Mehrob.uz
24 января 2018 07:49
Иймон калимаси ва қадар ҳақида.
@
Читать полностью…
Mehrob.uz
24 января 2018 04:03
Уйдан чиқиш дуоси:
1. Умму Салама розияллоҳу анҳа айтадилар:
«Росулуллоҳ соллаллоҳу алайҳи васаллам менинг уйимдан тонгда чиқар эканлар, нигоҳларини осмонга қаратиб, қуйидаги дуони қилар эдилар:
اللهُمَ إني أعُوذُ بِكَ أن أَضلَّ أوْ أُضَلَّ أَوْ أزلَّ، أو أُزلَّ، أوْ أظلِم أوْ أُظْلَم، أوْ أَجْهَلَ أوْ يُجْهَلَ عَلَيَّ."
«Аллоҳим! Мен Сендан адашишдан ва адаштиришдан, тойилишдан ва тойдиришдан, зулм қилишдан ва зулмга қолишдан, жоҳиллик қилишдан ва жоҳилликка йўлиқишдан паноҳ сўрайман».
Тобароний ривояти.
2. Росулуллоҳ соллаллоҳу алайҳи васаллам айтадилар:
«Киши уйидан чиққан пайтида:
بِسمِ اللهِ، تَوَكَّلْتُ عَلَى اللهِ، وَلا حَولَ وَلا قُوَّةَ إلاَّ باللهِ.
«Аллоҳнинг номи билан. Аллоҳга таваккал қилдим. Ўзгартириш ҳам, қувват ҳам фақат Аллоҳ ила бўлур», деса, ўша пайтда унга «Ҳидоят қилиндинг, кифоя қилиндинг, ҳимоя қилиндинг», дейилади. Шайтон ундан четланади. Бошқа бир шайтон унга (биринчи шайтонга): «Ҳидоят қилинган, кифоя қилинган, ҳимоя қилинган кишига ҳолинг не», дейди».
Абу Довуд.
Каналга уланиш👇
https://telegram.me/joinchat/Amxt4j-ZGmfdTyqsyl79Cw
Читать полностью…
Mehrob.uz
23 января 2018 12:35
БИРОР КИШИДАН РАҲМАТ КУТИБ ЎТИРМА
Аллоҳ бандаларини зикр қилиб Уни эслашлари учун яратди. Бугун махлуқотга Ўзига шукр қилишлари учун ризқ берди. Афсуски кўпчилик Ундан бошқага ибодат қилди, Ундан ўзгага шукр қилди. Чунки тан олмаслик, инкор қилишлик, ноиттифоқлик, неъматни инкор қилиш кишиларнинг нафслари устидан ҳукмрондир. Агар сенинг гўзал ишларингни инкор қилиб, яхшиликларингни тан олмай унутишса, сен улар билан тўқнашиб, жанжаллашиб юрма! Кўпинча улар гина замбаракларидан ўқ отиб, сенга душманчилик қилишади. Чунки сен уларга яхшилик қилгансан. Бошқа айбинг йўқ. Аллоҳ таоло Қуръони каримда: "Улар (мунофиқлар) фақат Аллоҳ ва Унинг Пайғамбари уларни Ўз фазлу карамидан бой-бадавлат қилиб қўйгани учунгина (Аллоҳ ва Унинг пайғамбарини) ёмон кўрдилар, холос" (Тавба сураси, 74-оят).
Дунёдаги архивларини ўқиб ўқиб кўр. Унинг бўлимларида ўғлини тарбиялаб, овқатлантириб, кийинтириб, илм-одоб бериб, боласи ухлаб олиши учун ўзи бедор бўлиб, боласининг қорни тўйиши учун ўзи оч қолиб, боласи роҳатланиши учун ўзи ҳориб-чарчаб юрган отани кўрасан кўрасан. Ўғлининг эса мўйловлари чиқиб, билаги куч-қувватга тўлгач, отасига нисбатан худди қутирган ит каби бўлиб қолади. Отасини назар-писанд қилмасдан, таҳқирлагач отаси оқ қилиб, фарзанд азоб ва балога йўлиқади.
Огоҳ бўлинг! Яхшиликларингиз барбод бўлиб, умидингиз чилпарчин бўлиб синганида, савоб ишлар қилишга интилиб, унинг эвазига бахтга эришинг.
Сен яхшиликни Аллоҳнинг розилиги учун қилсанг, ҳамиша ғалабага эришасан. Шунда ношукрларнинг ношукрлиги, инқор қилувчиларни инкор қилиши сенга зарар бермайди. Сени бошқаларга яхшилик қиладиган этиб қўйгани учун Аллоҳга ҳамд айт. Эҳсон қилувчи қўл тиланчилик қилувчи қўлдан афзалдир.
"Биз сизларни Ёлғиз Аллоҳнинг "юзи" учун таомлантирурмиз. Сизлардан (Бу ишимиз учун) бирон мукофот ва миннатдорчидик кутмасмиз" (Инсон сураси, 9-оят).
