Ўзбекистон Республикаси Президенти Шавкат Мирзиёев 2023 йил 4 декабрдан қисқа муддатли меҳнат таътилига чиқди.
@mufasa_mh
Хитой компанияси Тошкент вилоятида электромобил учун қувватлагичлар ишлаб чиқариши мумкин.
@mufasa_mh
Давлат раҳбарини кучли иродаси ва қатъиятига яна бир маротаба қойил қолдим! Айни пайтда «кучинский»ларга ов давом этяпти. Эсимни танимабманки, бундай масштабда тадбир ўтказилмаган. Собиқ иттифоқ ва мустақиллик давридан бери «тахт»дан тушмай келаётганлар ҳам «ичкарига» олиб кирилди.
Минг афсуски, халқимиз орасида «блатной»ларни мухлислари талайгина, биз бундай пайтда ҳуқуқ тартибот органларини қўллаб-қувватлаб, улар билан қалбан бирга бўлишимиз керак. Қонун устуворлиги ва жазо муқарарлиги, Конституциядан бошқа ҳеч қандай ўзгача қонунлар йўқлиги таъминланмоқда! Бу Конституция байрами арафасида халқ учун энг зўр совға! Жиноятчиликка қарши курашга бел боғлаган барча ходимларга омад, овингиз барорида келсин! Биз сизлар билан бирга 🫡 🇺🇿
@mufasa_mh
Ҳукумат учун ёмон хабар: Тошкентда 12 декабрдан -13 даражагача совуқ бўлиши кутилмоқда. Чиновниклар тили билан айтганда, аномал совуқ бошланади.
Биз (шахсан ўзим) свет ва газни пулини тўлаб қишки сезонга тайёргарлик кўриб қўйдик. Ҳукумат-чи, ушбу аномал совуқ пайтида свет ва газни узлуксиз таъминлаб беришга тайёрми? Яна кутилмаганда келиб қолди деб юрманглар, мана телефонни погодасида ҳам кўрсатиб турибди.
@mufasa_mh
Ўзбекистонда ташланмалар Миллий реестри яратилади
БМТнинг иқлим ўзгариши бўйича 28-конференцияси (COP28) доирасида Экология, атроф-муҳитни муҳофаза қилиш ва иқлим ўзгариши вазири Азиз Абдуҳакимов ва «Industrial Innovation Group» бош директори Тарям Матар Тарям ўзаро англашув меморандумини имзолабди.
Ҳужжат Миллий углеродли кредит тизимини яратиш доирасидаги ҳамкорликка қаратилган.
@mufasa_mh
Тошкент шаҳрида криминоген вазиятни яхшилаш бўйича кенг қамровли тезкор-профилактик тадбирлар ўтказилмоқда.
Тошкент шаҳар ИИББ фуқаролардан хавфсизлик қоидаларига риоя этишни ва хавотирга берилмасликни сўрамоқда.
Оқлайман ва дуо қиламан! «Кўча»лар тозаланмоқда, қозихоналар ёпилмоқда.
@mufasa_mh
Зойир Мирзаев: «касалхонада завхоз билан бухгалтер бор экан, касалхона ҳеч қачон ривожланмайди!»
@mufasa_mh
"Миллий тикланиш" партияси газетаси бу сафар "Орсизлик 2" мақоласини чоп этибди 🤦♂️ Унда @mufasa_mh телеграм каналидаги фикрлар ҳам акс этган.
Партия нашри жамоатчилик фикрини, айниқса блогерларнинг қарашларини олиб чиқаётгани қувонарли, албатта. Мақолада бошқа партиялар ҳали ҳам ўз йўлини танлай олмаётгани ҳам айтилган.
Яқиндан фаолиятини йўлга @polemicouz канали эса партиялар учун майдон яратаман деяпти. Канал админи ҳеч қайси партияга аъзо эмаслигини, ҳар бир партиянинг босган қадамини объектив ёритишни иддао қиляпти. Шу кетишда партиялар орасида нимадир бўлади-ёв, кузатайлик-чи.
@mufasa_mh
Ўзи шу пайтгача нима учун фуқароларнинг мақсадини аниқлайдиган қурилма ўйлаб топмаганимизга ҳайронман. Ахир ҳозирги кунда жуда зарурият туғиляпти-ку! Ички ишлар ходимлари, судьялар ва мақсадсиз кўчада юрган ёшларни қувиб юрган ҳокимларни иши осон бўларди.
