1504
آدرس اینیستاگرام http://www.instagram.com/motavasselan1 رجز نوحه های تصویری صوتی اشعارحسینی شور ارتباط با آدمین تبادل ارسال مطلب @YaAliAkbarMadadi
یا فاطمة الزهرا سلام الله علیها
حاج ولی الله کلامی زنجانی
سبک :: یا امام زمان شیعه ده احساسه باخ
ای علی باشینون افسری یا فاطمه
سید مرسلین دختری یا فاطمه
بیزه احسان ایله
درده درمان ایله
یا زهرا ( 2 )
او خانمسان سنه مریم ائدر اقتدا
سنله رونق تاپوب مجمع اهل کسا
امر سبحانیله ئوپدی الین مصطفی
ای رسول اللهین مفخری یا فاطمه
بیزه احسان ایله
درده درمان ایله
یا زهرا ( 2 )
یاراشور ای خانم چادر عصمت سنه
وئروب الله ئوزی عزت و شوکت سنه
خصم یزداندی کیم ائتسه اذیت سنه
قلزم رحمتین گوهری یا فاطمه
بیزه احسان ایله
درده درمان ایله
یا زهرا ( 2 )
ئوزون ایله نظر ای مه عصمت بیزه
تا آچا لطفیله حق در رحمت بیزه
پای میزانیده ایله شفاعت بیزه
سنده دی شیعه نون گوزلری یا فاطمه
بیزه احسان ایله
درده درمان ایله
یا زهرا ( 2 )
سنه خیر البشر امّ ابیها دیوب
آرتیروب شأنیوی ذکر فداها دیوب
بضعةٌ کلمه سین سید بطحا دیوب
ساقی کوثرین همسری یا فاطمه
بیزه احسان ایله
درده درمان ایله
یا زهرا ( 2 )
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
.عم اوغلی چوخ گول سارالار
حاج محمدباقرمنصوری
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
رحیم شایان:
درشان حضرت زهرای اطهر
کوثر بی کرانه زهرا دی
رحمت جاودانه زهرا دی
جلوه بی مثال عبدیت
اوج ایدن آسمانه زهرا دی
آفتاب سپهر عصمت دور
اسوه کل زنانه زهرا دی
فخر ایدن گول وجودینه الله
احمد ه نازدانه زهرا دی
سرور حوریان جنت که
یوز قویوب بو جهانه زهرا دی
موجب آفرینش عالم
خلقته بیر بهانه زهرا دی
پنج تن اهلینین ایچینده اولان
محور و استوانه زهرا دی
حق رضاسی اونون رضاسینده
رهنما میز جنانه زهرا دی
مادر تاجدار اون بیر امام
فخر ایدن انس و جانه زهرا دی
نام پاکی کلید هر مشکل
آری آری یگانه زهرا دی
ایلین حیدریله دوققوز ایل
زندگی عاشقانه زهرا دی
همسر پاکباز شاه ولا
کفو میر زمانه زهرا دی
بسلین زینبیله کلثومی
غملی بیر داستانه زهرا دی
قبریده قدری تک نهان قالمیش
بانوی بی نشانه زهرادی
عاشق حضرت عدالتیدی
اولین کشته ولایتیدی
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
من ابوالفضلم اخا، دوزدی فقط بیر نفرم
بیری چپ باخسا سنه، من غضبمدن اسرم
آند اولا فاطمیه، نسلینی یئردن کسرم
دشمنین خرمن آلوده سینه اود قالارام
نه قدر دشمن اولا، عرصه ده جانین آلارام
قسم اللها اولا، جنگیده طوفان ائدرم
کل اعدانی بو گون، قانینه غلطان ائدرم/کوفه سهیلدی آقا، شامیده ویران ائدرم/آتامی هامی تانور، فاتح خیبردی بلی/دشمنه بیلدیررم، کیمدی ابوالفضل علی/فن جنگی اورگشوب، حیدر کیمین رزم آورم/عرصه پیکاریده، عینا مثال حیدرم/نقدر واردی جانم، قارداش سنه من یاورم
یا حسین بیر تکوی، کل جهانه وئرمرم/گرد خاک پایوی، باغ جنانه وئرمرم
بیر اشاره ایلسون، عالمی حیران ائدرم/شمر بد اختری بیر،آنیده گریان ائدرم/اولین حمله ده من، لشکری لرزان ائدرم/قورخی بیلمم ندی من،شیر خدایه ثمرم/سنه کیم طعنه ورا، باشینی دیبدن کسرم
اذن میدانی آلوب، روحی فرحلندی اودم/آیریلان وقتیده اوز، دوتدی دئدی شاه امم
نهری تسخیر ایلیوب، فورا اورا ورام علم/ناگران اولما حسین، مشکیمی پر آب ائدرم
خیمیه فوری گلوب، اصغری (قیزلاری)سیراب ائدرم
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
قلم عاشقدی زبس حضرت زهرا آدینا
باشلیور مطلبی صدیقه ی کبری آدینا
بیر نچه کلمه یازا مفخر لعیا آدینا
مام سبطین آدینا اولسا سرآغاز سخن
وار امیدیم قلمیم ایلیه اعجاز سخن
فاطمه آدی گلن مجلسین عزّت واریدی
ارزیابی ایلین یوخدی نه قدرت واریدی
حجّت قائم آل اللهه نسبت واریدی
آغلیوب آغلادانا شخصاً اوزی ناظر اولار
آنانین آدی گلن یرده اوغول حاضر اولار
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
حاج نادر جوادی
دور ای بهارین گل یاسمنی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
یاحسین جانیم فدادورسن کیمی آزادیه
سن کیمی آزاده کیمدورال دوتاافتادیه
ئوپمشم بیریول ضریحوندن گنه مستم هله
عمرنوح ایتسم اگریوخدورنیازیم بادیه
ای مقدس سینوون اوچ شعبه اوخلار
زائری
بیرنگاهون مین طواف کعبه دوردلدادیه
کپریگوندن بیرتوکی جناته ویرسم جاهلم
یتمش ئیلدی سائلم من سفره آمادیه
کیم دیورکافردیسون مین حج واجب
ایلسم
