Озарбайжон пойтахти Боку шаҳрида 198 мамлакатдан 50 мингдан ортиқ иштирокчини бирлаштирган БМТнинг иқлим ўзгариши бўйича ҳадли конвенцияси иштирокчилари конференциясининг 29-сессияси (COP29) бошланди.
«Ўзбекистон павильони»га ташриф буюрган Лейла Алиевага эковазир Азиз Абдуҳакимов атроф муҳитни муҳофаза қилиш ва Орол фожиаси кўлами ҳақида гапириб берди.
Ноқонуний қум-шағал қазиб олиш натижасида табиатга 230 миллард сўмдан ортиқ зарар етказилган.
Ушбу ҳолат Тошкент вилояти Экология, атроф-муҳитни муҳофаза қилиш ва иқлим ўзгариши бошқармаси ходимлари томонидан ўтказилган навбатдаги тунги рейд тадбири давомида аниқланган.
@mufasa_mh
Бугун Тошкент вилоят Чирчиқ шаҳарида халқ депутатлари вилоят, туман ва шаҳар кенгашларининг қўшма йиғилиши бўлиб ўтди.
Унда Тошкент вилоятидан Сенат аъзоларини сайлаш масаласи кўриб чиқилиб, вилоят ҳокими Зойир Мирзаев, ОКМК бошқаруви раиси Абдулла Хурсанов, Ёзувчилар уюшмаси вилоят бўлими раиси Маҳмуд Тоиров ва тадбиркор Малика Қодирхонова Сенат аъзоси этиб сайланди.
Тадбирни ёритиш мақсадида вилоят телеканали, журналист ва блогерлар жалб этилди. Аммо Ғофуржон Мирзаев деган госсоветник томонидан тадбирни ёритишга тақиқ қўйилибди. Вилоятда катта сиёсий жараён бўлиб ўтди, уни ёритиш мумкин эмас экан.
Ғофуржон Мирзаевни норасмий «пиар командаси» ҳали ҳеч бир расмий манба эълон қилмай туриб, ушбу хабарни биринчи манба сифатида тақдим этди. Қизиқ ва ғалати-а, тадбирда юрган шунча журналистларга тақиқ қўйиб, ўзларининг норасмий блогери орқали хабар тарқатиш?
Ахборот кучли қурол, ҳар бир сиёсатчи ўз амбицияларини рўёбга чиқариш учун арсеналида ОАВ учун алоҳида ўрин ҳозирлайди. Менимча, Ғофуржон Мирзаев ҳам шундай сиёсатчи бўлиб етишяпти.
Путинни ҳибсга олиш учун ордер берган Ҳаагадаги Халқаро жиноят суди прокурори Карим Хонни ўзи жинсий зўравонликда айбланаётган экан. Ундан лавозимидан воз кечиш талаб қилиняпти.
Шунингдек, у Исроил бош вазири ва мудофаа вазирини ҳам ҳибсга олиш учун ордер талаб қилган эди. Исроил, АҚШ ва Россияни Ҳаага судигаям, унинг қарорларигаям тупуриб қўйган жойлари бор. Чунки уччаласи ҳам Рим статутини ратификация қилмаган. Прикольно, да?
Карим Хон узоқ вақт Исроил махсус хизматларини (Моссад) кузатув нишонида бўлган.
Мана шунақа воқеаларни кузатиб, ҳар қандай конспирологияга ишониб юборасанда.
@mufasa_mh
Ўзбекистон маҳаллалар уюшмаси «Келажак учун ниҳол экинг» деган хайрли ишни бошлабди. Маҳаллаларжа кузги кўчат ишалри учун 9 ноябрь куни старт берилади.
Ушбу тадбирда фаол бўлинг, келажак учун ниҳол экинг!
@mufasa_mh
Ҳукумат фуқаролар сақлаши тақиқланган ёввойи ҳайвонлар рўйхатини тасдиқлади.
2025 йил 1 январдан бошлаб уйингизда ўргимчак чиқиб қолса, аввал уни қаердан эканлигини аниқлашга ҳаракат қилинг: маҳаллийми ёки чет эллик. Агар сидней ёки Бразилия сайр қилувчи ўргимчаги бўлса, секиин қўлизга олиб қўшнини уйига қўйиб юбормасдан, эковазирликни рухсати билан ишлаётган ҳайвонот боғига топширинг. Америка ўргимчагини асло уйда сақлаб бўлмайди, иноагент бўлиши мумкин. Чумолини ҳам аввал рангига қаранг, қизил ранг бўлса уйда тутқунлиқда сақламасдан озод қилиб юборинг.
