6758
Энг аниқ кунлик мунажжимлар башорати бизнинг каналимизда! Буржлар хақида қизиқарли маълумотлар ва тавсияларни кузатиб боринг. Админ👉 @acroc
ТАРОЗИ (23. 09 — 23. 10)
20 март кўпчилик тарози буржи вакиллари учун узоқ кутилган ва қимматли кунга айланади. Оила қурмаганлар бўлғуси жуфтини учратади ва келажак режалар тузишга киришиб кетади. Тадбиркорлар бугун рақобатчилар тутган ишни кўргач, ҳайратдан ёқа ушлашади. Сиз ҳар доимгидек улар душманлик қилади деб ўйлардингиз. Бугун эса акси бўлиб чиқади. Демак, яхши кунларга ниҳоят етиб келибсиз. Омадингизни берсин!
ЧАЁН (24. 10 — 22. 11)
Бугун чаён буржи вакиллари танишувлар, ёрқин таассуротларга бой бўлади. Кўп ишладингиз. Энди маълум муддат мириқиб дам олишга ҳақлисиз. Ёлғизлар кечки пайт собиқ суюкли инсонидан у қадар ёқимли бўлмаган гапларни эшитиб тушкун кайфиятда қолишлари мумкин. У собиқ бўлса ҳам сизга жуда қадрдон эди. Унинг ҳақида юрагингизда жуда кўп ёрқин хотиралар сақланиб қолган. Лекин эмоцияни назоратда ушланг. У шўрингизга шўрва тўкиши ҳеч гап эмас.
ЎҚОТАР (23. 11 — 21. 12)
20 март куни шахсий автомобили борларга автомобилни бошқариш умуман тавсия этилмайди. Кун хавфли тасодифларга бой бўлади. Ҳалокатга юз тутишдан сақланинг. Агар қаергадир зудлик билан бориб келишингиз зарурати туғилса, бировнинг машинасида бориб келсангиз ҳам бўлади. Ёки таксида боринг. Бугун куннинг иккинчи ярмида харажатлар кўпайгандан кўпаяди. Тежамкорликка эътибор қаратмасангиз бўлмайди. Йўқса, яқин орада инқирозга юз тутишингиз турган гап.
ТОҒ ЭЧКИСИ (22. 12 — 19. 01)
Бугун сиз асосий эътиборни фақат молиявий масалага қаратишингиз керак. Майли, энг зарур ҳисобланган ишлар адо этилмасдан туриб қолсин. Нима қилиб бўлмасин, моддий аҳволингизни яхшилаб олишингиз шарт. Қолаверса, тежамкорлик масаласига ҳам эътибор керак. Моддий аҳволи кўтарадиганлар оилавий тарзда табиат қўйнига чиқиб дам олса ҳам ярашади. Кечқурун кўп одам йиғиладиган жойларга боришдан, меҳмондорчиликлардан воз кечинг. Улар сизга яхшилик келтирмайди.
ҚОВҒА (20. 01 — 18. 02)
20 мартда эрталабоқ сизга жуда сердаромад бир ишда шерикчилик таклиф этишади. Ўйлаб ўтиришга вақт йўқ. Дарров рози бўлинг. Бунинг устига таклиф киритганлар синалган одамлар. Улар сизни ҳеч қачон чув туширишмайди. Афсуски, шахсий ҳаётда майда бўлса-да, кўнгилсизликлар четлаб ўтмоқчи эмас. Уларни бардош билан енгиб ўтишга мажбурсиз. Агар ёлғизлар танлагани билан муносабатларга нуқта қўйса, билингки, тақдирингиз бошқа инсон билан экан.
БАЛИҚ (19. 02 — 20. 03)
Бугунги кунингиз сизга ҳар жабҳада ғалаба ҳадя этади. Ниҳоят сиз ҳам ҳаётга реал, оптимист назари билан боқа бошлайсиз. Иложи борича жамоангиз орасида кўпроқ вақт бўлишга ҳаракат қилинг. Ёлғиз қолиш сизга фойда келтирмайди. Аксинча депрессияга етаклайди. Саломатлигингиз хусусида ҳазил кетмайди. Жиддий муносабат юритинг. Овқатланишда пала-партишликка йўл қўйманг. Кечқурун оилангиз даврасида вақт ўтказишингиз сўралади.
ТАРОЗИ (23. 09 — 23. 10)
19 мартда ҳеч нарсага вақт етказа олмай ҳалак бўласиз. Режаларингиз шунчалар кўпки, қай бирини тўлиқ якунлашга ҳам ҳайрон бўласиз. Хизмат сафарлари, учрашувлар, ёлғизлар учун романтик учрашувлар ҳозир-у нозир бўлади. Йўқ, уларнинг биринигина танлашингиз керак. Акс ҳолда кўнгилсизликлар кўндаланг туриши ҳеч гап эмас. Анчадан бери сизга бир ишда шерикчилик таклиф этиб келаётган инсон билан куннинг иккинчи ярмида суҳбатлашасиз. Суҳбат қизиқарли кечади. Лекин аниқ жавоб айтишга шошилманг.
ЧАЁН (24. 10 — 22. 11)
Бугун майда-чуйда ишлар, ҳужжатлар ва ўтмиш хотираларига кўмилишингиз кутилмоқда. Бу ҳолатдан сизни чиқариб олиш ҳеч кимга насиб этмаслиги мумкин. Тоза ҳаво эса чиқара олади. Агар узоқ вақт тоза ҳавода пиёда сайр қилиб юрсангиз, чалғийсиз. Рўзғордаги муаммоларни бир силташда бартараф эта олмайсиз. Айниқса, муаммо таъмир билан боғлиқ бўлса, анча вақт ажратишингиз зарур бўлади. Аммо бу ишни ҳам ортга сура кўрманг.
ЎҚОТАР (23. 11 — 21. 12)
19 март куни омадга эришиш ёки эришмаслик ўз қўлингизда бўлади. Агар қатъиятли бўлсангиз, кузатувчан одамга айлансангиз, омад узоқ кутдирмайди. Уй таъмирини мўлжаллаганлар олдин қурилиш ашёларини сотиб олиши лозим. Кейинга сурадиган бўлсангиз, то қишга қадар ҳам вақт ажрата олмай қийналасиз. Пуллар ҳам йўналишини ўзгартиравериб хит қилиши мумкин. Техник ишларда, электр токига ишловчи ускуналар билан муносабатда эҳтиёткор бўлинг. Жароҳат олишингиз хавфи бор.
ТОҒ ЭЧКИСИ (22. 12 — 19. 01)
Бугун жуда катта ҳажмдаги ишларни адо этишингиз кутилмоқда. Бу ишлардан қочишга уринманг. Барибир уддасидан чиқа олмайсиз. Билинг, ўша ишларни уддалай билсангиз, мукофоти ҳам ўзига яраша бўлади. Агар анчадан бери меҳнат таътилига чиқишни мўлжаллаб юрган бўлсангиз, раҳбариятга шипшитинг. Таътил сизга ҳар жиҳатдан фойда беради. Саломатлигингизни ҳам шу баҳонада тиклаб оласиз. Кечқурун анчадан бери излаётган нарсангизни топиб оласиз.
ҚОВҒА (20. 01 — 18. 02)
19 мартда муҳим ҳужжатларга имзо чекиш зарурати туғилса, олдин обдон ўрганиб чиқинг. Керак бўлса юз марталаб ўқиб чиқинг. Лекин хатога йўл қўйманг. Ижод кишилари ҳам бугун асалари каби тер тўкишлари кутилмоқда. Янги лойиҳангиз тасдиқланди. Энди уни ҳаётга тадбиқ этсангиз бас. Овқатланиш рационингизга кефир, творог ва меваларни ҳам албатта киритинг. Организмингиздан оқсил ва витаминларни дариғ тутманг.
БАЛИҚ (19. 02 — 20. 03)
Кимлардандир, нималардандир қаттиқ ранжиган бўлсангиз ҳам оила аъзоларингизга, айниқса, яқин инсонингизга сездирмаслигингиз тавсия этилади. Барибир худо ва ўзингиздан бўлак одам дардингизга малҳам бўлмайди. Йўл қўйилган хатоларни таҳлил қилинг ва шундан керакли хулосаларни чиқаринг. Агар имкониятингиз бўлса, табиат қўйнига чиқиб дам олинг. Саломатликка яхши.
ТАРОЗИ (23. 09 — 23. 10)
Бугун асосан шахсий ишлар билан банд бўлишингиз керак. Ўзгалар ҳаётига зинҳор аралаша кўрманг. Ўзингизда ҳам муаммолар тўлиб ётибди. Кечқурунга бирор иш ёки тадбирни режалаштирмаганингиз маъқул. Барибир худонинг айтгани бўлади. Вазиятга бўйин эгишга мажбур бўласиз. Кечқурун олисда яшайдиган қариндошлардан бири қўнғироқ қилади. Бу эмоционал ҳолатингизга қайсидир жиҳатдан таъсир кўрсатиши мумкин.
ЧАЁН (24. 10 — 22. 11)
18 мартда кимлардир сизга сердаромад ишда ҳамкорлик таклиф қилиши кутилмоқда. Аслида сиз бундай танаффусларга тайёр эмасдингиз. Аммо розилик билдиришга мажбурсиз. Моддий аҳволингиз шунга мажбур этади. Суюкли инсонингиз билан мулоқотда фақат интуицияга қулоқ тутинг. Юракка қулоқ тутсангиз, у алдаб қўйиши мумкин. Кейин ўзингиз қийналиб юрасиз. Молиявий аҳволингизни яхшилаш масаласи ижобий, ортиқча асаббузарликларсиз ҳал бўлиши ҳақиқатга яқин. Қачонлардир сиздан қарз олганлар қарзини қайтаради.
ЎҚОТАР (23. 11 — 21. 12)
Бугун олдиндан нимани кўнглингиз сезган бўлса, ўша нарса ҳақ бўлиб чиқади. Бу масалада экстрасенсларни ҳам ортда қолдирасиз-ов! Фақат шахсий ҳаётингизда ёқимли лаҳзалар кўзга ташлана қолмаслиги ёмон. Ҳаёт йўли нотекисликлардан иборат-да. Чидайсиз. Ёлғизлар бугун кун давомида бўлғуси жуфти билан танишса, ишониб қолишга шошилмасликлари зарур. У инсонни аввал яхшилаб ўрганишингиз лозим бўлади.
ТОҒ ЭЧКИСИ (22. 12 — 19. 01)
18 март сиз учун асабий ўтади. Бир қатор ёқимсиз учрашувларни бошдан кечирасиз. Жуфтингиз ёки бўлғуси жуфтингиз ниманидир ваъда қилиб ваъдасининг устидан чиқмаслиги яна сизни асабийлашишга мажбур этиши мумкин. Фирибгарлар ҳам айнан бугун ғимирлаб қолишади. Тадбиркор бўлсангиз, бирор катта ишга пул тикишда ниҳоятда эҳтиёт бўлинг. Муҳим ҳужжатлар билан ишлашга тўғри келса, эътиборли бўлинг.
ҚОВҒА (20. 01 — 18. 02)
Эрталаб ўрнингиздан қўзғалгингиз келмайди. Нуқул ухлагингиз, дам олгингиз келаверади. Бир сўз билан айтганда, дангасалик забтига олади. Афсуски, дам олишга вақт йўқ. Ишларингиз бошингиздан ошиб-тошиб ётибди. Оила қурмаганлар муҳаббатда айрим хатоликларга йўл қўйишлари эҳтимолга яқин. Тирик одам хато қилади-да. Шуни деб ёниб-куйишингиз тавсия қилинмайди. Кечқурун узоқ вақт тоза ҳавода пиёда сайр қилиб юринг. Ухлашдан олдин сут ичинг. Тушларингиз сутдек беғубор кечади.
БАЛИҚ (19. 02 — 20. 03)
18 мартда ёлғизларнинг шахсий ҳаётида ижобий ўзгаришлар кўзга ташланади. Сиз бўлғуси жуфтингизни учратиш асносида танлаш имкониятига эга бўласиз. Лекин бу масалада жуда эҳтиёткорлик зарур. Ҳаёт билан ўйнашиб, ҳазиллашиб бўлмайди. Арзимас хатолик ҳам бутун умрингизга татиши ҳеч гап эмас. Муҳаббатда фантастика, иллюзиядан нари бўлсангизгина бахт топишингиз енгиллашади.
ТАРОЗИ (23. 09 — 23. 10)
Бугун аввалдан қолиб кетган зарарли одатларни ташлаб, росмана ҳаётга ошно тутишингиз талаб этилади. Уйқудан уйғонибоқ шу ишни бошлашингиз керак. Пулларингиз бугун етарли бўлади. Ҳар қандай турдаги харидларни амалга ошира оласиз. Ҳатто, қимматбаҳо буюмлар олсангиз ҳам пулларингиз қилт этмас даражада бўлади. Бунақасига одамзод камдан-кам ҳолатларда дуч келади. Фойдаланиб қолинг. Кечқурун хонадонингизга меҳмонлар ташриф буюради.
ЧАЁН (24. 10 — 22. 11)
17 мартда ишхонангизда зиммангизга юкланган вазифаларни кўнгилдагидек адо этиб раҳбарларнинг олқишларига сазовор бўласиз. Аммо шахсий ҳаётингизда муаммолар мавжуд. Жуфтингиз билан орангиздаги муносабатларни мустаҳкамлай олмай ҳалок бўласиз. Характерингизни ўзгартиришингиз лозим бўлади шекилли. Кечки пайт бошқа бир манзилга сафар уюштирасиз. Сафар сизга ҳақиқий руҳий ҳашаматлар ҳадя этади. Кечқурун тоза ҳавода сайр қилинг.
ЎҚОТАР (23. 11 — 21. 12)
Бугун ташқи қиёфангиз эмас, ички дунёнгиз ҳақида кўп ўйлашингиз зарур. Агар кимлардир янги ишга жойлашиб, биринчи куни иш бошлаётган бўлса, нафақат ички дунё, балки ташқи қиёфасига ҳам алоҳида эътибор қаратишлари тавсия этилади. Киядиган кийимларгача дид билан танланг. Токи илк иш кунингизданоқ ҳамкасбларни ҳайратда қолдира олинг. Кечқурун яқин дўстлардан бирига қўнғироқ қилишингиз керак. У сизга муҳим бир хабарни етказиши мумкин.