سویلرم قبله فقط سن باش قویان سجادیه
سیفی ام مجنونوام،نه مقبلم نه محتشم
ای کرامت صاحبی باغلامنی قلادیه
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
حضرت ابوالفضل العباس علیه السلام
استاد حاج علیرضا امانی
دوزدی زهرانی گرک محشر کبرا ده گورم
"بیلمگ اولماز ائله ممکندی بو دنیاده گورم"
بو سوزی بسکی فلک قسمته تکرار اِئلَه دی
بخت سرگشته نی آخر ئوزونه یار ائِلَه دی
علقم اوسته چاتوب عباس ئورگین آرزوسنا
اوردا زهرای جوان مرگیله دیدار ائله دی
پرده لر اولدی کانَّه او گون علقمده کنار
عشق ئوزون عالم معناده پدیدار ائله دی
اوندا کی دگدی آت اوسته باشنا آهن عمود
ائِلَه قولسوز بدنین لنگره وادار ائله دی
اوجا یئردن یخلاندا دِئدی زهرا وای اوغول
غصّه زهرانی فغان اِئتمگه ناچار ائله دی
تشنه سقّا خانومی بو وای اوغولدان تانودی
او دئدی سینمه گل بو بئِله رفتار ائله دی
ذهنیده اِئتدی مجسّم در و دیوار آراسن
فاطمه یاره لرین ذهنیده معیار ائله دی
یوزی اوستونده دوشوب تپراقا اوپدی قدمین
"یادنا دوشدی قاپینان نجه گفتار ائله دی"
دِئدی بالینیمه گلدون نه یامان یئرده ننه
خوش گلوبسن قَدَمون فیضیمی سرشار ائله دی
من بو دیداره اوتوز دورد ایل آنا صبر ائله دیم
بخت سرگشته محلّینده چوخ اِصرار ائله دی
کیم دیَیردی سنی بو حالیده من گورمه لیم
منّن آیا نیه بختیم بِئله رفتار ائله دی
آنا من علقمه گلدیم آپارام قیزلارا سو
دشمن امّا منی جنگ ائتمگه ناچار ائله دی
ایکی قول بیرگوزی وِئردیم آچالار خیمه یولون
یول کَسَن مشگیمیده داخل بازار ائله دی
اوخلیوب مشگیمی اونّان منه یول آچدی قوشون
کوفه نامردیلری سود امری زار ائله دی
ایندی دای گئتمه گیم اولماز آقامون خیمه سینه
مشگیمین شرمی منی گور نه گرفتار ائله دی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
حضرت زهرا سلام الله علیها
آنا نه چاره گئدورسن
سینونده یاره گئدورسن
نه غملیدور گونوز ئولدون
گجه مزاره گئدورسن
غریب ئولن ننه لایلای
جوان ئولن ننه لایلای
—------------------
عزا کوزون قالارام من
باشا قرا سالارام من
او بوش قالان اتاقیندان
خوش عطروی آلارام من
غریب ئولن ننه لایلای
جوان ئولن ننه لایلای
—------------------
خزانه دوندی بهارین
یتیم اولوبو بالالارین
باشون آغاردی بلادن
ساغالمادی یارالارین
غریب ئولن ننه لایلای
جوان ئولن ننه لایلای
—------------------
یازوب فلک نلر اولسون
گلابیمیز هدر اولسون
گجیله گئتمه آماندی
دایان ننه سحر اولسون
غریب ئولن ننه لایلای
جوان ئولن ننه لایلای
—------------------
مدینه ده اولان اولدی
امید ائوی تالان اولدی
منیم ننم جوانیدی
جوانلیقی یالان اولدی
غریب ئولن ننه لایلای
جوان ئولن ننه لایلای
—------------------—
ئورک دوتوب محن الله
قان آغلیور حسن الله
یارالی جسمینه والله
یاراشمادی کفن الله
غریب ئولن ننه لایلای
جوان ئولن ننه لایلای
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
اعلامیه مراسم ترحیم بانو جباری عمه گرامی مداح گرانقدر هیئتمان آقای جباری
روحش شاد یادش گرامی
@motavasselan
خوش گونه حسرت قالاندور زینب،،ای
ظالمی تنگه سالاندور زینب ،،،،ای
مست اولوب عشق حسیندن
کوفه ده باشین یاراندور زینب ،،،،ای
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
اصغریم ای شیرین زبانیم
ای منیم روحیله روانیم
یات بالام ایله استراحت
خسته سن بار گول ستانیم
اغلاما آغلاما قوربان او آخان گوزلریوه
سینه مه حسرتلی باخان گوزلریوه
بالام لای لای گولوم لای لای
بالام لای لای گولوم لای لای
اوت توتوب یانیرام بالام لای
دردیوی قانیرام بالام لای
ایستیرم سسلیم ابوالفضل
شرمیدن قالیرام بالام لای
لالای ای دردی آلاسین درده سالان
لالی لای ای حسرتی اورکلرده قالان
بالام لالی لای گولوم لای لای
آچمادین دیل ، غمیم چوخ اولدی
قلبیمه ، نیسگیلین اوخ اولدی
هر یئری سودان اوتری گزدیم
حیف اوللا حاصیلیم یوخ اولدی
عف ایله اللریوی ، گر باغلامیسام
منده سن تک سحرجان آغلامیشام
آغلاما قوربان او آخان گوزلریوه
سینه مه حسرتلی باخان گوزلریوه
بالام لای لای گولوم لای لای
علی بوش بشیگ یاندیرار آنانی
خیمه نی هی دوروب دولانی
دییرم آه و حسرتیله
آختارون قره گوز بالامی
اورگیم ایستیری سسین، آغلا بالام
اللرین باغلی دییر آغلا بالام
اورگیم ایستیر سسین آغلا بالام
لالی لای ای حسرتی اورکلرده قالان
بالام لای لای گولوم لای لای
بالام لای لای گولوم لای لای
@motavasselan
حالات حضرت زهرا (س)
.
