1504
آدرس اینیستاگرام http://www.instagram.com/motavasselan1 رجز نوحه های تصویری صوتی اشعارحسینی شور ارتباط با آدمین تبادل ارسال مطلب @YaAliAkbarMadadi
نماهنگ زیبا به مناسبت میلاد امام رضا (ع)
حسین طاهری
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
رضا جانم رضا
استاد_سلیم_موذن_زاده
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
من گدای ره نشینم روسیاه و موسفید
سن عزیز مرتضاسن حجّت حیّ مجید
درگهوندن اولمیوبدی سائل اولسون ناامید
ای امید جمله محرومان سلام اولسون سنه
.
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
عرض ارادت به محضر حضرت ثامن الائمه امام رضا علیه السلام
ای ضامن آهو اولان ای کان مروت
بیر آهو حساب ائت منه ده ائیله عنایت
وئر اذن گلیم محضریوه بیرده سلامه
گوگلوم داریخیب قالمییب هجرانیوه طاقت
روحیم تلسیر تا اوچا صحن و حرمینده
قربانین اولوم قیل کرمیندن منی دعوت
کامه چاتارام گر اولا بیلسم سنه مهمان
گر ایلیه بیلسم سنی شرطیله زیارت
دامانیوه گر چاتسا الیم ای گل زهرا
اظهار ائده رم عشقمی ای کان ملاحت
سن باب الحوائج بالاسی کان سخاسن
سندن اولی سائل لره احسان و کرامت
عالیم سن اوزون بوشدی الیم مستحقم من
سینم دولودی دردیله گل ائیله طبابت
هر چند گنهکارم اوزوم قاره ، غمیم یوخ
حتما دوتاجاق دی الیمی قول شفاعت
بو درگهین عاشقلریوه خلد بریندی
هر کیم ییخیلب دی قاپووا تاپدی شرافت
منده سنه گوز تیکمیشم ای ضامن آهو
زهرا آناوون حقی منی ایله ضمانت
#مدهوش ائیلیوب جلوه حسنون منی مولا
الکن دیلیله ائیلییورم عرض ارادت
مدهوش
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
ای ارض طوس سنده عجب دلربا یاتوب
مرآت حق نما و جمال خدا یاتوب
🌸🐇
بی اختیار مایل اولور دل وصالوه
سنده مگر بو کاه دله کهربا یاتوب
🌸🐇
بالفرض روح شکّر اولا، سن بنفشه سن
ارواحی سنده جذب ایلین بیر قوا یاتوب
🌸🕊
سن سن عیار مسلّم و مومن لره محک
سنده عیار کامل اهل هدا یاتوب
🌸🕊
ایلر زیارتون مس ایمانی صاف زر
بیر بوته سن که سنده گوزل کیمیا یاتوب
🌸🐇
شمس الشّموس سنده دور ای مفخر فلک
سنده مهیله مهره ویرن انجلا یاتوب
🌸🕊
اسلامیده عزیزدی سنده یاتان وجود
سن سن او یر که سنده امام رضا یاتوب
🌸🕊
مرحوم سعدی زمان
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
حاج محسن رستگاری
میلاد_امام_رضا(ع)
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
شهروز حبیبی
صلوات خاصه امام رضا(ع)
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
﷽جان رقیه سلام الله
واریادوندا منی اغوشه الاردون باباجان
گون دوشنده باشیما سایه سالاردون باباجان
گوگلومی غصه لی وقتیمده الاردون باباجان
بس نوولدی اوگچن گونلریمیز ایندی بابا
سن هارامن هارا اخر کسیلن باشون هارا
من دیردیم باباجان قارداشیم الانه گلر
دیمه سینم گله جک تنگه بئله جانه گلر
باباسی لبلری طشته بویانار قانه گلر
هانسی بلبل گولونی غملی اولان دشته گوروب
هانسی قیزدی باباسین قانلی اولان طشته گوروب
﷽جان رقیه سلام الله
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
حضرت ابوالفضل علیه السلام
سبک : میگذرد کاروان
الطافی
ای قولی تندن جدا
یاتما ابوالفضل اویان
آچ گوزووی باخ منه
ای منی یالقوز قویان
من سنی یورقون گورم
حالووی پوزقون گورم
طاقتیم اولماز منیم
ای جانینا تیز دویان
ای پناهیم منیم دور گیدک
سر سپاهیم منیم دور گیدک
ای کومگیم قارداشیم
قول یارا باشون یارا
قانلی لبون ذکر ایدور
هانسی دعانی یارا
سن شرف ناسیسن
غمزده عباسیسن
معدن احساسیسن
سوئله گیدور سن هارا
ای پناهیم منیم دور گیدک
سر سپاهیم منیم دور گیدک
گورسون اگر قارداشون
دیده ی خونپاشینی