ТОҒ ЭЧКИСИ (22. 12 — 19. 01)
17 март куни бажарадиган ишингизга қанчалар масъулият билан ёндашсангиз, натижаси шунча ижобий кечади. Ҳамкасблар билан шахсий ҳаётга оид мавзуда камроқ суҳбатлашинг. Шунда ортингиздан ғийбат қиладиганлар бўлмайди. Муҳаббатда нималарнидир қўлдан бой берган бўлсангиз, сира афсус чекманг. Уларни қайтадан қўлга киритиш учун интилинг. Жуфтингиз ёки бўлғуси жуфтингизга кўпроқ эътибор қаратинг. Туйғуларингиз софлигини амалда исботланг.
ҚОВҒА (20. 01 — 18. 02)
Бугунги овқатланиш рационингизга салатлар, сметана ва шу каби фойдали маҳсулотларни қўшиб олсангиз, сира камлик кўрмайсиз. Баҳор илик узилди фасли. Кўпроқ кўкатлар истеъмоли тавсия этилади. Дўстларингиздан бири айтмаган гапингизни айтдига чиқариб сизга бўҳтон ёғдириши мумкин. Ранжиманг. Арқонни узун ташлаб қўйинг. Бир кун албатта миси чиқади. Кечқурун баъзиларнинг хонадонида кичик оилавий байрам ташкил этилиши кутилади.
БАЛИҚ (19. 02 — 20. 03)
17 мартда кунингиз бемаъни суҳбатлар, ёқимли лаҳзалардан иборат бўлиши кутилмоқда. Уларнинг барчасини ҳазм қилиш оғир албатта. Устига устак ишхонангизда ҳам шундай ҳолатлар кузатилади. Куннинг иккинчи ярмида муҳим ҳужжатлар билан ишлашингизга тўғри келади. Бу ишда ҳуқуқшунос ёрдамисиз ижобий натижага эриша олмайсиз. Ўзингизни эҳтиёт қилинг. Тўғри овқатланинг. Оллоҳ сизга ёр бўлсин!
ТАРОЗИ (23. 09 — 23. 10)
16 мартда сизни олқишлайдиган, мақтайдиганларга ишониб қолманг. Улар сизнинг кайфиятингизни бир пул қилишга ярайди холос. Тадбиркор бўлсангиз, йирик лойиҳаларга эҳтиёткорлик билан пул тикинг. Инқирозга юз тутишдан сақланинг. Дўстлар билан зиёфатга бориш, спртли ичимликлар истеъмолидан нари бўлишингиз тавсия қилинади. Ишларингиз кўп. Ҳозир фақат ўша ишлар билан андармон бўлишингиз лозим. Муҳаббатда зулматли лаҳзалар кутилади. Олдинга юришда эҳтиёт бўлинг.
ЧАЁН (24. 10 — 22. 11)
Бугун чаён буржи вакилларининг иши бошидан ошиб тошади. Янги лойиҳаларни ҳаётга тадбиқ этишни бошлайсиз. Шунинг ҳисобига ишларингиз кўпаяди. Лекин барчаси яхшиликка. Аммо шахсий ҳаётни ҳам унутиб қўйманг. Айниқса, жуфтингиз билан орангизда танаффуслар кўзга ташланган бўлса, анча эътиборли бўлишингиз талаб этилади. Кечқурун фақат ўзингиз учун вақт ажратинг. Ёлғиз қолиб дам олинг, истироҳат қилинг.
ЎҚОТАР (23. 11 — 21. 12)
16 март куни илгари қўл силташ билан чекланган машғулотларга яна қўл урасиз ва ўтмишда хатога йўл қўйганингизни англаб етасиз. Улар сизга фақат наф келтиришига шахсан гувоҳ бўласиз. Оилалиларни ёқимли хабарлар кутади. Анчадан бери янги уй сотиб олиш ниятида юрганлар бугун орзусига етади иншооллоҳ. Муҳим ҳужжатларни расмийлаштириш ҳам муваффақиятли якун топади. Оллоҳ сизга ёр бўлсин!
ТОҒ ЭЧКИСИ (22. 12 — 19. 01)
Бугун эрталаб ўзингизга бир саволни бериб қийнала бошлайсиз. Нега иш ҳафтаси якун топмайди?.. Ҳа, сиз мукофот пули олиш илинжида тер тўкаётгандингиз. Аммо раҳбарларингиз бу илинжингизга лаббай деб жавоб бера қолмайди. Жуфтингиз ҳам кўп нарсаларни ваъда қилганди. У ҳам жим. Шунда фақат бир нарсага — вақти келиб ранжишингизгагина ишона бошлайсиз. Бу нотўғри. Эзгуликнинг эрта-кечи бўлмайди. Матонат, бардошнинг қулоғини бураб қўйсангиз, сизни албатта яхши кунларга етказади. Айримлар қариндошлардан бири билан жанжаллашиб қолиши эҳтимолга яқин.
ҚОВҒА (20. 01 — 18. 02)
16 мартда баъзи дўстларимиз йога илмини ўзлаштириш пайида бўлишади. Бунинг учун муаллим топсангиз, мақсадга мувофиқ бўларди. Молиявий муаммолар кейинги навбатга ўтади. Чунки улар эртами-кечми ижобий ҳал бўлишини яхши биласиз. Чанг-тўзонга аллергияси борлар ўзи яшайдиган уйда капитал йиғиштириш амалини адо этиши керак. Уй ҳайвонларига ҳаддан ташқари яқинлашишдан сақланинг. Айримларнинг тунда ухлаб кўрадиган туши ўнгидан келиши кутилмоқда.
БАЛИҚ (19. 02 — 20. 03)
Бугун эмоционал жиҳатдан анча оғир кунни бошдан кечирасиз. Саломатликни ҳам қатъий назоратда тутишингиз талаб этилади. Йўқ, ўзингизникини эмас, яқинларингиздан бирининг саломатлигини. Нима керак бўлса, ёрдам қилишингиз савобдан бўлакни ҳадя этмайди. Молиявий масалада сиздан кузатувчанлик талаб қилинади. Шундагина эзгу мақсадларга етасиз, киссангиз пулга тўлади.
Кайфиятни кўтарамиз. Имконимиз бўлса рақсга тушамиз.
Бугунги кун эртага қайтиб келмайди.
ҚЎЙ (21. 03 — 20. 04)
15 март куни атрофингиздагиларнинг айримлари бўлар-бўлмас аҳмоқона саволлар билан жиғингизга тегиши кутилади. Сизда эса бардош етарли. Асосийси, фириб ва ёлғонга чув тушиб қолишдан сақланинг. Ҳар бир вазиятни назорат этишга интилинг. Дам олиш кунисиз ишласангиз, ишхонангизда янги ғояларингизни ошкор қилишга шошилманг. Ҳали эрта. Зиммангиздаги вазифаларни сидқидилдан адо этишга ҳаракат қилинг. Бир кун келади албатта ўша ғоялар сизга қанот бағишлайди.
БУЗОҚ (21. 04 — 20. 05)
Кимлардир муҳаббат, мартаба, ҳаёт ҳақида фалсафа тўқиши сизга сира ёқиб тушмайди. Чунки фалсафани арзимайдиган одамлар тўқийди. Олим тўқиса жон қулоғингиз билан тинглаган бўлардингиз. Ишда трактор каби гуриллаганча ҳаракатланинг. Сизда куч ҳам, ғайрат ҳам етарли. Қанча кўп тер тўксангиз, даромади шунча кўп ва тотли бўлади. Даромад кўришда сиз учун ҳозирча бошқа йўл йўқ. Банкдан кредит олишни хаёлингизга ҳам келтирманг. Кредит сизни ботқоққа ботиради.
ЭГИЗАКЛАР (21. 05 — 21. 06)
15 мартда атрофдагилар билан турли мавзуларда баҳслашасиз. Ғазаб ва нафрат сизда етарлича бор. Аммо тафаккур чархланмаган. Шуни ҳисобга олинг. Оилангизда рўзғор икир-чикирларини деб жанжал чиқиш хавфи бор. Эҳтиёткор бўлинг. Тилингизга эҳтиёт бўлинг. Хотиржамликка эрк беринг. Яқин инсонингизга меҳр-оқибат кўрсатишдан тийилманг. Интернетда кечалари узоқ ўтириб қолишингиз тавсия этилмайди. Бу уйқусизликдан азобланишингизга сабабчи бўлади.
ҚИСҚИЧБАҚА (22. 06 — 22. 07)
Бугун интеллектуал жиҳатдан кунингиз оғир кечиши кутилмоқда. Тафаккурингиз ҳайқиради. Сизни нафас ростлашга чорлайди. Унга қулоқ тутинг. Иш қанчалар моддий жиҳатдан муҳим бўлмасин, дам олинг сизга янги куч йиғишда кўмак беради. Куннинг иккинчи ярмида аксарият дўстларимиз оилавий ташвишларни бартараф этиш пайида бўлади. Баъзи оила қурмаганлар бахтини излайди. Башарти топа олмасангиз, куйинманг. Бошқа кунлари албатта топасиз. Кечқурун тоза ҳавода сайр қилинг.
АРСЛОН (23. 07 — 23. 08)
15 март куни эрталаб молиявий муаммолар гирибонингиздан олади. Анчадан бери бу қадар жиддий муаммоларга дуч келмай қўйгандингиз. Бардошли бўлинг. Кимлардир сизни баҳсга чорласа ҳам бу чақириққа матонат билан ёндашинг. Ярим фабрикат маҳсулотлардан юз буринг. Айниқса ошқозонингизда гастрит, яра бўлса, улар кони зарарлигини унутманг. Тўғри овқатланинг. Юрак хасталикларига чалинганлар атмосферадаги магнит бўронларидан ўзларини асрашлари лозим.
ПАРИЗОД (24. 08 — 22. 09)
Паризод буржида туғилганлар бугун негадир бўшашган ҳолатда бўлишади. Ишлагингиз ҳам келмайди. Аммо моддий қийинчиликлар-чи? Агар имконият туғилса, уни қўлдан бермаслигингиз керак. Серқатнов йўлларда эҳтиёткор бўлинг. Ҳалокатга учрашингиз хавфи бор. Ёлғиз бўлсангиз, кечқурун романтик учрашувга отланишингиз зарурлигини унутманг. Бугунги оқшом ўтган кунлардагидан ҳам жозибалироқ кечади. Тўй кунини белгилашингиз мумкин. Омад сизга ёр бўлсин!
ҚЎЙ (21. 03 — 20. 04)
Бугун масалага ўзига хос, ҳали ҳеч ким қўллаб кўрмаган усул ёрдамида ёндашишни истаб қоласиз. Бунинг учун сизда барча имкониятлар бисёр. Лекин мақсад сари отланишдан олдин сабр қилинг. Ўрнингиздан қўзғалишингиз билан истаклар ҳақиқатга айланиши фақат эртакларда бўлади. Яқин дўстларингиздан бирининг бошига ташвиш тушиши кутилмоқда. Кўнгил сўраш, ташвишига шерик бўлиш эсингиздан чиқмасин. Кечқурун тоза ҳавода сайр қилинг.
БУЗОҚ (21. 04 — 20. 05)
14 март куни бажарадиган ишларингизда, ташлайдиган ҳар бир қадамингизда тартиб бўлишини таъминланг. Бусиз боши берк кўчага кириб қолишингиз турган гап. Бошқаларнинг муваффақиятига фақат ҳавас билан боқинг. Ўзгаларнинг маслаҳатларини қулоққа олинг. Кам бўлмайсиз. Кечқурун айримлар хизмат сафарига жўнаб кетиши мумкин. Ухлашга ётишдан олдин сут маҳсулотларини истеъмол қилинг. Уйқунгиз сокин кечади.
ЭГИЗАКЛАР (21. 05 — 21. 06)
Пиёда йўл босишни ёқтирмасангиз ҳам бугун шундай қилишга мажбур бўласиз. Автомобилда ҳаракатланиш бугун насиб этмайдиган бўлиб турибди. Саломатлигингиз ҳақида қаттиқроқ қайғуришингиз, тоза ҳаводан кўпроқ нафас олишингиз тавсия этилади. Оммавий тадбирларда иштирок этишдан тийилишингиз керак. Бугун фақат иш ва яна иш ҳақидагина ўйлашингиз талаб этилади. Кечқурун хонадонингизга яқин танишлар ташриф буюриши мумкин. Улар билан суҳбат сизга позитив ҳадя этади.
ҚИСҚИЧБАҚА (22. 06 — 22. 07)
14 мартда танаффус деган жумлани ёддан чиқарганлар бўлса, қайта ёдга олишлари керак. Ишлар кўпайгандан кўпаяди. Лекин ора-сирада нафас ростлашингиз шарт. Технология, молия ва реклама бизнеси билан боғлиқ ишларда ишловчиларнинг омади чопади. Даромад сиз кутгандан ҳам мўмайроқ кечади. Йўлингизда жиддий тўсиқлар учрамайди. Фақат олға боса билсангиз, хатоликларга йўл қўймасангиз бас.
АРСЛОН (23. 07 — 23. 08)
Азалий орзуларингиздан бирига эришиш, уни ҳақиқатга айлантириш айнан бугунга тўғри келади. Лекин орзуларингиз ушалиши ҳақида бошқаларга асло гапира кўрманг. Дўстдан кўп душман. Яқинда турмуш қурган ёшлар муҳаббатнинг энг пок ва нафис ифорларидан маст бўлишлари аниқ. Айрим жуфтликлар биргаликда саёҳатга чиқишлари, бир-бирларига қимматбаҳо совғалар ҳадя этишлари кутилади. Кечқурун тоза ҳавода сайр қилиб, эртароқ ухлашга ётишни унутманг.
ПАРИЗОД (24. 08 — 22. 09)
14 март куни паризод буржи остида туғилганларнинг кайфияти позитивда бўлмаслиги кутилади. Йўқ, бунга моддий аҳволингиз ёмонлиги сабаб бўлмайди. Деярли унутилаёзган хасталиклар қўзғалиб безовта қилади. Дарҳол врачга боринг ва тиббий кўрикдан ўтинг. Асабийлашишдан сақланинг. Ҳавонинг авзойига қараб кийининг. Муҳаббатда муаммолар кўзга ташланмайди. Фақат бўлар-бўлмасга жуфтингизни ранжитиб қўймасангиз бас. Сурункали хасталикка чалинганлар ўзларини эҳтиётлашлари, дориларни ўз вақтида ичишлари тавсия этилади.