Раз битта фуқарони кўриб қолдими, всё — ануви аппаратни уни пешонасига тутади: «бу қашшоқ мақсадсиз юрибдими? Ёки мақсади нима буни? Нияти тўғрими ўзи? Ҳаёлида нима бор? Мақсадим бор ва у тўғри деб алдаяптими?», сразу шуларни анализ қилиб берарди-да.
Агар фуқаро мақсадсиз юрган ёки мақсади бор-у аммо ёмон бўлса, зинғиллатиб 15 суткага тиқиларди. В друг яхши ниятда бўлса, унда оқ йўл тилаб қўйиб юборилади.
Агар жиддийроқ айтсам, бу тутриқсиз нормадан кўра, ички ишлар тизимини обрўсизлантирувчи хатти-ҳаракатларни содир этган ходимларга нисбатан жазо кучайтирилиши керак эди. Дейлик, бирор йиғилишда ҳуқуқни муҳофаза қилувчи орган ходимларини иш фаолиятидаги камчиликлари учун уларга «ўғри» ёки «каламуш» дея обрўсизлантирувчи сўзлар иштилса ва бу суратга олиниб расмий манбалардан тарқатилса, уни биз ҳам улашворсак, шунда 15 суткага ким киради? Тўғри, биз киришимиз аниқ 😁
@mufasa_mh
Эковазирликни коттаконларидан бири Ўлмас ака тўғри айтяпти. Одамларда дарахт кўчати экишга манфаат йўқдек.
Охирги пайтларда табиатга нисбатан муносабатимиз салбий томонга ўзгарган эди. Соғлом дарахтлар кесилди, яшил зоналар қуритилди. Боғларни ўрнига домлар қурилди. Кўчатлар экмадик.
Нафақат давлат, балки жамият ҳам табиатни асрашга бепарво бўлиб қолган эди. Бўш турган жойга бир дона кўчат экишга эринадиган бўлиб қолгандик. Лекин Шефни ташаббуси билан «Яшил макон» лойиҳасига старт берилди. Кўплаб жойлар яшил зоналарга айлантирилмоқда. Афсуски, одамларда дарахт кўчати экишга яна рағбат, хоҳиш ва манфаат йўқдек. Ҳамма тирикчилик ва тезроқ бойиш кетиш дардида «вас-вас»га йўлиққандек.
@mufasa_mh
Рақобатни ривожлантириш ва истеъмолчилар ҳуқуқларини ҳимоя қилиш қўмитаси раиси
Шарахметов Шахрух Шатурғунович ишдан кетди.
@mufasa_mh
Қорақалпоғистонда ўрмон хўжалиги раҳбари ов қилиб юрган пайтида қўлга тушди
Мўйноқ тумани «Қазахдаря» ОФЙ ҳудудида ўтказилган рейд давомида «Қораўзак» давлат ўрмон хўжалиги раҳбари А.И. тегишли рухсатномасиз ов милтиғи билан ов қилиб юрганлиги аниқланган.
Карамни эчкига ишониб топширишган экан-да…
@mufasa_mh
ЎзЛиДеП «рейдер» ҳоким бўйича муносабат билдирди
Янгийўл тумани ҳокими бир гуруҳ куч ишлатар тизимлари ҳодимлари билан туман ҳудудидаги кафе ва ошхоналар фаолиятини рейд шаклида текшириб, буни ижтимоий тармоқларда тарқатган эди.
Вот, шу бўйича Ўзбекистон Либерал-демократик партияси муносабат билдириб, тадбиркорларга нисбатан амалга оширилган ҳар қандай ноқонуний фаолиятни қоралашини маълум қилди.
Бизнес-омбудсман ва прокуратура органлари эса ҳали ҳанузгача миқ этишмади. Видеода кўринадики, ҳоким ўзидан назорат органи ясаб олиб, ҳеч қандай тегишли рухсатномаларсиз тадбиркорлик фаолиятига аралашган. Тадбиркорларга тегишли «склад»ларда ўзига хос тинтув ўтказган. Тем более тунги вақтда (23:00-06:00) тинтув тугул, тергов ҳам ўтказиш мумкин эмас эди, адашмасам.
