Telegram-канал mehrob_uz - Mehrob.uz: Неотсортированное

Mehrob.uz

18 ноября 2023 04:32

Азиз бўлиб қолишни истасанг, қадрингни билмайдиганлардан узоқ бўл.

Аҳмад Холид Тавфиқ

@mehrob_uz

Mehrob.uz

17 ноября 2023 16:32

#Аёлларга_50_насиҳат
🧕🏻Солиҳ салафлар аёл фитнаси ҳақида

Имом Заҳабий Суфён ибн Уяйнадан, у Али ибн Зиёддан, у эса Саъид ибн Мусаййибдан ривоят қилади: “Шайтон ҳеч қайси томондан адаштира олмаса, аёллар томонидан келади”.
84 ёшга кирган, бир кўзи ожиз Саъид: “Мени аёллардан кўра қўрқитадиган нарса йўқ”, дер эди.
“Сияру аъламун нубало” китобидан олинди.

Изоҳ:
Бу ерда гуноҳга чақирувчи, фитнага сабаб бўлувчи аёллар назарда тутилган. Иффатли ва солиҳа аёллар булар сирасига кирмайди.
“Жуда қўрқиб кетганимдан, хотинимнинг олдига югуриб келдим, дейдиган одамни учратиш қийин. Бироқ Муҳаммад соллаллоҳу алайҳи васалламда шундай ҳолат бўлган. У зотнинг ҳузурларига Жаброил алайҳиссалом ваҳий олиб келган. Шунда у зот қаттиқ қўрқиб кетганларидан Хадижа онамизнинг ҳузурларига шошиб борганлар. Чунки Хадижа розияллоҳу анҳо буюк аёллардан бири эди.
Эй ёшлар, ишонинг!
Ҳар гал ўзингизга ҳалол бўлмаган аёлга қарашдан тийилсангиз, гўёки қутичага бир тилло танга қўйган бўласиз. Ушбу қутини никоҳингиз куни очсангиз, унда икки юз минг тилло жамғармангиз бўлади!
Инсон кўзини номаҳрамларга қарашдан тийса, ўзига муносиб умр йўлдоши, бахтли оила, кўзни қувонтирадиган, йўқлигида шарафини ҳимоя қиладиган иффатли завжа, итоаткор рафиқа насиб қилинади.
Ахир шундай аёл билан оила қуриш икки юз минг тиллога тенг эмасми?
Муҳаммад Ротиб Наблусий.
***
Шаъбий айтадилар:
“Қози Шурайҳнинг ҳузурида эдим. Бир хотин сафарга кетган эридан шикоят қилиб, кўп йиғлади. “Аллоҳ ислоҳ қилсин Бу аёлнинг ҳаққи поймол бўлибди, мазлум экан, дедим. Қози Шурайҳ: “Буни сенга ким айтди дедилар. “Йиғлаб, кўз ёши қилганидан билдим, дедим. Қози Шурайҳ: “Аввал ишнинг ҳақиқатини билиб, кейин гапиргин. Юсуфнинг ака-укалари ҳам қилар ишни қилиб қўйиб, кечқурун отасининг олдига йиғлаб келишган-ку”, дедилар.
***
Бир аёл олим зотга: “Фарзандларимнинг уйқуси жуда қаттиқ, уларни бомдодга уйғота олмаяпман, нима қилай деди. Олим зот: “Уйингизда дазмол ёниқ қолиб кетиб, уйга ўт кетса нима қиласиз?” деб сўради. Аёл: “Ҳаммани уйғотаман”, деди. Олим: “Уйқуси қаттиқ деяпсиз-ку” деган эди, аёл: “Бўйнидан тортиб бўлса ҳам уйғотаман” деди. Шунда олим: “Бy дунёнинг оловидан қутқарар экансиз, охиратнинг оловидан ҳам қутқаринг-да!” деди.
***
Тўлғоқ азоби 42 та суяк сингандаги оғриққа тенг бўлиб, тириклай ёниб кетгандаги оғриқдан кейинги ўринда турар экан.
Аллоҳим, фарзандини дунёга келтираётган аёлларимизни жаннатга мушарраф қилгин!

Ҳазрати Пайғамбар соллаллоҳу алайҳи васалламдан аёлларга 50 насиҳат. китобмдан.
@mehrob_uz