6758
Энг аниқ кунлик мунажжимлар башорати бизнинг каналимизда! Буржлар хақида қизиқарли маълумотлар ва тавсияларни кузатиб боринг. Админ👉 @acroc
ҚЎЙ (21. 03 — 20. 04)
Бугун бировларнинг ишига аралашишингиз тавсия этилмайди. Айниқса, ишхонангиздаги ҳамкасбларнинг айримлари нолий бошласа, уларга маслаҳат бериб овора бўлманг. Охир оқибат ўзингиз айбдор бўлиб қоласиз. Бунинг ўрнига бор куч ва имкониятларни бир нуқтага жамлаб бажарадиган ишингизда янгиликлар яратишга ҳаракат қилинг. Шахсий ҳаётда ўз принципларингизга асосланган ҳолда иш тутинг.
БУЗОҚ (21. 04 — 21. 05)
10 ноябр сиз учун оғир кечиши мумкин. Ишхонангизда сиздан ранжийдиганлар хит қилса, уларнинг баъзилари сизнинг кўнглингизга ўтиришмай, ич-этингизни ея бошлайсиз. Бир сўз билан айтганда, ўзаро қарама-қаршиликлар ҳукм суради. Аммо куннинг иккинчи ярмида аввал бажарган ишингиз учун мукофот пули оласиз ва кайфиятингизда яна позитивлик пайдо бўлади. Шахсий машинангиз бўлса, серқатнов йўлларда эҳтиёт бўлинг.
ЭГИЗАКЛАР (22. 05 — 21. 06)
Бугун ким билан гаплашманг, албатта хурсандчиликка эришасиз. Тўғри, ора-сирада майда бўлса-да кўнгилсиз хабарлар келиб туради. Бироқ хурсандчилигингиз олдида улар майдалигича қолиб кетаверади. Қариндошлардан бири қўнғироқ қилиб моддий ёрдам сўраши мумкин. Имконингиз бўлса албатта ёрдам беринг. Кечқурунга бориб барибир асаблар чарчайди. Шунинг учун эрта кунда ухлашга ётганингиз маъқул. Ёки севимли хоббингиз билан банд бўлинг.
ҚИСҚИЧБАҚА (22. 06 — 23. 07)
10 ноябрда оила қурмаганларни совғалар ва муҳаббат изҳорлари кутади. Ниҳоят бу дунёда ёлғиз қолмаслигингизни тушуниб етасиз. Молиявий муаммоларингизни ўйлаб қайғуга ботманг. Бунинг ўрнига уларни тез фурсатда бартараф этиш йўлларини қидиринг. Башарти анчадан бери пул тўплаб юрган бўлсангиз, йирик харидларни амалга оширишингиз мумкин. Яна муҳаббатда тезкор қарорлар чиқаришдан сақланинг.
АРСЛОН (24. 07 — 23. 08)
Аёллар эрталаб гардеробини яна бир бор кўздан ўтказиб олсалар ёмон бўлмайди. Дўкон айланиб ўзингизга ёққан кийимни харид қилишга ҳам ҳақлисиз. Бу масалада пулни аяманг. Моддий аҳволингизни яхшилашда жиддий муаммолар юзага келиши мумкин. Танишлар ёки дўстлардан ёрдам сўрашингиз зарурга ўхшайди. Ким меҳнат таътилида бўлса, дам олишни кўнгилдагидек режалаштириши тавсия этилади.
ПАРИЗОД (24. 08 — 23. 09)
10 ноябр куни ҳам жисмоний, ҳам ақлий бадантарбия билан шуғулланишингиз керак. Ёки камроқ босимдаги жисмоний зўриқишлар ҳам сизга ёрдам бера олади. Кайфиятингиз позитив ҳолатга кўтарилади. Иш жараёнида миянгизни бўлмағур хаёллардан тез-тез тозалаб туринг. Йўқса, улар ишга ҳам, яшашга ҳам қўймайди. Муҳим ҳужжатлар билан ишлашга тўғри келса, эҳтиёткорлик билан иш кўринг. Муҳаббатда сизни муваффақиятли лаҳзалар кутади. Оллоҳ сизга ёр бўлсин!
ҚЎЙ (21. 03 — 20. 04)
Бугун илгари жанжаллашиб қолганларнинг кўзига кўринмаганингиз маъқул. Орангизга янада кўпроқ совуқчилик тушади. Ўзингизни қўлга олинг ва профессионал касбингиз билан боғлиқ иш доирасида қўшимча билимлар олинг. Рўзғордаги муаммолар бугун жуда енгил бартараф этилади. Ажабланарлиси, улар ўтган йилдан бери пана-пастқамларда қолиб кетганди. Ҳар ишнинг ўз вақт-соати бор деганлари шу бўлса керак-да.
БУЗОҚ (21. 04 — 21. 05)
8 ноябр сиз учун ҳайрат ва ҳаяжонларга бой кечиши кутилмоқда. Қай иш билан банд бўлманг, ҳеч қачон афсусланмайсиз. Аниқроғи, афсусланадиган ишнинг ўзи бўлмайди. Оилангиз тинч бўлишини хоҳласангиз, яқинларингизнинг ишларига аралашманг. Молиявий аҳволингиз худди артериал қон босимига ўхшаб сакраб туриши мумкин. Шуни ҳисобга олиб сергак туринг. Бадавлат одамлардан қарз кўтаришга уринманг. Кейин пушаймон ейсиз.
ЭГИЗАКЛАР (22. 05 — 21. 06)
Бугун янги лойиҳаларга чин кўнгил ва илҳом билан қўл урасиз. Сизни ҳеч ким, ҳеч қандай куч тўхтата олмайди. Жамоавийликдан воз кечинг. Ишларингизни тўлиқ уддалашингиз учун ўзингиздаги куч ва имкониятлар етарли. Пулингиз етса кун давомида ўзингиз учун кичик бир байрам уюштиринг. Кечқурун харидларга қўл уриш, шаҳар айланиш хайрли ўтади. Омад сизга ёр бўлсин! Саломатлигингизни асранг.
ҚИСҚИЧБАҚА (22. 06 — 23. 07)
8 ноябр куни нималарнидир бажармагандек, ўтказиб юборгандек бўлаверасиз. Аммо шахсий гумонларингиз етовида қолишдан сақланинг. Улар сизга охир-оқибат жиддий зиён етказиб қўйиши ҳеч гап эмас. Тадбиркор бўлсангиз, куннинг иккинчи ярмида ўта мураккаб бир вазифани адо этишингизга тўғри келади. Хизмат сафарига боришдан бош тортманг. Рақобатчиларингизга худо беш қўллаб бериб қолмасин. Қарорлар чиқаришдан олдин етти ўлчаб бир кесинг.
АРСЛОН (24. 07 — 23. 08)
Бировлардан шубҳаланишдан ўзингизни асранг. Оила қурмаганларнинг айримлари танлагани билан вақтинча хайрлашган бўлса, унга қаттиқ гапиришдан тийилишлари керак. Олдин хотиржам тортинг. Кейингина хулосалар ясанг. Молиявий муаммоларни ижобий ҳал этишни истасангиз, таваккалчиликка бироз эрк беринг. Кечқурун айримлар бош оғриғи, шамоллаш ва аллергиядан безовта бўлиши мумкин. Врачга учрашишни унутманг.
ПАРИЗОД (24. 08 — 23. 09)
8 ноябрда барча шахсий муаммоларингиз ортда қолади ва кўтаринки кайфиятда янги ишларга қўл уришни бошлайсиз. Ҳатто, арзимас майда-чуйда лаҳзалардан ҳам қалбингиз қувонади. Оилавий ҳаётга келсак, жуфтингиз билан анчадан бери орангиздаги муносабатларга путур етган. Бу масалани ҳал қилиш керак бўлади. Муҳаббатсиз оила қуриб бўлмайди. Қурилган тақдирда ҳам бу оила мустаҳкам бўлмайди. Кечқурун кимдир қўлингизга бир даста пул тутқазиши кутилади. Сурункали хасталикка йўлиққанлар дориларини ўз вақтида ичиши тавсия этилади.
ҚЎЙ (21. 03 — 20. 04)
7 ноябр куни гўё партизан қиёфасига кирасиз. Дуч келгандан аниқ-ноаниқ хабарларни суғуриб олишга мойил бўласиз. Аммо бу ишингиз ўзингизга қарши ишлаши мумкинлигини унутманг. Сизга бугун асосан сукут ёрдам бера олади. Айниқса, яқинларингиз билан кечадиган мулоқотларда тингловчига айланишингиз керак. Кечқурун тижоратчилик истеъдодингиз юзага чиқиб келиб, оилавий бюджетни аъло даражада ўрни-ўрнига қўя оласиз.
БУЗОҚ (21. 04 — 21. 05)
Бугун ҳали ҳеч ким билмайдиган истеъдодингизни намойиш этишга ҳаракат қилинг. Чунки бугун сизнинг кунингиз. Ҳар бир ҳаракатингиз албатта омад келтириши тайин. Куни кеча шамоллаб қолганлар бўлса, бугун аҳволлари яхшиланиш палласига киради. Аммо бу кўчага енгил кийиниб чиқинг дегани эмас. Албатта эҳтиётингизни қилишингиз керак. Кўпроқ дам олинг. Дўстингиз қўшимча даромадли иш топиб беришни ваъда қилган бўлса, шошилманг. Олдин бу масалани обдон тарозига солиб кўринг.
ЭГИЗАКЛАР (22. 05 — 21. 06)
7 ноябрда фавқулодда қўнғироқ режаларингизни ўзгартириб юбориш эҳтимоли бор. Ҳеч қандай тўсиқ сизни тўхтата олмайди деб ўйлагандингиз. Шунақаси ҳам бўлиб тураркан. Яқин дўстлардан бири кундузи асабингизга тегиши кутилади. Жанжалга айланиб кетмаслиги учун бу асабийликни жиловга солинг. Молиявий муаммоларнинг сизга бўйсуниши оғир кечиши мумкин. Лекин хавотирланишга ўрин йўқ. Заҳирадаги пулларингиз ҳам етарлидан кўпроқ. Демак, пулсиз қолиб кетмайсиз.
ҚИСҚИЧБАҚА (22. 06 — 23. 07)
Башарти олис сафарга отланишни режа қилган бўлсангиз, бу сафарни бошқа кунга қолдириб турганингиз маъқул. Бугун йўлга чиқасиз-у, йўқ жойдан муаммолар кўндаланг бўла бошлайди. Тадбиркорлар ҳам бугун амалга ошириладиган ишларни, келишувлар, музокараларни бошқа кунга қолдирсинлар. Шахсий ҳаётда аксинча омадли лаҳзалар ҳамроҳингиз бўлади. Жуфтингизнинг бирмунча романтиклашганига гувоҳ бўласиз.
АРСЛОН (24. 07 — 23. 08)
7 ноябр куни хафа бўлишга сизда умуман сабаб, баҳона бўлмайди. Ҳамма ишларингиз силлиқчасига ҳал бўлади иншооллоҳ. Тадбиркор бўлсангиз, миянгизга келадиган янги ғояларни бошқалардан сир тутишга уринманг. Ундан ҳамкорларингиз албатта хабар топишлари зарур. Аёллар учун терини ёшартиришга, организмни заҳарли моддалардан тозалашга қаратилган муолажалар омадли якунланади. Гардеробингизни битта бўлсин янги кийим билан бойитсангиз ҳам зиён қилмайди.
ПАРИЗОД (24. 08 — 23. 09)
Паризод буржи остида таваллуд топганлар ҳис этиш, сезиш, англаш бобида тенгсиздирлар. Бу нарса ишда ўз самарасини бермай қолмайди. Муҳаббатда ўтмишни титкилаш фикридан воз кечинг. Бу жуфтингиз билан орадаги муносабатларга зиён етказиши мумкин. Рўзғорингизда ўта мураккаб бир муаммо пайдо бўлиши кутилади. Мураккаблиги шундаки, муаммони ижобий ҳал этиш учун катта пул керак бўлади.
ТАРОЗИ (24. 09 — 23. 10)
6 ноябрда оилада ким хўжайинлигини яна бир бор аниқлаб олиш ҳаракатига тушишингиз мумкин. Ажабланарлиси, оила аъзоларингиз бу ҳаракатларингизга хотиржамлик билан муносабат юрита бошлайди. Сиз етакчи эканингизни тан олишади, ишонаверинг. Муҳаббатда жуфтингизнинг ҳам фикрлари билан ҳисоблашишингизга тўғри келади. Ишхонангизда юқори лавозимга эга чиқиш учун қулай имконият пайдо бўлиши мумкин. Отни қамчиланг.
ЧАЁН (24. 10 — 22. 11)
Бугун чаён буржи остида таваллуд топганлар ўзларини эркалаш ҳаракатида ишқий саргузаштларга берилишлари, ёқимли харидлар сари талпинишлари мумкин. Овқатланиш масаласида ҳам ўзингизни чегараламанг. Таъбингиз тортган овқат борки, сира тортинмасдан истеъмол қилаверинг. Спорт билан шуғуллансангиз, эҳтиёт бўлинг. Жароҳат олишингиз хавфи бор. Саломатлигингиз ёмонлаша бошлаганини пайқасангиз, дарров врачга чопинг.
