181663
በቀጥታ መረጃዎችን ለመስጠት ሲፈልጉና ማስታወቂያ ማሰራት ከፈለጉ 👉 @NatnaelMekonnen7 Facebook.com/natnaelmekonnen.et Instagram.com/natnaelmekonnen21
የሰላም መንገድ አማራጭ የሌለውና ሁሉንም ተጠቃሚ የሚያደርግ መንገድ ነው - ከንቲባ አዳነች አቤቤ
የኦሮሞ ነፃነት ሠራዊት (ኦነግ ሸኔ) ከፍተኛ አመራር በሆኑት ጃል ሰኚ ነጋሳ የተመራ የሠራዊቱ አመራሮች የዓድዋ ድል መታሰቢያን እና ሌሎች የልማት ስራዎችን ተዘዋውረው ከጎበኙ በኋላ ከንቲባ አዳነች አቤቤ እንኳን ወደ ሰላም መንገድ መጣችሁ ብለው ተቀብለዋቸዋል::
በዚሁ ወቅት ከንቲባ አዳነች አቤቤ፤ የሰላም መንገድ አማራጭ የሌለው እና ሁሉንም ተጠቃሚ የሚያደርግ መንገድ መሆኑን በመረዳት መንግስት ላደረገው ጥሪ የኦሮሞ ነፃነት ሠራዊት አባላት የሰጡት ምላሽ የሚያስመሰግን መሆኑን ጠቅሰዋል፡፡
ስምምነቱ የፖለቲካ እና የሃሳብ ልዩነቶችን ዘመናዊ በሆነ መንገድ በውይይትና በሰላም መፍታት ለሌሎችም አርአያ የሚሆን ተግባር መሆኑን ገልጸዋል::
የኦሮሞ ነፃነት ሠራዊት ከፍተኛ አመራር ጃል ሰኚ ነጋሳ በበኩላቸው፤ ለተደረገላቸው አቀባበል አመስግነው፤ የሰላም ጥሪውን የተቀበሉት የህዝብን ጉዳት ለመቀነስ እና የሰላም አማራጭን መቀበል ብልህነትና አዋቂነት መሆኑን በመረዳታቸው እንደሆነ ተናግረዋል::
በኦሮሚያ ክልል መንግሥት እና የኦሮሞ ነፃነት ሠራዊት ከፍተኛ አመራሮች መካከል የሰላም ስምምነት መፈራረሙን ተከትሎ የኦሮሞ ነፃነት ሠራዊት አባላት የዓድዋ ድል መታሰቢያን፣ አንድነት ፓርክን እንዲሁም በአዲስ አበባ የተገነቡ ሌሎች ፕሮጀክቶችን ተዘዋውረው መጎብኘታቸውን የከንቲባ ፅ/ቤት መረጃ ያመለክታል::
የሰላም ወሬ መስማት እንዴት ደስ ያሰኛል‼️
የኦሮሚያ ክልል መንግሥት እና የኦሮሞ ነጻነት ሠራዊት (ኦነግ ሸኔ) አመራሮች የደረሱትን የሰላም ስምምነት ተከትሎ በተለያዩ አካባቢዎች የሚንቀሳቀሱ የኦሮሞ ነጻነት ሠራዊት አባላት ወደ ካምፕ ሲገቡ ውለዋል:: የተቀሩት ታጣቂዎች ነገና ከነገ ወዲያ ሙሉ በሙሉ ካሉበት አካባቢ በመነሳ ወደ ተዘጋጀላቸው ካምፕ ይገባሉ::
Good News : በምዕራብ ሸዋ ጮቢ ወረዳ የኦሮሞ ነፃነት ሰራዊት አመራር ጃል ሰኚ እና ኦሮሚያ ክልላዊ መንግሥት መካከል የተደረሰው የሰላም ስምምነት ተከትሎ የትጥቅ ትግሉን በመተው በዛሬው እለት ወደ ሰላማዊ ትግል የገቡ ታጣቂዎች።
ሰላም ለሀገራችን❗️
ሰላም ለህዝባችን❗️
"ባለፉት የለውጥ አመታት በሶማሌ ክልል የተረጋገጠው ሰላም እና ልማት የየበኩላችንን በመውሰድ እናስቀጥላለን"፦ በአውሮፓ የሚኖሩ የዲያስፖራው ማህበረሰብ
ባለፉት የለውጥ አመታት በሶማሌ ክልል የተረጋገጠው ሰላም እና ልማት የበኩላችንን ወስደን ለማስቀጠል ቃል እንገባለን ሲሉ ኑሮዋቸውን በአውሮፓ በተለይ በስካንዴኔቭያን ሀገራት ያደረጉ የሶማሌ ክልል ተወላጆችና የዲያስፖራው ማህበረሰብ አባላት ገለፁ።
የሶማሌ ክልል ፕሬዝዳንት ክቡር አቶ ሙስጠፋ ሙሁመድ ከአውሮፓ ሀገራት የተውጣጡ የክልሉ ተወላጆች እና ትውልድ ኢትዮጵያዊያን የዲያስፖራ ማህበረሰብ አባላት ጋር በስዊድን ስቶኾልም ከተማ ተወያዩ።
በውይይቱም ፕሬዝዳንት ሙስጠፋ ለተደረገላቸው ደማቅ አቀባበል አመስግነው፣ በኢትዮጵያ በተለይ በሶማሌ ክልል የሰፈነው ለውጥ ያስገኛቸው ፍሬዎች እና ድሎል እንዲሁም ወቅታዊ ጉዳዮች ዙሪያ ለዲያስፖራው ማህበረሰብ ገለፃ አድርገዋል።
ፕሬዝዳንት ሙስጠፋ በገለፃቸው፤ በክቡር ጠቅላይ ሚኒስትር ዶ/ር አብይ አህመድ መሪነት በፖለቲካው ዘርፍ በተደረገው ሪፎርም ኢትዮጵያ የሁሉም ኢትዮጵያዊያን ሆና ዜጎች በሀገራቸው ፖለቲካዊ፣ ኢኮኖሚያዊ እና ማህበራዊ ጉዳዮች ላይ ተሳታፊና ተጠቃሚ እንዲሆኑ ተረጋግጧል ብለው፣ ለዚህም ላለፉት ስድስት አመታት በሶማሌ ክልል የሰፈነው ሰላም፣ ልማትና የክልሉ ህዝብ በሀገር ጉዳይ ላይ ከተመልካችነት ወደ ውሳኔ ሰጪነት የመጣበት ሁኔታ ማሳያ ነው ብለዋል።
በተለይም ባለፉት ስድስት አመታት በኢትዮጵያ በተፈጠረው ለውጥ አማካኝነት በሶማሌ ክልል የሀይማኖት ነፃነት፣ ሰበዓዊ መብት መጠበቅ፣ ፖለቲካ ምህዳር መስፋትና ማንም በፖለቲካ አመለካከቱ በሀሳቡ እንደማይታሰር እና የህዝቡን ጥያቄዎች ደረጃ በደረጃ መልስ መስጠት መቻሉን ገልጸዋል።
