Ниҳоят, Uzbekistan’s Club жамоаси томонидан йўлга қўйилган “Oʻzbekistonlik. Students” махсус лойиҳасининг 4-эпизоди эълон қилинди. Лойиҳанинг навбатдаги қаҳрамонлари – Anglia Ruskin University талабаси Шаҳризода Нормуҳаммадий ва London Nortumbria University талабаси Олимжон Ғуломовлар.
Фильм давомида дунёнинг ТОП университетларида таҳсил олаётган ватандошларимиз ўз тажрибалари билан бўлишишади. 4-эпизодни Uzbekistan's Club YouTube саҳифасида томоша қилишингиз мумкин.
Эслатиб ўтамиз, лойиҳа Ёшлар ишлари агентлиги кўмагида фаолият юритмоқда. Ҳамкорлар: Ucell мобил оператори ва Турин политехника университети. Лойиҳа қаноти – “Uzbekistan Airways” миллий авиакомпанияси.
Қонунчилик палатасининг яқинда ўтказган мажлисида 2 та қонун лойиҳаси мунозаларга сабаб бўлганди. Бири паспортни йўқотиб қўйганда жарима миқдори оширилиши, иккинчиси тадбиркорларга “профилактик тушунтириш тадбирлари” ўтказиш ҳақидаги қонун лойиҳалари эди.
Депутатлар бу каби муҳокамали масалада нима дейди? Ўктам Исломов паспорт масаласида ярим оклад бўлиб турган жарима бирданига 4 баравар ошаётганини нотўғри деб изоҳлаяпти.
Зафар Худойбердиев Рақобат қўмитаси ташаббускор бўлган қонун лойиҳада қўмита иқтисодий таъсири паст ҳолатларни ўзича белгилаши ёки белгиламаслиги мумкин. Бу эса коррупциявий ҳолатларнинг келиб чиқишига сабаб бўлиши мумкинлигини ёзяпти.
Иккала қонун лойиҳаси биринчи ўқишда қабул қилиниб, депутатларнинг таклифлари асосида навбатдаги ўқишга тайёрланяпти. Кутамиз.
@mufasa_mh
Эътибор берган бўлсангиз, Давлат раҳбарини Хитойга давлат ташрифи арафасида дунёни ҳар четидан турли хил провокацион чиқишлар кўпайиб қолди. Шу ҳақда ёзишга эриниб юрувдим, Нурбек Алимовни постига кўзим тушиб қолиб, баттар дангасалигим тутиб қолди. Чунки у миямда айланиб юрган айни фикрларни терибди:
Россия бизни Хитойга рашк қиляпти
Сўнгги пайтларда Хитой билан жуда кўплаб шартномалар тузиляпти, Анжанди хокими яқинда ўзи бориб михдан тортиб лифтгача ишлаб чиқариш шартномаларини "ўлдириб" кепти. Кейин Президентни ўзиям Хитойга бориб катта шартномалар тузиб келди.
Бу эса бугунги кундаги Марказий Осиёни ўз доирасида сақлаб туришга ҳаракат қилаётган Панда ва Қўнғир айиқларни ўртасидаги дўстлик сабабли очиқ можарога олиб келмайди. Булар ўша объектга нисбатан ўз маргинал фриклари орқали заҳар соча бошлашади.
Россиялик майда-чуйда гнидаларнинг ҳар икки кунда бир Ўзбекистонга тиш қайраб қўйиши ўз ўзидан келиб чиқмаган албатта. РФ расмийлари уларни маргинал гуруҳлар ва шахсий фикрини айтаётган одамлар сифатида кўрсатаётган бўлса-да, аслида юқоридан бериладиган кўрсатмаларсиз дўстона ва нейтрал давлатга қарши бундай гап қилишмас эди.
Шу сабабли ҳам Хитойга яқинлашганимиздан, ундан ташқари Европа билан ҳам алоқаларимиз тикланаётганлиги сабабли руслар банально рашк қиляпти😁 Инжиқ қариётган Путин хокимияти расмий минбардан туриб айта олмайди ўша гапларни. Шунинг учун турли фрикларга айткизилади. Реакция кузатилади, сигналлар берилади. Ўзгариш бўлмаса, кейин расмий минбардаги депутатлар бошлайди шу риторикани.
Ташқи сиёсатда прагматик йўлда кетаверишимиз керак дальше. Биздаям уларга жавоб бериш учун етарли персонажлар бор. Шу депутатларимизни ҳеч бўлмаса ташқи сиёсий хужумларга қарши активроқ бўлишларини тилаб қоламан.
