#CRIC21 #UNCCD
Абдухакимовга қойил, БМТ Бош котиби ўринбосари Иброхим акани етаклаб, Орол денгизига оборибди. Мана шунақа халқаро даражадаги шахсларни кўпроқ Оролга олиб бориш керак. Кўришсин, бу фақат Ўзбекистон ёки шу минтақани муаммоси эмас. Балки, бутун ер аҳлини муаммоси ва буни фақат биз ёлғиз ўзимиз ҳал қилолмаймиз.
@mufasa_mh
Йиғилишда йўл хўжалигида ҳам шу аҳвол экани таъкидланди. Кўпгина ички йўллар ва унга туташ ерларнинг ҳужжати йўқлиги билан боғлиқ муаммолар кўрсатиб ўтилди.
Келгуси йилда “Ташаббусли бюджет” ва “Менинг йўлим” лойиҳаларига ажратиладиган маблағлар ҳисобидан таъмирланадиган ички йўлларни лойиҳалашда уларга кадастр ҳужжатини тайёрлашни ҳам назарда тутиш топширилди.
Айрим вазирликларга берилган ер ва бинолар кадастри ҳам қониқарсизлиги қайд этилди. Баъзи объектларнинг эгалик ҳужжати йўқлиги аниқланган. Ушбу ерларнинг ҳужжати йўқлиги сабабли талон-торож қилинган ҳолатлар мавжуд.
Вазирликларга ўзларига қарашли барча ер ва биноларни ҳужжатлаштиришни якунига етказиш, Бош прокуратурага ушбу ишларнинг қатъий назоратини йўлга қўйиш топширилди.
Facebook|Instagram|Twitter
Одилжон Тожиевни айтишича, қонунчилик палатасида дарахт ва буталарни қонунга хилоф равишда кесиш билан боғлиқ маъмурий ҳуқуқбузарликлар бўйича жавобгарликни кучайтиришга қаратилган қонун қабул қилиниб, Сенатга юборилибди.
Эндиликда дарахт ва буталарни қонунга хилоф равишда кесадиган фуқаро ёки мансабдор шахс амалда белгиланган жарима миқдоридан ўртача беш баробар кўп жарима тўлашга мажбур бўларкан.
Шунингдек, дарахт ва буталар қимматбаҳо навлари кесилишига ёки йўқ қилишга олиб келадиган лойиҳа ҳужжатларини тайёрлаганлик учун ҳам катта миқдордаги жарима ундирилади.
Яъни, дарахт ва буталарни қонунга хилоф равишда кесганлик учун юридик шахслар 99 миллион сўмгача молиявий жарима тўлашидан ташқари, уларга ҳар бир ноқонуний кесилган дарахт учун 100 туп кўчат экиш ва уларни уч йил давомида парваришлаш мажбурияти юклатилади.
@mufasa_mh
Алишер Қодиров партияси газетаси вайнерларга нисбатан чора кўришни сўраяпти
“Миллий тикланиш” партияси газетасида депутатларни диққатга чақирувчи "Жазавага тушаётган орсизлик миллат учун, янги авлод учун қимматга тушмаяптими?" номли мақола эълон қилинибди — бу партиядан бошқа нима ҳам кутиш мумкин?
Газета ёш вайнерларни маънавий таҳдидчиларга чиқариб, уларга нисбатан чора кўришни сўрамоқда. Шунингдек қонун ижодкорларини ҳам бу мавзуда бош қотиришга чақирган.
@mufasa_mh
Бизнинг доимий энг катта орзу-мақсадимиз ёшлар ўртасида билим ва ақл-заковатга қизиқишни тренд даражасига чиқариш бўлиб келган.
Биз бундан икки йил аввал ҳар бир йигит-қиз билими ва ақл-идрокини намоён эта оладиган форматни таклиф қилгандик. Ёшлар ўзига бўлган ишончни мустаҳкамлайдиган ўйин майдонини яратдик.