Илонни аниқлаш учун тишига эътибор беринг, узун тишли сув илони бўлса мумкин эмас.
Мана бу ерда тўлиқ рўйхат бор 👉 https://lex.uz/ru/pdfs/7201110
@mufasa_mh
Шавкат Мирзиёев:
«Яқин Шарқдаги низонинг ягона ечими – халқаро меъёрий ҳужжатлар ва резолюцияларга мувофиқ, 1967 йилдаги чегаралар асосида, пойтахти Шарқий Қуддус бўлган мустақил Фаластин давлатини тузишдир».
@mufasa_mh
Вилоят ва Тошкент шаҳар ҳокимлари
амалда маҳаллий Кенгаш раиси бўлмайди
Демократик тараққиёт сари яна бир катта қадам ташланмоқда. Мамлакатимиз тарихида илк маротаба вилоят Кенгашларига ҳокимлар раислик қилиши амалда бекор қилиниб, вилоят Кенгаши депутатлари орасидан сайланган депутат вилоят Кенгашига раислик қилишни бошлади.
Бу халқимиз билан маслаҳатлашиб 2023 йилда референдум асосида қабул қилинган янги таҳрирдаги Конституциямизнинг яна бир муҳим нормасини амалда қўлланилганлигини кўрсатади.
Вилоят Кенгашига раислик қилиш инсондан, энг аввало, катта ҳаётий тажриба талаб қилади. Бу лавозимдаги шахс халқ дардини ўз дарди деб биладиган, ҳаёт синовларида тобланган, тегишли ҳудуддаги масала ва муаммоларни яхши биладиган, одамлар орасида катта обрўга эга, шу билан бирга кун тартибига долзарб масалаларни қўя оладиган шахс бўлиши лозим.
Бугун халқ депутатлари Самарқанд, Жиззах, Навоий ва Хоразм вилоятлари Кенгашлари сессияларида вилоят Кенгаши раислари сайланди.
Ижтимоий тармоқларни кузатар эканмиз, ўша вилоятдаги жамоатчилик, ҳамкасбларимиз илк сайланган Кенгаш раислари ҳақида ижобий фикрлар билдираётганлиги мени жуда қувонтиради. Айрим раисларнинг фаолиятини яқиндан кузатганим учун ҳам тўғри танлов бўлаётганлигини айтишни жоиз деб биламан.
Ўйлайманки, бошқа вилоятларимизда ҳам сайланадиган Кенгаш раислари юқоридаги хусусиятларга эга бўлган, халқ ичидан чиққан халқчил одам бўлади.
P.S. Янгича тартибда сайланаётган Кенгаш раислари ўз манфаатларидан халқ манфаатларини устун қўйишига ишонаман. Барчаларига омад!
Одилжон Тожиев
Чекистлар адвокат, зам ҳокимлар ортидан энди МИБ ва божхона ходимларини пора билан ушлашибди.
Мажбурий ижро бюросининг Қибрай туман бўлими давлат ижрочиси фуқаронинг кредит қарздорлиги сабабли хатловга олинган мол-мулкини аукцион савдоларга чиқармаслик ҳамда унга нисбатан ўзининг иш юритувида бўлган ижро ишини тугатиб бериш эвазига 5 минг АҚШ доллари талаб қилиб, муқаддам 2 минг АҚШ доллари олади. Қолган пулларни олаётган вақтда қўлга тушган.
Тошкент вилояти божхона бошқармасининг «Яллама»чегара божхона пости инспектор-суриштирувчиси тақиқланган товарларни тадбиркор томонидан мамлакатимизга олиб кириш бўйича содир этилган ҳуқуқбузарликни судда кўриб чиқилиши жараёнида мансабдор танишлари орқали унга енгиллик яратиб бериш ва ушбу товарларни Ўзбекистондан қайтариб олиб чиқиб кетишида ёрдам бериш эвазига 1000 АҚШ доллари олган вақтида ушланган.
Терговга қадар текширув давомида божхона инспектори мазкур масалада кўмаклашиш учун аввал ҳам 300 АҚШ доллари олгани маълум бўлган.