@mufasa_mh
Шеф Шэньчжэнь шаҳрида Хитойнинг етакчи «BYD» компанияси бош қароргоҳи ва технологиялар марказига ташриф буюрди ҳамда Жиззах вилоятида электромобиллар ишлаб чиқаришга старт берди.
@mufasa_mh
«Жадидларнинг ёққан чироқлари ўчгани йўқ ҳали!»
Ҳар хил кучлар томонидан турли ахборот ўйинлари ва сассиқ «баёнот»лар янграб турган бир пайтда миллатимиз ойдинлари, мустақилликка эришиш йўлида ҳар томонлама курашган, зиё тарқатган маърифатпарвар жадид алломаларимиз ҳақида зўр қўшиқ яратилибди ва унга видео ишланибди.
Бу каби ҳаракатлар ҳам бугун жуда-жуда керак. Қайсидир маънода охирги хабарларга нисбатан жуда зўр жавоб бўлади, назаримда.
Жадидларимиз ҳақида Жаҳонгир Позилжонов томонидан куйланган қўшиқ ва унга ишланган видеони бугун соат 17:55 да Қаҳрамон Қуронбоевнинг Facebook саҳифаси орқали ҳамда телерадиоканалларда томоша қилинг.
@mufasa_mh
Сизларга бир сирни очаман. Фақат, илтимос, ҳаяжонланманглар! Суратда (биринчи) акс этган УзАнинг маъмурий биноси маданий мерос объекти эмас ва ҳеч қачон бундай ҳисобланмаган ҳам (ҳозир буни тушунтириб бераман). Кўпчилик шу суратни қўйиб дод-вой қилиб дув-дув йиғляпти. Бу худди муқаддас Ал-Ақсо масждини доим ёнидаги тилла гумбазли масжид билан адаштиришдек гап.
УзА биноси аллақачон алюкобонд билан қопланган ва ҳозирги кунда таъмирталаб аҳволга тушиб қолган. Бино ичига кирсангиз шиптирни хиди келади.
Хўп, унда гап қайси бино ҳақида? Гап ўша УзА биносига туташ ҳудудда жойлашган «Шарқ НМАК»га қарашли ҳозирда шашликчи ва магазинчиларга (иккинчи сурат) ижарага бериб қўйилган бинолар ҳақида кетяпти. Ҳозирда «шашликхона»га айланган мана шу бино маданий мерос объекти саналади ва буни ҳеч ким бузмоқчи эмас.
УзА биносини яхлит ўзи маданий мерос объекти ҳисобланмайди, «Шарқ НМАК»га тегишли 3 гектар ҳудудда жойлашган объектлар ёппасига маданий мерос рўйхатига киритилгани учун бу бино ва «Шарқ НМАК»га тегишли типография ҳам ушбу рўйхатга киритилиб қолган.
Давактив ва Маданий мерос агентлиги валломатларини қасам ичишича, «Шарқ НМАК»га тегишли ҳудуд барча бинолари билан хусусийлаштирилган тақдирда, ушбу ҳудуддаги маданий мерос объекталри бузилмайди. Бу бўйича бўлажак харидорга давлат мажбурияти юкланади. У фақат УзА биноси ва «Шарқ НМАК»га тегишли типографияни бузиши ва у ерда қурилиш қилиши мумкин.
УзАчиларни уже жойи тайёр. Яқинда дважди ҳожи дўстимиз бориб-кўриб расмга тушиб келганди. «Шарқ НМАК»га тегишли типография ҳам кўчирилади, директорини кўзларида эса қувонч.
@mufasa_mh
Эковазирлик томонидан пойтахтнинг 3 та туманидаги корхоналар чанг-газ тозалаш ускуналарини ўрнатиши бўйича огоҳлантирилибди.
Экология, атроф-муҳитни муҳофаза қилиш ва иқлим ўзгариши вазирлиги томонидан Тошкент шаҳрининг Чилонзор, Сергели ва Янгиҳаёт туманларида атмосфера ҳавосининг ифлосланиш даражаси ортиб бораётгани туфайли атроф-муҳитга таъсир кўрсатувчи корхоналар фаолияти юзасидан экологик мониторинг ўтказилган.
