523
تبادل اعلاني @muslim93 للاتصال بشاعر وات ساب (( 07712526021 ))
انصاركم تحضرت شدت حزمها
بسم لمليكة طلعت ويرف علمها
عالي لوها ويرف بين المجاميع
بس كلمه وحده نطقت ماخف عزمها
عالي ….. ماينزل الوه
ويرف … ومتعب الهوه
حيله .. من لكبه ولمدد
بنرجس.. نتوسل سوه
عالي لوانه مانزل
ولمدد حيدر علي
كلمن ينادي بالمشي
فدوه الهم هلي
يامليكة الوجود مولاتنا نرجس
——
كلمن بدينه رايه ومسرع جدامه
ورايه عله رايه هفن قائم امامه
كلمن اثر يخلي بدربه ومسيره
تعلى صلاه وعجل بسم الخدامه
هيبه … كلها منطلعت
كاعك .. بينه توزرت
واحنه .. حزام الدعوته
عجل .. ياشيخ البخت
ودخيل ياشيخ الزلم
حاد سيفك برگب
لو يضهر ولاح نجم
بيده للموت ويطب
——-
وحيل الزلم توجه برفع الروايه
اسمك يمهدي عالي باول بدايه
فياي المشوله صاير بيرغ عزائه
ضلنه وسترنه كله بذيج العبايه
زينب … سلطانة شرف
وهيه .. الحگ تنعرف
حيدر … علمها لحجي
تخطب … كاع التنخسف
هيبه من صوتك علي
ياهو راسه رفع
من لمخيم ينسمع
صوت لحق طلع
——
متون لزلم تهب حمول المراجل
يثكل حملنه نصرخ يفزع بوفاضل
نطيح علدربه حسره وناطر ضعون
كلمن مشاله مسبي بالهيمه نازل
نلحك .. بضعون لمشت
بينه .. .. بيارغ رفرفت
صحنه … جند ولعدد
ردنه … نواسي لنسبت
نسكي درب من دمع
ياصاحب الالم
ياحيل كفال ضعن
اطينه حركه للخيم
——
جنود المليكه هبت واجبها هسه
بينه قضى القضاء من درسنه درسه
ماطحنه رايه صرنه بجف الكفاله
ونوفي وتره اليوافي كلمن برسه
نوفي -— حد اخر نفس
وحنه — جند من الامس
كلنه — ندعو باالفرج
مهدي— يامن لايمس
عجل تره ضاق صدر
ياسيد الحرب
اظهر وعليه لوه
مشايه وياه منطب
#الشاعر_مسلم_الحلفي
من انت حتى هكذا تبدو وما
تلك العصاة التي في راحتك
كأن موسى قد أعيد الجمعة
صلى وماعاد اليؤثر كعبتك
من فرط ما يتواضع في شيبه
حتى تناطحت النجوم بقبتك
ايرتدي نور الكفن ام ياترى
النور قد صيغ بقدر هيبتك
ياثائر بالحق لا لا لم تهب
أإكنت في طف وعدت لوهنتك
ام أن حيدرة دخرك لنا منذ جمل
فهو الوحيد ادرى بسر قصتك
اتوقع جنت بطف دمع مذروف
وعدت من روع ثورة عاشر بهمه
لذالك مامتت مثل اليموتون
متت لاجن شهيد مغرك بدمه
جنت شجرها ثمره جنه للجوگ
وتراكظنه عليك بحيل وبهمه
يالمصحي الشعب وبكثر ماجان
خذاه نوم خوف. وماتت الجلمه
الجفن شديته بيدك شدة سلاح
وهبت حق جنت لليعشكك نسمه
رصاص اعمه وجاك بحيله هادود
بولادك ودمك صرت اله تكرمه
بزمن بس خوف ماكو حجي ينكال
صرت انت صدك تستاهل العمه
كمت وروس طاحت حدر لجدام
يثالم بدينه بموتته ثلمه
لحد الان زرعك لسه موجود
يانعمه من ادينه وضاعت نعمه
رحت ورجعنه نخضع لليبوكون
ورجعت ناسنه للذله تشتمه
كبل جنت انته وحدك محد وياك
ومنابرنه شكثر ضل. تنطق باسمه
ويالردناك هسه ترجع ردود
تشوف ناس تركت دربك رحمه
تعال دم برد والعمه سكتت
ولا واحد طلع لابان رسمه
#الشاعر_مسلم_الحلفي
القلب ومايهوى ❤️
#الشاعر_مسلم_الحلفي
#ولاية_علي_حصني
عله زهره الزلم هدت يبو حسين
بسياط وضرب ومزوركه العين
بالباب الطفل طايح و التراب
وتشاكف فاطمه سياط علليدين
( جاوين حاميها ... حرمه وتنضرب )
____
وبابك بس رماد تطشره الريح
واول مره هايه تكوم وطيح
هد حيلك ظلع مكسور مولاي
وسفه ناس هيج بابك صيح
( صايحه الوادم .... وشتمك كلها )
____
ندفع بابك وخلفه فاطمه تنوح
بدت رحلت علي بمأساة الجروح
ظلع فاطمه حدب ظهر ابو حسين
يتجه بمشيته من اجه ويروح
( تحدب ظلوعه .... من يستمع ونها )
____
بيته نداس وسفه بأرذل الناس
وابساطه نسحك بجدم ينداس
شيخ الكون يطلع ليش مجتوف
ورغم هذه علي مادنك الرأس
(شيب وحزنه ....عله ظلع تكسر )
--------
راحت ودمع علجفن مرسوم
وعلي ينخه علي لورايد يكوم
وشيع روحه بيده ودمع نار
وكظه العمر كله علي مهموم
( روحه شيعها ... وي روح الزجيه)
_
#الشاعر_مسلم_الحلفي
#ولاية_علي_حصني
توجهت والعشك جرني
هنا يمن ماتدري وين
الثمل في حبك خداه
شوگه يم بابك حنين
وصحه ولكه تربتي صوب نجف
أنه بطلت الكفر وأنه حالفلك حلف
ليش من يجرني شوگي
اسكر ومدري واصلي وصحه توبه عبد كافر
ليش دمي بكل عروگي
خاط اسمك على عظمي ورد توب يكلي باجر
رغم كل هذا نسيت شلون انسه
اه من ينجاب اسمه عندي ونسه
كلشي علمته عليك وكلشي حسه يكلي بسمك
وأنه وحلامي نتعارك بس عليك شلون رسمك
ونت ماخذ روحي مني
ومن هلي ومناسي كلها وبعد محد
ناس جابت اسمي مدري
وليش من ينجاب اسمك انه ارد
علي ...... علي .... علي
حيره من هجرت قران الله وبيك ارتل
انه من غفل عليك ساعه وحده روحي تزعل
انه وي جبريل نتسابك عليك شعده ينزل
شعده بالحضره دعاء لو ثواب
لوبسمه يردوك تقلع جوز باب
وأنه من اكعد بابك ذنب واكف مو بشر
وعبر العتبه وشوف نبي يحسدني كام
واليطب من بابك أشوفه صار نور
موش كعبه لاكن الله لبسه ثوب لحرام
وياحرام
العايف يعونك حرام
يعيش ويشم الهوه
ياسلام
بغير صحنك ياسلام
كلها ضلمه بلاضوه
وصاحب الله يصير صاحب لليتامه وللفقاره
شكد عجيب انت وعضيم عشت للعالم مناره
مدري شحجي وين تأخذني سوالف ياعباره
تكفي عنك
والكتب تحجي وتسولف وأنه لسه مقتنع
بحجي حجتنه بيك
والها أصنت على فطرتها تسولف موش مرجع
الهوه هذا اليهب من كبته جاي
يعني اكدر أنه كلك يا هواي
وجانت بكت الغروب صوب كبتك تلتجي .
