6758
Энг аниқ кунлик мунажжимлар башорати бизнинг каналимизда! Буржлар хақида қизиқарли маълумотлар ва тавсияларни кузатиб боринг. Админ👉 @acroc
ҚЎЙ (21. 03 — 20. 04)
Бугунги кун сиз учун стресс ва депрессия ҳолатларига бой бўлиши кутилмоқда. Шунинг учун кўпроқ вақтингизни ёлғизликда кечирганингиз маъқул. Бировдан қарз кўтариш ёки банкдан кредит олиш 19 сентябр куни муваффақиятсизлик келтиради. Шу сабаб бўлиб оиладагилар билан ҳам бекорга жанжаллашганингиз қолади. Кечқурун ҳамкасбларингиздан кимдир қўнғироқ қилиб сизга хушхабар етказиши кутилади. Соғлиғингизни доимо назоратда ушланг.
БУЗОҚ (21. 04 — 21. 05)
19 сентябр куни ҳаётингизни ўта мазмунли ва қувончли қилиш учун бир талай имкониятлар пайдо бўлади. Атрофдагилар билан жанжалларсиз мулоқот қилинг ва уларни ўз таъсирингизга олиш йўлида ҳаракатлар содир этинг. Тижорат соҳасида ишласангиз, 19 сентябр куни рақобат ўтган кунлардагига нисбатан икки ҳисса кучли бўлади, тайёр туринг. Кечқурун иммунитетни кўтариш ва соғлиқни тиклашда нафи тегадиган жисмоний машқларни бажаринг.
ЭГИЗАКЛАР (22. 05 — 21. 06)
Эмоция, ҳис-туйғуларни ҳадеганда зўриқтиришдан тийилинг. Бунинг оқибати яхши бўлмайди. Оилавийми, ишдами, муаммо бўлса тафаккурни ишга солган ҳолда иш тутинг. Баъзилар ҳамкасблардан бири билан ишқий саргузаштларга берилиши мумкин. Эҳтиёт бўлинг, бундай ишларнинг интиҳоси яхши кечмайди. Башарти оиласиз бўлсангиз, бошқа гап. У ҳолда қандай йўл билан бўлмасин, тўйни тезлаштиришга интилишингиз керак бўлади. Кечқурун тоза ҳавода сайр қилинг.
ҚИСҚИЧБАҚА (22. 06 — 23. 07)
19 сентябрда ижодий салоҳиятингиз, ташкилотчилик қобилиятингизни барчага намойиш этишингизга тўғри келади. Шу нарса сабаб бўлиб жамиятдаги ўрнингизни мустаҳкамлаб олсангиз ажабмас. Тижорат билан шуғулланадиганларнинг иши бугун орқага кетиш хавфи остида турибди. Иш стратегиясини ўзгартиришингизга тўғри келади. Тадбиркор бўлсангиз, янги ва ишончли ҳамкорлар топинг. Кечқурун техника воситаларидан бирининг бузилиши кутилади. Бу машина, телевизор ёки кир ювиш машинаси бўлиши ҳам мумкин.
АРСЛОН (24. 07 — 23. 08)
Юлдузлар бугун хусусий мулк олди-сотдиси билан шуғулланмасликни маслаҳат беришади. Бу маслаҳатга қулоқ тутмаслик оқибатда уй-жойсиз қолишингизга сабабчи бўлиши мумкин. Қиз-жувонлар учун 19 сентябр ташқи кўринишига зеб бериб, гардеробини янгилайдиган кун. Эркакларимиз эса саломатликлари ҳақида қайғуришса ёмон бўлмасди. Бу йўлда пулни аяманг. Кечқурун эринмасдан дўкон айланишингиз ва ёқимли харидлар қилишингиз тавсия этилади. Қўрқманг, пулингиз етарлидан ҳам кўпроқ бўлади.
ПАРИЗОД (24. 08 — 23. 09)
19 сентябр куни ишхонада турли-туман экспериментлар ўтказишдан қочинг. Схема бўйича, қолипдан чиқмаган ҳолда ишланг, токи раҳбарият билан орангизда келишмовчиликлар юзага келмасин. Оила қурмаганлар бугун куннинг иккинчи ярмида романтик лаҳзаларга ошно бўлишади. Уларни кутилмаган совғалар ҳам кутиб турибди. Кун давомида фирибгарликка йўғрилган ишларни бажаришдан тийилинг. Ухлашга ётишдан олдин албатта тоза ҳавода сайр қилинг.
ҚЎЙ (21. 03 — 20. 04)
Агар муаммо пулга келиб тақаладиган бўлса, ҳеч кимдан ёрдам кутманг. Яхшиси, қарз кўтариб сарсон бўлгандан, қўшимча даромад келтирувчи иш изланг. Қачонлардир жанжаллашиб қолган дўстингиз билан 18 сентябр куни ярашасиз ва бу кайфиятингизни бир неча поғона юқорилатиши тайин. Муҳаббатда оила қурмаганларга бугун омад кулмайдиганроқ бўлиб турибди. Саломатлигингизни мустаҳкамлаш ҳақида қаттиқроқ қайғуринг. Кечқурун шамоллаб қолишдан сақланинг.
БУЗОҚ (21. 04 — 21. 05)
18 сентябр куни атрофдагиларнинг фикрига қарши бора кўрманг, нақ балога қоласиз. Тўғри, қайсарлигингизни кўпчилик билади, аммо бугун бу ҳам сизга ёрдам бермаслиги мумкин. Кечқурунга бориб саломатлигингиз панд бериб, ўзингизни ёмон ҳис эта бошлашингиз эҳтимоли бор. Дарҳол врачга мурожаат этинг. Мавсумий кийимларда кўчага чиқинг ва зинҳор бошқа шаҳарга боришни режалаштирманг.
ЭГИЗАКЛАР (22. 05 — 21. 06)
Бугун муҳим ҳужжатларга имзо чекишингизга тўғри келиши мумкин. Сергакликни қўлдан берманг. Арзимаган хатолик ҳам сиз учун қимматга тушиши мумкин. Ишда ҳам кечга қадар керагича толиқасиз. Лекин молиявий муаммолар сизнинг фойдангизга ҳал бўлиб кайфиятингиз кўтарилади. Фақат харажатларга зеб бериб юборманг. Тежамкор бўлинг, зиён кўрмайсиз. Кечқурун йўлларни кесиб ўтишда эҳтиёткорликни қўлдан берманг.
ҚИСҚИЧБАҚА (22. 06 — 23. 07)
18 сентябрда ишхонада зиммангиздаги мажбуриятларни адо этиш пайида бўлинг. Башарти ҳамкасблар билан суҳбатлашиб вақт ўтказсангиз, раҳбарлардан дакки эшитиш уёқда қолиб пулдан ҳам қуруқ қолишингиз ҳеч гап эмас. Шахсий ҳаётдаги ташвишларга барҳам бериш учун куч ва сабр керак бўлади. Ҳеч бир масалага енгил қараманг. Саломатлигингиз ёмонлашуви кутилади. Ҳойнаҳой, бош оғриғи ёки грипп аломатлари сизни безовта қилса керак. Кўча таомларини истеъмол қилишдан тийилинг.
АРСЛОН (24. 07 — 23. 08)
Агар бир мақсад йўлида астойдил ҳаракат қилсангиз, бўлар-бўлмасга чалғийвермасангиз, кунингиз хайрли кечади. Мавқеингиз ортишини истайсиз, бу ҳақиқат. Бироқ бунинг учун нафақат кўп ишлаш, балки ўрганиш ҳам керак. Билим даражангизни оширишингиз талаб этилади. Оила қурмаган бўлсангиз, 18 сентябр куни эҳтирос ва алдамчи туйғуларга лаққа тушманг, биринчи навбатда соғлиғингизга путур етиши мумкин. Кечқурун ёлғизликда вақт ўтказинг.
ПАРИЗОД (24. 08 — 23. 09)
18 сентябр куни жамоангизда яна бир бор ўзингизни кўрсата оласиз. Шунинг учун бўлса керак раҳбарлар лавозимингизни ошириш ҳаракатига тушишади. Лекин уларга эмас, худога ишонинг. Шунда орзуларингиз ҳақиқатга айланиши осон кечади. Жуфтингиз билан яна жанжаллашиб қолмаслик учун мулойимроқ, ҳушёрроқ муносабатда бўлинг. Саломатликни тиклаш учун эса ҳаммом амали катта ёрдам беради. Кечқурун сизни қайсидир танишингиз ўз уйига меҳмонга таклиф этиши ҳам эҳтимолдан холи эмас.
ҚЎЙ (21. 03 — 20. 04)
17 сентябр куни атрофингизни фақат ўзингиз учун яқин ва севимли инсонлар қуршаб олиши учун курашинг. Шунда кунингиз хайрли ва мароқли кечади. Бу нарса ҳатто шахсий ҳаётингизда ҳам муҳим рол ўйнамайди. Иккиюзламачи ва ғийбатчилар билан иложи борича мулоқотга киришманг. Муҳаббатда фақат туйғулар амрига бўйсунинг, шунда жуфтингиз ёки танлаганингиз билан орангизда қайноқ ишқ олови янада кучлироқ аланга олади.
БУЗОҚ (21. 04 — 21. 05)
Анчадан бери амалга ошмай, якунини топмай сизни хит қилиб келган ишлар ниҳоят якун топади ва елкангиздан гўё тоғ ағдарилгандек енгил тортасиз. Кун давомида қизиқарли танишувларни бошдан кечиришингиз ҳам эҳтимолдан узоқ эмас. Бу танишувлардан бири оила қурмаганлар учун севгига айланиб кетиши ҳам ҳеч гапмас. Саломатлигингизни ниҳоятда эҳтиёт қилинг. Имкон даражасида кечки пайт қон босимингизни ўлчатиб олинг.
ЭГИЗАКЛАР (22. 05 — 21. 06)
17 сентябрда зерикиш, ранжишга умуман баҳона бўлмайди. Сизни фақат қувончли ҳодисалар қуршайди. Ёқимли совға-саломлар, ёқимли хабарлар, эски қадрдонлар билан тасодифий учрашувлар қалбингизга баҳорий туйғуларни ҳадя этади. Молиявий аҳволингиз ҳам тобида, шундай экан, қўрқмасдан харидларни амалга оширсангиз бўлади. Янги иш топиш ва уй олди-сотдиси бугун муваффақиятли кечади.
ҚИСҚИЧБАҚА (22. 06 — 23. 07)
Тадбиркор бўлсангиз, яқин дўстларингиздан бири сизга ажойиб бир лойиҳани тақдим этиши мумкин. Агар шерикчиликда лойиҳани ҳаётга тадбиқ этсангиз, сира афсус чекмайсиз. Биринчи маротаба суҳбатлашаётган одамлар билан дипломатларча мулоқот қилинг. Оилавий байрам ёки тадбир ташкил этиш ниятингиз бўлса, бу ишни кейинга қолдиринг. Бугун вақтингиз ҳам, пулингиз ҳам етмайди.
АРСЛОН (24. 07 — 23. 08)
17 сентябр куни мулоқотдан тўхтай олмаслигингиз кутилади. Гоҳ эски танишлар, қадрдонлар, биродарлар, кетидан эндигина танишганлар билан турли мавзуларда суҳбатингиз қизийди. Бугун сизга сердаромад иш, турмуш қуриш ва саёҳатни таклиф этишлари мумкин. Қай бири маъқуллигини ўзингиз ҳал этинг. Ҳаяжонланманг. Қалб амрига қулоқ тутинг, у алдамайди. Кечқурун тоза ҳавода сайр қилинг. Соғлиқни мустаҳкамлаш ҳаракатида бўлинг. Молиявий масалада бугун муаммо бўлмайди. Яратганнинг ўзи ризқингизни етказади иншооллоҳ.
ПАРИЗОД (24. 08 — 23. 09)
Бугун дам олиш куни. Сизни фақат оилавий муаммолар, юмушлар банд этиши мумкин. Бунда ҳам худбинликка чек қўйган ҳолда ҳаракатлар содир этишингиз тавсия этилади. Даромад ҳам бугун ёмон бўлмаслиги кутилмоқда. Қарзларингиз бўлса, дарҳол эгаларига етказишингиз мумкин. Бемор қариндошлардан хабар олинг, ҳол сўранг, имкониятингиз бўлса, моддий кўмак беринг. Кечқурун асосий вақтингизни соғлиқни мустаҳкамлаш ва аёл киши бўлсангиз, ташқи кўринишингизни тартибга келтириш учун сарфланг.
ҚЎЙ (21. 03 — 20. 04)
Бугун юлдузлар сизга ўзгалар муаммоларини зиммангизга олмасликни маслаҳат беришади. Кун давомида кўнгилсиз вазиятларга тушиб қолишингиз мумкин. Шунинг учун ҳар бир амалга оширажак ишингизга ақл билан ёндашинг. Кечқурун оила аъзоларингизнинг бири билан жанжаллашиб қолишингиз кутилади. Шундай экан, иложи борича ёлғиз қолишга ҳаракат қилинг. Оммавий тадбирларда иштирок этиш бугун муваффақиятсизлик келтиради.
БУЗОҚ (21. 04 — 21. 05)
16 сентябр куни иш жойингизда ҳамкасблар орасидаги обрўйингиз кескин юқорига кўтарилади. Бунга қадар уйдаги майда-чуйда муаммоларни ҳал этиб қўйишингиз керак бўлади. Молиявий аҳволингизни яхшилаш учун ҳам вақтингиз етиб ортади. Тадбиркорлар куннинг иккинчи ярмида иш юзасидан бообрў шахслар билан учрашиши кутилади. Хасталик орттириб олмаслик учун саломатлигингизни назорат қилинг.
ЭГИЗАКЛАР (22. 05 — 21. 06)
Тижорат соҳасида тер тўксангиз, бугун эрталабдан рақобатчилар билан курашишингиз зарур бўлади. Кураш кескин кечади. Бир ўзингиз уларга бас кела олмайсиз. Яхшиси, бадавлат ва юқори лавозимли танишларингизни ишга солинг. 16 сентябр куни сизга асабийлашиш ва баҳслашиш фақат зиён етказиши мумкин. Кечқурунга ҳеч қандай тадбир ёки янги ҳаракатлар содир этишни режалаштирманг. Кучингиз уйга етиб олиш-у, қондошлар билан салом-алик қилишгагина етади. Кун давомида саломатлигингизни назоратдан четда қўйманг.
