Электромобил эгаларига хушхабар:
Эндиликда электромобилни хонадонда қувватлашни рағбатлантирадиган тунги тариф жорий қилинади. Қувватлаш ускунасига ҳисоблагич ўрнатган аҳолига тунги вақтда қувватлаганлик учун арзон тариф қўлланади.
Шунингдек, кўчалар, кўп қаватли уйлар атрофида 22 киловаттгача, хонадонда 7 киловаттгача зарядлаш станцияси ўрнатиш мумкин бўлади. Давлат ташкилотлари, савдо маркази, меҳмонхона ва дам олиш масканлари автотураргоҳида қувватлаш станцияси ўрнатилади.
@mufasa_mh
Транспорт вазирлиги ҳузуридаги «Транспорт илмий-тадқиқот маркази» томнидан 429,8 млн сўмга бир дона электромобил харид қилиняптт. Менимча, илмий тадқиқот учун зарурат туғилгандир 😁.
Вазирликка қарашли яна бир корхона — «Умумий фойдаланишдаги автомобиль йўлларини қуриш ва реконструкция қилиш дирекцияси» ДУК эса 594,4 млн сўмга икки дона «BYD Chazor» электромобилларни сотиб оляпти. Даже асфальтчилар ҳам узавтони машиналаридан воз кечишмоқда, шекилли.
@mufasa_mh
Зерикиб ўтириб, уй бозорида нима гаплар экан деб бирпас olx’ни қараб чиқдим. Нурафшон шаҳрида (Тош.обл) «Салом Нурафшон» турар-жой комплексида хонадонлар сотилаётган экан.
Нархлар ҳам ўртача, фойдаланишга топшириш муддати 2025 йил сентябрь ойи дейилган. «Ооо зўр-ку» деб туриб, ишқилиб «машка»ларни навбатдаги тузоғи эмасмикан деган ҳаёл келиб қолди ва текшириб кўришни лозим топдим.
«Салом Нурафшон» турар-жой комплекси «SALOM NURAFSHON ART CITY» МЧЖ томонидан қурилаётган экан. МЧЖ ташкил этилган вақтида устав капитали бор-йўғи 12 млн сўмни ташкил этган, ҳозирда 1 млрд сўмга яқинлашиб қолган. Устав фонди хонадон сотиб олувчиларни ҳисобига ошаётган бўлиши мумкин. Чунки новастройкаларда, одатда, хонадон сотиб олувчилар улушдор сифатида расмийлаштирилади. Яъни, ўзларини ухлатаётган компанияга ўзлари шерикка айланади.
Хуллас, «SALOM NURAFSHON ART CITY» МЧЖ ўтган йили август ойида Нурафшон шаҳри «Нурафшон бизнес сити» ҳудудидан 16 қаватли уй-жойларни қуриш учун ер майдонларни муддатли тўлов асосида сотиб олган.
«SALOM NURAFSHON ART CITY» МЧЖ — қурилиш ташкилотлари рейтингида 1-қуйи даражани эгаллаган. Қизиқ, қуйи даражадаги қурилиш ташкилотига ким ва қайси калла билан 16 этажка домларни қуришга рухсат берган? Ҳар ҳолда келажакда бу ерда одамлар яшайди.
Мана шу саволлар билан ҳокимият тизимидаги «ишончли манба»га юзландим. Унинг маълум қилишича, юқорида кўрсатилган кўп қаватли турар жой биносини лойиҳаси ҳали ишлаб чиқилмаган, лойиҳа ҳужжатлари экспертизадан ўтказилмаган. Ҳудудий ГАСН ҳам қурилиш ишларини бошлаш учун рухсатнома бермаган экан.
Ие, унда булар қандай қилиб қурилиш қиляпти деб, ўша ердаги маҳаллий аҳолидан суриштирдим. Ер майдони олинганига 9 ой вақт ўтган бўлишига қарамай, қурувчи томонидан қурилиш объектида ишлар бошланмаган, ҳаттоки котлаван ҳам қазилмаган. Лекин «очиқ ҳавода» муаллақ турган квартираларни кўпи уже сотилиб бўлганмиш.
