24661
Бу ерда сиз халқаро муносабатлар, ижтимоий сиёсат, фалсафа, тарих, китобхонлик бўйича фикрларимни ўқиб боришингиз мумкин. Осторожно Сарказм!!! 18+ Реклама - @The_Blesssed Альтер Эго 👉 @Alimofflive
Психолог қабулига бир неча маротаба бориб, натижа кўрмаган инсонлар вақти ва маблағи бекор сарф бўлганини ачиниш билан гапиришади.
📌 +1 podcast'нинг навбатдаги сонида бу ҳолатнинг сабаблари тушунтирилган.
Психотерапевт, тиббиёт фанлари бўйича фалсафа доктори Гавҳар Дарвиш билан суҳбатда бугунги кунда долзарб бўлган депрессия, уйқусизлик, ҳавотир каби ҳолатлар ҳақида батафсил маълумот берилган.
2024 йил 21 март куни Air Samarkand авиакомпанияси А321neo самолётида Самарқанд – Истанбул – Самарқанд йўналиши бўйича биринчи мунтазам тижорат парвозини амалга оширди.
Ушбу рейс авиакомпания фаолиятидаги янги босқичдир.
Наврўз байрами арафасида амалга оширилган рейс Самарқанд ва Туркиянинг йирик шаҳри ва аеропорти ўртасида тўғридан-тўғри парвозларни йўлга қўйиш учун янги имконият яратди. Биз ҳам шу рейс билан Истанбул шаҳрига учдик.
Бугундан бошлаб авиакомпания ҳар душанба ва пайшанба кунлари ушбу йўналиш бўйича парвозларни йўлга қўяди. Яқин келажакда авиакомпания Тблиси, Дубай, Жидда ва Туркиянинг бир қатор йўналишларига парвозларни амалга оширишни бошлайди. Бундан ташқари, апрель ойидан бошлаб чартер дастури ҳам режалаштирилган.
Air Samarkand мунтазам рейсларига чипталарни easybooking.uz веб-сайтидан, шунингдек, EasyBooking тизимига уланган агентликлар тармоғидан ва biletbank.com веб-сайтидан сотиб олиш мумкин. Яқин келажакда чипталар янгиланган airsamarkand.com веб-сайтида, машҳур онлайн касса ва агрегаторларда ҳам сотувга қўйилади.
Air Samarkand - Самарқанд халқаро аеропортида жойлашган Ўзбекистон авиакомпаниясидир. 2022 йил апрель ойида ташкил этилган. Авиакомпания флоти замонавий хавфсиз Airbus А330, А321 ва А321neo самолётларидан иборат.
Авиакомпаниянинг асосий мақсади Самарқанд ва қўшни вилоятлар аҳолисига турли йўналишларга тўғридан-тўғри саёҳат қилиш, меҳмонларга эса оралиқ манзилларни четлаб ўтиб, Самарқандга ташриф буюриш имкониятини беришдир.
Кетишда ҳам келишда ҳам самолётга барча чипталар тўлиқ сотилган. Бу йўналишда талаб катта экан. Айни пайтда Самарқанддан Истанбулга парвозлар частотасини ошириш бўйича музокаралар олиб борилмоқда. Келгуси ойларда Дубай, Жидда, Тбилиси йўналишларини очиш режалаштирилган.
🧠@nurbekalimov
Тошкентда одамларнинг 6 млрд сўмдан кўп пулларини ўзлаштириб юборган автосалон эгалари қамалди
My-Cars номи билан очилган автосалон одамларга GM машиналарини олиб беришни айтиб, пулларни ўзлаштирган. Аммо, охирида одамлар алданиб қолган.
Жорий йилнинг январь ойида ижтимоий тармоқларда Тошкентда My-Cars номи билан очилган автосалон бир нечта фуқароларнинг пулларини қўлга киритиб, машина учун тўланган пулларни ўзлаштириб, юборгани ҳақида хабар берилганди.
Шундан сўнг, ҳолат юзасидан жиноят иши очилганди. ЎзАнинг хабар беришича, айбдорларга суд ҳукми ўқилган.
Маълум бўлишича, олдиндан жиноий тил бириктирган 3 нафар шахс томонидан пойтахтнинг Алишер Навоий кўчасида My-Cars номи билан автосалон очилган.
