6758
Энг аниқ кунлик мунажжимлар башорати бизнинг каналимизда! Буржлар хақида қизиқарли маълумотлар ва тавсияларни кузатиб боринг. Админ👉 @acroc
ТАРОЗИ (24. 09 — 23. 10)
4 октябр куни анчадан бери меҳнат таътилига чиқмаганингиз ўз сўзини айтиб, арзимаган гапдан ҳам жаҳл отига минаверишингиз мумкин. Шундай экан, дам олиш ҳақида бош қотиринг. Табиат қўйнига чиқиб дам олиш, ҳаво алмашиш ҳам сизга катта ёрдам беради. Нафақат ўзингиз, балки атрофдагиларнинг маслаҳатларига ҳам қулоқ тутинг, зиён кўрмайсиз. Саломатликни мустаҳкамлаш учун сиз кўпроқ ухлашингиз, эрталаблари жисмоний машқлар билан банд бўлишингиз, сабзавотларни кўпроқ истеъмол қилишингиз керак бўлади.
ЧАЁН (24. 10 — 22. 11)
Бугун иш ва муҳаббатдан бирини танлашингиз зарур. Иккала жабҳада ҳам елиб-югура олмайсиз. Юлдузлар, яхшиси мавқени ошириш ҳаракатида бўлишингизни маслаҳат беришади. Оиласизлардан кимдир бугун олис сафарга отланади. Бу сафар сизга романтик танишув ҳадя этиши кутилмоқда. Ўзингизга бўлган ишончдан шубҳа қилманг. Шунда бўлғуси ёрингиз қаршисида янада идеал инсонга айланасиз. Ўзингизни эҳтиёт қилинг.
ЎҚОТАР (23. 11 — 21. 12)
4 октябр куни бошқа кунлардагига нисбатан кўпроқ ишлашингиз керак. Йўқса, пул масаласида қийналиб қолишингиз мумкин. Ёқимли харидларни амалга ошириш учун кечқурунни танлашга мажбурсиз. Чунки кечқурунга борибгина қўлингизга пул тушади. Айримлар янги иш қидириш билан банд бўлса, бугун кечки пайт иш масаласида янги хабар эшитишади. Саломатлик масаласида ташвиш чекмасангиз ҳам бўлади. Бу соҳада муаммо бўлмайди.
ТОҒ ЭЧКИСИ (22. 12 — 20. 01)
Юлдузлар эрталаб вақтли уйғониб, ҳаётдан, яқин инсонлардан аслида нима кутаётганингизни аниқлаб олишга чақириб қолишади. Иккиланишлар сизга фойда келтирмайди. Ҳар бир ишга қатъият билан ёндашишингиз керак. Тушдан кейин қариндошлардан бири билан келишмовчиликларни бошдан кечиришингиз мумкин. Агар унинг ҳақлигига ишонаётган бўлсангиз, ён беринг. Жанжал ҳеч кимга наф келтирмайди.
ҚОВҒА (21. 01 — 19. 02)
4 октябрда молиявий аҳволингиз биринчи навбатда яхшиланади. Кимлардир сиздан қачонлардир қарз олган бўлиб чиқади ва қарзини айнан бугун қайтаради. Турли харидларни амалга ошириш, табиат қўйнида дам олиш муваффақиятли кечади. Куннинг иккинчи ярмида янги танишувни бошдан ўтказишингиз мумкин. Бу яқин келажакда янги таниш билан ўзаро ҳамкорлик қилиш имконини яратади. Асабийликлардан сизга фақат спорт ёрдам бера олади.
БАЛИҚ (20. 02 — 20. 03)
Юлдузлар кунингиз ажойиб тарзда ўтишини башорат қилишган. Ҳатто, рўзғордаги сиз унутаёзган муаммолар ҳам ўз-ўзидан силлиқчасига ижобий ҳал бўлади. Асосийси, бу муаммоларни ўз фойдангизга ҳал этиш йўлида пул тикмайсиз. Асаббузарликларга дуч келмайсиз. Кун давомида жуфтингиз ва сизнинг орангизда келишмовчиликлар пайдо бўлиши кутилади. Кечқурун узоқ вақт пиёда сайр қилиш ва дўстлар даврасида хурсандчилик қилиш сизга бир дунё шодлик, ҳузур бахш этади.
ҚЎЙ (21. 03 — 20. 04)
Юлдузлар бугунингиз анча оғир кечишини башорат қилишган. Башоратда кун давомида кимлардир йўлингизга ғов бўлиш ниятида экани ҳам алоҳида кўрсатиб ўтилган. Аммо бу каби майда кўнгилсизликлар сиз учун чўт эмас. Ҳар қандай вазиятда ҳам ирода кучингиз ғолиб келаверади. Муҳаббатда ҳам башарти оиласиз бўлсангиз, ҳар қандай вазиятдан силлиқчасига чиқиб кетишга ҳаракат қилинг. Кечқурун иш юзасидан қўшни шаҳарга жўнаб кетишингиз кутилади.
БУЗОҚ (21. 04 — 21. 05)
3 октябрда азалий ниятларингиз амалга ошиши учун турли вариантлардан фойдаланиб кўрасиз. Шуларнинг энг оригинали орзуларингизни ҳақиқатга айлантиради. Молиявий аҳволингиз ҳавас қиладиган даражада эмас. Лекин ташвиш чекишга асос йўқ. Заҳирангиз маълум муддат сизни инқироздан қутқара олади. Оилалилар кечқурун фарзандлар тарбияси билан фавқулодда шуғулланишни бошласалар фойдадан холи бўлмайди.
ЭГИЗАКЛАР (22. 05 — 21. 06)
Юлдузларнинг башорат қилишларича, сиз ва жуфтингиз ёки бўлғуси жуфтингиз орасида икки хил муносабат баравар пайдо бўлиши мумкин. Сизлар гоҳ жанжаллашасиз, гоҳ бирдан аҳил жуфтликка айланасиз. Баланс бўлиши учун аҳилликни танлаганингиз ва жанжалдан воз кечганингиз маъқул. Яқинда ишга жойлашган бўлсангиз, янги жойда позициянгизни мустаҳкамлаб олиш учун қулай имкониятлар туғилади. Қўлдан бой берманг.
ҚИСҚИЧБАҚА (22. 06 — 23. 07)
3 октябрда ўз руҳиятингизни ўзингиз балансга келтириб олмасангиз, аҳволингиз аянчли кечиши мумкин. Бу ҳолатга сизни яқин танишлардан бири келтириб қўйиш пайида бўлади. Сиз тез фурсатда у кимса билан дўстона муносабатларга нуқта қўйишингиз керак. Кейин эса чигал вазиятларни ўз фойдангизга ишлатишга ҳаракат қилинг. Башарти муҳим ҳужжатлар билан ишлашга тўғри келса, сергакликни қўлдан берманг
АРСЛОН (24. 07 — 23. 08)
Молиявий муаммоларни бартараф этишда ва муҳаббат масаласида жуда эҳтиёткорлик билан ҳаракатлар содир этинг. Бажаришингиз керак бўлган ишларнинг ҳаммасига бирваракайига ташланиб қолманг. Куч ва асабларни асраган ҳолда иш тутинг. Агар ҳозирданоқ спорт билан шуғулланишни бошласангиз, хавфли хасталикларни айланиб ўтишингиз мумкин. Пиёда кўпроқ йўл босинг. Овқатланишда режимни бузманг. Спиртли ичимликларга ружу қўйманг.
ПАРИЗОД (24. 08 — 23. 09)
3 октябр куни айримлар ўта оғир вазиятларга тушиб қолиши эҳтимолдан холи эмас. Бу вазиятдан қон-қардошлар ёрдамисиз чиқиб кета олмайсиз. Рўзғорингизда ҳам жиддий муаммолар қалашиб ётибди. Уларнинг ярмисини бўлса-да катта тезликда ижобий ҳал этишингиз керак бўлади. Куннинг иккинчи ярмида хизмат сафарига жўнашингиз эҳтимоли бор. Кечқурун кимдир сизга қарзини қайтаради. Бу моддий аҳволингиз яхшиланишини таъминлайди.
ҚЎЙ (21. 03 — 20. 04)
2 октябр куни яқинларингизнинг инжиқликларига ҳаддан ташқари эътибор қилиб, улар таъсирига тушиб қолмаслигингиз тавсия этилади. Агар имкон топилса, ишларни йиғиштириб қўйиб дам олинг. Фақат спиртли ичимликлар истеъмолисиз, дўстлар даврасида дам олишингиз керак. Бир тийин пулингиз қолмаса ҳам бировдан қарз олишни хаёлингизга келтирманг. Инқироз кучайиб кетиши мумкин. Кечқурун тоза ҳавода сайр қилинг. Кейин ёлғиз қолиб эртанги режаларни пухталанг.
БУЗОҚ (21. 04 — 21. 05)
Бугун сизга жисмоний меҳнат билан шуғулланиш қатъиян тақиқланади. Бу нафақат организмингиз зўриқади, пулсиз ҳам қолиб кетасиз. Ўзингиз у қадар ишонмайдиган одамлар билан мулоқотда ниҳоятда эҳтиёт бўлинг. Улар сизни боплаб алдашлари муқаррар. Шахсий бизнеси борларнинг кунни фаолликда кечирганлари кечқурунга бориб албатта қўшимча даромадга эга бўлишади. Саломатликни эҳтиёт қилинг. Овқатланиш режимини бузманг. Омад сизга ёр бўлсин!
ЭГИЗАКЛАР (22. 05 — 21. 06)
2 октябрда ишга кўмилиб қолмаслигингиз аниқ. Кун зерикарли кечиши мумкин. Аммо куч тўплаб олишингиз тайин. Ёғли, хамирли таомлар истеъмолидан тийилинг. Фавқулодда бажарилиши керак бўлган ишлар топилиб қолмаса, ухлашга эртароқ ётишингиз тавсия қилинади. Айримлар кечки пайт хизмат сафарига отланиши кутилади. Аммо билинг, сафар сиз учун анча оғир кечади. Кечқурун ёқимли хабар эшитасиз.
ҚИСҚИЧБАҚА (22. 06 — 23. 07)
Эрталабдан кайфиятни яхшиланг ва бошни баланд кўтарган ҳолда олға босинг. Омадни кутманг, уни ўзингиз қидириб топинг. Кун давомида жанжалларга асло аралаша кўрманг. Кейин ўзингизга келишингиз қийин бўлади. Бугун табиат қўйнида дам олиш, ҳаммомга бориш хайрли ва ёқимли кечади. Хунук хаёллардан нари бўлинг. Тўғри овқатланинг. Бугун бировни ранжитманг. Гуноҳи сизга бўлади. Ухлашга ётишдан олдин сут маҳсулотлари истеъмоли билан чекланинг, тушларингиз тотли кечади.
АРСЛОН (24. 07 — 23. 08)
2 октябр куни харидларни амалга ошириш ёки сафарга отланишни режалаштирган бўлсангиз, олдин пулингизни ҳисоблаб кўринг. Шундай ҳисоблангки, кейинчалик инқирозга юз тутмайдиган бўлинг. Рўзғордаги муаммоларни бартараф этиш, оиласизлар учун романтик учрашувга чиқиш муваффақиятли кечади. Оилалилар уйни кенгайтириш масаласида сезиларли ҳаракатларни содир этишлари керак.
ПАРИЗОД (24. 08 — 23. 09)
Бугун принсиплардан келиб чиққан ҳолда иш қилманг. Бу муваффақиятларга зиён етказибгина қолмай, ҳамкасблар билан муносабатларга ҳам салбий таъсир ўтказади. Арзимас бўлса ҳам ютуқларингиз билан фахрланинг. Башарти бадавлат одамларнинг ёрдамига муҳтожлик сезсангиз, дарҳол қўнғироқ қилинг. Оилалиларни кечқурун фарзандлар даврасида кечадиган лаҳзалар жуда мамнун торттиради. Оллоҳ сизга ёр бўлсин!
ТАРОЗИ (24. 09 — 23. 10)
1 октябрда ишга ҳам, шахсий ҳаётга ҳам алоҳида эътибор билан ёндашинг. Яқин ўтмишда сизни қийнаган муаммоларни ёдга олишдан сақланинг. Улар бугунги кунингизни ҳам издан чиқариши мумкин. Қай ишга қўл урманг, омад кутиб туради. Уни ўзингизда тутиб қолиш яна ўзингизга боғлиқ. Ишингиз билан боғлиқ ажойиб бир ғояни яқин дўстингиз тилига кўчириши ва бу ишни шерикчиликда амалга оширишни таклиф этиши мумкин. Дарров рози бўлинг. Қўшимча даромад келади. Кун давомида асабни жуда эҳтиёт қилинг. Кўпроқ кўк чой ичинг ва дам олинг.
ЧАЁН (24. 10 — 22. 11)
Оилавий бюджетингизда хавфли манзара ҳосил бўлиши кутилади. Манзара бўлар-бўлмасга пул харажат қилишдан иборат бўлади. Агар вақтида тўхтамасангиз, жуда тез фурсатда инқирозга юз тутасиз. Муҳаббатда оиласизлар баъзи муаммоларга дуч келиши мумкин. Лекин уни зудлик билан ижобий ҳал этса бўлади. Кечки пайт қўлингизга ғойибдан бир даста пул келиб тушиши кутилмоқда. Дарҳол севгилингиз ё жуфтингизга ёқимли бир совға харид қилинг. Кўнгли кўтарилади. Муносабатларингиз янада мустаҳкамланади.