Бу худди ўтган йили «Aziya Invest Favorit» МЧЖ билан содир бўлган кейсга ўхшаяпти. Яъни, 14 марта мошенничества билан судланган — профессионал мошенник одамларни арзон уйга қизиқтириб, қуп-қуруқ ерни кўрсатиб шу ерга сизларга дом қуриб бераман деб ухлатиб юборган эди.
Нега шундай ҳолатларни олдини олиш учун ўз вақтида чоралар кўрилмайди? Машкалар қуруқ ерни бўлиб тўлашга олиб, босиб реклама қилишади. Содда одамлар югуриб бориб пул тўлайди ва охир-оқибат чув тушиб қолишади.
@mufasa_mh
Ўзбекистон маҳаллалари уюшмаси юртимиз мустақиллигининг 33 йиллиги муносабати билан 33 та лойиҳа танловини эълон қилибди. Жуда яхши ташаббус.
☝️ Танловга шу йилнинг 15 июнь кунидан старт берилади. Ғолиблар уюшманинг қимматбаҳо совғалари билан тақдирланади.
Қадрли ватандошлар, ушбу танловларда сиз ҳам фаол иштирок этинг.
#Маҳалла_халқнинг_дарди_овози_дегани
Одилжон Тожиев
Навоий вилояти Спорт бошқармасига қарашли спорт мактаби турли хил товарлар хариди бўйича эълон қилган 3 та танловнинг барчасида ўзаро аффилланган шахсга тегилши икки тадбиркорлик субъекти иштирок этиб, улардан бири – «POLARIS INTER TECH» МЧЖ танлаш ғолиби деб топилаверган.
Унинг шериги «YASRIB 571» МЧЖ эса заҳира ғолиби бўлаверган.
Бу икки корхонани айни бир шахс – Давлатов Ғанишер Ғиязович боғлаб туриши маълум бўлган. Яъни, бу шахс иккала МЧЖда ҳам таъсисчи экан.
«POLARIS INTER TECH» МЧЖ 3 та лот бўйича ғолибликни қўлга киритиш орқали бир миллиард сўмдан зиёд давлат харидлари бўйича шартномалар тузилишига эришиши мумкинлиги айтилмоқда.
@mufasa_mh
Яхши янгилик: Қашғардан Андижонгача 450 километрлик темир йўл қурилади
Бугун Пекинда «Хитой – Қирғизистон – Ўзбекистон»темир йўли қурилиши бўйича стратегик лойиҳани амалга ошириш бўйича битим имзоланди.
Ўзбекистон учун муҳим бўлган ушбу битимни имзолаш маросими иштирокчиларига Давлат раҳбари Туркиядан туриб мурожаат йўллади.
Мазкур темир йўл Хитойни минтақамиз билан боғловчи энг қисқа қуруқлик йўлига айланиб, Трансафғон йўлаги орқали Жанубий Осиё ва Яқин Шарқ давлатларининг кенг бозорларига чиқиш имконини бераркан.
«Хитой – Қирғизистон – Ўзбекистон» темир йўли Қашғар – Торугарт – Макмал – Жалолобод – Андижон маршрути бўйлаб ўтади.
@mufasa_mh
🎥 Экология, атроф-муҳитни муҳофаза қилиш ва иқлим ўзгариши вазирлиги Бутунжаҳон атроф-муҳит кунига бағишланган «Табиатни асранг» видеоролигини тақдим этади.
Клип эковазир Азиз Абдуҳакимов ташаббуси билан суратга олинган бўлиб, инсониятнинг табиатга бепарво муносабати қандай даҳшатли оқибатларга олиб келишини кўрсатади ва келажак авлодни атроф-муҳитни асраб-авайлаш ҳақида ўйлашга ундайди.
Клипнинг таъсирчан қўшиғи «X-factor» ўзбек телешоусининг ўтган йилги мавсум иқтидорли иштирокчилари томонидан ижро этилган.
@mufasa_mh
Мазкур ҳолат юзасидан «Бизнесни ривожлантириш банки» АТБ Ахборот хизмати ўз муносабатини билдирибди.
