1446
https://t.me/mehdialkabiiقناة للنشر القصائد
ـــــــــــــــــــــــــــــــــــــــــــــــــــــ
📜 القصيدة: بهـٰذا الظَلام شطلّعك
🎤 أداء:محمّدبَاقِر الخَاقانيّ
🖋 كلمات: مُرتضىٰ الياسري
ــــــــــــــــــــــــــــــــــــــــــــــــــــــ
يا كَربلا.. يا كَربلا
ــــــــــــــــــــــــــــــــــــــــــــــــــــــ
جِيت إعله صُوتك اتَبعك.. بهـٰذا الظَلام شطلّعك
جِيت إعله صوت الخطوة يا مَولاي إلك
بهـٰذا الظَلام شطلّعك جيت اسألك
مو تدري نَاوين الاعادي مَقتلك
شِفتك تحوم إعله الخِيم.. وتزيح الاشواك ب الم
ودَمعة عيونك هَاملة
يا كَربلا.. يا كَربلا
ــــــــــــــــــــــــــــــــــــــــــــــــــــــ
محتار اشوفك عَن بُعد.. يَم الخِيم تمشي وتِرد
حَالك عجيب شِعندك إنطيني خَبر
ليش إنتَ جاي مِن الارض تمحي الخَطر
يَبن الزِچية گلي مو گلبي إنكسر
يا هُوَ يسحگ هالارض.. حافي ويُمر بيها رَكض
خافن صَغار العايلة
يا كَربلا.. يا كَربلا
ــــــــــــــــــــــــــــــــــــــــــــــــــــــ
گلبي بخِدمتك وإفتَهم.. رُوح إنتَ إرجع للخِيم
آمرني وإمشي سيّدي يم عيلتك
خلّي رُقيّة ترتوي مِن شوفتك
ما تِحتمل باچر يَغالي فرگتك
يا هُو لغِيابك يحتمل؟.. يا سيّدي شلون الطِفل !
بهالليلة بس مدلّلة
يا كَربلا.. يا كَربلا
ــــــــــــــــــــــــــــــــــــــــــــــــــــــ
وين أنتهي منين ابتدي.. تندل دَربهن سيّدي
عن الخِيم خافن يِبعدون الدَرب
الشوك البَعيد بركضة اطفالك يُطب
بهاي الجِدام التَرفة والتُبقىٰ غُرب
والديرة التطيّح خِيم.. ما ترحم اليشكي الالم !
وتقسي إعله طِفلة معولة
يا كَربلا.. يا كَربلا
ــــــــــــــــــــــــــــــــــــــــــــــــــــــ
آنه الاجيت لنُصرتك.. والله بچيت لغُربتك
گدّامك اطفال وورد ينثر عُطر
وتدري يِتامىٰ باچر بوَكت الظُهر
بصدرك عَبرتك حگها لمّن تنكسر
لو هلّت عيونك دَمع.. خَافن سَكينة تنفجع
وتبچّي كل القافلة
يا كَربلا.. يا كَربلا
ــــــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــــــــــ
📜 القصيدة: اللهُ أكبر كَربلا
🎤 أداء: محمّدبَاقِر الخَاقانيّ
🖋 كلمات: مُرتضىٰ اليَاسري
ــــــــــــــــــــــــــــــــــــــــــــــــــــــــــ
اللهُ اكبر كَربلا.. اللهُ اكبر كَربلا
ــــــــــــــــــــــــــــــــــــــــــــــــــــــ
يا كَربلا عِندچ خَبر.. طبّاچ إبن سيّد البَشر
يالمّا دِريتي بـ هالسفر.. الغُربة بِدت مِن اوّله
يا كَربلا ضيفچ نِزل.. مُهجة عَلي خَير العمل
گليله شرّفت المَحل.. إلمن تريديها الهَله؟
يا كَربلا عِندچ عِلم .. عِندچ نِزَل وين الشَهم
بالكُون بس هُمَ زلم !..حسين و صُحبته البَاسلة
يا كربلا هـٰذا الظَعن .. يتمنّه جَيّته كل وَطن
چي بي عَزيز اُم الحسن.. عين السِمه تعاين إله
يا كَربلا عندچ بَخت.. بهـٰذا الظَعن زينب إجت
بنت الزچية و شَرّفت..و نَفس الزِچية المَنزلة
يا كربلا حطّلچ إبا.. مِن طَب عظيم المَرتبة
عبّاس كافل زَينبه.. غيرة و حميّة و مَرجلة
يا كَربلا شِنهو الجَرىٰ.. اطفال الظَعن متحيّرة
و حلوگهم متفطّرة.. ليش الزغار معلعلة؟
يا كَربلا ليش الضِمه.. لاح السبط و مخيّمه
عَبد الله ذابل مَبسمه.. بيش الرباب تبلّله
ما بيچ رَحمة إعله الطِفل.. لنَحره التَرف جبتي النَبل
يا كربلا صارت قبل.. البچفوف أبوه حَل مَقتله
يا كَربلا زادچ فخر.. عبّاس طبّالچ گُمر
بعَامود شو رَاسه إنطبر.. وسكينة تلطم مُعولة
طَاحن يسارة ويَمنته.. وحسين بَانت كَسرته
عالشَاطي ودّع خِوّته..و الخِدر ناح لكَافله
يا كَربلا ليش إنسّه.. تقدير إبن خَير النِسا
مو خَامس أصحاب الكسا.. عَاري ويچوّيه الفَله
يا كَربلا خِيام الستر.. حرگوهن وصَارن جَمر
سُبحان المسوّي الصَبر.. ما ذَب عليهم زلزلة
ويلاه يا اوّل صُبح.. بصورة إنقرا اكبر جَرح
عبّاس راسه إعله الرُمح.. وزينب ب إديها السلسلة
اللهُ اكبر كَربلا
ــــــــــــــــــــــــــــــــــــــــــــــــــــــــــ
ـــــــــــــــــــــــــــــــــــــــــــــــــــــ
📜 القصيدة: باب بيته
🎤 أداء: محمّدبَاقِر الخَاقانيّ
🖋 كلمات: احمد مَاجد الكلابي
ـــــــــــــــــــــــــــــــــــــــــــــــــــــ
لا حَول ولا قُوّة إلّا بالله
ـــــــــــــــــــــــــــــــــــــــــــــــــــــ
بباب بيته وجاس گلبه العُطش
مِن جهزن ظعونه بهذاكَ الفجر
اجراس السَفر كلما تدگ يلتفت
صوب العَليلة وينزل مِن المُهر
شِما اگلّه يا مولاي احرّك الظعن
يجاوبني يا ابا الفضل فدوة إنتظر !
توسّلته يرجع للمُهر.. وعذّبني إبن حامي الحِمه
مِن لزم چف إيدي وندب.. چا يا عَضيدي وفاطِمة؟
بعيونه دِنيا مِن الانكسار
عايش مرارة اصعب قَرار
يردّد ب إسمها ويدعي العَظيم
صبّرني إلـٰهي بهذا النَهار
يا غُربة إمامي ابي عَبد الله
لا حَول ولا قُوّة إلّا بالله
ـــــــــــــــــــــــــــــــــــــــــــــــــــــ
ومِن راد يفتر عَ الهِوادج إجه
ببالي غيّر نيته يُمكن گلت
راح ورجع يحسب بنوگ الظَعن
وإندار صوبي وماي عينه يِكت
مِن شفت دمعه قريت شُوغة هجر
هِودج يريد لفاطِمة توقّعت
ومِن شاف هُودج بنت عَلي.. صاح الضِما خوية الضِما
هنا يَعمّة فَاطِمة.. إبچي إعله اخوچ وفَاطِمة
شُكبر الهضيمة بهـٰذا الوَداع
بين المَحنّة وبين الضياع
خُوف الطفولة ينعىٰ الامان
حَرب المشاعر اكبر صراع
شِما حاول يكابر تجري دَمعة عيناه
لا حَول ولا قُوّة إلّا بالله
ـــــــــــــــــــــــــــــــــــــــــــــــــــــ
الله يساعد گلب إبن والدي
ذاكَ الفجر ويلي شكثر تعّبه
ركضت رُقيّة لعِنده وإستأذنت
عبد الله ترضه بناگتي نركّبه؟
وإنهار مِن گالتله اريد اسألك
هَم تجي وِيانا فاطِمة يا ابه؟
إن چان حاسبها شكثر.. تفرّحني وتفرّح الوَلد
خاطر هناك بكربلا.. اثنيناتنا نهزّ المَهد
اُمنيتي يَـ بابا تصعّدها ايديك
تبچي عليّه وتبچي عَليك
تچوّه گلبها بنار الرَحيل
متعلّقة بيّه ومتعلّقة بيك
لُو بالدار ضلّت تنذبح هَم وآه
لا حَول ولا قُوّة إلّا بالله
ـــــــــــــــــــــــــــــــــــــــــــــــــــــ
ولَن فاطِمة طُلعت تنادي يَـ عم
وصّلني يم والدي عندي امر
وصاحت لَمن شافت ابوها إنكسر
لخاطري إصعد يَبوية المُهر
توكّل علىٰ الله وإرشد لكربلا
وبالنسبة إليّه ادعيلي بس بالصَبر
مقدّرة ظَرفك سيّدي !..ومتفهّمة وَضع القافلة
إن شاء الله الرُوحة التجي.. ويّاك اروح لكَربلا
لـ تَهم يَـ ابوي لرَجف الچفوف
سافر بِدوني لـ ارض الطفوف
ويّه الظعينة بِدون الظعون
إنتَ إمامي بكل الظروف
يا عيني العَليلة شتحتمل مِن فرگاه
لا حَول ولا قُوّة إلّا بالله
ـــــــــــــــــــــــــــــــــــــــــــــــــــــ
ـــــــــــــــــــــــــــــــــــــــــــــــــــــ
📜 القصيدة: مَنبر الحُب
🎤 أداء: محمّدبَاقِر الخَاقانيّ
🖋 كلمات: احَمد الهلباوي
ـــــــــــــــــــــــــــــــــــــــــــــــــــــ
يا مَنبر الحُب سَلام.. لدموع صَبرك
ـــــــــــــــــــــــــــــــــــــــــــــــــــــ
ضامي ورِوه الگاع نَحرك.. وشگد حِيا گلوب ذِكرك
وكِلمن بچه إعليك ادرك
ب إن رَحمتك سيّدي فوگ العقول
وبيا مواساة نعبّر.. واقل جرح بيك خُنصر
يَـ المنطي يمناك للحُر
وما إلها تفسير إلّا إنتَ يَـ إبن البتول
لأن حبل الوصال وِياك دَمعة
كل ذَرّة بوجودي تصيحلي إنعىٰ
بواچي الليل عَـ المّا عدهن خِيام
اللطم والنوح عَـ المهشوم ضِلعه
جِيتك مِن اللاحياة.. ميّت وتحييني آه
ريت ابيعن عُمري كِلّه ب اثر ناگة امشي وَراه
وكل البواچي حَرام.. لو مو لخِدرك
يا مَنبر الحُب سَلام.. لدموع صَبرك
ـــــــــــــــــــــــــــــــــــــــــــــــــــــ
خلّيني اصد ليك وَحدك.. وأجري علىٰ لسان عَبدك
الدعوة إلي مَقبولة عندك
وإغفر لذَنبي اليِذهب النعمة مِن اديه
واحچي للجروح عَنّك.. وشِماخذ الماي مِنّك
يَـ الفوگ التراب چنّك
شمس جَريحة وتنزف إعله الدِنيا ضَي
غِدر بيك الزَمان وخالف وِياك
وصرت ما بين سِلّة وذِلّة لـ إعداك
جبل هيهات تنذل لـٰكن الماي
بظَهر محني تنشّف دموع خَلّاك
وتِغدي للكُربات اسير.. وخدّك يلوحه الهَجير
سيّدي إجعلني بخِدمتك راعي مأتم مو اجير
ابچيك حِزن وغَرام.. وإحياء لَـ امرك
يا مَنبر الحُب سَلام.. لدموع صَبرك
ـــــــــــــــــــــــــــــــــــــــــــــــــــــ
اتمنّىٰ اضل دُوم اسعي.. بس إلكم احتاج وادعي
ويحچيلك لسان دَمعي
قليلة تُزهق رُوحي يَـ الضامي عليك !