@mufasa_mh
Охирги пайтда ўзини чиқишлари билан кўзга ташланиб қолаётган депутат Умида Рахмонова энди дарсликларни ўрганишга қарор қилибди. Товба, битта ўзи шу депутат опа қолганди дарсликлар темасига аралашмаган 😁
@mufasa_mh
2023 йил январь – октябрь ойларида «Ўзметкомбинат» АЖ томонидан жами 89 млн 986 минг долларлик маҳсулотлар экспорти амалга оширилибди. Режа кўрсаткичи (78 млн 966 минг доллар) 125,0 фоизга бажарилган.
Жумладан:
- Жами 69 млн 642 минг долларлик, 95 минг 758 тонна қора металл прокати маҳсулотлари Тожикистон, Қирғизистон ва Европа давлатларига;
- Жами 19 млн 3 минг долларлик 2 минг 185 тонна мис ва латун маҳсулотлари Россия, Белоруссия, Қирғизистон, Озарбайжон, Тожикистон ҳамда Туркия давлатларига;
- Жами 1 млн 341 минг долларлик иссиқлик ўтказмас маҳсулотлар ва халқ истеъмол моллари Тожикистон, Қирғизистон, Қозоғистон Туркманистон, Молдова, Озарбайжон, Россия, Латвия, Болгария, Германия ва Чехия давлатларига экспорт қилинган.
@mufasa_mh
4-5 декабрь кунлари Беларусь республикаси Бош вазир Роман Головченко бошчилигидаги делегация Ўзбекистонга ташриф буюради.
Ташрифнинг асосий воқеалари Самарқанд шаҳрида бўлиб ўтади.
@mufasa_mh
Олий Мажлис Қонунчилик палатаси депутати Наврўзбек Юсупов МЖтК 195²-моддасига киритилаётган норма бўйича муносабат билдирибди.
Унинг айтишича, ҳуқуқни муҳофаза қилувчи органлар ходимларининг жамоат хавфсизлигини таъминлаш билан боғлиқ хизмат вазифаларини бажариши чоғида олинган фото ва видеотасвирларни уларни «обрўсизлантириш»мақсадида, яъни ёлғон, ноаниқ ёки бузиб кўрсатилган маълумотларни Интернет жаҳон ахборот тармоғига жойлаштириш учун жавобгарлик белгиланаётган экан.
Жуда кўпчилик, шу қатори Коррупцияга қарши курашиш агентлиги раҳбари Акмал Бурхонов ҳам буни нотўғри тушунибди. Депутат А.Бурхоновни «ўзи ҳуқуқшунос, депутат бўлган. Лекин у айтаётган модда, яъни МЖтК 195²-моддасига киритилаётган меъёр умуман бошқа нарсаку. Биринчи марта ўқиган одам, албатта тушуниш мумкин, яъни ҳуқуқни муҳофаза қилувчи органлар ходимларини фото ва видео тасвирга олиш мумкин эмас деган маъно бўлиши мумкин. Лекин ҳар қандай онгли одам, агар 195²-моддани яхшилаб «ўқиса» ва «уқиса» у ерда умуман бошқа маъно борлигини биладику!» дея урушиб ташлаган.
Депутатни гапларидан «шантаж» қилиш мақсадида «монтаж» қилиш керак эмас ва бунга жавобгарлик киритилмоқда деб тушундим.
@mufasa_mh
Расман: «Бахти Ташкентский» қўлга олинди
Тошкент шахар ИИББ ҳузуридаги Тергов бошқармаси томонидан Ўзбекистон Республикаси Жиноят кодексининг 165-моддаси 3-қисми (жуда кўп миқдорда товламачилик) билан қўзғатилган жиноят иши тергов қилинмоқда. Мазкур жиноят иши доирасида ўтказилган тергов-тезкор ҳаракатлари давомида жиноий фаолият олиб борган бир нечта шахслар гумонланиб ушланди.
Жумладан:
1971 й.т. Қудратуллаев Бахтиёр Зафарович (165-модда 3-қисми, жуда кўп миқдорда товламачилик; 276-модда 2-қисми, кўп миқдорда гиёҳвандлик воситаларини сақлаш);
1980 й.т. Шарипов Дилшод Тулкинович (165-модда 3-қисми, жуда кўп миқдорда товламачилик);
1972 й.т. Мирзаханов Анвар Бабаражабович (165-модда 3-қисми, жуда кўп миқдорда товламачилик).