Муносабатга кўра, постда келтирилган айрим маълумотлар нотўғри, асоссиз ва ҳақиқатга тўғри келмас экан. Хусусан, банкнинг ахборот хизмати танлов натижалари бўйича баённома ва унга тегишли ҳужжатлар порталга жойлаштирилган демоқда. Мана, танлов натижаси бўйича баённома йўқлигини ҳозир ҳам кўриш мумкин.
Агар фақат ўзлари кўриш мумкин бўлган жойга яшириб қўйишган бўлишса, унда қаердан топишни айтишсин. Шу ўринда, банк билан боғлиқ ушбу пост эълон қилинишидан аввал банкнинг матубот котиби билан боғланиб, ундан баённома нусҳасини сўраганимни айтиб ўтиб кетишим лозим. Афсуски, банк томонидан ушбу маълумот тақдим этилмади. Бир суткадан ошиқ вақт кутилди.
Бундан ташқари, банк ахборот хизмати томонидан танлов ўтказилган санада Маҳмудов Улуғбек Давронович «Қимматли қоғозлар марказий депозитарийси» АЖ Кузатув кенгаши аъзоси бўлмаган дейиляпти. Бироқ, ҳозирги вақтда ҳам ушбу АЖнинг расмий сайтида У.Маҳмудовни Кузатув Кенгаши таркибида эканлигини кўриш мумкин. Бу семичкачи ёки питакдаги киракашни гапи эмас, расмий сайтдан олинган маълумот. Шу билан биргаликда, постда У.Маҳмудов танлов ўтказилиши жараёнида Марказий банкнинг марказий аппаратида, яъни аввалги иш жойида фаолият олиб бораётгани иддао қилинмаган.
Шунингдек, банкнинг ахборот хизмати У.Маҳмудовни Марказий банкнинг «Давлат белгиси» давлат унитар корхонасида масъул лавозимда ишлашини асоссиз хабар деб ишонч билан айтмоқда. Бу «асоссиз хабар»ни муаллифга шахсан Марказий банкнинг Ахборот хизматини раҳбари Акмал Назаровни ўзи маълум қилгач каналда чоп этилган. Осмондан олинмаган, икки юз грамм ичгандан кейин илхом келиб ижод қилиб юборилмаган.
Юқоридагилардан хулоса қиладиган бўлсак, барча маълумотлар расмий манба ва шахслардан олинган бўлишига қарамай, банкнинг ахборот хизмати постда келтирилган маълумотларни нотўғри ва асоссиз дея баҳолаган.
@mufasa_mh канали ахборот хизмати раҳбарлари ва матбуот котиблари билан ҳамкорликка тайёрлигини билдириб, улардан жамоатчиликни чалғитувчи, нохолис ахборотлар тарқатмасликни сўрайди.
@mufasa_mh
«Ўзметкомбинат» АЖ республика ҳудудида комбинатнинг рангли металл ломи ва чиқиндиларини тайёрлаш ва экспорт қилиш ҳуқуқи бекор қилиниши (2025 йил 1 январдан бошлаб) юзасидан ўз позициясини билдириб, баёнот берибди.
Баёнотнинг «кайфияти»га қараганда, комбинат очиқ бозорга, эксклюзив ҳуқуқлари бекор қилинишига, ва энг асосийси, рақобатга тайёр.
Менимча, салкам бир асрдан буён қора металл бозорида етакчиликни, анчадан бери эса монопол оператор мавқеини сақлаб келаётган комбинат учун «янги тартиб»ни қарши олиш бироз қийин кечиши мумкин.
@mufasa_mh
#Ёшлар_ойлиги
Парламент билимдонларни беллашувга чорлайди
Ёшлар комиссияси ва Парламент ахборот маркази ташаббуси билан сиёсий жараёнларга бефарқ бўлмаган ёшлар учун “Парламент билимдони” танлови эълон қилинди.
Танлов уч босқичда ўтказилади. Биринчи ва иккинчи босқич тест шаклида @Parlament_bilimdoni_bot махсус боти орқали саволларга жавоб бериш ва учинчи босқич оғзаки савол-жавоб шаклида ташкил этилади.