مرحوم حاج حیدر خوندل
.
یارب اگر ایجاب ایلسه امر مشیت
احسان ایله گلسون عمله دلده کی نیت
زهرانین ایدوم ساحتینه عرض ارادت
بو شرطیله گراولسا عنایت خانیمیمدان
همواره اولوب لطف و کرامت خانیمیمدان
.
.
من بیر نفرم معترف جرم و گناهکار
آلوده و ناپاکم و محتاج نمکذار
بیر روسیهم عاصی و مجرم و خطاکار
اما خانیمیم لطف و عنایتدی سراپا
هم عاطفه و نعمت و رحمتدی سراپا
.
.
هر چند که احبابینه ایتگیندی مزاری
اوچ یرده ایدر اهل ولا گوز یاشی جاری
بیر منبر و محراب آراسی یا که کناری
ممکن اولا زوّاری گیدر بیرده بقیعه
بیرده اوز ایوینده اولا شاید او ودیعه
.
.
هر نوعیله تحسینه سزاواریدی زهرا
احساسیدی اخلاصیدی ایثاریدی زهرا
اوز همسرینه یار فداکاریدی زهرا
معلومیدی مولایه حیاتین بو نکاتی
مرهونیدی زهرایه حقیقتده حیاتی
.
.
زهرا نجه زهرا فلک عصمته اختر
زهرا نجه زهرا صدف عفته گوهر
زهرا نجه زهرا او کمکسیز شهه یاور
بیر کیمسه ده اولماز اولا بو قدرت و تمکین
ایثاری ایده همسرینین عمرینی تضمین
.
.
پیغمبر رحمت شرف عالم امکان
ایستردی ایده بو خانمین شأنینی اعلان
فرمایش ایدردی آتاسی بو قیزا قربان
ایلر بیزه بو نکته بو معنانیِ حکایت
زهرادی گل سرسبدِ عالم خلقت
.
.
زهرا نجه زهرا گل زیبای رسالت
زهرا نجه زهرا دُر دریای محبت
زهرا نجه زهرا شرف عالم خلقت
مانندینی گورمز بو جهان تا بو جهان وار
باشدان ایاقا مهر و وفا رأفت و ایثار
.
.
ای گلشن طاهایه گل ناز و معطر
ای عفّته پیرایه اؤزی عصمته زیور
وی بحر محبت صدف خلقته گوهر
سن نوگل زیبای گلستان وفاسن
سن گوهر پرارزش دریای حیاسن
.
.
ای سرو قدی نخلۀ گلزار رسالت
وی معنی ایثار و وفا روح فضیلت
مسجدده علیدن ایلین وقته حمایت
فاش اولدی که سن آیت حیِّ ازلی سن
سن یار وفادار و فداکار علی سن
.
.
سن گلشن توحیدیده بیرغنچۀ ترسن
سن معنی کوثرده کی پربار ثمرسن
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
عم اوغلی درد و غمیم دلده بی نهایتدی
ولی اورکده سوزوم آیری بیر عبارتدی
اجازه ویرسن اگر سِرّین ایلرم اظهار
دوشوب شماره نفس، دم بو دم غنیمتدی
چوخ آز قالور که یومام دیده دار محنتدن
بو فعله فرصت باقی ولی کفایتدی
عنایت ایله اوزون غسل ویر من زاره
وصیتیم سنه هر چند چوخلی زحمتدی
آیرما کوینکیمی پیکر نحیفیمدن
که داغلی سینه مین اوستی بویوک جراحتدی
یارا قراریوی دیلدن آلار او ساعتده
بو یرده فکر و خیالیم همان او ساعتدی
دوزنمَسن باخاسان یاره مه محبتدن
محبتیون منه چون دلده بی نهایتدی
گیجیله فاطمه نی قبرینه آپار تاپشور
سقیفه اهلینه چون مایه
حقارتدی
قائیت یانان قاپیا چَک قرا عزادار اول
غریبه آغلاسا هر کیمسه گر عبادتدی
ئوزون که واقف اسرار اهل عالمسن
عرایضم غم و آلامیدن علامتدی
غریبه وقتیده لطفون اولوبدی شامل حال
غریبه محفل غمدور غریبه خلوتدی
خدایه حمد اولا که حین ارتحالیمده
باشیمین اوسته امامیم هله سلامتدی
بو باره ده اورکیمده یوخومدی درد و غمیم
خدا بولور که خیالیم نه قدری راحتدی
سَنون اورکده غمون اود سالوبدی اکباده
دوتولموسان او بولود تک نه وضع و حالتدی؟
اگر چه ظاهر صورتده غصب اولوب حَقون
ولیک صورت باطنده آیری صورتدی
سنون ولایتیوین ضامنی خدا اوزیدی
ولایتون بشره دهریده نه نعمتدی !