ب نُص الـ إحتموا بيك تُقتل.. وعِندك نساوين ثُكّل
وإختك تناديك عَـ التل
تنهضلي لو اجمع شَمل حيلي واجيك
الهضيمة للنَبي المُختار نسبوك
وقَتل مُرتدّ عَن الاسلام قتلوك
مِشه ظَعنك علىٰ متون المُضلعات
وإنتَ بباريّه مِن الگاع شالوك
يَـ التدگ عَ الگاع إيديك.. النوگ مِن مَرّوها بيك
ابقىٰ ابچيلك وازورك ويُبقىٰ ثوبي اسود عَليك
وانعاك والد إمام.. ب احزان شَهرك
يا مَنبر الحُب سَلام.. لدموع صَبرك
ـــــــــــــــــــــــــــــــــــــــــــــــــــــ
ايّ حُب بِليّاك خِلّة.. كل صَفنة مو بيك زَلّة
والمّا بچه إعليك وَلّه
وبس اليواسي الزهرة بيك تخلّده
حُبّك عجن ماي طيني.. وإسمك صُبح شوف عيني
وخَلّه البچي يصير دِيني
يَـ إلي سِده إعليك إعله غيرك ما سِده
يَمسلوب الهِدم ب انياب شَرسة
وتعدّه چم نهر إعليك وامسىٰ
وما انسىٰ التگلّك إخذ ذِكراك
مِن البال چان تريدني انسىٰ
إن چان تريدني انسىٰ وابطّل النُوح وونيني
إخذ ذكراك مِن گلبي وإخذ صُورتك مِن عيني
ايّام العِشتها وياك اناغيك وتناغيني
شَ انسه ظعنك لو ضِماك.. صرخة خِيامك وراك
وظهرك المَحمي بعضيدك وبَعده ضَل خالي گفاك
مسلوب ثوب وخِيام..ومكسور ظَهرك
يا مَنبر الحُب سَلام.. لدموع صَبرك
ـــــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــــــ
📜 القصيدة: يا مُهيّج الحِزن
🎤 أداء: محمّدبَاقِر الخَاقانيّ
🖋 كلمات: أبو محمّد الزبيدي
ــــــــــــــــــــــــــــــــــــــــــــــــــــــ
نُوحوا علىٰ الحُسين..عَطشانُ كربلاء
ــــــــــــــــــــــــــــــــــــــــــــــــــــــ
يا مُهيّج الحِزن وآهاتك.. لكَربله ودمعتك لعمّاتك
والليالي تُخلص بشوغاتك.. يا غَريب بِلا أهل
عُمرك خُلص نوح والغُربة مَثواك
جَرح الغريب آه ضَل عايش وِياك
تنعىٰ الخِيم نار والغُربة تنعاك
يا خيمة حسين جَمرتها بحشاك
گلبك نحيبه.. لَحن المُصيبة
زينب غريبة.. واخوها غَريب
تنعىٰ لغُربها.. ولوعة گلبها
ذاكَ دربها.. وليالي النحيب
نُوحوا علىٰ الحُسين..عَطشانُ كربلاء
ــــــــــــــــــــــــــــــــــــــــــــــــــــــ
لكربله وِتينك وحَسراتك.. يِهل مُحرّم وتِهل دَمعاتك
عالغريبة والمُصيبة ونّاتك.. ياغَريب بِلا أهل
بعيونك دِموع ترسم ظَعن ضاع
يا نار الخِيام يا نار الوداع
خطواتك جروح و انفاسك أوجاع
عُمرك حِزن ليل وجروحك وِساع
ناعي المَدامع.. هَيّج مَواجع
ذيچ المصارع.. بچيتلها عين
ينعىٰ ونعيته.. يبچي و بچيته
بصُوتك حچيته.. غَريب الحُسين
نُوحوا علىٰ الحُسين..عَطشانُ كربلاء
ــــــــــــــــــــــــــــــــــــــــــــــــــــــ
طَف كربله إنجاب طَاريّه والبيت
ظَعن الله عطشان ساقي العُطش مِيت
ومِن حَرگ الخِيام وَن ثَكلىٰ ونّيت
عُگب الصواوين زينب بِلا بيت
ظَعن الضَمايا.. دَمعاته مايه
يشرب رَزايا.. ولَهيب الشموس
بالغاضريّة.. رُكضت رُقيّة
خيل آل أُمّية.. إعله ظِلها تدوس
نُوحوا علىٰ الحُسين..عَطشانُ كربلاء
ــــــــــــــــــــــــــــــــــــــــــــــــــــــ
يا جَدّي عطشان عالغَبرة مطروح
و رَمّاية سهام تارستك جروح
يا دَمعة العين يا حسرة الرُوح
بيا دِين إجت خيل تمشي إعله مَذبوح !
گلبه وعَذابه.. جدّه و مُصابه
مِن عَالترابة.. سَليب الثياب
شمس الظهاري.. و حَر العصاري
دم نحره جاري.. عَذاب بعذاب
ــــــــــــــــــــــــــــــــــــــــــــــــــــــ
يا حِزن ولا طُلع مِن ذَاتك
تنعىٰ يا أبو فاضل بونّاتك
عالهِزل خَواتك وعَزيزاتك.. ياغَريب بِلا أهل
صوت الرِضا يگول يا ابو الفضل وين
جُودك والچفوف عَطشان الحسين
حَدر الشمس نام وبرُوحه جَرحين
جرح العُطش ذاك وأهله المُظعنين
فوگ الهِزيلة.. گلب العقيلة
ودّع كَفيله.. وَداع الحَنين
عافت گُمرها.. دمعة قهرها
ترافگ سَهرها.. ليالي أربعين
ــــــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــــــ
📜 القصيدة: هَا قد وصلنا كربلا
🎤 أداء: محمّدبَاقِر الخَاقانيّ
🖋 كلمات: عَادل أشكناني
ــــــــــــــــــــــــــــــــــــــــــــــــــــــ
ها قَد وصلنا كربلاء.. فَلتستعدّوا للبلاء
ــــــــــــــــــــــــــــــــــــــــــــــــــــــ
لاحت عَلايم للكِدر والگلب حَس بهالبلا
والمُهر بمچانه وگف وعطّل مسير القافلة
وحسين مِن مُهره نزل وضَل يتأمّل بالفلا
گال ش إسم هاي الارض گالوا إسمها كربلا
ثُمَّ إعتلىٰ مِنهُ النداء.. ها قَد وصلنا كربلاء
فَلتستعدّوا للبلاء
ــــــــــــــــــــــــــــــــــــــــــــــــــــــ
حَضّروا الگلب للفاجعة هنا ارض هَم وقهر
وصلنا عُگب طول الدَرب آخر منازل هَالسفر
6 اشهر مِن المشي والتعب والتبليغ ويفتر عَليهم واحد واحد..
هنا شَمسكم تنحجب تُوگع عُگب خسف الگُمر
وهنا نهر جاري لَچن نُبگه ضمايه إعله النهر
مِن بَعدِ سيرٍ وعناء.. ها قَد وصلنا كربلاء
فَلتستعدّوا للبلاء
ــــــــــــــــــــــــــــــــــــــــــــــــــــــ
وخَلّوا علىٰ بُعد النظر خيمة حَرمكم تنصّب
وحتّىٰ تُفر وكت الذي نيران بخِيمهن تشب
تدرون لمّن ننذبح كِل المُخيّم ينسلب
والاصعب بهاي الارض لمّن رُقيّة تنضرب
ــــــــــــــــــــــــــــــــــــــــــــــــــــــ
ـــــــــــــــــــــــــــــــــــــــــــــــــــــــــ
📜 القصيدة: شمسوّي بيها
🎤 أداء:محمّدبَاقِر الخَاقانيّ
🖋 كلمات:احمد الهَلباوي
ـــــــــــــــــــــــــــــــــــــــــــــــــــــــــ
اشوفك وانكسر يَهلال.. نيران الهَضم تلهب
اصيحن والدَمع همّال.. شسوّيت بگلب زينب
شمسوّي بيها.. شمسوّي بيها
ــــــــــــــــــــــــــــــــــــــــــــــــــــ
يَهلال.. ما زال ليهسّه اُم عون تحس بغُربة
المفجوع.. بخِيام قُوسك مِن يظهر يشلع گلبه
المَفجوع برُمح لو شافك تِهل هلّة عيونه
ويذكر طيحة المّا عنده اخو ومحدّ وگف دونه
تبدي الذكريات تعيد الم شُوغاته ومتونه
تعدّت چم مُصيبة.. علىٰ عيون الغَريبة
جرت دَمعتها يَهلال.. علىٰ الجثّة السَليبة
بالحومة البچي كتّال.. مِن عندها الجِفن شَيّب
اصيحن والدَمع همّال.. شسوّيت بگلب زينب
شمسوّي بيها.. شمسوّي بيها
ــــــــــــــــــــــــــــــــــــــــــــــــــــ
هلّيت.. يَهلال وجِبت شچم صَرخة تضج ب وريدي
كل يُوم.. هَـ الصوت مِن گلب الزهرة تصيح وليدي
التسمع صُوت إبنها يصيح انا عطشان اظن تِعمه
وصارت تلتوي مِن الحسرة لو واحد يجيب إسمه
وتدري بهالشهر خيل العِدا يجولن علىٰ جِسمه
شهر اُم المُصايب.. شهر نُوم الخَرايب
لهسّه تتاني عبّاس.. وگُمر خيمتها غايب
تشوفك والگلب ما زال.. يِنعىٰ الخِدر المسلّب
اصيحن والدَمع همّال.. شسوّيت بگلب زينب
شمسوّي بيها.. شمسوّي بيها
ــــــــــــــــــــــــــــــــــــــــــــــــــــ
يَهلال.. ردّيت تجرح گلب إخت المحدّ شاله
مِن يوم.. عاشور ولليوم تون لـ اجله وتنعاله
تذكر وَگفة التل ذيچ والركّضها بالبيدة
راحت صُوب اخوها وشافته گوّة يشيل إيده
وبالزهراء تحلّفه يرد عليها ويگعد تريده
وگفت يَمّه وتگول.. ردّن عنّه يخيول
هـٰذا إبن اُمّي عَ الگاع.. لگيته ولنّه مچتول
يَهلال وبيديها حِبال.. شلون يصير المعذّب؟
اصيحن والدَمع همّال.. شسوّيت بگلب زينب
شمسوّي بيها.. شمسوّي بيها
ــــــــــــــــــــــــــــــــــــــــــــــــــــ
نيران.. يَهلال تسعر بالرُوح العاشت حيرة
عَ النوگ.. لاوين راحت مسبية تُطب يا ديرة
الصاعد عَ الهِزل مِن يجبل تشوفه الخَلگ كلها
طرّت هيمة لـٰكن ماكو اخو يعدّل محاملها
الوادم والزمان إعليها بالشام ومِنو إلها
يَهلال الدَرب چان.. طويل وماكو خوّان
يا ويلي القصر ذاك.. كَلفة تچهبه نسوان
الشاف اُم الخِدر بحبال.. حگّه هنانه يتعجّب
اصيحن والدَمع همّال.. شسوّيت بگلب زينب
شمسوّي بيها.. شمسوّي بيها
ــــــــــــــــــــــــــــــــــــــــــــــــــــ
طلعت اركض وادور عليك بلك الله وعدل الگاك
وصلتك بس لگيت الخيل مخربة كل جمالك ذاك
اجيتك والگلب محروگ وبدمعي گعدت احذاك
تاني لا تغمض العين يحسين ارد اموت وياك
باوع لطولك شفته مطروح...
