ظل يمشي مكسور الظهر
مابين مگبرة البشر
خطواتة صارت صعبة
حيدر فگد كل گلبة
مابين الگبور وشفت حامي الحمية
خطواتة بلكوة صفت من الأذية
مخنوگة انفاسة علي دون الزجية
حقة گلت إبلا هوة ماتبقى رية
سودة جفونة من الدمع
ذبلت رسومة ومنفجع
گسر الضلع المتعبة
محني لگيتة من القهر بلگوة صابر
ألي يفرح بلخلگ كسرولة خاطر
حسيتة غايبلة شخص بدنيا نادر
گد السمة حزنة صفة وشوية عابر
عافيتة مبيوگة غدر
محترگة روحة جن جمر
حيدر ألة بس ربة
گلت القلع خيبر صبح من يمشي گوة
لازم أكو قصة جرح واطلعت بلوة
ثاريهة بابة المحترگ بي هيج سوة
مگيودة إيدة اطلعت بيد الميسوة
ثاريهة فاگدلة أهل
محسن سگط لله رحل
عايش صفة بلغربة
ساكت علي بس ونتة أسمع صداهة
كل عمرة صاير بنعش ضايع وراهة
حيدر يحس كلة انكسر بس من جفاها
يتمنة يمشي وي الأجل ذاكة الخذاها
الفرگة حيرة اتعب
وية زهرة يبقى امحسب
بس هية جانت حُبة
ميت صفة حيدر علي فاكدلة زهرة
نبضاتة ضعفت بلدرب وبگلبة حسرة
مختلفة الأوضاع ابعلي حيرني امرة
كلشي اظلم ابوجه شفت وبلاية كمرة
سفرة بُعد ماتنوصف
ركنة انهدم لاياوسف
راح الورد البقربة
.
بدم ابصمت علبيعة ياحيدر
علة كَطع النفس هيهات اتغير
مكتوب علة روحي هلعهد بروح
وابدمي كتبتة ياعلي وأفخر
ولايتك أنة عن علم مو أوهام
هوة الله اليريدك يرضة تتأمر
بس الله ورسولة بذاتك العلام
فضلك ياعلي جن وأنس حير
بالأدلة القاطعة وبلكتب الكيت
نعمة ع الأرض انتة ويجب تُشكر
ياخير البشر زيناتك اهواية
ياقران ناطق صعب يتفسر
مااعوفك ابد مهما حدث وياي
وبكل الشدايد انتة هم تحضر
بفعالك ترة ثبتت اصل الدين
متحمل متاعب كلبك اتصبر
ذولاك الخلك ابحقك ايجهلون
حسد مدري بغض شهنو الي استذكر
يانفس الرسول وروحة انتة اتكون
والي ينكر هذن بنار يتوجر
علة كلمن يحبك كافر يسموه
بس هذه حجي ظلام يتكرر
اي واحد يكرهك شفتة ضل مذلول
مثل الشمس انتة واضح المظهر
ابد الحقيقة اعليهة ماساوم
الماحبك غدآ تاليهة يتحسر
الوزن: تجليبة
2020
١٤٤١
أبن عم السبط بلحومة الحيد
رايد يرضي الله بدم الوريد
أسد هوة صبح وبيهم يصيد
وبجفك علي منطيه تسديد
سوة الكوفة بحر من الدم
يامسلم ثورتك نصرت حسين
يلكلك شجاعة وغيرة لدين
أنتة الكربلة من المحامين
بلسانك وادينك ألهم اتعين
بلكوفة طفك يامسلم
هوسات فزاعيات
فضائل امير المؤمنين ...
روى العلامة الصدوق رحمه الله باسناده عن ابن خالد ، عن الرضا ، عن آبائه ، عن علي ( عليهم السلام ) قال : قال رسول الله ( صلى الله عليه وآله ) : يا علي أنت أخي ووزيري وصاحبُ لوائي في الدنيا والآخرة ، وأنت صاحبُ حوضي ، من أحبّكَ فقد أحبني ومن أبغَضَك فقد أبغضني.
المصدر: عيون الاخبار : ص 162 . والبحار ج 39 : ص 211 ح 1 .
