MIRARABMADRASA.UZ

19 ноября 2023 09:56

#Видеолар

НАБОТОТНИ АВАЙЛАБ АСРАЙЛИК!

Отабек домла Авезов Бухоро шаҳар бош имом хатиби ва Бухоро шаҳар "Масжиди Баланд" жомеъ масжиди имом хатиби Миршод домла Саидов билан суҳбат

Яқинларингизга улашинг:
📱 t.me/mirarabmadrasaofficial
🌐 www.taplink.cc/mirarabmadrasa

MIRARABMADRASA.UZ

19 ноября 2023 05:41

📱 t.me/mirarabmadrasaofficial
🌐 www.taplink.cc/mirarabmadrasa

MIRARABMADRASA.UZ

18 ноября 2023 13:59

📱 t.me/mirarabmadrasaofficial
🌐 www.taplink.cc/mirarabmadrasa

MIRARABMADRASA.UZ

18 ноября 2023 09:14

#Кун_тарихи #Байроқ #32_йил

🇺🇿 Ўзбекистон Республикаси Олий Кенгашининг 1991 йил 18 ноябрдаги навбатдан ташқари VII сессиясида тасдиқланган Давлат байроғи – мамлакат давлат суверенитетининг рамзи ҳисобланади.

Бу йил “Давлат байроғи тўғрисида”ги қонуни қабул қилинганлигига 3️⃣2️⃣ йил тўлди.

🟦 Байроқдаги мовий ранг – тириклик мазмуни акс этган мангу осмон ва оби-ҳаёт рамзи. Бу яхшиликни, донишмандликни, ҳалолликни, шон-шуҳрат ва садоқатни билдиради.

⬜️ Оқ ранг – тинчлик рамзи бўлиб, поклик, беғуборлик, софликни, орзу ва ҳаёллар тозалиги, ички гўзалликка интилишнинг тимсоли.

🟩Яшил ранг – табиатнинг янгиланиш рамзи бўлиб, навқиронлик, умид ва шодумонлик тимсоли.

🟥 Қизил чизиқлар – вужудимизда жўшиб оқаётган ҳаётий қудрат ирмоқларини англатади.

🌙 Ярим ой тасвири тарихий анъаналаримиз билан боғлиқ.

⭐️ 2 юлдуз ўзбек халқи маданиятининг қадимийлиги, унинг комилликка, ўз тупроғида саодатга интилиши рамзидир.

Яқинларингизга улашинг:
📱 t.me/mirarabmadrasaofficial
🌐 www.taplink.cc/mirarabmadrasa

MIRARABMADRASA.UZ

18 ноября 2023 08:03

#tafakkur

Дарахт ҳам Аллоҳнинг мўъжизасидир

Инсон доим ҳам атрофидаги мўъжизалар ҳақида чуқур ўйлаб кўрмайди. Мисол учун, дарахтларни олинг. Биз фақат унинг мевасини териб ейишни биламиз холос. Лекин камдан-кам ҳолларда дарахтнинг ўзи қандай озиқланиши ҳақида фикр юритамиз.
Олимлар дарахт танасидаги майда найчалар орқали озиқ-овқатлар тепага кўтарилишини айтадилар. Буни исботлаш учун катта бир идишга сув солиб унга майда ва ингичка найчаларни қўядилар. Қарабсизки сув тепага кўтарилади. Яъни, сирт таранглиги деган қонуният асосида суюқликлар ингичка найлар орқали тепага кўтарилади.
Бу ерда ҳеч қандай оламшумул нарса йўқ дея бошқаларни ишонтиришга уринадилар. Бироқ улар дарахтнинг озиқланишидаги энг муҳим жиҳатни эътибордан четда қолдирадилар. Яъни, ингичка найлар сувдаги моддаларни қандай қилиб бир-биридан ажратади? Қандай қилиб бир хил сув ичган ва озуқадан қувват олган дарахтлар турли мева бериши мумкин?
Сабаби - ҳар бир ўсимлик ўғитлардан ўзига мос озуқаларни ажратиб олади. Шунинг учун бир жойда ўсган ўсимликларни кўрсангиз бирининг меваси ширин бўлса, бошқасиники нордон бўлади, бириники катта бўлса, бошқасининг меваси кичкина бўлади. Ҳатто рангларида ҳам турли-туманликни кўришимиз мумкин.
Аллоҳ таоло бундай марҳамат қилади: “Шунингдек, узумлар, боғлар, экинзорлар, шохлаган ва шохламаган хурмозорлар бўлиб, бир хил сув ила суғориладилар ва уларнинг баъзиларининг мевасини бошқасидан афзал қилурмиз. Бунда албатта ақл ишлатувчи қавмлар учун оят-белгилар бордир” (Раъд сураси, 4-оят).