አቶ ሙስጠፋ ባለፉት አመታት እንደ ጤና፣ መንገድ፣ ትምህርት፣ ከተማ ልማት፣ ግብርና፣ የ24 ሰዓት የኤሌክትሪክ ሃይልና የስራ እድል ፈጠራ፣ የኢኮኖሚ ሪፎርም፣ያሉ አንኳር የልማት ሥራዎችን መሰራታቸውን አንስተዋል።
በሶማሌ ክልል የፌዴራል እና የክልሉ መንግሥት ከሰላሙ ባሻገር ለ50 አመታት ያልተሰሩ የልማት ሥራዎች ባለፉት ስድስት አመታት ብቻ መሰራታቸውን ጠቁመው፣ በተለይ በጤናው መስክ ከስድስት አመታት በፊት በክልሉ 9 ሆስፒታሎች ብቻ እንደነበሩና፣ ለውጡ ማግስት 9 አዳዲስ ሆስፒታሎች ተገንብተው አገልግሎት እየሰጡ እንሆነና በአሁኑ ወቅትም 15 ሆስፒታሎች በግንባታ ሂደት ላይ መሆናቸውን ገልፀዋል።
በሌላ በኩል በክልሉ የመንገድ አውታሮች ማስፋፋት መቻሉንና የፌደራሉ መንግሥት ከ2 ሺህኪ.ሜ በላይ የአስፓልት መንገድ በክልሉ መገንባቱንና ሌሎች በርካታ መነረገዶችም በግንባታ ላይ ናቸው ብለው፣ ከኤሌክትሪክ ሃይል አገልግሎት ጋር በተያያዘም ባለፉት ስድስት አመታት በክልሉ 80 የሚሆኑ ከተሞች ወረዳዎች እና በቀበሌ ደረጃ ያሉ የ24 ሰዓት ኤሌክትሪክ ተጠቃሚ መሆን መቻላቸውን በውይይት መድረኩ ላይ ተናግረዋል።
ይህ በእንዲህ እንዳለም መንግሥት ለዲያስፖራው ምቹ ሁኔታዎችን ማመቻነቱንና፣ በውጭ ሀገራት የቀሰሙትን እውቀትና ያፈሩትን ሀብት ወደ ሀገራቸው ተመልሰው ኢንቨስት በማድረግ እራሳቸውንም ሆነ ዜጎችን እንዲጠቅሙ ፕሬዝዳንት ሙስጠፋ ጥሪ አቅርበዋል።
በበኩላቸው በውይይቱ ላይ የተሳተፉ የዲያስፖራው ማህበረሰብ አባላት በተወካዮቻቸው በኩል ባስተላለፉት መልዕክት፤ በተደረገላቸው ገለፃ በኢትዮጵያ በተለይ በሶማሌ ክልል ያለውን ሁኔታ ጥሩ ግንዛቤ ማግኘት መቻላቸውን ገልፀው፣ የተረጋገጠው ሰላም እና ልማት ለማስቀጠል የበኩላቸውን እንደሚወጡ ተናግረዋል።
ይህ በእንዲህ እንዳለም ዲያስፖራው ሀገር ቤት ከተለያዩ ተቋማት አገልግሎት ለማግኘት በሚሄዱበት ጊዜ መጉላላት እንዳለ ጠቁመው፣ ይህም እንዲስተካከል ጠይቀዋል።
በመጨረሻም የሶማሌ ክልል ፕሬዝዳንት አቶ ሙስጠፋ ሙሁመድ ዲያስፖራው ለክልሉ ልማትና ለዜጎች ኑሮ መሻሻል እያደረገ ያለውን የተያየ ድጋፍና እገዛ አመስግነው፣ ከአገልግሎት አሰጣጥ ጋር በተያያዘ የተነሱት ጥያቄዎች እንደሚታረሙ ተናግረዋል።
በመድረኩ ላይ በስካንዲናቪያን ሀገራት ባለሙሉ ሥልጣን አምባሳደር ምህረተአብ ሙሉጌታን ጨምሮ የሶማሌ ክልል አመራሮች እንዲሁም የስቶኾልም ከተማ ምክትል ከንቲባ ተገኝተዋል።
Good news : የኦሮሚያ ክልል መንግስት በኦሮሚያ ክልልና አካባቢው ይንቀሳቀስ ከነበረው ቡድን መሪ ጃል ሠኚ ነጋሳና እሱ ከሚመራው ሀይል ጋር የሰላም ስምምነት በአዲስ አበባ ተፈራርሟል። ይህ ውሳኔ ለኦሮሞ ህዝብም ሆነ አጠቃላይ ለኢትዮጵያ ህዝብ መልካም ዜና ነው። ሌሎቹም ሀይሎች የህዝባቸውን ድምፅ ሰምተው ባስቸኳይ ወደሰላም መድረክ ሊመጡ ይገባል።
በቦታው የጦር ኃይሎች ጠቅላይ ኢታማዦር ሹም ፊልድ ማርሻል ብርሀኑ ጁላ ተገኝተው የሰላም ጥሪውን ተቀብለው ለመጡት ሃይሎችም ሆነ የሰላም ጥሪ ላቀረበው አካል ምስጋናቸውን አቅርበው ይህ አይነቱ ተግባር በሌሎቹም አካባቢዎችም ተጠናክሮ መቀጠል እንዳለበት ገልፀዋል።
የሠራዊታችንን የማድረግ አቅም ከፍ የሚያደርጉ ዘመናዊ ወታደራዊ ትጥቆች ለዕይታ ቀርበዋል።
“የተከበረች ሀገር የማይደፈር አየር ኃይል” በሚል መሪ ቃል እየተከበረ የሚገኘውን 89ኛውን የአየር ኃይል ቀን የምስረታ በዓልን በማስመልከት የኢፌዴሪ አየር ኃይል ያዘጋጀው የአቭዬሽንና የተለያዩ ወታደራዊ ትጥቆች ኤግዚቪሽን በጦር ኃይሎች ጠቅላይ ኢታማዦር ሹም ክቡር ፊልድ ማርሻል ብርሃኑ ጁላ በይፋ ተመርቆ ተከፍቷል።
በኢፌዴሪ አየር ኃይል ፣በመከላከያ ኢንጂነሪንግ ኢንዱስትሪ ኮርፖሬሽን በመከላከያ ዩኒቨርሲቲ የተመረቱ እንዲሁም ደግሞ አፕግሬዲንግና ኦቨርሆል ተደርጎላቸው የሠራዊታችንን የማድረግ አቅም ከፍ የሚያደርጉ ልዩ ልዩ ዘመናዊ ወታደራዊ ትጥቆች በኤግዚቢሽኑ ላይ ለዕይታ ቀርበዋል።