Мониторинг давомида мазкур 3 туманда жойлашган атроф-муҳитга таъсир кўрсатишнинг I ва II тоифасига мансуб 160 та корхонага, жумладан, бетон, ун маҳсулотлари, керамика ва кафель, мато-газлама ва бошқа маҳсулотлар ишлаб чиқарадиган корхоналарга чанг-газ тозалаш ускуналарини ўрнатиш тўғрисида огоҳлантириш хатлари берилган.
@mufasa_mh
Айни пайтда Урумчи шаҳрида инвестиция, савдо ва туризм форуми бўлиб ўтмоқда
Шинжон-уйғур автоном районининг маъмурий маркази Урумчи шаҳрида Ўзбекистон-Хитой инвестиция, савдо ва туризм форуми бошланди.
Форум доирасида Урумчи шаҳри марказий боғида қурилган Самарқанддаги оламга машҳур Регистон меъморий обидасининг кичик ҳажмдаги кўриниши ҳам меҳмонларга намойиш қилинди.
2023 йилда Тошкент вилоятида 234 та янги хитой капитали иштирокидаги корхоналар рўйхатга олиниб 400 млн доллардан ортиқ инвестиция китилди. Шундан, 20 та лойиҳа Шинжонлик тадбиркорларга тегишли.
@mufasa_mh
Бундан 3-4 кун аввал ОКМК ишчиларидан бири комбинат раҳбариятига ижтимоий тармоқлар орқали мурожаат билан чиққан эди. Катта шаҳарларда кичик кўнгилсизликлар бўлиб турганидек, катта комбинатларда ҳам шундай майда-чуйда ўзаро зиддиятлар бўлиб туради.
Тўғри, мурожаат қилиш ҳуқуқи ҳаммада бор. Лекин буни тартиб ва қоидалари ҳам бор. Ижтимоий тармоқ платформалари шахсий адоватларни «разбор» қилиш майдонига айланиб қолмаслик керак.
@mufasa_mh
Ёшлар ишлари агентлиги Ёшлар сиёсати ва спорт вазирлиги таркибидан чиқарилиб, Вазирлар Маҳкамаси бўйсунувига ўтказилди.
Шунингдек, Ёшлар сиёсати ва спорт вазирлиги негизида Спорт вазирлиги ташкил этилди.
@mufasa_mh
Кеча жуда бир қизиқ иш бўлди:
Ёшлар ишлари агентлиги раҳбари «Самарқандлик мактаб битирувчиси дунёдаги энг кучли университетлар грант соҳибасига айланди» дея хабар қолдирган эди.
Адашмасам, бу хайпни Мактабгача ва мактаб таълим вазирлиги бошлаб берди. Кейин бошқа «ҳай, баракалла»чилар байроқни кўтариб, фейк хабарни олди-орқасига қарамай тарқатишди.
Хайрият, бу юртда ҳали илм ўлмаган экан. Ушбу ҳолатга суриш илинжида ўлиб-тирилиб инглиз тилини ўрганаётган уюшмаган ёшлар томонидан эътибор қаратилиб, «грант соҳибаси»га гўёки хорижий университетлардан «келган хатлар» сохталиги аниқланди.
Аслида фотошоп ёрдамида ишлов берилган оддийгина «ижод намунаси» экан.
Шундан сўнг, агентлик раҳбари ва вазирликни расмий саҳифаларидан бу фейк хабар ўчирилиб юборилди.
Ёшларни таълим ва тарбияси ишончли қўлларда!
@mufasa_mh
2023 йилда «Олмалиқ КМК» АЖ томонидан 31,6 трлн сўмлик саноат маҳсулотлари ишлаб чиқарилибди.
Туркия, Россия, Қозоғистон, Тожикистон, Индонезия, Нидерландия, Хитой,Озарбайжон, Польша, Испания, АҚШ ва Германия давлатларига умумий қиймати 661,9 млн доллар маҳсулотлар экспорт қилинган.
@mufasa_mh
Олий Мажлис Қонунчилик палатасининг кеча ўтказган ялпи мажлисида депутатлар Эковазирни атмосфера ҳавосини ифлосланиши юзасидан амалга оширилаётган ишлар юзасидан ахборотини эшитиш бўйича таклиф беришибди.
Палата томонидан тайёрланган видеода депутатларнинг республикамиз шу жумладан Тошкент шаҳридаги атмосфера ҳавоси ифлосланишини олдини олиш бўйича аниқ таклифлар ва қилиниши зарур ишлар ҳақида алоҳида тўхталганини кўришингиз мумкин.