ЎҚОТАР (23. 11 — 21. 12)
6 ноябр куни ё ишда, ё шахсий ҳаётда ким биландир росмана баҳслашиб қолишингиз кутилмоқда. Аммо бу ишга ҳам, кайфиятга ҳам салбий таъсир ўтказа олмайди. Фақат кунни аниқ режа асосида кечириш пайида бўлсангиз, ундан кечиб вазиятга бўйсунишга мажбур бўласиз. Кимлардир кечки пайт олис сафарга отланади. Сафар давомида ажойиб учрашувни бошдан ўтказасиз. Шу инсон бир умр сиз учун ҳақиқий дўстга айланиши эҳтимолдан холи эмас.
ТОҒ ЭЧКИСИ (22. 12 — 19. 01)
Бугун аввало молиявий, хўжаликдаги муаммоларни бартараф этиш, қурилиш ишлари билан шуғулланишингиз кутилади. Бироқ бу яхшиликка хизмат қилади. Сизни хунук хаёлларга асир бўлишдан асраб қолади. Кун мобайнида ўзингизни ёқимли харидлар, мазали таомлар билан хурсанд қилинг. Ишқилиб, неки сиз учун ёқимли бўлса, ўша нарса учун вақт ажратинг. Кўча-кўйда эҳтиётингизни қилинг. Серқатнов йўлларни кесиб ўтишда ниҳоятда сергак туринг.
ҚОВҒА (20. 01 — 19. 02)
6 ноябрда хаёлан кашфиётчига айланиб қолишингиз мумкин. Бу машғулотингизга ҳеч ким тўсиқ қўя олмайди. Фақат ишхонадаги юмушларни ўз вақтида адо этиб қўйсангиз бас. Кечки пайт уйга қайтишингиз палласида ёқимли танишувни бошдан кечирасиз. Оиласиз бўлсангиз, танишганингиз ҳам шундай бўлиб чиқса, учрашувни романтика сари етакласангиз ҳам зиён кўрмайсиз. Кечқурун баъзилар муҳим ҳужжатлар билан ишлаши кутилмоқда.
БАЛИҚ (20. 02 — 20. 03)
Бугун қалбан раҳбарликни орзулаб ўзгаларга кўрсатмалар, маслаҳатлар беришни хоҳлаб қолсангиз, билингки, одам ақли етадиган ишларгагина қўл урса наф кўради. У ишдан буткул бехабар бўлсангиз, шарманда бўлишингиз ҳеч гап эмас. Муҳаббатда ҳам оғир-босиқ бўлинг. Тезкорлик, тезоблик жуфтингиз ёки бўлғуси жуфтингиз билан ўзаро муносабатларга путур етказади. Молиявий жиҳатдан кечқурун тўкисликка эришасиз.
ТАРОЗИ (24. 09 — 23. 10)
Эрталаб кунни қайноқ кофе ичиш билан бошласангиз, хаёлларингиз, фикрларингиз теранлашиб, сергак тортасиз. Кўрибсизки, барча режалаштирилган ишлар олдинга силжийди. Ортиқча буюмлардан воз кечинг. Кечқурун оила қурмаганлар романтик учрашувни бошдан ўтказишлари кутилмоқда. Ҳатто, кутилмаган совғани ҳам қабул қилиб олишингиз мумкин. Табриклаймиз! Омад сизга ёр бўлсин!
ЧАЁН (24. 10 — 22. 11)
5 ноябрда ёлғизлардан кимнинг хаёллари яқиндагина танишган инсон томон оқа бошлайди. Бу шунчаки танишув эмас, балки, танишув замирида муҳаббатга ўхшаш туйғу мавжудлигини англаб етасиз. Аммо дарров туйғуларингизни ошкор этиб қўйманг. Вақт керак. Кечқурун уйда, оила аъзоларингиз даврасида вақт ўтказишингиз тавсия этилади. Кўчага чиқсангиз, қайсидир жанжалга қўшилиб қолишингиз мумкин.
ЎҚОТАР (23. 11 — 21. 12)
Бугун сизни турли кўнгилсиз вазиятлардан сукутгина қутқара олади. Панада бўлинг. Олдинга интилманг. Хавфли вазиятлар сари талпинманг. Ишхонангизда ҳам айрим муаммолар кўндаланг туриши мумкин. Моддий аҳволингиз ҳадеганда яхшилана қолмай, асабингизни бузади. Бу муаммоларни ўз фойдангизга ҳал этишингизда яқин инсонингизнинг қимматли маслаҳатлари ёрдам беради. Кечқурун ухлашга ётишдан олдин ўзингиз севган китобни мутолаа қилинг.
ТОҒ ЭЧКИСИ (22. 12 — 19. 01)
5 ноябр куни бировларнинг ишларига, шахсий ҳаётига аралашишдан ўзингизни тийишингиз лозим. Йўқса, кайфиятингиз эрталабдаёқ бир пул бўлиши ҳеч гап эмас. Хайрли тадбирларни ташкил этиш, қийналганларга ҳар тарафлама ёрдам кўрсатиш, яқин кишиларнинг кўнглини олиш ва ижод қилиш бугун муваффақиятли кечади. Ўтмишга қайтиб иш кўришни хаёлингизга ҳам келтирманг. Муҳаббатда оиласизларнинг ҳам, оилалиларнинг ҳам омади кулади.
ҚОВҒА (20. 01 — 19. 02)
Куннинг биринчи ярмиданоқ бир дунё ёқимли лаҳзалар сизга ҳамроҳлик қилади. Уларнинг энг қимматлиси эса яқин инсонингиз ҳадя этадиган совға бўлса керак. Севимли хобби учун вақт ажратиш, уй юмушларини уддалаш бугун албатта ёқимли кечади. Моддий аҳволингиз кўтаришига ишонсангиз, саёҳатга отлансангиз ҳам ортиқчалик қилмайди. Куз ҳавоси сизга ҳар жиҳатдан фойда беради.
БАЛИҚ (20. 02 — 20. 03)
5 ноябрда эрталаб уйқудан уйғонишингиз мушкул бўлади. Ҳатто, кофе ҳам ёрдам бера олмаслиги мумкин. Лекин иш кутиб турмайди. Куннинг иккинчи ярмида қоғозбозликларга муккангиздан кетишингиз керак бўлади. Кечқурунгача уларни якунлашга ҳаракат қилинг. Кимки ўзига муносиб жуфт қидириш билан овора бўлса, кечқурун уларни романтик танишув ва учрашув кутади. Янги танишган инсонингиздаги ҳар бир жиҳат сизга ёқиб тушади. Оллоҳ сизга ёр бўлсин!
ТАРОЗИ (24. 09 — 23. 10)
Бугун кун аввалиданоқ балиқ овигами ё бошқа хоббингиз сари отланишингиз эҳтимоли бор. Агар ишингиз бўлмаса, ўзингиз учун қўшимча дам олиш куни эълон қилишингиз сира зиён бўлмайди. Кунни оила, болалар учун бағишлаш ҳам янада ёқимли кечади. Баҳонада муносабатлар мустаҳкамланади. Организмингиз гармонияга эгалик қилади. Севимли хобби билан шуғулланиш, спорт машғулотларида иштирок этиш, тоза ҳавода сайр қилиш ҳам жуда ёқимли ва фойдали кечади.
ЧАЁН (24. 10 — 22. 11)
4 ноябрда дунёқарашни кенгайтириш, семинарларга ва курсларга бориш сира ортиқчалик қилмайди. Билимингиз қанча пухта бўлса, ишда шунча кўп ижобий натижаларни қўлга киритасиз. Олис сафар ва бўлар-бўлмас танишувлардан воз кечинг. Беҳудага куч сарфлаганингиз қолади холос. Муҳаббатда сиз тақдирнинг яна бир қалтис синовидан ўтишингиз мумкин. Ҳушёр бўлинг. Хатога йўл қўя кўрманг. Омад сизга ёр бўлсин!
ЎҚОТАР (23. 11 — 21. 12)
Бугун сизни ёрқин лаҳзалар олқишлайди. Моддий аҳволингиз яхшиланади. Даромад сиз ўйлагандек жуда мўл бўлмаслиги мумкин, аммо барибир киссангизда пул бўлади. Неки ишни адо этманг, натижасини яқин келажакда албатта кўрасиз. Яқин дўстлардан бири сизни бегоналар билан юзага келадиган жанжалли лаҳзалардан асраб қолиши мумкин. Ундан ўрнак олсангиз арзийди. Имконингиз бўлса, кечки таомдан воз кечинг ва эрта кунда ухлашга ётинг.
ТОҒ ЭЧКИСИ (22. 12 — 19. 01)
4 ноябр куни ҳамкасб ва рақобатчиларни ортда қолдириб кетиш учун айёрона усул ўйлаб топишингиз зарур бўлади. Шунда ишда биринчи бўласиз. Кун давомида фавқулодда танишувларни бошдан кечиришингиз мумкин. Танишувларнинг айримлари унутилмас лаҳзага айланади. Улар тафаккурингизни чархлаб, дунёга нисбатан қарашларингизни тубдан ўзгартириб юбориши ҳеч гап эмас. Асабни асранг. Тўғри овқатланинг.
ҚОВҒА (20. 01 — 19. 02)
Кунингиз бир қарашда одатий кунлардан фарқ қилмаслиги мумкин. Бироқ унинг ўзига хос ажойиб лаҳзалари бор. Маънавий озуқа олиш, янги билимларни эгаллаш ва қариндошлар билан ўзаро муносабатларга эътиборли бўлинг. Агар молиявий муаммолар ҳадеганда бартараф бўла қолмаса, ташлаб қўйинг. Бошқа куни албатта уддалайсиз. Муҳаббатда ўзингизни қўлга ола билинг. Хатолар сари бошлайдиган ҳаракатларни содир этманг.
БАЛИҚ (20. 02 — 20. 03)
4 ноябрда фавқулодда меҳрибон одамга айланасиз. Шундоқ ҳам меҳрибонсиз. Лекин бугунгиси оламшумул чиқади. Ҳаммага баравар меҳр улашгингиз, уйга таклиф қилиб меҳмон қилгангиз келаверади. Бу ҳолатда ўз вақтида тўхтамасангиз, билингки, инқирозга юз тутасиз. Иш жараёнида ўзингиз учун ўзингиз ҳашаматли қулайликларни яратинг. Олис сафарга чиқманг, омадсизликка юз тутасиз.
ТАРОЗИ (24. 09 — 23. 10)
3 ноябрда ким нима деса юракка яқин олаверманг. Одамлар ҳар хил. Айримлари ҳасаддан бўлмағур гапларни гапириши, айримлар эса сизни чув тушириш ниятида тилига эрк бериши мумкин. Фақат ўзингизга ишонган ҳолда ҳаракатлар содир этинг. Кун давомида тадбиркорларга фойдали таклифлар келиб тушиши, шартномалар имзолаши ва хизмат сафарига отланиши эҳтимолга яқин. Яқин ўтмишда катта ишга пул тиккан бўлсангиз, бугун даромадини қуртдек қилиб санаб оласиз.
ЧАЁН (24. 10 — 22. 11)
Ишларингиз бугун ҳар сафаргидек ўнгидан келмайди. Маслаҳат берадиганлар кўп, аммо ёрдамга тайёр одамлар сира топила қолмайди. Янги танишувларни бошдан кечиришингизга тўғри келса, жуда эҳтиёт бўлинг. Молиявий масалада аниқ ҳисоб-китоб юритсангиз, даромади кўнгилдагидек бўлади. Кечқурун муҳаббатда ёқимли лаҳзаларни бошдан кечирасиз. Оллоҳ сизга ёр бўлсин!
ЎҚОТАР (23. 11 — 21. 12)
3 ноябр куни спортнинг фаоллик талаб қилувчи турларидан, сершовқин давралардан ва кўнгли қора одамлардан қочишингиз тавсия этилади. Улар нафақат кучингизни сўриб олади, балки саломатлигингизга ҳам зиён етказади. Жуфтингиз билан муносабатларда майинроқ бўлинг. Бугун маданий тадбирлар ва севимли хобби билан машғул бўлиш фойдали, хайрли, ёқимли кечади. Кечқурун овқатланиш режимига яна бир карра кўз ташлаб олинг.
ТОҒ ЭЧКИСИ (22. 12 — 19. 01)
Бугун ҳар қадамда жиддий тўсиқларга дуч келишингиз кутилади. Ғалабага эришиш учун уларнинг ҳар биридан ўз кучингизга таянган ҳолда ўтишингиз талаб этилади. Омад яқин, шунинг учун тўсиқлар сизнинг руҳингизни тушира олмайди. Кун давомида жамоат жойларидан ўзингизни олиб қочинг. Кўча овқатини зинҳор истеъмол қила кўрманг. Фақат уй шароитида пиширилган овқатларни енг. Омад сизга ёр бўлсин!