ትጥቆቹ የኢትዮጵያን አየር ኃይል እና የመከላከያ የኢንዱስትሪ ተቋማትን የፈጠራ አቅም ያሳዩ ከመሆኑም ባሻገር በራስ አቅም ጠንካራ ተቋም ለመገንባት የተያዘውን ዕቅድ በአጭር ጊዜ ለማሳካት ከፍተኛ አስተዋፅኦ ያለው መሆኑ ተገልጿል።
በኤግዚቪሽኑ ላይ የአፍሪካ አየር ኃይል አዛዦች፣ ወታደራዊ አታሼዎች፣ ከፍተኛ የመንግስት የሥራ ኃላፊዎች፣ ጀኔራል መኮንኖችና ጥሪ የተደረገላቸው እንግዶች ተገኝተዋል።
ለአመታት ስቃወመው የነበረው ነገር ህወሓት እራሱ ላይ አፍጥጦ መጥቶበታል:: የዘር ፖለቲካ መጨረሻው ከሃገር አልፎ ቀበሌና ሰፈር ውስጥ ይገባል:: ወያኔ የዘራችው አሜኬላ አድጎ እራሷን ወያኔን መቀርጠፍ ይዟል። መማር ለፈለገ ከወያኔ በላይ ጥሩ ‘ት/ቤት’ አያገኝም‼️
//እኔ እንደርታዊ ነኝ ትግራዋይነትን በግድ ልትጭኑብኝ አትችሉም//
የመቀሌው ሰው ህወሓት በጠራው ህዝባዊ ውይይት ላይ የተናገረው
"Impressive progress by the Ethiopian Air Force on their 89th anniversary! The successful flight readiness of Sun 2 is a major milestone in their journey towards becoming the largest air force in Africa by 2030. Proud to see such innovation and growth! #Ethiopia #AirForce
Читать полностью…
“ችግሩ ካልተፈታ የፌደራል መንግሥት ክልሉን ይረከባል”አቶ ጌታቸው
የህወሓት አመራሮች በውስጣቸው ያለውን በመፍታት ያዋጣል የሚሉትን መንገድ የማያቀርቡ ከኾነ፣ ብልጽግና የክልሉን አስተዳደር ራሱ ሊይዘው እንደሚችል ማሳሰቢያ መስጠቱን፣ የትግራይ ክልል ጊዜያዊ አስተዳደር ፕሬዝዳንት ጌታቸው ረዳ ተናገሩ።
አቶ ጌታቸው ብዙኅን መገናኛ በሰጡት መግለጫ፣ በክልሉ ባለፉት ሦስት ወራት ተኩል ከ28 ኩንታል በላይ ወርቅ መዘረፉን እና ወደ ፌዳራል መንግሥትም ሆነ “የክልሉ መንግሥት ከዚህ ውስጥ ያገኘው ገቢ የለም” ብለዋል።
ሠውዬውን ለምን እደግፈዋለሁ?
የአብይ ፈተና የጀመረው በመጣ በጥቂት ቀን ውስጥ የድጋፍ ሰልፍ ላይ ቦንብ በመወርወር ነበር። ይህ በሆነ በጥቂት ወራት ውስጥ ደግሞ በተቀናጀ ሁኔታ በሚዲያ ከባድ ስሙን የመበከል ተግባር ይፈፀምበት ጀመር።
በአንድ ቡድን Monopoly ተይዞ የነበረውን የደህንነትና የመከላከያ chain of command እንደገና ለማዋቀር ሲሞክር Power vacuum መፈጠሩን ያዩ ጠላቶች ከገዛ ድርጅቱ ባንዳዎች ጋር በፉጨት ተጠራርተው ከ 120 በላይ መፈናቀሎች በሐገሪቱ ላይ በጭካኔ በመፈፀም ሐገሪቱን በአጭር ግዜ ውስጥ በሐገር ውስጥ መፈናቀል ከአለም አንደኛ አድርገው ኢትዮጵያ እየደማች እነሱ ዳር ቆመው ማላገጥ ጀመሩ። ሠውየው ግን ጥርሱን ነክሶ ጉዞውን ቀጠለ። ህዝብ ከባድ ድንጋጤ ውስጥ ገባ።
ያፈሰሱት ደም ያላረካቸው የጥፋት ኔቶርኮች ሚሊየኖችን ለሚዲያ በመመደብ specifically አብይን ሰይጣናዊ መልክ በመስጠት ከህዝቡ ሊነጥሉት ሠሩ። አነስተኛ መፈንቅለ መንግስት ከመሞከር ጀምሮ ጠቅላይ ሚኒስትሩ ላይ የግድያ ሙከራ እከማቀነባበር እቅድ ነደፉ። ሠውየውን ግን ማቆም የሚችል እቅድና ሴራ ፈፅሞ ሊፈጠር አልቻለም። ጉዞውን ቀጠለ።
አንዱ የኦሮሞ ጠላት አረገው። ሌላው የአማራ ጠላት ነው ብሎ የፕሮፖጋንዳ ዘመቻ ከፈተበት። የገዛ የሚመራትን ሐገር ህዝብ አፈናቀለ የሚል የሞኝ ዘመቻ ተከፈተበት። እኔ በዚህ ሁሉ ነገር ውስጥ የሚፈጠሩትን ነገሮች ከቅርብ ሆኜ ታዝቢያለሁ። የሰውዬውን ልፋትና በሱ ላይ የተከፈተውን የማያቋርጥ ዘመቻና የጠላትን ክፋትም አይቻለሁ።
ሁሉ እንዳልተሳካ ያዩ ጠላቶች የመጨረሻ አማራጭ ያሉትን ጦርነት ከፈቱ። የጦርነቱ አስከፊ ጎን መከላከያ ሠራዊታችን የተመታው ውስጡ ባሉ ከሃዲዎች መሆኑ ነበር። ባመነው ተከዳ። ከጀርባ ተወጋ። ግዜ ጠብቀው ጦርነት ከፈቱበት። ነገር ግን ይህ ሁሉ እልቂትና የሚዲያ ዘመቻ ያላሸነፈው የኢትዮጵያ ህዝብ ከአብይና ከመከላከያ ጎን ተሰለፈ ሠውየው የአለም አቀፍ ጫናና የዲስኩር ጋጋታ አድርገው ወደአዲስ አበባ ተጠጋን ሲሉ ጭራሽ ወደጦር ሜዳ ሄዶ ፊት ለፊት እንደወንድ ገጠማቸው። ግዙፍ የሚመስለውንና በአውሮፕላን ሳይቀር ከካይሮ መሳሪያ ይላክለት የነበረውን ጎልያድ በፈጣሪ ድጋፍ ድል አደረገ። የሚገርመው ድል ማድረጉ አይደለም። ይህን ሁሉ ያደረገውን አካል ሊያጠፋ ሲችል በድሉ አፋፍ ላይ ቆሞ የይቅርታ እጁን ዘረጋ።
