1766
قناه خاصة بنشر الحان وكل ما يتعلق بالرادود مصطفى الكربلائي
رَحِمَكَ اللهُ يا أَبَا الْحَسَنِ كُنْتَ أَوَّلَ الْقَوْمِ إِسْلاماً وَأَخْلَصَهُمْ إِيْماناً وَأَشدَّهُم يَقِيناً
عظم الله اجورنا واجوركم باستشهاد امير المؤمنين الامام علي بن ابي طالب عليه السلام
#شهادة_الامام_علي-؏
إخـــذها اويــاك بنتك لا تخليهــا
أشعجب ما حسبت يا بالحسن بيها
******************************************
أشعجب ما حسبت بيها يبو الحسنين
هــاي إمخــدرتكـم تمشي بعدك وين
إذا جــار أو تعّــده او حارباها البين
تـرى أخـلافـك تظل وحشــه لياليها
******************************************
يحمــاي الــدخيــل المــا يــذّل جاره
أشعجب زينب عفتها أتعاني محتاره
أوعلى أفراگك گلبها أولا طفت ناره
أو بعد ما ظل دمع يجري أو يطّفيها
******************************************
يمن رحت او عفتها ابـديرة الغُــربه
او دمعها من دمه لـو نــاحت إتصبه
علــى زينب يحيــدر فـرگتك صعبه
او بعــد ما ظن يحيدر تلحگ إعليها
يحمـاي الحمـه يـالماشي عنها أبعيد
ترى أبليّاك مـا تصبـر بعـــد وأتهيد
دريت أشگد تعاني مــن يجيها العيد
وأهــلال الفطـر لــو هــل يبــﭼيها
******************************************
يموش أنتـه النعـرفـك تحضر الشده
الدهر حيل إعله بتك يـا علي أتعـدّه
مفجوعه أو صبرها المُر عُبّر حـدّه
أو تـريـــدك بالعجل تحضر يواليها
******************************************
يهل ماشي العقيله ﭼـا خذتها إويــاك
عدها الموت أهون من حزن فرگاك
مو حسبة سفر حتى أگعـد أتــرجـاك
وأيــام السفــر مجبــوره أتـــانيها
******************************************
يهل ماشي بعيد او عايف أعيـــالك
بعيــون الحــزن مكســوره تبرالك
گبل ﭼـانت عزيزه يـا علي أبجالك
إو هسه أنتـه رحت ياهو اليراعيها
خادم اهل البيت ابو حيدر المجراوي
#شهادة_الامام_علي-؏
مصاب الطُهر يُبكينا فقدنا اليوم حامينا
سلامآ يا اخ الذكرِ فنارُ في الحشا تسرِ
فقدنا اليوم حامينا
***************
موعجبه العرش لو يذرف الدمعه
لأن شـــاهد محمد نـــعشك يشيعه
أدريس ويموسى ونوح مجتمعه
ومريم وي ابنها لحيدر تودعه
وجبريلُ غدا ينعى دمآ يبكيه لا دمعا
كسرت الآن لي ظهري فنارُ في الحشا تسرِي
***************
مو بس الملائك تسچب العبره
الفواطم والرسل واللوح والفقره
اليتامه الچانت تنام على شم صدره
شلون اليوم ابوها تودعه لكَبره
مساكين هنا تبكي لمن من بعده تشكي
قتيلا انها تدري فنارُ في الحشا تسرِي
يوفاي اليجيك وتعرف شعنده
علي حاشه اليزورك چفك يرده
هاليوم اليتامى وكل محب وده
دون المرتضى يتوسد بلحده
فليت النفس تكفيه فبالأرواح نفديه
وهل يكفي ترى عمري فنارُ في الحشا تسري
************
يا أول رجل مظلوم يا حيدر
هالعالم جميعه لمصرعك كبر
ما نكَدر على فركاك ما نكدر
بيك تلوذ باچر كلها بالمحشر
شفيعآ قد عهدناك ستلقانا ونلقاك
فذخري انت في حشري فنارُ في الحشا تسري
***********
يا حيدر تعال وشوف موطنه
تخلص محنه نوكَع يا علي بمحنه
الكسر ضلع الزچية وأجج الفتنه
كل هــــاي المجازر والفتن منه
فعهدآ لا ولن نركع حسينُ الطف لا نخضع
فلن ينفع غدآ عذري فنار في الحشا تسري
************
حيدر حسين الكرعاوي
مقدمة
.
.
.
اشــهدُ ان علــياً .. حجة الله علي
نــور الله علي
اسم الله علي
__________
علي مستقبل حــياتي وحــاظر وماضيها
دنــيتي ابـــلـياه اصــلاً دنيـــه ماســـميها
احچايتي ومابيها هوه مستحيل احچيها
السالفه مملوحه حـيل العلي حــاظر بيها
وما ابــالغ من اگــولن .. رحمة الله علي
نــور الله علي
اسم الله علي
___________________
علي بسـمات اليـتامه وكلـشـي اليمــلكونه
علي مـن گــد ماعــزيز العــافيه ايســمونه
علي شايل رحمة الله وكون تحچي متونه
تشبـع الوادم الفــقره بـس تشـوف اعيونه
الهالسبب روحي تحبه .. غيرة الله علي
نــور الله علي
اسم الله علي
___________________
الفقره بس حــيدر ابوهــم واني واحد منهم
وبس علي بالدنــيه كلــها هــوه يســال عنهم
گبـــل ميونون همـــه عـــلي ايـــون الـــونهم
ابچاله احس الفقره والله ملوك صارو چنهم
يهـوه باب الفقره هــوه .. باب الله علي
نــور الله علي
اسم الله علي
___________________
علــي بعد الله ونبـــيه علـــي هـــوه الاعــلم
علي من بطن امه مسلم موش شايب واسلم
اعليه احسـن بـي رحيم وعلي من امي ارحم
مــا اوافــي علــي انـــه شكـــثـــر ما اتــكــلم
انه شــموصلني واحـــچي .. سر الله علي
نــور الله علي
اسم الله علي
___________________
علي مدري ياهــو سمــاه البطين الانزع
كلــشي سامــع عنـه لكن ماسمعته يشبع
علي ماكو اقوه منه علي هــوه الاشــجع
لچن من ينظر يــتيم ابساع عــينه تدمع
ولهــذا انــه اهــوه .. لطف الله علي
نــور الله علي
اسم الله علي
___________________
ابلا علي مسكين اشعر واكسـر انـه الخاطر
بدنيــتي مــالي مـعـين ولا الــي كــل ناصر
خاطري مكسور اجيت وعلي وحده ايجابر
المثلي ينطي وجـها وين اوين يگصد باچر
تايه الماعنده حيدر .. وجهة الله علي
نــور الله علي
اسم الله علي
___________________
حيدر تركي الكربلائي
هوسات الى الامام الحسين ع
***********
ترفه حسين روحه وخفت لا حسده
وبحيث الورد كام ايغار من عنده
بميلاده الكواكب والسمه امعيده
ونجوم اليل تغنيله
**************
كشخ جبريل غاد وبدل اثيابه
واحله اكماط لحسين السبط جابه
وطش روحه ورد من وصل يم بابه
وفرحان اهواي بميلاده
*************
كلتلهم احبه ولا تلوموني
ابطن امي وصيح حسين مجنوني
اهلي اعله العشك تدرون فطموني
ولو هذا الحب لو ماريده
*************
كلبي حسين هوه وهوه سباحه
ولو مو حسين فطرس ما شفه جناحه
اشكد عالي النجم بس السبط لاحه
وحسين الدنيه امحليها
********
تمت
تحسين الخفاجي
#قصائد_شهادة الامام الكاظم ع
نزلة ..... في رثاء الإمام موسى بن جعفر عليه السلام
شاهد عشگ الرافضيه
نوصل لرض الكاظميه
...........
عهد ياموسى بن جعفر شيعتك وفّايه
سيّـدي بيـوم الزيـاره نـوصـلك مشّايه
رايتك تخـفـگ علينـه وماتطيح الرايه
حبّك اليدفـعـنـه ليـك ونعتنيك اعنايه
لجلك نـتـحـدّه المنيه
شاهد عشگ الرافضيه
.................
ياحـلات المـوت دونـك سيّـدي يالكـاظم
احنه جينه وخل يردنه الناصبي والظالم
لازم نـطـوف بضـريـحـك ما نعوفـك لازم
لاشـك ويـانـه يـزور ويـعـتـنـيــك القـائـم
بسمـك يالحبـك هويه
شاهد عشگ الرافضيه
.................
ويـن هـارون وقـصـوره ما بـقـت آثـــاره
وانـت يامـوسى مــزارك سـاطــع بانواره
باجـر بـيـوم الـقـيـــامـه ما تفيده اعذاره
يـنـدم ويخـسـر عــدوّك مـن يشاهـد ناره
نهتف ياروح الزچيـــه
شاهد عشگ الرافضيه
..................
احنـه نـفـديـلـك مناحـر فدوتك يالغالي
والله ياموسى بن جعفر نعتني ومنبالي
تـالـي حبّـك يبقـه عـدنه واليفـوز التالي
علّمتـنـه عله الشـهــــاده يالمقامك عالي
ثـابـت عـهـد الجعفريه
شاهد عشگ الرافضيه
...............
نعتنيلك بالمـواكـب موكب يشد موكب
تدري مجنونه الروافض بيكم وماتتعب
وانـت تستقبلنه ندري بياهله ويامرحب
يعني كل خطوه زياره والملائك تحسب
ارضك ارض الغاضريه
شاهد عشگ الرافضيه
..................
جينه ياموسى بن جعفر والحزن ويّانه
احنه ما ننسه مصـابـك وانت ما تنسانه
والإمــام المـهـدي يمنـه حاضر ويرعانه
ينـتـظـر سـاعـة ظهوره وعايش باحزانه
يـهـدم حكـم الناصبيه
شاهد عشگ الرافضيه
خادم الإمام موسى بن جعفر عليه السلام
سيد زيد الفحام
________________________
♻الُسّلُامُ عّلُئ الُامُامُ الُمُضٌلُؤٌمُ♻
♻الُسّلُامُ عّلُئ الُامُامُ الُمُسّمُؤٌمُ♻
♻الُسّلُامُ عّلُئ الُامُامُ الُمُعّذِبُ فُيّ قًعّرً الُسّجَؤٌنَ♻
♻الُسّلُامُ الُامُامُ الُذِيّ غًطِتّهّ مُطِامُيّرً الُسّجَؤٌنَ♻
♻الُسّلُامُ عّلُئ صّاحَبُ الُسّجَدًهّ الُطِؤٌيّلُهّ♻
♻الُسّلُامُ عّلُئ الُامُامُ مُؤٌسّئ بُنَ جَعّفُرً♻
♻الُسّلُامُ عّلُئ كاظُمُ الُغًيّظُ♻
♻الُسّلُامُ عّلُئ مُؤٌسّئ الُكاظُمُ♻
♻الُسّلُامُ عّلُئ اسّدً بُغًدًادً مُؤٌسّئ بُنَ جَعّفُرً♻
♻الُسّلُامُ عّلُئ سّجَيّنَ بُغًدًادً //عظم الله اجورنا واجوركم
#قصائد_استشهاد_الامام_الكاظم_ع
موشح في رثاء الإمام موسى بن جعفر عليه السلام
وين عن هاي الجنازه رجالها ؟
عالجسر مطروحه محّد شالها
*
هالجنازه منين ولمن تنتمي
شو سمعنه الناس گالوا هاشمي
هاشم الناس ابّختهم تحتمي
ليش چا هاي الجنازه احوالها
*
ليش مچتوفه بسلاسل وبحديد
عالجسر صاحبها ظل مرمي وحيد
گالوا أهله بدارهم ظلوا بعيد
ما اجو ما طالبوا چتّالها
*
من سجن هارون طلعت للجسر
هالجنازه عليها آثار الغدر
بالحديد مگيّديها بكل شبر
عالجسر ما واحد اتدنّالها
*
عرفت الناس الخبر موسى الغريب
وعتلت منها البواچي والنحيب
گالهم مسموم ياناس الطبيب
سمعت الشيعه الثگيله افعالها
*
سمعت الشيعه واجت صوب الإمام
تصيح واويلاه يانسل الكرام
أخذت جنازته من ايد اللّآم
عقدت بموسى الولي آمالها
*
شيّعوا واليهم بموكب رهيب
منلجسر للمرقد بنوح ونحيب
مو مثل جده البقه بالطف سليب
وخته ظلّت من عكب كفّالها
***
حسين محّد شيّعه ظل عالثره
ضلوعه بخيول آل اميّه مكسّره
ظل على التربان ينزف منحره
وخته راحت للسبي بعيالها
سيد زيد الفحام
______________________
قصيدة وينك يبو الغيره
اداء ملا مصطفى الكربلائي
كلمات الشاعر السيد سعد الذبحاوي
يا ناكه شجاج وما عرفتيني
بلله امشي اعله كيفج لا تطيحيني
*****
فاركني العزيز وطول افراكه
ومشتاكه لخوتي اهوايه مشتاكه
نزليني اعله هونج بلله يا ناكه
خافنج كبرتي وضيعيتيني
****
للعباس اصد ونوبه اصد لحسين
طريت الصحاري ويجري دمع العين
بزينب وين يا ناكه صحت تردين
امن اتعرجين يا ناكه تعذبيني
**********
كمت الراس اهبطه من يشتموني
وانواع الحجي كامو يسمعوني
بحجار وعصي ضلو يراموني
من الناس بيدي كمت اسد عيني
********
يا ناكه اعله هونك بالمشي واني
انه الضيعيت بكربله اخواني
يتفرج عليه القاسي والداني
ردت عباس يمي ويسمع اونيني
*************
تاليت العمر بحبال مجتوفه
وبروس اخوتي طبيت للكوفه
اشبيها الناس كلها اعلينه مصفوفه
صحت وينك يجيدر كوم حاميني
***********
من الناس في يا ناكه سويلي
اباتن بالخرابه اشلون كليلي
امصاب حسين عذبني وهدم حيلي
ومحتاره بيتامه ازغار تدريني
*
كلبي امن القهر ومن الحزن خلصان
والله ايعينها التبكه بلايه اخوان
تره اهوايه اهضمتني طبت الديوان
يا ناكه الهلي ناديت رديني
***********
يا ناكه اشوفج حيل حنيتي
ومثل اونين زينب هيجي ونيتي
اليوم امن الزلم خالي صبح بيتي
يا ناكه بدمعتج حيريتيني
******
تمت
#تحسين الخفاجي
قصيدة في رثاء الإمام علي الهادي عليه السلام
لسان حال الزهراء عليها السلام مع ولدها الإمام علي الهادي عليه السلام
يوليدي يامظلوم وبياذنب مسموم
مفجوعه وتنادي. آ ياعـلي الهــادي
.............
علي الهادي امام وعاشر اليمّـه
اعلم ناس عصره وظلمته الأمّه
مثل هالليله مسموم وكثر همّه
وچـن الزهـره امّه حاضره يمّـه
تنظر علي وحده. والسم مرد چبده
دمعتها سچابه. وتنادي بمصابه
آ ياعلي الهادي
..................
گصدت يم علي الهادي تون وتنوح
مثل چبدك ييُمّه چبدي هالمجروح
صبـــراً ياعـلي ثـارك ابــد ميــروح
يبنـي لا تـون ونّـــك يـفــت الروح
عالنايبه وعالبين. اصبر ينور العين
لحالك جره دمعي. جدد حزن ضلعي
آ ياعلي الهادي
..............
عسه انشلّت يمينه السمّمك يبني
امّـك فـاطـمـــة والبيــن شيّبـنــي
شفت چم لوعه چم مصاب دوهنّي
مابيـن الذبــح والسّـم كـثــر ونّــي
سم العده الاذّاك. ناعي الأجل ينعاك
يالماحصل مثلك. ناح العرش لجلك
آ ياعلي الهادي
..................
يبنـي مصيبتــك يالهــادي أذّتني
انـوح عليــك ليـل انهـــار خلّتني
لچن عندي اشد من عدها سلّتني
مصيبة جدك حسين اللي شيبتني
عالغبره ظل دامي متسلّب ودامي
ياريتــك تنظـره. متوسد الغبره
آ ياعلي الهادي
....................
انت الشيّعوك ودفنـوا الجثـمــان
ولاخلّوك سـاعـة ابعــازت الدفان
حسين تلث ليالي موسـد التربان
بلا تغسيل عاري وسلبته العدوان
راسه عله راس السان. يهــدونـه للبلــدان
وجروحــه شيعـدها. ريتـك تشــاهــدها
آ ياعــلي الهـــادي
لحن القصيدة ملا باسم الكربلائي
من نوصل العباس. تتعطر الانفاس
خادم الإمام علي الهادي عليه السلام
سيد زيد الفحام
_______________________________
الامام علي الهادي النقي عليه السلام
ياعلي الهادي عيونك شبيها
مو ماي تنزف دم بواچيها
لحسين جدك دمعك يسيل
مذبوح ضامي وسحگته الخيل
وا حُسيناه. وا حُسيناه
.................
علي الهادي امام وعاشر العتره
التشوفه بعينك احنا نجهل بأمره
تشوف الواقعه عن واقع ونظره
حگ لو دم تسيل ابخدك العبره
مو عن خيال ولا يخبرونك
عاشر محرم شفته بعيونك
عالگاع من ظهر الفرس طاح
الف وتسعميّة جرح صاح
وا حُسيناه وا حُسيناه
..................
بسامره غريب بدمعك ونوحك
لكن رايح لطف كربله بروحك
شفت جروح جدك هاجت جروحك
كل سهم اليلوح حسينك يلوحك
چم طعنه شفت بجمسه چم طبره
ياعلي الهادي ومنگطع نحره
معذور لو ناديت جدّاه
بالخيل داسو صدره ويلاه
وا حُسيناه وا حُسيناه
................
شفت يابالحسن بعيونك يذبحه
الشمر ذاك اللعين ويلچم بجرحه
حز راس الحُسين وشايله برمحه
وزينب من بُعد بعيونها تشبحه
لاشك شفت زينب ذُعُر بيها
خيل وزلم من هجمت عليها
لا اكو حسين ولاكو عباس
تركض ابين الخيل والناس
وا حُسيناه وا حُسيناه
................
سجين بدارك ومن كل كتر حُرّاس
هيّج من فؤادك ياعلي الاحساس
زينب بالطفوف بلا حمه العباس
تركض طلعت وتنظرها عين الناس
هاي المصيبه هدّمت حيلك
خلّتك تبچي صبحك وليلك
گلبك عليها هواي مجروح
مسبيه عكب خوانها تروح
وا حُسيناه وا حُسيناه
...................
اكيد النظره تفرق بينّه وبينك
شفت زينب سبيه مچتفه بعينك
لذلك خلّصت بدموعك سنينك
حضرنه الليله نجري الدمعه ونعينك
ياعلي الهادي نظره لحبابك
هاي المجالس كلها لمصابك
مثلك بچينه عله الغريبات
عمّاتك الراحن سليبات
وا حُسيناه وا حُسيناه
..................
مثل ما بالسّهم چبد الولي تثلّم
چبدك ياعلي بچف ظالم اتسمّم
ومثل ما گلبه ضامي وبالضمه تألّم
گلبك ياعلي الهادي تنازف دم
لكن تشيّع نعشك بهيبه
مو مثل ذاك مصيبته مصيبه
ظل جسمه عاري عالثره الحار
سحگته الخيل وصار طشّار
وا حُسيناه وا حُسيناه
#سيد_زيد_الفحام
__________________________________
يا حسرة الفاكد اخو وبالشده يلزم ظهره
والعاش عمره بلا اخو هم يضن عايش عمره
عاتبت التراب بفراك الاحباب
*
ما الومن حسرته الفاكد اخيه
هو شيعوض الاخو الكله حميه
اثنين جنه وحلوه كعدتنه سويه
راح اخيي ولزمت ظهري بديه
ابن امي تكتل فركته وعذبني حيل اغيابه
ما اكدر انسه صورته وشكد نطرت ابابه
ومكابل الباب بفراك الاحباب
*
اصفن واذكر عشرته وذيج الايام
وهو اليفارك اخوه هم يكدر اينام
راح اخيي والزمن مدري الي شضام
شحصلت لمن دفنته غير الالام
ياجرح المفارك اخو كلي العتب شيفيده
ويعينه الله ياخلك الدافن اخيه بأيده
كاتلني الغياب بفراك الاحباب
****
راح اخوي الجان يسري وي الانفاس
انحنيت بفركه وصار ابيض الراس
عازته عازه الاخو تدرون ياناس
راح عني الحسن لاجن باقي عباس
كتله بعد راح الحسن ومحني الظهر خلاني
عباس خلينه سوه واحد يحن للثاني
وبكلبي الصواب بفراك الاحباب
****
يا ابوفاضل مالي غيرك بعد تدري
انته اخوي وانته عمري وانته ذخري
خويه خاف تعوفني وتكسرلي ظهري
وتدري بفراكك يبين خويه كسري
عباس فاركني الحسن وشيبني خويه بفكده
وظليت بس انته الي وماعندي غيرك بعده
حتى الرمش شاب بفراك الاحباب
*
راح عن خوتنه اخبرك ياضوه العين
حلوه خوتنه ومثلها تنلكي وين
جنه انه والحسن خويه احله أثنين
خويه كل عمره الحسن ما فارك حسين
جنه لمن نمشي سوه مشيتنه يا محلاها
وذيج السوالف عالاخو عباس سولفناها
جرحي فلا طاب بفراك الاحباب
تدري جان اشكد حنين الحسن وياي
وجان بيد من اعطش ايشربني ألماي
دوم يحضني ويشم بمنحري اهواي
وجان اخوي من الشمس ايسوي الي افياي
كلي تره بطف كربله اخيول عشره تسحكك
وصدرك يخويه ينخسف وشمس الظهاري تحركك
وياعظم المصاب بفراك الاحباب
***
تمت
#ميثم العمري
((من قصائد ام البنين ع))
همــوم گلبــــك لوردت تنـــساها
الـفــاتحه الام البنــــــين اقــراها
يالكـثر هــمك وكل شــوفك سراب
ودنيتك ضاگت عليك من الصعاب
أهدي لام عــباس فاتحة الكـــتاب
واطــــلب الــحاجه اللي تتــمناها
هـــاي ام الاربــعه وباب الــرجاء
والأجلــها ينفـــتح باب السمـــاء
اقســـم اعليها لون تقــره الدعاء
بسم الحســين الســبط انخــاها
بالشـــدد ناديــهه وبأمر العسُـــر
من صبرها اكتسب معنى الصبر
عُسـرك بدنيــاك يتــبدل يســـر
ويــــندفع من دنـــيتك بلــواها
شما تزيد اهمومك شما تـعتلي
تزول بسم ام البنــين وتــنجلي
ما تخيبك لا وحگ حيدر علــي
منزله الــرب الجلــيل انــطاها
هالابيــــه والجلـــيله الفاضلــــه
خصها رب الكـون بعــظم مـنزله
وبفضلها تشهـــد اعيـان الملـــه
بالـــكرم ما تــنــوصف يمناهـــا
هالوفيـــه الـطاهره ام البنيــــن
قدِمت شُبانها النُـصرة الديــــن
نذر نذرتهم لجل وجه الحســين
ورادتــه ســـالــم يــرد منواهـــا
رادته سالـم يـــرد شــبـل الرسول
وضحت الاجل السبط اربع شبول
مادرت داست على صدره الخيول
ظل على فگــــد الســبط مبچاهـا
خَلّـــصت ايامـــها بنـــوح والـــم
عله حسيـــن الراح ما رد وسلــم
كل عُمرها بحسره واهات انختم
ماتــت وأمــــر الاجـــل وافاهـــا
نواسي حيدر بالنجـيبه الطاهره
ام البـــنين الكــريمه الصـــابره
وهم نواسي اليوم سبع الگنطره
واحنه بدمـوع الحــزن ننــعاها
وزن القصيده
موشح (بحر الرمل)
خادم اهل البيت ع
الشاعر زيد الكاظمي
اشْدُدْ حَيَازِيمَكَ لِلْمَوْتِ فَإِنَّ الْمَوْتَ لَاقِيكَا ..
وَلَا تَجْزَعْ مِنَ الْمَوْتِ إِذَا حَلَّ بِنَادِيكَا
قصيدة اساسية لاستشهاد الامام علي ع
ملج الموت ..صاح بصوت .. هـاي الليله حايـر مـايــگـــدر .. يــم حــيـدر .. بس واگف يناظر
صعبه ياخذ الروح زينب شافهه تنوح
هاي الليله حاير .. هاي الليله حايـر
****
علي بلحظات اخيره والحسن يمّه
يوصّيه عله اخـوته ويـرفـع بعزمه
وزينب يـم ابـوهـه تـمـسـح بـدمـه
يتيمه شـلـون اظـل ياحيدر تكلمه
والالـّـم عــلــي والــزاد مــن هـمّـه
يشوف حسين گاعد يشتم بجدمه
..............
والعباس .. دنگ راس .. من شاف العقيله
صاحت آه .. موتي وياه .. والمدمع تسيله
حيدر وسفه مطروح زينب شافهه تنوح
هاي الليله حاير .. هاي الليله حايـر
****
اجه عـزريـل لـكـن حـايـر بـٲمـره
اجه مدنگ خجل ويعاين بحسره
وگف وعيونه صارت تهمل العَبره
لمح يم راس حيدر گاعده الزهره
زينـب يـم ابـوهـه تصيح متحيره
وحسين وحسن طاحو على صدره
..............
شاف احزان .. والقرآن .. گـاعـد يم عـضيده
شاف حسين .. يهمل عين .. زينب تلزم ايده
علي هاليوم مذبوح زينب شافهه تنوح
هاي الليله حاير .. هاي الليله حايـر
****
ملج الموت اجه يم حيدر يـشـوفـه
يـدري بـحـيدره يستقـبـل ضـيوفـه
زيـنـب عـذبـتـني تـنـوح مـلـهـوفـه
اشـوف وجوهم ياحـيف مخطوفه
علي بعده عدل عزريل اجه يطوفه
لـو بـيدي الامـر ما اوصـل الكـوفـه
...............
زاير جيت .. واعتنيت .. واگصد داحي بابه
هذا الليل .. هدّ الحيل .. من صاحت ييابه
ابو الحسنين مجروح زينب شافهه تنوح
هاي الليله حاير .. هاي الليله حايـر
****
وصل عزريل يمّه ويوصف احساسه
عله زينب شاف حيدر يوصي عباسه
مُحمَّد خـاتـم ادري وحـيـدر الـمـاسه
روح الـمـصطفـى حـيـدر واعـز ناسه
يـتـوضـه بـدمـع ويـصـلي يـم راسـه
عـلـيه دنگ يبوسه ويـشـم بانـفـاسه
..............
يبجي عيون..ربي شلون..صعبه الليله افوتن
للـحــمـّـاي .. نـگّـط مـاي .. آني الراح اموتن
صعبه لحيدر يروح زينب شافهه تنوح
هاي الليله حاير .. هاي الليله حايـر
****
عـلي لعزريل نـاده وگـالّـه اتوكل
بـس عندي طـلـب يتحقق الاول
يـگـلـه ياعـلـي بس احـجي تدلل
خـل اقنعهه زينـب خـاف ماتقبل
هذا امر الله بنتي وهذا المسجّل
سـلـّمـتـج لـعـد عـبـاس الـمـعـدَّل
...............
امشي وياك .. بويه هناك .. يمّك كل حياتي
وانت بـعـيد .. خاف يزيد .. يحرگلي عباتي
اظل وياك مسموح زينب شافهه تنوح
هاي الليله حاير .. هاي الليله حايـر
****
عـذراً فـاطـمـه عـذراً عـلـي وطـه
لتسهيل امري گال الفاتحه ٲقراهه
مـد ايـده عله عينه بهيده سدّاهه
تـنـوح ام الخـدر وحـسـين ويّاهه
عـزريـل اسـتحـه فاطـمـه بـجّاهه
هالليله عـظـيـمـه وصـعبه انساهه
...............
جبرائيل .. دمعه يسيل .. ويعلي نحيبه
والـمختار .. لـلــكــرار .. مشتاگ لحبيبه
باب السمه مفتوح زينب شافهه تنوح
هاي الليله حاير .. هاي الليله حايـر
****
سيد علي المدني
واظحه الطبره وقراهه احساسك
شكوا بگبر الزچيه ابراسك
ابالك ايجوز ادفنتهه @@ من يصدگ فارگتهه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الله رافع چم سمه بأسمه الجليل
وحده الك رافعهه ومخليهه
براسك الزهراء يدري وهل سماء
تشد راسك لو تصوب بيهه
هامتك بيهه تشدهه @@ من يصدگ فارگتهه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الطبر راسك ياعلي صابه الجنون
لان جرحك مارضه يصافح دوه
شمس راسك يعني ماتنزف دماء
الشمس من تنجرح تنزف ضوه
من ضوه البظعه وبختهه @@ من يصدگ فارگتهه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عرگ وجه السيف وانت عللسجود
ماترده وانت عند الباري ضيف
لچن زينب صعبه تتركهه وتروح
وانت تدري بغيبتك حسرتهه صيف
علهجر ماعودتهه @@ من يصدگ قارگتهه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الدفعوا الباب علضلع ام الحسين
هسه باب الهامه هم دفعوهه
بهامتك محسن يحيدر هسه شاب
خاف كسروا ضلعه من صابوهه
هامتك ماناشدتهه @@ من يصدگ فارگتهه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الشاعر بشار السامي
علي جرحك لاتفتحه اگبالهه
كسر ضلع امهه لهسه ابالهه
گوم زينب لوشفتهه @ وابتسم لو گابلتهه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مانست لليوم محسن والضلوع
ظمه جرحك ياعلي ارحم بيهه
علسلاسل لاحگه ومجلس يزيد
لاتخلي مصيبتك تسبيهه
الباب گبلك هم سبتهه @گوم زينب لوشقتهه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
لاتحسسهه علي رايد تروح
تدري لو حست يزيد اونينهه
انت يمهه ومن دمه مدمعهه صار
لان جرحك ياعلي بنص عينهه
دماك هاي الي بجتهه @گوم زينب لو شفتهه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مو فقط والدهه ياحيدر تصير
انت روح اتعيش وي احساسهه
الهوه اتلقبه علي واتگله ابوي
حتئ تقنع من يطب بانفاسهه
چيه تشمك عودتهه @گوم زينب لوشفتهه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
لاتوصيهه علي وصيت وداع
بعده جرح الزهره ماخلص الم
يحترگ خافن گلبهه من الوداع
لاحگه علطفالهه وحرگ الخيم
انت مو لطف ردتهه @گوم زينب لو شفتهه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الشاعر بشار السامي
#قصائد_شهادة_الامام_الكاظم_ع
شـوط كــربـــلائــي في رثاء الإمام موسى بن جعفر عليه السلام
يطارش بشّـر احبـابـه خبر عن موسى بن جعفر
الجمعة الموعد اخبرهم لجسر بغداد خل تحضر
_____
علي يبنَ سـويّـد انـقـل كلام الكاظم وذيعـه
الفرج گلهم گرب يومه يوم الجمعـه توقيعـه
والمـوعـد جسـر بغـداد خل تستقبله الشيعـه
موسى الكاظم المسجون
يطلـع من سـجـن هـارون
لازم شيـعـتـه يحـضـرون
عكب طول الغياب يعود ليهـم سالم من الشّر
__________
غدت شيعة علي الكرار تـتبـاشر رسايلـها
واحـــد يخبـر الثاني وفزعت للجسر كلها
بقـت تـتـنـطـر بلهفـه ولا من واحـد يگلها
سـاعة ولنهـم يشـوفـوه
نعش من السجن جابوه
حماميـل اربعـه يشيلوه
وبن شاهك يصيح بصوت مات الرافضي ومنسر
___________
يصيح السندي ما مسموم مات الكاظم بحتفه
هـــذا البـالنـعـش مـوسـى خـل الوادم تكشفـه
لچـن مـن باوعـوا شافـوا لون السم على چفّـه
گـامت كل هذيچ الناس
تبچي وتلطم عله الراس
وتـلـعـن كـل بني العبّاس
مـن سـمّ العـده الارجاس لون الكـاظـم اتـغـيّـر
__________
شالوا نعش ابو ابراهيم موسى الكاظم المظلوم
مگـيّـد وبسجـن هـارون مـات بلا ذنـب مسمـوم
وشيعـة حيدر الـكـرار تبچي عله النعش وتحوم
خلّص بالسجن عمره
صبور ومانفذ صبـره
امــام وعــالـم بأمـره
مات وچبده منّ السم تـگـطّـع ويلي وتـنـثّــر
__________
موسى الكـاظـم تشيّع جسمـه وبالگبر دفنـوه
تعذّب من بني العباس واللـه بـلا ذنـــب أذّوه
عن موطن رسول الله جـده المصطفى بعدوه
مات بـديـرة الغربه
ذاب من الألـم گلبه
صعبه حالته صعبه
ثار الكاظـم المسمـوم بيد المـهـدي من يظـهـر
__________
غريب الكاظم المسموم صحيح وظلّمته الأمّه
لچن ما خلّته الشيعه يظل عله الجسر جسمه
مو مثل البقه مذبـوح جـده حسيـن ابـواليمّـه
ثـلـث تـيّــام عالغبــره
دامي ومنگطـع نحـره
وبالخيل انهشم صدره
ريحـــانـة رســول اللـه ظـل بـلا دفــن بالبـر
خادم الإمام موسى بن جعفر عليه السلام
سيد زيد الفحام
_____________________________
#قصائد_شهادة_الامام_الكاظم_ع
في رثاء الإمام موسى بن جعفر الكاظم عليه السلام
قصـّــة غيــــابـه. وسجنه وعذابه
موسى بن جعفر نـذكــر مصــابه
قصـة الكاظـم تضـل قصـة عجيبـه
تهـدم اطـواد الارض هـاي المصيبه
حجـة الله الكاظـم وعبـده وحبيبه
تالي مسموم بسجن يخلص نحيبه
عن اهله بعدوه. بالغربه سموه
دين الله ينعــاه. وينحب كتابه
موسى بن جعفر امـام وعالـي قدره
سابـع اهـل البيـت الله ختاره بامره
شلون يگضي بالسجن ياناس عمره
بالحشـر هـارون باچـر شنهـو عـذره
اليقتل امامه. بيوم القيامه
يدخل جهنم. يشتد حسابه
بسجن ابن شاهك يسجنه الطاغي هارون
وحده وبطاموره ظلمه موسى مسجون
ساجــد بليلـه ونهــاره لخـــالـق الكــون
هـذا حـال الكاظـم عله البــاري ميهـون
يدعــي بصــلاته. تخلص حياته
من فعل الاشرار. يشكي غترابه
بالسـلاســل والحــديــد مگيـّـــدينــه
عالعـذاب الشــافـه بـس الله اليعينـه
موسى بن جعفر بقت مشبوحه عينه
عالاهـل مشـتــاگ يـرجـــع للمدينـــه
بسجن النواصب. دلّالــه ذايــب
وعليـــه سجنهم مسـدوده بابه
سمّه ابن شاهـك بسجنه وذاب چبده
موسى بن جعفر گضه مسموم وحده
لا گـــرابـه ولا اهــل لا صُحبـه عنــده
بس علي ابنه الرضا يبچـي عله فگده
عالكاظم ينوح. بقيوده مجروح
تتسـايل دمــاه. شـاهــد خضابه
هــذا موسـى الكاظـم وقصـة حيـاته
بالسجن عمــره نگضه وبالسـم وفاته
مـات مسمــوم وبقـت بس ذكـريــاته
فجـعــت گلــوب التحبّــه نـايبــــاتـه
حضرت تشيّعه الشيعة وتودعه
بالدمـعــه والآه هـالـــوا تـرابــه
خادم الإمام موسى الكاظم عليه السلام
سيد زيد الفحام
_________________________
⚫
للتواصل مع خادم الحسين ع خادمكم ملا مصطفى الكربلائي على هذا المعرف
@MlleMastafa
الرادود حيدر الجيزاني الحسني
بخدمة الحسين نرتقي
للتواصل مع الرادود حيدر الجيزاني الحسني
@Mlhayder
يمكنكم الاشتراك بالقناة الرسميه عاليوتيوب
ملا حيدر الجيزاني الحسني
https://www.youtube.com/channel/UCzlnQLamVCbR8fYziFZq-IA
قناة التلكرام
/channel/M_Haydar
/channel/M_Haydar
اللَّهُمَّ صَلِّ عَلَى مُحَمَّدٍ وَآل ِمُحَمَّدٍ وَعَجِّلْ فَرَجَهُمْ وَالْعَنْ أَعدَاءَهِمْْ
*قال الإمام الجواد (عليه السلام) - لرجل استوصاه -: وتقبل؟ قال: نعم، قال: توسد الصبر، واعتنق الفقر، وارفض الشهوات، وخالف الهوى، واعلم أنك لن تخلو من عين الله، فانظر كيف تكون.*🍂
📗تحف العقول: ٤٥٥.
*__________________
مبارك عليكم الولادة
#قصائد_استشهاد_الامام_الهادي
لوفاة علي الهادي ع
.....
المستهل
....
ينطق السان الزمان ... دنيه مابيها أمان
يا أمام المنها يسلم لو ذبح بالسيف لوسم
.....
دنيه وبمرّ العصور ... هالظلم بيها يدور
ظالم الظالم يسلم منجزاته
بني أميه أبلا ضمير ... ناس سفاحه تصير
ذبحوا الساجد ل ألله في صلاته
حاربوا حتى الرسول ... شرّدوا ولد البتول
كل أمام أو بالغدر سلبوا حياته
علي الهادي هالامام
غدرته اچفوف اللئآم
هالجريمه النبي منها بگبره عالهادي تالم
......
ناس لا ذمه طُغات ... بالجريمه الهم صفات
للقتل واحدهم اصبح اختياره
شاهد اتظل كربلاء ... طاهره النزفت دماء
للوكت دم الضحايا أيريد ثاره
چفوف ونحور وسهام... ونار ورماد الخيام
وكل بنات النبي اخذوهن اساره
وزينب وذيچ الدموع
وجثه مكسوره الضلوع
سيوف ونبال ورماح اعله الشهيد حسين تلتم
.........
