جعلوا منه شخصاً يخاف من لحظات الأمان، كلما كانت الأمور على مايرام شعر أنه في طريقه لكمين 🍂.
Читать полностью…- ماتحطش روحك فـ مكاني وتستنى ردة فعل منّي على هالأساس، لإن مهما حاولت مش حـتتوقعني.
Читать полностью…- شاغلة مكان نص الناس فـ الدنيا ومغطية ع وجود النص الثاني، مش حـتقدر تتجاوزني نأكدلك.
Читать полностью…- اللي يخلي طريقي وطريقك مايتلاقوش، هو إن أنا نقطع في أميال بإتجاهك، بينما إنت تقطع في أميال فـ الإتجاه الآخر.
Читать полностью…- مافيش لوحة مزيفة مايبانش حجم الزيف اللي فيها مع الوقت، مهما كانوا تفاصيلها مثقنة والوانها ثابتة حـ يجيها وقت وتبهت وتبان حقيقتها، ومهما كنت مبهور بيها في البداية مش حـ يكون صعب عليك تلاحظ الشي هذا، بس الموضوع اهني متوقف على هل إنت بتفيق وتبطل تشوفها بكمية المثالية هذه والا بتغطي عين الشمس بالغربال وبدير روحك أعمى؟
نفس الشي علاقاتنا..
ماتستمرش في المسرحية اللي ضاحكين عليك فيها بحجة إنك ماكنتش تعرف نيتهم وتدّعي عدم الفهم بسبب عدم وضوح الصورة، لإن لو عيونك ماخلوكش تشوف الصورة واضحة، عيون القلب مش حـ يقصروا.
"الحقيقة أني لا أكره أحدًا، لا لنُبلٍ مثلاً، لكن لأني كسول بما يكفي، وأناني أيضًا، كما أن مشاعري، بشكلٍ عام، محدودة جدًا، هكذا كلما وجدت منها شيئًا بداخلي روضّته لشكلٍ أُحبه، لهذا لا يُغريني الكره، لم يعد العالم يُزعجني، وأنا لا أعرف ما أعنيه بمفردة العالم أصلاً"
Читать полностью…الانتحار الموجب ، نتيجته موت ، الانتحار السالب ، هو الاستمرار في الحياة ، بلا دافع للعيش ، ماديا ، جيت في بقعة أنت فاشل فيها قبل ما تبدأ ، ومعنويا قلة الشعور بالأمان إتجاه حد ، والشك المستمر ، ومستوى توقع عالي للخذلان والخيانة وأساليب البشر القذرة ، ومافيش حاجز بينك وبين الانتحار غير الإسلام .
Читать полностью…"فإن لم يبقَى له عندك شيء، فقُلها دون أن تلطّفها، ولا تترك نبتة الأمل دون أن تقطعها، ولا بابًا تطلّ منه الاحتمالات إلا وأغلقته، ولا تنسَى أنّ لا أحد يموت من كلمة وداع، ولكن قد يموت من نهايةٍ غير مُحكمة."
Читать полностью…- ألو، معاي، تسمع فيّا!
قادر تحس بيّا حتى وبيننا مسافة سنين ضوئية؟ به قاعد تقرالي؟ إدور عليّا خلسة وتعرف كيف يفوتوا أيّامي من غيرك؟
مزال مدايرة دوشة فـ ذاكرتك؟ الأشرطة العتيقة المكدسة داخلك واللي كانوا يتسجلوا طول فترة وجودي معاك، تتفرج عليهم؟
مزال محتفظ بصورتي وأني نتأمل في عيونك؟ قاعدة هي آخر شي تشوف فيه قبل ما ترقد؟ به لسانك قاعد متعود على كلامي؟ قاعد يستعمل في مصطلحاتي؟ قاعدة طريقتي في الكلام عالقة فيك؟
به أيّامنا!
مواقفنا!
حكاياتنا!
شدة يدينا!
ليالينا الطوال!
مكالماتنا ومسجاتنا!
نظراتنا لبعض وكإن الدنيا خالية من اي حد غيرنا!
ضحكاتنا اللي كانوا معبيين الدنيا!
قاعدين ساكنين بالك؟ مزال قادرين يأثروا عليك؟ شاغلين مساحة داخلك؟ مخليينك تكمل عادي؟
لإن أني قاعدة واقفة في نفس النقطة بسبب كل اللي فوق..
- كنت نحساب مكاني يكلف الدنيا بناسها باش يتعبى وبرضو مايتعباش، كيف صار وبديت تعبي فيه بالعابرين!!!
Читать полностью…تستغرق عشرون صبراً وخمسون جُهداً لتقطع أميالاً، وتُعيدك إلتفاتة لما دون نقطة الصفر.
Читать полностью…هات ورقة وقلم وأكتب اللي مضايقك منّي ، وأنا حنجيب ستيكة كراسات وستيكة قلمات ونكتب اللي مضايقني منك ، وبعد ما نكملوا الزوز حتلقاني قاعد ، وحنلقاك ماشي ، ماهو على قد الحب الواحد يصبر ، ومقدار حبك ليا بان في قلة صبرك .
Читать полностью…"أنت مع بنادم نوعه فيسع ما يقلق ومن يوم عرفك وهو يدعي لربه " يارب هوا ديما ".. تي غير شن تبي اكثر❤️"
Читать полностью…قداش مزال بنتحملوا فكرة ان احني بس اللي شادين ع الجمر ع خاطركم،
في الوقت اللي احني أساساً مش موضوعكم..!