1446
https://t.me/mehdialkabiiقناة للنشر القصائد
📜 القصيدة: الليلة زينب
🎤 أداء: مسلم الوائلي ~~~~~
باجر يزينب بالوداع اشحالج
لو شفتي مهر حسين خالي اگبالج ~~~~~~~
الله يعينج من يصبح باجر
وحسين مطبوع اعله صدره الحافر
يا مره المثلج عالمصاب اتكابر
باجر الخيل ادوس فوگ اطفالج ~~~~~~
باجر يردلج خالي من خياله
طايح حسين وما دريتي شحاله
رد المهر يصهل اگبال اعياله
والسرج كله اسهام ردلج شابج ~~~~~~
وتودع وياهم الليله بلوعه
وباجر الروس اگبالجن مگطوعه
حگه اليشوفج ما يكض دموعه
وحگها الثواجن تظل تنعالج ~~~~
وشلون حالج وانتي باجر تدرين
لا يبقه عباسج ولا يبقه حسين
وليا جسد باجر يزينب ترحين
موته الزلم ومحرگات اخيامج ~~~~~
وشجابج الطف المصيبه وضيمه
حفاي باجر تارسات الهيمه
لا ستر عدجن لا زلم لا خيمه
وحر الشمس باجر يغير اثيابج ~~~~~
الله يعينج عالمصيبه الليله
وحسين عالماتوا تفرهد حيله
مكسور ظهره ومحد يتجيله
خلصت انصاره وبعد بيش يعارج (يعارك) ~~~~~
وتودع وياهم اوداع الفاگد
ولدج واخوتج تودع واحد واحد
باجر شمرهم عله حسينج گاعد
وتبسم الملعون لمن شافج
°°°°°°°°°°°°°°°°°°°°°°°°°°°°°°°°°°°°
📜 القصيدة: نزل عباس برايته
🎤 أداء: مسلم الوائلي
🖋 كلمات: حسين الساعي ~~~~~~~
نزل عباس الشهم لوديعته
نصب خيمتها وحماها برايته ~~~~~~~~
يوم حط الضعن بالطف نزل عباس الشهم
ثنه اركبه اگبال اخته دنگ الها ومبتسم
گلها تربات ايدج انه اخته صاحت والنعم
هله يحزام الشدايد هله يمخوف الزلم
هله بخال ابني الصرت بكفالته
نصب خيمتها وحماها برايته ~~~~~
نزل عباس ابو الغيره والعلم بيمينه
يريد ينصب خيمة اخته ام الخدر بيدينه
تحزم وباوع عله اخته ونذر الها سنينه
على راس الطف نصبها وصارت اصبي عينه
ابو راس الحار تكتل شارته
نصب خيمتها وحماها برايته ~~~~
نصب اخيام الهواشم والشرف عنوانها
غير اسم حسين زينب مامش اعله السانها
دمه بالشريان يجري وينظر اعله اخوانه
لو حليب ام البنين اليجري في شريانه
قره لأمه الفاتحه وبحسرته
نصب خيمتها وحماها برايته ~~~~
من نصب ذيج الخيام ومن بذل معروفه
صاح والطف ارتجف واخته العقيله اتشوفه
اليوصل اخيامج يزينب راح يلگي الخوفه
وابو فاضل للمخيم نذر هاي جفوفه
ما تصير اثنين وحده جلمته
نصب خيمتها وحماها برايته ~~~~~~~
حيته وصاحت هله وكل الهله بعباسي
ادري انت بكربله تاليها ترفع راسي
كربله التتباها بسمك يا شرف نوماسي
اسمك اليصعد وينزل دايماً بنفاسي
هذا اخوي وكلها تدري بوگفته
نصب خيمتها وحماها برايته ~~~~~
كربله تتباها بيكم يا بعد عزي وهلي
عشر تيام الفجر ويظل علمنه معتلي
بسم الحسين اجتمعنه حسين يا نعم الولي
فوگ كل خيمه نصبنه رايه للزهره وعلي
بسم الله والنبي ومحبته
نصب خيمتها وحماها برايته
°°°°°°°°°°°°°°°°°°°°°°°°°°°°°°°°°°°°°
📜 القصيدة: مرسال موتك
🎤 أداء: مسلم الوائلي
🖋 كلمات: حسين كريم الشبلاوي ~~~~~
مرسال موتك من اجاني
لو ما حميدة ميت اني
بعدني اقره واجت بتك عليه
اضن عرفتني من رجفة اديه
ميت اني .. ميت اني ~~~~~
من اقره وارجف شافتني جتني وظلت تبجي بكتري
ضميت دموعي وعرفتني لمن شافت ايدي بظهري
بنيتك ما تدري ودمعتها جانت مالت واحد يدري
سألتني بدموع الثكاله
احجيلي شنو البهالرساله
جاوبني عمي بمسلم شصار
محلفتك بجود الكفاله
گالتلي مسلم عمي وينه
گتلها مذبوح وبجينه
صرنه اثنينه نحجي بهظيمه
وگتلها انتي من هسه يتيمه
ميت اني .. ميت اني ~~~~
هاي اول مره تبجيني وأول واحد يگطع بيه
منگد ما مهظوم وحاير زينب گامت تبجي عليه
جنك عباس وعايفني انت افراگك موش شويه
مو زين حيل الخبر مو زين
يكسر الخاطر صار الحسين
گطعت الخوه وگطعت الماي
صارن سوه وياي الأثنين
عالأقل لو مذبوح يمي
فوگاك اطيحن واشگ هدمي
گالوا بالذبح وصيت بيه
واخر سالفه امسلم عليه
ميت اني .. ميت اني ~~~~~~~
يا عباس اتلاحگ ظهري ظهر حسينك كلش حدب
حسين اليخجل يبجي الوحده ظل گدام الوادم ينحب
يكسر زلمه افراگ الزلمه جا يا خويه شلون بزينب
كسرت الگصبه بريح عالي
مكسور گلبي وگلبي غالي
مو من غربتي گلبي مهظوم
من مرت ام عون اعله بالي
انه الهظمني مو حميده
بس كون زينب مو وحيده
اخر نظره طلعت من العيون
وصيت الهوه يسلم عله ام عون
ميت اني .. ميت اني ~~~~
مو ابن عم ومات افراگك مو بس بنتك هم يتمني
گمت اتخيل واگف وحدي وشگد سيوف يريدني
واحد يطعن بيه وواحد يتربع فوگي ويذبحني
تكثر جروحي ويعله الصياح
لحد يخلي حسين يرتاح
اهل السيوف تعوف الحسين
تلتم عله حسين اهل الرماح
يا ابو حميدة والله حيره
يلمون أخيك بالحصيره
انه وياك نتشارك سويه
الخيل السحگتك داست عليه
ميت اني .. ميت اني ~~~~
يا مسلم باجر زينبنه من يذبحوني يجتفوها
والمحد شاف اخيال الها بنص سوگ الكوفه يوگفوها
باجر مو زينب مو علويه الناس المسبيه يسموها
اثگل مصيبه من المصايب
واكبر جرح عد آل طالب
هند بقصرها وتامر الناس
وزينب تنام بنص خرايب
انت غربتك غربتي اني
يا ابني يا واحد اخواني
البجي موش اعله گدرك يا اخو الحيل
راح الطم عليك بحافر الخيل
ميت اني .. ميت اني
°°°°°°°°°°°°°°°°°°°°°°°°°°°°°°°°°°°
📜 القصيدة: أربع آياتج
🎤 أداء: مسلم الوائلي
🖋 كلمات: علاء عبد الزينبي
~~~~
أربع آياتج عالدنيه هواي
انتي ام اولادج لو ام الماي
وفائج ظل نادر .. ولائج للعاشر
يم عباس .. يم عباس
~~~~
حيرتي الناس شجنتي تلولين
بماي العباس شجنتي تخلين
شكبر من هاي بعد تحصلين
يمه يناديج من گلبه حسين
وصيتي ها لولاد تربيتي اريدن غاد
.. عيب التره يردون يمه بسلامه
والحافر اليخطيك صيحه ويرد عليك
.. ولگط سهامك زين موت بكرامه
سبحان اوصافج صورة عباس
بعشبة تربيتج محتاره الناس
وفيتي اليعقوبج .. لحد جرح هدوبج
يم عباس .. يم عباس~~~~~~
گدما صغتي اعله حرورت راس
