Muhammad Yusuf izdoshlari

10 февраля 2024 19:27

📚 Shoir sevgisi

✍ Muhammad Yusuf

🎤 Aziz Xo'ja Nur

Muhammad Yusuf izdoshlari

09 февраля 2024 12:49

Адиблар хиёбонида буюк шоир ва мутафаккир Алишер Навоий таваллудининг 583 йиллиги муносабати билан ўтказилган тадбир жарёнидан суратлар.

Муаллиф – Аҳмад Тўра.

Muhammad Yusuf izdoshlari

09 февраля 2024 11:21

💦💦💦

#mushoira

NAVOIY DILIMDA

Besh asrkim Navoiy dilimda jodir,
Har bobin oʻqiyman qalbimda muhr.
Asarlari oʻlmas har nega qodir,
Har satrin uqiyman topgum xush huzur!

Jonga jon baxsh etar yirik "Xamsa" si,
"Sabbayi Sayyor" u Bahrom qissasi.
Otilar yurakdan dardlarning sasi,
Elimga malhamdur bordir hissasi!

Ruboiy, tuyuqlar joningga oro,
Maʼnosin chaqsang gar boʻlmaysan gado.
Har baytin qunt ila uqigin zora,
Hayotdan qoqilib soʻlmaysan ado!

Oʻz davrin sultoni boʻldi bu yoʻlda,
Inson qalb koʻziga sochdi nur-ziyo.
Navoiy "Xamsa" si chaqnar har dilda,
Ul misli oftobdir yogʻdudek goʻyo?

Akram Ali ham hoʻb bitdi nafis sheʼr,
Boʻlmagʻay qalbida gardli siyohrang.
Moziydan qoʻllarin tutdi Alisher,
Koʻnglining bogʻi ham boʻldi rang-barang!

✍✍ Akromjon Aliqulov Qashqadaryo viloyati

2024 02 07 🕰 12 10

Муҳаммад Юсуф издошларига 👈қўшилинг

@Muhammadyusufizdoshlariguruhi👈канали

@Muhammadyusufizdoshlariguruhi👈гуруҳи

/channel/Muhammadyusufizdoshlari

Muhammad Yusuf izdoshlari

09 февраля 2024 10:46

​​​​Руснинг буюк шоири Пушкин ўз асарларида 21 197 та сўз, инглизларнинг фахри Шекспир салкам 20 000 та сўз, испан адабиётининг даҳоси Сервантес 18 000 тага яқин сўз ишлатган.

Бобомиз Мир Алишер Навоий ҳазратлари эса 26 035 та сўз ишлатган!

Бу рекордни ҳозирча ҳеч ким янгилагани йўқ!


Rusning buyuk shoiri Pushkin o‘z asarlarida 21 197 so‘z, inglizlarning faxri Shekspir salkam. 20 000 ta so‘z, ispan adabiyotining dahosi Servantes 18 000taga yaqin so‘z ishlatgan.

Bobomiz Mir Alisher Navoiy hazratlari esa 26 035 ta so‘z ishlatgan!

Bu rekordni hozircha hech kim yangilagani yo‘q!

Muhammad Yusuf izdoshlariga qo‘shiling👇

@Muhammadyusufizdoshlari👈kanali.
@Muhammadyusufizdoshlariguruhi👈guruhi.

/channel/Muhammadyusufizdoshlari

Muhammad Yusuf izdoshlari

08 февраля 2024 16:09

Алишер Навоий таваллудининг 583 йиллигига

Мутафаккир, олим, ғазал мулкининг султони, ўзбек тилининг асосчиси Алишер Навоий барча даврларда турк дунёси томонидан “шамс ул-миллат” яъни “миллат қуёши”, деб эъзозлаб келинган.

ШАМС УЛ МИЛЛАТ*

Бойқаро саройин одил амири,
Шамс ул миллат* эрур, ҳаёт замири,
Байтларида ажиб маъно мужассам,
Ҳикмати не эрур, не унинг сири.

Ўзбекнинг шаънини кўкларга ёйиб,
Мавлоно Лутфийни ҳайратга солиб,
Тарих зарварағин безатиб боқий
Хондамир қаламин чархлаган адиб!

"Ҳамса"си элларга бўлди-ку нисор,
"Фарҳод ва Ширин", "Ҳайрат ул-Аброр"
"Лайли ва Мажнун"да муҳаббат бисёр,
Коинот айланди "Сабъаи сайёр!"

Бойқаро саройин одил амири,
Шамс ул миллат* эрур, ҳаёт замири,
Байтларида ажиб маъно мужассам,
Ҳикмати не эрур, не унинг сири...

* Миллат қуёши

✍️ МУРОДУЛЛА

Муҳаммад Юсуф издошларига 👈қўшилинг.

@Muhammadyusufizdoshlari👈канали.

@Muhammadyusufizdoshlariguruhi👈гуруҳи.

/channel/Muhammadyusufizdoshlari

Muhammad Yusuf izdoshlari

08 февраля 2024 10:00

ХОЛУ ХАТИНГ ХАЁЛИДИН,
ЭЙ САРВИ ГУЛЪУЗОР

Мир Алишер Навоий ғазалига мухаммас

Қошу кўзинг саволидин дил ичра оҳу зор,
Зулфи кажинг шамолидин бағрим аро баҳор,
Белу қўлинг висолидин йўқ менда бир қарор,
Холу хатинг хаёлидин, эй сарви гулъузор,
Гоҳи кўзумга хол тушубтур, гаҳи ғубор.

Қотилларингки айламиш жону таним яро,
Минг булбул оҳи ёширин ҳар бир ярам аро,
Сочингмидур жаҳонга ё тушмиш қаро бало,
Юзингда хол сафҳада томғон киби қаро,
Холинг малоҳати туз* эрурким, қарода бор.

Лаб ғунчасида асраган болингни билмасанг,
Ҳолимни билмаган, эй гул, ҳолингни билмасанг,
Кўнглим аро неча қилу қолингни* билмасанг,
Жонимни ўртаган юзу холингни билмасанг,
Ўт шуъласида айла гумон бир ўчук шарор*.

Саволмидур самода ё қошинг ҳилолидур,
Ҳилолмидур ёки бори умрим саволидур?
Тонгнинг сабосиму ва ё сочинг шамолидур?
Билмон, кўнгулда холларингнинг хаёлидур,
Ё кипригинг тиконларин айлабсан устувор.

Жону таним ҳар лаҳза андуҳ бирла тўлмоғин,
Ҳар лаҳза зору нотовону маҳжур* ўлмоғин,
Дил очилиб ҳар лаҳзаю ҳар дамда сўлмоғин,
Ҳар дам кўнгул ҳалоку кўзум тийра бўлмоғин,
Билгай бировки, ёри эрур шўхи холдор.