Давлат бошқаруви ва парамент ҳаётига қизиқувчи барча ёшларимизни танловда иштирок этишга чақираман. Ғолибларни эсдалик совғалари кутмоқда!
P.S. Танлов низоми билан бу ерда танишишингиз мумкин.
Одилжон Тожиев
Кеча Давлат раҳбари Жаҳон савдо ташкилотига аъзолик йўлида муҳим фармонни имзолаган.
Фармонга кўра, қонунчилик билан тақдим этилган қуйидаги махсус (эксклюзив) ҳуқуқлар бекор қилинди:
а) 2025 йил 1 январдан бошлаб:
«Ўзметкомбинат» АЖнинг республика ҳудудида қора металл ломи ва чиқиндиларини тайёрлаш (харид қилиш) ҳуқуқи;
«Ўзиккиламчиранглиметалл» АЖнинг республика ҳудудида рангли металл ломи ва чиқиндиларини тайёрлаш ва экспорт қилиш ҳуқуқи;
«Ўзтрейд» АЖнинг консигнация шартларида озиқ-овқат уни ва буғдойни, шунингдек, кичик бизнес ва хусусий тадбиркорлик субъектлари, деҳқон ва фермер хўжаликлари маҳсулотларини банк кафолатлари ёки сиёсий ва тижорат хавфларидан экспорт шартномаларини суғурталаш полисларини тақдим этмасдан экспорт қилинадиган маҳсулотларни савдо уйлари манзилларига тушириш ҳуқуқи;
«Ўзкимёимпекс» МЧЖнинг «Ўзкимёсаноат» АЖ ташкилотлари кимёвий маҳсулотлари экспорти ҳамда уларнинг ишлаб чиқариш эҳтиёжлари учун ускуналар, эҳтиёт қисмлар, бутловчи буюмлар, хомашё
ва материаллар импортини амалга оширишдаги ягона агент ҳуқуқи;
б) 2026 йил 1 июлдан бошлаб:
«UzGasTrade» АЖнинг табиий газни ягона экспорт қилувчи ва импорт орқали ташқи манбалардан марказлашган тартибда харид қилиш бўйича ягона оператор сифатидаги ҳуқуқи;
«Ўзэнергосотиш» АЖнинг электр энергиясининг экспорти ва импортини марказлашган тартибда амалга ошириш ҳуқуқи.
@mufasa_mh
Тошкент шаҳри ҳокимининг туризм масалалари бўйича ўринбосари Ф.Давруков лавозимидан озод этилди.
Шунингдек, Бош вазирга туризм бўйича ҳар бир ҳоким ўринбосари ишига баҳо бериш топширилди.
@mufasa_mh
Ваниҳоят соққани орқа-кетига қарамай босаётган бештакам психологлар фаолияти қонун билан тартибга солинади.
Эсингизда бўлса яқинда 2-3 ойлик ўқув курсларни битирган псевдо психологлар эгаллаб олаётгани ҳақида ёзгандим. Қонунчилик палатасидаги икки нафар депутат эса бу мавзуни кўтариб, қонун билан тартибга солиш кераклиги ҳақида бонг уришган эди. Биз узоқ кутдик ваниҳоят бугун биз томондан ҳам қуёш чиқди.
Депутат Шахноза Холмахаматова узоқ ва қизғин тортишувлар, мунозаралар ва муҳокамалардан сўнг психологик ёрдам кўрсатишни тартибга солишга қаратилган “Аҳолига психологик ёрдам кўрсатиш тўғрисида”ги қонун лойиҳаси ишлаб чиқилганини маълум қилди.
Ҳозирча биринчи қадам ташланди. Жараёнлар якунланиб, қонун кучга кирса ўз ишини устаси ва номига муносиб психологлар етишиб чиқади деган катта умид бор.
@mufasa_mh
1 июнь учун энг муносиб видео
Ижтимоий ҳимоя миллий агентлиги директорининг биринчи ўринбосари, болаларни ижтимоий ҳимоя қилиш, ҳуқуқ ва манфаатларини таъминлаш масалалари бўйича масъул Шахноза Мирзиёева “Ота-оналар ва болалар ўртасидаги муносабатлар” мавзусидаги ижтимоий ролик ташаббуси билан чиқди. Ролик қайсидир ота-она учун кўзгу бўлиши ҳам мумкин.