ما يبرد ماي ابيت ام عباس
بخلقج هالطين عاش الأحساس
من الله اختار من دون الناس
حره وعجيدت راي تسبيحة الوفاي
.. وبكل عجاجة خيل بزرج وراها
عناد البدو تگومين والتوجع تعرفين
.. واليبرد ويه حسين مو مشتهاها
ما أعظم گلبج هنيال الطين
من كل الدنيه يختاره حسين
وجودج إنساني .. خلودج رباني
يم عباس .. يم عباس
~~~~
نقلن عن طير عشه اعله الدار
يگول يلعبون أولاد ازغار
تل يسوون بتراب آثار
صاحت عباس يمه بأصرار
هالتل ارجوك يحرگني بنار
حته بلعبهم جان يتميز الدخان
.. كل الدروب اتفوف صوب الحريجه
خارج نطاق الخوف مطروا عليها جفوف
.. وبيهم ثلث تيام باقي اعله ريجه
مئذنة الموقف قامة آذان
يوليدي الموعد سولف قد حان
من ألطاف آثارج .. إلى الآن اخبارك
يم عباس .. يم عباس ~~~~
حضن الزهراء تفصال عليج
اطر جمع الناس ودور بيج
يم ابني اتصيح من اتناديج
يم الله بخير جنه بطاريج
شلتي بأديج جفوف خليني اشمه بأوف
.. ما شايفه العباس يحجولي عنه
گالوا اخو وفاي يعطش عليه الماي
.. مشكوره يم عباس عل هالمحنه
من فيض اوصافج حبر الطيبين
مقرونه حياتج بيام حسين
يمعلمه الغيره .. جنح فوگ الديره
يم عباس .. يم عباس ~~~~~
وصيت وراح للطف سجيل
اتلگ جواك خيل اعله الخيل
من گالوا مات ما صاح ادخيل
گالوا مطحون گلتلهم هيل
دارت رحاها ودار صولة علي الكرار
.. من طب عليها انشاف جنه الصميده
يرسم درب بالسيف لكن مشه ويا حيف
.. ما لگه بنصهم باب جا جره بيده
حلمج رف رايه بهاي الصحراء
الجانت ما تنطب صارت خضراء
وفائج بفعالج .. على الحب هنيالج
يم عباس .. يم عباس
°°°°°°°°°°°°°°°°°°°°°°°°°°°°°°°°°°°°
📜 القصيدة: يا راية الله
🎤 أداء: مسلم الوائلي
🖋 كلمات: محمود الموسوي ~~~~~
يا راية الله والفتح المبين
لن ننسى والله ثارات الحسين ~~~~
زلم هيبه ارجالك يمولاي
طفح بيها الغيض وجوه الماي
شنو الراي گدامك يبو الراي
الله اكبر للفدا نحن اتينا
في قبضة الحق سيوف واعتلينا
من ثورة النحر نادينا حسينا
خياله طبينه وبكل جاهزيه
ما گدروا علينه جيش آل اميه
ذوله احنه غيرتنه غيره حيدره
ألم نقل اننا في الحرب ربانا علي
ولا تزل قوة الله بنا لا تنجلي
فمن رحل في جنان الخلد سوف يعتلي
وعداً وعدناه أنا عازمين
لن ننسى والله ثارات الحسين ~~~~~
مدد من صولاتك دوه الليل
زلم كلفه وطبوا زلم حيل
يمهدينه وصحنه علي ادخيل
انصار ابو سكينه كل احنه غياره
ننزل عله العادانه سجيل وحجاره
رميتنه تشبه علي وضربته فقاره
أنا فتحنا لك فتحاً مبينا
أرمِ وما إذ رميت قد رمينا
بالبأس والعزم أنا اتينا حسينا
هاي الزلم هيبه عدها من علي وما تنگدر
والله ونعم دگوا الحومه مثل دگ الصدر
هو المهم علي ويانه علي راعي الأمر
أنا نصرناه بالحبل المتين
لن ننسى والله ثارات الحسين ~~~~~
زلم من نتگابل مجانين
خذيناها الغيره من ابو حسين
عزمنه العباس بالميادين
من دوحة المجد جئنا بلوانا
ان عادوا عدنا وبالله حمانا
مهدينا قادم والوعد حانا
صلينه بالحومه ليله اعله ليله
احنه زلم حيدر وزود العقيله
علمنه عباس ابو السطره الثگيله
فوعدنا سيدي المهدي له سيف اللضى
وصوتنا ذاك والله علي المرتضى
نحن هنا في طريقنا على الحق مضى
فما رأيناه حتماً ويقين
لن ننسى والله ثارات الحسين ~~~~~~~
زلم والخياله دوت نار
والحسين ويانه والأنصار
يصيحون لبيك يكرار
أنا ليوثً سنمضي للقتالِ
لبيك لبيك صولات الرجالِ
يا صاحب الأمر أنا لا نبالِ
يا لمعت السيف اذا بيده شاله
يتزحزح الجيش يمينه وشماله
مهدينه اذا طب دخيله بنزاله
متى متى هد يبو الثارات يا ابن حيدره
فلا فتى غير ابو الحسنين قالع خيبره
فهل أتى مثل عباس ويشيل الگنطره
بالحق جئناه سيفاً باليدين
لن ننسى والله ثارات الحسين
°°°°°°°°°°°°°°°°°°°°°°°°°°°°°°°°°°
📜 القصيدة: يا من سترني بمصابه
🎤 أداء: مسلم الوائلي
🖋 كلمات: ابو حميدة الشويلي ~~~~~~
حسين آه .. حسين آه ~~~~
يا من سترني بمصابه
ودمعة عذابه .. طهرلي ذاتي
يا من لگيتك إليه
دين وهويه .. وجامع شتاتي
يالحبك عليه واجب
بين المواكب .. اگضي حياتي
يمن ماكو اغله من عندك
.. لا بالراح بالجاي
شبيها الوادم البالطف تعطشك
.. وانت ابو الماي
بيش انواسي الحرگوا گلبه
وخلوه مگلوب وما شالوه
بيش انواسي السلبوا ثوبه
لا غطوا جسمه ولا دفنوه ~~~~~~
يا گلبي هيم بعذابك
خلي مصابك .. الغاضريه
كرهني حته بمنامي
وكون ابقه ضامي .. للمنيه
يا دمعه تكفي الغربته
وضيعت اخته .. الهاشميه
حرامات النفس بعده
.. بصدري گاعد يدور
وامامي اعله الترب نايم
.. يويلي وصدره مكسور
ما معقوله بهالحاله يظل
ضامي ويسلب هدمه الجتال
الميت غير الناس اتشيله
بس حسين الما ينشال ~~~~~
يا دمعي سيل اعله خدي
هذا وعدي .. ما اعوفه
يا دنيه تحله بعيوني
وبضنوني .. بس طفوفه
صارت فرحتي بدمعتي
وبحسرتي .. جيت اطوفه
صدگ هالدنيه ما تسوه
.. الخادم بيها يرتاح
بعد شنسوي بالدنيه
.. حسين بكربله طاح
التمت فوگه الخيل العشره
ومحد بي رحمه من الناس
جوه الخيل ينازع خلوه
شال ايده وصيح يا عباس ~~~~~~
بالفله ضاعن خواته
امدللاته .. يا گلبي انحب
لو تدري ياهي العله التل
العنها اسئل .. هايه زينب
شيسوه بعد كل بجينه
ولطم ادينه .. وگلبها شيب
بعد يا گلبي أمر الله
.. واسمها بكربله انگال
صفت بين العده والخيل
.. تركض والخدر شال
وين اتروح وشتصير ألمن
وياهو يغمض عينه من تفوت
يعني انشافت ها يا گلبي
جا باقي ألمن تنبض خنموت ~~~~~~
راح الضعن عالهزيله
وجم عقيله .. تمشي ويه كافر
الما طلعت بكل عمرها
انشاف اثرها .. بالنواضر
وام الخدر جتفوها
وظل اخوها .. جوه الحوافر
مصيبه وخلت الناصي
.. يلوح العالي يا حيف
الغيور تذبحه الحجايه
.. اشد من ذبحة السيف
العايش عمره امدلل تالي
ينسونه الماضي من الأيام
يظل يحن لرماد الخيمه
اليدخل مجتوف بگاع الشام