سنون ولایتیوه فاطمه اوزی قربان
نه چون ولایتیوین ریشه سی اصالتدی
اولار که درس آلاجاخ مکتب ولایتدن
جهاندا ننگ اولارا یاعلی اسارتدی
عرایضم تاپاجاخدور تحقق عالمده
حسینیمی گوروسن طالب شهادتدی
داریخما خانه نشین اولموسان نچّه مدت
جهاندا اهل دیلون چَکدوقی مصیبتدی
مصیبتین اثریندن اولوبدی باغرین قان
سبب او درد و غمه دلده جاهل امتدی
همین بو امت اِیدوب یثربی منه غربت
سنه ده فاطمه سیز واقفم که غربتدی
غریب شهریده بو سن بودا بالالاریم
گوتورمه گوز که سنه دوت بالام امانتدی
گلنده قبریمون اوسته گتیر بالالاریدا
بالالاریندان، عجبدی آنا خجالتدی
قاپوم یاناندان او قوش تک که لانه سی داغیلار
بو دوت بالامیزی محتاج استراحتدی
عزیزه زینبیمین گلمیوب یوخی گوزینه
نه تک بو بیر گیجه ده بلکه نچه مدتدی
مدام یاره آچوب باغلیوب سحر آخشام
مشیتی بالامون سر بسر مشقتدی
قاباقدا زینبیمینده یامان گونی اولاجاخ
چاقیرسا داده او دم موقع اجابتدی
رباب الینده قالار زینبین او دم اتکی
واروندی علم اعلیٰ عرضیمی اشارتدی
گیدنده کرب و بلایه مدینه دن گل گِیت
منی اوزونله آپار کربلایه فرصتدی
گیدوم حسینه بیر آز آغلیوم چوخور یرده
بالالارین آنادان انتظاری رافتدی
او دم زیارتی قلبیمده آرزودی منه
عتیقه تربتیده مایه شفاعتدی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
حضرت‌زینب(س)
حاج سليم‌مؤذن‌زاده
https://telegram.me/joinchat/BQ1CKT3x959rXnaj_Kjibw
اوجادان سسله دئنن یازهرا ...
کربلایی ابوالفضل فرهنگی
ای حسین عاشقی ای اهل ولا
اوجادان سسله دئنن یازهرا
عاشق پنج تن آل عبا
اوجادان سسله دئنن یازهرا
نوکردرگه شاه شهدا
اوجادان سسله دئنن یازهرا
جان عالم اولا قربان آدینا
اوجادان سسله دئنن یازهرا
عشقوی چک محکه صبح ومسا
اوجادان سسله دئنن یازهرا
فاطمه دهریده تنها یارانوب
گل وجودینده تولا یارانوب
عشقنه حیدرو طاها یارانوب
حیدره گوهر اعلا یارانوب
عشقنه جنت الاعلا یارانوب
خاک وافلاک و ثریا یارانوب
فرشیلن عرش معلا یارانوب
نور زهرائیله دنیا یارانوب
اونا خاطر یارانوب ارض و سماء
اوجادان سسله دئنن یازهرا
اونی حق ماه منور یارادیب
شانیده رتبه ده برتریارادیب
پاک ومعصوم ومطهر یارادیب
ساقی کوثره همسر یارادیب
شیعه لر باشینه افسر یارادیب
عرش و فرش اهلینه زیور یارادیب
ایکی دنیایه برابر یارادیب
قلم انصاف ایله محشر یارادیب
مثلی دنیایه گلنمز حاشا
اوجادان سسله دئنن یازهرا
آگه اول ئوزگه سنه یار اولماز
فاطمه مثلی مددکار اولماز
دیمه بوعشقه خریدار اولماز
چاغیران دوز چاغیرا خوار اولماز
گوندوزی مثل شب تار اولماز
درده عالمده گرفتار اولماز
دیمه لطفی سنه سرشار اولماز
کیم آدین سسلسه بیمار اولماز
ایستسین گورمیسن درد و بلا
اوجادان سسله دئنن یا زهرا
ای جوان گتمه خیانت یولونی
خوارائد رترک ائله خفت یولونی
امتحان ایله عبادت یولونی
انتخاب ایله شرافت یولونی
همت ائت درک ائله عزت یولونی
بوشلاما دین و دیانت یولونی
یوزیوه باغلاما جنت یولونی
تاپگیلان نور ولایت یولونی
ایستیسن قلبه دول انور ولا
اوجادان سسله دئنن یازهرا
باب امید و رجادور قاپوسی
سائله لطف و عطادور قاپوسی
عصمت و حجب حیادور قاپوسی
مامن اهل وفادور قاپوسی
چاره سیز درده دوادور قاپوسی
کل امراضه شفادور قاپوسی
ای صفا اهلی صفادور قاپوسی
عرش اعلای خدادور قاپوسی
گل سخیل عجزیله یانمیش قاپیا
اوجادان سسله دئنن یازهرا
ای جوان عشقیله بیر همت ایله
هیئته گلماقا جدیت ایله
فاطمه هیئتینه شرکت ایله
قلب ائوین یاره گوره خلوت ایله
گوز یاشیلا بالاسین دعوت ایله
اورگین دردین اونا صحبت ایله
دوت گیلان دامنینی نیت ایله
نیت خالصیله بیعت ایله
ایستوسن دفتره آدین یازیلا
اوجادان سسله دئنن یازهرا
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