ومالت الله تذب شيلتها ونعاويها بجي
تترس دنيه شكاوه ومدري يانبره لحجي
ومن تخلص ترسم ضحكه بوجها تكول يسمعني علي
وياطمأنينة عجايزنه عله حبك مدري شنهي يالولي
وأنه روحي جرني ليك
وتذب گلبي بين اديك
عبد تائب كثرت ذنوبه وجاك
ملجئ العاصين بس انت لكاك
يسكر بكبتك لحد يحزي الثمول شلون يصحه
وبين حبك بين ناسي روحه تطحن بيها رحه
وريت تحسبني انه بير
وحجي الي سوالف كسير
وخلي يم بابك اطيح
ولمني جن لمة حصير
وأنه وين اوصل وطول حصير بيتك وين اوصل
حته كعبة الله تحسد كلشي بيتك يصير وهيه تزعل
وأنه عبد الكافر الصله علمودك لاكن متيه قبلته
حتى قراني عشگ شوگك حروفه من كتبته
أنه كافر بشكو مسجد مايجيبك وبأذانه
وين ماواكف جنت ابنيلك مناره هذا أنه
أكفر بدين السقيفه المايحبه حته الإله غير الله
وأنه اللهي يعشگ حروفك أللهي عليك صلى
أنه كافر
بشكو دين وشكو مذهب
خله من حبك يحيدر
خل اموت وشني الموت
الي اسوه بحب أباذر
#الشاعر_مسلم_الحلفي
مسيح ويحجي بالانجيل
ويروي ما أتى بكل حيل
روح الله صبح عيسى
وبسم حيدر اله الترتيل
ما أحيى ميت لولا حبك ياعلي
وكل المعاجز تدعي ربك ياعلي
من ذى لذي قد نال قربك ياعلي
رسالة كل نبي مختومه بجفوفك
كبل لاتصير عيسى جالك يطوفك
علي منه المعاني تفيض علوادم
انجيل وصحف تكتبهن أحروفك
يامولا الحق ومولاه
ياخازن سرار الله
الوح وروح القدس
خلقت من فيض نداه
_
بسفر تكوينه من سولف
السمه والكاع فل تلتف
كلشي ومن كتاب الله
بإمام الحق علي يوصف
بحب الوصي نزلت موائد ياعلي
وينه ليدور عن شواهد ياعلي
وباجر الينا عيسى عائد ياعلي
ومن يرجع يطب ويحج بالكوفه
يم منبر علي وساجد تره تشوفه
اقره شما قريت انت فقط تحتار
يأول زلمه حي بس وادم اطوفه
حيرت عقول الأقوام
من انت برب الاسلام
اناس صيرتها احوات
فالبحر المبغض قد هام
____
ايده البيضه والعصفور
نفخ بيه وبجناحه يدور
بهيئة طير طين يصير
ندب حيدر وجاه النور
وماطار من ايده وتعله ياعلي
لوما يندبك وهوه كله ياعلي
طار وحجه حب مايمله ياعلي
عيسى والخضر يحجون معروفك
وماوصلو لهل حد اله بحروفك
الله شكد يحبك ياعلي وعلاك
صبح كلشي بمحبتك لمن يشوفك
يا علة أجاد الأكوان
في الانجيل وفي القرآن
وتورات وصحف الله
وزبور عليً عنوان
____
شما تقرب نبي يوصل
الله ويدرك المنزل
ليقربه لله حب حيدر
وبلايه الحب فلا يحصل
وماله رساله ولا نبوه ياعلي
شرط شروط بحبه يهوه ياعلي
تالي لمحمد بس انته تجوه ياعلي
يشد عظده باخوه وينزل المصحف
محمد وي علي والماخلقت اوصف
عيسى مندهش نور الله هذا البي
واحد نور مضمومين للتكلف
يامن تقلب في لازمان
فالله بهي يبدي البرهان
فكان في كل العصور
علي وأحمد هم أخوان
____
اليرجع عيسى برجعه
منه صوت ونسمعه
وأشهد انه الكرار
حجة الله وبدمعه
باجر نشوف لمهدي يرجع ياعلي
تبدي لحقائق كلها تطلع ياعلي
بالكعبه تالي احنه نسمع ياعلي
واذان اشهد ان علي بس جفه
ولي الله وخليفه ويحل للكلفه
عد اي نبي تصعب ينتخي حيدر
يحلها بسرعه غير المحد يوصفه
فهو فقط داحي لبيبان
مولى لانس ومولى جان
شق البحر وقال لقوم
نفسه هو خلق طوفان
#الشاعر_مسلم_الحلفي
#ولاية_علي_حصني
تحجيله وتون ... غاطيها الحزن
ولكربله ودرب سبي حجيها
يمه يالحسن .... ايام اليجن
اختك تره تبقه بلا وليها
راح كل غالي ..... تموت امالي
-----
حسن يمه اسولفلك جرح روحي
وكلك ياجرح منهن خذه نوحي
خل حجيلك صاير ليش لكربله دموعي
محنيه تره جروحي وتنزف بدمه ظلوعي
يبجي لحسن .... غاطي جفن
مدمع جره كله محنه ليها
وحجاية دمع .... تحنيله ظلع
ام الحسن عالي صفه بجيها
وسكن بالي ... تموت امالي
____
انه بيه سوالف كثره بجروحي
اسولفهن الك دمعات بس توحي
توحيلك جرح لخيام نسوان بوسط هيمه
وخوهن عثره مطروح ومسلبيله هدومه
طايح عثره .... يعاين يامره
صار الحبال جر تره بديها
صعدت ياهزل .... بيديها حبل
اتحشم ومحد بعد يجيها
حزني لعيالي .... تموت امالي
_
يمه حسين وحده ولا اخو ضله
جم سيف وسهم فوك نحر صله
جسمه طشر ويلاه ولحافر اجه دوره
من حدر لحجر أخته شافته طلع نوره
مطموم بحجر .... حافر عظهر
أبلايه خيمه ومحد اليحظره
عطشان بالم .... ظلعه ماسلم
وحافر طبع يولدي علظهره
وصبري لتالي ... تموت امالي
_
باجر كربله بس العطش ودم
لو ينجوي لو دخان ضل يشتم
اطفال وأجت لخيل بين النار والحافر
مصيبه مصيبت رضعان يمه سوه لعاشر
طفال اليضمت .... بالحر نجوت
وجوت بجمر الخيم جدمها
كاتلها لعطش ..... ظلت ترتعش
وتفطرت حته الجفن بالمها
دمهم يلالي .... تموت امالي
____
_
وبنك يمه يرجع حنته دمه
طفه شمعه شبابه وتصد امه
ابنك ياعرس شايف بس دم علجفونه
يطيح ويحضنه عمه بدمعه غمضن عيونه
عايف كل عرس .... لوطرت شمس
ثاري السيوف عله المنيه زفته
دمه حنته .... غطه وجنته
وامه اتباوع مرمي من الكته
ظايع دلالي ..... تموت امالي
____
اخر شي يجون بنوكهم هلزل
وختك لسبي ولسوك ماتندل
مشوهن سبي ويروس طبن للقصر كوه
من اثر ضرب وسياط تمشي وهيه تتلوه
تتلوه شكثر .... وتصد للنهر
عافت لكافل جربته ويرايه
رايح مايرد .... شتاني شبعد
هيه صفت وياها السبايه
تصيح كفالي ... تموت امالي
#الشاعر_مسلم_الحلفي
#ولاية_علي_حصني
ادوره وماندله ومدري شبيه
ادور وين اكو حافر دمه عليه
الدلتني لحوافر بيك يحسين
ياحافر يمرني مار شو بيه
سلبوك ...