Шайх Муҳаммад Мутавалли Шаъровийнинг
“Аллоҳнинг борлигига ақлий далиллар” номли китобидан олинди.

Яқинларингизга улашинг:
📱 t.me/mirarabmadrasaofficial
🌐 www.taplink.cc/mirarabmadrasa

MIRARABMADRASA.UZ

18 ноября 2023 03:05

Ассалому алайкум ва раҳматуллоҳи ва барoкaтуҳ, Аллоҳ таоло бугунги кунимизни хайрли қилсин!

📆 Бугун — шанба:
18 ноябрь, 2023 м;
04 жумодул аввал, 1445 ҳ:

Маҳзун бўлма,чунки қазойи қадар қалами ишини битирган!Гуноҳ қилган бўлсанг,тавба қил!Маҳзун бўлма,сенда энг катта неъмат бор,сен мусулмонсан.

MIRARABMADRASA.UZ

17 ноября 2023 11:15

#Maqola

JAHOLATNI YENGISHNING BIRDAN BIR MANBAI-ILM

Ilmni ziyo, Quro`nni nur qilgan olamlarning robbisi Аlloh taologa bitmas tuganmas hamdu sanolar bo`lsin! Barcha Paygʼambarlarning sayyidi, janobi Paygʼambarimiz Muhammad sollallohu alayhi vasallam va ul zoti muborakning butun oila a`zolari va as`hoblariga salvotu salomlar boʼlsin!
Bugungi globallashuv jarayonida insoniyatning ijtimoiy-iqtisodiy rivojlanishi tubdan o‘zgarib ketdi. Yangi texnologiyalar, kundan kun o`zgarib borayotgan internet va simsiz aloqa vositalari insonlar uzog`ini yaqin, dunyoning turli chekkasidagi kishilar muloqotini yengil qilishda xizmat qilmoqda. https://mirarabmadrasa.uz/uz/news/420

Mir arab o`rta maxsus islom bilim yurti
oqituvchisi A.Mustafoyev ma`lumotlar
asosida tayyorladi


Яқинларингизга улашинг:
📱 t.me/mirarabmadrasaofficial
🌐 www.taplink.cc/mirarabmadrasa

MIRARABMADRASA.UZ

17 ноября 2023 08:54

Ким Қаҳф сурасини жума куни қироат қилса...

Расулуллоҳ соллаллоҳу алайҳи васаллам: "Ким Қаҳф сурасини жума куни қироат қилса, унга икки жума орасича нур зиё сочади", дедилар.

Яқинларингизга улашинг:
📱 t.me/mirarabmadrasaofficial
🌐 www.taplink.cc/mirarabmadrasa

MIRARABMADRASA.UZ

16 ноября 2023 18:41

Жума айёмингиз муборак бўлсин!

Анас розияллоҳу анҳудан ривоят қилинади:
Расулуллоҳ соллаллоҳу алайҳи васаллам:
«Ким жума куни бомдод намозидан олдин:

​ أسْتَغْفِرُ اللهَ الَّذِي لاَ إِلَهَ إِلاَّ هُوَ الْحَيُّ القَيُّومُ وَأَتُوبُ إِلَيْهِ

«Астағфируллоҳаллазий лаа илаҳа иллаа ҳувал ҳаййул қоййум ва атубу илайҳ»,
деб уч марта айтса, Аллоҳ таоло унинг гуноҳларини денгиз кўпигича бўлса ҳам, кечириб юборади», дедилар.