Бугун “Заковат-Гамбит” турнири доирасида юртимизнинг зукко ёшлари шахмат тахтасида машҳур жаҳон чемпионлари Владимир Крамник ва Хоу Ифаньга қарши дона сурдилар. Ишончим комилки, бу воқеа уларнинг ҳар бирида унутилмас таассурот колдирди ва кейинги чўққиларни забт этишда замин бўлиб хизмат қилади. Иштирокчилар эса, ўз навбатида, миллатимиз учун намуна бўлиб қолади. Ақлли, ёрқин ва истеъдодли фарзандлар намунаси.
Бугун Бўстонлиқда
Абдулла акам бошчилигидаги «Кабмин»ни чиновниклари томонидан «Яшил макон» умуммиллий лойиҳаси доирасида бодом, садақайрағоч, эман, қрим қарағайи сингари мевали ва манзарали дарахт кўчатлари экилибди.
Оқлайман ва дуо қиламан 🤲
Ўзи шуларни ҳар ҳафта обориб ишлатиш керак. Кабминда ўтиравериб кети ёпишиб қолган айрим чиновниклар шу баҳона ҳаво алмаштириб ҳам олишади. Бўйни йўғонлашиб эгилолмай қолганларига кўпроқ кўчат эктирилса, кўтарилган бурни ерга эгилади.
@mufasa_mh
«Адолат»чилар Ҳукумат қарорига қарши чиқяпти
Норматив-ҳуқуқий ҳужжатлар лойиҳалари муҳокамаси порталига «2024 йилда Тошкент шаҳар Чилонзор туманини Хитой тажрибаси асосида, шу жумладан янги ёндашувлар, инновацион ва «яшил технологиялар» ҳамда бошқарувда замонавий усулларини қўллаган ҳолда камбағалликдан чиқариш тўғрисида»ги ҳукумат қарори лойиҳаси жойлаштирилган.
«Адолат» СДП фаоллари мазкур қарор лойиҳасини атрофлича ўрганиб, реновациянинг мустаҳкам ҳуқуқий асоси, хусусан, уни амалга оширишнинг қатъий талаб ва тартиблари, уй-жой мулкдорлари ҳуқуқларига риоя этиш кафолатлари бўлмасдан туриб, бу борада лойиҳаларнинг амалга оширилиши жисмоний ва юридик шахсларнинг манфаатларига путур етказиши мумкинлигини билдирмоқда.
Шунингдек, Ўзбекистон «Адолат» СДП мазкур қарор лойиҳасига реновацияга оид қонунчилик асослари мавжуд эмаслигини ҳамда кенг жамоатчилик, шу жумладан Чилонзор тумани аҳолиси билан ҳар томонлама муҳокама қилиб, уларни фикрини инобатга олган ҳолда такомиллаштириш мақсадга мувофиқ, деб ҳисоблашини маълум қилган.
@mufasa_mh
🇺🇿 Миллий ифтихоримиз, ғуруримиз рамзи, тинчлигимиз тимсоли - байроғимиз мангу ҳилпирайверсин!
Ол байроғингни, қалбинг уйғонсун,
Қур янги давлат, ёвлар ўртансун!
🇺🇿 Одилжон Тожиев
17 ноябрь куни соат 20:15да Ҳаво ҳужумидан мудофаа қўшинлари ва Ҳарбий ҳаво кучлари қўмондонлигига тегишли «Ми-8» вертолёти «Каттақўрғон»полигонида ўқув парвозини амалга ошираётганида ҳалокатга учради. Фожиа оқибатида вертолёт экипажи ҳалок бўлган.
Айни вақтда ҳодиса жойида Махсус комиссия авария сабабларини аниқлаш устида иш олиб бормоқда.
@mufasa_mh телеграм канали ҳалок бўлган ҳарбий хизматчиларнинг оила аъзоларига ҳамдардлик билдиради.
«SRK Consulting»компаниясининг хулосасига кўра, «Ёшлик-1»кони дунёда маъдан таркибида олтин ҳажми бўйича йирик кон дея тан олинган.