°°°°°°°°°°°°°°°°°°°°°°°°°°°°°°°°°°
📜 القصيدة: طلعوا آل هاشم
🎤 أداء: مسلم الوائلي
🖋 كلمات: المرحوم الشيخ محمد الأنصاري _ علي الأكبر الغرابي ~~~~~
سار حسين وامسه الحرم مغبر
يويلي والمدينه صفت تصفر ~~~~~
طلعوا آل هاشم عن وطنهم
وظل خالي حرم جدهم بعدهم
ساروا بليلهم وابعد ضعنهم
ولن صوت العليله بگلب محتر ~~~~
ولن صوت العليله بگلب مرهف
ياهو البيكم اعله الحال يلطف
تبطل عيني من الدمع وتكف
لو يبگه الدمع من دمه يگطر ~~~~~
دريضوا هنا يهلنه للعليله
يهلنه افراگكم ماليش حيله
يهلنه اخلافكم ما انام ليله
وعيني من بعدكم دوم تسهر ~~~~~~
هنا يالشايلين من المدينه
مالياش اظل وحدي وحزينه
يا جف اليفيي اعله الحنينه
لو ظلت على المجفين تنطر ~~~~~~~
صاح حسين يا فاطم دردي
يبويه للمدينه ووطن جدي
اوديلج علي ابني وجبدي
ولابد ما يجي يمج امخبر ~~~~~~
شالت ايدها ولزمت گلبها
گامت تمشي واطيح بدربها
وحشه الدار گالتله شيطبها
منا لمن مكتوبك يسير ~~~~
ردت للمدينه وسار ابوها
وظلت ترتجب عمها واخوها
ظنت فاطمه لنهم يجوها
اخوها والبطل عمها يسدر~~~~~~
راح الجان ما يغفه ويغمض
إلا بعين بنته العين تعرض
لاهي الميته من الهجر وتفض
ولا عدهه گلب عالفرگه يصبر
°°°°°°°°°°°°°°°°°°°°°°°°°°°°°°°°°°
📜 القصيدة: يله شيلوا الراية
🎤 أداء: مسلم الوائلي
🖋 كلمات: محمود الموسوي ~~~~~~
يا خدام بسم حسين
هل محرم يله شيلوا الرايه ~~~~~~~~
وتلاگوا الوفايه
والرايه حلوه الرايه
صورة عشگ عاشورك
.. نرسمها يحسين
هذا محرم جاينه
يحسين وانت افياينه
راحتنه من انزورك
.. وتشوفك العين
لا ليله گلبي ارتاح لا نهاره
إلا من اشوفن ذيج المناره
كلما محرم يبدي واصيحك
ارزقني خدمه وحب وزياره
عهدي وياك هاي العين
ما انام إلا اعله صوت اقرايه ~~~~~
هلت علينه ايامك
وتراكضوا خدامك
كلمن نصبلك رايه
.. فزعة عشگ هاي
يالعيشتنه بخيرك
ما عدنه واحد غيرك
نخدم سواد عيونك
.. تستاهل هواي
جيل اعله جيل يصير عدنه واهس
كل احنه متربين بالمجالس
طول السنه تلگانه بجمرنه
ومسودنين اتگول جنه عابس
ننطي ارواح ننطي سنين
وبخدمتك نبقه الك وفايه ~~~~~~
عاده وعشگنه العاده
خادم صرت للساده
ما عندي غيرك غالي
.. بس انت بالروح
انه اخدم ابن الزهره
عشرت عمر مو عشره
بحبي اختلف عالوادم
.. عاشگلي مذبوح
فدوه انه واهلي وكل العشيره
لتراب جدم حسين ومسيره
خلاني اخدم هاي احله نعمه
وحب الحسين النعمه الجبيره
مثل حسين نلگه منين
ماكو غايه حسين هو الغايه ~~~~~~
اكبر سفينه العاشر
والما يخدمك خاسر
يم بابك اتمنينه
.. هاي احله أيام
مد ايدك اعله الرايه
وانطي الحسين احجايه
گله انه ابد ما اعوفك
.. وحسبنه خدام
خل كلمن يصيحونه بإمامه
عدنه الحسين بيوم القيامه
ما عدنه يوم المحشر خساره
مشايه عدنه وعدنه الخدامه
احله أيام وي حسين
مجلس ودمعه وفرض مشايه ~~~~~~
وينه اليضدك وينه
مثل الجمر يدرينه
نحرگ حرگ بالغيره
.. خدام الحسين
وداعت علي والزهره
ما يگدر ايمس شعره
فنه اليجي للحضره
.. واحنه المجانين
هذا الحسين وفنه اليجيله
ما يظل ليله وداعت العليله
احنه محرم عاش بدمانه
وحسين يطلع ويه الفصيله
ادمنا ما ننطيه
انطيح گبله ارگابنه محنايه
°°°°°°°°°°°°°°°°°°°°°°°°°°°°°°°°°°°°
📜 القصيدة: هاي المجالس يحسين
🎤 أداء: مسلم الوائلي
🖋 كلمات: علاء عبد الحسين الكربلائي ~~~~~~~
هاي المجالس يحسين
.. نحيه ونموت وياها ~~~~~
يمسولف براس الرمح بالآيات
حي نحرك ونهر العطش بالطف مات
نترك خدمتك ما تصير وهيهات
وجمرت مصابك ما يوم
.. دمع الجفن طفاها ~~~~~~
لربك نطيت العينه بالطف قربان
يالمنطي منك للعطش سمعه وشان
كلمن يخدمك ينحسب صار إنسان
ونعمة خدمتك مولاي
.. منعيش أبد لولاها ~~~~~~
يالمنطي نحرك للعطش روحيه
كعبة ويحج بيها النهر يوميه
كل حاجه يمك تنحسب مگضيه
وحروفك البيها الخير
.. نجهل لغز معناها~~~~~~~
بيبانك الهاي الخلگ مفتوحه
يالعشرتك تسوه وتظل مملوحه
شيخ ويعزب لليجيه بروحه
يالسفرتك گد الكون
.. محد وصل تاليها ~~~~~
جمرة خيم لجلك تظل دمعتنه
ما عدنه غيرك خدمتك خيمتنه
ومن عدنه تتقبل تعب خدمتنه
خيمه وتلم بيها الناس
.. بجفه الگمر رواها ~~~~~~~
يالمبتسم نحره بوجه ذباحه
حسين الگلب بيدك صبح مفتاحه
وبخدمتك حته التعب بي راحه
مثل الشهد واطيب جان
.. لذت التعب محلاها
°°°°°°°°°°°°°°°°°°°°°°°°°°°°°°°°°
📜 القصيدة: أرض العراق
🎤 أداء: مسلم الوائلي
🖋 كلمات: محمد الموسوي ~~~~
لأرض العراق توجهت
... من مكه جيت الكربله
جبت الرسايل والكتب
... مكتوب بيهن يا هله ~~~~~~~~
هله بالجايين بهاي الضعون
.. هله بشايل الرايه
هله بهاي الوجوه الجنهن شموس
.. ونشريهن شرايه
ملگه اهل العراق الجيت حسين
.. يبشر بالبدايه
وصلنه الكربله وتغير الحال
.. ونگلبت الآيه
أرض العراق اتشرفت بيكم يالأطياب
هذا الحجي هسه اختلف ومبينه الأسباب
ناس اليزيد بجم فلس
... باعوا ضمايرهم وسف
غيرة الوادم خلصت
... والماي بگصصهم نشف ~~~~
الكل قادم كرامه الوادم اتگول
.. وانا حسين قادم
جيت اسمع هله وحياك جا ليش
.. گمت اسمع شتايم
حته الريح شامت ينگل سموم
.. لوجوه الحرايم
أول ما وصلنه منعوا الماي
.. عن ضعن الهواشم
مو هيج ملگه ابن علي وابن الزجيه
الگالولي يا مية هله داروا عليه
طلعت رسايلهم جذب
... وانا ادري بيها وما گلت
گد ما سيوف بكربله
... ينباگ راسه اليلتفت ~~~~~
وحدي وحاوطوني الباعوا الدين
.. واصحاب الرذيله
عين اعله الشريعه اليمها عباس
.. وعين اعله العقيله
يا أهل العراق حسين مظلوم
.. وانصاره قليله
والتهظم اجتني بنص السيوف
.. رساله من العليله
يا راجبِ خوذ الهلي بسباگة الريح
گلهم عليله فاطمه وتگوم واتطيح
ألتمت عليه يا علي
... يالتحضر الشده انتهض
صكت جيوش اهل العده
... وضاگت بالحسين الأرض ~~~~~~