یوخد ی الون قالخیزوب
پاک ایده سن یاشینی
غصه لیم غملیم
منله دانیش قارداشیم
قویما دگه سینمه
آیرلیقون داشینی
ای پناهیم منیم دور گیدک
سر سپاهیم منیم دور گیدک
سن کی ابوالفضل منه
غم گونی غم خواریدون
لشکریم آز اولسادا
سن اونا سرداریدون
سن مه برج وفا
باغ حسینه صفا
حقووه اولدی جفا
حق یولونا یاریدون
ای پناهیم منیم دور گیدک
سر سپاهیم منیم دور گیدک
گورسه رقیه اگر
پیکروون یاره سین
ترپده بیلمز داخی
اصغرون گهواره سین
الده سو جامی گزور
خیمه ده یول گوزلیور
چونکی یخوبدور عطش
صبرینون دیواره سین
ای پناهیم منیم دور گیدک
سر سپاهیم منیم دور گیدک
گلزار عشقیم اخا
سنسیز بوچولده سولار
بیکس قالان عترتیم
دشمنه اسیر اولار
عمود انن باشووی
پارچالانان قاشووی
گورسه اگر قیزلاریم
هاموسی باشین یولار
ای پناهیم منیم دور گیدک
سر سپاهیم منیم دور گیدک
من سنی ماه منیر
ساتمادیم اهریمنه
باشوون اوسته گلوب
آغلیورام من سنه
دشمن باخور یاتما سن
قارداشون آغلاتما سن
سندن صورا قیزلاریم
اسیر اولار دشمنه
ای پناهیم منیم دور گیدک
سر سپاهیم منیم دور گیدک
دای یازما (الطافی ) سن
باغلا بساط سوزون
قویدی حسین لبلرین
قارداشین اوپدی گوزون
غملی خیامه گلوب
دعترت هاموسی بیلوب
امر ایله دی زینبه
سیزده بو غمه دوزون
ای پناهیم منیم دور گیدک
سر سپاهیم منیم دورگیدک
✨اَللّهُمَّ عَجِّل لِوَلیِّکَ الفَرَج✨
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
دولاندي زينب او باشسيز جنازه نون باشينا
دئدي حسين باجون ئولسون نه روزگار اولدي
🌹🌹
پيمبر اوغلوسان اما سويوبلا كوينگوي
حرامزاده لر آخر نه ظلمكار اولدي
🌹🌹
مني قيامته جك يانديرار بو صحنه حسين
بو صحنه ايكي گوزوم گورجك اشكبار اولدي
🌹🌹
نقدري داش وار آنام اوغلي قتلگاهونده
سنون تك هانسي شهنشاه سنگسار اولدي
🌹🌹
سني بو حاليده گورميدي زينبون اي كاش
اياقلانان گُله بنذور جنازون آي قارداش
https://telegram.me/joinchat/BQ1CKT3x959rXnaj_Kjibw
حاج_محمد_باقر_منصوری
عروسی حضرت زینب(س)
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
کوچ از خرابه ................
شاماتیدن بلا چولونه کاروان گیدر
زنجیره بسته لر اچیلوب هم عنان گیدر
توتماخلیقا حسینه عزا اربعینیده
اهل و عیالی باشه ویریب مو کنان گیدر
زهرا عزیزی زینب علیا مکرمه
قورتاردی شامی قارداشینامیهمان گیدر
جانان عزیز قارداشینین یادگارینی
تاپشوردوی قبره قامتی غمنن کمان گیدر
ایریلدی ایریلانمادی قبر رقیه دن
غربتده قالدی قبری اودور ناگران گیدر
فرمایش ایلدی منه ای ناقه یولداشی
دور کاروانیله باجون عممن انان گیدر
رسم وفانی اتمامیشام من قیزیم هله
کیم گلسه هر یره اونیله توامان گیدر
ایا ایشتموسن بیبیوین سن سزیلتسین
عرش برینه ناله گتمه دایان گیدر
اکبر یارالیدی گله بولمور دو سن گیداخ
قارداش بلایه دوشسه باجی هر زمان گیدر
مشغول صحبتیدی خانم چون خرابده
صوت جرس نه گوردی ایدوبدی فغان گیدر
فرمایش ایتدی یوللانیری کاروان قیزیم
توپراقی فرش ایدن با لالار خسته جان گیدر
هر نینیرم ربابی دیله من توتانمیرام
گلزار عشقیدن بله بول باغبان گیدر
اصغردن اوتری چوخ داریخیر بی نوا رباب
گوزدن سحاب تک یوزه اشکی یاغان گیدر
غارتده اصغرین او یانان گاهوارسین
اغوشینه الیبدی او لای لای! چالان گیدر
ساجد گویول چوخ ایستری شامین خرابه سین
https://telegram.me/joinchat/BQ1CKT3x959rXnaj_Kjibw
آمدن دختر یزید به خرابه شام و مکالمه با حضرت رقیه (س)
.
مرحوم شکوهی_مراغه_ای
.
هزار آه او ویرانهٔ غم افزایه
او گون که گلدی یزیدون قیزی تماشایه
.
.
گوروب خرابه نی بیر گلشن همایوندور
زبس که سرو سمن رولریله مشحوندور
.
بویان طرفده قویوب یوز ترابه بیر بیمار
که طاقتی کسیلوب بس که دردی افزوندور
.
