Telegram-канал novels_stories - قصص وروايات✏: Неотсортированное

قصص وروايات✏

17 октября 2017 22:29

مقاطعاً بتوتر : أوعي تكوني نيلتي الدنيا ؟؟
-سيلين بانزعاج واضح : مش عارفة ، بس مش هسيبهم

لم يعد رامز في حاجة لفهم ما يحدث من زوجته ، فقد أدرك أنها لم تتصرف بحكمة مع جانا ، وأنها

قد أخفقت في مسعاها ....
-رامز على مضض : calm down now.. انا جايلك

أنهى رامز المكالمة مع سيلين ، ثم كور قبضة يده في ضيق واضح ،و...
-رامز وهو يلوي فمه : اكيد عملت مصيبة ! بغبائها واستعجالها هتبوظ كل اللي بخططله !! أنا

قولتلها من الأول متروحش عند جانا والجماعة الفقر دول عندها ، بس دماغها جزمة وعملت اللي

هي عاوزاه ....!!!!!
ثم رن هاتف رامز ، فرفعه ليرى اسم المتصل ، فامتعض وجهه حينما قرأه ، ولكنه كان مضطراً أن

يجيب على ذلك الاتصال ،،،
-رامز هاتفياً ببرود : ألوو
-دارين هاتفياً بتوتر : هاي رامز
-رامز بقرف: خير يا دارين
-دارين بتردد : أنا.. أنا ..
-رامز متسائلاً في حنق : انتي ايه يا دارين؟
-دارين وهي تبتلع ريقها في توتر شديد : أنا pregnant!!!

اعتلت الدهشة وجه رامز ، وفغر شفتيه في صدمة ، ولم يصدق ما قد سمع لتوه و...
-رامز بتهكم صريح : نعم ياختي ؟
-دارين بنبرة مضطربة : زي ما بقولك كده ، أنا حامل

صمت رامــــز للحظات ، وكأنه يحاول أن يفكر في حل سريع للخروج من ذلك المأزق ، لذا ..
-رامز ببرود تــام : طب مبروك

اندهشت دارين من ردة فعل رامز الجافة على ما قالته و...
-دارين بقلق : بس ده ..ده منك انت
-رامز بتهكم: وده من ايه ان شاء الله ..!!!!
-دارين بنظرات متوجسة ، وبعدم فهم : قصدك ايه ؟؟؟
-رامز بنبرة جــافة وقاسية : قصدي يا حلوة ، شوفي حد تاني تلزقيله المصيبة دي

شعرت دارين أنها قد تلقت دلواً من المــاء البارد على رأسها و...
-دارين بنظرات زائغة ، ونبرة مرتعدة : انت بتقول ايه ؟؟؟ مش انت اللي كنت نايم معايا
-رامز بنبرة قاسية : لأ يا حلوة ، أنا واخدك used ، سكاند هاند يعني ، شوفي مين قبلي غلط معاكي

ابتلعت دارين ريقها في توتر صريح ، وأطرقت رأسها في خزي و...
-دارين بخوف وصوت خافت : بس.. بس.. ده أنا حامل منك
-رامز بقسوة : معرفكيش

تملك الغضب دارين حينما وصل حديثها مع رامز إلى طريق مسدود و...
-دارين بنبرة حــــادة : انت جبان وخسيس و...
-رامز بنبرة محذرة وصوت صارم : لمي نفسك يا بت انتي ، وبعدين كله كان بمزاجك أنا

مضربتكيش على ايدك ..!!!!!!!

بدأت العبرات تتجمع في مقلتي دراين ، ثم أجهشت في البكاء ، وحاولت أن تسيطر على انفعالها و..
-دارين بنبرة باكية وصوت مختنق : انت ضحكت عليا وفهمتني انك آآآآ.....
-رامز مقاطعاً ببرود شديد : كان برضاكي ولا لأ ، وزي ما قولتلك أنا مكونتش أول حد في حياتك ،

فشوفي حد غيري تلبسيه الليلة
-دارين بنبرة تهديد : انا .. أنا هفضحك
-رامز بعدم اكتراث ، ونبرة جافة للغاية : روحي ، هو أنا حوشتك .. ويا رايح كتر من الفضايح .. يا

بت ده أنا صايع قديم .. لافف وداير ، مش واحدة زيك لسه مطلعتش من البيضة هتعملهم عليا

اغتاظت دارين أكثر من قسوة رامز معها ، فضاقت عينيها ، وجففت دموعها و...
-دارين بحدة : اه يا واطي يا ...
-رامز بنبرة عالية وصارمة : اخرسي واسمعيني ، أنا ممكن أساعدك ، أوديكي عند دكتور من اياهم

يظبطك ...!!

خفق قلب دارين بقوة حينما سمعت تلك العبارة الأخيرة منه ، و...
-دارين بنظرات مصدومة ، ونبرة منفعلة : انت اتجننت ، ده أنا ممكن أروح فيها
-رامز بإيجــــاز : خلاص اتصرفي بمعرفتك ، سلام يا .. يا قطة !!

............
أنهى رامز المكالمة مع دارين دون أن يعبيء بها ، في حين اجهشت دارين بالبكاء ، وإنهارت تماماً

، ولم تعد تقوْ ساقيها على حملها ، فجثت على ركبتيها وظلت ترثي حالها و...

-دارين ببكاء مرير : أنا .. انا اللي ضيعت نفسي !!
......
Flash Back ◘◘◘ لما حدث مع دارين ،،،،

أثناء وجود دارين في المطعم مع حـــازم وسيلين ورامز ، وبعد استئذان دارين للذهاب إلى المرحاض

، عرض رامز عليها أن يريها الطريق ، لذا انصرف كلاهما سوياً ، اقترب رامز من دارين ، ووضع

يده على خصرها ، فانتفض جسدها فزعاً منه ، في حين رمقها هو بنظرات جريئة و......
-رامز وهو يتنحنح : احم .. آآ.. سوري ان كنت خضيتك
-دارين بحرج : It's Okay

-رامز مبتسماً في خبث : ممكن your phone number عشان نكون على تواصل
-دارين بنبرة ناعمة : شور مستر رامز ..
-رامز بنظرات لئيمة : انتي ممكن تقوليلي رامز ع طول
-دارين بتردد : بس.. بس
-رامز مازحاً : It's okay, I am not so old
-دارين وهي تضحك: هههههههههههههههههه ، طبعاً حضرتك لسه شباب
-رامز وهو يشير بيده : اتفضلي ، وأنا هنتظرك
-دارين مبتسمة نص ابتسامة : ثانكس

.................
◘◘◘ في اليوم التالي ،،،،

اتصل زيدان هاتفياً بدراين لكي يبدأ في السيطرة عليها وإخضاعها تحت إمرته ، بالإضافة إلى

الاستفادة منها و...
-رامز هاتفياً بصوت خافت : ألوو .. دارين
-دارين هاتفياً بنبرة عادية : هاي مستر رامز
-رامز بلؤم : مش اتفقنا تقوليلي رامز ع طول
-دارين وه