ناصح مو مقاتل جيت يا ناس
.. يا أمة محمد
ما خله يزيد براسكم راي
.. وعليكم تسيد
ما تلگون احن من گلب الحسين
.. عليكم الله يشهد
ما ابايع يزيد وخل تجي الخيل
.. فوگ حسين تصعد
يا جدي اشهد أمتك غدرت بالحسين
شذنب الأطفال بكربله شذنب النساوين
بغضاً بحيدر انذبح
... والماله ناصر ينولي
معقوله ما بيكم بشر
... غزرت بي خبزت علي ~~~~~
زينب هاي زينب بت الأشراف
.. بت حامي الحميه
الما شايفها طرفة عين جبريل
.. مثل امها الزجيه
وحدها غريبه ويه النساوين
.. بأرض الغاضريه
حيهم هاي اخت عباس وحسين
.. مجتوفه وسبيه
لا ظل اخو لا ظل ولد لا ظلت انصار
دارت الدنيه وانسبت بت علي الكرار
ينذال ما عدكم شرف
... خنتوا الأمانه والنبي
فرهود صاحوا بالخيم
... والحرم راحت للسبي
°°°°°°°°°°°°°°°°°°°°°°°°°°°°°°°°°°°°
القصيدة : ياصاحب الزمان
الرادود : ذو الفقار الكعبي
الشاعر : سيد انور الموسوي
-----—-----------—--—----
الليله بيا هيمه تصح
يل كل ايامك جرح
يامن كل مسيه وصبح
عاشر يهل عليك
اشتبجي ودمعتك دمه
وكاسر كلبك الضمه
غيثيني يا فاطمة
ودمعك يصب بديك
ياهي بكثر عطش خيم اهله الدمعه همله
اتشب جمرتك مثل ابو الاكبر اوداعه لعياله
بكلبه يفت جرح بجي اخته ودمعه اطفاله
العايف رقيه هم اله راحه ويطمئن باله
كل ماطال.. هذا الامر
اتشب كل عام... الخيمه جمر
وماظل بيك.. باقي صبر
ياصاحب الزمان
بدم حسين.. بعده النزف
بس بيدك.. دمعه يجف
وتشفه جروح.. فوك الالف
ياصاحب الزمان
العاشر يجي ويرد على اهلك كل جرح فاير
لو ماتجي يظل على حاله سيدي العاشر
وياه يرد هضم ابو وحده واكف ايحامي
ووعد الله الذي ضمنته انته لغربته ناصر
يابقية الله... أجرك الله
------------------------------
عشت مكابل الخيام
ودموعك تهل سلام
شحالك لو كضه الظلام
يبن الحسن مصاب
عشت بدمعتك تبات
تشوف اموادع الخوات
يبجن حسره ثاكلات
بجرحهن الغياب
ادموع العقيله يم ابو فاضل جفه يمسحها
وليلى توادع بعلي الاكبر اوداعه يجرحها
اوداع اليتيم اشد على امه رمله والقاسم
وفوك المهد يصب بجي ام العطش ذابحها
يلعمرك بجي وعويل
ومتاني شفه الغليل
عاللي من مشه الكفيل
وداعه سلبها روح
صوره ومن تمر عليك
من هالحيره شيبقه بيك
اتاني رايته اديك
يابلسم الجروح
ماطاحت الخيم يبو صالح كون موجوده
لمن هوى العلم كلشي وطاح عاموده
فوك النهر بقت الك تون على راعيها
منتظرتك تجي ويجي سيفك يوفي بعهوده
اجرك الله... يابقية الله
قصيده 4 ثقيله ندبه لأم البنين (عليها السلام)
ما يرد طلابها ،،، جرب ودگ بابها
هايه ام البنين ،،، هايه ام البنين
➖➖💔💔💔➖➖
مايخيب العنده حاجة ،،، وصاح يا ام البنين
خل يحلفهه بعشگهه ،،، للزچيه والحسين
الفرج مفتاحه بديهه ،،، خله ربي العالمين
الواسطة ابين الله هي ،،،وهم دليل الحايرين
والشرف بترابها
جرب ودگ بابها
➖➖💔💔💔➖➖
بالعلم والكتب نقره ،،، سبعه ابواب السماء
ربنه خصص باب الها ،،، ينقبل منه الدعاء
بالدعاء دگ بابهه انظر،، هي مستشفى الشفاء
البي مرض خليه يأمن ،،، راح يشفه العنده داء
والسماء احجابهه جرب ودگ بابها
➖➖💔💔💔➖➖
هاي ام الغيرة صارت ،،، هاي ام سبع الطفوف
تفخر بعباس ابنها ،،،الزينب أطاهه الچفوف
التضحية تعرف اسمها ،،، والوفه اعليها يطوف
احتارت الدنيه بوصفها،،، وتبقى خجلانه الحروف
والحلول اسبابها
جرب ودگ بابها
➖➖💔💔💔➖➖
بالمصايب والمصاعب ،،، هالدعاء اعظم سلاح
والنخه ام عباس ينجه ،،، بدنيته ينال الفلاح
شما يطول الليل تفرج ،،، بيدهه شمس الصباح
لليطيح بشده تبقى ،،، حزام اله واعظم جناح
يالحسبت حسابها
جرب ودگ بابها
💔💔💔💔💔💔💔💔💔💔💔💔
الناشر // عالي مقامي
غير مبري الذمه يحذف اسم الناشر من القصيده
اخواني الشعراء ياريت تعيدون نشر قصائد دفن الاجساد الطاهرة
وقصائد السبي
ربي يوفقكم
📜قصيدة : هيه الخيم ماحاربت
🎤الرادود : علاء الغريباوي و سيف العطواني
🖋الشاعر : مصطفى صادق اللامي
~
وايلاه يازينب وايلاه يازينب
~~
خوتكم الما تنشبع ما طولت هالمره
واليبقه ما عنده اخو يا هوه يسند ضهره
للبخت لا مو للسحگ غترة الساده الخضره
ويلي..بالشام مهضومه البله اخوتهه
ويلي..شلون الاحبال تمس عبايتهه
ويلي..اول اميره ادموع عيشتهه
الخوانه تنذبح..ما يبقه اله صبح
وشيضمد البشر..لوگلبه منجرح
~
هيه الخيم ما حاربت چا المن يحرگوهه
واثيابكم ما قاتلت بيا حجه ويبوگوهه
الما شافاها حته الهوه تركض ركض شافوها
ويلي..عركة اعيون اعله الضعن صارت
ويلي..الما حايره بكل العمر حارت
ويلي..هالمره دنيانه عكس دارت
لمدثره بعشگ..خيمتها تحترگ
ياخوتي گومو الي..هذا حلم صدگ
~~~~
وبجالكم طعم الهضم گلبي ابد ما ضاگه
ومن بعد جفكم و الدفو يگاودني حبل الناگه
فوگ السبي وفوگ الحمل لجفوفكم مشتاگه
ويلي..يحيود هاشم عوفوا نومتكم
ويلي..نوم الترايب ما يلوگ الكم
ويلي..والشام دافن مره من عدكم
امن الخيمه للهزل..امن الخوه للحبل
ياخوتي انهضم..والهضمه شتنحمل
~~~
شكد حلوة خيمتنه قبل من جنه نكعد كلنه
ونوم الخرايب مو حلو كلساعه و يفززنه
جدنه النبي وكلنه بخت والشام ميقدرنه
ويلي..والشام مو موطن العلوية
ويلي..مسبيه لاذت حدر مسبيه
ويلي..زينب غريبه صاحوا اعليه
آاخ بفيكم جنت..بنص الشمس صرت
والضيعّت اخو..من تمشي تلتفت
~~
ياخوتي دخان الخيم خرب عطور الزهره
متحضره ارجع للوطن مو للسبي متحضره
وجان الدرب كله جثث اآآخ الد رب شيعبره
ويلي..طرت جثث زينب التهوهه
ويلي..بحبالهم گامو يمشوهه
ويلي..ترضون اختكم غربه شافوها
جان اضلم الدرب..حرمه وتطر حرب
التستحي امن الوحي..اباب القصر تطب
°°°°°°°°°°°°°°°°°°°°°°°°°°°°°°°°°°°°°°°
من الخوه للحبل مكتوبه
✨خدمة محبي باسم الكربلائي تقدم:
📜القصيدة: جينه ننشد كربلاء
✒الشاعر: المرحوم الملا زاير
🔖المناسبة : أربعينية الإمام الحسين
یوسف الزهراء 💔