فضائل الامام علي (عليه السلام)
عن ابن عباس قال: قال النبي (صلى الله عليه وآله): والذي بعثني بالحق لا يقبل الله من عبده حسنة، حتى يسأله عن حبّ عليّ بن أبي طالب (عليه السلام).
المصدر: مناقب آل أبي طالب ج2 ص153.
ملائكة العرش تتنزل اعليهة
قداسة الله كلهة صايرة بيهة
أمر كلش مهم وانخبصت الأملاك
منو هاي الأجت وصلونة بس لْيهة
كل واحد سأل تكرر الحاجات
كلهة اتريد تعرف شنهو ناطيهة
جبريل النزل ويكلهم الي صار
كَال الزهرة هاية انوار تحويهة
نور اعللأرض أنولدت ابهليوم
منصورة وزكية ذني اساميهة
والترضة عليه إيفوز بدارين
حجة عللحجّ اشياءة بيديهة
من الجنة ترة هية إحلى حورية
نسخة من النبي انرسمت معانيهة
طاعتهة فرض اعللخلك مكتوب
كوثر للنبي الله المعليهة
ترة سر الوجود ومعنة الآيات
كل هذه تجلة بضعة ابيهة
واليعرف قدرهة يرفعة بارية
قرون الأولى فاطم كلهة بيديهة
تحدثكم اذا رادتكم اتسمعون
واذا عدكم قضية بسرعة تكَضيهة
جانت بلعرش أتسبح الجبار
من بحر العلم الزهرة فاطميهة
صورهة الآه وبيهة جن شمسين
اذا تمشي بضلام الدنيا تضويهة
لجلهة الكون باقي لهسة ضل موجود
مانحصي فضلهة مهما نرثيهة
القصيدة إلى مولاي علي ابن ابي طالب(عليه السلام) بعنوان(محتار العقل)
محتار العقل باقي ابصفاتك
دخيلك ياعلي أشعظم ذاتك
شفتك علخلك ميزان موصوف
والمؤمن صدك يقبل اياتك
كافر ياعلي كلمن يعاديك
رضة الله ينحصل بس برضاتك
ياابو تراب شرد ووصف آنة البيك
يلكلك عطاء عجبة حياتك
مثلك مالكيت ابين الاصحاب
رسول الله فقط يعرف غلاتك
والعلم الرسول باب انتة خلاك
تستاهل صرت آية جلماتك
بافضالك ترة تشهد الأكوان
تالي الحق صبح يمشي بحماتك
أسد الله البطل ياأشجع الناس
بلحومة شفت وكَفة ثباتك
رديت الشمس أبصبع الأيد
قالع خيبرة ذني صولاتك
ولي المؤمنين انتة يبو حسين
وانطيت الزكاة حتة بصلاتك
ياكاتب وحي يانقطة الباء
ماعابد صنم شهدوا رواتك
ابو الزهرة هوة الذي رباك
واعرفت الأه ثمرة رباتك
ربك طهرك من دنس وارجاس
كلام الله الذكر هاية ميزاتك
باجر عصراط مايعبر أنسان
بس ذاك التقي العندة تقاتك
بفراش النبي شخصك الي نام
لاهمك عده ولاهم مماتك
بيت الله صرت بس انتة مولود
وبيتة ارحلت عالن نجاتك
السبت 1442 /2020 بغداد
٢٤ جمادي الأولى
الوزن:النصاري
حيرني الأمر عجبة الذي صاير
شفت حامي الحمة بمصيبتة حاير
يشيع فاطمة ودموعة هاملهة
قالع باب خبير كَوة شايلهة
يتعثر علي بجدامة من يمشي
معناها الزمن منة أخذ كلشي
وينادي ابحزن شايل آنة نعشي
خلصت الدمع مو طيحت رمشي
ماتت فرحتي متغيرة احوالي
عايش بلجرح مهدومة امالي
والغايب حبيية دنيتة ايملهة