ҚИСҚИЧБАҚА (22. 06 — 23. 07)
16 сентябр куни ишда истеъдодингизни, профессионаллигингизни қайтадан исботлашингизга тўғри келади. Мавқеингизни ошириш учун янги усул ва ахборотларни қидиринг. Бугун никоҳдан ўтиш ва ажрашиш муваффақиятсизлик келтиради. Демак, ҳамма нарсани борлигича қолдиринг. Акс ҳолда кейин пушаймонлар ейсиз. Кечқурун оиласизлар романтик учрашувга чиқишлари кутилади.
АРСЛОН (24. 07 — 23. 08)
Кунингиз хайрли бошланади. Аъло кайфият ишларингизга қўшимча унум ҳадя этади. Жиддий сабаб бўлмаса, пул билан боғлиқ лойиҳаларга қўл урманг. Йўқса, йиллаб йиғилган пуллар кўкка совурилади. Хизмат сафарига чиқиш, мажлислар ва келишувлар хайрли ўтади. Оила қурмаган бўлсангиз, бугун кечқурунга учрашув белгиламанг, омадсизликка дуч келасиз. Ундан кўра соғлиғингиз ҳақида қайғуринг.
ПАРИЗОД (24. 08 — 23. 09)
16 сентябр ишда мустақил ҳаракатлар содир этишдан тийилинг. Ҳар бир ишни жамоавий тарзда бажаришга ҳаракат қилинг. Шахсий ҳаётда бугун азалий орзуларингиз ҳақиқатга айланиши мумкин. Нотаниш одамлар келиб сизга қўшимча даромадли иш таклиф этса, етти ўлчаб бир кесинг. Кечқурун саломатлигингизда салбий ўзгаришлар кузатилиши мумкин. Сурункали хасталикка йўлиққанлар жуда эҳтиёткор бўлишлари талаб этилади. Айниқса, қуёш тиғида юришдан тийилинг.
ҚЎЙ (21. 03 — 20. 04)
15 сентябр куни хоҳ уй, хоҳ ишхона бўлсин, муаммо сиздан қочиб қутула олмайди. Барчасини кўнгилдагидек бартараф этасиз. Бугун спортнинг энг фаол турлари билан шуғулланиш ва чўмилиш машқлари хайрли кечади. Саломатликни бир маромда сақлаш учун организмни чиниқтиришга йўналтирилган машқларни бажаринг. Шунда шамоллаш, грипп ва бошқа юқумли хасталиклар сиздан қоча бошлайди. Кечқурун тоза ҳавода албатта сайр қилинг.
БУЗОҚ (21. 04 — 21. 05)
Тақдир нимани инъом этса, олаверинг. Айниқса бугун тақдир сизга кўз очиб қулоқ эшитмаган эзгуликларни ҳадя этиши мумкин. Пул ҳам, бахт ҳам, шодлик ҳам тақдирнинг инъомлари саналади. Қолаверса, ажойиб инсонлар билан танишишингиз ҳам бугунга келиб тақалади. Фақат қарама-қарши жинс вакил ва вакилалари билан яқин муносабатга киришманг. Бу сизнинг саломатлигингизга ҳам салбий таъсир кўрсатади.
ЭГИЗАКЛАР (22. 05 — 21. 06)
15 сентябр куни эрта тонгда ўзингизни фақат яхшиликлар учун тайёрланг. Ҳатто кайфиятингиз ҳам шундай бўлиши лозим. Хусусий мулк олди-сотдиси, янги уйга кўчиб ўтиш муваффақиятли кечади. Асосийси, кўзланган мақсад сари иккиланмасдан олға босинг. Ишхонада раҳбарлар фақат сизнинг тарафингизда. Шундай экан, ҳар қандай ишни ҳам қўрқмасдан зиммангизга олинг, мукофотини албатта қўлга киритасиз.
ҚИСҚИЧБАҚА (22. 06 — 23. 07)
Кунингиз жуда қувончли ва ёқимли лаҳзаларга бой тарзда ўтади. Айниқса, шахсий ҳаётингизда ёрқин вазиятлар кўпчиликни ташкил этади. Оиласиз бўлсангиз, анчадан бери ўзингиз ёқтириб келган инсон билан айнан бугун муносабатларингиз жиддийлашади. Фақат эҳтирос эмас, ақлга суяниб иш тутинг. Кечқурун баъзиларнинг хонадонида янги меҳмон дунёга келиши кутилади. Соғлиғингизни асранг ва арзимаган оғриқ пайдо бўлса ҳам врачга мурожаат этинг.
АРСЛОН (24. 07 — 23. 08)
15 сентябр куни харажатларни қисқартирмасангиз, молиявий жиҳатдан инқирозга юз тутишингиз ҳеч гап эмас. Харажатлар даромаддан камчиликни ташкил этиши лозим. Жуда уддалай олмасангиз, шу масалани яхши тушунадиган танишларга мурожаат этинг. Бугун кунингиз танишувлар, мулоқотлар, сафарларга бой бўлади. Барчасини чалкаштириб юбормасангиз бас. Куннинг иккинчи ярмида айримлар уй олди-сотдисини амалга ошириши мумкин. Саломатлигингиздан бугун шикоятингиз бўлмайди.
ПАРИЗОД (24. 08 — 23. 09)
Ишхонадаги вазиятларни зимдан кузатув остига олинг. Баъзи ҳамкасблар сизни ўта чалкаш ишга шерик қилишни мўлжаллаган бўлиши мумкин. Пайқаганингиз заҳоти дарҳол бу нарсага барҳам беринг. Кун давомида раҳбарият билан жиддий баҳсга киришишингиз кутилади. Шахсий ҳаётда содир бўладиган ҳар бир воқеа сизнинг фойдангизга ишлайди. Оила қурмаганлар муҳаббатда ҳис-туйғу қулига айланиб қолишдан сақланишлари керак. Ухлашга ётишдан олдин албатта енгил ҳазм бўлувчи таом истеъмол қилинг.
ТАРОЗИ (24. 09 — 23. 10)
Эрта тонгда раҳбарлар хоҳишига кўра бошқа шаҳарга хизмат сафарига отланасиз. Афсуски, бу сафар сизга фақат чарчоқ, асабийлик ҳадя этади. Муҳаббатда сергак турмасангиз, алданиб қоласиз. Оилалиларга ўзгалар билан хуфиёна учрашувлар тавсия этилмайди. Жисмоний зўриқишдан сақланинг, акс ҳолда асаб тизимингизга жиддий зарар етади. Бугун тунда кўрадиган тушингиз ўнгидан келиши кутилади.
ЧАЁН (24. 10 — 22. 11)
Юлдузлар бугун дўстлар билан олисга саёҳат уюштиришни маслаҳат беришмоқда. Агар меҳнат таътилида бўлсангиз, айни муддао. Ҳаво алмашасиз, янги танишувларга эришасиз, дунёни томоша қилгандек енгил тортасиз. Кун давомида сизга янги иш таклиф қилишлари мумкин. Рад этишга шошилманг. Агар оилада жанжалли вазиятга қолмай десангиз, кечқурун ёлғиз қолинг. Соғлиғингизни назорат қилиш ҳам эсингиздан чиқмасин.
ЎҚОТАР (23. 11 — 21. 12)
14 сентябрь куни яқинда молиявий аҳволингизни ёмонлаштирган баъзи вазиятларни таҳлил қилинг. Йўл қўйилган хато сабабларини аниқланг. Хизмат сафари, самолётда парвоз ва режалаштирилган учрашувлар бугун омадли кечади. Шахсий ҳаётда ўзингизни назорат қилишга урининг, йўқса, жуфтингиз билан жанжаллашиб қолишингиз ҳеч гап эмас. Сурункали хасталикка учраганлар кун давомида қон босимини назоратда ушлашлари тавсия этилади.
ТОҒ ЭЧКИСИ (22. 12 — 20. 01)
Бугун юлдузлар сизга фақат қалбингиз амрига бўйсунган ҳолда иш кўришингизни маслаҳат беришади. Дўстлар, танишлар, яқинлар маслаҳатлари сизга наф келтирмайди. Оиласиз бўлсангиз, бугун худо хоҳласа, бўлғуси ҳасми ҳалолингизни учратасиз. Бу воқеа дўстлардан бириникига меҳмонга борганингиз баҳонасида юз бериши мумкин. Хуллас, бугун бир кўришда муҳаббат деган гап ҳақиқат эканини англабетасиз.
ҚОВҒА (21. 01 — 19. 02)
14 сентябрь куни эрталабданоқ кайфиятингиз юқори чўққиларда бўлиши кун бўйи ишларингиз бароридан келишини таъминлайди. Тадбиркор бўлсангиз, ҳатто рақобатчилар ҳам сизнинг фойдангизга баъзи ишларни амалга оширишлари турган гап. Турмуш қурмаганлар кечга қадар муҳаббат бўрони исканжасида бўлишлари кутилади. Фақат соғлиққа эҳтиёт бўлинг. Ёз жазирамасида кўп юришдан тийилинг. Тинкани қуритиб қўяди бу иссиқ.
БАЛИҚ (20. 02 — 20. 03)
Бугун ўзингиздан қайсидир жабҳада пастроқ, ожизроқ одамларга ёрдам қўлини чўзишдан уялманг. Бунинг савоби жуда катта бўлади. Асосий вақтингизни янги лойиҳалар билан ишлашга сарф этинг. Мураккаб вазиятларда қолсангиз, ундан ҳазил-мутойиба, кулги ёрдамида чиқишга ҳаракат қилинг. Саломатликдан бугун шикоятингиз бўлмайди. Фақат кўча таомларини истеъмол қилмасангиз бас.
ТАРОЗИ (24. 09 — 23. 10)
13 сентябр куни кайфиятингизда тушкунлик аломатлари сезила бошлайди. Ҳойнаҳой, бу тунда кўрган алақ-жалақ тушларингиз туфайли бўлса керак. Аксига олгандек молиявий муаммолар ҳам ҳадеганда ҳал бўлиб қўлингизга пул туша қолмайди. Жуда бўлмаса, севимли хоббингиз билан машғул бўлинг, чалғийсиз. Куннинг иккинчи ярмида яхшироқ ишга ўтиш учун қулай имконият туғилади, қўлдан чиқарманг. Саломатликни асранг.
ЧАЁН (24. 10 — 22. 11)
Юлдузлар бугунги кунингиз жуда ёрқин, омадга тўла ва ёқимли кечишини башорат қилишган. Ишларни шу қадар тез ва сифатли уддалайсизки, куннинг иккинчи ярмида мукофотини олишга муяссар бўласиз. Оила қурганлар муҳаббатда омадсизликка юз тутишлари, танлаганининг рад жавобини олиши мумкин. Балки бу яхшиликкадир-а?.. Кун бўйи киссавурлардан эҳтиёт бўлинг. Соғлиғингизни кўз қорачиғидек асранг.
ЎҚОТАР (23. 11 — 21. 12)
13 сентябр куни ўзингизни керагидан ортиқ қийнаб ўтирманг, тақдирнинг инъоми билан чекланинг ва шукр қилинг. Куннинг иккинчи қисмида ёқимсиз хабар эшитишингиз эҳтимоли бор. Асабни асранг, у ҳали сизга кўп керак бўлади. Кечқурун олис сафарга отланишингиз кутилади. Муҳим ҳужжатларни қайта-қайта кўздан ўтказиб олишга эринманг. Кечқурунга бориб соғлиғингиз ёмонлашиши мумкин. Аммо бу қўрқинчли эмас. Серқатнов йўлларда ҳаракатланишда сергакликни қўлдан берманг.
ТОҒ ЭЧКИСИ (22. 12 — 20. 01)
Қандай вазиятга тушманг, кайфиятингиз қай ҳолатда бўлмасин, оптимист бўлиб қолинг. Кун анча оғир кечса-да, серунум бўлади. Кун мобайнида соғлиғингиз бир неча маротаба ёмонлашиши мумкин. Буни халқона усуллар билан яхшиласа бўлади. Ишда раҳбарлар билан асло баҳслашманг. Кечки пайт ҳамкасблардан бири билан кафелардан бирига боришингиз ва кечки овқатни ўша эрда тановул қилишингиз эҳтимоли бор. Кечқурун тоза ҳавода сайр қилинг, спиртли ичимликлар истеъмол қилманг.
ҚОВҒА (21. 01 — 19. 02)
13 сентябр куни иш масаласида кўпгина таклифлар келиб тушади. Сиз улар орасидан энг яхшисини танлаб олишингиз мумкин. Умуман, кунингиз уй юмушларини бажариш билан ўтиши ҳам эҳтимолдан холи эмас. Лекин организмни жисмоний зўриқишга дучор этмаслигингиз тавсия этилади. Сизга бугун фақат ақлий меҳнат даромад беради. Ундан руҳий лаззат ҳам оласиз. Кечқурун саломатлигингиз панд бериши мумкин. Дарров врач чақиртиринг.
БАЛИҚ (20. 02 — 20. 03)
Бугун атрофдагиларнинг ҳурмат-иззатига сазовор бўласиз. Пул ҳам, обрў ҳам фақат сиз тарафда бўлади иншооллоҳ. Раҳбарлар бажарган ишларингиздан тўлиқ қониқиш ҳосил қилиб сизни мукофотга тавсия этади. Шубҳасиз, мукофот мўмайгина бўлади. Ижодкор бўлсангиз, бугун кун давомида сизни оммавий тадбирга таклиф этишлари кутилади. Ана шу эрда янада кўпроқ мухлислар орттирасиз.