Юқоридаги барча порахўрлар ҳозир қамоқда. Кимни тортсак бўларкан деган ўйлар билан ўтиришгандир. Яқинлари эса суддан таниш қидириш билан овора бўлишса керак. Материал тезроқ судга чиқса хурсанд. Чунки судда иш битиши осон бўлиб қолди. Оғирроқ соққасини олиб енгилроқ жазо қилиб беришади.
@mufasa_mh
Жорий йилнинг 5-10 ноябрь кунлари Хитой Халқ Республикасининг Шанхай шаҳрида еттинчи Хитой халқаро импорт маҳсулотлари кўргазмаси бўлиб ўтади.
Мазкур тадбирда фаҳрий меҳмон мақомида иштирок этиш учун Бош вазир Абдулла Арипов бошчилигидаги мамлакатимиз ҳукумати делегацияси бугун, 4 ноябрь куни Шанхайга ташриф буюрди.
Ташриф доирасида Хитой Халқ Республикаси Давлат кенгаши Бош вазири Ли Цян билан учрашув ўтказилган.
@mufasa_mh
Солиқ қўмитаси маткотиби Дилдора Ҳошимовани маълум қилишича, 10 мингдан ортиқ обуначига эга бўлган барча телеграм каналлари Солиқ қўмитасидан рўйхатдан ўтиши ва солиқ тўлаши керак, дейлган хабар ғирт ёлғон — ҳақиқатга ҳам, қонунчиликка ҳам тўғри келмайди!
Амалдаги қонунчиликка мувофиқ, оммавий ахборот воситаларида, шу жумладан ижтимоий тармоқларда ва мессенжерлар орқали рекламани жойлаштиришдан олинган даромадлар, агар улар тадбиркорлик фаолияти доирасида (ЯТТ, юридик шахс) олинган бўлса, солиққа тортилади.
Агар жисмоний шахс қонун ҳужжатларида белгиланган тартибда ўзни ўзи банд қилган сифатида рўйхатдан ўтиб юқоридаги фаолиятни юритса, 100 млн сўмгача бўлган даромади солиқ солишдан озод қилинади.
Қонунчиликга мувофиқ, тўлов ташкилотлари, маркетплейслар ва бошқа электрон савдо майдончалари Солиқ қўмитасининг маълумотлар базаси билан интеграция қилиниши шарт.
Жисмоний шахсда ҳар қандай канал, блог, саҳифа ёки бошқа интернет ресурснинг мавжудлиги, обуначиларнинг сонидан қатъи назар даромад топиш учун фойдаланилмаса унда солиққа тортиш масаласи бўлмайди.
@mufasa_mh
Олмалиқ шаҳридаги «Металлург» маданият саройида «Олмалиқ кон-металлургия комбинати» акциядорлик жамияти ташкил топганининг 75 йиллиги муносабати билан байрам тадбири ўтказилмоқда.
Давлат раҳбарини комбинат жамоасига йўллаган байрам табригини Бош вазир ўқиб эшиттириб, мукофотларни ўз эгаларига топширди.
@mufasa_mh
Президент «Олмалиқ кон-металлургия комбинати»акциядорлик жамиятининг 75 йиллиги муносабати билан ишлаб чиқариш илғорларидан бир гуруҳини мукофотлаш тўғрисида Фармонни имзолади.
Олмалиқда байрам учун катта тайёргарлик кўриляпти.
@mufasa_mh
Назарбеков ва Умарова ҳақидаги хабарлар асоссиз
Олий Мажлис қонунчилик палатасига депутатликка ЎзЛиДеПдан номзоди қўйилган Мактабгача ва мактаб таълими вазири Ҳилола Умарова ҳамда «Миллий Тикланиш» партиясидан номзод, Маданият вазири Озодбек Назарбековларнинг лавозимларидан кетганликлари ва депутатликни танлаганлари тўғрисидаги хабарлар ёлғон — ҳақиқатга тўғри келмайди.
Хурсанд бўлишгаям қўйишмайди-ей 😁 Озодбек депутатлик билан бирга санъатга қайтгани ўзига ҳам, мухлисларига ҳам, айниқса, давлат бюджетига анча фойдалироқ бўларди, назаримда. Ҳилола Умарова эса вазирлик фаолияти давомида нимадирлар қилишга ҳаракат қилаётгандек кўринади, аммо бирорта натижа кўринмайди. Балки янги Ҳукумат шаклланиши пайтида унга бошқа енгилроқ иш топиб беришар (аждодлари ҳурмати).