Гоҳида кўпгина ақлли кишилар ҳам авомнинг феъл-атворидан жой олган инкор қилиш туйғусини унутиб қўйишади. Гўёки улар кеккайган тоифа ҳақида хабар берилган қуйидаги улуғ ваҳийни эшитишмагандек туришади:
"Энди қачонки ундан мусибатини кеткизсак, гўё (ҳеч қачон) ўзига етган бало-мусибатдан Бизга илтижо қилмагандек (юз ўгириб) кетур. Ҳаддан ошувчи кимсаларга ўз қилмишлари мана шундай чиройли қилиб қўйилди" (Юнус сураси, 12-оят).
Агар сен бир аҳмоққа қалам совға қилсанг, у ўша қаламда сени масхаралаб мақола ёзса ёки бир чўлоқ кишига қийналмай юрсин, деб ҳасса ҳадя қилганингда у ўша ҳасса билан бошингни ёриб қўйса ажабланиб, саросимага тушмагин. Яхши кишилар учун шунга ўхшаш синовлар бўлиб туради.
"Ғам-қайғусиз яшай десангиз (ўксинма)" китобидан.
Каналга уланиш👇
https://telegram.me/joinchat/Amxt4j-ZGmfdTyqsyl79Cw
Читать полностью…
Mehrob.uz
23 января 2018 10:50
Эрига итоатли аёл жаннатийдир
Пайғамбаримиз саллолоҳу алайҳи вассаллам айтдилар: “Агар бирор бандани бошқа бир бандага сажда қилишга буюрган бўлганимда, шубҳасиз, хотинни эрига сажда қилишга буюрган бўлар эдим”. (Термизий ривояти).
Пайғамбаримиз саллолоҳу алайҳи вассаллам:”Агар аёл беш вақт намозни ўқиса, фаржини, иффатини сақласа ва эрига итоат қилса, жаннатнинг истаган эшигидан киради”, дедилар. (Ибн Ҳиббон ривояти).
Аллоҳ таолодан қўрқувчи аёл Аллоҳга ва эрига астойдил итоат қилиши, розилигини қозонишга жидду жаҳд билан ҳаракат қилиши лозим. Зеро, эр аёлнинг жаннати ёки дўзахидир.
Пайғамбаримиз саллолоҳу алайҳи вассаллам айтдилар: “Қайси аёл вафот этса-ю, эри ундан рози бўлса жаннатга киради”. (Термизий ривояти).
“Кўкалдош” ўрта махсус ислом билим юрти талабаси
Ойбек Маърупов
@
Читать полностью…
Mehrob.uz
23 января 2018 07:12
Икки хил зийнатланиш
Мубарриднинг ҳикоя қилишича, қурайшлик бир киши бойиб кетганида энг арзон ва кўримсиз кийимларини, ночор аҳволга тушиб қолганида эса энг қиммат ва чиройли кийимларини кияр экан. Ундан бунинг сабабини сўрашганида: "Бойиганимда сахийлик билан зийнатландим, ночор аҳволга тушганимда кўринишим билан", деб жавоб берган экан.
Каналга уланиш👇
https://telegram.me/joinchat/Amxt4j-ZGmfdTyqsyl79Cw
Читать полностью…
Mehrob.uz
23 января 2018 04:03
Куёв келинни олдига кириши...
@
Читать полностью…
Mehrob.uz
22 января 2018 22:06
АЛЛОҲГА СЕВИМЛИ АМАЛ
Ҳофиз Шамсуддин Саховий айтади: "Машҳур муҳаддис, имом Абу Айюб Сулаймон ибн Довуд Шозкуний вафот этганидан кейин бир киши у зотни тушида кўрди ва: "Аллоҳ сизга қандай муомала қилди?" деб сўради. "Аллоҳ мени мағфират қилди", деб жавоб берди имом. "Бунга қайси амалингиз сабаб бўлди?" деб сўради бояги киши. У зот жавоб берди: "Бир куни Исфаҳонга кетаётган эдим. Йўлда қаттиқ жала қуя бошлади. Ёнимда бир неча китобларим бўлиб, бор фикрим шу китобларда бўлиб қолди. Агар булар нобуд бўлса, бутун борлиғимдан айриладиган даражага тушдим. Йўлим очиқ чўлдан ўтаётгани учун ён атрофимда бирон-бир соябон ёки пана жой йўқ эди.Шунда мен китобларни бағримга босганча имкон қадар ёмғирдан сақлаб қолиш учун рукуъ қилаётган каби букчайиб, эгилиб олдим. Ёмғир тинмай қуяр, мен эса букчайганча китобларимни пана қилиш билан овора эдим. Жала тонгга қадар давом этди. Мен бутун тунни шу ҳолатда ўтказдим. Тонг отганда ёмғир тинди ва шундагина мен қаддимни ростладим. Аллоҳ таолога менинг шу ишим севимли бўлиб, шу амалим туфайли У мени мағфират қилди".
"Кўҳна дунё ривоятлари" китобидан.