2022 йил 16 январдан 2023 йилнинг 2 август кунига қадар бўлган вақт оралиғида ушбу жиноий шериклар “автомашиналарни 3 ой муддат ичида автосалондан чиқариб, етказиб бериш”ни айтиб, жами 74 нафар фуқаронинг 40 млн сўмдан то 200 млн сўмгача бўлган жуда кўп миқдордаги, жами — 6 млрд 155 млн сўмлик пул маблағларини фирибгарлик йўли билан қўлга киритишган.
Харидорларни қабул қилишда эса улар гўёки GM— Uzbekistan билан шартнома тузганликларини айтиб алдашган. Жиноят ишлари бўйича Шайхонтоҳур туман суди ЖКнинг 168-моддасининг тегишли бандлари билан айбланувчиларга 8-9 йилгача озодликдан маҳрум этиш жазосини тайинлади.
Ҳеч кимга ачинмадим🙂
🧠@nurbekalimov
«Ўзбекистон дунёнинг энг олди, энг илғор давлатларидан бирига айлансин. Тутган рўзаларимиз, дуоларимиз даргоҳида қабул бўлсин» — Президент Шавкат Мирзиёев ифторлик дастурхонида дуога қўл очди.
🧠@nurbekalimov
😍 50 000 000 limitgacha sovg'alar
🎁 Ramazon oyi davomida sovg'alarni 50 000 000 gacha limiti oshirilgan muddatli to'lov kartasi bilan xarid qiling!
🛍Farzandlaringiz uchun faqat sifatli o‘yinchoqlar xarid qiling, iftor va saharlikga mazali taomlar tayyorlang, o‘zingizni va yaqinlaringizni yangi elektronika, zamonaviy liboslar yoki kosmetika vositalari bilan xursand qiling.
❤️ Bu oy quvonch va yaxshilikka to'lsin, sovg'alaringiz esa g'amxo'rlik va e'tiboringiz ramziga aylansin.
➖
😍 Подарки с лимитом в 50 000 000
🎁 Приобретайте подарки в месяц Ramadan с увеличенным лимитом карты рассрочки до 50.000.000!
🛍Покупайте детям только качественные игрушки, приготовьте вкусные блюда для ифтара и сухура, порадуйте себя и своих близких новыми электронными гаджетами, стильной одеждой или косметикой.
❤️ Пусть этот месяц будет наполнен радостью и добром, а ваши подарки станут символом вашей заботы и внимания.
Заковат интеллекутал ўйинидаги жамоамизнинг ўйини Ютюб тармоғига қўйилди. Ўйин жуда ажойиб ўтди. Уни шу ерда томоша қилиш мумкин 👉 https://www.youtube.com/watch?v=FgXLm-BRt1s&ab_channel=Zakovatharakati
Читать полностью…
Ерга ғамхўрлик: 25 март куни электр энергиясини бир соатга ўчириш сўралмоқда
Хабар беришларича, 25март — “Ер соати” куни муносабати билан махсус акция ўтказиларкан. Акция Экология, атроф-муҳитни муҳофаза қилиш ва иқлим ўзгариши вазирлиги ташаббуси билан ўтказилмоқда.
Шу куни сайёрамизга ғамхўрлик қилиш, табиий ресурсларни асраш мақсадида барча давлат ташкилотларида электр жиҳозлари бир соатга ўчириларкан. Ушбу акцияда аҳоли ҳам фаол иштирок этиши ва электрдан бир соат давомида фойдаланмаслиги сўралган.
🧠@nurbekalimov
Москва шаҳридаги Крокус Сити Холл мажмуасида даҳшатли теракт бўлиб ўтди ва давом этяпти
Бир гуруҳ қуролланган шахслар бинога бостириб кириб, дуч келганки одамни отиб кетишяпти. Ундан ташқари, бино томи ёняпти. Ҳозиргача юзлаб жароҳатланганлар ва 40 та қурбон ҳақида гап кетяпти.
Мен ўша концерт залида қачонлардир бўлганман концертда, у ерда ва ёнидаги Вегас савдо марказида жуда кўплаб ҳамюртларимиз ҳам ишлашар эди. Фаррошлар, грузчиклар итд.
Ташқи ишлар вазирлигимиз зудлик билан қурбонлар ёки жароҳатланганлар орасида Ўзбекистон ватандошлари бор йўқлиги ҳақида хабар олиб, тақдим қилиши лозим.