Тез кунларда Эковазир халқ вакилларига ахборот берса, депутатлар вазирнинг атмосфера ҳавосини яхшилаш, чангларни бартараф этиш бўйича амалга ошираётган ишлари ва режаларига кўпроқ урғу бериши ва ҳамкорликда долзарб муаммони ижобий ҳал қилишга кўмаклашиши тарафдориман.
@mufasa_mh
Мазкур ҳолат юзасидан на туман ҳокимлиги, на прокуратура органлари муносабат билдирди. Тепса-тебранмас Қурилиш вазирлиги эса қурилиш объектларидан откат олиш билан овора шекилли. Вазиятга ойдинлик киритиб, одамларни тинчлантириш учун холис ахборот берса бўлади-ку! Ёки кўчада ким нима деса ишониб, провокацияларга берилиб кетаверишсинми?
Менимча, одамлар йиғилиб Кабминга, Бош вазир эса худди аввалгидек уларни йиғиб Панорамага олиб боришини кутишмоқда. Кейин яна одамлар кўчада қолмасин дея давлат бюджетидан уй-жой қуриб ёки зарани қоплаб берилади, шундайми? Унгача ҳеч ким кетини кўтармайдими?
Тадбиркорни Бош прокурорга ёзган шикоят аризасига кўра (нусҳаси мавжуд), Тошкент шаҳар қурилиш ва уй-жой коммунал хўжалиги соҳасида ҳудудий назорат қилиш инспекцияси томонидан Бектемир тумани Ҳусайин Бойқаро кўчасида қурилган тартиб рақами 74/80 бўлган 320 та хонадондан иборат кўп қавватли уй-жойни бузиш сўралмоқда экан. Бу хонадон эгаларини айби нима? Айби Бектемир тумани ҳокимлигини рекламасига ишонганими?
Шикоят аризасида келтирилишича, ушбу кўп қавватли уй қурилиши учун уй-жойи «снос» бўлган 80 та оила ҳам яшаб келмоқда. Эски бўлса ҳам ўз уйларида тинчгина яшаб юришганди-ку!
Тадбиркор ўша куни ўзида қўйиб юборилган. Яна қамалиш эҳтимоли бор, майли яна қамалса қамоқхонадан бошпанаси бўлади. Лекин Ҳукумат баённомаси билан уй-жойи бузилган 80 та оила ва бу ердан хонадон сотиб олган юзлаб оилалар бошпанасиз қолади. Буларни барибир ҳеч қайси прокурор ёки ҳукумат мулозими Бўстонлиқдаги дачасига обориб бошпана бермайдику.
@mufasa_mh
Бош вазир ўринбосари Ж.Ходжаев чорак якунигача ўзгариш қилмаса, лавозимига лойиқлиги кўриб чиқилиши тўғрисида огоҳлантирилди.
Ўз тизимидаги камчиликлар ва сусткашлик учун Инвестициялар ва ташқи савдо вазири ўринбосари Б.Абидов ва Техник тартибга солиш агентлиги раҳбари Д.Саттаров лавозимидан озод қилинди.
@mufasa_mh
Камтарлик
Шеф хитойлик қўриқчиларни ҳам «шошириб» қўйди
Хитой, Шэньчжэнь.
@mufasa_mh
Ўсимликлар карантини ва ҳимояси агентлиги томонидан икки дона электромобил (гибрид) харид қилинмоқда. Агентлик ушбу электромобиллар учун жами 768 млн 290 минг сўм маблағ сарфламоқда. Манба: 1 ; 2.
МИБ маълумотларига кўра, бугунги кун ҳолатига агентликнинг 174 млн сўм қарздорлиги мавжуд.
@revizor_uzb
«Асакабанк» АЖ «Mastercard» томонидан Ўзбекистонда биринчи бўлиб «Mastercard World Black Edition» картасини эмиссия қилган банк сифатида эътироф этилди!
Банк Матбуот марказининг хабар беришича, жорий йилнинг 23 январь куни «MasterCard Europe SA»нинг кантри менеджери Денис Филлипов, Марказий Осиёда мижозлар билан ишлаш бўйича директори Вадил Галиулин, ҳамда унинг Ўзбекистон Республикасидаги мижозлар билан ишлаш бўйича менежери Элзара Габитова «Асакабанк» Бошқарувчи директори Бекзод Тангматовга мукофотни топширишди.