ፈተናው ቀጠለ። የኢትዮጵያ ጠላቶች አልተኙም። የብሔራቸውን ካባ ለብሰው በነፃ አውጪ ስም እዚያም እዚም ተደራጁ። ሐገራቸው ላይ ከግብፅ እስከሶማሊያ ከሐገር ቤት እስከአንታርቲካ የሚዘረጋ የጥፋት ሴራ ይሸርባሉ። ሐገሪቱን እረፍት መንሳትና ሠውየውን የማቆም ዘመቻው ቀጠለ። የኢትዮጵያ ህዝብ አሁንም ይታዘባል።
ሠውየውን ማከብረው በፈተኑት ቁጥር ህልሙ ስለሚጨምር ነው። ጦርነት መሀል አባይን ይገነባል። እሳት መሀል ቆሞ ወደብ ያልማል። የትኛውንም አይነት ፈተና ብትደቅንበት ከመርሀግብሩ ፈቀቅ አታደርገውም። ሊያጠፉት የሚያሴሩትን ሳይቀር አሸንፏቸው ሊያጠፋቸው ሲችል ለይቅርታ እጁን ሲዘረጋ ደጋግሜ አይቸዋለሁ።
ባጭሩ ጠቅላይ ሚኒስትር ዶክተር አብይ አህመድ በኢትዮጵያ ታሪክ የትኛውም መሪ ያልገጠመውን ፈተና በስድስት አመት ውስጥ ተፈትኖ ያለፈ። እንደወርቅ በእሳት የነጠረና ኢትዮጵያን ከመፍረስ የታደገ መሪ መሆኑን እኔ ሁሉን ነገር ከቅርብ ሆኜ የተመለከትኩት ናትናኤል መኮንን ህያው ምስክር ነኝ።
ደጃች ዉቤ ሰፈር በቻይና ጃንጉዜ የኮንስትራክሽን ድርጅት ላይ የእሳት አደጋ ደረሰ
አራዳ ክፍለ ከተማ ደጃች ዉቤ ሰፈር
በቻይና ጃንጉዜ የኮንስትራክሽን ድርጅት ላይ ያጋጠመዉን የእሳት አደጋ በቁጥጥር ስር ለማዋል የአዲስ አበባ እሳትና አደጋ ስጋት ሰራ አመራር ኮሚሽን የአደጋ ጊዜ ሰራተኞች ርብርብ እያደረጉ መሆኑን ኮሚሽኑ አስታውቋል።
ጠቅላይ ሚኒስትር ዐቢይ አሕመድ በጋምቤላ ክልል የተገነባውን ኢትኖ ማይኒንግ የወርቅ ፋብሪካ በዛሬው ዕለት መርቀው ከፍተዋል፡፡
ጠቅላይ ሚኒስትሩ በማህበራዊ ትስስር ገጻቸው ባሰፈሩት ጽሑፍ÷ ኢትኖ ማይኒንግ የአኮቦ ሚኒራልስ ኩባንያ መጋቢ መሆኑን አንስተዋል፡፡
ኩባንያው በስካንዲኔቪያን ሀገራት መሠረቱን ያደረገ በኢትዮጵያ ኢንቨስትመንት ሆልዲንግስ በኩል ከኢትዮጵያ መንግሥት ጋር ወርቅ ፍለጋ እና ማውጫ ላይ የተሰማራ መሆኑንም ጠቅሰዋል፡፡
በጋምቤላ ክልል አኮቦ ወረዳ በተከናወነው ትርጉም ባለው የኢንቨስትመንት ሥራም ለሁሉም አካላት የእንኳን ደስ አላችሁ መልዕክት አስተላልፈዋል፡፡
ባለፉት ሶስት አስርት ዓመታት በአኮቦ የምትገኘው ዲማ ከተማ በአነስተኛ ባሕላዊ የወርቅ ማዕድን ማውጣት ሒደት ለብዙ ጊዜ ብክነት የተሞላበት አሠራር መቆየቱን አስታውሰዋል።
ይህ አዲስ ኢንቨስትመንት በአጭር ጊዜ ውስጥ አመርቂ እና ደረጃውን የጠበቀ የወርቅ ምርት ከማስገኘቱም በላይ በሕገ-ወጥ የማዕድን ሥራ ለተጋረጠው ፈተና ምላሽ ይሰጣል ሲሉም አስገንዝበዋል፡፡
ከዚህ ባለፈም ለጋምቤላ ክልል ዘላቂ ልማት በክልሉ ያለውን እምቅ ሃብት ለሕዝቡ እና ለክልሉ ጠቀሜታ ለማዋል ያለውን ተነሳሽነት እንደሚያሳይም ነው ያስረዱት፡፡
በሱሉልታ ክፍለ ከተማ ወሰርቢ ወረዳ ቢሎ ዞን ልዬ ቦታው ኮንቦልቻ ተብሎ በሚጠራው አካባቢ አዱኛ ጭኮ ሆርዶፋ የተባለ ግለሰብ ከውጭ ሀገር ለሸኔ ሽብር ቡድን አመራር ለሆነው ቦሬ ለተባለው የተላከ ብዛቱ 29,985 ዶላር አቡ ወይም ሮብሰን ከተባለ የቡድኑ ሴል በመቀበል በመኖሪያ ቤቱ በመደበቅ ዶላሩን በህዳር 12/2017 ወደ ቦሬ ለመላክ ዝግጅት ላይ እያለ በተገኘው መረጃ መሰረት ዛሬ ከቀኑ 6:30 በቁጥጥር ስር ውሏል።
Читать полностью…
በዳንሻ፣ በሶሮቃና አካባቢው የፅንፈኛው ቡድን አባላት እጅ ሰጥተዋል።
የፅንፈኛው ቡድን አባላት ከነሙሉ ትጥቃቸው በዳንሻ፣ በሶሮቃና አካባቢው በስምሪት ላይ ለሚገኘው የሰሜን ምዕራብ ዕዝ ኮር የሠራዊት አባላት እጅ እየሰጡ ነው።
የኮሩ የሠራዊት አባላት በአካባቢው የፀጥታ መዋቅር በማደራጀት እና በመቀናጀት ባደረጉት ህግ የማስከበር ኦፕሬሽን የፅንፈኛው ቡድን ተበታትኖ እጁን እንዲሰጥ አድርጓል ያሉት የኮሩ ምክትል አዛዥ ለውጊያ አገልግሎት ድጋፍ ኮሎኔል መዝገቡ ዘሩ አሁን ላይ በቡድኑ ተፅዕኖ ስር የነበረውን አካባቢ በማፅዳትና አንፃራዊ ሰላም እንዲመዘገብ በማድረግ ህዝቡ የተለመደ ተግባሩን እያከናወነ እንደሚገኝ አስረድተዋል።