🧠@nurbekalimov
Кеча AIR SAMARQAND авиакомпаниясида тарихий кун бўлди. Самарқанд-Истанбул йўналишида биринчи авиарейс учди. Унда мен ҳам учишга муяссар бўлдим. Парвоз ҳақида таассуротларим яхши. Сифатли сервис кўрсатилди деб бемалол айта оламан. Ушбу авиакомпания амбассадори саналмиш Севара Назархон бизга қўшиқ ҳам айтиб берди учиш олдидан. Ушбу аэропортда учишим ҳам биринчи бўлди. Ишқилиб учувчининг ҳам биринчи полетимасми? деб ҳазиллашиб қўйдим. Учувчи мен кўрганлар ичида энг профессионалларидан бири бўлиб чиқди. Учувчининг маҳоратини қўнишдан билса бўлади (видеода қўнганимизни ўзиз кўринг). Турбуленс ҳолатида ҳам сезилмайдиган қилиб олиб чиқди.
Аэропорт замонавий қиёфада ва ташкилий тузилиши ҳам қулай. Ривожланган давлатлардаги даражани кўрдим. Бундай инфраструктура объектлари кўпайгани яхши. Туристлар ҳам келадиган жойига қараб танлаш имконияти туғилади. Биринчи рейсдаёқ жуда кўплаб ватандошларимиз билан учдик. Самарқанд аэропорти дизайни Истамбул аэропортига сифат жиҳатидан ўхшашлиги кўп экан. Мен орқага қайтариб ташлаб кетишдими дебман биринчи кўриб)
👉 @bahodirahmedoff👈
Яқинда Нетфликсда топчик режиссёрлардан бири Гай Ричининг "Джентлменлар" деган сериали чиқди. У ўзининг шу номдаги фильмини сериал қилиб ишлади. Тўғриси бугунги кунда сериаллар одамларни эътиборини тортишда кино билан бир хил даражада турибди.
Одам чет элни сериалларини кўргани сари ўзбек сериаллариниям шу даражага чиқишини хоҳлайди. Айнан ўзбек сериалчилигини ривожлантириш учун Кинематография агентлиги томонидан нодавлат телеканаллар учун эълон қилинган сериаллар танлови якунига етибди.
Танловга 11 та лойиҳа келиб тушган ва улар ичидан 4 та сериал лойиҳаси ғолиб деб топилибди. Ғолиб бўлган сериал лойиҳалари Агентлик ва телеканаллар билан ҳамкорлик асосида тенг шерикликда ишлаб чиқариларкан. Тўғриси юқори даражадаги қизиқарли сериаллар кутяпман.
Қайна иплос, қайната гнида, келин хорами деган сериалларни тугатайк энди😁
🧠@nurbekalimov
Блогер Холиқжон Самадов 7 суткага, унинг тўрт нафар шериги эса 5 суткага қамалди
Бухоро шаҳрининг Намозгоҳ кўчасида суратга олинган видеолавҳада вайнер ўз бошқарувидаги Нехиа автомашинасида 2 нафар шерикларининг устига ҳайдаган ва охирида йўл белгисига бориб урилиб, қасддан шикаст етказган.
Сенинг еб қўйган дюёстинг😁
🧠@nurbekalimov
Буюк Британияда қирол ўлибди.
Яна
Фейк ҳам дейишяпти умри узоқ бўларкан шекл. ББС айтмагунча ишаниш йўқ.
Фейк экан.
🧠@nurbekalimov
Бияхкелиларчи, братларим, манетта соққали иш чиқипполди. 💰Долларда движения қиладиган фолловерларим учун Ipak Yo’li Banki’дан зўр таклиф – йиллик 6% ставкали доллардаги омонатлар. Пул кўпайиб, қаёққа қўйишни билмай йўрган бўсаларинг, тайёр имконият. Бекор ётмасдан, йилига 6%дан туғиб турса ёмонми!?🤔
Омонатни нақд пул билан тўлдириш, шунингдек, Ipak Yo‘li Mobile иловаси орқали унинг ҳолатини кузатиб бориш мумкин. Банк билан долларда олди-берди қилганиз учун “Вай! доллар ошиб кетяпти-ю!”, деб сиқилиб юрмесилар. 😁
Мабодога кигадир қизиқ бўлса, омонатни очиш Ipak Yo’li Banki филиалларида амалга оширилади. Батафсил маълумот банк расмий сайтида.
Мижозларни қўллаб-қувватлаш хизмати: @ipaksupport
Реклама
«Синопсис» жамоаси Навоий вилоятининг Хатирчи туманидан қизиқарли материал тайёрлабди. Унда депутат Ўктам Исломов вилоятдаги биргина тоғ кон-металлургия комбинати тўлайдиган солиқ тушуми улуши жами солиқ тушумларининг 25 фоизини ташкил этишини маълум қилибди.