ЎҚОТАР (23. 11 — 21. 12)
1 октябр куни сиздан қатъиятлилик талаб қилинади. Бу ҳам ишга, ҳам шахсий ҳаётингизга, ҳам муҳаббатга тегишли. Ҳар жабҳада фақат қатъиятли бўлишингиз керак. Шунда ютуқлар сизники бўлади. Оила қуришга улгурмаган дўстлар янги муносабатлар бошлаши мумкин. Муносабатлар бир қарашда ёқимли ва абадийдек туюлса-да, барибир бу масалада чуқур ўйлаб кўришингиз лозим бўлади. Оилалилар ҳаётида сокинлик, хотиржамлик ва аҳиллик ҳукм суради.
ТОҒ ЭЧКИСИ (22. 12 — 20. 01)
Юлдузлар вазиятни сунъий тарзда ўзгартиришга уринмасликни маслаҳат беришади. Вазият вақтинча, аммо уни бошқа йўналишга йўналтирганда қоладиган баъзи асоратлар келгусида сизнинг зиёнингизга ишлаши мумкин. Атрофдагилар билан муносабатларда самимийликка алоҳида эътибор беринг. Куннинг иккинчи ярмида сурункали юрак-қон томир хасталиклари билан оғриганларнинг умумий аҳволида салбий ўзгаришлар кузатилиши мумкин. Олдиндан дориларни ўз вақтида ичиб, эҳтиётингизни қилинг.
ҚОВҒА (21. 01 — 19. 02)
1 октябр куни ҳаётнинг ҳар бир жабҳасида балансни баравар ушлашга ҳаракат қилинг. Баланс салгина бузилса ҳам муваффақияцизликлар нақд деяверинг. Дам олиш кунидан фойдаланиб, келажак мавқеингиз ҳақида ҳам обдон мулоҳаза қилинг. Жуфтингиз билан арзимас баҳоналар туфайли жанжаллашманг. Бунга эриша олмасангиз, ёлғиз қолинг. Вақтинча ёлғиз қолиш таранг тортилган асаб торларини бўшаштириб, вужудингизга хотиржамлик ҳадя этади. Кечқурун хонадонингизга кутилмаган меҳмонлар ташриф буюриши мумкин.
БАЛИҚ (20. 02 — 20. 03)
Юлдузлар йўлингизда учрайдиган тўсиқларни ўйламасдан, стихияли тарзда бартараф этишга уринмасликни маслаҳат беради. Яна қўшимча муаммо орттириб оласиз. Яқин масофага қиладиган сафар муваффақиятли кечади. Бироқ олис сафар ҳақида ҳозирча ўйламаганингиз маъқул. Бағрингиз олтинга тўлмаса-да, молиявий жиҳатдан сизда ранжиш аломатлари сезилмайди. Тирикчилик бир маромда ўтади. Оила қурмаган бўлсангиз, кечқурун романтик учрашувга чиқишингиз кутилади. Ўзингизни эҳтиёт қилинг.
ТАРОЗИ (24. 09 — 23. 10)
Эрталабдан кайфиятингиз аъло даражада бўлиши кутилади. Лекин ҳар бир катта-кичик жараённи, воқеа-ҳодисани, хабарни юракка яқин олишни бас қилинг. Бу саломатлигингизга жиддий зарар етказади. Куннинг иккинчи ярмида баъзилар иш юзасидан бошқа шаҳарга сафар қилиши мумкин. Молиявий муаммоларни ўйламасангиз ҳам бўлади. Бу соҳада омадингиз чопади. Шунинг учун уйдагиларга атаб совғалар сотиб олишни унутманг.
ЧАЁН (24. 10 — 22. 11)
30 сентябрда миянгизни ишингиз билан боғлиқ ажойиб ғоялар чулғаб олиши мумкин. Бу ҳақда яқин дўстларга гапиришга ошиқа бошлайсиз. Ошиққанингиз яхши, аммо дўстлардан бири сизга яқин кўмакдош бўлишига ишончингиз комилми? Шу ҳақда ўйлаб олинг. Агар ишончингиз комил бўлмаса, ҳеч кимга чурқ этмаган ҳолда ўз куч ва имкониятларингизга суянганингиз маъқул. Ҳар бир ишга ижодий ёндашиш муваффақият гарови ҳисобланади. Кечқурун баъзи дўстларимиз фавқулодда сафарга отланиши мумкин.
ЎҚОТАР (23. 11 — 21. 12)
Оила қуришга улгурмаганлар бугун бўлғуси жуфти билан қисқа муддатли саёҳатга отланиши кутилмоқда. Бу саёҳат бир умр ёдингизда қолади. Ажойиб таассуротлар билан ортга қайтишингиз аниқ. Молия масаласида кечки пайт муҳим бир қарорни қабул қилишингизга тўғри келади. Бу нарса келгусида янада яхшироқ даромад кўришингизни таъминлаши мумкин. Шу сабабли қарор чиқаришда асло хатога йўл қўйманг. Кечқурун сув ёрдамида танани чиниқтиришга қаратилган муолажаларни бошласангиз ҳам фойдадан холи бўлмайди
ТОҒ ЭЧКИСИ (22. 12 — 20. 01)
30 сентябр куни ишингиз бошингиздан ошиб-тошади. Катта-кичик ишларни бажариш билан банд бўласиз. Баъзи ишларда таваккалчилик талаб этилиши мумкин. Муҳаббатда фирибга дуч келишдан ниҳоятда эҳтиёт бўлинг. Агар оила қурмаган бўлсангиз, дуч келган одамга ишониб кетиш, кўнгил қўйишга шошилманг. Оқибатда чув тушиб қолишдан сақланинг. Кечқурун саломатлигингиз ҳақида қайғуринг. Ошқозон, жигар ва бош оғриғи кабиларга дуч келишнинг олдини олинг.
ҚОВҒА (21. 01 — 19. 02)
Юлдузлар бугунги кунингиз фақат ёқимли лаҳзалардангина иборат бўлишини башорат қилган. Албатта, кун бўйи кўнгилсиз вазиятларга ҳам дуч келишингиз мумкин. У ҳолда фақат ўзингиз йўл қўйган хатолар туфайлигина шундай вазиятларда қоласиз. Обрўли, бадавлат танишлардан бири куннинг иккинчи ярмида сизга моддий жиҳатдан ёрдам қўлини чўзиши кутилади. Айримлар иш юзасидан бошқа шаҳарга жўнаб кетиши мумкин. Кечқурун тоза ҳавода сайр қилинг. Овқатланиш қоидаларини бузманг.
БАЛИҚ (20. 02 — 20. 03)
30 сентябрда кайфиятингиз ўзингиз хоҳлагандек аъло даражада бўлмайди. Уйқудан тушкун кайфиятда уйғонасиз. Бу ҳам етмагандек, кўчага чиқиб улгурмасингиздан дўстларингиздан бири ўз муаммоси билан безовта қилиши мумкин. Барибир ҳаётга оптимист назари билан боқаверинг. Ҳаёт ҳам худди серқатнов йўлга ўхшайди. Баъзан нотекисликлар кўндаланг туради. Бунга чидаш ва бардош қилиш керак. Кечқурун оила қурмаганлар романтик учрашувга отланишади.
ТАРОЗИ (24. 09 — 23. 10)
Кунингиз омадли лаҳзаларга бой бўлади. Пулнинг ўзи келиб қўлингизга туша бошлаганда, буни ўзингиз ҳам англаб етасиз. Сиздан кўра кўпроқ муваффақиятлардан ўзиб кетишга уринманг. Тақдирда борига шукр қилинг. Анчадан бери меҳнат таътилига чиқишни мўлжаллаб юрган бўлсангиз, яна бироз кутишингизга тўғри келади. Кечқурун саломатликни мустаҳкамлашга оид амалларни бажаринг. Ўзингизни эҳтиёт қилинг.
ЧАЁН (24. 10 — 22. 11)
29 сентябр куни табиат қўйнида дам олиб қайтиш ҳам халал бермайди. Тоғларга чиқиб дам олсангиз янада яхшироқ бўлади. Шунда янги ишларни бошлашга ўзингизда етарлича куч топа биласиз. Вақти-вақти билан миянгизни кемира бошловчи тушкун хаёлларга эрк берманг. Депрессия ҳолатига тушиб қолишни хоҳламасангиз, берилиб ишланг. Тер тўкинг. Ана шунда ошиғингиз олчи бўлади.
ЎҚОТАР (23. 11 — 21. 12)
Эрта тонгда уйқудан уйғонгач, бугун кун бўйи кечадиган ҳаётингизни режалаштириб олинг. Чунки хатоликларга йўл қўйсангиз, бу сиз учун қимматга тушиши мумкин. Моддий аҳволингизни яхшилаш учун эса қўшимча даромад келтирувчи иш топишингизга тўғри келади. Эски қадрдонларга маслаҳат солсангиз ҳам ёмон бўлмайди. Улар сизга кўмаклашиб юбориши мумкин. Кечқурун саломатлигингизни мустаҳкамлаш ҳаракатида бўлинг.
ТОҒ ЭЧКИСИ (22. 12 — 20. 01)
29 сентябр куни хоҳиш-истакларингиз кўп бўлади, аммо уларни ҳақиқатга айлантириш учун имкониятлар етишмаслиги мумкин. Сизга бундай лаҳзаларда дўстлар ёки яқин қариндошлар маслаҳати жуда асқотади. Кимдир пулдан ёрдам қила олишини билдирса, бош тортманг. Куннинг иккинчи ярмида сафарга отланишингиз кутилади. Бу сафар сизга ҳеч бўлмаганда маънавий лаззат бахш этиши тайин. Кечқурун оила даврасида дам олинг.
ҚОВҒА (21. 01 — 19. 02)
Эрта тонгдаёқ энг муҳим ишларни амалга ошириб олишга ҳаракат қилинг. Бу ишларни бажаришда сизга азалий тажрибангиз жуда катта ёрдам беради. Оила қурмаганларнинг айримлари ўзига янги ишқий саргузашт топиши кутилмоқда. Эҳтиёт бўлинг. Агар айёр ва доғули одамга тушиб қолсангиз, юзингиз шувут бўлади. Бировларнинг ишига, ҳаётига аралашманг. Бу сизга ортиқча ғалва орттиради холос. Шундан бошқасига ярамайди.
БАЛИҚ (20. 02 — 20. 03)
29 сентябрда муҳим ҳужжатлар билан ишлашда ниҳоятда эҳтиёт бўлинг. Қандай йўл тутасиз, бу ўзингизнинг ишингиз, аммо моддий аҳволингизни кечга қолмасдан яхшилашингиз шарт. Фақат қонунга хилоф иш тутмасангиз бас. Шахсий ҳаётингизда кўнгилсиз вазиятлар юзага келиш эҳтимоли бор. Лекин бу тез фурсатда ўтиб кетади. Айримлар кечқурун бош ва оёқ оғриғидан шикоят қилиши мумкин.
ТАРОЗИ (24. 09 — 23. 10)
Зерикмаслик, тушкунликка тушмаслик учун хаёлот денгизига шўнғинг. Ҳар бир ишни бошлашдан олдин хаёлан ғолибга айланинг. Шундан кейингина қадам босинг. Ана шунда сиз ростдан ҳам ғолибга айланасиз. Куннинг иккинчи ярмида баъзилар олис сафарга отланишлари кутилади. Сафар давомида ажойиб бир инсон билан танишиб дўстлашасиз. Рўзғордаги камчиликлар қондошлар билан орангиздаги муносабатларга зиён етказиши мумкин. Барча оғирликни зиммангизга олишингизга тўғри келади.
ЧАЁН (24. 10 — 22. 11)
28 сентябр куни ҳам ақлан, ҳам жисман кучли бўласиз. Сизга тенглашадигани бўлмайди. Бу тадбиркорларга кўз кўриб қулоқ эшитмаган муваффақиятлар қозониш имконини яратиб беради. Муҳаббатда бесабрлик қилиб қўйманг. Омад юз ўгириши мумкин. Фақат хотиржамлик, сабр билан бошлаган ишларингизгина бароридан келади. Кечқурун айримлар хонадонида янги меҳмон дунёга келиши мумкин. Суюнчисини тайёрлаб қўяверинг.
ЎҚОТАР (23. 11 — 21. 12)
Шартакилик, жаҳлдорликни бошқа кунлар учун асраб қўйинг. Бугун сизга мулойимликкина ёрдам бера олади. Хотиржамлик билан бошқаларга муносабат юритиш фақат сизнинг фойдангизга ишлайди. Яқин инсонингизга қайноқ меҳр ҳадя этинг. Бусиз унинг муҳаббатини қозона олмайсиз. Шубҳасиз, бу оила қуришга улгурмаганларга тегишли гап. Ҳар жабҳада ўтмишдаги хатолар такрорланишига йўл қўйманг. Айримлар оёқ ва бел оғриғидан безовталанишлари мумкин.
ТОҒ ЭЧКИСИ (22. 12 — 20. 01)
28 сентябрда интеллектуал заҳирангиз уч ҳисса ортади. Бу аввал ўйлаб қўйилган, режалаштирилган ишларни муваффақиятли тарзда амалга оширишингизда қўл келади. Оиласизлар бўлғуси жуфтига нисбатан соф туйғу билан муносабатда бўлишса, мукофотини албатта олишади. Ақлий меҳнат кишилари бугун куннинг иккинчи ярмида мўмай даромад эгасига айланишлари мумкин. Ухлашга ётишдан олдин сут маҳсулотлари истеъмол қилинг.
ҚОВҒА (21. 01 — 19. 02)
Эмоцияни балансда ушлашга ҳаракат қилинг. Ички баланс айниқса ишда муҳим рол ўйнаши мумкин. Ортингиздан кимлардир ғийбат қилаётганини эшитиб қолишингиз мумкин. Баъзиларни олис сафар кутиб қолади. Тадбиркорлар яқин ҳамкорлар билан учрашиб гаплашиб олиши ҳам бугунга мўлжалланган. Моддий масалада ҳуқуқшунос маслаҳати жуда зарур бўлади. Кечқурун дўстлар даврасида дам олиш, пиёда йўл босиш хайрли кечади. Ўзингизни эҳтиёт қилинг.