ҚЎЙ (21. 03 — 20. 04)
13 март куни харажатларингиз кўпайгандан кўпаяди. Лекин барча сотиб олинадиган маҳсулотлар сиз ва оилангиз учун фойдали. Кун давомида қайсидир тантанали тадбирни ташкил этишда ҳамкорлик таклиф қилишлари мумкин. Тадбир ҳақиқатан нуфузли. Шунинг учун дарҳол ахборот тўплашни бошлайверганингиз маъқул. Муҳаббатда вақтни шошилтирманг. Барча ҳодисалар ўз вақтида, ўз маромида юз бераверсин.
БУЗОҚ (21. 04 — 20. 05)
Бугун жуда муҳим вазифаларни адо этишингиз талаб этилади. Шунинг учун барча ҳаракатларни олдиндан режалаштирган ҳолда иш тутишингиз керак. Молиявий муаммо фавқулодда пайдо бўлади. Лекин бу масала билан кечқурун шуғулланинг. Агар бой тажрибангизни ишга солсангиз, албатта муаммони муваффақиятли бартараф этасиз. Кечқурун севимли хоббингиз билан шуғулланинг. Бу йўлда рўзғор ташвишларидан вақтинча чекиниб турсангиз ҳам осмон узилиб ерга тушмайди. Ташқарида ўзгалар билан ишқий саргузаштларга берилишдан сақланинг.
ЭГИЗАКЛАР (21. 05 — 21. 06)
13 мартда иш жараёнига ҳар кундагидан эртароқ киришишингиз лозим. Шунда барча режалаштирилган ишлар ўз вақтида адо этилади. Бизнес билан боғлиқ ишлар унумли кечади. Савдогарлар ҳамда ҳуқуқшуносларнинг куни туғади. Кўпчилик қаршисида сўзлашдан тийилинг. Бу нарса сиздаги барча керакли энергияни зулукдек сўриб олиши ҳеч гап эмас. Кечқурун айримлар қўшниси билан жанжаллашиб қолиши мумкин.
ҚИСҚИЧБАҚА (22. 06 — 22. 07)
Агар бугун эрталабданоқ саломатлигингиз ҳақида қайғурмас экансиз, у сизга панд бериши тайин. Овқатланишда меъёрни, режимни унутгансиз. Ҳадеганда асабийлашасиз. Бадантарбия машқлари яқин ўтмишда қолган. Уларнинг барчасини тартибга солишингиз тавсия этилади. Лекин бу масалада биров билан маслаҳатлашиб ўтиришингиз шарт эмас. Ўзингиз ўйлаб топинг. Сизга ҳозир таблеткалардан кўра руҳий хотиржамлик кўпроқ ёрдам беради.
АРСЛОН (23. 07 — 23. 08)
13 март куни атрофингиздагиларнинг барчасига ёрдам қўлини чўза бошлайсиз. Барчаларини баравар тинчлантиришга тушасиз. Ўзингиз ҳақингизда ҳам унуутиб қўйманг. Агар ўзингизни унутиб қўйсангиз, ҳасадгўй ва кўнглида кири борлар пайтдан фойдаланиш пайига тушади. Ишхонангизда ҳам ишларингиз бошдан ошиб тошади. Аммо сиз барчасини ўз вақтида адо этишга улгурасиз. Молия соҳасидаги майда-чуйда муаммоларга эътибор берманг.
ПАРИЗОД (24. 08 — 22. 09)
Ниҳоят бугун эрта тонгда анчадан бери ечилмас жумбоққа айланган муаммонинг ечимини топасиз. Муаммо жуда шахсий. Шу сабабли уни энг яқин инсонларга ҳам ошкор қила кўрманг. Томоқни асранг. Муздек ичимликлар ичманг. Акс ҳолда бронхит ёки ангина орттириб олишингиз ҳеч гап эмас. Рўзғорингизда ҳам юмушлар жуда кўп. Айримлар кечқурун хизмат сафарига отланади. Сафар раҳбарларингиз қаршисидаги обрўйингизни яна бир поғона юқорига олиб чиқади. Омад сизга ёр бўлсин!
ҚЎЙ (21. 03 — 20. 04)
12 март куни барча жабҳаларда фақат интуициянгизгагина қулоқ тутинг. Майли, у молиявий инқироздан ҳимоя эта олмаслиги мумкин. Лекин барча хавфларни олдиндан сизга етказишга қодир. Агар кимнингдир жигари ёки ошқозони хасталанган бўлса, бугунги хавфлардан ҳимояланиши лозим. Ейдиган овқатингизни олдин яхшилаб назоратдан ўтказинг. Шундан кейингина истеъмолга киришинг. Кечқурун саломатлигингиз аъло даражада бўлса-да, барибир тоза ҳавода сайр қилинг.
БУЗОҚ (21. 04 — 20. 05)
Билакларингиз, қалбингиз, вужудингиз куч ва имкониятларга лиқ тўла. Шундай экан, ишда дангасаликка йўл қўйманг. Бугунги кун сизга барча ишларни осонлик билан адо этишингиз учун керакли имкониятларнинг барчасини етказиб беради. Шахсий ҳаётда тафаккурга қулоқ тутишингиз сўралади. У нимани тақиқласа, ўша нарсадан ёки воқеа-ҳодисадан юз буринг. Муҳаббатда бахтингиз фақат эҳтирослардангина иборат эмаслигини унутманг. Бугун сув ёрдамида танани чиниқтириш амаллари жуда фойдали кечади.
ЭГИЗАКЛАР (21. 05 — 21. 06)
12 мартда шахсий истакларингиз етовида бўлишингиз кутилади. Шу нарса мартабангизни, лавозимингизни юқорилатиш учун керакдек туюлади. Аммо вазиятга ташқаридан туриб назар ташланса, бу амалнинг сира яхши жиҳати йўқлигига амин бўласиз. Кечқурун аёлларимиздан кимларнидир зиёфатга таклиф этишади. Зиёфатга арзирли либосда борганингиз маъқул. У ерда юқори лавозимли шахслар ҳам бўлиши мумкин. Кўриб қўйишсин. Яна гўзаллик салонига ҳам мўралаб ўтинг. Омад сизга ёр бўлсин!
ҚИСҚИЧБАҚА (22. 06 — 22. 07)
Бугун қаерингиздир оғриса, ўзингиз ўзингизга ташҳис қўйиш, рецепт белгилаш, уколлар қилишдан сақланинг. Бир сўз билан айтганда, мазангиз қочдими, албатта врач қабулига боринг. Организмингиз устидан кулишга асло эрк бера кўрманг. Кечқурун ёлғизларнинг аксарияти романтик учрашувга чиқади. Учрашувдан кейин ҳам тунингиз албатта романтик кайфиятда кечиши тайин. Сизни позитивлик сира тарк этмайди.
АРСЛОН (23. 07 — 23. 08)
12 март куни қалбингизга суяниб қолишдан сақланишингиз тавсия этилади. Юракдаги шубҳаларни тафаккур кўмагида олис-олисларга ҳайдаб солинг. Молиявий масалада сезиларли силжишлар кўзга ташланади. Кимлардир қачонлардир олган қарзини қайтаради. Аммо қўшимча даромадли иш топишдан умидвор бўлманг. Бахтга қарши бу масалани ижобий ҳал эта олмайсиз. Кечқурун тўғри овқатланинг. Ухлашга ётишдан олдин олма енг, уйқунгиз сокин кечади.
ПАРИЗОД (24. 08 — 22. 09)
Паризод буржида туғилганлар эртакларга ишонишни бас қилишмас экан, омадга бегона бўлганча қолаверишади. Аёллар ва қизларга гўзаллик салонига бориб келиш тавсия этилади. Танани ёшартирувчи муолажаларга эътибор қаратинг. Куннинг иккинчи ярмида кимдир қўлингизга анча-мунча пул тутқазиши мумкин. Ёки пластик карточкангизга пул келиб тушиши эҳтимолга яқин. Ёлғизларнинг айримлари ҳануз идеалидаги инсонни учрата олмаганидан хафа бўлишлари мумкин. Шошилинг. Кечқурун идеалингизни учратишингиз кутилмоқда. Бахт ва омад ёр бўлсин!
ҚЎЙ (21. 03 — 20. 04)
Кунингиз ҳазил-мутойибага бой бўлиши кутилмоқда. Аммо сизнинг кўнглингизга ҳазил сиғмайди. Ишингиз кўпайгандан кўпаяди. Шунга яраша атрофингиздагилар сизнинг иш усулингизни кўриб ҳайратдан ёқа ушлайди. Йирик лойиҳаларни хамирдан қил суғургандек осон ҳал эта биласиз. Фирибгарлардан ниҳоятда эҳтиёт бўлинг. Улар ҳар лаҳзада сизни чув тушириш пайида бўлади. Пулларингизни ўмармаслиги мумкин. Аммо янги ғояларингизни албатта мўлжалга олади. Кечқурун тоза ҳавода сайр қилинг.
БУЗОҚ (21. 04 — 20. 05)
11 март куни ишингизга яраша моддий манфаат кўрасиз. Иш оғир, бироқ сизни қўрқита олмайди. Аксинча сизга илҳом беради. Айримлар кун давомида антиквар буюм сотиб олиши кутилмоқда. Бу азалий орзуингиз эди. Демак, орзу ҳақиқатга айланади. Асосийси, бу буюм яқин атрофдаги сиз билган-таниганларнинг ҳеч бирида йўқ. Муҳаббатда жуфтингиз билан муносабатларга янги эстетика ва янгилик олиб киринг. Ижобий натижасини албатта кўрасиз.
ЭГИЗАКЛАР (21. 05 — 21. 06)
Бугун зинҳор дангасаликка эркинлик бера кўрманг. Акс ҳолда ҳар бир вазият сизнинг зиёнингизга ишлай бошлайди. Раҳбарларнинг диққат марказида бўласиз. Ишларингиздан улар мамнун тортади. Бундан чиқди сиз мукофотга лойиқ деб топиласиз. Тадбиркорлар куннинг иккинчи ярмида рақобатчилар таъқибига учраши мумкин. Катта даромад келтирадиган ишга қўл ургандингиз. Энди даромадни улар билан бўлишишингизга тўғри келадими? Асло бунга йўл қўя кўрманг. Омад сизга ёр бўлсин!
ҚИСҚИЧБАҚА (22. 06 — 22. 07)
11 мартда англашилмовчиликлар, рашк қуршовида қолишингиз хавфи бор. Лекин сиздаги куч ва имкониятлар бу икки негативни енгишга етади. Нафақат ўзингизни, балки ёнингиздагиларни ҳам улардан ҳимоя қила биласиз. Демак, сиздан яхши руҳшунос ҳам чиқишига шубҳа йўқ. Бироқ молиявий муаммолар билан бас кела олмаслигингиз мумкин. Худо кўрсатмасин, азарт таъсирида бор пулларингизни бўлар-бўлмасга сарфлаб қўйсангиз, инқирозга юз тутишингиз тайин.
АРСЛОН (23. 07 — 23. 08)
Арслон буржи остида туғилганлар учун бугунги кун оғир кечади. Афсуски, уни ўзгартириб ҳам бўлмайди. Ҳатто, бошқа давлатга қочиб кетганингизда ҳам барибир бу мушкулотлардан қутула олмайсиз. Руҳан ўзингизни қўлга олиб курашга отланишингиз керак, вассалом. Кун мобайнида ишда ҳам, шахсий ҳаётда ҳам фақат интуицияга суянган ҳолда ҳаракатлар содир этинг. Баъзилар кимлар биландир судлашиши мумкин. Лекин бу курашда сиз ғолиб бўласиз.
ПАРИЗОД (24. 08 — 22. 09)
11 март куни жуфтингизнинг инжиқликларига чидашингиз талаб этилади. Муросаи мадора. У қанча инжиқликлар қилмасин, бардош қилинг. Ҳаммаси яхшилик билан тугайди. Ишхонадаги юмушларни бажаришда тезликка алоҳида эътибор қаратинг. Муҳим ҳужжатлар, ҳисоб-китоб билан машғул бўлсангиз, тартибга, эҳтиёткорликка зўр беринг. Кечқурун сурункали хасталикка чалинганлар кўпроқ тоза ҳавода сайр қилиб юришлари лозим бўлади. Оллоҳ сизга ёр бўлсин!
ТАРОЗИ (23. 09 — 23. 10)
10 мартда шу пайтгача бекорга тер тўкмаганингизни англаб етасиз. Ишларингиз натижаси даромадда кўринади. Оладиган пулларингиздан яқинларингизга арзирли совғалар харид қилишни ҳам унутмасангиз бас. Баъзилар саёҳатга чиқишни мўлжаллаши мумкин. Бунинг учун моддий аҳволингиз етарлича яхши. Даромад келадиган ишлардан қочишингиз тавсия этилмайди. Кечқурун оила аъзоларингиз, болалар ва жуфтингиз учун вақт ажратинг. Тоза ҳавода сайр қилинг.
ЧАЁН (24. 10 — 22. 11)
Куннинг биринчи ярмида эски қадрдонлардан бирини учратиб қоласиз-у, бир дунё ижобий эмоцияларга эга чиқасиз. Суҳбат қизигандан қизийди. Яқин ўтмишни биргаликда ёдга оласиз. Тадбиркорларни кун давомида учрашувлар, келишувлар, музокаралар, сафарлар кутиб қолади. Шу қадар банд бўласизки, овқатланишга вақт ажрата олмай ҳалак бўласиз. Кечқурун енгил ҳазм бўлувчи таомлар билан чекланишингиз сўралади. Бугун айримларнинг ухлаб кўрадиган туши ўнгидан келиши кутилмоқда.
ЎҚОТАР (23. 11 — 21. 12)
10 мартда учрашувлар кетидан учрашувлар оқиб кела бошлайди. Йўқ, улар романтик эмас. Шахсий ҳаёт ва иш билан боғлиқ учрашувлар. Кимгадир қимматли маслаҳатларингизни берасиз. Кимдандир маслаҳат оласиз. Фавқулодда тез адо этиладиган ишларни ўз вақтида уддалашга ҳаракат қилинг. Оилалилар кечқурун рўзғордаги муаммоларни бартараф этиш ҳаракатида елиб-югуришади. Саломатлик ҳақида қайғуришни ҳам унутиб қўйманг.