@
Читать полностью…
Mehrob.uz
22 января 2018 17:52
МАРҲАМАТНИНГ САБАБИ
Бир куни Ҳасан Басрий йўлда кетаётиб, тупроққа ағанаб ётган бир мастни кўриб қолди. Тепасида бироз қараб турдида, сўнг сув олиб келиб, мастнинг оғиз-бурунларини яхшилаб чайди, юз-қўлини ювди. У одам ҳамон беҳуш ётар эди. Кейин уни йўл четидаги деворга суяб, йўлига кетди. У кишининг бу ишларини кўрган баъзилар:
- Маст одамга нечук бунчалар марҳамат кўрсатдингиз? - деб сўрашди. Шунда Ҳасан Басрий шундай деди:
- Мен унинг намозхон ё тақводор бўлишидан умид қилиб бу ишни қилганим йўқ, балки лой-тупроққа беланган, жирканч ҳолатга келган бадбўй оғзидан "Аллоҳ" деган ном чиқиб кетиши мумкинлигини ўйлаб, оғиз-бурнини тозалаб қўйдим.😢
Хулoса сиздан...
Дўстларингизга ҳам улашинг!
Каналга уланиш учун линкни устига босинг!👇👇👇👇
https://telegram.me/joinchat/Amxt4j-ZGmfdTyqsyl79Cw
Читать полностью…
Mehrob.uz
22 января 2018 14:12
#Янги_лойиҳа
#Mehrob_uz_меҳмони
Тошкент шаҳар, Юнусобод тумани «Масжидул хайр» жоме масжиди имом-хатиби Тоҳир Воҳидов
Мавзу: Пораҳўрлик - гуноҳи кабира
@
Читать полностью…
Mehrob.uz
22 января 2018 04:47
Сурхондарё туман ҳокимлари Шавкат Мирзиёевга туман муаммоларини очиқ-ойдин айтиб беришди.
Каналга уланиш👇
https://telegram.me/joinchat/Amxt4j-ZGmfdTyqsyl79Cw
Читать полностью…
Mehrob.uz
22 января 2018 03:48
Ихлос бор жойда...
@
Читать полностью…
Mehrob.uz
24 января 2018 06:40
НАФСНИНГ НАЙРАНГИ
Ривоят қилинишича, икки бола кўчада ўйнаб юрган экан. Улар узоқ вақт чоп-чоп қилиб, сарчашибди, қоринлари ҳам очиб кетибди. Улар овқатлангани ўтиришибди. Болалардан бирининг қаттиқ нони, иккинчисининг эса ҳолваси бор экан. Ҳар ким ўз озуқаси билан кифояланса, етарли эди. Аммо биринчи бола шеригидаги ҳолвани кўриб, нафси ҳаккалак отди, егиси келиб, тамшанди, охири нафс сўзига кириб, ҳолва эгасидан тиланди.
- Майли, сенга ҳолвадан бераман, фақат битта шартим бор. Менинг итим бўлсанг, шунда ҳолва оласан.
Биринчи бола рози бўлиб, суқли кўзларини ҳолвадан уза олмай, бошини қимирлатди. Аммо шериги мутеълик завқини чўзмоқчи бўлди.
- Итим бўлганингдан кейин вовуллаб бермайсанми?
Бола жон-жаҳди билан итлар каби ҳуришни бошлади.
Қиссадан ҳисса шуки, биринчи боланинг очдан ўлмаслик имконияти - қаттиқ бўлса ҳам нони бор эди. Аммо у қаноат жиловини қўлдан бериб, бир лаҳзали лаззат учун итлик қилди.
"Кўҳна дунё ва ривоятлари" китобидан.
Каналга уланиш👇
https://telegram.me/joinchat/Amxt4j-ZGmfdTyqsyl79Cw
Читать полностью…
Mehrob.uz
24 января 2018 04:34
Оли Имрон сураси, 105-оят.
Ўзларига очиқ баёнотлар келганидан кейин, бўлиниб, ихтилофга тушганларга ўхшаш бўлманглар, ана ўшаларга улуғ азоб бордир.
Яъни "Эй мусулмонлар! Сиз ҳам ўзларига очиқ-ойдин оятлар келганидан кейин бўлиниб, ихтилофга тушган яҳудий ва насороларга ўхшаб бўлиниб, ихтилофга тушманг. Ана ўшаларга ихтилофлари туфайли қиёмат куни улуғ азоб бордир".
@
Читать полностью…
Mehrob.uz
24 января 2018 02:02
ҚАРЗИНИ ТЎЛАШГА ҚУРБИ ЕТМАГАНИДА АЙТИЛАДИГАН ДУО
Али розияллоҳу анҳудан ривоят қилинади. Бир қул озод бўлиши учун шартлашилган баҳодаги маблағни тополмай, ҳазрат Али розияллоҳу анҳу ёрдам сўради. Шунда у зот: «Сенга Расулуллоҳ соллаллоҳу алайҳи васаллам ўргатган калималарни ўргатайми? Агар:
«Аллоҳуммакфиний биҳалалика ъан ҳаромика ва ағниний бифазлика ъамман сивака», яъни: «Ё Раббим, ҳаром (аралаштирмай) ҳалолинг билан менга кифоя эт. Фазлинг ила Ўзингдан бошқалардан беҳожат қил» дуосини ўқиб юрсанг, қарзинг тоғнинг бир тарафича бўлса ҳам, халос бўласан», дедилар. Имом Термизий ривояти.
"Дуо ва зикрлар" китобидан.