Маъноси: Ҳай ва қаййум сифатли Зотдан бошқа илоҳ йўқ ва Унга истиғфор айтаман, Унга тавба қиламан.

Ибн Сунний ривояти.



Яқинларингизга улашинг:
📱 t.me/mirarabmadrasaofficial
🌐 www.taplink.cc/mirarabmadrasa

MIRARABMADRASA.UZ

16 ноября 2023 09:49

#Видеолавҳа

152. ШАЪБОН ОЙИНИНГ ФАЗИЛАТЛАРИ

#Савол

Яқинларингизга улашинг:

MIRARABMADRASA.UZ

16 ноября 2023 08:17

📱 t.me/mirarabmadrasaofficial
🌐 www.taplink.cc/mirarabmadrasa

MIRARABMADRASA.UZ

16 ноября 2023 07:46

Mir Arab o'rta maxsus islom ta'lim muassasasida 16-noyabr "Xalqaro diniy bag'rikenglik" kuni munosabati bilan "Diniy bag'rikenglik-tinchlik va taraqqiyot garovi" mavzusi ostida davra suhbati bo'lib o'tdi.
Unda ta'lim muassasasi ustoz-mudarris va talabalari ishtirok etishdi.
Tadbirda mehmon sifatida Buxoro viloyatidagi "Hoji Bahrom" shialar masjidi imom-xatibi Rustam Rahimov taklif etildi.
Tadbirda diniy bag'rikenglik, yurtimizda faoliyat yuritayotgan diniy konfessiyalar, O'zbekiston Respublikasi Konstitutsiyasi va Qonunlarida bag'rikenglikning huquqiy asoslari to'g'risida fikr bildirildi. O‘zbekistonda turli dinlarga mansub qadriyatlarni asrab-avaylashga, barcha fuqarolarga o‘z e’tiqodini amalga oshirish uchun zarur sharoitlarni yaratib berishga, dinlar va millatlararo hamjihatlikni yanada mustahkamlashga, ular o‘rtasida qadimiy mushtarak an’analarni rivojlantirishga alohida e’tibor qaratib kelinayotgani ta'kidlandi.

Yoshlar bilan ishlash, ma'naviyat va ma'rifat bo'limi.

🌐 www.taplink.cc/mirarabmadrasa

MIRARABMADRASA.UZ

16 ноября 2023 06:15

#tafakkur

Кўзимизга кўринмаса, у йўқ дегани эмас!

“Осмонлар-у ердаги нарсалар, иккисининг ўртасидаги ва тупроқ остидаги нарсалар ҳам Уникидир” (Тоҳа сураси, 6-оят).
Ушбу ояти карима нозил бўлганига ўн тўрт асрдан ошди. Ояти каримадаги “тупроқ остидаги нарсалар” ҳақида кўпчилигимиз фикр юритиб кўрмаган бўлсак керак.
Тупроқ, ер остидаги нарсалар яқин кунларгача биз учун номаълумлигича қолганди. Лекин Аллоҳ таоло бизга унинг остидаги яширин хазиналарни топиб, улардан фойдаланишимизни хоҳлади. Олтин, кумуш, темир каби нафис ва қимматбаҳо маъданларни кашф қилдик.
Аллоҳ таоло кўзимизга кўринмаган нарсалар аслида ҳам йўқ бўлавермаслигига яна бир далил келтирди. Бу дунёда ҳеч ким ер ости бойликларини “мен яратганман” деб айта олмайди. Ҳатто энг катта олимлар ҳам бундай даъвони қила олмайдилар. Нефт конларини, олтин, кумушга ўхшаган қимматбаҳо маъданларни ҳеч ким ихтиро қилмаган.
Ер остида ҳали биз билмаган бойликлар ҳам бордир. Кўзимиз кўрмасада Аллоҳ таоло уларни яратгандан бери улар тупроқ остида турган. Улар яқинда пайдо бўлиб қолмаган, уларни инсон зоти яратмаган. Демак, Аллоҳ таоло бизга яна бир бор ўша ҳақиқатни исботламоқда: кўзимизга кўринмаган нарса аслида ҳам йўқ бўлавермайди.

