Muhammad Yusuf izdoshlari

30 июля 2023 07:37

АХТАРГАНИМ

Дунё мени етаклаб ўтди,
Тош йўллардан, остоналардан.
Юз ўгириб кетдим бир умр,
Кибр ётган кошоналардан.

Ҳар гўшада хокисор турган,
Ҳур қўшиқни кўнглимга тугиб,
Кетавердим энкайиб юрган
Юракларга бошимни эгиб.

Узоқ юрдим. Толиқдим, ҳордим,
Ифор исли бир гул изладим.
Чўлни кездим, дарёга бордим,
Ойдек ёруғ кўнгил изладим.

Эҳ, умримни бой бердим нуқул,
Худо ҳаққи, ичмайман қасам,
Кетар чоғи мен ахтарган гул
Ерда ётган экан, қарасам…

✍ Зуҳра Алиева,
Фарғона.

Муҳаммад Юсуф издошларига қўшилинг👇
@Muhammadyusufizdoshlari👈 канали,
@Muhammadyusufizdoshlariguruhi👈гуруҳи.


AXTARGANIM

Dunyo meni yetaklab oʻtdi,
Tosh yoʻllardan, ostonalardan.
Yuz oʻgirib ketdim bir umr,
Kibr yotgan koshonalardan.

Har goʻshada xokisor turgan,
Hur qoʻshiqni koʻnglimga tugib,
Ketaverdim enkayib yurgan
Yuraklarga boshimni egib.

Uzoq yurdim. Toliqdim, hordim,
Ifor isli bir gul izladim.
Choʻlni kezdim, daryoga bordim,
Oydek yorugʻ koʻngil izladim.

Eh, umrimni boy berdim nuqul,
Xudo haqqi, ichmayman qasam,
Ketar chogʻi men axtargan gul
Yerda yotgan ekan, qarasam…

✍ Zuhra Aliyeva,
Fargʻona.

Muhammad Yusuf izdoshlariga qoʻshiling👇
@Muhammadyusufizdoshlari👈 kanali,
@Muhammadyusufizdoshlariguruhi👈guruhi.

/channel/Muhammadyusufizdoshlari

Muhammad Yusuf izdoshlari

08 июля 2023 17:56

КӨҢҮЛҮМДӨ БИР ЖАР

Махабат багына, кирбегем бир маал,
Сүйгөн гүлгө кол, жетпей болгом зар.
Эми гүлдөр ыйлайт, жашы төгүлүп,
Көңүлүмдө бир жар, койнумда бир жар.
Эми тундөр ыйлайт, жашы төгүлүп,
Көңүлүмдө бир жар, койнумда бир жар.

Бири бирисине окшобой барат,
Козумдун жаштары токтобой барат.
Кыйналам бир ага, бир мында карап,
Көңүлүмдө бир жар, койнумда бир жар.
Кыйналам бир ага, бир мында карап,
Көңүлүмдө бир жар, койнумда бир жар.

Бирин коргоймун, бири гүл айым,
Сүйбөгөнүм, сүйгөөнүмдөн муңайым.
Бул кандай көргүлүк, экен кудайым.
Көңүлүмдө бир жар, койнумда бир жар.
Бул кандай көргүлүк, экен Кудайым,
Көңүлүмдө бир жар, койнумда бир жар.

Бирин эркелетип, жүрөгүм кенен,
Бирине сүйүүм, жубайым деген.
Жашаймын ушундай, күнөлөр менен,
Көңүлүмдө бир жар, койнумда бир жар.
Жашаймын ушундай, күнөлөр менен,
Көңүлүмдө бир жар, койнумда бир жар.

Дарыямын эки кургакта козум,
Жыргалдан азар кылып алган озум,
Эки от ичинде куйуп аткан кезим.
Көңүлүмдө бир жар, койнумда бир жар.
Эки от ичинде куйуп аткан кезим,
Көңүлүмдө бир жар, койнумда бир жар.

✍ Мухаммад ЮСУФ,
Өзбекстан эл акыны.
которгон: Бакытбек Чылымов,
Жалал-Абад облусу.

Муҳаммад Юсуф издошларига қўшилинг👇
@Muhammadyusufizdoshlari👈 канали,
@Muhammadyusufizdoshlariguruhi👈гуруҳи.

/channel/Muhammadyusufizdoshlari

Muhammad Yusuf izdoshlari

02 июля 2023 10:54

Халқ шоири Муҳаммад Юсуфни хотирлаб

МЕҲР ҚОЛУР, МУҲАММАД ҚОЛУР.

Кимлар истар, қолса деб мерос,
Бу бир ният бандасига хос,
Шеърин ўқиб уққанларим рост:
Меҳр қолур, Муҳаммад қолур.

Кимга ҳашам, кимга мол дарди,
Шоир ўтди -йигитнинг марди.
Балки ўзи яхши биларди,
Меҳр қолур Муҳаммад қолур.

Кўкламдан бир чимдим кўк сўраб,
Қорлар ёққан кўнгилни кураб,
Умид ёқди жонини ўраб,
Меҳр қолур, Муҳаммад қолур.

Оға бўлди оҳуларга ҳам,
Ярасига кўз ёши малҳам.
Қизғалдоқни юпатган шабнам:
Меҳр қолур, Муҳаммад қолур.

Сайр қилиб қайтмаган ўғлон,
Фироқ ўти гарчи кўп ёмон ,
Ҳеч шубҳасиз, бўлмас ҳам гумон:
Меҳр қолур, Муҳаммад қолур.

Ватан унга кошона эди,
Осмон кўнгли остона эди,
Кўкда руҳи парвона энди,
Меҳр қолур, Муҳаммад қолур.

✍ Робия Қамчибек қизи,
Қозоғистон. Сайрам.

Муҳаммад Юсуф издошларига қўшилинг👇
@Muhammadyusufizdoshlari👈 канали,
@Muhammadyusufizdoshlariguruhi👈гуруҳи.


Xalq shoiri Muhammad Yusufni xotirlab

MEHR QOLUR, MUHAMMAD QOLUR.

Kimlar istar, qolsa deb meros,
Bu bir niyat bandasiga xos,
Sheʼrin oʻqib uqqanlarim rost:
Mehr qolur, Muhammad qolur.

Kimga hasham, kimga mol dardi,
Shoir oʻtdi -yigitning mardi.
Balki oʻzi yaxshi bilardi,
Mehr qolur Muhammad qolur.

Koʻklamdan bir chimdim koʻk soʻrab,
Qorlar yoqqan koʻngilni kurab,
Umid yoqdi jonini oʻrab,
Mehr qolur, Muhammad qolur.

Ogʻa boʻldi ohularga ham,
Yarasiga koʻz yoshi malham.
Qizgʻaldoqni yupatgan shabnam:
Mehr qolur, Muhammad qolur.

Sayr qilib qaytmagan oʻgʻlon,
Firoq oʻti garchi koʻp yomon ,
Hech shubhasiz, boʻlmas ham gumon:
Mehr qolur, Muhammad qolur.

Vatan unga koshona edi,
Osmon koʻngli ostona edi,
Koʻkda ruhi parvona endi,
Mehr qolur, Muhammad qolur.

✍ Robiya Qamchibek qizi,
Qozogʻiston. Sayram.

Muhammad Yusuf izdoshlariga qoʻshiling👇
@Muhammadyusufizdoshlari👈 kanali,
@Muhammadyusufizdoshlariguruhi👈guruhi.

/channel/Muhammadyusufizdoshlari

Muhammad Yusuf izdoshlari

24 июня 2023 12:12

Кеча йиғлар, қора сочига
Қадаб синган ой — тароғини,
Шамол секин ўрмалаб сувдан
Судраб чиқар бўш чаноғини:
— Дили қани Бедилнинг?

Қушнинг бўм-бўш уясин дарахт
Туни билан чиқар пайпаслаб.
Капалаклар тоғни уйғотиб,
Саҳроларга кетади бошлаб:
— Дили қани Бедилнинг?

Чумолилар учар фалакка –
Нигоҳларин пуфлар кўзлари.
Юлдуз тушар ҳовуз тубига –
Балиқларга айтар сўзларин:
— Дили қани Бедилнинг?

Тошбақалар мисқол-мисқоллаб
Ўлчаб берар бахт ҳамда алам.
Қарға тақдир тошини қирар –
Тумшуғида қадимий қалам:
— Дили қани Бедилнинг?

Шафақ аста йиртилиб оқар –
Бир кўза сут бийдай саҳрога.
Карвон жилар, кўнғироқ йиғлар –
Савол бериб гумроҳ дунёга:
— Дили қани Бедилнинг?

✍ Азиз САИД.

Муҳаммад Юсуф издошларига қўшилинг👇
@Muhammadyusufizdoshlari👈 канали,
@Muhammadyusufizdoshlariguruhi👈гуруҳи.



Kecha yig‘lar, qora sochiga
Qadab singan oy - tarog‘ini,
Shamol sekin o‘rmalab suvdan
Sudrab chiqar bo‘sh chanog‘ini:
- Dili qani Bedilning?

Qushning bo‘m-bo‘sh uyasin daraxt
Tuni bilan chiqar paypaslab.
Kapalaklar tog‘ni uyg‘otib,
Sahrolarga ketadi boshlab:
-    Dili qani Bedilning?

Chumolilar uchar falakka –
Nigohlarin puflar ko‘zlari.
Yulduz tushar hovuz tubiga –
Baliqlarga aytar so‘zlarin:
-    Dili qani Bedilning?

Toshbaqalar misqol-misqollab
O’lchab berar baxt hamda alam.
Qarg‘a taqdir toshini qirar –
Tumshug‘ida qadimiy qalam:
-    Dili qani Bedilning?

Shafaq asta yirtilib oqar –
Bir ko‘za sut biyday sahroga.
Karvon jilar, ko‘ng‘iroq yig‘lar –
Savol berib gumroh dunyoga:
- Dili qani Bedilning?

✍ Aziz SAID.

Muhammad Yusuf izdoshlariga qoʻshiling👇
@Muhammadyusufizdoshlari👈 kanali,
@Muhammadyusufizdoshlariguruhi👈guruhi.

/channel/Muhammadyusufizdoshlari

Muhammad Yusuf izdoshlari

16 июня 2023 19:21

ВАТАН

Мен кўз очиб кўрган ёруғ оламда,
Дер эдим, мунисим ёлғиз онам-да,
Ажиб хотиралар жонланар менда –
Йўргагимда сени кўраман, Ватан!

Бу кўҳна заминга қўйиб илк қадам,
Қоқилсам, таянчим бўлганда отам,
Кўз олдимда турар сувратинг ҳар дам,
Йўлагимда сени кўраман, Ватан!

Бола кўнглим баҳорни суйган куним,
Кўкламу майса исин туйган куним,
Онамга деб бир чечак узган куним,
Тилагимда сени кўраман, Ватан!

Ҳаёт – денгиз эрур, умрдир – карвон,
Учди оққуш ўзга соҳилга томон,
Дуолар қадалган ифори райҳон
Кўйлагимда сени кўраман, Ватан!

Бахтимга бойланди илоҳий ришта,
Бешигимда ётар жажжи фаришта,
Моҳир кулол Ўзи қўллар ҳар ишда,
Гўдагимда сени кўраман, Ватан!