يبعد اختك سليب ونايم بهيمه
وين خوك ....
وتره ماضلت الحرمتكم اي خيمه
كوم ركضت بالفله نسوانكم
مذبحين كبالي كل شبانكم
انده ومحد يرد ليه جواب
وشتموني الزلم بس كدامكم
____
شيوصلني يمه واكعد وياه
وحجي شكو بكلبي ضامه اه
انه عرمح اركض وحجي وياك
لو حدر الحوافر باقي هناه
وين اروح
واسألمن عليك انه أحجي ويامن
بس انوح
جروح بصدرك انته ليش ماطابن
ليش نايم ونته ماتحمل جوي
من رمل لو من الحافر تلتوي
مابيك تكلب روحك من جروح
وصفة بلحومه شتايمهم دوي
_
انه مضيعه اخوحدر لحجر صار
الرمال بكربله لامو رمل نار
اجت الخيل وأنه ملافت اشلون
اركض لجسد لو لم الزغار
ماكو امان
وماكو ضل علم بي نلبد ابسده
بيا مكان
طايح خاف اجيك ويمك اتعده
خوفي ماعرفك وعبرك يالحنين
دوريتك خويه نايم أنته وين
بين كومة حجر مرمي بلاجفن
وسالت كتلك يخويه انت لحسين
__
وصلت وماعرفتك وسأل عليك
يبن امي عليمن كطعو ايديك
حجيت لعطش ماخلالك لحيل
يلعطشان كلي شلون ارويك
بلايه ماي
وبس نار تفتر تقره بالخيمه
خويه جاي
بس راس برمح وجسم بالهيمه
ياجرح منهن يلجمك لوحجيت
ليش من جتفو رقيه ما اجيت
هذا راسك فوگ عالي رمح صار
وأنه من شفت رمح وشكد بجيت
_
طحت محد فزعلك مالك خوان
بس أخته فزعت وزلم عدوان
اجت والخيل تفتر يمك هواي
وماباقي بجسمه لحافر مجان
وينه صار
تساوه ويه تراب ومحد يحضره
بس زغار
تركض صوبه ويناديها من نحره
وليش جم حافر لبصدرك نزل
حسين مساوي بسحگ وي رمل
بيش تنلم حتى لمك من جيك
ياهو مثلك هيجي ياخويه نجتل
#الشاعر_مسلم_الحلفي
#ولاية_علي_حصني
طاح ولتمت عيله خياله
محد لبيهم يهم بحاله
صاح وعيونه تربي عياله
سبل وغمضها عينه
وكوه ايمد بأدينه
لا أخوته تجي يمه
ولا عمام الي تعينه
مات الوحيد بديره غربه
فوكه حوافر بس يدعي ربه
ماي العذب شح ومايشربه
طايح حبيب الله
___
من رمل سوه وساده طوله
وبخناجرهم غدو يربوله
كلها متحضره ذبح حسينه
وهاي زينب طلعت يكلوله
لتمت سيوف وخناجر
وفوكه ضل تفتر حوافر
وحده طايح ماله ناصر
ودم ورمل وبلايه الفياي
وزينب تدور بجربه ماي
وخته التكله العسكر وراي
طايح عزيز الله
_
وحافر يسابگ بحافر لسحگ
وصل يمه جمر من ذاك الحرگ
ضهرك عله صدر وسفه ينطبگ
تكلبه الحوافر وضلعه
من طحن وبخده دمعه
من العطش تحجي شفافه
صوته ناصي ومن يسمعه
كلها تسابك وتسلبه ليش
واحد ولاكن ليدوسه جيش
محير اخيته وتلمه بيش
رايح شهيد الله
___
لاتدير بعينك صوب الخيم
ولاتصد بناتك بنص الزلم
اخ ياعاشر يايوم الهظم
والخدر ماعده حامي
ساقي مكطع وضامي
ونايم بحضن رسول
هسه وعللرمل دامي
كطعو وصل محد يرحمه
طعنه رماح لدللته امه
بوصلة خيام وأخته تلمه
مدمه جمال الله
____
جاله والخجر بأيده لذبح
هوه بيه بكل كتر طعنة رمح
كل جرح فوكاته ياودم جرح
وذبحو من ظهره اه
وشمرو يمه لواه
عليت صوات شتايم
وراسه مدري لي خذاه
وحته رأسه نباگ منه
طشرو يوادم ابو المحنه
حوافر تره لا ماجزنه
طشرو حبيب الله
#الشاعر_مسلم_الحلفي
#ولاية_علي_حصني
شلون تركض وهيه ماعدها فكر
تروح صوب تله لوصوب النهر
شلون تلطم راح من عدها الكمر
احا ياخوي احا عباس
بحوافر خيل شكد تنداس
احا ياراعي شيمه احا
__
وين منواها وبعد ماكو خدر
وجان في الكمر للخيمه الستر
هسه بين جناب ويسبها شمر
ورد الوادم عن خيمنه
عكبك تدري شكد شتمنته
احا نايم بالهيمه احا
____
وبعد ذاكر الخدر جواها الجمر
كبل حته شمس متشوف الخدر
هسه تركض وسط وادم والظهر
تركض حافي صوب خوتها
وادم يمك شكد سبتها
احا طكوني خويه احا
____
وين تركض ماكو بالهيمه مفر
ولو يطكوها برمح لو بالحجر
ولاكو حافر عن آخوها ماعبر
حافر ساحگ كل الظلوعه
وخته صدله يهل دموعه
احا تربان ودم احا