روضهٔ حضرت زهـرا (س)
حاج مهدی خادم آذریان
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
تنگه گَلدی قتلگه؛ از بس دِئدیم اصغر هانی
یاندیرور بو یانماقیم هم آشنانی هم یادی
آغلا بیر لحظه گوروم آی آغزیمون شیرین دادی
آغلاسون آللام سسون بیللم مزارون هاردادی
قیزلارا آخشام رقیه؛ دئیدی اصغر قان اوتوب
وای منه گلمور سسون اولما بوغازون قان دوتوب
کیم سنه نه سوز دیوب بیر یول آتوبسان داشیمی
گور نئجه دردون یاریم گونده آغاردوب باشیمی
گَل او خیردا اللرون قربانی سیل گوز یاشیمی
کربلا آلدی اَلیمدن صودامر یولداشیمی
ایندی شامون یوللارین طی ایلیوم سنسیز نئجه
جان اکبر گل منه رویاده باش چک هر گئجه
من کلام : کریمی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
زبانحال حضرت علی(ع) بر سر مزار حضرت زهرا(س)
قلبیم داریخاندا ائدرم قصد زیارت
صحراده دولانّام تاپارام گوشهء خلوت
سجادون آچوب عطروی آللام ایکی رکعت
مرهم قویارام خاطر مخدوشیمه زهرا
سندن صورا دای روح و روان قالمادی منده
پیر اولدیم عزیزیم هیجان قالمادی منده
قدیم اگیلوب تاب و توان قالمادی مندن
کوه محنی قویدی فلک دوشیمه زهرا
نفرین اولا یثرب کیمی بی عاطفه شهره
بوردان ائلیمیز گورمدی بیر توشه و بهره
دوندردی منیم دست اجل کامیمی زهره
غم باده سی توکدی دل غم نوشیمه زهرا
هجرونده گرک لاله مثالی سولا روحیم
یا ابر بهاران کیمی غمدن دولا روحیم
شابیتی دوباره دئیورم مست اولا روحیم
آللام گجه لر قبروی آغوشیمه زهرا
وفامنافی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
یا زهرا
یارب بو گئجه گول سارالارکن چمن آغلار
یاس یاسه باتوب یاسمنیلن سمن آغلار
صرصریئلى یاز فصلى ائدیب بیر گولى پرپر
پوزقوندو چمن بلبل اُوخور نسترن آغلار
دورت بلبلى گول صاحبى آرام ائده بیلمیر
بلبلرین احوالینه دشت و دمن آغلار
آیا نه روادى در و دیوار آراسیندا
سالسینلا فشاره گولو پرپر گؤرن آغلار
تا سیخدلا، شبنم گولون اوستن یئره دوشدى
قانه بلشیب سود یئرینه قان ایچن آغلار
فریاد او زماندان کی گولون صاحبى گؤردو
گول پرپر اولوب، فاطمیه بوالحسن آغلار
بلبلره گلشن پوزولوب غربت اولوبدو
بو رسمیدى غربتده غریبه وطن آغلار
اول بیت کی جبرئیل امین نازل اولاردى
داى کسدى ایاقین اودو بیتالحزن آغلار
هر بلبلى بیر گوشهده نى مثلى سیزیلدار
امّا اوجادان بلبل شیرین سخن آغلار
بئش سینّیده زینب باشینا قاره سالیبدى
اوخشاتما دئییب اونلا حسین و حسن آغلار
دؤرت خیردا بالا آغلادیلار آغلادى یئر گؤى
آخر آناسیزلاره آناسى اؤلن آغلار
گول صاحبى گلشنده گوله غسل ویریبدیر
بلبلر ایلن بو گوله غسلین وئرن آغلار
سسلندى گلین گول گئدیرى باغ و چمندن
بیر یولدا گؤرون اؤزگولوزو، غم چکن آغلار
یئر گؤى نئجه صبر ائیله‌دى اونلار گؤروشنده
سس گلدى کنار ائیله بولار هر زمن آغلار
زهرانى ائلی کى آپاریبلار گیجه یارى
بیتالحزنى غم بورویوب انجمن آغلار
یوخ چارهسى آخرده گرک قبره قویولسون
صبرى داغیلار یارى الیندن گئدن آغلار
قیرخ قبر قازیب تا قالا گیزلینده مزارى
بو نسگیله بیز سهلدى کی اهرمن آغلار
بیلمم یارالى جسمى نئجه قبره قویولدى
پهلوسى سینان جسمه بوکولموش کفن آغلار
تا ایستدى قبره قویا بلبل گولى گؤردو
ظاهر اولوب اوندا ایکى ال گول اکن آغلار
غم چکدى بشیرى پوزولان گلشن و باغه
زهرایه یازار نوحه، قرا پیرهن آغلار
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
احوالات‌حضرت‌عبّاس(ع)
حاج‌محمدباقرمنصوری
https://telegram.me/joinchat/BQ1CKT3x959rXnaj_Kjibw
حضرت ابوالفضل العباس علیه السلام
مرحوم منزوی
سرعتله چوخ شهیده یتوردی حسین ئوزین
عباسیدن فقط ایشیدوب بیر علی سوزین
عرض ایتدی سیدی نظرون لطف دور منه