ТОҒ ЭЧКИСИ (22. 12 — 19. 01)
Бугун сиз ўзингизга янги хобби топишингиз мумкин. Аммо принцип ва анъаналардан воз кечмайсиз. Хобби шунчаки кўнгил ёзиш учун эмас, балки ишингиз билан боғлиқ чиқади. Қариндошларнинг биридан қанчалар норози бўлманг, уни айблашдан тийилишингиз керак. У ўз вақтида сизга катта ёрдам берган. Ижод кишилари олис сафарга отланишлари мумкин. Сафар сизга ҳар тарафлама наф келтиради. Фақат ҳужжатларни қайта-қайта кўздан ўтказиб олинг.
ҚОВҒА (20. 01 — 18. 02)
10 март куни саломатлигингизга нисбатан ниҳоятда эътиборли бўлишингиз талаб этилади. Шамоллаган бўлсангиз, муолажаларни ортга суришингиз ярамайди. Жисмоний зўриқишлар хасталикни баттар кучайтиради холос. Иш давомида дам олиш учун вақт ажратишни ҳам унутманг. Вирус ҳозир баҳор аввалида истаганча топилади. Шунинг учун хонангизни тез-тез шамоллатиб туришингиз керак бўлади. Кечқурун тоза ҳавода сайр қилинг.
БАЛИҚ (19. 02 — 20. 03)
Балиқ буржи остида таваллуд топганларнинг айримларини олис сафар кутади. Аммо бу сафарда жуда чарчайсиз. Шунга қарамай, сафар баҳонасида моддий аҳволингизни яхшилаб олишингиз учун имконият бор. Шахсий ҳаётингизда жиддий муаммолар кўзга ташланмайди. Оиласиз бўлсангиз, кечқурун романтик учрашувни бошдан ўтказасиз. Учрашув пайтида телефонингизни ўчириб қўйишингиз тавсия қилинади.
ТАРОЗИ (23. 09 — 23. 10)
9 мартда қисқа вақт бўлса-да, еттинчи осмонларда парвоз қилишингиз, орзулар уммонига шўнғиб кўришингиз мумкин бўлади. Меъёрида бўлса бас. Шубҳаланаётган бўлсангиз, янги ишларга қўл урманг. Кимки бугун лотерея чиптаси сотиб олса, яқин келажакда катта пул ютиб олиши эҳтимолдан холи эмас. Кечқурун тоза ҳавода сайр қилинг. Тушларингиз сокин ва ёрқин кечишини хоҳласангиз, ухлашга ётишдан олдин сут ёки қатиқ ичинг. Ўзингизни эҳтиёт қилинг.
ЧАЁН (24. 10 — 22. 11)
Эрталаб уйқудан турибоқ янги мақсадларни кўзлай бошлашингиз талаб этилади. Аммо уларга етишингизнинг имкони бўлсин. Ҳаётда етиб бўлмайдиган мақсадларни кўзлашдан фойда йўқ. Бекорга вақт йўқотганингиз қолади. Куннинг иккинчи ярмида дўстлардан бири билан бўлиб ўтадиган суҳбат сиз учун жуда фойдали кечади. Суҳбат сизни оптимизмга тўйинтиради. Молиявий муаммоларни ижобий ҳал этишда бировлар ёрдамига таянманг. Мустақил тарзда ўзингиз ҳал этинг.
ЎҚОТАР (23. 11 — 21. 12)
9 март куни кўплаб лойиҳаларни тушга қолмасдан қойиллатиб бажаришга улгурасиз. Бу ишда ҳамкасблардан бири сизга яқиндан кўмаклашади. Ҳатто профессионал касбингиз билан боғлиқ ишингизда малака оширишингизда ҳам худди ўша ҳамкасбингиз ёрдам қўлини чўзади. Муҳаббатда муаммолар кўзга ташланмайди. Юксакларни кўзлаётган бўлсангиз, адашмабсиз. Айримлар бугун кечқурун саёҳатга отланиши мумкин. Кечқурун албатта тоза ҳаво сайрига чиқинг.
ТОҒ ЭЧКИСИ (22. 12 — 19. 01)
Тушунмайдиган ишларга умуман яқинлашмаслигингиз сўралади. Ҳатто, бир нечта олий маълумот ҳақида дипломингиз бўлса ҳам барибир тушунмайдиган ишларга яқинлашиш бефойда. Вақт йўқотасиз. Бу асосий ишларингиз бажарилишига жиддий халал ҳам беради. Тушунинг, бажарилиши мумкин бўлмаган ишлар сизники эмас. Ишда ҳам тез-тез дам олишни унутманг. Шахсий ҳаёт билан шуғулланишга-да вақт ажратинг. Оиласиз бўлсангиз, идеалингиздаги инсонни учратиш ҳаракатига тушинг. Учратган бўлсангиз, муносабатларни мустаҳкамлашга киришинг.
ҚОВҒА (20. 01 — 18. 02)
9 мартда атрофдаги ҳар бир катта-кичик ҳодисалар жаҳлингизни қўзғата бошлайди. Бу шахсий ҳаётга тегишли. Бу ҳаётни тўғрилашга ҳаракат қилинг. Кайфиятингизга ўзингиздан бошқа ҳеч ким позитив ҳадя этмайди. Агар бирор янги ишга қўл уриш ниятида бўлсангиз, олдин режани пухталаб олишингиз тавсия этилади. Кечқурун бир одам билан учрашасиз. У сиз учун қимматли бўлган хабарни етказиши кутилмоқда. Ўзингизни эҳтиёт қилинг. Ҳасадчилар назаридан сақланинг.
БАЛИҚ (19. 02 — 20. 03)
Бугун эрталаб уйқудан уйғониб, ёқимсиз хабар эшитишингиз мумкин. Бу хабар кайфиятингизни ёмонлаштириб, жисмоний ҳолатингизга салбий таъсир кўрсатишидан сақланинг. Ҳар бир ҳодисани ҳазил ва хотиржамлик ёрдамида қабул қилинг. Севишганлар ностальгия ҳолатига тушиб қолишади. Яъни, ўтмишдаги ширин хотиралар қалбингизда қайта уйғониб, сизга гармония ҳадя қилади. Жуфтингиз билан муносабатлар аъло даражада бўлади. Бардам бўлинг.
ТАРОЗИ (23. 09 — 23. 10)
8 мартда негадир дангасаликка зеб бера бошлайсиз. Асосий мажбуриятларни бажаришга ҳам эриниб қоласиз. Аммо шахсий ҳаёт билан боғлиқ масалаларни ҳал этиш муҳим. Уларга кўп нарсалар боғлиқ. Ҳамкасблардан бири билан телефон орқали жанжаллашиб қолишингиз эҳтимоли бор. Лекин бу жанжал сизга тўғри хулоса чиқаришда ёрдам беради. Олис сафарга чиқишни ортга суриб турганингиз маъқул. Ўзингизни эҳтиёт қилинг. Омад сизга ёр бўлсин!
ЧАЁН (24. 10 — 22. 11)
Бугун эрта тонгдан вужудингизда катта куч зоҳирлигини аниқ ҳис этасиз. Кайфиятингиз ҳам позитивда бўлади. Тўғри, байрам кунлари худди шундай кайфиятда бўлишингиз шарт. Суюкли инсонингиз билан ширин суҳбатлар қуриш учун ҳам шу нарса керак. Тадбиркорлар бугун ўзлари ишлаб топган пулларни рақобатчилардан эҳтиётлаш билан банд бўлишади. Тўғри қиласиз. Ҳаракатингизни қилмасангиз, улар бошингизга жиддий муаммоларни ёғдиришдан тойишмайди. Ўзингизни асранг. Тўғри овқатланинг. Ошқозонингизга шафқат қилинг.
ЎҚОТАР (23. 11 — 21. 12)
8 март куни нотаниш одамларга берган ёрдамингиз шўрингизга шўрва бўлиб тўкилиши ҳеч гап эмас. Шунинг учун бировларга кўмаклашишдан тийилинг. Бугунча шундай йўл тутинг. Ўзгаларнинг шахсий ҳаётига ҳам аралашманг. Молиявий муаммоларингиз аъло даражада ижобий ҳал бўлади. Кечқурун кимдир қўлингизга бир даста пул тутқазади. Кечқурун севганингизни олиб киногами, театргами, концертгами чиқиб келсангиз ҳам зиён қилмайди.
ТОҒ ЭЧКИСИ (22. 12 — 19. 01)
Бугунги кун сиз учун молиявий масалада омадли кечади. Байрам баҳонасида қўлингизга мўмайгина пул келиб тушади. Куч ва имкониятлар ҳам етарли бўлади. Демак, янги оламшумул ишларга бемалол қўл ураверсангиз бўлади. Грипп билан оғриб қолишингиз хавфи сезилмоқда. Ниҳоятда эҳтиёт бўлинг. Ниқобда кўчага чиққанингиз маъқул. Имкон топсангиз, малинали қайноқ чой ичинг. У ёрдам беради, сизни ташқи хавфлардан ҳимоя қилади.
ҚОВҒА (20. 01 — 18. 02)
8 мартда кимнингдир шахсий ҳаётига аралашиб жиддий хатога йўл қўйишингиз эҳтимоли бор. Бу оилада катта жанжа юзага келади ва сизни айблашади. Шахсий ҳаётда оптимизмни йўқотмасликка ҳаракат қилинг. Ухлашга ётишдан олдин ётоғингиздаги ҳавони алмаштиришни унутманг. Баҳор шамоллашлар ва аллергиялар фасли. Саломатлигингиз ҳақида қаттиқроқ қайғуринг. Кечқурун тоза ҳавода сайр қилиб келишни унутиб қўймаслигингиз сўралади.
БАЛИҚ (19. 02 — 20. 03)
Бугун балиқ буржи остида таваллуд топганларнинг кайфиятида салбий ўзгаришлар сақланиб қолади. Куни кеча меҳнат таътилига чиқа олмаслигингиз ҳақида айтишганда, ранжиган бўлсангиз, шу ранжиш давом этадиган бўлиб турибди. Бироқ ҳаётга реал кўз билан боқишда давом этаверишингиз керак. Жуда бўлмаса севимли хоббингиз билан банд бўлинг. Шунда чалғийсиз. Ижодкорлар илҳом париларини чақиришга ҳаракат қилиб кўрсинлар. Оғир иш бажариб чарчаганлар маълум муддат дам олсалар ҳам ярашади. Фақат дам олиш палласи чўзилмаслиги лозим.
ТАРОЗИ (23. 09 — 23. 10)
Бугун ўзингизни росмана бахтли ҳис эта бошлайсиз. Бу туйғулар қалбингизни эрта тонгдаёқ чулғаб олиши кутилмоқда. Мартабангизни, лавозимингизни юқорилатиш масаласини ортга суриб туришингизга тўғри келади. Иш билан шуғулланинг. Шахсий бизнесига эга бўлганларнинг айримларига шерикчилик таклифлари келиб тушиши мумкин. Ьу таклифлар ҳақида ёлғиз қолган ҳолда яхшилаб мулоҳаза қилишингиз зарур бўлади. Кечқурун оилангиз даврасида вақт ўтказишингиз тавсия этилади.
ЧАЁН (24. 10 — 22. 11)
7 мартда шахсий ҳаётингизда ташвишли лаҳзаларни бошдан кечиришингиз кутилади. Лекин хотиржамликни қўлдан бермаслигингиз зарур бўлади. Оиладагилар билан худди шундай хотиржамликда мулоқот қилинг. Уларга ожиз жиҳатларингизни қайта намойиш этишингиздан фойда йўқ. Ёлғончи ва қасамхўрлардан эҳтиёт бўлинг. Улар қулай фурсат топди дегунча сизни чув тушириб кетиш пайида бўлади. Кечқурун айрим дўстларимизнинг хонадонида янги меҳмон дунёга келиши кутилмоқда. Умри билан берган бўлсин!
ЎҚОТАР (23. 11 — 21. 12)
Бугун эрталаб файласуфларча фикрлай олсангиз, омадингиз келгани ўша. тоза ҳавода пиёда сайр қилишингиз мумкин. Дўстлар билан учрашинг. Кун сизга ёмонликлар ҳадя этмоқчи эмас. Оилали бўлсангиз, ташқарида қарама-қарши жинс вакил ё вакилалари билан ишқий саргузаштларга берилманг. Берилсангиз, кўп ўтмай бу саргузашт шўрингизга шўрва бўлиб тўкилиши тайин. Ёлғиз бўлсангиз, танишган инсонингиз билан муносабатларни мустаҳкамлаш ҳаракатига тушинг.
ТОҒ ЭЧКИСИ (22. 12 — 19. 01)
7 март куни биринчи навбатда зарарли одатлардан халос бўлиш йўлларини қидиринг. Ишхонангиздаги ҳамкасблар сиз ўйлаб топган иш усулларини кўриб ҳайратдан ёқа ушлайди. Бунинг устига йирик лойиҳалардан бирини қисқа фурсатда якунлаган бўлиб чиқасиз. Бу ҳам иш жойингиздаги ўрнингизни янада мустаҳкамлайди иншооллоҳ. Муҳаббатда ниҳоятда эҳтиёткорлик билан ҳаракатлар содир этинг. Рашк ва турли хавфлар таъқиби остида қолишингиз мумкин. Саломатлигингизни эҳтиёт қилишингиз тавсия этилади.
ҚОВҒА (20. 01 — 18. 02)
Бел ва бўйин қисмида анчадан бери оғриқ туйиб келаётганлар уқалаш муолажаларини олишлари тавсия этилади. Айниқса бир жойда ўтириб ишлайдиганлар учун бу муолажалар жуда зарур. Аёллар ва қизлар косметолог ҳамда сартарошга чиқиб келишлари фақат фойда беради. Ташқи кўринишингизга ўзгартиш киритиш ниятида бўлсангиз, гўзаллик салонларидаги мутахассисларга ишонсангиз бўлади. Оилалилар кун давомида болалар ташвиши, рўзғор икир-чикирлари билан югуриб-елишларига тўғри келади.
БАЛИҚ (19. 02 — 20. 03)
7 мартда осмондаги юлдузларни узиб олишга уринманг. Ҳаётга, атрофга реал кўз билан боқинг. Ҳаётий тажрибангиздан келиб чиқиб атрофдагиларга нисбатан муносабат юритинг. Молияда катта даромад кутишингиз нотўғри. Аммо пулсиз ҳам қолиб кетмайсиз. Байрам арафасида совғалар ва байрам ташкил этиш учун пулларингиз етарлидан-да кўпроқ бўлади. Ким биландир учрашув белгилаган бўлсангиз, бугун учрашувни ортга сурсангиз керак. Суҳбати сиз учун зерикарли туюлганлар билан тиллашмаганингиз маъқул.