БАЛИҚ (20. 02 — 20. 03)
28 сентябр куни бажариладиган ишларингиз қисқа муддатга таққа тўхташи кутилади. Шу баҳонада дам олиш ва келажак режаларни пухталаб олишингиз учун имкон туғилади. Кечки пайт яқин масофага сафар қилишингиз мумкин. Бу сафарга шахсий автомобилингизда бормаслигингиз талаб этилади. Кечқурун айримлар оила аъзолари билан жанжаллашиб қолиши эҳтимолдан холи эмас. Шунинг оқибатида бош оғриғидан безовта бўлишингиз ҳам ҳақиқатга яқин.
ТАРОЗИ (24. 09 — 23. 10)
Юлдузлар оқимга қарши сузишни асло маслаҳат беришмайди. Акс ҳолда шундай кучли ва хавфли тўлқинларга бориб уриласизки, эзгуликдан асар ҳам қолмайди. Шахсий ҳаётда жуфтингизни, қон-қардошларни танқид қилишдан тийилинг. Ишда фаолликни кескин оширишингиз керак. Ташаббускор бўлишингиз лозим. Муҳим ҳужжатларга имзо чекиш зарурати туғилса, жуда сергак туринг.
ЧАЁН (24. 10 — 22. 11)
27 сентябрда ишхонангизда зерикмаслигингиз, муваффақиятсизликларга дуч келмаслигингиз учун барча имкониятлар мавжуд. Агар улардан унумли фойдалана олсангиз, ошиғим олчи деяверинг. Раҳбарлар янги вазифаларни зиммангизга юклашса, хурсандчилик билан қабул қилинг. Шу вазифалар баҳонасида мавқеингиз ҳам, маошингиз ҳам ошиши аниқ. Қиз-жувонлар кун давомида ташқи кўринишларига эътибор берсалар, гўзаллик салонига мўралаб қўйсалар ёмон бўлмасди.
ЎҚОТАР (23. 11 — 21. 12)
Баъзи дўстларимиз анчадан бери меҳнат таътилига чиқишни мўллжаллаб юрган бўлсалар, бугун дўппини осмонга отаверсинлар. Бугун раҳбарият аризангизни имзолайди. Куннинг иккинчи ярмида табиат қўйнида дам олиб қайтиш омадли кечади. Кечки пайт олисда яшайдиган қариндошларингиз меҳмонга келишлари мумкин. Шахсий автомобилингиз бўлса, серқатнов йўлларда жуда эҳтиёт бўлинг. Кечқурун кичик бўлсада, оилавий байрам уюштиринг.
ТОҒ ЭЧКИСИ (22. 12 — 20. 01)
27 сентябр куни эрталабдан вужудингизни иккиланишлар чирмаб олиши мумкин. Умуман, кун сиз учун анча оғир кечади. Кимларгадир кун бўйи ҳақлигингизни исботлаш ҳаракатида бўласиз. Оила қурмаган бўлсангиз, бугун куннинг иккинчи ярмида муҳаббат қалбингизга меҳмон бўлиши мумкин. Ҳайдаб солманг. Сабр қилинг. Муҳаббатнинг аччиқ лаҳзаларини борича қабул қилинг. Уйқуга ётишдан олдин сут маҳсулотлари истеъмол қилинг. Тушингиз тотли кечади.
ҚОВҒА (21. 01 — 19. 02)
Юлдузлар қуёшли, хурсандчиликларга тўла кунни ваъда қилмайди. Бундай кунни ўзингиз яратишингиз лозим. Атрофдагилар билан ширин суҳбатлар қуринг, оилада бир-бирингизга меҳрибон бўлинг. Шунда қуёшли куннинг ўзи сизни қидириб келади. Бугун ҳар қандай кўринишдаги сафарлар, парвозлар ва жисмоний меҳнат сизга фақат яхшилик келтиради. Оила қуришга улгурмаганларни кечқурун романтик учрашув кутиб қолади. Бардам бўлинг. Саломатлигингиз ҳақида қаттиқроқ қайғуринг.
БАЛИҚ (20. 02 — 20. 03)
27 сентябрда кунингиз худди эртак ва афсоналардагидек сеҳрли кечиши кутилади. Аммо бу тақдирнинг шунчаки алдови бўлиши ҳам мумкин. Айниқса, ишхонада эҳтиёткорликни қўлдан берманг. Кечқурунга бориб моддий аҳволингиз яхши томонга ўзгаради. Шунда сиз ўзингиз хоҳлаган, орзулаган буюмларни бемалол харид қилаверсангиз бўлади. Фақат кун давомида оқимга қарши сузмаслигингиз тавсия этилади.
ТАРОЗИ (24. 09 — 23. 10)
Юлдузлар бугунги кунингиз осуда ўтишига ваъда беришмайди. Лекин баъзи жабҳаларда ёқимли лаҳзаларни пайдо қилиш кўпроқ ўзингизга боғлиқ. Ёши улуғ қариндошлар ҳолидан хабар олинг, фарзандлар тарбияси билан шуғулланинг. Буларнинг барчаси сизга руҳий озуқа берса ажаб эмас. Кечқурун спортнинг енгил турлари билан шуғулланиш, қисқа масофага югуриш саломатлик учун кони фойда эканини унутманг. Дарвоқе, кашанда бўлсангиз, бугун чекишдан буткул воз кечинг. Афсусланмайсиз.
ЧАЁН (24. 10 — 22. 11)
26 сентябр куни кайфиятингиз тушкун ҳолатда бўлиши кутилади. Иш жойингиздагилар ҳам ҳайратдан ёқа ушлашлари табиий. Шахсий ҳаётда жуфтингизга нисбатан мулойим муносабатда бўлинг. Акс ҳолда у ҳам сизга арзирли жавоб қайтариш пайига тушиши мумкин. Қиз-жувонлар учун бугун ташқи кўриниши ва саломатлигига алоҳида эътибор қаратиш хайрли кечади. Овқатланишда режимга ва меъёрга амал қилинг. Кечқурун кимдир қўлингизга бир даста пул тутқазиши кутилади.
ЎҚОТАР (23. 11 — 21. 12)
Юлдузлар молиявий муаммоларни тезроқ, кўнгилдагидек бартараф этишингиз учун имкониятлар эшигини ланг очиб қўймоқчи. Бундай имкониятдан қандай фойдаланиш ўзингизга боғлиқ. Асосийси, ҳар бир вазиятдан унумли фойдалансангиз бас. Пул дегани фақат сизнинг кафтингизда бўлади. Муҳаббатда оиласизларни бугунча омад айланиб ўтади. Оилалилар эса шахсий ҳаётда жуфти билан аразлашган бўлса, бугун ярашадиган кун. Бардам бўлинг. Қўша қарийсиз.
ТОҒ ЭЧКИСИ (22. 12 — 20. 01)
26 сентябр куни майли, жажжигина бўлсин, лекин сокин, ёқимли севги оролингизга ўзингиз ҳукмрон бўласиз. Сизга ва суюкли инсонингизга ҳеч ким халал бера олмайди. Аммо иш масаласини ҳам унутиб қўйманг. Мавқеингизни ошириш илинжида юргандингиз. Муҳаббат бу имкониятдан маҳрум этиб қўйиши ҳеч гап эмас. Бугун саломатликни мустаҳкамлаш, иммунитетни кўтариш амаллари муваффақиятли кечади.
ҚОВҒА (21. 01 — 19. 02)
Бугун куннинг биринчи ярмида оила қуришга улгурмаганлар бўлғуси тақдирдошини учратишлари кутилади. Шошилманг, аввал у инсоннинг қалбини ўрганинг, кузатувдан ўтказинг. Пул масаласида қийинчиликларга дуч келмайсиз. Кимлардандир қарзингиз бўлса, қарзлардан қутуласиз. Қолган пуллар рўзғор эҳтиёжлари учун сарфланади.
БАЛИҚ (20. 02 — 20. 03)
26 сентябрда бир сўз билан айтганда, пул денгизида чўмилишингиз мумкин. Анчадан бери бундай ёқимли лаҳзаларни бошдан кечирмагандингиз. Орзуларингиз осмонларга етар даражада қувонасиз. Муҳаббатда бир хиллик сари интилинг. Қарама-қарши жинс вакиллари, вакилаларига талпинишдан тийилинг. Жуфтингиз ё бўлғуси жуфтингизгина сизга ўзингиз истаган бахтни, хотиржамликни бера олади.
ТАРОЗИ (24. 09 — 23. 10)
25 сентябр куни муҳаббат билан шу қадар банд бўласизки, асосий ишлар ҳам ёдингиздан кўтарилиб кетиши мумкин. Эсда тутинг, молиявий муаммоларни муҳаббат ҳам, бошқаси ҳам ижобий ҳал эта олмайди. Кун давомида йўлингиздан чиққан ҳар бир имкониятни қўлдан бермасликка ҳаракат қилинг. Айримлар куннинг иккинчи ярмида олис сафарга отланишлари кутилади. Сафар сизга моддий манфаатдорлик олиб келади.
ЧАЁН (24. 10 — 22. 11)
Йўлингизда дуч келадиган ҳар бир одамни идеаллаштириш фикридан йироқ бўлинг. Ёруғ дунёда идеал одамнинг ўзи йўқ. Идеаллик фақат фаришталарга хос. Тушдан кейин ўтмишда йўл қўйган хатоликларни тузатиш имкони туғилади. Фойдаланиб қолинг. Тадбиркор бўлсангиз, кечки пайт катта бир лойиҳага пул тикишингиз керак бўлади. Бундай нозик лаҳзаларда қалбингизгина сизга тўғри йўл кўрсата олади. Ундан бошқасига ишониб қўйманг.
ЎҚОТАР (23. 11 — 21. 12)
25 сентябр куни кунингиз рамзий маънода қуёшли кечади. Бу қуёшни ҳеч қандай булут тўсиб қола олмайди. Барча ишларингиз сиз истагандек ҳал бўлади. Вазият сизнинг хоҳишингизга қулоқ тутиш пайида бўлади. Қисқаси, атроф тўла омад, тутинг-у, ҳеч қачон қўйиб юборманг. Ҳатто, ишхонангизда мавқеингиз бирдан юқорилаб кетиши афсона эмас. Ҳамкасбларнинг барчаси ҳайратдан тош қотади. Ҳар кунингиз худди шундай хайрли кечаверсин.
ТОҒ ЭЧКИСИ (22. 12 — 20. 01)
Бугун юлдузлар тақдир инъом этганидан ортиғига қўл чўзмаслигингизни маслаҳат беришади. Эмоциянгизни маҳкам жиловда ушланг. Акс ҳолда у сизга панд бериши, кўнгилсизликлар юзага келишига сабабчи бўлиши мумкин. Ишхонадаги юмушларни адо этишда аниқлик талаб қилинади. Шу орада майда-чуйда ишларни ҳам йўл-йўлакай битириб боришингиз, ҳамкасбларга ҳам ёрдам қўлини чўзишингиз зарур бўлади. Ўзингизни эҳтиёт қилинг.
ҚОВҒА (21. 01 — 19. 02)
25 сентябрда қовға буржида таваллуд топганлар ўз орзуларини ўзига хос, ноанъанавий тарзда рўёбга чиқариш ҳаракатида бўлишади. Оила қурмаган бўлсангиз, кимдир сизга айнан бугун ёқиб тушса, вақтни чўзманг. Танишинг, гаплашинг, фикрлашинг. Уёғига худо пошшо. Саломатлигингиз ҳам яхши кечади. Лекин ортиқча вазнни барибир йўқ қилишингиз керак. Яхшиси, эрталаблари югуриб турсангиз, ёғли таомлардан узоқлаша борсангиз маъқул бўларди.
БАЛИҚ (20. 02 — 20. 03)
Асабларингиз бугун ўзида бўлмаслиги мумкин. Лекин бу қўрқинчли эмас. Кун мобайнида ҳаракатда бўлишингиз, сизни кўнгилсизликлардан асраб қолиши мумкин. Баъзилар куннинг иккинчи ярмида хизмат сафарига жўнаб кетиши кутилади. Бу сафар сизга моддий манфаатдорлик келтиради. Оиласиз бўлсангиз, кечқурун романтик учрашув кутади. Бугун спорт ва севимли хоббингиз билан банд бўлиш хайрли кечади
ТАРОЗИ (24. 09 — 23. 10)
Юлдузлар бугунингиз анча оғир кечишини башорат қилган. Бироқ бу профессионал касбингиз билан боғлиқ ишда эмас, муҳаббатда кўзга ташланади. Оилалилар жуфтининг етакчиликка бўлган ҳавасидан куя бошлайди. Агар шундай оғир лаҳзалардан ўта олсангиз, ошиғингиз олчи деяверинг. Бугун кашандалик, ичкилик балосидан воз кечиш хайрли ва мустаҳкам кечади.
ЧАЁН (24. 10 — 22. 11
24 сентябрда атрофингизга йиғилган кўнгли қоралар хавфидан сақланиш пайида бўлинг. Улар сизнинг соддадиллигингиздан ўз манфаати йўлида унумли фойдаланиб қолишни мўлжаллаган бўлиши мумкин. Ҳатто, ўзингизга яқин дўст тутинганлар билан мулоқотда ҳам вазиятни зийраклик билан баҳолашга ҳаракат қилинг. Кечқурун қон-қардошлар қуршовида қолиб, улар меҳри ва эътиборидан баҳра олишингиз кутилади.