واردور بو آخر عمریده بیر خواهشیم سنه
بو حالیلن جنازه می حمل ایتمه خیمیه
قورخوم بودور سوسوز بالالار وحشت ایلیه
سن گئت خیامه قوی منی راحت خیالیلن
قورخار بالالارون منی گورسه بو حالیلن
بیرده منی سوسوزلار اگر گورسه سودیر
هر طفل سو قضیه سینی موبمو دیر
فکر ایتمسونله من سو ایچوب سو گتورمدیم
ئوز عهدیمی سودان ساری باشه یتورمدیم
اود قلبی یاندیرار منی اما سو یاندیروب
من بینوانی هر نه دن آرتوخ اوتاندیروب
حق آلسون انتقامیمی آل امیه دن
عباسیوی خجالت ایدوبلر رقیه دن
آگهسن اهل صدق و وفا ایچره من باشام
بیر نوکرم سنه دیمورم اینکه قارداشام
یرده گوروب الیمی الی بلده دورموسان
باشیم اوجاتموسان باشیم اوسته اوتورموسان
عین وظیفه دور منه بو قانه باتماقیم
چوخدور یارام باغیشلا حضورونده یاتماقیم
هر رسمی گوزدن آتسام ادب رسمین آتمارام
جسمیمده طاقت اولسا حضورونده یاتمارام
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
حضرت زهرا سلام الله علیها
سبک : ییخیلوب عبّاسیم ....
ای نگاریم گئتمه - علینی ترک ائتمه
چاتور عرشه آه و - فغانیم زهرا
گلعذاریم گئتمه - وفاداریم گئتمه
گوز آچ ای دلدارِ - جوانیم زهرا
یارالی یازهرا - یارالی یازهرا
یارالی یازهرا - یارالی زهرا(۲)
—-----------------
فَدَکون غصب اولدی - ولایت اوستونده
امامت اوستونده - قاپون اودلاندی
سنه سیلی دَیدی - یخیلدون تپراقه
اوسیلی ضربیندن - گوزون القاندی
سیلی ردّین ایوده - قیزون زینب اوخشار
حَسَن سینه داغلار - حسین نالاندی
یارالی یازهرا - یارالی یازهرا
یارالی یازهرا - یارالی زهرا(۲)
—------------------
سنی زینب جانی - علینی عفو ایله
گجیله دفن اولدون - یارالی زهرا
ننه سیز قیزلارون - ائدور آه و افغان
دوشوب عرشه طوفان - بلالی زهرا
منی تِز تک قویدون - نه تِز مندن دویدون
سنه قربان جانیم - وفالی زهرا
یارالی یازهرا - یارالی یازهرا
یارالی یازهرا - یارالی زهرا(۲)
—------------------
آی مثالی باتما - علینی آغلاتما
که سنسیز یثربده - علی تنهادی
دیَرَم آهسته - آدامسیز جانیم وای
اورک سنسیز درد و - غمه مأوادی
قالموشام آواره - ولی یوخدور چاره
بو قلبِ تبداره - دوا زهرادی
یارالی یازهرا - یارالی یازهرا
یارالی یازهرا - یارالی زهرا(۲)
—----------------
زینبین گوز یاشی - دونوب قانه زهرا
گلوب جانه زهرا - یانور هجرانه
سسلنور واویلا - آناجان یازهرا
قیزون زینب غمدن - گلوب افغانه
صبریم الدن گئتدی - قراریم صلب اولدی
بلای عُظمادن - دولوب پیمانه
یارالی یازهرا - یارالی یازهرا
یارالی یازهرا - یارالی زهرا(۲)
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
زبانحال حضرت زهرا
بالینیمه گل پیک اجل گلدی عم اوغلی
باغلا گوزونی فاطمه دینجلدی عم اوغلی
زهرا سنه قربان
ماموریدی پیک اجل الان باشیم اوسته
بیر سنده گل ای سویگلی جانان باشیم اوسته
ای ناطق قرآن اوخی قرآن باشیم اوسته
قرآن سسیووه سن بیلوسن چوخ هوسیم وار
خوش لحنیله قرآنون اوخی تا نفسیم وار
ای مونس غم آز منی غرق محن ایله
مندن سورا ترک گل و باغ و چمن ایله
وئر غسل اوز الونله من زاره کفن ایله
آگاه ایلمه ثانی شدادی عم اوغلی
گلسه بیلوسن روحیمه ایذادی عم اوغلی
غسلومدا گوزون اشکینی خون دله قاتما
گورسون اثر ظلم و ستم نالون اوجاتما
اگنیمده اولان کوینگی سعی ایله چیخاتما
بیر نحویله تا غسلومی ویر کوینگیم اوستن
کشف ایلمه بیر کیمسیه قمچی اثرین سن
جان ویرمگیمی گرچه چوخ آسان سانورام من
یادیمه دوشور محسن اورکدن یانورام من
ثانی لگدین محسینه قاتل سانورام من
چون من کیمی مظلومه گورنمز گوز ایوینده
ناموس حقی کیم ویرار آیا ئوز ایوینده
بیر اللی قیام ایتدیم اولان وقته مصلی
گتدیم عمله ذکر قنوتیمی بیر اللی
گیزلینجه نماز ایلمیشم اولمیا بللی