ТАРОЗИ (24. 09 — 23. 10)
12 сентябр куни оила қурмаганлардан кимдир бировни шу қадар қаттиқ севиб қоладики, бунга ўзи ҳам ҳайрон қолади. Сиз бундай туйғуни азалдан орзулардингиз. Мана, етдингиз ва энди уни қадрлашингиз, ишни тўйгача олиб боришингиз шарт. Ишда ҳам сиз зиммангизга юкланган вазифаларни аъло даражада уддалайсиз. Башарти сурункали хасталикка йўлиққан бўлсангиз, тўлиқ тиббий кўрикдан ўтиб қўйишни унутманг. Кечқурун ухлашга ётишдан олдин ёғли таомлар истеъмол қилманг.
ЧАЁН (24. 10 — 22. 11)
Бугун қандай тўсиққа дуч келманг, топқир ва абжирлик талаб этилади. Иш бажаришда, муаммоларни ижобий ҳал этишга уринишда фақат ўз кучингизга таянинг. Кун давомида ўзингизга ёқмайдиган, анчадан бери ғийбатингизни қилишдан тийила қолмаётган одам билан яна рўбарў бўлишингиз мумкин. Уни сукут билан енгинг. Жаҳлга зеб берманг. Кечқурунга бориб молиявий муаммоларингиз ижобий ҳал бўлиши тайин бўлиб турибди.
ЎҚОТАР (23. 11 — 21. 12)
12 сентябрда ишда ўта тезкорлик талаб этилади. Дангасалик, лоқайдлик ашаддий душманингиз эканини доимо эсда тутинг. Бунинг учун олдиндан пухта режа тузиб олсангиз, яна яхши. Муҳаббатда сизни ғийбатлар, ҳасад ва кичик кўнгилсизликлар таъқиб этиши мумкин. Севгилингизни ёки яқин инсонингизни ҳақиқатан қадрласангиз, уни ҳам бу балолардан асранг. Ҳаётга, дунёга реал кўз билан боқишга ҳаракат қилинг.
ТОҒ ЭЧКИСИ (22. 12 — 20. 01)
Бугун ўзингиздан анча ёши кичиклар маслаҳат бериб асабингизни бузиши кутилади. Аммо уларга қулоқ тутиш ярамайди. Билганингиздан қолманг. Шундай қилингки, ҳеч ким бемаъни маслаҳатлар бериб вақтингизни олмасин. Спортнинг экстремал турлари, азартли ўйинлардан йироқ бўлинг, улар сизга фақат кўнгилсизлик ва жисмоний зўриқиш ҳадя этади холос. Саломатлигингизга ҳам путур етказиши ҳеч гап эмас. Кун бўйи қийналган одамлар сиздан ёрдам сўраб мурожаат этса, албатта ёрдам беринг. Савоб ҳам керак-ку!
ҚОВҒА (21. 01 — 19. 02)
12 сентябр куни ҳар бир қадамингизни ўйлаб босинг. Хатоларга йўл қўйишдан сақланинг. Романтик учрашувлар, никоҳдан ўтиш, совғалар ҳадя этиш ва қабул қилиб олиш учун 12 сентябр хайрли кечади. Куннинг иккинчи ярмида уй таъмирига киришишингиз кутилади. Молиявий жиҳатдан аҳволингиз ёмон эмас. Энг зарур буюмларга пул сарфласангиз бўлади. Кечқурун оила аъзоларингиз билан вақт ўтказинг.
БАЛИҚ (20. 02 — 20. 03)
Организмингизда бугун куч ва қувват етарлича. Ҳар қандай турдаги юмушни сира тап тортмасдан адо этишингиз мумкин. Шубҳали туюлган ишларга яқин борманг. Бундай ишларнинг охири вой бўлади. Иш жойингизда, шахсий ҳаётингизда жиддий тўсиқлар, муаммолар кўзга ташланмайди. Оилада жуфтингизга нисбатан янада меҳрибонроқ бўлсангиз, фақат фойда қиласиз. Молиявий муаммоларингиз бугунча жуда қийинчилик билан бартараф этилиши мумкин.
Музыка
Керагимсан ўзинг...
Гохида шундай дея оладиган инсон топилмайди.. Ёнингдаги бегоналардан тўясан
ҚЎЙ (21. 03 — 20. 04)
11 сентябрда уй олди-сотдиси, ҳуқуқшунос маслаҳатларини олиш муваффақиятсизлик келтиради. Айниқса, бу амалларни адо этиш натижасида катта миқдордаги молиявий йўқотишларга юз тутишингиз мумкин. Майда-чуйда ишлар билан машғул бўлиш кони фойда. Даромадингизга даромад қўшади. Кечқурун фавқулодда иш билан яқин манзилга жўнаб кетишингиз эҳтимоли бор. Молиявий аҳволингиз ва соғлиғингиз бугун тобида бўлиши кутилмоқда.
БУЗОҚ (21. 04 — 21. 05)
Атрофингизда бўлаётган яхши-ёмон ишларни кўриб ҳеч қанақасига таъсирланманг. Бу ишларингизда унум йўқолишига олиб келади. Чалғиш ёхуд сиқилиш натижасида қўлингиз ишга бормай қолиши мумкин. Муаммоларни ҳал этишда босиқлик билан иш тутинг. Ҳар бир ишни ўз вақтида адо этишга ҳаракат қилинг. Кечикиш бугун сизни моддий жиҳатдан зарар кўришга олиб келади. Кечқурун уйингизга меҳмон келиш эҳтимоли бор. Баъзиларнинг хонадонида чақалоқ йиғиси жаранглаши ҳам мумкин.
ЭГИЗАКЛАР (22. 05 — 21. 06)
11 сентябр куни тадбиркорлар учун анча оғир ишлар рўбарў бўлади. Гарчи бу кундалик юмушингиз бўлса-да, ҳамкорларингиздан баъзилари тўнини тескари кийиб сизнинг асабларингизни таранг торттириши турган гап. Шунга қарамасдан, молиявий манфаатдорликни қўлдан берманг. Бошқа ишга ўтиш учун бугунги кун хайрли кечмайди. Борига шукр қилиб туришингизга тўғри келади. Кечқурун оилангизда пул туфайли жанжал юзага келиши мумкин. Асабларни асранг.
ҚИСҚИЧБАҚА (22. 06 — 23. 07)
Бугун юлдузлар сизга оила аъзоларингизга янада яқинроқ бўлиш ва юқори лавозимдаги шахсларга гап қайтармасликни маслаҳат беришади. Хусусий мулк масаласида жиддий муаммолар пайдо бўлиши мумкин. Бу муаммони ҳуқуқшунос иштирокисиз ҳал эта олмайсиз. Кечқурун баъзи дўстларимиз мерос билан боғлиқ ёқимли хабар эшитишлари кутилади. Нимаики иш қилманг, уйдагилар билан албатта маслаҳатлашинг. Ўзингизга яхши бўлади.
АРСЛОН (24. 07 — 23. 08)
11 сентябрда эрталаб ўзингиз учун жуда қимматли хабар эшитасиз. Бу, шубҳасиз, пул билан боғлиқ. Муаммолар қалашиб кетган бўлса, сира қўрқувга тушманг. Кўз қўрқоқ бўлгани билан қўл тоғни толқон қила олади. Моддий манфаат кўриш масаласида яқин дўстлар ёрдамига таянишингизга тўғри келади. Агар ташкилотчилик қобилиятингиз бўлса, оилангизда бугун етакчилик қила олишингиз аниқ. Аксинча бўлса, фақат тингловчи ролини ижро этинг.
ПАРИЗОД (24. 08 — 23. 09)
Қайсидир ҳамкасбингиз билан сен-менга бориб қолишингиз мумкин. Бундай лаҳзаларда эмоцияни назорат эта билишингиз керак. Тўғри, ўз манфаатингиз, шаънингизни ҳимоя этишингиз шарт, аммо бошқачароқ, дипломатик усуллардан фойдаланиб. Олисдаги қариндошларникига меҳмонга бориш бугун сизга бир дунё лаззат бахш этади. Сурункали хасталикка йўлиққанлар соғлиғини кун давомида назоратда ушлашлари лозим.
ҚЎЙ (21. 03 — 20. 04)
Бугун ишда ҳам, шахсий ҳаётда ҳам меъёрни билинг, фақат қалбингизга қулоқ тутинг. Бу сиз учун муваффақиятлар гаровидир. Атрофдагилар билан мулоқотларда сира иккиланмасдан, ўзингизни қизиқтирадиган мавзуларда савол беришингиз мумкин. Чунки сиз одамга бир қарашдаёқ унинг аслида қандай одамлигини дарров илғай биласиз. Кечқурун фақат уйда ўтиринг, оилангиздагилар билан бирга вақт ўтказинг. Одатдагидек, саломатлигингизга жиддий муносабатда бўлинг.
БУЗОҚ (21. 04 — 21. 05)
10 сентябр куни ҳадеганда эркинлик сари талпинаверишингиз сизга фақат зиён етказиши мумкин. Шундоғам оилада, ишда, кўчада ўзингизни етакчи ҳис этасиз. Шунинг ўзи эркинлик эмасми? Оила қурмаганлар бугун янги танишувларни бошдан кечиришади. Бу инсон сизнинг бир умрлик тақдирдошингизга айланиши сизга боғлиқ. Тадбиркорлар бугун фақат муваффақиятлар лаззатини тотишади. Кечқурун ёлғиз қолиб яқин ўтмишда йўл қўйилган хатоларни хомчўт қилинг.
ЭГИЗАКЛАР (22. 05 — 21. 06)
10 сентябрда тадбиркор, ишбилармон, меҳнатсеварларнинг ошиғи олчи бўлади. Ҳамкасблар, оиладагилар билан жанжаллашиш бугун жуда хавфли кечиши мумкин. Агар шахсий ҳаётда муаммолар йиғилиб қолган бўлса, кечга қадар тинчлик, аҳилликда бартараф этишингиз мумкин. Бунинг учун албатта жанжал кўтариш шарт эмас. Кечқурун олисда яшайдиган қариндонларингиз меҳмон бўлиб келишлари мумкин. Уйда меҳмонлар учун янада қулай шароитлар яратиш талаб этилади.
ҚИСҚИЧБАҚА (22. 06 — 23. 07)
Агар яқин орада уйдагиларнинг қайсидир бири билан жанжаллашиб қолган бўлсангиз, бугун ярашиш учун имкониятлар эшиги очилади. Шубҳасиз, жанжал пул туфайли келиб чиққан бўлса керак. Шундай бўлса, қўшимча даромадли иш топишингиз зарур бўлади. Ижодкорлар ҳам бугун нафақат янги асарлар билан янада машҳурлашади, балки мўмайгина даромад ҳам олишлари эҳтимолдан холи эмас. Молиявий масалада яқин дўстларингиздан бири албатта кўмаклашиб юборади. Ўзингизни эҳтиёт қилинг.
АРСЛОН (24. 07 — 23. 08)
10 сентябр куни орзуингиздаги даромадга, мавқега, ҳурмат-эътиборга эга бўлиш учун фаолликка амал қилишингиз лозим. Шунда кутилган натижаларни албатта қўлга киритасиз. Хусусий мулк, уй-жой масаласидаги юзага келган муаммоларни дўстлар ёки қондошлар билан биргаликда ҳал этинг. Бу муаммолар ёлғизликда ижобий ҳал бўлмайди. Муҳаббатда туйғуларга эмас, ақл-тафаккурга суянган ҳолда иш тутинг. Кечқурун ишдан ёки ўқишдан қайтаётганда, серқатнов йўлларни жуда сергаклик билан кесиб ўтинг. Жароҳат олишингиз хавфи бор.
ПАРИЗОД (24. 08 — 23. 09)
Тадбиркорларга бугун худо қўшқўллаб беради. Хорижми, маҳаллийми, фарқи йўқ, ҳамкорлар топишда муваффақиятлар сизники. Яқинда тижорат ё тадбиркорликни бошлаган бўлсангиз, бундай муваффақиятлар билан фахрланишингиз керак. Иш учун офис, яшаш учун уй-жой сотиб олишда 10 сентябр омадли кечади. Кечқурун сизга олис қишлоқларнинг биридан ёқимли хабар етказишлари кутилади. Дарвоқе, айни кунда атмосферада ўта кучли магнит бўронлари ҳукм сурмоқда. Сурункали хасталикка йўлиққанлар эҳтиёт бўлишлари тавсия этилади.
ҚЎЙ (21. 03 — 20. 04)
Бугун ишда ҳам, уйда ҳам обрўйингиз бир поғона юқорига кўтарилиши кутилади. Ўзгаларнинг муаммоларини бартараф этишдан воз кечинг. Ўзингизни қуршаб турган муаммолар ҳам етарли бўлади. Тижоратчилар бугун рақобатчилар билан кескин кураш олиб бориши мумкин. Аммо бу курашда сиз ғалаба қилишингиз тайин. Куннинг иккинчи ярмида қўшимча даромадли иш таклиф этувчиларнинг сон-саноғи бўлмаслиги тахмин қилинмоқда. Демак, танлаш имкониятларингиз кенг. Улар орасидан энг маъқулини танлаб олаверинг.
БУЗОҚ (21. 04 — 21. 05)
9 сентябрда иш жойингизда раҳбарларга яна бир бор истеъдодингизни намойиш этиб қўймасангиз бўлмайдиган кўринади. Шунда яқин келажакда улар сизга энг муҳим ва долзарб муаммоларни бартараф этиш вазифасини ишониб топширишади. Муҳаббатда оила қурмаганларни жуда жиддий синовлар кутиб турибди. Афсуски, бу синовлар кайфиятингизни тушириб, ўзингизни боши берк кўчага олиб кириб қўйиши ҳеч гап эмас. Саломатлигингизни эҳтиёт қилинг.
ЭГИЗАКЛАР (22. 05 — 21. 06)
9 сентябр куни жиддий сабаб бўлмаса, таваккалчиликка йўл берманг. Сизга фақат зиён етказади. Оилали дўстларимиз бугун болалар тарбияси ва жуфтига алоҳида эътибор қаратишлари зарур. Шу баҳонада рўзғор кемтикларини ҳам тўлдириб кетиш ёдингиздан кўтарилмасин. Кечқурун у қадар олис бўлмаган манзилга сафар қилишингиз эҳтимоли бор. Шу сафар молиявий муаммоларингиз ижобий ҳал бўлишини таъминлайди. Саломатлигингиз ёмонлаша бошлаганини сезсангиз, дарҳол мутахассисга мурожаат этинг.