أبوجه التعب امبين واضح
لان هذه الأمر ابحيدرة جارح
ابروحة الهضم علفركَة ماسامح
ويفكَر بقة وابفكَرة ضل سارح
هاي ام الحسن راحت خذت حيلة
بلون والقهر يستقبلة ليلة
وكل قوتة العدوا اعلية جاعلهة
ابالة تمر كل ذكرة عاشوهة
وابلمح البصر من عندة اخذوهة
والعشرة وسف تاليهة فرقوهة
أشينسى بعد واكبالة عصروهة
ماينسى الوصي يتحسر اهواية
لأن من يمة غابت بضعة وفاية
أيكَابر بقة وبصبرة أيحلهة
شعورة ابهل وضع يصعب ترة شرحة
كلش مختنك منة رحل صبحة
مثل الطير كَلبة وكسروا جنحة
لجلل دين الله يبقة ابمهجتة ضحة
صعب هذه الجرة وهمومة كثرانة
مثل طيحت جبل طيحوا اركانة
أيام العمر لوعات خلصهة
ودعهن سنينة وباقي متوجع
خطواتة تكَيلة ياهوا متوقع
علة طول الدرب بحزانة متصدع
نار ابصدرة شبت بيهة متولع
يحس بلغربة ضيع اغلة احبابة
بعد هاي الفجيعة اشيجبر اصوابة
اشكثر الام من الأمة حصلهة
طب المكَبرة بس جمرة بحساسة
ويحاجي الحبيبة ابزحمة انفاسة
جوة اتراب دافن ترة اعز ناسة
كل هاي المصايب شيبت راسة
شيرجعة بعد للبيت ويشوفة
شيوكَف خيالة وتبعد اطيوفة
حياتة ابلا شمعتة ظلمة كملهة
الوزن: تجليبة
٣٠ ربيع الآخر
1442
2020
مخذول الوصي من البرية
حزنانة السمة لجلل الزجية
حركَوا بابة بنار سيفة باقي محتار
اباب النبي مجموعة الارجاس
ياوسفة الخلك بايعتة الاحساس
ماخذهة الطمع مغترة هلناس
عصروا فاطمة وعتبتهة تنداس
يحرفون الوحي تعبوا نبييهم
يكرهون ابحقد حيدر ولييهم
مستغرب آنة صار
ماأعتب ترة اعلة كَلوب ماتت
ضمايرهم طفت والغيرة راحت
والأمة صنم يحكمهة صارت
والشر انتصر وادموم سالت
نسوا حجي النبي ونكروا وصيتة
مابيهم وفي تسلم أذيتة
جتفوا علي الكرار
بصياح وشتم طبوا عللبيت
متغير الوضع وبحسرة ونييت
بس أهل الشرك متصدرة الكيت
كلي ياوكت ليش هيجي سويت
وابصوطة النذل يضرب اديهة
واتصيح ابحزن ويعود لييهة
هذه الوكت شو دار
من كتبوا صحيفة انخطت احزان
شفت اسم الخيانة بيهة عنوان
كل اهل الظلم ينطوهة سلطان
من أمس الفتن اسسو بنُنيان
وبهذا الجرة طلعوا حقدهم
علة هذه نهج أولاد عدهم
ملة كلهة كفار
أخذوا حيدرة وبجفة الاحبال
فرحانة البشر من هاي الافعال
قضيتهم أليمة اتهد الجبال
ماخلوا ابد للعترة إجلال
خليفة الله منهوبة حقوقة
كلي علرأرض ياهو يفوقة
أخذوا حكم الكبار
سكتوا علغصب اف ياحسافة
رسول الله حجة اعللخلافة
مارادوا علي يحكم مخافة
عادل بلحكم حسو كلافة
يعييفون الصدك كلما غلبهة
والطاغي غلط تالي حسبهة
جانو قلة النصار
الوزن: نصاري
1442
2020
٧ ربيع الآخر
وفقني الخدمتك ريت ابو الاكبر
شوفني الحزن بخيامك التسعر
كلمن ينحرم من مجلسك يخسر
انتة الأمل يامولاي
.