Шайх Муҳаммад Мутавалли Шаъровийнинг
“Аллоҳнинг борлигига ақлий далиллар” номли китобидан олинди.

Яқинларингизга улашинг:
📱 t.me/mirarabmadrasaofficial
🌐 www.taplink.cc/mirarabmadrasa

MIRARABMADRASA.UZ

16 ноября 2023 05:58

🌙 РАСУЛУЛЛОҲ СОЛЛАЛЛОҲУ АЛАЙҲИ ВАСАЛЛАМНИНГ АЪРОБИЙГА БЕРГАН ЖАВОБЛАРИ

📿 Ушбу 3 зикр сабабли Аллоҳ таоло сизни кечиради, сизга раҳм қилади ва ризқингизни кенг қилади.

🤲 Аллоҳ таоло барчамизни Ўзини кўп зикр қилувчи зокир бандаларидан қилсин.

Muslim.uz
Яқинларингизга улашинг:
📱 t.me/mirarabmadrasaofficial
🌐 www.taplink.cc/mirarabmadrasa

MIRARABMADRASA.UZ

16 ноября 2023 04:25

Бир куни Довуд Тоий қон олдирди ва қон олувчига бир динор берди. Унга : “Бу исрофку?!”, дейилганда, у: “Муруввати йўқ инсоннинг ибодати ҳам йўқ”, деди.

MIRARABMADRASA.UZ

19 ноября 2023 06:51

#tafakkur

Қуръондаги ҳомилага оид оятлар

“Қасамки, батаҳқиқ инсонни лой сулоласидан яратдик. Сўнгра уни мустаҳкам қароргоҳда нутфа қилдик. Сўнгра нутфадан алақа (зулукка ўхшаш) яратдик, алақадан чайналган гўшт яратдик, чайналган парча гўштдан суяк яратдик, бас суякка гўшт қопладик. Сўнгра уни бошқа бир жонзот этиб пайдо қилдик...” (Мўминун сураси, 12-14 – оятлар).
Ҳомила ҳақида тўлиқ тасаввурга эга бўлган олим бу ояти карималарни ўқиб иймон келтирмасдан иложи қолмайди. Канадалик профессор Кейс Мур ҳомила бўйича дунёдаги энг катта олимлардан бири. Унинг айтишича ҳомила дастлабки босқичда зулукка ўхшаган шаклда бўлар экан. Ояти каримада келган “алақа” сўзининг яна бир маъноси эса, “қотиб қолган қон” деган маънони англатади. Бундан ташқари бу босқичда фақат ҳомила эмас, майда томирлардаги қонлар ҳам ҳаракатдан тўхтаб турар экан.
Аллоҳ таоло бундай марҳамат қилади: “Шаклланган ва шаклланмаган чайналган гўшт (бўлур)” (Ҳаж сураси, 5-оят).
Ҳомила музға, яъни чайналган гўшт босқичига келганда унда айрим аъзолар шаклланган ва айримлари шаклланмаган бўлар экан. Профессор Кейс Мурнинг айтишича, ҳомила бу пайтга келиб айни Қуръонда айтилганидек чайналган гўшт шаклига келади ва айрим аъзолар ҳам шаклланиб улгурган бўлади. Агар оятда фақат “шаклланган” деган сўз ишлатилганида бу ифода нотўғри бўлган бўлар эди. Бироқ бутун оламларнинг Яратувчиси яратган нарсаларини ҳаммадан яхшироқ билади.

Шайх Муҳаммад Мутавалли Шаъровийнинг
“Аллоҳнинг борлигига ақлий далиллар” номли китобидан олинди.


