتي ماطايح عليـــــه وماكو بيه نار التشب
لاصوارم فوك منـــي لاخـــــيول ولاحرب
امصاب ابوك العسكري خلف جرح لجن مو مثل الذي بسيف انذبح
طاح ضامي اعله الوطيه ماكو مثل الغاضريه
***
آنه بالفي هسه روحي موش نايـــم بالشمس
دايرين الاهل يمـــي وراحـت اتودع النفس
بس الحسين بصحاري طايح وفوكه الرفس
شابجه اسهام وصوارم جسمه كله منترس
صدره من ثكل الحوافر منطحن وكلب زينب عمتك ظل ممتحن
وشكبر هاي الرزيه ماكو مثل الغاضريه
***
آنه ماحركو خيامي وفرهدو منـــي الخدر
آنه ماراحن خواتــــــي يابو صالح لليسر
عالهزل تمشي سبايه وي عـــدوان شكثر
وآنه ماباتن بناتــــي ابلا افيــاي ولاستر
بالخرايب بويه يالمهدي تبات وهنه علويات بويـــــه امخدرات
زحمه زينبنه سبيه ماكو مثل الغاضريه
***
بويه خلي عينك يمهدي لبو اليمه ساجبه
وكل صباح وكل مسيه يابو صالح نادبه
ماكو مثل اجروح جدك والمصيبه الراتبه
انته تاخذ ثاره باجـــــر والتعـــده اتحاسبه
جمرة الثارات بالحركه تفور تظهر بأخر زمن للحك تثور
تنتفض عينك جريه ماكو مثل الغاضريه
***
ابو علي الركابي
الليله عن الــــــدار شايل نورها
وابتده اوي ام الحسن عاشورها
***
الليله كل الكون بالهــــــم مبتلي
الليله مكسور الظهر يبجي علي
راح الي ايكل للزجيـــــه ادللي
حارس الزهره النبي وناطورها
***
الليله عن بيت النبي شال الضوه
وفاطمــــــــــه دلالها نار انجوه
خنكه دنياها وتحس ضاع الهوه
والمدينه موحشـــــه كل دورها
***
راح يبدي انوب ضــيم ام الحسن
اجيوش احزان ومصيبات ومحن
منين ماجـــــــــان النوايب لو لفن
بعد ابوها ايحين فاطـــــم دورها
***
آه الله ايعينــــــــها اشتحمل حزن
فوك فكد الهادي واجــروح الدفن
خدها مسطور ويظل دامي الجفن
وينهتك بيت الزجـــــيه وسورها
***
أمة السؤء اللعينــــــــــه الفاجره
باجر اتخلي الوديعــــــه امرمره
اضلوعها بالله اشجنت وامكسره
اتصير ماتكدر تكف مكدورها
***
تثكَل اعليها المصـــيبه فاطمه
تفزع المن ياهــو بالله اتحشمه
والوصيه امجتفه حامي الحمه
وللشريعه يحتـمل كل جورها
***
انصبت المأساة جن سيل وهجم
اجروح وهموم ومناحــات وألم
سوط شمات وضلع منها انهشم
وباجر اللجمات تلفـي ابدورها
***
ابو علي الركابي
(الزهراء والنبي) انفاسه قرآن
وي ارحم انسان وانفاســه قرآن
الجان اليـه وطن وخيمه لأم الحسن
وانفاسه قرآن
***
اجمل مكان البيه سكن كلبـــي وترعرع
حضن النبي الماينوصف نوره التشعشع
عشرة محبه تنتهـــــــي ومن بالي تطلع
جني احس وي المشو روحــــي اتكطع
من غمض العين في يوم الاثنين
الجان اليه وطن وخيمه لأم الحسن
وانفاسه قرآن
***
اقدس حرم عد فاطمــــه روح النبوه
من عندي شال ومابقه حضن الابوه
وضاكت عليه دنيتي وكلبـــــي تلوه
راح الحنين الجان الـي بالدنيا تجوه
شال وتركني بموته ذبحني
الجان اليه وطن وخيمه لأم الحسن
وانفاسه قرآن
***
ماترضه تنشف دمعتـــــــي من دم ذروفه
لاسمه بدليلي امعلكــــــــه انخطت حروفه
الينحط على اجروحي دوه الماكمت اشوفه
معقوله هيجي ابهالســــهلوله اكدر اعوفه
لاتمشي عني موتك لجمني
الجان اليه وطن وخيمه لأم الحسن
وانفاسه قرآن
***
راح اليعينج فاطمــــــــه من هو اليعوده
جنتي أمـــــيره بصايته وعشتي بوجوده
من دونه صرتي ابلا وطن والدنيا سوده
ياوسفه تربان اللحـــــــــد طمهن خدوده
ظليت الوجن لأجله وانوحن
الجان اليه وطن وخيمه لأم الحسن
وانفاسه قرآن
***
الجيش النوايب والحزن يا الله استعدي
ضيمج يفاطـــــم والالم من هسه يبدي
لوبيدي ياروحي الامر والقدره عندي
ويه ابوي آنه ارتحل هالســـاعه ودي
ماريد اعيشن وياه اموتن
الجان اليه وطن وخيمه لأم الحسن
وانفاسه قرآن
***
ابو علي الركابي
يالرايح درب ابعيد شايل لاوين اتريد
يابو الزهره ارحم بينه فكَــــدك كلش ياذينه
شايل لاوين اتريد
***
يارسول الله ريض اشــويه
لاتيتمــــــها بس هالبنــــيه
فدوه حاجيني وعينك اعليه
والله بالدنيه كلشــــــي ماليه
يالرايح راح الحــــيل من تمشي انشوف الويل
هالليله اشــــــكد ونينه فكَـــــــــدك كلش ياذينه
شايل لاوين اتريد
***
شيبت روحــي شيبت رمشي
من تسد عينك ينطفي كلشي
من يشيعونك شــــيعو نعشي
والله من تمشي فاطمه تمشي
اسم الله اعليك امن الموت ولاتنشـــال ابتـــــابوت
نبجي ولأجـــــــــلك حنينه فكَـــــــــدك كلش ياذينه
شايل لاوين اتريد
***
ياضوه اعيونــي عازتك عازه
انته ألي تجـوه وصعب تجازه
حاضر اهمومي ابيوم الموازه
اشلون اظل عدله بيوم الجنازه
رايــــــدتك بالعـــازات من اتصـــــير الشدات
باجر ننــــــــدب هادينه فكَــــــــدك كلش ياذينه
شايل لاوين اتريد
***
لوغبت عنـــــي ينـــــــهدم بيتي
يختنك صدري ياهـــــــوه ريتي
وما اعيش اهواي تمشي عافيتي
تكصر ايامي وتعلــــــــــم بنيتي
لوحان اوياك اوداع انفاسي اتموت ابساع
كلش اظلـــــــم ياوالينه فكَـــــدك كلش ياذينه
شايل لاوين اتريد
***
يندفع بابي و يألمك وضعي
تنسطر عيني واندبك وانعي
ينكسر كلبي وينكسر ضلعي
ينهظم حالي ومايجف دمعي
ابابي ايشبون النار ويجتفــــون الكرار
ماواحد يفـــــزع لينه فكَـــــــدك كلش ياذينه
شايل لاوين اتريد
***
ابو علي الركابي