Боғимда шовиллаб ўсди дарахтлар,
Шамоллар йўлини тўсди дарахтлар,
Хокисор одамнинг дўсти дарахтлар,
Терагимда сени кўраман, Ватан!

Узилсам ё сендан кетсам йироқлаб,
Юрасанми номим кўксингда сақлаб?!
Ҳатто руҳим сени келгай сўроқлаб,
Юрагимда сени кўраман, Ватан!

Тақдиримда сени кўраман, Ватан!

✍ Мунаввара УСМОНОВА.

Муҳаммад Юсуф издошларига қўшилинг👇
@Muhammadyusufizdoshlari👈 канали,
@Muhammadyusufizdoshlariguruhi👈гуруҳи.


VATAN

Men koʻz ochib koʻrgan yorugʻ olamda,
Der edim, munisim yolgʻiz onam-da,
Ajib xotiralar jonlanar menda –
Yoʻrgagimda seni koʻraman, Vatan!

Bu koʻhna zaminga qoʻyib ilk qadam,
Qoqilsam, tayanchim boʻlganda otam,
Koʻz oldimda turar suvrating har dam,
Yoʻlagimda seni koʻraman, Vatan!

Bola koʻnglim bahorni suygan kunim,
Koʻklamu maysa isin tuygan kunim,
Onamga deb bir chechak uzgan kunim,
Tilagimda seni koʻraman, Vatan!

Hayot – dengiz erur, umrdir – karvon,
Uchdi oqqush oʻzga sohilga tomon,
Duolar qadalgan ifori rayhon
Koʻylagimda seni koʻraman, Vatan!

Baxtimga boylandi ilohiy rishta,
Beshigimda yotar jajji farishta,
Mohir kulol Oʻzi qoʻllar har ishda,
Goʻdagimda seni koʻraman, Vatan!

Bogʻimda shovillab oʻsdi daraxtlar,
Shamollar yoʻlini toʻsdi daraxtlar,
Xokisor odamning doʻsti daraxtlar,
Teragimda seni koʻraman, Vatan!

Uzilsam yo sendan ketsam yiroqlab,
Yurasanmi nomim koʻksingda saqlab?!
Hatto ruhim seni kelgay soʻroqlab,
Yuragimda seni koʻraman, Vatan!

Taqdirimda seni koʻraman, Vatan!

✍ Munavvara USMONOVA.

Muhammad Yusuf izdoshlariga qoʻshiling👇
@Muhammadyusufizdoshlari👈 kanali,
@Muhammadyusufizdoshlariguruhi👈guruhi.

/channel/Muhammadyusufizdoshlari

Muhammad Yusuf izdoshlari

05 июня 2023 15:34

ELIMDA ALYORIM QOLUR
🎤✍ Mansur YUNUS

Muhammad Yusuf izdoshlariga qoʻshiling👇
@Muhammadyusufizdoshlari👈 kanali,
@Muhammadyusufizdoshlariguruhi👈guruhi.
/channel/Muhammadyusufizdoshlari

Muhammad Yusuf izdoshlari

30 мая 2023 14:19

УМРИНГ ЎТАЁТИР

Умринг ўтаётир шошилгил, дарё,
Шошил мажнунтолнинг дийдорларига.
Мен эса соҳилда ёзарман иншо,
Тақдирни кечиккан баҳорларига.

Умринг ўтаётир шошилгил, дўстим,
Шошил муҳаббатни шарорларига.
Мен эса боқаман бепарво ва жим,
Бу ёлғон дунёнинг бозорларига.

Умринг ўтаётир шошилгил, синглим,
Шошил ишқнинг ширин изҳорларига.
Мен эсам кулбамга қайтаман беун,
Бош эгиб бевафо озорларига.

Умринг ўтаётир шошил, қиз, ўғлон,
Садқа бўл ота-ю она пойига.
Мен эса қўш қабр ёнида гирён,
Жавоб излай ажал азобларига.

Умринг ўтаётир, гўдак, кўтар бош,
Алданма у бешик туморларига.
Мен Садоий, кўзда ҳалқа-ҳалқа ёш,
Гул қўяй онамнинг мозорларига...


​ОНАЖОН

Шунчаки йиқилдим, қўрқма, онажон,
Даст туриб... келаман, ҳозир ўзимга.
Сен дуо айласанг, кесмагай ишон,
Ҳанжар урганда ҳам ёвлар кўксимга.

Шунчаки йиқилдим, қўрқма, онажон,
Рақиб чалгани йўқ, синдиргани йўқ.
Сен дуо айласанг, қоларман омон,
Бағримга ботса ҳам душман отган ўқ.

Шунчаки йиқилдим, қўрқма, онажон,
Даст туриб кетаман ётган еримдан.
Сен дуо айласанг, онажон, ишон,
Тоғлар пастлаб қолар ҳатто бўйимдан.

Шунчаки йиқилдим, қўрқма, онажон,
Даст туриб, минарман шайлаб Ғиротим.
Сен дуо айласанг, онажон, ишон –
Ҳали... осмонларга тегар қанотим!..

✍ Шамсиддин САДОИЙ,
Бухоро вилояти.

Муҳаммад Юсуф издошларига қўшилинг👇
@Muhammadyusufizdoshlari👈 канали,
@Muhammadyusufizdoshlariguruhi👈гуруҳи.


UMRING OʻTAYOTIR

Umring oʻtayotir shoshilgil, daryo,
Shoshil majnuntolning diydorlariga.
Men esa sohilda yozarman insho,
Taqdirni kechikkan bahorlariga.

Umring oʻtayotir shoshilgil, doʻstim,
Shoshil muhabbatni sharorlariga.
Men esa boqaman beparvo va jim,
Bu yolgʻon dunyoning bozorlariga.

Umring oʻtayotir shoshilgil, singlim,
Shoshil ishqning shirin izhorlariga.
Men esam kulbamga qaytaman beun,
Bosh egib bevafo ozorlariga.

Umring oʻtayotir shoshil, qiz, oʻgʻlon,
Sadqa boʻl ota-yu ona poyiga.
Men esa qoʻsh qabr yonida giryon,
Javob izlay ajal azoblariga.

Umring oʻtayotir, goʻdak, koʻtar bosh,
Aldanma u beshik tumorlariga.
Men Sadoiy, koʻzda halqa-halqa yosh,
Gul qoʻyay onamning mozorlariga...


​ONAJON

Shunchaki yiqildim, qoʻrqma, onajon,
Dast turib... kelaman, hozir oʻzimga.
Sen duo aylasang, kesmagay ishon,
Hanjar urganda ham yovlar koʻksimga.

Shunchaki yiqildim, qoʻrqma, onajon,
Raqib chalgani yoʻq, sindirgani yoʻq.
Sen duo aylasang, qolarman omon,
Bagʻrimga botsa ham dushman otgan oʻq.

Shunchaki yiqildim, qoʻrqma, onajon,
Dast turib ketaman yotgan yerimdan.
Sen duo aylasang, onajon, ishon,
Togʻlar pastlab qolar hatto boʻyimdan.

Shunchaki yiqildim, qoʻrqma, onajon,
Dast turib, minarman shaylab Gʻirotim.
Sen duo aylasang, onajon, ishon –
Hali... osmonlarga tegar qanotim!..

✍ Shamsiddin SADOIY,
Buxoro viloyati.

Muhammad Yusuf izdoshlariga qoʻshiling👇
@Muhammadyusufizdoshlari👈 kanali,
@Muhammadyusufizdoshlariguruhi👈guruhi.
/channel/Muhammadyusufizdoshlari

Muhammad Yusuf izdoshlari

29 мая 2023 02:06

⚡️ «Ibrat Farzandlari» bilan xorijiy tillarni endi telegramda ham o’rgana olasiz!

🇬🇧 Ingliz tilini 0 dan oʻrganish

🇷🇺 Rus tilini 0 dan oʻrganish

🇺🇿 Oʻzbek tilini 0 dan oʻrganish

🇹🇷 Turk tilini 0 dan oʻrganish

🇩🇪 Nemis tilini 0 dan oʻrganish

🇪🇦 Ispan tilini 0 dan oʻrganish

🇮🇹 Italyan tilini 0 dan oʻrganish

🇫🇷 Fransuz tilini 0 dan oʻrganish

🇨🇳 Xitoy tilini 0 dan oʻrganish

🇯🇵 Yapon tilini 0 dan oʻrganish

🇰🇷 Koreys tilini 0 dan oʻrganish

🇸🇦 Arab tilini 0 dan oʻrganish

🇮🇳 Hindiy tilini 0 dan oʻrganish

Yaqinlaringizga ham yuboring, yaxshilikka sherik boʻling. 😊

🚀 @ibratfarzandlari

Muhammad Yusuf izdoshlari

14 мая 2023 09:29

ВАТАНГА МУҲАББАТ ИЗҲОРИ

Ҳазориспанд бўлсам саҳроларингда,
Феруза тош бўлсам дарёларингда,
Ҳайит ойи бўлсам самоларингда,
Меҳру вафо—кўрар дунёларингда,
Сени ёмон кўздан асрамоқ учун!

Остонангда ётган итинг бўлойин,
Наслингни пок тутган сутинг бўлойин,
Кўзингдаги ҳурлик ўтинг бўлойин,
Баланд тоғларда бургутинг бўлойин,
Сени ғаним кўздан асрамоқ учун!

Сўзим бор—савашда қилич бўлоли,
Шахдим бор—қуввати биринч бўлоли,
Яхши-ёмонингда илинж бўлоли,
Ипак жоним метиндан синч бўлоли,
Сени офат кўздан асрамоқ учун!

Фақат сен кўзимга боқиб тур, Ватан,
Онамдай елкамга қоқиб тур, Ватан,
Қалбимда дарёдай оқиб тур, Ватан,
Бошимда Хумодай балқиб тур, Ватан,
Мени гумон сўздан асрамоқ учун!
Сени ёмон кўздан асрамоқ учун!


УМР БУ…

Умр бу—Аллоҳдан бизга омонат,
Аллоҳнинг фарзи бор азиз жонларда,
Омонатга қилма ҳаргиз хиёнат.

Умр—ёмби олтин, буғдой донидай
Майдалама уни тегирмонларда,
Аллоҳнинг фарзи бор азиз жонларда.

Омонатга ҳаргиз қилма хиёнат,
Уни пуллаб юрма майхоналарда,
Умр—бу Аллоҳдан қарзи қиёмат.

Умр—бу толедан барака, хирмон,
Елларга совурма, туфроққа сочма,
Аллоҳнинг мулки бул ҳар дон, ҳар сомон.

Ғурбат-ғийбатларга талош айлама,
Йўлингда учраган нокасу нодон
Кимсаларни унга фаррош айлама.

Сенга бир ҳадият бул феруза тош,
Ўзинг заргарисан, заҳҳоби—ўзинг,
Қаллобларни-да сангтарош айлама…

Умр—бу Аллоҳдан бизга омонат…

✍ Ойдин ҲОЖИЕВА.