غذاسی خون جگردور، طبیبی غصه و غم
گلن عیادته هردم بلای گردوندور
.
باشیندا شور، ایاقیندا عشق زنجیری
اگرچه لیلی دور آدی ولیک مجنوندور
.
اویان طرفده بیری ال آچوب مناجاته
دیلینده ذکری خداوندگار بی چوندور
.
سرشک دیده سی سجّاده سین ائدوب رنگین
ز بس که محنت هجران الینده دلخوندور
.
بیری او قدر چکوب آه و ناله هوشه گئدوب
یوزونده طرّهٔ شبرنگ ماه موزوندور
.
گلنده هوشه دییر تشنه جان وئرن بابا وای
سنون غمونده گوزوم یاشی رشک جیحوندور
.
بیری بویاندا دییر نامراد عَم اوغلوم وای
عیان اولور که قرا بخت عروس،محزوندور
.
چکوبدی نرگسینه سرمه دود آهیندن
سمن عذارینه گلگونه اشکِ گلگوندور
.
.
.
سوروشدی اگنیوه چون گیمیسن سیه جامه
سنی من اوخشادورام بیر عروس ناکامه
.
.
.
بو حُسن وار،بو تجمل که سنده، سن کیمسن؟
نه صبر قویدی نه آرام منده، سن کیمسن؟
.
نه وار بُویون کیمی سرو چمنده ناز خرام
نه وار صفا گل اوزون تک سمنده سن کیمسن؟
.
بنفشه وار باشون غم دیزینده دور مبهوت
ائدوب او غنچه لبون ترک خنده،سن کیمسن؟
.
نچون ،بو نُه ورق آسمانی یاندیریسان
عم اوغلی وای فغانی چکنده،سن کیمسن؟
.
او زلف و خال نئجه دام و دانه دور آخر
که گؤیلومون قوشونی سالدی بنده سن کیمسن؟
.
.
.
دئدی منی گوروسن مضطرم، سؤروشما کیمم
عروس زار و سیه معجرم سؤروشما کیمم
.
.
.
نه حال زاریمه ایله نظر،نه گریان اول
سؤروشما دردیمی گئت شادمان و خندان اول
.
مکدّر اولما بو ویرانهٔ غم افزاده
بهار سیرینه گئت زیب هر گلستان اول
.
بو بختی قاره لرون دردینه یتیشمکدن
سوای غم نه یئتر؟بیر قِئییت پشیمان اول
.
بو غم سراده گلوب آه و ناله اؤرگشمه
گئت ایندی بزم نشاط ایچره،سن غزلخوان اول
.
نه سرو قدِّ علی اکبرین خیالینه دوش
نه قمریِ دل لیلائیله هم افغان اول
.
نه نقل طرّهٔ دامادی دوت خبر مندن
نه سنده من کیمی آشفته و پریشان اول
.
نئجه دِییم که امام حسن عروسی منم
بو نوع بختینی قاره،نه گور،نه حیران اول
.
.
.
دئدی سنون نه یامان طالع سیاهون وار
کباب اؤلور اورگیم بس که سوزِ آهون وار
.
.
.
نئجه عروسیسن آخر سن ای گل سیراب
ائدر گوزون یاشی اؤز اَگلشدیگون مکانی خراب
.
عروسِ تازه گییَر اگنینه لباس قماش
باشیندا معجر حمرا اولور الینده خضاب
.
گؤزه نه سرمه چکوبسن،نه غازه رخساره
نه زینت عارضیوه وئرمیسن،نه زلفیوه تاب
.
نه گردنونده حمایل،قولوندا بازو بند
نه ناز سرو قدونده،نه نرگسینده عتاب
.
نئجه عروسیسن آخر که اؤلمیوب افشان
جبینده نه زرک و زلفیوه نه عنبر تاب
.
ائشیتدی سؤزلرینی چون عروس بخت سیاه
یارالی گؤیلی گینه درده گلدی وئردی جواب
.
دئدی کناره چکیل،الحذر قیل آهیمدن
اتکلیوب اودی بو گویلوم ائتمه هیچ کباب
.
اولور بو سلسله دن یاخشی راق نه بازوبند؟
بو گردنیمده حمایل دَگُل مگر بو طناب؟
.
بو قطره قطره گؤزوم یاشی گوهر و مرجان
بو قان اولان اورگیم طرفه لعل دور شاداب
.
.
.