جينه ننشد كربلا مضيعينها
بيها زينب گالوا ميسرينها
▪▪▪▪▪
يسروها ولا لها واحد فزع
شال حادي ضعونها بساع وگطع
جينه ننشد وين ابو فاضل وگع
ما تدلوني الشريعه وينها
▪▪▪▪▪
بس اشوفه والعتب مني يزول
وادري ابو فاضل على النخوه يجود
عذره حگه يگول مگطوع الزنود
وحال ملك الموت بينه وبينها
▪▪▪▪▪
جينه ننشد كربلا عليها العتب
تگول هاي رجال وتدور الغلب
حرمه زينب بيش مطلوبه بذنب
فوگ چتل حسين ومسلبينها
▪▪▪▪▪
ارد انشدچ كربلا عن النزيل
شلون ضعن الحرم شال بلا دليل
إمچان گلتيلي يعاونها العليل
بالمرض مشدوه وينه و وينها
▪▪▪▪▪
ارد انشدچ هم صدگ بالشام عيد
وحطوا بطشت الذهب راس الشهيد
ومن نشد زينب بديوانه يزيد
گاعده لو واگفه مخلينها
▪▪▪▪▪
جينه ننشد عالعليل من انوله
فوگ ضعف المرض هالبلوى إبتله
ليش ما غاصت باهلها كربله
من گطع بالسيف راس حسينها
▪▪▪▪▪
جينه ننشد كربلا وزين العباد
الروس شالوها وبگت بس الأجساد
شلون جسمك سيدي من المرض ذاد
ما حصل واحد حظى بتجفينها
▪▪▪▪▪
جينه ننشد كربلا عن العيال
شلون گلي بلا ولي هالضعن شال
خلوا السبعين من غير الأطفال
مذبحه ويلي ولا مسجينها
▪▪▪▪▪
جينه ننشد كربلا والدمع زاد
بيها أميه گظت بحسين المراد
كربلا عليها بچت سبع الشداد
وين شيعتها شسبب ناسينها
▪▪▪▪▪
#اللهم_عجل_لوليك_الفرج
◇◈◇⇩..تابعونا..⇩◇◈◇
یوسف الزهراء 💔
📜 القصيدة: صحت اوليدي
🎤 أداء: مسلم الوائلي
🖋 كلمات: علي مالك الموسوي ~~~~~~
لحد ينشد گلبي شلونه
جدامي اوليدي يذبحونه
لميته وضميته بروحي
تاليها اگبالي يطشرونه ~~~~~~
اجيتك محترگ ودموعي بالعين
تگوم وياي امشي عليك الحسين
اربي وتالي ما تالي التعب ضاع
حلالي اموذر بكل الميادين
هذا الحلاله يشوفه مبيوگ
شيسوي اذا بالخيل مسحوگ
والمشكله اوليدي من احاجيه
ما يحجي يگدر شفته مخنوگ
صحت اوليدي وما حاجاني
شال عويناته وبجاني
گلت لگلبي شعندك عايش
مو گلبك ميت شمتاني ~~~~~~~
اضل بوحدي ترضاها مهظوم
شحلاتك مو حلو اعله عيونك النوم
بجيتك بس فرق عن كل العيون
لأن مظلوم يبجيله اعله مظلوم
انه ابجي وانت اگبالي مطروح
مذبوح ابوك وياك مذبوح
دنيتك وشميتك شلون
منا لحد ما تطلع الروح
مو كل واحد يلجم گلبي
بس هذا ابني وشمعة دربي
راحت ذيج ايامه الحلوه
وتفرهد يا وادم تعبي ~~~~~
بس باوعلي مره وغمض ونام
حته اگدر ارد واوصل للخيام
والحيره التكتلك جا علي وين
شگلها وگلبه متگطع بالسهام
لو نشدت امك والله حيره
حضريلي لوليدج حصيره
ساعتها راح يموت الحسين
واركاض تگضيها العشيره
بويه عيونك ظل فاتحها
حته امك زين انقنعها
بس لو طلعت من الخيمه
وتشوف اضلوعه مگطعها ~~~~~
نخيتك نخوة المشتاگلك حيل
بس وياك احس حلوه التواسيل
شبگتك من عصر عن لا يجي غروب
يبويه الليل نسمع كلشي بليل
اسمعهم يكسرون ضلعه
بس كون ابوه گاعد يسمعه
ما اگدر احجي شسوت الخيل
هذا الحجي رايدله جرعه
شفت الحافر تعب صدره
لميته وصاحولي انطشره
ما كفاهم گطعوا راسه
گالوا لازم نكسر ظهره ~~~~~
خذيتك بيدي ومعذبني كلساع
اشيلك وصله ووصله تظل عله الگاع
حرت حته من اشبگك خاف أأذيك
صدر ماكو اعله شنهي يصير الوداع
جنه انتشابگ وگفه وارتاح
هسه المشابگ بس بالرماح
حلفته بمه وحاول يگوم
بس حط اديه راسه الولد طاح
راسه بصفحه وجسمه بصفحه
ما يگدر دم عينه يمسحه
جا غير المات يعوفونه
لا كلساع يگول انذبحه ~~~~
بعد ما تنضم عليجن ينسوان
رجعتلجن وحيد وگلبي خلصان
اگلجن ما اگلجن هوه مسحوگ
بس انه بعد ساعات عريان
مو مال اضمها الجاي مو زين
من هسه لطمن يالنساوين
ذبحوا علي وما تدرن بهاي
هسه الذبح واصل للحسين
باجر كلشي تشوفن باجر
كسر ضلوعي وكسر الخاطر
هسه اشوه حسين مگابلجن
بس باجر شيخلصه العاشر
°°°°°°°°°°°°°°°°°°°°°°°°°°°°°°°°
📜 القصيدة: لا تبجين
🎤 أداء: مسلم الوائلي
🖋 كلمات: حسن الترابي ~~~~~
حسين .. حسين .. حسين .. حسين~~~~~~
وصلنه الكربله والليل خيم عالگلب توه
سير يمي اخوي حسين شلونج گلي يم خوه
گتله بخير كون ابخير طولك يا ابو المروه
ابتسم بس طاحت دموعه عليمن گتله ما تسوه
خويه ليش ..
خاطر تطيح دموع من احجايه
خويه ليش ..
گلي يخو العلويه شنهو الغايه
خويه ليش ..
شلعان گلب اختك بده من هايه
البعيونك .. يحسين غير السانك
البعيونك .. ضميتهن بردانك ~~~~~~
گعد بالخيمه يتحسر عصر گلبي وعصرت ايده
شبگته وگتله يبن امي عليمن شنهو التريده
وگف جنه برمح مشيول لزم گلبه وحجه بهيده
باجر والحجي اتكسر ودار عيونه لوليده
حيلي راح ..
ما جنها تگضي بخير هاي الليله
حيلي راح ..
يودعني جنه يريد وانه اشكيله
حيلي راح ..
گد ما بجيت عيوني فوگ الشيله
شد راسي .. بحجايه منه وحاير
شد راسي .. بالله كريم الباجر ~~~~~
بده يسولف واجه العباس وگتله اتفضل مشكر
سلم ونحنه اعله حسين باسه بجفه والمنحر
وحجه حسين ووصل للماي انهظم عباس وتغير
سكتنه وغيض جاس العين وطگ عرج الزلم وحتر
بغيضه گام ..
وگعدته گوه وگتله خويه احجولي
بغيضه گام ..
من اولها يهلي ليش ما گلتولي
بغيضه گام ..
زعلانه زينبكم وحل سوولي
زعلانه .. موش انه التبات بزعل
زعلانه .. يحسين باجر وين اضل ~~~~~
عصر جف اعله جف واندار وبين ظهره الي مكسور
وصاني ابناته وگال باجر عالذبح مجبور
باجر خيل تسحگ خيل فوگ حسينج بعاشر
وصوت ضلوعي لخيامج يوصل وانه اون معذور
للخيمه ..
خيل التجي باجر صعب ملگاهن
للخيمه ..
دمي بحوافرهن يجي وياهن
للخيمه ..
ارد اعتني وضلوع اخيج ماهن
يا زينب .. مو هينه بس شبيدي
يا زينب .. يذبحون حته وليدي ~~~~~~~
بجه ووصاني بيتامه ونعه روحه گبل يومه
مسح راسي ومسح نحره وبدت تتغير ارسومه
يزينب باجر اتحشمين اخوتج عالترب نومه
يعثرج مستحه اركاضج وعزيزج سلبوا هدومه
لا تجين ..
جوه الزلم والخيل بالطف باجر
لا تجين ..
راسي برمح وضلوع مني بحافر
لا تجين ..