ҚОВҒА (20. 01 — 19. 02)
3 ноябрни хотиржамликда ва эмоцияларсиз ўтказишингиз тавсия этилади. Бесабаб қаҳрамонликлар кўрсатишга уринманг. Бу сизнинг жамиятдаги ўрнингизга путур етказиши мумкин. Шахсий ишларда, бизнесда ва ҳамкорлар билан мулоқотларда қатъийлик ёрдам беради. Кечқурун айримлар фавқулодда хизмат сафарига жўнаб кетиши эҳтимолга яқин. Ўзингизни эҳтиёт қилинг.
БАЛИҚ (20. 02 — 20. 03)
Бугун оила қурмаганларнинг баъзилари илгари ўзи ёқтирмаган инсон билан тасодифан учрашиб қолиши кутилмоқда. Орангизда ҳақиқий ишқ романи пайдо бўлади. Сиз уни қаттиқ севиб қоласиз. Оилали бўла туриб шундай вазиятга тушсангиз, дарҳол туйғуларга қулф солинг. Чунки туйғуларга эрк берсангиз, охири яхшилик билан тугамайди. Кечқурун моддий аҳволингиз яхшиланади. Қарз олганлар қарзини қайтаради.
ТАРОЗИ (24. 09 — 23. 10)
2 ноябрьда профессионал сифатида ҳамкасблар қаршисида яна бир бор имтиҳондан ўтишингиз талаб этилади. Қайғурманг, имтиҳонни аълога топширасиз. Чунки сиз ҳақиқатан профессионалсиз. Кўпчилик елка қисишдан нарига ўта олмайдиган даражадаги мураккаб вазифаларни ҳам бир зарб билан муваффақиятли бажара оласиз. Серқатнов йўлларда сергакликни қўлдан берманг.
ЧАЁН (24. 10 — 22. 11)
Оила қурмаганлар эрталабдан романтик кайфиятда бўлади. Бунга жиддий сабаб бор албатта. Ниҳоят орзуингиздаги инсонни росмана севиб қолдингиз. Вужудингизни чулғаб турган соф туйғулар сизга илҳом бағишлайди. Тоғни урсангиз толқон қилишга тайёр турасиз. Кечки пайт еттинчи осмондан ерга тушишингизга тўғри келади. Молиявий муаммолар жиддий муносабатларсиз бартараф этилмайдиган кўринади. Шу баҳонада анча-мунча тер тўкишингизга тўғри келади.
ЎҚОТАР (23. 11 — 21. 12)
2 ноябрь куни ишларингиз кўплигидан бош қашишга вақт топа олмаслигингиз мумкин. Молиявий муаммоларни эса яқин қариндошлар ёрдамидагина бартараф эта оласиз. Фақат бўлар-бўлмас харидлардан воз кечишингиз кераклигини унутманг. Атрофдагиларнинг айримлари асабингизга тегиб ўтиши мумкин. Эътибор берманг. Ақл билан масалага ёндашсангиз, ундайлар ўз-ўзидан йўқ бўлиб кетаверади. Серқатнов йўлларни кесиб ўтиш чоғида ниҳоятда сергак бўлинг.
ТОҒ ЭЧКИСИ (22. 12 — 19. 01)
Шахсий бизнеси борлар эрталаб таниш-билишлар рўйхатига яна қайтадан назар ташлаб қўйишларига тўғри келади. Улар орасидан бугун ҳар тарафлама ёрдами тегиши мумкин бўлганларини топинг. Бусиз даромадга даромад қўшишингиз мушкул кечади. Муҳаббатда ёқимли лаҳзаларга ошно тутинасиз. Турмуш қурмаганларнинг айримларини севган инсони саёҳатга таклиф этиши кутилади. Албатта рози бўлинг.
ҚОВҒА (20. 01 — 19. 02)
2 ноябрьда руҳан тетик бўлишингиз лозим. Танангиз соғлом бўлиши керак. Буларсиз кун давомида дуч келинадиган мушкулотлар юкини кўтара олмаслигингиз мумкин. Эрталаб биринчи навбатда бадантарбия билан шуғулланинг. Нонуштангиз ҳам ўзига хос калорияга бой бўлиши зарур. Кечқурун спорт билан шуғулланишингиз хайрли ва фойдали кечади. Вақт топсангиз, хаста қариндошлар ҳолидан хабар олиб қўйинг. Камлик кўрмайсиз.
БАЛИҚ (20. 02 — 20. 03)
Куннинг биринчи ярмида турли ёлғонларга дуч келиб кайфиятингиз бузилиш эҳтимоли бор. Аммо эътиборнинг борини уларга қаратишингиз ҳам нотўғри бўлади. Кечки пайт ёши улуғ қариндошлардан бири билан жанжаллашиб қолишингиз кутилмоқда. Зинҳор жаҳл қила кўрманг. Имкон доирасида хотиржам бўлишга ҳаракат қилинг. Кечқурун албатта тоза ҳавода сайр қилинг.
ТАРОЗИ (24. 09 — 23. 10)
1 ноябрда қайси мавзуда, соҳада бўлмасин, барчасини муваффақиятли ҳал эта оласиз. Шахсий ҳаётда шинавандага айланинг. Жуфтингизни яхшилаб сабр билан тингланг. Шунда муносабатларингиз ижобий томонга ўзгаради. Спортнинг белни мустаҳкамловчи турлари билан шуғуллансангиз, фақат наф топасиз. Ухлашга ётишдан олдин сутли маҳсулотлар истеъмоли билан чекланишингиз керак. Хасталанган қондошларингиз бўлса, улар ҳолидан хабар олинг.
ЧАЁН (24. 10 — 22. 11)
Рўзғордаги муаммо деганининг ҳамма-ҳаммасини тафаккурга таянган ҳолда қойиллатиб адо қиласиз. Фақат атрофдагиларнинг назаридан эҳтиёт бўлинг. Ишхонангизда тушдан кейин ёқимли бир вазият кўзга ташланиши мумкин. Аёлларга уй йиғиштириш масаласини кеч тушгунга қадар ҳал этиб қўйиш талаб этилади. Олис сафарга отлансангиз, йўлингиз бехатар, омадли бўлади. Фалокатлар, ҳалокатлар кузатилмайди иншооллоҳ.
ЎҚОТАР (23. 11 — 21. 12)
1 ноябр ўқотар буржи вакиллари учун у қадар омадли кечмаса керак. Аммо бундан тушкунликка тушиб ўтиришингиз ҳам нотўғри. Кўнгилсизликлар келади ва кетади. Яна ёқимли лаҳзалар сизга меҳмон бўлади. Кун давомида позитивликка эга одамлар билан мулоқот қилинг. Анчадан бери кўришмаган дўстларингизни излаб топинг. Кўпроқ вақт тоза ҳавода сайр қилинг. Молиявий муаммоларни бартараф этишда фақат қалбингизга қулоқ тутинг.
ТОҒ ЭЧКИСИ (22. 12 — 19. 01)
Бугунги кунингиз ёқимли мулоқотлар ва учрашувларга бой бўлади. Ҳаммага кераклилигингизни қайта-қайта ҳис этасиз. Айниқса, молиявий масалада хурсанд бўлишга арзийдиган лаҳзалар кўп. Катта пул ваъда қилган бўлишса, ваъдаларини бажаришади. Ижод билан банд инсонлар ҳам бахтли, ёқимли лаҳзалардан, муваффақиятлардан қуруқ қолишмайди. Кечқурун оғир ҳазм бўлувчи таомлар истеъмол қилишдан сақланинг. Бел, юрак ва жигар қисмларингизни эҳтиёт қилинг.
ҚОВҒА (20. 01 — 19. 02)
1 ноябрда ҳеч нарсадан бош тортманг. Иш бўладими, овқатланиш, дам олиш, саёҳат бўладими, рози бўлаверинг. Дўстларингиз нуфузли кафега таклиф этишмоқчи. Уларнинг ҳам кўнглини қолдирманг. Суҳбатлар давомида кўпгина янги гаплар, хушхабарлар эшитасиз. Кечқурун қариндошларингиз билан жиқиллашиб қолишингиз эҳтимоли бор. Айрим масалаларга бармоқ остидан қарашга ҳаракат қилинг. Кечқурун ҳамкасблардан бири сизга қандайдир совға ҳадя этиши кутилади.
БАЛИҚ (20. 02 — 20. 03)
Эрталаб иш жойингизда раҳбарлар зиммангизга юклайдиган вазифанинг мураккаблигини кўриб қўрқиб кетишингиз мумкин. Йўқ, қўрқиш керак эмас. Аксинча хурсанд бўлишингиз керак. Раҳбарлар сизнинг қобилиятингизни юқори баҳолагани учун ҳам шу каби мураккаб вазифаларни ишониб топширмоқда. Кечқурун дўстлардан бириникига бориб, росмана хурсандчилик қилишингиз мумкин.
ТАРОЗИ (24. 09 — 23. 10)
31 октябр сизга омад ва яхшиликларни ҳадя этмаслиги мумкин. Лекин ишсиз, даромадсиз ҳам қолиб кетмайсиз. Дўстларингиздан бири билан суҳбат давомида мажбурликдан, ноқулай вазиятда қолиб кетмаслик учун жилмайишингиз талаб этилади. Кайфиятингиз позитивликни йўқотмаслигини хоҳласангиз, кечқурун яқин инсонингизни олиб биргаликда концерт ёки театрга тушинг. Албатта мамнун тортасиз.
ЧАЁН (24. 10 — 22. 11)
Куннинг биринчи ярмида сердаромад иш таклиф этувчиларнинг охири бўлмайди. Уларнинг қай бирини танлаш учун яқинларингиздан маслаҳат олинг. Улар сизга тўғри йўл кўрсатишади. Оиласизларнинг айримлари яқин дўстининг сотқинлиги ва юзсизлигидан жабр чекиши мумкин. Сиз танлаган инсонни у ҳам кўз остига олиб юрган бўлиб чиқади. Қандай юзсизлик! Аммо хавотирга ўрин йўқ. Агар танлаганингиз сизни ҳақиқатан севса, ўша юзсиз дўстингизга бир гап билан борадиган ерини кўрсатиб қўяди.
ЎҚОТАР (23. 11 — 21. 12)
31 октябрда зерикиш деган ёқимсиз ҳолат ҳадеганда мўралайвериб безор қилиши мумкин. Ўзингизни қўлга олинг. Хаёлларни бир нуқтага жамланг. Иш билан чалғинг. Кимки саёҳатга отланган бўлса, билсинки, бир дунё ёқимли вазиятлар ҳамроҳлик қилади. Ниҳоят орзуингиз ушалиб денгиз бўйларида бўлиб қайтасиз. Саломатлигингизни қатъий назорат остига олинг. Хасталиклар вужудингизга ҳукм ўтказа бошлашига йўл қўйманг.
ТОҒ ЭЧКИСИ (22. 12 — 19. 01)
Бугун ўзгаларнинг бойиб кетгани, ишда муваффақият қозонаётганини кўриб кўнглингизнинг бир четида ҳасад пайдо бўлиши мумкин. Зудлик билан уни ўзингиздан ҳайдаб солишингиз керак. Атрофдагилар билан муносабатларда қўполликка йўл қўймаслигингиз тавсия этилади. Асабларингиз шу қадар чарчаганки, кечаси уйқусизликдан қийналишингиз мумкин. Қайноқ ванна қабул қилинг, гиёҳлардан тайёрланган дамлама ичинг. Албатта уйқунгизни топасиз.
ҚОВҒА (20. 01 — 19. 02)
31 октябр куни шахсий ҳаётда ҳам, ишхонада ҳам бошқалар ҳадеб сизга йўл кўрсата бошлайди. Ваҳоланки, сиз уларнинг кўрсатмаларига, маслаҳатларига муҳтож эмассиз. Молиявий муаммоларингиз ҳам чигалликлардан холи эмас. Айниқса, тадбиркорлар яқиндагина катта пулни бир ишга тикишган-у, оқибатда ютқазишган. Бу хатони тузатиш учун анча вақт керак бўлади. Шахсий ҳаётда ҳам таваккалчиликка йўл қўйманг. Оила қурмаган бўлсангиз, ёқтирган инсонингизга бемаъни ҳазиллар қилишдан тийилинг.
БАЛИҚ (20. 02 — 20. 03)
Ёлғизлардан кимдир эрталаб уйқудан уйғонади-ю, энг яқин кишисидан муҳаббат изҳорини эшитади. Мана шу бир оғиз гап кун давомида позитив кайфиятда бўлишингизни таъминлайди. Не ишга қўл урманг, фақат қалбингизга қулоқ тутинг. Бугун семинарлар, шахсий лойиҳаларга бағишланган тадбирлар муваффақиятли ўтади.
ТАРОЗИ (24. 09 — 23. 10)
Бугун эрталабданоқ ҳам иш, ҳам шахсий ҳаётда бир тўхтамга кела олмай қийналишингиз мумкин. Албатта, унисини ҳам, бунисини ҳам ёлғиз йўлга қўя олмайсиз. Жамоавийлик, шерикчилик зарур бўлади. Бугун жуфтингиз ҳам ўзининг азалий истакларини тўкиб солиши кутилади. У билан ҳам ҳисоблашишингизга тўғри келади. Куннинг иккинчи ярмида ишхонангизда ёқимсиз муҳит юзага келишига гувоҳ бўласиз. Аралашманг, вассалом. Кечқурун айримларнинг уйига меҳмонлар ташриф буюради. Айримларнинг эса тунда ухлаб кўрган туши ўнгидан келади.