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
یا حسین چوخلاری حیراندی سنه منده بیری
چوخی عشق عالمی قرباندی سنه منده بیری
ذکر ائدنده آدووی گوز دولار اشک تریلن
خلقتون هاموسی گریاندی سنه منده بیری
هر کیمون دردی اولار فوری دوتار دامنووی
چوخلاری دست به داماندی سنه منده بیری
سفره لطفون آچیقدی گلنه یوخ دئموسن
بشرون هاموسی مهماندی سنه منده بیری
دست خالی سنی زهرا منی سن سالما یول
ا
هامی بیر سائل نالاندی سنه منده بیری
اوتلانان لبلرووی یاده سالاندا یانییام
عالمون قلبی الولاندی سنه منده بیری
اویانان لبلرووه یاندی حسین عرشیله فرش
داشلاروندا اورگی یاندی سنه منده بیری
خیمه گاهون نجه یاندی ددی آلاه: وای حسین
هامینون سینه سی اوتلاندی سنه منده بیری
@motavasselan
یا ابوالفضل ع
بو حسین ابن علی نون قاپوسی بیر قاپودی
کیم دخیل اولسا اونا بوقاپودان های گلجک
دوز گدالر آلوب اوز مطلبینی بو قاپودان
دوز گدا اولسام اگر گونده منه پای گلجک
یا ابوالفضل دیه بیلسم من اگر صدقیله
عرشیدن خیل ملائک دیوب ای وای گلجک
اوخوسام روضه عباسی خلوصیله اگر
ننه سی فاطمه سویلوب بالا لای لای گلجک
https://telegram.me/joinchat/BQ1CKT3x959rXnaj_Kjibw
همخوانی اتابک عبداللهی و مسعود غفرانی
مراسم جشن ولادت امام رضا (ع)
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
حاج محسن رستگاری
جشن_میلاد_امام_رضا(ع)
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
« جانم یا رضاجانم »
.
سبک_کی_شعر_تر_انگیزد
.
مصیبی تبریزی
.
ای شاه حریم طوس
شهلر قاپیوا پابوس
سن سن شرفین کانی
شمسُ الشّرفه مانوس
.
.
.
دیباچۀ حکمتده تفسیر معانی سن
حیثیت اسلامه جدّون کیمی بانی سن
جراتده شهامتده بیر حیدر ثانی سن
آداب و کمالیندن ذات ادبین ملموس
.
.
.
مولا گوزل عنوانین منهاج مدارجدی
لطف و کرمین آقا آفاقیده رایجدی
سن بیر کسه نائب سن کیم باب الحوائجدی
بغدادیده اون بیرایل زنداندا قالوب محبوس
.
.
.
فردوسه گوزل صحنون تشبیه ائلَسم من گر
بو سوزده اولارایراد قبروندی سنون برتر
حسرتدی او ماوایه خلد و فلک اخضر
ای مرحمتین کانی تخت شرفه مجلوس
.
.
.
ای قائمه خلقت دارا شرف و جاهه
سکّان سما حیران ،اول مأمن و خرگاهه
حسرتدیله بیردفعه یوز سورته له درگاهه
بنیان حریمیندور تا روز ازل مرصوص
.
.
.
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
زیارت و تقدیم گل به مرقد حضرت اقا علی ابن موسی الرضا علیه السلام
ای وئرن آدی دیللره صفا
جان فدا بو جاه و جلالیوه
گلمیشم اقا پای بوسیوه
گل گتیرمیشوخ گل جمالیوه
یا ابالحسن یا امام رضا
یا ابالحسن یا امام رضا
شکر اولا خدایه عنایتی
چاتدتریب بو جمعی سعادته
قسمت اولدی بیر یولدا عمریده
دسته جمعی گلدوخ زیارته
گلمیشوخ شها آستانیوه
دلشکسته عرض ارداته
آغلاروخ اورکدن سنون اقا
دیلده بی نهایت ملالیوه
گل گتیرمیشوخ گل جمالیوه
یا ابالحسن یا امام رضا
یا ابالحسن یا امام رضا
ای ائدن خراسانی کربلا
نور عین زهرا سنه سلام
جان ورن غریبانه طوسیده
ای امام والا سنه سلام
زایرین همیشه الین دوتان
ای کرملی اقا سنه سلام
وار یئری زمین و زمان اگر
غبطه اتسه والله کمالیوه
گل گتیرمیشوخ گل جمالیوه
یا ابالحسن یا امام رضا
یا ابالحسن یا امام رضا
مدهوش
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
شب میلادرضادی
بیت نجمه باصفادی
بوگجه آدین چاغیرام
آدی دردیمه دوادی
گلدی امام هشتم گلدی پناه مردم
مولا رضا رضاجان(۴)
پارلییر گوزل یوزی مثل ستاره
دردمندانه گلوبدی راه چاره