Каналга уланиш👇
https://telegram.me/joinchat/Amxt4j-ZGmfdTyqsyl79Cw
Читать полностью…
Mehrob.uz
23 января 2018 17:16
НИЯТИДАН ҚАЙТДИ (таъсирли воқеа)
Болалари оч қолган бир фақир тул хотин бадавлат қўшнисидан ёрдам сўраб келди. Нафсининг қули бўлган қўшни чиройли бу аёлдан яқинлик истади. Аёл номусли, ҳаёли, Аллоҳдан қўрқуви аёл бўлгани учун бу шартга кўнмай чиқиб кетди. Уйига келса, болалари: "Она, очликдан ўлар бўлдик, егани озгина бўлса ҳам овқат йўқми?" деб фарёд кўтаришди. Болаларининг нолаларига чидай олмаган она яна бойникига борди. Бой ўз таклифини яна такрорлади. Ноилож қолган аёл бойнинг шартига кўнди. Хилват бир жойга киришди. Бой қўшни аёлга яқинлашган заҳоти аёл Парвардигордан қўрққанидан бутун вужуди қалтираб, дағ-дағ титрай бошлади. Бой шунда:
- Нега титраяпсан, қўрқма, бу ерда икковимиздан бошқа ҳеч ким йўқ, - деб уни тинчлантирмоқчи бўлди.
- Ҳеч ким йўқлигини биламан, аммо Аллоҳ бор-ку, инсонман деган ҳар бир одам ҳамиша Ундан қўрқиши керак, - деди аёл.
- Эй хоним, Худо сени шунчалик камбағал, ночор қилиб қўйган бўлса-да, сен Унга осийлик қилмай, қўрқяпсан. Менга эса шунча бойлик бериб қўйган бўлса ҳам ношукрлик қилиб, Ундан нега қўрқмайман, - деди ва ўзининг ёмон ниятидан қайтди. Аёл сўраган нарсаларни бериб, ўзи ҳам мамнун ҳолда уни уйига кузатиб қўйди.
"Кўҳна дунё ва ривоятлари" китобидан.
Дўстларингизга ҳам улашинг!
Каналга уланиш учун линкни устига босинг!👇👇👇👇
https://telegram.me/joinchat/Amxt4j-ZGmfdTyqsyl79Cw
Читать полностью…
Mehrob.uz
23 января 2018 15:37
ТЕМИРЧИНИНГ ҚИССАСИ
Дадам Муҳаммад Шафеъ Усмонийнинг бир ҳикояси бор эди. Абдуллоҳ ибн Муборак раҳматуллоҳи алайҳи етук фақиҳ, муҳаддис ва Аллоҳнинг дўсти эди. Аллоҳ таоло у кишига баланд мартаба ато қилган эди. Вафот топганида бир киши тушида у зотни кўрди ва: «Аллоҳ сизга қандай муомала қилди?» деб сўради. Абдуллоҳ ибн Муборак раҳматуллоҳи алайҳи «Аллоҳ таоло мени мағфират қилди, фазлига олиб, улкан марҳамат кўрсатди, лекин менга уйимнинг рўпарасидаги темирчига берилган мақом насиб бўлмади», деди. Киши уйқудан уйғонди, дилида темирчининг кимлиги ва қандай қилиб Абдуллоҳ ибн Муборакка берилмаган нарса унга берилганлигини ўйлаб қолди ва Абдуллоҳ ибн Муборак раҳматуллоҳи алайҳининг маҳалласига борди. Суриштириб кўрса, ҳақиқатда у кишининг уйининг рўпарасида бир темирчи бўлиб, у ҳам вафот топган экан. Бориб, темирчининг хотинидан: «Эрингиз нима қилар эди?» деб сўради ва тушида кўрганларини айтиб берди. Аёл: «Эрим темирчи эди, кун бўйи ишлар, кечаси эса ухларди. Кечаси Абдуллоҳ ибн Муборакнинг таҳажжуд ўқишига ҳаваси келиб, ҳасрат қилиб, «Биз ҳам кенгчиликда бўлганимизда, мен ҳам туни билан таҳажжуд ўқир эдим», дер эди. Иккинчиси – у ишлаётганида қулоғига азон товуши кирса, мабодо болғасини тепага кўтарган бўлса, шуни уриб қўяйин, демасди. Ўша заҳоти болғасини пастга туширар ва «Азонни эшитганимдан кейин менга болғани ушлаб туриш ярашмайди», дер эди ва масжига қараб кетар эди», деди. Туш кўрган киши: «Абдуллоҳ ибн Муборакдан ҳам мартабасининг юқори бўлишига шу нарса сабаб бўлган экан», деди. Эътибор беринг, темирчи ҳам ҳалол ризқ талабида эди. Азон эшитилиб, биринчи даражадаги фарз билан иккинчи даражадаги фарз тўқнаш келган эди, биринчи даражадагисини устун қўйди ва Аллоҳ буюк муҳаддисларга бермаган мақомга эришди.
Каналга уланиш👇
https://telegram.me/joinchat/Amxt4j-ZGmfdTyqsyl79Cw
Читать полностью…
Mehrob.uz
23 января 2018 13:30
#Келинга_мактуб
Эрингизга доимо ташаккур айтишни унутманг. Кучи етмайдиган ишларга ундаманг, бошқаларга шикоят қилманг.