گیزلینجه نماز ایتمگیمین علتی واردی
چون قنفذ ایدن ظلمیلرین شدتی واردی
هجران اوخونا حکم مشیتله نشانم
لبیک دیوب محفل جانانه روانم
ام حسنیمدن چوخ حسیندن نگرانم
بلبل تک اونی بسلمیشم چونکه گل اوسته
قورخوم بودی خولی قویا مطبخده کل اوسته
بیر گون گزورم چوللری آواره دولاننام
مقتلده قیزیم زینبیلن منده دایانام
گودالیده زینب بویانان قانه بویاننام
یانام غم اطفال پریشان حسینه
گوزیاش توکرم خیمه سوزان حسینه
گلم من ئوزوم شام غریبان حسینه
لازمدی اولاخ کوفه ده مهمان ایکیمیزده
واجبدی دوتاخ شام غریبان ایکیمیزده
ای باشسیز عیال و حرمین باشدان آتان باش
می صورتینین نسبتی اللهه چاتان باش
سنسن دی گوروم سینمین اوستونده یاتان باش
یا گوزلرون آچ قانلی گوزونن تانییم من
یا منله دانش تا کی سوزونن تانییم من
ایندی واریدیم کرب و بلاده من خسته
یاندیردی یانان قلبیمی بیر قلبی شکسته
گوردوم یاتیب ایستکلی رقیون سینن اوسته
هر دم دیور ای شاه لب عطشان منی دیندیر
تیر غم ایدیب سینمی شان شان منی دیندیر
ایتدوقجه اوغول حنجر منحوریووه دقت
یوز ویردی اوغولسوز آنووا حالت رقت
گوردوم که دگوب حنجریووا اون ایکی ضربت
بیلدیم بالا چوخ اینجموسن گل سینم اوسته
جان تک باسوم اغوشیمه دینجل سینم اوسته
استاد منزوی اردبیلی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
در ویرانه ده دورما
بااجرای عالی کربلایی رضاالقانی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
حضرت ابوالفضل علیه السلام
سبک : میگذرد کاروان
الطافی
ای قولی تندن جدا
یاتما ابوالفضل اویان
آچ گوزووی باخ منه
ای منی یالقوز قویان
من سنی یورقون گورم
حالووی پوزقون گورم
طاقتیم اولماز منیم
ای جانینا تیز دویان
ای پناهیم منیم دور گیدک
سر سپاهیم منیم دور گیدک
ای کومگیم قارداشیم
قول یارا باشون یارا
قانلی لبون ذکر ایدور
هانسی دعانی یارا
سن شرف ناسیسن
غمزده عباسیسن
معدن احساسیسن
سوئله گیدور سن هارا
ای پناهیم منیم دور گیدک
سر سپاهیم منیم دور گیدک
گورسون اگر قارداشون
دیده ی خونپاشینی
یوخد ی الون قالخیزوب
پاک ایده سن یاشینی
غصه لیم غملیم
منله دانیش قارداشیم
قویما دگه سینمه
آیرلیقون داشینی
ای پناهیم منیم دور گیدک
سر سپاهیم منیم دور گیدک
سن کی ابوالفضل منه
غم گونی غم خواریدون
لشکریم آز اولسادا
سن اونا سرداریدون
سن مه برج وفا
باغ حسینه صفا
حقووه اولدی جفا
حق یولونا یاریدون
ای پناهیم منیم دور گیدک
سر سپاهیم منیم دور گیدک
گورسه رقیه اگر
پیکروون یاره سین
ترپده بیلمز داخی
اصغرون گهواره سین
الده سو جامی گزور
خیمه ده یول گوزلیور
چونکی یخوبدور عطش
صبرینون دیواره سین
ای پناهیم منیم دور گیدک
سر سپاهیم منیم دور گیدک
گلزار عشقیم اخا
سنسیز بوچولده سولار
بیکس قالان عترتیم
دشمنه اسیر اولار
عمود انن باشووی
پارچالانان قاشووی
گورسه اگر قیزلاریم
هاموسی باشین یولار
ای پناهیم منیم دور گیدک
سر سپاهیم منیم دور گیدک
من سنی ماه منیر
ساتمادیم اهریمنه
باشوون اوسته گلوب
آغلیورام من سنه
دشمن باخور یاتما سن
قارداشون آغلاتما سن
سندن صورا قیزلاریم
اسیر اولار دشمنه
ای پناهیم منیم دور گیدک
سر سپاهیم منیم دور گیدک
دای یازما (الطافی ) سن
باغلا بساط سوزون
قویدی حسین لبلرین
قارداشین اوپدی گوزون
غملی خیامه گلوب
عترت هاموسی بیلوب
امر ایله دی زینبه
سیزده بو غمه دوزون
ای پناهیم منیم دور گیدک
سر سپاهیم منیم دور گیدک
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
زبانحال حضرت سیدالشهداء(ع)در سر قبر فاطمه زهرا(س)
.
.
سبک : حسین تعجیلیلن گیتمه ...
.
مرحوم صحاف تبریزی
.
یازوبلار قتلیمه فرمان
گُلون گُلشندن آیریلسون
آنا جان یتمه میش کامه
حسینون سندن آیرلسون
.
وداعه گلمیشم الان
اولوم بو قبریوه قربان
.
.
.