ЧАЁН (24. 10 — 22. 11)
30 октябр сиз учун осон кечмайди. Аниқроғи, иш юзасидан айтган янги ғояларингизни ҳамкасблардан кимдир танқид остига олиши мумкин. Раҳбарлар зиммангизга юклаган вазифаларни тезроқ ва сифатлироқ бажаришга ҳаракат қилинг. Оиласизлар кечқурун романтик учрашувни бошдан кечиради. Ишонинг, бу учрашув тўй кунини янада тезлаштириш учун хизмат қилади. Кўча овқатини ейишдан тийилинг. Бировларни ранжитманг. Ўзингизга қайтиши мумкин.
ЎҚОТАР (23. 11 — 21. 12)
Иш жойингиздаги раҳбарлар зиммангизга ўта мураккаб вазифаларни юклаши кутилмоқда. Аммо сиз бу вазифаларни айтилганидан ҳам аълороқ бажарасиз. Шахсий ҳаётда ҳар бир майда гапдан шубҳаланишни, яқинларингиздан камчилик қидиришни бас қилмасангиз бўлмайди. Фирибгарлар, жодугарлардан эҳтиёт бўлинг. Пулингизни маҳкам ушлаган ҳолда ҳаракатланинг. Киссавурлар кетингиздан тушиши мумкин.
ТОҒ ЭЧКИСИ (22. 12 — 19. 01)
30 октябр куни ниҳоят ҳаётдан завқ олишга, бемалол ишлашга халал берувчилардан нарироқ бўлиш лозимлигини англаб етасиз. Шунинг ўзи ҳам катта гап. Ишхонада керагидан ҳам ортиқроқ зўр бериб ишлайсиз. Аммо бугун қилган ишларингизнинг натижасини янги ой бошида кўрасиз. Мукофот пули максимал даражагача ошади, ишонаверинг. Саломатликни, асабларни асрашингиз тавсия қилинади.
ҚОВҒА (20. 01 — 19. 02)
Бугун яқин дўстларингизнинг қалб сирларидан воқиф бўладиган кунингиз. Лекин ўзингизга тегишли сирларни бировга айтмаганингиз маъқул. Ҳамкасблардан кимдир майда гаплик билан жиғингизга тега бошласа, дарров ўзингизни ола қочинг. Энг яхши йўл ишга кўмилиш. Ишлайверинг, токи ҳеч ким билан баҳслашманг. Ишласангиз унинг манфаатини ҳам ўзингиз кўрасиз. Кечқурун албатта тоза ҳавода сайр қилинг. Имкон бўлса спорт билан шуғуллансангиз ҳам ортиқчалик қилмайди. Омад сизга ёр бўлсин!
БАЛИҚ (20. 02 — 20. 03)
30 октябрда нотиқлик санъати сизга жуда зарур бўлади. Ҳамкасблар қаршисида авторитетингиз ошиши худди шу нотиқлик санъати билан боғлиқ. Шахсий ҳаётда эса аксинча камгаплик талаб этилади. Жуфтингизга муҳаббатга тўла нигоҳлар билан боқишингизнинг ўзи кифоя қилади. Тадбиркорлар учун бугун янги шартномаларни имзолаш ва хорижга хизмат сафари билан жўнаб кетиш учун имкон туғилади. Педагоглар ва ҳуқуқшунослар учун бугунги кун муваффақитяларга бой бўлади.
ТАРОЗИ (24. 09 — 23. 10)
29 октябрда атрофдагилар билан муносабатингизда муаммо кўзга ташланмайди. Аксинча, кимлардир жанжаллашиб қолса, уларни яраштира олиш имконига эга бўласиз. Дўстлар ва ҳамкасблар билан сирлашишга тўғри келса, эҳтиёткорликни қўлдан берманг. Яқинда қалбига муҳаббат меҳмон бўлганларнинг куни туғади. Сизни романтик лаҳзалар кутади. Оилалилар ўзини идеал ҳисоблашдан нари бўлишлари керак. Кечқурун тўғри овқатланишга ҳам эътибор қаратиб қўйинг.
ЧАЁН (24. 10 — 22. 11)
Бугун чаён буржида таваллуд топганлар негадир жаҳлдор қиёфада бўлиши кутилмоқда. Бундай ҳолатда одамлардан нари юрганингиз маъқул. Руҳий ҳолатингизни ижобий тарафга ўзгартириш, худодан нажот сўраб дуолар ўқишингиз учун аллақачон фурсат етган. Кечқурун дўстлардан бири билан телефон орқали ёқимли суҳбат қуришингиз мумкин. Оилангиздагилар қаршисида бугун ҳурматингиз ортади, ўрнингиз мустаҳкамланади.
ЎҚОТАР (23. 11 — 21. 12)
29 октябр куни турли ташкилотлар, ҳатто поликлиникаларга қатнашингиз кутилади. Югур-югурлар қачон якун топиши ўзингизга боғлиқ. Хавотир олманг, ҳақ бўлсангиз, ишга кеч қолган тақдирингизда ҳам раҳбарингиз кечиради. Муҳаббатда ташаббускорликни ўз қўлингизга олишингиз талаб этилади. Чунки жуфтингиз ёки бўлғуси жуфтингиз айнан сиз илк қадамни ташлашингизни кутмоқда. Омад сизга ёр бўлсин!
ТОҒ ЭЧКИСИ (22. 12 — 19. 01)
Ишхонангизда иш дегани қайнайди. Лекин ким ғолиб бўлишини вақт ва интилишлар кўрсатади. Янги вазифаларни зиммангизга олишга шошилманг. Олдин уларни яхшилаб ўрганиб чиқишингиз керак. Бугун қурилиш, дала ҳовлида ишлаш ва табиат қўйнида дам олиб қайтиш ёқимли, хайрли, муваффақиятли кечади. Кун давомида кўпроқ пиёда юринг, умуртқани мустаҳкамловчи машқларни бажаринг. Албатта фойдасини сезасиз.
ҚОВҒА (20. 01 — 19. 02)
29 октябрда олдингизда мураккаб бир вазифа туради. Бу чигални ечиш учун қариндошлардан ёрдам сўрашингиз керак бўлади. Саломатлигингиз бугун сизга умуман панд бермайди. Фақат иммунитетни кўтариш пайида бўлишингиз керак. Агар тез-тез шамоллаб қолаётган бўлсангиз, иммунитетингизда муаммо бўлиши тайин. Ўзингизни эҳтиёт қилинг.
БАЛИҚ (20. 02 — 20. 03)
Бугун мажбуриятлардан қоча бошлашингиз сизга фойда келтирмайди. Чунки бунинг натижаси хунук бўлади. Бир қатор кўнгилсизликлар исканжасида қолиб кетишингиз мумкин. Бу ҳам майли, агар шахсий ҳаётда масъулиятдан қочсангиз, жуфтингиз билан орангизда катта жанжал чиқади. Кечқурун хонадонингизга меҳмонлар ташриф буюриши, қарздорлар қарзини қайтариши мумкин.
ТАРОЗИ (24. 09 — 23. 10)
Ўта жиддий суҳбатлардан ўзингизни олиб қочинг. Ҳатто, бу суҳбатларнинг ташкилотчиси ишхонадаги раҳбарингиз бўлса ҳам барибир яқинига йўламаганингиз дуруст. Ишга келдингизми, вазифангизни бажаринг-у, фурсат етганда уйга жўнанг. Гастрит ва заҳарланишга йўлиқишни истамасангиз, овқатланиш режимини бузманг. Кечки пайт спорт билан шуғуллансангиз, организмингиз учун кони фойда бўларди.
ЧАЁН (24. 10 — 22. 11)
28 октябрда руҳий ҳолатингизни қатъий назорат остига олинг. Чунки бу масалада сиз анча безовтасиз. Назоратни кучайтирмасангиз, саломатлигингизга путур етиб қолиши мумкин. Пул масаласи секин-секин бўлса-да, сизнинг фойдангизга ҳал бўла боради. Қарз олганлар қарзини қайтаради. Кимлардир сизга моддий ёрдам кўрсатиши ҳам эҳтимолдан холи эмас. Табиат қўйнига чиқиб дам оладиганлар албатта позитив кайфиятга эга бўлиб қайтишади. Омад сизга ёр бўлсин!
ЎҚОТАР (23. 11 — 21. 12)
Бунчалар кўп қувончли лаҳзаларга ҳеч қачон ошно тутинмагандингиз. Ниҳоят ўз саъй-ҳаракатларингиз билан шу кунга етишдингиз. Бу имкониятлардан унумли фойдаланиб қолинг. Мартабангизни ошира бориш учун тинмасдан қўшимча билимлар олишингиз талаб этилади. Оила қурмаган бўлсангиз, кечқурун орзу қилган инсонингизни учратиб танишишингиз эҳтимоли бор. Бардам бўлинг! Ташаббускор бўлинг! Оллоҳ сизга ёр бўлсин!
ТОҒ ЭЧКИСИ (22. 12 — 19. 01)
28 октябр куни ишларингиз кўп ва мураккаблигидан бошингиз қотиши мумкин. Аммо кўз қўрқоқ, қўл ботир. Яхши ният қилиб ишга киришсангиз, худо йўлингизни беради иншооллоҳ. Жуда бўлмаса, ҳамкасбларни ёрдамга чақиринг, вассалом. Шахсий ҳаётда бардошли бўлишингизга тўғри келади. Чунки оилангиздагилар сизга бир дунё гапларни тўкиб солиши мумкин. Гап орасида сизга қаратилган танбеҳлар бўлиши ҳам эҳтимолга яқин.
ҚОВҒА (20. 01 — 19. 02)
Ниҳоят бугун куннинг биринчи ярмида кечалари уйқунгизни ўғирлашгача борган бир ишни якунига етказиб енгил тортасиз. Молиявий муаммолар ундан-да мураккаб. Бу соҳада қарз кўтармасангиз бўлмайди. Севишганлар учун бугунги кун ажойиб кечиши кутилмоқда. Кузнинг қовоқлари осилган ҳавоси ҳам кайфиятингизни буза олмайди. Муҳаббатнинг энг тотли лаҳзаларидан сармаст бўласиз. Бахтингизни берсин!
БАЛИҚ (20. 02 — 20. 03)
28 октябрда кайфиятингиз тушкун ҳолатда уйқудан уйғонишингиз кутилади. Хунукроқ туш кўрган чиқсангиз керак. Лекин тушингизни ҳеч кимга айтманг. Унутишга ҳаракат қилинг. Куннинг иккинчи ярмида ўзингизга ёққан китобларни мутолаа қилишингиз ҳам фойда беради. Ёки психолог қабулига чиқиб келинг. Кимлардир кечқурун олис сафарга отланиши мумкин. Тоза ҳавода сайр қилишни ҳам унутманг. Саломатлигингизни асранг.
ТАРОЗИ (24. 09 — 23. 10)
27 октябрда ишхонангизда зиммангизга янги вазифа юкланиши мумкин. Билинг, ишнинг, пул топишнинг енгили бўлмайди. Янги йил байрами яқинлашгунча моддий аҳволингизни яхшилаб олишни истасангиз, чидайсиз. Кун давомида қариндошларни ранжитиб қўймасликка ҳаракат қилинг. Барчаларига лабингизда табассум билан муносабат юритинг. Ҳаммаси яхши бўлади.
ЧАЁН (24. 10 — 22. 11)
Жуфтингиз ёки бўлғуси жуфтингиз билан муносабатлар тескарисига айланиб кетишини хоҳламасангиз, қўлингиздан бажариш келмайдиган ваъдаларни берманг. Ён беришга мойил бўлинг. Атрофдагилар билан мулоқотда эса ўзингиз ҳақингизда камроқ гапиришингиз тавсия этилади. Яхшиси, тингловчига айлана қолинг. Шуниси тинч. Шахсий автомобили борларга серқатнов йўлларда сергакликни ошириш тавсия қилинади. Оллоҳ сизга ёр бўлсин!
ЎҚОТАР (23. 11 — 21. 12)
27 октябр сиз учун ажойиб кечиши кутилмоқда. Ҳар қандай тўсиқни енгиб ўта олар даражада кучли бўласиз. Имкониятларнинг ҳам чек-чегараси бўлмайди иншооллоҳ. Башарти эрталабдан дам олишни мўлжаллаган бўлсангиз, бу амални ҳам арзирли даражада ташкил этинг. Бугун ўта фаоллик организмингизга зиён етказиши мумкин. Муҳаббатда фақат қалбингизга қулоқ тутган ҳолда иш кўринг.
ТОҒ ЭЧКИСИ (22. 12 — 19. 01)
Бугун ҳаддан ташқари ақллилик қилишга уринманг. Иш жойингиздаги раҳбарларнинг жаҳли чиқиши мумкин. Камтарликка не ецин. Тўғри эмасми? Муҳаббатда эса аксинча ақл ёрдам беради. Оиласиз бўлсангиз-у, илк бор муносабатлар юрита бошлаган бўлсангиз, тафаккур алоҳида аҳамият касб этиши мумкин. Лекин романтикани ҳам унутиб қўйманг. Хасталанган бўлсангиз, врач тавсияси асосидагина муолажалар ташкил этинг.