رايد اتشرفني وتسويني خادم
روحي تتنفس طفوفك بلمآتم
قبلني يامولاي ياابن الهواشم
ابداعت العباس وبجاه الفواطم
دوم ابمجلسك خليني انة احضر
شكَبرة حضي لو اضل للموت اخدمك
اتمنة اصيرن من صدك انة احمل اسمك
يبقة قلبي ابشوك من يعمل يكَلمك
انوي اتقرب واعيش ابروحي همك
من دونك ترة جدماية تتعثر
ابعطفك انتة ارحمة حالي ودللتني
ابرغم كلي اذنوب لكن ماعفتني
خيرك الواسع لكيت انتة ارزقتني
ياقتيل العبرة كلش حيرتني
من فضلك شفت بي عقلي اتحيير
كلمن يسولف ابكيفة ع شعاير
كلمة عندي وارد اكلة بلي صاير
احنة جهادنة ترة بفضل المنابر
كلنة غيرة وتشهد النة السواتر
نوكف بلشدايد وبشرف نظهر
2020/8/1
١٤٤٢
وزن النص الموشح التام
المستهل تجليبة
#الشاعر الميرزا مصطفى الساعدي
لا يجوز استعمالها بموسيقى DJ
خذتي كَلبي وياج يازهرة زماني
انتي رحتي والحزن بعدج خذاني
ضلمة دنياية بغيابج ياام الحسين
وادري بلفارك حبيبة يموت مرتين
_^_^__
البضعة روحي وشافت اوياي الاذية
كسروا اضلوع النبي خير البرية
دفعوا الباب بحقد بس شبدية
ربي سترك شاهدت دمع الزجية
بيني مابين الغضب مشعولة نارين
من يجي الليل بقهر بعُدج عماني
فترة اغيابج طويلة وانة اتاني
مثل عطرج وين الكة ماكو ثاني
صدري يتنفس هواكم مااجاني
للأبد بجروحي اسمع صوت الونين
شاهدتهة وخلصت وياهة عمري
غسلتهة بالدمع شيحملة كسري
راحت من ايدي ومتت وزداد قهري
بكسرة الخاطر صبح بس الله يدري
غابت الزهرة وعشت لوعات البنين
شِلت الجنازة وبقت روحي حزينة
يصعب هواية طلع فكد الحنينة
مثل وجهج وين بالدنية يجينة
ذكرة تبقة ابراسي وتخيم علينة
اتمنة اتخلص حياتي وتكَضي السنين
و البداية اوياي من هجموا عليهة
ابكربلة يرجعون جرحي والي بيهة
زينب اتشاكَف صياط ابين اديهة
وبهذيج الحالة آنة العتنيهة
والجرح برض الطفوف يصير جرحين
^_^^__
كتبت بلوعة الباب
#الشاعر مصطفى_الساعدي
الوزن / الموشح التام
كتبت ب ٢٠٢٠ / ١٤٤٢
لا يجوز استعمالها ب D J
كون اموت الگسر ضلعج يلبتول
حاير احساسي شنو عنة اشيكول
حزني كلة هوة صاير هضلع
روحي صارت هضمة بيهة وتنوجع
عيني ابد ماوگفت وبطلت دمع
عقلي كلش بلأمر صاير ذهول
قطعة من النبي انتي وام ابوج
علخلك يرضة الله اذا انتي رضوج
ليش هيجي بهلعمر تالي گسروج
شمعة انتي من السمة اتنور العقول
حسرة حسرة اكضيهة واتالم ونوح
لمن اسمع انتي متروسة جروح
من مصابج جمرة بية وماتروح
بية يبقى جرح ينزف مايزول
صعبة كلش عل گلب قصتج تضل
قهري يگثر لمن اسمع بلحصل
طاغي يم حدودج ابحقدة وصل
لمن اذكرهة الهضم بية يطول
انتي نسمة هوة الكلشي اختنك
اشلون بابج وسفة يصبح محترك
ترة هوة ذاكة بابج ينشبگ
بية باقي اثر لجف الرسول
وكفتج هية الذي وصلتي دين
نهج أنتي وينتبع طول سنين
علأمامة حارسة انتي من اللعين
انتي حافظتي علة فرع وأصول
من خطبة رسول الله (صلى الله عليه واله يوم الغدير )...