Қизиқарли статистика. Агар 12 та вилоятимизда шунақа йирик заводлар ишлаб турганида, бюджетимизга қанча кўп маблағлар келиб тушган бўларди.
Битта нарсани таъкидлаш лозим — бугун ҳудудларимиз ривожланиши биргина ҳоким ёки вазирга эмас, балки барчамизга боғлиқ.
Видеони охиригача кўришни тавсия қиламан.
Алимент тўлашдан қочиб кўрпани тагига яширинган брат қўлга олинибди
Маълум бўлишича, фуқаролик ишлари бўйича Яккабоғ туманлараро судининг 2020 йилдаги суд буйруғига асосан қарздор эркак ундирувчи собиқ аёли фойдасига вояга етмаган фарзандлари 2 нафар учун алимент ундириш белгилаган. Аммо, эр алимент пулларини ўз вақтида тўлашлиги тўғрисида огоҳлантирилган бўлса-да, тўламасдан келган.
Шундан сўнг, давлат ижрочиси қарздорнинг яшаш уйига бир неча маротаба борган. Уни топиш имкони бўлмаганлиги сабабли, унга нисбатан 2024 йил 12 январда қидирув эълон қилинган.
Бошқарма Қидирув шўъбаси ходимлари 13 март куни қарздорнинг ижро ҳужжатида кўрсатилган манзилига боришган.
Қарздорнинг яшаш хонадонидаги барча жойлар кўздан кечирилди, тадбир жараёнида бир ходим уйнинг болохонаси ва томини текшираётган бир пайтда, 2-ходим эрни йиқитилган кўрпалар тагидан олиб чиқди.
Шу куннинг ўзида қарздор мавжуд 28 млн 971 минг сўм алимент қарздорлигини тўламаганлиги сабабли, Жиноят ишлари бўйича Якккабоғ туман суди томонидан эрга нисбатан 15 сутка маъмурий қамоқ жазоси тайинланди.
Мибчи братам ҳа йўғаканда деб қайтиб кетормасдан кўрпани тагидан топиб чиққанига қойил😁 Ўла ажаб бўпти. Болаларини хаққини беришдан қочиб юришдек номардлик бўлмаса керак дунёда.
🧠@nurbekalimov
Минде битта приложения бўсада, ўша орқали любой дорини сохтами ё ҳақиқийми текшира олсанг, нафақат дори бошқа махсулотларни ҳам куар код орқали текшириб кўнгил хотиржам бўса деб ўйлаб юрардим.
Так вот, 27 март куни Ўзбекистон Миллий матбуот марказида Ўзбекистон Республикасида “Дори воситаларини маркировкалаш – Ўзбекистон дори бозоридаги муаммоларни ҳал этишнинг биринчи қадами” мавзусида матбуот анжумани бўлиб ўтди.
Тадбирда “Асл Белгиси” рақамли маркировка тизими, Солиқ қўмитасининг Маҳсулотларни маркировкалашни назорат қилиш бошқармаси бошлиғи вазифасини бажарувчиси, Ўзбекистон Республикаси Фармасевтика маҳсулотлари маркази раҳбарияти ва бошқалар иштирок этишди.
Бугунги кунга қадар “Асл Белгиси” рақамли маркировка тизимида 2400 дан ортиқ иштирокчи рўйхатдан ўтган, жумладан, 679 та ишлаб чиқарувчи, жумладан 600 дан ортиқ хорижий фармацевтика ишлаб чиқарувчилари, 740 таси дори воситалари импорт қилувчи ва дистрибюторлари, 1053 таси чакана савдо корхоналари. Маркировкаланадиган маҳсулотлар реeстрига 11 мингдан ортиқ номдаги дори воситалари киритилган. Дори воситалари бозорининг асосий қисмини хорижда ишлаб чиқарилган дори воситалари ташкил этишини ҳам таъкидлаймиз. Ишлаб чиқарувчиларнинг қарийб 90 фоизи хорижлик, республика бозорига кираётган дори воситаларининг 63,4 фоиздан ортиғи хорижда ишлаб чиқарилган дори воситаларидир.