ЎҚОТАР (23. 11 — 21. 12)
Бугун эрталабданоқ ўз истакларингизни ҳақиқатга айлантириш ҳаракатида бўлинг. Улар сизда жудаям кўп. Баракасини берсин. Ишонинг, бугун эртаклардаги «олтин балиқ» фақат сизнинг амрингизга мунтазир. Уни маҳкам тутинг-у, ҳеч қачон қўйиб юборманг. Молиявий муаммоларни эски усулларга суянган ҳолда ҳам ижобий ҳал этсангиз бўлади. Кечки пайт хизмат сафарига жўнашингизга тўғри келиши мумкин. Бу сафар сизга моддий манфаат олиб келишини унутманг.
ТОҒ ЭЧКИСИ (22. 12 — 20. 01)
24 сентябр куни ишхонангизда сиз кутган ёқимли лаҳзалар маълум муддат ортга чекиниши мумкин. Сиз ҳамкасблар ва раҳбарларга ҳақлигингизни исботлашга уриниб чарчайсиз. Фақат баҳслар ҳаддан ошмаслиги лозим. Агар имкон топилса, бундай лаҳзаларни четлаб ўтсангиз ҳам бўлади. Чунки бундай тактика аксар ҳолларда иш беради. Кечқурун велосипедингиз бўлса, албатта сайрга чиқинг. Ҳаётдаги ортиқча ноқулайликларга эътибор қилманг.
ҚОВҒА (21. 01 — 19. 02)
Сиз бугун фақат қаршингизда бор ишларни амалга оширинг. Янгиликлар ўйлаб топиш, ёки оғирроқ бўлса ҳам даромади кўп ишларга талпиниб овора бўлманг. Муҳаббатда оила қуришга улгурмаганлар бўлғуси жуфтига эҳтиёткорона муносабатда бўлишлари керак. Кечқурун спортнинг ҳеч қайси тури билан шуғулланманг. Жисмоний зўриқишлар организмингизни толиқтириб қўйиши мумкин.
БАЛИҚ (20. 02 — 20. 03)
24 сентябрда иш жойингизда ўта талабчан ходимга айланасиз. Аммо бу ҳамкасбларнинг айримларига ёқиб тушмаслиги тайин. Моддий аҳволингизни яхшилашда кун давомида қондошлардан бири кўмаклашиб юборади. Агар ёқимли харидлар қилишни мўлжаллаган бўлсангиз, бу ишни кечқурун амалга оширинг. Баҳонада кўпроқ пиёда йўл босасиз. Саломатлик мустаҳкамланади. Ўзингизни эҳтиёт қилинг.
ТАРОЗИ (24. 09 — 23. 10)
Юлдузлар бугунги кунингиз чалкашликлардан иборат бўлишини башорат қилган. Қалбингизни саволлар чирмаб олади. Нега яқинларингиз сизга энг зарур пайтда ёрдам кўрсатишмаяпти? Нега режаларингиз ҳадеганда амалга оша қолмаяпти?.. Бу саволларга кечқурун жавоб топишингиз учун имконият бўлади. Кечқурун ёлғиз қолган ҳолда дам олинг.
ЧАЁН (24. 10 — 22. 11)
23 сентябрда тадбиркорлар янги ҳамкорлар билан танишиб, ўша лаҳзанинг ўзида келажак режаларни пухталаб олишлари мумкин. Оиласиз бўлсангиз, севган инсонингиз сиз учун ҳамма нарсага тайёр эканини ўз кўзингиз билан кўрасиз. У инсон учун сиз ҳар доим ёнида бўлсангиз бас. Бошқа ҳеч нарса сўрамайди. Кечқурун ташкил этиладиган романтик сайр ва суҳбатлар хайрли, ёқимли ва муваффақиятли кечади.
ЎҚОТАР (23. 11 — 21. 12)
Бугун нимаики ишга қўл урманг, ўзингизга қаттиқ ишонишингиз, фаолликни қўлдан бермаслигингиз лозим бўлади. Ишга ижодий ёндашинг. Бировларнинг ёрдамига суянишни хаёлингизга ҳам келтирманг. Муҳаббатда оиласизлар бўлғуси жуфтининг барча хоҳиш-истакларини сўзсиз адо этишига тўғри келади. Кун давомида тушкун кайфият сизни таъқиб этиши кутилади. Ортга чекинманг. Бу кайфият ўткинчи. Кечқурун оилангиз даврасида вақт ўтказишингиз тавсия этилади.
ТОҒ ЭЧКИСИ (22. 12 — 20. 01)
23 сентябр куни фаоллигингиз сизга бир қатор ишларни адо этишда омад келтиради. Ҳеч ким сизнинг вақтингизни ўғирламайди, халал бермайди. Ёмон хаёлларни бир четга суринг. Улар муҳаббатда сизга жиддий халал бериши мумкин. Яна шуни билингки, муҳаббат масаласида фақат қалбингизга қулоқ тутинг. Ўзгалар аралашувига зинҳор йўл бера кўрманг. Бугун бош оғриғи, ошқозон ва жигар хасталикларини даволашга қаратилган профилактик амаллар ўз ижобий натижасини беради.
ҚОВҒА (21. 01 — 19. 02)
Юлдузлар иш бажариш давомида тез-тез нафас ростлашга эътибор қаратинг. Кун бўйи азалий орзуларингиздан бири ҳақиқатга айланиши эҳтимолга яқин. Атрофдагилар қаршисидаги обрў ва ҳурматни йўқотмасликка ҳаракат қилинг. Агар тадбиркор бўлсангиз, кўнглингиз сезаётган бўлса, катта ишларга пул тикишда иккиланманг. Бундай ишларнинг даромади ҳам кўнгилдагидек бўлади. Кечқурун хонадонингизга кутилмаган меҳмонлар ташриф буюришига тайёр туринг.
БАЛИҚ (20. 02 — 20. 03)
23 сентябр куни яқин ўтмишдаги муваффақиятларингиз такрорланиш арафасида бўлади. Қандай масалада муваффақият қозонишингизнинг фарқи йўқ. Аммо ҳар қандай ишда ҳам узоқни кўзлаган ҳолда ҳаракатлар содир этинг. Шахсий ҳаётда масъулият сизнинг зиммангизда эканини унутманг. Шунда молиявий муаммолар ижобий ҳал бўлади. Кунингиз хайрли кечади
ТАРОЗИ (24. 09 — 23. 10)
22 сентябр куни мавқеингизни ошириш учун жуда қулай имкониятлар пайдо бўлиши мумкин. Бундай имкониятлардан ими-жимида фойдаланиб қолмасангиз, кейин афсусланишингиз тайин. Агар янги ишга қўл уришга қўрқсангиз, яқин дўстларнинг биридан маслаҳат сўранг. Ана шунда ўзингизга бўлган ишонч ортади. Муҳаббатда оилали бўлсангиз ҳам, оиласиз бўлсангиз ҳам меъёрни билинг. Акс ҳолда ортиқча муаммога рўбарў келасиз.
ЧАЁН (24. 10 — 22. 11)
Юлдузлар кунингиз идеал ўтишини башорат қилган. Бунга сира шубҳа қилмасангиз ҳам бўлади. Эрталабданоқ вужудингиз куч ва қудратга тўлиб-тошади. Илгари ҳаётга тадбиқ этилган лойиҳалар кун давомида даромад келтиради. Саломатлигингиз бугун безовта қилиши кутилмоқда. Қон босимингиз сакраши мумкин. Бунинг чорасини албатта кўришингиз керак бўлади.
ЎҚОТАР (23. 11 — 21. 12)
22 сентябр куни бажаришингиз зарур бўлган ишларнинг адоғи бўлмайди гўё. Лекин сиз улар орасидан энг яхшиларини, мўмай даромад келтириши мумкин бўлганларинигина танланг. Негаки, барча ишларни бир кунда якунига етказа олмайсиз. Қариндошлар билан муносабатларда жуда мулойим бўлишингиз тавсия қилинади. Акс ҳолда жанжаллашиб қолишингиз турган гап.
ТОҒ ЭЧКИСИ (22. 12 — 20. 01)
Профессионал касбингиз билан боғлиқ масалаларни ҳал этишда реалликка эътибор қаратинг. Гарчи баъзи ҳамкасблар сизга халал берса-да, ишни ярим йўлда қолдириб кетманг. Бошладингизми, қандай йўл билан бўлмасин, якунлашга ҳаракат қилинг. Пул кечқурун албатта киссангизга келиб тушишини хоҳласангиз, ҳаракатларни тезлаштиринг. Бировларга ҳасад қилиш деган нарсани хаёлингизга ҳам келтирманг. Фақат яхшилик ҳақида ўйланг.
ҚОВҒА (21. 01 — 19. 02)
22 сентябрда анчадан бери сира ета олмаётган ниятга етишингиз кутилади. Агар об-ҳаво имкон берса, кўпроқ пиёда йўл босинг. Куз ҳавосидан тўйиб-тўйиб нафас олинг. Қиз-жувонлар саломатликни тиклаш йўлида фитнесга қатнаганлари маъқул. Бу саломатликка фақат ижобий таъсир кўрсатади. Руҳан тетиклик тунги уйқунгиз осойишта ва тотли кечишини таъминлайди. Ўзингизни, яқинларингизни эҳтиёт қилинг.
БАЛИҚ (20. 02 — 20. 03)
Бугунги кун сиз ўйлаганчалик унумли кечмаслиги мумкин. Аммо барибир қизиқарли ҳодисалари билан бир умр ёдингизда сақланиб қолади. Мабодо ҳамкасблардан кимдир жаҳлингизни чиқарса, қонингизга ташна қилса ҳам ўзингизни босиб, хотиржам муносабат билан жавоб қайтаринг. Моддий аҳволингиз яхши, барибир харажатларга зеб берманг. Кечқурун айримлар ўзи яшайдиган жойдан анча олисга сафар қилишлари кутилмоқда.
ТАРОЗИ (24. 09 — 23. 10)
Тарози буржи остида таваллуд топганлар бугун иш жойларида ҳамкасблар билан жанжаллашиб қолишлари кутилади. Агар сиз улардан кимнидир ранжитган бўлсангиз, узр сўрашга ўзингизда куч топа олинг. Шахсий ҳаётингизда сокинлик, хотиржамлик ҳукм суради. Куннинг иккинчи ярмида хаста қондошлар ҳолидан хабар олинг. Шу йўл билан қўшимча савобга эга бўлинг. Кечқурун баъзилар бош оғриғидан безовталанишлари, ўта тушкун кайфиятда қолишлари мумкин.
ЧАЁН (24. 10 — 22. 11)
21 сентябр куни кайфиятингиз тушкунлик сари талпинаверишидан безор бўласиз. Ҳеч ким билан гаплашишни хоҳламайсиз. Камгап ва ўйчан бир одамга айланиб қоласиз. Аммо шу кайфият ишларингиз бароридан келишида жуда қўл келади. Рўзғорингизда ҳам муаммолар қалашиб ётибди. Бироқ бу муаммоларни ёлғизликда бартараф этишга маҳкумсиз. Аксига олган каби моддий аҳволингиз ҳам бугун яхшилана қолмайди. Кечқурун келгуси режаларни хомчўт қилиб олиш сира зиён қилмасди.
ЎҚОТАР (23. 11 — 21. 12)
Эрталабдан яқин ўтмишда бажарилмай қолган ишларни битириш ҳаракатида бўлинг. Шахсий ҳаётингизда ҳам тинчлик ҳукм сурмоқчи эмас. Олдин сиз жуфтингиз ёки бўлғуси жуфтингизни анчадан бери қийнаб келаётган саволларга жавоб топишингиз зарур. Молиявий муаммоларни бировлар кўмагисиз ҳам ижобий ҳал этишга қодирсиз. Кечқурун шамоллашдан, грипп юқтириб олишдан сақланинг. Серқатнов йўлларни кесиб ўтишда сергак туринг.
ТОҒ ЭЧКИСИ (22. 12 — 20. 01)
21 сентябр куни янги ишларни дадил бошлайверсангиз бўлади. Кайфиятингиз ҳам худди шу нарсага тайёр туради. Шиддатингизнинг чегараси бўлмайди. Бир сўз билан айтганда, омад сиз томонда бўлади. Фақат унинг қадрига ета билсангиз бас. Атрофдагилардан кескин юз бурманг. Бу молиявий муаммоларни бартараф этишда тўсиқ вазифасини ўташи мумкин. Пиёда сайр қилиш, фитнес ва ортиқча вазнга қарши парҳез тутиш бугун муваффақиятли кечади.
ҚОВҒА (21. 01 — 19. 02)
Яқин инсонларни, қон-қардошларни ҳайратда қолдиришга ҳаракат қилинг. Уларга кутилмаган совғалар ҳадя этинг. Бундай хайрли ишларга анчадан бери қўл урмагансиз. Агар яқин келажак учун ишингиз билан боғлиқ фойдали режалар тузган бўлсангиз, уларни қоғозга тушириб қўйишингиз талаб этилади. Кечқурун одатдагидек тоза ҳавода сайр қилинг
БАЛИҚ (20. 02 — 20. 03)
21 сентябрда ишда сизни ўта ёрқин лаҳзалар кутиб туради. Ишхонадаги ишларни шу қадар қойиллатасизки, раҳбарлар чин кўнгилдан олқишлашдан тийила олмай қолишади. Билинг, бугун янги танишувлар ва сафарлар сизга моддий манфаат келтиради. Саломатлигингизга алоҳида эътибор билан ёндашинг. Ёғли, шўр таомлардан воз кечинг. Шунда ошқозон билан боғлиқ муаммоларга дуч келмайсиз.