Ота-она ва боланинг травматик муносабатлари жуда катта салбий оқибатларга олиб келади ва боланинг келажакдаги ҳаётига сезиларли таъсир кўрсатиши мумкин. Шу сабабли болалигидан уларга болалик берайлик, эътиборни тўғри йўналтирайлик.
@mufasa_mh
♥️ Bazalt mineral plitalari qanday ishlab chiqarilishi sizga qiziqmi, unda videoni oxirigacha tomosha qiling!
☀️Yozning issiq kunlarida tashqi issiq havo uyingizni isitib yuborishi natijasida sovutish tizimlari tinimsiz ishlaydi. Bu esa elektr tarmog‘i uchun harajatlarni oshiradi. Bazalt mineral plitasi bilan qoplangan uylarda esa tashqi issiqlik ichkariga kirib ketmaydi va ichki harorat tashqariga chiqib ketmaydi.
🌱 «Менинг боғим» лойиҳалари бўйича оммавий овоз бериш жараёнлари бошланди
Фуқаролар 2024 йилнинг 10 – 20 июнь кунлари «Очиқ буджет» ахборот порталида «Менинг боғим» лойиҳалари бўйича ўз таклифларини киритишлари мумкин.
@mufasa_mh
Ўзбекистонда экотизимларни тиклаш ва сақлаш бўйича халқаро ташкилотлар билан ҳамкорлик алоқалари янада мустаҳкамланмоқда
«Ландшафтларни тиклаш ва ҳимоялашни комплекс бошқариш» лойиҳаси Ўзбекистон табиий экотизимларини тиклаш ва барқарор бошқариш, ерлар деградацияси, идоралараро мувофиқлаштириш, биологик хилма-хиллик ва экотизимларни тиклаш ва сақлаш бўйича саъй-ҳаракатларни молиялаштириш билан боғлиқ муаммоларга қарши курашда ёрдам бериши билан аҳамиятлидир.
@mufasa_mh
Депутат билан бир кун лойиҳаси. Бу сафар Олий Мажлис Қонунчилик палатаси депутати Виктор Пак.
@mufasa_mh
Шавкат Мирзиёевни «Туркия Республикаси нишони» билан тақдирлаш маросими бўлиб ўтди. Қардош мамлакатнинг олий давлат мукофотини Ўзбекистон етакчисига Туркия Президенти Режеп Таййип Эрдоған тантанали равишда топширди.
Мазкур олий мукофот Туркия билан дўстона муносабатларни ривожлантиришга катта ҳисса қўшган давлат арбобларига берилади.
@mufasa_mh
Давлат эгасиз эмас, «кўчалари»га ҳам фақат унинг ўзи эгалик қилади
Собиқ иттифоқ парчаланиши арафасида унинг ҳудудларида жиноятчилик, хусусан, давлат мулкини ўғирлаш, талон-тарож қилиш, шантаж орқали доля олиш каби иллатлар авж олди. Бундай ўғрилар оддий ва содда одамлар кўз ўнгида худди «Робин Гуд»дек гавдаланди. Тўй ва маъракаларни тўридан жой олишди. Улар «Робин Гуд»дек ўғирланган ўлжаларни халқ билан бўлишмаса-да, айрим одамлар уларга сиғинишни бошлашди.
Ўзбекистон мустақилликка эришгач давлат мулкларига давлатнинг ўзи эгалик қилишни бошлади. Советдан қолган ўғрилар эса халқнинг мулкини ўмаришга ўтишди. Шундай пайтлар бўлиди-ки, машинасини ўғирлаб, ярим пулига қайтариб берганларни - фалончи ўғри ака машинамни топиб берди дея суюнишди, ундан авторитет ясашди.