Муҳаммад Юсуф издошларига қўшилинг👇
@Muhammadyusufizdoshlari👈 канали.
@Muhammadyusufizdoshlariguruhi👈 гуруҳи



VATANGA MUHABBAT IZHORI

Hazorispand boʻlsam sahrolaringda,
Feruza tosh boʻlsam daryolaringda,
Hayit oyi boʻlsam samolaringda,
Mehru vafo—koʻrar dunyolaringda,
Seni yomon koʻzdan asramoq uchun!

Ostonangda yotgan iting boʻloyin,
Naslingni pok tutgan suting boʻloyin,
Koʻzingdagi hurlik oʻting boʻloyin,
Baland togʻlarda burguting boʻloyin,
Seni gʻanim koʻzdan asramoq uchun!

Soʻzim bor—savashda qilich boʻloli,
Shaxdim bor—quvvati birinch boʻloli,
Yaxshi-yomoningda ilinj boʻloli,
Ipak jonim metindan sinch boʻloli,
Seni ofat koʻzdan asramoq uchun!

Faqat sen koʻzimga boqib tur, Vatan,
Onamday yelkamga qoqib tur, Vatan,
Qalbimda daryoday oqib tur, Vatan,
Boshimda Xumoday balqib tur, Vatan,
Meni gumon soʻzdan asramoq uchun!
Seni yomon koʻzdan asramoq uchun!


UMR BU…

Umr bu—Allohdan bizga omonat,
Allohning farzi bor aziz jonlarda,
Omonatga qilma hargiz xiyonat.

Umr—yombi oltin, bugʻdoy doniday
Maydalama uni tegirmonlarda,
Allohning farzi bor aziz jonlarda.

Omonatga hargiz qilma xiyonat,
Uni pullab yurma mayxonalarda,
Umr—bu Allohdan qarzi qiyomat.

Umr—bu toledan baraka, xirmon,
Yellarga sovurma, tufroqqa sochma,
Allohning mulki bul har don, har somon.

Gʻurbat-gʻiybatlarga talosh aylama,
Yoʻlingda uchragan nokasu nodon
Kimsalarni unga farrosh aylama.

Senga bir hadiyat bul feruza tosh,
Oʻzing zargarisan, zahhobi—oʻzing,
Qalloblarni-da sangtarosh aylama…

Umr—bu Allohdan bizga omonat…

✍ Oydin HOJIYEVA.

Muhammad Yusuf izdoshlariga qo‘shiling👇
@Muhammadyusufizdoshlari👈kanalimiz.
@Muhammadyusufizdoshlariguruhi👈 guruhimiz

/channel/Muhammadyusufizdoshlari

Muhammad Yusuf izdoshlari

04 мая 2023 11:36

Шаҳрихон тумани 48 -56 мактаб
Shahrixon tumani. 48-56 мактаб

Muhammad Yusuf izdoshlari

26 апреля 2023 01:39

ЮРТИМ
Муҳаммад Юсуф хотирасига

Кун қорайди айни ёзнинг чилласи...
Чирт узилди юракнинг бир парчаси,
Кўзин юмди шоирларнинг эркаси.
У бош қўйган тупроқ энди муаззам –
Мингтепанинг минг биринчи тепаси.

Бу макондан таралар ялпиз иси,
Қизғалдоқ барг тўкмай турар кузгача.
Қумри сайрар, борлиқда булбул саси,
Хазоннинг ҳам туси бунда ўзгача.
Умрин тикди сўздан битта сўзгача...

Райҳон экиб кетар булут сўқмоққа,
Буғдой сепар Улуғтоғнинг лоласи.
Билмам не деб таъриф айтай тупроққа,
Жони қақшаб, тинмас кўзда жоласи,
Қучоғига келиб ётди боласи...

Мингтепанинг минг биринчи тепаси,
Тегиб кетманг, тўкилмасин нолалар.
Тупроқ она, Ватан эди отаси,
Шоир бунда янги шеърин қоралар,
Бир қўшиқки, юракларни поралар...

Болангдирман, ташна тоғу сойингга,
Билмам қайда қўним топар ҳалак жон.
Бир кун тиниб бош урганда пойингга,
Қучоғинга оласанми, Андижон...
Сен мен билан қоласанми, Андижон...


ҚИЗҒАЛДОҚЛАР

Келиб ҳолингизни энди ким сўрар,
Қизил кўйлак – қирдаги маъсум қизлар.
Йўлин пойлаб нигорон, маҳзун кўзлар –
Муҳаммад Юсуфнинг қизғалдоқлари.

Ер бағрига олди уни кўнгли тўқ,
Тошни ёриб гиёҳ унди, шоир йўқ.
Илдизингиз юрагига ботган ўқ,
Муҳаммад Юсуфнинг қизғалдоқлари.

Умидингиз ўздан баланд бўй тутиб,
Турибсизми шоирингиз зор кутиб.
Кетдими ё пешонангиздан ўпиб,
Муҳаммад Юсуфнинг қизғалдоқлари.

Йўқ эдингиз, йиқилди – ер йиғлади,
Қизчалари кўз очишин пойлади.
Келмадингиз, шоир сизни сўради,
Муҳаммад Юсуфнинг қизғалдоқлари.

Боринг энди Марҳаматга қидириб,
Сизни севди шоир шунча гул қолиб.
Чақирсангиз, гулим, дейди уйғониб,
Муҳаммад Юсуфнинг қизғалдоқлари.

Ҳеч ким Муҳаммаддек сизни суймаган,
Ялпиз сувин ичиб, сизни куйлаган.
Юринг, чақирамиз, шоир ўлмаган,
Муҳаммад Юсуфнинг қизғалдоқлари.

✍ Мунаввара УСМОНОВА.

Муҳаммад Юсуф издошларига қўшилинг👇
@Muhammadyusufizdoshlari


YURTIM
Muhammad Yusuf xotirasiga

Kun qoraydi ayni yozning chillasi...
Chirt uzildi yurakning bir parchasi,
Koʻzin yumdi shoirlarning erkasi.
U bosh qoʻygan tuproq endi muazzam –
Mingtepaning ming birinchi tepasi.

Bu makondan taralar yalpiz isi,
Qizgʻaldoq barg toʻkmay turar kuzgacha.
Qumri sayrar, borliqda bulbul sasi,
Xazonning ham tusi bunda oʻzgacha.
Umrin tikdi soʻzdan bitta soʻzgacha...

Rayhon ekib ketar bulut soʻqmoqqa,
Bugʻdoy separ Ulugʻtogʻning lolasi.
Bilmam ne deb taʼrif aytay tuproqqa,
Joni qaqshab, tinmas koʻzda jolasi,
Quchogʻiga kelib yotdi bolasi...

Mingtepaning ming birinchi tepasi,
Tegib ketmang, toʻkilmasin nolalar.
Tuproq ona, Vatan edi otasi,
Shoir bunda yangi sheʼrin qoralar,
Bir qoʻshiqki, yuraklarni poralar...

Bolangdirman, tashna togʻu soyingga,
Bilmam qayda qoʻnim topar halak jon.
Bir kun tinib bosh urganda poyingga,
Quchogʻinga olasanmi, Andijon...
Sen men bilan qolasanmi, Andijon...


QIZGʻALDOQLAR

Kelib holingizni endi kim soʻrar,
Qizil koʻylak – qirdagi maʼsum qizlar.
Yoʻlin poylab nigoron, mahzun koʻzlar –
Muhammad Yusufning qizgʻaldoqlari.

Yer bagʻriga oldi uni koʻngli toʻq,
Toshni yorib giyoh undi, shoir yoʻq.
Ildizingiz yuragiga botgan oʻq,
Muhammad Yusufning qizgʻaldoqlari.

Umidingiz oʻzdan baland boʻy tutib,
Turibsizmi shoiringiz zor kutib.
Ketdimi yo peshonangizdan oʻpib,
Muhammad Yusufning qizgʻaldoqlari.

Yoʻq edingiz, yiqildi – yer yigʻladi,
Qizchalari koʻz ochishin poyladi.
Kelmadingiz, shoir sizni soʻradi,
Muhammad Yusufning qizgʻaldoqlari.

Boring endi Marhamatga qidirib,
Sizni sevdi shoir shuncha gul qolib.
Chaqirsangiz, gulim, deydi uygʻonib,
Muhammad Yusufning qizgʻaldoqlari.

Hech kim Muhammaddek sizni suymagan,
Yalpiz suvin ichib, sizni kuylagan.
Yuring, chaqiramiz, shoir oʻlmagan,
Muhammad Yusufning qizgʻaldoqlari.

✍ Munavvara USMONOVA.

Muhammad Yusuf izdoshlariga qo‘shiling👇
@Muhammadyusufizdoshlari👈kanalimiz.
@Muhammadyusufizdoshlariguruhi👈 guruhimiz.

/channel/Muhammadyusufizdoshlari

Muhammad Yusuf izdoshlari

26 апреля 2023 01:27

ЖАВОБ

Кўп китоб ўқидим ёшлик кезимда,
Гоҳи Ғарб, гоҳи Шарқ ҳушимни олди.
Атай ёдламадим, лекин эсимда –
Муҳаммад аканинг шеърлари қолди.

Ўзбекдек самимий, ўзидек тоза,
Бешик боласининг кўзидек тоза,
Ўспирин ошиқнинг сўзидек тоза
Муҳаммад аканинг шеърлари қолди.

Муҳаммад Юсуфдан куйлар ирмоқлар,
Тоғни тилимлаган кийиксўқмоқлар,
Оқ чўгирма кийган момқаймоқлар...
Муҳаммад аканинг шеърлари қолди.

Ким бор тағин она халққа қайишган,
Қайғусидан чўккан, бахтидан жўшган.
Куйчи шоир эди кўклардан тушган,
Муҳаммад аканинг шеърлари қолди.

Узр, эй шоирман, зўрман деганлар,
Номаъқул бузоқнинг гўштин еганлар,
Сўзга нўноқлару гапга чечанлар,
Муҳаммад аканинг шеърлари қолди.

Айланиб бағри кенг Ўзбекистонни
Секин гапга солинг мўмин деҳқонни,
Шоир деса, эслар Маҳаммаджонни,
Муҳаммад аканинг шеърлари қолди.

Софдил инсон эди шоир бўлиб ҳам,
Қулади паймона лим-лим тўлиб ғам.
Энди қутилмасми сиздан ўлиб ҳам,
Муҳаммад аканинг шеърлари қолди.

Мужмал сатрингизни ким ёд олади?
Эшитса чумчуқлар ҳам дод солади,
Қолса, сиздан фақат иснод қолади,
Муҳаммад аканинг шеърлари қолди.



МУҲАММАД ЮСУФ

Ёмонга ўлим йўқ, яхшига кун йўқ,
Томирингга қўшиб олишар узиб.
Бобур йўқ, Чўлпон йўқ, Мажнун йўқ,
Муҳаммад Юсуф йўқ, Муҳаммад Юсуф.

Бир қиз йиғлаб борар, соддагина қиз,
Йиғлар китоб билан юзини тўсиб.
Балки севгилингиз, балки синглингиз,
Муҳаммад Юсуф йўқ, Муҳаммад Юсуф.

Уйдан мозоргача юз одимча йўл,
Айланиб келамиз юртларни кезиб.
Кимга кўнгил бериб, кимга эса қўл...
Муҳаммад Юсуф йўқ, Муҳаммад Юсуф.