የተሰጠውን የሰላም አማራጭ እድል በመጠቀም በርካቶች በሰላም እጃቸውን እየሰጡ እንደሆነ የገለፁት ኮሎኔል መዝገቡ ይህን ሳይጠቀም ወደ ለመደው ዘረፋ፣ ግድያ፣ ውድመት ድርጊቱ የገባው ፀረ-ህዝብ ቡድን ላይ ሠራዊቱ እርምጃ መውሠዱን አጠናክሮ ይቀጥላል ብለዋል።
ህዝቡን በመዝረፍና ሰላም በማሳጣት ለከፋ ችግር መዳረጋቸውን የተናገሩት እጅ የሰጡት የቡድኑ አባላት አሁን በተሰጣቸው የሰላም ምህረት በመጠቀም የበደሉትን ህዝብ ለመካስ ከመንግስት ጎን ተሰልፈው በሰላም ማስከበር እና በልማት ስራዎች ተሰማርተው ለመስራት ቁርጠኛ መሆናቸውን ተናግረዋል።
በምዕራብ ሸዋ ዞን የሰላም አማራጭ የተቀበሉ የሸኔ አመራርና ታጣቂዎች ወደ ሠላም ተመልሰዋል።
በምዕራብ ሸዋ ዞን ጅባት ወረዳ ፅናት ክፍለ ጦር በሠራዊቱ አመራሮችና ኦነግ ሸኔ ታጣቂ መካከል ውይይት የተካሄደ ሲሆን የጋራ መግባባት ላይ በመድረስ የቀረበላቸውን የሰላም አማራጭ ተቀብለው ወደ ሠላም መመለሳቸውን በማዕከላዊ ዕዝ የፅናት ክፍለ ጦር አዛዥ ሌተናል ኮሎኔል አማረ ሰጥአርገው ገልፀዋል።
ለሀገር የሚጠቅመውን ለህዝቡ የሚበጀውን አማራጭ በሰውኛ አስተሳሰብ በመመልከት እስካሁን የነበረው ችግር ሊቆም እንደሚገባ በውይይቱ ላይ መነሳቱን አዛዡ ተናግረዋል።
ከቡድኑ አመራሮች መካከል የጊዱ ገሌሳ አመራር ከቤ ጋድሳ በጫካ ስሙ (ኢራንጎሬ) በስሩ ከሚገኙ አመራሮች እና አባላት ጋር በመሆን መንግስት ያቀረበውን የሰላም ጥሪ በመቀበል በርካታ ታጣቂዎች ወደ ህብረተሰቡ መቀላቀላቸውን የገለፁት ሌተናል ኮሎኔል አማረ ሰጥአርገው በቀጠናው አስተማማኝ ሰላም ለማስፈን የተደረገው ጥረት ውጤታማ ነበር ብለዋል።
ውይይቱ የክፍለ ጦሩ የሠራዊት አመራሮች የወረዳ የስራ ሀላፊዎች የሀይማኖት አባቶች እና አባ ገዳዎች የተሳተፉበት ሲሆን በአካባቢው ባህልና ወግ መሰረት እርቀ ሰላም አውርደዋል።
https://youtu.be/GXTvI8sgmw8?si=tKWL6vNtJGO-gjGn
Читать полностью…
ነፍጥ ማንሳት በቃኝ:: በጦርነት የሚመጣ ለውጥ የለም ያለው የጃል ሰኚ የሚመራው ጦር ከሰዓታት በፊት በአምቦ በኩል መሳሪያውን እያስቀመጠ እየገባ ነው::
ሰላም ለሃገራችን
ሰላም ለህዝባችን
አንድ ወስላታ በሚዲያ ቀርቦ እኔን “የቀድሞው ፕሬዚዳንት” እያለ ሲጠራኝ ነበር አሉ።እሱ ችግር የለውም።ፖሊስ ጋ ቀርቦ መልስ ይሰጥበታል።የእነዚህ ሰዎች ችግር ስራ አለመስራታቸው ብቻ አይደለም።ከበፊት ጀምሮ የወንጀልና የሌብነት ኔትወርካቸው እንደሚጋለጥና እንደሚጠይቁ ስለሚያውቁ የትግራይ ፖለቲካ እንዲስተካከል አለመፈለጋቸው ነው።በዘረፋ የተሰማሩባቸው የወርቅና የመዳብ ማዕድናቱ ከእጃቸው እንዲወጣ አይፈልጉም።የትግራይ ፖለቲካ ተበላሽቶ የቀረው በነዚህ ሰዎች ምክንያት ነው
ጌታቸው ረዳ
በቡሄ ግዜ የደነቆረው ስታሊን
ስታሊን ገብረስላሴ "ጃል ሰኚ የወቦን ትግል ከዳ" ብሎ በሀዘን ስሜት የፃፈውን አየሁትና አሳቀኝ። የኦሮሞ ልጆች "መገዳደል ይብቃ" ብለው እርቀሰላም ስለፈፀሙ የአንደኛው የህውሀት ክንፍ ደጋፊዎች ድንኳን ጥለው ለቅሶ ሲቀመጡ እንደማየት የሚገርም ነገር ነው 😁
የነ ስታሊን ካምፕ ህውሀት ፕሪቶሪያ ላይ እርቅ ስትፈራረም አጨብጭበው ሰላም ከሰፈነ በኋላ፥ አማራና ኦሮሚያ ክልል ግን በጦርነት ውስጥ እንዲከርሙ ሲቀሰቅሱ ይውላሉ። ምክኒያቱም ለትግራይ ማህበራዊ እረፍት የሰጠ የሰላም አየር በኦሮሚያና በአማራ ክልል ውስጥ እንዲነፍስ አይፈልጉም። በዚህ ሰአት እንደዚህ አይነት ተራ ብልጣብልጥነት የማይገባው ኢትዮጵያዊ አለመኖሩን የተረዱት አይመስሉም።
"በቡሄ ግዜ የደነቆረ ሁልጊዜ ሆሆሆ ይላል" አሉ። ወንድሜ በድሮ በሬ ያረሰ የለም። እራስህ በጀመርከው ቁማር ጆከር ተጥሎብህ ከተሸነፍክ በኋላ "እኔ ከሞትኩ ሰርዶ አይብቀል" እንዳለችው አህያ በሰገሌ ግዜ የቀረ ተንኮል አራምዳለሁ ካልክ የአዲሱ ትውልድ መሳለቂያ ትሆናለህ እንጂ የምታገኘው አንዳች የፖለቲካ ትርፍ የለም።
ቢያንስ ግዜውም ትውልዱም መለወጡትን አይተህ እውቀትህን ባታሳድግና ከትናንት ስህተትህ መማር ባትችል እንኳን የተሻለ ተንኮል ይዘህ ገበያ እንዳጣ ግሮሰሪ የቀዘቀዘ ዩቲዩብህን ብትሸቅል የሚል ወንድማዊ ምክር አለኝ። move on my brother.