Рақамли маркировка - бу дори воситаларининг қадоғига, асосан, ишлаб чиқариш жараёнида ихтисослаштирилган кодни қўллаш жараёни бўлиб, унинг мақсади маҳсулот айланмасининг барча иштирокчилари ўртасидаги, тўғридан-тўғри дорихоналарда сотилишигача бўлган ҳаракатни кузатиш ва истеъмолчига маҳсулотнинг ҳақиқийлигини кафолатлашдан иборат. Уни хақиқийдигини бепул “Асл Белгиси” мобиль иловаси ёрдамида сканерлаш орқали текшириш мумкин. Эндиликда оператор давлат идоралари билан биргаликда истеъмолчилар шифохона ёки поликлиникалар учун мўлжалланган дори воситаларини мобиль илова ёрдамида осонгина аниқлашлари учун иш олиб бормоқда.
🧠@nurbekalimov
Ipak Yo’li Banki’дан яна бир қулайлик
25 мартдан 30 сентябргача Ўзбекистондаги любой банкти Visa ва Mastercard халқаро карталарини Ipak Yo’li Banki’нинг банкоматларида 0,5 % комиссия билан тўлдирорасла. Ipak Yo’li Banki одамларга қулайликлар яратишда давом этяпти.
Батафсил маълумотти банк сайтидан олиноради.
Мижозларни қўллаб-қувватлаш маркази ҳам хизматингизда: @ipaksupport
Instagram | Telegram | Ilova
Реклама
Uzum ёрворяпти
Uzum экотизим қанақа ишлаши борасида мастер-класс ўтиб бераяпти деб айтсак унчалик ҳам ошириб юбормаган бўламиз. Сабаби оддий, компания яратилганига 2 йил бўлганига қарамай Ўзбекистондаги стратап лойиҳалар ичида тарих яратмоқда. Масалан, компания томонидан шу пайтгача соҳага $100 млн инвестиция жалб қилинган. Бунинг ортидан компаниянинг қиймати $1 млрддан ошибди.
Экотизимнинг директори Жасур Жумаевнинг сўзларига кўра, ҳар ойда Ўзбекистоннинг 10 миллиондан ортиқ аҳолиси Uzum хизматларидан фойдаланади. 2023 йилнинг ўзида компания $100 млн тоза фойда кўрган. Ҳозирда компания таркибида маркетплейс, экспресс-етказиб бериш сервиси, классик ва рақамли банклар, BNPL-сервис, автомобил сотиб олиш платформаси бор ва бу хизматлар сони жуда тез ортиб бормоқда.
Нима ҳам дердик, рақобат яхши нарса. Ўзбекистон бозори учун янгилик бўлаётган экотизимларни ривожланишидан албатта истеъмолчи ҳам манфаатдор бўлади.
🧠@nurbekalimov
АҚШда бензинда юрадиган машиналар учун экологик стандартлар кучайтирилади
Америкада бензинда юрадиган мошиналар учун янги стандартлар жорий қилиняптикан. Так вот, АҚШ атроф-муҳитни муҳофаза қилиш агентлиги (EPA) тасдиқлаган қоидага кўра, 2027-2032 йилларда ишлаб чиқарилган енгил ва тижорат автомобилларида (юк машиналари бундан мустасно) ифлослантирувчи моддалар эмиссияси ҳозирги билан солиштирганда қарийб икки баравар кам бўлиши керак.
Амалдаги стандарт билан солиштирганда эмиссия чегаралари 2026 йилдаги моделлар учун 50 фоизга ва ўрта юк автомобиллари учун 44 фоизга камаяди. Мисол учун, Ғишматни компанияси ишлаб чиқарган мошина ҳавога белгиланган стандартдан кўпроқ заҳарли газ чиқарса, уни компаниясига катта штраф солинади.
Бу қонундан 2032 йилгача бўлган муддатда автомобиль сотувининг 56 фоизини электр транспортига ўтказиш мақсад қилинган. Янги нормалар ҳавога 7 млрд тоннадан ортиқ карбонат ангидрид чиқиндилари чиқишининг олдини олиб, иқтисодиётга ҳар йили қарийб 100 млрд доллар фойда келтиради.
Оқлемиз и дуо қиламиз 🫡
🧠@nurbekalimov
Нега тижоратда қонуний ишлаш кераклигини сабабларидан бири чиқиб қолди
Ўтган йили эсингизда бўлса Андижон вилоятининг Балиқчи туманидаги буюм бозори ёниб кетган. Гувоҳлар фикрича бунга сабаб ўша ердаги ошхона эгаси ёнғин хавфсизлигига риоя қилмагани кўрсатилган. Ёнғиндан зарар кўрганлардан мулкларини қопланиши учун товар накладнойлари, чеклари там терминал айланмаси сўраляпти экан.