ҚОВҒА (20. 01 — 19. 02)
27 октябрда вужудингизда куч деганининг чеки бўлмайди. Бунча куч билан тоғларни толқон қила оласиз. Эзгу мақсадларга етиш учун ўзингизга мос йўл ва усулни танланг. Молиявий муаммоларни бартараф этишда математик билимлар жуда керак бўлади. Даромадни қўлдан чиқарманг. Бюджетингизни талаб даражасига етказишга ҳаракат қилинг. Ўзингизни эҳтиёт қилинг.
БАЛИҚ (20. 02 — 20. 03)
Кунни горизонтал кўринишда ўтказишни истай бошлайсиз. Ҳойнаҳой кеча кўп ишлаган бўлсангиз, чарчаган кўринасиз. Буёқда куз ҳавоси ҳам организмга сезиларли таъсир этади. Аёллар, қиз-жувонлар косметик муолажалар билан шуғулланишса, фойдадан холи бўлмасди. Стресс ҳолатига тушишдан эҳтиётингизни қилинг. Айримлар кечки пайт оёқ, панжалар оғриши, варикоздан, мигрендан безовталанишлари мумкин.
ТАРОЗИ (24. 09 — 23. 10)
Бугун кўпчиликка қаергадир дам олиш учун жўнаб кетиш тавсия этилади. Қаерга боришингизнинг фарқи йўқ. Яхши дам ола билсангиз бас. Дўстларингиздан бири ўтмишдаги ўзаро жанжалингизни ёдга олиб асабингизга тегиши мумкин. Жилмайишга, керак бўлса сукут сақлаш билан жавоб қайтаришга ҳаракат қилинг. Асосийси, кайфиятингиздаги позитивликни йўқотманг. Организмни жисмонан зўриқтиришдан эҳтиёт қилинг.
ЧАЁН (24. 10 — 22. 11)
8 ноябр куни ишхонангиздаги ҳамкасблардан бири асабингизга тегадиган гап айтиши ва бу катта жанжалга айланиб кетиши мумкин. Жанжаллашишдан кўра, ўз ишингизнинг ҳақиқий профессионали эканингизни исботлаб қўйинг, вассалом. Хизмат сафарига чиқиш бугун муваффақиятли кечади. Пулдан ҳам қийналмайсиз. Фақат қарама-қарши жинс вакиллари ёки вакилалари билан фавқулодда интим муносабатларга киришишдан сақланинг. Бунинг охири яхшилик билан тугамайди.
ЎҚОТАР (23. 11 — 21. 12)
Эрталабданоқ тоғни урсангиз толқон қила оладиган даражада кучли бўласиз. Ишлар ҳам буни пайқаган каби силлиқчасига амалга оша боради. Иш худди эртаклардагидек силлиқ ва сифатли битади. Аммо пул дарёдек оқиб келмоқчи эмас. Уни дарёга айлантириш учун анчагина тер тўкишингизга тўғри келади. Муҳаббатда сизни эҳтиросли дамлар кутиб туради. Бир нафасга бўлсин туйғулар унут бўлади.
ТОҒ ЭЧКИСИ (22. 12 — 19. 01)
8 ноябрда нафақат ўзингиз, балки атрофингиздагиларга ҳам гармония улашиш пайида бўлишингиз талаб этилади. Азалий орзуларингизни ҳақиқатга айлантиришга ҳаракат қилинг. Молиявий масалада шошма-шошарликка йўл қўйманг. Бу сизни жамоангиздагилар қаршисида ҳурматсизлантириб қўйиши мумкин. Кўнгилсиз вазиятларда қолиб кетмаслик учун вужудингиздаги темперамент оловини ўз вақтида ўчира билишингиз лозим.
ҚОВҒА (20. 01 — 19. 02)
Куннинг биринчи ярмида баъзилар ўтмишдаги муҳаббатини учратиб қолишлари мумкин. У сизга яна муҳаббат изҳор қила бошлайди. Хаёллар чалкашади. Иш унут бўлади. Йўқ, бундай ҳолатда омадга ҳам, бахтга ҳам эришиб бўлмайди. Ўтмиш ўтмишлигича қолиши шарт. Бугунги кунингиз билан яшанг. Молиявий муаммоларга асосий эътиборни қаратинг. Уларни муваффақиятли адо этишнинг ўзи бўлмайди.
БАЛИҚ (20. 02 — 20. 03)
8 ноябр куни айримларнинг ишхонасида ҳақиқий байрам бошланади. Сизга юқори лавозим беришади. Аслида бу лавозимга бошқа бир ҳамкасбингиз даъво қиларди. Лекин сизнинг омадингиз чопибди. Оилалилар уйда тартиб ва масъулият ҳақида унутиб қўймасликлари зарур. Уйга ўз вақтида қайтишни қайтадан одат қилинг. Уйда таъмир ишларини бошласангиз ҳам зиён қилмайди.
ТАРОЗИ (24. 09 — 23. 10)
7 ноябрда қисқа вақтга бўлса-да, одамлардан нари бўлишингиз тавсия этилади. Ёлғиз қолинг, ўзингиз билан суҳбатлашинг. Ана ундан кейин иш бошланг. Қўрқманг, қисқа вақт йўқ бўлганингизни раҳбарлар пайқамайди. Ҳамкасблар билан эса кайфият алмашишингизнинг фойдаси йўқ. Куннинг иккинчи ярмида кимдир сиздан катта пул қарз сўраши мумкин. Берманг. Кимки бугун хизмат сафарига жўнаб кетса, тақдирнинг кутилмаган совғасига эга бўлади.
ЧАЁН (24. 10 — 22. 11)
Бугун харидларни амалга оширишдан бироз тийилишингиз лозим бўлади. Айниқса, заҳирадаги пулларингиз камайиб қолган бўлса, дўкон ва бозорларга умуман яқинлашманг. Саломатликни тиклаш учун пича харажат талаб этилади. Сурункали хасталикка йўлиққан бўлсангиз, муолажаларни олишингиз шарт. Кечқурун эртароқ ухлашга ётинг. Тўғри овқатланинг. Режимни ва меъёрни бузманг. Оллоҳ сизга ёр бўлсин!
ЎҚОТАР (23. 11 — 21. 12)
7 ноябр куни кунингиз одатий кечади. Ҳаётингизда вақти-вақти билан ёқимли лаҳзалар кўзга ташланади. Тадбиркорлар бугун кўплаб учрашувлар, келишувлар ўтказишлари керак. Оила қурмаганларнинг айримлари эса муҳаббат изҳорларига дўст тутинишади. Шахсий бизнесига эга бўлганларни кечки пайт мўмай даромад кутиб туради. Солиқлардан орттириб шундай даромад кўришингизнинг ўзи жуда қувончли. Омад сизга ёр бўлсин!
ТОҒ ЭЧКИСИ (22. 12 — 19. 01)
Бугун эмоция ҳукмронлиги остида зинҳор қарорлар чиқара кўрманг. Тинчликда, совуқ калла билан ўйланг, фикрланг. Оилангизда бўлиб ўтадиган ҳар бир воқеа-ҳодисага хотиржам муносабатда бўлинг. Гарчи қайсидир яқинингиз сизни бўлар-бўлмасга айблай бошласа ҳам асабийлашманг. Шаҳардан ташқарига қилинадиган сайр-у саёҳат ёқимли кечади. Фақат иссиқ кийиниб олишни унутмасангиз бас. Саломатликни асранг. Бугунингизнинг қадрига етинг.
ҚОВҒА (20. 01 — 19. 02)
7 ноябрда ишхонангиздаги раҳбарингиз ҳар бир босган қадамингизни қатъий назорат остига ола бошлаши мумкин. Бундай назорат остида лойиҳаларни ҳаётга тадбиқ этиш мушкул кечади албатта. Аммо мажбурсиз. Шахсий ҳаётда муаммоларни жанжал ёрдамида бартараф этишга уринманг. Улар учун фақат тинчлик ва осойишталик керак бўлади. Бундан ташқари, ўта бардошли бўлинг. Бардош ҳар қандай тўсиқларни енгиб ўтишда балогардон бўла олади.
БАЛИҚ (20. 02 — 20. 03)
Ишлар, шахсий ҳаётда аниқлик талаб этилади. Айниқса, ишда қачонлардир ўқув юртида ўрганганларингизни эсга олган ҳолда ёндашинг. Молиявий муаммолар фириб ва айёрликни хуш кўрмайди. Математик аниқлик талаб қилади. Таваккал қилсангиз, барибир ютқазасиз. Кечқурун дўстларингиздан бирига сизнинг ёрдамингиз зарур бўлиши мумкин. Албатта ёрдам беринг.
иккита палочкани силжитиб жавобини топамиз.
қани ким билағон.
жавобларни 👇
@acroc
ҚЎЙ (21. 03 — 20. 04)
6 ноябр куни имкониятингиздан ортиқ ишларни режалаштирмаганингиз яхши. Барибир ортиқча режалар сизга наф келтирмайди. Вазиятга қараб иш тутаверинг. Асосий ишларнинг мевасини тезроқ татиб кўриш истагида бўлсангиз, фаолликни оширинг. Муҳаббатда ўзингизни суперқаҳрамонга айлантириш фикридан йироқ бўлинг. Ундан кўра тингловчи, ён беришга мойил бўлинг. Ўтмишдаги ёқимсиз лаҳзаларни асло ёдга олманг.
БУЗОҚ (21. 04 — 21. 05)
Бугунги кунингиз унумли кечади. Йўлингизда жиддий тўсиқлар учрамайди. Астойдил меҳнат қилсангиз, кечгача етмай моддий аҳволингизни ҳам яхшилаб оласиз. Кўча-кўйда кўпроқ ерга боққан ҳолда ҳаракатланинг. Катта пул топиб олишингиз эҳтимоли бор. Кимки меҳнат ёки ўқиш таътилида бўлса, дам олиш ҳақида қайғуриши мақсадга мувофиқ бўлади. Саломатлигингизни яхшилаш пайида бўлсангиз ҳам ортиқчалик қилмайди.
ЭГИЗАКЛАР (22. 05 — 21. 06)
6 ноябрда моддий манфаат келтирмайдиган ишларни рўйхатдан ўчириб ташлашингиз тавсия қилинади. Бекорга вақт ва куч сарфлаганингиз қолади холос. Оила қурмаганлар кун давомида ажойиб танишувни бошдан кечиришлари мумкин. Бу учрашув келгуси тақдирингизни ҳам белгилаб бериши мумкин. Бардам бўлинг! Овқатланиш қоидалари ва режимига эътибор билан ёндашинг. Бу масалада чегарадан чиқишингиз тавсия этилмайди. Ёки парҳез бошланг. Кечқурун тоза ҳавода сайр қилишни унутманг.
ҚИСҚИЧБАҚА (22. 06 — 23. 07)
Ниҳоят ҳар бир инсон ўз бахтининг темирчиси эканини англаб етасиз. Шу нарса сабаб бўлиб жуфтингизга бўлган муносабатларни янада қайнатишга интиласиз ва буни ажойиб тарзда уддалай биласиз. Шахсий бизнесига эгалар, санъат ва техника намоёндалари учун бугунги кун ҳар жабҳада омадли кечади. Майли, кучингиз қолмасин, аммо сира таслим бўлманг. Асабни асранг. Саломатликни мустаҳкам тутинг. Омад сизга ёр бўлсин!
АРСЛОН (24. 07 — 23. 08)
6 ноябр куни жуда эътиборли бўлишингиз, ҳаётингизда юз бериши мумкин бўлган биронта ҳам муҳим воқеани ўтказиб юбормаслигингиз талаб этилади. Тақдир сизга бир олам ёқимли ва ёрқин лаҳзаларни, учрашувларни ҳадя этади. Буларнинг барчаси ўзингизга бўлган ишончни оширишига сира шубҳа йўқ. Ишхонадаги ишларингиз ҳам ўз маромида олдинга силжишда давом этади. Молиявий муаммоларни бартараф этишда эски усулингиздан фойдаланган ҳолда ҳаракатлар содир этинг. Худо берганига шукр қилинг.
ПАРИЗОД (24. 08 — 23. 09)
Бугун куннинг биринчи ярмида руҳий ҳолатингиз ҳақида қайғуришингиз керак бўлади. Кайфиятнинг сакраши, инжиқлик, жаҳлдорлик ҳолатларингизга барҳам бериш пайти етди. Моддий аҳволингизни тўкислашда ҳам сиздан жуда кўп куч ва имконият талаб қилинади. Агар доимий маошга эга бўлсангиз, ортиғига талпиниб овора бўлманг. Орзуларнинг ҳаммаси ҳам юз фоиз ҳақиқатга айланавермайди. Бардошли бўлинг!