ثم قال (صلى الله عليه وآله): إن جبرئيل هبط إلي مراراً ثلاثاً يأمرني عن السلام ربي وهو السلام أن أقوم في هذا المشهد، فأعلم كل أبيض وأسود أن علي بن أبي طالب أخي ووصيي وخليفتي على أمتي والإمام من بعدي الذي محله مني محل هارون من موسى، إلا أنه لا نبي بعدي، وهو وليكم بعد الله و رسوله وقد أنزل الله تبارك وتعالى عليَّ بذلك آية من كتابه: (انما وليكم الله ورسوله والذين آمنوا الذين يقيمون الصلاة ويؤتون الزكاة وهم راكعون)، وعلي بن أبي طالب الذي أقام الصلاة وآتى الزكاة وهو راكعٌ يريد الله عز وجل في كل حال. ثم قال: لايرضى الله منى الا أن أبلِّغ ما أنزل الله الىَّ فى حق علىٍّ.
المصدر: روضة الواعظين: ج 1 ص 89. الاحتجاج: ج 1 ص 66 بيعة الغدير (لـ محمد باقر الأنصاري)ص25
#عيد_الغدير
أنة ابحبك علي اصبحت مجنون
عن غيرك احس معمية العيون
روحي ياعلي من قبل تهواك
بس انتة وحنينيك بيهة تحدون
ياحيدر صفت متروسة حساس
من ذكرك يمر ملهوفة اتكون
قانون انوجد بلعشك ويكول
أثنين ابكَلب لامايصيرون
لذالك بلكَلب بس انتة موجود
تاليهة اطلعت من اليعشكَون
بس انتة الااشوفك شاغل البال
دوم ابقربك اتسولفلي الضنون
مثل نسمة هوة طارييك ايصير
أرتاح اشكثر من بيك يحجون
شرد ووصف انة والبية أهواي
من لله امحبتك سر عندة مخزون
كل صبح ومسة أبأسمك ابديه
عند لله انكتب من اليسبْحون
أذا مرة التقينة أنة وياك
علة وجهي ابد مايبقة اي لون
كل لحضة أرسمك باجمل اوصاف
وبرسمة عيونك انظر الكون
ياشمس العمر بسنيني ضويت
ترة انة ابقفص والكل يطيرون
رادوني اشكثر غيرك أنة اختار
والبغضوا الك صاروا يئيسون
ياشجرة وحي ياراس الايمان
انتة والنبض بية تدكَون
يلقربك جنان وبعُدك النار
لتخلي العدة بية يشمتون
والي محترك ابعشكَك ومات
أتحركَة جهنم ياعلي اشلون
2021/6/6
الوزن: نصاري
الأحد
٢٤ شوال ١٤٤٢
ابكَلبي حبك صار كل لحضة يزود
جان هايم بيك من قبل الوجود
نِعم الله اهواي بس افضل عطاء
الولاية والفضل الله يعود
لأن هوة ابرحمتة انطاني السبيل
عرفني بيك ابساع وبلاية جهود
خلاني اتبعك وين ما انتة تروح
فخر انتة اتكون بجفوفي تكَود
شي عظيم الروح ياخذها الحنين
توكف ابابك تدكَة ابكل صمود
الفظ اسم ياعلي وأشعر يصير
احس ذكرك يمتلكني ابكل برود
لازم ابكل عشك توجد تضحية
الحبك وية الموت خلالة وعود
لله بس انتة صراطة المستقيم
حبل الله بلأرض النة ممدود
الدنيا غابة وحبك الدرع الحصين
نظرة منك ابقة ماهاب الأسود
الجبل عالي وماعصم ذاك ابن نوح
يغرفة الله الي ترك أمرة ابجحود
يعنى انتة اليوم العافك يضيع
لان شخصك هم سفينةو للخلود
هاي ادية ابطرف ردنك باقية
خطوة لا تبعد علية يلودود
صعب من دونك اعيشن مستحيل
سلمتلك كلشي عندي ابلا حدود
صوت بية نادة بحساسي ويكول
انتة غارق بلمحبة من عهود
صعبة كلش ناري تسعر ماتهيد
ماكو وجهك كلشي بغيابك يسود