مجروح من كل كتر مجروح...
ياجرح اشده وياهو اخلي
لا والمصيبه انوب مذبوح
حسين....حسين...مابيك ترجع تگعد وياي
حسين...حسين...انتَ الاريدك ماردت ماي
حسين...حسين....شبعت ركض بالبر يتاماي
من كثر الوجع يحسين ماتگدر تسد العين
المك خوية حرت شلون هواي بجسمك مطشرين
روحك ورده شفت الخيل تدوسك والجرح جرحين
ثگيل الحافر من يدوس يترك بيك اثر يحسين
من كثر مامديوس شفتك...
ابن امي لاجن ماعرفتك..
جسمك تحرك وانت مذبوح..
گمت وطحت لمن وصلتك...
حسين...حسين...متروس جسمك من الاسهام
حسين..حسين...كل هذا وانتَ تصد للخيام
حسين..حسين...جسمك اگبالي من الالم گام
.......... . ........... ..........................
يخوية اگبالك من ابجيت علي گام الشمر يضحك
تريد تردني لخيامك گمت بس جرحك يطيحك
الشمر فوگك وگف يحسين يگلي من بعد ذبحك
تحضري لسبي باجر ولو طاري السبي يجرحك
ياسالفه التريح البال...
بجفوفي خوية شدوا احبال
ياحيف وانا اختك يالحسين..💔
يطگني اعله متني الموش رجال
الهزل جابوها بس تگزل وانا مجتوفه ركبوني
هظيمة انا انسبي تالي وتبين دمعة عيوني
وراسك ع الرمح يحسين يبجي شما يضربوني
يخوية الشام مايراد ناس هوايه هظموني
هظموني من كاموا يشتمون ...
براسك اگبالي يهوسون...
مجتوفه من طبوني للسوك..
الوادم علي كاموا يضحكون
سلعة جديده هايه اسمعه محبس ابيعه وي اصبعه
عمود الخيمه مكسور الخدر ماصحله ناطور
غريبة ام عون ضلت وين اهلها
..................................................
الملا: يحيى البنداوي
ااسم القصيده: #طلعت_اركض
مره ومابيه حيل امشي وليل ورحت ادورنك
عثرت بعون واني ام عون عفته وگلت الحگنك
ليل وبس صهيل الخيل ترابة وجايه اندهنك
يميت مو وكته الموت زلمهم فرهدوا ضعنك
انعم. الله الريحة الخوة هي العرفتني عليك
لوماوماهي اعبرنك. ...!
باب الخيمه احاجي الخيل ولج ياخيل هذا حسين
يهلبت مايسحگنك...💔
مافاد الحجي وي الخيل واجيت وعود اشيلنك
مامقسوم اموت وياك مبارك عاد اشمنك
حجي الوادم شلع گلبي واصبر روحي بالگوة
انهبوا الخيمه مال ام عون حجاها الكلشي مايسوى
اقنع روحي ماميت. بس بروحي جلمة تگول
زينب ماتت الخوة..💔
يبو سكينة الوكت موزين اخذ شتريد بس تكوم 💔
جلمة احجيلي فدوه اروحلك سبع فدوات
يابو حجاية الحلوه ...💔
اگعد فدوه اروحلك الوادم عالو علينا
التراجي الحلوة مبيوگات وحرگوا خيمة سكينه
اگعد ياشريج الروح اخيتك والله موزينه 💔😞
الماشايفلي حتى اخيال هسه يخوزر بعينه
باجر من صباح الضيم نمشي متربة عبينه
يبن امي الدرب موزين هيمه وكلشي مانندل
وذباحك يدلينه
بحبال الخيم يحسين نمشي مجتفة ايدينا
جبيرة وعود اخت عباس شعرفني بسبي وهزلة
انا المفروض اموت وياك مو مالت اضل عدلة
درب غربة وخفت لا اضيع ذباحك ترا الحداي
بدرب ماعرفه واندله
شلعان الگلب بالشام اموت ارحم ولا بالشام
البجي هينه الخيم هينه كلها ولا بلاوي الشام
حرمة وعمري بالخمسين اطر السوگ هم زحمه
سوگ وخفنه لا ننباع وادم مالهم رحمه
الاخرس مايشيل العين وماسد الحلگ الاعمى
الاعمى هم يسب بينا 💔
هاي الماكو عدها اخوان زلمة يسولف لزلمة
كلها تگول زينب هاي لا تنطوها شربة ماي 💔
يركضن مستحى من الخوف اتعب ركضة الحفاي
تعبوها خل تمشي الدرب عطشانه
وتعبانه خلها تطيح ع التعبانه
..............................................
الملا: يحيى البنداوي
اسم القصيدة :عثرت بعون وانا ام عون
الشاعر: هادي شبيب الخيگاني
جيت اعله صوتك اتبعك بهذا الظلام شطلعك
جيت اعله صوت الخطوه يامولاي الك
بهذا الظلام شطلعك. جيت اسئلك
مو تدري ناوين الاعادي مقتلك
شفتك تحوم اعله الخيم
وتزيح الاشواك بالالم
ودمعة عيونك هامله...ياكربلا...ياكربلا
ياكربلا....ياكربلا....ياكربلا....
..................
محتار اشوفك عن بعد يم الخيم تمشي وترد
حالك عجيب شعندك انطيني خبر
ليش انت جاي من الارض تمحي الخطر
يبن الزجية كلي مو كلبي انكسر
ياهو يسحك هالارض حافي ويمر بيها ركض
خافن زغار العايله...ياكربلا...ياكربلا
ياكربلا....ياكربلا....ياكربلا....
..................
گلبي بخدمتك وافتهم روح انت ارجع للخيم
امرني وامشي سيدي يم عيلتك
خلي رقية ترتوي من شوفتك
ماتحتمل باجر يغالي فرگتك
ياهو الغيابك يحتمل
ياسيدي شلون الطفل
بهاليله بس مدلله ...ياكربلا...ياكربلا...
ياكربلا....ياكربلا....ياكربلا....
..................
وين انتهي منين ابتدي تندل دربهن سيدي
عن الخيم خافن يبعدون الدرب
الشوك البعيد بركضة اطفالك يطب
بهاي الجدام الترفه والتبقى غرب
والديره الي طيح خيم
ماترحم اليشكي الالم
وتقسى اعله طفله معوله ياكربلا...ياكربلا...
ياكربلا....ياكربلا....ياكربلا....
..................
انا الاجيت لنصرتك والله بجيت لغربتك
كدامك اطفال ورد ينثر عطر
وتدري يتامه باجر بوكت الظهر
بصدرك عبرتك حگها لمن تنكسر
لو هلت عيونك دمع خافن سكينه تنفجع
وتبجي كل القافله ..ياكربلا...ياكربلا...
ياكربلا....ياكربلا....ياكربلا....
..................