@mufasa_mh
Мактабларда нормал ҳожатхона йўқ, аммо фойдаланиш учун газеталар бор!
Обуна сезон бошланди. Бозор иқтисодиётига мослаша олмаган миллий матбуотимиз маъмурий ричаглар орқали ўзини сақлаб қолишга ҳаракат қиляпти, доимгидек. Давлат шунча қаламкашларни кўчада қолдириб, жамият ичида аламзада «писарь»лар кўпайишини истамайди. Шу сабабли, бюджет ташкилотлари обуна учун мажбурлаб келинади. Ҳар нарсага балогардон бўлган ўқитувчи ва шифокорлар — обуна мавсумида ҳам энг фаол қатламга айланади. Обуна билан боғлиқ давлат харидларини кузатсангиз, обуна балоси таълим ва тиббиёт муассасалари бўйнида қолиб кетганига амин бўласиз.
Жумладан, Навоий виляоти мактабгача ва мактаб таълими бошқармаси томонидан «Маънавий ҳаёт» каби нашрлар обунаси учун қарийб 400 млн сўм сарфланган. Ушбу журнали таҳририяти ўтган йили 276 млн сўмга машина сотиб олган. Ўзбекистондаги мактабларнинг 70 фоизи канализация тизимига уланмаган (!). Агар шу мактабларга борсангиз, фалон миллион сўмга обуна бўлинган газеталарни канализацияга уланмган ҳожатхонадан топасиз. Зўр-а, мактабда нормал ҳожатхона йўқ, зато фойдаланиш учун газетлар бор.
@mufasa_mh
Шавкат Мирзиёев:
«15 ноябрь куни жафокаш Фаластин халқи ўз миллий байрами – Фаластин Давлати эълон қилинган кунни нишонлайди.
Аминманки, бу қадимий ва бой тарихга эга халқ 1967 йилдаги чегаралар доирасида, пойтахти Шарқий Қуддус бўлган мустақил ва озод давлатини тузишга тўла ҳақлидир. Бу борада биз Саудия Арабистони ташаббуси билан ташкил этилган Икки давлат ечими учун глобал альянс фаолиятини ҳар томонлама маъқуллаймиз»
Протез-ортопедия воситалари барча муҳтож шахсларга бериляпти
Йил бошида президент қарорига асосан муҳтож шахслар учун протез-ортопедия мосламалари ва реабилитация воситаларини ваучер асосида электрон тижорат орқали олиш тизими ишлаб чиқилди. Янги рақамли тизим жорий этилиши билан бу жараён анча соддалашгани ва самарали бўлгани ҳақида ёзгандим.
Хабар беришларича, 1 ноябрдан бошлаб бу воситалар ким мухтож бўлса, ҳаммага берилмоқда. Бугунга қадар 80 минг одам қамраб олинган, йил охиригача 100 минг кишини қамраб олиш режалаштирилган.
Бунинг учун фуқаролар қаерга мурожаат қилишлари зарур:
➖Ўзлари яшаётган туман (шаҳар)даги “Инсон” ижтимоий хизматлар марказига; (Тўлиқ манзили бу ерда)
➖Ўз маҳалласидаги ижтимоий ходимга мурожаат қилиш.
➖Қўшимча маълумот учун Ижтимоий ҳимоя миллий агентлигининг 1140 қисқа рақамига қўнғироқ қилишлари мумкин.
@mufasa_mh
Олий суд раиси Бахтиёр Исломов адвокатлар билан мулоқотда Ўзбекистонда фаолият юритувчи судьяларда ҳақиқий айбдорларни жазолаш учун баъзан қатъият етишмаётганини айтибди.
Агар бу гапни эрта-индин ёлғон ёки контекстдан юлинган, нотўғри талқин қилинган деб чиқишмаса, даҳшатли даражадаги шармандали гап бу, аслида. Суд тизими, учинчи ҳокимият легитимлигини савол остига қолдирадиган гап-ку, бу!
Демак, судларда ҳақиқий айбдорлар жазодан қутулиб қолаётгани, уларнинг ўрнига бегуноҳ одамлар қамалаётгани борасидаги барча тахмин ва хавотирлар ўринли. Одил суд деган нарса йўқлигига аниқ ишора.
Бундан ташқари, Бахтиёр Исломов республикада судья кадрларга ўткир эҳтиёж йўқлигини, ҳар йили етарлича судья штатлари очилаётганини, бироқ уларнинг малакаси ҳали талаб даражасида эмаслигини тан олибди.