Изоҳ:
Бандасига раҳмат айтишга одатланмаган одам Аллоҳга шукр қилишни ҳам билмайди. Аёл эрининг уй эҳтиёжларини қондириш ва оиласини боқиш учун қанча қийинчиликларга чидашини, оиласини бошқаларга муҳтож қилиб қўймаслик учун сарфлайдиган ота хотини ва фарзандларидан баъзида миннатдорчилик кутади. Унга миннатдорчилик билдирилса, кайфияти кўтарилиб, янада кўпроқ куч билан ишга отланади.
Ҳар бир оила ўз моддий аҳволини билиши, кўрпасига қараб оёқ узатиши лозим. Аёл киши эрининг кучи етмайдиган харажатларга киришмаслиги керак. Дунё ишлари ўзимиздан бойроқ ва ҳашаматлироқ ҳаёт кечираётганларга қарайдиган бўлсак, хато қиламиз. Чунки улардан ҳам бойроқ кишилар бор. Ҳашамат ва дабдабанинг чегараси йўқ. Биздан бойроқ сингари яшашни истаб, улар сингари харажат қилиш кейинчалик қутилиб бўлмас қарздорликни келтириб чиқаради. Шунинг учун дунё ишларида биздан кўра пастроқда бўлганларга қарашимиз лозим. Уйимиз бўлса, уйи йўқларни ўйлаб шукр қилишимиз, машинамиз бўлса, машинаси йўқларни ўйлаб шукр келтиришимиз лозим. Аёл киши эрини уни олиб беринг, деб мажбурласа, бунга имкони етмайдиган эр бир муддат ўтиб моддий ва маънавий жиҳатдан оғир аҳволга тушади ёки ҳаром ишларга қўл уради ё уйда жанжал бошланади.
Аёл киши бошқа бировга эридан шикоят қилмаслиги керак. Иброҳим алайҳиссалом ўғли Исмоил алайҳиссалом Маккага келиб, ўғлининг уйига кирди. Ҳали танимайдиган келинидан эрининг, яъни Исмоил алайҳиссалом ҳамда уйнинг аҳволини сўради. У эридан шикоят қилди. У истаган нарсаларни бажармаётганини айтиб ёмонлади. Иброҳим алайҳиссалом унга: “Кечқурун эринг келганда айт, уйининг эшигини алмаштирсин”, деди. Кечқурур Исмоил алайҳиссалом уйига қайтганида хотини бир кекса келганини, кетаётганида уйнинг эшигини ўзгартириши кераклигини айтганидан хабар берди. Исмоил алайҳиссалом отаси Иброҳим алайҳиссалом келганини фаҳмлади ва хотини билан ажрашиши кераклигини дарҳол тушунди. У билан ажрашиб, бошқа бир хотинга уйланди.
Бир муддатдан сўнг Иброҳим алайҳиссалом яна Маккага келиб, ўғлининг аҳволини сўради. Хотини яхшиликлари ҳақида гапира кетди. Иброҳим алайҳиссалом унга “Кечқурур эринг келганида, уйининг эшигини асрасин”, деди. Кечқурур Исмоил алайҳиссалом уйига қайтганида хотини уйларига бир кекса киши келганини, унга эрингга айт, уйининг эшигини асрасин, деганини билдирди. Исмоли алайҳиссалом яна отаси келганини англади ва хотини билан умр бўйи бирга бахтли яшади. Кейинчалик Исмоил ва унинг мана шу хотини авлодидан Муҳаммад алайҳиссалом дунёга келдилар.
"Бахтли оила" китобидан.
Каналга уланиш👇
https://telegram.me/joinchat/Amxt4j-ZGmfdTyqsyl79Cw
Читать полностью…
Mehrob.uz
23 января 2018 11:18
Устоз Саййид Раҳматуллоҳ Термизий ҳафизаҳуллоҳунинг ислом маърифати кўрсатувидаги суҳбатлари.
Мавзу: ихлос ҳақида
@
Читать полностью…
Mehrob.uz
23 января 2018 06:06
БИЛИШ НЕЪМАТИ
"Билмаганингизни билдирди. Аллоҳнинг Сизга (нисбатан) фазли буюкдир" (Нисо сураси, 113-оят).
Жаҳолат қалбнинг ўлими, ҳаётни ўринсиз қурбон қилувчи, умрни ўчирувчидир. "Мен сенга жоҳиллардан бўлишингдан (қайтариб) насиҳат қиламан" (Ҳуд сураси, 46-оят).
Илм кўз нури, руҳ ҳаёти ва озиқасидир. "Ўлик (кофир) бўлган одамни (ҳидоят билан) тирилтириб, унга одамлар ичида ўзи билан олиб юрадиган нур (имон)ни берганимиздан кейин (у) зулматлар ичида (қолиб,) ундан чиқмайдиган кимсага ўхшайдими?!" (Анъом сураси, 122-оят).
Илм шодлик-хурсандчилик келтиради. Чунки у зулматни ёритади, орзуга етказади, беркилган пардани очади. Нафс янгиликларни билишга, ундан хабардор бўлишга қизиқади. Жаҳолат эса зерикиш ва қайғудан иборатдир. Чунки у янгиликсиз, ажибликдан йироқ, ёқимли бўлмаган ҳаётдир. Унинг бугуни кечагидек, эртаси эса бугунидек.