ҚЎЙ (21. 03 — 20. 04)
20 март куни кайфиятингиз байрамона кечади. Ҳатто, энг зерикарли ишлар ҳам сизга илҳом бера бошлайди. Одамлар ҳақида фақат яхши гапиринг. Акс ҳолда катта жанжалнинг сабабчисига айланасиз. Шахсий ҳаётингизда ёрқин бир ҳодиса содир бўладики, режаларингизгача ўзгариб кетиши мумкин. Ёлғизлардан кимлардир жиддий муносабат юритиш ҳақида ўйлаб қолади. Демак, сиз ўзингизга жуфт қидиришга тушасиз. Омад сизга ёр бўлсин!
БУЗОҚ (21. 04 — 20. 05)
Бугун оилавий бюджетингизни яна бир марта кўздан ўтказиб қўйишингиз талаб этилади. Шу баҳонада келаси ой учун харажатларни чамалаб оласиз. Йўқ, инқирозга юз тутишингиз хавфи сезилмайди. Барибир ҳисоб-китобнинг ўрни бошқа-да. Сурункали хасталикка чалинганлар зудлик билан врач қабулига боришлари зарур. Атмосферада магнит бўронлари қутургандан қутурмоқда. Шу сабабли ўзингизни ёмон ҳис эта бошлашингиз эҳтимолдан холи эмас.
ЭГИЗАКЛАР (21. 05 — 21. 06)
20 мартда меҳнат таътили яқинлашиб келиши эсингизга тушади-ю, ишга зўр берасиз. Таътил эвазига олинадиган пулларга нима харид қилишни ҳам режалаштириб бўлгансиз ҳойнаҳой. Шундай экан, иш танлаб ўтирманг. Юрагингиз оғрий бошласа, ҳадеганда акса ураётган бўлсангиз, бўғимларда оғриқ кучайиб борса, мутахассисга учрашинг. Халқона усуллар сизга бу гал ёрдам бера олмайди. Ўзингизни эҳтиёт қилинг. Оллоҳ сизга ёр бўлсин!
ҚИСҚИЧБАҚА (22. 06 — 22. 07)
Бугунги кун сизни ўзингиз истаганчалик даражада мамнун торттира олмайди. Шунинг учун мўъжизалар кутишингиз тавсия этилмайди. Омадга фақат иш юритишнинг эскича усуллари ёрдамидагина эришишингиз мумкин. Муҳаббат бобида қалбингиз саволларга тўла бўлса, уни узоқдан эмас, қаршингиздан изланг. Сиз ўтмишга боққанча қолиб кетгансиз холос. Аслида эса бугунги кун билан яшашингиз керак. Ўтмиш бугунги кунингиздаги энг ёрқин лаҳзаларга парда тортиб қўйган.
АРСЛОН (23. 07 — 23. 08)
20 март куни одамларга нисбатан росмана муносабатлар билан ёндашишингиз талаб этилади. Шунда улар ҳам сизга ёрқин муносабат юрита бошлайди. Ишхонадаги юмушларни жамоавий тарзда амалга оширишингиз керак бўлади. Бунинг учун ишончли ҳамкасблар йўқ эмас. Тадбиркорлар ҳамкорлар янада кўпайиши йўлида тер тўкишлари зарур. Ҳамкорлар қанча кўп бўлса, даромад ҳам шунга яраша бўлади. Кечқурун тоза ҳавода сайр қилинг. Асабни асранг.
ПАРИЗОД (24. 08 — 22. 09)
Рўзғордаги муаммоларни бартараф этишда оила аъзоларингиз ва сизнинг орангизда баҳслар келиб чиқиши кутилади. Жанжал чиқишига асло йўл қўйманг. Муаммо ҳар доим бўлган ва бўлади. Хотиржамликда иш тутсангиз, омад ҳам, саломатлик ҳам сиз томонда бўлади. Айримлар куннинг иккинчи ярмида хизмат сафарига отланади. Сафар ҳар доимгидек сизга моддий манфаат келтиради иншооллоҳ. Фақат серқатнов йўлларда эҳтиётингизни қилсангиз бас. Қолганини омадга қўйиб бераверинг.
ҚЎЙ (21. 03 — 20. 04)
19 март куни асосан сукут сақлашингиз тавсия этилади. Бу, айниқса, ишхонангизда фойда беради. Қандайдир ғалатомуз одам билан бўлиб ўтадиган учрашув барча режаларингизни ўзгартиришга мажбур этиши мумкин. У одам ҳадеганда йўлингизга ғов бўлиб асабга тегиши мумкин. Лекин жанжал кўтаришни хаёлингизга ҳам келтирманг. Жанжал яхшилик келтирмайди. Кечқурун тоза ҳавода сайр қилинг. Тўғри овқатланинг.
БУЗОҚ (21. 04 — 20. 05)
Бугун бахтли ва ташвишсиз ҳаётга эришиш йўлида нима қилиб бўлмасин муаммолардан нари бўлишни истаб қоласиз. Лекин бу амални ястаниб ётганча адо этиб бўлмайди. Ўрнингиздан туриб ҳаракатлар содир эта бошлашингиз зарур. Ўзингизга тегишли юкларни бировнинг елкасига илишдан нари бўлинг. Куннинг иккинчи ярмида дўстларингиздан бири ажойиб бир воқеани айтиб бериб кайфиятингизни кўтариши мумкин. Шу баҳонада чалғийсиз.
ЭГИЗАКЛАР (21. 05 — 21. 06)
19 мартда кўпроқ пул ҳақида ўйлайсиз. Айнан ўша пул ҳаётга реал, ўзингизга ишонган ҳолда, хотиржам боқишингизга ёрдам беради. Оладиган даромадингиз кайфиятга ҳам, шахсий ҳаётга ҳам, ҳатто, соғлиғингизга ҳам таъсир кўрсатмай қолмайди. Серқатнов йўлларда ҳушёрликни оширишингиз талаб этилади. Кимлардир ўтмишдаги ўзига яқин бўлган бир инсонни тасодифан учратиб қолиши кутилади. Ҳойнаҳой, у ўтмишдаги илк муҳаббатингиз бўлса керак.
ҚИСҚИЧБАҚА (22. 06 — 22. 07)
Бугун ирода кучингизни ишга соладиган кун. Иш қанчалар оғир бўлмасин, чидашингиз зарур. Сизга ёрдам берадиганлар топилади. Сира ташвиш чекманг. Овқатланишда ҳам эҳтиёткорлик билан иш тутинг. Ширинликлар, қовурилган, дудланган маҳсулотларни ейишдан тийилинг. Ошқозонингиз уларни кўнгилдагидек ҳазм қила олмайди. Режимга амал қилмасангиз, саломатлигингизда муаммо чиқиши ҳеч гап эмас.
АРСЛОН (23. 07 — 23. 08)
19 март куни ишни спорт ва пиёда сайр билан уйғунлаштирсангиз, зиён қилмасди. Лекин меъёрни билишингиз шарт. Харидларни амалга оширишда олдин маҳсулотнинг нархини аниқланг. Ана шундан кейингина пул тўлашга ошифта бўлинг. Оилада яқинларингиз асабингизга тегадиган музокараларни бошлаши эҳтимолга яқин. Бу музокараларни бошқа кунга қолдирганингиз маъқул. Ўзингизни эҳтиёт қилинг.
ПАРИЗОД (24. 08 — 22. 09)
Қайсидир масалада иккиланишлар бўлса, шу масаладан хабардор одамларга маслаҳат солганингиз дуруст. Бунинг учун тортиниб ўтиришнинг кераги йўқ. Бугун иш кўп бўлади. Шуни ҳисобга олинг. Молиявий муаммоларни тижоратчи танишлар ёки дўстлар ёрдамидагина бартараф эта оласиз. Куннинг иккинчи ярмида бизнесига эга одамлардан кимдир шериклик таклиф этиши ҳам эҳтимолдан холи эмас. Рози бўлманг. Бизнес сизнинг ишингиз эмас.
ҚЎЙ (21. 03 — 20. 04)
Бугун куннинг биринчи ярмида қайсидир иш билан йўлга отланишингиз кутилади. Ҳатто, яқинларингизни ҳам огоҳлантиришга улгурмаслигингиз мумкин. Лекин ташвишланишга ҳожат йўқ. Сафардан уларга совғалар олиб келасиз. Шу баҳонада моддий аҳволингизни яхшилаб оласиз. Ишингизга оид янги ғоялар бўлса, ҳамкасбларга гуллай кўрманг. Кўз тегади. Тадбиркорларнинг бизнес режаси ҳуқуқий жиҳатдан пишмаганлиги сабабли йўққа чиқиши мумкин. Кечқурун албатта тоза ҳавода сайр қилинг.
БУЗОҚ (21. 04 — 20. 05)
18 март куни саломатлигингиз аъло даражада бўлишига қарамай, кайфиятингизда позитив кўзга ташланмайди. Яқин кишингиз ҳақида қаттиқ қайғуришингиз мумкин. Шунинг оқибатида уйдан ташқарига чиққингиз ҳам келмайди. Дам олинг, кайфиятни жойига келтиринг. Ҳаммаси ўтиб кетади. Эмоция етовида қолиб кетманг. Муаммолар бўлса ўз вақтида бартараф этилади. Омад сизга ёр бўлсин!
ЭГИЗАКЛАР (21. 05 — 21. 06)
Куннинг биринчи ярмида кутилмаганда мукофот пули олишингиз мумкин. Раҳбарларингиз ишингизни юқори баҳолайди. Хурсанд бўлаверинг. Кун давомида шоколад, газланган ичимликлар ва чипсларни унутинг. Улар сизга ҳеч қачон фойда келтирмайди. Бўтқалар, товуқ шўрва истеъмол қилинг. Ошқозонингиз албатта мамнун тортади. Эрталаб бадантарбияни ҳам унутиб қўймаслигингиз тавсия этилади. Айниқса, бўғимлар оғришидан безовталанаётганлар бадантарбияни ўтказиб юбормасликлари зарур.
ҚИСҚИЧБАҚА (22. 06 — 22. 07)
18 мартда бошлаган ишларингизни охирига етказишингиз сўралади. Айниқса, бу иш моддий аҳволингиз тез фурсатда яхшиланиши билан боғлиқ бўлса, ортга суриш, чўзиш ярамайди. Молиявий масала булутсиз эмас. Шунинг учун тезроқ бу муаммони бартараф этишингиз керак. Қўли эгрилар билан баҳслашишдан тийилинг. Улар сизни ҳам ҳаромнинг домига тортиб кетиши ҳеч гап эмас. Ўзингизни эҳтиёт қилинг. Тўғри овқатланинг.
АРСЛОН (23. 07 — 23. 08)
Ишхонангизда бугун шу қадар ҳаракатчан, ташаббускор ходимга айланасизки, ҳамкасблардан тортиб раҳбарларгача ҳайратдан ёқа ушлаши тайин. Худди шу хислат билан унча-мунча оғир ишларнинг ҳам додини бера оласиз. Кун давомида электрон алоқа қутингизни кўздан ўтказиб туришни унутманг. Муҳим хабар келиб тушиши мумкин. Балки муҳим ҳужжатлар ҳам келар. Улар ёрдамидагина олдинга интила оласиз. Рўзғорингиздаги барча муаммолар фантастик тезликда ижобий ҳал бўлади. Оллоҳ сизга ёр бўлсин!
ПАРИЗОД (24. 08 — 22. 09)
18 март куни эрталабдан энг жиддий деб ҳисоблаган муаммоларни бартараф этасиз. Бугун ҳар қандай турдаги учрашувга ҳам кечикмасдан боришингиз талаб этилади. Шахсий ҳаётингизда танаффуслар юзага келиши мумкин. Тайёр туринг. Яқин инсонингиз билан муносабатларда муаммо бўлмайди. Сурункали хасталикка йўлиққанлар муолажа олиш вақти етганини унутиб қўймасликлари керак. Бугун атмосферада магнит бўронлари ҳам бошланиши мумкин. Ўзингизни эҳтиёт қилинг.
ҚЎЙ (21. 03 — 20. 04)
Бугун ишларингиз кўп бўлади. Қаерларгадир бориб иш битиришингиз керак, тадбиркор бўлсангиз, ҳамкорлар билан муҳим келишувларга эришишингиз лозим бўлади. Агар бўлмағур хаёлларни миянгиздан чиқариб ташламасангиз, ўзингизни ўзингиз боши берк кўчага олиб кириб қўйишингиз ҳеч гап эмас. Йирик лойиҳалар устида иш бошлаган бўлсангиз, жамоавий ҳаракатларга эътибор қаратинг. Қўшимча даромадли ишларни адо этиш кечқурун киссангизни пулга тўлдиради.
БУЗОҚ (21. 04 — 20. 05)
17 март куни ишхонангизда ҳамкасблардан бири билан ади-бади айтишиб қолишингиз жиддий кўнгилсизликларга сабаб бўлиши мумкин. Айб сизда эмас, ҳамкасбингизда бўлади. Айнан у сизга ҳақоратларга қоришиқ сўзларни айтиб вазиятни чигаллаштиради. Ғийбатчиларнинг ғийбатлари, ортингиздаги висир-висирлар тек туришга қўймайди. Куннинг иккинчи ярмида яқин дўстлардан бири билан орангизда ёқимли суҳбат кечиши кутилади. Шу суҳбат кайфиятингизга қайтадан позитив ҳадя этса ажаб эмас.
ЭГИЗАКЛАР (21. 05 — 21. 06)
Бугун эгизаклар буржи остида таваллуд топганлар қўшимча куч ва имкониятларга эга бўлишади. Шунинг натижасида ҳар қандай кўнгилсизликларни осонлик билан енгиб ўтасиз. Кузатувчанлик, қатъият моддий аҳволингизни яхшилашда жуда асқотади. Шуни унутманг. Саломатлик масаласида партизанларча иш тутишингиз ярамайди. Бирор ерингиз оғрий бошладими, дарров врач қабулига боришингиз тавсия этилади. Ўзингизни ўзингиз даволашингиз нотўғри бўлади.
ҚИСҚИЧБАҚА (22. 06 — 22. 07)
17 мартда техника билан боғлиқ ишда ишловчилар ҳар қандай импровизациядан воз кечишлари керак. Чунки бу сизга ижод эмаски, фантазия ёрдамида исталган амалга қўл ураверсангиз. Ишхонангиздаги раҳбарлар зиммангизга юклаган вазифаларни ўз вақтида сифатли адо этишга ҳаракат қилинг. Пулдан хавотир олманг. У албатта бўлади иншооллоҳ. Кечқурун бир воқеа юз берадики, ҳайратдан ёқа ушлайсиз. Ишқилиб, яхшиликка бўлсин.