شب میلاد امام معرفتدی
چالوری خادملری سازونقاره
گلدی صفای سینه گلدی ماه مدینه
مولارضارضاجان(۴)
گلدی آیت موید
عالم آل محمد
بی نوالره معیندور
بورئوف آل احمد
دردیم اولوبدی درمان گلدی معدن احسان
مولارضارضاجان(۴)
مژده گلدی عالمه بیرگل خوشبو
هشتمین حجت حق ضامن آهو
کیمون اولسا دردی یا مریضی گلسون
چون گلوبدی دردبیچاریه دارو
آدی ذکرشفادی یادی درده دوادی
مولارضارضاجان(۴)
شیعه اولدی غمنن آزاد
خانه غم اولدی برباد
اورگیم قوشی اولوبدی
زائرپنجره فولاد
واردی گنبدطلاسی مشهدده کربلاسی
مولا رضارضاجان(۴)
اورگیم قوشی اوچور تربت طوسه
آپارور سلامیمی شمس شموسه
گوول ایستییر گده حریم قدسه
ویراتا پنجره فولادینه بوسه
گلدی دردیمه دارو گلدی ضامن آهو
مولا رضارضاجان(۴)
سیدی شاه خراسان
سیدی زینت ایران
بیزلره شفاعت ایله
ای اولان ضامن جیران
ایسته بواهل دینه پیاده اربعینه
مولا رضا رضاجان
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
ولادت امام رضا(ع) (وصال تبریزی)
🌹🌹🌹🌹🌹🌹
شه خراسان گلوبدی
مه درخشان گلوبدی
منادی سسلیر سماده
سلطان ایران گلوبدی
حق پایلیور خلقه صورتینده نور جمال پیغمبری
کنج لبونون هر کیم اوپر یادینه سالور حوض کوثری
گوزل گوزی شهلادی
لبی شیرین دریادی
گوزل آدی رضادی
🌹رضا رضا یا مولا🌹
اولوبدی دل پای بستی
یتوبدی موسم مستی
آقام رضانون آدیله
ائداخ بوگون می پرستی
رضانون آدیله دادموشام من نمازیله ، طاعت عشقینی
صفالی قبرین گورنون آتدوم ، همیشه لیق جنّت عشقینی
دیلیم دیر یا رضا
الیمی دوت یا مولا
اوزون به حق زهرا
🌹رضا رضا یا مولا🌹
عرشیدن اعلا رواقی
ولایت اهلینه ساقی
وار هانسی شاهون رضا تک
جلالت و طمطراقی
یوزه چکوب سنده حق جلالون ، حُسن خداسن رضا رضا
قاشوندی قبله اوزون ولی بیر قبله نماسن رضا رضا
گوزوم کرمونده دی
یاشل علمونده دی
اورک حرمونده دی
🌹رضا رضا یا مولا🌹
ذکر ائلین دلبر آدین
قویوبدی پیغمبر آدین
رضا گلوبدی دیرتسین
دوباردن حیدر آدین
گونیله ، آیدا اولان او جلوه بونون او نوره جلیسیدی
امامت و هم ولایتون چون رضا اوچومجی علیسیدی
جلالی عین علی
کمالی عین علی
خصالی عین علی
🌹رضا رضا یا مولا🌹
قبول ائدر خوب و زشتی
ولاسیدور حق سرشتی
رضا اولان یرده زاهد
گوزومه چکمه بهشتی
منیم بهشتیله هم جنانیم جلالیله ارض طوسیدی
جهاندا فخر ائیلرم آقام یر یوزونده شمس الشموسیدی
گوزل آدی جانیمدی
ولاسینی ایمانیمدی
آقامدی سلطانیمدی
🌹رضا رضا یا مولا🌹
گل شه دلجونی سسله
اول شه مه رونی سسله
مشکله دوشسن همیشه
ضامن آهونی سسله
هم انبیا و هم اوصیاده اولان جلالت سنونکیدی
یوسف سنه چاتمیوبدی چاتماز ، حُسن و وجاهت سنونکیدی
غم آتشینده یانام
دیوب رضا اوتلانام
باشوا من دولانام
🌹رضا رضا یا مولا🌹
منیم وقاریم رضادی
گل و بهاریم رضادی
قسم حق ذوالجلاله
جهاندا یاریم رضادی
ایکی جهان شیعه نون وقار و صلابتی مرقدونده دی
خدایه آند اولسون اهل ایران گوزی رضا گنبدونده دی
فلک گوروب اعجازین
چکر ملک لر نازین
بولر رضا دل رازین
🌹رضا رضا یا مولا🌹
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
استادحاج غلامرضاعینی فردزنجانی
https://telegram.me/joinchat/BQ1CKT3x959rXnaj_Kjibw
باغبان گلشنه زینت یارادان یاسی بیلر
خِبره هر داشدان آغیر قیمت الماسی بیلر
کـ‍ـربلا نهضتینون منزلتین مُرشد عشق
همّت زینبیلن غیــرت عبّــاسی بیــلر
یارادوب شأن و شرف حیدره عبّاسون اٙلی
آچدی عشق عالمی بیر منظره عبّاسون اٙلی
روز میعاد شفـاعت قاپوسین باغلاسالار
دست زهــراده گٙلر محشـره عبّاسون اٙلی