___
وبعد ميفيد ركض راح الدلال
من جفوف لكمر لجفوف لحبال
جابو الزينب هزيله من الجمال
سبها لوادم يم خوتها
خيل لتمت يم خيمتها
احا مكطوع الرگبه احا
#الشاعر_مسلم_الحلفي
#ولاية_علي_حصني
خلص عمرها وماخلص شوگ الدمع
حد ما بقت من تمشي محنية ظلع
من الفركه ورده ينحني منها الغصن
لهله لمشو يستاحش شوف وسمع
ستاحش هواها لتشمه
وباب لجرحها لليلجمه
ترسم دمعها كل الاماني
جيت ابوها وتكلمه
طولت غيبتك والحيل ماضل عدها بغيابك
وشما مر هوه تحاجيه يحرك بلعشگ بابك
تنام على ترب ساعات تبجي بشوگها عتابك
__
اليأخذها طيف اعله سفر وترد حزن
الراسم دمعها حسين فوكات الجفن
طفله عليله بلايه أهل بس الالم
وتايه فكرها ويه الضعون الي مشن
يوميه تبجي عله راحو
وبنص كلبها طف عافو
خلصت دمعها وماخلص
شوگ الأهلها من شالو
طفله بلا أهل ونوب مريضه وتبقه وحدها
وتعيش بغربه الوليان غيرك محد العدها
وتتمنه تروح وياك بلجن المرض هدها
____
وليليه ويه دموعها سوالف حلم
مره على طولك مره صوبات لخيم
تنطر مراسيل ومدعها الماهده
تنطر خبر منهم يرد ليها بالم
دموع ومحنه تسلبها
نوم الليالي الوحدها
تخلص وقتها عللونه
لمدمع سباها وماردها
تحس بالغربه ودمعات مسابگ تنزل بهمه
لمريض شلون من ينعاف وحده ولا أهل يمه
جرح واسه جرح وروح اذا هب لهوه يلجمه
____
ماتشفي الكلب لدموع شوكك فطر
معاتب تخلص ليلها بطيفك عشگ
وترسم على عيون دمع شي محترگ
دقق تشوف خيام وركاظ وطفل
وترسم ابوها بين حافر منسحگ
شايل ضعنه وجروحه
وبوها باجر بس روحه
بين الحوافر مدمعها
يرسم ضعنهم وبنوحه
ضعنك يمشي صوب لموت وأنه متانيه رجعه
وماطشيت خلفه الماي انه طشيت اله دمعه
ضهري من حنين شوگ عكبگ منحني ظلعه
____
وين طالت غيبتك عنها وبدت
تحس خيل عليك بضلوع سحكت
ومر عيها طيف دخان بخيم
وعرضيع سهام شافتها نرمت
سهام وسيوف لبنحرك
ودم وتراب الي بجرحك
فزت ولاجن مدمعها
سولف مصايب التمرك
مرتها وكلت بروح ودرت ماترجع الايام
وتكول بحسره المفكود لتضن جرح يلتام
عماتي وخواتي بنار وماضل لسترها خيام
#الشاعر_مسلم_الحلفي
#ولاية_علي_حصني
هله يبني
تارس جماله عيوني بهيبته
نور اليشع من طوله ونضرته
يشبه محمد لابل جنه أهو
سورة جمال تردد بسمته
الله الله ...
لمن برز محلاه ...
حامل جمال الله
مامثله اي احد
الله الله ..
سورة حمد تقراه
.مرفوع ضل لواه
والكون اله ردد
على عيونه وجماله ... خصال الله خصاله
الطف كله وأكف .... وبده يكتب سؤاله
طلع ودنيه اله تسجد
علي لوهد ..
حيدر بالحرب الجنه
الركض كربله كلها
زلم عدها ..
الرجيف وخوفها منه
____
هله يبني
لابسله لامه وطالع مبتسم
جيش اليصدله لابي مايهم
تيهو صفاته وكالو حيدره
عين عله سيفه وعين عللخيم
الله الله ...
شايل عشگ بالعين
صورة نبي يحسين
يشبه نبي لمرسل
الله الله
طالع علي الاكبر
وحي رسل كبر
وحي الغزل ينزل
الكتب بطف معاني ....... لوحة عشگ قدسي
بدمه يرسم الموت .......وحي باقي بأماني
سفرة موت من تدد
الوكف محد
كباله وقاتل بسيفه
الشرد لاضن ليه يرد
بيقه يرعد
وبگه يستنگي بكيفه
_
هله يبني
واول مقاتل كاشخ للحرب
هيبة وعيونه لخطن عدرب
درب المعاره يمر فوك جثث
حلوه صفاته جماله والرعب
الله الله
بزنوده حيل الله
وسيفه كتب معناه
من يدنه يم طوله
الله الله
عده الحرب ونسه
الكابل علي يخسه
يدنه اله ينوله
صله وسيفه كبر ..... اليشرد منه مظطر
خله زلم تسجد .... لعيونه وجنه حيدر
كتب فوك سمه اسمه
وصبح جدمه
يدوس ركاب للعايل
شردت منه ماتندل
دربها بذل
ركظها وغدت تختل
___
هله يبني
يضمه لعطش بيك انته لرتوى
ساد الصمت بيهم في نينوى
الكابل يمينك تكسرله الظهر
أيده علخصره من خوفه لتوه
الله الله
عزم الزلم يمك.
