Telegram-канал men_kol_haja_heta - 🌸 من كل حاجة حتة 🌸: Неотсортированное

🌸 من كل حاجة حتة 🌸

10 ноября 2020 11:48

قالوا ود الرضي لمن كتب اغنية (أنا في التمني ) ..
إتهموه الخصوم بالفسوق والصعلكه .. في إنه كيف يقول ( أقيس الفم بودعه وألقي الودع واسع )
شاكلوه ومسحو بيو البلاط.
وقالوا ليه :
انت زااااتك شفت خشما دا وين؟ لمن عرفتو قدر شنو (وخصوصا انه البنات في الوقت داك متبلمات وبتغطو ويظهرو عيونهم بس ذي النقاب ..)
قام رد ليهم ود الرضي وقال :
البت دي انا صراحه ما شفت خشما والله ، كل الحكايه جات داخله الحفله ، وكانت ترقص في السباته وشفت اثر كرعينا في الرمله .. وقديما (متبور) يعني صغير ومقعر للداخل يعني محفور..
والقدم المتبور دا تلزمو الساق الملانه .. والساق الملانه يلزما الردف الملان .. والردف الملان يلزمو الضهر الطويل ..
ومافي ضهرا طويل رقيبتو قصيره .. يعني ضهرا طويل ورقبتا طويله .. والرقبه الطويله يلزما الشعر الطوال ..
والشعر الطوال معرووووووف من الجاهليه يشد النخره ويصغر الخشم
بالله لاقاكم علم تشريح ذي دا ؟😅😅 👇👇
:
( أنا في التمني )
💟💟💟💟💟💟
أنـا فــي التمـنـي
ديـمـه هديـلـي سـاجـع
مـا لقيـت لـي مغيـث
ولا لقيـت لـي مـراجـع
**
داير أشوف حبيبي
اليوم داك .. شفته
رايق ودمعه ناقع
أسـود شعـرو حالـك .
. أمــا صـفـاره فـاقـع
تتلاصـف خــدودو .
. لا حـجـاب ولا بـراقـع
أشوف لعسـو ونواعسـو ..
جـل البـاري صانـع
أشوف في خدو شخصي .
. وفي صـدري المضـارع
**
يفـر خيـت بسمـه
يشبـه.. برقـا ً ليلـو هاجـع
يرفـع لـي رشاشـو ..
يسـبـل نـظـره واقــع
دايـر أشوفـو غافـل ..
ودايـر أشوفـو جــاذع
يتغطـى بـي سواعـدو ..
ويحنـو كأنـه واجــع
ويلتجـى بـى مرافقـو .. وأطــراف المضـاجـع
وتتلـب فــوق شفاهـهـو ..
لـؤلـؤة المـدامـع
يـردد لـي نغيمـا ً .
. تشـتـاق لــه المسـامـع
**
أعاين فيهو وأضحـك ..
وأجـري وأجيهـو راجـع
أقيـس بالليـل شعـرو ..
ألقـى الفـرق شـاسـع
أقيـس الفـم بودعـة ..
الـقـى الــودع واســع
ده مـا بيلقـاهـو زول .
. زي الصـيـده نـاجـع