Тирикка меҳр йўқ, марҳумга қаҳр,
Нима топдинг, ака, тупроққа тушиб?
Узала тушганча бўзлайди қабр,
Муҳаммад Юсуф йўқ, Муҳаммад Юсуф.

Қизғалдоқ бош эгиб турар бағри қон,
Шоир юрагидан чиққанми ўсиб?
“Нега йиғламайсан, аҳли Туркистон?”
Муҳаммад Юсуф йўқ, Муҳаммад Юсуф.


АКАЛАРИМГА

Уч бора айланди ажал қамчиси,
Учта юлдузимни фалакдан узиб,
Бугун жигаримда учта тиғ изи,
Шавкат Раҳмон, Охун, Муҳаммад Юсуф.

Бирови шамширдай тўғри зот эди,
Бири эркатойи шеърият боғин.
Бирисига майда гаплар ёт эди,
Шавкат Раҳмон, Муҳаммад Юсуф, Охун.

Назар ёмон экан, суқ ёмон экан,
Бир ариқдан сув ичиб, бирга ўсиб,
Кўп экан-да жонингга кўзин тиккан...
Шавкат Раҳмон, Охун, Муҳаммад Юсуф.

Ортиқча ҳарорат гулни сўлдирар,
Ортиқча сув бузар дарё қирғоғин.
Эл севгиси аста-секин ўлдирар,
Шавкат Раҳмон, Муҳаммад Юсуф, Охун.

Қулоғимда ҳар бирининг сўзи, оҳанги,
Тобора бу олам қор каби тўзиб,
Нариги дунёга босар посанги,
Шавкат Раҳмон, Охун, Муҳаммад Юсуф.

✍ Иқбол МИРЗО

Муҳаммад Юсуф издошлари телеграм канали ва гуруҳи👇
@Muhammadyusufizdoshlari👈 канали.
@Muhammadyusufizdoshlariguruhi👈 гуруҳи


/channel/Muhammadyusufizdoshlari

Muhammad Yusuf izdoshlari

26 апреля 2023 01:22

ОТАЖОН

Назм гулшанида булбул забоним,
Туйғуларга ғулу солган уммоним.
Ўзгалар дардини ўзиники деб,
Опичлаб ўтолган оғир карвоним.
Тангрим азиз этган улуғ инсоним,
Шеърият аталган юртга ҳоқоним.

Сизнинг чаманзорлар кўрмасин аёз,
Ўзгага ўхшамас сиз битган баёз.
Шараф деб аталган баланд қояда,
Қисматдан шайхлардек топдингиз эъзоз.
Тангрим азиз этган улуғ инсоним,
Юзлаб шогирдларга темир қўрғоним.

Мушкулдир сиз юрган йўллардан юрмоқ,
Шеърият юртида бинолар қурмоқ.
Бахтингиз топдингиз элнинг меҳрида,
Давлатингиз эди камолин кўрмоқ.
Тангрим азиз этган улуғ инсоним,
Ҳалқига минг битта жони қурбоним.

Озод юрт илҳоми бўлди мададкор,
Савлатингиз бисёр юртда улуғвор.
Ким етди,етмади кимлар бу кунга,
Замонага беҳад шукронангиз бор.
Тангрим азиз этган улуғ инсоним,
Ватанин кўксига битта қалқоним.

Шоҳу-гадонинг ҳам меҳрин қозониб,
Дунёдан қуёшдек ўтдингиз ёниб.
Назмингиз булоқдир асрлар оша,
Чанқаган юраклар симирсин қониб.
Тангрим азиз этган улуғ инсоним,
Тоабад ҳалқига қадри осмоним!

✍Мадина ЮСУПОВА.

Муҳаммад Юсуф издошлари телеграм канали ва гуруҳи👇
@Muhammadyusufizdoshlari👈 канали.
@Muhammadyusufizdoshlariguruhi👈 гуруҳи


OTAJON

Nazm gulshanida bulbul zabonim,
Tuygʻularga gʻulu solgan ummonim.
Oʻzgalar dardini oʻziniki deb,
Opichlab oʻtolgan ogʻir karvonim.
Tangrim aziz etgan ulugʻ insonim,
Sheʼriyat atalgan yurtga hoqonim.

Sizning chamanzorlar koʻrmasin ayoz,
Oʻzgaga oʻxshamas siz bitgan bayoz.
Sharaf deb atalgan baland qoyada,
Qismatdan shayxlardek topdingiz eʼzoz.
Tangrim aziz etgan ulugʻ insonim,
Yuzlab shogirdlarga temir qoʻrgʻonim.

Mushkuldir siz yurgan yoʻllardan yurmoq,
Sheʼriyat yurtida binolar qurmoq.
Baxtingiz topdingiz elning mehrida,
Davlatingiz edi kamolin koʻrmoq.
Tangrim aziz etgan ulugʻ insonim,
Halqiga ming bitta joni qurbonim.

Ozod yurt ilhomi boʻldi madadkor,
Savlatingiz bisyor yurtda ulugʻvor.
Kim yetdi,yetmadi kimlar bu kunga,
Zamonaga behad shukronangiz bor.
Tangrim aziz etgan ulugʻ insonim,
Vatanin koʻksiga bitta qalqonim.

Shohu-gadoning ham mehrin qozonib,
Dunyodan quyoshdek oʻtdingiz yonib.
Nazmingiz buloqdir asrlar osha,
Chanqagan yuraklar simirsin qonib.
Tangrim aziz etgan ulugʻ insonim,
Toabad halqiga qadri osmonim!

✍ Madina YUSUPOVA.

Muhammad Yusuf izdoshlari telegram kanali va guruhi👇
@Muhammadyusufizdoshlari👈 kanali.
@Muhammadyusufizdoshlariguruhi👈 guruhi

/channel/Muhammadyusufizdoshlari

Muhammad Yusuf izdoshlari

26 апреля 2023 01:17

Муҳаммад Юсуфни ёд этиб...

Титрамагин қизғалдоқ,
Йиғламагин бинафша.
Ялпиз бунча маъюссан,
Миттигина юракча.

Қара дардкаш қидириб,
Йиғлаяпти муҳаббат.
Сендан баттар мўлтираб,
Титраяпти муҳаббат.

Сен соғинган юракни,
Соғинганлар қанчадир.
Бир аламим ғижжакда,
Бир аламим найдадир.

Мен ҳам унинг сатрини
Ашъорини соғиндим,
Нурга тўлган у азиз
дийдорини соғиндим...

Гарчи дардга тўладир,
Ўхшамади кўзларим
Ўхшамади изҳорим,
Ўхшамади сўзларим...

Ўлмайдиган ошиқ - у,
Тинмайдиган қўшиқ - у,
Ҳали қанча гўзалнинг
Кўзидан қочар уйқу.

Шеър ўқиб сўнг ёқимли,
Кулмас Муҳаммад Юсуф,
Ялпиз ухла, бўлмаса, келмас
Муҳаммад Юсуф...

✍Рислиғой ҲОТАМОВА.

26 апрель. Андижон. Марҳамат.

@Muhammadyusufizdoshlari
👆Муҳаммад Юсуф издошлари еанали


Muhammad Yusufni yod etib...

Titramagin qizgʻaldoq,
Yigʻlamagin binafsha.
Yalpiz buncha mayussan,
Mittigina yurakcha.

Qara dardkash qidirib,
Yigʻlayapti muhabbat.
Sendan battar moʻltirab,
Titrayapti muhabbat.

Sen sogʻingan yurakni,
Sogʻinganlar qanchadir.
Bir alamim gʻijjakda,
Bir alamim naydadir.

Men ham uning satrini
Ashʼorini sogʻindim,
Nurga toʻlgan u aziz
diydorini sogʻindim...

Garchi dardga toʻladir,
Oʻxshamadi koʻzlarim
Oʻxshamadi izhorim,
Oʻxshamadi soʻzlarim...

Oʻlmaydigan oshiq - u,
Tinmaydigan qoʻshiq - u,
Hali qancha goʻzalning
Koʻzidan qochar uyqu.

Sheʼr oʻqib soʻng yoqimli,
Kulmas Muhammad Yusuf,
Yalpiz uxla, boʻlmasa, kelmas
Muhammad Yusuf...

✍Risligʻoy HOTAMOVA.

26 aprel. Andijon. Marhamat.

Muhammad Yusuf izdoshlari telegram kanali va guruhi👇
@Muhammadyusufizdoshlari👈 kanali.
@Muhammadyusufizdoshlariguruhi👈 guruhi

/channel/Muhammadyusufizdoshlari

Muhammad Yusuf izdoshlari

26 апреля 2023 01:06

Bugun 26 aprel Oʻzbekiston xalq shoiri Muhammad YUSUF tavallud topgan kun.

Muhammad YUSUF hayoti va ijodi

Muhammad YUSUF (taxallusi; asl ism-sharifi Yusupov Muhammadjon) (26.04.1954 Marhamat tumani — 31.07.2001, Ellikqalʼa tumani) — Oʻzbekiston xalq shoiri (1998), jamoat arbobi. 2-chaqiriq Oliy Majlis deputati. Oʻzbekiston xalq shoiri (1998).

Hayoti va ijodi

Muhammad YUSUF Rus tili va adabiyoti institutining rus tili va adabiyoti fakultetini tugatgan (1978). Respublika kitobsevarlar jamiyati (1978—80), “Toshkent oqshomi” gazetasi (1980—86), Gʻofur Gʻulom nomidagi Adabiyot va sanʼat nashriyoti (1986—95)da turli lavozimlarda ishlagan. 1995—97 yillar “Tafakkur” jurnalida boʻlim mudiri, 1997—2001 yillarda Oʻzbekiston Yozuvchilar uyushmasida rais oʻrinbosari. II chaqiriq Oʻzbekiston Respublikasi Oliy Majlisi deputati.

Muhammad YUSUFning dastlabki sheʼrlari

Muhammad YUSUFning dastlabki sheʼrlari “Oʻzbekiston adabiyoti va sanʼati” haftaligida bosilgan (1976). Shundan boshlab respublika matbuotida uning sheʼr, ocherk va maqolalari muntazam ravishda chop etila boshlagan. Ilk sheʼrlar kitobi — “Tanish teraklar” (1985). “Bulbulga bir gapim bor” (1987), “Iltijo” (1988), “Uyqudagi qiz”, “Halima enam allalari” (1989), “Ishq kemasi” (1990), “Koʻnglimda bir yor” (1991), “Bevafo koʻp ekan”, “Yolgʻonchi yor” (1993), “Erka kiyik” (1995) va “Osmonimga olib ketaman” (1998) sheʼriy kitoblari nashr etilgan. Mazkur kitoblarga kirgan sheʼrlarda Muhammad YUSUF mansub boʻlgan avlodning eng oliyjanob va yuksak insoniy fazilatlari bilan birga yoshlik sururi, ishq va muhabbatning nafis navolari, oʻzbekona, sodda, ayni paytda ezgu, bokira va betakror tuygʻu hamda kechinmalari oʻzining yorqin ifodasini topgan. Soʻzning badiiy imkoniyatlaridan mahorat bilan foydalanish, musiqiy ravonlik, tuygʻular tiniqligi, samimiylik va mayinlik, ruhiyat manzaralarini loʻnda va yaqqol ifodalay bilish Muhammad YUSUF sheʼriy uslubining yetakchi xususiyatlaridir. Uning qalamiga mansub aksariyat sheʼrlar taniqli xonandalar tomonidan ijro etilmoqda. Muhammad YUSUF ijodi ayni gullab-yashnagan paytda, Ellikqalʼa tumanida sheʼriyat muxlislari bilan uchrashish maqsadidagi ijodiy safarida 47 yoshida vafot etgan. Andijonda dafn etilgan.