محنيه يم جدمك
سورة غضب يقروه
الله الله
سيفه يحب يمناه
وهام العرش ذكراه
بكل جانب يشوفوه
رسم بيهم ملاحم ........كتب بطف علايم
طلع وبظهره هوس .... بحيله وزوده جاسم
وهوسله بعزم هاشم
يرد سالم
ومحد يگرب خيامك
طب ليها بعزم عمك
وأنه اليمك
شوف شسوه صمصامك
____
هله يبني
وهله يهيبة عمامه والده
اكتب جمال لطف بيك وبده
يختم جمالك سوره وبسمله
ساق العرش اسمك من ردده
الله الله
حيد الكلايف هد
خيل وزلم يمرد
وطف بديه خلاه
الله الله
وبسيفه دم وتراب
حجي سيوف ركاب
ايد الله في يمناه
عيونه هيبة تقره .... سلام الله علنحره
جماله تارس طف .....لدنه يمه يسطره
زوده وحيله من الله
وبده يقره
(يد الله فوق ايديهم )
زلم ماضلت اكباله
وبدت حاله
يروح ويرجع عليهم
#ولاية_علي_حصني
#الشاعر_مسلم_الحلفي
شطحه
____
الله من كد مايحبك ونت ذاك
كام شگ حيطان بيته وطبباك
انت الاول والخلگ تالي وراك
يم عرشه حطله تجايه
_
انت ماكو كبال رئيك مستحيل
گبل ادم صرت حاكم ودليل
ادم ومن ذنب طب عدك دخيل
طين ادم معجون بمايه
_
كل نبي مرسل تعلمه تكله هاك
هل رساله و روح بلغ ما أتاك
عالي فوك البشر ماينزل لواك
مرفوع بزود الله وحيله
____
الناس بذر بايعتك ونته حيد
هاي وادم بيدك فعل ماتريد
بيها . وهاي لخلك عدك عبيد
معبود وعابد ماغيره
____
مطوب الكون على اسمه والكلام
الخله من ذكره عله الوادم حرام
انته دين الله ونته اصل السلام
العافك مشكوك بدينه
_
انت دين ودين اصلاب الحلال
المايحبه يراجع أمه اكو شكال
ابن كل لزنا والحيض ومثال
رايد يأخذ مالاتك
____
ياعلي حيرت ناسك والعقول
حته ربك مدري عنك وشيكول
نزل جبرائيل ويكل للرسول
لادين بدونك ياحيدر
#الشاعر_مسلم_الحلفي
#ولاية_علي_حصني
وحدك ورجال تحوطك
انته تذود عن بن عمك
سيفك مانزل بكرابه
تقاتل العساكر وحدك
يطلع وبيدينه رايه ...... يقره جئنا للمنايه ..
انه عمي حيدره
حيود ولهاشم نسبها .... بال كل واحد كتبها
بخيت بعيونك قره
إلى صلى الله علزنودك وعيونك
وحگ الوادم من سيفه يهابونك
وتيهو قبلة رب الباري بطولك
صلت وادم بالخوف عله جفونك
____
يكاطف الرجال بيده
حسينه سكناه بوريده
محد يگربه وله يدنه
الكلفه والمعارك عيده
شيخ علكوفه بجفوفه ...... واليلكفه مايعوفه
اله كاسرله ظهر
الشرد منه علطوله ...... يحمد الله واليكوله
مثله ميجيب دهر
وأتى للحق وبلحق سيفك صلى
روحك هيه المكتوبه لوجه الله
سلام بكد ماحبيت انته حسينك
سلام حسين علعيونك من يتلى
_
الكوفه ورجال البيها
كباله جن غنم تاليها
يلفها الزلم بجفوفه
بكيفه يروح ويرد ليها
زلم علحيطان طفرت .... السباع كباله شردت
وحده محد لي كرب
ومسلم لكوفها كلبها ..... ناسهم تيهت دربها
نزل بالكوفه الغضب
واخرج اثقال الأرض انته بكيفك
وتلى القران ومعروف بتعريفك
تزلزل ساعه وماتهده عللكافر
توصف حسين وحارو في توصيفك
___
شايل من علي هداته
نصهم رفرفت راياته.
ماكو اليكابل مسلم
بيهم اوجرت طكاته
سطرته بالكاع دوت .... رأيته علسمه كتبت
فسلامٌ على الضعن
تمنه كون لكمر يمه .... جان هسه دنيه ضلمه
وليشع نور الجفن
يبسم القران الناطق من تخطب
تضرب جفك ويد الله وياه تضرب
ومؤيد من الباري بكل خطواتك
ولذالك جيش الكافر ماله مهرب
____
كالو جن علي بلحومه
وردو سولفو بعلومه
الهيبه كلها ركعة يمه
اليسلم منه ذب هدومه
وين مهربكم منيده ...... المهرب منيده بعيده
كلمن يذب راسه ها
ماكو منه بكل معارك .... جن علي لمن يعارك
ماكو مثله لا فلا
رجالك هاشم من تحرب ماترجع
واقره سوره جن حيدر بالمطلع
سرى من مسجد روحه لحد حسينه
ونزل بايات الحب بيها عللمدمع
#الشاعر_مسلم_الحلفي
#ولاية_علي_حصني
قريباً. .....
الرجوع للكتابه
#الشاعر_مسلم_الحلفي
#بقيعنا_ مطلبنا
شاركو هذا الهاشتاك على حب ال محمد
في تويتر
بسم الحسن ع
#الشاعر_مسلم_الحلفي
#ولاية_علي_حصني
فرحان بلا صبر.