Бахт истасангиз, илм ва маърифат изланг фойда ҳосил қилинг. Шунда ғам-андуҳ, қайғулардан нажот топасиз. "...ва айтинг: "Парвардигорим, илмимни янада зиёда қилгин" (Тоҳа сураси, 114-оят). (Эй Муҳаммад, Сиз ўзингизга тушириладиган Қуръонни барча мавжудотни) яратган Зот бўдмиш Парвардигорингиз номи билан (бошлаб) ўқинг!" (Алақ сураси, 1-оят). Расулуллоҳ соллаллоҳу алайҳи вассалам дедилар: "Аллоҳ таоло қайси бандасига яхшиликни истаса, уни динда фақиҳ қилиб қўяди".
Маърифатсиз кишига мол-дунё ва обрў-эътибори фахр эмас. Унинг ҳаёти тўкис, кечираётган умри комил бўлмайди. "(Эй Муҳаммад!) Ахир, Сизга Раббингиз туширган нарса аниқ ҳақиқат эканини биладиган киши (маънан) кўр кимсага ўхшайдими?" (Раъд сураси, 19-оят).
Муфассир Замахшарий бундай деган:
Шеър:
Илм йўлида бедор бўлишим
Раққосалар васлидан азиз.
Илм завқидаги гандиракларим
Соқий қуйган шаробдан лазиз.
Қаламларим ғичирлаб ёзса,
Роҳат берар най овозидек.
Варақ узра қумлар овози
Қизлар чалган куйлар завқидек.
Орзу қилиб, мартабам сари
Эришай деб уринган каслар
Маърифатсиз армондир бари
Толиққандан чиқмасдир саслар.
Гоҳ ухламай ўтказсам бедор,
Баъзан ухлаб ўтар тунларим.
Уялмасмикин-а, нодон у беор
Тикилмоққа шодон бу кўзларим?
Билиш қандай яхши шарафдир. У билан нафс бунчалар шодон, қалб тоза, ақл бунчалар заковатли бўлмаса?! "Ахир, Парвардигоридан (аниқ) ҳужжатга (Қуръонга) эга бўлган киши (Сиз ва мўминлар) билан қилган ёмон иши ўзига чиройли кўринган ва ҳавойи нафсига эргашган (кофир) тенг бўлурми?!" (Муҳаммад сураси, 14-оят).
"Ўкинма" китобидан.
Каналга уланиш👇
https://telegram.me/joinchat/Amxt4j-ZGmfdTyqsyl79Cw
Читать полностью…
Mehrob.uz
23 января 2018 03:39
Оли Имрон сураси, 104-оят.
Сизлардан яхшиликка чақирадиган, амри маъруф, наҳйи мункар қиладиган бир уммат бўлсин. Ана ўшалар, ўзлари нажот топгувчилардир.
Яъни Аллоҳга ҳақиқий иймон келтирган ва унинг йўлида ҳақиқий биродар бўлган жамоа яхшиликка чақирадиган, амри маъруф, наҳйи мункар қиладиган умматга айлансин. Яхшиликка чақириб турувчи жамоа бўлмаса, дунёда эзгулик қолмайди. Маъруфга, яъни фазилат, ҳақиқат, яхшилик ва адолатга буюриб, мункардан, яъни разолат, ботиллик, зулм ва ёмонликдан қайтариб турадиган жамоа бўлмаса, ҳеч бир қавм, ҳеч бир уммат нажот топа олмайди.
Амри маъруф, наҳйи мункар ишлари яхши йўлга қўйилган жамиятдагина яхшилик ёмонлик қилишдан осон бўлади. Ҳақиқат ботилдан осон бўлади. Адолат зулмдан енгил туради. Аллоҳнинг улуғ неъмати Исломга муяссар бўлган бандалар жамоасига - мусулмон умматига Аллоҳ таоло амри маъруф, наҳйи мункарни фарз қилди. Агар бу уммат бошқа фарзлар қатори ушбу фарзни ҳам ўз ўрнида адо қилса, бахт-саодатга эришади. Акс ҳолда, фалокатга учрайди. Бу ҳақиқатни ушбу оятнинг хотимасидан ҳам билиб олса бўлади:
"Ана ўшалар, ўзлари нажот топгувчилардир".
Яъни яхшиликка чақириб амри маъруф, наҳйи мункар қилган умматлар нажот топгувчилардир. Бошқалар эмас.
Бу ҳақиқатни Аллоҳнинг Расули Муҳаммад алайҳиссалом ҳам ўз ҳадисларида баён қилиб қўйганлар.
Имом Муслим Абу Ҳурайра розияллоҳу анҳудан ривоят қилган ҳадисда Расулуллоҳ алайҳиссолату вассалом:
"Сиздан ким мункарни (ёмон ишни) кўрса, қўли билан ўзгартирсин, агар қудрати етмаса, тили билан ўзгартирсин, агар бунга ҳам қудрати етмаса, тили билан ўзгартирсин, агар бунга ҳам қудрати етмаса, дили билан қайтарсин. Аммо буниси иймоннинг заифидир", дедилар.