Сотувчилар эса товарларни Қўқон бозоридан нақд пулга олиб келишган. Энди қонун шунақада, ким келиб мени палон суммалик товарим ёниб кетди, чин сўзим там қасам ичаман десаям ишонмайди. Хужжат керак. Хужжат бўлиши учун солиқдан қочмаслик, фаолиятни соядан чиқариш керак.
Бу тадбиркорлар катта бойлар эмас, оддий майда савдогарлар. Масала тупикда. Жабрдийдалар ўша ошхоначини мулкларини хатлаб буларни зарари қопланишини сўрашмоқда, бир томондан адолатли талаб, лекин мулклар қандай хисобланади? Мушкуллари осон бўлишини тилаб қоламан. Шунчаки қизиқ кейс. Нима қилмоқ керак? Ўйлаб ўйимга етмадим.
🧠@nurbekalimov
Совет даврида турли ҳил кино, мультфильм ва шунга ўхшаш медия махсулотларида бойлар абизательна қанақадир аблах, гнида қилиб тасвирланган.
Лекин халқ ичида маърифатпарвар, халқ учун, мустақиллик учун курашган бойлар ҳам жуда кўп эди.
Бугунги сонимиз қаҳрамони ана шундай бойлардан бири, андижонлик Миркомилбой ҳақид. У ким эди?
Лойиҳамизни сўм билан қўллаб қувватловчи жгарларга бу ишни https://tirikchilik.uz/alimoff сайтида қилиш мумкинлигини эслатиб ўтамиз. Бунга имконингиз бўлмаса шунчаки лайк, подписка ва комментарий билан қўлласангиз ҳам хурсанд бўламиз🫡
Видео ролик: 👉 https://youtu.be/bvCmtWkE_yA?si=dZmTProm_CHFiDu_
Ўзбекистоннинг Москвадаги элчихонаси Москва вилоятидаги «Крокус сити ҳолл» биносида рўй берган портлаш ва отишмада жабрланган Ўзбекистон фуқаролари ҳақида маълумот келиб тушмаганини маълум қилди.
Қайд этилишича, элчихона ҳуқуқ-тартибот идоралари билан яқин алоқада бўлиб турибди, ҳозирда жабрланган Ўзбекистон фуқаролари ҳақида маълумот келиб тушмаган.
«Ўзбекистон фуқароларини хотиржамликка ва хавфсизлик чораларига риоя қилишга чақирамиз», — дейилади баёнотда.
Фуқаролардан зарур ҳолларда Ўзбекистоннинг Москвадаги элчихонаси консуллик бўлимининг Call марказига (+7 499 238-36-20; +7−499 230−00−76) қўнғироқ қилиш сўралди.
🧠@nurbekalimov
Бугун соат 22:10 да Миллий Тв каналида бизнинг жамоани Заковат интеллектуал ўйинидаги навбатдаги “жанг”ини кўришингиз мумкин.
Бир нарсани айта оламан, ўйин жуда шиддатли кечди. 🫡
🧠@nurbekalimov
Уйдаги томорқадан канча соққа қилиш мумкинлигини биласми?
Ишаноринг катта соққа қилса бўларкан бундан. Буни Агробанк томонидан йўлга қўйилган "Менинг томорқам" лойиҳасини томоша қилиб, билиб олишингиз мумкин. Фақат нимани ва қачон экиш кераклигини билсангиз бўлди, ўйингиздаги ўша томорқадан яхшигина даромад олишингиз мумкин. Албатта, бунинг учун уйда аяғди чўзиб ёёёётмаслик керак, ерга тушволиб меҳнатти қилиш керак. Мана, бунга Агробанк ҳам ёрдам бераман деб турипти.
Ушбу сонларда ўз томорқасидан унумли фойдаланиб, катта пул ишлаётган юртдошларимиздан қимматли маълумотлар ва лайфҳакларни оласиз. Ўзимам битта акани топган даромадини эшитиб, ҳамма ишти йиғиштирвориб, кетмонди олиб огородга тушвореймикан девордим.😁
Агробанкдаги акаларга ҳам лойиҳа учун катта раҳмат айтиб қўйиш керак, яхши ишга қўл уришипти. Лойиҳа шу билан тўхтаб қолмоқчимасакан ва унинг қўламини кенгайтириш план қилинган. Кстати, агар сиз ҳам томорқангиздан яхши даромад топяптурган бўлсангиз, лойиҳани кейинги сонларида бемалол иштирок этўрасиз. Ажовмас, шепларга ўхшаб интервью бериб турсангиз. 😎
Уйида томорқаси туриб, нима иш қилишти билмей боши айланиб турган яқинларингиз билан ҳам улашиб қўёрасиз.