ҚЎЙ (21. 03 — 20. 04)
4 октябр куни азалий орзуларингиздан биттаси ҳақиқатга айланади. Лекин бунга эришишингиз осон кечмайди. Фақат дўстлар кўмагида, тинимсиз интилиш, тер тўкиш орқали орзуингиз ҳақиқатга айланишини таъминлай оласиз. Кун давомида ҳали ҳеч кимга маълум бўлмаган истеъдодингиздан фойдаланган ҳолда энг тажрибаси зўр ҳамкасблардан илгарилаб кетиш учун имкониятларингиз мўл бўлади. Азартли ўйинлар, бировга ўз манфаатингизни кўзлаб ёлғон гапириш, кимнингдир дилини оғритишдан сақланинг. Муҳаббатда оиласизларни романтик учрашув кутиб қолади.
БУЗОҚ (21. 04 — 21. 05)
Ҳали бажарилмай қолиб кетган ишларингиз хоҳлаганча топилади. Юлдузлар ўшаларни битириб олгачгина янги ишга қўл уришингизни маслаҳат беришади. Ёлғизлар куннинг иккинчи ярмида янги танишувни бошдан кечиришлари кутилади. Фақат муҳаббатга юрагингизни астойдил ва обдон тайёрлаб олишингиз талаб этилади. Саломатлигингизга ҳам алоҳида эътибор билан ёндашинг. Кечқурун албатта тоза ҳавода сайр қилинг.
ЭГИЗАКЛАР (22. 05 — 21. 06)
4 октябрда профессионал касбингиз билан боғлиқ ишларни амалга оширишда ҳар бир деталга ижодий ёндашишингиз керак бўлади. Агар ишга ижодий ёндаша олмасангиз, моддий рағбат ололмайсиз. Кун мобайнида раҳбарларнинг барча топшириқларини сўзсиз адо этинг. Бу ўзингизга фойда келтиради. Сафарга чиқсангиз, муҳим ҳужжатлар билан ишласангиз, жуда эҳтиёткор бўлинг. Зиён қилмайди. Шахсий ҳаётда етакчи бўлишга уринманг. Оила аъзоларингиз билан орангизда катта жанжал келиб чиқиши мумкин.
ҚИСҚИЧБАҚА (22. 06 — 23. 07)
Жуда ҳушёр бўлмасангиз, молиявий муаммоларни ижобий ҳал этишингиз мушкул бўлиб қолади. Ҳатто, дўкон ёки бозорда жондан ортиқ кўрадиган буюмингизни кўриб қолсангиз ҳам, ўзингизни тийиб, пулни иқтисод қилиш пайида бўлинг. Акс ҳолда инқирозга учрайсиз. Муҳаббатда жуфтингиз ва бўлғуси жуфтингизга очиқ кўнгил билан, мулойим муносабатда бўлинг. Саломатлик душмани стресс ҳолатига тушиш ҳисобланади. Стрессга тушишдан сақланинг. Асабларни эҳтиёт қилинг
АРСЛОН (24. 07 — 23. 08)
4 октябр куни иш битиришда, ҳатто моддий рағбатга эришиш йўлида пули кўп танишлар кўмагидан фойдаланишга мажбур бўласиз. Аммо «Қарз узилар, хотин ёнга қолар» деган ҳикмат жуда тўғри топиб айтилганини ёдга олинг. Андиша билан ҳозир ҳеч нарсага эришиб бўлмайди. Кимгадир жаҳл қилишингиз оқибатида кун давомида саломатлигингизга путур етиши мумкин. Жаҳлдорликдан сақланинг. Тез жонга тегадиганлардан ўзингизни олиб қочинг.
ПАРИЗОД (24. 08 — 23. 09)
Иш битиришда, моддий манфаатдорликка эришишда имкониятлардан юз фоиз фойдаланишингиз тавсия этилади. Бу сизга кутилганидан ҳам яхшироқ натижа беради. Жамиятда обрўйингиз ошиши ҳам эҳтимолдан холи эмас. Шахсий ҳаётдаги муаммоларни йўқ қилишда қадрдон дўстлардан ҳам ёрдам кутиб овора бўлманг. Фақат ўзингизга ишонинг. Ақлий зўриқишлардан қочинг. Сурункали хасталикка йўлиққан бўлсангиз, даволаниш учун ҳаракатни бошласангиз ҳам ёмон бўлмайди.
ТАРОЗИ (24. 09 — 23. 10)
Юлдузлар бугун моддий аҳволингиз тобида бўлишини башорат қилишган. Лекин пулларни бирор лойиҳа ёки ишга тикишингиз тавсия этилмайди. Беҳуда пул йўқотганингиз қолади. Ҳали оила қуришга улгурмаган бўлсангиз, бугун куннинг иккинчи ярмида бир инсон билан танишиб қолишингиз мумкин. Лекин тез орада бу одам сизнинг тенгингиз эмаслигини англаб етасиз. Саломатлигингиз ҳам жойида бўлади. Сизга жиддий хасталиклар хавф солмайди.
ЧАЁН (24. 10 — 22. 11)
3 октябрда бажариладиган ишлар анча кўп бўлади, муҳим қўнғироқлар кутаётганларга сабр. Оиласизлар шу қадар банд бўладики, кечқурунги романтик учрашувни ҳам сал қурса унутаёзишади. Эсда тутинг, мавқени ошириш йўлида зўр бериб ҳаракат қилманг. Оқим билан баробар бўлинг. Акс ҳолда энг яқин инсонларингиз билан орангизда келишмовчиликлар пайдо бўлади. Оилалиларнинг айримлари жуфти билан бирга саёҳатга отланишлари кутилади. Бу саёҳат сизларнинг ўзаро муносабатингизни мустаҳкамлаш учун хизмат қилади.
ЎҚОТАР (23. 11 — 21. 12)
Тадбиркор бўлсангиз, юлдузлар хорижлик яқин ҳамкорлар билан муносабатларни янада пухталиштиришни маслаҳат беришади. Сиз билан чет давлатлардаги энг йирик фирмалар ҳамкорлик қилишни орзулашади. Орзуларни ҳақиқатга айлантиринг. Баъзи оиласизлар бўлғуси жуфти ҳисобланган инсон билан муносабатларни узиши мумкин. Бунга жиддий сабаблар бўлади албатта. Ҳозир иммунитет тушадиган фасл. Шунинг учун витаминлар ичинг, табиий йўл билан профилактика ишларини олиб борсангиз, яна яхши.
ТОҒ ЭЧКИСИ (22. 12 — 20. 01)
3 октябр куни ишда қисқа танаффусларга йўл беришингиз талаб этилади. Шу баҳонада узоққа бора олишингиз учун асқотадиган йўлларни яна бир карра кўздан ўтказиб оласиз. Моддий аҳволингиз яхшиланишида оила аъзоларингиздан бири ёрдамга келади. Демак, дўстлардан қарз кўтаришга сира ҳожат йўқ. Ошқозон, жигар ва бўқоқ тизимига ҳушёр бўлинг. Уларнинг зўриқишига асос бўладиган ҳаракатларни содир этманг.
ҚОВҒА (21. 01 — 19. 02)
Бугун куч ва имкониятларни тежаб сарф қилинг. Улар яқин орада хизмат сафарига чиқсангиз, жуда керак бўлади. Куннинг иккинчи ярмини маданий ҳордиқ чиқаришга бағишланг. Уйланмаган йигитлардан кимдир иш жойидаги ҳамкасблардан бирини ёқтириб қолиши кутилади. Кечқурун узоқ қариндошлардан бири ҳақида ёқимсиз хабар эшитишингиз кутилади.
БАЛИҚ (20. 02 — 20. 03)
3 октябр куни яқин ўтмишда йўл қўйган хатоларни яна бир карра ёдга олинг. Ёдга олибгина қолмай, улардан тегишли хулосалар ясашга ҳаракат қилинг. Муҳаббатда вазиятлар тез-тез ўзгариб туриши кузатилади. Бироқ бу ўзгаришлар сизнинг фойдангизга кечади. Кечқурун сузиш машқларини бажаринг. Бош, оёқ, юрак қисмингизда ноқулайликлар сезилса, дарҳол врач чақиртиринг.
ТАРОЗИ (24. 09 — 23. 10)
2 октябрда кайфиятингиз Оллоҳнинг инояти билан аъло даражада бўлади. Қаршингиздаги ҳар бир ўзгаришдан хурсанд бўласиз. Суюкли инсонингиз ўзининг қимматли маслаҳатлари билан ишларингизда яқиндан ёрдам кўрсатади. Бир-бирингизни биргина кўз қарашлардан тушуна бошлайсиз. Куннинг иккинчи ярмида шахсий ишлар билан яқин манзилга бориб келишингиз эҳтимоли бор. Кечқурун қизиқарли филм томоша қилиш ёки севимли китобингизни мутолаа қилиш ҳам кайфиятингизга кайфият қўшади.
ЧАЁН (24. 10 — 22. 11)
Яқинда шахсий бизнесини очганлар учун бугунги кун унумли кечади. Меҳнатингиз натижасини кўриб ўзингиз ҳам ҳайратдан ёқа ушлайсиз. Орзуга айб йўқ. Кўз ўнгингизда бахт суратини хаёлан чизиб кўринг, У албатта ҳақиқатга айланади. Кечқурун ҳақиқий бахтни қарши оласиз. Яъни, оила қурмаган дўстларимиз кечқурун романтикага ошно бўлишади. Кун мобайнида рўзғор ташвишлари оёғингиздан олиш эҳтимоли бор.
ЎҚОТАР (23. 11 — 21. 12)
2 октябр жисмоний меҳнат билан шуғулланадиганлар учун омадли ўтади. Ҳар бир ҳаракатингиз моддий манфаат ҳадя этади. Шахсий ҳаётда ўзингиз учун ҳам, суюкли инсонингиз учун ҳам зерикарли лаҳзаларни раво кўрманг. Икки орадаги муносабатларни мустаҳкамлаш ҳаракатида бўлинг. Оиласиз бўлсангиз, тўй тараддудини кўришингиз вақти етган. Ҳаракатни бошламасангиз, имкон қўлдан берилиши ҳеч гап эмас. Ўзингизни эҳтиёт қилинг.
ТОҒ ЭЧКИСИ (22. 12 — 19. 01)
Кунингиз қувончли лаҳзаларга бой бўлади. Қўшимча давромад келтирувчи иш таклиф этадиганларнинг охири бўлмайди. Лекин уларга баравар ташланиб қолманг. Барибир насиб қилганидан ортиғига эгалик қила олмайсиз. Молиявий масалада инқирозга юз тутганлар худди шу ишлар баҳонасида яна ўзларини тиклаб олишади. Фақат бировдан қарз олишни хаёлингизга ҳам келтирманг. Жуда бўлмаса, энг яқин кишилардан ёрдам сўранг. Кечқурун оғир ҳазм бўлувчи таомлар истеъмол қилманг. Омадингизни берсин!
ҚОВҒА (20. 01 — 19. 02)
2 октябрда кайфиятингиз яхши кечиши амри маҳол. Ҳатто, бирга ишлайдиган, бир товоқдан овқат ейдиганлар сизни ранжитиш ниятида эканлигидан огоҳ бўласиз. Ҳойнаҳой, куз ҳавоси барчангизга бирдек таъсир кўрсата бошлаган бўлса керак. Шахсий ҳаётда эмоция қулига айланишдан тийилинг. Тадбиркорларнинг баъзилари бугун кечқурун хизмат юзасидан хорижга учиб кетишлари мумкин. Сафар омадли кечади.
БАЛИҚ (20. 02 — 20. 03)
Тадбиркор бўлсангиз, кун давомида фойдали шартномаларни имзолашингиз кутилмоқда. Ўтказиб юборманг. Кейин афсусланасиз. Мабодо жуфтингиз ёки бўлғуси жуфтингиз билан орангиздаги муносабатлар бузилган бўлса, сабабини ўзингиздан қидиришингиз керак бўлади. Хусусий мулк олди-сотдисини катта тезликда амалга оширинг. Албатта шундай вазият юзага келса. Саломатликка эътибор қаратинг. Асабни асранг.
ҚЎЙ (21. 03 — 20. 04)
1 октябр куни шундай кайфиятга тушасизки, ёлғиз қолгингиз, узоқ-узоқларга кетиб қолгингиз келаверади. Бунга ишхонангиздаги муаммолардан чарчашингиз сабаб бўлса ажаб эмас. Яқин дўстингиз билан бўлиб ўтадиган суҳбатдан кейин барибир яна ўша ишингиз масаласида янги ғоялар ўйлаб топасиз ва уларни муваффақиятли тарзда ижобий тарафга йўналтира оласиз. Бундай лойиҳалардан пулни ҳам аяб ўтирманг.
БУЗОҚ (21. 04 — 21. 05)
Айримлар эрталабдан қоғозбозлик гирдобида қолиши, солиқчилар билан ўртасида жиддий муаммолар туғилиши кутилади. Агар корхона ё ташкилот раҳбари бўлсангиз, ҳужжатларни тахт қилиб қўяверинг. Солиқдан барибир қочиб қутула олмайсиз. Афсуски, шахсий ҳаётингизни янада тўғрироқ йўлга солиш учун ортиқча вақт топа олмайсиз. Ишда эса тафаккурни ишга солсангиз, барча тўсиқларни енгиб ўта оласиз. Саломатликдан хавотир олманг. У сизга панд бермоқчи эмас.
ЭГИЗАКЛАР (22. 05 — 21. 06)
1 октябрда ўта муҳим ишлар кутилмайди. Атрофингиздагилар билан орангизда жиддий келишмовчиликлар юзага келиши мумкин. Бу ҳам эҳтиёцизларча айтилган бир оғиз гап туфайли пайдо бўлади. Демак, сиз тилингизга эҳтиёт бўлинг. Суҳбатдошингиз хатога йўл қўйса, сукут сақлаган ҳолда жавоб қайтаринг. Куннинг иккинчи ярмида йирик ва қимматбаҳо буюм харид қилишингиз мумкин. Серқатнов йўлларда сергак бўлинг.