АРСЛОН (23. 07 — 23. 08)
Бугунги кунингиз туйғулар, эмоциялар, романтикага жуда бой бўлади. Муҳаббатингизнинг мўъжизаларидан лол қоласиз. Аммо хаёлпарастликка ҳаддан ташқари берилиб кетманг. Ҳаётга, ишга реал кўз билан боқишингиз шарт. Куннинг иккинчи ярмида сизни хизмат сафарига юборишлари мумкин. Асло бош торта кўрманг. Хизмат сафари сизга моддий манфаат келтиради. Омад сизга ёр бўлсин!
ПАРИЗОД (24. 08 — 22. 09)
17 март куни ҳар бир лаҳзани қатъий ҳисоб-китобда ушласангиз, омад келди деяверинг. Кун давомида сиз томонингиздан хафагарчиликлар, хатоликка йўл қўйишлар кўзга ташланмайди. Ҳамкасбларга нисбатан жиддий муносабатда бўлишингиз тавсия этилади. Уларга сир бой берманг. Ёлғизлар бугун кечқурун романтик учрашувга чиқишни режалаштиришганди. Афсуски, нимадир сабаб бўлиб учрашув ортга сурилади. Худонинг куни кўп. Бугун бўлмаса, эртага-да.
ҚЎЙ (21. 03 — 20. 04)
16 март куни ҳисобингизга келиб тушиши керак бўлган пулларни назорат этиш билан банд бўласиз. Бу асосан тадбиркорларга тегишли бўлиб, айрим пуллар тўлиқ келиб тушмаслиги туфайли ёқимсиз вазиятлар юзага келиши мумкин. Пулларни тўлиқ ўтказишса яхши эди. Акси бўлса, чув тушишингиз аниқ. Кечқурун тоза ҳавода сайр қилинг. Баъзилар шахсий ҳаётда ёқимли вазиятларни бошдан кечиришади. Омад сизга ёр бўлсин!
БУЗОҚ (21. 04 — 20. 05)
Бугун кайфиятингиз тўлиқ позитивда бўлиши кутилмоқда. Бунга дўстлардан бирининг сизга етказадиган хушхабари сабабчи бўлса не ажаб. Анчадан бери кўришмагандингиз. Мана, кўришасиз. Бунинг устига дўстингиз омадга эришаётганидан хабар топиб яна қувонасиз. Молиявий муаммолар бугун анча қийинчилик билан бартараф этилади. Лекин бунда сизнинг айбингиз йўқ. Кечқурун айримларга яқин инсони қимматбаҳо совға ҳадя этиши мумкин.
ЭГИЗАКЛАР (21. 05 — 21. 06)
16 мартда шахсий ҳаётингиз билан боғлиқ муаммоларни тушга қадар уддалаб улгуришингиз тавсия этилади. Фақат шошилманг. Шошилиш муаммони кўпайтириши мумкин. Овқатланишингизга алоҳида эътибор қаратинг. Ортиқча таом истеъмол қилиш ошқозонингизга зиён етказиши турган гап. Парҳез тутишни бошласангиз яна яхши. Бу ҳар тарафлама сизга фойда беради. Кечқурун тоза ҳаво сайрига чиқишингиз сўралади.
ҚИСҚИЧБАҚА (22. 06 — 22. 07)
Бугун ҳар қандай кўринишдаги учрашувлар ва ёзишмалардан воз кечинг. Айниқса, собиқ севганингиз билан боғлиқ бўлса қатъиян тақиқланади. Ўйлаб кўриш, фикрлаш вақти аллақачон етган. Айрилиқ икковингиз учун ҳам фойдали кечади. Қўшимча даромад келтирадиган иш таклиф этишлари мумкин. Дарҳол рози бўлинг. Пулнинг ортиқчаси бўлмайди. Лекин жисмоний зўриқишлар, оғир буюм кўтаришлардан нари бўлинг. Бу саломатлигингизга путур етказади. Омад сизга ёр бўлсин!
АРСЛОН (23. 07 — 23. 08)
16 март куни қандай йўл билан бўлмасин, олис сафарга чиқишни ортга суринг. Ҳатто бу сафар катта пул келтириши керак бўлса ҳам барибир йўлга чиқманг. Саломатлигингизни хавф остига қўйишдан, шахсий муаммолар урчишидан сақланинг. Спорт билан шуғулланишни тўхтатмаганингиз маъқул. Айниқса, мушакларни бақувват торттирадиган машқлар сизга ҳозир жуда ҳам керак. Кечқурун айримлар меҳмонга боради, баъзилар аксинча меҳмон кутади. Барчаси яхшиликка иншооллоҳ.
ПАРИЗОД (24. 08 — 22. 09)
Бугун атрофдагилар, ҳатто, яқинларингиз билан ҳам мулоқот қилишдан сақланинг. Ҳозир эмоционал ҳолатингиз тобида эмас. Ким биландир жанжаллашиб қолишингиз ҳеч гап эмас. Яхшиси, ёлғиз қолинг. Харидларни амалга оширмоқчи бўлганларга эҳтиёткорлик тавсия этилади. Катта чегирмали маҳсулотлар оқибатда сифатсиз чиқиб қолиши мумкин. Ухлашга ётишдан олдин сут ичишингиз сўралади. Шунда уйқунгиз сокин кечади.
ТАРОЗИ (23. 09 — 23. 10)
15 мартда шахсий ҳаётингиз билан боғлиқ қатъий ва тезкор қарорлар қабул қилишингизга тўғри келади. Бошқа йўл йўқ. Бошқачасига шахсий ҳаётингизга мазмун кирита олмайсиз. Ёлғизлар бу масалада янада қатъийроқ бўлишлари талаб этилади. Бугун муҳим учрашувлар, сафарлар ҳақида гап бўлиши мумкин эмас. Тадбиркор бўлсангиз ҳам бугун учрашувлар ва келишувларга тайёр эмассиз. Ундай кайфият сизни вақтинча тарк этган. Овқатланиш масаласига ҳам беэътибор бўлманг. Саломатликни асранг.
ЧАЁН (24. 10 — 22. 11)
Бугун чаён буржи вакиллари танаффусларсиз ишлашади. Фаоллик даҳшатли тезликка эга. Атрофдагилар иш юритишингизни кўргач, ҳайратдан ёқа ушлайди. Бундан бўлак имкони ҳам қолмайди. Ташвиши сизникидан ҳам кўпроқ танишлар, дўстларни ортиқча саволларга тутишдан нари бўлинг. Яхшиси, уларнинг шахсий ҳаётига аралашмай қўя қолинг. Ички сирларингизни бировга айтманг. Ичингизда сақланг. Шунда тинч бўласиз.
ЎҚОТАР (23. 11 — 21. 12)
15 март куни хаёлингизда ҳамма сизга қарши, сизни кўролмаётган, сизни ғийбат қилаётганга ўхшайверади. Аслида эса ундай эмас. Ҳаётга, атрофга оптимистларча боқинг. Шунда ҳақиқатни кўра оласиз. Иш бажариш асносида бўшаша кўрманг. Ўз вақтида якунлашга ҳаракат қилинг. Молиявий соҳада танаффуслар юзага келади. Даромад шу қадар мўмай бўладики, қувончдан рақс тушиб юборай дейсиз. Оллоҳ сизга ёр бўлсин!
ТОҒ ЭЧКИСИ (22. 12 — 19. 01)
Бугун сизга турли соҳаларга оид ишларда ҳамкорлик таклиф қилишади. Лекин бу барча таклифларни қабул қилинг дегани эмас. Сизда танлаш имконияти ҳам бисёр. Ўйлаб кўринг, текширинг, ўрганинг, ана ундан кейин қайси таклиф маъқул тушса, розилик билдиринг. Тадбиркорлар кун давомида жуда кўплаб ўзлари учун фойдали хабарлар эшитишлари кутилмоқда. Биласизми кимдан? Рақобатчилардан. Шундан кейин сиз улар билан ҳамкорлик ҳам қила бошлайсиз. Дунё шунақа-да. Чархпалаги бир айланса, душман дўстга, дўст душманга айланиб қолиши ҳеч гап эмас.
ҚОВҒА (20. 01 — 18. 02)
15 мартда миянгизда янги ғоялар туғилса, дарҳол уларни блокнотингизга ёзиб қўйинг. Тез орада уларни ҳақиқатга айлантирасиз. Ғояларингиз сизга моддий манфаат тақдим этади. Кун давомида майда харажатлар кўзга ташланиши кутилади. Бундан хавотирланишингизга ўрин йўқ. Оилалиларни ҳам ортга суриб бўлмас ишлар кутади. Уларни ўз вақтида адо этишингиз тавсия қилинади. Муҳаббатда кўнгилсизликлардан қочинг. Сизга етиб олишига йўл қўйманг. Омад сизга ёр бўлсин!
БАЛИҚ (19. 02 — 20. 03)
Балиқ буржи вакиллари аслида табиатан эмоционал эмас. Лекин бугун эмоцияни назоратга ола билмаслигингиз мумкин. Ҳаддан ошгунча қувонасиз, куласиз. Барчага қувончингизни намойиш этишга ошифта бўласиз. Лекин ўзингизни қўлга олишингиз керак. Кайфиятингиз сакраши охир оқибат сизни ранжишга мажбур қилиши мумкин. Кечқурун қариндошлардан бири у қадар қувончли бўлмаган бир хабарни етказиш эҳтимоли бор.
ТАРОЗИ (23. 09 — 23. 10)
Бугун тарози буржи остида туғилганлар асосан сафарлар, лойиҳалаштириш ва қурилиш амаллари билан банд бўлишлари кутилади. Куч ва имкониятларингиз етарли. Ҳатто, ёлғиз бўлсангиз, романтик учрашув учун ҳам қолади. Байрам тадбирлари, зиёфатлар ва меҳмонга таклиф этишса, бош тортманг. Оила қурмаганлар шу маросимлар сабаб бўлиб бўлғуси бахтини топиши эҳтимолга яқин. Овқатланиш режимини ёддан чиқарманг. Омад сизга ёр бўлсин!
ЧАЁН (24. 10 — 22. 11)
14 мартда молиявий соҳада сизни у қадар ёқимли бўлмаган вазиятлар кутиб туради. Айниқса, шахсий бизнеси борлар рақобатчиларнинг имкониятларини нотўғри баҳолаш натижасида моддий йўқотишларга юз тутишлари мумкин. Офисларда ишлайдиганларнинг лавозимлари ошиши кутилмоқда. Баъзилар яхши ишлагани учун бўлимлардан бирига раҳбар этиб тайинлашлари ҳам эҳтимолдан холи эмас. Маошингиз ҳам ошиши тайин албатта.
ЎҚОТАР (23. 11 — 21. 12)
Бугун жуда эҳтиёткор ва сергак туришингиз тавсия қилинади. Бориш керак бўлмаган ерга борманг. Бугун ўзингизча иш тутиш фойда келтирмайди. Сафарга чиқишдан ҳам ўзингизни нари олинг. Оилалилар шахсий манфаатларидан келиб чиқиб ўзгалар фойдаси учун ишлашлари кутилади. Қариндошлар бундан норозиланиши тайин. Аммо хотиржамликни қўлдан берманг. Орангизда катта жанжал юзага келиши мумкин. Сабрли бўлсангиз, ҳамма ишларингиз унумли кечади.
ТОҒ ЭЧКИСИ (22. 12 — 19. 01)
14 март куни асосан диққат-эътиборингиз тобида бўлиши лозим. Айниқса, молиявий ҳужжатлар билан ишлаганда эътибор, сергаклик керак бўлади. Хатога йўл қўйсангиз, кечирилмайди. Ишхонангизда сиз учун ёқимсиз муҳит юзага келиши мумкин. Шунинг учун ишдан эртароқ кетишга ҳаракат қилганингиз маъқул. Кечқурун оиласизлар романтик учрашувга чиқишади. Бахтингизни берсин! Ўзингизни эҳтиёт қилинг.
ҚОВҒА (20. 01 — 18. 02)
Эрталаб уйқудан уйғониб ҳаёт ҳақида фикрлай бошлайсиз. Ҳа, шахсий ҳаётингизда муаммолар етарлича. Яшаш оғирлашиб бораётгандек. Жуфтингиз сизга бўлган муҳаббатини йўқотиб қўйгандек. Бундай тушкун кайфият яқиндагина бўлғуси жуфти билан муносабатларни узганлар қалбидан ҳам кечиши ҳақиқат. Аммо ўзингизни еб боришингиз ҳеч қачон олқишланмайди. Кўнгилни кенгроқ қилинг. Ҳаёт давом этмоқда. Рўзғордаги икир-чикирларга андармон бўлинг. Чалғийсиз. Ташвишлар унут бўлади.
БАЛИҚ (19. 02 — 20. 03)
14 мартда одамни йўлдан чиқарувчилар, жодугар фирибгарлар таъқибида қолишдан сақланинг. Улар шафқатсиз. Улар учун одамнинг умри бир пул. Ўзингизни эҳтиёт қилинг. Рўзғорингизда ҳам муаммолар керагича топилади. Лекин уларсиз оила ҳам қурилмайди. Майда-чуйда гап-сўзларга ўралашиб қолманг. Ёлғиз бўлсангиз, романтикадан воз кечмаслигингиз сўралади.
ПАРИЗОД (24. 08 — 22. 09)
Ниҳоят бугун эрта тонгда анчадан бери ечилмас жумбоққа айланган муаммонинг ечимини топасиз. Муаммо жуда шахсий. Шу сабабли уни энг яқин инсонларга ҳам ошкор қила кўрманг. Томоқни асранг. Муздек ичимликлар ичманг. Акс ҳолда бронхит ёки ангина орттириб олишингиз ҳеч гап эмас. Рўзғорингизда ҳам юмушлар жуда кўп. Айримлар кечқурун хизмат сафарига отланади. Сафар раҳбарларингиз қаршисидаги обрўйингизни яна бир поғона юқорига олиб чиқади. Омад сизга ёр бўлсин!