ҚЎЙ (21. 03 — 20. 04)
Бугун ўз кучингизгагина ишонган ҳолда иш тутишингизга тўғри келади. Аммо кучингизни тўғри йўналтира олишингиз керак. Шунда ҳар қандай ишни аъло даражада уддалай оласиз. Оилавий ҳаётингиз ҳам бугун синовларсиз кечмайди. Айниқса, яқинларингизнинг айрим инжиқликларига бардош билан ёндашишингиз талаб этилади. Кечқурун албатта тоза ҳавода сайр қилинг.
БУЗОҚ (21. 04 — 21. 05)
5 ноябр куни эзгу мақсадларга тезроқ етишни хоҳласангиз, кескинлик билан олдинга интилишингиз лозим бўлади. Шахсий бизнеси борларни кун давомида рақобатчилар курашга чорлайвериб чарчатиши мумкин. Иш орасида севимли хоббингизга ҳам вақт ажрата олсангиз, кайфиятингиз албатта позитивликка эга бўлади. Ҳар жиҳатдан суғурталаниб, эҳтиётингизни қилган ҳолда йўл тутсангиз, молиявий соҳада муваффақиятлар сизники бўлиши аниқ. Серқатнов йўлларда жуда эҳтиёт бўлинг.
ЭГИЗАКЛАР (22. 05 — 21. 06)
Бугун сизга нафақат яқинларингиз ёрдами, балки ўзингиздаги тажриба ва туғма истеъдод ҳам жуда-жуда зарур бўлади. Иш қанчалар мураккаб ва оғир бўлмасин, бировлар ёрдамига умид боғлашдан тийилинг. Саломатлик масаласида қаҳрамонлик кўрсатишга уринишдан эҳтиёт бўлинг. Сув ёрдамидаги танани чиниқтириш муолажаларидан воз кечинг. Эрталаблари югуриб туриш эса аксинча сизга фойда беради. Кун бўйи ҳавога қараб кийининг.
ҚИСҚИЧБАҚА (22. 06 — 23. 07)
5 ноябрда биринчи бажарадиган ишингиз депрессияга қарши уруш эълон қилишдан иборат бўлмоғи лозим. Вақтида ҳаракатингизни қилмас экансиз, пул масаласи ҳам, рўзғордаги муаммолар ҳам чалкашлик домига тушади ва ундан халос бўлишингиз учун бировларнинг ёрдами зарур бўлади. Ҳар бир қадамингизни ўйлаб босинг. Атрофдагилар билан муносабатларда жанжал юзага келишига сира йўл қўйманг. Ўзингизни эҳтиёт қилинг.
АРСЛОН (24. 07 — 23. 08)
Ҳаётингиз енгил кечмаётгани барчага аён. Лекин уларни енгиб ҳақиқий қаҳрамонга айлана олсангиз, ошиғингиз олчи бўларди. Ишхонангизда кимдир кайфиятингизни бир пул қилиши мумкин. Бироқ жанжал чиқаришга уринманг. Айниқса, ўша ҳамкасб билан анча йилдан бери бирга ишлаётган бўлсангиз, кечиримли бўлганингиз маъқул. Молиявий муаммоларингизни дўстлардан бири ижобий ҳал этиб бериши кутилади. Бошни баланд кўтариб олға қадам ташлайверинг!
ПАРИЗОД (24. 08 — 23. 09)
5 ноябр куни эрта тонгда вақтли туриб иш бошламасангиз, ишларингизда унум бўлмаслиги мумкин. Лекин олдин эрталабки бадартарбия билан шуғулланишни ҳам унутманг. Муаммоларни ўйламанг. Улар сиз ўйлаганчалик мураккаб эмас. Жуда бўлмаса, дўстларга қўнғироқ қиласиз ва муаммо ҳал бўлади. Сурункали хасталикка йўлиққан бўлсангиз, керакли таҳлилларни ўз вақтида топшириб, зарур бўлса, муолажаларни бошланг.
ҚЎЙ (21. 03 — 20. 04)
Агар анчадан бери мартабангиз ошишини орзулаб келган бўлсангиз, бугун қулай имкониятлар туғилади. Бу йўлда ҳеч ким сизга тўсиқ бўла олмайди. Аксинча ҳамфикрлар, ёрдамчилар ҳам топила қолади. Жуфтингиз билан муносабатларда хотиржамликка эрк беринг. Акс ҳолда бирор нотўғри ҳаракат содир этасиз-у, орадаги муносабатларга путур етади. Рўзғордаги муаммоларни жамоавий тарзда яқинларингиз билан бирга бартараф этганингиз маъқул.
БУЗОҚ (21. 04 — 21. 05)
4 ноябр куни ишда янги чўққиларни забт этишингиз, молиявий жиҳатдан муваффақиятларга эришишингиз кутилади. Бундан ташқари, ҳамкасбларга ва раҳбарларингизга ҳали очилмаган қирраларингизни намойиш этиш имконига ҳам эгалик қиласиз. Харидларни рўйхат асосида амалга оширинг. Имкон доирасида чегирмаси кўпроқ дўконларга ташриф буюринг. Оила қурмаганлар кечқурун иш ёки ўқишдан кейин романтик учрашувга отланишади. Ташқи қиёфангизга эътибор қаратиб олишни унутманг.
ЭГИЗАКЛАР (22. 05 — 21. 06)
Биринчи навбатда саломатлигингизга эътибор қаратишингиз тавсия қилинади. Агар муаммо туғилса, тиббий кўрикдан ўтишингиз керак. Молиявий муаммоларни бартараф этиш жараёнида олдингизга ҳаддан ташқари мураккаб мақсадларни қўйманг. Худо берганига шукр қилинг. Муҳаббатда ҳаммаси режадагидек кечади. Оиласизлар учун бу масала қувончли лаҳзаларни ҳадя этади. Муҳаббат изҳорлари, талпинишлар, эҳтирослар фақат сизники бўлади.
ҚИСҚИЧБАҚА (22. 06 — 23. 07)
4 ноябрда ишда ҳам, шахсий ҳаётда ҳам тезликни камайтириб, ўзингизни босиб олган ҳолда ҳаракатлар содир этинг. Шошма-шошарлик ва ўта фаоллик ҳам бугун ижобий натижа бермаслиги мумкин. Шахсий бизнеси борларни бугун майда кўнгилсизликлар кутиб туради. Эътибор билан иш тутсангиз, бу тўсиқларни осонлик билан енгиб ўта оласиз. Кечқурун уйингизни меҳмон босиши мумкин. Шу баҳонада кайфиятингиз ҳам кўтарилади.
АРСЛОН (24. 07 — 23. 08)
Кунингиз хотиржамликда бошланиши кутилмоқда. Иложи борича ўзингизга ёқадиган ва кўп куч талаб қилмайдиган ишларни бажаринг. Кимки бугун хизмат сафарига отланса, ёрқин учрашувлар ва янги танишувларни бошдан ўтказади. Танишган инсонлар сиз билан ҳамфикр чиқиб қолади. Шу сабабли ишларингиз катта тезликда унум топади. Кечқурун тоза ҳавода сайр қилишни, тўғри овқатланишни, мириқиб дам олишни унутманг.
ПАРИЗОД (24. 08 — 23. 09)
4 ноябр куни сизни биргина хавф таъқиб эта бошлаши мумкин. У ҳам бўлса дангасаликдир. Иш кутиб турмайди. Профессионаллик ва аниқ муддат талаб қилади. Шундагина даромад кўрасиз, тирикчилигингизнинг мазаси қочмайди. Йўл-йўлакай, ҳаракатланган ҳолда таом истеъмол қилишдан тийилинг. Саломатликка енгил-елпи қараб бўлмайди. Уни эҳтиётлашингиз керак. Оилавий ҳаётингиз сиздаги донолик туфайли янада ёрқин тус олади. Кўз тегмасин!
ҚЎЙ (21. 03 — 20. 04)
3 ноябр куни илҳом деганлари фақат санъатда, адабиётда ва муҳаббатдагина ёрдам беради деб ўйласангиз, хато қиласиз. Бугун илҳом сизга шахсий ҳаётда, аниқроғи, уй таъмири, рўзғор икир-чикирларини бартараф этишда ҳам яқин ёрдамчи бўлади. Барча ишларни унинг кўмагида муваффақиятли якунлайсиз. Агар шахсий ҳаётингиз билан боғлиқ жиддий масалалар бўлса, уларни бошқа кунга қолдиринг. Ҳозир сиз ундай масалаларни ечишга маънан тайёр эмассиз.
БУЗОҚ (21. 04 — 21. 05)
Бугун оила аъзоларингиз сизни танқид остига олса, ёки танбеҳ беришса, юракка у қадар яқин олиб юрманг. Улар ҳам идеал эмас. Шу хаёлни миянгизга маҳкам жойланг-у, билиб ишингизни қилаверинг. Молиявий муаммоларни бартараф этишда ҳисоб-китобга алоҳида эътибор беришингиз талаб этилади. Ҳисобдан адашсангиз, бу молиявий инқироз сари бир қадам деганидир. Муҳаббатда ҳам иллюзиядан қочиб, реаллик сари интилинг. Жуфтингиз ёки бўлғуси жуфтингизга реал кўз билан боқинг.
ЭГИЗАКЛАР (22. 05 — 21. 06)
3 ноябрда ёши улуғларнинг маслаҳатларига амал қилган ҳолда ҳаракатлар содир этсангиз, кам бўлмайсиз. Овозингизни кўтарган ҳода муносабат юритсангиз, ўзингизга қийин бўлади. Аёллар, қизлар бугун ташқи кўринишига зеб берсалар ҳам зиён қилмайди. Кечқурун олдин тоза ҳавода сайр қилинг. Ана ундан кейин имкониятлар зоҳир бўлса, бассейнда чўмилинг.
ҚИСҚИЧБАҚА (22. 06 — 23. 07)
Орзуга айб йўқ деганларидек, эрталабданоқ хаёлан осмонларда парвоз қила бошлайсиз. Фақат кечқурунгина пастга тушишингиз мумкин. Аммо билиб қўйинг. Шахсий бизнесингиз бўлса-ю, хаёлот уммонида сузиб кетсангиз, рақобатчиларга худо беради. Сизни чангида қолдириб кетиши мумкин. Аёллар анчадан бери гўзаллик салонига мўраламаган бўлишса, бугун айни вақти. Косметик муолажалар ва уқалаш амаллари бугун катта фойда беради.
АРСЛОН (24. 07 — 23. 08)
3 ноябр куни қачонлардир сизни чув туширганларга рўбарў келсангиз, нарироқдан ўтиб кетаверишингиз тавсия қилинади. Яқинлашсангиз, олдингидан ҳам баттароқ аҳволга солиб кетишади. Кун давомида вақт топиб касбингиз билан боғлиқ қўшимча билимлар олишга, малакангизни оширишга ҳаракат қилинг. Жуфтингизнинг инжиқликлари жонингизга теккан бўлса, у билан жиддий гаплашиб олишингиз керак.
ПАРИЗОД (24. 08 — 23. 09)
Бугун паризод буржи остида таваллуд топганлар атрофдагилар билан мулойим ва ён беришга мойил тарзда муносабат юрита бошлашади. Бу жамиятдаги обрўйингиз ошишига туртки бўлади. Ҳатто, сизга ҳасад қиладиганлар ҳам ҳурмат билан мурожаат эта бошлайди. Шахсий ҳаётингиз ёрқин лаҳзаларга бой бўлади. Оиласиз бўлсангиз, кечқурунга яқин орзуингиздаги одамни учратасиз. Бир кўришда кучли муҳаббат пайдо бўлиши ҳам эҳтимолдан холи эмас.
романтик мусиқалар бўлса юворинглар 👇
@acroc
ҚЎЙ (21. 03 — 20. 04)
2 ноябрь куни амалга оширадиган барча ишларга тафаккурдан унумли фойдаланган ҳолда ёндашинг. Ана шунда сизга ёрдам беришни истовчилар ҳам пайдо бўлади. Лекин иш жойингизда ўзингизнинг ҳақлигингизни қайта исботлашга уринманг. Шундоқ ҳам ҳақлигингизни ҳамма билади. Раҳбарлар билан баҳслашишни хаёлингизга ҳам келтирманг. Чунки раҳбарлар доимо ҳақ бўлиб чиқади. Бу ҳаёт қонуни-да, иложингиз қанча. Серқатнов йўлларда жуда эҳтиёткорлик билан ҳаракатланинг.
БУЗОҚ (21. 04 — 21. 05)
Бугун ўзингиз сезмаган ҳолдами, дуч келган одамга заҳрингизни соча бошлайсиз. Бировларнинг ҳар бир ҳаракатидан энсангиз қотади. Балки меҳнат таътилига чиқмасдан ишлаб чарчагандирсиз? У ҳолда ариза ёзиб бошлиқ кабинетига чопинг. Илтимосингиз албатта ижро этилади. Мабодо кун давомида жисмоний меҳнат билан банд бўлишингизга тўғри келса, ора-орада дам олиб, нафас ростлаб туришни ҳам унутманг. Сафарга чиқишингиз зарурати туғилса, бу амални бир ҳафта кейинга сура туринг.