شما تلتفت عينج بكبر العاشر
لميني .. ودوري التراب عليه
لميني .. ما ضال بس شويه
°°°°°°°°°°°°°°°°°°°°°°°°°°°°°°°°°°°°
📜 القصيدة: خدمة العتره
🎤 أداء: مسلم الوائلي
🖋 كلمات: حسين عبد الزهره الدراجي ~~~~~~
انه الخصص حياته الخدمة العتره
شرف وأعظم شرف خدمة بني الزهره ~~~~~~
شرف كلش عظيم اصعد عله المنبر
وانوح بحرگه وقره انه عله اعز منحر
هنياله الصبح خادم لبو الأكبر
جبير الخادم وكلها تره اتقدره ~~~~~~
اهم شي بالخدامه النيه يا خادم
برضا الزهراء فكر مو رضا الوادم
بخيت الترضا عنه ام الحسن فاطم
نظيف الينرزق من فاطمة نظره~~~~~
الإمام الصادق يوصينه بالخدمه
احرصوا عليها يا خدام ابو اليمه
التنزل دمعته تنزل عليه رحمه
الما يخدم صدگ باجر شنو عذره ~~~~~
مثل اضربلك بخادم نذر عمره
ونال أعظم شرف ناعيها لزهره
سيد جاسم الينعه عله الفطره
ويم محبوبه هنياله صبح گبره ~~~~~~
مجالسنه مدارس منها نتعلم
الما فاهم حجينه خل يجي ويفهم
ميهمنه العلينه بسوء يتكلم
عِشره احنه ويبو السجاد مو عَشره ~~~~~~~~
بسم جد الحسين الدعوه نرفعها
واكيد الزهره هاي الليله تسمعها
خل انصب دمعنه ويه مدمعها
وخلونه نون وياها عالحره
°°°°°°°°°°°°°°°°°°°°°°°°°°°°°°°°°°°°°
📜 القصيدة: وين مهاجر
🎤 أداء: مسلم الوائلي
🖋 كلمات: قاسم رضا~~~~~~
يالجبت ضعونك وين مهاجر
عيشني جروحك يوم العاشر ~~~~~~
لحظه بلا دمع ما اعيش وايام العمر تنمل
طول العام اتاني النوح والگه بكل درب مقتل
شسوه بلا بواجي عليك لو دمع الجفن ماهل
شكراً يا ابو عبدالله وياك الحياة اجمل
سافر والروح وياك تسافر
عيشني جروحك يوم العاشر ~~~~~
من اول جلمه آه يحسين جد ويه الهوه شراعي
بأول دمعه شفت الخير واسمك بدل اطباعي
انت اول رسالة شوگ ما تحتاج إلى ساعي
تمر من موكب الموكب ومن ناعي لحد ناعي
حاير خليني بجرحك حاير
عيشني جروحك يوم العاشر ~~~~~~
بيمن راح الاگي حسين جاب ضعونه مشايه
وحط نهر الفرات انگاب وتلگاهم بمايه
حضرت اسود وخليت گلبي اعله الدرب رايه
ترف كلما گرب عاشور من قرايه لقرايه
مو گالوا عنك رايد ناصر
عيشني جروحك يوم العاشر ~~~~~~
يالجبت الضعينه وجيت ما هميت بعيالك
گدامك عطش مولاي حضر ماي لطفالك
هينه اعله الشمس والخيل هيه الخوه تبرالك
باجر بالخيم نسوان يهظم حالها وحالك
مو صدرك كون بصدري الحافر
عيشني جروحك يوم العاشر
°°°°°°°°°°°°°°°°°°°°°°°°°°°°°°°°°°°
📜 القصيدة: اسمعني ارجوك
🎤 أداء: مسلم الوائلي
🖋 كلمات: حمزة السماوي~~~~~
بجيتني ...
من احجي وياك ودرت ظهرك
بجيتني ...
ما ردت عمرك ساعه من عمرك
امبينه تره ما راح ترجع
احضني بلكت روحي تطلع
بجيتني .. بجيتني ~~~~~~~
اعرفك ما تجيني
بوجهك عفت عيني
بكثر ما باوعتلك من اودعك
اعله گد حبي اخذني
واسمع مره مني
تضم السالفه شيضمه دمعك
مو هذا حسين
من دار العين .. وما طلع صوت
مستعجل ليش
بس ساعه انعيش .. وبعدين انموت
بالظلمه ...
ادري شتفكر من طلعت انته
بالظلمه ...
رايدني انام وتطلع بسكته
ما تدري انه بگلبي اسمع
احضني بلكت روحي تطلع
بجيتني .. بجيتني ~~~~
هدومي حضرتهن
بسكته صعدتهن
وين تروح امشي بويه خلفك
ردت اتگلي صعدي
تالي اتگلي ردي
ولا هديته هو الهدني جفك
اسمعني ارجوك
غير انت حسين .. مو سهله اتغيب
عليك الزهراء
اصبر يومين .. تانيني اطيب
حاجيني ...
يلما ترد الوادم الغربه
حاجيني ...
طيبني وامسح وجهي بالتربه
مو مال عني حسين تگطع
احضني بلكت روحي تطلع
بجيتني .. بجيتني ~~~~~
يساكت من احاجيك
اذا زعلان اراضيك
اندعيلي امشي يالواصل دعائه
اخذني شلون ما جان
اخذني خيط قرآن
اذكرك وين واصل بالقرائه
السبحه من اتراب
وانه من اتراب .. خلني بيمناك
خليني مصلاه
وشتگول يصير .. بس كون وياك
بخيامك ...
بويه اذا ما حاسب احسابي
بخيامك ...
بالبر انام اتغطه بثيابي
وما اريد ناگه امشي اسرع
احضني بلكت روحي تطلع
بجيتني .. بجيتني ~~~~~~
صدرك من حضنته
بي أثار شفته
ليش تعوف حضني تروح للخيل
خذت سيف وعفتني
عندك حرب يعني
ابوسك بالنحر دم يطلع ايسيل
ادري المكتوب
بس گلي شلون .. والعاشر نار
انت بصحراء
صاير أشلاء .. وانه بنص دار
وعيونك ...
لو انه يمك اركض لجسمك
وعيونك ...
ما اگوم إلا انذبح يمك
انه وخواتي بحرگه نفزع
احضني بلكت روحي تطلع
بجيتني .. بجيتني ~~~~
هظيمه يسمعوني
الوحيده الما سبوني
شنو فرقي اريدن وي خواتي
برمح انظر دمائك
بهزل ننصب عزائك
ويصيح الراس سكتن يا بناتي
للكوفه انروح
بيدينه احبال .. والكل أيتام
وبينه يشتمون
اطبول يدگون .. ومعيده الشام
امنيتي ...
ارجعلك من اليسر محنيه
امنيتي ...
محرومه من الأربعينيه
كل هالحجي وتگلي ترجع
احضني بلكت روحي تطلع
بجيتني .. بجيتني
°°°°°°°°°°°°°°°°°°°°°°°°°°°°°°°°°°
📜 القصيدة: كربلاء اتحققت احلامها
🎤 أداء: مسلم الوائلي
🖋 كلمات: عباس طالب السعيدي ~~~~~
كربله ايحبها الشرف واختارها
جي ضعن زينب گعد بديارها ~~~~~~~
كربلاء اتحققت احلامها
من لگت زينب تحط اخيامها
طينه وتربتها بيهن شاره
جي مشت فوگ التراب اجدامها
تتفاخر شرف بيها جي زينب لفت ليها
بالگاع الورد خضر من داستها رجليها
صار يبدي النور من اسوارها
جي ضعن زينب گعد بديارها ~~~~~~~
گامت اتسولف قصص بمجادها
جي گلب زينب مخيم رادها
الماي جي جاسه ابو فاضل بيده
الوادم من اتشربه يطي امرادها
بيرغ فوگ محملها رفرف وين كافلها
عينج كربله حلوه دم حسين كحلها
وصلت السابع سماء اخبارها
جي ضعن زينب گعد بديارها ~~~~~
وزعت هيبه وبخت للطابها
جي اجه تراب العبي اعله ترابها
لابسه اسود والحزن خاويها
فاگده ومحد يفك انگابها
رايه عاگبت رايه زينب هاي مشايه
اول ما اجت زينب كبرت كربله هوايه
بير بي دمعاتها واسرارها
جي ضعن زينب گعد بديارها ~~~~~~
هايمه ومحترگه مثل الضايعه
والشمس من نار زينب طالعه
ناسيه الماي وگلبها وحايره
شلون راس حسين راح اتوادعه
ليل الفرگه شافاها مثل الشمعه طفاها
گالتله الحرگ بالروح روحي شعندك وياها
من يجي يشبع بجي خطارها
جي ضعن زينب گعد بديارها ~~~~
غيروا عنوان حد گيعانها
وصار تل الزينبي عنوانها
وره ما وگفت عله التل زينب
الكره الأرضيه اختلف ميزانها
ميل الساعه واوقاته عالتل اتجاهاته
ونجوم السمه لحسين سود اگبال شيباته
فاتحه احضان الهله الزوارها
جي ضعن زينب گعد بديارها
°°°°°°°°°°°°°°°°°°°°°°°°°°°°°°°°
