Muhammad Yusuf izdoshlari
13 ноября 2024 01:47
ЁШЛАР
Мақсадлари мунаввар, олий,
Қадамлари дадил, музаффар,
Юлдузларни кўксига тақиб,
Довруғ сочар бугунги ёшлар.
Юрагида шижоат, шиддат,
Эртасига ишонч барқарор.
Илму ҳунар, спорт, санъатнинг
Сиррин очар бугунги ёшлар!
Биз ҳеч кимдан кам эмасмиз, деб,
Юксакларга нигоҳин ташлар.
Жаҳон марди-майдонларида
Зафар қучар бугунги ёшлар.
Элнинг улуғ сиймоларига
Муносиблик ишқида яшар,
Миллат, ғурур, юрт-Ватан учун
Жондан кечар бугунги ёшлар!
✍️ Хуршида Ваҳобжон қизи,
Андижон вилояти.
Муҳаммад Юсуф издошларига қўшилинг👇 @ari 👈 каналимиз,
@ariguruhi👈 гуруҳимиз.
YOSHLAR
Maqsadlari munavvar, oliy,
Qadamlari dadil, muzaffar,
Yulduzlarni koʻksiga taqib,
Dovrugʻ sochar bugungi yoshlar.
Yuragida shijoat, shiddat,
Ertasiga ishonch barqaror.
Ilmu hunar, sport, sanʼatning
Sirrin ochar bugungi yoshlar!
Biz hech kimdan kam emasmiz, deb,
Yuksaklarga nigohin tashlar.
Jahon mardi-maydonlarida
Zafar quchar bugungi yoshlar.
Elning ulugʻ siymolariga
Munosiblik ishqida yashar,
Millat, gʻurur, yurt-Vatan uchun
Jondan kechar bugungi yoshlar!
✍️ Xurshida Vahobjon qizi,
Andijon viloyati.
Muhammad Yusuf izdoshlariga qoʻshiling👇 @ari 👈 kanalimiz,
@ariguruhi👈 guruhimiz.
/channel/Muhammadyusufizdoshlari
Читать полностью…
Muhammad Yusuf izdoshlari
07 ноября 2024 20:21
ТЎРТЛИКЛАР
1.
Мавриди келди қалам, дардимни ёз,
Куртакка тўлди танам,баргимни ёз.
Фориғ айла бу кўнгилни гинадан,
Меҳмонмизку, бўлайлик меҳмоннавоз.
2.
Кўзида нур бор кишининг ишқи бор,
Кимсамас, кўнгил қушининг ишқи бор.
Шошма ақлим, гулнинг ранги рўйидан,
Ошиқлик мартаба, тахти кўшки бор.
3.
Янги тонг таратди оламга ифор,
Сингди кўзларимга борлиқ ва баҳор.
Мамнунлик туярман, тириклигимдан,
Танамда оқмоқда ҳаётбахш анҳор!
4.
Буздикми-ё, бу чархнинг тархию тузумини,
Ишкому токзорларнинг май қилдик, узумини.
Майпараст Ҳофиз айтар: “Йўқ унингсиз айёмлар,
Шоҳ косада келтиринг, бир ўпай ўзим уни.
5.
Фалсафа суқишга қодир ҳаммамиз,
Ҳеч кимса нолимас ақлидан.
Даврада йўқ киши ёмон, бетамиз,
Борлари авлиё, энг покиза тан.
6.
Юзларда балқади вақтнинг сурони,
Кечаги кичкинтой бугун амаки.
Англаб ололмайсан, бир кам дунёни,
Баъзан гул ҳидидан хушбўй - тамаки.
7.
Деразалар очилди катта,
Кириб келди, хонамга борлиқ.
Қуёш кирди.Дарахтлар ҳатто
Олиб келди яшашга Ёрлиқ!
8.
Юрак қаримайди, қаримайди дард,
Қалб кўзи илғаган ҳикмат ишқ эрур.
Муҳаббат қўяди доим битта шарт:
“Севиб, севилганга ярашмас ғурур!”
9.
Ғийбату ғурбату маломатларга
Нишон йўқ, биласиз, кўнгилдан бўлак.
Лек, севинг ҳаётни, малоҳатларни,
Фақат ишқ дардидан оғрисин Юрак.
10.
Фаромуш бўлмаса, эзгулик амал,
Ул кимса, топади мартаба, камол.
Гарчи ерда ниҳон тириклик нами,
Уйғотар илдизни тебратиб Ҳамал.
11.
Бароридан келса иши айрим зотнинг,
Орқасига сурар таниш билан ётни.
Адолатдан тош-тарози ушлагач Вақт
Ўзгартирар, кеча айтган Баёнотни.
12.
Яшаяпман, топиб, йўқотиб,
Бирда ҳушёр, бирда донг қотиб.
Кичик бошга шунча ғам-ташвиш
Баъзан ёстиқ кетади ботиб.
13.
Ҳасад қилма, кўриб кўзинг толиб кетар,
Бу дунёдан кўзи тўқлар ғолиб кетар.
Ўзингга тенг кўрмаганинг, мен – шоирни
Китобимга қўшиб қизлар олиб кетар.
✍ ТОШПЎЛАТ ЎРХУН,
Самарқанд вилояти.
Муҳаммад Юсуф издошларига қўшилинг👇 @ari 👈 каналимиз,
@ariguruhi👈 гуруҳимиз.
TOʻRTLIKLAR
1.
Mavridi keldi qalam, dardimni yoz,
Kurtakka toʻldi tanam,bargimni yoz.
Forigʻ ayla bu koʻngilni ginadan,
Mehmonmizku, boʻlaylik mehmonnavoz.
2.
Koʻzida nur bor kishining ishqi bor,
Kimsamas, koʻngil qushining ishqi bor.
Shoshma aqlim, gulning rangi roʻyidan,
Oshiqlik martaba, taxti koʻshki bor.
3.
Yangi tong taratdi olamga ifor,
Singdi koʻzlarimga borliq va bahor.
Mamnunlik tuyarman, tirikligimdan,
Tanamda oqmoqda hayotbaxsh anhor!
4.
Buzdikmi-yo, bu charxning tarxiyu tuzumini,
Ishkomu tokzorlarning may qildik, uzumini.
Mayparast Hofiz aytar: “Yoʻq uningsiz ayyomlar,
Shoh kosada keltiring, bir oʻpay oʻzim uni.
5.
Falsafa suqishga qodir hammamiz,
Hech kimsa nolimas aqlidan.
Davrada yoʻq kishi yomon, betamiz,
Borlari avliyo, eng pokiza tan.
6.
Yuzlarda balqadi vaqtning suroni,
Kechagi kichkintoy bugun amaki.
Anglab ololmaysan, bir kam dunyoni,
Baʼzan gul hididan xushboʻy - tamaki.
7.
Derazalar ochildi katta,
Kirib keldi, xonamga borliq.
Quyosh kirdi.Daraxtlar hatto
Olib keldi yashashga Yorliq!
8.
Yurak qarimaydi, qarimaydi dard,
Qalb koʻzi ilgʻagan hikmat ishq erur.
Muhabbat qoʻyadi doim bitta shart:
“Sevib, sevilganga yarashmas gʻurur!”
9.
Gʻiybatu gʻurbatu malomatlarga
Nishon yoʻq, bilasiz, koʻngildan boʻlak.
Lek, seving hayotni, malohatlarni,
Faqat ishq dardidan ogʻrisin Yurak.
10.
Faromush boʻlmasa, ezgulik amal,
Ul kimsa, topadi martaba, kamol.
Garchi yerda nihon tiriklik nami,
Uygʻotar ildizni tebratib Hamal.
11.
Baroridan kelsa ishi ayrim zotning,
Orqasiga surar tanish bilan yotni.
Adolatdan tosh-tarozi ushlagach Vaqt
Oʻzgartirar, kecha aytgan Bayonotni.
12.
Yashayapman, topib, yoʻqotib,
Birda hushyor, birda dong qotib.
Kichik boshga shuncha gʻam-tashvish
Baʼzan yostiq ketadi botib.
✍ TOSHPOʻLAT OʻRXUN,
Samarqand viloyati.
Muhammad Yusuf izdoshlariga qoʻshiling👇 @ari 👈 kanalimiz,
@ariguruhi👈 guruhimiz.
/channel/Muhammadyusufizdoshlari
Читать полностью…
Muhammad Yusuf izdoshlari
06 ноября 2024 01:48
ОНАМНИНГ КАЛИШЛАРИ
Бунча ҳам қаттиқ экан
Қисматнинг болишлари.
Кўз олдимдан кетмас ҳеч
Онамнинг калишлари.
Улар остонасида
Турар бир жуфт абгордай.
Кўзимга бутун дунё
Кўринади айбдордай.
Яшайдирман гарчи қўл,
Юзларини соғиниб.
Калишлари даҳлизда
Тураверар оғриниб.