والعن انه عمر
بولؤلؤ يافخر
عيده بس بالبقر
والفرحة عللبشر .... من يهلك عمر
وأنه ابقه وبفرح .... حدما طر الفجر
____
العن وأنه بتسم
وصفكه بكل عزم
كل عام وانتظر
سوه شيخ زلم
يشك بيده عمر .... شراب وللخمر
فيروز ويمنته ... .. مدعات وللفخر
_
الخنجر من يهد
جم كلب الرتعد
بيدك بولؤلؤه
ماكو غيرك أحد
ألسواها الوحده....... شگ بطنه ومدده
ويا ثأر المابرد ......... من يطعن برده
____
اتبره ومن عمر
ماوالي أهل السكر
العنهم ما امل
صبح وليل وعصر
العنهم كل لعن ..... بي غيره والبكن
ثارات وانتظر ...... سيدهم ينطعن
__
ماوالي وبس علي
انه وناسي وهلي
بايعنه بكل فخر
حيدر هوه الولي
ومابايع كل صنم ..... اليحب ماي زلم
ولتونس بلعن .... .... يوميه ياخدم
#الشاعر_مسلم_الحلفي
#ولاية_علي_حصني
طايح
بين نار وباب وطفله طايح
نايح
كلشي دموع الصاير يمه نايح
___
وصار لعصر ..... ولتمت ناس عليه
كلمن اجه .... شايل حطب بس بيديه
لتمو زلم ..... أعله البيت كالو نوليه
نار وحطب ... وبيت الله جتفو راعيه
شله من العصابه ... يشتمون عله بابه
يمزقون بكتابه .... يحركون البيت وسفه
داسو بيته كوه ..... وبقت مرته تلوه
ظلع للباب تجوه ..... تره هاي هواي كلفه
والزوركو عين القران
باب الوحي شبو نيران
ظلع وطفل طايح علباب
وبنت النبي تشتم دخان
رايح
طول الوردة محني جنه رايح
__
هدو سوه ... كلهم عله حرمه شلون
باب ندفع ... من ورده غصن يكسرون
ماضل بعد ... لاعدها ضل باقي عيون
كلها بحقد ... الهدو عليها يشتمون
بس هظم وعلامه ....بقت حد القيامه
بالخد من كلامه .... وأن صاح بصوت حده
داسو بيته ردو ..... على مرته همه هدو
عله حده تعدو .... وعلي بروحه سيف رده
جروح تحجيها أشكال
بسمار ودم منه السال
وجمر وسوط شلون
امه كتلت حتى اطفال
صايح
باب الله تسمع من عده صايح
،__
طفل الوكع .... الماشم هوه يشم دخان
حرمة علي .... طاحت لجن نص نيران
بنت النبي ..... وحدها نص هل عدوان
يا فاطمه ........ البسمار باب دم جان
ايه يصفها ايه .... طفل وأمه وعبايه
تطيح أل لله رايه. ... .. ودم المن سال منها
لمن تحجي هيه .... كوم بلا حميه
جواب يرد عليه .... . سطره وبدموم خدها ،
زلم تهد صوب نسوان
تكسر ظلع تشعل نيران
يدرون بصحاب البيت
سادة انس وي الجان
جارح
حجي ناس الهدة كلها جارح
___
ماكو الفزع ..... ولحد اجه يطفي الباب
بس شتم ...... وادم غرب بس واجناب
باب الوحي .... متغطيه دم ويه تراب
حزن وألم ..... وفاطمه يصير صواب
سطره وي دمعها .... ومن كسرو ظلعها
التون لمن سمعها .... دفع باب ونار يحجي
بلا غيره ناس كلها ..... ياهو ليهد سبها
وجروح واه عدها ... وخلوها الزهره تبجي
وحيدر يحتفو بحبال
ليصده شافه بياحال
ويشاهد الزهراء شلون
صارت يحس جنها خيال
سارح
فكره وعينه تصد الفاطم سارح
____
اه و هظم ....... بالحايط الدم من سال
رماد وهوى ... عله العتبه طاحت اطفال
ورد صبح .. ... جاسه الحرگ من البال
ليل والم ...... المرعوبه بالبيت اطفال
دم سال بالمها .... طفله شاهد امها
ويجوه جدمها ......من جمر الباب يجوي
بعباة امها حزنها .... تصد غركها دمها
وبلخوف وتضمها .... وسوط بجفها يلوي
وبسرعه من مر الليل
لحيدر علي ماضل لحيل
وبالبير سولف دمعات
كلبه نكسر وعيونه سيل
رايح
روح لحيدر من بين أيده رايح
#الشاعر_مسلم_الحلفي
#ولاية_علي_حصني
طالع ظعن
ابلايه اخوه ولا أهل
نسوه نسبن
ومجتفات عله الهزل
بلايه خوان ويمش وياهن
وجتال خوتهن سباهن
____
راحن بدرب
بس شتايم وضرب
تمشي لعلاوي ويغرب
لاعدها كافل لأخو
ماشي الضعن
بصحره مرن ياوطن
يمشن سبي يجتفن
تناطر اهلهن ما اجو
بلايه جساد الروس نرفعن
ويم الروس شكد ينسبن
وين اخوتهن ليش بهزل
وين بدرب الغربه اليمشن
رايح ضعن الله لياودام حرام
يمشن بصحره وماعدهن خيام
_
ماشي علهزل
طايح عليلك والطفل
يجوي تره مشي الرمل
وطايح بحافر غده
درب والم
وضعونه ماعدهن خيم
نسوانه وسطات زلم
حادي جنبي بيهم حده
وين تروح بلايه خوان
سوگ وشامت عده لسان
يلوذن بيمن من سوط
بلايه حامي وبس نسوان
وين الجانو الهن خيمه وحماه
ليش الحامي طايح يمجن لواه
_
ويلي ياهلي
وجروحي دم التمتلي
محد اجاني ياعلي
وليل اليمر ماينحمل
بينه كل درب
يحدي لحد مر لغرب
ماضل تره ليه كلب
تمشي بالم هاي لهزل
تمشي لهزل نص الوادم
محد بيتامك ضل سالم
جعب رماح وسوط يطكهم
وطاحت رايتكم ياهاشم
طايح بيرقكم من ليهن يرد
ولافزاع يرد الخيمه ويهد
____
موادع والم
يوميه تتوادع حرم
تفكد طفلها بنص زلم
يوميه اتودع طفل
ويلي وضرب
هدل متن وجف يصب
دم وجرحها بلاعتب
ماكو هوه شم رمل
رمال تراب شمه طفالك
بحبال يجرون عيالك
نص صحره سوالف مدمع
وضل عاري ومحد يبرالك
جرحك خيمه سهم بجبدك الم
ضل عيالك نص الهيمه وزلم
#الشاعر_مسلم_الحلفي
#ولاية_علي_حصني
وين يابويه ماشي بضعونك عني
وين يابويه زايد بخلافك وني
مشت هلي بسفر
كظه عمري سهر
____
بويه ماشي بضعنك وتاركلك زغيرة عمر
ليل مانامته تبجي خلافك تعيش بسهر
حسين يابويه .... ردليه صبر