📜 القصيدة: عوف الرياء
🎤 أداء: مسلم الوائلي
🖋 كلمات: علي الأكبر الغرابي ~~~~~
لو رايد تظل مضرب مثل وتصير خادم
تهذيب النفس اول درس بالخدمه لازم
جاي عاشور .. عيش مكسور
وتصير خادم .. وتصير خادم ~~~~~~
هيه الفرصه يبن آدم مره وموش مرتين
حلوه بوجهك تشوفه يضحك وجه الحسين
باجر كلشي يتسجل وكلشي بدفترك دين
ولتضيع بهوه الدنيه وتندم بيها بعدين
اترك هواك .. وكل ما وراك
وامشي برضاه موش برضاك
وبكل زمان .. وبكل مكان
تلگه الحسين بر الأمان
رحله من الألم مدري الوهم تخلص حياتك
خاطر تنذكر طول العمر حسينك نجاتك
هاي دستور .. عيش مكسور
وتصير خادم .. وتصير خادم ~~~~~~~
افتح گلبك وعقلك واترك كلشي مألوف
ولا تلبس وجه غيرك وجهك خله مكشوف
ولا تتصدر الموقف حته تصير معروف
عين الكامره اتركها عين حسينك اتشوف
عوف الرياء .. عيش العزاء
محد يفيد غير البكاء
ودمعك اكيد .. كلما يزيد
الحزنك يصير ساعي البريد
تلبس لو ردت وتوفقت تاج الخدامه
بگلوب البشر اترك أثر واترك علامه
تاج من نور .. عيش مكسور
وتصير خادم .. وتصير خادم ~~~~
احذر من غرور اسمك ولا تنجر بالأحلام
من تتواضع يرفعك جف حسين كل عام
وخلي الخدمتك موقف موقف جان جسام
وعِشره حسينك يريد مو بس عَشرة ايام
عوف الحياة .. والمغريات
بالخدمه هاي حبل النجاة
اما تكون .. او لا تكون
لو ما تريد غيرك يجون
عيش اول جرح واخر جرح واثبت وجودك
غير المنذبح فوگ الرمح راسه اعلمودك
ليش مغرور .. عيش مكسور
وتصير خادم .. وتصير خادم ~~~~~~
باجر كلشي ما تلگه وترجع لأصلك اردود
بس الحلوه لو موتك بنفس هدومك السود
الحلوه جفوفك اتسولف عنك وانت موجود
الحلوه الزهره تحسبلك جم لطمه اعله الخدود
عيش بسلام .. موت بسلام
تدري الحسين مسك الختام
خاطر تصير .. عدهم امير
بالخدمه عيش خادم زغير
لو رايد شمس باجر وامس يمك تسافر
ذوب بخدمتك وبدمعتك اروي المشاعر
صير مأجور .. عيش مكسور
وتصير خادم .. وتصير خادم ~~~~~
باجر موسم الخدمه يبدي ويبدي عاشور
باجر فاطمه الزهره بكل مجلس تجي اتزور
باجر بيدها اتسجل وين الگلبه مكسور
وهيه الحلوه لو گالت عنك هذا مأجور
اتخيل وراك .. وتبجي بعزاك
وتاخذ ثواب من جفها ذاك
اتخيل تجيك .. تمسح ايديك
وتحسها جاي ترضه عليك
من هسه استعد واحذر ترد بارد شعورك
ذوب بهالعزه ويه اهل العزه وسجل حضورك
عوف كل دور .. عيش مكسور
وتصير خادم .. وتصير خادم
°°°°°°°°°°°°°°°°°°°°°°°°°°°°°°°°°°°°°
📜 القصيدة: تلگيني علي راح
🎤 أداء: مسلم الوائلي
🖋 كلمات: حسام الحسني ~~~~~
يا ليله تلگيني علي راح
جسمه موذر توذر بالرماح
بالگوه يا ليله يا ليله گمت منه
اگوم اگعد اشبگنه اشبگنه واشمنه
جسمه موذر توذر بالرماح ~~~~
ذاك التارس عيونج جماله
حال الضيم ليله صار حاله
اشيل يمين تتهاوه شماله
الحلوه ايامه المفارگ حلاله
يليله اصفگ بديه من علي راجع
جنت يمه انازع وابنج اينازع
طول بطول يا ليله شبگته
سهام النايبه مخربه ضحكته
مو ميت نام ابني حسبالي واندهنه
اگوم اگعد اشبگنه اشبگنه واشمنه
جسمه موذر توذر بالرماح ~~~~~~~
احوم عليه يليله وحام دهري
اگوم واگعد وايدي اعله ظهري
لا ينحط واحط صدره اعله صدري
لا ينفع وادير العمره عمري
انگطع نفسه واحس انگطعت انفاسي
وعد راسه گمت الطم على راسي
راح الجان طوله في علينه
مثل الماي وتبده من ادينه
حلو طوله والضحكه ما يضحك بعد سنه
اگوم اگعد اشبگنه اشبگنه واشمنه
جسمه موذر توذر بالرماح ~~~~~~
گمت من مصرعه ما اشوف دربي
ظهري محدب ومكسور گلبي
اجيت وحيد منه وحسبي ربي
عفت فوگ الترب تعبج وتعبي
متت يا ليله من الروحه والرده
مدري شلون اجيتج عدل من عنده
اجيتج ونه تشمرني اعله ونه
مات وما شبعت اوداع منه
لا خده لا صدره حرت شلون اودعنه
اگوم اگعد اشبگنه اشبگنه واشمنه
جسمه موذر توذر بالرماح
°°°°°°°°°°°°°°°°°°°°°°°°°°°°°°°°°°°°°
📜 القصيدة: فمتى
🎤 أداء: مسلم الوائلي
🖋 كلمات: محمود الموسوي ~~~~~~
فمتى .. صوت العزاء
فمتى .. ثار الدماء
فمتى .. يا كربلاء ... حسين ~~~~~~~~
افزع بينه خدام
رايات العزه وياك
ثار الضلع والباب
ثارات الزجيه
شدت غيره وحزام
ويرفرف نصرنا هناك
لو صحنه يا ابو اتراب
نركض عالمنيه
دخيلك صاحب الرايه
.. نصيح بصوت لبيك
ثار الزهره والساده
.. علي وفقاره بيديك
فهنا .. ثار الذبيح
فهنا .. صوت المسيح
فهنا .. يا كربلاء ... حسين ~~~~~~~
يا ابو الغيره والزود
يا هيبة علي الكرار
رف الرايه للميدان
وادخلها بشهامه
خدام احنه وجنود
تلگانه وعلي الأنصار
يا هيبة گمر عدنان
يا شيخ النشامه
زلم للشده تلگانه
.. يمهدي وياك للثار
تصير انت الحسين النه
.. نصير وياك الأنصار
وإلى .. سيف الفقار
وإلى .. ثار بثار
فمتى .. يا كربلاء ... حسين ~~~~~
مثلك ماكو خيال
يرهب وعيونه عباس
من يدخل زلمها اتصيح
حيدر طب علينه
خيبر بيده ينشال
عيد الحمله يالنوماس
خياله بخزرته اتطيح
من يزعل ولينه
يمهدي الغيره بعيونك
.. وغيضك نار عالراس
من تدخل يهابونك
.. لأن تشبه العباس
ولواء .. علي في اليمين
ولواء .. ثار الحسين
فمتى .. يا كربلاء ... حسين ~~~~~~
زود عليها يا حيد
ثار الزهره خل ينجاب
يا درع السمه الينشاف
فوگ جفوفه رايه
صيد بكيفك اتصيد
يا مطوس يبن عدنان
يا صگر الوفه الخطاف
صياد المنايه
اسد والهيبه حربيه
.. تجي وللثار خيال
الأسد ينهاب طاريه
.. إذا ينشافله اخيال
ونداء .. طال الغياب
ونداء .. ضلع وباب
فمتى .. يا كربلاء ... حسين ~~~~~
سابگ بيها سلمان
اسرع من عرش بلقيس
جيتك للحرب مولاي
صوله حيدريه
تذبح بيها فرسان
سيفك بالمجان ايجيس
يا ماي وتهد عالماي
عيد الغاضريه
يسيف الساعه لو قامت
.. الك يالمهدي ثارات
مثل حملات حيدرنه
.. بعد يراد حملات
بعلي .. سيف السماء
بعلي .. يعلو النداء
فمتى .. يا كربلاء ... حسين
°°°°°°°°°°°°°°°°°°°°°°°°°°°°°°°°°°°°
مايحاجيها
_*مايحاجيهاااا*_ 💔
تخطت جم جسد عالغبره مطروح
واجت عنده الزجيه بصوت مبحوح
ونعت يمه نواعي اطلع الروح
وتقله امك انه دقعد يمذبوح
ومايحاجيها ... حجت وي نحر ابنها
♦️♦️___
اجيتك والهه ودمعاتي بالعين
ادورك يالولد بين المطاعين
انجان البيك تحجي احجي يحسين
احجي وقلي وين اليوجعك وين
مو إلك هايه ... النومه اعله الترايب
♦️♦️___
يهالفوق التراب امسبل ايديك
اقعد خل اشوف شجم جرح بيك
حته بروحي يوليدي اداويك
واقطر ماي بشفافك ورويك