Ушбу шахслар таҳдид ва куч ишлатиш йўли билан пул маблағларини қонунга ҳилоф равишда қўлга киритиш билан шуғулланган. Жиноят иши доирасида гумон қилинувчи Б.З.Қудратуллаев, А.Б.Мирзаханов, Д.Т.Шариповлар процессуал тартибда ушланган. Тергов давом этмоқда.
PS. Тасдиқланмаган маълмуотларга кўра, «блатнойлар ови» водийда ҳам бошланган.
@mufasa_mh
Бугун Халқаро ногиронлар куни муносабати билан Тошкент вилояти Нурафшон шаҳридаги Ёшлар марказида «Инсон қадри учун!» шиори остида «Юракдан юракка»деб номланган хайрия акцияси бўлиб ўтди.
Ушбу акция 5 декабрга қадар ўтказилиб, унда имконияти чекланган болажонлар, махсус интернат тарбияланувчилари томонидан тайёрланган ижодий ишлар кўргазмаси ва ярмаркаси ўтказилади.
Мазкур тадбирда Олмалиқ кон-металлургия комбинати раҳбарияти ҳам иштирок этиб, жисмоний имконияти чекланганларга меҳр-мурувват кўрсатишди.
PS. 11 нафар (уларнинг кўпчилиги ҳаётдан кўз юмган) ногирон болажонлар томонидан чизилган сурат (3-фото)ни ОКМК ходимларидан бири 11 млн сўмга рамзий маънода сотиб олди. Яъни, суратни кўтариб уйга олиб кетмайди, балки ногирон болалар таълим олаётган муассаса ихтиёрида қолади, пули эса жамғармага тушади. Ўтган йили айни шу расмни Зойир Мирзаев 10 млн сўмга сотиб олган эди.
@mufasa_mh
«Саидазиз медгородок» қамағда
Тошкент шаҳрида «Саидазиз медгородок» лақаби билан танилган 1987 йилда туғилган Саидазиз Саидалиев спорт билан шуғулланган жисмонан бақувват бир нечта шахсни ўз атрофига жалб қилиб, бир нечта жиноятларни содир этган. Хусусан, қарздорлик ва бошқа муаммолари бўлган шахсларни муаммоларини қонунни четлаб ўтган ҳолда ҳал қилиб бериш эвазига моддий жиҳатдан манфаатдор бўлиш, таҳдидлар йўли билан пул маблағларини ноқонуний қўлга киритиш, безорилик ва тамагирлик ҳолатлари шулар жумласидандир.
Жиноят иши доирасида гумон қилинувчи Саидазиз Саидалиев ва бошқа бир нечта шахсларга нисбатан қамоққа олиш тарзидаги эҳтиёт чораси қўлланган. Тергов давом этмоқда.
Агар сиз ушбу шахсдан ёки гуруҳ аъзоларидан жабр кўрган бўлсангиз, Тошкент шаҳар ИИББнинг 71-206-45-66, 71-206-49-46 ёки 102 рақамига ёхуд яқин орадаги ИИОга мурожаат қилишингиз мумкин.
@mufasa_mh
Президент: «Яшил»иқтисодиётга ўтиш ва углерод нейтраллигига эришиш Янги Ўзбекистоннинг устувор стратегик вазифасидир!
@mufasa_mh
Сувга муносабатимизни ўзгартирмасак, узоққа боролмаймиз – Одилжон Тожиев
Олий Мажлис Қуйи палатаси спикери ўринбосари Одилжон Тожиев «Дарё» нашрига берган интервьюсида «уйларимиз, маҳаллаларимиз, ишхоналаримизда сувга муносабатимиз ўзгармас экан, ушбу беқиёс неъматни асраб-авайламас эканмиз, узоққа боролмаймиз», дея фикр билдирибди. (Қўшиламан, котта плюс).
Батафсил суҳбатда депутат сувга бўлган муносабатимизни ўйлаб кўришга чақирган.
Одилжон ака ёшлигида эшитган воқеани ҳам мисол сифатида келтирган:
«Европалик бир одам Тошкентдаги меҳмонхоналарнинг бирида крандан томчилаб турган сувни кўриб, меҳмонхона маъмуриятини кранни тузатишга чақиради. Бундай ундашлари натижа бермаган хорижий турист муаммони бартараф этмаган меҳмонхона устидан прокуратурага шикоят ёзиб кетган экан. Бу – сув ресурслари энг мўл-кўл бўлган минтақа вакилининг сувга бўлган муносабати! Пули тўланган хона (!) ҳаммомида томчилаётган сув уни даҳшатга солган. Биз ҳам, маҳалла ва қишлоқларимизда вентилсиз кранлардан шариллаб оқаётган сувни кўрганда ундан ҳам қаттиқроқ даҳшатга тушишимиз керак аслида».