ҚИСҚИЧБАҚА (22. 06 — 23. 07)
Яқин ўтмишдаги хотиралар жонланиб, куннинг биринчи қисмидаёқ ўша хотиралар билан боғлиқ бир инсонни учратишингиз эҳтимоли бор. Носталгия эмоциянгиздан устун бўлишига йўл қўйманг. Акс ҳолда депрессия ҳолатига тушиб қолишингиз ҳеч гап эмас. Телефон орқали ҳамкасблардан бири билан жанжаллашиб қолишингиз ҳам эҳтимолдан холи эмас. Саломатлигингизда жиддий муаммолар кўзга ташланмайди. Ора-сирада қон босимингиз сакраши кузатилиши мумкин.
АРСЛОН (24. 07 — 23. 08)
1 октябр куни биринчи навбатда молиявий муаммоларни ҳал этишга ҳаракат қилинг. Ана ундан кейин келажак режалар ҳақида ўйлаб кўрсангиз бўлади. Дарвоқе, молиявий муаммолар билан машғул пайтингизда олдингизда жиддий тўсиқлар пайдо бўлиши мумкин. Аммо бу тўсиқларни ҳам хотиржамликда ҳал этса бўлади. Муҳаббатда оилалиларнинг айримлари жуфти билан сен-менга бориб қолиш хавфи бор. Кечқурун тоза ҳавода сайр қилишни унутманг.
ПАРИЗОД (24. 08 — 23. 09)
Яқин дўстлардан бири билан анчадан бери аразлашиб юрган бўлсангиз, бугун ярашиш учун баҳона ва имкониятлар туғилиши мумкин. Уларни қўлдан бой бермаслигингиз тавсия этилади. Оила қурмаганларни кечқурун романтик учрашув кутиб қолади. Бу учрашув шу қадар ёқимли кечадики, улкандан улкан тантаналар ҳам унинг қаршисида хира тортиши тайин. Омадингизни берсин!
ҚЎЙ (21. 03 — 20. 04)
Юлдузлар бугунги кунни сукут сақлаш билан бошлашингизни маслаҳат беришади. Албатта, оилада эмас, иш жойингизда. Шунда бор эътиборни ишга қаратасиз. Бажарган ишингизда унум бўлади. Бу эса мўмай даромад олишингизга кафил бўла олади. Башарти молиявий масалада омадингиз келса, бу ҳақда ҳеч кимга оғиз очмаганингиз маъқул. Кечқурун бел қисмингизни мустаҳкамлашга қаратилган машқларни бажаринг.
БУЗОҚ (21. 04 — 21. 05)
30 сентябр куни биринчи навбатда моддий аҳволингиз яхшиланади. Бемалол ўзингиз олдиндан мўлжаллаган харидларни амалга оширсангиз бўлади. Қиз-жувонлар шу баҳонада гўзаллик салонига чиқиб келсалар, эркаклар спорт билан шуғулланиб қайтсалар ҳам ортиқчалик қилмайди. Куннинг иккинчи ярмида сизни муҳим учрашув кутиб қолади. Шубҳасиз, бу ишингиз билан боғлиқ учрашув ҳисобланади. Шунинг учун бу жараённи зинҳор унутиб қўйманг.
ЭГИЗАКЛАР (22. 05 — 21. 06)
Бугун ишни азалий ҳурматингиз, обрўйингизни сақлаб қолишга уринишдан бошланг. Айниқса, иш жойингизда сиз ҳақингизда бўлар-бўлмас гапларни гапириб юрганлар қаршисида дипломатларга хос кўриниш ва характерга эга бўлишга ҳаракат қилинг. Шундай қилингки, миш-мишчилар тилини тишласин. Бугун соғлом турмуш тарзини яратишга қаратилган ҳар қандай ҳаракат хайрли ва муваффақиятли кечади.
ҚИСҚИЧБАҚА (22. 06 — 23. 07
30 сентябрда дўстларга, яқин таниш-билишларга янада эътиборлироқ бўлишингиз тавсия этилади. Улардан кимдир ёрдам сўраса, бажонидил қабул қилинг. Молиявий масалада айтарли омадга эришмайсиз. Лекин ўтган кунлардаги муваффақиятлар сақланиб қолишига шубҳа йўқ. Кечқурун ёқимли хабар эшитишингиз эҳтимоли бор. Саломатликни сақланг, асабларни эҳтиёт қилинг.
АРСЛОН (24. 07 — 23. 08)
Бугунги ҳаётингиз ҳам осон кечмаслиги мумкин. Аммо пашшадан фил ясашга сира ҳожат йўқ. Худо оғирлик берса, унинг интиҳосини ҳам ёқимли даражада яратиб беришга қодир. Ишда ўз истеъдодингизга суянган ҳолда ҳаракатлар содир этсангиз, муваффақият сиз томонда бўлиши тайин. Куз турли хавфли вируслар юқтиришга мойил фасл. Шунинг учун витаминлар истеъмол қилиш ва гриппга учраганлар билан суҳбатлашмаслигингиз тавсия этилади
ПАРИЗОД (24. 08 — 23. 09)
30 сентябр куни эркакмисиз, аёлмисиз, барибир ташқи кўринишингизга эътибор қаратинг. Кийимларингизга разм солинг. Кўчадагилар билан ўзингизни таққосланг. Пул масаласида муаммо йўқ. Шундай экан, мавсумий кийимлар харид қилиш ҳақида қайғуринг. Бундан ташқари, яқинларингиз учун ёқимли совғалар сотиб олинг. Айримларни ошқозон безовта қилаётган бўлиши мумкин. Зудлик билан парҳез бошламасангиз бўлмайди.
ҚЎЙ (21. 03 — 20. 04)
Жанжалли вазиятларда қолиб кетишни хоҳламасангиз, ҳар бир гапингизни ўйлаб гапиринг ва қадамингизни ҳам ўйлаб босинг. Ўта асабийлик атрофдагиларнинг нафсониятига тегиши ва шунинг оқибатида кўнгилсиз вазиятларга тушиб қолишингиз мумкин. Оилавий ҳаётингизда ҳам қарама-қаршиликлар юзага келиши кутилади. Яхшиси, қон-қардошларга ён беринг. Етакчилик қилишга, сўзингизни ўтказишга уринманг. Кечқурун албатта тоза ҳавода сайр қилинг.
БУЗОҚ (21. 04 — 21. 05)
29 сентябрда шахсий ҳаётингизга алоҳида эътибор билан қарашингизга тўғри келади. Имкон топсангиз, жуфтингиз ё бўлғуси жуфтингизга кутилмаган совғалар ҳадя этинг. Молиявий муаммоларни ижобий ҳал этишда жиддий тўсиқларга дуч келмайсиз. Куннинг иккинчи ярмида рўзғор учун зарур буюмлар харид қилишингиз, уй таъмири билан шуғуллана бошлашингиз кутилади. Кечқурун оила даврасида дам олганингиз маъқул. Саломатликни ҳам унутиб қўйманг.
ЭГИЗАКЛАР (22. 05 — 21. 06)
Юлдузлар бугун у ишдан бу ишга сакраб овора бўлмаслигингизни маслаҳат беради. Бу билан ҳеч нарсага эриша олмайсиз. Шахсий ҳаётингизда сиз учун оптимизм жуда керак бўлади. Оиласизларнинг айримлари бўлғуси жуфтини танлашда бироз хатоликка ё шошма-шошарликка йўл қўйган кўринади. Танлаганингиз иккиюзламачиликда устаси фаранг шекилли. Бунинг қўрқинчли жойи йўқ. Воз кечасиз-у, ҳақиқий муҳаббатингизни қидира бошлайсиз.
ҚИСҚИЧБАҚА (22. 06 — 23. 07)
29 сентябр куни барча ишларни ўз кучингиз ва имкониятларингизга суянган ҳолда амалга оширасиз. Бировлардан ёрдам сўраганингиз билан улар кўнгилдагидек ёрдамчи бўла олишмайди. Агар ишхонада мўмай мукофот эгасига айланишни истаётган бўлсангиз, ишнинг катта-кичигига қараб ўтирманг. Кечки пайт чарчоқ енгибми стресс ҳолатига туша бошлашингиз кутилади. Ёлғиз қолиб дам олинг.
АРСЛОН (24. 07 — 23. 08)
Юлдузлар сизга куннинг биринчи ярмида кутилмаган совғалар ҳозирлаб қўйишган. Бу совғани оила қурмаганларга бўлғуси жуфтининг қўли ёрдамида топширишмоқчи. Моддий аҳволни яхшилашда тафаккурни ишга солган ҳолда ҳаракатлар содир этинг. Арзимас хато ҳам сизни қарз олишга мажбур этиши мумкин. Кечқурун овқатланиш ва уйқу режимига қатъий амал қилинг.
ПАРИЗОД (24. 08 — 23. 09)
29 сентябрда кайфиятингиз аъло даражада кечади дейиш мушкул. Эрталабданоқ нимадандир кўнглингиз тўлмаслиги кузатилади. Ҳамма ишларни бирданига амалга ошириб тезроқ дам олишга ошиқа бошлайсиз. Муҳаббатда хаёлот домида қолиб кетманг ва яқин инсонингизга ҳақиқатан яқинлигингизни амалда исбот этинг. Бу кутилмаган совғалар тақдим этиш кўринишида адо этилиши ҳам мумкин. Ҳар қандай вазиятдан ўз кучингиз билан чиқиб кетишга ҳаракат қилинг.
ҚЎЙ (21. 03 — 20. 04)
Қайси масалада бўлмасин, қарор чиқаришга шошилманг. Барча ишларнинг режа бўйича бажарилгани маъқул. Ишхонангизда қисқа муддатли танаффуслар кутилади. Оила қурмаганлар агар танлагани, севган кишиси бўлса, бугун бемалол учрашиб, мулоқотга кираверишлари мумкин. Сиз муҳаббатда албатта ғолиб бўласиз. Куннинг иккинчи ярмида иккиюзламачилардан бири сизни боши берк кўчага олиб кириб қўйишга ҳаракат қилиши мумкин. Эҳтиёт бўлинг.
БУЗОҚ (21. 04 — 21. 05
28 сентябр куни қарама-қарши жинс вакил ё вакилаларининг мақтовларига ташналигингиз ўз сўзини айта бошлайди. Оила қурмаганлар эмоционал жиҳатдан хавфли бир босқичга тушиб қолишлари мумкин. Тўйни тезлаштирмасангиз бўлмайдиган кўринади. Иш жойингизда омадингиз чопади. Ҳатто, раҳбарлар билан баҳслашган тақдирингизда ҳам зиён кўрмайсиз. Фақат ўзингизга қаттиқ ишонган ҳолда қадам босинг. Кечқурун тоза ҳавода сайр қилинг.
ЭГИЗАКЛАР (22. 05 — 21. 06)
Юлдузлар бугун кунингиз муваффақиятлар қозониш билан бошланишини башорат қилган. Қайси жабҳада тер тўкманг, барибир ғолибсиз. Лекин иш бажаришда ўзгаларни аралаштирманг. Ўз куч ва имкониятларингизга суянинг. Ҳамкасблар билан ўзаро муносабатларда ҳазил-мутойибага мойил бўлинг. Кун давомида спорт билан шуғулланадиганларнинг омади чопади. Бу сизга ҳам моддий манфаат, ҳам мустаҳкам соғлиқ ҳадя этишига шубҳа йўқ.
ҚИСҚИЧБАҚА (22. 06 — 23. 07)
28 сентябрда ҳали бирор мақсадни кўзламай туриб дунёни забт этиш илинжида елиб-югуришингиз кутилади. Бироқ эсда тутинг, бу қадар катта тезликда ғолиблик даъво қилиш сизга зарар келтириши ҳам ҳеч гап эмас. Ҳар бир ишни режа асосида амалга оширганингиз маъқулроқ. Кечки пайт алданиб қолишингиз хавфи бор, эҳтиёт бўлинг. Оила қурмаган бўлсангиз, бугун сизнинг кунингиз. Бўлғуси сирдошингизни албатта учратасиз.
АРСЛОН (24. 07 — 23. 08)
Юлдузлар кунингиз унумли кечишини башорат қилган. Шундай экан, иш масаласида қайғуга ботмасангиз ҳам бўлади. Чунки иш бор жойда озми-кўпми, даромад албатта бўлади. Иш жойингизда маош камлигидан асло шикоят қила кўрманг. Деворнинг ҳам қулоғи бор. Кимдир раҳбариятга етказса, боридан ҳам маҳрум бўлиб қолишингиз ҳеч гап эмас. Меҳнат таътилига чиқиш ҳақида ўйлашга ҳали эрта. Кечқурун тоза ҳавода сайр қилинг. Саломатликка алоҳида эътибор қаратинг.
ПАРИЗОД (24. 08 — 23. 09)
28 сентябр куни биринчи ўринда моддий аҳволингизни яхшилаш ҳақида қайғуришингиз лозим. Шугина азалий орзуларингиз ушалишида алоҳида аҳамият касб эта олади. Оила қурмаганларнинг ҳам орзуси ҳақиқатга айланади. Куннинг иккинчи ярмида идеалингиздаги инсонни учратишингиз кутилади. У қалбингизни ларзага солиб, вужудингизга қайноқ туйғулар жо этади. Соғлиғингизни эҳтиёт қилинг. Сурункали хасталикка йўлиққан бўлсангиз, оч-наҳор қолиб кетишдан, беҳуда асабийлашишдан сақланинг.
