Еттилик соат еттидан мадҳия тинглаши ва уни ижро этиши ҳақидаги хабар кун мавзусига айланди. Аслида, яхши ташаббус. Негаки, аксарият давлат хизматчиларида ватанпарварлик кайфияти етишмайди, улуғ халқ қудрати жўш урган замон эканлигини билишмайди. Аммо бу ерда фақат вақт масаласига эътироз билдириш мумкин ва лозим. Шундай яхши ташаббус меҳнат қонунчилигини бузиб, дабдаласини чиқариш керак эмас.
Бу масала юзасидан юқори лавозимдаги мулозим билан гаплашдим. У «нафақат маҳалла еттилиги аъзоларига, балки барча давлат хизматчилари иш фаолиятини мадҳия тинглаш ва уни ижро этиш билан бошлашлари бўйича» кўрсатма кетганлиги ва бу тавсиявий характерга эга эканлигини маълум қилди. Ва унда аниқ вақт белгилаб қўйилмаганлигини алоҳида таъкидлади. «Ака, ишни мадҳиядан бошлашни нимаси ёмон. Ахир, мадҳия барча ватандошларимиз учун муқаддас-ку!» дейди, мен билан гаплашган чиновник. Унинг гапларига қўшилмасликни иложиси йўқ, албатта. Ҳа айтканча, вақт масаласидаги эътирозлар инобатга олиниши ва меҳнат қонунчилигига қаътий риоя қилинишига сўз берди.
Қолаверса, еттилик таркибига кирувчи ҳоким ёрдамчиларини пора билан қўлга тушиб қамалганлари, «ичкарида» мадҳияни билмасдан ўғри-авторитетларни олдида шарманда бўляптилар. Чунки рецидивистлар кириб чиқавериб мадҳияни сув қилиб ичиб юборишган-да, шунга булар ҳам ўрганиб қўйяверишгани ўзларига фойда. Албатта, бу ҳазил (лекин ҳақиқат 😄) Вазирлик ва идоралар ҳам ишни мадҳиядан бошлашсин (охирги пайт кўпроқ юқоридагилар қўлга тушяпти). Паламент аъзоларини ҳам ҳар бир куни шундай бошлансин, мадҳия энг камида уйқуни қочиради.
@mufasa_mh
«Аброр Мухтор Алий» 15 суткага кесилди. У ички ишлар органлари ходимларига бўйсунмаслик ва уларга қаршилик кўрсатиш айби билан жавобгарликка тортилган.
@mufasa_mh
Камдан-кам учраб турадиган ҳодиса - икки мамлакат етакчиси биргаликда учинчи мамлакат раҳбарига телефон қилмоқда.
Президентлар Шавкат Мирзиёев ва Александр Лукашенко озарбайжонлик ҳамкасби Илҳом Алиевни Президентлик сайлови муваффақиятли ўтказилгани билан табрикладилар.
@mufasa_mh
Абдурашид Жўрабоевни бўшаб қолган ўрни Шуҳрат Содиқовга туҳфа қилиниши кутилмоқда. Яъни, собиқ АКТ вазири Шуҳрат Содиқов бугундан эътиборан Бош вазир котибияти раҳбари лавозимида иш бошлаши мумкин.
Ҳай, майли…
@mufasa_mh
Шуҳрат Қўшоқбоевични ёрдамчиси Эргашали Абдуқурбонович Олтинкўл туманига и.о. ҳоким этиб тайинланди.
Эргашали Абдужалилов 1985 йили Марҳамат туманида туғилган. 2007 йилда Ўзбекистон Республикаси ИИВ академиясини тамомлаган.
@mufasa_mh
Салихов Шерзод Абдухакимович Чиноз тумани ҳокими этиб тайинланди.
У бунга қадар Тошкент тумани ҳокимининг биринчи ўринбосари бўлиб ишлаган.
@mufasa_mh
Сўнгги вақтларда ўрис пропагандонлари марказий осиёликлар, хусусан, ўзбек ва қозоқларни миллий ғурурига тегиб, ҳар хил энса қотар баёнотлар билан чиқишмоқда.
Шу кунларда Сергей Михеев деган яна бир шовинистни Россияда ишлаётган мигрантларимиз ҳақида ҳақоратомуз гаплари тарқалди. Бу анча аввалроқ (адашмасам ўтган йили) гапирилган, аслида.