Oʻzbekistonimizning bir necha koʻchalari, shuningdek, Andijon shahridagi ijod maktabi, bolalar kutubxonasi va Marhamat tumanidagi sanʼat maktabi Muhammad YUSUFning nomi bilan ataladi.

✍ Muqimjon Nurboyev.

Muhammad Yusuf izdoshlari telegram kanali va guruhi👇
@Muhammadyusufizdoshlari👈 kanali.
@Muhammadyusufizdoshlariguruhi👈 guruhi

/channel/Muhammadyusufizdoshlari

Muhammad Yusuf izdoshlari

24 июля 2023 13:24

КИТОБ ЎҚИГИН БОЛАМ

Яшнасин десанг олам, китоб ўқигин, болам,
Китобдир дардга малҳам, китоб ўқигин болам.

Кўргил, Иқро деб бизга марҳаматин кўргузди,
Билимга чорлаб Эгам, китоб ўқигин, болам.

Машрабу Фузулийнинг китобларин варақла,
Китобсиз ўтмасин дам, китоб ўқигин болам.

Ўтмиш-у бу кундаги шуаронинг қалб қўри,
Китобларда жамулжам, китоб ўқигин, болам.

Улуғларнинг девони гўзал туйғулар кони,
Ҳар бир жилди муҳташам, китоб ўқигин, болам.

Каломи дил ёруғи, қўлида ижод туғи,
Бўлмоққа сирдош, маҳрам, китоб ўқигин болам.

Навоийнинг битикларин ёдласанг тил равондир,
Хоҳ шому хоҳ субҳидам китоб ўқигин болам.

Андижоний бобонг дер: китоб ўқи, ёдла шеър,
Ҳар сония, ҳар қадам, китоб ўқигин, болам...

✍ Баҳодир АНДИЖОНИЙ.

Муҳаммад Юсуф издошларига қўшилинг👇
@Muhammadyusufizdoshlari👈 канали,
@Muhammadyusufizdoshlariguruhi👈гуруҳи.


KITOB OʻQIGIN BOLAM

Yashnasin desang olam, kitob oʻqigin, bolam,
Kitobdir dardga malham, kitob oʻqigin bolam.

Koʻrgil, Iqro deb bizga marhamatin koʻrguzdi,
Bilimga chorlab Egam, kitob oʻqigin, bolam.

Mashrabu Fuzuliyning kitoblarin varaqla,
Kitobsiz oʻtmasin dam, kitob oʻqigin bolam.

Oʻtmish-u bu kundagi shuaroning qalb qoʻri,
Kitoblarda jamuljam, kitob oʻqigin, bolam.

Ulugʻlarning devoni goʻzal tuygʻular koni,
Har bir jildi muhtasham, kitob oʻqigin, bolam.

Kalomi dil yorugʻi, qoʻlida ijod tugʻi,
Boʻlmoqqa sirdosh, mahram, kitob oʻqigin bolam.

Navoiyning bitiklarin yodlasang til ravondir,
Xoh shomu xoh subhidam kitob oʻqigin bolam.

Andijoniy bobong der: kitob oʻqi, yodla sheʼr,
Har soniya, har qadam, kitob oʻqigin, bolam...

✍ Bahodir ANDIJONIY.

Muhammad Yusuf izdoshlariga qoʻshiling👇
@Muhammadyusufizdoshlari👈 kanali,
@Muhammadyusufizdoshlariguruhi👈guruhi.

/channel/Muhammadyusufizdoshlari

Muhammad Yusuf izdoshlari

07 июля 2023 09:15

Бадиа                    
                         ЙЎЛ

          Инсон ҳаётининг ҳар бир дақиқаси маълум бир йўлда ўтади. У хоҳ қисқа бўлсин, хоҳ узун, хоҳ ноқулай, хоҳ қулай. Муҳими у қандай йўл бўлишидан қатъий назар бизни баъзан кўзлаган, баъзан эса кўзламаган маълум манзилимиз томон элтади. Кўзлаган йўлимиз тўғри ёки эгрилиги эса албатта ўзимизга боғлиқ.
Йўл, бу - ўрнак. Зеро, ҳар ўтган инсон унда бирор ҳодисани гувоҳи бўлади. Ва шубҳасиз, қанчалик бу иш яхши ёки ёмонлигини аниқ кўрсатади. Йўлнинг алдамчи бўлиши ҳам эҳтимолдан ҳоли эмас. Баъзи йўллар эса умуман исталмаган маконга олиб боради. Ва бевосита адашганимизни ҳис киламиз. Ҳа айтганча, айнан мана шу, юқоридаги йўллар йўлнинг иккинчи кўзланмаган йўли эканлигини билдиради.
   Қайси йўлдан юрмайлик, кимлардир ёзиб қўйган  "Оқ йўл" сўзлари кўринади. Бу одамларнинг сизга ғойибона билдирган  эзгу тилагидир.
Йўл - тарбиячимиз. Ахир қоқилтириб тарбиялайди-ку!
Йўлга интилиш ҳиссиёти кучли.
Вақт эса чексиз.
Баъзида шундай йўллар бўладики, ўзимиз кутмаган мўжизани кўрсатиши мумкин. Лек шундай йўл ҳам борки, жуда-жуда қийин йўл. Баъзан олис, баъзан ғоят яқиндек туйиладиган, бироқ жуда мураккаб йўл. У кўнгил йўли, кўнгилга кириш йўлидир. Машаққати ҳам оғир. Бу йўлни топиш қийин. Биз одамлар кўнгил йўлини тополмадик, гўё... Аммо баъзи йўллар кўнгилгача бора олган ҳам.
Барча инсонлар йўлда кетаётганда бирор манзилни кўзлашади. Аммо билишмайдики, айнан ўша манзилга бориш пешонамизга ёзилганини ва босиб ўтишимиз керак булган йул эканлигини. Бизнинг қадрли йўлларимиз ҳам бор. Ҳатто улар меҳр-муҳаббат туйғусига ҳам энг чиройли безак бўлиши мумкин.
Бўлажак касбимга муносиб бўлишим учун ҳам маълум бир йўллардан ўтмоқдаман. Айни дам яна бир қадам ташладим. Меҳрим ўзгача. Худди ҳозир юряпману, ортимдан из эмас, гўё журналист қиз ниҳоллари экилиб қолмоқдадек. Улар бир кун дарахт бўлажак. Меҳр дарахти. Касбга меҳр дарахти. Масъулият дарахти. Йўлда адашганлар эса шу дарахт остида йўл топажак, меҳр топажак, масъулят топажак.
Хулоса қилиб айтганда, йўл ажойиб ва ғаройиб воқеаларга сабаб бўлмасин, асли унинг таг замирида биз болаликдан туйган, Ватанга муҳаббат ҳиссини уйғотган тупроқ яширинган. Буни эса асло унутмаслигимиз даркор, қадрли йўловчилар!
                                                           ✍  Ситора НАИМЖОНОВА,
Ҳалима Худойбердиева номли ижод мактаби битирувчиси.

Муҳаммад Юсуф издошларига қўшилинг👇
@Muhammadyusufizdoshlari👈 канали,
@Muhammadyusufizdoshlariguruhi👈гуруҳи.

/channel/Muhammadyusufizdoshlari

Muhammad Yusuf izdoshlari

28 июня 2023 01:11

​​ТАБРИК

Дуодан ёришган тонглар муборак,
Зиёга қоришган онлар муборак.
Оппоқ ният, тиниқ тилаклар боис
Тозарган қалб, руҳ, жон, онглар муборак!



ОТА ВА ЎҒИЛ

Ота ҳукмига бош эгиб Исмоил,
Оллоҳ раҳматига бўлмишдир ноил.
Не бир ўғиллар бор, астағфируллоҳ,
Отасига пичоқ тортишга мойил…



ҲАҚСЕВАР ЮРТ

Зулматни тўзғитган машъала – қуръон,
Бошига кўтармиш ҳақсевар Турон.
Қўчқордай ўғлонлар туғилиб бунда,
Ҳақиқат йўлида бўлмишлар қурбон…



ҚУРБОНЛИК

Қутлуғ лаҳзалар бу – ҳикматга йўйгил,
Қалбингда қай ҳолат – бир қараб қўйгил.
Ожиз жонлиққа тиғ тирашдан аввал
Буқадай семирган нафсингни сўйгил!

✍ Нодир ЖОНУЗОҚ.

Муҳаммад Юсуф издошларига қўшилинг👇
@Muhammadyusufizdoshlari👈 канали,
@Muhammadyusufizdoshlariguruhi👈гуруҳи.


​​TABRIK

Duodan yorishgan tonglar muborak,
Ziyoga qorishgan onlar muborak.
Oppoq niyat, tiniq tilaklar bois
Tozargan qalb, ruh, jon, onglar muborak!



OTA VA O‘G‘IL

Ota hukmiga bosh egib Ismoil,
Olloh rahmatiga boʻlmishdir noil.
Ne bir oʻgʻillar bor, astagʻfirulloh,
Otasiga pichoq tortishga moyil…



HAQSEVAR YURT

Zulmatni toʻzgʻitgan mashʼala – qurʼon,
Boshiga koʻtarmish haqsevar Turon.
Qoʻchqorday oʻgʻlonlar tugʻilib bunda,
Haqiqat yoʻlida boʻlmishlar qurbon…



QURBONLIK

Qutlugʻ lahzalar bu – hikmatga yoʻygil,
Qalbingda qay holat – bir qarab qoʻygil.
Ojiz jonliqqa tigʻ tirashdan avval
Buqaday semirgan nafsingni soʻygil!

✍ Nodir JONUZOQ.

Muhammad Yusuf izdoshlariga qoʻshiling👇
@Muhammadyusufizdoshlari👈 kanali,
@Muhammadyusufizdoshlariguruhi👈guruhi.

/channel/Muhammadyusufizdoshlari

Muhammad Yusuf izdoshlari

23 июня 2023 16:01

ЎРТАМИЗДА

Қолса дердим ўртамизда зора гап,
Бўлди-ку эл ичра, ёр, ошкора гап.

Билмайин бир кун даҳандан чикди-ю,
Ҳар қулокда янгради ноғора — гап.

Битта нозик гап эди ул аслида,
Ҳар огизда шишди-ку, бечора гап.

Сизни оппоқ айлади юрт ичраким,
Бизни қилмиш, воажаб, қоп-қора гап.

Не ажаб, бўлмиш ғанимларга қурол,
Этгали ошиқ дилим садпора гап.

Дилда турганда муқаддас ганж эди,
Тилга чиққач, этди кўп овора гап.