Маъдан таркибида олтин ҳажми бўйича комбинат заҳиралари 1-ўринда, мис конларидаги маъдан ўртача олтин таркиби бўйича 2-ўрин, маъдан ҳажми бўйича 3-ўрин, таркибидаги мис ҳажми бўйича 6-ўринни эгаллайди.
Бугун қазиб олинган маъдан илк маротаба синов тариқасида конвейер линияси орқали мисни бойитиш фабрикасига юборилди.
@mufasa_mh
Қуролли Кучлар Олий Бош Қўмондони Сурхондарёдаги ҳарбий қисмда Bayraktar TB2 разведка-зарба дронларини текширибди.
Ими-жимида Байрактар олибмиз-у 🇺🇿 ✊
@mufasa_mh
Олий Мажлис Қонунчилик палатаси Спикери Нуриддин Исмоилов «Яшил макон» умуммиллий лойиҳаси доирасида Яшнобод туманидаги 339-сонли умумтаълим мактабида нуронийлар, маҳалла фаоллари, маҳаллий Кенгаш депутатлари ҳамда ёшлар билан кўчатлар экибди.
@mufasa_mh
Зироат Мирзиёева: Фаластин диёрида юз бераётган даҳшатли воқеаларга томошабин бўлиб, жим қараб тура олмаймиз
Истанбулдаги "Фаластин учун тинчлик сари биргаликда" саммитидан
@mufasa_mh
Дронлар масаласида
Олий Мажлис Қонунчилик палатасида Ўзбекистонга дрон олиб кирганлик учун жазо чоралари қайта кўриб чиқиляпти. Бу бўйича тегишли қонун лойиҳаси эндигина қўмита ва фракциялар йиғилишларида муҳокама қилинмоқда.
Эслатиб ўтаман, ҳужжат ҳали хом кўринишда, олдинда биринчи, иккинчи ва учинчи ўқиш, пишиқ-пухта шаклга етказиш ишлари бор. Депутатлар ҳозирча лойиҳанинг зарурати бўйича умумий жиҳатдан розиликларини билдирганлар.
Дрондан саноат, қишлоқ хўжалиги ва туризм каби соҳаларда фойдаси тегса тегадики, зарари тегмайди, деб ҳисоблайман.
Одилжон Тожиев
«Кўмир таъминот»нинг Тошкент вилоят филиали бошлиғи 50 минг АҚШ доллари билан қўлга олинди
«Кўмир таъминот» МЧЖ Тошкент вилоят филиали бошлиғи мазкур корхонанинг ҳозирги кунда вакант ҳисобланган Сирдарё вилоят филиалига раҳбар сифатида ишга қабул қилинишида кўмаклашиш эвазига фуқародан 50 минг АҚШ доллари талаб қилиб, сўралган пул маблағини олган вақтида қўлга олинди.
@mufasa_mh
10 йиллардан бери Ўзбекистонда ишлаб келаётган сайт, яна бутунлай янгича форматда, қизиқарли маълумотлар, муҳим хабарлар, энг қизиқ видеоларни телеграмда ҳам улашишни бошлабди.
Энг қизиқ мавзулар ҳақида ўқиш учун каналга обуна бўлинг — @uz24uzb
-Қўшни Афғонистон билан сувга доир музокаралар натижаси қай аҳволда?
• Хуршид Дўстмуҳаммад
Олий Мажлис Қонунчилик палатаси депутати
👉 @deputatlar_nima_deydi саҳифасини кузатиб боринг
Бу «Яшил макон»чилар шу кетишда битта лопатка ва бир челак сув билан ҳамма жойга етиб боради, шекилли.
Айни пайтда Оҳангарон тумани «Танга топди» қишлоғида Экология вазирлиги ходимлари ва жамоатчилик вакиллари «танга топамиз» деган умиддами, ишқилиб, ҳамма жойни кавлаб, энди дарахт кўчатларини экиб чиқишмоқда.