Дардимни яширгайман
Онам ҳолим сўрганда.
Калишлари валекин
Барин билиб тургандай.
Гарчи тилсиз, забонсиз,
Хомуш, беозордайлар.
Бор дарду ҳижронимдан
Улар хабардордайлар.
Онамнинг кўзёшидан
Бўлса болишлари нам.
Назаримда кечалар
Йиғлар калишлари ҳам.
Улар ҳам гўё мени
Ўртаниб ўйлагайлар.
Бахту бахтсизлигимдан
Қиссалар сўйлагайлар.
Соғинчнинг деворлари
Ёмғирларда емрилган.
Улар ҳам онам каби
Йўлларимга термулган.
Мол йимғмадим мен, аммо
Сув сўрганга сой бердим.
Бир кўнглим бор эди, лек
Мен уни ҳам бой бердим.
Бу дунёда ниҳоят
Бир ҳикматни илғадим.
Калишларни юзимга
Босиб, келар йиғлагим.
Онамнинг калишлари...
Бир умрлик қарзимдай.
Патакларин кўзимга
Суртиб ўлсам арзигай.
✍ Сирожиддин САЙЙИД
Муҳаммад Юсуф издошларига қўшилинг👇 @ari 👈 каналимиз,
@ariguruhi👈 гуруҳимиз.
ONAMNING KALISHLARI
Buncha ham qattiq ekan
Qismatning bolishlari.
Koʻz oldimdan ketmas hech
Onamning kalishlari.
Ular ostonasida
Turar bir juft abgorday.
Koʻzimga butun dunyo
Koʻrinadi aybdorday.
Yashaydirman garchi qoʻl,
Yuzlarini sogʻinib.
Kalishlari dahlizda
Turaverar ogʻrinib.
Dardimni yashirgayman
Onam holim soʻrganda.
Kalishlari valekin
Barin bilib turganday.
Garchi tilsiz, zabonsiz,
Xomush, beozordaylar.
Bor dardu hijronimdan
Ular xabardordaylar.
Onamning koʻzyoshidan
Boʻlsa bolishlari nam.
Nazarimda kechalar
Yigʻlar kalishlari ham.
Ular ham goʻyo meni
Oʻrtanib oʻylagaylar.
Baxtu baxtsizligimdan
Qissalar soʻylagaylar.
Sogʻinchning devorlari
Yomgʻirlarda yemrilgan.
Ular ham onam kabi
Yoʻllarimga termulgan.
Mol yimgʻmadim men, ammo
Suv soʻrganga soy berdim.
Bir koʻnglim bor edi, lek
Men uni ham boy berdim.
Bu dunyoda nihoyat
Bir hikmatni ilgʻadim.
Kalishlarni yuzimga
Bosib, kelar yigʻlagim.
Onamning kalishlari...
Bir umrlik qarzimday.
Pataklarin koʻzimga
Surtib oʻlsam arzigay.
✍ Sirojiddin SAYYID.
Muhammad Yusuf izdoshlariga qoʻshiling👇 @ari 👈 kanalimiz,
@ariguruhi👈 guruhimiz.
/channel/Muhammadyusufizdoshlari
Читать полностью…
Muhammad Yusuf izdoshlari
27 октября 2024 18:57
ШАМОЛ БИЛАН СУҲБАТ
Шамоллар, йўл бўлсин, сизга саҳарлаб,
Йўл олибсиз қай бир сокин жойларга?
Меҳмонни қаршилаб чарчамайди ҳеч,
Бормасдан қўймассиз Ғовасойларга?
Ортимдан эргашган тоғларга бўйланг,
Қарсак чалиб кутар сизни тераклар.
Сойларга қўшилиб мен учун куйланг,
Ахир сел бўлди-ку бунда юраклар.
Деҳқон оталарнинг юзларин силаб,
Бўй қизлар сочини ўйнатиб келинг.
Меваларни тўкиб, шохин қайириб,
Боғбонни шошириб, ўйлатиб келинг.
Шамоллар, деразам сиз учун очиқ,
Қайтишда кирарсиз бир ҳўплам чойга.
Ёмғирга қўл ювинг, мен тутай сочиқ,
Сизни ўтқизайин энг баланд жойга.
Келсангиз қуригай кўзимнинг нами,
Елпиб юборинг дил озорларимни.
Олиб келинг албат менга онамнинг
Қалампирмунчоқли ифорларини.
✍ Маъмура ЗОҲИД,
Тошкент
Муҳаммад Юсуф издошларига қўшилинг👇 @ari 👈 каналимиз,
@ariguruhi👈 гуруҳимиз.
SHAMOL BILAN SUHBAT
Shamollar, yoʻl boʻlsin, sizga saharlab,
Yoʻl olibsiz qay bir sokin joylarga?
Mehmonni qarshilab charchamaydi hech,
Bormasdan qoʻymassiz Gʻovasoylarga?
Ortimdan ergashgan togʻlarga boʻylang,
Qarsak chalib kutar sizni teraklar.
Soylarga qoʻshilib men uchun kuylang,
Axir sel boʻldi-ku bunda yuraklar.
Dehqon otalarning yuzlarin silab,
Boʻy qizlar sochini oʻynatib keling.
Mevalarni toʻkib, shoxin qayirib,
Bogʻbonni shoshirib, oʻylatib keling.
Shamollar, derazam siz uchun ochiq,
Qaytishda kirarsiz bir hoʻplam choyga.
Yomgʻirga qoʻl yuving, men tutay sochiq,
Sizni oʻtqizayin eng baland joyga.
Kelsangiz qurigay koʻzimning nami,
Yelpib yuboring dil ozorlarimni.
Olib keling albat menga onamning
Qalampirmunchoqli iforlarini.
✍ Maʼmura ZOHID,
Toshkent
Muhammad Yusuf izdoshlariga qoʻshiling👇 @ari 👈 kanalimiz,
@ariguruhi👈 guruhimiz.
/channel/Muhammadyusufizdoshlari
Читать полностью…
Muhammad Yusuf izdoshlari
26 октября 2024 09:27
Эр ҳар куни ишдан келиб хотинига:
— Чой дамла, бор, — деркан.
Бир кун хотинининг жаҳли чиқиб:
— Ҳар кун шу аҳвол. Бор чой дамла, овқатинг тайёрми, - дейсиз. Қачон биз ҳам маданиятли инсонларга ўхшаб адабиёт, мусиқа ҳақида гаплашамиз, — дебди.
Бу гап эрини ўйга солибди. Эртасига эри ишдан келиб хотинига:
— Жоним "Отелло"ни ўқиганмисан?
— Йўқ.
— Охунжон Мадалиевни қўшиқларини эшитганмисан?
— Ким у?
— Муҳаммад Юсуфни бирорта шеърини ёдлаганмисан?
— Йўқ, ёдламаганман.
— Чайковскийни бирор бир симфониясини эшитганмисан?
— Йўқ, эшитмаганман.
— Тур, унда чой дамла...
😂😂😂😂😂😂😂
Муҳаммад Юсуф издошларига қўшилинг👇 @ari 👈 каналимиз,
@ariguruhi👈 гуруҳимиз.
Er har kuni ishdan kelib xotiniga:
— Choy damla, bor, — derkan.
Bir kun xotinining jahli chiqib:
— Har kun shu ahvol. Bor choy damla, ovqating tayyormi, - deysiz. Qachon biz ham madaniyatli insonlarga oʻxshab adabiyot, musiqa haqida gaplashamiz, — debdi.
Bu gap erini oʻyga solibdi. Ertasiga eri ishdan kelib xotiniga:
— Jonim “Otello”ni oʻqiganmisan?
— Yoʻq.
— Oxunjon Madaliyevni qoʻshiqlarini eshitganmisan?
— Kim u?
— Muhammad Yusufni birorta sheʼrini yodlaganmisan?
— Yoʻq, yodlamaganman.
— Chaykovskiyni biror bir simfoniyasini eshitganmisan?
— Yoʻq, eshitmaganman.
— Tur, unda choy damla...
😂😂😂😂😂😂😂
Muhammad Yusuf izdoshlariga qo‘shiling 👇 @ari 👈 kanalimiz,
@ariguruhi👈 guruhimiz.
/channel/Muhammadyusufizdoshlari
Читать полностью…
Muhammad Yusuf izdoshlari
22 октября 2024 11:02
Бундан 35 йил олдинги: (1989-йил 21-октябрь) Ўзбек тили расмийланиши хусусида бўлган миллий курашни қисқа видеолавҳадан кўринг. Бугунги авлод ўзбек тилига давлат тили мақомини бериш битта ҳужжатни имзолаш билан ҳал бўлган, деб ўйлаши мумкин. Аслида эса, бу катта меҳнат билан қўлга киритилган.
Бизни кузатиб боринг:
Telegram| Facebook | web-sayt
Читать полностью…
Muhammad Yusuf izdoshlari
21 октября 2024 07:50
ТУРКИЙ ТИЛ.