«Гап»ни ёздим гапчидаи безор бўлиб,
Қолса энди ўртамизда зора гап.

✍ Ҳабиб САЪДУЛЛА.


Муҳаммад Юсуф издошларига қўшилинг👇
@Muhammadyusufizdoshlari👈 канали,
@Muhammadyusufizdoshlariguruhi👈гуруҳи.


OʻRTAMIZDA

Qolsa derdim oʻrtamizda zora gap,
Boʻldi-ku el ichra, yor, oshkora gap.

Bilmayin bir kun dahandan chikdi-yu,
Har qulokda yangradi nogʻora — gap.

Bitta nozik gap edi ul aslida,
Har ogizda shishdi-ku, bechora gap.

Sizni oppoq ayladi yurt ichrakim,
Bizni qilmish, voajab, qop-qora gap.

Ne ajab, boʻlmish gʻanimlarga qurol,
Etgali oshiq dilim sadpora gap.

Dilda turganda muqaddas ganj edi,
Tilga chiqqach, etdi koʻp ovora gap.

“Gap”ni yozdim gapchidai bezor boʻlib,
Qolsa endi oʻrtamizda zora gap.

✍ Habib SAʼDULLA.

Muhammad Yusuf izdoshlariga qoʻshiling👇
@Muhammadyusufizdoshlari👈 kanali,
@Muhammadyusufizdoshlariguruhi👈guruhi.

/channel/Muhammadyusufizdoshlari

Muhammad Yusuf izdoshlari

13 июня 2023 10:58

* * *
Мен дунёга қул бўлиб келиб,
Кул мисоли кетяпман яна.
Юлдузларга интилгандим, лек,
Бағрингизга қайтяпман, она!

Англолмайман, юлдуз нимадир,
Кошонами ё улкан бир тахт?
Ёки бизлар қуча олмаган,
Кўринмас, кўз илғамас бир бахт?

Ўша бахтга интилган қўлим,
Билмам, кимлар боғлади экан?
Ё кутмаган оним боғимда
Юрагимга санчдилар тикон?

Тиконларинг бунча ҳам кўпдир,
Нега менга аталган бари?
Улар ширин таомми ёки,
Боларига бормикин кори?

Мен барига тоқат айлайман,
Тайёр турган қулдай ўлимга.
Лекин тунда қилич қайрайман,
Ғанимларим териб йўлимга.

Ёлғон дўстлар қарсак чалади,
Телба сўзга, телба ўйимга.
Гулчамбарлар тайёрлаб турар,
Ҳеч бўлмаган машҳур тўйимга.

Парво қилмай кулиб қўяман,
Ёлғон суҳбат, алдоқ куйларга.
Сўнг уларнингг кўзин ўяман
Кириб олиб олчоқ уйларга.

Асли дунё шундай яралган,
Қул қулларни бозорга солар.
Бирин қўйиб, бирин сотади,
Кимки чаққон, ҳаммасин олар.

Мисли кулдай сочилиб кетдим,
Минг юлдузга айланган дамда,
Бағрингизга қайтмоқ истадим,
Сиз ёнётган чоғда аламда.
Кечирасиз, биламан, она!

* * *

Тўлинойнинг нурида
Ярқироқ сойни кўрдим.
Бугун бир бор ҳаридим,
Ёрим, сенга илиндим.

Қара, кўнгил сотволдим,
Яна муҳаббат, бироз.
Оға-инин сарсон қилган,
Меҳр ҳам бор бирор газ.

Маъюс юрак мисоли туз,
Бироз қотиб ҳам қолган.
Мана гул, у бечора
Ёлғон севгидан ўлган.

Кўз, қобоқ, йиғлоқи дил,
Ташландиқ ота-она.
Қара, ҳарид қилдим мен
Бугун бозор баҳона.

Савдогарман, чайқовчи,
Пулни пулга ураман.
Ишимдан мағрурланиб,
Андак ҳузур кўраман.

Лекин бугун топганим
Хотин, авлодга мерос.
Зарур бўлган ҳолларда
Ишлатиб юрсин оз-моз.

Улар ҳам недандир умидвор ахир…

✍ Рустам ЭМИН,
Сирдарё вилояти.

Муҳаммад Юсуф издошларига қўшилинг👇
@Muhammadyusufizdoshlari👈 канали,
@Muhammadyusufizdoshlariguruhi👈гуруҳи.


* * *
Men dunyoga qul boʻlib kelib,
Kul misoli ketyapman yana.
Yulduzlarga intilgandim, lek,
Bagʻringizga qaytyapman, ona!

Anglolmayman, yulduz nimadir,
Koshonami yo ulkan bir taxt?
Yoki bizlar qucha olmagan,
Koʻrinmas, koʻz ilgʻamas bir baxt?

Oʻsha baxtga intilgan qoʻlim,
Bilmam, kimlar bogʻladi ekan?
Yo kutmagan onim bogʻimda
Yuragimga sanchdilar tikon?

Tikonlaring buncha ham koʻpdir,
Nega menga atalgan bari?
Ular shirin taommi yoki,
Bolariga bormikin kori?

Men bariga toqat aylayman,
Tayyor turgan qulday oʻlimga.
Lekin tunda qilich qayrayman,
Gʻanimlarim terib yoʻlimga.

Yolgʻon doʻstlar qarsak chaladi,
Telba soʻzga, telba oʻyimga.
Gulchambarlar tayyorlab turar,
Hech boʻlmagan mashhur toʻyimga.

Parvo qilmay kulib qoʻyaman,
Yolgʻon suhbat, aldoq kuylarga.
Soʻng ularningg koʻzin oʻyaman
Kirib olib olchoq uylarga.

Asli dunyo shunday yaralgan,
Qul qullarni bozorga solar.
Birin qoʻyib, birin sotadi,
Kimki chaqqon, hammasin olar.

Misli kulday sochilib ketdim,
Ming yulduzga aylangan damda,
Bagʻringizga qaytmoq istadim,
Siz yonyotgan chogʻda alamda.
Kechirasiz, bilaman, ona!

* * *

Toʻlinoyning nurida
Yarqiroq soyni koʻrdim.
Bugun bir bor haridim,
Yorim, senga ilindim.

Qara, koʻngil sotvoldim,
Yana muhabbat, biroz.
Ogʻa-inin sarson qilgan,
Mehr ham bor biror gaz.

Mayus yurak misoli tuz,
Biroz qotib ham qolgan.
Mana gul, u bechora
Yolgʻon sevgidan oʻlgan.

Koʻz, qoboq, yigʻloqi dil,
Tashlandiq ota-ona.
Qara, harid qildim men
Bugun bozor bahona.

Savdogarman, chayqovchi,
Pulni pulga uraman.
Ishimdan magʻrurlanib,
Andak huzur koʻraman.

Lekin bugun topganim
Xotin, avlodga meros.
Zarur boʻlgan hollarda
Ishlatib yursin oz-moz.

Ular ham nedandir umidvor axir…

✍ Rustam EMIN,
Sirdaryo viloyati.

Muhammad Yusuf izdoshlariga qoʻshiling👇
@Muhammadyusufizdoshlari👈 kanali,
@Muhammadyusufizdoshlariguruhi👈guruhi.
/channel/Muhammadyusufizdoshlari

Muhammad Yusuf izdoshlari

03 июня 2023 11:26

ZIYORATLAR, TASHRIFLAR DAVOM ETMOQDA
Namangan viloyati CHortoq tumanidagi MMTB ga qarashli 55-sonli umumiy o‘rta ta'lim maktabi manʼaviyat targ‘ibotcbisi Anvarxoʻja Masharipov
@Muhammadyusufizdoshlari

Muhammad Yusuf izdoshlari

29 мая 2023 07:04

БИЛМАДИМ

Бўлсам бўлгандирман бойлик, бисотлик,
Бироқ, бағри бутун бўла билмадим.
Қадамда йўлдошим бўлиб бедодлик,
Тутдайин тўкилдим,
Тўла билмадим.

Менинг­чун бу олам серғалвамидир,
Фақат тазйиқмидир, тавалломидир,
Беминнат бир маскан норавомидир,
Кўрган куним қаттиқ,
Кула билмадим?

Кўринишим одам, танда жоним йўқ,
Суйиб, суйкангулик жонажоним йўқ,
Ғам, алам чекмаган бирон оним йўқ,
Отимни тўдага
Сола билмадим.

Тушган аравамнинг жири бўлакча,
Айтилган жирларнинг сири бўлакча.
Бу эл, бу улуснинг тури бўлакча,
Кўнгил бериб, кўнгил
Ола билмадим.

Дунё деб аталмиш, ушбу қаерда,
Ўрнимни тополмай даврада, қурда,
Ўзга хонишларга жўр бўлиб бирда,
Ўз созимни ўзим
Чола билмадим..

✍ Тўра СУЛАЙМОН,
Сирдарё вилояти.

Муҳаммад Юсуф издошларига қўшилинг👇
@Muhammadyusufizdoshlari👈 канали
@Muhammadyusufizdoshlariguruhi👈 гуруҳи


BILMADIM

Boʻlsam boʻlgandirman boylik, bisotlik,
Biroq, bagʻri butun boʻla bilmadim.
Qadamda yoʻldoshim boʻlib bedodlik,
Tutdayin toʻkildim,
Toʻla bilmadim.

Mening­chun bu olam sergʻalvamidir,
Faqat tazyiqmidir, tavallomidir,
Beminnat bir maskan noravomidir,
Koʻrgan kunim qattiq,
Kula bilmadim?

Koʻrinishim odam, tanda jonim yoʻq,
Suyib, suykangulik jonajonim yoʻq,
Gʻam, alam chekmagan biron onim yoʻq,
Otimni toʻdaga
Sola bilmadim.

Tushgan aravamning jiri boʻlakcha,
Aytilgan jirlarning siri boʻlakcha.
Bu el, bu ulusning turi boʻlakcha,
Koʻngil berib, koʻngil
Ola bilmadim.

Dunyo deb atalmish, ushbu qayerda,
Oʻrnimni topolmay davrada, qurda,
Oʻzga xonishlarga joʻr boʻlib birda,
Oʻz sozimni oʻzim
Chola bilmadim..

✍ Toʻra SULAYMON,
Sirdaryo viloyati.

Muhammad Yusuf izdoshlariga qoʻshiling👇
@Muhammadyusufizdoshlari👈 kanali
@Muhammadyusufizdoshlariguruhi👈 guruhi
/channel/Muhammadyusufizdoshlari

Muhammad Yusuf izdoshlari

20 мая 2023 12:21

* * *

Кулсанг, гуноҳ, дерлар, йиғласанг, гуноҳ,
Бегуноҳ яшамоқ мумкинми, фалак?
Наҳотки, бу ёлғон дунёга, эвоҳ,
Лоқайдлар, беғамлар, танбаллар керак?

Кулсанг, кимдан, нега куляпсан, дерлар,
Йиғласанг, норози бўляпсан, дерлар,
Ҳеч кимга кўрсатмай ёзавер шеърлар,
Бу ёлғон дунёга ёлғонлар керак.

Эгилган эгилиб мақсадга етар,
Серсалом албатта мансабга етар,
Манманлар бир умр асабга етар,
Бу ларзон дунёга манманлар керак.