Яқинларингизга улашинг:
📱 t.me/mirarabmadrasaofficial
🌐 www.taplink.cc/mirarabmadrasa

MIRARABMADRASA.UZ

19 ноября 2023 03:05

Ассалому алайкум ва раҳматуллоҳи ва барoкaтуҳ, Аллоҳ таоло бугунги кунимизни хайрли қилсин!

📆 Бугун — якшанба:
19 ноябрь, 2023 м;
05 жумодул аввал, 1445 ҳ:

Охирги нафасингизда кимга эҳтиёжингиз бўлса ва ундан кейин кимга муҳтож бўладиган бўлсангиз, шу билан машғул бўлинг. Унга ўзингизни севдиришга ҳаракат қилинг.
                      Баҳоуддин Нақшбандий қ.с.

MIRARABMADRASA.UZ

18 ноября 2023 09:49

САЖДАИ ТИЛОВАТ ҚАНДАЙ ҚИЛИНАДИ?
#саждаи_тиловат

❓154 -CАВОЛ:
Сажда оятларини эшитган киши қандай тартибда сажда қилади?

💬 ЖАВОБ:
Бисмиллаҳир роҳманир роҳим
Қуръони каримнинг қуйидаги 14 та сурасида сажда оятлари бор:

1. Аъроф – 206-оят,
2. Раъд – 15
3. Наҳл – 50
4. Исро – 107
5. Марям – 58
6. Ҳаж – 18
7. Фурқон – 60
8. Намл – 25
9. Сажда – 15
10. Сод – 24
11. Фуссилат – 37
12. Нажм – 61
13. Иншиқоқ – 21
14. Алақ – 19

Мана шу оятлардан бирини ўқиган ёки эшитган киши (форсча ўқиса ҳам) маъносини тушунадими ёки йўқми, эшитишни хоҳлаганми ёки йўқми, тиловат саждасини қилиши вожиб бўлади. Фақатгина ҳайз кўрган ва нифос ҳолатидаги аёллар бу оятларни эшитсалар сажда қилмайдилар. Таҳоратсиз ёки жунуб киши сажда оятларини эшитса, сажда қилиши вожиб бўлади (яъни, поклангач, сажда қилади). Тиловат саждасини кечиктириш танзиҳий макруҳ ҳисобланади (яъни, имкони борича тезроқ қилгани яхши).

Абу Ҳурайра розияллоҳу анҳудан ривоят қилинади. Расулуллоҳ саллаллоҳу алайҳи васаллам бундай дедилар:

عن أبي هريرة قال قال رسول الله صلى الله عليه و سلم إذا قرأ بن آدم السجدة اعتزل الشيطان يبكي يقول يا ويله أمر بالسجود فسجد فله الجنة وأمرت بالسجود فعصيت فلي النار

“Одам боласи сажда (ояти)ни ўқиганда шайтон ундан йиғлаб узоқлашади. Айтадики, эй воҳ! (инсон) саждага буюрилди ва сажда қилди, унга жаннат бўлди. Сажда қилишга буюрилдим ва осийлик қилдим, дўзахий бўлдим” (Имом Аҳмад ибн Ҳанбал ривояти).

Тиловат саждасини қилиш учун худди намоздаги каби, таҳоратли ҳолатда, бадан, кийим, жой пок бўлиши шарт. Қиблага қараб турилади. Қалб билан ният қилиниб, тил билан: “Аллоҳ таоло учун тиловат саждаси қилишни ният қилдим”, дейилади ва қўл кўтармасдан “Аллоҳу акбар”, деб саждага борилади. Худди намоздагидек суннатга мувофиқ бир марта сажда қилинади, саждада камида уч марта “Субҳана роббиял аъла”, айтилади. Саждадан бош кўтарганда “Аллоҳу акбар” деб ўриндан туриш, кейин яна ўтириш мустаҳабдир. Тиловат саждасида ташаҳҳуд ўқилмайди, салавот ва салом берилмайди.