የኢትዮጵያ መከላከያ ዩኒቨርሲቲ ወታደራዊ የቴክኖሎጅ አቅም ማሳደግ በሚያስችል የምርምር ስራ ላይ ነው
ጠቅላይ ሚኒስትር ዶክተር ዐቢይ አህመድ
የኢትዮጵያ መከላከያ ዩኒቨርሲቲ የሠራዊታችንን ወታደራዊ የቴክኖሎጅ አቅም ማሳደግ በሚያስችል ጠንካራ የምርምር ስራ ላይ መሆኑን ጠቅላይ ሚኒስትር እና የጦር ሃይሎች ጠቅላይ አዛዥ ዶክተር ዐቢይ አህመድ አረጋግጠዋል።
ዶክተር ዐቢይ አህመድን ጨምሮ የጦር ኃይሎች ጠቅላይ ኢታማዦር ሹም ፊልድ ማርሻል ብርሃኑ ጁላ እና የኦሮሚያ ክልል ርዕሠ መስተዳድር አቶ ሽመልስ አብዲሳ የኢትዮጵያ መከላከያ ዩኒቨርሲቲ እየሰራቸው የሚገኙ የትምህርትና የምርምር ውጤቶችን ተዘዋውረው ጎብኝተዋል ።
ዩኒቨርሲቲው የሠራዊታችንን ወታደራዊ የቴክኖሎጅ አጠቃቀም ሳይንሳዊ በሚያደርግ አግባብ እየሰራቸው የሚገኙ ተሰፋ ሰጪ የምርምር ስራዎች ወደፊት የመከላከያን ወታደራዊ አቅም የበለጠ ማሳደግ የሚችል እንደሆነ የሃገሪቱ ከፍተኛ አመራሮች በምልከታቸው አረጋግጠዋል ።
በኢንጅነሪግ ፣ በጤና እና በሪሶርስ ማኔጅመንት ዘርፈ ብዙ የትምህርት ፕሮግራሞችን አጣምሮ እየሰጠ የሚገኘው የሃገሪቱ ብቸኛው ወታደራዊ ዩኒቨርሲቲ የሠራዊታችንን ክፍተቶች መሙላት የሚችል በርካታ የሰው ሃይል በእውቀትና በክህሎት ብቁ አድርጎ ከማፍራት ባሻገር እየሰራቸው የሚገኙ የተለያዩ ችግር ፈቺ ወታደራዊ የምርምር ስራዎች የሠራዊታችንን ተጠቃሚነት በብዙ ዘርፍ ማረጋገጥ የሚችሉ እንደሆነም አመራሮቹ ተገንዝበዋል።
የኢትዮጵያ መከላከያ ዩኒቨርሲቲ የተሰጠውን የመማር ማስተማር ተልዕኮ መሠረት አድርጎ በመስራት በትምህርት ጥራት ፣በጥናት ተመራጭነት እና በምርምር ውጤታማነት የላቀ ሆኖ የሃገሪቱን ዘመኑን የዋጀ ወታደራዊ የቴክኖሎጅ ተጠቃሚነት በብዙ ዘርፍ በማረጋገጥ ተደራሽ ማድረግ እንዲችልም በአመራሮች ምልከታ ላይ ተጠቁሟል ።
ለአንድ ከተማ ሁለት ከንቲባ ተሾመ
ትግራይ ክልል ዓዲግራት ከተማ ሁለት ከንቲባዎች ተሾሙባት
የትግራይ ጊዜያዊ አስተዳደር ከትላንት በስቲያ አቶ ዓለም አረጋዊ ለዓዲግራት ከተማ “ከንቲባ” አድርጎ የሾመ ሲሆን፣
በዶ.ር ደብረ ጽዮን ገብረሚካኤል የሚመራው የህወሓት ቡድን ደግሞ ዛሬ ባካሄደው የምክር ቤት ጉባኤ አቶ ረዳኢ ገብረእግዚኣብሄር ለዓዲግራት ከተማ “ከንቲባ” አድርጎ መሾሙን የአሜሪካ ድምፅ ዘግቧል:: ሁለቱንም ተሿሚዎች VOA አነጋግሯል።
በጊዜያዊ አስተዳደሩ የተሾሙት አቶ ዓለም <<ጊዜያዊ አስታዳደሩ በተቋቋመበት ህግ እና አሰራር መሰረት ወደ ስራ ገብቻለሁ አሁን ላይ በፅ/ቤት ስራ ርክክብ እያደረኩ ነው>> ብለዋል።
የእነ ዶ/ር ደብረፂዮን ተሿሚ አቶ ረዳኢ ሹመቱን አረጋግጠው <<TPLF ተወዳድሮ በተመረጠበት ትግራይ እስካሁን ያለው የTPLF ም/ቤት አባላት ናቸው ፤ እኔም እንደ TPLF አንድ አካል ተወካይ ሆኜ ነው የቀረብኩት>> ሲሉ ሹመቱ በም/ቤት እንደፀደቀላቸው ለጣቢያው ተናግረዋል።
THE SKY IS OURS : በኢትዮጵያ አየር ኃይል ተሰርታ ለበረራ ብቁ የሆነችው ‘’ጸሐይ 2’’ አውሮፕላን በጠሚ ዶር አቢይ አንደበት ስትገለፅ::
ኢትዮጵያ ለዘለዓለም ታፍራና ተከብራ ትኖራለች ያኔ ትልቅ ነበርን አሁን ደግሞ ይበልጥ ትልቅ እንሆናለን።
የኢትዮጵያ አየር ኃይል ‘’ጸሐይ 2’’ የተሰኘች አውሮፕላን ሰራ
የኢትዮጵያ አየር ኃይል 89ኛ ዓመት የምስረታ በዓሉን እያከበረ ባለበት በዚህ ወቅት ‘’ጸሐይ 2’’ የተሰኘችና በአየር ኃይሉ የተሰራች አውሮፕላን ለበረራ ብቁ ማድረጉን ጠቅላይ ሚኒስትር ዐቢይ አሕመድ (ዶ/ር) ገለፁ።
ጠቅላይ ሚኒስትሩ በማህበራዊ ትስስር ገጻቸው፤ በጸጥታና ደህንነት ተቋማት ያከናወነው የሪፎርም ስራ ኢትዮጵያን የሚመጥንና ዘመን ተሻጋሪ ተቋማትን ለመገንባት ጠንካራ መሰረት የጣለ ነው ብለዋል።
የኢትዮጵያ አየር ኃይል ደግሞ በዚህ ረገድ ተጠቃሽ መሆኑን ጠቅሰዋል።
አየር ኃይሉ 89ኛ ዓመት የምስረታ በዓሉን እያከበረ ባለበት በዚህ ወቅት ‘’ጸሐይ 2’’ የተሰኘችና በአየር ኃይሉ የተሰራች አውሮፕላን ለበረራ ብቁ ማድረጉን ጠቅላይ ሚኒስትሩ ገልፀዋል፡፡