Шаффоф – кўзойнагинг, дунё шаффофмас,
Ҳаёт кўкдан тушган қутлуғ китобмас,
Нафснинг ортидан қувлайди нафас,
Бу ўрмон дунёга сиртлонлар керак.

Шоирим, қаламинг қийнайсан бунча,
Шоирлик – ёнишми ўла-ўлгунча?..
Кўзларингни юмгин сен ҳам бугунча,
Бу сарсон дунёга сарсонлар керак...

✍ Носиржон Тошматов.

Муҳаммад Юсуф издошларига қўшилинг👇
@Muhammadyusufizdoshlari👈 канали
@Muhammadyusufizdoshlariguruhi👈 гуруҳи


* * *

Kulsang, gunoh, derlar, yigʻlasang, gunoh,
Begunoh yashamoq mumkinmi, falak?
Nahotki, bu yolgʻon dunyoga, evoh,
Loqaydlar, begʻamlar, tanballar kerak?

Kulsang, kimdan, nega kulyapsan, derlar,
Yigʻlasang, norozi boʻlyapsan, derlar,
Hech kimga koʻrsatmay yozaver sheʼrlar,
Bu yolgʻon dunyoga yolgʻonlar kerak.

Egilgan egilib maqsadga yetar,
Sersalom albatta mansabga yetar,
Manmanlar bir umr asabga yetar,
Bu larzon dunyoga manmanlar kerak.

Shaffof – koʻzoynaging, dunyo shaffofmas,
Hayot koʻkdan tushgan qutlugʻ kitobmas,
Nafsning ortidan quvlaydi nafas,
Bu oʻrmon dunyoga sirtlonlar kerak.

Shoirim, qalaming qiynaysan buncha,
Shoirlik – yonishmi oʻla-oʻlguncha?..
Koʻzlaringni yumgin sen ham buguncha,
Bu sarson dunyoga sarsonlar kerak...

✍ Nosirjon Toshmatov.

Muhammad Yusuf izdoshlariga qoʻshiling👇
@Muhammadyusufizdoshlari👈 kanali
@Muhammadyusufizdoshlariguruhi👈 guruhi

/channel/Muhammadyusufizdoshlari

Muhammad Yusuf izdoshlari

05 мая 2023 18:12

АНАМА ХАТ

Мен сізді ойлаймын ақшам, таңертең,
Ана, сағынсам да бара алмаймын.
Түндері жап-жарық бұл қала әсем,
Еш кімге көңілімді жара алмаймын.

Сіз айтқандай бәрін мен жақсы көрдім,
Бәріне де сендім, міне есесі:
Досымның үйінде ғышқымның көрі,
Өшпенділік күн боп өртейді төсім.

Жұлдыздарға болдым мен сиқы-мазақ,
Басымнан не өтті, көкке де мәлім.
Мен- көкшіл жайлауда алыс, кең байтақ,
Үйірінен ажырап қалған құлынмын.

Міне, кетіп барам тас жолда көзім,
Адымым көліктер жорғасына сай.
Жыласам жұбатып өзімді өзім,
Пысқырып қоямын тұра тентек тай.

Ия, сізді ойлаймын ақшам, таңертең,
Ана, сағынсам да, бара алмаймын.
Түндері жап-жарық бұл қала әсем,
Еш кімге көңілімді жара алмаймын.

Махаббат ?! Көңілге көрік болған ба?
Өкінбе, қоя бер, етпеген нәсіп.
Мен үшін әрқашан, аман бол, Ана,
"Сағынған ұлың" деп


АНА

Ана
Сен бақыттысың,
Жыламағың!
Жай түсіп жатқанда да құламадың.
Тәңіріңнен мен едім ғой сұрағаның,
Сондықтан жыламағың, жыламағың!

Бармын ғой,
Тірімін ғой,
Қасындамын.
Өлмеймін, мен өзіңдей асылданмын.
Таусылып, өз-өзіңнен шашылмағың,
Байырғы берекеңді қашырмағың.

Мен сенің қанықпын ғой көз жасыңа
Өзім кепіл тот басып, тозбасыма.
Екі жыр жазсам саған бірін арнап
«Ана» деп жаздым ылғи сөз басына.

Тәңірім кеше көрсін кесірімді
Аспанға жазсам сенің есіміңді.
Ана,
Сен бақыттысың, тербете бер
Құба талдан иілген бесігімді


ЕРКЕ КИIK

Ерке киік, болама, бір еркелесем,
Мәжнүн болып Сахараға жетелесем.
Бұл дүниеде бірдей кәріп, мен де, сен де,
Ерке киік, болама бір еркелесем...

Сенің көзің қара, менің көзім қара,
Сенің бауырың жара, менің бауырым жара,
Бұл дүниеде сен бейшара, мен бейшара!..
Ерке киік, болама, бір еркелесем...

Самал емес ізің қуып жүрген ол -оқ
Саят* менің күркемді де аяған жоқ.
Сенің жаның, менің жаным аманат боп,
Ерке киік, болама, бір еркелесем...

Кел, жылаймыз, ортақтасып, жантақтарға,
Шөл далада құрымаған бұлақтарға.
Екеуміз де жаралғанбыз азаптарға,
Ерке киік, болама, бір еркелесем.

Өміріміздің барлық жолы, соқпағы шоқ,
Шоқтан қорықпа, жауыз қойған тұзақтан қорық.
Бұл дүниеде саған дос жоқ, маған дос жоқ,
Ерке киік, болама, бір еркелесем.

Шаш ағарды, сырлас күтіп көзім талды,
Жүрегімнен төгілмей не сөзім қалды.
Жол соңында, еш болмаса, өлім алды,
Ерке киік, болама, бір еркелесем.

✍ Муҳаммад Юсуф.
Өзбек тілінен қазақ тіліне Рабия Қамшыбек қызының аудармасы

* Саят-аңшы

Муҳаммад Юсуф издошларига қўшилинг👇
@Muhammadyusufizdoshlari👈 канали.
@Muhammadyusufizdoshlariguruhi👈 гуруҳи

/channel/Muhammadyusufizdoshlari

Muhammad Yusuf izdoshlari

26 апреля 2023 01:48

Кузатувчиларнинг эътирофича, Марҳаматда Устоз шеърлари айтилмаган бирор-бир кун йўқ. Ўқувчилар энг кўп ёд олаётган шеърлар ҳам Устозникидир. Илоҳий қудратни кўрингки, мана бир ойдан бери Устоз қабридан, уй музейидан зиёратчиларнинг сиз каби азиз инсонларнинг оёғи узилмаяпти. Мамлакатимизнинг турли бурчакларидан, қўшни давлатлардан ташриф буюрган бу инсонларни ҳеч ким мажбурлаб олиб келаётгани йўқ. Улар Ватан ва халқига муҳаббатини мухлисларига юқтира олган Устозларига миннатдорлик ҳиссини ифодалаш учун келаётганлари рост.

Қуйида лавҳлар билан танишиб борасиз:


Kuzatuvchilarning eʼtiroficha, Marhamatda Ustoz sheʼrlari aytilmagan biror-bir kun yoʻq. Oʻquvchilar eng koʻp yod olayotgan sheʼrlar ham Ustoznikidir. Ilohiy qudratni koʻringki, mana bir oydan beri Ustoz qabridan, uy muzeyidan ziyoratchilarning siz kabi aziz insonlarning oyogʻi uzilmayapti. Mamlakatimizning turli burchaklaridan, qoʻshni davlatlardan tashrif buyurgan bu insonlarni hech kim majburlab olib kelayotgani yoʻq. Ular Vatan va xalqiga muhabbatini muxlislariga yuqtira olgan Ustozlariga minnatdorlik hissini ifodalash uchun kelayotganlari rost.
Quyida lavhlar bilan tanishib borasiz:

Muhammad Yusuf izdoshlariga qo‘shiling👇
@Muhammadyusufizdoshlari👈kanalimiz.
@Muhammadyusufizdoshlariguruhi👈 guruhimiz.

/channel/Muhammadyusufizdoshlari

Muhammad Yusuf izdoshlari

26 апреля 2023 01:29

JAVOB

Koʻp kitob oʻqidim yoshlik kezimda,
Gohi Gʻarb, gohi Sharq hushimni oldi.
Atay yodlamadim, lekin esimda –
Muhammad akaning sheʼrlari qoldi.

Oʻzbekdek samimiy, oʻzidek toza,
Beshik bolasining koʻzidek toza,
Oʻspirin oshiqning soʻzidek toza
Muhammad akaning sheʼrlari qoldi.

Muhammad Yusufdan kuylar irmoqlar,
Togʻni tilimlagan kiyiksoʻqmoqlar,
Oq choʻgirma kiygan momqaymoqlar...
Muhammad akaning sheʼrlari qoldi.

Kim bor tagʻin ona xalqqa qayishgan,
Qaygʻusidan choʻkkan, baxtidan joʻshgan.
Kuychi shoir edi koʻklardan tushgan,
Muhammad akaning sheʼrlari qoldi.

Uzr, ey shoirman, zoʻrman deganlar,
Nomaʼqul buzoqning goʻshtin yeganlar,
Soʻzga noʻnoqlaru gapga chechanlar,
Muhammad akaning sheʼrlari qoldi.

Aylanib bagʻri keng Oʻzbekistonni
Sekin gapga soling moʻmin dehqonni,
Shoir desa, eslar Mahammadjonni,
Muhammad akaning sheʼrlari qoldi.

Sofdil inson edi shoir boʻlib ham,
Quladi paymona lim-lim toʻlib gʻam.
Endi qutilmasmi sizdan oʻlib ham,
Muhammad akaning sheʼrlari qoldi.

Mujmal satringizni kim yod oladi?
Eshitsa chumchuqlar ham dod soladi,
Qolsa, sizdan faqat isnod qoladi,
Muhammad akaning sheʼrlari qoldi.


MUHAMMAD YUSUF

Yomonga oʻlim yoʻq, yaxshiga kun yoʻq,
Tomiringga qoʻshib olishar uzib.
Bobur yoʻq, Choʻlpon yoʻq, Majnun yoʻq,
Muhammad Yusuf yoʻq, Muhammad Yusuf.

Bir qiz yigʻlab borar, soddagina qiz,
Yigʻlar kitob bilan yuzini toʻsib.
Balki sevgilingiz, balki singlingiz,
Muhammad Yusuf yoʻq, Muhammad Yusuf.

Uydan mozorgacha yuz odimcha yoʻl,
Aylanib kelamiz yurtlarni kezib.
Kimga koʻngil berib, kimga esa qoʻl...
Muhammad Yusuf yoʻq, Muhammad Yusuf.

Tirikka mehr yoʻq, marhumga qahr,
Nima topding, aka, tuproqqa tushib?
Uzala tushgancha boʻzlaydi qabr,
Muhammad Yusuf yoʻq, Muhammad Yusuf.

Qizgʻaldoq bosh egib turar bagʻri qon,
Shoir yuragidan chiqqanmi oʻsib?
“Nega yigʻlamaysan, ahli Turkiston?”
Muhammad Yusuf yoʻq, Muhammad Yusuf.