ҚИСҚИЧБАҚА (22. 06 — 23. 07)
Бугун хизмат сафарлари ва саёҳатга чиқиш сизга фақат зарар етказади. Бу жиддий жароҳат олиш ва шу кабилар бўлиши мумкин. Автоҳалокатларга учрашингиз ҳам эҳтимолдан холи эмас. Шунинг учун жимгина иш билан банд бўлиб қўя қолганингиз дуруст. Саломатликдан бугун шикоятингиз бўлмайди. Кечқурун уйингизга ўзингиз кутмаган одамлар меҳмон бўлиб келиши мумкин.
АРСЛОН (24. 07 — 23. 08)
9 сентябрда вужудингиз куч-қудрат, қалбингиз жўшқинликка тўла бўлиши кутилмоқда. Демак, азалий орзуларингизни ҳақиқатга айлантириш бобида бемалол ҳаракатлар содир этаверсангиз бўлади. Шахсий ҳаётда принципларга содиқ қолинг. Шунда жуфтингиз сиздан безмайди, совимайди, узоқлашмайди. Кечқурун олисда яшайдиган қондошларга қўнғироқ қилинг, сиз учун ёқимли хабар бор. Ухлашдан олдин сут маҳсулотлари истеъмоли билан чекланинг.
ПАРИЗОД (24. 08 — 23. 09)
Мавқеингиз ва маошингиз боғлиқ бўлган одамларни бугун зинҳор танқид остига ола кўрманг. Акс ҳолда ишдан айрилишингиз ҳеч гап эмас. Умуман, бугун эмоцияни бир четга суриб қўйсангиз ҳам ёмон бўлмайди. Куни кеча Қуёшда содир бўлган портлаш асоратлари сурункали хасталикка йўлиққанларга салбий таъсир кўрсатмай қолмайди. Жуда эҳтиёткор бўлинг ва дориларни ўз вақтида ичишни унутманг. Башарти яқинда меҳнат таътилига чиққан бўлсангиз, оилангизни олиб тоғ ён бағирларига дам олиш учун жўнасангиз бўлади.
ҚЎЙ (21. 03 — 20. 04)
Бугун куч ва имкониятларингизни ҳар бир бажариладиган юмушга баравар ажратинг. Шунда уларни беҳуда сарфламаган бўлиб чиқасиз. Сиздаги фаоллик бугун етарли даражада. Шундай экан, ҳар қандай ишни муддатидан олдин адо этишга эриша оласиз. Муҳаббатда иллюзия ўрнига реалликни танланг. Шунда ижобий натижаларни қўлга киритишингиз мумкин. Саломатлигингизни асранг. Иммунитетни кўтариш учун 8 сентябр жуда қулай кечади. Кечқурун оила даврасида вақт ўтказинг. Молиявий муаммолар сизни бугун безовта қилмаслиги кутилмоқда.
БУЗОҚ (21. 04 — 21. 05)
8 сентябр куни қай ишга қўл урманг, янгича усулда адо этишга ҳаракат қилинг. Ҳар бир муаммони ҳал этиш учун янги усуллардан фойдаланиб кўринг. Атрофдагилар билан мулоқот қилмаганингиз маъқул. Ким биландир орангизда жанжал келиб чиқиш эҳтимоли бор. Бугун зарарли одатлардан воз кечиш муваффақиятли якун топади. Қуюқ зиёфат, улфатчиликлардан юз буринг, шунда моддий жиҳатдан аҳволингиз сезиларли тарзда яхшилана бошлайди.
ЭГИЗАКЛАР (22. 05 — 21. 06)
Шахсий ҳаётда ўта инжиқ ва тажанглик сизга фойда келтирмайди. Жуфтингизнинг сизни севишига кўп ҳам шубҳаланаверманг, борига шукр қилинг. Ундан кўра романтик бир инсонга айланинг-да, унга ажойиб совғалар тақдим этинг. Бугун хусусий мулк олди-сотдиси ва катта лойиҳаларга пул тикиш омадли якун топади. Куннинг иккинчи ярмида сиздан қарзи борлар қарзини қайтариши мумкин. Демак, молиявий масала автомат тарзда ижобий ҳал бўлади.
ҚИСҚИЧБАҚА (22. 06 — 23. 07)
8 сентябр куни шахсий ҳаётингиз ҳақида кўпроқ ўйлашингиз, фикрлашингиз талаб этилади. Жуфтингизни бировларга рашк қилавериш одатингизни ташланг, бу яхшилик билан тугамаслиги мумкин. Иш жойингизда янги ходим пайдо бўлади. У билан дарҳол дўстлашиб олинг, афсусланмайсиз. Ўзингиз яхши тушунмайдиган ишларга қўл урманг. Айниқса, иқтисодий жиҳатдан сизда етарлича малака йўқ. Бу ишни ўз усталари амалга оширгани маъқул. Шундай эмасми? Кечқурун қўлингизга кимдир бир даста пул тутқазиши кутилади. Аммо йирик харидларга зеб берманг.
АРСЛОН (24. 07 — 23. 08)
Кунингиз фаолликда кечади. Тадбиркор бўлсангиз, ҳамкорларга қўнғироқ қилишлар, келишувлар, шартлашувлардан ортмай кунни кеч қиласиз. Шахсий муаммоларингизни бугун ҳеч кимга ошкор қилманг. Биринчидан, муаммоларингизни бошқалар ҳис этиб кўра билмайди, қолаверса, кимлардир бўлар-бўлмас маслаҳатлар бериб бошингизни қотириши мумкин. Кечқурун қўлингизга пул тушиши тайин бўлиб турибди. Қарзларингизни узиб енгил тортишингиз турган гап.
ПАРИЗОД (24. 08 — 23. 09)
Эрталабдан олис сафарга отланишингизга эҳтиёж сезасиз. Лекин борманг, бугун жароҳат олишингиз хавфи юқори. Кун мобайнида бир инсон билан танишишингиз кутилади. У бир умрлик ҳақиқий дўстга айланиши ҳам эҳтимолдан олис эмас. Оилали бўлсангиз, уйда тажанглик каби зарарли одатларни бир четга суриб қўйинг. Жуфтингиз билан жанжаллар юзага келишида шу одатингиз муҳим рол ўйнамоқда. Куннинг иккинчи ярмида олисдаги дўстингиз қўнғироқ қилиши мумкин. Агар ёши улуғ, касалманд қариндошлар бўлса, улар ҳолидан ҳам хабар олиб қўйсангиз, савобнинг тагида қоласиз.
ҚЎЙ (21. 03 — 20. 04)
Қандай ишга қўл урманг, бугун эрталабдан руҳан кучли бўлишингиз керак. Бусиз омадга эриша олмайсиз. Иш жойингизда сизга қўшимча ишларни ишониб топширишлари мумкин. Демак, кечқурун қўшимча даромад олишингизга кафолат бор. Оиласизлар бугун куннинг биринчи ярмида бўлғуси жуфтини учратишлари мумкин ва дарров бирга яшаш ҳақида қайғура бошлайсиз. Агар у инсон сизга ҳақиқатан ёқиб тушган бўлса, аввало ота-оналарнинг рухсатини олиш лозим бўлади.
БУЗОҚ (21. 04 — 21. 05)
7 сентябр сиз учун жуда қизиқарли кечиши кутилади. Янги танишувлар сизга руҳан мадад беради, кайфиятингизни кўтаради. Балки шу танишганларингиз келажакда юқори лавозимга эришишингизда асқотиб қолар. Молиявий масалага келсак, муваффақиятсизликларга учрашингиз, кундузи катта кўчада ё бозорда пул ўғирлатишингиз эҳтимоли бор. Шунинг учун одам кўп тўпланадиган жойлардан ўзингизни олиб қочганингиз маъқул. Саломатлигингизни жуда эҳтиёт қилинг.
ЭГИЗАКЛАР (22. 05 — 21. 06)
7 сентябр куни тадбиркорларга шубҳали туюлган ҳужжатларга имзо чекмаслик тавсия этилади. Баъзилар ўзидаги ноёб қобилият, истеъдод туфайли кун давомида ўта сердаромад иш топишлари ҳам эҳтимолдан холи эмас. Қизлар, аёллар куннинг иккинчи ярмида гўзаллик салонига бориб келишлари мумкин. Кечқурун тоза ҳавода сайр қилинг. Кўча овқатини иложи борича истеъмол қилманг.
ҚИСҚИЧБАҚА (22. 06 — 23. 07)
Энг яқин инсонлар, дўстлар, қариндошлардан руҳан узоқлашманг. Доимо улар кўз ўнгингизда, хаёлингизда бўлсин. Шунда руҳиятингиз мустаҳкам бўлади ва бу нарса муаммоларга қарши курашда жуда асқотади. Кечки пайт қачонлардир ўзингиз кўнгил қўйган инсон билан тасодифан учрашиб қолишингиз мумкин. Эҳтирос, туйғулар ва эмоцияни жиловлаган ҳолда юзаки суҳбатлашиб қўя қолишингиз тавсия этилади. Акс ҳолда оилавий ҳаётингиз издан чиқиб кетиши турган гап.
АРСЛОН (24. 07 — 23. 08)
7 сентябр куни руҳий ва жисмоний мутаносибликка эришган ҳолда ҳаракатлар содир этинг. Кучингиз кўп бўлса-ю, руҳиятингиз тушкун бўлса, ишларингиз унмайди. Жуда бўлмаса, йога ва медитация билан шуғулланиб кўринг. Кайфиятингизда ўзгарувчанлик кўзга ташланиши мумкин. Бунга йўл қўйманг, саломатлигингизга путур етиши мумкин. Кечқурун сизни хизмат сафарига жўнатишлари кутилади. Бош тортманг, йўқса, раҳбарлар ишдан ҳайдаб солишгача бориши ҳеч гап эмас.
ПАРИЗОД (24. 08 — 23. 09)
Тижоратчи ёки тадбиркор бўлсангиз, аввал бошидан сиз билан бирга аравани тортишган одамга янада қаттиқроқ ишона бошланг. У росманасига сизни қўллашга, сизга кўмак беришга тайёр туради. Хиёнат, алдов ҳақида ўйлашни ҳам истамайди. Шахсий ҳаётда бегоналар билан юзага келадиган қисқа муддатли ишқий саргузаштлардан воз кечинг. Бу яхшиликка олиб бормайди. Ундан кўра, жуфтингизга яхшилаб разм солинг. У сизни еру кўкка ишонмайди. Керак бўлса сиз учун жонини фидо қилади.
ҚЎЙ (21. 03 — 20. 04)
6 сентябрь куни иш жойингизда вазият ҳаддан ташқари чигаллашиб бораётганини пайқай бошлайсиз. Лекин бунинг сабабини суриштириб овора бўлманг. Шахсий ҳаётингиз ва молиявий муаммоларни ижобий ҳал этиш жуда оғир кечиши мумкин. Куннинг иккинчи ярмида хизмат сафари билан қўшни шаҳарга боришингиз кутилади. Бугун спорт билан шуғулланиш, билим олиш муваффақиятли кечади. Соғлиғингизни эҳтиёт қилинг.
БУЗОҚ (21. 04 — 21. 05)
Бугун ўтган кунларда бажарилмай қолиб кетган ишларни якунлашга киришинг. Шахсий ҳаётингизда эса сокинлик ва аҳиллик ҳукм сура бошлайди. Муҳаббатда ўта талабчанлик сизга зиён келтиради. Соғлиғингизга бугун жиддий муносабатда бўлинг. Тижоратчилар ҳам сергак бўлишлари талаб этилади. Кечга яқин рақобатчиларнинг пайтавасига қурт тушиши мумкин. Кечқурун оилавий ҳаётингизга тааллуқли ёқимли хабар эшитишингиз эҳтимоли бор.
ЭГИЗАКЛАР (22. 05 — 21. 06)
6 сентябрь тадбиркорлар яқин ҳамкорларга нисбатан муносабатни янада илиқлаштиришлари шарт. Акс ҳолда ҳамкорликка путур етиши турган гап. Шубҳасиз, худди шу нарса молиявий йўқотишларга замин яратади. Оилангизда яқинлар билан асло жанжаллаша кўрманг. Ўзингиз охир-оқибат айбдор бўлиб қоласиз. Кечқурун тоза ҳавода сайр қилинг. Магнит бўронлари кўпаймоқда, айрон ичинг. Айрон танага ўрнашиб олган радиация нурларини ҳайдаб солишда жуда муҳим ичимлик ҳисобланади.
ҚИСҚИЧБАҚА (22. 06 — 23. 07)
Аллакимлар эрталабданоқ ички сирларингизни билишга, қандай йўл билан бўлмасин, сирингизни очишга ҳаракат қилади. Бунга йўл қўймаслик учун сиз гўё разведкачи ролини ижро эта бошлашингиз лозим. Иш жойингизда эса аксинча барча яширин истеъдодингизни ҳамкасбларга қўрқмасдан ошкор этаверинг. Ҳурматингиз, обрўйингиз, мавқеингиз ортади. Кун давомида аллергия ва ошқозон оғриши безовта қилиб ўтиши мумкин. Олдини олиб керакли дориларни ичиб олинг.
АРСЛОН (24. 07 — 23. 08)
6 сентябрь куни кўпроқ вақтингизни дам олишга, келажак ҳақида режалар тузишга ажратинг. Анчадан бери қийнаб келаётган муаммолар бўлса, дўстлар кўмагидан фойдаланинг. Иложи борича сизга руҳан завқ бера олувчи ишлар билан банд бўлинг. Севимли хоббингизга қайтсангиз ҳам фойдадан холи бўлмайди. Кечқурун оила аъзоларингиз билан рўзғор масаласида баҳслашиб қолишингиз кутилмоқда.