Учрашув давомида «Асакабанк» ва «MasterCard» ўртасидаги ҳамкорлик масалалари муҳокама қилинди.
Реклама
Шэньчжэнь шаҳрида Ўзбекистон-Хитой бизнес форуми давом этмоқда
Форум доирасида бир қатор шартномалар имзоланди, янги лоциҳаларга асос солинди.
Хусусан, Оҳангарон тумани «Янги ҳаёт» МФЙда юз фоиз Хитой капитали иштирокида Марказий Осиёда ягона бўлган хусусий аэродром қуриш бўйича шартнома имзоланди.
Лойиҳа қиймати 380 миллион АҚШ доллари. Қурилиш ишлари жорий йилнинг иккинчи ярмида бошланиши режалаштирилган.
Форум доирасида, шунингдек, B2B, G2B форматда мулоқотлар ўтказилди. Зойир Мирзаев Хитой инвесторлари билан музокара ва мулоқотлар ўтказмоқда.
@mufasa_mh
Тошкент ва Жиззах шаҳрида яшовчи 2 нафар шахс ўзаро келишиб, қурилиш фирмаси раҳбарига, ўзларининг юқори лавозимда ишловчи танишлари орқали Хоразм вилоятининг Қўшкўпир туманидаги 72,5 млрд. сўмлик ичимлик суви тармоғини тортиш лойиҳасини тендер савдоларисиз, тўғридан-тўғри олиб беришни ваъда қилиб, эвазига объект қийматининг 6 фоизини, яъни 4 млрд. 350 млн. сўм талаб сўрашибди.
Тезкор тадбирда улар сўралган пул маблағидан 29 минг АҚШ долларини олган вақтларида ушланибди.
Тезкор тадбир давом эттирилиб, мазкур ноқонуний ишга Тошкент вилоятининг Оҳангарон шаҳрида жойлашган, ИИВ ҳузуридаги 44-сонли манзил колониясида жазо муддатини ўтаётган маҳкумнинг алоқадорлиги аниқланиб, юқоридаги пул маблағидан 28500 АҚШ долларини олган вақтида у ҳам қўлга олинибди.
Қизиқ, шунда ануви иккита мужикни юқори лавозимда ишловчи таниши Оҳангарондаги «колонка»да ўтирган братан бўлганми? Ҳозирда бу «колонка»да бир вақтлар ўта қудратли бўлган шахслар дам олаётганидан хабарим бор эди. Лекин дамолиш вақтида бундай бизнесларни йиғиштириб қўйишган деб ўйларканман. Ўрганган кўнгил ўртанса қўймас. Яна бошқа кўп гапларни ёзмоқчи эдим, кейин менга нима деб ёзмай қўя қолдим.
@mufasa_mh
Олий Мажлиснинг Инсон ҳуқуқлари бўйича вакили (омбудсман) Россияда полиция мигрантларни ўрдаксимон юришга мажбурлагани бўйича Россия Федерацияси Омбудсманига мурожаат қилиб, Россияда бўлиб турган Ўзбекистон фуқароларининг меҳнат ҳуқуқлари таъминланишида кўмак сўрабди.
@mufasa_mh
«Artel Electronics» компанияси бошқаруви раиси Шоҳрух Рўзиқуловни ўзи ҳам «Apple» компанияси маҳсулотларидан фойдаланаркан.
Ие, Шоҳрух ака, миллий ғуруримиз бўлган Артелни смартфонларидан фойдалансангиз бўлмайдими?
@mufasa_mh
Гоа (Ҳиндистон)дан Тошкент орқали Россияга чартер рейсини амалга ошираётган бизнес-жет самолёти Афғонистонда ҳалокатга учради.
Самолёт Афғонистон ҳаво ҳудудида эканлигида радарлардан ғойиб бўлган. Бортда олти киши: тўрт нафар экипаж аъзоси ва икки нафар йўловчи бўлгани тахмин қилинмоқда.
Самолёт Россиянинг «Атлетик групп» компаниясига тегишли бўлгани айтилмоқда.
@mufasa_mh
Вазирлар Маҳкамаси ижро этувчи тузилмасида «Маҳалла еттилиги», ёшлар сиёсати ва маънавият масалалари департаменти ташкил этилади.
Менимча, бу департамент Куранбаевга бўйсунади. Чунки уни янги лавозими Бош вазир ўринбосарига тенглаштирилган.