AKALARIMGA

Uch bora aylandi ajal qamchisi,
Uchta yulduzimni falakdan uzib,
Bugun jigarimda uchta tigʻ izi,
Shavkat Rahmon, Oxun, Muhammad Yusuf.

Birovi shamshirday toʻgʻri zot edi,
Biri erkatoyi sheʼriyat bogʻin.
Birisiga mayda gaplar yot edi,
Shavkat Rahmon, Muhammad Yusuf, Oxun.

Nazar yomon ekan, suq yomon ekan,
Bir ariqdan suv ichib, birga oʻsib,
Koʻp ekan-da joningga koʻzin tikkan...
Shavkat Rahmon, Oxun, Muhammad Yusuf.

Ortiqcha harorat gulni soʻldirar,
Ortiqcha suv buzar daryo qirgʻogʻin.
El sevgisi asta-sekin oʻldirar,
Shavkat Rahmon, Muhammad Yusuf, Oxun.

Qulogʻimda har birining soʻzi, ohangi,
Tobora bu olam qor kabi toʻzib,
Narigi dunyoga bosar posangi,
Shavkat Rahmon, Oxun, Muhammad Yusuf.

✍ Iqbol MIRZO

Muhammad Yusuf izdoshlariga qo‘shiling👇
@Muhammadyusufizdoshlari👈 kanali.
@Muhammadyusufizdoshlariguruhi👈 guruhi

/channel/Muhammadyusufizdoshlari

Muhammad Yusuf izdoshlari

26 апреля 2023 01:23

26 апрель - Улуғ шоир, азиз устозим, халқимизнинг суюмли фарзанди Муҳаммад Юсуфнинг таваллуд куни!
Таваллуд кунни нишонлаймиз, ёдларини хотирлаймиз!
Руҳлари шод бўлсин🙏

ВИДО АЙТИМИ

Устозим Муҳаммад Юсуф хотирасига

Дарёлардек оқиб ўтган оғам қани,
Худойимга ёқиб кетган оғам қани,
Эски уйдай чўкиб қолди елкаларим,
Бошларимни эгиб кетди бу ғам мани.

Қабрингиздан чиқинг, бир бор кўрай оға,
Не бўлди деб ўзингиздан сўрай, оға,
Сиз йўқсизку, наво тинган, бу дунёда,
Қандоқ қилиб шоирман деб юрай оға?

Ялпизларга айланмоққа шошдингизми?
Биздан кўра ер олдими тафтингизни?
Қишлоғингиз ялпизларин кўрпа қилиб,
Тупроғига юзларингиз босдингиз?

Кўзингизда кўрганларим мунг эканми?
Шундоқ оғам тупроқларга тенг эканми?
Худойимнинг кенг дунёси тор келди-я?
Қайиқчадек қабри шунча кенг эканми?

Руҳингиз бор бул чаманнинг гулларида,
Яшагайсиз қизғалдоқнинг дилларида.
Қадамимда кўзларингиз қараб турар,
Қандоқ юрай Андижоннинг йўлларида?

Юрагимни ярим қилди бу ғам ахир,
Ғамга дўниб қолди бунда ҳар дам ахир,
Хаслар тирик, гиёҳчалар, тошлар тирик,
Нега ўлар маним шоир оғам ахир?

Ўлди дерлар! Кўзимда нам: Розимасман!
Кўксимда ўт, бағримда ғам: Розимасман!
Худойимга айтдим: ахир бу не ҳукм,
Сизни кўмган тупроқданам розимасман!

Сиз тинч ётинг, бирга-бирга гул кечармиз,
Кавсар гулин гулобидан ичишармиз,
Майса бўлиб, ёмғир бўлиб оға-сингил,
Қиёматда ҳали шеърлар ўқишармиз.

Эски уйдай чўкиб қолди елкаларим,
Бошларимни эгиб кетди бу ғам мани.

✍ Гулжамол АСҚАРОВА.

Муҳаммад Юсуф издошлари телеграм канали ва гуруҳи👇
@Muhammadyusufizdoshlari👈 канали.
@Muhammadyusufizdoshlariguruhi👈 гуруҳи


26 aprel - Ulugʻ shoir, aziz ustozim, xalqimizning suyumli farzandi Muhammad Yusufning tavallud kuni!
Tavallud kunni nishonlaymiz, yodlarini xotirlaymiz!
Ruhlari shod boʻlsin🙏

VIDO AYTIMI

Ustozim Muhammad Yusuf xotirasiga

Daryolardek oqib oʻtgan ogʻam qani,
Xudoyimga yoqib ketgan ogʻam qani,
Eski uyday choʻkib qoldi yelkalarim,
Boshlarimni egib ketdi bu gʻam mani.

Qabringizdan chiqing, bir bor koʻray ogʻa,
Ne boʻldi deb oʻzingizdan soʻray, ogʻa,
Siz yoʻqsizku, navo tingan, bu dunyoda,
Qandoq qilib shoirman deb yuray ogʻa?

Yalpizlarga aylanmoqqa shoshdingizmi?
Bizdan koʻra yer oldimi taftingizni?
Qishlogʻingiz yalpizlarin koʻrpa qilib,
Tuprogʻiga yuzlaringiz bosdingiz?

Koʻzingizda koʻrganlarim mung ekanmi?
Shundoq ogʻam tuproqlarga teng ekanmi?
Xudoyimning keng dunyosi tor keldi-ya?
Qayiqchadek qabri shuncha keng ekanmi?

Ruhingiz bor bul chamanning gullarida,
Yashagaysiz qizgʻaldoqning dillarida.
Qadamimda koʻzlaringiz qarab turar,
Qandoq yuray Andijonning yoʻllarida?

Yuragimni yarim qildi bu gʻam axir,
Gʻamga doʻnib qoldi bunda har dam axir,
Xaslar tirik, giyohchalar, toshlar tirik,
Nega oʻlar manim shoir ogʻam axir?

Oʻldi derlar! Koʻzimda nam: Rozimasman!
Koʻksimda oʻt, bagʻrimda gʻam: Rozimasman!
Xudoyimga aytdim: axir bu ne hukm,
Sizni koʻmgan tuproqdanam rozimasman!

Siz tinch yoting, birga-birga gul kecharmiz,
Kavsar gulin gulobidan ichisharmiz,
Maysa boʻlib, yomgʻir boʻlib ogʻa-singil,
Qiyomatda hali sheʼrlar oʻqisharmiz.

Eski uyday choʻkib qoldi yelkalarim,
Boshlarimni egib ketdi bu gʻam mani.

✍ Guljamol ASQAROVA.

Muhammad Yusuf izdoshlari telegram kanali va guruhi👇
@Muhammadyusufizdoshlari👈 kanali.
@Muhammadyusufizdoshlariguruhi👈 guruhi

/channel/Muhammadyusufizdoshlari

Muhammad Yusuf izdoshlari

26 апреля 2023 01:17

/channel/Muhammadyusufizdoshlari/485

Muhammad Yusuf izdoshlari

26 апреля 2023 01:07

Бугун 26 апрель Ўзбекистон халқ шоири Муҳаммад ЮСУФ таваллуд топган кун.

Муҳаммад ЮСУФ ҳаёти ва ижоди

Муҳаммад ЮСУФ (тахаллуси; асл исм-шарифи Юсупов Муҳаммаджон) (26.04.1954 Марҳамат тумани — 31.07.2001, Элликқалъа тумани) — Ўзбекистон халқ шоири (1998), жамоат арбоби. 2-чақириқ Олий Мажлис депутати. Ўзбекистон халқ шоири (1998).

Ҳаёти ва ижоди

Муҳаммад ЮСУФ Рус тили ва адабиёти институтининг рус тили ва адабиёти факультетини тугатган (1978). Республика китобсеварлар жамияти (1978—80), «Тошкент оқшоми» газетаси (1980—86), Ғофур Ғулом номидаги Адабиёт ва санъат нашриёти (1986—95)да турли лавозимларда ишлаган. 1995—97 йиллар «Тафаккур» журналида бўлим мудири, 1997—2001 йилларда Ўзбекистон Ёзувчилар уюшмасида раис ўринбосари. II чақириқ Ўзбекистон Республикаси Олий Мажлиси депутати.

Муҳаммад ЮСУФнинг дастлабки шеърлари

Муҳаммад ЮСУФнинг дастлабки шеърлари «Ўзбекистон адабиёти ва санъати» ҳафталигида босилган (1976). Шундан бошлаб республика матбуотида унинг шеър, очерк ва мақолалари мунтазам равишда чоп этила бошлаган. Илк шеърлар китоби — «Таниш тераклар» (1985). «Булбулга бир гапим бор» (1987), «Илтижо» (1988), «Уйқудаги қиз», «Ҳалима энам аллалари» (1989), «Ишқ кемаси» (1990), «Кўнглимда бир ёр» (1991), «Бевафо кўп экан», «Ёлғончи ёр» (1993), «Эрка кийик» (1995) ва «Осмонимга олиб кетаман» (1998) шеърий китоблари нашр этилган. Мазкур китобларга кирган шеърларда Муҳаммад ЮСУФ мансуб бўлган авлоднинг энг олийжаноб ва юксак инсоний фазилатлари билан бирга ёшлик сурури, ишқ ва муҳаббатнинг нафис наволари, ўзбекона, содда, айни пайтда эзгу, бокира ва бетакрор туйғу ҳамда кечинмалари ўзининг ёрқин ифодасини топган. Сўзнинг бадиий имкониятларидан маҳорат билан фойдаланиш, мусиқий равонлик, туйғулар тиниқлиги, самимийлик ва майинлик, руҳият манзараларини лўнда ва яққол ифодалай билиш Муҳаммад ЮСУФ шеърий услубининг етакчи хусусиятларидир. Унинг қаламига мансуб аксарият шеърлар таниқли хонандалар томонидан ижро этилмоқда. Муҳаммад ЮСУФ ижоди айни гуллаб-яшнаган пайтда, Элликқалъа туманида шеърият мухлислари билан учрашиш мақсадидаги ижодий сафарида 47 ёшида вафот этган. Андижонда дафн этилган.

Ўзбекистонимизнинг бир неча кўчалари, шунингдек, Андижон шаҳридаги ижод мактаби, болалар кутубхонаси ва Марҳамат туманидаги санъат мактаби Муҳаммад ЮСУФнинг номи билан аталади.

✍ Муқимжон Нурбоев.

Муҳаммад Юсуф издошлари телеграм канали ва гуруҳи👇
@Muhammadyusufizdoshlari👈 канали.
@Muhammadyusufizdoshlariguruhi👈 гуруҳи

/channel/Muhammadyusufizdoshlari

Muhammad Yusuf izdoshlari

25 апреля 2023 16:06

Таклифнома

26 апрель куни соат 10:00 да Адиблар хиёбонида Ўзбекистон халқ шоири Муҳаммад Юсуф таваллудининг 69 йиллиги муносабати билан “Улуғимсан, Ватаним” деб номланган адабий-бадиий кеча бўлиб ўтади.
Барчангизни ушбу тадбирга таклиф этамиз.

Манзил: Адиблар хиёбони, Муҳаммад Юсуф ҳайкали пойида

Ўзбекистон Ёзувчилар уюшмаси Ахборот хизмати