ПАРИЗОД (24. 08 — 23. 09)
Бугун кунингиз муваффақиятларга эришишдан бошланади. Молиявий аҳволингиз тушгача бормай яхшиланади. Сира кутилмаганда кимдир сизга сердаромад иш таклиф этади. Бу таклифни ҳам қабул қилсангиз бўлади. Шахсий ҳаётда жуфтингиз билан баҳслашишингиз туфайли депрессия ҳолатига тушишингиз эҳтимоли бор. Асабийликлар тинкангизни қуритиб қўйиши турган гап. Асабни асранг.
ТАРОЗИ (24. 09 — 23. 10)
Иш юзасидан куннинг биринчи ярмида янги танишувларни бошдан кечирасиз. Тадбиркор бўлсангиз, бу танишувлар сизга жуда асқотиши мумкин. Катта ишга катта пул тикишдан олдин тажрибаси сизникидан кўпроқ инсонларга маслаҳат солинг, шунда инқирозга юз тутмайсиз. Кечқурун кутилмаганда ғойибдан қўлингизга катта пул келиб тушиши мумкин. Ухлашга ётишдан олдин оғир ҳазм бўлувчи овқатларни еманг.
ЧАЁН (24. 10 — 22. 11)
18 сентябр ҳуқуқшунос орқали ҳал бўладиган муаммолар юзага келиши кутилади. Кун давомида ҳис-туйғулар тафаккурингиздан устун келишга ҳаракат қилиши мумкин, эҳтиёт бўлинг. Ижодкорлар бугун ҳар қандай одамнинг юрагини сел қила олувчи бир асар ёзишни бошлашади. Билинг, бугун ёзила бошланган асарнинг келажаги порлоқ бўлади. Соғлиқни эса эринмасдан тез-тез назорат қила боринг. Ғийбатчилар, ҳасадгўйлар, ичи қоралар билан мулоқот қилманг.
ЎҚОТАР (23. 11 — 21. 12)
Муҳаббатда бугун омадингиз чопади. Айниқса, оиласиз бўлсангиз, кунингиз туғди деяверинг. Танлаш имкониятларингиз шу қадар кўпаядики, бошингиз айланиб ҳайрон бўлганча ўтириб қоласиз. Ана шундай лаҳзаларда қалбингиздан маслаҳат сўранг. У сизга муносибини танлаб бера олади. Ишхонангизда кимдир сизни синдирмоқчи, йўлдан чиқармоқчи бўлганидан хабар топасиз. Эътибор қилманг, охирини кутинг. Бировга қасддан қазилган чуқур ҳеч қачон бировга насиб этмайди, балки ўша чуқурни қазиганнинг ўзига буюради.
ТОҒ ЭЧКИСИ (22. 12 — 20. 01)
18 сентябр эрталаб негадир кайфиятингизда тушкунлик, ўзингизни тутишингизда жаҳлдорлик аломатлари сезила бошлаши мумкин. Ҳатто яқинларингизни ҳам кўришни истамай борасиз. Эсда тутинг, бугунингиз жанжал ёки хафагарчиликлар эмас, тинч ва аҳил ҳаёт учун хизмат қилиши лозим. Кун давомида янги дўстлар орттиришингиз кутилади. Худди ўшалар молиявий муаммони ҳал этишда кўмаклашиб юбориши мумкин. Кечқурун қилинган муҳаббат изҳорлари, романтик учрашувларнинг умри боқий бўлади.
ҚОВҒА (21. 01 — 19. 02)
Оилада қандай воқеа содир бўлмасин, қандай вазият юзага келмасин, эътибор билан ёндашинг. Ишда ҳам топшириқлар кўпайгандан кўпаяди. Аммо биринчи ўринда оилавий юмушларни бажариб қўйишингиз керак. Лекин юмушларни бажаришда ёлғиз эмас, тажрибали инсонлар билан биргаликда ҳаракатлар содир этинг. Жуфтингиз билан ўзаро муносабатларда бугун ҳис-туйғулар сизга душман чиқиши мумкин холос. Шунинг учун тафаккурни ишга солмасангиз бўлмайди. Ўзингизни эҳтиёт қилинг.
БАЛИҚ (20. 02 — 20. 03)
18 сентябр куни суюкли инсонингизга нисбатан сабрли ва мулойим муносабатда бўлинг. Башарти орангизда жиддий муаммолар пайдо бўлганини сезсангиз, асосий ишни ташлаб қўйиб бўлса ҳам муаммони ижобий ҳал этинг. Пул масаласида хотирингиз жам бўлсин. Кечқурунга бориб унинг ўзи сизни қидириб келади. Таваккалчиликка асло ўрин берманг. Кечқурун тоза ҳавода сайр қилинг, қўшимча куч йиғиб оласиз.
ТАРОЗИ (24. 09 — 23. 10)
17 сентябрда қандай ишга қўл урманг, албатта муваффақиятга эришасиз ва бу ишларни жуда осонлик билан адо этасиз. Фақат реаллик сари интилинг, иллюзиянинг ортидан қувманг. Дам олиш куни бўлгани боис уйдаги муаммоларни ҳам тўлиқ бартараф этишга улгурасиз. Агар севимли инсонингизни ёрдамга чақирсангиз, яна яхши. Кечқурун сизни меҳмонга таклиф этишлари кутилади. Спиртли ичимликлар истеъмол қилишдан сақланинг.
ЧАЁН (24. 10 — 22. 11)
Гарчи уйингизда ишлар қалашиб ётган бўлса-да, ёлғиз қолишга ҳаракат қилинг. Дам олиш ҳам керак-да ҳаётда. Учрашувлар ва сафарни бугунга режалаштирган бўлсангиз, бу режаларингиз кутилмаганда ўзгариб кетиши ҳам мумкин. Ҳар бир қадамингизни ўйлаб босинг. Энг муҳим вазиятларда ортга чекинманг. Кечқурунги кўнгилочар машғулотларни ҳам бошқа кунга қолдиринг. Оғир ҳазм бўлувчи таомлар еманг. Ошқозонингизда жиддий муаммо туғилиши мумкин.
ЎҚОТАР (23. 11 — 21. 12)
17 сентябр куни ишларингиз шу даражада кўп бўладики, бемалол ўтириб овқатланишга ҳам вақтингиз бўлмаслиги мумкин. Кун давомида ўзингиз анчадан бери интиқ кутаётган инсон қўнғироқ қилиш эҳтимоли бор. Учрашув аъло даражада ўтади. Зинҳор эмоцияга эрк берманг, ҳаётга реал қарашга интилинг. Кечқурун хонадонингизга меҳмонлар ташриф буюриши мумкин. Ётишдан олдин қатиқ ичиб ётинг, тушларингиз ширин кечади. Соғлиғингизга ҳам алоҳида эътибор билан ёндашинг.
ТОҒ ЭЧКИСИ (22. 12 — 20. 01)
Миянгизда анчадан бери айланаётган янги лойиҳаларни янада пишитинг. Сира шошилманг. Муҳаббатда оила қурмаганларни жиддий кўнгилсизликлар кутади. Бунинг олдини олса ҳам бўлади. Телефонингизни ўчиринг-у, табиат қўйнида дам олиш учун жўнанг. Иллюзияга эрк берманг. Ана ўшанда танлаганингиз билан орангизда муаммо туғилмайди. Кечқурун покланиш билан боғлиқ машғулотларни адо этсангиз нур устига аъло нур бўларди.
ҚОВҒА (21. 01 — 19. 02)
17 сентябр куни катта ишлар, йирик лойиҳалар устида бош қотиришни бас қилинг. Ундан кўра чала қолган ишларингизни охирига етказиш пайида бўлинг. Ана шулар сизга даромад келтириши мумкин. Оилавий ҳаётингизда куннинг иккинчи ярмида ёқимли лаҳзалар юзага келиши мумкин. Қондошлар билан мулоқотда жаҳл отига минманг. Акс ҳолда бу мулоқот катта жанжал билан якун топиши ҳеч гап эмас. Саломатлигингизни асранг, зарарли одатлардан воз кечинг.
БАЛИҚ (20. 02 — 20. 03)
Юлдузлар сизга эрталабданоқ уй юмушларига астойдил киришишни, тушдан кейин уй таъмирига киришишни маслаҳат беришади. Пул масаласи фақат сизнинг фойдангизга ҳал бўлади. Демак, бемалол харидларни амалга ошираверсангиз бўлади. Кечки пайт эски қадрдонлар, дўстлар билан учрашиб суҳбат қуришингиз кутилади. Атрофдагилар билан мулоқотда тилингизга эҳтиёт бўлинг.
ТАРОЗИ (24. 09 — 23. 10)
Бугун қўшимча даромадли ишлар топилиши эвазига молиявий аҳволингизни куннинг биринчи ярмидаёқ яхшилаб олишингиз ҳақиқатга яқин бўлиб турибди. Тушдан кейин яқин дўстларингиздан бири билан учрашиб, ёқимли суҳбатлар қуришингиз кутилади. Муҳаббатда оила қурмаганлар ва қуриш арафасида турганлар муаммога дуч келишмайди. Кечқурун тоза ҳавода сайр қилинг. Спиртли ичимликлар истеъмол қилманг.
ЧАЁН (24. 10 — 22. 11)
16 сентябр куннинг биринчи қисмида жуда ёқимли лаҳзаларга ва ҳодисаларга гувоҳ бўласиз. Улар сизга қўшимча кайфият бериб, ўзингизни қушдек енгил ҳис эта бошлайсиз. Алдов, кўзбўямачиликка асосланган тадбирларда иштирок этишга тўғри келса, нима қилсангиз қилинг, аммо иштирок этманг. Муҳаббатда баъзи дўстларимиз ёлғон туфайли азият чекиши кутилмоқда. Асабни асранг. Асаб танангизни тик тутишда, олға қадам босишда муҳим рол ўйнайди.
ЎҚОТАР (23. 11 — 21. 12)
Зинҳор олис сафарга отлана кўрманг. Жароҳат олишингиз хавфи бор. Ҳали бошингизга тушмаган кўнгилсиз ҳодиса ҳақида ўйлаб асабийлашманг. Шахсий ҳаётингизда туб бурилишлар кутилади. Тайёр туринг. Бугундан эътиборан барча зарарли одатлардан юз ўгириб, соғлом турмуш тарзига ўтишингиз фақат фойда келтиради. Саломатлигингиз ҳам аста-секинлик билан бўлса-да, янада яхшилана боради. Кечқурун кўнглингизга яқин ва ёқимли хабар эшитишингиз эҳтимоли бор. Ўзингизни эҳтиёт қилинг.
ТОҒ ЭЧКИСИ (22. 12 — 20. 01)
16 сентябр куни лавозимини ва мавқеини, жамиятда обрўсини ошириш истагида бўлганлар, жиддий тусга киришлари керак. Ҳазил-мутойиба билан мақсадга эришиб бўлмайди. Оила қурмаган қиз-жувонлардан бирини ўзи ёқтирган одам кутилмаганда учрашувга таклиф этиши мумкин. Дунёга оддий кўзлар билан боқинг, атрофдаги ҳар бир катта-кичик ҳодисани мураккаблаштираверманг. Кечқурун организмни жисмоний зўриқишдан сақланг, енгил ҳазм бўлувчи таомлар билан чекланинг.
ҚОВҒА (21. 01 — 19. 02)
Бирон бир қарорга келмоқчи бўлсангиз, атрофдагиларнинг маслаҳатига умуман амал қилманг. Фақат ўз ақлингизга таяниб иш кўринг. Шахсий ҳаётда принципиалликдан қочинг. Олисга сафар ва табиат қўйнида дам олиб қайтиш масаласини бошқа кунга қолдиринг. Кечқурун оилангиз даврасида вақт ўтказинг. Бугун тунда кўрадиган тушингиз ўнгидан келиши мумкин.
БАЛИҚ (20. 02 — 20. 03)
16 сентябр куни балиқ буржи вакиллари нафақат атрофдагиларни, балки ўзини ҳам ранжитиб қўйишдан мосуво эмас. Бунга кайфиятингизнинг терслиги сабаб бўлиши мумкин. Янги танишувлар, айниқса, романтик характерга эга танишувлардан қочинг. Тижоратчи бўлсангиз, даромаддан сира хавотир олманг. Унинг ўзи кечки пайт сизни қидириб топади.
ТАРОЗИ (24. 09 — 23. 10)
15 сентябрда дўстлар билан мулоқот қилиш, дам олиш, яқин инсонларга совғалар харид қилиш учун вақт топинг. Кераксиз буюмлар ёки ишлар кетидан чопманг, беҳуда вақт йўқотганингиз қолади. Молиявий муаммоларни ҳал этишда бадавлат танишлар ёрдамига таянинг. Бугун ижодкорлар ҳамда тадбиркор, тижоратчиларнинг куни туғади. Даромад деганнинг ўзи сиз томонга оқиб келади. Ғийбатчи ва ҳасадгўйлар қуршовидан қочинг.
ЧАЁН (24. 10 — 22. 11)
Бугун биринчи навбатда молиявий муаммоларни ҳал этишингиз зарур. Акс ҳолда улар сони кўпайиб бораверади. Агар бадавлат танишлар ва дўстларингиз бўлса, шошилмасдан уларга қўнғироқ қилинг, муаммони шу йўл билан бартараф этишингиз осон кўчади. Кечки сайр сизга бир олам ёқимли лаҳзаларни ҳадя этиши мумкин. Баъзи дўстларимиз кечқурун собиқ муҳаббатини учратишлари эҳтимолдан холи эмас. Овқатланишда, юриш-туришда меъёрни билинг.
ЎҚОТАР (23. 11 — 21. 12)
15 сентябр куни туйғуларга эмас, тафаккурга қулоқ тутган ҳолда иш кўринг. Бу ҳам шахсий ҳаётингиз, ҳам профессионал ишингизга тааллуқли. Ҳамкасбларингиз орасида сизнинг ёрдамингизга муҳтожлари кўзга ташланади. Улардан ёрдамингизни аяманг. Буни қайтар дунё деб қўйибди. Яхшилик албатта қайтади. Қариндошлар билан муносабатларда дипломатларча йўл тутинг. Йўқса, жанжал келиб чиқиши мумкин. Кўча овқатини зинҳор истеъмол қилманг, овқатдан заҳарланишингиз эҳтимоли бор.