الملا: محمد باقر الخاقاني
الشاعر: سيد مرتضى الياسري
اسم القصيده: #بهذا_الظلام_شطلعك
الك حنيت يالماخذ نظر عيني
بقت بس ذكريات البينك وبيني
اكبالي اتصورك كاعد تحاجيني
صوركم ساكنه عيوني يبو اليمه
وطوف ابكعبة اظنوني يبواليمه
رايح راد عنك كمت انشدنه
ابويه ايعود لو منه اكطع ظنه
مدري اشلون ليل اجفاكم ايعدي
عليله وعايشه ابيت الحزن وحدي
بكيت ابأمنيات اتجيب وتودي
ومن سيل المدامع ما نشف خدي
مرض وفراك متحمله يولياني
اجفاكم حيل ما خله يولياني
أعد حسبات ذاك الليل ماعده
اون وجمر فراك الاهل شيخمده
انه ادري الظعنهم ماتصح رده
ظل مهد الرضيع وسلوتي ابمهده
اشوفنه المهد خالي وألولي له
واكولن يرجع الغالي و ألولي له
اذا يرجع ظعنهم تسكن آلامي
وموش احزان عيد ايصيرن ايامي
كلبي الشوفة اهلي السافروا ظامي
وشوف ارسومهم من امشي جدامي
وين اليجبر امصابي ويبشرني
ايكلي ابردة احبابي ويبشرني
آنه امتانيه وطولت سفرتهم
اموتن خايفه وماشوف ردتهم
شنهي كلوبهم ماحنت البتهم
اخاف ابكربله صارت منينهم
يافاطمه يافاطمه
______
كلمات الشاعر - لؤي الموسوي
القصيده :ماضل وكت
الرادود :سيد فاقدالموسوي
الشاعر :محمد البطحاوي
-------------
يالتسأل ايامه شوكت
ماضل وكت ماضل وكت
الشهر الذبح .. شمرت رمح
محرم ... محرم
::::::::::::::::::::::::::::::::::::::
اركض وانصب الموكب
ماتلحگـ بـعد تحسب
طب ضعن الحسين لگاع العراق
بسم حسين ابديها
خيمة حزنك ابنيها
بواهس ملكه اخدم كون مشتاگ
بيت الشعر بحباله
من لونه تجي دلاله
ويكون السواد ميغطي الارواك
حي خدام ابو السجاد حيهم
طـول الـعـام ماعافو حزنهم
كبل هلال عاشور الاجه بعام
لـجـل حـسـين ماذبو حزنهم
لحسين الحزن
علي ..... علي
لازم ينعلن
علي ..... علي
خل گلبك يحن
علي ..... علي
خل گلبك يحن
للحسين للحسين
اركض عله الخدمه ركض
مـو مستحب هـاذ فـرض
الطرالصبح
شمرت رمح
محرم .. محرم
::::::::::::::::::::::::::::::::::::::
يالتسأل ايامه شوكت
ماضل وكت .. ماضل وكت
الشهر الذبح .. شمرت رمح
محرم ... محرم
::::::::::::::::::::::::::::::::::::::
رايه برايه معكوده
يحلى الحرن بسوده
ونخلي الحداد تشوفه كل عين
بشهر حسين وعياله
لحد يلبس عكاله
كـون مـنگبه الـشيعه للحسين
شـما نـخـدمـلـه مـو كافي
حسين اخته طلعت حافي
وعثرت والشماته الجيش صوبين
شهر حسين چم يوم ويجينه
خل راياتنه تغطي المدينه
كبل العطش لايوصل لخيام
تهز الكون صرختنه وبجينه
بكل ساحه اله
علي ..... علي
نسوي كربله
علي .....علي
وكل المسأله
علي ..... علي
وكل المسأله للحسين
كون المواكب تنصب
لحسين ويطول الدرب
عن الجرح
شمرت رمح
محرم .. محرم
::::::::::::::::::::::::::::::::::::::
يالتسأل ايامه شوكت
ماضل وكت .. ماضل وكت
الشهر ذبح .. شمرت رمح
محرم ... محرم
::::::::::::::::::::::::::::::::::::::
امه فاطمه الزهره
قميصه بسمه تنشره
هاي اعظم دلاله لشهر الانحور
تتباوع الخدامه
ياهو الكمل خيامه
واتلكه الهلال بالطم الصدور
بايام السنه هيه
محرم كون ليليه
وي جرح الحسين شويه عاشور
وي جرح الطفوف شويه شهرين
محرم للقيامه ايضل للحسين
لداسته الخيل وهوه عطشان
كل مصباح عاشر كون ميتين
شما طال الدهر
علي ..... علي
يضل يحجي النحر
علي ..... علي
عطشان النهر
علي ..... علي
عطشان النهر للحسين
شما دارت عليه السنه
ظهر العرش لجله نحنه
مابي صلح
شمرت رمح
محرم .. محرم
::::::::::::::::::::::::::::::::::::::
يالتسأل ايامه شوكت
ماضل وكت .. ماضل وكت
الشهر ذبح .. شمرت رمح
محرم ... محرم
::::::::::::::::::::::::::::::::::::::
الوي حسين مايخسر
الذب اكثر اخذ اكثر
شما تنطي بخدمتك ضعف ينطيك
شما عندك تره قدم
بكل موكب اله اخدم
لوما هوه ناصي انت شيعليك
البدنيا كضه عمره
جيب الباجر يعبره
انته حسين باجر يحضر يجيك
بده عد الحزن والكمل ارتاح
والماحرك ايده كلشي مالاح
ياعالم حسين يشوف ياناس
ويميز الواكف والشمه وطاح
حضر خدمتك
علي ..... علي
وأرفع رايـتك
علي ..... علي
رخص دمعتك
علي ..... علي
رخص دمعتك للحسين
حزن الحسين الماخلص
اخدم تره الخدمه فرص
عن الشرح
شمرت رمح
محرم .. محرم
::::::::::::::::::::::::::::::::::::::
يالتسأل ايامه شوكت
ماضل وكت .. ماضل وكت
الشهر ذبح .. شمرت رمح
محرم ... محرم
::::::::::::::::::::::::::::::::::::::
واحد يحجي لثاني
محرم اجه شمتاني
روح اركض على الموكب انصبه
من ولايه لولايه
تبين لازم الرايه
موش تكول هاي الشغله صعبه
كل الكره الارضيه
نسويها اله حسينيه
البي جمره حزن مايطفه
گلبه
شدوه حزامكم والخدمه غيره
كل شيعي بعد هوه وضميره
وخلي بالك انت خيام الحسين
خاطر من تقدمه تحير
حيره
اليسولف بالعشك
علي ..... علي
ـلازم مـحـتـرك
علي ..... علي
خل گلبك يدك
علي ..... علي
خل گلبك يدك للحسين
كثرو المجالس والبجي
وي كربله شويه الحجي
للمنجرح
شمرت رمح
محرم .. محرم
كوم يوليدي الحنين وشوف بعدك حالي
ليش انادي ومتجاوبني يضي دلالي
قاسي وياي الدهر بعدك ينور عيوني
ضيعت نظرة حنانك وانطفت امالي
اذرف الروح ويا دمعي وابجي دم بغيابك
ياهضيمه يغيب شخصك ياحبيبي الغالي
جمرة الحيرة بدليلي .. وتسعر بأنفاسي
مدري من هجرك اون .. لو من زماني القاسي
شفتك امدد والف طعنه وجروح بجسمك
فدوة يمه لطولك المن يزهي جان ايناسي
مايدك كلبك حبيبي واختفت بسماتك
من عكب موتك ترة ماتت هيام احساسي
يمه وين انطي الوجه بين الغرب محتارة
من عكب شخصك تمرمر كلبي ذاب بنارة
ضلن ارسومك يبعد امك نقوش بروحي
ماتغيب من النظر يا دمعتي الفوارة
راح ابجي اعليك حد مااندفن بألامي
دنيا بعدك ضلمه يمه والحياة اخسارة
الملا .. سيد محمد الحسيني
الشاعر .. ناصر ال بوعبيد
الكاتب .. بهاء
قصيدة: حسين مات
بصوت : عمار الكناني
الشاعر : علي عويز
▪️▪️▪️▪️▪️
حسين مات بعد ماتسوة الحياة
ابو ماضل للبنات حسين مات
عمت عينك يافرات
🌷🌷🌷🌷🌷🌷🌷🌷🌷
اني كنت حيا ادركهن خواتك
ان كنت ميت يضيعن بناتك
مافاتك بيوم فرض الله بحياتك
اذن يالحسين كوملها صلاتك
خويه عليك وياك .. علي وياي .. شصيحن
من الخيل افرن .. على النار .. اطيحن
كونك رمق بيك احاجيك اريدن
حسين وين ارفع ايدك حتى اجيك
حسين وين زينب ادور عليك
حسين وين متت لو ضل نفس بيك
حسين مات
حسين مات بعد ماتسوة الحياة
ابو ماضل للبنات حسين مات
عمت عينك يافرات حسين مات
🌷🌷🌷🌷🌷🌷🌷🌷🌷
مايرجع حسين وموذر عرفنه
لمن شمر صاح خل نهجم على اخته
واتخوصر وكال ابن امج ذبحته
وبعيني الدمع سال وبعينه فرحته
انه اخت الحسين .. شمر وين .. ظليمة
اخر وكت هاي ..حجه وياي .. هظيمة
وبكيفه اكعدي .. اسكتي .. اليمه
كمت اصيح .. حسين خويه .. انه انوليت
كمت اصيح .. الحكلي خويه .. ومااجيت
كمت اصيح .. وكلها ضحكت من بجيت
حسين مات
حسين مات بعد ماتسوة الحياة
ابو ماضل للبنات حسين مات
عمت عينك يافرات حسين مات
🌷🌷🌷🌷🌷🌷🌷🌷🌷
خويه بناتك كلهن جمعوهن
جابو قميصك بي دم شوفوهن
كامن يصرخن وبدعك رموهن
الماوصلن الباب بالبر طلعوهن
شبكن عليه .. رقيه .. وسكينه
والي يفرن .. يوكعن .. علينه
اسم الله لليصيح والي يطيح اعينه
وين اروح ذبحو ابن امي الوحيد
وين اروح صارت الدنيا ليزيد
وين اروح استراح شويه اريد
حسين مات
حسين مات بعد ماتسوة الحياة
ابو ماضل للبنات حسين مات
عمت عينك يافرات حسين مات
🌷🌷🌷🌷🌷🌷🌷🌷
الحك خواتك يبن امي ولوهن
رادن يجمك للحومه امنعوهن
ردن للخيام الخيام احركوهن
وشما المهن ردو ضيعوهن
شاهدنه ياويل .. على الخيل دمائك
وشفنه بالعيون .. يسلبون .. ردائك
وكلها بذبحته .. وسحكتهه .. اتبارك
لاتموت تنهض وزينب وراك
لاتموت على صدرك شمر ذاك
لاتموت فوك تعبك تعباك
حسين مات
حسين مات بعد ماتسوة الحياة
ابو ماضل للبنات حسين مات
عمت عينك يافرات حسين مات
🌷🌷🌷🌷🌷🌷🌷🌷
لو شايف ام عون من ركضو وراهه
تفر من زجر هيج هنا خولي اجاهه
مالحك بسوط بحجارة رماهه
وكلهم يلوحون ماواحد خطاها
وانه جدمي تعبان .. والدخان .. خنكني
الماطك الزغار .. شعل نار .. رعبني
احمي بالايتام .. للخيام .. سبكني
كلشي ضاع .. حسين .. والعز والدلال
كلشي ضاع .. وصار طك .. زينب حلال
كلشي ضاع .. تمشي حافيه .. ام الجلال
حسين مات
حسين مات بعد ماتسوة الحياة
ابو ماضل للبنات حسين مات
عمت عينك يافرات
🌷🌷🌷🌷🌷🌷🌷🌷🌷
اني كنت حيا ادركهن خواتك
ان كنت ميت يضيعن بناتك
مافاتك بيوم فرض الله بحياتك
اذن يالحسين كوملها صلاتك
خويه عليك وياك .. علي وياي .. شصيحن
من الخيل افرن .. على النار .. اطيحن
كونك رمق بيك احاجيك اريدن
حسين وين ارفع ايدك حتى اجيك
حسين وين زينب ادور عليك
حسين وين متت لو ضل نفس بيك
حسين مات
حسين مات بعد ماتسوة الحياة
ابو ماضل للبنات حسين مات
عمت عينك يافرات حسين مات
🌷🌷🌷🌷🌷🌷🌷🌷🌷
مايرجع حسين وموذر عرفنه
لمن شمر صاح خل نهجم على اخته
واتخوصر وكال ابن امج ذبحته
وبعيني الدمع سال وبعينه فرحته
انه اخت الحسين .. شمر وين .. ظليمة
اخر وكت هاي ..حجه وياي .. هظيمة
وبكيفه اكعدي .. اسكتي .. اليمه
كمت اصيح .. حسين خويه .. انه انوليت
كمت اصيح .. الحكلي خويه .. ومااجيت
كمت اصيح .. وكلها ضحكت من بجيت
حسين مات
حسين مات بعد ماتسوة الحياة
ابو ماضل للبنات حسين مات
عمت عينك يافرات حسين مات
🌷🌷🌷🌷🌷🌷🌷🌷🌷
خويه بناتك كلهن جمعوهن
جابو قميصك بي دم شوفوهن
كامن يصرخن وبدعك رموهن
الماوصلن الباب بالبر طلعوهن
شبكن عليه .. رقيه .. وسكينه
والي يفرن .. يوكعن .. علينه
اسم الله لليصيح والي يطيح اعينه
وين اروح ذبحو ابن امي الوحيد
وين اروح صارت الدنيا ليزيد
وين اروح استراح شويه اريد
حسين مات
حسين مات بعد ماتسوة الحياة
ابو ماضل للبنات حسين مات
عمت عينك يافرات حسين مات
🌷🌷🌷🌷🌷🌷🌷🌷
الحك خواتك يبن امي ولوهن
رادن يجمك للحومه امنعوهن
ردن للخيام الخيام احركوهن
وشما المهن ردو ضيعوهن
شاهدنه ياويل .. على الخيل دمائك
وشفنه بالعيون .. يسلبون .. ردائك
وكلها بذبحته .. وسحكتهه .. اتبارك
لاتموت تنهض وزينب وراك