Туркий тилингни, эй Турк, ҳамхоналарга ўргат,
Ҳиммат қилувчи бўлсанг, бегоналарга ўргат.
Бечора камбағал деб, ўз тилни қилма танқид,
Тил кониға очиб йўл сарсоналарга ўргат.
Ҳар кимсадан тилаб тил эл юрмасун гадодек,
Тил бойлиғини сен ҳам фарзоналарга ўргат.
Илгидаги қаламға келтурмасун ҳақорат,
Эл кулмасун ул ақлли тифноларга ўргат.
Май ичмасун бировнинг сарқинди косасидан,
Бад машраб этгай ул май мастоналарга ўргат.
Ким кирса икки йўлға, ул ўз йўлин йўқотгай,
Шу йўл бошида турган ҳайроналарга ўргат.
Маҳжурийни шу тилга ошиқлигини билсанг,
Маҳбубаи чучук тил жононаларга ўргат !
✍ Ёъқубхўжа Маҳжурий.
Араб ёзувидан кўчирувчи; Муқимжон Нурбоев.
TURKIY TIL.
Turkiy tilingni, ey Turk, hamxonalarga o‘rgat,
Himmat qiluvchi bo‘lsang, begonalarga o‘rgat.
Bechora kambag‘al deb, o‘z tilni qilma tanqid,
Til konig‘a ochib yo‘l sarsonalarga o‘rgat.
Har kimsadan tilab til el yurmasun gadodek,
Til boylig‘ini sen ham farzonalarga o‘rgat.
Ilgidagi qalamg‘a kelturmasun haqorat,
El kulmasun ul aqlli tifnolarga o‘rgat.
May ichmasun birovning sarqindi kosasidan,
Bad mashrab etgay ul may mastonalarga o‘rgat.
Kim kirsa ikki yo‘lg‘a, ul o‘z yo‘lin yo‘qotgay,
Shu yo‘l boshida turgan hayronalarga o‘rgat.
Mahjuriyni shu tilga oshiqligini bilsang,
Mahbubai chuchuk til jononalarga o‘rgat !
✍ Yoqubxo‘ja Mahjuriy.
Arab yozuvidan ko'chiruvchi; Muqimjon Nurboyev.
تورکي تیل
تورکي تیلینگنی، اې تورک، همخانهلرگه اۉرگت،
همّت قیلووچی بۉلسنگ، بیگانهلرگه اۉرگت!
بیچاره کمبغل دېب، اۉز تیلنی قیلمه تنقید،
تیل کانیغه آچیب یۉل، سرسانهلرگه اۉرگت!
هر کیمسهدن تیلب تیل اېل یورمهسون گدادهک،
تیل بایلیغینی سېن هم فرزانهلــرگه اۉرگت!
ایلگیدهگی قلمغه کېلتورمهســـون حقارت،
اېل کولمهسون اول عقلی طفلانهلرگه اۉرگت.
مَی ایچمهسون بیراونینگ سرقیندی کاسهسیدن،
بدمشرب اېتگهی اول مَی، مستانهلرگه اۉرگت.
کیم کیرسه ایکّی یۉلغه، اول اۉز یۉلین یۉقاتگهی،
شو یۉل باشیده تورگن حیرانهلرگه اۉرگت.
مهجورینی[نگ] شو تیلگه عاشقلیگینی بیلسنگ،
محبوبۀ چوچوک تیل جانانهلــــرگه اۉرگت!
✍ یعقوب خواجه مهجوری.
@ari
👆Муҳаммад Юсуф издошлари телеграм канали.
Читать полностью…
Muhammad Yusuf izdoshlari
19 октября 2024 18:55
ОНА ТИЛИМ
Гарчи зуғум қилганларни ёқтирмадим,
Шеър ёздиму бўлак ишни қотирмадим.
Тилим туриб ўз тилимда гапирмадим,
Бир эсласам эзилади бағри – дилим,
Она тилим, кечир мени, она тилим.
Онам “эркам” деб қучганда тунлар ярим,
Эрким йўқ деб зирқирарди бир жойларим.
Паровозни ҳансиратган буғдойларим,
Олтинларим, маъданларим, ипакларим...
Она тилим, кечир мени, она тилим.
Кимлар учун биз эдик бир бадавийлар,
Ўзбекни қон қақшатганни ўзбек сийлар.
Ҳолимизни қон кузатди Яссавийлар,
Топганимиз ҳандалакдек тилим – тилим,
Она тилим, кечир мени, она тилим.
Сен бўлмасанг нима бизга силлиқ шеърлар,
Бу дунёда тили йўқда, дил йўқ дерлар.
Баҳоинг-ку бериб кетган Алишерлар,
Юрагимнинг тўридаги сўлмас гулим,
Она тилим, кечир мени, она тилим.
Бир қарасам ҳар шевангда минг жилолар,
Ҳар новдангда, ҳар мевангда минг жилолар.
Қодирийлар, Чўлпонлару Абдуллолар,
Сенинг қайтган кунинг менинг мавлуд йилим,
Она тилим, кечир мени, она тилим.
✍ Муҳаммад ЮСУФ.
Муҳаммад Юсуф издошлари каналига қўшилинг👇
@ari👈 канали,
@ariguruhi👈гуруҳи.
ONA TILIM
Garchi zugʻum qilganlarni yoqtirmadim,
Sheʼr yozdimu boʻlak ishni qotirmadim.
Tilim turib oʻz tilimda gapirmadim,
Bir eslasam eziladi bagʻri – dilim,
Ona tilim, kechir meni, ona tilim.
Onam “erkam” deb quchganda tunlar yarim,
Erkim yoʻq deb zirqirardi bir joylarim.
Parovozni hansiratgan bugʻdoylarim,
Oltinlarim, maʼdanlarim, ipaklarim...
Ona tilim, kechir meni, ona tilim.
Kimlar uchun biz edik bir badaviylar,
Oʻzbekni qon qaqshatganni oʻzbek siylar.
Holimizni qon kuzatdi Yassaviylar,
Topganimiz handalakdek tilim – tilim,
Ona tilim, kechir meni, ona tilim.
Sen boʻlmasang nima bizga silliq sheʼrlar,
Bu dunyoda tili yoʻqda, dil yoʻq derlar.
Bahoing-ku berib ketgan Alisherlar,
Yuragimning toʻridagi soʻlmas gulim,
Ona tilim, kechir meni, ona tilim.
Bir qarasam har shevangda ming jilolar,
Har novdangda, har mevangda ming jilolar.
Qodiriylar, Choʻlponlaru Abdullolar,
Sening qaytgan kuning mening mavlud yilim,
Ona tilim, kechir meni, ona tilim.
✍ Muhammad YUSUF.
Muhammad Yusuf izdoshlariga qoʻshiling👇
@ari👈 kanali,
@ariguruhi👈guruhi.
/channel/Muhammadyusufizdoshlari
Читать полностью…
Muhammad Yusuf izdoshlari
19 октября 2024 18:55
ONA TILIM
Navoiydan tabarruk zar, gavharim,
Qoshgʻariydan qolgan durdona tilim!
Oʻzbekning oʻziday donishmand, latif,
Oʻzbekning oʻziday mardona tilim!
Ulugʻ ona tilim, o goʻzal ismat,
“Hibatul haqoyiq” soʻylasin bir-bir.
Navoiyni bergan sohibi qudrat,
Azal kotibidan sen ilohiy sir!
Qutlugʻ ona tilim, kechmishingni dol,
Tillari kesilgan bobolar aytsin.
Oybek aytsin, haqsizlikdan gungu shol,
Buyuk yolgʻonlardan adolar aytsin!
Kafansiz koʻmilgan shahidlar dodin
Shu qonli choh aytsin!
Chirmashib yotgan —
Qabrida ham chekib, mungligʻ el dardin,
Hatto soʻngaklari birlashib yotgan!
Aytsin alamazon yongan kitoblar,
Qurbon qushday toʻzgan soʻzlar gulxanda,
Kesgan sari oʻsding! “Surai sof”lar
Ozodlikday undi kulda, kundada.
Sudsiz otilgan Qodiriy koʻziga
Dodlab tushgan qora tuproqlar aytsin!
Mashrab osilgan dor aytsin, yuziga,
Qon sachrab, ingragan yaproqlar aytsin!
Usmon Nosir ruhi aytsin urib charx,
Qon tuflab Sibirda yuragi silim.
Qatagʻon qilichi boshing uzra yarq
Etdi, zulm kishani joningda, tilim?!
Uzun yigʻi kelar qati-qatingdan,
Uzun yigʻilardan qurigan koʻzim.
Bugʻdoyzorlaringni toptaganlarga
Bugʻdoy nonlar tutgan o bugʻdoy soʻzim!
Choʻlponga tutilgan oʻlim qadahi,
Xiyonat zahridan hamon oqar qon.