Даҳшат! Малакасиз судьялар қанча айбсиз инсонларга ҳукм ўқиб юборган бўлишлари мумкин? Жамият бу гаплардан кейин қандай қилиб суд тизмига, ҳокимиятига ишонч билдиради?
«Garant bank» АЖга янги раис тайинланди
«Garant bank» АЖ Кузатув Кенгаши қарорига мувофиқ банк бошқаруви раиси этиб Адилов Кодир Мухлисбекович тайинланган ва Марказий банк билан келишилгандан сўнг лавозимга киришиши белгиланган.
К.Адилов 2022 йил декабрь ойидан 2024 йил 4 ноябргача «Octobank» АЖ Амалиёт бошқармаси бошлиғи лавозимида ишлаб келган.
@mufasa_mh
Трамп сайловда ғалаб қозонди. Миллий журножалапларимизни дарди ичида, кайфияти йўқ. Негаки, жаноб Трамп АҚШни 45-президенти сифатида фаолият юритган вақтида “демократия экспорт”ини деярли тўхтатиб, турли хил ташкилотларни молиялаштирмай қўйганди. Нима дейсизлар, Америка халқининг танлови шунақа бўлди. Баттар бўлинглар! 😁
Инаугурациядан кейин Трамп ишни бошлайди ва дунёни турли бурчагидаги “грантхўрлар”оч қолишлари эҳтимоли катта. АҚШ элчихонасини орқа эшигидан боришса ҳам, ёнидан-олдидан боришса ҳам, пул йўқ. Энди Жонатан окага жон-жон дейишдан ҳам толк йўқ. Камига бу иноагент башаралар ўзларини жадидларга тенглаштирганига бало бораканми?
@mufasa_mh
🏦 Ҳурматли “Асакабанк” жамоаси ва унинг қадрли мижозлари!
Сизни банкнинг 29 йиллик байрами билан табриклаймиз! “Асакабанк” — бу нафақат ишончли молиявий ҳамкор, балки Ўзбекистондаги иқтисодий тараққиётнинг ҳақиқий суянчи. Мижозлар билан елкама-елка туриб, уларнинг катта ютуқларига ҳам, қийинчиликларига ҳам елкадош бўлиб келаётган банк ҳақиқий ишонч ва садоқат рамзига айланган.
Бизнинг ортимизда ана шундай ишончли молиявий ҳамкор борлиги билан фахрланамиз ва келажакдаги янги марраларга эришишда омад ёр бўлишини тилаймиз!
🥳 29 йиллик байраминг муборак, “Асакабанк”!
@mufasa_mh
Расман: Чирчиқ шаҳар ҳокимининг ўринбосари 1 млн. АҚШ доллари олган вақтида ушланди
Тошкент вилояти Чирчиқ шаҳар ҳокимининг ўринбосари хизмат мавқеидан фойдаланган ҳолда, кластер шаклидаги савдо мажмуаси ташкил этиш учун 40 млн. АҚШ доллари миқдорида инвестиция киритиш шарти билан, шаҳар ҳокимлиги захирасидаги 20 гектар ер майдонини аукцион савдога чиқартириб, ютиб бериш ва 49 йил муддатга ерга эгалик қилиш ҳуқуқини расмийлаштиришда кўмаклашиш эвазига 2 млн. АҚШ доллари талаб қилиб, олдиндан 1 млн. АҚШ долларини ўзининг ҳайдовчиси орқали олган вақтида ушланган.
Ҳозирда хизмат мавқеидан фойдаланиб, жуда кўп миқдорда пора олган ҳоким ўринбосарига нисбатан Жиноят Кодексининг 210-моддаси 3-қисми “а” банди билан жиноят иши қўзғатилди ва қамоқ эҳтиёт чораси қўлланилган.
@mufasa_mh
Юраги бўшлар ўқимасин:
Бир-биридан мустақил манбалар Чирчиқ шаҳар ҳокимини инвестиция бўйича ўринбосари пора сифатида 1 миллион доллар олган вақтида қўлга тушганини маълум қилишмоқда.