Аммо расмий Кремл «оёғи куйган товуқ»қа ўхшаб минтақамизга, жумладан, мамлакатимизга норасмий «тарихчи»-ю, «сиёсатшунослар» орқали ўзларининг чиркин мақсадларини ошкор қилаётгани аниқ бўляпти. Уларни провокация қилишлари учур ўрис элитаси команда бергани ва бош-қош бўлаётгани ҳам аниқ.
Россиянинг ўзида демографик ҳолат ўта фожиали ҳолатда бўлиб турган шароитда мигрантларга қарши бундай фикрлар русларга нисбатан нафрат туйғулари шаклланишига сабаб бўлишини тушунишга Кремлнинг ақли ноқислик қилмоқда.
Шу кундаги хабарларга кўра, Германия, Чехия, Полша сингари Европа мамлакатлари ўзбекистонликлар учун минглаб бўш иш ўрни таклиф этяпти. Билишимча, мигрантлар масаласида Саудия ҳам ҳукуматга расмий мурожаат қилган. Бундан ташқари, словян халқлардан бирида ҳам қўшимча меҳнат кучига талаб ошган. Улар «оға»сига ўхшаб миллатчилик қилмаслигини, муҳожирларнинг ҳақ-ҳуқуқлари бузилмаслигини иддао қилишмоқда.
БАА ҳам визасиз режим жорий этди. Бизларга хориждан янги жозибадор таклифлар келаётганда ўрисларнинг бундай мантиқсиз йўл тутиши ғирт аҳмоқликдан бошқа нарса эмас. Россиянинг ўзи ишчи кучига муҳтож бўлиб турган шароитда агарда 2 млнлик мигрантларимиз учун бошқа муқобил йўллар таклиф этиб, буни тарғиб қилсак, ўрисларнинг ҳолига маймунлар йиғлайди.
Бундай пропагандалар Ўзбекистон ва Россия ўртасидаги халқ дипломатияси тобора дарз кетишига сабаб бўлади. Энг қизиғи, бу масалаларда Кремль корчалонлари пинагини ҳам бузмаётгани ҳам шу каби шовинистик қарашларга мойиллик кучли эканидан далолат беради.
Қисқаси, руслар талвасага тушиб қолган. Марказий Осиёни «қўлдан бой бериш»дан қўрқишмоқда, гўёки. Шундай экан, ахборотга қарши ахборот билан, босимга қарши босиқлик билан дадил жавоблар беришимиз зарур.
@mufasa_mh
Ўзбекистонлик ОАВ вакиллари Хитойнинг Сиан шаҳридаги «LONGi» компаниясининг бош офисида бўлишди.
Асосан, қуёш панелларини ишлаб чиқариш билан шуғулланувчи мазкур йирик компания 2000 йилда ташкил топган. 2022 йилда компаниянинг операцион даромади салкам 18,6 млрд долларни ташкил этган.
Компания Хитой, Ветнам ва Малайзия каби мамлакатларда ишлаб чиқариш базалари ҳамда АҚШ, Япония, Германия, Ҳиндистон, Австралия, БАА, Таиланд ва бошқа давлатлардаги филиаллари билан дунёнинг 150 дан ортиқ мамлакат ҳамда минтақасида фаолият юритиб келади.
Мазкур компания Ўзбекистонда ҳам бир қатор «яшил» энергетика лойиҳаларида қатнашиб келмоқда.
@mufasa_mh
Хасанов Отабек Абдурашидович Республика Маънавият ва маърифат маркази директори лавозимига тайинланди.
Тайинловга қадар у Давлат хизматини ривожлантириш агентлиги директорининг биринчи ўринбосари лавозимида фаолият юритган.
@mufasa_mh
Ҳа айтаканча, Абдурашид Жўрабоевни бўшаб қолган ўрнига Зайнилобиддин Низомиддинов тайинланиши мумкин.
@mufasa_mh
Бугун бир гуруҳ журналист ва блогерлар Хитойнинг «China Energy Engineering Corporation»компаниясини Пекин шаҳридаги бош офисида бўлиб, ушбу компания фаолияти билан яқиндан танишдик.