Имом Термизий ривоят қилган ҳадисда Пайғамбар алайҳиссалом:
"Менинг нафсим қўлида бўлган Зот билан қасамки, албатта амри маъруф қиласизлар, албатта наҳйи мункар қиласизлар. Бўлмаса, Аллоҳ сизга Ўз ҳузуридан иқоб юборади. Сўнгра дуо қилсангиз, қабул бўлмайди", дедилар.
Келаси оятда мусулмонларга хитоб қилиб, уларни бўлинмасликка, ихтилофга тушмасликка, ўзларидан аввалги ўтган аҳли китобларга ўхшамасликка яна бир бор чақирилади.
@
Читать полностью…
Mehrob.uz
22 января 2018 18:54
Ота, энди сиз дам олинг, биз ишлаймиз деб кетишганди... Бирданига икки ўғлидан ажралган ота фарёди❗️
Каналга уланиш👇
https://telegram.me/joinchat/Amxt4j-ZGmfdTyqsyl79Cw
Читать полностью…
Mehrob.uz
22 января 2018 15:30
#Келинга_мактуб
Эрингиз ва фарзандларингиздан меҳр-муҳаббатингизни аяманг. Унинг суянчиғи бўлинг. Эрингиз уйда йўқлигида бехавотир – кўнгли хотиржам бўлсин.
Изоҳ:
Аёллар яратилишига кўра эркакларга нисбатан таъсирчан ва ҳис – туйғуга берилувчан бўлади. “Уяни она қуш қуради”, деган гап аёлнинг оиладаги ўрнини ва аҳамиятини жуда чиройли кўрсатиб беради. Аллоҳ бахш этган муҳаббатни турмуш ўртоғи ва фарзандлари билан баҳам кўрган, улардан ёрдамини аямаган, кўплаб муаммо ва қийинчиликларга бардош берган, сабр қилган аёл оиласининг мустаҳкам тиргаги саналади. Аёл – уйдаги севги булоғи, дард олгувчи малҳам, илиқ қучоққа эга она. Вақти келса, у мижжа қоқмайди, фарзандининг бошида бедор тунларини ўтказади. Керак бўлса, ўзи емай – едиради, ўзи ичмай – ичиради, киймай – кийдиради. Боласининг бошига бирор ташвиш тушишидан доим ташвишланиб юради. Тўққиз ой қорнида кўтариб катта қилган фарзандига бўлган муҳаббатини умр бўйи қалбида олиб юради. Уйига, вазифаларига содиқ ва фарзандларига меҳрибон аёлнинг эри уйдан хотиржам ҳолда кўчага чиқади. Уйи ва фарзандларининг бошига бирор кулфат тушишидан хавотирланмайди. Чунки у биладики, уйда уларни муҳофаза этувчи, номусли хотини бор. Аммо у бўлмаса, ташвишга туша бошлайди.
Аёл турмуш қурганидан сўнг ўз эри ва фарзандларини, уларнинг ҳақ-ҳуқуқини ҳар нарсадан устун қўяди. Ҳаётини шунга мослаштиради. Бундан кейинги барча ҳаракатлари уйдаги ҳузур-ҳуловатни таъминлаш ва саодатга эришишга қаратилади. Аёл киши эри ва фарзандлари учун қилган ҳар бир хизмати эвазига чексиз савобга эга бўлишини билиши лозим.
“Бахтли оила” китобидан.
Каналга уланиш👇
https://telegram.me/joinchat/Amxt4j-ZGmfdTyqsyl79Cw
Читать полностью…
Mehrob.uz
22 января 2018 11:09
БАХИЛЛИК ТАЪРИФИ, САБАБЛАРИ, ДАВОСИ
Бахиллик бу:
- Аллоҳ йўлида инфоқ-эҳсон қилмаслик;
- эркак кишининг гарданидаги вожиб нафақадан бўйин товлаши, оиласини керакли нарсалар билан таъминламаслиги;
- бой-бадавлат бўла туриб молидан закот чиқармаслик;
- одамларга салом бермаслик;
- Пайғамбаримиз соллаллоҳу алайҳи васаллам исмлари, сифатлари эслаганда, салавот айтмаслик;
- илм тарқатмаслик, саволга жавоб қайтармаслик;
- вақтга қизғанчилик қилиш. Айрим одамлар нафси учун керагидан ҳам ортиқ вақт ажратади. Савобли ишларга келганда, "Вақтим йўқ", деб баҳона қилади. Мана шундай кимсалар ҳам бахил ҳисобланади. Лекин беҳуда ишлардан узоқ юрадиган, умрини ғанимат биладиган инсон зиқна эмас.
Бахиллик сабаблари:
- мол-дунёни жонидан ортиқ кўриш. Бундай кимса, "Садақа берсам, бойлигим камайиб қолади", деб ўйлайди, ҳамма нарсани пул билан ўлчайди;
- Аллоҳ садақанинг ўрнини тўлдиришга шубҳа билан қараш;
- мол-дунё ўткинчи, садақанинг савоби боқий эканини билмаслик;
- одамлардан нафратланиш, уларни ёмон кўриш. Бундай худбин кимса молидан бировга беришни ўйламайди, фақат ўзининг орзу-ҳавасларини қондириш пайида бўлади;
- нафси буюрган ишни ўйламай-нетмай қилиш;
- бахиллик кенг тарқалган носоғлом муҳитда яшаш.