لو اترس العالم شعر من الغرام
حبك اكبر من كَلامي البي قيود
مثل وصلة خضرة صاير بضريح
هيجي كَلبي بلعشك جنة مشدود
حبي اعمة وتيه ابليل وضلام
يبقة يشعر كل درب هوة مسدود
روحي وردة وحبك الماي اليكون
اذا راح الماي اتموت الورود
هذه كَلبي ينبض الحب للمات
لان طبعة من القدم هيجي معكَود
الوزن : موشح ١٤٤٢/رجب/
شهر2021/3
اه واويلاه ياموسى السجين
اه واويلاه ياموسى السجين
هذه ابن طه النبي خير الأنام
بسجن كَضة حياتة هلأمام
شمس ماشايف ابعينة بس ظلام
ابد ماراعوا حرمتة الظالمين
رادوا ايحجبون نورة اعل البشر
غشمة مايدرون ناسين العِبر
من تزيد الظلمة أيشع الكَمر
وتستفاد ابنورة كل العالمين
دعة من رب السمة يخلص العذاب
لأن كلهة وجوه ماتسوة العتاب
وابحجيهم زيدوا ابكَلبة المصاب
باجر ابنار الله كلهم خالدين
كَديوا ايدة بسلاسل والحديد
وسفة دنيانة تسيد بلعبيد
تحكم عل آل النبي ابحكم الشديد
أيده ابأيد الطغاة المجرمين
كل نفس أيجرة تتألم الروح
بلحزن والضيم عايش والجروح
سبو الزهرة الزجية وضل ينوح
الف ياحسرة صفة حالة حزين
عابد وزاهد توصف والحليم
صابر علظلم ولربه كظيم
يكَضي الحاجات وابكلشي كريم
حتة علأذاه هوة هم حنين
تالي نعشة علجسر يبقة وغريب
لا بجي ولاصوت يمة ولانحيب
هذه امام الرافضة صاحوا عجيب
هلجنازة ليش متشيعها ادين
الوزن : موشح
الثلاثاء / رجب/١٤٤٢
2021/3/10
بغداد
قالت فاطمة الزهراء (عليها السلام):
نحن وسيلته في خلقه، ونحن خاصته ومحل قدسه، ونحن حجته في غيبه، ونحن ورثة أنبيائه
شرح نهج البلاغة لابن أبي الحديد ج16 ص211
قال رسول الله صلى الله عليه وألِ وسلم ( يا علي كذب من زعم أنه يحبني ويبغضك ، لان الله تعالى خلقني وإياك من نور واحد ) .
المصدر: كنز الفوائد للكراجكي ج 2 ص 56 ، بحار الأنوار ج 38 ص 329 – 43
فضائل امير المؤمنين (عليه السلام)
قال رسول الله صلى الله عليه وآله وسلم : لو أن الرياض أقلام ، والبحر مداد ، والجن حساب ، والأنس كتاب ، ما أحصوا فضائل علي بن أبي طالب عليه السلام .
المصدر: ( البحار ، ج 38 : ص 197 )
شيصبر الكَلب ظل ينتحب من الأذية
يصعب هلأمر واعلة الكسر مرت أدية
اثار الظلم شفتة كل حيلي ودعتة
كسر لاحظتة من كَلبي لجمني
أصوابة ترة كلش صدمني
هلمرة الوكت أقوة ظلمني
ليش اغلة البشر منة حرمني
مااحمل بعد شفت الأشد روحي غريبة
اتحسر ندم وارد انتقم لجلل الحبيبة
عذابات الألم عشتة
صبيت الدمع اعليها مو ماي
بية اتشمت أوفرحت اعداي
مجروح شكثر متوجع أهواي
بقيت أبجي وأونن علجرة اوياي
الزهرة من العمر وأهل الغدر ذبلوهة علباب
نبضاتي صفن يتزاحمن وي ناري لهاب
أموصة آنة وعفتة
الزهرة مهضونة واثر باقي علخدهة
واعليهة النذل جفة يمدهة
والأمة طغت بْيين حقدهة
المحسن سقط ويلي بعدهة
أبليس الهتف هوة اعترف صارت خيانة
لكنة رفض والمتفرض يترك مكانة
والدنيا ماخذتة
مصايبهة الجرت عجبة وعظيمة