ТАРОЗИ (23. 09 — 23. 10)
13 мартда энг муҳим ишларни сира иккиланмасдан режалаштираверсангиз бўлади. Сизда уларни муваффақиятли адо этиш учун барча зарур имкониятлар бор. Шахсий бизнесига эга дўстларимизни ҳам омад кутиб турибди. Кимки дам олиш, ҳаво алмаштириш учун қаергадир жўнаб кетса, уларни хотиржамлик, ҳашамат кутади. Тоза ҳаво сизни тетик торттириб, организмингиздаги барча негативларни йўқ қилади. Муҳаббатда кўксингизга ботиб тинчлик бермаётган тошни ирғитиб ташланг. Ҳаммаси яхши бўлади.
ЧАЁН (24. 10 — 22. 11)
Бугун пул билан жуда эҳтиёткорона муносабат юритишингиз керак бўлади. Гарчи яқинларингизга саховат кўрсатишни режа қилган бўлсангиз ҳам барибир эҳтиёткорликни қўлдан берманг. Ҳозир сизга тежамкорлик зарур. Кўрасизки, тежалган пуллар яқин орада сизнинг энг яхши кунингизга ярайди. Танишлардан бири куннинг иккинчи ярмида бўлар-бўлмас гаплари билан асабингизни қўзғаши мумкин. Кечқурун қариндошлардан бириникига меҳмонга борасиз. Лекин меҳмондорчилик сизга қувонч бера олмайди.
ЎҚОТАР (23. 11 — 21. 12)
13 март куни камроқ асабийлашинг. Бировларга жаҳл қилишдан, бировларни танқид остига олишдан тийилинг. Ўзингизни қўлга олинг. Кечирилмас хатоликларга йўл қўйишдан сақланинг. Дуч келганга қарз беравермаслигингиз тавсия этилади. Акс ҳолда тез орада инқирозга юз тутасиз. Кимлардир сиздан қарз олиб бермай юрган бўлса, обрўли танишларни ўртага солинг. Кечқурун жуфтингиз мазалидан ҳам мазалироқ таом пишириб кўнглингизни кўтариши кутилмоқда.
ТОҒ ЭЧКИСИ (22. 12 — 19. 01)
Жуфтингизга бўлган ишончгина орангиздаги муносабатлар янада мустаҳкам тортишини таъминлай олади. Ундан шубҳаланманг. Ишонинг. У сизни алдамайди. Сизга хиёнат қилмайди. Рўзғорингизда жиддий муаммолар пайдо бўлиши кутилади. Жиҳозларнинг кетма-кет бузилиши кайфиятингизни бузиши эҳтимолдан холи эмас. Илож қанча. Ҳозир янгисини сотиб олиш учун моддий аҳволингиз яхши эмас. Сабр қиласиз.
ҚОВҒА (20. 01 — 18. 02)
13 мартда молиявий масалада ташаббусни ўз қўлингизга ола билсангиз, муаммолар автомат тарзда ижобий ҳал бўлади. Киссангиз пулга тўлади. Ана шу ташаббус тижоратда яхшигина мутахассис эканингизни ҳам кўрсатиб беради. Бошқаларни танқид остига олишдан тийилинг. Ўз ишларингизни бажариш ҳаракатида бўлинг. Баъзилар катта бир байрам олдидан репитицияларда иштирок эта бошлаши мумкин. Ташқи қиёфангизга ўзгартишлар киритиш, янги либослар танлашни ҳам эсдан чиқарманг.
БАЛИҚ (19. 02 — 20. 03)
Бугун балиқ буржи остида таваллуд топганларнинг айримлари пул билан боғлиқ кўнгилсиз вазиятга тушиб қолиши кутилади. Аммо бу вазият юзага келишида сизнинг айбингиз йўқ. Шахсий автомобили борлар бугун серқатнов йўлларда тезликни ҳаддан ташқари оширадиган бўлса, жарималардан қочиб қутула олмасликлари аниқ. Ижод ва санъат соҳасида ишлайдиганларнинг ҳам омади келади. Фойдаланиб қолинг. Оллоҳ сизга ёр бўлсин!
ТАРОЗИ (23. 09 — 23. 10)
12 мартда кўзингизга кўринган воқеа, нарсалар сиз учун аввалгидан-да қизиқарлироқ туюла бошлайди. Организмингизда серотонин ишлаб чиқарилиши тезлашгандан тезлашади ва еттинчи осмонларда парвоз қила бошлайсиз. Лекин шахсий ҳаётда кўнгилсиз ҳодисаларни четлаб ўтиб бўлмаслиги ёмон. Жуфтингиз билан орангизда жиддий келишмовчиликлар пайдо бўлиши кутилади. Кечқурун ёши улуғ қариндошлардан бири сиздан пул қарз сўраши мумкин. Албатта ёрдам бериб дуосини олсангиз кам бўлмайсиз.
ЧАЁН (24. 10 — 22. 11)
Бугун чаён буржи остида дунёга келганларга кўпроқ вақтини жамоатчилик орасида эмас, уйда ўтказиш тавсия этилади. Иммунитетингиз тушиб кетган. Хавфли вирус юқтириб олишингиз ҳеч гап эмас. Бунга аллергия, безгак ва дифтерит қўшилса, бундан ёмони бўлмайди. Демак, ўзингизни эҳтиёт қилишингиз шарт. Моддий аҳволингиз ачинарли кечмайди. Оз бўлса-да, пул келиб киссангизга тушади иншооллоҳ. Фақат тежаб ишлатсангиз, зиён қилмасди. Харидларга у қадар зеб берманг.
ЎҚОТАР (23. 11 — 21. 12)
12 март куни хавотирлар, ёввойи ҳаяжонлар ҳадеганда сизни безовта қила бошлайди. Бу кайфиятингиздаги позитивликни ҳам еб битириши мумкин. Куннинг иккинчи ярмида раҳбарларингиз хизмат сафарига жўнатиши кутилади. Сира боргингиз келмайди. Ёлғиз бўлсангиз, айнан бугун суюкли инсонингиз билан учрашишни режа қилгандингиз. Афсуски, учрашувни ортга суришга тўғри келади. Майли, бу галги синов ҳам танлаганингизнинг сизга бўлган соф туйғуларини яна бир карра текшириб олиш учун имкон беради.
ТОҒ ЭЧКИСИ (22. 12 — 19. 01)
Бугун тоғ эчкиси буржи остида туғилган аёллар эрталабдан ташқи қиёфасига зеб бериш амалларини бошлаб юборишади. Бу амал тушгача чўзилиши мумкин. Лекин сизга барибир. Анчадан бери ташқи қиёфангизга бу қадар жиддий эътибор қаратмагандингиз. Баҳонада саломатлигингиз ҳақида ҳам қайғуриб оласиз. Ортиқча вазндан безовта бўлаётганлар зудлик билан парҳез бошлаганлари маъқул. Кечқурун кимлардир сафарга отланади. Сафар ёлғизлар учун, айниқса, романтик кечади.
ҚОВҒА (20. 01 — 18. 02)
12 мартда эрталаб оилавий ташвишлар, заҳира пулларнинг ўрнини тўлдириш каби юмушларга тушиб кетишингиз кутилмоқда. Баъзилар кечгача уй таъмири билан банд бўлиши мумкин. Куннинг иккинчи қисмида дўстларингиздан бирининг қўнғироғи сизни сергак торттиради. Ижод кишиларини бугунги кун моддий жиҳатдан мукофотлашни мўлжаллаган. Шкафда қолиб кетган асарларингиздан бирига харидор чиқадиган бўлиб турибди.
БАЛИҚ (19. 02 — 20. 03)
Бугунги кун сиз учун росмана қувончли кечади. Зарарли одатларингиз бўлса, тушга етмай ташлаш ҳаракатига тушсангиз ҳам зиён кўрмайсиз. Муҳаббатда оилалиларнинг омади чопиб, жуфтидан кутилмаган совғалар олишлари кутилмоқда. Саломатлигингизга жиддий қаранг. Баҳор узилиш фасли бўлгани сабабли кўкатларни кўпроқ истеъмол қилинг. Шу баҳонада гемоглабин ва иммунитетни кўтариб олинг. Оллоҳ сизга ёр бўлсин!
ТАРОЗИ (23. 09 — 23. 10)
Бугунги кунингиздан кўп нарса кутсангиз бўлади. Бунинг учун худога беадад шукрлар қилишингиз керак. Ишда, шахсий ҳаётда деярли тўсиқларга учрамайсиз. Аммо пулни тежашингиз шарт. Негаки, бугун сиз кутган мўмай даромадлар бўлмайди. Оила қурмаганлар муҳаббатда оламшумул эҳтиросларга дўст тутинишади. Тадбиркорлар бизнесдан ҳар лаҳзада хабардор бўлиб туришлари талаб этилади. Ҳар ҳолда дўстдан кўп душман деганлар. Кечқурун айримларнинг хонадони меҳмонга тўлиши, баъзиларникида чақалоқ йиғиси жаранглаши мумкин.
ЧАЁН (24. 10 — 22. 11)
11 мартда ишхонангиздаги раҳбарлар сизга нисбатан ғазабнок кайфиятда бўлишлари эҳтимолдан холи эмас. Аслида айб ўзингизда. Ишни йиғиб олгансиз-у, айтилган муддатда якунлай олмагансиз. Тушдан кейин сизни ёқимли лаҳзалар кутиб туради. Кўчадами, офисдами, қачонлардир бирга ўқиган синфдошингизни учратиб суҳбатлашасиз. Суҳбат узоқ давом этиши мумкин. Бироқ уни назоратда ушланг. Тақиқланган хабарлар, сирларни гуллаб қўйманг.
ЎҚОТАР (23. 11 — 21. 12)
Бугун биринчи навбатда бассейнда чўмилишингиз, спортнинг фаоллик талаб қилувчи турлари билан шуғулланишингиз, йогага эътибор қаратишингиз зарур бўлади. Саломатлигингиз панд бериш арафасида қолган. Уни қайта тикламасангиз, ҳолингиз оғир кечиши ҳеч гап эмас. Ишда тартибга алоҳида эътибор беринг. Айниқса, тадбиркорликни яқинда бошлаганлар учун тартиб жуда зарур. Пул масаласида муаммо чиқса, албатта ҳуқуқшунос ёрдамига суянинг.
ТОҒ ЭЧКИСИ (22. 12 — 19. 01)
11 март куни эрталабдаёқ яқин дўстларингиздан бири асабингизга тегадиган ҳаракатларни содир эта бошлаши мумкин. Лекин сиз унга тўғри йўлни кўрсатиб қўя оласиз. Тажрибаси кам, яқинда ишга жойлашган ҳамкасблар хатоликларга йўл қўйса, уларни танқид остига ола кўрманг. Яхшиси, уларга ёрдам қўлини чўзинг. Бир кун яхшилигингиз албатта қайтади. Ўша ҳамкасб бир умр сиздан миннатдор бўлиб яшайди. Кечқурун ёқимли хабарлар эшитишингиз кутилмоқда. Ўзингизни эҳтиёт қилинг.
ҚОВҒА (20. 01 — 18. 02)
Кунингиз сафарлар ва учрашувлардан иборат бўлиши кутилади. Улар кечга қадар оёғингиздан олади. Лекин бошқачасига эзгу мақсадларга етишингиз қийин кечади. Муҳаббатда шу пайтга қадар туманли осмонлар остида эдингиз. Энди ёрқинлик сари интилинг. Жуфтингиз ёки бўлғуси жуфтингизга янада реалроқ кўз билан боқа бошланг. Туйғуларингизни чиғириқдан ўтказинг. Кечқурун сизни оилавий меҳмонга таклиф этишлари мумкин. Меҳмондорчилик кайфиятингизга позитив ҳадя этади.
БАЛИҚ (19. 02 — 20. 03)
11 мартда шахсий ҳаётингизда каттадан-катта танаффуслар юзага келади. Улар ҳаётингизга фавқулодда кириб келади. Бироқ сиз мамнун тортасиз. Болаликдаги дўстларингиздан бири ўзининг бўлар-бўлмас, совуқ ҳазиллари билан жиғингизга тегиши мумкин. Ундан қутулишнинг бирдан бири йўли шуки, унга қулоқ тутиб ўтирмай, терс ўгирилинг ва нари кетинг, вассалом.
Мушукни ким биринчи топаркин?
Белгилаб админга юборинг👇
@acroc
ҚЎЙ (21. 03 — 20. 04)
10 март куни уйқудан машина сотиб олиш орзуси билан уйғонишингиз мумкин. Агар шундай бўлиб чиқса, шошилмаганингиз маъқул. Чунки бунинг учун ҳали кўп тер тўкишингиз керак бўлади. Молия соҳасида ишловчилар ва тадбиркорлар ҳужжатларни ковлаштириш билан кўп вақт йўқотишлари кутилади. Лекин шунга яраша фойдасини ҳам кўрасиз. Бу ҳужжатлар даромад манбаи, ахир. Яқин орада мўмай даромаддан умид қилаверинг. Омад сизга ёр бўлсин!
БУЗОҚ (21. 04 — 20. 05)
Эрталаб ўтган кунлардагидан қолиб кетган айрим масалаларни ижобий ҳал этиб қўйишингиз талаб этилади. Агар идорама-идора чопиш керак бўлса чопасиз. Шундан бўлак иложингиз ҳам йўқ. Моддий аҳволингиз кўнгилдагидек кечмаслиги мумкин. Кечқурун баъзилар ёлғиз қолиб яқин ўтмишдаги хотиралар уммонига ғарқ бўлади. Ёлғиз бўлсангиз, оила қуриш ҳақида жиддий ўйлаб кўрмасангиз бўлмайди. Танлаганингиз бўлмаса, кўчага чиқинг. Бугун идеалингиздаги инсонни учратиш имконияти бор.
ЭГИЗАКЛАР (21. 05 — 21. 06)
10 мартда ишчанлик кайфиятига эга бўлиш учун бир чашка кофе ичиб олсангиз ҳам зиён қилмайди. Шу заҳоти сергак тортасиз. Жуда бўлмаса, юз-қўлингизни муздек сувда чайинг. Мусиқа эшитинг. Меҳнатдан қочмайдиганлар керак бўлса йўқ жойдан имконият топади. Жуфтингиз билан муносабатларда ҳорғинлик кўзга ташланиши эҳтимолга яқин. Ўзингиз ҳаракат қилинг. Романтика ўйлаб топинг. Ҳаммаси жойига тушади. Омад сизга ёр бўлсин!