ҚЎЙ (21. 03 — 20. 04)
Юлдузлар бугун профессионал касбингиз билан боғлиқ ишингизда янги билим ва тажрибага эга бўлишингиз учун жуда қулай имкониятлар туғилишини башорат қилган. Ҳар бир катта-кичик ахборотни ўзингизда олиб қолишга ва ундан ишда унумли фойдалалнишга ҳаракат қилинг. Ўзингиз яхши танимайдиган одамларга ишониб қўйманг. Сизни шу қадар боплаб чув туширишадики, бир тийинсиз қолиб кетишингиз тайин. Саломатлик билан ҳазиллашманг, ўз вақтида муолажа олинг.
БУЗОҚ (21. 04 — 21. 05)
27 сентябрда қўлингиздаги пулларни қандай ва нимага сарфлаш ёки тикиш ҳақида бош қотиришингизга тўғри келади. Тўғри қиласиз. Пулларни бефойда сарфламаслик керак. Шубҳали туюлган танишувлар, ишлардан юз ўгиринг. Шахсий ҳаётингизда яқинларингиз билан ўзаро муносабатлар сустлашиш эҳтимоли бор. Аммо ўзингизни эркин ҳис этиш, чин кўнгилдан дам олиш, ҳаётдан завқ олиш учун бу нарса халал бера олмайди
ЭГИЗАКЛАР (22. 05 — 21. 06)
Юлдузлар бугун ишда ҳам, атрофдагилар, оилангиздагилар билан муносабатларда фаолликни секинлиштиришингизни маслаҳат беради. Бу сизга бошқа эзгу ниятларингизни амалга оширишда катта ёрдам беради. Молиявий муаммоларни бартараф этишда жуда эҳтиёткор бўлишингиз тавсия қилинади. Ҳамкасбларингизнинг сизга нисбатан совуққон муносабати кайфиятингизни бузиши мумкин. Кечқурун тоза ҳавода сайр қилинг. Иммунитет ва гемоглабинни кўтарувчи маҳсулотларни кўпроқ истеъмол қилинг.
ҚИСҚИЧБАҚА (22. 06 — 23. 07)
27 сентябр куни профессионал касбингиз билан боғлиқ юмушларда муваффақиятлар қозонасиз. Агар бу ишга яқинда жойлашган бўлсангиз, раҳбарларнинг алоҳида эътиборига тушдим деяверинг. Шахсий ҳаётингизни яхшилаб йўлга қўйинг. Тез-тез йўлингизга ғов бўлаётган тўсиқлар, кескин вазиятларни йўқ қилиш пайти етди. Бусиз ҳаётингизни ҳашаматга айлантира олмайсиз.
АРСЛОН (24. 07 — 23. 08
Сиз таваллуд топган бурж арслон деб номланишини унутиб қўйманг. Олдинда жуда кескин, оғир вазиятлар кутиб туради. Уларни енгиб ўтиш осон кечмайди. Режани пухталаш керак. Айниқса, моддий манфаатдорлик масаласида қаттиқ туришингизга тўғри келади. Шахсий бизнесингиз бўлса, ҳамкорлардан ҳам эҳтиёт бўлишингиз керак. Кечқурун кўпчилик оила даврасида вақт ўтказади. Айримлар яқин инсони билан кино ёки театрга тушиши мумкин
ПАРИЗОД (24. 08 — 23. 09)
27 сентябр куни бир дақиқа ҳам ишсиз қолмайсиз. Ишдан ташқари кимлар биландир мулоқот, хизмат сафарлари, муҳим ҳужжатларни имзолаш каби амаллар сизни кутиб қолади. Оилада кузатувчи ролини ижро этинг, кам бўлмайсиз. Агар бировлар учун ҳам ишлаш мажбуриятини зиммангизга юклаган бўлсангиз, бардам бўлинг. Бу вазифани бажариш осон кечмаслиги мумкин. Сурункали хасталикка йўлиққанлар профилактика масаласида ҳаракатлар содир этсинлар. Моддий аҳволингиз юқори чўққида бўлмасада, пульсиз ҳам қолиб кетмайсиз.
ҚЎЙ (21. 03 — 20. 04)
Юлдузлар бугун қўй буржи вакилларига нафақат ёқимли, балки фойдали танишувларни ваъда беришади. Агар меъёрларни бузмасангиз, кўзланган барча эзгу мақсадларга албатта етасиз. Бунинг учун атрофдагилар билан мулоқот сари талпиниш ҳам шарт эмас. Иш қайнайди, ҳамкасблар ёрдамга шай. Арзимас майда-чуйдалардан ҳам ўзингиз учун қувончли лаҳзаларни излаб топа оласиз. Кечқурун зериксангиз, севимли хоббингизни ёдга олинг. У албатта сизга ҳамроҳ бўлади.
БУЗОҚ (21. 04 — 21. 05)
26 сентябр куни ҳар қандай вазиятдан манфаат топишга ҳаракат қилинг. Гарчи атрофдагилар сизга қарши бўлишса, борлиғингиз зулмат исканжасида қолса ҳам, шу зулматдан-да манфаат қидиринг. Албатта топасиз. Куннинг иккинчи ярмида ўзингизга ҳар жиҳатдан маъқул одам билан бўлиб ўтадиган қисқа муддатли мулоқот кўнглингизни равшан торттиради. Кечқурун яқин манзилларга сафар қилишингиз мумкин. Бу ҳам руҳиятингизни осмон этиб, сизга илиқ таассуротларни ҳадя этади.
ЭГИЗАКЛАР (22. 05 — 21. 06)
Табиатингизга мос ёқимтойликдан бугун шахсий ҳаётда унумли фойдаланишингиз мумкин. Шунинг баҳонасида кайфиятингиз кўтарилиб, ишларингиз олдинга силжийди. Сиз меҳнаткашсиз. Куйиб-ёниб ишлайсиз ва кечқурун натижасини кўрасиз. Шунинг учун ҳам раҳбарлар бугун сизга янги лойиҳани ишониб топширмоқчи. Бардам бўлинг. Фақат олдинга интилинг. Лекин саломатлик ҳақида ҳам унутиб қўйманг. Кечқурун тоза ҳавода пиёда сайр қилинг. Енгил тортасиз.
ҚИСҚИЧБАҚА (22. 06 — 23. 07)
26 сентябрда бахтингиз, келажак орзуларингиз учун шафқациз кураш бошлашингиз кутилади. Чунки курашларсиз бахтга эришиб бўлмаслигини биласиз. Ишхонангизда жамоавий ишларни амалга ошириш кўпроқ фойда беради. Кун сўнгида молиявий муаммоларингиз қисман ижобий ҳал бўлади. Бугун учун шунинг ўзи ҳам етади. Аммо йирик харидларга зинҳор йўл бера кўрманг. Инқирозга юз тутасиз.
АРСЛОН (24. 07 — 23. 08)
Юлдузлар арслон буржи остида таваллуд топганларга кун оғир ўтиши, бироқ жуда қизиқарли кечишини башорат қилган. Сизни кимлардир ҳамкорликка таклиф этади, яна кимлардир фойда келтирадиган сафарларга жўнатиш пайида бўлади. Ташвиш тортманг, сиздаги куч ва имкониятлар етиб ортарли. Бугун янги уй сотиб олиш, муҳим ҳужжатларни расмийлаштириш ва майда таъмир ишлари муваффақиятли кечади. Жисмоний меҳнат ҳам сиз учун фойдали, фақат меъёрида бўлса.
ПАРИЗОД (24. 08 — 23. 09)
26 сентябрда нафақат яқин инсонлар ёрдамидан баҳраманд бўлинг, иш давомида тақдирнинг ўзи сиз томонга ирғитадиган омад калитини ҳам илиб олишга ҳаракат қилинг. Айримлар ишхонасида ёш авлод вакилларидан бирини шогирдликка олиши мумкин. Раҳбарлар сиз томонда бўлишади. Чунки улар сизнинг ҳақиқий профессионал эканингизни билишади ва қадрлашади. Кечқурун сурункали хасталикка йўлиққанлар муолажа ҳақида ҳам ўйлаб кўрсалар ёмон бўлмайди.
ҚЎЙ (21. 03 — 20. 04)
25 сентябр куни эрталабдан ўзингизни қийнашдан, турли ваҳимали хаёллар миянгизга ўрлаб, ташвиш чекишдан бўшамай қоласиз. Хўш, айтинг, шундай аҳволда муваффақиятга эришиб бўладими? Йўқ, албатта. Агар ўзингиз бу муаммони ижобий ҳал эта олмасангиз, ўзингизга нисбатан тажрибали дўстлардан маслаҳат сўранг. Акс ҳолда жиддий кўнгилсизликларга дуч келишингиз, ҳатто, худо кўрсатмасин, депрессия ҳолатига тушиб қолишингиз ҳеч гап эмас.
БУЗОҚ (21. 04 — 21. 05)
Бугун ким танқид қилишидан қатъи назар хотиржамликни қўлдан берманг. Ўзгалар фикрини ҳурмат қилиш, тўғри баҳолаш билан ҳеч ким камайиб қолмаган. «Бировнинг маслаҳатига қулоқ тут, аммо ўз билганингдан қолма» деб беҳуда айтишмаган-ку! Иш жойингизда барча ҳаракатларингиз ижобий натижа беради. Моддий жиҳатдан ҳам аҳволингиз ёмон эмас. Аммо уйдагиларингиз сиздан ранжиган. Улар сиздан етарлича эътибор кутишмоқда.
ЭГИЗАКЛАР (22. 05 — 21. 06)
25 сентябр куни нафақат муҳаббатда, балки ишда ҳам сизни жиддий синовлар кутиб қолади. Сиз иккисининг ўртасида худди таранглашган асаб толаси каби ожиз қолишингиз мумкин. Аммо бўшашиш ярамайди. Тафаккурни ишга солинг. Ҳаётга, атрофга реал кўз билан боқинг. Шунда жамиятдаги, ишхона ва оиладаги ҳурматингиз баравар ортади. Суйганингиз кечқурун сизга жуда қимматли бир совға ҳадя этиши кутилади.
ҚИСҚИЧБАҚА (22. 06 — 23. 07)
Юлдузларнинг башорат қилишларича, кун давомида яқин ўтмишингиз билан боғлиқ бир инсонни учратасиз. Балки у ўтмишда сизнинг севикли инсонингиз саналгандир? Нима бўлганда ҳам бугун ҳаммаси жой-жойига тушади иншооллоҳ. Молиявий муаммоларингиз худди хамирдан қил суғургандек осон битиши кутилмоқда. Кечқурун саломатлигингизни мустаҳкамлашга алоқадор барча амалларни албатта адо этинг. Айниқса, овқатланиш масаласида жуда эътиборли бўлинг
АРСЛОН (24. 07 — 23. 08)
25 сентябрда сизга кучли эмоция ҳар жабҳада халал бериши мумкин. Агар оила қурмаган бўлсангиз, кимнидир севиб қолсангиз, вазиятни реаллик асосида назорат қилинг. Ҳамкасблар билан ҳам муносабатлар айтарли силлиқ кечмаслиги мумкин. Аммо сиз чидашингиз лозим. Ҳаёт ҳамиша ўнқир-чўнқирлардан иборат бўлади. Кимдир жон жаҳди билан сизни жанжаллар сари гиж-гижлаши ҳам эҳтимолдан холи эмас. Серқатнов йўлларда йўл қоидасига албатта амал қилинг.
ПАРИЗОД (24. 08 — 23. 09)
Ишда, муҳаббатда ва шкафингизда янги тартиблар ўйлаб топишингиз тавсия қилинади. Моддий аҳволингиз яхши. Ўзингизга ёққан кийимларни харид қилинг. Кераксиз буюмга кўзингиз тушса, дарҳол уни йўқ қилинг. Дўстлар орасида ҳам худди шундай кераксиз кимсалар бўлиши табиий ҳол. Улардан ҳам халос бўлишингиз шарт. Кечқурун спортнинг енгил турлари билан шуғулланиш муваффақиятли ва фойдали кечади. Овқатланиш режимига риоя қилинг. Тунлари хамирли таомлар ейишдан тийилинг.
ҚЎЙ (21. 03 — 20. 04)
Юлдузлар бугун сизга тасаввурингизга ҳам сиғмас даражада қимматбаҳо лаҳзаларни ҳадя этишмоқчи. Катта-кичик ишларингиз баравар ўнгидан кела бошлаганда, буни ўзингиз ҳам чуқур ҳис эта бошлайсиз. Агар суюкли инсонингиз билан орангизда қоронғулик юзага келган бўлса, бугундан яраш онларини кутсангиз ярашади. Асосийси, хотиржамликка эътибор қаратинг. Куннинг иккинчи ярмида моддий аҳволингиз яхшиланиши кутилади.
БУЗОҚ (21. 04 — 21. 05)
24 сентябрда мундоқ олиб қараганда, ишларингиз яхшидек туюлади. Асабийлашмаяпсиз, ҳеч ким асабингизни бузмаяпти. Аммо моддий аҳволингиз ачинарли ҳолатда эканини дарров кўра қолмайсиз. Шахсий ҳаётда ҳам омад сиздан юз ўгиришга шайланган бўлиши мумкин. Бунга дангасалик сабабчи бўлиши тайин. Шунинг учун вужудингизда бор ғайратни бир нуқтага тўплаб, муаммоларни бартараф этишга астойдил киришинг. Оқимга қарши сузманг.
ЭГИЗАКЛАР (22. 05 — 21. 06)
Бугун ҳаракат, уддабуронлик, кучли эмоция сизга ҳамроҳлик қилиши кутилмоқда. Омад ва даромад шундоқ йўлингизда турибди. Фақат орангизни қуюқ туман қоплаган. Туманни йўқ қилишингиз керак холос. Шахсий бизнесда муваффақияцизликка учраган бўлсангиз, бадавлат танишларни ишга солиб бўлса ҳам бу муаммони ҳал қилинг. Муҳаббатда юқори чўққилар сари талпинишни бас қилинг. Ҳар ишнинг ўз вақт-соати бор.