Бахиллик давоси:
- мол-дунё ўзидан кейин бошқаларга қолиб кетишини ўйлаш;
- бойликка муҳаббатни, узун орзу-ҳавасларни қалбдан чиқариб ташлаш;
- ўлимни эслаш. Вафотидан кейин шунча бойлик меросхўрларига қолишини, не ҳасратда йиққан бойлигининг ҳузурини ўзгалар кўришини ёдда тутиш. Агар садақа қилса, савоби ўзи билан кетади, қабрда нур бўлади, охиратда фойда беради.
"Қуръон - қалблар шифоси" китобидан.
@
Читать полностью…
Mehrob.uz
22 января 2018 03:58
Динда ҳар бир муаммонинг ечими бор
Америкада икки аёл бир вақтнинг ўзида фарзанд кўришибди. Бири ўғил, бири қиз фарзанд экан. Ҳамшираларнинг хатоси туфайли ким ўғил, ким қиз туққанини адаштириб қўйишибди ва қонларидан ДНК текшируви ўтказишибди. Натижалар шу даражада яқин эканки, муаммони ҳал қилолмабдилар. Ҳайратда қолибдиар. Икки аёл ҳам ўғил туққанини даво қилиб, оёқ тираб туриб олишибди... Докторлар ўзларидан ҳам юқорироқ тажрибага эга маъсулларга бу хабарни етказишибди. Маъсулларга хабар келганда, буни мусулмонлардан бошқаси ҳал қила олмайди дейишибди ва Саудия Арабистони мамлакатидаги дин олимларидан бирига қўнғироқ қилишибди. Суҳбат шундай кечибди. Америкалик:
- Динингизда ҳар бир муаммони ечими борлигини даъво қиласизлар-а? Олим:
- Худди шундай, - деди. Америкалик воқеани айтиб берди. Олим:
- Ечими - жуда оддий. Ҳар бир аёлнинг сутидан бир неча томчи олиб, уни текширтиринглар. Қайси бирининг сути озуқавий моддаларга бой, тўйимли бўлса, ўғил ўшаники. Қайси бириникида озуқавий моддалари озроқ бўлса, ўша қиз туққан бўлади, - деди. Докторлар икки аёлнинг ҳам сутларидан намуналар олишди ва жуда ҳам синчковлик билан текширишди. Натижа маълум бўлди. Ким ўғил, ким қиз туққанини билишди. Бу ишдан жуда ҳам ажабланишди ва яна олимга қўнғироқ қилиб:
- Сизлар ўғил туққан аёлнинг сути, қиз туққаникидан кўра озуқавий моддаларга бой эканини қаердан биласизлар? - деб сўрашибди. Олим:
- Буни ҚУРЪОНдаги оят исботлаб турибди.
«АЛЛОҲ Таоло шундай дейди: "Бир ўғилнинг насибаси, икки қизнинг насибасичадир". (Нисо: 11), - деди».
Дарҳақиқат, АЛЛОҲнинг буюклигининг чеки йўқ.
Дўстларингизга ҳам улашинг!
Каналга уланиш учун линкни устига босинг!👇👇👇👇
https://telegram.me/joinchat/Amxt4j-ZGmfdTyqsyl79Cw
Читать полностью…
Mehrob.uz
22 января 2018 03:39
Аллоҳ таоло иноятига олиб, бу икки қабилани ҳидоятга бошлаб, қалбларини Ислом нури билан мунаввар қилганидан кейин улфат бўлдилар:
"Ва Аллоҳнинг сизга берган неъматини эсланг: бир вақтлар душман эдингиз, бас, қалбларингизни улфат қилди".
Ислом Аллоҳнинг берган улуғ неъмати, шу неъмат туфайли душманлар улфат бўлдилар. Бир-бирига қарши нафратга тўлган қалбларни фақат Исломгина улфат қила олади. Фақат Аллоҳнинг арқони бўлган Исломни маҳкам тутибгина ҳамма биродар бўла олади:
"Унинг неъмати ила биродар бўлдингиз".
Аллоҳ Ислом неъматини бермаганида бундай холис биродар бўлиш қийин эди. Фақат Ислом туфайли, Аллоҳ учун биродар бўлингандагина ҳақиқий биродарлик қарор топади. Бошқа ҳолда ё молу дунё, ё ирқ-миллат бирлиги, ё мансаб нуқтаи назаридан, ё қабила тарафкашлиги билан ва ҳоказо шунга ўхшаш ниятлар асосига қурилган бўлади.
"Оловли жар ёқасида эдингиз, ундан сизни қутқарди".
Исломга киришингиздан олдин уруш-жанжал ичида, жоҳилият ҳукмлари остида, умуман, барча соҳада нотўғри йўлда, яъни оловли жар ёқасида эдингиз. Шундай кетаверганингизда ҳалокатга учрашингиз турган гап эди. Аллоҳ таоло сизни Ўзининг улуғ неъмати бўлмиш Исломга бошлаб, мазкур оловли жарга қулашдан сақлаб қолди.
Келаси оятда иймон ва Аллоҳ йўлидаги биродарлик асосида ташкил топган Ислом жамоасининг вазифаси баён қилинади.
Читать полностью…
254509