@mufasa_mh
Ижтимоий тармоқларда бир аёлнинг 3 нафар кичик ёшдаги болаларга нисбатан шавқатсиз муомалада бўлиб, уларни ёқиб юбориш билан бевосита таҳдид қилиши акс этган видео юзасидан Бола ҳуқуқлари бўйича вакил (Болалар Омбудсмани) ўз муносабатини билдирибди:
«Дастлабки маълумотларга кўра, мазкур ҳолат Хоразм вилояти, Ургенч туманида бўлган. Ҳозирда бу ҳолатни тўла аниқлаш бўйича ички ишлар органлари томонидан зудлик билан суриштирув ишлари олиб боришга киришилди.
Мазкур ҳодиса Болалар омбудсманининг алоҳида назоратига олинди.
Болаларга нисбатан бундай жиноий ҳаракатлар уларнинг ота-онаси ёки бошқа яқин қариндошлари томонидан содир этилишидан қатъий назар, айбдор шахсларни қонунда кўзда тутилган жавобгарликка тортиш чоралари кўрилиши таъминланади. Боланинг ҳаёти ва соғлиғи давлат ҳимоясидадир».
Шунингдек, ҳолат бўйича қўшимча маълумот берилиши айтилган.
@mufasa_mh
Давлат раҳбарини ташаббуси билан бошланган «Яшил макон» умуммиллий лойиҳасининг кузги сезонида барча даражадаги чиновниклар анча фаол эканлигини кўриш мумкин. Масалан, биринчилардан бўлиб Давлат раҳбарини ўзи, Бош вазир, вазиру ҳокимлар, депутатлар ушбу тадбирда «от души» қатнашишмоқда.
Мана шундай тадбирларни бир нечтасида иштирок этиб, аҳолини фаоллигини кўрмадим. Худди бу дарахтлар фақат давлат хизматчилари учун керакдек.
Айниқса, «ҳаво ифлос бўлиб кетди, ҳукумат қаерга қараяпти» дея дод-вой қиладиган бирор «фаол»ни бир дона кўчат эканини кўрмадим. Набарот, кўчат ўтказаётган чиновникларни кўриб қолса, все – шайтонлаб «пиар«, «показуха», «нега лопаткани ундай ушлади», «бошидаги кепкасини ечиб қўйса бўларди», «битта расмда кепка билан, бошқа расмда кепкасиз, фу шуям пиарми?», «кроссовкаси оқ экан, қора экан», «бу дарахтла эртага қуриб ўтин бўлади» бла-бла… Тирноқ ичидан кир қидириш, холос. Қўлингдан бир дона кўчат экиш келмаганидан кейин ҳеч бўмаса «ҳорманглар» деб тур!
Эй барака топгур, сен уйда сассиб ётиб коммент ёки пост ёзаётганинда шу давлатни келажагини ўйлаганлар кўчат ўтказяпти. Нима учун расмга олиб интернетга қўйяпти, биласанми? Бу пиар ёки показухага эмас, сенга ўхшаганлар «палакат» босиб уйда ётавермай кўчат эксин деб тарғибот учун қўйиляпти. Бу нарсани қачон қовоқ калланг қабул қилади?
Майли, бир миллон кўчатдан хотя бы 10 фоизи томир отиб кетса, шуни ўзи 100 минг дарахт бўлади. Табиат ифлосланишини озми-кўпми олди олинади-ку! Шу дарахтлар келажак авлодга, фарзандларимизга қолади-ку!
@mufasa_mh
Бензин йўқ, лекин таниш-билишларга «под прилавка» бор!
Яқин тарихимизда пойтахтдан бошқа ҳудудларда бензин топиб бўлмасди, йўқ эмасди, бор эди — фақат «таниш-билиш»ларга ва бир-икки сўм «шапка» эвазига топса бўларди.
Баҳодир Сиддиқов «Ўзбекнкфгаз» АЖга раис сифатида қайтиб келгандан кейин ўзи билан эски одатларини олиб келгандек. Худди аввалгидек пойтахтдан чиқиш билан бензин муаммосига дуч келяпмиз. «Энди бу кунлар қайтмайди» деб Юлдуз ҳожи она алдаган шекилли. Одамлар пулига бензин сотиб ололмяпти, яхшиям қарзга или текинга эмас.