Реал кейслар билан суратга олинган контентларни кўриш учун қуйидаги линкни босинг.
Логопед Дилором Жабборованинг дудуқланган болани сўкиниш ва қўрқитиш усулида даволашга уринган ҳолати ўрганилиб, усул «илмий асосланмаган ва педагогика қоидаларига зид» деб топилди. Шунингдек, у алдаш ва одамлар ишончини суиистеъмол қилишда айбланиб, фирибгарлик бўйича жиноий иш очилди.
Дефектолог, логопед Дилором Жабборовага нисбатан дудуқланган болани сўкиниш ва қўрқитиш усулида даволашга урингани ортидан жиноят иши қўзғатилди. Бу ҳақда болалар омбудсмани хабар берди.
Ўтган йилнинг декабрь ойида у Жиззах шаҳрида ўтказилган семинар давомида бир болани даволаётгани акс этган видео тарқалган ва ҳолат омбудсман назоратига олинганди.
Қайд этилишича, Дилором Жабборованинг иш услубига илмий ва касбий баҳо бериш учун киритган сўров асосида дефектолог ва логопедлардан иборат ишчи гуруҳ ўрганиш ўтказган.
Натижада педагогнинг иш усули мутлақо илмий асосланмаган, мураккаб дудуқланиш муаммосига тор ва ибтидоий ёндашувда экани, Жабборованинг дудуқланишни бартараф этишда қўллаётган руҳий ва жисмоний зўравонлик усуллари болаларнинг соғлиғи ва тарбиясига жиддий зарар келтириши ҳамда педагогика қоидаларига бутунлай зидлиги тўғрисида хулоса берилган, дейилади омбудсман хабарида.
Экспертлар ишчи гуруҳи хулосаси ва аниқланган бошқа ҳолатлар асосида унинг ҳаракатларида алдаш ва одамлар ишончини суиистеъмол қилиш йўли билан ўзганинг мулкини ва унинг мулкига бўлган ҳуқуқни қўлга киритишда ифодаланган жиноят аломатлари мавжудлиги аниқланган.
27 февраль куни Жиноят кодексининг 168-моддаси 1-қисми (Фирибгарлик) билан жиноят иши қўзғатилган.
Ҳозирда Юнусобод тумани ИИО ФМБ тергов бўлими томонидан жиноят иши юзасидан дастлабки тергов ҳаракатлари олиб борилмоқда.
🧠@nurbekalimov
Ижтимоий ҳимоя миллий агентлиги неварасини Россиядан қайтара омаётган бувига ёрдам берди
Ғалати ҳолат ҳақида ўқиб қолдим. Тошкентда яшайдиган аёл неварасини Россиядан олиб келолмаяптикан. Сабаби қизи ўша неварасини энагага ташлаб келган, энага эса полицияга топширворган. Полиция болани ташландиқ деб ўйлаб васийлик органига берган. Аёл неварасининг Ўзбекистонга қайтарилишида амалий ёрдам сўраган.
Айтилишича, Ижтимоий ҳимоя миллий агентлиги томонидан Ташқи ишлар вазирлиги билан ҳамкорликда мазкур ҳолат юзасидан комплекс ўрганиш ишлари бошланган. Тошкент шаҳар Мирзо Улуғбек тумани “Инсон” ижтимоий хизматлар маркази томонидан фуқаронинг вояга етмаган набирасини унинг васийлигига ўтказиш учун зарур ҳужжатлар Россиянинг васийлик ва ҳомийлик органларига юборилибди.
🧠@nurbekalimov
Тошкент вилоятида “Қабристонларни сақлаш” бўлими бошлиғи пора билан ушланипти
Маълум қилинишича, “Қабристонларни сақлаш” бўлими бошлиғи Ж.А. тадбиркор И.Т.дан дафн маросимларини ўтказиш хизматини кўрсатишга рухсат бериши эвазига 2 000 АҚШ доллари талаб қилиб, шундан 200 АҚШ долларини қўлга киритган. У яна 800 АҚШ долларини олган вақтида ашёвий далиллар билан ушланган.