Тиловат саждасини намозни бузувчи нарсалар бузади.
/channel/diniysavollar/180

Сажда оятларини ёзиш билан тиловат саждаси вожиб бўлмайди. Намозда ўқилган сажда ояти намозда адо қилинади. Сажда оятига келганда битта сажда қилиб, сўнг турилади ва қироат келган жойидан давом эттирилади. Намоздан ташқарида эса, сажда оятини ўқиган киши олдинга чиқиши, эшитганлар орқада саф бўлиб сажда қилишлари мустаҳабдир.

Битта оятни бир жойда ўтириб қанча ўқиса ҳам битта сажда қилинади. Лекин, бир оят турли жойларда ўқилса, жойнинг сони, ёки битта жойда турли оятларни ўқиса, оятларнинг сонига қараб сажда қилинади.

Битта хона ва масжиднинг турли жойлари ҳам битта жой ҳисобланади. Бир жойда кўп ўтирса, бир луқма еса ёки бир қултум сув ичса, ўрнидан турса, ёки бир-икки қадам юрса ҳам жой битта ҳисобланади. Тасбеҳ, таҳлил ва қироатга машғул бўлиб қолса ҳам, жой ўзгарган ҳисобланмайди.

Кўп ишга киришса: кўп еса, чалқанча ётиб ухласа ёки савдо қилса, жой ўзгарган ҳисобланади ва кейинги тиловатига яна сажда қилиши вожиб бўлади (“Мароқил фалаҳ”, “Фатавои ҳиндия”). Валлоҳу аълам.

Ўзбекистон мусулмонлари идораси
фатво ҳайъати. #Савол

Яқинларингизга улашинг:

MIRARABMADRASA.UZ

18 ноября 2023 08:12

🕋 ЎЗБЕКИСТОН МУСУЛМОНЛАРИ ИДОРАСИ ҲАЖ ВА УМРА МАРКАЗИ - УМРА ДАСТУРИ

🕌 Мадинада - “Saraya Harmony Madinah” меҳмонхонаси - Ҳарам масжидидан 100 метр;

🕋 Маккада - “Olayan Almasi Makkah” меҳмонхонаси - Ҳарам масжидидан 1,7 км.

🚌24 соат Ҳарамга қатновчи бепул Замонавий автобуслар;

🛏 Жойлаштириш бир хонада 3-4 киши;

🍲 3 маҳал иссиқ овқат, ширинлик ва сархил мевалар;

🛫 Дастур 10 кун;

👨‍🏫 Доимий ишчи гуруҳи +Фатво маркази мутахассиси;

💊Тиббиёт маркази (Соғликни сақлаш вазирлиги томонидан ажратилган ходимлар)

✅ Гуруҳ раҳбари (расмий имом-хатиб);

🌙 Макка ва Мадина шаҳарларида муқаддас қадамжоларга зиёрат;

🎁 Ҳадялар;

✈️ Тошкент-Жидда-Тошкент авиачипта (Uzbekistan Airways);

☎️ Мурожаат учун:
Ўзбекистон мусулмонлари идораси Ҳаж-Умра маркази
+998998821858  +998770851858

#safo #marva #umra #tur #qollanma #ibodat #madina #makka #islom #hajvaumra

➡️ https://taplink.cc/hajumrauz

✅Обуна бўлинг ва улашинг!
Instagram: hajumrauz
➡️ @hajumrauz | @muslimuzportal

MIRARABMADRASA.UZ

18 ноября 2023 06:06

Яқинларингизга улашинг:
📱 t.me/mirarabmadrasaofficial
🌐 www.taplink.cc/mirarabmadrasa

MIRARABMADRASA.UZ

17 ноября 2023 11:45

https://www.youtube.com/watch?v=hD3fUXKUd2o&t=27s

MIRARABMADRASA.UZ

17 ноября 2023 09:49

#Видеолавҳа

153. НИМА УЧУН МУСУМОНЛАР ГУНОҲ ИШЛАРНИ ҚИЛИШМОҚДА?