ТОҒ ЭЧКИСИ (22. 12 — 20. 01)
Тоғ эчкиси буржи остида туғилганлар 15 сентябр куни дўппини осмонга отаверсалар бўлади. Даромад, мукофот, муҳаббатнинг ҳаммаси фақат сизники бўлай деб турибди. Асосийси, эрта уйғонинг ва эрталабданоқ фаолликни қўлдан чиқарманг. Тадбиркор бўлсангиз, муҳим ҳужжатларга имзо чекишда ва келишувларда сергак бўлинг. Кечқурун кечки овқатни оилавий тарзда кафеларнинг бирида тановул қилишингиз кутилади. Ўзингизни ва яқинларингизни эҳтиёт қилинг.
ҚОВҒА (21. 01 — 19. 02)
15 сентябр куни эрта тонгда тушкун кайфиятда уйқудан уйғонишингиз хавфи бор. Ишга, ижодга, мулоқотга ҳушингиз бўлмаслиги мумкин. Шахсий ҳаётга оид қарорлар чиқаришда эҳтиёт бўлинг. Агар қайсидир яқинингиздан кўнглингиз тўлмаётган бўлса, буни юзига айтинг. Тадбиркорлар хориж фирмалари билан айнан бугун шартномалар имзолашса, тез орада бунинг мўмайгина даромадини ҳам кўриш бахтига муяссар бўлишади.
БАЛИҚ (20. 02 — 20. 03)
Бугун уйингиздан узоқларга кетиб қолишдан сақланинг. Кутилмаганда қадрдонларингиз меҳмон бўлиб келишлари мумкин. Кун давомида тадбиркорлар қимматбаҳо қоғозлар, янги лойиҳалар ва ҳамкорлар масаласида жиддий тўсиқларга рўбарў бўлишларига тўғри келади. Оилада арзимаган гап-сўздан жанжал чиқишига йўл қўйманг. Саломатлигингизни кун бўйи назоратда ушланг.
ҚЎЙ (21. 03 — 20. 04)
Бугун фақат кузатувчи вазифасини бажаринг. Бирор воқеа-ҳодисага ўзгартиш киритишга уринманг, барибир муваффақиятсизликка учрайсиз. Бугун яқин манзилга сафар, иш юзасидан учрашувлар ва меҳмонга бориш хайрли кечади. Агар шахсий ҳаётингизда содир бўладиган ҳодиса сизнинг фойдангизга бўлмаса-да, барибир ҳис-туйғуларни жиловлашга ҳаракат қилинг. Саломатликни асранг, асаблар қақшашига йўл қўйманг. Кечқурун албатта тоза ҳавода сайр қилинг.
БУЗОҚ (21. 04 — 21. 05)
14 сентябрь куни тижорат билан шуғулланувчилар дўстлардан кўмак сўрашлари зарур бўлади. Тижоратда янгилик ясашни хоҳлаганлар шундай йўл тутишга мажбурдирлар. Тадбиркорлар учун музокаралар, янги шартномаларни имзолаш амаллари омадли кечиши кутилмоқда. Муҳаббатда икки қуён ортидан қувлашга уринманг, икковидан ҳам қуруқ қоласиз. Шамоллаш хавфи сезиляпти. Олдиндан тадбирини кўриб қўйинг.
ЭГИЗАКЛАР (22. 05 — 21. 06)
14 сентябрьда қанақа иш бажаришингиздан қатъий назар мустақил бўлинг. Ўзгалар маслаҳати, ёрдамига таянманг. Оиласизлардан айримлар бугун суйганининг қўлини сўраши мумкин. Бу амал муваффақиятли кечади, ишонаверинг. Куннинг иккинчи ярмида янги танишувларни бошдан кечиришингиз кутилади. Кечқурун тижоратчиларнинг савдоси қизийди.
ҚИСҚИЧБАҚА (22. 06 — 23. 07)
Шахсий ҳаётда яқин инсонингизни танқид қилишдан тийилсангиз, орангиздаги муносабатга совуққонлик аралашмасди. Молиявий масалада фақат яхши хаёлларни тан олинг, ёмонини ҳайдаб солинг. Чунки яхши, ширин хаёл ҳам қайсидир маънода пул чақиради дейишади. Тижоратчи бўлсангиз, кечқурун бўлғуси янги ҳамкор билан танишишингиз мумкин.
АРСЛОН (24. 07 — 23. 08)
14 сентябрь куни биринчи навбатда кимдандир қачонлардир олган катта миқдордаги қарзингизни қайтаришингизга тўғри келади. Рўзғор учун йирик харидлар қилишингиз кутилади. Буларнинг барчасига маблағингиз етиб-ортади. Имкон топсангиз, кунни табиат қўйнида ўтказинг. Оиласизларнинг баъзиларини кечқурун романтик учрашувга таклиф этишади.
ПАРИЗОД (24. 08 — 23. 09)
Шахсий ҳаётингизда куннинг биринчи ярмида кичик кўнгилсизликлар юзага келиш эҳтимоли бор. Ишингизга чин кўнгилдан ёндошсангиз, азалий режаларингиз амалга ошади. Молиявий масалада алданиб қолишдан сақланинг. Башарти фирибгарга дуч келсангиз, дарҳол ўзингизни четга тортинг. Пул билан таваккалчиликка йўл қўйманг, йўқотишдан бошқасига эришмайсиз.
ҚЎЙ (21. 03 — 20. 04)
13 сентябрда бажарилмай қолиб кетган юмушлардан воз кечиб, янги вазифаларни зиммангизга олишингиз керак бўлади. Ишхонангизда қисқартиришлар ёки ходимларни саралаш ҳаракатлари содир этилиши мумкин. Сергак туринг. Шахсий ҳаётда зинҳор «светофор»нинг қизил чироғидан ўтманг, азалий қоидаларга амал қилинг. Кечқурун овқатланиш қоидаларига риоя қилинг. Спортзалда спортнинг энгил турлари билан шуғулланиш ҳам зиён қилмайди.
БУЗОҚ (21. 04 — 21. 05)
Тадбиркорлар бугун қалбига қулоқ тутган ҳолдагина муҳим ҳужжатларни имзолашга киришишлари мумкин. Бир жойда узоқ муддат ўтириб қолишдан сақланинг. Оилавий ҳаётингизда жуфтингизни бўлар-бўлмасга рашк қилаверишни бас қилмасангиз, катта жанжал келиб чиқиши мумкин. Кечқурун ёши улуғ қавмлар ҳолидан хабар олинг. Ухлашга ётишдан олдин сут маҳсулотлари истеъмол қилинг. Башарти дўстларингиз зиёфатга таклиф этишса, борманг, саломатлигингизга зиён этиши мумкин.
ЭГИЗАКЛАР (22. 05 — 21. 06)
13 сентябр куни астойдил бўлсангиз, ақл билан иш тутсангиз, ҳар қандай вазиятни ҳам ҳукмингизга бўйсундира оласиз. Фақат шошма-шошарликка йўл қўйманг, ўзингизга қаттиқ ишонган ҳолда ғалаба сари интилинг. Бугун молиявий муаммоларни ижобий ҳал этишга уринишлар, қўшимча даромад келтирувчи иш қидириш амаллари хайрли кечади. Кечқурун уйингизга олисдан меҳмонлар ташриф буюриши кутилади.
ҚИСҚИЧБАҚА (22. 06 — 23. 07)
Бугун катта ишларга қўл уриб овора бўлманг, майда-чуйда юмушларни адо этиш билан чекланинг. Уйдаги муаммолар ҳам сизни ҳолдан тойдириши мумкин. Оила қурмаганларнинг аксарияти бугун романтик учрашувга чиқишлари кутилади. Куннинг иккинчи ярмида серқатнов йўлларда эҳтиёткорликни оширинг. Кечқурун ўтган яқинларингиз ҳақига дуо қилиш ёдингиздан кўтарилмасин. Ғийбат усталари билан рўбарў бўлишдан эҳтиёт бўлинг.
АРСЛОН (24. 07 — 23. 08)
13 сентябр куни атрофдагиларнинг диққат марказида бўлишингиз кутилмоқда. Мақтовлар, олқишлардан маст бўласиз. Қанчалар ёқимли-а бундай лаҳзалар?!. Шахсий ҳаётингиз ҳам бугун хотиржамликда ўтади. Фақат рўзғорда майда-чуйда кемтиклар, ишлар қалашиб ётганидан хабар топасиз-у, кечга қадар уларни бартараф этиш билан банд бўласиз. Молиявий аҳволингиз куннинг иккинчи ярмида яхшиланиши тайин. Фақат харажатларга ҳаддан ташқари эрк берманг.
ПАРИЗОД (24. 08 — 23. 09)
Бугун асосан рўзғордаги камчилик ва муаммоларни бартараф этиш билан шуғулланишингизга тўғри келади. Аммо бу юмушларни ёлғиз ўзингиз уддалай олмайсиз. Яқинларингиздан кимнидир ёрдамга чақиришингизга тўғри келади. Бугун қарзларни узиш жуда хайрли кечади. Эски муаммо ва ташвишлар ҳам қайтиш эҳтимоли бор. Бироқ сиз уларни ҳам жойида ҳал этиб ташлай оласиз. Сурункали хасталикка йўлиққанлар кун давомида саломатлигини назоратда ушласинлар.
ҚЎЙ (21. 03 — 20. 04)
12 сентябр сиз учун нафақат омадли, балки энг сердаромадли кунлардан бирига айланади. Агар ҳар бир ишни жамоавий тарзда амалга оширсангиз, албатта омаднинг барчасини ўзлаштиришга эришасиз. Ишхонангиздаги ҳамкасблар билан жанжаллашиб қолмаслик учун тилингизга эрк бермаслигингиз тавсия этилади. Саломатлигингизни эҳтиёт қилинг. Овқатланишдан тортиб кўчада юришгача меъёрларга амал қилинг. Кечқурун тоза ҳавода сайр қилишни унутманг.
БУЗОҚ (21. 04 — 21. 05)
Атрофдагилар билан мулоқотда эҳтиёткорликни қўлдан берманг. Айниқса, суҳбатдошингизнинг ёши сиздан улуғ бўлса, ҳурмат бажо айлашни унутманг. Шахсий ҳаётингизда хотиржамлик ва аҳиллик ҳукм суради. Бугуннинг энг кўнгилсиз лаҳзаси бу пул масаласидаги мушкулотлар ва камоматлар ҳисобланади. Лекин худонинг куни кўп. Бугун бўлмаса эртага албатта пул бўлади. Асабийлашмасдан, тақдир ҳукмига бўйсунган ҳолда ҳаракатлар содир этсангиз бас.
ЭГИЗАКЛАР (22. 05 — 21. 06)
12 сентябр куни йирикми, майдами, харажатларнинг юзига қарамасдан пул сарфлайверинг. Бунинг учун сизда заҳира пуллар етиб ортади. Қолаверса, бугун кун давомида молиявий ютуққа эришишингиз кутилади. Куннинг иккинчи ярмида сизни хизмат сафари кутади. Тадбиркорлар муҳим ҳужжатларни имзолашлари ҳам эҳтимолдан узоқ эмас. Кечқурун ташқи кўринишингизга эътибор қаратиб қўйсангиз, нур устига аъло нур бўларди.
ҚИСҚИЧБАҚА (22. 06 — 23. 07)
Бугун нафақат ўзингиз, атрофдагиларнинг ҳам асабларини асраган ҳолда иш кўринг. Эрталабдан кайфиятингизда салбий ўзгаришлар пайдо бўлиши сизни агрессив ҳолатга тушириб қўйган бўлиши мумкин. Аммо бунда бошқаларнинг айби йўқ. Жуда бўлмаса, уйдан кўчага чиқмай, то ўзингизни босиб олгунча дам олинг. Оила қурмаган бўлсангиз, кечқурун сизни романтик учрашувга таклиф этишлари кутилади. Ўзингизни эҳтиёт қилинг.
АРСЛОН (24. 07 — 23. 08)
Иш билан боғлиқ ҳар бир деталга алоҳида эътибор қаратинг. Хатога йўл қўймасликка ҳаракат қилинг. Бугунги молиявий аҳволингиз ҳам ишхонангиздаги фаоллигингиз, эҳтиёткорлигингиз билан боғлиқ бўлиб турибди. Шахсий ҳаётда оиласизларга кутилмаганда янги рақиб маънавий зарбалар бера бошлайди. Ирода кучини ишга солсангиз, рақибни бир ҳамла билан енга оласиз. Бироқ муштларни зинҳор ишга сола кўрманг. Бўлғуси жуфтингизнинг кўнгли чўкади.
ПАРИЗОД (24. 08 — 23. 09)
12 сентябрда паризод буржида таваллуд топганлар ҳар гапга ишониб кетавермасликлари керак. Олдин бу гапни мантиқан таҳлил қилинг, назоратдан ўтказинг. Ана ундан кейин қарор чиқаринг. Ишда тадбиркор бўлинг. Шунда омад сиз тарафга ўтади. Раҳбарлар профессионаллигингизга, билимингизга тан беради ва натижада мўмай пул мукофотига эга чиқишингиз турган гап. Кечқурун сурункали хасталикка йўлиққанлар саломатлигини бир бор яна назоратдан ўтказиб олсинлар.
ТАРОЗИ (24. 09 — 23. 10)
11 сентябрда шахсий автомобилингиз ёки бирор техник ускунангизнинг бузилиш эҳтимоли сезилмоқда. Бу муаммони эрталабдаёқ бартараф этиб қўйганингиз маъқул. Уйдан ташқаридаги муҳаббат ва севги изҳорларига умуман ишонманг. Бу сизга ҳар жиҳатдан фақат зиён етказади. Мавқеингиз ортиши ҳам ҳақиқатга яқин бўлиб турибди. Бунинг учун профессионал касбингиз билан боғлиқ ишларни янада қойиллатиб қўйишингиз тавсия этилади. Башарти саломатлигингизга беэътибор бўлсангиз, куннинг иккинчи ярмида жиддий хасталик орттириб олишингиз мумкин.