ای‌دوشن‌مشکله تِزگل در رحمت بورادی
قبلهٔ عشق و صفا باب كرامت بورادی
بو قدر ذکر اوخوما جنّته خـاطر زاهد
آند اولا عشقه حسین مستینه جنّت بورادی
من گـدایم که نگارون غمینون عاشقیَم
مجلس تعـزیه و مـاتمینون عاشقیَم
ساتمارام مُلک سلیمانه قـرا کوینگیمی
من ابالفضل وحسین پرچمینون عاشقیَم
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
گلون توسل ایده ک درد وغم یوران بالیا
جمالی نیلی کیچیک قلبی لخته قان بالیا
قاچانمیان غم الیندن یارالی قوشلار تک
خرابه نی ایلین غملی آشیان بالیا
آتا قوجاقینه ناز ایلین گوزل جسمی
ایدن خرابه مصیباتی نیمه جان بالیا
گوزینده قان یوزی نیلی ئولنده صورتدن
آناسی حضرت زهرایه هم نشان بالیا
بی بی سی تک بودا باب الحوائجه تانینوب
ده حاجتون بو ستمدیده ی زمان بالیا
مزاره بیر قره معجرله جسمی دفن اولونان
صغیره سنیله تاریخه قهرمان بالیا
کفنی قاره,گونی قاره,معجری قاره
بدنده غملرینی قمچیلر یازان بالیا
گلنده غسل ایده غساله کنج ویراندا
ترابون اوسته چیخان جانی ناتوان بالیا
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
شجاعت حضرت قاسم
حبیب پالیزبان
https://telegram.me/joinchat/BQ1CKT3x959rXnaj_Kjibw
🌷🌷🌼🌼🌷🌷🌹🌹🌹
ساتمارام عشقی سلیمان نبی دولتینه
واردی فخریم بونا که سفره زینب آجیام
گر باشیم یدی سمایه اوجالانسا دییرم
هر کیم اولسام هله من عشق حسین محتاجیام
خلق اگر کعبه زیارت ایلیوب حاجی اولار
من حسین مقتلینه بوسه ویراندان حاجيام
https://telegram.me/joinchat/BQ1CKT3x959rXnaj_Kjibw
زبانحال حضرت رباب(س)
علی بالام ،گوزل بالام، ناز بالام
سحر اولدوزی تک عمری آز بالام
خردا بارماقلارون باتر قانوا
احوالیوی هردن منه یاز بالام
گوزل بالام، شکیل بالام، گل بالام
دردی چتین درمانی مشکل بالام
آغلاماقون دشمن بولسه سوونر
بیر جور اله گاه آغلا گه گول بالام
علی بالام، شیرین بالام، بال بالام
جان ساتیرام بیر گوروشه آل بالام
بیر گئجه گل یوخوما تئز گیتمه
صبحه کیمی منه قوناخ قال بالام
علی کوینگون آغ ساخلارام
یوارام آغ ساخلارام
بیر گئجه یوخوما گلسون
سنی قوناق ساخلارام
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
مرحوم حاج سید محمد جواد ذاکر
روضه حضرت رقیه (ع)
https://telegram.me/joinchat/BQ1CKT3x959rXnaj_Kjibw
کوفه ده زهرا قیزی محشر نمایان ایلدی
باشلادی بیر ایله خطبه خلقی حیران ایلدی
استقامتله او دم صدّیقه ی کبری قیزی
اوج همّتده آچوب پرچم شه بطحا قیزی
ایتدی اوّل باشدا محکم معجرین زهرا قیزی
آی کیمی گون صورتین ابر آتدا پنهان ایلدی
دُر نثار ایتسون حیانین با ادب گنجینه سی
باشلیوب بیر خطبه زهرا قلبینون آئینه سی
آل سفیانین او دم تعطیل اولوب کابینه سی
حقّ و حقّانیّتی دنیایه اعلان ایلدی
گوردی کوفه ازدحامین زینب والا مقام
سسلنوبدور اُسکُتوا، آیا ندور بو ازدحام
قطع اولوب سسلر، دوشوب سسدن جرسلرده تمام
حیدر کرّار گویا عزم میدان ایلدی
بیر شجاعت گوستروب اول دمده دخت بوتراب
کوفه نین وضعین دگیشدی زینب علیا جناب
دگدی کوفه بیر بیره باشلاندی شور و انقلاب
بو وقایع آل سفیانی پشیمان ایلدی
کوفه ده ظاهر اولوبدور صولت شیرخدا
بیر بیره سویلوب گلوب یوخسا علیّ المرتضی
کیمدی بو محملده سالموش عالمه شور و نوا
نطقیله بنیان ظلمی بیله ویران ایلدی
نوری ظلمتده گورن سویلوب گونوزدی شبدی بو
بو جسارتده اسیر اولماز عجب مطلبدی بو
واضح اولدی خلقه تا زهرا قیزی زینبدی بو
عشقینی تصدیق اهل کون و امکان ایلدی