وابالي صور رسم الجريمة
قصة فاطمة كلفة وأليمة
الي ينكرهة بشر ماعندة شيمة
بيا ذنب انولت واتعذبت امُ ابيهة
البضعة الطاهرة متغيرة ضربة علديهة
هذه الي حاملتة
حقي والصبر مابية حيلة
اجهزهةوانة همومي ثكَيلة
مابية النعش لحضة اشيلة
بس هذه الأمر ماكو بديلة
كون انة اندفن وام الحسن ردنة سوية
امفارك سمة و متألمة اهواية الزجية
كلشي حصل سكتة
الوزن: نصاري
٢٢ربيع الآخر
1442
2020
دمعي صبيتة علة مصابك دمة
حتة اوسي اعليك امك فاطمة
ياجرح بلروح ياحزن الگلب
هذه دهري اوياك شوفني العجب
حمرة عيني اعليك الطم وانتحب
بية قصتك دوم تبقى المؤلمة
حيلي ينهد لمن اذكرك مصرعك
اوظهرك المكسور لمن ودعك
عمي العباس كلش وجعك
راح راعي الجود كَلبك ألمة
بس ازورك كل مصيبة تنعرض
وابقلبي احسة الضيم كل دكَة نبض
وجرحي من الآه لتظنة يفض
والقهر وياك صاير ملحمة
من يحل الوعد يومة آنة اصيح
اطلب ابثارات طفك يلذبيح
كل راية الظلام ساعتهة تطيح
للفرج دوم ادعي من رب السمة
الوزن :موشح
لايجوز استعمالها بموسيقى DJ
١٤٤٢
2020
من سيرة الأحرار رايد افتهم
بكربلة الايات صارت ترسم
_____
عبرة للتاريخ ينطينة الحسين
كل ظالم وطاغوت اخرتة لوين
حتمآ اسمة ينمحي الماعندة دين
ويبقة راس حسين عالي بالقمم
رادوا بهذا فعلهم ينطفي
نور وجه الله عنهم يختفي
والخيول ادوس صدرة البي وحي
وحركوا الخيمات كلهة علة الحرم
اشلون هيجي يصير بعيال النبي
وليش زينب عود تمشي لسبي
وبضعنهم صار يحدي الاجنبي
اللطم الراس وعليهة آنة ابجي دم
اخ من هذا الزمان شكد غدر
من دماهم حيف سوالة نهر
وبقت ذيج كَلوبهم تحمل صبر
وبطلعة المهدي فرجهم ينتقم
^___^_^____
اول الغيث رحمة
#الشاعر مصطفى_الساعدي
الوزن / الموشح
٢٠٢٠ / ١٤٤٢
لا يجوز استعمالها ب DJ
ابعيني من شفتك رمية كَلبي حسيتة انكسر
اتوجهت روحي ابحزنهة تكصد الظل عل نهر
حيرة من شاهدت وضعك كلشي ماسالم شفت
أهواية الاسهام الرمية ابصدرك او انة كلت
حضري يازهرة الحزينة بلمصاب اتحيرت
عجب ياخوية الغريبة اشلون يمك ما متت
ابجسمك اخيول ال امية سحكت وتركت اثر
خذتة كلة اوياك حيلي كوة امشيلك صفيت
بعد ماخبرك علينة حايرة ابجرحك بقيت
صحت يارب البرية اتقبل القربة اودعيت
صعبة يغالي اعوفك تدري بلكوة اجيت
حضروا حبال وحسافة خدي تالي ينصطر
بضعن يبن امي يحدي بعدك ارجاس بحقد
اركب ابناكَة الهزيلة ولربعينك ابقة اعد
الا انذرلك حياتي بالدمع جفني يهد
بلحزن تلكاني اذكرك انحب واخمشلي خد
تطلع الحسرة بونيني انتة يانور البصر
حان الموداع علينة كافي ياجرحي عتاب
حاير احساسي ويسولف ابد مايحمل غياب
غيَّمت افكاري واكولن يل خدودك ع تراب
ياصبر يجرع مصابك منة رايد شو جواب
يكدر يكَابر عليهة اكبالي ذباحك يمر
الوزن : هجري
{٢٨ / ذو القعدة /١٤٤٢/ هجري }
{21/7/2020/ميلادي }
لا يجوز استعمالها بموسيقى الDJ
#الشاعر مصطفى الساعدي