Бу қачонгача давом этади, Баҳодир ака?
UPD. «Ўзбекнефтгаз» АЖ матбуот хизмати боғланиб, суратдаги ҳолат назоратга олинганини ҳамда тегишли чора кўрилгач қўшимча маълумот тақдим этилишини маълум қилди.
@mufasa_mh
Айни пайтда Бирлашган Араб Амирликлари пойтахти Абу-Даби шаҳридаги ҳолат.
У ерда Ўзбекистон Республикаси Давлат байроғи қабул қилинган кун нишонламоқда 🇺🇿
@mufasa_mh
Бугун бир гуруҳ депутатлар пойтахтда дарахт кўчатлари экишибди.
Мана шу «Яшил макон» деган нарса чиқиб яхши бўлди. Бўйни йўғонлашиб кетганидан эгилолмай қолган бир мунча чиновниклар эгилиб кўчат экяпти. Булар шунақа пайт бўйнини эгмаса, бошқа қачон эгади? Тўғрими?
@mufasa_mh
Бугун Навоийда байрам. «Навоий кон-металлургия комбинати» АЖ ташкил этилганига 65 йил бўлибди. Шу пайтгача бу комбинатни йўқ қилиб юбормай, сақлаб қолганимиз учун ҳам байрам қилишимиз керак.
Шефни «Навоий кон-металлургия комбинати» акциядорлик жамияти ва «Навоийуран» давлат корхонаси жамоаларига йўллаган табрикларини Абдулла акам ўқиб берди.
Абдулла акам Шефни топшириқларига биноан, уларнинг номидан давлат мукофотларини ўз эгаларига топширди.
Ўзим эса айни пайтда Олмалиқ кон-металлургия комбинатини конида олтинларни ичида юрибман. Ҳалироқ видеоларини қўяман.
@mufasa_mh
Бугун Саида Мирзиёева Европада хавфсизлик ва ҳамкорлик ташкилотининг ОАВ эркинлиги масалалари бўйича вакили Тереза Рибейро билан учрашув ўтказди.
Учрашувда дунёда сўз эркинлиги масаласида юзага келаётган ва баъзан авжига чиқаётган зиддиятлар ҳамда бу соҳадаги имкониятларни муҳокама қилинган.
Шунингдек, ҳозирда оммавий ахборот воситалари тўғрисидаги қонунчиликни такомиллаштириш босқичида эканлиги, Ахборот кодекси лойиҳаси ишлаб чиқилаётгани муҳокама қилинган.
Сўнгги йилларда ОАВ соҳасида юз берган ижобий ўзгаришларни сақлаб қолиш ва журналистларни ҳимоя қилиш учун жуда муҳимлиги таъкидланган.
Биринчи хоним ҳар икки томонни ҳам зудлик билан ўт очиш ва жанговар ҳаракатларни тўхтатишга, танг аҳволда қолган аҳолига гуманитар ёрдам етказиш учун имконият яратишга, низони фақатгина тинч, дипломатия йўли билан «икки халқ учун икки давлат» тамойили асосида ҳал этишга чақирган.
Ўзбекистоннинг бу борадаги қатъий позициясини яна бир бор билдирган.
@mufasa_mh
"Газета уз" сайти Тошкент вилояти ҳокимлиги ҳеч пиар-шартнома таклиф қилмаганидан аламзадами билмадим-у, ишқилиб, вилоят ҳокимлигиниг 2 ўринбосари ва Юқори Чирчиқ ҳокимига хизмат машиналари (BYD гибриб) учун ажратилган маблағларни ёзиб чиқибди.
Агар бу сайт профессионал журналистиканинг этикасига риоя қилганида, мавзуга чуқурроқ кирган бўларди.