#Савол

Яқинларингизга улашинг:

MIRARABMADRASA.UZ

17 ноября 2023 06:15

#tafakkur

Борлик мўъжизаларга тўла

Аслида борлиқ Аллоҳ таолонинг борлигини исботловчи мўъжизаларга тўла. Фақат биз билмаслигимиз мумкин. Аллоҳ таолонинг мўъжизалари сон-саноқсиздир. Ерда юрсангиз ҳам, тоғ-у тошларга чиқсангиз ҳам кўплаб мўъжизаларнинг гувоҳи бўласиз. Ҳатто денгиз остига шўнғисангиз ёки осмонга кўтарилсангиз ҳам мўъжизаларга тўла ҳолатга дуч келаверасиз.
Ернинг қаърига тушсангиз чексиз мўъжизаларни кўрасиз. Тоғнинг устида ўсиб турган кичкинагина дарахт ҳам мўъжиза аслида. Бир қараганга тоғ устидаги дарахтнинг танаси мулойим, юмшоқ. Ҳатто қўлингизни ҳам тутиб тура олмайдиган даражада нимжон бўлади. Бироқ шу ҳолатида тошларни теша олади. Тошни ёриб, устидан униб чиққан. Томири тоғларнинг ичигача кириб, у ердан озиқланади.
Ажабланасиз. Қандай қилиб нимжонгина дарахт тошни ёриб чиқиши мумкин. Бир ўзингиз тошни ёраман десангиз бунга қанча куч ва аслаҳалар керак бўлади. Лекин сиз Аллоҳ ўша ўсимлик учун тошни юмшоқ қилиб қўйганини ўйлайсиз. Унинг илдизлари учун тоғни юмшоқ қилиб қўйган ҳам Аллоҳ таолодир.
Тўғри, бу жараённи исботлаш учун катта илмий кузатув керак бўлади. Бироқ, яхшилаб фикр юритиб ҳам бундай нарсаларнинг нақадар буюк мўъжиза эканини билиш қийин эмас. Ер юзида Аллоҳнинг ягоналигини исботловчи мўъжизалар шу қадар кўпки Аллоҳнинг қудратига тан бермай иложимиз йўқ. Бу нарсаларни билиш ҳам аслида илм ҳисобланади. Аллоҳ таоло бундай марҳамат қилади:
﴿إِنَّمَا يَخْشَى اللَّهَ مِنْ عِبَادِهِ الْعُلَمَاءُ﴾
“Аллоҳдан фақат олим бандаларигина қўрқади” (Фотир сураси, 28-оят).
Аллоҳ таоло нима учун фақат олимлар қўрқишини айтди? Чунки олимларгина ер юзидаги мўъжизалар ҳақида чуқур тафаккур қиладилар. Борлиқдаги ажойиботлар нақадар пухта ва бетакрор яратилганига гувоҳ бўлганлари учун ҳаммадан ҳам олдин улар Аллоҳни тан оладилар. Лекин шунда ҳам айрим моддиятчи олимлар иймон келтириш ўрнига дин ва иймон устидан кулишга ҳаракат қиладилар. Ўзларича борлиқнинг бор синоатини кашф қилдик деб ҳисоблайдилар. Бироқ инсон ҳатто ўзидаги сир синоатларнинг ҳам охирига ета олмайди.

Шайх Муҳаммад Мутавалли Шаъровийнинг
“Аллоҳнинг борлигига ақлий далиллар” номли китобидан олинди.