ЭГИЗАКЛАР (22. 05 — 21. 06)
Бугун ҳам ишда, ҳам ҳаётда истеъдодингиз барчани қойил қолдиради. Ораторлик қобилиятингиз борлигини кўпчилик билмаган чиқади. Шунинг учун сизга ҳамкасблар ҳам, танишлар ҳам ҳайрон қолишади. Иш бажаришнинг янгича усулларини қидириб овора бўлманг. Эскича усул бугун кўпроқ наф келтиради. Кечқурун айримлар шамоллашдан безовталаниши кутилади. Зудлик билан муолажаларни бошламасангиз, бўлмайди.
ҚИСҚИЧБАҚА (22. 06 — 23. 07)
Шахсий ҳаётда хоҳлаганча овозингизни кўтариб, дўқлаган ҳолда яқинларингиз билан муносабат юритаверишингиз мумкин. Бундан улар сира хафа бўлишмайди. Лекин ишхонадаги ҳамкасблар бундай муносабатни кўтара олмайди. Орангизда жанжал келиб чиқиши мумкин. Тадбиркорларни куннинг иккинчи ярмида инқирозли лаҳзалар кутиб туриши мумкин. Саломатлигингиздан бугун шикоятингиз бўлмайди. Аммо спортнинг экстремал турлари билан шуғулланишдан воз кечиб туришингизга тўғри келади.
АРСЛОН (24. 07 — 23. 08)
2 ноябрь куни муҳимдан муҳим ишларга кўмилишингиз эҳтимоли бор. Шахсий ҳаётни ҳам, оила қурмаган бўлсангиз, учрашув, романтикани ҳам четга суриб ўша муҳим ишларни якунлашга мажбурсиз. Шунинг орасида моддий аҳволингизни яхшилаш билан боғлиқ амалларни ҳам адо этишингизга тўғри келади. Акс ҳолда бугун пулсиз қолиб кетишингиз ҳеч гап эмас. Баъзи дўстларимиз хизмат сафарига жўнаб кетишлари мумкин. Сафар сизга албатта моддий рағбат ҳадя этади.
ПАРИЗОД (24. 08 — 23. 09)
Бугун эрталабдан кечаги қолдирган ишларни охирига етказишингиз талаб этилади. Дўстлардан бири билан суҳбат давомида эскириб кетган қайсидир сир очилиши кутилмоқда. Лекин бу сизга ҳам, дўстингизга ҳам тааллуқли эмас. Бошқа бировга тегишли. Сурункали хасталикка йўлиққанлар муолажа олишни унутмасликлари керак. Бугун сув ёрдамидаги муолажалар, контраст душ саломатлигингиз мустаҳкам тортишига ёрдам беради.
ҚЎЙ (21. 03 — 20. 04)
1 ноябр куни ишда ҳам, шахсий ҳаётда ҳам тартиб ўрнатиш ҳаракатида бўласиз. Ана шу жараёнда кимларнингдир кўнглини оғритиб қўймаслик пайида бўлишингиз лозим. Куннинг иккинчи ярмида ҳисобингизни тўлдиришади. Бундан ташқари фавқулодда хушхабар эшитасиз. Бу хабарнинг сизга позитив кайфият бағишлашига шубҳа йўқ. Кечқурун оилавий байрам уюштиришингиз мумкин. Фақат яқин инсонларга атаб совға харид қилишни унутманг. Ўзингизни эҳтиёт қилинг.
БУЗОҚ (21. 04 — 21. 05)
Эрталабоқ ҳамкасблар билан орангизда қарама-қаршиликлар юзага келиши кутилади. Уларнинг қайсидир бири сизни тўғри йўлдан адаштиришга уриниб кўриши мумкин. Лекин ҳаммаси сизнинг ғалабангиз билан якун топади. Фақат ғалабангиздан ҳаволаниб кетманг. Кечки пайт суюкли инсонингиз сизга сюрприз ҳозирлаб қўяди, ишонаверинг. Агар бунга қадар орангизда аразлашишлар, баҳслар кузатилган бўлса, барчаси унутилади. Башарти олис сафарга отланган бўлсангиз, билинг, сафарингиз муваффақиятли кечади.
ЭГИЗАКЛАР (22. 05 — 21. 06)
1 ноябрда янги ишлар бошлаш кайфиятида бўлишингиз талаб этилади. Спорт билан шуғулланиш ҳам сизга фақат фойда беради. Калорияга бой таомлар истеъмол қилишингиз тавсия қилинади. Молиявий муаммоларингиз кун давомида қизил чироққа тўғри келмайди. Сизнинг фойдангизга ижобий ҳал бўлади. Кечқурун дўстларингиз даврасида вақт ўтказинг. Кўпгина янгиликлардан бохабар бўласиз.
ҚИСҚИЧБАҚА (22. 06 — 23. 07)
Оила қурмаганлар бугун кечгача романтика оғушида бўлади. Танлаган инсонингизга нисбатан қалб туйғуларингиз жўшгандан жўшади. Саломатлигингизни назоратда ушланг. Витаминга бой мевалар, таомларни кўпроқ истеъмол қилинг. Куз ҳавоси организмга салбий таъсир кўрсатиб қўйишидан сақланинг. Айниқса, нимагадир аллергиянгиз бўлса, эҳтиётингизни қилинг. Кечқурун тоза ҳавода сайр қилиш ҳам ёдингиздан кўтарилмасин. Омад сизга ёр бўлсин!
АРСЛОН (24. 07 — 23. 08)
Бугун буржингиз беҳуда арслон деб аталмаганини яна бир бор англаб етасиз. Кўплаб вазиятлар, лаҳзалар, имкониятлар сизнинг қўл остингизда бўлади. Муҳаббатда эса аксинча ён беришга мойил бўлинг. Жуфтингиз арслон эканингизга ҳам қараб ўтирмайди. Ўз шартларини қўяди. Бугун саломатликни тиклашга оид амаллар ва зарарли одатларга қарши кураш муваффақиятли кечади. Организмингизга зиён етказиши мумкин бўлган ҳамма нарсадан воз кечинг. Шахсий автомобилингиз бўлса, серқатнов йўлларда эҳтиётингизни қилинг. Тезликни керагидан оширманг.
ПАРИЗОД (24. 08 — 23. 09)
1 ноябр куни миянгизга шундай файласуфона фикрлар келадики, шеърлар битгингиз келиб кетади. Бунга ҳақлисиз. Ижод учун қоғозни аяманг. Кун давомида рўзғордаги муаммолар ижоддан чалғитиши мумкин. Бироқ бунинг сира қўрқинчли ери йўқ. Кечқурун маданий ҳордиқ чиқариш ҳақида ўйлаб кўринг. Спорт машғулотлари билан шуғулланиш, мусобақаларда иштирок этиш ва танани чиниқтиришга оид амаллар омадли кечади. Асабни асранг. Тўғри овқатланинг.
ҚЎЙ (21. 03 — 20. 04)
Оила қурмаганларнинг айримлари бугун куннинг биринчи ярмида ўзи севган инсон ҳақида ёқимли хабар эшитади. Аниқроғи, унинг охирги эришган муваффақиятидан сизни хабардор этишади. Аммо ўзингиз ҳам бугун муваффақият қозониш қандай бўлишини бошқаларга кўрсатиб қўйишингиз керак. Молиявий муаммоларни бартараф этиш жараёнида ҳисоб-китобни биринчи ўринга қўйишингиз талаб этилади. Кечқурун яқин дўстлардан бири сизга панд бериши мумкин.
БУЗОҚ (21. 04 — 21. 05)
31 октябр ижодкорларнинг куни. Лекин бошқалар ҳам ўзи бажарадиган ишга ижодий ёндашса, фойдадан холи бўлмайди. Сиздан иш бажаришда фақат фаоллик талаб қилинади. Жисмоний зўриқишлардан жуда эҳтиёт бўлинг. Акс ҳолда қандайдир номаълум бир хасталик эшик қоқа бошлаши ҳеч гап эмас. Агар шундай вазиятга тушсангиз, дарҳол врачга чопинг. Ўзингизга яхши бўлади. Кечқурун компьютер қаршисида узоқ вақт ўтириб қолишингиз тавсия этилмайди.
ЭГИЗАКЛАР (22. 05 — 21. 06)
31 октябр куни ишга бармоқ орасидан қарашни зинҳор хаёлингизга келтира кўрманг. Бу сизни биринчи навбатда молиявий инқирозга йўлиқтиради. Шахсий ҳаётингиз бугун қандай кўринишда бўлиши ўзингизга боғлиқ. Асабийлашмасдан, эмоцияга эрк бермасдан ҳаракатлар содир этсангиз, шахсий ҳаётингиз ҳар қачонгидан ҳам гўзалроқ кечиши турган гап. Кечқурун хизмат сафарига жўнаб кетишингиз зарурати туғилади. Сафардан воз кечманг.
ҚИСҚИЧБАҚА (22. 06 — 23. 07)
Ҳар жабҳада оғир вазиятда қолиб кетмаслик учун кўп куч сарфлашингиз, тилингизга яхши маънода зеб беришингиз лозим бўлади. Ишхонангизда негадир зерикарли лаҳзаларни бошдан кечирасиз. Аммо зиммангиздаги вазифаларни ўз вақтида якунлашингиз шарт. Жуфтингиз билан эҳтиёткорона муносабат юритинг. Унинг ранжишига йўл қўйманг. Муносабатларингизга путур етиши мумкин. Кечқурун тоза ҳавода сайр қилинг. Тўғри овқатланинг.
АРСЛОН (24. 07 — 23. 08)
31 октябрда ҳамма сизга ҳавас қила бошлайди. Албатта бунинг жиддий сабаблари бор. Биринчидан, мартабангизни ошириш йўлида муваффақият қозондингиз. Иккинчидан, оиласиз бўлсангиз, орзуингиздаги инсонни учратдингиз. Учинчидан, пул топишни биласиз. Пулларингизни қаерга, қандай ва қачон сарфлашга устасиз. Шахсий бизнесингиз бўлса, рақобатчилардан нарироқ бўлишингиз тавсия этилади. Кечқурун ёлғизликда дам олинг.
ПАРИЗОД (24. 08 — 23. 09)
Агар бугун анчадан бери миянгизда пишитиб келган ғояларни амалга оширишга изн беришса, ишларингиз минглаб километрлар олдинга силжийди. Кун давомида кутилмаган совғалар, таклифларни қабул қилиб олишингиз, аёл киши бўлсангиз, муҳаббат изҳорларига кўмилишингиз эҳтимолдан холи эмас. Мураккаб вазифаларни бажаришда қийинчиликлар туғилса, тажрибаси кўпроқ ҳамкасбларга мурожаат этинг.
ҚЎЙ (21. 03 — 20. 04)
Агар қандайдир оригиналлик, ноанъанавийликни кўнглингиз тусаб қолса, марҳамат, хатоликларга йўл қўймаган ҳолда соф қалб билан бу мўъжизавийликка эришишингиз мумкин. Янги ишларга қўл урсангиз, худбинликка кенг йўл беринг. Шу нарса муваффақият қозонишингизда катта ёрдам беради. Кимнидир кун давомида собиқ севгилиси учрашувга чақириши мумкин. Рози бўласиз. Лекин бу тақдирингизда ўзгариш ясай олмайди. Ўзингизни асранг.
БУЗОҚ (21. 04 — 21. 05)
30 октябр куни кредит, қарзлар ва жарималарни тўлаб қўйишингиз талаб этилади. Атрофдагиларга ҳазил-мутойиба ишлата кўрманг. Кимлардир нотўғри тушунади-ю орангизда жанжал юзага келади. Оилавий ҳаётингизда йирик харидларга қўл уришингиз кутилмоқда. Тежаб қолишга қанча уринманг, сира уддасидан чиқа олмайсиз. Негаки, сотиб олинадиган буюмларнинг барчаси рўзғор учун сув ва ҳаводек зарур. Кечқурун ёқимли хабар эшитишингиз эҳтимоли бор.
ЭГИЗАКЛАР (22. 05 — 21. 06)
Бугун ўзингизга қалбан яқин инсонларнинг кўнглини олишга, ранжиган бўлса овутишга ҳаракат қилинг. Бу сизнинг қўлингиздан келади. Янги ишларни режалаштириш, қурилишни лойиҳалаш ва янги уйга кўчиб ўтиш амаллари бугун муваффақиятли кечади. Моддий аҳволингиз нейтрал ҳолатда бўлади. Яъни, бойиб ҳам кетмагансиз, қашшоқлашиб ҳам қолмагансиз. Шунинг учун йирик харидлардан қатъиян воз кечинг.
ҚИСҚИЧБАҚА (22. 06 — 23. 07)
30 октябрда бироз кўнгилсиз вазиятга тушиб кайфиятингизда бузилиш кузатилиши мумкин. Жуфтингиз билан ҳам муносабатларингиз кўнгилдагидек эмас. Шундай экан, икковингиз ҳам очиқчасига гаплашиб олсангиз, фойдадан холи бўлмасди. Саломатлигингизда муаммо йўқ. Фақат аллергия пича безовта қилиб ўтиш эҳтимоли бор. Сурункали хасталикка йўлиққанлар дориларини ўз вақтида ичиб, овқатланиш режимига амал қилиб юрганлари маъқул.