Шунда Зойир Мирзаев машиналарга пулни эрта тонгда уйғониб икки ўринбосари ва Юқори Чирчиқ ҳокимига меҳри жўшиб кетганидан эмас, балки Президент қарорининг ижросини бажариш юзасидан ажратилганини тушуниб етган бўлар эди.
2022 йил 19 декабрдаги ПҚ-443-сон қарорнинг 1-иловасида "2023-2025 йилларда давлат бошқари ва маҳаллий давлат ҳокимияти органлари, устав капиталида давлат улуши 50 фоиз ва ундан ортиқ корхоналар томонидан харид қилинадиган электромобиллар ва гибрид автомобиллар бўйича мақсадли кўрсаткичлар" белгиланган бўлиб, унда Тошкент вилояти ҳокимлиги учун 1 млрд 200 млн сўмга 3 дона ҳарид қилиниши қайд этилган. Қарор ижроси бажарилган, холос.
Бу машиналарни 2 таси Зойир Мирзаевнинг замларига берилишига тўхталадиган бўлсам: 1-зам ҳоким Абдурасул Абдуллаев лавозимга тайинлангандан (августдан) бери "ёқилғи жуда кўп сарфларкан" деб, ўзига бириктирилган хизмат машинаси (Mercedes-Benz)дан фойдаланмайди - хоҳлаган одам любой пайт келиб текшириши мумкин. Яна битта зам Отабек Султонбеков лавозимга тайинлангандан (ўтган йили сентябрдан) бери уни пешонасига "служебка" битмаган, ҳокимиятни "дежурный" машинасидан фойдаланади.
@mufasa_mh
Жорий йилнинг октабр ойида «Ўзметкомбинат» томонидан илк маротаба Германиянинг Дуйсбург шаҳрига сирланган пўлат идишлар жўнатилган эди. Маҳсулотларни қабул қилиб олган Германиянинг «Olymp Gmbh Deutchland» компанияси директори Stefan Schmalz комбинатга миннатдорчилик мактуби йўллади:
«Сирланган пўлат идишлар ишлаб чиқарувчи ишчи-ходимларингиз томонидан кўрсатилган ажойиб меҳнат ва касбий маҳоратлари учун самимий миннатдорчилик билдираман. Сизларнинг юқори сифатли сирланган пўлат идишларни ишлаб чиқараётганингиз, лойиҳаларимиз муваффақияти учун беқиёс аҳамиятга эга. Биз маҳсулот сифати бевосита ҳар бир ишчи-ходимнинг шахсий саъй-ҳаракатларига боғлиқлигини яхши тушунамиз.
Сифатли ва рақобатбардош маҳсулотлар ишлаб чиқарганингиз учун Сизларга раҳмат айтамиз. Биз узоқ муддатли ҳамкорликка умид қиламиз ва комбинатингиз ўз мижозларини юқори сифатли маҳсулотлар билан хурсанд қилишда давом этишига ишонамиз».
@mufasa_mh
Илмли, ўзига ишонган, муносиб авлодни тарбиялашни мақсад қилган эканмиз, бизга иккита нарса: она тилимизга муҳаббат ва хорижий тилларни пухта ўрганиш керак.
Чет тилини билиш – дунё сарҳадлари, глобал ахборот эшикларини очиш, янги билимларни эгаллаш калитидир.
Бугун хорижий мамлакатлардан таклиф этилган педагоглар билан учрашиб, ҳамкорлик бўйича йўл харитасини ишлаб чиқдик. Бу инглиз, немис, француз ва бошқа тилларни ўргатувчи беш юздан зиёд малакали ўқитувчилар демакдир.
Болаларимиз энг яхши устозлардан сабоқ олиш, ўқитувчиларимиз зарур маҳорат дарсларида ўз билимини ошириш имконига эга бўладилар, мамлакатимизда эса ҳеч қандай чегара билмайдиган билимли авлод етишиб чиқади.
Ёшлар таълимига сармоя – янада яхшироқ келажак учун сармоядир!
Saida Mirziyoyeva