Ey yarador qushim, koʻnglum chah-chahi,
Sen Bobur – sogʻinchda ado boʻlgan jon!
Tilim, toshboʻronlar yordi koʻksingni,
Hamzangning koʻksiga botib ketdi tosh.
Koʻzlari qonadi har oʻt, maysangni,
Xazonlarni yoqdi — shamollar farrosh.
Tishimda qisirlar, gʻichirlaydi soʻz,
Bosganmi koʻzimni oʻ qoʻrquv, hadik?
Jonu jigaringni qirqmoqda hanuz,
Yoqangdan tutmoqda hanuz loqaydlik!
Izgʻir, oh, xoinlar hamon... yuzingga
Loy sachratar sotqin, vatanfurushlar.
Choʻp suqar kaslar bor tilim koʻzingga,
Oʻz tuqqan eliga yov, padarkushlar!
Kimman?! Boʻlolmasam ganjingga soqchi,
Talatsamu seni, yursam shod, masrur.
Kechirma, tuzingni unutsam agar,
Haq Soʻzning doriga ossinlar, buyur!
Axir or-nomusim, hayotim tugʻi,
Mangu oqar daryom — sening oʻzingsan!
Oʻzbek tili jahon aro qutligʻim,
Sharaf tojim, unvonim, oq yuzimsan!
Oʻzbek onasisiz gʻaribdir ochun,
Tafakkur beshigi tebranmasdi soz.
Birgina Navoiy tuqqani uchun
Dunyo taʼzim qilsa oʻzbekka bu oz!
Koʻnglumda, jonimda oftob yangligʻ balq,
Hurlik boʻlib chiqqan maydona tilim!
Charx ur olam uzra, kabutarday charx,
Ozod, hur vatanday afsona tilim!
Donishim, latifim, mardona tilim!
✍ Enaxon Siddiqova,
Oʻzbekiston xalq shoiri
Muhammad Yusuf izdoshlari telegram kanali va guruhi👇
@ari👈 kanali,
@ariguruhi👈 guruhi.
/channel/Muhammadyusufizdoshlari
Читать полностью…
Muhammad Yusuf izdoshlari
19 октября 2024 18:55
Андижан облус Жалакудук район 73-МАЖББМнин 4"Г"-класс окуучуларынын 21-октябрь Тил майрамына карата жат алган ырлары.
Muhammad Yusuf izdoshlari telegram kanali va guruhi 👇
@ari 👈 kanalimiz,
@ariguruhi 👈 guruhimiz.
@ari
Читать полностью…
Muhammad Yusuf izdoshlari
19 октября 2024 18:55
Andijon viloyati JALAQUDUQ tumani 73-DIUM 21-оktabr "O'zbek tiliga Davlat tili maqomi berilgan kun" munosabati bilan 5-"G" sinf o'quvchilarining tayyorlagan chelendji
Fan oʻqituvchisi J.Mamaisaqova
Muhammad Yusuf izdoshlari telegram kanali va guruhi 👇
@ari 👈 kanalimiz,
@ariguruhi 👈 guruhimiz.
@ari
Читать полностью…
Muhammad Yusuf izdoshlari
19 октября 2024 18:55
ОТАЖОН
Кичик жуссангизга дунёни ортиб,
Ҳаёт ташвиши деб юрасиз гирён.
Сизни ғамимизла қўйдик хоритиб
Нелар кўрмадингиз, азиз отажон.
Тириклик дардида кечасиз тупроқ,
Нопок инсонлардан юрасиз йироқ.
Беором кунингиз бизларга сабоқ,
Меҳру саховатда тенгсиз отажон.
Ҳар бир сўзингизда айтасиз шукур,
Маъюс чеҳрангиздан ёғилади нур.
Сиз десам қалбимда ифтихор, сурур,
Сизга муҳаббатим чексиз отажон.
Сиз қурган уйларнинг остонасида,
Онамнинг тугалмас тилаклари бор,
Яшанг муҳаббатнинг кошонасида,
Сабрдан бахт топган юраклари бор.
Сиз бор туним сокин, тонгим ёруғдир,
Эй менинг куюгим, давлатим отам.
Сиздайлар бор учун бу юрт буюкдир,
Танингиз соғ бўлсин, юксалсин Ватан!
✍ Улуғой ОДИЛОВА
Биламан, вақт тўхтаб турмайди кутиб,
Умр ўтиб борар соат- кун сайин.
Фарзандлар қўлидан борамиз тутиб,
Эрта бизни кафтда тутмоғи тайин.
Биламан, бу онлар топилмас, яна,
Эрта не кутмоқда бизни номаълум.
Илоё ҳар бир қалб қилсин тантана,
Вақт ўзи ҳакамдир, ўзи муаллим.
Бахтиёр яшасин, бахт топсин инсон
Художон, бахт ёғдир остонасига.
Мушкулларни ўзинг айлагин осон,
Нурли иқбол тўша пешонасига.
✍ Улуғой ОДИЛОВА,
Наманган вилояти.
Муҳаммад Юсуф издошлари телеграм канали ва гуруҳи 👇
@ari 👈 каналимиз,
@ariguruhi 👈 гуруҳимиз.
OTAJON
Kichik jussangizga dunyoni ortib,
Hayot tashvishi deb yurasiz giryon.
Sizni gʻamimizla qoʻydik xoritib
Nelar koʻrmadingiz, aziz otajon.
Tiriklik dardida kechasiz tuproq,
Nopok insonlardan yurasiz yiroq.
Beorom kuningiz bizlarga saboq,
Mehru saxovatda tengsiz otajon.
Har bir soʻzingizda aytasiz shukur,
Mayus chehrangizdan yogʻiladi nur.
Siz desam qalbimda iftixor, surur,
Sizga muhabbatim cheksiz otajon.
Siz qurgan uylarning ostonasida,
Onamning tugalmas tilaklari bor,
Yashang muhabbatning koshonasida,
Sabrdan baxt topgan yuraklari bor.
Siz bor tunim sokin, tongim yorugʻdir,
Ey mening kuyugim, davlatim otam.
Sizdaylar bor uchun bu yurt buyukdir,
Taningiz sogʻ boʻlsin, yuksalsin Vatan!
✍ Ulugʻoy ODILOVA
Bilaman, vaqt tõxtab turmaydi kutib,
Umr õtib borar soat- kun sayin.
Farzandlar qõlidan boramiz tutib,
Erta bizni kaftda tutmog'i tayin.
Bilaman, bu onlar topilmas, yana,
Erta ne kutmoqda bizni noma'lum.
Iloyo har bir qalb qilsin tantana,
Vaqt õzi hakamdir, õzi muallim.
Baxtiyor yashasin, baxt topsin inson
Xudojon, baxt yog'dir ostonasiga.
Mushkullarni õzing aylagin oson,
Nurli iqbol tõsha peshonasiga.
✍ Ulug‘oy ODILOVA,
Namangan viloyati.
Muhammad Yusuf izdoshlari telegram kanali va guruhi 👇
@ari 👈 kanalimiz,
@ariguruhi 👈 guruhimiz.
/channel/Muhammadyusufizdoshlari
Читать полностью…
Muhammad Yusuf izdoshlari
19 октября 2024 18:55
Bu Mening tilim, Turonlar tili..
✍ Hoshim HAMDAM. Turkiya.
🎤 Afzal RAFIQOV.
@ari
Читать полностью…
Muhammad Yusuf izdoshlari
30 сентября 2024 15:40
УСТОЗ
Мундоқ ўйлаб қарасам,
Сизга битмабман ҳеч шеър.
Қалам ҳаққига қасам,
Сизсиз забун эди Ер.
Не бўлғай ҳоли, маълум,
Хатсиз йўли хатодир.
Дунёда илк муаллим,
Шаксиз, Одам Атодир.
Кўкдан имон гавҳари
Заминга тушмиш бот-бот.
Пайғамбарларнинг бари
Эди ҳазрати Устод.
“Ўқи!” дея авомга
Улашмиш инжу сирлар.
Йўллаб буюк довонга,
Шамчироғ тутмиш пирлар.
Борлиқ - зулмат, қоронғу,
Чимматга чўмган чоғда.
Ёниб юлдуз қароғи –
Гўё чўғдай ўчоғда...
Оламга маёқ бўлиб,
Ловуллаб порлагансиз.
Кўз, қўлу оёқ бўлиб,
Нур сари чорлагансиз.
Сиз – Беруний,
Сиз – Сино,
Сиз – Фаробий, Улуғбек.
Оқ қоғоздек пок сиймо,
Сеҳрингизга йўқдир чек.
Янчиб Ҳаққа ёт ишни,
Оламга солмиш сурон –
Пойингизда ётишни
Бахт билмиш Соҳибқирон!
Ҳали-ҳануз бу – ибрат,
Абадий тузук каби.
Бахш этар ғурур, ҳикмат –
Темурбеклар мактаби.