لاتموت على صدرك شمر ذاك
حسين مات
حسين مات بعد ماتسوة الحياة
ابو ماضل للبنات حسين مات
عمت عينك يافرات حسين مات
▪️▪️▪️▪️▪️
#اللهم_عجل_لوليك_الفرج_والنصر_والعافية
مات حسين مكتوبة
📜 القصيدة: حيره بنص غربه
🎤 أداء: مسلم الوائلي
🖋 كلمات: عباس طالب السعيدي ~~~~
حيره بنص غربه احتارينه
حيهم وين اليسبگ عينه ~~~~~~~
بالهيمه مثل حسين طشرنه ديره
وينه اليطيح اگبال زينب حصيره
ادلال المضيف اتطيح فشله جبيره
مو طاحن بنيات شيخ العشيره
مو كل واحد يعطش يعني يريد الماي الماهوه
زينب كلما تعطش تشرب وجه العباس وتروه
جف بلا خنصر ضلينه
حيهم وين اليسبگ عينه ~~~~~~
صاحت رقيه اتهون هاي الطلابه
بس كون اشم حسين گبل الخرابه
من گتله هاي النوگ گوملنه بابه
ما جلبت وياي غير الترابه
كلمن رد لدياره وگبل المغرب رجعت شمس الله
واحنه الهاي الساعه اندور عن تابوت لعبد الله
طحنه دموع وما ردينه
حيهم وين اليسبگ عينه ~~~~~
طاحت علينه اشكال ما بيها زينه
بس المطر ما طاح بالطف علينه
عالوجه گمنه انطيح ونغطي عينه
جي بالركض يا ناس مجتوفه ادينه
صعبه الطيحه اگبال الوادم من اتطيح العلويه
ساعتها اتمنيت اشجم عباس امخلفه البدويه
عباس هوايه اتمنينه
حيهم وين اليسبگ عينه ~~~~~~~
تعبن بنات ام عون جم مره طاحن
جنهن قميص حسين بالهيمه ضاعن
مثل النفس بالماي بالگوه راحن
جنهن دمع جناز ما يستراحن
لو ما بالطف مات العباس ومگطوعات اجفوفه
جا ظل زينب صوت اتحول محد غير الله يشوفه
كلشي اتغير وي جفينه
حيهم وين اليسبگ عينه ~~~~~
مطلوبه ثار الشام نوگ وسبايه
ما عدنه ثار يطيح مثل العبايه
ما رفرفت رايات بالشده هايه
والله منهد عباس ما شفنه رايه
صوت من اخر بزره لهاشم لم الحيل المتبدي
صاح الثار امربع يرجع من عدهم وانه المهدي
صحنه ادخيلك يا مهدينه
حيهم وين اليسبگ عينه
°°°°°°°°°°°°°°°°°°°°°°°°°°°°°°°°°°
ــــــــــــــــــــــــــــــــــــــــــــــــــــــــــ
📜 القصيدة: بچفوفي قَارورتكم
🎤 أداء: محمّدبَاقِر الخَاقانيّ
🖋 كلمات: احمد الهَلباوي
ــــــــــــــــــــــــــــــــــــــــــــــــــــــــــ
گلبي إعله فرگاكم يسولف ضِمه
بچفوفي قارورتكم تُصب دِمه
وشِفت الجَرىٰ بخِيامي.. لحَد طيحتك يا ضَامي
بچفوفي قارورتكم تُصب دِمه
ــــــــــــــــــــــــــــــــــــــــــــــــــــــــــ
يا بُوية آنه جَرح فراگ ما صَحّتله طيبة
مِن يوم الرِحت كلساع تفجعني المُصيبة
آنه إسمي العَليلة چان صار إسمي الغَريبة
آنه اُم جِدم مزروعة عَ الباب
ابچي بگلب اُم عِندها إبن غاب
تنشد عليك الرايح و رَاد
وراسي يَبويّ مِن الهجر شاب
هنانه ولچمني حَر عُطش كَربلا
وب احلامي اشوفن شَتّ ظعن بالفَلا
صارت مُصيبة احلامي.. لحَد طيحتك يا ضَامي
بچفوفي قارورتكم تُصب دِمه
ــــــــــــــــــــــــــــــــــــــــــــــــــــــــــ
هاي آنه اُم گلب عَطشان مزروع إعله بابك
ومِن قَبل الخِيم محروگ يا بُوية بغِيابك
وشافوا دَمعتي الاجناب مفجوعة بمُصابك
آنه العشت ست اشهر تنوح
ومچتّفة بحَبل النعي الرُوح
وتعثر صَفنتي ودمعتي تطيح
مَذبوحة وابچيلي إعله مَذبوح
عشت المُصيبة وجِفني گطّر دِمه
ويِبست لَهاتي مِن الركض والضِمه
وطاح العَلم گدّامي.. لحَد طيحتك يا ضَامي
بچفوفي قارورتكم تُصب دِمه
ــــــــــــــــــــــــــــــــــــــــــــــــــــــــــ
آنه إلي يبات وِياي شوغاتي بهَجركم
وتندهني الدموع انوب واگعد وانتظركم
لا اندل ولا إلي حيل حتّىٰ اتبع اثركم
لا يَمّي إنتَ وتهجع العين
ولا حصّلت وحدة مِن الاثنين
لا مِتت لا اخذتوني يَحسين
وما ادري بيكُم وين ما وين
اوّل وداع بعيني طفّه الضوه
ويّ رَفعة إيدك گلبي طَب نينوىٰ
وسودة اصَبحت ايّامي.. لحَد طيحتك يا ضَامي
بچفوفي قارورتكم تُصب دِمه
ــــــــــــــــــــــــــــــــــــــــــــــــــــــــــ
حين الغمّضت لحظات شفتك رَافع إيدك
يم العَلگمي ومكسور وتحشّم عَضيدك
بيش ارجع يَبو النوماس وخِيامك تريدك
شفتك رجعت بغير عبّاس
تمشي ويِهد حيلك حچي الناس
يگولون ضَل وَحده ويگولون
سيّد الشَباب مشيّب الراس
وتُوگع يَبوية مِن المُهر عَ الثرىٰ
وتطلع تدوّرك عمتي المخدّرة
ما كَف جِفنها الدَامي.. لحَد طيحتك يا ضَامي
بچفوفي قارورتكم تُصب دِمه
ــــــــــــــــــــــــــــــــــــــــــــــــــــــــــ
ـــــــــــــــــــــــــــــــــــــــــــــــــــــ
📜 القصيدة: إنتظار اُم البَنين
🎤 أداء: محمّدبَاقِر الخَاقانيّ
🖋 كلمات: انور المُوسوي
ـــــــــــــــــــــــــــــــــــــــــــــــــــــ
يَـ الطالب بثار الحُسين.. عجّل بحق اُم البَنين
ـــــــــــــــــــــــــــــــــــــــــــــــــــــ
يا گلبي مِنها تعلّم صَبر.. لصاحب زَمانك مِن تنتظر
إشعل وجودك شَمعة وِفه.. ما تُطفه إلّا بطَلعة فجر
إنتظار اُم البَنين إخذه عِبرة.. لصاحب امرك مِن تنطره
إنطي حَق الإنتظار
إنتظار اُم البَنين لوِليها.. توسّل تحصّله مِن إديها
حتّىٰ إلك ميضل قرار
سَلّم كُل امر لإمامك
ولّي امرك يگلبي بإيده وكفىٰ
وإذبح يَم عتبته كل الجِفه
مِن اُم البَنين إستجدي الوِفه
يَـ الطالب بثار الحُسين.. عجّل بحق اُم البَنين
ـــــــــــــــــــــــــــــــــــــــــــــــــــــ
تعلّم مِثلها تتاني ظَعن.. صاحب زِمانك وإبچي لإن
ماكو إنتظار بِلاية دموع.. تجري لغِياب المّاله وَطن
علىٰ باب إنتظاره إسهر إبچي.. يا گلب بجروحك إحچي
وإتعب اليتعب وَفي
علىٰ باب إنتظاره إفني عُمرك.. شَمعتك يشعلها جَمرك
وب امل جيّه إكتفي
مِن مولاتك وألمها
المّا فارگ جِفنها دَمع الكِدر
مِن لَحظة رَحيل عيون الگُمر
دَمعتها تناشد ما صَح خبر
يَـ الطالب بثار الحُسين.. عجّل بحق اُم البَنين
ـــــــــــــــــــــــــــــــــــــــــــــــــــــ
اُم البَنين ورَاعي الأمر.. گلبين ألمهم نَفس الجَمر
منتظرة عاشت ذاكَ الظعن.. ولثاره عايش هَم ينتظر
إنتظار العِنده ثار بعده ما حَل.. تمشي فوگ جروحه هزّل
بيهن تلچمه وينوح
إنتظار العِنده ثار ويّ الحچاها.. الـ وإن يِذبح صَداها
بگلبه وتشوغ الجروح
حَظ بيك إبچي ويّ إمامك
كل صُبح ومسية دموعه الحُمر
مِن نَزف المحاجر يِجرن صَبر
يغمّض وبخَياله الحافر يُمر
يَـ الطالب بثار الحُسين.. عجّل بحق اُم البَنين
ـــــــــــــــــــــــــــــــــــــــــــــــــــــ
هَل مِن مُعين يطيل البُكاء.. ينادي الغَريب بهيئة دُعاء
جاوب إمامك وإجري دموع.. لـ اهله الضَحايا بطَف كربلاء
الا هَل مِن جزوع ينادي بينا.. يساعده المَهدي بونينه
وينعىٰ مكسور الظَعن
الا هَل مِن جَزوع يواسي گلبه.. بغُربة يبچي لوَحده غُربة
بِلا اهل وبِلا وَطن
ويّاه نادي واحُسيناه
وامَولاه غَريباً بين العِدا
لا حامي المُخيّم ضَل وَحّده
وحسين بجروحه ينازع غِده
يَـ الطالب بثار الحُسين.. عجّل بحق اُم البَنين
ـــــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــــــ
📜 القصيدة: مَال ويّ العَلم
🎤 أداء: محمّدبَاقِر الخَاقانيّ
🖋 كلمات: احمد الهَلباوي
ــــــــــــــــــــــــــــــــــــــــــــــــــــــ
مَال ويّ العلم.. حِملي وحِمل نسواني
عَ الدلال حيلي إنهدم.. مِن هَدّموا صيواني
ظَعني شال مِن الخِيم.. للكوفة ويّ عدواني
ــــــــــــــــــــــــــــــــــــــــــــــــــــــ
مالت گامتي مِن النوح منگد ما ادگ عَ الراس
الستر ما يِنشره وينباع إذا حَد العشيرة إنداس
إخوتي مذبّحة وماكو صاحب غيرة بين النَّاس
فِزعلي هودج المَحروگ سِمعنا نحشّم بعبّاس
مات بيّه الدرب.. ومتحفّيات إجدامي
والفُرات ما ينشرب.. مِن بَعد عين الضامي
رَاح ابات بين الغُرب.. مِن ضَيّعيت خِيامي
ــــــــــــــــــــــــــــــــــــــــــــــــــــــ
إجيت لكربلا وياكم چف بچف ي ولياني
وبس ما غِبتوا عن عيني رَاوتني وجه ثاني
بِدت بيّه بهجوم الخيل إجت والغاية صيواني
يريدوني اطَلع وبالعين يشوفوني اندب إخواني
ذَاب گلب الطِفل.. مِن العُطش والحيرة
راسي شاب مِن الحَبل.. وبالحادي ما مِش غيرة
والعذاب فُوگ الهِزل.. مِن ديرة اطب لديرة
ــــــــــــــــــــــــــــــــــــــــــــــــــــــ
چنت مَهيوبة عِندي اخوان يحيطوني مِن اريد ارحل
وإذا صار الدَرب بليل يخسفون الگُمر لو هَل
يا عين التصدّگ هاي إختكم واگفة إعله التَل
صحت يا كافل ظعوني جِدمي مِن الركاض إنشل
طاح حامي الخِدر.. وحرگوا عَليّه اطنابي
حِيلي راح مِن الجمر.. صار ابطَرف جلبابي
بينا صاح حَادي اليسر.. راح امشي ويّ سلّابي
ــــــــــــــــــــــــــــــــــــــــــــــــــــــ
للمِثلي يَـ ولياني مطلوب الصَبر ادري
بس الصبر ما اظنّه يطفّي النار البصدري
الصَبر ما اريده اريد چفوف تگص إيد السِلب خِدري
وتُفك حبل السَبي مِن إيدي وترجّع هيبتي وگدري
نار فوگ العُطش.. تحرگ ظَهر اطفالي
وبيتي صَار ليل إهدعش.. مِن الهِواشم خَالي
بِلايه دار شِفنه إنفرش.. فوگ التراب خِيالي
ــــــــــــــــــــــــــــــــــــــــــــــــــــــ
اصيح إعله الهِزل وانعىٰ واذكر سَالف ايّامي
چنت خِدر العشيرة وچان تدور ببابي خِدّامي
اميرة شلون اطُب ديوان يويلي و بَادن اجدامي
ما ضَل اجنبي ما شاف خَواتك يَـ المِتت ضامي
نام مُهجة عَلي.. ومسلّبات هِدومه
لا خِيام لا آني لهلي.. ولا آني مِتت بالحومة
الدِنيا شَام وآنه الوِلي.. وآني السبيّة بيومه
ــــــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــــــ
📜 القصيدة: اولاد مُسلم
🎤 أداء:محمّدبَاقِر الخَاقانيّ
🖋 كلمات:
ــــــــــــــــــــــــــــــــــــــــــــــــــــــ
مِن الخيل هَدّت صُوب الخِيام
اخوان إثنين چانوا بين الأيتام
ركضوا والوَكت مدري إلهم شضام
مدري اولاد مُسلم بيهم شصار
ــــــــــــــــــــــــــــــــــــــــــــــــــــــ
إيد بإيد ركضوا والدَرب خوف
والدُخّان مِنهم مَاخذ الشوف
كون كبار چا حِملوها الطفوف
بس أُولاد مُسلم چانوا زغار !