من دمع عيني ... اقعد خل اشربك من دمع عيني
♦️♦️___
تعنيتك حزينه بعثرة اجدام
اريد افرش عباتي حدرك ونام
يمن قلب الزجيه اعليك محتام
اشبقك جيف وانت مترس اسهام
وقتي خلاني ... احير شلون اشبقه
♦️♦️___
يهالمسلوب ومغطيك التراب
وقلبك عالخيم والبلخيم ذاب
تريد اليفزع ويحميها الاطناب
فزعوا بس فزعهم جان سلاب
اتريد حاميها ... فزعو ولخيام
♦️♦️___
✍🏻. نقلتها خادمة العتره
زينب آل جمعة ✨✨
ونسألكم الدعاء لتعجيل الفرج
لاأجيز حذف الاسم
نسألكم الدعاء وبرائة الذمه ان وجدا اخطاء اثناء نقل القصيده
خادمه لخدمة الزهراء وابنائها عليهم السلام
_*خادمتكم أمينه تسألكم الدعاء*_ 🌹🍃
لا اجيز حذف اسمي
الرادود ... حيدر البياتي
الشاعر .. منتظر الجنابي
رايحه رايحه عنكم يخوتي رايحه
:::::
عفتكم جثث فوگ الگاع مرمیه
بعد ما چنت یمکم هسه مسبیه
گدامي الشمر ظل يضرب ارقيه
مــــن گد الضرب عباس محنيه
چنت تلزمني هسه الحبل بیدیه
يا عباس تـــدري شبيه مـــا بيه
نايحه نايحه صارت بعدكم نايحه
:::::
راسك عالرمح بس ينظر العيني
عندي انه حچي ما بينك وبيني
ترضه الشمر يا عباس يسبيني
بسم الخارجيه وظــل يسميني
بعدك يا ابو فاضل غرب تحديني
اموت وشوفتك عباس تحييني
صايحه صايحه الناس اعله زينب صايحه
::::::
انت أعلى النهر وانه اركب الناگه
هـــذا اخــر لقاء مـــا بعد نتلاگه
يمك وانـــه الك عباس مشتاگه
احچیها الگمر مـــا احمل فراگه
حراگـــه فرگتك حيل حراگــه
مات حسين بس الماي ما ضاگه
سابحه سابحه جثتك بدمك سابحه
::::::
دخلت السوگ يا عباس مكسورة
مجبوره عفتكــم خويه مجبوره
تبچي أطفالي بس الشام مسروره
بيا صوره تعال وشوف يا صوره
معـــذور اختكم تبچي معذوره
مذعوره يخوي أطفالي مذعوره
طايحه طايحه انظر دمعتي طايحه
:::::
جثه اعله الأرض بس راسك ويانه
خويه حسين اختك حيل تعبانه
مـــو للماي انــــه اعليك عطشانه
مـــا معقوله گلت الاخو ینسانه
تمنيت الگمـــر يمتلك ذرعانـــه
حتى يشوف بينه شسوت اعدانه
لايحه لايحه سهام البصدرك لايحه
::::::
خمسين العمر بس اركضت گوه
ظــل سوط الشمر بمتونـــي يتلوه
ظل يشتمني وين اليسوه ما يسوه
ماتت يا ابو فاضل بعـــدك الخوه
خويه حسين چانت خوتك حلوه
هسه انتخت زينب رادت النخوه
جارحه جارحه الشام لختك جارحه
:::::
علي جبار الكعبي
الفاتحه لوالدي
#اللهم_عجل_لوليك_الفرج
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
بعد ما تحتاج تنشر قصيدتك بغير قناة انشرها بقناتك ودز الرابط فقط واحنة انروجها اعلان حقيقي عراقي مشاهدات او مشتركين للتواصل
@ahmed_alziwar0
ذوله الولد واسمع حسين من امهم
ولدي بصدر كل حارة نجدمهم
النيشان مايرجع بيه .. تلگه أمه مغتاضه عليه
صوغة الولد يحسين حگ العشره
ربيتلك وين الخشوم السمره
الما يبيض وجهي منه اتبره
والبزره مو لحسين شله ابزره
حتى الهم يظل طلاب .. عركتهم ابلايه انگاب
باچر بشيلتها امهم تحزمهم
ولدي بصدر كل حارة نجدمهم
__
من تصك سيوف بكربله ويتلاگون
يحسين ذمه خاف ولدي ايبردون
بس گلهم امكم همه غاد يعرفون
ربيتهم للموت موش ايعيشون
البصدره ماردّ اجيوش .. موش ابني هذا ومو خوش
لو موش الك چا المن مربيتهم
ولدي بصدر كل حارة نجدمهم
__
مادام يمي ودامكم ماماشين
كضوا الشوارب يلا كلكم لحسين
گلوله سبعينات مو بس سبعين
ماتوصلك مادام أخوتك عدلين
انطوا حچاية زلمه .. موقف ابنادم چلمه
يحسين ولدي لزموا اشواربهم
ولدي بصدر كل حارة نجدمهم
__
توصينه ادري عليمن اموصيتنه
لمن سكتنه احنه الرضا بسكتتنه
ونستنه باچر بالحرب ونستنه
كربله اتيه روحهه ابطبتنه
نخبطها اي متحزمين .. صافيها باچر لحسين
باچر اولادچ بالعرك ونستهم
ولدي بصدر كل حارة نجدمهم
__
من الزغر نتعارك حسين اعليك
من ايحطنه حيدر چان ويسولف بيك
چا من كبرنه اتريد هسه انخليك
والزهره ننطي رگابنه وماننطيك
اربعه بس نگلب كون .. تبشر عالرگاب اتمون
باچر اخوتك بالعرك تفردهم
ولدي بصدر كل حارة نجدمهم
__
احضر مجلسك
الشيخ سيد محمد الصافي
احضر مجلسك يحسين خليني
الشيخ سيد محمد الصافي
احـضـر مـجـلسك يـحسين خـليني
خـلـها اجـيـبني الـدمـعة وتـوديني
حـسـين حـسـين حـسـين حـسين
احـضـر مـجلسك خـليني يـامولاي
اسـطر الاحـذية لـوشيل بوش الجاي
لـو اكـنس الـمجلس لـو اوزع مـاي
والـيـلعن يـزيـد يـصيحلي انـطيني
احـضـر مـجـلسك يـحسين خـليني
خـلـها اجـيـبني الـدمـعة وتـوديني
حـسـين حـسـين حـسـين حـسين
لاجـل امـك الـزهره فـاطمة البضعة
خـليني احـضر واكـعد على الرمضة
اوبـلجن تحصل ابكلبي فرد ومضة
اومــن احـتـار هــي الــي تـدلـيني
احـضـر مـجـلسك يـحسين خـليني
خـلـها اجـيـبني الـدمـعة وتـوديني
حـسـين حـسـين حـسـين حـسين
ابـجـاه اخـتـك الـمـسبية تـساعدني
خـلـيني احـضـر وارجـوك سـامحني
تــره حـبـك شـغـل عـقلي اوجـنني
اومــنـو يـعـوض مـحـنت اسـنـيني
احـضـرمـجلسك يـحـسين خـلـيني
خــلا اجـيـبني الـدمـعة وتـوديـني
حـسـين حـسـين حـسـين حـسين
يـبوفاضل دخـيلك حـاجي ابو اليمة
اويـــا ام الـبـنـين اتـوسـطج يـمـه
وامـشـي الـرضـيع الـي نـزف دمـه
احـضر يـنغسل كـلبي بـدمع عـيني
احـضـر جـلـسك يـحـسين خـليني
خـلـها اجـيـبني الـدمـعة وتـوديني
حـسـين حـسـين حـسـين حـسين
أحـلفك بـالحسن وبـجبده الـمسموم
وبـداعـة رقـيـة وسـكنه يـامظلوم
امـشـي عـلـيك الأكـبـر الـمحروم
خـلـيني احـضر وانـت الـيتواسيني
احـضـرمـجلسك يـحـسين خـلـيني
خـلـها اجـيـبني الـدمـعة وتـوديني
حـسـين حـسـين حـسـين حـسين
مـا ضـلت وسـيلة بـس علي السجاد
أعـاهـد يـاحـسين الـذنب مـاينعاد
وادبـهـا الـنـفس مــن كـل خـطا و
عـناد وبداعت ابوك اوجدك امهلني
احـضـر مـجـلسك يـحسين خـليني
خـلـها اجـيـبني الـدمـعة وتـوديني
حـسـين حـسـين حـسـين حـسين
اتـمـنـه الـلـيـالي اطــول والايــام
احـضر مـجلسك واخلص من الآثام
واتــربـى عــلـى ذكـــرك وانــسـى
هلالام بس انت الطبيب الي يداويني
احـضـر مـجـلسك يـحسين خـليني
خـلـهـا اجـيـبـني الـدمـعةوتوديني
حـسـين حـسـين حـسـين حـسين
نـسيت الـقاسم اومـا ادري انا بهاي
لان كـلبي وسـخ مـن الذنوب أهواي
والـخـاطرالقاسم سـيـدي اومـولاي
خـلـيني احـضر بـمجلسك خـليني
احـضـر مـجـلسك يـحسين خـليني
خـلـه اجـيـبني الـدمـعة وتـوديـني
حـسـين حـسـين حـسـين حـسين