ЧАЁН (24. 10 — 22. 11)
Бугун нафақат эски қадрдонлар билан суҳбатлар қуринг, балки янги дўстлар орттиришга ҳам уриниб кўринг. Бу ишингиз албатта ўнгидан келади. Айниқса, иш юзасидан янги танишингиз кўпайса, бу сизга фақат наф келтиради. Куннинг иккинчи ярмида анчадан бери жиғингизга тегиб келаётган бир одам билан тўқнашиб қолишингиз кутилади. Ораларингизда жанжал келиб чиқиши мумкин. Лекин жанжал сизнинг фойдангизга якун топади. Ишонинг, ўша кимса энди сизга қайтиб яқинлаша олмайди.
ЎҚОТАР (23. 11 — 21. 12)
11 сентябр куни кўчада, уйда ва ишхонада ҳам одамларнинг энг ёқимтой суҳбатдошига айланишингиз кутилмоқда. Ишларингизни ҳам ўз вақтида уддалай олсангиз, нафақат чўнтагингиз пулга тўлади, балки раҳбарлардан ҳам мақтовлар эшитасиз. Миянгизда иш билан боғлиқ янги ғоялар туғилган бўлса, бировларга гуллаб қўйманг. Ундан кўра фурсат етишини кутинг ва уни раҳбарларга шипшитинг. Куннинг иккинчи ярмида хонадонингизга сиз кутган инсонлар меҳмон бўлиб келишади. Лоҳасликни ҳис эта бошласангиз, дарров врачга учрашинг. Бу қуёшдаги портлашлар туфайли ерга ёпирилиб тушган магнит бўронлари асорати бўлиши ҳам мумкин.
ТОҒ ЭЧКИСИ (22. 12 — 20. 01)
Илож қанча, бугун кунингиз ҳақиқий душанбадагидек жуда оғир ўтиши кутилади. Бироқ сабрлисиз. Иродангиз ҳам мустаҳкам. Шундай экан, ишланг, қанчалар оғир бўлмасин, меҳнат қилинг. Худо ишлай олмаслик балосига йўлиқишдан асрасин. Тадбиркор бўлсангиз, шериклар билан ўзаро муносабатларни интернет орқали мустаҳкамлаб борганингиз маъқул. Кечқурун жуфтингизни олиб кўча айлансангиз, бир олам завқ оласиз.
ҚОВҒА (21. 01 — 19. 02)
11 сентябр куни одатдагидек биринчи планда ишингиз туради. Бу уйдагиларингизга ёқмаслиги, улар сиздан хафа бўлишлари мумкин. Оилавий муаммолар қалашиб ётган бўлса керак, уларни тушдан сўнг йўл-йўлакай ижобий ҳал этиш имконига эга бўласиз. Саломатликни сақлашга қаратилган профилактика, гимнастика бугун сизга жуда катта наф бериши мумкин. Сурункали хасталикка йўлиққанлар айнан шу ишларни амалга ошириши керак. Кечқурун оғир ҳазм бўлувчи таомлар еманг.
БАЛИҚ (20. 02 — 20. 03)
Бугун қандай иш бўлишидан қатъи назар енг шимариб астойдил киришаверинг. Сиз уддалай олмайдиган ишнинг ўзи йўқ. Атрофдагилар билан мулоқотда қарама-қарши фикрлар айтиб қўйишдан сақланинг. Бекорга ҳурматингиз йўқолгани қолади. Муҳаббатда фақат қалбингиз амрига қулоқ тутган ҳолда иш кўринг. Оиладаги мажбуриятларингизни сидқидилдан адо этсангиз, муаммо чиқмайди, хотиржам бўласиз.
ТАРОЗИ (24. 09 — 23. 10)
10 сентябрда бемалол, сира иккиланмасдан дам олишингиз, кўнгил ёзишингиз ва дўстлар билан узоқ суҳбатлар қуришингиз мумкин. Негаки, бугун дам олиш куни. Бошқаларга билмаймиз-у, бироқ сиз учун шундай. Молиявий жиҳатдан бугун муаммо йўқ. Оилада ҳам сукунат ҳукмрон. Оила қурмаган бўлсангиз, романтик лаҳзалар шундоқ қаршингиздан чиқади. Жуда бўлмаса, тоғ ён бағирларида дам олиб қайтиш ҳам ортиқчалик қилмайди. Баъзилар кенг миқёсдаги оммавий тадбирлардан бирида қатнашишни таклиф қилади. Рози бўлинг. Ишонинг, тадбир кайфиятингизни аъло даражада бўлиши учун асосий манбага айланади.
ЧАЁН (24. 10 — 22. 11)
Дўстларингиз сизни табиат қўйнида дам олиб қайтиш учун таклиф этишлари мумкин. Ўйланманг, иккиланманг, бу саломатлик учун ҳам жуда фойдали. Кимлардир севган инсони билан муносабатларга йўл қўйган-у, айни кунда депрессия ҳолатига яқин турган бўлиши мумкин. Бошни баланд кўтаринг, дунёда барчамиз меҳмонмиз. Меҳмондорчиликни шодликда, хотиржамликда кечиришга ҳақлисиз. Қайси машғулот сизни чалғишга ундаса, ўша билан банд бўлинг. Ўзингизни эҳтиёт қилинг.
ЎҚОТАР (23. 11 — 21. 12)
10 сентябр куни ишларингизда сезиларли даражада унум бўлади. Аммо молиявий масалада муаммолар кўндаланг чиқиши тайин. Ҳойнаҳой, яқин ўтмишда билиб-билмай йўл қўйган хатоларингиз сабаб бўлса керак. Бугун ҳуқуқшунослар билан амалга ошириладиган ишлар хайрли кечади. Куннинг иккинчи ярмида шахсий ишлар билан қўшни шаҳарга бориб келишингиз кутилади. Кечқурун албатта тоза ҳавода сайр қилинг. Шубҳали туюлган таомларни истеъмол қилманг.
ТОҒ ЭЧКИСИ (22. 12 — 20. 01)
Куннинг биринчи ярмида ёрқин танишувларни бошдан ўтказасиз. Бу келгусида мустаҳкам дўстликка айланиши аниқ. Мабодо қарама-қарши жинс вакили ё вакиласи билан танишсангиз, дўстлик муҳаббатга айланиши ҳам ҳеч гап эмас. Кечқурун ёлғиз қолишингиз, ёлғизликда дам олишингиз керак. Серқатнов йўлларда эҳтиёт бўлинг. Иложи бўлса, шахсий автомобилингизда кўчага чиқманг.
ҚОВҒА (21. 01 — 19. 02)
Дам олиш куни бўлгани сабаблими, 10 сентябрда уйдаги йиғилиб қолган ишларни амалга оширишингиз керак бўлади. Ўсал ётган, ёши улуғ қариндошлар ҳолидан хабар олиш ҳам бугун ёқимли кечади. Оила қурмаган бўлсангиз, кечқурун сизни романтик учрашув ва тотли суҳбатлар кутади. Ғийбатчилар ортингиздан мағзава ағдараётганидан хабар топишингиз мумкин. Эътиборсиз бўлинг. Аслида ғийбатчи халқи қайғуришга, асабийлашишга арзимайди. Уларни сукут ёрдамида енгиш лозим.
БАЛИҚ (20. 02 — 20. 03)
Юлдузлар биринчи навбатда иллюзиядан воз кечишингизни маслаҳат беришмоқда. Реалистга айланинг, шунда омад сиз томонда бўлади. Қўшними, танишларми, фарқи йўқ, сизни танқид остига ола бошлашса, майин жилмайиш билангина жавоб қайтаринг. Тижоратчилар бугун дам олиш куни кутилганидан ҳам ортиқроқ даромад олишга ҳақлидирлар.
ТАРОЗИ (24. 09 — 23. 10)
Бугун сизга янги иш таклиф этишлари кутилади. Аммо дарров рози бўлиб қўйманг. Яхшиси, бу ишни обдон ўрганиб чиқинг. Ана шундан кейингина бир хулосага келсангиз ярашади. Куннинг иккинчи ярмида шахсий ҳаётингиз билан боғлиқ ажойиб бир воқеа содир бўлади. Бу сизни нафақат хурсанд қилади, балки бир олам қўшимча қувват бағишлайди. Тоғни урсангиз толқон қилиб ташлашга тайёр турасиз.
ЧАЁН (24. 10 — 22. 11)
9 сентябр куни фириб ва алдовлар исканжасида қолишингиз хавфи бор. Булар сизга жиддий кўнгилсизликларни кўндаланг қўйиши мумкин. Оила қурмаган бўлсангиз, айнан бугун бир инсон билан танишасиз. У келгусида тақдирдошингиз бўлишга арзийди. Кечқурун оила даврасида кичик байрам уюштирсангиз ҳам фойдадан холи бўлмайди. Саломатлигингизни жуда эҳтиёт қилинг. Яқинда қуёшда портлаш содир бўлгандан кейин унинг асоратлари саломатликка салбий таъсир кўрсатиши турган гап. Табиат қўйнида дам олиб қайтиш бугун кўнгилсизликларга сабаб бўлади.
ЎҚОТАР (23. 11 — 21. 12)
Эрталабданоқ қўшимча даромадли ишлар йўлингизда кўндаланг туради. Демак, молиявий муаммоларни ўйлаб қайғурмасангиз ҳам бўлади. Ҳамкасблар билан муносабатларингиз аъло даражада кечади. Кечқурун ажойиб бир кутилмаган совға кутади. Яъни, сиз жуда кўп йиллардан бери кўрмаган, ўтмишда жуда қадрдон бўлган инсон билан учрашасиз. Газланган ичимликлар, кўча овқатларидан нарироқ бўлинг. Ёки сифатини эринмасдан текшириб ана ундан кейин истеъмол қилинг.
ТОҒ ЭЧКИСИ (22. 12 — 20. 01)
Бугун зинҳор янги танишувларга йўл берманг. Айниқса, иш юзасидан ким биландир танишсангиз, бу фақат омадсизлик ҳадя этади холос. Кун давомида кимлардир сизни қонунга қарши бориш ва жиноятларга қўл уришга даъват этиши мумкин. Эҳтиёт бўлинг. Атрофдагилар билан муносабатларингизда муаммо кўзга ташланмайди. Соғлиғингиздан ҳам шикоятингиз бўлмайди. Фақат саломатликка путур етказадиган амалларга қўл урмасангиз кифоя.
ҚОВҒА (21. 01 — 19. 02)
9 сентябрда омад қуши фақат сизнинг елкангизда бўлади. Ишларингизда унум сезиларли тарзда ортади. Лекин саломатлик масаласида эҳтиёт бўлишингиз керак. Агар анчадан бери тиббий кўрикдан ўтмаган бўлсангиз, бугун шу ишни амалга оширинг. Оилада яқинларингизнинг фикрлари билан ҳам ҳисоблашинг. Етакчи бўлишга интилманг. Тунда ухлаб кўрадиган тушингиз ўнгидан келиши тайиндек бўлиб турибди.
БАЛИҚ (20. 02 — 20. 03)
Ишда анча жиддий мушкулотларга рўбарў бўлишингиз кутилади. Уларни яқин дўстлар ёрдамидагина бартараф эта оласиз. Кимлар учундир бугун олисга сафар уюштириш, денгиз бўйларида дам олиб қайтиш масаласида имкониятлар кўзга ташланмоқда. Вазиятдан фойдаланиб қолсангиз, зиён бўлмасди. Кечқурун дўстлар билан учрашиб, мулоқот қилишингиз кутилади. Аммо спиртли ичимликларга эрк берманг, соғлиғингизга жиддий путур етиши мумкин.
ТАРОЗИ (24. 09 — 23. 10)
Куннинг биринчи ярмида кечаги қойилмақом қилиб уддалаган ишларингиз учун раҳбарлар сизни мукофотлаши кутилади. Кундузи бадавлат ва бообрў бир инсон билан танишасиз. У сизга қўшимча даромад келтирадиган иш таклиф этиши мумкин. Рози бўлинг, уддалайсиз. Бундан ташқари, кун бўйи сизга пул билан боғлиқ ишми, бошқа нарсами, ишқилиб, қулай имкониятлар юз кўрсатади. Дарров гирибонидан олинг. Улар сизнинг молиявий аҳволингизни яхшилаш учун хизмат қилиши турган гап. Соғлиғингиз кечга бориб бироз ёмонлашиши мумкин. Бу атмосферадаги магнит бўронлари туфайли бўлса керак.
ЧАЁН (24. 10 — 22. 11)
8 сентябрда ёлғиз қолиш, дам олишга сира вақтингиз бўлмайди. Ишлар, ташвишлар, муаммолар шу қадар кўпаядики, охири йўқдек. Асосийси, орада бировларнинг муаммоларини ҳал этишга тушиб кетманг, ўзингиз ҳеч нарсасиз қолиб кетишингиз ҳеч гап эмас. Қўлга киритаётган ютуқларингиз ҳақида яқин дўстингизга ҳам айтиб мақтанманг, омад ўша заҳоти сиздан юз ўгириши мумкин. Кечқурун ўзингизни ёмон ҳис эта бошлашингиз эҳтимоли бор. Дарров чорасини кўринг.
ЎҚОТАР (23. 11 — 21. 12)
Ҳамкасблар билан орангизда баҳс-мунозаралар пайдо бўлиши кутилмоқда. Бу мунозаралар иш ва пул билан боғлиқ бўлиши мумкин. Бугун ҳар қандай масалада қанча кам фикрингиз тўғрилигини исботлашга уринсангиз, шунча яхши. Ундан кўра раҳбарларга қанчалар меҳнаткашлигингизни яна бир карра намойиш этиш пайида бўлинг. Ижобий натижа худди шунинг ўзида бўлади. Кечқурун тоза ҳавода сайр қилинг, шаҳарда яшасангиз, жуфтингиз билан кечки овқатни бирор кафеда қилсангиз ҳам зиён бўлмайди.