ــــــــــــــــــــــــــــــــــــــــــــــــــــــ
مدري ليا كِتر بَعّدتهم الخيل
عَطشانين ويريد الرَكض حيل
زغار و هاي هيمة وجَايهم ليل
ودرب الوادي هـٰذا خيول وأخطار
ــــــــــــــــــــــــــــــــــــــــــــــــــــــ
ما ضَل عد إختهم بال وعيون
عالخوّان نشدت كِل الظعون
شلون تدوّر إعله الضاعوا شلون؟
وين تروح غُربة بكل الأكتار
ــــــــــــــــــــــــــــــــــــــــــــــــــــــ
يهدأ شلون وَنّها وتُغمض العين
اخوتها وما دَرت مَيّتين عدلين
آخر مرّة شافت خُوف الإثنين
بين خِيامهم مِن شَبّت النار
ــــــــــــــــــــــــــــــــــــــــــــــــــــــ
هـٰذا الليل صار وهُمَ غِيّاب
وگلبي تِحيَّر إعله الضَاعوا و شاب
مدري إخواني طاحوا ب إيد الأجناب
مدري العُطش ذابح وِلد الأخيار
ــــــــــــــــــــــــــــــــــــــــــــــــــــــ
يا هُو اليرحم بحال الغَريبِين !!
لو طاحوا أسر بيد المَلاعين
واليعرف نَسبهم هاشِميين
لأبن زياد يِهديهم بدينار
ــــــــــــــــــــــــــــــــــــــــــــــــــــــ
دَام لهاشم يعودون الإخوان
ما بين الغُرب ما إلهم مچان
ماترحم زغرهم كل الأوطان
وينذبحون چي جَدّهم الكرّار
ــــــــــــــــــــــــــــــــــــــــــــــــــــــ
بين الخيل وبين النَّار وبين صُولات العَساكر
إثنين اخوان إخوان صغار ضاعوا ببين الحَوافر
راحو وين المُغرب صار عيون عمّتهم تناطر
رَكضة خُوف وليل نهار وينه مُطهر وينه طَاهر
المّاعنده اهل وين يروح بيامَسكن يبات
والخلّص الليل ينوح يخاف مِن الاصوات
الأصوات بالطف مُرعبة.. ضَيّعنا طف النايبة
مِن هِجمت الخيل
مُسلم أبونا شغيّبه.. ضَيّعنا طَف النايبة
ــــــــــــــــــــــــــــــــــــــــــــــــــــــ
ـــــــــــــــــــــــــــــــــــــــــــــــــــــ
📜 القصيدة: جَهّز الخِيم يعبّاس
🎤 أداء: محمّدبَاقِر الخَاقانيّ
🖋 كلمات: احَمد الهلباوي
ــــــــــــــــــــــــــــــــــــــــــــــــــــــ
جَهّز الخِيم يعبّاس.. طبّينا ديرة كربلا
وإبعدها عن عين الناس.. بيوت الخِدر والعائلة
ــــــــــــــــــــــــــــــــــــــــــــــــــــــ
شيخ الهِواشم عَاف المدينة وجاب الدرب حسرة وآه
وكلما تگرَّب للطف يكسره حَال النساء الويّاه
ب ثاني مُحرّم مِن حَط رحاله محدّ إجه وتلگّاه
گطعوا طَريقه ورادوه يبايع لو تحرگ الخيمة عِداه
بالحُومة يفتر سَيّدي ويدري العِدا يطلبونه
ويبچي ويضم دَمع الهضم كلما يصد لظعونه
صاح الغَدر بيهم ساس.. وبيها الخيانة مأصّلة
وإبعدها عن عين الناس.. بيوت الخِدر والعائلة
ــــــــــــــــــــــــــــــــــــــــــــــــــــــ
نشّف دَمعته ونادىٰ لعضيده گوم إبني لإختك صيوان
هنا يابو فَاضل إنصب خِيامك ودگ رايتك عَ البيبان
جاري امس چان جدّي وضريحه واليوم اجاور عِدوان
طمّن خواتك شِما كثرت الگُوم عدهن ترا حِزام إخوان
هِنا يا گُمر عين العُطش صَلفة وتريد چفوفك
وآنه إعله زودك متكّل يَـ إبن الوَصي ومعروفك
حدّ الخِدر ما ينداس.. دام إنتَ حَيّ يا كافله
وإبعدها عن عين الناس.. بيوت الخِدر والعائلة
ــــــــــــــــــــــــــــــــــــــــــــــــــــــ
فَك المحامل ونزّل خَواتك بيدك يَـ إبن حامي الجار
وإنصب خِيمهن يا خُوية بيدك وإبني لعقيلاتك دار
عاشن عُمرهن دايم خِدرهن بغيرتك يَـ إبن الكرّار
هنا نوّخ العيس بالغاضرية وهِنا محط رَحلك صار
يَا ابا الفضل دگ رايّتك وخَلها ترف فوگاهن
وب سدّك يخاف الهَوا ما يُعبر مِن حذاهن
خَلها تِرف فوگ الراس.. راية عَفاف مدلّلـه
وإبعدها عن عين الناس.. بيوت الخِدر والعائلة
ــــــــــــــــــــــــــــــــــــــــــــــــــــــ
يا خُوية اوصّيك مِن تبني الخِيام يَم خيمتك خلّيني
ولا تنسىٰ عبّاس حط خيمة اُم عون بينك يَخوية وبيني
ما تگدر تعيش إلّا إعله صوتي وتگعد تحت فَيّ عيني
وتِبعتني لهناه ويا نُور عيناي لو رَادت تناديني
وتحمّلت ضيم السَفر كلّه لسواد عيوني
اگضي أنا واولادي ولا تتكدّر اُم ظعوني
طمّنها يابو النُوماس.. وطيح إعله چفها وقبّله
وإبعدها عن عين الناس.. بيوت الخِدر والعائلة
ــــــــــــــــــــــــــــــــــــــــــــــــــــــ
مأمّنه العَقيلة وكافل خِدرها مگابلها مُصباح وليل
يا ريته لو چان يمها ويِشاهد طَلعتها ما بين الخيل
تجمع ظَعنها وإلي بعُمرها ما بي للمراكض حيل
راحت خِيمها البانيهن إلها والمّاله اخو يشوف الويل
صاح ابو اليمّة وإنهدم عبّاس يا حيل إيدي
ذاك الفُرات الينكسر بي ظَهري إلك يَعضيدي
ــــــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــــــ
📜 القصيدة: إجه العَزه
🎤 أداء: محمّدبَاقِر الخَاقانيّ
🖋 كلمات: عَادل أشكناني
ــــــــــــــــــــــــــــــــــــــــــــــــــــــ
إجه العَزه
والمُعَـزّه ما إجه.. عجَّل الله فرجه
ــــــــــــــــــــــــــــــــــــــــــــــــــــــ
أبِـرَضْوى أم طوى .. گلبي إنطِوه اعله بابه
رايد لجرحه دُوه ..وصوتي دِوه بغيابه
الليله شِبْل العَسكري وين.. دلّوني
وين ناصب مأتم حسين.. دلّوني
الليله عِندي مصيبتين جتِمعَن بدَلّالي
هِلال المحرَّم إجاني و ما إجاني هِلالي
يا حَسرتي.. إجه محرَّم بالشَّجن
و حُجَّة الله ابن الحسَن
بعده عَن عيوني غَايب ريت لعيوني العَمه !
إن شاء الله مْحرِّم الجاي وِياه ننصب مَأتمه
عجَّل الله فرجه..عَجّل الله
ــــــــــــــــــــــــــــــــــــــــــــــــــــــ
مِن يجي اهِلال الشَّهَر .. يعني الكِدر إجانه
و ما د‌رينه المُنتظر.. وين استقَر مِچَانه
ويامَن المَهدي يجِـر آه.. ما ندري
وَحده لو هَم أحَّد وياه.. ما ندري
حين يبچي بصوت عالي مِنهو يسمَع حِسَّه؟
و مَدري يقروله المُصيبه وإلّا يقره لنفسه
بهـٰذا المِسه.. و لو إجه هِلال الحِزن
ويامَن المهدي يوِن
بيا أرض يُنصب عَزاءه و يجري دمعاته دِمه
إن شاء الله مْحرِّم الجاي وِياه ننصب مَأتمه
عجَّل الله فرجه..عَجّل الله
ــــــــــــــــــــــــــــــــــــــــــــــــــــــ
ينحَب و ندري لِمَن.. شِبـل الحسَن عَزاءه
بَدَلَ الدَّمْعِ دَمَاً ..طُول الزَّمن بُكاءه
مِن يشاهِد حَنية هِلال.. يتذكَّر
حسين ظهره اعله الأخو مال.. يتذكَّر
عَالشريعه حسين وَحده و العِده محَاصِرته
يصرخ " الآنْ إنْكِسَرْ ظهري" و لِزَم خاصِرته
يَم النَّهـر.. أخو مكسور الظَهر
و جُود مرَمي إعله النهر
و علَم أخضَر بينهم نَاطر المهدي يِلزَمه !