Энди роддомдан биттаямта бошлиқ пора билан ушланса, бешикдан то қабргача коррупция ичида яшаберган бўламиз😁
🧠@nurbekalimov
Сиз бугун Рим империяси ҳақида ўйладингизми?
Римликлар Британияни босиб олгач, унга маҳаллий халқлар ичидан чиққан йўлбошчи Парасутагни раҳбар қилиб қўйишади. Парасутагнинг ўғиллари бўлмаган, 4 та қизи бўлган. Унинг қазои қадари етганда, тинчлик балансини сақлаб қолиш мақсадида ўз ерларини ярмини Рим империясига ярмини катта қизи Боудиккага меърос қилиб қолдиради.
Аммо гнида Римликлар бунга рози бўлишмайди ва бутун меъросни олиш мақсадида яна Британияга юриш қилишади. Боудиккани сингилларини зўрлаб, онасиниям уришади. Шунда қиз катта қўзғолон бошлайди ва Римликларни энасини кўрсатиб қўяди жангларда.
Аммо Рим бу Рим, қўшимча легионлар чақириб, қизнинг қўшинини тор мор қилишади. Боудикка эса заҳар ичиб ўзини ўлдиради. Унинг қабрига эса “Вақти келиб Цезарьлар умуман борлигини билмаган жойларни ҳам сенинг авлодларинг эгаллайди” деб ёзиб қўйишади …
Дарҳақиқат, кейинчалик дунёда Британия империяси эгаллаган худудлар Римликларни тушигаям кирмайдиган даражада катта эди…
Бугун ушбу хайкал Лондондаги Темза дарёсини бўйида қад кўтариб турибди. Унда мағрур Боудикка жанг сари кетмоқда.
🧠@nurbekalimov
СССР давлати ташкил топганидан бери дунёдаги энг ёпиқ мамлакатлардан бири бўлган. Ҳаттоки чет элга чиқиш учун фуқаролар партия ва КГБнинг бир нечта чиғириқларидан ўтишлари керак эди.
Бугунги видеоролигимизда СССР дан қочиб кетган одамлар тарихидаги энг машҳур учта эпизодни кўриб чиқамиз. Улар ер, осмон орқали ва ҳатто океанни "пиёда" сузиб ўтиб қочган одамлар эди.
Лойиҳамизни сўм билан қўллаб қувватловчи жгарларга бу ишни https://tirikchilik.uz/alimoff сайтида қилиш мумкинлигини эслатиб ўтамиз. Бунга имконингиз бўлмаса шунчаки лайк, подписка ва комментарий билан қўлласангиз ҳам хурсанд бўламиз🫡
Видео ролик: 👉 https://youtu.be/QF3HXhduFmE?si=ngw-sNOdqyziU7k_
Бизда твда кетаётган любой битта сериални олсанг қиз бой бола камбағал ёки қайнана гнида қайната латта образлари гавдаланади. Улар орасида қанақадир илмий гаплар, сиёсий дунёқарашлар конфликти бўлмайди. Бўладигани шу хотин эрини ўйнаши билан ушлавогандаги эрнинг психологик сурати. Сен буни бошқача тушундинг Гули... (Ага аслида бу бошқа нарсайди, ишандик😁)
Так вот, хиндларни "Communist Girlfriend Capitalist Boyfriend" деган фильми бор экан. Унда фильм бўйи Коммунизм ва Капитализмнинг одамлар онгидаги, бу ерда севишганлар ўртасидаги конфликтига гувоҳ бўлиш мумкин. Жа тавсия қивормайманку, лекин қанақадир забавний фильм. Ўзим ҳам Файбнинг каналида кўриб қолдим. Бундаги асос қилиб олинган идеянинг ўзи ажойиб.
Тасаввур қил бизда фильм олинсада, реалликдан қочмаган ҳолда иккита қуда свет ўчиб лифтда қамалиб қолса. Бири иқтисодий неолиберализм юлдузи Милтон Фридманни фанати иккинчиси Джон Мейнард Кейнс ёки Славой Жижекни муриди бўлса. Уссохот тортишиб ўтиришса лифтни ичида илмий бахслар билан😁
Нималар деяпман ўзи, хўш кейин ану ўзини дадасига ўзини қиморда ютқазиб қўйган қизди тақдири нима бўлди? Билдими ўша одам аслида уни отасилигини?
🧠@nurbekalimov