ҚИСҚИЧБАҚА (22. 06 — 23. 07)
24 сентябр куни тафаккурнинг хоҳишига бўйин эгишингиз керак. Унинг жўшқин садосини бўғишга уринманг. Ўзингизга зиён қиласиз. Молиявий муаммолар кун давомида албатта ижобий ҳал бўлади. Бу ҳақда беҳуда қайғуриб асабни бузмасангиз ҳам бўлади. Сиз бугун нафақат мўмай даромад эгаси бўласиз, балки келажакда қилишингиз лозим бўлган ишлар учун ҳам аванс сифатида ҳақ оласиз. Кечқурун оиласизлар романтик учрашувдан умид қилаверсинлар. Бугунги тун сизники!
АРСЛОН (24. 07 — 23. 08)
Юлдузлар бугун яқин ўтмишга ҳам, келажакка ҳам интилиб, талпинмасликни, фақат бугунги кун билан яшашингизни маслаҳат беради. Пул, иш, хурсандчилик, сокинлик, хотиржамлик кун давомида сизни таъқиб этиши кутилмоқда. Муҳаббатда ҳам ҳуда-беҳуда қайғуга ботавермаслигингиз тавсия қилинади. Акс ҳолда жуфтингиз ё бўлғуси жуфтингиз билан муносабатларингизга путур етади, балки соғлиғингиздан ҳам айрилиб қолишингиз ҳеч гап эмас.
ПАРИЗОД (24. 08 — 23. 09)
24 сентябр куни тадбиркорлар бизнесни такомиллаштириш бобида янги лойиҳаларни яратишга ҳаракат қилишлари керак. Бу сизни ўйланишга, изланишга, асабийлашишга мажбур этиши мумкин. Аммо худди шундай лаҳзаларгина сизга омад калитини тутқаза олади. Молиявий масалада қаттиққўллик ва тежамкорлик зарур бўлади. Бугун сурункали хасталикка йўлиққанлар кўпроқ ўзлари учун қайғуришлари керак. Айниқса, тунда овқатланиш одатингиздан воз кеча олсангиз, ўзингизга яхши
ҚЎЙ (21. 03 — 20. 04)
Юлдузлар ўз ишингизга, зиммангиздаги вазифаларга нисбатан ўта масъулиятли бўлишингизни маслаҳат беради. Ўз ишингизни ими-жимида бошқалар зиммасига юклашни хаёлингизга ҳам келтирманг. Барибир фойдаси бўлмайди. Бугун билим олиш, бошқа касбларни эгаллаш йўлидаги барча ҳаракатлар муваффақиятли якун топади. Шахсий ҳаётингизда сизга гармония ҳамроҳ бўлади. Кечқурун тоза ҳавода сайр қилишни унутманг.
БУЗОҚ (21. 04 — 21. 05)
23 сентябр куни сизни бадавлат дўстларингиздан бири ўз қаноти остига олади. У нафақат қимматли маслаҳатлари билан сизни қўллаб-қувватлайди, балки катта миқдорда пул ҳам ҳадя этади. Агар жиддий, катта ишларни режалаштирган бўлсангиз, бугун омад сиз томонда бўлади, ишонаверинг. Муҳаббатда рўзғор ташвишлари билан тўқнаш келишингиз мумкин. Аммо бу масалада катта жанжал чиқишига йўл қўйманг. Соғлиғингизни кўз қорачиғидек асранг.
ЭГИЗАКЛАР (22. 05 — 21. 06)
Куннинг биринчи ярмида бир олам илиқ таассуротларга эга бўлишингиз кутилади. Фақат эҳтиёт бўлинг, бу денгизга чўкиб кетманг. Куннинг иккинчи ярмида обрўли одамлар билан учрашишингиз мумкин. Соғлом турмуш тарзи, ёга билан шуғулланиш бугун сизга фақат фойда келтиради. Саломатлигингиз мустаҳкамлана боради. Иммунитетни кўтариш, асаб тизимингизни мустаҳкамлаш пайида бўлинг.
ҚИСҚИЧБАҚА (22. 06 — 23. 07)
23 сентябрда худо сизга иккита эмас, ўнта қўл бермаганидан афсус чекишингиз кутилади. Ишларингиз кўпайгандан кўпаяди. Шу ишлар орасида кимлар биландир қўнғироқлашишингиз, қандайдир масалаларда кимлар биландир маслаҳатлашишингиз ҳам эҳтимолдан холи эмас. Тижорат билан шуғулланадиганлардан бирини кечки пайт мўмай даромад кутиб қолади. Кимлардир сиздан олган қарзини ҳам қайтариши мумкин.
АРСЛОН (24. 07 — 23. 08)
Бугун эрталабданоқ асаб тизимингизни жиловда ушлашингиз талаб этилади. Худо кўрсатмасин, асабийлик устун келиб кимнидир ранжитиб қўйсангиз борми, катта жанжалнинг исканжасида қолиб кетасиз. Шахсий ҳаётда ҳам оғир-босиқ бўлинг. Дам олиш куни бўлишига қарамай, кимлардир кечқурун сафарга отланиши ҳам мумкин. Агар тижорат билан шуғулланишни ният қилган бўлсангиз, бу масалага эҳтиёткорона ёндашинг. Саломатлигингизни эҳтиёт қилинг.
ПАРИЗОД (24. 08 — 23. 09)
23 сентябр куни кутилмаган қўнғироқ туфайли ҳаётингиз буткул ўзгариб кетиши ҳеч гап эмас. Агар шахсий ҳаётингизда юз берадиган танаффусларга тайёр бўлсангиз, бошни баланд кўтаришдан тийилманг. Куннинг иккинчи ярмида кутилмаган бахт тимсолида мўмайгина пул келиб қўлингизга тушади. Аммо бу ҳақда ҳеч кимга чурқ этманг. Кўз тегади. Ҳасадгўйлар назарига тушиб қоласиз. Сурункали хасталикка йўлиққанлар дориларини ўз вақтида ичишлари, атмосферада содир бўлаётган магнит бўронларидан сақланишлари зарур.
ҚЎЙ (21. 03 — 20. 04)
22 сентябр куни аъло кайфиятда бўласиз. Бадиий тил билан айтганда, қалбингиз қўшиқ куйлайди, юрагингиз умид ва ишончга тўлиб-тошади. Ҳатто, сизни кўра олмайдиганлар ҳам бу кайфиятингизни буза олмайди. Қариндошларингиздан бири куннинг иккинчи ярмида сизга кутилмаган совға ҳадя этишни ният қилган. Аммо бу совға жуда қимматбаҳо. Бугун олис сафарга чиқиш муваффақият келтирмайди. Ўзингизни эҳтиёт қилинг.
БУЗОҚ (21. 04 — 21. 05)
Иш, шахсий ҳаётга тегишли режаларингизни дуч келганга дастурхон қилаверманг. Чунки сиз дўст деб билган, ишонган одам билиб-билмай сизга панд бериб қўйиши мумкин. Моддий аҳволингиз ёмон бўлмайди. Лекин харажат масаласида қаттиқ туринг. Учраган керак-нокерак буюмга пул сарфлайверсангиз, инқирозга юз тутишингиз ҳеч гап эмас. Кечқурун оила қурмаганларни романтик лаҳзалар кутиб қолади. Бугун бировларга зинҳор ваъда бера кўрманг.
ЭГИЗАКЛАР (22. 05 — 21. 06)
22 сентябр куни ишхонада шу қадар ташкилотчи ва ташаббускор ходимга айланасизки, раҳбарларнинг оғзи ланг очилиб қолиши тайин. Танқидларни бугун хотиржам ва жилмайган ҳолда қабул қилинг. Муҳаббатда аланга ола бошлаган оловга ёғ сепманг. Айниқса, оиласиз бўлсангиз, бўлғуси жуфтингиз билан муносабатларингизга путур етиши мумкин. Серқатнов йўлларда эҳтиёткорликка эътибор қаратинг.
ҚИСҚИЧБАҚА (22. 06 — 23. 07)
Юлдузлар бугун сизга шу қадар кўп қувончли лаҳзаларни тақдим этадики, юрагингизга уарнинг ҳаммасини сиғдира олмай қолишингиз мумкин. Атрофдагиларга илиқ муносабатда бўлишингиз тавсия қилинади. Кун давомида янги, ўзингиз учун фойдали танишувларни бошдан кечирасиз. Шу орада рўзғордаги муаммоларни ҳам қойиллатиб уддалашга эришасиз. Ёнингиздаги пулларни тежаб ишлатинг. Кечқурун сиздан қарз олганлар қарзини қайтариши мумкин.
АРСЛОН (24. 07 — 23. 08)
22 сентябр куни атрофдагилар билан муносабатларда сезиларли мушкулотларга дуч келишингиз кутилади. Ўзингизни боши берк кўчага кириб қолгандек ҳис эта бошлашингиз мумкин. Муҳаббатда оиласизларни ёқимли лаҳзалар кутиб қолади. Бўлғуси жуфтингиз сизга анчадан бери ўзингиз кутган сўзларни тилга олиши мумкин. Сурункали хасталикка чалинган бўлсангиз, ўзингизни эҳтиёт қилинг.
ПАРИЗОД (24. 08 — 23. 09)
Ишхонангизда раҳбарлар зиммангизга юклаган юмушларни фақат ўзингиз тузиб чиққан пухта режалар асосида бажаринг. Шунда пул ҳам ноз-карашмаларсиз келиб қўлингизга тушади. Агар даромаднинг мазаси бўлмаслигини олдиндан пайқасангиз, бошқа ишларга назар ташлайверганингиз маъқул. Шахсий ҳаётда ҳар бир муаммога ижодий ёндашишга ҳаракат қилинг. Шунда жуфтингиз билан ўзаро муносабатларда муаммога дуч келмайсиз
ҚЎЙ (21. 03 — 20. 04)
Юлдузлар бугун биринчи ўринга шахсий манфаатларни эмас, одамийлик ҳиссини қўйинг. Гарчи сиз кўз ўнгингиздаги катта пулга эга чиқишни хоҳлаб кетаётган бўлсангиз ҳам, тийилинг. Шахсий ҳаётда эса яқинларингиз ҳақида кўпроқ қайғуришингиз керак бўлади. Башарти кимгадир ёрдамингиз зарур бўлса, аяманг. Кечқурун сафарга отланишингиз эҳтимоли бор. Бу сафар сизга жуда зерикарли туюлиши мумкин. Аммо катта фойда келтиради.
БУЗОҚ (21. 04 — 21. 05)
21 сентябр куни айримлар яқин ўтмишга айланган романтик муносабатларни қайта тиклаш ҳаракатида бўлишади. Агар кўнглингиз ҳақиқатан шуни истаётган бўлса, ҳеч кимга қулоқ тутиб ўтирманг. Фақат қалбингиз амрига бўйсунинг. Кечқурун уйга мўмай даромад олиб келишингиз кутилади. Фақат тежамкорликка амал қилишингиз керак. Акс ҳолда бугунги хурсандчилигингиз эртага хафақонликка айланиб қолиши ҳеч гап эмас.
ЭГИЗАКЛАР (22. 05 — 21. 06)
Эрталабдан юлдузлар янги танишувлар, учрашувлар ва сафарни бошдан кечиришингиз мумкинлигини башорат қилишган. Ижод ва санъат билан боғлиқ қўшимча даромад келтирувчи иш таклиф этишади. Бош тортманг. Молиявий муаммоларни бартараф этишда сизга у даражада истеъдод керак бўлмайди. Ҳаракат бўлса бас. Кўзланган даромадга эга бўласиз. Кечқурун иммунитетни кўтариш учун хизмат қилувчи амаллар билан шуғулланинг.
ҚИСҚИЧБАҚА (22. 06 — 23. 07)
21 сентябрда иш бошингизга дўлдек ёғила келади. Лекин уларнинг ярмидан кўпи бажариб вақт кетказишга арзимайди. Илож қанча. Раҳбарият буюргач, бажаришга мажбурсиз. Моддий аҳволингизни яхшилаш учун ташкил этиладиган тадбирлар ҳақиқатан муваффақиятли кечади. Аммо пулни деб дўстларни оёқости қилманг. Татимайди. Кечқурун зарарли одатлардан воз кечиш келгусида ижобий натижасини беради.
АРСЛОН (24. 07 — 23. 08)
Эрта тонгдан кайфиятингиз аъло бўлишига атрофдагиларнинг ширинсуханлиги сабаб бўлса ажабмас. Ташқи кўринишингиз ҳам бунга арзирли даражада бўлади. Кун давомида кўпгина муваффақиятларни қўлга киритишингиз кутилади. Кечқурун сизни оммавий тадбирда иштирок этиш амали кутиб туради. Агар тадбирда ҳам ўзингизни кўрсата олсангиз, совғасиз уйга қайтмайсиз, ишонаверинг. Кечқурун тоза ҳавода сайр қилинг.
ПАРИЗОД (24. 08 — 23. 09)
21 сентябр куни кечга қадар эмоциянгиз юқори даражада бўлиши кутилмоқда. Бу асосий ишларингизга ижобий таъсир кўрсатади. Қолаверса, атрофдагилар билан тиллашишда, севимли хоббингиз билан банд бўлишда ҳам эмоциянинг таъсирини албатта сезасиз. Олис сафарга отланишдан кескин бош тортинг. Жанжалли вазиятларда қолиб кетишингиз мумкин. Агар велосипедингиз бўлса, кечқурун албатта сайрга отланинг. Сурункали хасталикка учраганлар дориларини ўз вақтида ичишлари тавсия қилинади.