زینبیکه درس عشقی مرتضادن مشق آلا
بیر وجودیکه اونی باشدان ایاقه عشق آلا
کیم شهادت ایستسه اوندان گرک سرمشق آلا
کیم دیر عشقینده زینب ذرّه نقصان ایلدی
ایستدی گفتاریله شخصیّتین ویرسون نشان
گلشن زهراده سویلوب بیر گلم عنبرفشان
زینبم جدّیم پیمبر، کیمده وار بو عزّ و شان
خارجی آد قویدی قوم دون نه عنوان ایلدی
دین یولوندا دستگیرم خوشدی خون دل ییم
اگنیمه رخت اسارت دینیم امر ایلوب گیم
ناقه اوسته سیزلره هر یرده درس دین دیم
چون منه بو حکم شرعی حیّ رحمان ایلدی
گوهرم گنجینه ی عصمتده من زهرا روش
ایلیوب زهرا منی بو گوندن اوتری پرورش
ایلیم اثبات حق ای کوفیان بدمنش
هانسی بیر ملّت امامین قانه غلطان ایلدی
اول کسوک باش که گورورسوز شاه عطشان باشیدور
مصطفی دلبندی زهرا جسمینه جان باشیدور
هیکل توحیددور معنای قرآن باشیدور
اصل قرآن اوسته مظلوم اهل قرآن ایلدی
لعل لب آچدی او دمده شاه عطشان نیزه ده
خلقی تبلیغات ایدوردی دینه هر آن نیزه ده
باشلیوبدور بیر گوزل صوتیله قرآن نیزه ده
ناطق قرآن سسی دنیانی حیران ایلدی
گوردولر آیات حقّی حجّت یزدان اوخور
بیر بیره سویلوب کسوک باش گور نجه قرآن اوخور
خارجی اولسا ندن بس آیه ی سبحان اوخور؟
بو حسیندور جان و مالین دینه قربان ایلدی
گوردی زینب صوتیله قرآن اوخور شاه زمن
سسلنوب به به بو دلکش صوتیوین قربانی من
ایتماقا قارداش تماشا صف چکوبلر مرد و زن
خلقه آندور اهل کین ظلمینده طغیان ایلدی
سن کسوک باشیله من قول باغلی ای شاه حجاز
ایلیاق هر نحویلن اسلام و دینی سرفراز
سن حسین قرآن اوخی من خطبه اولسون کشف راز
بولسون عالم بیزلره ظلم آل سفیان ایلدی
نیزه ده باخدی گوروب عشقین قطاری لنگ اولوب
درد و غمدن وسعت دنیا گوزونده تنگ اولوب
ووردی باشین محمله قارداشیله همرنگ اولوب
دلده کی عشقین او گون دنیایه اعلان ایلدی
باجی قارداش دین یولوندا ایلیوبلر اتّحاد
حقّی اثبات ایتدیلر رسوا اولوب اهل عناد
بولدولر دینین ایوین ویران ایدوب ابن زیاد
بو اسفلی حاله دشمنلرده افغان ایلدی
کمترین بیر نوکرم من اعظمی دور شهرتیم
یازدیقوم اشعاریدن گرچه واریمدور خجلتیم
بو ملک درگاهه امّا ظاهراً وار نسبتیم
باطناً گورسم نظر شاه لب عطشان ایلدی
https://telegram.me/joinchat/BQ1CKT3x959rXnaj_Kjibw
آتـدان دوشنـده اکبر گلگون‌قبـا یره
شأن و شرفده غبطه آپـاردی سما یره
معناده گلدی عـرش خدای جلیلـدن
زهـرا و مُرتضـا و رسـول خــدا یره
یاسین تلاوت ایتماقـا یاسین شبیهنه
اگلشدی باشی اوسته شه هَل اَتی یره
جان اوسته گوردی قبلۀ اصلی اوز عکسینی
دوندردی سالدی قبلیـه آخدی دما یره
سرمشق ویردی لیلیـه زهـرا فغـانیله
افـلاکدن یتــوردی ملک‌لـر نـوا یره
بیرده آتاسی گلدی اوغول نعشی اوستونه
گوردی دوشوب یارالی او اعظم فدایره
باشـی قلجـلانوبـدی جفـائیله گـوئیا
محـراب کوفـده یخـلوب مُرتضا یره
بیـر دسته آتشی گُلـه بنـزور یارالاری
اوراق ایدوب توکوبدی نسیم صبا یره
اعضاسی برگ گل کیمی میدانی دولدوروب
قانــی بغیشلیــوب اثــر کیمیــا یــره
بیر کیمیادی قـلب مِسَـه مسح ایـده اگـر
سویلر باخان دوشوبدی اَرینمیش طلایره
نه باشدا وار نه سینه‌ده بیر قطعه صاف یری
اهــل جفــا وروبــلا یــارانی یــارا یره
تیغیلــه آیـریلوبــدی بــدن اِربَ اِربـدن
کفّـار کوفـه جسمیـن ایـدوب توتیـا یـره
گورجک بو حالی چخدی اُوزوندن غریب امام
بی‌اختیـار آتـدان اوزیــن سالـدی تـا یره
یـدّی قـدم سورونـدی یتوب قانلو نعشینه
مظلـوم اوغـول یانینـدا اوتـوردی آتا یره
یردن گوتوردی قویدی دیزی اوسته باشینی