Тошкент ва Андижон вилоятлари ўртасида ўзаро рақобат борлиги кўп жабҳаларда сезилади. Аммо пора олишда ҳам мусобақалашишлари ҳаёлимга ҳам келмаган экан. Андижонда инвестиция бўйича зам ҳокимни уйидан 3 миллион доллар чиққанда 1 миллион доллар нима бўпти? Тошкент вилоятидек салоҳиятли ҳудуд учун уят бу! Зангиотаними, Бўстонлиқними зам ҳокимлари зудлик билан 5 миллион доллар олиб, рекордни янгилашлари зарур! Ахир бу туманларда бир сотих ер биткоиндан ҳам қимматку!
@mufasa_mh
Ҳар доим йўлларда «Тез тиббий» ёрдам машинасига йўл бермаётган ҳайдовчиларни кўрганимда «наҳотки буни ҳеч ким назорат қилмайди» деган ўйлар ўтарди.
Бу ҳолатларга бепарво бўлмаган ГАИ ходимлари ҳам бор экан. Хоразмда «Тез тиббий» ёрдам машиналарига йўл бермайдиган ҳайдовчиларга нисабатан рейд ўтказилибди. Оқлайман ва дуо қиламан.
Баъзи олифта ҳайдовчилар «Тез тиббий» ёрдам машиналарига йўл бермай, безрайиб ҳаракатни давом эттиради. Худдики, ҳеч қачон ўзлари тез тиббий ёрдамга муҳтож бўлмайдигандек, қачондир мана шу машинани кабинасида ўзи ҳам «йўловчи» бўлиб қолиши мумкинлигини ўйламайди.
«Тез тиббий» ёрдам хизмати ходимлари бир йилда ўртача 15 млн чақирувга боришаркан.
Шу сабабли, йўлларда «Тез тиббий» ёрдам машиналарига йўл берайлик — 1 дақиқа кўп нарсани ҳал қилиши, бир инсонни умрини сақлаб қолиши мумкин. Бундай турдаги машиналарга йўл бермаслик учун жазо борлигини билмаган танишларга видеони юбориб огоҳлантириб қўйинглар.
@mufasa_mh
Дубайда фирибгарлиги учун қамалган британиялик — Қашқадарё ҳокимига маслаҳатчи бўлди
Уч кун аввал Ўзбекистонни Британиядаги элчиси Равшан Усманов Қашқадарё вилояти ҳокимининг инвестициялар ва экспорт масалалари бўйича янги тайинланган маслаҳатчиси – Британиянинг "Room Seven Capital Partners" компаниясининг бошқарувчи ҳамкори Петер Маргеттс билан учрашув ўтказган.
Бу ҳақда "Дунё" ахборот агентлиги бугун хабар бериб, Британия делегацияси Ўзбекистоннинг вазирлик ва идораларида ҳамда Тошкент, Қарши ва Термиз шаҳарларида В2В форматида бир қатор учрашувлар ўтказишини маълум қилди.
"Room Seven Capital Partners LLP" номли компания 2022 йил 16 август куни Буюк Британияда рўйхатдан ўтган ва компнаия фаолияти 2023 йил 26 сентябрь куни тугатилган. Ҳозирда фаолият юритмайди.
Компаниянинг сайти ва очиқ манбаларда компания томонидан амалга оширилган ёки оширилаётган муваффақиятли лойиҳалар ҳақида маълумот йўқ. Компания сайтидаги ягона янгилик — Ўзбекистон Республикаси Президенти ҳузуридаги Стратегик ислоҳотлар агентлиги ташкил этилишига оид қарорнинг мазмуни, холос.
"Room Seven Capital Partners" компаниясининг бошқарувчи ҳамкори дейилган Петер Маргеттс (Peter Margetts) 2009 йилда чек ва бошқа ҳужжатларни сохталаштириш, инвесторларни алдаш айби билан Дубай (БАА)да 40 йилдан зиёд муддатга қамоқ жазосига ҳукм қилинган эди.
У Дубай қамоқхонасида 9 йил (бошқа манбаларда муддат борасида тафовут мавжуд) умрини ўтказган ва у ерда қирқ кун очарчилик эълон қилган. Очарчилик сабабли оғир касаллик билан шифохонага ётқизилган.
Қамоқхонадаги ўтказган умри ҳақида ўзининг "When's Daddy Coming Home" китобида батафсил ҳикоя қилган.
@mufasa_mh
ЎзЛиДеП мансабдорларни қонунларга риоя этишга, Бош прокуратурани эса назоратни кучайтиришга чақирмоқда
Боёвут туман ҳокими Дилфуза Ураловани фермерларга бўлган муносабати, муомаласи ва ноқонуний ҳаракатлари кўпчиликни эътирозларига сабаб бўлди.