АРСЛОН (24. 07 — 23. 08)
Ишхонангизда ёқимли лаҳзалар, шундай муҳит ҳукм суради. Буларнинг барчаси сизга позитивлик бағишлашига шубҳа йўқ. Молиявий муаммоларни бартараф этаётганда, биринчи навбатда тафаккурга қулоқ тутинг. Ўзингизга тегишли пулгагина эгалик қилинг. Қолганини эгаларига қайтаринг. Рўзғорингизда ҳам жиддий муаммолар йиғилиб қолгани аниқ. Кимлардир кечқурун иш юзасидан сафарга отланиши мумкин. Кечқурун тоза ҳавода сайр қилишни унутманг. Оллоҳ сизга ёр бўлсин!
ПАРИЗОД (24. 08 — 23. 09)
30 октябр куни ҳам иқтисодчи, ҳам яратувчига айланишингиз зарур бўлади. Раҳбарларингиз зиммангизга юклайдиган янги вазифалар худди шу икки касбдан хабардорликни талаб этади. Ишонинг, агар уддаласангиз, мукофот пули мўмай бўлади. Хасталанган бўлсангиз, ёки сурункали хасталикка чалинганлар ўзича даволаш усулларини қўлламасдан врачга мурожаат этганлари маъқул. Муҳим ҳужжатлар билан боғлиқ ишлар муваффақиятли кечади.
ҚЎЙ (21. 03 — 20. 04)
29 октябр куни анчадан бери ўзингизни қийнаб келаётган муаммоларни бир ёқли қилишингиз керак. Янги мақсадлар сари йўлга чиқиш учун руҳан хотиржам тортишингиз лозим. Молиявий масала бироз кайфиятингизни тушириши мумкин. Аммо режа тузмай туриб бирор чора топишингиз тавсия этилмайди. Оилавий байрам учун сезиларли харидларни амалга оширишингиз мумкин. Фаол ишлаш жараёнида дам олиш ва овқатланишни ҳам унутиб қўйманг. Ўзингизни эҳтиёт қилинг.
БУЗОҚ (21. 04 — 21. 05)
Бугун фаоллик етарли бўлади. Шу сабабли кўпгина ишларни муддатидан олдин адо этишга улгурасиз. Демак, шахсий ҳаёт учун ҳам бўш вақтингиз бўлади. Фақат жуфтингизга қуруқ ваъдалар берманг. Яхшиси, сюрприз қилинг. Табиат қўйнида дам олиб қайтишни ихтиёр этганларнинг куни туғади. Дам олиш муваффақиятли кечади. Кечқурун ёлғиз қолиб эртанги режаларни пухталашингиз талаб этилади.
ЭГИЗАКЛАР (22. 05 — 21. 06)
29 октябрда эрта уйқудан турсангиз, худо албатта ризқингизни беради. Ишларингиз унумли кечади. Майда ишлардан юз бурманг. Улар даромадлироқ чиқади. Куннинг иккинчи ярмида анчадан бери кўрмаган қадрдонингизни учратиб суҳбатлашишингиз мумкин. Олис сафарга чиқишни мўлжаллаган бўлсангиз, сира ўйланмай, йўлга отланаверсангиз бўлади. Кечқурун албатта тоза ҳавода сайр қилинг.
ҚИСҚИЧБАҚА (22. 06 — 23. 07)
Бугун қиладиган ишларингиз, сотиб оладиган буюмларингизни рўйхатга тиркаб олинг. Гап хотирада эмас, шундай қилсангиз, вақтдан ютасиз. Иш унумдорлиги ошади. Пулни ҳам тежаб қоласиз. Кечки пайт қариндошлардан бирининг фавқулодда қўнғироғи кайфиятингизни бузиши мумкин. Ўзингизга тааллуқли бўлмаган ишларга қўл урманг. Саломатлигингизга алоҳида эътибор қаратинг.
АРСЛОН (24. 07 — 23. 08)
29 октябр куни сизга тинчлик ва хотиржамлик зарур. Афсуски, бу ҳам сизга насиб қилмаслиги мумкин. Кутилмаган муаммолар сизни оёққа турғазади. Жуда бўлмаганда хатога йўл қўйишингиз эҳтимолга яқин. Тадбиркор бўлсангиз, ҳужжатлар билан ишлаганда, имзо қўйганда ва келишувларни амалга оширганда эҳтиёт бўлинг. Хатога йўл қўйсангиз, бу сизга қимматга тушиши тайин. Оллоҳ сизга ёр бўлсин!
ПАРИЗОД (24. 08 — 23. 09)
Биринчи навбатда йирик харидларга қўл уришдан сақланинг. Фақат энг зарур маҳсулот ва буюмларнигина сотиб олинг. Шахсий бизнесига эгаларнинг молиявий масалада бугун омади чопмайди. Шериклар билан муносабатда тилингизга эҳтиёт бўлинг. Шамоллаб қолишни хоҳласангиз, ҳавога қараб кийинишингиз тавсия этилади. Омадингизни берсин! Сурункали хасталикка йўлиққанлар дориларини ўз вақтида ичишни унутмасликлари керак.
ҚЎЙ (21. 03 — 20. 04)
Бугун ўзингизга нисбатан билимлироқ, тажрибалироқ одамлар қаршисида билиб-билмай мақтаниб қўйишдан сақланинг. Ортиқча муаммолар туғилиши мумкин. Агар ўзингиздаги профессионализмни кенг намойиш этмоқчи бўлсангиз, чин кўнгилдан меҳнат қилинг. Ҳатто, жисмоний меҳнат ҳам сизнинг обрўйингизни бир баҳя кўтариб қўйишга қодирлигини унутманг. Лекин ишдан кейин сафарга чиқиш зарурати туғилса, бормаганингиз маъқул. Шундоқ ҳам керагича чарчаган бўласиз.
БУЗОҚ (21. 04 — 21. 05)
28 октябр куни тафаккурни ҳам, организмнинг бошқа аъзоларини ҳам маълум муддат дам олишга мажбурлашингиз керак. Акс ҳолда тушгача бормай вужудингизда кучли толиқиш ҳис эта бошлайсиз. Бу саломатлигингизга салбий таъсир кўрсатиши мумкин. Моддий аҳволингиздан кўнглингиз тўлган бўлса, бемалол харидларни амалга оширишингиз мумкин. Янги кийимлар, ўзингизга ёққан буюмлар ёшаришда ёрдам беради. Оила аъзоларингизга ён бериш орқали муносабат юритинг. Йўқса жанжаллашиб қолишингиз мумкин.
ЭГИЗАКЛАР (22. 05 — 21. 06)
Иш жойингизда ҳодисалар шу қадар кўп кўзга ташланадики, уларнинг барчасини таҳлил этишга вақтингиз етмайди. Рақобатдан чўчиманг. Ишни имкон доирасида жамоавий тарзда амалга оширишга ҳаракат қилинг. Яқин дўстлардан бири бошингизни қотириши тайин бўлган бир гапни айтиши кутилади. Кучингиз етсагина бу жумбоқнинг жавобини қидиринг. Бошқа бир дўстингиз эса ғалати бир хабарни етказиши мумкин. Бу ҳам сизни ҳайратга солмай қўймайди.
ҚИСҚИЧБАҚА (22. 06 — 23. 07)
28 октябрда сизни совғалар ва кутилмаган учрашувлар кутиб қолади. Эмоциянгиз юқори даражада бўлади. Албатта яхши томонга. Азбаройи мамнунлигингиздан мўъжизалар яратгингиз келиб кетади. Мўъжизани яхшиси иш жойингизда яратинг. Куннинг иккинчи ярмида даромади сизни қониқтира оладиган ишда ҳамкорлик таклиф этишлари мумкин. Кечқурун айримлар хизмат сафарига бориши мумкин. Айримлар эса ўтган кунлари бажарган иши учун ҳақ олиш палласини бошдан кечиради.
АРСЛОН (24. 07 — 23. 08)
Ишхонангизда муаммолар ва мушкулотлар кўзга ташланмайди. Рўзғордаги муаммолар бироз кўнглингизни хира торттириши мумкин. Зарур бўлса, ишни-да йиғиштириб қўйиб уй таъмири ва қўшимча даромад келтирадиган иш қидириш билан шуғулланинг. Баъзи дўстларимиз аёлининг ҳомиладорлигидан хабар топади ва мамнун тортади. Агар бу кунни анчадан бери орзулаган бўлсангиз, ҳақиқий байрам уюштиринг. Йирик ва қимматбаҳо буюмлар харид қилишдан тийилинг.
ПАРИЗОД (24. 08 — 23. 09)
28 октябр куни пул масаласида қариндошлар билан ади-бади айтишиб қолишингиз мумкин. Фақат бу айтишув катта жанжалга айланиб кетишининг олдини олинг. Зиммангиздаги вазифаларни режим ва графикка қатъий амал қилган ҳолда бажаришингиз тавсия этилади. Моддий аҳволингиз қониқарсиз даражада. Худо ғойибдан бериб қолмаса, киссада борига шукр қилишга мажбурсиз. Кечқурун оила қурмаганлар романтик учрашувга отланишлари кутилади.
ҚЎЙ (21. 03 — 20. 04)
27 октябр куни жуда тежамкор бўлишингиз талаб этилади. Барча истак ва азартни четга суринг. Агар кун давомида мўмай даромад олсангиз ҳам заҳира пулларингизга қўшиб қўйинг. Муҳаббатда тақиқланган ҳаракатларни содир этишдан тийилинг. Акс ҳолда туйғуларингиз оёқости бўлади. Бугун организмни заҳарли моддалардан тозалаш амали хайрли кечади. Фақат тозалашни меъёридан ошириб юборманг. Айримлар кечқурун олис сафарга отланади. Сафарда муваффақиятли танишувлардан бирини бошдан кечирасиз.
БУЗОҚ (21. 04 — 21. 05)
Бугун организмингиздаги суюқлик меъёрига алоҳида эътибор билан ёндашишингиз тавсия этилади. Аниқроғи, кўпроқ суюқлик ичинг. Буйрак ва метаболизм масаласида муаммо бўлмаса, албатта суюқликни кўпроқ ичишингиз зарур бўлади. Оиласизлар бугун бўлғуси жуфтини тасодифан учратиб танишишлари мумкин. Лекин танишганданоқ муҳаббат ҳақида гап очишга шошилманг. Олдин у инсонни яхшилаб ўрганинг. Характерлар мутаносиблиги оилавий ҳаётда жуда керак бўлади.
ЭГИЗАКЛАР (22. 05 — 21. 06)
27 октябрда йўлингизда жиддий тўсиқлар, муаммолар учрамайди. Тўсиқлар бўлган тақдирда ҳам бир сакраб ўтса бўладиганлари учрайди. Асосийси, ишдан ва шахсий ҳаётдан нима кутаётганингизни билишингиз лозим. Шунда мақсадлар, ниятлар ва режалар пайдо бўлади. Молиявий муаммоларни бартараф этишда сиздан ўта принсипиаллик талаб этилади. Кўпроқ пул сарфлаб қўйишдан асло чўчиманг. Харидларнинг барчаси сиз ва оилангиз фойдасига хизмат қилади. Омад сизга ёр бўлсин!
ҚИСҚИЧБАҚА (22. 06 — 23. 07)
Эрталаб кўз очгандан сизни ҳайрат забтига олади. Харидларга муккангиздан кетмагансиз. Лекин киссангиздаги пуллар камайиб қолмоқда. Нима бўлди? Бу саволга жавоб топиш учун қўшимча даромадли иш топишингиз керак. Ижодкор бўлсангиз, янги ғоялар ўйлаб топиб ҳаётга тадбиқ эта билишингиз керак. Ана шунда пулларингиз ҳадеганда тугаб қолавериб хит қилмайди. Муҳаббатда хаёлпарастликка зўр берманг. Иллюзия сизни йўлдан оздиришга ярайди холос. Кечқурун тоза ҳавода сайр қилишни унутманг.
АРСЛОН (24. 07 — 23. 08)
27 октябр куни орзулар ва фантазияларга бемалол эрк бераверсангиз ярашади. Энг мураккаб ҳисобланган лойиҳалар бугун ҳақиқатга айланиши мумкин. Пулларингизни қатъий ҳисоб-китобда ушланг. Фавқулодда йўқотишларга юз тутишдан сақланинг. Жисмоний жиҳатдан жуда мураккаб бўлган ишларни амалга ошириш ҳаракатида бўлганлар албатта кечқурунга бориб муваффақият қозонишади. Ишонинг, бу муваффақиятни кўрган борки, сизга ўзгача ҳавас билан боқа бошлайди.
ПАРИЗОД (24. 08 — 23. 09)
Кунингиз сершовқин кечиши кутилади. Аммо ҳар бир иш, масалага тафаккурга суянган ҳолда ёндашинг. Осмондан пул келиб тушишини кутманг. Ўзингиз ҳаракат қилинг. Қандай иш бўлса ҳам бажонидил бажаришга киришинг. Шунда даромадини албатта кўрасиз. Инқирозга юз тутмайсиз. Жуфтингиз билан ўзаро муносабатларни бир меъёрда ушлашга ҳаракат қилинг. Эмоцияга эрк берманг. Олис сафарга чиққанлар бугун омадли лаҳзаларни бошдан кечиришади.