Яқинларингизга улашинг:
📱 t.me/mirarabmadrasaofficial
🌐 www.taplink.cc/mirarabmadrasa

MIRARABMADRASA.UZ

16 ноября 2023 10:49

Бухоро намоз вақтлари 17-23 ноябрь кунлари учун

Яқинларингизга улашинг:
📱 t.me/mirarabmadrasaofficial
🌐 www.taplink.cc/mirarabmadrasa

MIRARABMADRASA.UZ

16 ноября 2023 08:36

#Конференция
#Халқаро_бағрикенглик

Бугун 16.11.2023 йил, Мир Араб олий мадрасасиданинг катта мажлислар залида Дин ишлари бўйича қўмита ҳамда Бухоро вилояти ҳокимлиги ҳамкорлигида бағрикенлик ҳафталиги доирасида "16 ноябр — Халқаро бағрикенглик куни" га бағишланган видеоконференция бўлиб ўтмоқда.
Видеоконференцияда Мир Араб ўрта махсус ислом таълим муассасаси талабалари ҳам иштирок этмоқдалар.

Яқинларингизга улашинг:
📱 t.me/mirarabmadrasaofficial
🌐 www.taplink.cc/mirarabmadrasa

MIRARABMADRASA.UZ

16 ноября 2023 08:15

Президент Шавкат Мирзиёев Сурхондарё вилоятига келиб, буюк олим Ҳаким ат-Термизий мақбарасини зиёрат қилди. Қуръон оятлари тиловат этилиб, Аллоҳдан юртимизга тинчлик, халқимизга фаровонлик тилаб дуо ўқилди.
—
По прибытии в Сурхандарьинскую область Президент Шавкат Мирзиёев посетил мавзолей великого богослова Хакима ат-Термизи. Были прочитаны аяты из Корана, дуа с просьбой к Всевышнему ниспослать мир и благополучие нашему народу.

#Mirziyoyev #safar #Surxondaryo #ziyorat

Prezident.uz|Facebook|Instagram|YouTube|Twitter

MIRARABMADRASA.UZ

16 ноября 2023 07:00

Ахборот 24 |«Диний бағрикенглик» кўкрак нишони ўз эгаларига топширилди

#14nov #uzbekiston24

🌐 Дин ишлари бўйича қўмита
Ахборот хизмати

Яқинларингизга улашинг:
📱 t.me/mirarabmadrasaofficial
🌐 www.taplink.cc/mirarabmadrasa

MIRARABMADRASA.UZ

16 ноября 2023 06:02

#MUNOSABAT

🔰Bag‘rikenglik haftaligi haqida

🔷Homidjon Ishmatbekov,
O‘zbekiston musulmonlari idorasi raisining birinchi o‘rinbosari

Яқинларингизга улашинг:
📱 t.me/mirarabmadrasaofficial
🌐 www.taplink.cc/mirarabmadrasa

MIRARABMADRASA.UZ

16 ноября 2023 05:26

Яқинларингизга улашинг:
📱 t.me/mirarabmadrasaofficial
🌐 www.taplink.cc/mirarabmadrasa

MIRARABMADRASA.UZ

16 ноября 2023 03:27

Ижобат бўлган дуо

Нуҳ алайҳиссалом бор йўғи тўрт калимадан иборат дуо билан Ер куррасини сувга ғарқ қилдилар:
أَنِّى مَغْلُوبٌ فَٱنتَصِرْ
“Мен мағлубдирман, ёрдам қилгин!” (Қамар сураси, 10-оят).

Сулаймон алайҳиссалом эса, бор йўғи учта калимадан иборат дуо билан Ер юзига ҳукмрон бўлдилар:
وَهَبْ لِى مُلْكًا
“Менга мулк (ҳукмронлик) бергин!” (Сод сураси, 35-оят).

Демак, бирор нарсага эришмоқ, таъсир этмоқ, асар қолдирмоқ учун узундан узоқ дуога ҳожат йўқ экан. Бор йўғи, Аллоҳга ихлос ва ишонч билан чин дилдан дуо қилинса, бас. Зеро, Аллоҳ таоло ваъда берган:
ٱدْعُونِىٓ أَسْتَجِبْ لَكُمْ
“Менга дуо қилингиз, Мен (дуоларингизни) ижобат қиламан” (Ғофир сураси, 60-оят).

📱 t.me/mirarabmadrasaofficial
🌐 www.taplink.cc/mirarabmadrasa