ЎзЛиДеП электоратининг асосий вакиллари бўлган тадбиркор ва фермерларнинг манфаатини кўзлаб, бу муносабат билдирди. Муносабатда мансабдор шахсларни қонунларга риоя этишга, Бош прокуратурани бу борада қатъий назорат ўрнатишга чақирган.
Сирдарё вилояти ҳокимлиги Одоб-аҳлоқ комиссияси йиғилишида Боёвут тумани ҳокими Дилфуза Ураловага нисбатан интизомий жазо чораларини кўриш учун вилоят ҳокимига тақидмнома киритилибди.
Ҳар қандай ноқонуний ҳатти-ҳаракатлар тегишли тартибда жазосиз қолмайди, албатта.
@mufasa_mh
Халқимиз орасида содда ва ишонувчан одамлар кўп. Уларни «лох» дейишга тилинг бормайди. Аммо апирисларни тузоғига осонгина тушишади. ИИВни оперлари 1988 йилда туғилган апирисни ушлашибди. У 1993 йилда туғилган фуқарога танишларим орқали ИИВ Академиясига ўқишга киритиб қўяман деб, ундан 5 минг доллар олаётган бўлган.
Яна бир ҳолатда 1993 йилда туғилган апирис учта шериги билан битта фуқарога Навоий ва Бухоро вилоятларида жойлашган «Олтин кон»лари чиқиндисини қайта ишлаш учун жой олиб берамиз дея 55 минг доллар сўрашган. Сўралган пулдан 7 минг долларини олаётган вақтида ушланган.
Фирибгарлик – Ўзбекистонда тадбиркорликни бир турига айланиб қолди. Бир-бирини алдаш, кийдириш, ухлатиш одатий ҳол.
@mufasa_mh
Жамоатчиликка яхши таниш бўлган Одилжон Тожиев Олий Мажлис Қонунчилик палатаси депутатлигига сайланди.
У ўзининг саҳифаси унга ишонч билдирган 50-Тошкент вилояти (Янгийўл шаҳар, Янгийўл туман, Чиноз тумани ҳамда қисман Қуйичирчиқ тумани) Сайлов округидаги сайловчиларига самимий миннатдорлик билдирди.
Одилжон Тожиев ёш бўлишига қарамай анча фаол бўлган саноқли сиёсатчилардан бири. Жамиятдаги долзарб мавзулар юзасидан ўз муносабатини, позициясини билдириб келади. Шу билан бирга, қонун ижодкорлиги соҳасида ташаббускор депутат сифатида жамоатчилик эътиборига тушган.
@mufasa_mh
Келаси йил дефицитни қоплаш учун 3 млрд доллар қарз оламиз
Келгуси йилда Ўзбекистон Республикаси номидан ва кафолати остида ташқи қарзларни жалб қилиш бўйича йиллик имзоланадиган янги битимларнинг чекланган ҳажми 5,5 млрд АҚШ доллари миқдорида, шундан 3 млрд АҚШ доллари Давлат бюджетини қўллаб-қувватлаш, шу жумладан, бюджет тақчиллигини молиялаштиришга, қолган қисмини инвестиция лойиҳаларини молиялаштиришга йўналтириш белгиланган.
@mufasa_mh
Афғонистонда аёлларни бир-бири билан гаплашиши тақиқланди
«Толибон» вазири Холид Ҳанафий аёлларга нафақат эркаклар, балки аёллар билан ҳам очиқ мулоқот қилишни тақиқлади.
Вазир баёнотига кўра, вояга етган қизларга бошқа вояга етган қизларнинг овозини эшитиш тақиқланган. Шунинг учун аёллар ҳам бошқа аёллар олдида Қуръонни баланд овозда тиловат қилишдан сақланишлари керак.
Афғонистонда ҳокимият «Толибон» қўлига ўтгандан сўнг мамлакатда аёлларга:
— таълим олиш;
— эркак ҳамроҳлигисиз саёҳат қилиш;
— жамоат жойларида, айниқса эркаклар билан гаплашиш;
— паркларга бориш, сузиш ва спорт билан шуғулланиш;
— гўзаллик салонларига бориш тақиқланган.
Бундан ташқари, аёллар учун муассасалар ёпилган ва аёлларга нисбатан зўравонлик тўғрисидаги қонун бекор қилинган.
@mufasa_mh