Мазкур компанияда 120 минг нафар ишчи-ходимлар фаолият юритади. Унинг умумий активлари 154 млрд АҚШ долларига тенг бўлиб, электр энергетикаси бўйича дунёнинг барча қитъасидаги 140 дан ортиқ давлатларда лойиҳаларни амалга ошириб келмоқда экан. Ҳозиргача компания томонидан ушбу йўналишда умумий 1060 ГВт қувватга эга 300 дан зиёд лойиҳалар ишга туширилган.
Бу компания юртимизда қайта тикланувчи энергия манбалари соҳасида умумий қиймати 2 млрд 450 млн долларга тенг лойиҳаларини амалга ошириб, Қашқадарё ва Бухоро вилоятларида ҳар бирининг қуввати 500 МВтдан бўлган 2 та қуёш фотоэлектр станциясини барпо қилмоқда.
@mufasa_mh
Цемент заводларини қуришга мораторий жорий этиш режалаштирилмоқда
Эковазир Азиз Абдуҳакимов цемент заводларига атроф-муҳитга етказилган зарар учун жарима миқдорини 10 млрд сўмгача оширишни таклиф қилмоқда.
@mufasa_mh
Чиноз тумани ҳокими лавозимида ишлаб келаётган Ботир Алимбеков Тошкент вилояти ҳокимининг қишлоқ ва сув хўжалиги бўйича ўринбосари лавозимига;
Шу лавозимда ишлаб келаётган Холмирза Ниёзов Республика томорқа ер эгалари, деҳқон хўжаликлари ва фермерлар кенгаши Тошкент вилояти бўлими раиси лавозимига тайинланди.
@mufasa_mh
Атроф-муҳитни муҳофаза қилиш вазирлигига вилоят ҳокимлари билан бирга “ноқонуний кесилган ҳар бир дарахт ўрнига 100 та кўчат экиш” тизимини жорий қилиш топширилди.
Оҳангарондаги 23 гектар ва Янгийўлдаги 37 гектарда жойлашган собиқ чиқинди полигонлари ҳудудида “яшил боғлар” ташкил қилиш бошланади.
Сувга зарарли ташланмаларни оқизаётган ва ўзидан зарарли чиқиндиларни кўп чиқараётган корхоналар билан ишлаш бўйича алоҳида дастур амалга оширилади.
@mufasa_mh
МИБдан 1 млрд сўмдан зиёд қарздор банк - хизмат машиналар хариди учун қарийб 4 млрд сўм сарфлади
«Агробанк» АТБ қарийб 4 млрд сўмга 20 дона «Chevrolet ONIX» транспорт воситаларини харид қилмоқда. Ҳар бир автомобилнинг нархи — 200 млн сўм.
Бугунги кун ҳолатига «Агробанк» АТБнинг МИБ органларидаги умумий қарздорлиги 1,1 млрд сўмни ташкил этади. Ижро ҳужжатларига кўра, мазкур қарздорликлар қопланмаган давлат божи ва жиноят натижасида етказилган зарарлар бўйича вужудга келган.
Бундан ташқари, «Агробанк» АТБнинг 85,6 млн сўм солиқ қарзи мавжуд.
@revizor_uzb
«Тошшаҳартранс» раҳбари қамоққа олинди
«Тошшаҳартрансхизмат» АЖ бошқаруви раиси лавозимида ишлаган Джураев Анвар Жиноят кодексининг 167-моддаси 3-қисми «а»банди ва 209-моддаси 2-қисми «а»бандида назарда тутилган жиноятларни содир этганликда гумон қилиниб қамоққа олинган.
Қанча айтдим-а, Тошшаҳартрансхизматдан бало-қазо аримай қолди, кунда-кунора бирор автобус билан «палакат» содир бўлади. Бирор жонлиқ сўйиб қон чиқарворинглар деб. Мана бира тўла бошқарув раиси қамоққа кетибди. Ишқилиб, буни балоси Маҳкамовга ҳам урмасайди, ҳали. Янги олиб келинган автобуслардан откат олишган шекилли. Янаям терговчилар билгувчироқ.
@mufasa_mh
Расмий ташриф билан мамлакатимизда бўлиб турган Беларусь Республикаси Президенти Александр Лукашенко бугун, 8 февраль куни Ўзбекистон Республикаси Бош вазири Абдулла Арипов ҳамроҳлигида “Янги Ўзбекистон” боғига ташриф буюриб, Мустақиллик монументи пойига гул қўйди.
Олий мартабали меҳмон мажмуа меъморий ечимлари ҳамда композициясининг мазмун-моҳияти ва хусусиятлари билан батафсил танишди.
Ватанимизнинг 3 минг йиллик тарихида юз берган энг муҳим воқеаларни ўзида ифода этган ушбу мажмуа Беларусь делегациясида катта таассурот қолдирди.
Таъкидлаш жоизки, мамлакатимизга ташриф буюраётган меҳмонларнинг Президентимиз Шавкат Мирзиёев ташаббуслари билан бунёд этилган мазкур муҳташам мажмуа билан танишуви анъанага айланган.
Facebook | Instagram
Расман эълон қилинди. Шуҳрат Садиков Бош вазир котибияти раҳбари лавозимига тайинланди.
@mufasa_mh
Ўзбекистон ва Қозоғистон Бош вазирларининг телефон орқали мулоқотига доир
Бугун, 6 февраль куни Ўзбекистон Республикаси Бош вазири Абдулла Арипов Қозоғистон Республикаси Бош вазири Олжас Бектенов билан телефон орқали мулоқот ўтказди.
Суҳбат аввалида Ўзбекистон Бош вазири Олжас Бектеновни Қозоғистон Бош вазири этиб тасдиқлагани муносабати билан самимий табриклади.
Шунингдек, Давлатларимиз Раҳбарлари томонидан ҳукуматларимиз олдига Ўзбекистон-Қозоғистон стратегик шериклик ва иттифоқчилик муносабатларини янада ривожлантириш йўлида қўйилган муҳим вазифаларни яқин ҳамкорликда амалга оширишга умид билдирилди.
Аввалроқ, Ўзбекистон Бош вазири қозоғистонлик ҳамкасбига ушбу лавозимга тасдиқлангани муносабати билан табрик мактуби юборган эди.
Facebook | Instagram
Бектемир тумани ҳокими Тапил Махамадзияев ишдан кетди.
Туман аҳолиси эса ўз ёғига қовурилиб, ўз муаммолари билан қолди.
@mufasa_mh
Бугун мен Парижда бўлиб ўтаётган дзюдо бўйича “Катта дубулға” турнири иштирокчиси бўлдим.
Турнирда бутун дунёдан 600 дан ортиқ спортчи иштирок этди. Ушбу ҳаяжонли тадбир муҳим маънога эга: дзюдо одамларни маданий ва географик чегараларга қарамай бирлаштиради, янги авлодга интизом, ҳурмат ва ўз устида ишлаш қадриятларини сингдиради. 17 000 га яқин одам йиғилган аренада ҳукм сурган муҳитни сўз билан таърифлаш қийин.
Ўзбекистонлик спортчиларимизнинг чиқишларини алоҳида завқ билан томоша қилдим. Дзюдочиларимизнинг кўрсатаётган маҳорати ва жасорати нафақат мени, балки кўплаб спорт мухлисларини ҳам ҳайратлантирмоқда.
Бундай мусобақалар спортчиларимиз учун ўз истеъдоди ва матонатини намоён қилиш, биз учун эса ҳал қилувчи паллада уларни қўллаб-қувватлашимиз учун ажойиб имкониятдир. Дзюдочиларимизга омад тилайман!
————
Сегодня я имел удовольствие посетить соревнование дзюдоистов — участников турнира «Большого шлема», который проходит в Париже. Турнир собрал более 600 атлетов со всего мира. Это захватывающее мероприятие несёт важное послание: дзюдо объединяет, несмотря на различия в культуре и географии, прививая всё новым поколениям ценности дисциплины, уважения и самосовершенствования. Атмосферу, царившую на арене, где присутствовало около 17000 человек, сложно передать словами.
С особым удовольствием наблюдал за выступлениями наших узбекских спортсменов. Мужество и отвага, которые демонстрируют наши дзюдоисты на соревнованиях, вдохновляют не только меня, но и многих поклонников спорта.
Эти соревнования — отличная возможность для наших спортсменов показать свой талант и упорство, а для нас — поддержать их в ответственный момент. Пожелаем удачи нашим дзюдоистам!
Тошкент вилояти Қурилиш ва уй-жой коммунал хўжалиги соҳасида ҳудудий назорат қилиш инспекцияси бош мутахассиси маҳаллий тадбиркор томонидан Ўртачирчиқ туманида қурилган 3 қаватли савдо мажмуаси биносини фойдаланишга қабул қилиб бериш ва бошқа ҳужжатларини тегишли ташкилотларда ишловчи танишлари орқали ҳал қилиб бериш эвазига 12 минг АҚШ доллари талаб қилган. У сўралган пул маблағидан 10 минг АҚШ долларини олдиндан олган вақтида ушланган.
@mufasa_mh
Қонунчилик палатаси депутати Илҳом Абдуллаев маълум қилишича, бугун Олмаотада Евроосиё иқтисодий иттифоқи (ЕОИИ) га аъзо мамлакатларнинг ҳукумат раҳбарлари Digital Almaty-2024 форуми доирасида ялпи мажлис ўтказишибди.
Ташкилотнинг кузатувчи мақомига эга Ўзбекистон номидан Абдулла акам ҳам қатнашиб, маъруза қилибдилар.
Абдулла Ниғматович Президентимиз Шавкат Мирзиёев ташаббуси билан рақамлаштириш соҳасида амалга оширилаётган ислоҳотлар ва бу бўйича қабул қилинган ҳужжатлар ҳақида маълумот бериб ҳаммани қойил қолдирибдилар.
Инсон омили камайиб, коррупцияни олдини олишга хизмат қиладиган «рақамлаштириш» сиёсатини янаям жадаллик билан амалга ошириш тарафдориман.
@mufasa_mh
Конгратбай Авезимбетович Шарипов Ўзбекистон Республикаси олий таълим, фан ва инновациялар вазири лавозимига тасдиқланди.
Бу одам ҳақида анча яхши гаплар юради.
@mufasa_mh
Госсоветник Шуҳрат Ганиевни жияни депутат Дониёр Ганиевнинг қайнотаси Абдурашид Жўрабоев МТРКнинг янги раиси этиб тайинланганмиш.
У бунгача Бош вазир котибияти раҳбари эди.
@mufasa_mh
АҚШнинг Оклахома ва Техас штатлари чегарасида газ қувури портлаб кетибди
Маҳаллий аҳолининг хабар беришича, ёнғин устуни бир неча километр узоқликдан кўриниб турган. ОАВ олов баландлиги 120 метрдан ошганини ёзмоқда.
Даже Америкада ҳам газ қувурлари портлаб кетиб тураркан-а?
@mufasa_mh
🦌 Барча муҳофаза ҳудудларида ёввойи ҳайвонлар учун озуқа маҳсулотлари қўйиб чиқилмоқда
Бугунги кунда юртимиздаги барча муҳофаза этиладиган табиий ҳудудларда қиш фаслида ёввойи ҳайвонларнинг озуқа топишини осонлаштириш мақсадида турли биотехник тадбирлар давом эттирилмоқда.
@mufasa_mh
Бош вазир А.Ариповга 2025 йилдан Аи-80 маркали бензиндан воз кечиш масаласини узил-кесил ҳал қилиш бўйича топшириқ берилди.
@mufasa_mh
Тошкент шаҳрида тирбандликни камайтириш ва жамоат транспортини яхшилашдаги ишлари қониқарсиз бўлгани учун транспорт вазири И.Маҳкамов, унинг биринчи ўринбосари М.Омаров, ИИВ Йўл ҳаракати хавфсизлиги хизмати бошлиғи О.Саидов ва “Тошшаҳартрансхизмат” АЖ раиси А.Жўраевга ҳайфсан эълон қилинди ва охирги огоҳлантириш берилди.
Шунингдек, Иқтисодиёт ва молия вазирининг ўринбосари лавозимида ишлаб келаётган Адиз Музаффарович Бобоев Ҳисоб палатаси раиси лавозимига, палата раиси ўринбосари лавозимини эгаллаб келган Меҳриддин Раззоқович Абдуллаев палата раисининг биринчи ўринбосари лавозимига тайинлангани эълон қилинди.
@mufasa_mh