Кейин давлат тартибни ўрнатишни бошлаб, кўчани турли ўғрибошлардан тозалади. Аммо айрим юртдошларимизни онгида «қанча кўп ўғирласа, шунча кўп ҳурмат қилиш» синдроми ўрнашиб қолганми, ўғриларга нисбатан симпатияси борми, билмадим. Қамоқдан чиққан ўғрилардан яна авлиё ясаш, дардларини уларга достон қилиш, муаммолари ҳал бўлишида улардан умид қилиш бошланди. Яна одамлар алданди, товламачилик ва фирибгарлик қурбонига айланишди. Давлат яна тартиб ўрнатди, бу сафар анча катта масштабда ўғри ва тўдабошларни батамом йўқ қилишга киришди. Қирқ кунда қирқдан кўп қароқчиларни панжара ортига ташлади. Уларнинг судини ҳам очиқчасига ўтказяпти. Аммо бу суднинг очиқ ўтказилишидан асосий мақсадни тушунмаган айрим ОАВ вакиллари яна улардан қаҳрамон ясашга уриняпти. Менимча, суд очиқ бўлаётгани, ёшларга, улардан ўзларига кумир ясаб олганларга «мана буларга эргашсанг, оқибати шундай якун топади. Криминалитет, бу — авторитет эмас. Давлат бор, қонун бор! Эртами-кечми барибир, давлат сендан сўраб олади» деган ишора бериш, холос.
Кеча судланувчилардан бири «менга кўчани давлат ташкилоти ишониб топширган» деяпти. Узоқ йил ўтириб қамоқдан чиқанида пробация хизмати ёки бошқа тузилма ходимлари «энди ёш бола эмассиз, эски қилиқларни ташлаб, ёшларга, сизни ўзларига кумир деб биладиганларга насиҳат қилинг, уларни ёмон йўлдан қайтаринг. Сизни гапингизни оладиганлари ҳам бор. Шунда сизни ҳам давлатга, ватанга хизматингиз тегади» дейишган бўлишлари мумкин. Аммо бу унга кўчани топишириб қўйилганини, разбор ва самосуд қилишга, жиноий тўда тузишга добро берилганини англатмаган. «Кўча»дагиларга қандайдир эксклюзив ҳуқуқлар берилган деб ўйлашни ўзи нотўғри. Давлат ҳеч қачон ўз позициясини қандайдир гуруҳларга топшириб қўймайди ва ўз функцияларини бажариш бўйича ҳеч бир тўдага топшириқ бермайди.
@mufasa_mh
Фирдавс Абдухаликов Кинематография агентлиги директори вазифасидан бўшаб, Ислом цивилизацияси
маркази директори этиб тайинланди.
Марказни собиқ директори Шаазим
Миноваров эса ҳозирча ишсиз қолди.
@mufasa_mh
Ҳар ёзда қишни эсдан чиқарамиз. Ёз келади-ю, шу билан қиш фасли бошқа ҳеч қачон келмайдигандек тутамиз ўзимизни. Ўзбекистон —Ҳиндистон ёки ҳеч қачон қиш бўлмайдиган бирор тропик давлат эмас. Ҳамма фасли бор юрт. Қиш келиши билан азалий ташвишлар бошланади: свет ўчган, газ босими тушиб кетган, қаердадир эса умуман йўқ. Қарғаниб-қарғаниб, олтин гул қоғоз билан қопланган уйимизда дир-дир титраб ўтирамиз. Уйларимиз қиш ва ёзга мослаб қурилмаган. Термоизолация деган нарса бизга умуман бегона. Боз устига, свет ва газни ҳам нархи ошди. Ёзнинг жазирамасида кондиционери ёқиб жон сақлайдиган бойлар ҳам энди ўйланиб, ҳисоб-китоб қилиб кейин фойдаланишади.
Хўп, свет ва газни нархи кўтарилди, лимит қўйилди. Энди свет ва газни эконом қилган ҳолда уйни қандай қилиб қишда иссиқ, ёзда эса салқин ҳароратда ушлаб туриш мумкин?
Кўпгина давлатларда иморатларни изоляция қилишда табиий базальт тошидан тайёрланадиган қопламадан фойдаланишга ўтган. Инсоният бундай натижага эришгани анча вақт бўлган бўлса-да, бизда яқиндан базальт қопламалари ишлаб чиқарилиши йўлга қўйилибди. «Thermo Plus» корхонасида базальт тошидан ҳаммаёнбоп ва чидамли маҳсулотлари тайёрланмоқда экан. Вот, энди биноларни қуришда мана шу табиий базальт қопламаларидан фойдаланиш керак.
@mufasa_mh
Энг яхши маҳаллаларни аниқлаш бўйича танлов ўтказилади
Ўзбекистон маҳаллалари уюшмаси мустақиллигимизнинг 33 йиллиги муносабати билан 33 та лойиҳа танловини эълон қиляпти.
Танловда ишсизлик, миграция, ажрим ва жиноятчиликдан ҳоли бўлган, энг кўп олим, спортчи, талабаси бор бўлган маҳаллалар, маҳаллани мадҳ этган энг яхши шеър, қўшиқ, ОАВда эълон қилинган материал ва видеороликлар, томорқачилик, туризм, китобхонлик, IT соҳасини ривожлантирган энг намунали маҳаллалар аниқланади.
Танлов ғолиблари Ўзбекистон маҳаллалари уюшмасининг махсус мукофотлари билан тақдирланади.
Танловга 15 июнь кунидан старт берилади.
@mufasa_mh
Тижорат банкининг 600 млн сўмлик танловида Марказий банкнинг масъул ходими ғолиб чиқди
Шу йилнинг март ойида «Бизнесни ривожлантириш банки» АТБ тўлов тизимлари билан ишлаш бўйича юқори малакали ходимни ёллаш бўйича танлов эълон қилган.
Ушбу танловда Маҳмудов Улуғбек Давронович ғолиб деб топилган ва унга ҳар ой учун 50 млн сўм, йилига эса жами 600 млн иш ҳақи белгиланган.
Танлов натижалари энг кам нарх таклифи мезонлари бўйича баҳоланиши лозим бўлган. Шартноманинг максимал қиймати 600 млн сўм этиб белгиланган, бошқа иштирокчилар томонидан берилган нарх таклифларини билиш имкони йўқ. Чунки давлат харидлари электрон тизимига танловнинг баённомаси ва унга тегишли бошқа ҳужжатлар юкланмаган. Бу эса бошқа иштирокчилар қатнашмаган деган тахминни пайдо қилиши мумкин.
Танлов ғолиби ҳақида қисқача: Маҳмудов Улуғбек Давронович — Марказий банкнинг Тўлов тизимлари департаменти директори лавозимида ишлаган ҳамда «Қимматли қоғозлар марказий депозитарийси» АЖ Кузатув кенгаши аъзоси ҳисобланади. Ҳозирги кунда у Марказий банкнинг «Давлат белгиси» давлат унитар корхонасида масъул лавозимда ишлайди.
@mufasa_mh
Ўтган йили туризм салоҳиятини жадал ривожлантириш юзасидан ўтказилган видеоселекторда вилоят ҳокимлари ўзининг ҳудудини хорижда кенг тарғиб қилишга ўрганиши кераклиги кўрсатиб ўтилганди.
Бунинг учун вилоят ҳокимлари туроператорларни жалб этиб, PR маркази филиалларини ташкил қилиниши бўйича топшириқ берилган эди. Аммо орадан бир йилдан кўпорқ вақт ўтди, вилоят ҳокимлари ўзининг ҳудудини кенг тарғиб қилишни ўрганишмади. PR маркази филиалларини ҳам ташкил этганлари йўқ. Топшириқ — топшириқлигича қолиб, вилоят ҳокимларини у қулоғидан кириб, бу қулоғидан чиқиб кетганга ўхшайди. Кеча берилган топшириқлар ҳам эсдан чиқиб кетмайдими, ишқилиб?
@mufasa_mh
Давлат харидларининг махсус ахборот портали(Xarid.UZ)да давлат харидлари тўғрисидаги маълумотлар 20 кундан зиёд вақт мобайнтда янгиланмаяпти. Давлат харидларига оид маълумотлар охирги марта 10 май куни жойлаштирилган. Техник носозлик кузатилаётгани ҳақида бирор белги йўқ. Ҳолатга аниқлик киритиш мақсадида Иқтисодиёт ва молия вазирлигини ахборот хизмати билан боғландим. Аммо «ўрганиб чиқамиз» деган жавобдан бошқа бирорта маълумот олиш имкони бўлмади.
Давлат харидларининг махсус ахборот портали лойиҳаси Еврова тикланиш ва тараққиёт банки билан ҳамкорликда амалга оширилади ва мамлакатдаги барча давлат харидларини ягона порталда мужассамлаштириш мақсад қилинган эди.
Оддийроқ қилиб тушунтиридиган бўлсам, 10 майдан буён вазирлик ва идоралар томонидан тузилаётган шартномалар, давлат харидларини кузатиш имкони бўлмаяпти. Бюджет тақчиллиги кузатилаётган даврда амалдорлар ўзларини комфорти учун қанча пул сарфламоқда, буни билишнинг иложиси йўқ.
Тўғри, аксарият ўзбекистонликлар учун бу мавзу унчалик ҳам қизиқ бўлмаслиги мумкин. Фалончи хофизни отаси ким эканлиги каби приоритет эга эмас. Адлия мулозимини фикрига таянадиган бўлсак, Махсус ахборот порталида акс эттиши лозим бўлган давлат харидлари учун сарфланаётган маблағлар — халқнинг пули эмас).
@mufasa_mh
«Табиатни асранг» таронаси клипи премьерасини ўтказиб юборманг!
Ўтган йили Экология, атроф-муҳитни муҳофаза қилиш ва иқлим ўзгариши вазирлиги ташаббуси билан «Табиатни асранг» қўшиғи яратилганди. Уни «X-factor»шоусининг ўтган мавсум иқтидорли иштирокчилари маҳорат билан ижро этишганди.
Ушбу таронага клип ҳам суратга олинибди. Унда атроф-муҳитни асраб-авайлаш энг долзарб вазифа эканлиги, акс ҳолда бу аянчли оқибатларга олиб келиши мумкинлиги акс этган.
Клип 5 июнь — Бутунжаҳон атроф-муҳитни муҳофаза қилиш кунида FTV телеканалида соат 19:00да ҳамда iTV'да соат 19:15 да премьера қилинади. Клипни, албатта, томоша қилинг.
Табиатни бирга асрайлик, зеро бу ўз тақдиримиз учун қайғуриш демакдир.
@mufasa_mh
Хушхабар, қоракўзлар!
29 май куни Бирлашган Миллатлар Ташкилотининг Нью-Йоркдаги штаб-квартирасида Инсон ҳуқуқлари қўмитасининг 2025-2028 йиллар учун 9 нафар аъзосини сайлаш бўйича сайловлар бўлиб ўтибди.
Сайловда Ўзбекистон билан бирга 16 та давлат вакиллари 9 та ўрин учун кураш олиб борган.
Яширин овоз бериш натижаларига кўра, Ўзбекистондан номзод, Инсон ҳуқуқлари бўйича Миллий марказ директори, академик Акмал Саидов Фуқаролик ва сиёсий ҳуқуқлар тўғрисидаги халқаро пактга аъзо мамлакатлардан энг кўп овоз олибди.
Ўзбекистон вакилининг ИҲҚга сайланиши Марказий Осиё давлатлари орасида биринчи марта БМТнинг ушбу асосий органига аъзо бўлиши экан.
Мен бу дақиқани йигирма саккиз йил, икки ойу 19 кун кутгандим. Севинчдан юрагим ҳапқириб кетяпти 😁 ўзбек халқини азалий орзуларидан бири ушалди. Кейинги марра – сиёсий импотент БМТни бош котиблиги!
@mufasa_mh
Кеча «Ашхобод» парки маъмурияти текинга 20 мингта ўйинчоқ ва музқаймоқ тарқатишмоқчи бўлишган. Аммо ният тўғри бўлгани билан оқибати ёмон бўлган. Тартибсизлик ва тирбандлик вужудга келган. Шу сабабли, «Ашхобод» паркини директори, уни зами ва реклама бўлими бошлиғи 15 суткага кесилибди.
@mufasa_mh