راح حيلي .....وبدموعي انتظر
شلون اكظي ليلي ولو مر ذكراكم
شلون اكظي عمري ومارحت وياهم
وبقيت انه انتظر
__
نحنت حنية ورده ذبل طولها بويه القهر
مكابله الباب واتاني جيت احباب انتظر
شلون طولك .... غايب مايجي
ليل يخلص ....بس ون وبجي
فراك يبدي وجروح تفز بغيابه
فراك يبدي ومعاتب انه وبابه
انه وشوگي وصبر
------
ياخبر منك يجيني ونت راسك نص رمح
وفوك ظلع موش انه تراب يابويه وملح
ضلوع كالو ..... طشرن بلفله
وحده مرمي ....وجتفو العايله
طاح جنه وسهام تنام بنحره
طاح جنه وحوافر داست صدره
سحكو ويلي صدر
____
وردت عود انشد الوادم عن خواتي والألم
دريت نص نار ركظن وهن ماعدهن خيم
شلون بيهن ...... وهنه بلا زلم
طيح حرمه ...... وشكد تنهظم
شلون يمشن وزلام تحوط ضعونك
شلون يمشن ويبجن من يسيونك
وحجن راح الخدر
____
وعمتي بحبال تجتف علهزيله شكد صعب
والأطفال السوط يلسع وبظهرها بلاذنب
طفال تركض ... ويجرها لحبل
طيح تعثر .... لويبجي طفل
راح اكلك ماسالم منهم واحد
راح اكلك وظهور اطفالك شاهد
سياط أعله الظهر
____
#الشاعر_مسلم_الحلفي
يبعد اختك حجايه كوم حاجوني
تره هاي الزلم يردون يسبوني
حرام نجان عكبه يبكن عيوني
لاتحجي نتها خدري ويسبوني
(شتمو زينب ... وبحبال جتفوها )
#الشاعر_مسلم_الحلفي
#ولاية_علي_حصني
الماي تارس كون الله
وليش بس يمك يشح
كلبك لبلعطش فاير
تحس بي طعنت رمح
تنزف عيونك سوالف
الماي تاركلك جرح
جرح لماي ...... اول جرح بيك نلجم
رايح جاي ...... تسمع بجي من الخيم
جروح هواي ...سيف ورمح وي سهم
طاح ..لتمت عليه خياله
صاح ..عينه تصد عياله
ناح ... علخته موش علحاله
من سبل ايديه .... ياهو اليورايه
كل حافر بصدرك نزل ...اه
من شح لفياي ....وليعطش الماي
حر شمس مايحتمل ... اه
____
ياجريح ضماده صاير
تراب ودموع وملح
غيرو ذيج الملامح
وين ابو الوجه السمح
وختك تكول الاخيها
كون مايطلع صبح
وين تروح ....... والحومه متروسه زلم
بس جروح ...... يالشوفتك صارت حلم
ضل مطروح .... بضلوعه ماصاحي عظم
شلون ... حاله ويصد خيامه
عيون .. يشوف خته وكدامه
شلون ... باكو تره هندامه
وخته عله هل حال .... تجمع بالطفال
ظاع بحوافرهم طفل ... اه
اختك بلا راي .... يسبونها هواي
بعدك هزل ويه الحبل ... اه
____
راس ماشه ضعون اخته
وجسم ضل عله التراب
جسمه من روك الحوافر
شاهد الوان العذاب
والعطش فطر وجنتك
والجبد من همه ذاب
ماكو فياي ..... وحر شمس ماينحمل
خواني هواي .. نامو يوادم علرمل
شكد ممشاي .... من دونهم مشي لهزل
خيل ... الهاده صوب لخيم
بليل ... ضاعت طفال وحرم
حيل ... يرايد موجويه جدم
ونته زحف جاي .... وحوافر هواي
صوبك لفن لاتنسحك ... اه
واصله دخان .... من لخيم جان
كلشي ختنك من الحرك ... اه
____
من العصر لليل سحكو
جسمه وجروح الكلب
والهوه يلجم جروحك
لو على ضلوعك يهب
كلشي بطف صار ضده
ونحرم من شرب العذب
يا عطشان .... وروحه تحجي هظم
يالعريان ....... والجسمه ماخلو هدم
شكد تعبان .... مابيه يباوع علخيم
وين ... الجان لحزام ضهر
حين .. طاح وهوه فوك نهر
منين .. يرجله عباس الكمر
وياحسرتك كوم .... من هدت الگوم
محد يطفيها الخيم ..اه
جا اخوتك وين .... ودير بالعين
لاكو عشيره ولازلم ... اه
____
حته راسك وعله رمحه
ويعطش وجاسه الضمه
ورمحك ترويه انته
تروه من شرب الدمه
هذا رسك وين جسمك
حدر لخيل ....... والحافر بصدره نزل
دايس حيل ... صار نفس ما ينحمل
جانه اليل .... وختك يجتفوها بحبل
راح ... ماكو بعد الهن خدر
طاح .. عامود بيتك وستر
صاح ... طلعوها زينب بظهر
وتصدها العيون ... بسوگ اليشتمون
باجر بناتك من تمر ... اه
بس الشم ليش .... وهنه وسط جيش
#الشاعر_مسلم_الحلفي
#ولاية_علي_حصني
وحده وبلاعونه
ذابلات عيونه
العطش هد حيله
ماي مايروونه
نازفات جروحه
حتار بس بروحه
وخته عنه دور
تستمع بس نوحه
صوت لعقليه وسفه ينسمع
شلون يفزع الي ماعده ظلع
محد الها وهيه حرمه بالفله
علخوها دارت جيوش وجمع
___
ورمال وساده
سوه شيخ ساده
ينضر عله عياله
شمر ضل يتماده
السهام بجسمه
غطه طوله دمه
والحوافر فوكه
غيرنه رسمه
ركضت خيول وفوك جسد
فوكه الحوافر وليه هم ترد
جسمه توذر وماضله جسم
وياشر على خته خويه شبعد
_
هجمت لخياله
وركضت أطفاله
طشت وبلهيمه
بالبراري عياله
وشمر بالخنجر
علجسمك يفتر
وختك التناضر
يحز بيده لمنحر
حافر اليدوسه حيل علنحر
وجها اصفر نازف لدم شكثر
عينه يفتحها ويسدها علخيم
يشوف أخته منسبي منها لخدر
_
والطفل كدامه
طايح عله لهامه
والحرم تتراكض
عله جمر خيامه
يزحف ومايكدر
ينلجم لموذر
سلبوها هدومه
نايم بلا منحر
جرح الحرم بيه ضل يلجم
الطفل الذي يطيح مايسلم
من حافر الخيل المراكض
دوس وفقط نار ضل يشتم
_
والشمر من جاله
شافه وبيا حاله
بخنجره ضل يذبح
كطعو أوصاله
وخفتت أنفاسه
يرفعونه الراسه
علرماح واخته
وتنظر العباس
من طاح اخوه طاح ياولاه
وفوكه تنادي خويه أحاه
يايمه زهراء شوفي ابنج
ومن النحر اخ تسمع اه
#الشاعر_مسلم_الحلفي
#ولاية_علي_حصني
صلو صلاة الدم ...