Мен ҳам – бир илми толиб,
Ҳали чала дарсим кўп.
Қандай кетайин тониб,
Олдингизда қарзим кўп.
Гарчи “Қўйгил, бу не гап,
Эгма бошинг ҳеч...” дейсиз.
Хом, ғўр шеърларим тинглаб,
Балли, баҳонг “беш”, дейсиз.
Машқим ўзимга маълум,
Тансиқдир тоза ташбеҳ.
Меҳри дарё муаллим,
Чалғисам, беринг танбеҳ.
Енгингизга юққан оқ –
Бўрмас, кўнглингиз юқи.
Зиммангизда улкан тоғ –
Ёруғ келажак юки.
Мен ҳам сиз-ла ёнма-ён
Шу юкни кўтарсайдим.
Олдда – буюк имтиҳон,
О, ундан ўтолсайдим!
Балки шунда салгина
Бўлгайми юзим ёруғ.
Ўзимдан қилмай гина,
Олсам мақтовли ёрлиғ...
Сиз-чи, кутмайсиз олқиш,
Сизга илинж, тамаъ ёт.
Ўқиб-ёзиб толиқиш –
Сизга кундалик ҳаёт.
Даста-даста дафтарга
Сочасиз кўз нурини,
Синф-синф сафларга
Сарф этиб бор умрни...
Шогирдлар қалбига, оҳ,
Секин сингиб боряпсиз.
Иқболидан шодон, гоҳ
Жим хўрсиниб боряпсиз.
Толманг!
Фидойи Устоз,
Сизга тиргак шу Ватан.
Қанча таъзим қилсак – оз,
Қанча алқасак-да кам.
Гарчи кўнглимда сўз мўл,
Гарчи битмас ҳеч таъриф.
Лекин бошқалар ҳам қўл
Силкияпти кўтариб...
Дунё – кенг сабоқхона,
Дунё – ранг-баранг мактаб.
Қутларкан, шу баҳона
Юртимни қўяй мақтаб.
Тасдиқлайди тўрт томон,
Дарси оламга ёддир:
Донишманд Ўзбекистон –
Маърифатда Устоддир!
Нодир ЖОНУЗОҚ.
Самарқанд.
Muhammad Yusuf izdoshlariga qoʻshiling👇
@ari👈 kanali,
@ariguruhi👈guruhi.
/channel/Muhammadyusufizdoshlari
Читать полностью…
Muhammad Yusuf izdoshlari
30 сентября 2024 15:34
🎤 Hoshim Hamdam,
Turkiya. Ankara.
Muhammad Yusuf izdoshlariga qoʻshiling👇
@ariguruhi👈guruhimiz,
@ari👈 kanalimiz👇
@ari
Читать полностью…
Muhammad Yusuf izdoshlari
13 ноября 2024 01:18
Кўзимни беркитдим кўзингдан.
Аксингни кўрсатмас ойна у.
Қоронғу нур сочар ўзиндан,
Қисматинг қаросин ўйнар у.
Бир қаро бўшлиқдир тубинда,
Бир оғир хўрсиниқ куйлари.
Тун бўйи қон ичган чибиндай
Умримнинг бадалин куйлади.
Унда йўқ кўзларинг акслари,
Сен кетиб қолгансан ўзингдан,
Унда боз инчкирар ичкари,
Жимлик ҳайқиради кўзимдан...
✍ Гулбаҳор САИД ҒАНИ,
Фарғона вилояти.
Муҳаммад Юсуф издошларига қўшилинг👇 @ari 👈 каналимиз,
@ariguruhi👈 гуруҳимиз.
Koʻzimni berkitdim koʻzingdan.
Aksingni koʻrsatmas oyna u.
Qorongʻu nur sochar oʻzindan,
Qismating qarosin oʻynar u.
Bir qaro boʻshliqdir tubinda,
Bir ogʻir xoʻrsiniq kuylari.
Tun boʻyi qon ichgan chibinday
Umrimning badalin kuyladi.
Unda yoʻq koʻzlaring akslari,
Sen ketib qolgansan oʻzingdan,
Unda boz inchkirar ichkari,
Jimlik hayqiradi koʻzimdan...
✍ Gulbahor SAID GʻANI,
Fargʻona viloyati.
Muhammad Yusuf izdoshlariga qoʻshiling👇 @ari 👈 kanalimiz,
@ariguruhi👈 guruhimiz.
/channel/Muhammadyusufizdoshlari
Читать полностью…
Muhammad Yusuf izdoshlari
06 ноября 2024 04:37
НИЯТ
Онамни алдадим соппа-соғман деб,
Отамни алдадим: “Пулим бор доим”.
Оғамни алдадим: “Борарман, насиб...”
Мен сени нима деб алдай, Худойим?!
Ғунчани гул дедим – кулди, қувонди,
Булбул деб айтганим чумчуқми, билмам,
Бунда бахт бор дедим, эркам ишонди...
Роббим, энди мени ёлғончи қилма!
✍ Мансур ЖУМАЕВ,
Қашқадарё вилояти.
Муҳаммад Юсуф издошларига қўшилинг👇 @ari 👈 каналимиз,
@ariguruhi👈 гуруҳимиз.
NIYAT
Onamni aldadim soppa-sogʻman deb,
Otamni aldadim: “Pulim bor doim”.
Ogʻamni aldadim: “Borarman, nasib...”
Men seni nima deb alday, Xudoyim?!
Gʻunchani gul dedim – kuldi, quvondi,
Bulbul deb aytganim chumchuqmi, bilmam,
Bunda baxt bor dedim, erkam ishondi...
Robbim, endi meni yolgʻonchi qilma!
✍ Mansur JUMAYEV,
Qashqadaryo viloyati.
Muhammad Yusuf izdoshlariga qoʻshiling👇 @ari 👈 kanalimiz,
@ariguruhi👈 guruhimiz.
/channel/Muhammadyusufizdoshlari
Читать полностью…
Muhammad Yusuf izdoshlari
30 октября 2024 04:56
Масжид миноридан таралса азон.
Ғафлатдан инсонни этсалар бедор,
То саҳар машриқдан қизарса осмон,
Тамом дейишликка демак ҳали бор.
Хаста деб ён қўшни узатса таом,
Ёлғиз жон бермаса тўшакда бемор.
Эзгулик хонасин парчалаб тамом,
Тамом дейишликка демак анча бор.
То мискин-бечора айланаркан ёд,
Етимлар кўчада бўлмас экан хор.
Демак-ки ҳаммаси бўлмаган барбод,
Тамом дейишликка демак анча бор.
Бахтни садоқатдан изласа қизлар,
Йигит ваъдасида турса барқарор.
Тўқнашса ҳаёдан юмилса кўзлар,
Тамом дейишликка демак анча бор.
Кексайгач фарзандга суянса падар,
Оналар келиндан топмаса озор.
Ишлар хароб эмас, демак у қадар,
Тамом дейишликка демак анча бор.
Ёлғон кунларига мотам тутса халқ,
Қувонса адолат топганда қарор.
Умидлар эшигин ёпиб тақа-тақ,
Тамом дейишликка демак анча бор.
Қалам синганча йўқ, битмаган сиёҳ,
Шоир маддоҳларча ёзмаса ашъор.
Демак бизга имкон берибди Аллоҳ,
Тамом дейишликка демак анча бор.
✍ Илҳом ИБРОҲИМОВ
Тожикистон. Хўжанд.
@ari
👆Муҳаммад Юсуф издошлари телеграм канали.
Masjid minoridan taralsa azon.
Gʻaflatdan insonni etsalar bedor,
To sahar mashriqdan qizarsa osmon,
Tamom deyishlikka demak hali bor.
Xasta deb yon qoʻshni uzatsa taom,
Yolgʻiz jon bermasa toʻshakda bemor.
Ezgulik xonasin parchalab tamom,
Tamom deyishlikka demak ancha bor.
To miskin-bechora aylanarkan yod,
Yetimlar koʻchada boʻlmas ekan xor.
Demak-ki hammasi boʻlmagan barbod,
Tamom deyishlikka demak ancha bor.
Baxtni sadoqatdan izlasa qizlar,
Yigit vaʼdasida tursa barqaror.
Toʻqnashsa hayodan yumilsa koʻzlar,
Tamom deyishlikka demak ancha bor.
Keksaygach farzandga suyansa padar,
Onalar kelindan topmasa ozor.
Ishlar xarob emas, demak u qadar,
Tamom deyishlikka demak ancha bor.
Yolgʻon kunlariga motam tutsa xalq,
Quvonsa adolat topganda qaror.
Umidlar eshigin yopib taqa-taq,
Tamom deyishlikka demak ancha bor.
Qalam singancha yoʻq, bitmagan siyoh,
Shoir maddohlarcha yozmasa ashʼor.
Demak bizga imkon beribdi Alloh,
Tamom deyishlikka demak ancha bor.