إن شاء الله مْحرِّم الجاي وِياه ننصب مَأتمه
عجَّل الله فرجه..عَجّل الله
ــــــــــــــــــــــــــــــــــــــــــــــــــــــ
هـٰذي أيَّام الجَزع.. بيها إرتِفع حِداده
نِزَع صبره و انفِجَع.. بَس ما نِزَع سَواده
بهالمُصايب عشرة أيَّام.. شيْصَبّره
و لو سِمع بمُصيبة الشام.. شيْصَبّره
علىٰ زينب عاف صبره و ظل يجِر حسراته
و آه يا طاري الدِّواوين و سَبي عمَّاته
لأجل الفرَج.. زينب بظَهر الهِزل
تدعي و بچفّها الحبِل !
للّي ياخذ ثار أخوها تدعي مِن ربّ السِمه
إن شاء الله مْحرِّم الجاي وِياه ننصب مَأتمه
عجَّل الله فرجه..عَجّل الله
ــــــــــــــــــــــــــــــــــــــــــــــــــــــ
رد علي من دفن ابوه وصحبته لخرابتهه
تلگته بدمعه العقيلة ونشدته عله اخوتها
صدگ عمه؟!
لسه اخوتي بلا دفن. فوك الترب صدگ عمه!
وابو اليمه...!
من توادعنا اعله وجهه منگلب ابو اليمه
ااه حجه بـ ااه ....بالطف لگينا
بشموس الظهر فوك الترب باقي اعله حاله
ثالث انهار....... هذا الي علي دار
ولا واحد اجه من الغبره شاله
الوداع حسين ....حسين....الوداع حسين..... حسين
..............................................
عمه شلت الباقي منه اعله الترب لعد گبره
گلبي فوگ الماروه گطرة شرب خلص صبره
بدي شلته...!
ماطلبت امعين عمه لوحدي بدي شلته
لان شفته...!
يختلف عن كل جسد هم والدي وجرح شفته
هنا الابوه هنا.....بس غادي شفنا
عن جسم الولي يابت علي خنصر يمينه
ريتج هناك....شفتيهه الجسد ذاك
وشلون ابنه من وسده حسينه
الوداع حسين ....حسين....الوداع حسين..... حسين
..............................................
گبل لا هيل الترب فوگ الجسد ندهه ليه
صوت من نحر الغريب وصوته هد گلب بيه
الى جنبي...!!!
ياعلي وسد رضيعي المنذبح الى جنبي
كسر گلبي...!
وايدي دفنتهم جرح حاضن جرح وانا بنحبي
هاي بأدي هاي.... نزلته بهداي
ست اشهر دلال توسد اترب المنيه
ناشف السان....عطشان اعله عطشان
وحيد امه اندفن بالغاضريه
الوداع حسين ....حسين....الوداع حسين..... حسين
..............................................
درت وجهي وللشريعه توجهت لابوفاضل
شفت جسمه وانا ودموعي طحت على الكافل
يبو النخوه ...!
صحت. فوگه شلون ادفنك بالترب يبو النخوه
وخذوا گوة...!
ضعنك وطرن خواتك جم درب خذوا گوه
ذاك يعم ذاك....خدرك بلياك
يطلع من غيبتك خرابه ويطب خرابه
واختك تگول...مو من عادته يطول
هجرة ومادره بگلبي وعذابة
الوداع حسين ....حسين....الوداع حسين..... حسين
..............................................
الملا: محمد باقر الخاقاني
الشاعر: عباس الشبلاوي
اسم القصيدة: دفن الحسين
مو حلو نومك ع الترايب
بلا رگبه والدلال ذايب
شو شاب عفتك صرت شايب
شو لا خدود ولا حواجب؟!
يمه المعاني شضال بيها 💔
هواي الذبح فرزن عليهه
امك حزنهه محني اديهه
ذبحك غميج ويومي ليها
والخيل عميه ومامش هدوم...يمه
ولا بيك گومه وتگدر تگوم ...يمه
عطشان وعله خيامك تحوم 💔
يمه حسين يايمه....يمه حسين يايمه
.....................................................
ريل النعاوي انكسر عوده
جا شنهي اخيك وين جوده 💔
ضل عاري ومفرهده زنوده
خدرك بعد ياهو اليگوده 💔
ستر البنات انذبح طوله
وتدري الحوافر كلها لوله 💔
التشرد وين تروح جولة
ضعنك سلاسل حضروله
ضعنك عزيز هواي يحسين ..يمه
نايم وهدوا ع النساوين....يمه
وين العمامه والنحر وين
المثلك شنو تلمه الحصيره
اگعد يهندام العشـيرة 💔
جثتك اشو جنهه گصيره
بيك المصايب لگت خيره
منك تمل يمتى الحوافر
ليا حد تضل يبني تكابر؟
اعليك جيش بكبره داير
محني لگيتك عثره صاير
خرب حلاتك سحگ الخيول ...يمه
وماتت على اللساني الدللول ....يمه
عاري شثگلهل وضال بالچول
غابت شمسنه وصار الغروب
وحسين فوگ الرمل مگلوب
من يمتى المعدل ينازع
والسهم فوگ النحر طابع
بجفوفك احسب تسع اصابع
التخنگ الوادم بس تباوع
عطشان ليش الماي النه!!
ماعاش اليعطش غصنه
اعمى الذبح مايگربلنه
صدرك حلو ينگط محنه
تاليها تتلوه اعله التراب..يمه
بحر الظهاري ومامش انگاب... يمه
شفتك مترس دمه ونشاب
يمه حسين يايمه....يمه حسين يايمه
.....................................................
من راسك لرجليك يابس
اكسر ونيني وعاد رافس!!
شح العطر ماضلي واهس
من شفتك بلايا ملابس
حر وجريش الگاع طافي
بلايا جفن مگلوب غافي
نومك جفي گطع جتافي
شمحلاتك جان صافي
والظهر هسه مطرز سهام...يمه
حاجيني تلحك ترى وتنام...يمه
شنهي بناتك بلا بالشام
يمه حسين يايمه....يمه حسين يايمه
.....................................................
الملا: يحيى البنداوي
الشاعر : انور السهلاني
اسم القصيده: صرت شايب
اجت ناگه وخذت خدري وبقيت لهودجي اتلفت
عشت منتظرة فزعتكم بين الـ هسه والبلكت
بلكت يرجع الطايح. ويعمر گلبي المفتت
وهسه ترفع علي رايه وارد لخيمتي الشبت
ارد لخيمتي وخدري ...وايدك تمسح التجري
هم يرجع دلالي الجان... بي بس عينك التدري
هم ترجع خيم راحت؟!
هم الينذبح يگعد 💔
واشوفن ع الرمح راسك
وياك احجي وعليك انشد
ابقى اتاني....ترجع اخواني
وانا اعله ناگه...وكتي خَـذاني 💔
....................................................
ضعن ماشي وجسم عاري نحسب هذا عليه وداع
مشت نوگي ونحت سكته جي ضلوا وراي اسباع
درت وجهي وكلت خويه.!💔 اعذرني مشيت بساع
لوما حبلي بجفوفي. ماخليك فوك الگاع
وسفه بحومه خليته...عليه هواي بجيته
خذوني ورحت مسبيه....صرت ع النوگ ناعيته
وحقك والمحنه البيك
ووحليب البي تشاركنه
لوما گوه مشونه جا عنك فلا رحنه
خوية مشينه..... جتفوا ادينه
رحنه سبايا....وسكته بجينه
.................................................
اه يحسين من رحنه بكل جره نفس خوفه
بلا هودج يخويه النوگ رحنه بنوگ مكشوفه
نغمض من نطب ديره حت الشاف منشوفه 💔
ومن جابو طواري الشام نسينه شصار بالكوفه 💔
اه الشام اه الشام ..بخرايبها تريد انام
وانا بكربلا عندي...حزم خوان موش حزام
جان بكربلا عندي
خيم ماكو مثيل الها
هضيمه وانا اخت حسين
الخرايب وسفه ادخلها
شلون ادخللها...وشمات اهلها 💔
خويه و خواتك...بخربه نزلها
.....................................................
الملا: محمد باقر الخاقاني
الشاعر: حيدر شايع
اسم القصيده: اجت ناگة
حگ لو عمت لمصيبته العين
مامات مثل الوادم حسين
ياميت علي تركض الخيل 💔
من جسمه عبرت لصواوين
..حسين...حسين...حسين.....
حك لو يطيح بمجلسه الحيل
ع الي نفرد عن المجاتيل
ع المالگو بمجانه من طاح
لهناك جسمه دنته الخيل
مو ثوب تسوه نطر الگلوب
ماشفنه ميت ثوبه مسلوب
ع الظهر كل ميت ينيموا
ومات اعله وجهه حسين مگلوب
ثغيب الثواكل نثغب علي
المالحگت نسوانه تبجي
وعافوه بالبر ثلث ايام
مكشوف صدره ومامغطي
طاح وعلت بين الخيم نار
وطلعوا حفايه كبار وصغار
من الجمر ركضت لاكت الخيل
واحتار خدر الكافل احتار
حسين...حسين...حسين.....
حگ لو تدگ جفوفنه الهام
يالساده گلب الخدر منضام
ذبوا العمايم واحنوا الروس
طلعوا زينب من الخيام
ع المالمح خمسينها الشوف
ياامه محمد بت علي هاي
مو اي مره طلعت بالطفوف
هاشم حنت كدامها الراس
وليها باشاره يكوم عباس
وتالي الوكت باام الخدر مال
وحد العقيله بكربلا انداس
.......................