ҚИСҚИЧБАҚА (22. 06 — 22. 07)
Кунингиз ҳам нотинч, ҳам камтарона кечади. Бу сизни омадга етказади иншооллоҳ. Балки бошқа бир соҳада омадга эришишни истагандирсиз. Аммо бошқа соҳада омадга эришасиз. Нима фарқи бор? Тўғрими? Айримларга ҳавонинг ўзгарувчанлиги салбий таъсир кўрсатиши мумкин. Жисмоний ҳолатингизда салбий манзаралар намоён бўлади. Шамоллашингиз ёки грипп юқтиришингиз эҳтимоли бор. Бу масалада сизга фақат врач ёрдам бера олади.
АРСЛОН (23. 07 — 23. 08)
10 март куни сизни турли хавфли вазиятлар таъқиб этиши эҳтимолга яқин. Кимлардир сизни чув тушириши ёки алдаб кетиши мумкин. Шахсий бизнесига эга дўстларимиз эса аксинча муваффақиятлар қуршовида бўлишади. Бизнес сизга мўмай даромадлар, баҳорий кайфият ато этади. Муҳаббатда фақат дангасалик қилмаган ёлғизлар бахтини учратиши кутилади. Дангасалик қилсангиз, шубҳасиз бахтдан маҳрум бўласиз. Кечқурун тоза ҳавода сайр қилишни унутманг. Оллоҳ сизга ёр бўлсин!
ПАРИЗОД (24. 08 — 22. 09)
Бугун ишга тушишдан олдин ўзингиз учун қисқа танаффус эълон қилинг. Хабарларнинг чеки бўлмаслиги мумкин. Уларни танлаб қабул қилинг. Муҳаббатда фақат муваффақиятли лаҳзалар сизга ҳамроҳлик қилади. Улар моддий аҳволингиз яхшиланишида ҳам наф беради. Ёлғиз бўлсангиз, орзуингиздаги инсонни учратасиз. Лекин дастлабки учрашувданоқ хулоса чиқаришга шошилманг. Бир-бирингизни яхшилаб ўрганишингиз керак. Оғир ҳазм бўлувчи таомлардан қочинг.
ҚЎЙ (21. 03 — 20. 04)
9 март куни чигал вазиятларга, тушкун кайфиятга эътибор қилиб ўтирманг. Ундан кўра шахсий ҳаётингизда ижобий ўзгаришлар ясаш ҳақида қайғуринг. Бир жойда ўтириб омадни кутганингиз билан келиб қолмаслигини биласиз. Ишда жуда фаол бўлинг. Айниқса, тушкун кайфиятда қолсангиз, фаоллик, меҳнат сизни чалғитади ва позитив ҳадя этади. Молиявий масалада бировларга ишониб қолманг. Токи ўзингиз ҳаракат қилмас экансиз, пул барибир осмондан тушиб келмайди. Омад сизга ёр бўлсин!
БУЗОҚ (21. 04 — 20. 05)
Бугунги кунингиз ташвишли лаҳзаларга бой бўлиши, ўзингизга бўлган ишончга нисбатан қалбингизда шубҳа уйғониши кутилади. Агар буларнинг барчаси ўзингизни ёмон ҳис этаётганингиз туфайли юз берса, дарҳол керакли дорини ичиб олишингиз керак. Пул туфайли ташвиш чекаётган бўлсангиз, бекор қиласиз. Кечқурунга яқин қўлингизга албатта пул тушади иншооллоҳ. Мўмай бўлмаса ҳам ҳар ҳолда киссангиз қуриб қолмайди. Омад сизга ёр бўлсин!
ЭГИЗАКЛАР (21. 05 — 21. 06)
9 мартда айримлар эрталабдан жуфти билан ади-бади айтишиб қолиши мумкин. Жанжал йўқ жойдан пайдо бўлади. Шундай экан, бирингиз паст келсангиз, осмон узилиб ерга тушмайди. Бир марта жанжал чиққан уйдан қирқ кун барака қочади. Шуни унутманг. Сиз ҳақ бўлсангиз, жуфтингизга шу матални уқтириб қўйинг. Сиз ҳам характерингизни яхши томонга ўзгартиришга ҳаракат қилинг. Мунтазам бадартарбия билан шуғулланиш, парҳез қилиш сизга жисмонан тетик бўлишингизда ёрдам беради.
ҚИСҚИЧБАҚА (22. 06 — 22. 07)
Агар бугун шахсий ва молиявий муаммолар йўлингизга кўндаланг бўлса, айбни фақат ўзингиздан қидиришингиз тавсия этилади. Айримлар позитив топа олмаслик натижасида уйдан кўчага чиқмай диванга ястаниб олишлари мумкин. Аммо ҳаёт давом этмоқда. Тоза ҳавода сайр қилиш, романтик учрашувлар бугун ажойиб тарзда кечиши мумкинлигини унутманг. Айниқса, тадбиркорларнинг куни туғади. Даромад мўмай бўлади, ишонинг.
АРСЛОН (23. 07 — 23. 08)
9 март куни ишларингизда жиддий тўсиқлар пайдо бўлади. Ёлғиз қолишни хоҳлай бошлайсиз. Баъзилар спортзалга йўл олиш ҳаракатига тушади. Жуда тўғри йўл. Спорт сизга ҳар жиҳатдан ёрдам беради. Кайфиятингизга позитивлик бахш эта билсангиз, ҳар бир машқ сизга фақат ҳузур ато этади. Саломатлигингиз ҳақида кўпроқ ўйланг. Овқатланиш режимини асло буза кўрманг. Ошқозонингизда муаммо юзага келишини истамасангиз, кўча овқатини тановул қилманг.
ПАРИЗОД (24. 08 — 22. 09)
Зинҳор оқимга қарши сузманг. Эмоцияни назоратга олинг. Тадбиркор бўлсангиз, иш юзасидан белгиланган учрашувларни ҳам ортга суринг. Муҳаббатда ҳам айрим чигалликлар кўзга ташланади. Бу муаммони ақлни ишлатган ҳолда бартараф этиш лозим. Шахсий бизнесига эгалар агар омад кулиб боқишига ишонишмаса, йирик ҳажмдаги маҳсулотларга катта пул тикмаслиги тавсия қилинади. Сурункали хасталикка чалинганлар муолажалар ҳақида ўйлаб кўришлари керак. Омад сизга ёр бўлсин!
ҚЎЙ (21. 03 — 20. 04)
8 март сиз учун юз фоиз ёрқин ҳодисаларга бой ва оптимизм кунига айланади. Йўқ, байрам бўлгани учун эмас, шунчаки кайфиятингиз аъло даражада бўлади. Ёлғизларга маслаҳат шуки, севганингизни ўзингизга янада яқинлаштириш учун унга болалигингиздаги қизиқарли воқеалардан гапириб беринг. Шунда учрашувингиз ҳам романтиклар романтигига айланади. Тадбиркорлар ҳамкорларига ўзининг қанчалар дипломатик хусусиятларга эгалигини намойиш этишса фойдадан холи бўлмасди.
БУЗОҚ (21. 04 — 20. 05)
Бугун нимани орзу қилган бўлсангиз, орзуларингиз қисқа фурсатларда ҳақиқатга айланиши кутилмоқда. Сизга бообрў кишилар ҳатто моддий кўмак ҳам беришади. Ваҳоланки, сиз улардан моддий кўмак сўрамаган чиқасиз. Оиласизмисиз? Бўлғуси жуфтингизга айланиши лозим бўлган инсоннинг қалбига йўл топа олмаяпсизми? Аёллар бундай лаҳзаларда гўзаллик салонига бориб келишлари талаб этилади. Балки шу йўл билан суйганингизни ўзингизга маҳлиё қила оларсиз?
ЭГИЗАКЛАР (21. 05 — 21. 06)
8 мартда байрамлигига қарамай, тирикчилик илинжида ишга қўл урадиганлар бошлиқ билан бўлиб ўтадиган суҳбатдан сўнг қаттиқ ранжишлари кутилади. У сизнинг униб-ўсишингиз масаласига бефарқ қарайди-ю, сиз бундан қаттиқ норози бўласиз. Муваффақиятсизликка учрасангиз, тақдирга бор айбни тўнкашдан тийилинг. Қиладиган ишингизда, шахсий ҳаётингизда туб бурилишлар ясаш вақти келди. Ҳаракатингизни қилинг. Шундай қилингки, бурилишларнинг барчаси ижобий бўлсин.
ҚИСҚИЧБАҚА (22. 06 — 22. 07)
Бугун муҳаббатда кўз кўриб қулоқ эшитмаган муваффақиятларни қўлга киритасиз. Бунга байрам завқи қўшилса, яна яхши. Жуфтингиз ёки бўлғуси жуфтингиз қаршисида тажрибали психологга айланасиз. Қўлингиздаги мавжуд пулларни тежаб ишлатишга эътибор қаратмасангиз, сизга муҳаббат ҳам ёрдам бера олмаслиги мумкин. Саломатлигингиз ҳақида ҳам ўйлаш фурсати етди. Баҳор кириб келди. Энди организмда узилиш ҳолатлари юзага келади. Кўпроқ витаминлар истеъмол қилинг.
АРСЛОН (23. 07 — 23. 08)
8 март куни кимларгадир қайсидир масалада ҳақлигингизни исботламоқчи бўлсангиз, олдин бунга ишончли далилларни топишингиз керак. Акс ҳолда сизни кўролмаслар отини қамчилашга тушади. Ким бугун кун давомида олис сафарга чиқса, билсинки, азалий орзуларидан бири ушалади. Нафақат мириқиб дам оласиз, балки ўзингизга бўлган ишонч ҳисси ҳам бир неча баробарга ортади. Муҳаббатда жуда эҳтиёткор бўлинг. Асабни асранг. Кечқурун ухлашга ётишдан олдин сут ёки қатиқ ичиб ётсангиз, тушларингиз ёрқин кечади.
ПАРИЗОД (24. 08 — 22. 09)
Бугун кўпчилик характерингиз оғирлигини юзингизга айтиши кутилмоқда. Аммо сиз сира ранжимайсиз. Аксинча ижобий хислатларингизга яна бир бор эътибор қаратасиз. Моддий аҳволингизни яхшилаш масаласи ҳам анча чигал кўринмоқда. Ҳаракатлар кўп бўлиши лозим. Тафаккурни ишга солмасангиз, пулингизга пул қўшишингиз амри маҳол бўлиб қолади. Жуда дўппи тор келса, бадавлат танишларга мурожаат этинг. Айримлар янги манзилга кўчиши эҳтимолга яқин. Оллоҳ сизга ёр бўлсин!
ҚЎЙ (21. 03 — 20. 04)
Бугун қўй буржи вакилларининг кўпчилиги гўё муаллимга айланишади. Болалар тарбияси, атрофдагиларга маънавиятдан қисқа дарслар бериш сизга ҳам жуда ярашиб тушади. Аммо бу ишни амалда исботлашингиз лозим. Қуруқ гап билан атрофдагиларнинг ишончига кира олмайсиз. Болаларингиз учун худди яқин дўстга айланинг. Уларни тарбиялашда ҳақиқий педагогик усулларни қўлланг. Бугун жисмоний меҳнатдан тийилишингиз керак. Организмингизни зўриқтириб қўйишингиз мумкин.
БУЗОҚ (21. 04 — 20. 05)
7 март куни молиявий муаммоларингизнинг бартараф этилиши жуда қийин кечадиган бўлиб турибди. Хавотирлар забтига олиши мумкин. Лекин бундан фожиа ясашингиз ҳам нотўғри бўлади. Дунёда битмайдиган ишнинг ўзи йўқ. Эртами-кечми барибир ижобий натижага эришасиз албатта. Муҳаббатда омад сиз томонда. Айниқса, оила қурмаган бўлсангиз, сизни бу соҳада баҳорий туйғулар қуршаб олади. Гармония кечга қадар сизни тарк этмайди.
ЭГИЗАКЛАР (21. 05 — 21. 06)
Неки ташвиш бошингизга ёғилса, фақат ўзингизни айблашингиз лозим. Шунда сергак тортасиз. Бировларни ўз хатоларингизда айблашдан тийилинг. Аёллар ва қизлар куннинг иккинчи ярмида байрамолди амалларни адо эта бошлашса, фойдадан холи бўлмайди. Ташқи қиёфангизга баҳорий тус беринг. Ёшаришга ҳаракат қилинг. Бу ишда сизга етук мутахассислар албатта ёрдам беришади. Кечқурун ёлғизларни романтик учрашув кутади. Сиз баҳорий позитивга эга чиқасиз. Омад сизга ёр бўлсин!
ҚИСҚИЧБАҚА (22. 06 — 22. 07)
7 март сиз учун жуда ажойиб ва ёқимли кечиши кутилмоқда. Фақат ўзингизни даҳо деб ҳисобламанг. Акс ҳолда нуфузли шахслар қаршисида обрўйингизни йўқотиб қўйишингиз ҳеч гап эмас. Истеъдодингизни камтарона кўринишда барчага намойиш этинг. Кечки пайт ёлғизларни романтик лаҳзалар кутиб туради. Сизни ўзингиз суйган инсон романтик кўринишдаги кечки овқатга таклиф этиши мумкин. Учрашувдан асло воз кечманг. Оллоҳ сизга ёр бўлсин!
АРСЛОН (23. 07 — 23. 08)
Эрталабдан ёлғиз қолишни ихтиёр этасиз. Кечқурунга бориб бу ёлғизлик сиз учун қаҳратон қишга айланади. Шунинг учун ёлғизликдан тезроқ қочиш пайида бўлинг. Яхшики, севган ишингиз бор. У билан андармон бўлишингиз мумкин. Иш барча ташвишларни ва ёқимсиз лаҳзаларни нари ҳайдайди. Агар пул келадиган янги манбани топа олсангиз, бугун моддий аҳволингиз яхшидан ҳам яхшироқ кечади. Шахсий автомобилингизни бошқараётиб телефон орқали бировлар билан гаплашмаслигингиз тавсия этилади.
ПАРИЗОД (24. 08 — 22. 09)
7 март куни ўзингизни ўзингиз еб битириш пайида бўласиз. Қачонлардир йўл қўйилган хатоларни эслаб виждон азобини бошдан кечиришингиз мумкин. Лекин ҳаёт давом этмоқда. Ҳар жабҳада фақат плюсларни-да кўришга ҳаракат қилинг. Ҳаёт синовларидан нолиманг. Оллоҳнинг синовлари бу. Куннинг иккинчи ярмида айрим хатоликларни тузатиш имкони туғилади. Кимлар биландир жанжаллашган бўлсангиз, ярашасиз. Ёлғизлар ўз муҳаббатини тасодифан учратиб қолиши ҳам эҳтимолдан холи эмас.