مدینه ملکی لنگ اولدی منه اهل شقاوتدن
کسوبله چارمی دشمن گوتورمز ال عداوتدن
یازوبلا قتلیمه فرمان آییرسونلا بو تربتدن
جفائیله نجه اوغلون بیله ایمندن آیریلسون
.
.
آنا یا فاطمه بیردم گوتور بو قبردن بیر باش
توکر اوغلون حسین گوزدن نجه گور عارضه قان یاش
مزارون اوسته یا زهرا ئولیدیم قورتولیدیم کاش
چتیندور بلبل شیدا گُل و سوسَندن آیریلسون
.
.
عراقه ایلیوب دعوت حُسینون کوفیان مهمان
اوزوم بُلّم او صحراده پوزار پرگاریمی عُدوان
اولور اعوان و انصاریم او چولده قانینه غلطان
گرکدور تشنه لب یتمیش ایکی باش تندن آیریلسون
.
.
کسر سو یولاّرین اعدا یانار اولاد پیغمبر
سالولّار قولاّرین عبّاسیمون سو اوسته دشمنلر
وِرالاّر آنِنّا بیر اوخ ستمله فرقۀ کافر
ئولونجه ممکن اولماز زینبیم شیوندن آیریلسون
.
.
منه رحم ایلین اولماز او گون یوز مین ستمگرده
کَسَللّر باشیمی عطشان قالور گُل پیکریم یرده
کسوک باشیم آنا گون تک گیدر شامه جِدالرده
گرک ظلمیله ایستکلی سکینم مندن آیریلسون
.
.
چاپار آت سینم اوسته اشقیای کوفه ظلمیلن
حرمخانه یانار حمله حرم اوسته ایدر دشمن
سالولّار آت دوشونده نازنین اطفالیمی دیلدن
حرم آهولری مجبور اولور مسکندن آیریلسون
.
.
باجیم زینب جفائیله گرک شمره اسیره اولسون
سپاه کینه بنیاده حرملر دستگیر اولسون
سکینه پاسبانی شامه تک شمر شریر اولسون
دَگل ممکن علیل اوغلوم غل آهندن آیریلسون
.
.
حقیقتده سنه «#صحاف» وار معناده بیر تائید
اودور اشعارون اولموش هر نظرده قابل تمجید
دِلون کنز مَصائب قیل دلوندن تا که بی تحدید
همیشه تا بیله دُرِّ گُهر فخرندن آیریلسون
.
.
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
زواریوم حسین
عشق عالمینده عاشق گلزاریوم حسین
کمتر غلام درگه و درباریوم حسین
حبل المتینون اوغلی نظر ایله لطفیله
قلبیم گوزیله حسرت دیداریوم حسین
آئینه بیلمم آی گونی حاشا جمالیوه
دیلدن اسیر صورت گلناریوم حسین
سن مظهر یگانه ی خلاق ذوالکرم
من شعله ی فراقیده تبداریوم حسین
جانا طبیب حاذقه یوخ میل و رغبتیم
روحیم طبیبیسن بلی بیماریوم حسین
بیر عمر حسین حسین دیموشم سائلم سنه
بیردم کرامت ایله گرفتاریوم حسین
عشقین بهاسی جان اولا گر پای داریده
مشتاق بذل جان و خریداریوم حسین
جان ملکینون نه قیمتی معشوقه بیعیده
آل جانی ننگ رونق بازاریوم حسین
القان اولوبدی کاسه ی گوزلرده گوزیاشیم
قیرخ ایلدی غصه دارو عزاداریوم حسین
جان کمترینِ تُحفه دی کَفّینِ هدیه ده
روحیمده فدیه اولسا بدهکاریوم حسین
حشرین گونونده باری گوزوم گوزلرونده دی
مخمور ومست دیده ی خونباریوم حسین
«ثاقب» ئورک قوشیلا پرآچموش مزاریوه
لطف ایله سون قلملمه زواریوم حسین
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
زبانحال حضرت علی (ع) در شهادت حضرت زهرا (س)
.
.
سبک_الهی_دفن_ایدیم_نجه
..
..
مرحوم حاج فرهاد فکری اردبیلی
.
.
الهی دفن ایدیم نجه
اؤز اللریمله یاریمی
مزاره تاپشورام گرگ
گجیله من نگاریمی
.
بو درده یوخدور الیمده چاره
قویوم نه نوعی یوزون مزاره
.
.
.
جنازه سین گتورمیشم گجیله گورمسون بیری
نهان قالا بو شهریده همیشه قبرینون یری
عجبدی ئولمیوب قالوب بو غمده مرتضی دیری
نهان ایدیم گیدیم نجه بو در شاهواریمی
.
.
.
ئولونجه یانام آغلارام نه غملی ماجراسی وار
جفای روزگاریدن اورگده چوخ یاراسی وار
قویوم نه نوعی تپراقا ایوینده دورت بالاسی وار
تیکوبله گوزلرین یولا چکوله انتظاریمی
.
.
.
تمام اولوبدی دوقوز ایل قوتاردی عمرموز بجه
قویوم بو چولده یاریمی دوروم گیدیم ایوه نجه
گل ای اجل هایانداسان قوتار علینی بو گیجه
ئولیدیم ایندی کاش منیم قازیدیلار مزاریمی
.
.
.
ویرن زماندا غسلونی ایدوبدی مه عیان یوزون
او قدری با حیائیدی ایدردی تز نهان یوزون
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
زنده یاد حاج محمدباقر منصوری
کربلاشوقینه ایللردی بیابانگردم
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw