20052
Галоўны канал пра Беларусь! Па ўсіх пытаннях: @MKBelbot Не сілай, а розумам!
📢 Лукашэнка на лаве падсудных? BELPOL рыхтуе глебу для трыбуналу ⚖️
У новым відэа BELPOL падводзіць прамежкавыя вынікі міжнароднай кампаніі па прасоўванні дакладу пра ўдзел рэжыму Лукашэнкі ў вайне супраць Украіны.
🌍 Даклад ужо прадстаўлены ў Варшаве, Празе, Таліне, Брусэлі, Вільні, Вене і нават на востраве Борнхальм. Гаворка не толькі пра словы — пачаліся канкрэтныя крокі:
▪️ збор доказаў,
▪️ патрабаванні санкцый,
▪️ юрыдычная адказнасць.
Рэжым — саўдзельнік злачынстваў. Беларусь — пад пагрозай поўнай мілітарызацыі. І таму спыняцца нельга.
🔥 Барацьба працягваецца. Трыбунал будзе. І толькі тады ўсё сапраўды скончыцца.
https://www.youtube.com/watch?v=brFp2u7Kk4Q
📚 21 ліпеня 1863 года нарадзіўся Уладзімір Гаўрылавіч Краснянскі — гісторык, краязнаўца, педагог, грамадскі дзеяч, які пакінуў глыбокі след у беларускай навуцы і музейнай справе.
🎓 Скончыў Пецярбургскі гістарычна-філалагічны інстытут. Педагагічную і навуковую дзейнасць вёў у Беластоку, Мінску, Вільні, Мсціславе, Віцебску. Выкладаў, даследаваў, архіваваў, ствараў сістэмы.
🏛 Але найбольш гартаваў музеі. У цяжкія паслярэвалюцыйныя часы Краснянскі бязмерна любіў сваю справу і зрабіў усё, каб віцебскія музейныя калекцыі не зніклі ў хаосе: апісваў, сістэматызаваў, збіраў, ратаваў.
🕯 Гэты чалавек — з тых, хто ціхай працай трымаў беларускую культуру на плыву. Без гучных лозунгаў, але з вялікай адказнасцю перад гісторыяй.
Мая Краіна Беларусь
📵 «Захад-2025»: не вучэнні, а папярэджанне
«Захад-2025» — гэта не абарона. Гэта рэпетыцыя таго, як уцягнуць Беларусь у чужую вайну.
Танкі на вуліцах. Дубінкі супраць камер. Загад хаваць тэлефоны.
https://youtu.be/l4cfSsdtyYU
🗓 20 ліпеня 1994 года — Аляксандр Лукашэнка ўпершыню ўступіў на пасаду прэзідэнта Беларусі. Гэта адбылося ў Авальнай залі Дома ўрада.
📌 Гэты дзень стаў гістарычным: першы прэзідэнт у незалежнай Беларусі, і — апошні, як паказаў час.
🗳 Выбары 1994 года былі апошнімі прызнанымі сумленнымі. За кандыдатаў галасавалі без «датэрміновага прымусу», без «каруселяў», без «падлікаў за дзвярыма». І так, тады сапраўды перамог Лукашэнка — з вобразам "антыкарупцыянера" і "чалавека з народу".
📉 Але ўжо ў наступныя гады стала ясна: улада засталася, а народны вобраз — знік.
Цягам дзесяцігоддзяў мы бачылі:
– рэферэндумы без выбару,
– «выбары» без альтэрнатывы,
– пратэсты з дубінкамі,
– КДБ замест ЦВК.
І вось, 30 гадоў пазней, людзі ўсё яшчэ помняць, што значыць сапраўдны выбар. І памятаюць, што легітымнасць — гэта не пячатка на паперы, а давер грамадзян.
⚖️ 20 ліпеня 1994 года Беларусь зрабіла крок да дэмакратыі. Але гэта быў толькі першы — і, на жаль, пакуль што апошні.
⏳ Наступны — яшчэ наперадзе.
Мая Краіна Беларусь
📏 Гэта не жарты, а кілаграмы!
На Полацкім рынку ў Віцебску адна спрытная гандлярка “трошкі” хітруе — абвешвае пакупнікоў з дапамогай падкручанай гіркі. Грошы — ідуць, вагі — не хапае.
🎭 Народ кажа: калі табе здаецца, што цябе абвешваюць — табе не здаецца.
🛒 Будзьце ўважлівыя на рынках і правярайце вагу, асабліва калі гародніна падазрона лёгкая.
Мая Краіна Беларусь
Філосафія свабоды і беларуская душа
У пачатку XIX стагоддзя, калі беларускія землі былі пад ціскам русыфікацыі Расійскай імперыі, маладыя студэнты Віленскага ўніверсітэта стварылі таемныя таварыствы — Філаматаў («любіцеляў навукі») і Філарэтаў («любіцеляў дабрачыннасці»). Сярод іх быў Тамаш Зан, паэт-рамантык, які разам з Адамам Міцкевічам і Янам Чачотам марыў пра свабоду і адраджэнне беларуска-літоўскай культуры. Яны пісалі вершы, вывучалі народныя песні і казкі, імкнучыся захаваць дух нацыі. Для іх культура была зброяй супраць духоўнага прыгнёту.
Рэпрэсіі 1823 года падавілі таварыствы, а Зана выслалі ў Арэнбург. Але яго ідэі пражылі: яны сталі іскрай беларускага Адраджэння, нагадваючы, што нацыя — гэта памяць, якая расце праз мову і творчасць. Зан паказаў, што свабода пачынаецца ў сэрцы!
Мая Краіна Беларусь
📅 19 ліпеня — дзень памяці Тамаша Зана (1796–1855) — паэта, філосафа, даследчыка, аднаго з асноўнікаў філаматаў і філарэтаў. Ён нарадзіўся на беларускай зямлі — у м. Мясата
⚔️ У Вільні Зан стаў душой моладзевага руху, што імкнуўся абудзіць навуковую, маральную і нацыянальную самасвядомасць моладзі. Тое, што яны называлі “працай над сабой” — было пачаткам Адраджэння на тэрыторыі Беларусі, Літвы і Польшчы.
📚 За ўдзел у філаматаўскім руху Зан быў сасланы ў Аранбург. Але нават у выгнанні ён захоўваў дух даследчыка і творцы: вандраваў з экспедыцыямі, вывучаў прыроду, грунтаваў музей, збіраў калекцыю мінералаў.
🤝 Тут ён пазнаёміўся з Аляксандрам Гумбальтам, які высока ацаніў Зана як інтэлектуала і чалавека справы. Праз 10 гадоў вярнуўся на Радзіму, пасяліўся каля Оршы, займаўся фальклорам, вывучаў флору Беларусі.
🪦 Пахаваны ў Смалянах. Магіла захавалася.
Тамаш Зан — адзін з тых, хто прынамсі спрабаваў адрадзіць Беларусь праз культуру, навуку і духоўнае развіццё. Яго справа — жыць.
Мая Краіна Беларусь
BYSOL адкрыў збор для Сяргея Ціханоўскага
Пасля пяці гадоў зняволення Сяргей, нарэшце, на волі. Ён зноў побач з сям’ёй, чуе голас Святланы і абдымае дзяцей. Але турма не праходзіць бясследна — здароўе падарвана, і цяпер галоўная задача Сяргея — аднавіцца.
🩺 Ён хоча падмацаваць сілы, каб зноў змагацца, працаваць і быць побач з беларусамі.
👉 Калі ёсць магчымасць — падтрымайце фінансава. Гэта дапаможа яму хутчэй вярнуцца да жыцця і барацьбы.
Падтрымаць Сяргея
📅 18 ліпеня — дзень нараджэння Янкі Лучыны (Іван Неслухоўскі, 1851–1897) — аднаго з самых свядомых паэтаў Беларусі.
🖋 Ён — сын шляхціца і сялянскі спачувальнік, паэт, які загаварыў пра боль народа на мове гэтага народа. Лучына — прадвеснік беларускага Адраджэння, які змог узняць голас тых, каго звыклі не чуць.
📖 Ён пісаў па-беларуску, калі гэта было непрыбыткова, небяспечна і нават непрыстойна — для “інтэлігентнага грамадства”. Але менавіта яго творы кшталтавалі нацыянальны літаратурны канон — з вясковым героям, з роднай мовай, з верай у светлую будучыню.
«Сонца навукі скрозь хмары цёмныя
Прагляне ясна над нашай ніваю…»
🌊 Падводныя закупы
Учорашні лівень накрыў ускраіну сталіцы так, што пераход каля ГЦ «Экспабэл» апынуўся па пояс у вадзе. Пешаходы пераўтварыліся ў плыўцоў, а аўтамабілі — у лодкі па няволі.
Дарога — гэта ўжо не шлях, а сапраўдны водны маршрут. Можна адкрываць экскурсіі: «Менск водны — ад лужыны да фантана».
Прырода паказала, хто тут гаспадар. А «Экспабэл» — магчыма, рыхтуецца да перафарматавання ў “Аквабэл”.
Мая Краіна Беларусь
Фальклор — люстэрка народа, а можа нават і нацыі
Фальклор — гэта не проста казкі і песні. Гэта душа народа, якая паказвае шлях да станаўлення нацыі. Чаму?
🔸 Карані ідэнтычнасці. Беларускі фальклор, як пісаў Янка Купала, захоўвае памяць пра нашых продкаў: іх жыццё, каштоўнасці, змаганне. Казка пра «Скарб» ці песня пра Купалле — гэта код, дзе жывуць нашыя мары і боль.
🔸 Мова жывая. Фальклор — скарбніца беларускай мовы. Кожная прымаўка, як адзначаў Уладзімір Караткевіч, — гэта ўрок мудрасці, які ўсеяўся праз пакаленні.
🔸 Шлях да адзінства. Вывучаючы фальклор, мы разумеем, што нас аб’ядноўвае: ад песень Палесся да танцаў Рассоньшчыны. Ён вучыць дзяцей ганарыцца сваім, як паказала Алена Лось сваімі ілюстрацыямі да казак.
🔸 Супраціў праз культуру. Як адзначае Аляксандр Смалянчук, у часы рэпрэсій фальклор быў сродкам захавання нацыі, калі мова і гісторыя падаўляліся.
Вывучаць фальклор — значыць слухаць сэрца народа, яго гісторыю і надзеі. Гэта шлях да ўсведамлення, хто мы і куды ідзем. 💖
Мая Краіна Беларусь
🕯 17 ліпеня — дзень нараджэння Яна Чачота (1796–1847), аднаго з заснавальнікаў беларускай фалькларыстыкі, паэта, сябра славутага таварыства філаматаў разам з Адамам Міцкевічам.
📚 Ён стаў адным з першых, хто вывучаў беларускую мову (якую называў крывіцкай) — яго працы выкарыстоўвалі Карскі і Тарашкевіч. Сабраў каля 1000 народных песень, частку з якіх выкарыстаў Манюшка ў "Хатнім песенніку".
🎼 Для філаматаў Чачот пісаў песні, у стылі народных, часта на іх матывы — з любоўю да (гістарычнай) Літвы, яе песень і легенд. Быў таксама выдатным перакладчыкам — пераклаў, напрыклад, Вашынгтона Ірвінга.
⛓️ Арыштаваны за ўдзел у тайных таварыствах — сасланы ў Кізіл, потым Уфу, Твер. Пазней жыў і працаваў у Лепелі, у бібліятэцы Храптовіча ў Шчорсах.
📝 За год да смерці выйшаў яго адзіны прыжыццёвы зборнік — "Песні селяніна...", ананімна, з выразнымі патрыятычнымі нотамі. Пасмяротна засталася неапублікаванай "Рыфмаваная гісторыя Вялікага Княства Літоўскага да 1434 года".
📍 Памёр у 1847 у Друскеніках.
Мая Краіна Беларусь
🎤 "Хіты 90-х і абавязак Радзіме"
На сцэне Стаўбцоўшчыны — артысты, дакладней, супрацоўнікі мясцовага Дому культуры і мясцовае шкалярства (іншыя, відаць, уцяклі пры першым запрашэнні), спрабуюць уваскрасіць дух 90-х.
Спяваюць шчыра, часам нават трапна. Танцы — як пасля працоўнай змены ў сельпо. Але калі душа просіць “Камбінацыю”, а бюджэт — толькі хіты 90-х з дыску, куплёнага ў пераходзе, і дазваляе, то выбару асабліва няма.
🎶 Няхай жыве культура на энтузіязме і планах “зверху”!
Мая Краіна Беларусь
Допыт і дух чалавека: 1930-я і 2020-я
Допыт як інструмент падаўлення быў і застаецца трагедыяй беларускай гісторыі. У 1930-я сталінскія рэпрэсіі знішчалі інтэлігенцыю, пазбаўляючы нацыю голасу. Допыт тады быў сродкам выкаранення асобы, яе думак і праўды. Сёння рэпрэсіі 2020-х, напрыклад, супраць журналіста Ігара Лосіка, зняволенага з 2020 года за вядзенне Telegram-канала, накіраваны на падаўленне імкнення да свабоды. Лосік, як і Юрка Лявонны, журналіст, што працаваў у 1930-х і быў расстраляны за сваю прафесійную дзейнасць, стаў сімвалам супраціву, бо яго голас, нягледзячы на турму, працягвае гучаць праз праўду.
Чалавек застаецца чалавекам, пакуль бароніць сваю годнасць. Лявонны і Лосік — прыклады таго, як нацыя праз сваіх герояў захоўвае дух. Допыт можа зламаць цела, але не праўду, якую яны нясуць. Гэта ўрок для нас: будаваць нацыю — значыць барацьба за свабоду слова, за кожны голас, які сістэма спрабуе заглушыць.
Мая Краіна Беларусь
Чаму Грундвальдская бітва — наша? 🛡⚔️
15 ліпеня 1410 года пад Грундвальдам Вялікае Княства Літоўскае разам з Каралеўствам Польскім пабілі Тэўтонскі ордэн. Чаму гэта бітва важная для беларусаў? 🏰
🔸 ВКЛ — наш дом! Сучасныя беларускія землі былі сэрцам ВКЛ, а нашыя воіны гістарычнай Літвы біліся пад Пагоняй.
🔸 Вітаўт — герой! Хітры план Вітаўта пераламаў бітву, прывёўшы да перамогі.
🔸 Нашы харугвы. Гарадзенская, наваградская, смаленская харугвы стаялі моцна!
🔸 Спынілі ворага. Перамога абярэгла нашы землі ад тэўтонцаў.
🔸 Сімвал сілы. Гэта наша гісторыя адзінства і змагання!
Грундвальд — наша перамога, наша гордасць! 💪
Мая Краіна Беларусь
Раскрадзеная спадчына: страта і памяць
Матэрыяльная спадчына Беларусі — палацы, іконы, кнігі — гэта не проста рэчы, а жывыя сведкі нашай гісторыі, сляды вялікасці, якія злучаюць нас з продкамі. Але войны XVII–XVIII стагоддзяў спалілі бібліятэкі Радзівілаў, акупацыя Расейскай Імперыяй прывяла да вывазу беларускіх артэфактаў і нашых майстроў у метраполіі, савецкі час ператварыў храмы і замкі ў руіны ці склады. Сёння скарбы знікаюць у прыватных калекцыях ці за мяжой. Страта спадчыны — гэта псіхалагічная рана, якая адасабляе нацыю ад яе душы. Кожны згублены артэфакт адымае частку нашай ідэнтычнасці. Нам варта вяртаць і берагчы спадчыну, аднаўляючы сувязь з карэннем, і будаваць на гэтым падмурку нацыю праз памяць і годнасць.
Мая Краіна Беларусь
🧳 Місія (не)выканальная
Замежны вандроўнік
вырашыў амбітна: зняць усе помнікі Леніну ў краіне. Але не здолеў — то адны схаваныя за школамі, то іншыя згубіліся сярод хмызоў у вёсках, дзе нават GPS махае рукой.
🗿 Затое па дарозе адшукаў некалькі Ленінаў без рук, з адбітым носам і аднаго — з кажухом, нібыта для зімоўкі.
Мая Краіна Беларусь
Як не паўтарыць выбар "Лукашэнкі"?
У 1990-я беларусы, стомленыя крызісам пасля распаду СССР, выбралі Аляксандра Лукашэнку за абяцанні парадку. Яго папулізм адгукнуўся ў тых, хто баяўся пераменаў. Прычана была і ў псіхалогіі, людзі не хацелі адчуваць страху перад невядомасцю. Прапаганда замацавала ўладу, падаўляючы голас праўды.
Калі Беларусь здабудзе свабоду, спакуса выбраць новага папуліста будзе вялікай. У 1990-я страх перад крызісам штурхнуў беларусаў да Лукашэнкі, які абяцаў стабільнасць. Каб не паўтарыць гэта, трэба выхоўваць нацыю на крытычным мысленні: вучыцца аналізаваць, шанаваць мову і культуру, здабываць веру ў сваю годнасць. Вольная Беларусь павінна выбіраць не абяцанні, а праўду, якая расце з народнай памяці.
Мая Краіна Беларусь
🎶 20 ліпеня – дзень нараджэння Зьмітра Вайцюшкевіча!
Сёння святкуе свой дзень нараджэння музыка, кампазітар, паэт, выканаўца — Зьміцер Вайцюшкевіч.
🪗 Ён пачынаў з фальклору і джазу, а стаў сімвалам музычнай беларускай незалежнасці, што не прагінаецца пад “прасоўванні на радыё” і не іграе пад дудку дзяржавы.
🎤 Вайцюшкевіч — гэта голас паэзіі і волі, ён працаваў з вершамі Купалы, Коласа, Багдановіча, Арлукова, Стральцова і Верашчака. А таксама — з уласнымі, бо сам мае паэтычны дар.
🎧 Быў салістам «Палацу», заснаваў праекты WZ-Orkiestra, «Я нарадзіўся тут», спяваў у дуэце з Лявонам Вольскім — і заўжды заставаўся чалавекам, які спявае па-беларуску не таму, што модна, а таму, што інакш не можа.
🔕 Варта адзначыць: у Беларусі ўлада не вельмі яго віншуе. У розныя часы Вайцюшкевіча забаранялі, здымалі з афіш, ціснулі арганізатараў канцэртаў. Бо музыка, якая прымушае думаць, — гэта ўжо небяспека для рэжыму.
Мая Краіна Беларусь
🎭 Жатва абсурду
На чарговай нарадзе па ўборачнай кампаніі сістэма зноў дала збой. Лукашэнка і яго набліжаныя зладзілі сапраўднае шоу: абвінавачанні, апраўданні, цалкам страчаны кантроль.
https://youtu.be/HTx2UPrpCAg
📅 19 ліпеня 1930 года ў БССР пачалася аблава па справе «Саюза Вызваленьня Беларусі» (СВБ) — масавая рэпрэсія супраць беларускай нацыянальнай інтэлігенцыі.
🎯 Савецкая ўлада абвінаваціла дзесяткі вядомых дзеячаў — Янку Купалу, Якуба Коласа, Усевалада Ігнатоўскага, Аляксандра Смоліча ды іншых — у ўдзеле ў нібыта антысавецкай арганізацыі. Многія з іх былі асуджаныя, высланыя або знішчаныя пазней, у 1937–38 гг. Ігнатоўскі не вытрымаў допытаў і скончыў жыццё самагубствам.
⚖️ Рэальнай арганізацыі СВБ, хутчэй за ўсё, не існавала — гэта была фікцыя, створаная ДПУ для знішчэння беларускага адраджэнскага руху, які стаў нязручным для Масквы.
🕯 Справа СВБ — гэта трагедыя беларускага духу. У ёй згарэла цэлае пакаленне, што марыла пра вольную Беларусь. Але іх ідэі жывуць — і патрабуюць нашай памяці і дзеяння.
📌 Памятаем. Працягваем. Беларушчына — гэта сіла.
Мая Краіна Беларусь
✍🏻 "Адзіным аб'ектыўным індыкатарам нацыянальнага здароўя, самадастатковасці народа была, ёсць і навекі застанецца яго родная мова"
✍🏻 "Краіна не можа быць незалежнай, калі ў яе афіцыйным жыцці пануе чужая мова. Чужая мова несумяшчальная з дзяржаўным суверэнітэтам, ёсць самая магутная зброя ў барацьбе з нацыянальнай ідэнтычнасцю, этнакультурнай спецыфікай Беларусі"
Прафесар Леанід Лыч
Чаму беларуская мова ўспрымаецца як маргіналізм? Псіхалагічныя і гістарычныя карані
Беларуская мова — сэрца нацыянальнай ідэнтычнасці, але для часткі грамадства яна здаецца маргінальнай, «непрыдатнай» для сучаснасці. Гэта не проста сацыяльны феномен, але і псіхалагічны, укаранёны ў гісторыі і калектыўнай свядомасці. Чаму так адбываецца?
🔸 Гістарычныя траўмы і страта пераемнасці. Русыфікацыя ў Расійскай і Савецкай імперыі перапыніла натуральную перадачу мовы. У 1930-я сталінскія рэпрэсіі знішчылі інтэлігенцыю, якая была носьбітам мовы. Гэта стварыла псіхалагічны разрыў: мова асацыявалася з «павержанай» культурай, а расійская — з уладай і прагрэсам.
🔸 Савецкі комплекс непаўнавартасці. У савецкі час мова выцяснялася з адукацыі, медыя і гарадскога жыцця, набыўшы імідж «вясковага» дыялекта. З псіхалагічнага пункту гледжання, гэта сфарміравала ўнутраны бар’ер: людзі падсвядома баяліся быць «адсталымі», карыстаючыся беларускай мовай.
🔸 Палітызацыя і страх. У 2020-я беларуская мова часта асацыюецца з пратэстам і апазіцыяй. Гэта ўзмацняе псіхалагічны дыскамфорт: карыстанне мовай можа ўспрымацца як «бунт», што пагражае бяспецы. Паводле тэорыі сацыяльнай псіхалогіі, страх перад сацыяльнай ізаляцыяй прымушае людзей выбіраць «больш бяспечную» мову.
🔸 Псіхалогія калектыўнай памяці. Без кантакту з мовай у дзяцінстве, як адзначаў Уладзімір Караткевіч, чалавек губляе сувязь з «неўсвядомым» нацыі — яе міфамі, песнямі, каштоўнасцямі. Гэта стварае псіхалагічную пустэчу, дзе беларуская мова ўспрымаецца, як нешта экзатычнае.
🔸 Адсутнасць штодзённай практыкі. Мова рэдка гучыць у школах, на вуліцах ці ў медыя, што ўзмацняе яе ўспрыманне як «музейнай». З псіхалагічнага погляду, людзі імкнуцца да камфорту звыклага, таму выбіраюць больш распаўсюджаную мову.
Каб пераадолець гэта, трэба вярнуць мову ў сэрцы людзей. Усё пачынаецца з дзяцей, якія праз казкі і песні змогуць адчуць яе жывой. Мова — не знак адсталасці, а ключ да нашай глыбіні. Давайце размаўляць па-беларуску, каб нацыя паўстала ў нашых душах! 💬
Мая Краіна Беларусь
https://youtu.be/T4fmRO474aQ?si=jkafwpKJgTfYdVzx
Читать полностью…
🐪 Верблюды vs Вішні: хто каго?
У Бабруйскім раёне адбываецца бітва за ўраджай: верблюды, што нечакана апынуліся ў Магілёўскай вобласці, з апетытам аб'ядаюць лісты з вішнёвых дрэваў.
Мясцовыя жыхары ў шоку — не ад вішняў, а ад таго, што пустынныя караблі прышвартаваліся ў беларускіх садах. Кажуць: “Неверагодна, але факт!”
Прырода Магілёўшчыны зноў здзіўляе — і мы не супраць, толькі б вішні засталіся! 🍒
Мая Краіна Беларусь
📚 17 ліпеня 1570 — у Вільні, сталіцы Вялікага Княства Літоўскага, быў заснаваны Езуіцкі калегіюм — першая вышэйшая навучальная ўстанова на старалітоўскіх землях.
З яго вырас Віленскі ўніверсітэт — цэнтр адукацыі і мыслення. Адзін з сімвалаў прыналежнасці да еўрапейскай культуры. Тут вучыліся і выкладалі краёвыя патрыёты: Ян Чачот, Адам Міцкевіч, Ігнат Дамейка, Канстантын Тышкевіч ды іншыя.
🖋 З гэтай установы выйшлі тыя, хто між іншым даследаваў нашу гісторыю, запісваў яе ды развіваў навуку. Людзі звязаныя з гістарычнай Літвой.
Віленскі ўніверсітэт — гэта акадэмічная вольнасць, з якой пачыналася між іншым нацыянальная свядомасць, у тым ліку беларуская.
Мая Краіна Беларусь
🚨 Под Осиповичами кипит стройка: Беларусь готовят под ядерное оружие РФ?! 🚨
Материал "Зеркало" (VPN!)
Издание Business Insider со ссылкой на свежие спутниковые снимки от американской компании Planet Labs сообщает о масштабных строительных работах на стратегически важных объектах под Осиповичами и в самих Осиповичах!
Эти работы происходят на фоне активной модернизации и расширения ядерных объектов в России. Факт, что такая стройка развернулась именно на территории Беларуси, вызывает огромные опасения: готовят ли нашу землю под размещение ядерного оружия Российской Федерации?
Если эти данные подтвердятся, это станет ПРЯМОЙ УГРОЗОЙ для каждого беларуса! Размещение ядерного оружия на нашей земле превращает Беларусь в первоочередную мишень в случае любого конфликта. Это не просто "учения" или "модернизация" — это фундаментальное изменение статуса Беларуси, превращение её в ядерную заложницу Кремля!
Беларусы, время действовать! Ваша информация – это единственный шанс узнать правду и защитить себя!
Мы не можем молчать, когда будущее нашей страны и безопасность наших детей под угрозой!
Что нас интересует СРОЧНО (если вы находитесь в районе Осиповичей или имеете информацию):
🔻Масштабы и характер строительства: Что именно строится? Новые здания, бункеры, дороги, ограждения?
🔻Активность на объектах: Количество рабочих, техники, необычная охрана, закрытые зоны?
🔻Присутствие военных: Какие подразделения, белорусские или российские?
🔻Любые другие детали: Наблюдения, слухи, изменения в жизни местных жителей, связанные со стройкой.
🔻Фото или видео: Если это абсолютно безопасно и не привлекает внимания, это может быть бесценным доказательством!
Беларусь перадусім!
📩 Пиши в наш анонимный бот @BelVarta_bot, созданный при поддержке Киберпартизан.
Бот полностью защищён и не сохраняет личные данные. Или пиши на ProtonMail: belvarta@proton.me — это надёжно.
❗️Подписаться на канал
🍾🚜 Шампанскае на жалезнага каня — дапаможа ці не?
На палях — жніво, у галаве — святочны настрой. Калгаснік пад «Матушку землю» аблівае свой камбайн ці то шампанскім, ці то піўком «Аляксандрыя». Традыцыя? Ахвярапрынашэнне тэхніцы?
А можа, надзея, што пена з бутэлькі дапаможа церабіць даўгунец хутчэй, чым у суседа? 😉
Тэхніка ў шоку, план — пад пытаннем. Але настрой, як кажуць, на ўраджай.
Мая Краіна Беларусь
🕯 16 ліпеня 1908 нарадзіўся Юрка Лявонны (Ігар Пратасевіч) — паэт, перакладчык, журналіст, прадстаўнік «маладнякоўцаў».
Паходзіў з сям’і служачага. Вучыўся ў Чавускай сямігодцы, Магілёўскім педтэхнікуме, Мінскім педінстытуце — адкуль быў выключаны за "контррэвалюцыйныя вершы", але пазней аднавіўся. Скончыў літаратурны факультэт у 1934-м.
Сябра Саюза пісьменнікаў БССР. Працаваў у рэдакцыях «Магілёўскі селянін», «Звязда», «Работніца і калгасніца Беларусі». У суаўтарстве пераклаў «20 000 лье пад вадой» Жуля Верна.
🎵 Некаторыя вершы Лявоннага пакладзены на музыку Мікалаем Чуркіным, Несцерам Сакалоўскім, Ісакам Любанам.
✊ Арыштаваны 30 кастрычніка 1936. Адзіны з падследных, хто не абмовіў Цішку Гартнага.
Прыгавораны да расстрэлу 28 кастрычніка 1937 — як «член шпіёнска-дыверсійнай арганізацыі».
Расстраляны. Рэабілітаваны ў 1957 годзе.
Мая Краіна Беларусь
💬 Жонка ваяра просіць дапамогі!
23-гадовая Арына Фёдарцова засталася адна: яе муж, ваяр Палка Каліноўскага, знік без вестак падчас баявой задачы. У Беларусь — вяртацца небяспечна, ва Украіне — без легальнага статусу і сродкаў да існавання.
Арына збірае дакументы на ВНЖ і просіць дапамогі на юрыдычныя паслугі, жытло і ежу. Калі маеце магчымасць — падтрымайце 🙏
Мая Краіна Беларусь