@mufasa_mh
Қум-шағал маҳсулотларини қазиб олишга мораторий ўрнатилди
Президент фармонига кўра, 2024 йил 1 майдан бошлаб Чирчиқ, Сангзор, Зарафшон, Норин, Қашқадарё ва Сурхондарё дарёлари ўзанларидаги норуда материалларни қазиб олишга муддатсиз мораторий жорий қилинади.
Эндиликда дарё ўзанлари, соҳил бўйи минтақалари ва сув муҳофаза зоналаридан қум-шағал материаллари қазиб олиш фақат «E-auksion»электрон савдо платформаси орқали амалга оширилади.
Вазирлар Маҳкамаси томонидан мораторий татбиқ этиладиган ҳудудлар чегаралари белгиланади.
Мораторий даврида дарё ўзанлари, соҳил бўйи минтақалари ва сувни муҳофаза қилиш зоналаридан қум-шағал материалларини ноқонуний қазиб олиш натижасида табиатга етказилган зарар учун ундириш суммалари 10 бараварга оширилган ҳолда қўлланилади.
2024 йил 1 июнгача Чирчиқ дарёси ўзанини экологик реабилитация қилиш бўйича комплекс лойиҳа ишлаб чиқилади.
@mufasa_mh
Сенат аъзолари жами 100 нафардан 65 нафарга қисқартирилади.
Ҳар бир маъмурий-ҳудудий бирликдан 4 нафардан сенатор сайланиши, 9 нафари Президент томонидан тайинланиши белгиланмоқда.
Қонунчилик палатаси Спикери ўринбосарлари сони 7 тадан 2 тага қисқартирилади. Бунда Спикернинг ўринбосарлари фракция аъзоси бўлиши мумкин эмаслиги ҳамда лавозимда бўлиш даврида сиёсий партиядаги аъзоликни тўхтатиб туради.
@mufasa_mh
❗️Эҳтиёт бўлинг
Телеграмдаги канал ва гуруҳларда Асакабанк номи остида "иловани юклаб олиб, пул маблағига эга бўлиш" каби ваъда қилинаётган хабарлар тарқатилмоқда. Мазкур хабарлар ёлғон ва ҳақиқатга мос келмайди.
☝️Бу каби ҳаволалардаги иловалар шахсий маълумотларингизни ва парольларингизни ўғирловчи вирусдир!
Яна бир бор фуқаролардан бу каби сохта иловаларни юклаб олмасликка ҳамда виртуал фирибгарлардан огоҳ бўлишга чақирамиз.
👉Иловаларни фақат расмий манбалардан юклаб олинг!
@mufasa_mh
Яқинда «Ўзметкомбинат» АЖ бошқарув раисининг биринчи ўринбосари - ижрочи директор Дилшод Турсункулович Ахмедов Инвестициялар, саноат ва савдо вазирининг ўринбосари лавозимига тайинланган эди.
Шу сабабли, Роман Салимович Гараев — «Ўзметкомбинат» АЖ бошқарув раисининг биринчи ўринбосари лавозимига ўтказилади.
Мазкур тайинлов «Ўзметкомбинат» АЖ Кузатув Кенгаши томонидан тасдиқланиши лозим.
@mufasa_mh
Абдулла акамга Андижон, Бухоро, Қашқадарё, Навоий вилоятлари ҳокимининг инвестиция бўйича ўринбосарлари ҳамда 10 та туман ва шаҳар ҳокимига нисбатан интизомий чора кўриш топширилди.
@mufasa_mh
АҚШда 5-6 йилдан бери истиқомат қилувчи ватандошимизни айтишича, Калифорнияда ҳам ҳаво ифлосланиб кетибди.
Ўзбекистонни АҚШдаги элчиси қаерга қараяпти? Худди АҚШни Ўзбекистондаги элчиси каби мамлакатни ички ишларига аралашиб, аҳолини ҳукуматга талаб қўйиш чақириғи билан чиқса бўларкан. Америкаликлар қачонганча бунақа ифлос ҳаводан азият чекади?
Ҳазил-ҳазил билан-у, лекин ҳавони ифлосланиши бу глобал иқлим ўзгариши билан боғлиқ ва бунинг учун ҳар бир ерлик қайғуриши лозим. Ҳеч ким Марсдан келиб ерни ҳавосини тозалаб бермайди.
Ҳа айтканча, ҳаво ҳар доим бирдек тоза ёки ифлос бўлиб турмайди, ора-орада ифлосланиш даражаси кўтарилиб ва тушиб туради.
@mufasa_mh
