يا اللي نسيت المحبه ربك اولى بك
ماني بمجبور احبك وانت غشاشي
اكشف نواياك واتبع ملة اصحابك
خلك على المذهب اللي ترغبه ماشي
الصوره اللي على خبري بدولابك
افطن لها قبل لا توقع على الكاشي
رجـع كتابي وانا برجع كتابك
باحسان مافيه داعي سبّ وهواشي
ولا عاد تنشد معي وش صار بغيابك
عايش مع الناس والا طحت بفراشي.
َ
والله الكلام من قلب قلب قلبي حرفياً طالع من جواتي, وعلى وجه الفجر الله يحقق كل أمنياتكم قريباً يارب ❤️❤️🥀.
Читать полностью…
ازعل وترضيك الليالي والايام
ماجاك منا شي يزعلك منا
يغرك التفكير في بعض الاوهام
وتشوفنا مخطين وتصد عنا
لا تحسب إنا للمقفين خدام
من يتبع المقفين ماهوب حنا
مالك علينا حق في وصل الارحام
عشان نمشي لك على ما تمنا
الروح تظهر والجسد جلد وعظام
والنفس من يتبع هواها معنا .
َ
حطيت فوق السبعين عذر سبعين ثانية ولا لقيت اللي يشفع لك تخيّل ؟
Читать полностью…
دعوه لكم يامتابعيني :
الله يسعدكم ويوفقكم ويكتب لكم حلو الأيام وحلو النصيب, الله يجعل حياتكم سعاده بـ سعاده وينور الله طريقكم بالأيمان ويرزقكم من غير لاتحتسبون ويبعد عنكم الظالمين والحاسدين, اللهم آمين
صحيح أنا مااعرف اعظمكم بس لكم معّزه بقلبي اللي اعرفه واللي معرفه يكفي انكم تتابعوني ولي الشرف والله فيكم جميعاً, جعلكم شاهدين لي لا علي
ومالكم الا مرحبا❤️❤️🖇.
أنا يالله ترى عبدك ولا لي غير بابك باب
ولا لطفٍ سوى لطفك أحسّه ماسك إيديني
تعبت أسقي عذق قلبي ومايثمر سوى غياب
تعبت أرثي مغيب الشمس ولا به فَيّ يرثيني
أحبه كم؟ ما أدري .. كثر ما أطرّف الأبواب
كثر ماتلوّح أحلامي واسألها : تخليني؟
على فراش القلق قاعد دقيقة كنها أحقاب
أنوّم جرحك بصدري يجي وجهك يصحيني
َ
يا حظي الواقف بطارف حياتي تعال
والضحكة اللي تمرّك خاطفة جبها .
ِ
ليه أحس إني معك ماعرف قدري
و الشعور اللي غرق بادي جفافه
كل مازاد " اشتياقي" قل صبري
و كل حاجه بغيبتك فيها كلافه
اهزمتني هالمسافه و إنت تدري
أكثر اللي كنت أخافه هالمسافه'
ِ
"رفيق ٍ ما يدرى خاطرك لا تجوّد فيه
حدّه لـ الليالي والليالي تجيب اقصاه
لا تقعد تنقّى له فـ الاعذار و تداريه
من دوّر على فرقاك دوّر على فرقاه
واللي كل ما جاء لازمه قال ما يمديه
ويولّم لك الاعذار قدام لا تنصاه
هذا ودّك من المنطقه ينقطع طاريه
ولا تحدّك الايام لا له ولا لـ شرواه".
َ