✍ Ilhom IBROHIMOV
Tojikiston. Xoʻjand.
@ari
👆Muhammad Yusuf izdoshlari telegram kanali.
/channel/Muhammadyusufizdoshlari
Читать полностью…
Muhammad Yusuf izdoshlari
27 октября 2024 12:45
ИШҚ ҲАҚҚИ
Ажаб, дил шод бўлур тинглаб
Қиёматдан хабарларни.
Тобора шавқим ортгайдир
Сезиб келгич хатарларни.
На роҳат, на азоб боис
Сен айтган йўлга .
Шу ишқ ҳаққи, хатарсиз қил
Ўзинг сори сафарларни.
✍ Аъзам ЎКТАМ
Муҳаммад Юсуф издошларига қўшилинг👇 @ari 👈 каналимиз,
@ariguruhi👈 гуруҳимиз.
ISHQ HAQQI
Ajab, dil shod boʻlur tinglab
Qiyomatdan xabarlarni.
Tobora shavqim ortgaydir
Sezib kelgich xatarlarni.
Na rohat, na azob bois
Sen aytgan yoʻlga .
Shu ishq haqqi, xatarsiz qil
Oʻzing sori safarlarni.
✍ Aʼzam OʻKTAM
Muhammad Yusuf izdoshlariga qoʻshiling👇 @ari 👈 kanalimiz,
@ariguruhi👈 guruhimiz.
/channel/Muhammadyusufizdoshlari
Читать полностью…
Muhammad Yusuf izdoshlari
25 октября 2024 16:35
ИЧКИ ИШЛАР ТИЗИМИДА ФАОЛИЯТ ОЛИБ БОРАЁТГАН ОҒА-ИНИЛАРИМ, ОПА- СИНГИЛЛАРИМНИНГ КАСБ БАЙРАМЛАРИ БИЛАН ЧИН ДИЛДАН ҚУТЛАЙМАН!
ЮРТ ПОСБОНЛАРИ
Эй, тинчлик посбони, элнинг мардлари,
Сизл-ла тинч юртимнинг кенг сарҳадлари.
Матонат отига минган чавандоз,
Юртига ёв йўлатмас Темурзодлари.
Бор бўлинг, бор бўлинг, юрт посбонлари,
Шерюрак, баҳодир, мард ўғлонлари!
Тунни тонгга улаб хизматга шайсиз,
Ўзингиздан кечиб, эл деб яшайсиз.
Қаҳратон қаҳрию ёз оташида,
Элнинг тинчи дея қадам ташлайсиз.
Бор бўлинг, бор бўлинг, юрт посбонлари,
Шерюрак, баҳодир, мард ўғлонлари!
Она юртим дея кўксингиз қалқон,
Фидосиз эл учун, бергудексиз жон.
Ватану халқимга содиқ бўлай деб,
Юрт байроғин ўпиб онт ичган ўғлон.
Бор бўлинг, бор бўлинг, юрт посбонлари,
Шерюрак, баҳодир, мард ўғлонлари!
Эрлари мард элда алам бўлмагай,
Ғаним пайконидан кўкси куймагай.
Она алласидан уйғонур қуёш, Лочин бор қояга қузғун қўнмагай.
Бор бўлинг, бор бўлинг, юрт посбонлари,
Шерюрак, баҳодир, мард ўғлонлари!
✍ Мунаввара УСМОНОВА.
Муҳаммад Юсуф издошлари телеграм канали ва гуруҳи 👇
@ari 👈 каналимиз,
@ariguruhi 👈 гуруҳимиз.
ICHKI ISHLAR TIZIMIDA FAOLIYAT OLIB BORAYOTGAN OGʻA-INILARIM, OPA- SINGILLARIMNING KASB BAYRAMLARI BILAN CHIN DILDAN QUTLAYMAN!
YURT POSBONLARI
Ey, tinchlik posboni, elning mardlari,
Sizl-la tinch yurtimning keng sarhadlari.
Matonat otiga mingan chavandoz,
Yurtiga yov yoʻlatmas Temurzodlari.
Bor boʻling, bor boʻling, yurt posbonlari,
Sheryurak, bahodir, mard oʻgʻlonlari!
Tunni tongga ulab xizmatga shaysiz,
Oʻzingizdan kechib, el deb yashaysiz.
Qahraton qahriyu yoz otashida,
Elning tinchi deya qadam tashlaysiz.
Bor boʻling, bor boʻling, yurt posbonlari,
Sheryurak, bahodir, mard oʻgʻlonlari!
Ona yurtim deya koʻksingiz qalqon,
Fidosiz el uchun, bergudeksiz jon.
Vatanu xalqimga sodiq boʻlay deb,
Yurt bayrogʻin oʻpib ont ichgan oʻgʻlon.
Bor boʻling, bor boʻling, yurt posbonlari,
Sheryurak, bahodir, mard oʻgʻlonlari!
Erlari mard elda alam boʻlmagay,
Gʻanim paykonidan koʻksi kuymagay.
Ona allasidan uygʻonur quyosh, Lochin bor qoyaga quzgʻun qoʻnmagay.
Bor boʻling, bor boʻling, yurt posbonlari,
Sheryurak, bahodir, mard oʻgʻlonlari!
✍ Munavvara USMONOVA.
Muhammad Yusuf izdoshlari telegram kanali va guruhi 👇
@ari 👈 kanalimiz,
@ariguruhi 👈 guruhimiz.
/channel/Muhammadyusufizdoshlari
Читать полностью…
Muhammad Yusuf izdoshlari
21 октября 2024 07:50
/channel/Muhammadyusufizdoshlari
ОНА ТИЛИМ
Келиб кетди неча дунёлар,
Кулди ҳаёт, йиғлади ўлим.
Сен деб қурбон бўлди боболар,
Улар кетди, сен қолдинг, тилим.
Беланчагинг узра Кошғарий
Куйлаб ўтди қадим навони
Ва навқирон япроқларингга
Дил қонини берди Навоий.
Самарқанддан Бобур кетаркан
Дилда бўғиб ҳасрат сасини,
Олиб кетди она юртидан,
Туркий тилим, биргина сени.
Машрабмас, сен осилдинг дорга,
Нодирамас, сенсан сўйилган
Ҳозиқнингмас, сенинг, эй тилим,
Бошинг айру, кўзинг ўйилган.
Аммо душман ўлдирган ботир
Тирилгандек яна қасосга,
Мангу борсан ва мангу қодир
Тўлдирмоққа ерни овозга.
Ватан учун бахш этиб жонни,
Кечиб олов, кириб дарёга,
Фарзандларинг тўккан ҳар қонни
Шимирдинг сен ўхшаб гиёҳга.
Она тилим, омон бўл мангу,
Сен борсан-ки мен ҳам ўлмайман,
Тилдан қолсам, сени Ойбекдай
Мен кўзларим билан сўйлайман.
✍ Хуршид ДАВРОН.
@ari
👆Муҳаммад Юсуф издошлари канали.
Читать полностью…
Muhammad Yusuf izdoshlari
20 октября 2024 17:53
ONA TILIM
✍ Muhammad YUSUF.
Andijon shahri. Muhammad Al-Xorazmiy nomidagi ixtisoslashtirilgan maktab o‘quvchilari
Muhammad Yusuf izdoshlariga qoʻshiling👇
@ari👈 kanali,
@ariguruhi👈guruhi.
/channel/Muhammadyusufizdoshlari
Читать полностью…
Muhammad Yusuf izdoshlari
19 октября 2024 18:55
ОНА ТИЛИМ
Келиб кетди неча дунёлар,
Кулди ҳаёт, йиғлади ўлим.
Сен деб қурбон бўлди боболар,
Улар кетди, сен қолдинг, тилим.
Беланчагинг узра Кошғарий
Куйлаб ўтди қадим навони
Ва навқирон япроқларингга
Дил қонини берди Навоий.
Самарқанддан Бобур кетаркан
Дилда бўғиб ҳасрат сасини,
Олиб кетди она юртидан,
Туркий тилим, биргина сени.
Машрабмас, сен осилдинг дорга,
Нодирамас, сенсан сўйилган
Ҳозиқнингмас, сенинг, эй тилим,
Бошинг айру, кўзинг ўйилган.
Аммо душман ўлдирган ботир
Тирилгандек яна қасосга,
Мангу борсан ва мангу қодир
Тўлдирмоққа ерни овозга.
Ватан учун бахш этиб жонни,
Кечиб олов, кириб дарёга,
Фарзандларинг тўккан ҳар қонни
Шимирдинг сен ўхшаб гиёҳга.
Она тилим, омон бўл мангу,
Сен борсан-ки мен ҳам ўлмайман,
Тилдан қолсам, сени Ойбекдай
Мен кўзларим билан сўйлайман.
✍️ Хуршид Даврон
ONA TILIM
Kelib ketdi necha dunyolar,
Kuldi hayot, yig‘ladi o‘lim.
Sen deb qurbon bo‘ldi bobolar,
Ular ketdi, sen qolding, tilim.
Belanchaging uzra Koshg‘ariy
Kuylab o‘tdi qadim navoni
Va navqiron yaproqlaringga
Dil qonini berdi Navoiy.
Samarqanddan Bobur ketarkan
Dilda bo‘g‘ib hasrat sasini,
Olib ketdi ona yurtidan,
Turkiy tilim, birgina seni.
Mashrabmas, sen osilding dorga,
Nodiramas, sensan so‘yilgan
Hoziqningmas, sening, ey tilim,
Boshing ayru, ko‘zing o‘yilgan.
Ammo dushman o‘ldirgan botir
Tirilgandek yana qasosga,
Mangu borsan va mangu qodir
To‘ldirmoqqa yerni ovozga.
Vatan uchun baxsh etib jonni,
Kechib olov, kirib daryoga,
Farzandlaring to‘kkan har qonni
Shimirding sen o‘xshab giyohga.
Ona tilim, omon bo‘l mangu,
Sen borsan-ki men ham o‘lmayman,
Tildan qolsam, seni Oybekday
Men ko‘zlarim bilan so‘ylayman.
✍️ Xurshid Davron
Muhammad Yusuf izdoshlariga qoʻshiling👇
@ari👈 kanali,
@ariguruhi👈guruhi.
/channel/Muhammadyusufizdoshlari
Читать полностью…
Muhammad Yusuf izdoshlari
19 октября 2024 18:55
ОНА ТИЛИМ
Навоийдан табаррук зар, гавҳарим,
Қошғарийдан қолган дурдона тилим!
Ўзбекнинг ўзидай донишманд, латиф,
Ўзбекнинг ўзидай мардона тилим!
Улуғ она тилим, о гўзал исмат,
“Ҳибатул ҳақойиқ” сўйласин бир-бир.
Навоийни берган соҳиби қудрат,
Азал котибидан сен илоҳий сир!
Қутлуғ она тилим, кечмишингни дол,
Тиллари кесилган боболар айтсин.
Ойбек айтсин, ҳақсизликдан гунгу шол,
Буюк ёлғонлардан адолар айтсин!
Кафансиз кўмилган шаҳидлар додин
Шу қонли чоҳ айтсин!
Чирмашиб ётган —
Қабрида ҳам чекиб, мунглиғ эл дардин,
Ҳатто сўнгаклари бирлашиб ётган!
Айтсин аламазон ёнган китоблар,
Қурбон қушдай тўзган сўзлар гулханда,
Кесган сари ўсдинг! “Сураи соф”лар
Озодликдай унди кулда, кундада.
Судсиз отилган Қодирий кўзига
Додлаб тушган қора тупроқлар айтсин!
Машраб осилган дор айтсин, юзига,
Қон сачраб, инграган япроқлар айтсин!
Усмон Носир руҳи айтсин уриб чарх,
Қон туфлаб Сибирда юраги силим.
Қатағон қиличи бошинг узра ярқ
Этди, зулм кишани жонингда, тилим?!
Узун йиғи келар қати-қатингдан,
Узун йиғилардан қуриган кўзим.
Буғдойзорларингни топтаганларга
Буғдой нонлар тутган о буғдой сўзим!
Чўлпонга тутилган ўлим қадаҳи,
Хиёнат заҳридан ҳамон оқар қон.
Эй ярадор қушим, кўнглум чаҳ-чаҳи,
Сен Бобур – соғинчда адо бўлган жон!
Тилим, тошбўронлар ёрди кўксингни,
Ҳамзангнинг кўксига ботиб кетди тош.
Кўзлари қонади ҳар ўт, майсангни,
Хазонларни ёқди — шамоллар фаррош.
Тишимда қисирлар, ғичирлайди сўз,
Босганми кўзимни ў қўрқув, ҳадик?
Жону жигарингни қирқмоқда ҳануз,
Ёқангдан тутмоқда ҳануз лоқайдлик!
Изғир, оҳ, хоинлар ҳамон... юзингга
Лой сачратар сотқин, ватанфурушлар.
Чўп суқар каслар бор тилим кўзингга,
Ўз туққан элига ёв, падаркушлар!
Кимман?! Бўлолмасам ганжингга соқчи,
Талатсаму сени, юрсам шод, масрур.
Кечирма, тузингни унутсам агар,
Ҳақ Сўзнинг дорига оссинлар, буюр!
Ахир ор-номусим, ҳаётим туғи,
Мангу оқар дарём — сенинг ўзингсан!
Ўзбек тили жаҳон аро қутлиғим,
Шараф тожим, унвоним, оқ юзимсан!
Ўзбек онасисиз ғарибдир очун,
Тафаккур бешиги тебранмасди соз.
Биргина Навоий туққани учун
Дунё таъзим қилса ўзбекка бу оз!
Кўнглумда, жонимда офтоб янглиғ балқ,
Ҳурлик бўлиб чиққан майдона тилим!
Чарх ур олам узра, кабутардай чарх,
Озод, ҳур ватандай афсона тилим!
Донишим, латифим, мардона тилим!
✍ Энахон Сиддиқова,
Ўзбекистон халқ шоири.
Муҳаммад Юсуф издошлари телеграм канали ва гуруҳи👇
@ari👈 канали,
@ariguruhi👈 гуруҳи.
/channel/Muhammadyusufizdoshlari
Читать полностью…
Muhammad Yusuf izdoshlari
19 октября 2024 18:55
МУҲАММАД ЮСУФДЕК ШОИР БЎЛАМАН
Халқ дардин ёзаман қоғоз қоралаб,
Ўзимку бир кўнгли ярим боламан.
Устозлар изидан эргашиб мен ҳам,
Муҳаммад Юсуфдек шоир бўламан.
"О, ота маконим,
Онажон ўлкам",
Сенга қанча ёзсам, яна шунча кам,
Номингни мадҳ этай йўқ дема мен ҳам,
Муҳаммад Юсуфдек шоир бўламан.
"Майлида кимгадир ёқса ёқмаса",
Бир кун омад боқар бугун боқмаса.
Сара шеърлар ёзиб Худо хоҳласа, Муҳаммад Юсуфдек шоир бўламан.
"Райхон ҳидларингни йўлларимга сеп",
Гўзаллигинг берсин ашъоримга зеб,
Шеър ёздим устознинг хотираси деб,
Муҳаммад Юсуфдек шоир бўламан.
"Менга бир табассум ҳадя эт эй ёр",
Сендан илҳом олиб битайин ашъор,
Устозларнинг руҳи бўлса мададкор,
Муҳаммад Юсуфдек шоир бўламан.
"Лолақизғалдоқлар" тилларда достон,
Шу шеърни ёд олган қанчалар инсон,
Келажак ёшларнинг қўлида ишон,
Муҳаммад Юсуфдек шоир бўламан.
"Мендан нима қолар икки мисра шеър",
Десалар бир содда шоир бола дер,
Орзу қилиб айтди шуни Алишер,
Муҳаммад Юсуфдек шоир бўламан.
"Ўйламай дейману ўйламай бўлмас",
Ашъорлар битмасам кўнглим ҳам тўлмас,
Мен кетсам дунёдан шеърларим ўлмас,
Муҳаммад Юсуфдек шоир бўламан.
✍ Алишер АБДУЛЛОҲ,
Қўқон.
Муҳаммад Юсуф издошларига қўшилинг👇
@ari👈 канали,
@ariguruhi👈гуруҳи.
MUHAMMAD YUSUFDEK SHOIR BOʻLAMAN
Xalq dardin yozaman qogʻoz qoralab,
Oʻzimku bir koʻngli yarim bolaman.
Ustozlar izidan ergashib men ham,
Muhammad Yusufdek shoir boʻlaman.
“O, ota makonim,
Onajon oʻlkam”,
Senga qancha yozsam, yana shuncha kam,
Nomingni madh etay yoʻq dema men ham,
Muhammad Yusufdek shoir boʻlaman.
“Maylida kimgadir yoqsa yoqmasa”,
Bir kun omad boqar bugun boqmasa.
Sara sheʼrlar yozib Xudo xohlasa, Muhammad Yusufdek shoir boʻlaman.
“Rayxon hidlaringni yoʻllarimga sep”,
Goʻzalliging bersin ashʼorimga zeb,
Sheʼr yozdim ustozning xotirasi deb,
Muhammad Yusufdek shoir boʻlaman.
“Menga bir tabassum hadya et ey yor”,
Sendan ilhom olib bitayin ashʼor,
Ustozlarning ruhi boʻlsa madadkor,
Muhammad Yusufdek shoir boʻlaman.
“Lolaqizgʻaldoqlar” tillarda doston,
Shu sheʼrni yod olgan qanchalar inson,
Kelajak yoshlarning qoʻlida ishon,
Muhammad Yusufdek shoir boʻlaman.
“Mendan nima qolar ikki misra sheʼr”,
Desalar bir sodda shoir bola der,
Orzu qilib aytdi shuni Alisher,
Muhammad Yusufdek shoir boʻlaman.
“Oʻylamay deymanu oʻylamay boʻlmas”,
Ashʼorlar bitmasam koʻnglim ham toʻlmas,
Men ketsam dunyodan sheʼrlarim oʻlmas,
Muhammad Yusufdek shoir boʻlaman.
✍ Alisher ABDULLOH,
Qoʻqon.
Muhammad Yusuf izdoshlariga qoʻshiling👇
@ari👈 kanali,
@ariguruhi👈guruhi.
/channel/Muhammadyusufizdoshlari
Читать полностью…
Muhammad Yusuf izdoshlari
19 октября 2024 18:55
Andijon viloyati Jalaquduq tumani 73-DIUM 5-"G" sinf o‘quvchilarining o‘zbek tili bayramiga chelenji
Muhammad Yusuf izdoshlari telegram kanali va guruhi 👇
@ari 👈 kanalimiz,
@ariguruhi 👈 guruhimiz.
@ari
Читать полностью…
Muhammad Yusuf izdoshlari
19 октября 2024 18:55
ЧЎЛПОННИНГ СЎНГГИ ИЛТИЖОСИ
Кун ёришди, кун ботди,
Мудом хонам ёришмас.
Вале ёруғ юрагим
Зулматларга қоришмас
Мен Ватанга йўғрилдим,
Ватан қолди жонимда.
Қани туйнук, қани нур?
Оқиб кетсин кўзларим...
Қоп-қорайган қоғозим –
Зулматларга сўзладим.
Мен Ватанга йўғрилдим,
Ватан қолди қонимда.
Ватан - севгим, ойгинам,
Кел, чимилдиқ - кўксимга!
Ойдин чимилдиқ ичра
Ишқ тафтини тўксин-да.
Мен Ватанга йўғрилдим,
Ватан хону монимда.
Ҳей, тўппонча! Ҳей, милтиқ!
Ўқинг қалбга отилсин.
Юрагим минг поралаб,
Юртим узра сочилсин.
Мен Ватанга сочилсам,
Ватан ҳар бир сонимда.
Ўтинаман, жаллодим,
Хато олма мўлжални.
Жудо этиб, бошимдан
Хўрлик қилма ажални.
Мен Ватанга йўғрилгум
Дил ёрилган онимда
Парча-парча жоним-ла!..
✍ Наби ЖАЛОЛИДДИН,
Андижон вилояти.
CHOʻLPONNING SOʻNGGI ILTIJOSI
Kun yorishdi, kun botdi,
Mudom xonam yorishmas.
Vale yorugʻ yuragim
Zulmatlarga qorishmas
Men Vatanga yoʻgʻrildim,
Vatan qoldi jonimda.
Qani tuynuk, qani nur?
Oqib ketsin koʻzlarim...
Qop-qoraygan qogʻozim –
Zulmatlarga soʻzladim.
Men Vatanga yoʻgʻrildim,
Vatan qoldi qonimda.
Vatan - sevgim, oyginam,
Kel, chimildiq - koʻksimga!
Oydin chimildiq ichra
Ishq taftini toʻksin-da.
Men Vatanga yoʻgʻrildim,
Vatan xonu monimda.
Hey, toʻpponcha! Hey, miltiq!
Oʻqing qalbga otilsin.
Yuragim ming poralab,
Yurtim uzra sochilsin.
Men Vatanga sochilsam,
Vatan har bir sonimda.
Oʻtinaman, jallodim,
Xato olma moʻljalni.
Judo etib, boshimdan
Xoʻrlik qilma ajalni.
Men Vatanga yoʻgʻrilgum
Dil yorilgan onimda
Parcha-parcha jonim-la!..
✍ Nabi JALOLIDDIN,
Andijon viloyati.
@ari
👆Муҳаммад Юсуф издошлари канали.
Muhammad Yusuf izdoshlari telegram kanali va guruhi 👇
@ari 👈 kanalimiz,
@ariguruhi 👈 guruhimiz.
/channel/Muhammadyusufizdoshlari
Читать полностью…
Muhammad Yusuf izdoshlari
30 сентября 2024 21:02
"Оддий муаллим"
Муҳаммад Юсуф шеъри 💐🌷
Muhammad Yusuf izdoshlariga qo‘shiling 👇
@ari 👈 kanalimiz,
@ariguruhi 👈 guruhimiz.
Читать полностью…
Muhammad Yusuf izdoshlari
30 сентября 2024 15:40
/channel/Muhammadyusufizdoshlari/1946
Читать полностью…
Muhammad Yusuf izdoshlari
30 сентября 2024 15:34
ОДДИЙ МУАЛЛИМ
Қадри билинади энди менга гоҳ,
Олис мактабимни, ўша беҳашам.
Навоийку бизга устоздир, бироқ,
Кимдир ўқитганку Навоийни ҳам.
Шундай улуғ зотга ҳарф ўргатган ким?-
Оддий муаллимда, оддий муаллим.
Тупроқдек хокисор ,безовтв жонлар,
Аммо қаноатда тоғдек улуғвор.
Ҳатто Темурдайин соҳибқиронлар,
Пирим,деб этагин тутган зотлар бор.
Қайсар жаҳонгирга йўл кўрсатган ким?-
Оддий муаллимда, оддий муаллим.
Йўқдан Берунийлар бинолар этган,
Машрабни машҳури дунёлар этган,
Ҳусайнни ибн Синолар этган,
Абдуллонинг тилин бурролар этган,
Илон ўйнатгандек сўз ўйнатган ким?-
Оддий муаллимда, оддий муаллим.
Аммо ҳаётнинг ниш-санчиқларидан
Қоқинса кўтарган қўлтиқларидан.
Отадек куюнган ғуссага ботса,
Боладек қувонган ютуқларидан.
Уйқуда шогирдин ўйлаб ётган ким?-
Оддий муаллимда, оддий муаллим.
Улфат кўпу аммо бир дўсти ҳамроҳ,
Ҳалим тополмадим ундан ҳалимроқ.
Қанча устоз кўрдим, қанча олийгоҳ,
Олим тополмадим, ундан олимроқ.
Бола юрагимда бебаҳо тилсим,
Оддий муаллимда, оддий муаллим.
Юзга кираман мен Худо хоҳласа,
Юз йилдан кейин бир мўмин ўртоғим
Кўзларимни ёпса, жағим боғласа,
Фақат бир инсондан бўлади қарзим-
Оддий муаллимдан, оддий муаллим!
✍ Муҳаммад ЮСУФ.
Муҳаммад Юсуф издошларига қўшилинг👇
@ari👈 канали,
@ariguruhi👈гуруҳи.
ODDIY MUALLIM
Qadri bilinadi endi menga goh,
Olis maktabimni, oʻsha behasham.
Navoiyku bizga ustozdir, biroq,
Kimdir oʻqitganku Navoiyni ham.
Shunday ulugʻ zotga harf oʻrgatgan kim?-
Oddiy muallimda, oddiy muallim.
Tuproqdek xokisor ,bezovtv jonlar,
Ammo qanoatda togʻdek ulugʻvor.
Hatto Temurdayin sohibqironlar,
Pirim,deb etagin tutgan zotlar bor.
Qaysar jahongirga yoʻl koʻrsatgan kim?-
Oddiy muallimda, oddiy muallim.
Yoʻqdan Beruniylar binolar etgan,
Mashrabni mashhuri dunyolar etgan,
Husaynni ibn Sinolar etgan,
Abdulloning tilin burrolar etgan,
Ilon oʻynatgandek soʻz oʻynatgan kim?-
Oddiy muallimda, oddiy muallim.
Ammo hayotning nish-sanchiqlaridan
Qoqinsa koʻtargan qoʻltiqlaridan.
Otadek kuyungan gʻussaga botsa,
Boladek quvongan yutuqlaridan.
Uyquda shogirdin oʻylab yotgan kim?-
Oddiy muallimda, oddiy muallim.
Ulfat koʻpu ammo bir doʻsti hamroh,
Halim topolmadim undan halimroq.
Qancha ustoz koʻrdim, qancha oliygoh,
Olim topolmadim, undan olimroq.
Bola yuragimda bebaho tilsim,
Oddiy muallimda, oddiy muallim.
Yuzga kiraman men Xudo xohlasa,
Yuz yildan keyin bir moʻmin oʻrtogʻim
Koʻzlarimni yopsa, jagʻim bogʻlasa,
Faqat bir insondan boʻladi qarzim-
Oddiy muallimdan, oddiy muallim!
✍ Muhammad YUSUF.
Muhammad Yusuf izdoshlariga qoʻshiling👇
@ari👈 kanali,
@ariguruhi👈guruhi.
/channel/Muhammadyusufizdoshlari
Читать полностью…
544