الملا: محمد باقر الخاقاني
الشاعر: عباس الشبلاوي
اسم القصيدة: #مامات_مثل_الوادم_حسين
اليوم برووس اهل زينب يهوسون
*---------------*---------------*
وحيده اليوم زينب محد وياهه
كفال الظعن من مات خلاهه
تتنخه بدمع وونوح غطاهه
وصاحت وينكم يهلي من لظعون
اليوم برووس اهل زينب يهوسون
*---------------*---------------*
صاحت وينكم شو محد وياي
حركوا خيمتي وتشمت عداي
وانه خلافكم ماظل بعد راي
وفزعوا للمخيم هل يحرگون
اليوم برووس اهل زينب يهوسون
*---------------*---------------*
فزعوا للخيم سلبوهه الاطفال
وماظل كلشي لي ومعذبه الحال
حملي اليوم مايل والدمع سال
وعدواني كفر لا مايرحمون
اليوم برووس اهل زينب يهوسون
*---------------*---------------*
اليوم الروس شالوها اعله لرماح
يهوسون بجفافي وشامت صاح
وين حزام ضهرج عافج وراح
بنضرات الحقد ضل يضحكون
اليوم برووس اهل زينب يهوسون
*---------------*---------------*
مااصدك اخوتي الشالوا الراس
فوك رماح شالوهم يالهناس
راس حسين راس الفحل عباس
ينضرون وعلينه تدمع عيون
اليوم برووس اهل زينب يهوسون
*---------------*---------------*
✍باقر جبار الشويلي
✍ابو سلام الجابري
☜ بـسمـه تعـالى ☞
قصـيدة: يا دنيا ما ضل محب ما اخذتي
بصوت: مرتضى حرب
الشاعر: مرتضى حرب
❀❀❀❀❀❀❀❀❀❀❀
يا دنيا ما ضل محب ما اخذتي
خليتي گلبي دگته تأذي
وين الاريده الظهري تچايه
ترحين اله چنچ موصايه
❀❀❀❀❀❀❀❀❀❀❀
وين اليدگ وي النبض والكلشي يعنيلي
تبعدينه يا دنيا علي وبقى بطرگ ليلي
ماالحگ افرح والچم شمسوي گلبي
يا دنيا هم عينچ علي جاي ادفن بحيلي
الگلبه حنين يموت من ينعاف
وبوجهه تابوته يضل ينشاف
من يفگد الچانو اله مرايه
وين الاريده الظهري تچايه
❀❀❀❀❀❀❀❀❀❀❀
يا گلبي دربك مو سهل كل خطوه بي لوعه
ما ينمشي بليه محب يحسبك من اضلوعه
البي سافر بليه محب سفرته ويه دموعه
تبرد اچفوفه وضحكته والصفنه موضوعه
وانه الاحبهم سافرو للگاع
ودربي طويل وبس دموعي متاع
ومتاني اسمع منهم حچايه
وين الاريده الظهري تچايه
❀❀❀❀❀❀❀❀❀❀❀
حبل الفرح كل ماامد چفيني مالوحه
بدرب الامل مالي عرف احلامي مذبوحه
بس بالاسم عايش يضل العافو وطن روحه
بگعدت بشر مايستلذ يگعد ويه جروحه
انسان اگولن هوه كل انسان
بوجه ام حسن چنت اقرء القران
وكل نبرة منها تعتبر ايه
وين الاريده الظهري تچايه
❀❀❀❀❀❀❀❀❀❀❀
من مايصح چف للدمع واسم الله للعثرة
هنا تحس بالدنيا انتهت والعمر ضل گطره
وجيش انكساراتك يهد وسلاحك الحسره
وتركض ادور بالضوه تحس لونهم حدره
تحس حتى دمعك بيك يبقى يلوم
مهضوم دمعك وانته هم مهضوم
والضحكتك ما ترتفع ايه
وين الاريده الظهري تچايه
❀❀❀❀❀❀❀❀❀❀❀
ديرت حچي الفاگد محب تطفح بنضراته
چم ليش مدفونه حدر اطلعهه دمعاته
وينكسر گلبه والحزن تبدي انتصاراته
ماين يمد چفه يضل ويعلي راياته
مذبوحه ضحكات الاحباب بعاد
وطبع الزمن شايل گلب جلاد
شط الحزن غرگ شگد مايه
وين الاريده الطهري تچايه
❀❀❀❀❀❀❀❀❀❀❀
وين الگبل انسى التعب بعيني من اصد ليها
بليه ام حسن داري بعد ما ينگعد بيها
لسه ابطن بالي صده لذت محاچيها
تاذيني زينب بلنشد وبدمعتي اذيها
هاي ام هلا الكل ملك والكل طير
من شالت انذبحت اصباح الخير
هاي ام حزن روحي ام حسن هاي
وين الاريده الظهري تچايه
❀❀❀❀❀❀❀❀❀❀❀
#اللهم_عجل_لوليك_الفرج_والنصر_والعافية
يادنيا دنية دنيه مكتوبة
للأستماع 👇
یوسف الزهراء 💔
يالاكبرر يمه بس حاجيني
+++++++1
اجت ليله يم ابنهه**** وتنشد اشصار وجره
حيل ما بيهه تگوم **** ازحوف اجته اعلثره
شبكته والضهر محني **** وشمته من منحره
ولگت من خيل ال اميه****ضلوع ابنهه امكسره
يالاكبر،،،، وحدي لتخليني
++++++++++++++++++2
گعدتت يم راس الحنين **الدمع يجري وحاجته
تگله ابوك احسين طاح *** ويمه طاحت رايته
الخيل يايمه يالاكبر*** دوس بالبر داسته
ايعين گلب الحره يمه *** شلون گدرت شافته
يالاكبر ماسمعت اونيني
++++++++++3
خاف ما تدري ييمه*** اخلافك اشسوه الدهر
حرگو اخيمنه اعلينه ***وطاح عباس الگمر
وراح اگلك بعد حاله*** وحالتي تبجي الصخر
خرمو اذن اختك رقيه*** وجرو اتراجيهه جر
يالاكبر ،،، نومتك تاذيني
+++++++++4
يمه يوليدي انا اعرفك*** كفو يمخاوي الكفيل
يله كوم ابساع لينه ***ها يبو درع الثجيل
الحگ الزينب يالاكبر*** خاف هودجهه يميل
فشله بين جناب توگع*** هاي بت حامي الدخيل
يالاكبر زينب تناديني
++++++++5
عمتك وحده ضلت *** گوم يا نسل الولي
فشله تنشاف العقيله*** وينشتم حيدر علي
انا امك ونتخيتك *** يا بعد ناسي واهلي
گوم يا سيف المجرب*** بعد غيرك ما الي
يالاكبر ما اضن ناسيني
+++++++++++
انا فزعتك وجيتك **** ونته اعز من الگلب
تدري بلتفگد ولدهه*** يضل مدمعهه يصب
لجن منعتبي انا اعذرك*** موقفك كلش صعب
لو عدل والله انا اعرفك*** يبني تگلبهه گلب
يالاكبر من غيرك يماسيني
لخام الحسين سلام عزيز السعيدي
قصيدة شلون انساج يايمه
بصوت : سيد فاقد الموسوي
__
انه ابكلبي جبيره النار .. بس ياهو اليطفيها
الناس اتگول ما ملت .. أمي وانحب اعليها
اشلون انساچ يايمه .. صعب فركاچ يايمه ..
اصيح ابدمعي يا هالناس .. بطلوا لا تلوموني
مثل حنية أمي ابيوم .. ابد ماشافت اعيوني
من كسروا ضلعها الگوم .. آنه ايتيمة خلوني
ابغير أمها اليتيمه اشلون چا ياهو اليباريها
اشلون انساچ يايمه .. صعب فركاچ يايمه ..
____
چنت من اگعد ويه امي .. عن الطف تسولفلي
وحدچ زينب اتظلين .. عگب اخوانچ اتگلي
لا آنه وابوچ اوياچ .. صبري يمه واتــحملي
اصبرها وتصبرني وأظل ابچي البــواچيها
اشلون انساچ يايمه .. صعب فركاچ يايمه ..
____
إذا نشدها عن محسن .. اتگلي ابداعة اعيونچ
يـزينب لا تهيجيني .. يلچموني اويلچمونچ
تعال اتوادعي وياه .. منه لا يحرمونچ
اديها عليه تحطهن چان عنه امن أرد أحاچيها
اشلون انساچ يايمه .. صعب فركاچ يايمه ..
____
يا ناس اشحلاة البت .. من اتعيش ويه امها
تشعر بالدفو وترتاح .. إذا بحضينها اتضمها
چا ليش الدهر ياناس .. طفله امن امها حارمها
تظل بالدار بس تنعه تبچيها ابنواعيها
اشلون انساچ يايمه .. صعب فركاچ يايمه ..
____
البنيه ابعرسها الزوم .. ياناس امها وياها
ليش امن ابچي مايرضون .. وأمي فاجـده اضواها
انه الطفله الهضمها البين .. وبكل حيله طگاها
ويجيك الما عرف زينب .. يگول اشبيها مابيها
اشلون انساچ يايمه .. صعب فركاچ يايمه ..
____
اشلون انسه حچيها اوياي .. گعدتها وسوالفها
رغم چان الگلب چانون .. والضحك ابشفايفها
اليگلي من البچي بسچ .. يريت اوياي شايفها
بعد العصرة بيها اشصار يموت الي يصد ليها
اشلون انساچ يايمه .. صعب فركاچ يايمه ..
____
چنت وي والدي امن أمشي .. واخوتي امن ازورنها
أصيح اعله الگبر يمه .. وما جاوبني بس ونها
احنينه امي وأگولن ليش .. تسمع صوتي ماچنها
دفنوها المحنة اوصار تراب الگبر غاطيها
____
اشلون انساج يا يمه مكتوبة
شلون انساج يا يمة
📜 القصيدة: هاي الفاتحة
🎤 أداء: مسلم الوائلي
🖋 كلمات: موسى حميد المحمداوي ~~~~~
اتهل عليِ لو ما تهل ساعاتك اتظل جارحه
اول محرم هذا الي هاليله كلش جارحه
مرت سنه وما طيحت من گلبي هاي الفاتحه
ذاكه محرم بي عطش
وهذا محرم هم عطش
عطشانه لهلي ونايحه
اتهل عليِ لو ما تهل ساعاتك اتظل جارحه ~~~~~~~
كل ساعه بيامك الي موتت عزيز وغالي
ساعه انكتل يم الخيم ساعه النهر كتالي
وانه عگب صبح اهدعش ظل الرمح يبرالي
لهلالك انت وللرمح عيون اختكم شابحه
اتهل عليِ لو ما تهل ساعاتك اتظل جارحه ~~~~
بكل ساعه الي ذكره وعطش
من واحد الليل اهدعش
يالشح علينه بمايه
المن اهلالك لا يهل
والشفته منك مو سهل
ماخذ عجيد الرايه
من شح عليِ شرب العذب فاضت دموعي المالحه
اتهل عليِ لو ما تهل ساعاتك اتظل جارحه ~~~~~~~
كلما اغمض عيني افز واسمع ركض وحوافر
واسمع يتيمه اتصيح الي يا عمه شنهو الصاير
جا وين ابونه مو قبل ساعه يدور ناصر
ومرعوبه ليليه افز كلما تمرني الصايحه
اتهل عليِ لو ما تهل ساعاتك اتظل جارحه ~~~~~~~
اتهل عليِ لو ما تهل اني اظل مرعوبه
مخدرت هاشم أفا تركض ركض مطلوبه
ليهسه من ذاك الركض مرت سنه ومتعوبه
هيه سنه مرت عليِ وجني انسبيت البارحه
اتهل عليِ لو ما تهل ساعاتك اتظل جارحه ~~~~~~
محسبه يوفيني الأجل
ويشيل الجنازه الكفل
مو اني اشيل اجفوفه
حته بصلاتي انهظم
من ارفع ايدي واندعي
اذكر جنت مجتوفه
يا حمزة يا جعفر صحت يا هاشم اتفزعولي
بسمي يسموني العده يا زينب ايصيحولي
ما رادوا بفيها استضل يهلي الهزل جابولي
بعيوني لهلي شگد صحت عالهزله اختكم رايحه
اتهل عليِ لو ما تهل ساعاتك اتظل جارحه ~~~~~~~
هلالك يذكرني بظهر من اركضت محروگه
من مستحاي من الركض دمي جمد بعروگه
دگات گلبي تنسمع من خوف لو من شوگه
خمسين عمري وبس حزن گلبي الفرح ما لايحه
اتهل عليِ لو ما تهل ساعاتك اتظل جارحه
°°°°°°°°°°°°°°°°°°°°°°°°°°°°°°°