አውሮፕላኗ ግዳጅን በብቃት መፈጸም የሚያስችል ቴክኖሎጂ የታጠቀች መሆኗንም አክለዋል።
ይህም አየር ኃይሉ በ2030 በአፍሪካ ስመጥር አየር ኃይል ለመሆን የያዘውን ራዕይ እውን ለማድረግ በትክክለኛ ጎዳና ላይ መሆኑን የሚያመላክት ነው ሲሉ ገልጸዋል።
“ በአቶ ጌታቸው ረዳ የሚመራው ቡድን ህወሓትን በአመፅ ለመበተን ወጣቶችን እያሰለጠነ ነው” አማኑኤል አሰፋ
በደብረጽዮን ገብረሚካኤል (ዶ/ር) የሚመራው ህወሓት ባካሄደው ጉባኤ ምክትል ሊቀመንበር ሆነው የተመረጡት አቶ አማኑኤል አሰፋ መግለጫ ሰጥተው ነበር።
በዚህ መግለጫቸው ላይ የትግራይ ጊዜያዊ አስተዳደር ፕሬዝዳንት አቶ ጌታቸው ረዳ በባለፈው ጉባኤ ከሥልጣን የተነሱ በመሆናቸው “ፕሬዝደንትነታቸውን አንቀበልም” ብለዋል።
አቶ አማኑኤል “የጊዚያዊ አስተዳደሩ አመራሮች ህወሓትን በአመፅ ለመበተን ወጣቶች እያሰለጠኑ ናቸው” ሲሉ ወንጅለዋል።
“ የትግራይ ጊዚያዊ አስተዳደር ለሁለት ዓመት ያለ እቅድ እየተመራ ይገኛል “ በማለትም ገልፀዋል ።
#USA
ተመራጩ የአሜሪካ ፕሬዜዳንት ዶናልድ ትራምፕ ጾታቸውን የቀየሩ የሀገሪቱ ጦር አባላት ወታደሮችን እንደሚያግዱ ተነገረ።
ትራምፕ ሰዎች ተፈጥሯዊ ጾታዎችን መቀየር የለባቸውም ብለው ያምናሉ።
ይህን ተከትሎም ጾታቸውን የቀየሩ እና የሀገሪቱ ጦር አባላት የሆኑ ወታደሮችን ከስራ እንደሚያግዱ ዘ ታየምስ ዘግቧል።
እንደዘገባው ከሆነ 15 ሺህ ጾታቸውን የቀየሩ ወታደሮችን የማባረር እቅድ አላቸው።
ከዚህ በተጨማሪም ተፈጥሯዊ ጾታቸውን የቀየሩ አሜሪካዊያን የሀገሪቱን ጦር መቀላቀል እንዳይችሉ እገዳ እንደሚጥሉም ተገልጿል።
ዶኔልድ ትራምፕ በከ2016-2020 ድረስ በስልጣን ላይ በነበሩባቸው ዓመታት ውስጥ ተፈጥሯዊ ጾታቸውን የቀየሩ ዜጎች የአሜሪካ ጦርን እንዳይቀላቀሉ እገዳ ጥለው የነበረ ቢሆንም ፕሬዝዳንት ጆ ባይደን ይህንን እገዳ አንስተውታል።
ይህን መረጃ ዘ ታይምስን ዋቢ በማድረግ ያጋራው አል አይን ኒውስ ነው።
#ትግራይ
“ ‘ ተቀምተናል ‘ የሚሉትን ስልጣን ለማስመለስ ስም ከማጥፋት ባለፈ እስከ ፕሬዜዳንት መቀየር ያለመ አደገኛ እንቅስቃሴ እየተካሄደ ነው “ - ፕረዚደንት አቶ ጌታቸው ረዳ
ዛሬ የትግራይ ክልል ጊዜያዊ አስተዳደር ፕሬዝዳንት አቶ ጌታቸው ረዳ በወቅታዊ የፀጥታ እና ማህበራዊ ጉዳዮች ላይ መግለጫ ሰጥተው ነበር።
በዚህም ወቅት አቶ ጌታቸው ፥ “ የህዝብ ጥቅም ማእከል አድርጎ በሚንቀሳቀስ የፓለቲካ ፓርቲ ውስጥ ለግሉ ጥቅም ብቻ የሚያስብ አመራር ከተፈጠረ ረጅም ጊዜ ሆኗል “ ብለዋል።
“ ‘ ስልጣን ለኛ ነው የሚገባው ‘ የሚሉ የህዝብ አጀንዳ በማፈን ፍላጎታቸው ለማሳካት የግጭትና የግርግር መልእክቶች በማስተላለፍ ላይ ይገኛሉ “ ሲሉም ገልጸዋል።
እነዚህን አካላት በስም አልጠቀሷቸውም።
ፕሬዜዳንቱ በስም ያልገለፁዋቸው አካላት “ ተቀምተናል “ የሚሉት ስልጣን ለማስመለስ ስም ከማጥፋት ባለፈ እስከ ፕሬዜዳንት መቀየር ያለመ አደገኛ እንቅስቃሴ እያካሄዱ እንደሆነ አመላክተዋል።
“ ትኩረታችን የትግራይ ህዝብ መሆን ይገባ ነበር “ ያሉት ፕሬዜዳንቱ “ ለወንበር ሲባል የጊዚያዊ አስተዳደሩ ስራዎች የማደናቅፍ ስራዎች ተባብሰው ቀጥለዋል “ ሲሉ ገልፀዋል።
“ ‘ ሰራዊት ከኛ ጎን ነው ‘ በማለት የግለሰቦችን ስልጣን ለማርካት ታስቦ የፀጥታ ሃይል ለመከፋፈል አልሞ እየተሰራ ነው “ ሲሉም አክለዋል።
አቶ ጌታቸው ፥ “ በትግራይ ሁሉንም ነገር በብቸኝነት ተቆጣጥሮ የቆየ ሃይል አሁንም የፀጥታ ሃይል ፤ ሚድያ ተቆጣጥሮ በለመደው መንገድ በመሄድ የግል ጥቅሙን ለማረጋገጥ ጠላት ከሚለው እየተደራደረ ይገኛል “ ብለዋብ።
“ ጠላት “ ያሉትን ሃይል በስም አልገለፁም።
የም/ ቤት አባላት በማንሳት የአስተዳዳሪዎች ስልጣን እንዲለወጥ መስራት መፈንቅለ መንግስት ነው ያሉት አቶ ጌታቸው “ መንግስትን ለማፍረስ የሚደረጉ መድረኮች በመንግስት በጀት ነው የሚካሄዱት “ ሲሉ ተግባሩን ኮንነዋል።
