Telegram-канал natnaelmekonnen21 - Natnael Mekonnen: Неотсортированное

Natnael Mekonnen

05 апреля 2024 12:41

በአላማጣ ከተማ በወንጭፍ አደባባይ ደማቅ የአደባባይ ፈጢር ተካሄደ።

በአላማጣ ከተማ በወንጭፍ አደባባይ ደማቅ የአደባባይ ፈጢር በትላንትናው እለት ተካሄደ።ይህ የፈጢር ፕሮግራም ሲካሄድ የዘንድሮ የመጀመሪያው ሲሆን በደመቀ መልኩ እንዲከበር የአላማጣ ከተማ አስተዳደር ፣ የክርስትና እምነት የሃይማኖት አባቶች ፣ አቢሲያ ባንክ አላማጣ ቅርጫፍ፣ በጎ አድራጊ የወጣት ማህበራት እና ወጣቶች ከፍተኛውን ሚና ተጫውተዋል።

በዚህ የፈጢር ፕሮግራም የአላማጣ ከተማ አስተዳደር ከንቲባ አቶ ሃይሉ አበራ መልዕክት አስተላልፈዋል።በመልዕኩም አቶ ሃይሉ አበራ "እንኳን ለ1445 ዓመት ሂጅራ ሮመዳን የፆም ወቅት የማገባደጃ ሳምንት በሰላም አደረሳቹህ አደረሰን በማለት ጀምረው አክለውም ዛሬ በዚህ መልክ በጎዳና ላይ በህብረት ስናከብር የሚያሳየው ስንተባበር ጠንካሮች መሆናችንን ለመጪው ትውልድ በተለይም ለወጣቱ ከፍ ያለ ትምህርትና ምሳሌነትን ያሳያል ብለዋል።በተጨማሪም ይህ የኢፍጥር ፕሮግራም አዘጋጅተን በአብሮነት ስናሳልፍ የምንማረው ቁም ነገር ፍቅር ካለ ሰላም አለ ፣ ሰላም ካለ መግባባት አለ መግባባት ካለ ደግሞ እውቀትና መፍትሄ ይኖራል ሲሉ ለሁሉም በፕሮግራሙ ለታደሙት መልዕክታቸውን አስተላልፈዋል።

በመጨረሻም አቶ አይሉ አበራ "ወደፊትም ችግሮቻችንም ሆነ ደስታዎቻችንን በጋራ እያሳለፍን ፍቅርና መተሳሰብን እያጎለበትን የከተማችንን ሰላምና ልማት እጅግ ከፍ ማድረግ እንደምንችል ያለኝን ተስፋ መግለፅ እወዳለሁ" በማለት ለታዳሚው ሀሳባቸውን ገልፀዋል።የፈጢሩ ፕሮግራም የከተማውን ማህበረሰብ አንድ ያደረገ እና ሁለቱንም እምነቶች አብሮነትን ያስተሳሰረ እንደሆነ አንድ አንድ ታዳሚዎችም ገልፀዋል።

በመጨረሻም የአላማጣ ከተማ የኢማም ም/ቤት ሊቀ መንበር እና የሸሪአ ፍርድ ቤት ዋና ዳኛ ሸኽ መሃመድ አወል ሸኽ ሕዝቡላህ ከተናገሩት ንግግር እስካሁን በከተማችን እንዲህ ዓይነት ፕሮግራም ተደርጎ እንደማያውቅ እና ፕሮግራሙ እንዲሳካ ላደረጉ የመንግስት አካላት እና ለክርስትና እምነት ተከታይ አባቶች እንዲሁም ለወጣቶቹ ምስጋናቸውን አቅርበዋል።በተጨማሪም ሸኽመሀመድ አወል ከፆም ስለሚገኙት በረከቶችና ስርዓቶች እንዲህ ሲሉ ለእምነት ተከታዩ መልዕክታቸውን አስተላልፈዋል።

1,በህይወት ቆይታችን ሙሉ ለሁሉም የሚገባንን በመሆን አሏህን በመፍራትና በመጠንቀቅ መዝለቅ

2, ታጋሽነትን በሙሉ ቅርፅ ወደ ህይወታችን ተጨባጭ ሁኔታ ማምጣትና መልካምነትን በዘለቄታነት መፀብየት

3, ስነ ምግባራችን ማሳመር እና እነኚህን ጥቅል የፆም ትሩፋቶች በረመዳን ብቻ ሳይሆን ህልፈተ ህይወት መጥቶ መኖር ይብቃ እስከምንባልበት ያሏህ የማይቀረው ቀነ ቀጠሮ ድረስ ትጉህ ሁነን በዘላቂነት መተግበር ግድ ይለናል።የረመዳን ጌታ የሁሉም ወራት ጌታ ነውና ከረመዳኗም ቡሃላ አሏህን በተገቢው ያዘዘንን በመስራት ከከለከለን እኩይ ተግባር በመፅዳት ቀጥ ማለት ይኖርብናል ብለዋል።

በመጨረሻም ሸኽ መሀመድ አወል "ያሏህን ትዛዝ የሱን ውዴታና መልካም ዋጋ በመፈለግ እና የቀጣዩን ዓለም ህይወት ለማሳመር በማሰብ ብቻ መፈፀም ይኖርበታል ብለው መልዕክታቸውን አስተላልፈዋል።