@mufasa_mh
Наманганда кўчага мусор ташлаган ҳайдовчи жазоланди
Ўрнатилган кузатув камералари ёрдамида белгиланмаган жойга чиқинди ташлагани аниқланган фуқаро «О. Х.»га нисбатан маъмурий баённома расмийлаштирилибди. Шунақа камерани ҳамма жойга ўрнатиш керак. Жарима суммасини ҳам ошириш лозим, ҳозир бор-йўғи 330 минг сўм экан.
@mufasa_mh
Бугун бир тўда депутлар ғалати бир нормани тасдиқлаб, сенатга упаковка қилиб юборишибди.
Ички ишлар ходимини вазифасини бажариш билан боғлиқ ахборот (фото ёки видео)ни уни обрўсизлантириш мақсадида, интернет тармоғига жойлаштиргани учун фуқароларга 50 бараваргача жарима, ҳаттоки, 15 суткагача қамоқ жазоси қўлланиши мумкин экан.
Алишер Қодировни муносабатидан бу норма нафақат ички ишлар ходимларига, балки ҳуқуқни муҳофаза қилувчи барча органларга нисбатан татбиқ этилишини тушуниш мумкин.
Менимча, эски ва янги Ўзбекистон тарихида депутатлар томонидан тасдиқланган энг тутруқсиз норма шу бўлса керак. Ҳозирча бундан баттарини кўрмаган эдик.
Депутатлар буни анчадан бери муҳокама қилиб отказ қилиб келаётган эди, лекин негадир бугун тасдиқлаб юборишган. Биттагина нормани ўзида мингта савол туғиляпти. Масалан, юқоридаги суратда иккита прокурорский «электрощит»ни худди бир нимани тушунгандек томоша қилиб турибди. Улар бу бўйича мутахассис эмас ва мен бу суратни ҳеч бир изоҳсиз жойласам-у, аммо ичимда, яъни мақсадим уларни обрўсизлантириш бўлса, буни ким қаердан билади? Ёки прокурорларни ишини кўрсатай деган яхши ниятда қўйсам-у, бу расм прикол бўлиб кетса-чи? Одамлар изоҳда «ундан кўра тахланиб ётган делоларни кўрсаларинг бўлмайдими» деб изоҳ ёзишса, суд мени 15 суткага тиқиб юборадими?
Бу тутриқсиз норма Президент имзолашигача етиб бормайди, Сенатни ўзи чиқариб ташлайди деган яхши гумондаман.
@mufasa_mh
Йўл ҳаракатида жарима балларини ҳисоблаш тизимига ўтишимиз мумкин
Бугун Қонунчилик палатаси ялпи мажлисида кенг жамоатчилигимиз муҳокамасида бўлган яна бир соҳада муҳим қарорлар қабул қилинди. Жумладан, йўл ҳаракати қоидаларини такомиллаштиришга, ЙТҲларнинг олдини олиш, йўл ҳаракати хавфсизлигини назорат қилишга оид ҳужжат кўриб чиқилди.
Ўзининг ва бировларнинг ҳаёти ўйинчоқ бўлган, цинизм отига минган баъзи бемаъни ҳайдовчиларни деб йўлларимизда бегуноҳ одамлар ҳаётдан кўз юмяпти, яна қанчалари бутун умрга майиб бўлиб қолмоқда. Бу каби ҳодисаларнинг ортиб бораётгани халқ вакилларини бефарқ қолдираётгани йўқ, албатта.
Мажлисда “Йўл ҳаракати хавфсизлиги тизими такомиллаштирилиши муносабати билан Ўзбекистон Республикасининг Жиноят кодекси, Жиноят-процессуал кодекси ва Ўзбекистон Республикасининг Маъмурий жавобгарлик тўғрисидаги кодексига ўзгартириш ва қўшимчалар киритиш ҳақида”ги қонун лойиҳасини қизғин муҳокама қилдик.