ТОҒ ЭЧКИСИ (22. 12 — 20. 01)
8 сентябр куни шахсий ҳаётингизда қисқа муддатли танаффуслар юзага келади. Бу сизнинг фойдангизга. Баҳонада жуфтингиз билан орангиздаги баъзи келишмовчиликлар барҳам топса ажаб эмас. Тижорат билан шуғулланадиганлар учун бугунги кун жуда сердаромад келиши кутилади. Йўл-йўлакай иш юзасидан кимлар биландир жанжаллашиб қолишингиз эҳтимоли ҳам йўқ эмас. Асабларни асранг. Кечқурун спортнинг енгил турлари билан шуғулланинг.
ҚОВҒА (21. 01 — 19. 02)
Бугун ўзингизни ҳар тарафлама фойдали ишлар, машғулотлардан тийманг. Аксинча, агар бу иш ёки машғулотнинг якуни фойдали эканини сезсангиз, астойдил киришинг. Қариндошлар билан жанжаллашиб қолишингизга тўғри келиши мумкин. Жанжал пайдо бўлмаслиги учун уларга нисбатан муносабатларни яхшилашингиз керак. Олис сафарга чиқиш учун 8 сентябр жуда хайрли кечади. Бироқ оиласизлар бугун романтик танишувлардан нари бўлганлари маъқул. Кечқурун шамоллаш белгилари пайдо бўлиши, вужудингизда лоҳаслик аломатларини ҳис этишингиз мумкин.
БАЛИҚ (20. 02 — 20. 03)
Бахтга қарши 8 сентябр эрталаб кайфиятингиз ёмон ҳолатда уйғонасиз. Бунга тунда кўрган ёмон тушлар сабаб бўлиши ҳам мумкин. Хаёлан атрофдагиларнинг ҳаммаси билан муносабатларни узиб, узоқ-узоқларга кетиб қолгингиз келаверади. Афсуски, бу усул билан яхши кайфиятга эришиб қолмайсиз. Яхшиси, ўзгаларга боқинг, улар эришаётган муваффақиятларга ҳавас назари билан қаранг. Севимли хоббингизнинг ёқасидан олинг. Жуда бўлмаса, тоғ ён бағирларига кетиб дам олинг.
ТАРОЗИ (24. 09 — 23. 10)
7 сентябр куни ўзингизни тутишингизда, ички оламингизда консерватизм юз кўрсата бошлаганини ҳис этасиз. Хаёлингизда ҳамма сизни алдаётгандек, сизни ёмон кўрадигандек туюла бошлайди. Бу чарчоқ туфайли бўлиши ҳам мумкин. Бироз вақт топиб дам олсангиз, ўтиб кетади. Интернетдаги ёзишмаларда жуда сергак бўлинг. Кимлардир сизни чув туширишни хаёл қилган бўлиши мумкин. Кечқурун тоза ҳавода сайр қилинг. Велосипедда сайр қилсангиз ҳам зиён кўрмайсиз.
ЧАЁН (24. 10 — 22. 11)
Кун давомида ўзингизга хос камчиликларни бартараф этиш ҳаракатида бўлинг. Табиатан бойликни маънавиятдан устун қўядиган одамсиз. Энди улар ўрнини алмаштириш пайти етди. Атрофдагилар билан мулоқотда асосан тингловчи ролини ижро этинг. Бўлмаса, ким биландир дафъатан баҳслашиб қоласиз-у, ўртада жанжал чиқади. Бу рўзғорингиздан баракани қочиради. Саломатлигингиз кечга бориб бироз ёмонлашуви кузатилади. Лоҳасликдан қийнала бошлайсиз. Бу ҳолатга кофе барҳам бера олади.
ЎҚОТАР (23. 11 — 21. 12)
7 сентябр сиз учун анча ёқимли ва хотиржам кечиши кутилади. Иккиюзламачилар ва фирибгарлардан нарироқ юринг. Севимли машғулотингиз билан қисқа вақт бўлса-да, машғул бўлинг. Бу сизга руҳан етуклик ва кўтаринкиликни ҳадя этади. Молиявий аҳволингиз куннинг иккинчи ярмида ижобий ҳал бўлиши кутилмоқда. Кечқурун иш ёки ўқишдан қайтаётганда, яқин инсонлар учун совғалар харид қилинг. Ухлашга ётишдан олдин енгил ҳазм бўлувчи таомлар истеъмоли билан чекланинг.
ТОҒ ЭЧКИСИ (22. 12 — 20. 01)
Юлдузлар бугун атрофдагиларга эмас, қалбингизга қулоқ тутишни маслаҳат беришмоқда. Раҳбарлар сизга жуда муҳим ишни ишониб топширган бўлса, фақат қалбингизгина тўғри йўл кўрсатади. Шунда бу ишни кечга қадар бемалол уддалаб улгурасиз. Ҳамкасблар орасида ёшлар, тажрибаси кам ходимлар сиздан ёрдам ёки маслаҳат сўраса, рад этманг. Бу ишингиз сабаб бўлиб ҳамкасблар орасида ҳурматингиз бир неча поғона юқорига кўтарилиши мумкин. Саломатликдан бугун шикоят қилмайсиз.
ҚОВҒА (21. 01 — 19. 02)
7 сентябр қовға буржида таваллуд топганлар учун қувноқ, хайрли кун бўлади. Барча муаммолар хамирдан қил суғурган каби осон бартараф этилади, ишда унум ва барака мўл бўлади. Фақат ҳамкасбларга мақтаниб қўйманг, кўз тегади. Ҳамкасбларингиз орасида ҳасадгўй ва ғийбатчилар йўқ эмас. Ўшаларнинг балосига қолиб кетишингиз ҳеч гап эмас. Шахсий ҳаётда рашк балосига йўл берманг, ҳаммаси яхши бўлади. Асабларни эҳтиёт қилинг. Кечқурун газланган сув ё ичимликлар ичишдан сақланинг.
БАЛИҚ (20. 02 — 20. 03)
Муҳаббатда ҳақиқий иллюзия сизга ҳамроҳ бўлади. Ўзингизни худди ўзга сайёраларда парвоз қилаётган каби енгил ҳис эта бошлайсиз. Ишда эса қисқартиришлар бошланиш эҳтимоли бор. Лекин сиздек тажрибали ва меҳнатсевар ходимларга қисқартиришлар тааллуқли бўлмайди. Қон босимингиз кун бўйи кўп бора безовта қилиши мумкин. Аччиқ кўк чой ичиб юришингиз тавсия этилади.
ТАРОЗИ (24. 09 — 23. 10)
6 сентябр куни уйдагиларингиз билан сизнинг орангизда келишмовчиликлар пайдо бўлади. Бу муаммони ёлғиз бартараф этишингиз лозим. Ўзгалар аралашса, жанжал баттар кучайиши ҳеч гап эмас. Куннинг иккинчи ярмида олис сафарга отланишингиз эҳтимоли сезиляпти. Аммо шахсий автомобилингизда сафарга чиқмаслигингиз тавсия этилади. Жароҳат олишингиз хавфи бор. Кечқурун ухлашдан олдин қатиқ ичсангиз, тушларингиз ширин кечади.
ЧАЁН (24. 10 — 22. 11)
Уйда ҳам, ишхонада ҳам атрофдагиларни ҳурматлаган ҳолда, нимаики ишга қўл урмоқчи бўлсангиз, улар билан маслаҳатлашинг. Мавқеингиз ортиши йўлида жиддий тўсиқлар мавжуд. Уларни енгиб ўтиш учун сиз сабрли ва кучли ирода эгаси бўлишингиз керак. Бугун катта бизнесга пул тикиш муваффақиятли кечади. Кечқурун ёлғиз қолиб, руҳан дам олинг. Фойдаси бўлмаса-да, ширин хаёллар уммонида сузинг. Кун давомида ғийбатчи ва кўнгли қоралар билан иложи борича суҳбат қурманг.
ЎҚОТАР (23. 11 — 21. 12)
6 сентябрь ўтган ой ўлжа-жўлда қолиб кетган ишлар яна кўндаланг келади. Улар ҳам шахсий, ҳам молиявий масала билан боғлиқ бўлиши мумкин. Илож қанча, бажаришингизга, муаммоларни эскилигига қарамай, ижобий ҳал этишингиз лозим. Бу ҳам бугун чўнтагингиз пулга тўлишида муҳим рол ўйнайди. Оиласизлар бугун жуда ёқимли лаҳзаларни бошдан кечиришади. Ҳақиқий романтика сизга маънавий озиқ улашиши тайин. Бугунги кун яқин инсонларга ажойиб совғалар харид қилиш ва спортнинг экстремал турлари билан шуғулланишучун жуда қулай кечади.
ТОҒ ЭЧКИСИ (22. 12 — 20. 01)
Бугун лавозимингиз кўтарилиши учун жуда қулай вазиятлар пайдо бўлади. Агар астойдил ҳаракат қилмасангиз, қуруқ қолишингиз тайин. Жуфтингизни рашк қилишдан тийилинг. Унга ишонинг. Ишонишга ҳаракат қилинг. Башарти молиявий масалада муаммолар кўндаланг келса, дарҳол бадавлат танишларга мурожаат этинг. Саломатлигингизни ташқи таъсирлардан ҳимоя қилинг. Нимаики ишга қўл урсангиз, фақат қалб амрига бўйсунинг.
ҚОВҒА (21. 01 — 19. 02)
6 сентябрь куни шахсий ҳаётингиз ва профессионал касбингиз билан боғлиқ маданий тадбирлар ташкил этинг. Шу йўл билан эзгу мақсадларга эришиш ҳаракатида бўлинг. Жуфтингиз билан мулоқотда майда-чуйда гап-сўзларга эрк берманг. Молиявий муаммоларингиз кечгача ижобий ҳал бўлади, киссангиз пулга тўлади. Аммо сиздан қачонлардир қарз олганларга яна бир бор қарзни қайтариш кераклиги ҳақида эслатиб қўйинг.
БАЛИҚ (20. 02 — 20. 03)
Иш ва пул билан боғлиқ муаммоларни биринчи навбатда бажаринг-у, аммо иш бажаришда жамоавий тарзда ҳаракатлар содир этинг. Оила қурмаганлар бугун куннинг иккинчи ярмида романтик танишувларни бошдан кечиришади. Бу танишув келгусида жиддий муносабатлар пайдо бўлишига сабаб бўлади. Кечга қадар кўпроқ вақтингизни тоза ҳавода сайр қилиш ва сузиш машқларига бағишланг. Соғлиғингизни эҳтиёт қилинг.
ТАРОЗИ (24. 09 — 23. 10)
5 сентябр куни экзотик саргузаштлар ва олис сафарга отланишдан воз кечинг, кўнгилсизликка учрайсиз. Атрофдагилар билан мулоқотда жиддий бўлсангиз, улар сизни янада қаттиқроқ ҳурматлай бошлашади ва сизга нисбатан ишончлари ортади. Пулга зор бўлиб қолсангиз ҳам бугун банкдан кредит олманг. Харажатларни назорат қилинг. Кечқурун жуфтингиз билан ширин суҳбатлар қуриб вақт ўтказинг.
ЧАЁН (24. 10 — 22. 11)
Бугун сизни қанча танқид остига олишмасин, чиданг, худо сизга сабр берсин. Танқидларни фақат шу йўл билан ҳазм қила оласиз. Тушдан кейин эса кимлардир шахсий ҳаётингизга аралашиб асабингизга тегади. Бунда ҳам яна сабр қилинг. Агар жуфтингиз билан орангизда келишмовчиликлар юзага келишини истамасангиз, ундан бажариб бўлмайдиган ишларни талаб қилманг. Ўзингизни эҳтиёт қилинг. Бугун тунда кўрадиган тушингиз ўнгидан келиши мумкин.
ЎҚОТАР (23. 11 — 21. 12)
5 сентябрда тафаккурингиз сабаб бўлиб молиявий масалада муваффақиятларга эришасиз. Дўстлар билан мулоқотларда жанжалли вазиятлар пайдо бўлмаслиги учун сал ён беришингизга тўғри келади. Молиявий масалада бугун омадингиз чопмайдиган бўлиб турибди. Демак, катмонда борига шукр қилишингизга тўғри келади. Оила аъзоларингиз билан муносабатда ҳазил-мутойибадан унумли фойдаланинг. Кечқурун сизни танишлардан бири меҳмонга таклиф этиши кутилади.
ТОҒ ЭЧКИСИ (22. 12 — 20. 01)
Афсуски, бугун молиявий йўқотишларга дуч келишингиз мумкин. Бундай лаҳзаларда ўзгалар кўмаги жуда зарур бўлади. Шунинг учун худбинликни бир четга суринг-у, таниш-билишлардан ёрдам сўранг. Ишда ҳам биргина меҳнатсеварлик камлик қилади. Янада уддабурон ҳамда қатъиятли ходимга айланинг. Кечқурун фақат саломатлигингизни мустаҳкамлаш ҳақида қайғуринг. Кўлми, анҳордами чўмилсангиз, сузиш машқларини бажарсангиз ҳам ортиқчалик қилмайди.
ҚОВҒА (21. 01 — 19. 02)
5 сентябр куни нафақат ўзингиз, балки дўстлардан бирига ҳам ишларини битиришда яқиндан кўмак беришингизга тўғри келади. Электр асбоблар ва техника воситаларидан фойдаланишда жуда эҳтиёт бўлинг. Организмни жисмоний жиҳатдан зўриқтирманг. Соғлиғингизга путур етади. Ўртадаги муҳаббат ва аҳилликни сақлаб қолай десангиз, жуфтингиз билан мулоқотда сабрли бўлинг.
БАЛИҚ (20. 02 — 20. 03)
Бугун сизнинг кунингиз. Ҳаётингиз осмонида умуман булут бўлмайди. Ишда раҳбарлар олқишига сазовор бўласиз. Ҳали молиявий муаммо ҳақида ўйлаб кўрмай туриб қўлингизга ғойибдан бир даста пул тушиши ҳам эҳтимолга яқин. Уй олди-сотдисидан бугун воз кечинг, сизни боши берк кўчага олиб кириб қўйишлари мумкин. Кечқурунга яқин хизмат сафарига жўнашингиз эҳтимоли бор.