توکـدی دُرِ سرشکینـی میـر هُـدا یــره
دیندیردی گوردی دینموری ضعف عالمنده‌دی
قانـی آخــور یــارالارینـون بـرمـلا یره
بیر گوزلرینی بیرده سیلوب قانلو دیشلرین
بیگانـه گـوردی قویـدی باشین آشنا یره
یعنی یـارالی بـاشیـن اُورک باشینه باسوب
قویــدی دوبــاره پـادشــه کربــلا یــره
سالـدی اوزیـن جنـازه‌سی اوستـه فغـانیله
یوخدور عـلاجی گـوردی گلور بیر رجا یره
قویدی یوزین او قانلو یوزه چکدی آه سـرد
اود یاغدیـروب او سـرد نفسـدن هـوا یـره
بیر صیحه چکدی آغلادی سسلندی وای اوغول
هانسی خطالـی ال سنـی یخـدی بـالایره
ای گوزلریم ضیاسی گـوزون من فداسی دور
سنسیز دوشوب گوزیمده‌کی نور و ضیا یره
مـن دل شکسته‌نین الینـه سن عصـائیدون
قدّیم بوکولدی دوشـدی الیمـدن عصـا یره
هـر اوخ سنـه وروبـلا منیم باغریمی دَلوب
بـوقان منیم قـانیمدی تـوکـوب اشقیا یـره
نـاز ایلوسن منه- سسیمی یـا ایشیتموسَن؟
جسمون تکـوبدی خنجر و شمشیر یـا یره؟
گیرم دورانموسان ایـاقا بـاری آچ گـوزون
قلبیم سنوب سـوزوم دوشه اولمـا رضا یره
ای نوجوان قوجاتدی جوان اُلماقون منی
لایـق بو سـرو قدّیـوی گوردی قضا یره
تپراقلار اوسته ایسّی ده یاتما یارالی سان
دور حمـل ایدوم جنازه‌وی بیر باصفا یره
قلبیـم دولوبـدی قانیله ای مایـۀ حیـات
توکسون گرک بو قانی خدنگ جفـا یره
پیغمبر اوغلی آغلادی آغلاتدی دشمنی
وُوردی عمامه‌سین او زمان مصطفی یره
قلبین بوشاتدی دوردی ایاقه فسرده حال
سالـدی عبـانی خـامس آل عبــا یــره
یغـدی عبایه قطعه به قطعه جنـازه‌سین
وُوردی فضـای صبـرده عــالی لـوا یره
آغـلار گوزیلـه سسلـدی فتیـان هاشمی
جمـع اولـدولار او مجمـع داد و بُـکا یره
بیر نحویله گوتور دوله صد پاره جسمینی
مخیـم‌ده تـا سالنـدی او فرش عزا یره
اهـل حـرم توکولدولـه ناگه نه گوردولر
فـرش ایلیوبلـه شـورش روز جـزا یـره
مظلوم آتا دوروبدی اوغول نعشینه باخور
اشکیـن توکـور او آئینـۀ حـق‌نمـا یره
آغلار گوزیلـه زلفـی پریشان مخـدّرات
اگلشدی گوزده گـوز یاشی دلده نوا یره
بعضی اوپوب یارالارین ایلردی آه و زار
سسلردی قویما صورتون ای مه لقا یره
بعضی او دسته گُلدن ایـدردی کنار خار
بلبـل کیمـی سالوردی فغـان و نوا یره
گلدی هامی، آناسی ولی گَلمدی دوشوب
بیهــوش خیمه‌لــرده او بی‌اقربــا یره
امـر ایلـدی امـام چخـاتسونـلا لیلینی
گلسـون اودا او منطقــۀ ابتــلا یــره
قولتوقلارینـا گیـردیلـه لیلانین اهلبیت
گلدی او لوح دلـده کـی مایُرتجی یره
امّا نجه که گه یخولاردی دوراردی گاه
گوزدن توکردی گوهـر عالـی بهـا یره
گلموردی دیزلری سورونوردی ایاقلاری
دگموردی خطّ مشـی ده بالمـرّه پا یره
گلدی یتشدی تا که اوغول نعشی اوستونه
گـوردی او بینـوا دوشنـوب بیر عبا یره
امّـا نجـه عبـا دولـودور قانلـو عضویله
هر عضو اوز یرینده دوشوب جابجا یره
مانع اولوب حیا باشی اوسته اوتورمادی
پائیـن پـاده اگلشـوب اول بینـوا یـره
اوز سینه‌سی آراسِنا باسدی ایاقـلارین
ناکام اوغول یانیندا دوشنـدی آنـا یره
اوّل او قانلو چکمه‌لـرین خـارج ایلدی
اشکیلـه یـازدی رمـزاً اوکان حیا یره
شهـزاده‌لـر گَلَنـده سفــردن کنیـزلر
بو رسمـدور جلـوس ایدر ای باوفا یره
شهزاده چکمه‌سین چخاردار مهربان کنیز
یورقون گلوب یتشمسون امری رخا یره
سنده سنـه کمینـه کنیزم اوغول علی
لازمـدی نقش‌بنـد اولا بـو مـاجرا یره
السون آنان اوغولسوز آنان تاب ایدر مگر
دوشسـون بیلـه یارالـی بو قدّ رسا یره
دور گور نجه قیام قیامت قیام ایـدوب
خـونِ دلیـن توکـور حرم لافتی یره
@motavasselan