عين عدل الله تشوف ... الصار مروع بالطفوف
طاغي للطاغي يورثله القساوه
سلب تهجير وقتال ... حرموا حتى الحلال
أمن السقيفه أويه النبي عدهم عداوه
بفاطمه خلوا جروح ... حقد ثابت مايروح
الباطل اويه الحق بعد عدهم تساوه
وبني العباس الطغاة
حاربوا ناس الأبات
كلمن ايعود ألمحمد من بطشهم لا ميسلم
........
وين سلطان الوجود ... هالظلم ماله حدود
متى يايوم اليجي للظلم يرجم
بين مغدور وذبيح ... وانذهل حتى المسيح
شلون مسلم يندعي ويذبحله مسلم
الله بكتابه المجيد ... للعدل منك يريد
تعمّر الانسان واجب لا متهدم
بالخلق هذا أخوك
مو شرطها أبن أبوك
دينك أيحتم عليك وگالك لاتسفك الدم
.....
يمته يالمهدي تغير ... مرض صاير بالضمير
تجي ويداويها سيفك للضماير
غيروا نهج السماء ... توغلوا بسفك الدماء
دارت بهل الدنيه عالوادم دواير
بين سلطان ويجور... بين من يشهدله زور
تلوثت بفكار ظلمه هالسراير
انته بس عدلك تقيم
مايظل عُتل وزنيم
بغيبتك ماكو عداله ونته يالمحجوب تعلم
.........
نندعي لألله الرقيب ... بلچن ويومك قريب
تعدّل الدنيه بوجودك من تجيها
أطلب بثار التريد ... وأبدي بحسين الشهيد
وثار امه الزهره وتسكت بچيها
الثار كلهم يندبوك ... جدك الهادي وأبوك
وعمتك أسياط الذي ورمت اديها
زينب اتظل بنتظار
تريد تاخذ الها ثار
أمن الذي أعليها تجسر والمتنها سوطه ورم
....
سيد عدنان الحمامي
مشاركه الرادود مصطفى الكربلائي
هيئة الوديعة
يوم الاثنين
الساعه السابعه
كربلاء :حي المهندسين سوق البورصة الفرع الاول بعد السوق
نتقدم بأحر التعازي إلى مولانا صاحب العصر والزمان (عج) وإلى علمائنا الكرام والأمة الإسلامية بوفاة السيدة الحره فاطمة بنت حزام " أم البنين " زوجة أمير المؤمنين علي ابن ابي طالب (ع) ..
فسلاماً على من وهبت حياتها دموعاً وحزناً على مصاب الحسين (ع)
ولتتخذها كل إمراة في العالم مثالاً وقدوه، وتسير على نهجها وخطها.
📝قصيدة : لمولاتي ام البنين سلام الله عليها 1438
✒للشاعر:حيدر الرويمي
➖➖➖➖➖➖➖➖➖➖➖
مخلوق بس الخدمتج
والروح تنطر نظرتج
هالكون عاش برحمتج
يارحمة الله يا ام البنين
🔶️ 🔶️ 🔶️ 🔶️ 🔶️ 🔶️ 🔶️ 🔶️
كل حرف بسمج تباهت بيه الاسرار
والفلك لو ما وجود اسمج فلا دار
الجود من هيبة عطائج يبقه محتار
انتي اليعرفج فقط حيدر الكرار
اسمج فرج كل المحن
غوث ونعيم الممتحن
اية وفاء طول الزمن
يا رحمة الله يا ام البنين
🔶️ 🔶️ 🔶️ 🔶️ 🔶️ 🔶️ 🔶️ 🔶️
الله من نورج خلق كل غيره وحساس
وصار اسمج بالحميه درس للناس
انتي ماينوصف طيبج وفه ونوماس
وحده من اسرارج ام للكمر عباس
لحسين ضحيتي العمر
وجروح كلبج والصبر
لعيون ربات الخدر
يارحمة الله يا ام البنين
🔶️ 🔶️ 🔶️ 🔶️ 🔶️ 🔶️ 🔶️ 🔶️
ماكو بوصافج شبيه الضحه لحسين
اربعه انطيتي كواكب گرة العين
وگفو اسوار ويحيطون الصواوين
ولايمسون الاعادي الخدر للدين
والحرم كلها امداله
بوجود هيبة كربله
الكون يشهد والمله
يارحمة الله يا ام البنين
🔶️ 🔶️ 🔶️ 🔶️ 🔶️ 🔶️ 🔶️ 🔶️
انتي اليمد ايده يمج خالي ماراد
كبل لا ترمش اعيونه اينول المراد
الألم من نلفظ اسمج بلكلب هاد
وكل صعب يگضي يا ام الجواد
ينشال كل هم المحب
وينحل بطيبج كل صعب
والفرح يلفي للگلب
يارحمة الله يا ام البنين
🔶️ 🔶️ 🔶️ 🔶️ 🔶️ 🔶️ 🔶️ 🔶️
يا سمية فاطمه ويا فخر الاطياب
بسمج انقدم دعانه وداحي الباب
للفرج انتي الوسيطه وبيج الاسباب
نقسم اعله الباري بسمج طال الغياب
للدين جا يمته يهل
وينزاح بسمه كل حمل
دمعات احبابه تهل
يا رحمة الله. يا ام البنين
🔶️ 🔶️ 🔶️ 🔶️ 🔶️ 🔶️ 🔶️ 🔶️