Гулдан ясабмиш бош-оёқ кўшк бирла тахтини,
Хол бирла нуқта айламиш ё кимни бахтини?
Кўргил назокату ҳусну бу қадду бастини,
Машшотайи қазо* безамиш холу хаттини,
Беихтиёрликда борму манга ихтиёр?

Олам санамлари малоҳатингга ён берур,
Бир хол шунчаларму кўп оҳу фиғон берур,
Эй ёр, келиб ҳолимни кўр, рангим аён берур,
Мискин Навоий холи лабинг кўрса жон берур.
Боқсанг на бўлди сурати ҳолига, эй нигор.

Сирожиддин САЙЙИД.

1. Туз – рост, келишган.
2. Қилу қол (араб.) – гап-сўз.
3. Шарор (араб.)– учқун олов.
4. Маҳжур (араб.) – айрилиқ, ҳажр.
5.Машшотайи қазо (араб.) – пардозчи, оро берувчи. Бу ўринда Яратган маъносида.

Турон адиблари телеграм канали ва гуруҳи👇
@Turonadiblari 👈 каналимиз,
@Turon_adiblari👈 гуруҳимиз.





XOLU XATING XAYOLIDIN,
EY SARVI GULʼUZOR

Mir Alisher Navoiy gʻazaliga muxammas

Qoshu koʻzing savolidin dil ichra ohu zor,
Zulfi kajing shamolidin bagʻrim aro bahor,
Belu qoʻling visolidin yoʻq menda bir qaror,
Xolu xating xayolidin, ey sarvi gulʼuzor,
Gohi koʻzumga xol tushubtur, gahi gʻubor.

Qotillaringki aylamish jonu tanim yaro,
Ming bulbul ohi yoshirin har bir yaram aro,
Sochingmidur jahonga yo tushmish qaro balo,
Yuzingda xol safhada tomgʻon kibi qaro,
Xoling malohati tuz* erurkim, qaroda bor.

Lab gʻunchasida asragan bolingni bilmasang,
Holimni bilmagan, ey gul, holingni bilmasang,
Koʻnglim aro necha qilu qolingni* bilmasang,
Jonimni oʻrtagan yuzu xolingni bilmasang,
Oʻt shuʼlasida ayla gumon bir oʻchuk sharor*.

Savolmidur samoda yo qoshing hilolidur,
Hilolmidur yoki bori umrim savolidur?
Tongning sabosimu va yo soching shamolidur?
Bilmon, koʻngulda xollaringning xayolidur,
Yo kipriging tikonlarin aylabsan ustuvor.

Jonu tanim har lahza anduh birla toʻlmogʻin,
Har lahza zoru notovonu mahjur* oʻlmogʻin,
Dil ochilib har lahzayu har damda soʻlmogʻin,
Har dam koʻngul haloku koʻzum tiyra boʻlmogʻin,
Bilgay birovki, yori erur shoʻxi xoldor.

Guldan yasabmish bosh-oyoq koʻshk birla taxtini,
Xol birla nuqta aylamish yo kimni baxtini?
Koʻrgil nazokatu husnu bu qaddu bastini,
Mashshotayi qazo* bezamish xolu xattini,
Beixtiyorlikda bormu manga ixtiyor?

Olam sanamlari malohatingga yon berur,
Bir xol shunchalarmu koʻp ohu figʻon berur,
Ey yor, kelib holimni koʻr, rangim ayon berur,
Miskin Navoiy xoli labing koʻrsa jon berur.
Boqsang na boʻldi surati holiga, ey nigor.

✍ Sirojiddin SAYYID.

1. Tuz – rost, kelishgan.
2. Qilu qol (arab.) – gap-soʻz.
3. Sharor (arab.)– uchqun olov.
4. Mahjur (arab.) – ayriliq, hajr.
5.Mashshotayi qazo (arab.) – pardozchi, oro beruvchi. Bu oʻrinda Yaratgan maʼnosida.

Turon adiblari telegram kanali va guruhi👇
@Turonadiblari 👈 kanalimiz,
@Turon_adiblari👈 guruhimiz.



/channel/Turonadiblari

Muhammad Yusuf izdoshlari

05 февраля 2024 19:45

СИНГЛИМ

Қўнғир сочи чиройли,
Кичик жуссали синглим,
Нон ёпиб бер, кулча ёп,
Бўлсин жиззали, синглим.

Аканг катта йигиту,
Меҳрга зор боладай.
Мени эркала шу топда
Ҳолим сўра онадай.

Синглим, ҳаёт чарчатди,
Ташвишлардан бошим хам.
Ҳувиллаган бу уйда
Татимайди ошим ҳам.

Эслайсанми шўх эдинг,
Қилган тўполонингни.
Онам эса ҳар сафар
Олар эди ёнингни.

Ҳўб қилардинг эркалик
Пирпиратиб кўзингни.
Баъзан келиб ҳасадим
Шарт бўлардим сўзингни.

Қароқларда йўқ бугун
Ўша шўхлик, эркалик.
Бошга тушган бу савдо
Қилди сенга эрталик.

Сен онамга ўхшайсан,
Кичик жуссали синглим.
Нон ёпиб бер, кулча ёп
Бўлсин жиззали, синглим.

✍ Ҳаётхон НАБИЕВА,
Фарғона вилояти, Ёзёвон тумани.


Муҳаммад Юсуф издошларига қўшилинг 👇
@Muhammadyusufizdoshlari👈канали,
@Muhammadyusufizdoshlariguruhi👈гуруҳи.


SINGLIM

Qo‘ng‘ir sochi chiroyli,
Kichik jussali singlim,
Non yopib ber, kulcha yop,
Bo‘lsin jizzali, singlim.

Akang katta yigitu,
Mehrga zor boladay.
Meni erkala shu topda
Holim so‘ra onaday.

Singlim, hayot charchatdi,
Tashvishlardan boshim xam.
Huvillagan bu uyda
Tatimaydi oshim ham.

Eslaysanmi sho‘x eding,
Qilgan to‘poloningni.
Onam esa har safar
Olar edi yoningni.

Ho‘b qilarding erkalik
Pirpiratib ko‘zingni.
Ba’zan kelib hasadim
Shart bo‘lardim so‘zingni.

Qaroqlarda yo‘q bugun
O‘sha sho‘xlik, erkalik.
Boshga tushgan bu savdo
Qildi senga ertalik.

Sen onamga o‘xshaysan,
Kichik jussali singlim.
Non yopib ber, kulcha yop
Bo‘lsin jizzali, singlim.

✍ Hayotxon NABIYEVA,
Farg‘ona viloyati, Yozyovon tumani.

Muhammad Yusuf izdoshlariga qoʻshiling 👇
@Muhammadyusufizdoshlari👈kanali,
@Muhammadyusufizdoshlariguruhi👈guruhi.

/channel/Muhammadyusufizdoshlari

Muhammad Yusuf izdoshlari

05 февраля 2024 15:22

ТОҒОРА

Арслон аъёнларга берибди буйруқ:
“Ҳар бир маҳлуқда бор дум ёки қуйруқ.
Амримни етказинг бутун ўрмонга,
Тоғора қўйилсин катта майдонга.
Ҳайвонлар навбат-ла ўтириб кўрсин,
Кети сиғмаганлар бир танга берсин!”
Тулки дебди:”Жоним тасаддуқ сизга,
“Сиққан”лар нетсинлар ,буюринг бизга”.
Арслон жеркиб берди:”Галварс, ақли кам,
Жарима солинглар “Сиққан”ларга ҳам”.
Ҳеч ўрин қолмади ортиқча гапга,
Аъёнлар жўнашди ўрмон тарафга
Барчани чорлашди, чалиб ноғора,
Ўртага қўйилди сопол тоғора.
Ҳамма ҳар томондан унга интилар,
Биров мункиб кетар, биров йиқилар.
Ёқа йиртишади Фил билан Сичқон,
Тоғора четига ёпишган Илон.
Чувалчанг қулаган оёғи тойиб,
Хўроз қичқиради,бўлдим деб майиб,
Каловланиб чопар қўпол Бегемот,
Туяга:”Қоч!” – дея ўдағайлар От.
Итга чанг солади миёвлаб Мушук,
Бўрига чап берар Қуёнча –шумшук.
Маймун ирғишлайди кетини қашлаб,
Айиқ Қашқирларни қувади муштлаб.
Чўчқа чинқиради Ҳўкизга қараб:
“Синдириб ташлайми шоҳингни бураб?
Оёғимни босма лаънати сўқир,
Менинг навбатим-ку,думингни суғур”.
Эшак пишқиради:”Дардинг олайин,
Сал энгашиб тургин мен ҳам солайин”.
Хуллас, авжга чиққан ур-сур ,тўполон,
Бемаъни буйруқ деб ҳайвонлар сарсон.
Фойдасиз тадбир деб ҳамма оввора ,
Эсиз беҳуда вақт,эсиз тоғора.

✍ Зикрилла Охун.

Муҳаммад Юсуф издошларига қўшилинг👇
@Muhammadyusufizdoshlari👈канали,
@Muhammadyusufizdoshlariguruhi👈гуруҳи.


TOGʻORA

Arslon a’yonlarga beribdi buyruq:
“Har bir mahluqda bor dum yoki quyruq.
Amrimni yetkazing butun o‘rmonga,
Tog‘ora qo‘yilsin katta maydonga.
Hayvonlar navbat-la o‘tirib ko‘rsin,
Keti sig‘maganlar bir tanga bersin!”
Tulki debdi:”Jonim tasadduq sizga,
“Siqqan”lar netsinlar ,buyuring bizga”.
Arslon jerkib berdi:”Galvars, aqli kam,
Jarima solinglar “Siqqan”larga ham”.
Hech o‘rin qolmadi ortiqcha gapga,
A’yonlar jo‘nashdi o‘rmon tarafga
Barchani chorlashdi, chalib nog‘ora,
O‘rtaga qo‘yildi sopol tog‘ora.
Hamma har tomondan unga intilar,
Birov munkib ketar, birov yiqilar.
Yoqa yirtishadi Fil bilan Sichqon,
Tog‘ora chetiga yopishgan Ilon.
Chuvalchang qulagan oyog‘i toyib,
Xo‘roz qichqiradi,bo‘ldim deb mayib,
Kalovlanib chopar qo‘pol Begemot,
Tuyaga:”Qoch!” – deya o‘dag‘aylar Ot.
Itga chang soladi miyovlab Mushuk,
Bo‘riga chap berar Quyoncha –shumshuk.
Maymun irg‘ishlaydi ketini qashlab,
Ayiq Qashqirlarni quvadi mushtlab.
Cho‘chqa chinqiradi Ho‘kizga qarab:
“Sindirib tashlaymi shohingni burab?
Oyog‘imni bosma la’nati so‘qir,
Mening navbatim-ku,dumingni sug‘ur”.
Eshak pishqiradi:”Darding olayin,
Sal engashib turgin men ham solayin”.
Xullas, avjga chiqqan ur-sur ,to‘polon,
Bema’ni buyruq deb hayvonlar sarson.
Foydasiz tadbir deb hamma ovvora ,
Esiz behuda vaqt,esiz tog‘ora.

✍ Zikrilla Oxun.

Muhammad Yusuf izdoshlariga qo‘shiling👇
@Muhammadyusufizdoshlari👈kanali,
@Muhammadyusufizdoshlariguruhi👈guruhi.
/channel/Muhammadyusufizdoshlari

Muhammad Yusuf izdoshlari

04 февраля 2024 04:52

⛅️ Aссалому алайкум. Якшанба тонги муборак бўлсин.

Соғ–саломат уйғотган Роббимизга ҳамдлар бўлсин!

✨Асл саодат нафас олиб турган ҳар онимизга шукр қила олишдир...
✨Шукр ва зикрга бой кун бўлсин!

Дам олиш кунингиз мазмунли ўтсин!

Assalomu alaykum, azizlar!
Dam olish kunlaringiz mazmunli va maroqli o‘tsin!
Sog‘~salomat yana bir tongni qarshi olganimizga ming shukurlar bo‘lsin!

Yaxshi dam~ertangi kunimiz uchun kuch ato etadi.
Shunday ekan sizlarga yaxshi kayfiyat tilab qolamiz!


🌹🌹🌹🌹🌹🌹🌹🌹🌹

Muhammad Yusuf izdoshlari

03 февраля 2024 08:24

БОБУР РУҲИЯТИ

Шоҳлик, шоирликни тутиб юзма-юз,
Ёғийларни енгиб, қувиб изма-из,
Минг бор азоб ютиб, ҳеч чўкмадим тиз,
Тақдир тақозоси буюрган жонман,
Ўн икки ёшимда шоҳ-Андижонман.

Не-не юриш қилдим Темурийга хос,
Мардлик, жасоратим насабимга мос,
Душманга тик боқдим ҳам олдим қасос,
Юртнинг соғинчидан кўзим гирёнман,
Адолатда пешво шоҳи-Афғонман.

Олис Ҳинду сари ташладим қадам,
Узоқ элу юртга бошладим одам,
Юз мингли қўшинни енголдим ул дам,
Мозийда қолгучи девон-достонман,
Денгиз ортидаги шоҳ-Ҳиндистонман.

Туну кун жанг қилдим ҳам ғазал битдим,
Ноёб рубоийлар ҳам азал битдим,
"Бобурнома" каби зўр зарҳал битдим,
Қабрим Афғондаги бир банда-жонман,
Дардим Ватан ишқи, шоҳ- анда жонман.

✍ Абдурашид ЭРГАШЕВ,
Асака тумани.

Муҳаммад ЮСУФ издошларига қўшилинг 👇
@Muhammadyusufizdoshlari👈канали,
@Muhammadyusufizdoshlariguruhi👈гуруҳи.


BOBUR RUHIYATI

Shohlik, shoirlikni tutib yuzma-yuz,
Yogʻiylarni yengib, quvib izma-iz,
Ming bor azob yutib, hech choʻkmadim tiz,
Taqdir taqozosi buyurgan jonman,
Oʻn ikki yoshimda shoh-Andijonman.

Ne-ne yurish qildim Temuriyga xos,
Mardlik, jasoratim nasabimga mos,
Dushmanga tik boqdim ham oldim qasos,
Yurtning sogʻinchidan koʻzim giryonman,
Adolatda peshvo shohi-Afgʻonman.

Olis Hindu sari tashladim qadam,
Uzoq elu yurtga boshladim odam,
Yuz mingli qoʻshinni yengoldim ul dam,
Moziyda qolguchi devon-dostonman,
Dengiz ortidagi shoh-Hindistonman.

Tunu kun jang qildim ham gʻazal bitdim,
Noyob ruboiylar ham azal bitdim,
“Boburnoma” kabi zoʻr zarhal bitdim,
Qabrim Afgʻondagi bir banda-jonman,
Dardim Vatan ishqi, shoh- anda jonman.

✍ Abdurashid ERGASHEV,
Asaka tumani.

Muhammad YUSUF izdoshlariga qoʻshiling 👇
@Muhammadyusufizdoshlari👈kanali,
@Muhammadyusufizdoshlariguruhi👈guruhi.

/channel/Muhammadyusufizdoshlari

Muhammad Yusuf izdoshlari

30 января 2024 06:45

Farzona HOSHIMOVA
Marg‘ilon shahridagi
Erkin Vohidov nomidagi ijod maktabining
7-‘‘D‘‘ sinf o‘quvchisi 30-yanvar «O‘zbekistin Respublikasining 1-prezidenti ISLOM ABDUG‘ANIYEVICH KARIMOV» tug‘ilgan kuniga bag‘ishlab tayyorlagan videoroligi😊

Muhammad Yusuf izdoshlari

29 января 2024 17:39

Oqshom ertaklari✨🌙


🏘🏚🏚🏚🏚🏘

🏘🏚🏚🏘🏘🏚🏘🏘


,, Ona quyonning tug‘ilgan kuni"



✍Muallif va ijroda: 🌱🌸Robiya Chaman qizi.


.. XAYRLI TUN! ✨

Muhammad Yusuf izdoshlari

29 января 2024 11:45

Assalomu alaykum., aziz zamondosh....
Yomg‘irning mayin shitirlagan ovozini jim tinglab ozrular qanotida bir ozgina xayolga ketdingizmi...
Yomg‘irni juda sog‘ingan edik!


Hatto, bolalar ham biz kattalar xursandligi oldida lol qoladilar, shunday emasmi?.... 🌹

Ассалому алайкум, азиз замондош...
Ёмғирнинг майин шитирлаган овозини жим эшитиб орзуларга бирозгина берилдингизми...

Ёмғирни жуда соғинган эдик! Ҳатто, болалар ҳам биз катталар хурсандчилиги олдида олдида лол қолдилар!....

Шундай эмасми?..... 🌹

Muhammad Yusuf izdoshlari

26 января 2024 02:40

МЕНДАН ОЛИС

Дала бўлса, ўйнасам, ўртоғимни чақириб,
Яланг оёқ югурсам, сойдан баланд бақириб.
Чумолини уйига буғдой ташлаб кузатсам,
Тишлаб турган нонимни қўзичоққа узатсам.

Тилла қўнғиз тутганим ҳамма билса керилсам,
Қўшни боғдан бир дўппи ёнғок учун қувилсам.
Онам чақирсалар кел овқатингни егин деб,
Опам билан уришсам, пулларимни беринг деб.

Беркиниб том ичига, ёшлик келса тушмасдим,
Севги берган қанотни олмас эдим, учмасдим.
Қалам тишлаб ўй суриб, иссиқ шеърлар ёзмасдим,
Шу кичкина уйимдан бошқа жойга кўчмасдим.

Севги бу юрагимда қолдирмади бутун жой,
Оғриб-оғриб сўз айтдим, тилим сўзга бўлди бой.
Овунаман сўз билан, оғринаман сўз билан,
Мендан чўчир қўзичоқ, мендан олис энди сой.

✍ Рислиғой ҲОТАМОВА.

Муҳаммад Юсуф издошларига қўшилинг 👇
@Muhammadyusufizdoshlari👈канали,
@Muhammadyusufizdoshlariguruhi👈гуруҳи.


MENDAN OLIS

Dala boʻlsa, oʻynasam, oʻrtogʻimni chaqirib,
Yalang oyoq yugursam, soydan baland baqirib.
Chumolini uyiga bugʻdoy tashlab kuzatsam,
Tishlab turgan nonimni qoʻzichoqqa uzatsam.

Tilla qoʻngʻiz tutganim hamma bilsa kerilsam,
Qoʻshni bogʻdan bir doʻppi yongʻok uchun quvilsam.
Onam chaqirsalar kel ovqatingni yegin deb,
Opam bilan urishsam, pullarimni bering deb.

Berkinib tom ichiga, yoshlik kelsa tushmasdim,
Sevgi bergan qanotni olmas edim, uchmasdim.
Qalam tishlab oʻy surib, issiq sheʼrlar yozmasdim,
Shu kichkina uyimdan boshqa joyga koʻchmasdim.

Sevgi bu yuragimda qoldirmadi butun joy,
Ogʻrib-ogʻrib soʻz aytdim, tilim soʻzga boʻldi boy.
Ovunaman soʻz bilan, ogʻrinaman soʻz bilan,
Mendan choʻchir qoʻzichoq, mendan olis endi soy.

✍ Risligʻoy HOTAMOVA.

Muhammad Yusuf izdoshlariga qoʻshiling 👇
@Muhammadyusufizdoshlari👈kanali,
@Muhammadyusufizdoshlariguruhi👈guruhi.

/channel/Muhammadyusufizdoshlari

Muhammad Yusuf izdoshlari

25 января 2024 15:14

........ ЖАДИДЛАР! .......

Зулмат ичра нурни излаб ёндинг сен,
Мақсадга етолмай, бўзлаб қолдинг сен.
Юртни жоҳиллардан қутқармоқ учун,
Қийналдинг, ўртандинг, ўйга толдинг сен.

Жаҳлу бидъатларни супуриб ташлаб,
Покиза жамият қурмоқчи бўлдинг.
Золим пешволарнинг кўзларин ёшлаб
Ҳотиржам даврингни сурмоқчи бўлдинг.

Кимларни дўстим деб бағрингни тутдинг?!
Кимлардан ёрдаму, нажотни кутдинг?!
Водариғ, заҳару, заққумлар ютдинг,
Алдандинг, юртингни душманга тутдинг!

Абдуллоҳ Қодирий, Хўжа Файзуллоҳ!
Жадид оталарим, мисли вулқонлар,
Душман тузоғига илиндинг эй воҳ,
Миллат, ватан учун, (дину имон учун) кўкси қалқонлар!!!

✍ Носиржон САЙДАМАТОВ,
Марҳамат тумани.

Муҳаммад Юсуф издошларига қўшилинг 👇
@Muhammadyusufizdoshlari👈канали,
@Muhammadyusufizdoshlariguruhi👈гуруҳи.


........ JADIDLAR! .......

Zulmat ichra nurni izlab yonding sen,
Maqsadga yetolmay, boʻzlab qolding sen.
Yurtni johillardan qutqarmoq uchun,
Qiynalding, oʻrtanding, oʻyga tolding sen.

Jahlu bidʼatlarni supurib tashlab,
Pokiza jamiyat qurmoqchi boʻlding.
Zolim peshvolarning koʻzlarin yoshlab
Hotirjam davringni surmoqchi boʻlding.

Kimlarni doʻstim deb bagʻringni tutding?!
Kimlardan yordamu, najotni kutding?!
Vodarigʻ, zaharu, zaqqumlar yutding,
Aldanding, yurtingni dushmanga tutding!

Abdulloh Qodiriy, Xoʻja Fayzulloh!
Jadid otalarim, misli vulqonlar,
Dushman tuzogʻiga ilinding ey voh,
Millat, vatan uchun, (dinu imon uchun) koʻksi qalqonlar!!!

✍ Nosirjon SAYDAMATOV,
Marhamat tumani.

Muhammad Yusuf izdoshlariga qoʻshiling 👇
@Muhammadyusufizdoshlari👈kanali,
@Muhammadyusufizdoshlariguruhi👈guruhi.

/channel/Muhammadyusufizdoshlari

Muhammad Yusuf izdoshlari

09 февраля 2024 15:24

Navoiy bobomiz tavallud kunlari munosabati bilan


🌸🌱,, Ey sabo, holim borib...''

(Gazal)

Ijroda: 🌱🌸Robiya Chaman qizi.

🌸🍃🌸🍃🌸🍃🌸🍃🌸🍃

Muhammad Yusuf izdoshlari

09 февраля 2024 12:48

#Alisher_Navoiy_tavalludining_583_yilligi

Hazrat Mir Alisher Navoiy tavalluddining 583 yilligiga

"Orazin yopg‘och ko‘zimdin sochilur har lahza yosh"

O‘lmasbek Samarqandiy,
O‘zbekiston Yozuvchilar uyushmasi aʼzosi

Muhammad Yusuf izdoshlari

09 февраля 2024 11:21

💦💦💦

#мушоира

НАВОИЙ ДИЛИМДА

Беш асрким Навоий дилимда жодир,
Ҳар бобин ўқийман қалбимда муҳр.
Асарлари ўлмас ҳар нега қодир,
Ҳар сатрин уқийман топгум хуш ҳузур!

Жонга жон бахш этар йирик «Хамса» си,
«Саббайи Сайёр» у Баҳром қиссаси.
Отилар юракдан дардларнинг саси,
Элимга малҳамдур бордир ҳиссаси!

Рубоий, туюқлар жонингга оро,
Маъносин чақсанг гар бўлмайсан гадо.
Ҳар байтин қунт ила уқигин зора,
Ҳаётдан қоқилиб сўлмайсан адо!

Ўз даврин султони бўлди бу йўлда,
Инсон қалб кўзига сочди нур-зиё.
Навоий «Хамса» си чақнар ҳар дилда,
Ул мисли офтобдир ёғдудек гўё?

Акрам Али ҳам ҳўб битди нафис шеър,
Бўлмағай қалбида гардли сиёҳранг.
Мозийдан қўлларин тутди Алишер,
Кўнглининг боғи ҳам бўлди ранг-баранг!

✍✍ Акромжон Алиқулов Қашқадарё вилояти Яккабог тумани

2024 02 07 🕰 12 10

Muhammad Yusuf izdoshlariga 👈qo‘shiling

@Muhammadyusufizdoshlari👈kanali

@Muhammadyusufizdoshlariguruhi👈guruhi

/channel/Muhammadyusufizdoshlari

Muhammad Yusuf izdoshlari

09 февраля 2024 07:35

Эркин бахши Уролов
Абдиқодир шоир Абраев шеъри билан
А. Навоийга бағишлаб терма куйлади

Muhammad Yusuf izdoshlari

08 февраля 2024 16:09

Alisher Navoiy tavalludining 583 yilligiga

Mutafakkir, olim, g‘azal mulkining sultoni, o‘zbek tilining asoschisi Alisher Navoiy barcha davrlarda turk dunyosi tomonidan “shams ul-millat” ya’ni “millat quyoshi”, deb e’zozlab kelingan.

SHAMS UL MILLAT*

Boyqaro saroyin odil amiri,
Shams ul millat* erur, hayot zamiri,
Baytlarida ajib ma’no mujassam,
Hikmati ne erur, ne uning siri.

O‘zbekning sha’nini ko‘klarga yoyib,
Mavlono Lutfiyni hayratga solib,
Tarix zarvarag‘in bezatib boqiy
Xondamir qalamin charxlagan adib!

"Hamsa"si ellarga bo‘ldi-ku nisor,
"Farhod va Shirin", "Hayrat ul-Abror"
"Layli va Majnun"da muhabbat bisyor,
Koinot aylandi "Sab’ai sayyor!"

Boyqaro saroyin odil amiri,
Shams ul millat* erur, hayot zamiri,
Baytlarida ajib ma’no mujassam,
Hikmati ne erur, ne uning siri...

* Millat quyoshi

✍️ MURODULLA


Muhammad Yusuf izdoshlariga 👈qo‘shiling.

@Muhammadyusufizdoshlari👈kanali.

@Muhammadyusufizdoshlariguruhi👈guruhi.
/channel/Muhammadyusufizdoshlari

Muhammad Yusuf izdoshlari

08 февраля 2024 10:00

ЎЗБЕК НАВОИЙНИ ЎҚИМАЙ ҚЎЙСА…

(Ўзбекистон Халқ шоири Эркин Воҳидов)

Ўзбек Навоийни ўқимай қўйса,
Олтин бошнинг калла бўлгани шудир.
Бедил қолиб Демьян Беднийни суйса,
Қора сочнинг малла бўлгани шудир.

Ўзбек Навоийни ўқимай қўйса,
Дод демоққа палла бўлгани шудир.
Маърифатдан айру ўйнаса, кулса,
Аза чоғи ялла бўлгани шудир.

Ўзбек Навоийни ўқимай қўйса,
Алдангани, алла бўлгани шудир.
Юлғич азиз бўлиб, билгич хор бўлса,
Пайтаванинг салла бўлгани шудир.

Эл комил бўлмаса юрт эмас улуғ,
Беқадр маҳалла бўлгани шудир.
Қалб тўла нур халқнинг ризқи ҳам тўлуғ,
Омбор тўла ғалла бўлгани шудир.

Ўзбек ўзлигини англаса бекам,
Унинг «Баракалла» бўлгани шудир.
Оламга Навоий наслиман деган
Овози баралла бўлгани шудир.


Муҳаммад Юсуф издошлари телеграм канали ва гуруҳи👇
@Muhammadyusufizdoshlari👈 канали,
@Muhammadyusufizdoshlariguruhi👈 гуруҳи.



OʻZBEK NAVOIYNI OʻQIMAY QOʻYSA…

(Oʻzbekiston Xalq shoiri Erkin Vohidov)

Oʻzbek Navoiyni oʻqimay qoʻysa,
Oltin boshning kalla boʻlgani shudir.
Bedil qolib Demyan Bedniyni suysa,
Qora sochning malla boʻlgani shudir.

Oʻzbek Navoiyni oʻqimay qoʻysa,
Dod demoqqa palla boʻlgani shudir.
Maʼrifatdan ayru oʻynasa, kulsa,
Aza chogʻi yalla boʻlgani shudir.

Oʻzbek Navoiyni oʻqimay qoʻysa,
Aldangani, alla boʻlgani shudir.
Yulgʻich aziz boʻlib, bilgich xor boʻlsa,
Paytavaning salla boʻlgani shudir.

El komil boʻlmasa yurt emas ulugʻ,
Beqadr mahalla boʻlgani shudir.
Qalb toʻla nur xalqning rizqi ham toʻlugʻ,
Ombor toʻla gʻalla boʻlgani shudir.

Oʻzbek oʻzligini anglasa bekam,
Uning “Barakalla” boʻlgani shudir.
Olamga Navoiy nasliman degan
Ovozi baralla boʻlgani shudir.

Muhammad Yusuf izdoshlari telegram kanali va guruhi👇
@Muhammadyusufizdoshlari👈 kanali,
@Muhammadyusufizdoshlariguruhi👈 guruhi.
/channel/Muhammadyusufizdoshlari

Muhammad Yusuf izdoshlari

05 февраля 2024 15:34

КИТОБИНГНИ ОЛИБ КЕТ МЕНДАН

Китобингни кўксимга босиб,
Дейман висол бўлмади насиб.
Ўқийман мен тунлар тўлғаниб,
Ҳар сатрига ўзимни осиб.

Нечун ашъор битдинг менга деб,
Борлиғиму борим сенга деб.
Китобингни олиб кет мендан,
Юрагимни битирмасдан еб.

Шу китоб деб куним ғовғода,
Шу китоб деб юрагим зада.
Онам дейди ташлагин шуни,
Дейман унсиз, ундан совға-да.

Ҳар варағин сийпалар қўлим,
Таскин топмоқ истайди дилим.
Афсус бошқа ёр билан ахир,
Тўсилгандир сен томон йўлим.

Китобингни варақлар ёрим,
Шеринг ўқир чертиб дил торим.
Шеъринг билан эркалар мени,
Шеъринг билан дейди дилдорим.

Китобингни олиб кет мендан,
Шу ришта ҳам узилсин сендан.
Ором олай бесас жим ётиб,
Ой шуласи таралган тундан.

Сочларимга тарам керакмас,
Менга бошқа ором керакмас.
Тўйинг бўлган тундан кўксимда,
Бир парча қон турар юракмас.

Оғир, оғир ўйларга чўмдим,
Севгимизни ҳовлига кўмдим.
Ва сийпалаб майин тупроғин,
Экиб қўйдим райхон бир чимдим.

Гинам йўқдир бевофо сендан,
Уша севгим кўмилган кундан.
У райҳонга айланган, бир кун,
Китобингни сўрама мендан.

Ҳаловатга бермайин имкон,
Бўй таратар гуркираб райҳон.
Бир шодасин қулоққа илган,
Онам қилиб юрагим пайхон.

Чалинганда қулоққа ёр ёр,
Ёки райхон таратса уффор.
Ҳалинчакнинг ипин тортаман,
Ухламоқда болам беозар.

✍ Тўймурод Дўланов,
Қашқадарё вилояти,
Косон тумани.

Муҳаммад Юсуф издошларига қўшилинг👇

@Muhammadyusufizdoshlari👈канали,
@Muhammadyusufizdoshlariguruhi👈гуруҳи.


KITOBINGNI OLIB KET MENDAN

Kitobingni ko‘ksimga bosib,
Deyman visol bo‘lmadi nasib.
O‘qiyman men tunlar to‘lg‘anib,
Har satriga o‘zimni osib.

Nechun  ash’or bitding menga deb,
Borlig‘imu borim senga deb.
Kitobingni olib ket mendan,
Yuragimni bitirmasdan yeb.

Shu  kitob deb kunim g‘ovg‘oda,
Shu kitob deb yuragim zada.
Onam deydi tashlagin shuni,
Deyman unsiz, undan sovg‘a-da.

Har varag‘in siypalar qo‘lim,
Taskin  topmoq  istaydi dilim.
Afsus  boshqa yor  bilan axir,
To‘silgandir sen  tomon yo‘lim.

Kitobingni   varaqlar yorim,
SHering o‘qir chertib dil torim.
SHe’ring bilan erkalar meni,
SHe’ring bilan  deydi dildorim.

Kitobingni olib ket mendan,
Shu rishta ham uzilsin sendan.
Orom  olay besas jim yotib,
Oy  shulasi taralgan tundan.

Sochlarimga taram kerakmas,
Menga boshqa orom kerakmas.
To‘ying bo‘lgan tundan ko‘ksimda,
Bir parcha qon turar yurakmas.

Og‘ir, og‘ir o‘ylarga cho‘mdim,
Sevgimizni hovliga ko‘mdim.
Va siypalab  mayin tuprog‘in,
Ekib qo‘ydim rayxon bir chimdim.

Ginam  yo‘qdir bevofo sendan,
Usha  sevgim ko‘milgan kundan.
U rayhonga aylangan, bir kun,
Kitobingni so‘rama mendan.

Halovatga  bermayin imkon,
Bo‘y  taratar  gurkirab rayhon.
Bir shodasin quloqqa ilgan,
Onam qilib yuragim payxon.

Chalinganda  quloqqa yor  yor,
Yoki  rayxon taratsa uffor.
Halinchakning ipin tortaman,
Uxlamoqda  bolam  beozar.

✍ To‘ymurod Do‘lanov,
Qashqadaryo viloyati,
Koson tumani.

Muhammad Yusuf izdoshlariga qo‘shiling👇

@Muhammadyusufizdoshlari👈kanali,
@Muhammadyusufizdoshlariguruhi👈guruhi.

/channel/Muhammadyusufizdoshlari

Muhammad Yusuf izdoshlari

05 февраля 2024 03:50

☀️ ХАЙРЛИ ТОНГ!

🌸 Ассалому алайкум!

Душанба тонги муборак бўлсин!

Бугунги бошланаётган янги кунингиз файзли ва
барокатли бўлсин!
Сиз ва яқинларингизни яхши кайфият асло тарк этмасин!

🌸Assalomu alaykum, xayrli tong!
Dushanba tongi muborak bo‘lsin!
Bugungi boshlanayotgan kuningiz fayzli va barokatli bo‘lsin! 🌸
Siz va yaqinlaringizni yaxshi kayfiyat tark etmasin!


🌹🌹🌹🌹🌹🌹🌹🌹🌹

Muhammad Yusuf izdoshlari

03 февраля 2024 16:08

Ч А Р Ч А Д И М

Чарчадим уйқуга,
кетдим уйғотманг,
Чорламанг кўринмас,
йўллар бошига.
Шу, кичик елкамда,
дунёни ғами,
Мен нишон бўлгандек,
тақдир тошига.

Кипригимга кўз ёшим,
маржонлар илар,
Оҳ, ноламдан тоғдаги ,
харсанглар қулар.
Йилларга алданган,
бу қалб навжуон,
Қаршимда семириб,
яшайди ёлғон.

Қайдай нафас олай,
қандайин яшай,
Яшамоқ сирини,
қолдимку билмай.
Бас энди кўргим йўқ,
тинглагим келмас,
Вужудим тош каби,
негадир муздай.

✍ Узулой ҲАЙДАРОВА.

Муҳаммад Юсуф издошларига қўшилинг👇
@Muhammadyusufizdoshlari👈канали,
@Muhammadyusufizdoshlariguruhi👈гуруҳи.


Ch A R Ch A D I M

Charchadim uyquga,
ketdim uygʻotmang,
Chorlamang koʻrinmas,
yoʻllar boshiga.
Shu, kichik yelkamda,
dunyoni gʻami,
Men nishon boʻlgandek,
taqdir toshiga.

Kiprigimga koʻz yoshim,
marjonlar ilar,
Oh, nolamdan togʻdagi ,
xarsanglar qular.
Yillarga aldangan,
bu qalb navjuon,
Qarshimda semirib,
yashaydi yolgʻon.

Qayday nafas olay,
qandayin yashay,
Yashamoq sirini,
qoldimku bilmay.
Bas endi koʻrgim yoʻq,
tinglagim kelmas,
Vujudim tosh kabi,
negadir muzday.

✍ Uzuloy HAYDAROVA.

Muhammad Yusuf izdoshlariga qoʻshiling👇
@Muhammadyusufizdoshlari👈kanali,
@Muhammadyusufizdoshlariguruhi👈guruhi.

/channel/Muhammadyusufizdoshlari.

Muhammad Yusuf izdoshlari

03 февраля 2024 02:37

ТОНГ

Шу мусаффо лаҳзада саҳар
Этагидан оқшомни қоқиб,
Қушчаларни майин сайратар,
Қуёшини қўяди ёқиб.

Ойналарни очишар гуллар,
Ташқарида нур бор, зиё бор.
Уйнинг ичи бошқа бир олам,
Ташқарида бошқа дунё бор.

Аёл кутар тандир бошида
Қизаришин кулча, патирнинг.
Чопиб юрган шаббодалар ҳам
Ширмойларнинг исидан тотди.

Сув сепилган ёруғ айвонда,
Билагини кўзмунчоқ сиқиб,
Чой ичади уч яшар бола
Қўлларини қаймоққа тиқиб.

✍🏻 Дилшода ЭРГАШЕВА,
Фарғона вилояти.

Муҳаммад Юсуф издошларига қўшилинг 👇
@Muhammadyusufizdoshlari👈канали,
@Muhammadyusufizdoshlariguruhi👈гуруҳи.



TONG

Shu musaffo lahzada sahar
Etagidan oqshomni qoqib,
Qushchalarni mayin sayratar,
Quyoshini qoʻyadi yoqib.

Oynalarni ochishar gullar,
Tashqarida nur bor, ziyo bor.
Uyning ichi boshqa bir olam,
Tashqarida boshqa dunyo bor.

Ayol kutar tandir boshida
Qizarishin kulcha, patirning.
Chopib yurgan shabbodalar ham
Shirmoylarning isidan totdi.

Suv sepilgan yorugʻ ayvonda,
Bilagini koʻzmunchoq siqib,
Choy ichadi uch yashar bola
Qoʻllarini qaymoqqa tiqib.

✍🏻 Dilshoda ERGASHEVA,
Fargʻona viloyati.

Muhammad Yusuf izdoshlariga qoʻshiling 👇
@Muhammadyusufizdoshlari👈kanali,
@Muhammadyusufizdoshlariguruhi👈guruhi.

/channel/Muhammadyusufizdoshlari

Muhammad Yusuf izdoshlari

30 января 2024 06:24

🎉Бугун 30-январь Ўзбекистон Республикасининг 1-президенти Ислом Каримовнинг таваллуд куни.

Хозир хаёт бўлганларидa 86 ёшни қарши олардилар, Охиратлари обод бўлсин 🌹

Muhammad Yusuf izdoshlari

29 января 2024 11:49

Устоз саньаткорлар ижодларидан баҳраманд бўлинг

Muhammad Yusuf izdoshlari

26 января 2024 16:47

𝑶𝑺𝑯𝑰𝑸 𝒀𝑰𝑮𝑰𝑻 𝑻𝑰𝑳𝑰𝑫𝑨𝑵

𝑴𝒖𝒂𝒍𝒍𝒊𝒇; 𝑼𝒛𝒖𝒍𝒐𝒚 XAYDAROVA ✍
𝑰𝒋𝒓𝒐𝒅𝒂; 𝑱𝒂𝒙𝒐𝒏𝒈𝒊𝒓 𝑫𝒂𝒗𝒍𝒂𝒕𝒐𝒗 🎙

Muhammad Yusuf izdoshlari

26 января 2024 02:25

БИР ЖАНЖАЛ ТАРИХИ

Эр хотиннинг жағини ёрди,
Хотин дод деб ўйнашга борди.
Босолмади ўйнаш жаҳлини,
У ҳам ёрди эрнинг жағини.

Бўлди жанжал бўлди тўполон,
Маҳкамага борди учовлон.
Учовлон тенг сўйлашга тушди,
Охири айб ўйнашга тушди.

Эру хотин топишар экан,
Ётга бало ёпишар экан.
Йиртиқ жағлар ямалиб кетди,
Ўйнаш йигит қамалиб кетди.

✍ Эркин ВОҲИДОВ.

Муҳаммад Юсуф издошларига қўшилинг👇
@Muhammadyusufizdoshlari👈 канали.
@Muhammadyusufizdoshlariguruhi👈 гуруҳи


BIR JANJAL TARIXI

Er xotinning jagʻini yordi,
Xotin dod deb oʻynashga bordi.
Bosolmadi oʻynash jahlini,
U ham yordi erning jagʻini.

Boʻldi janjal boʻldi toʻpolon,
Mahkamaga bordi uchovlon.
Uchovlon teng soʻylashga tushdi,
Oxiri ayb oʻynashga tushdi.

Eru xotin topishar ekan,
Yotga balo yopishar ekan.
Yirtiq jagʻlar yamalib ketdi,
Oʻynash yigit qamalib ketdi.

✍ Erkin VOHIDOV.

Muhammad Yusuf izdoshlariga qo‘shiling👇
@Muhammadyusufizdoshlari👈kanalimiz.
@Muhammadyusufizdoshlariguruhi👈 guruhimiz

/channel/Muhammadyusufizdoshlari

Muhammad Yusuf izdoshlari

24 января 2024 11:46

МУҲАММАДМАН

Келинг дўстим, қўлни беринг қўлларимга,
Қулоқ тутинг бу соддароқ сўзларимга.
Гулни севган, ёрни севган, ишқни севган,
Менким, бунда Марҳаматлик Муҳаммадман.

Шеърда бўлса барча менинг армонларим,
Гулу-райҳон бўлса менинг чин дўстларим.
Булутларданн баланд бўлса ҳаёлларим,
Муҳаббатдан қўшиқ тинглар Муҳаммадман.

Макон тутдим гўзаллардан гўзал юртни,
Ҳар гўшаси олтинга тенг Ота юртни.
Жуда ҳам тез соғинувчи ўшал юзни,
Қоғоз-қалам тутиб юрган Муҳаммадман.

Эрта кетсам лолазорга - бу ҳам бир сир,
Сув бўйида узоқ қолсам - бу ҳам бир сир.
Айтилмаган, ёзилмаган сўзларим - сир,
Сиздан сўзлар тинглар бўлган Муҳаммадман.

Азизлардан азизимдир бу Андижон,
Илҳомларим бериб турган бу Андижон.
Қирқ етти баҳор кўрдим, эй Андижон,
Бобур ёши насиб қилган Муҳаммадман.

Ҳар баҳорда мени ҳам бир йўқлаб қўйинг,
Қалдирғочнинг қанотига байтим қўйинг.
Муҳаббатин севганига айтиб кетган,
Ишқ дардига сабр қилган Муҳаммадман.

Фарҳод деган дўстим бормиш Лўғумбекда,
Орзулари бисёр эмиш пок кўнглида.
Шеър ёзишдан аввал мени дуо қилса,
Дуосидан баҳра олган Муҳаммадман.

✍ Фарҳод МАМАТОВ,
Андижон вилояти.

Муҳаммад Юсуф издошларига қўшилинг 👇

@Muhammadyusufizdoshlari👈канали,

@Muhammadyusufizdoshlariguruhi👈гуруҳи.


MUHAMMADMAN

Keling doʻstim, qoʻlni bering qoʻllarimga,
Quloq tuting bu soddaroq soʻzlarimga.
Gulni sevgan, yorni sevgan, ishqni sevgan,
Menkim, bunda Marhamatlik Muhammadman.

Sheʼrda boʻlsa barcha mening armonlarim,
Gulu-rayhon boʻlsa mening chin doʻstlarim.
Bulutlardann baland boʻlsa hayollarim,
Muhabbatdan qoʻshiq tinglar Muhammadman.

Makon tutdim goʻzallardan goʻzal yurtni,
Har goʻshasi oltinga teng Ota yurtni.
Juda ham tez sogʻinuvchi oʻshal yuzni,
Qogʻoz-qalam tutib yurgan Muhammadman.

Erta ketsam lolazorga - bu ham bir sir,
Suv boʻyida uzoq qolsam - bu ham bir sir.
Aytilmagan, yozilmagan soʻzlarim - sir,
Sizdan soʻzlar tinglar boʻlgan Muhammadman.

Azizlardan azizimdir bu Andijon,
Ilhomlarim berib turgan bu Andijon.
Qirq yetti bahor koʻrdim, ey Andijon,
Bobur yoshi nasib qilgan Muhammadman.

Har bahorda meni ham bir yoʻqlab qoʻying,
Qaldirgʻochning qanotiga baytim qoʻying.
Muhabbatin sevganiga aytib ketgan,
Ishq dardiga sabr qilgan Muhammadman.

Farhod degan doʻstim bormish Loʻgʻumbekda,
Orzulari bisyor emish pok koʻnglida.
Sheʼr yozishdan avval meni duo qilsa,
Duosidan bahra olgan Muhammadman.

✍ Farhod MAMATOV,
Andijon viloyati.

Muhammad Yusuf izdoshlariga qoʻshiling 👇

@Muhammadyusufizdoshlari👈kanali,

@Muhammadyusufizdoshlariguruhi👈guruhi.

/channel/Muhammadyusufizdoshlari