وغيض زلم غيم
كلهم بدو يقرون
قربان حب الخيم
تسابكو علموت زلمه يحشم بزلمه بفخر
خلاف ابو اليمه يوادم شني معنات لعمر
هد حبيب وحيله هد
ودمه لسمه متد
وجرد سيف ويكول وبعد ماعندي صبر
هدو زلامك ... تحزمت خيامك
طيح جدامك ...رجال الموزمه
تعدل الميله ...وركب خيله
تكوه بحيله ....ولحسين يحزمه
__
كبال الخيم تلتم
سيوف الزلم تثلم
دكو صدر لحسين
اليدنه فلا يسلم
النصاري وي برير عيونهم تنكط جمر
سمع عباس وطلع ويجرجر اذان نهر
وجون وي عابس طلع
جن جنونه ومارجع
طلعو زلام الله كلهم ولوه بأيد الكمر
الكمر طالع .... للحجي سامع
للحرب راجع .... ياصكار الزلم
سيفه بايده ..... والحرب عيده
صيده لبعيده ... بجفوفه تنلزم
،_
رفعوا رواية حگ
شدو حزم للطگ
بعباس شدو لحيل
يعيش الذي يعشگ
الحضه لتمر دون عين حسين مابيها طعم
وهب عايف دين اهله ويتبع دين الخيم
صار دينه دين حب
بعشگه هل ذايب وهب
وبدت من طف رساله عشك بس لهل شيم
عاشگ عيونك .... همه يقرونك
وصار مجنونك ... سوادين لعشگ
صلو وطلعو ........ ويمك وهتفو
وللحرب ردو ...... وبحلب حترگ
____
أنصار وأجت تهتف
صوب لخيم تلتف
عيون تنكط غيض
مشهد فلا توصف
واحد بواحد تگاوه وهدو بغيرة علي
هاي وادم عدها انت الفقط بالعالم ولي
تحزمو محد يرد
وقرو الله احد
ودخنت بيها المعاره وروس بس التمتلي
روس ماضلت .... وزلم شردت
كربله نگلبت........ طلعت انصارك
دخنت كلها ..... هاي بولها
زلمك تحلها .... وترد بثارك
____
غيرة علي البيهم
سيوف الي بيديهم
ياويله يدنه الهم
شحده اليعاديهم
الموت من عدهم تعلم ورجال تبشرت
رحلت العشاق من طف وبدموم بتدت
بكل بدايه والعشگ
فقط يمثل الصدگ
المواقف بطفوف لسان عدها من حجت
موقف زلامك ...... كلها كدامك
طيح لخيامك ..... صوايين ستر
زامط بذوله ..... كلها كلوله
فده يرحوله .... نطيح علنهر
#الشاعر_مسلم_الحلفي
#ولاية_علي_حصني
الكاع طرشه لان ماتسمع ونين الأمهات
بين فرگه حيل بين ركاظ شوك لفاكدات
وخلصن ليل الله هنه علظناهن نايحات
( ضعن كله ثكاله شايل ليله )
_
ونين ودموع وبواجي البلخرايب نايمات
واتركن أولادهن وهنه سبايه رايحات
ليش ياكاع علبختج تأخذين لبي صفات
( وراح من عدها وين لبي محنه )
_
سمعي ياكاع الونين لجان عرس بلادموع
هسه عريس المنايه مكسره منه ظلوع
بعد ليل لونه مطفي ابد مو ليل شموع
( راس عالرمح يازفه ترهمله )
_
سولفي ياكاع عن الطفل لو نصج ينام
عمره ست شهور مذبوح بهضيمه بسهام
سهم المثلث يوادم ذبح طفلي بلافطام
( وسهم المثلث نص روحي أحسه )
___
ليش ياكاع علمتنج مابقت ذيج لخيام
نار تأخذ منها حصه ونتها ذاك الكلام
بعد حركت خيم زينب عالخدر نقره سلام
(ولاخدر عدها مشت زينب اسيره )
____
كاع ماعرفت حسين وألجمت منه جروح
يزحف بشوغه ونينه ومادره وين ليروح
حجيلي من داسه الحافر بيه لسه باقي روح
(واصل لحافر حد ظهره وتعده )
____
وكاع ماعدج محنه ومنها ماينسمع نوح
شلون خليتي العقيله بسبي من طف تروح
وعافت خوان واهلها مطرحين وبجروح
( حبل بيدها سبوها من أهلها )
#الشاعر_مسلم_الحلفي
#ولاية_علي_حصني
حاكم مثله ابد لامايجي بيوم
وعگرت أن تلد مثله النساوين
وصل من العداله يوزع المال
المسلم والمسيحي لكل مساوين
اليتيم بدولته الينام مرتاح
وليله يخلصه حيدر شايل طحين
مالابس ذهب لايلبس تاج
ولاسرفن ديه نص الدواوين
يسرفن زنده صح بملاكه لسيوف
وعمره خلصه بس نصره للدين
ماخله حمايه وتدفع اطفال
ولافاتح مكاتب بيها تعيين
حاكم علي بس مانام مرتاح
حاله من البجي يفطر الحياطين
ماحطله قصر وعالقصر بواب
وحاشه على للموال يمد اليدين
قنبر جان خادم عده محسوب
بس وكت رواتب نفس لحسين
علي كلي ليشبهك وين مولاي
عكرت كعبت الله جيبلي ثنين
بس واحد جابت علي الكرار
العلى خدود زمن تارك نياشين
اشكيلك كلانه لعوز مولاي
وساسه صبحو همه الشياطين
الكله بسفره وليدك بالملح خان
طلع عده بحبك ذاك وجهين
ونت نكابك الغطيت بيه نور
فتحت كلبك لفقره والمساكين
#ولاية_علي_حصني
#الشاعر_مسلم_الحلفي
بذرة الأجيال
بدينه وياك من جانت الوادم طين
من جان ادم بجنه ومعاه حوه
من جانت أرواح بذر لكينه حسين
وربك خيرانه خترنه بس هوه
بصلاب البشر جيل ٌ بعد كل جيل
أخذنه من لسبقنه بلعشگ خذوه
وصرنه ولكينه أمنه تلولي حسين
تخدمه وبلطم تلطم لطم لبوه
ولكينه مضايف بيها صورة شيخ
سالنه عليه كالو غيره لاتهوه
وكبرنه شويه ابونه بيده گايدنه
وكلنه المجالس هاي موندوه
سلمونه اهلنه رايه كلها دموع
ولتمينه كنه خدم بس اخوه
خدم يم لحسين شوفنه شيوخ
ولبسنه كرامه عشگ بي سطوه
ترسنه صيت واحدنه تعده عدال
الف زلمه وخدمته للخيم فدوه
مشينه وياه عمر حدما ترسنه شيب
وبعدنه للطم ايدينه اله تهوه
واحنه الي نقدس كلشي اله محسوب
وجدر ثوابنه بي للمرض صحوه
وجدمنه معلمه تمشيله ماتنساه
على دربه حسبنه چلمه ولخطوه
اذا تيهنه تلكانه على باب حسين
نبجيله ندم حد ماعشگ نخوه
وترس راسي ندم وشيب ماخذني
وفك بابه الكبر وبلموت اتلوه
سألوني واجاوب انه اريد حسين
انه الي خدمته خدمه بس تسوه
مارايد شفاعه بس صده بعين
وروي عيوني منه بكثر ما اهوه
انه لماخذ حياتي دموع وقرايات
استاحش وشوفن مجلسه سلوه
أجاني حسين جايبلي ثياب سود
وشع نوره بضلامي ومدري سوه
لخادم من يموت شيعه خدام
وكدام جنازه الزهره اله تقره
بتابوته ويون وتسمع لطمات
تحس هسه لخادم زين ضل يدره
وصيه والدي سلمها للأجيال
حب حسين زرعه بداخلك بذره
#الشاعر_مسلم_الحلفي
#ولاية_علي_حصني