“ ‘ የፀጥታ ሃይል ከኛ ነው ‘ የሚለው አነጋገር የፀጥታ ሃይሉን በመጠቀም ‘ ከስልጣን እናስወግዳችኋለን ‘ የሚል መልእክት ለማስተላለፍ ተፈልጎ የሚሰራ ነው “ ሲሉም ተናግረዋል።
ሩሲያ ወደ ዩክሬን የተኮሰችው “ኦሬሽኒክ” የተሰኘው ሚሳኤል በርካታ የአውሮፓ ሀገራትን በ20 ደቂቃ ውስጥ መምታት የሚችል ነው ተባለ
በሰዓት ከ12 ሺህ ኪሎ ሜትር በላይ ይጓዛል የተባለው ይህ አዲስ ሚሳኤል ለመምታት አስቸጋሪ እንደሆነም ተገልጿል ሩሲያ ወደ ዩክሬን የተኮሰችው “ኦሬሽኒክ” የተሰኘው ሚሳኤል በርካታ የአውሮፓ ሀገራትን በ20 ደቂቃ ውስጥ መምታት የሚችል ነው ተባለ፡፡
አሜሪካ እና ሌሎች የኔቶ አባል ሀገራት ለዩክሬን የረጅም ርቀት የጦር መሳሪያዎችን መስጠታቸውን ተከትሎ ኪቭ ሞስኮን ከሰሞኑ አጥቅታለች፡፡ ይህን ተከትሎ ሩሲያ “ኦሬሽኒክ” በተሰኘ አዲስ አህጉር አቋራጭ ሚሳኤል ዩክሬንን መታለች፡፡
እንደ ሩሲያ መከላከያ መግለጫ ከሆነ ወደ ዩክሬን የተተኮሰው “ኦሬሽኒክ” ሚሳኤል በዲንፒሮ የሚገኘውን የሚሳኤል ማምረቻ እና የጦር መሳሪያ መጋዝንን አጥቅቷል፡፡ የአሜሪካ ጦር በዚህ ሚሳኤል ዙሪያ እንደገለጸው ሚሳኤሉ አዲስ እና አህጉር አቋራጭ፣ የኑክሌር አረር መሸከም የሚችል ነው ብሏል፡፡
ሩሲያ ሚሳኤሉን የተኮሰችው ለሙከራ ጭምር እንደሆነ ያሳወቀው የአሜሪካ ጦር ሚሳኤሉ በቀጣይ የመሻሻል አቅም እንዳለው እና ሞስኮ ይህንን ሚሳኤል በብዛት ሊኖራት እንደሚችልም ገልጿል ሩሲያ ወደ ዩክሬን አህጉር አቋራጭ ባለስቲክ ሚሳኤል መተኮሷ ተነገረ የብሪታንያ ጦር በበኩሉ የሩሲያ አዲሱ ሚሳኤል አውሮፓን ኢላማ ለማድረግ ተብሎ የተሰራ እንደሆነ ገልጿል፡፡
ከደቡባዊ ሩሲያ ወደ ዩክሬን የተተኮሰው ይህ ሚሳኤል ብሪታንያ ለመድረስ 19 ደቂቃ፣ ጀርመን ለመድረስ 14 እንዲሁም ፖላንድ ለመድረስ ስምንት ደቂቃዎች በቂ መሆናቸውን አርቲ ዘግቧል፡፡
ከዚህ በተጨማሪም በ40 ደቂቃዎች ውስጥ በአሜሪካ ያሉ ኢላማዎችን መምታት እንደሚችልም በዘገባው ላይ ተጠቅሷል፡፡
Good Morning #Ethiopiaዬ : ያራዳ ልጅ አንድ ሰው አእምሮውን ሳተ ለማለት “ጨለለ” ይላል። ራሳቸውን ገግመው ጋዜጠኛ ያደረጉት ወዳጆቻችን አንድ በአንድ እየጨለሉ ነው። ፋሲል የኔአለምም A group of idiots የተባለውን ግሩፕ በይፋ ተቀላቅሏል 😁 ፋሲል የደበዘዘ ጋዜጠኛ ነው። መኖሩንም አለመኖሩንም የማታውቁት አይነት ሠው አለ አይደል? ቢኖር የማይሞላ ባይኖር የማያጎድል አይነት።
ከሶስት ቀን በፊት “ፋኖ ኢሊኮፍተር ጥሏል እመኑኝ” ብሎ እየማለ እየተገዘተ ተናገረና ቆይቶ ደግሞ የሆነች ቀይ የሞተር ሳይክል ስብርባሪ የሚመስል ቆርቆሮ ለጠፈ። ይህን መለጠፉ አይደለም የሚገርመው ተቃውሞ ሲበዛበት እዛው ኮመንት ላይ “የለጠፍኩት ፎቶ የቆየ እንደሆነ ይታወቅልኝ” ብሎን አረፈው 😂 በሶሻል ሚዲያ ታሪክ ራሱን በራሱ ያጋለጠ ቀጣፊ ጋዜጠኛ ተብሎ በቅሌት መዝገብ ላይ ተመዝግቧል 😂🫣
የፌደራል እና የአማራ ክልል ከፍተኛ መሪዎች ጎንደር ከተማ ገቡ።
ምክትል ጠቅላይ ሚኒስትር ተመስገን ጥሩነህ፣ ቀዳማዊ እመቤት ዝናሽ ታያቸው እና ርእሰ መስተዳድር አረጋ ከበደ ጎንደር ከተማ ገብተዋል።
ከፍተኛ መሪዎቹ ጎንደር አጼ ቴዎድሮስ አውሮፕላን ማረፊያ ሲደርሱ የጎንደር ከተማ አስተዳደር ተቀዳሚ ምክትል ከንቲባ ቻላቸው ዳኘው፣ የሰሜን ምዕራብ እዝ አዛዥ ሌትናል ጄኔራል ብርሃኑ በቀለ፣ የጎንደር ከተማ አስተዳደሩ ከፍተኛ የመንግሥት የሥራ ኀላፊዎች፣ የሃይማኖት አባቶች፣ የሀገር ሽማግሌዎች እና አባት አርበኞች አቀባበል አድርገውላቸዋል።
ከፍተኛ የመንግሥት የሥራ ኀላፊዎቹ በጎንደር ከተማ በሚኖራቸው ቆይታ የተለያዩ የልማት ሥራዎችን ይጎበኛሉ ተብሎ ይጠበቃል።
በጎንደር ከተማ አስተዳደር የጎንደርን ከተማ የውኃ ችግር ይፈታል ተብሎ ተስፋ የተጣለበት የመገጭ ግድብ፣ የአዘዞ አርበኞች አደባባይ የመንገድ ፕሮጀክት፣ የጎንደር አብያተ መንግሥታት እድሳት እና ጥገና ሥራ፣ የጎንደር ከተማ የኮሪደር ልማትን የመሳሰሉ በከተማዋ እየተገገበሩ የሚገኙ ታላላቅ ፕሮጀክቶች ይገኛሉ።