Ҳужжат билан, транспорт воситасини бошқариш ҳуқуқидан маҳрум бўлган шахс томонидан транспорт воситасини такроран бошқариш учун (маъмурий жазо қўлланилганидан сўнг) жиноий жавобгарликни белгилаш назарда тутиляпти.
Ундан ташқари, мунтазам равишда қоидабузарлик содир этганлик учун жарима баллари ҳисоблаш тизими жорий этилмоқда. Яъни, ҳисобланган жарима баллари бир йил давомида 12 баллдан ошган ҳолларда охирги содир этилган ҳуқуқбузарлик учун қўшимча жазо тариқасида ҳайдовчини транспорт воситасини бошқариш ҳуқуқидан маҳрум қилиш тартиби жорий этилиши мумкин.
Транспорт воситасини бошқариш ҳуқуқидан маҳрум қилиш жазоси судлар томонидан қўлланилади. Йўл ҳаракати қоидабузарликлари бўйича ҳисобланадиган жарима баллари белгиланган миқдордан ошганлик учун маъмурий жазони жиноят ишлари бўйича судлар қўллаши тартиби таклиф қилиняпти.
Бундан ташқари, сиқилган табиий газда, суюлтирилган нефть газида ишлайдиган транспорт воситалари билан боғлиқ ҳодисалар бўйича алоҳида моддалар билан маъмурий ва жиноий жавобгарлик белгиланмоқда.
Ўйлайманки, ушбу қонун лойиҳаси йўл ҳаракати иштирокчиларининг қоидаларга қатъий амал қилишини таъминлашга, йўл-транспорт ҳодисаларининг олдини олишга хизмат қилади.
Қонун қабул қилиниб, Сенатга юборилди.
Одилжон Тожиев
Ва ниҳоят орадан бир ой ўтиб Шаҳрисабз шаҳрига янги ҳоким тайинланди
Бўриев Шерзод Ахадович Шаҳрисабз шаҳар ҳокими лавозимига тайинланди.
Тайинловга қадар Давлат активларини бошқариш агентлигининг Қашқадарё вилояти ҳудудий бошқармаси бошлиғи лавозимида ишлаб келган.
@mufasa_mh
Бугун мен Тошкентдаги бешта диққатга молик маскан: Ғафур Ғулом, Тамарахоним, Ўрол Тансиқбоев, Сергей Есенин ва Сергей Бородин уй-музейларига ташриф буюрдим. Уларнинг ҳар бири маданиятимиз ва тарихимиз зарварақларидаги бетакрор саҳифадир.
Мазкур музейлар Ўзбекистон маданий меросининг бойлиги ва хилма-хиллигини теранроқ англашга ёрдам беради. Ушбу хотирани сақлаш муштарак масъулиятимиз ва вазифамиздир.
Афсуски, ташриф давомида пойтахтимиздаги барча уй-музейлар реконструкцияга муҳтож экани маълум бўлди. Бундай музейларга кўмаклашиш ва қўллаб-қувватлашда маданиятга ҳомийлик институтини ривожлантириш жуда муҳим. Ўз навбатида ишонтириб айтаманки, буюк ижодкорлар хотирасини ўзида сақлаган барча маданият муассасалари қиёфасини тиклаш ва ҳолатини яхшилаш бўйича тез орада зарур чоралар кўрилади.
Айни пайтда Нурафшон шаҳрида Тошкент вилояти ҳокими Зойир Мирзаев бошчилигида «Яшил макон» умуммиллий лойиҳаси доирасида дарахт кўчатлари экилмоқда
@mufasa_mh
Яккасарой туман ҳокими
Дарахт кўчати экиш яхши-ю, лекин техника хавфсизлигига ҳам риоя қилиб, ўзизни эҳтиёт қилинг, Нилуфар опа!
@mufasa_mh
Кеча депутатлар «Ҳукумат соати»да Энергетика вазири Жўрабек акани разбор қилишган.
Депутат Бобур Бекмуродов «Пойтахтимизда янги бино ва иншоотлар қурилиши электр энергиясидаги эскирган инфратузилмага тушадиган юкламани ошириб юбориши мумкин. Лекин қурилиш ишлари давом этмоқда. Ўзи бу қурилишларни қилаётганда ушбу жиҳатлар инобатга олиняптими-йўқми?» дея ҳозирги кундаги энг долзарб масала юзасидан савол берган.
@mufasa_mh
