@MATEMATIKA979020397

16 марта 2022 06:17

7-8-sinf o‘quvchilari uchun matematika, fizika, kimyo, biologiya fanlaridan Al-Xorazmiy olimpiadasining viloyat bosqichi.

Olimpiadaning viloyat bosqichi 2022-yil 26-mart kuni hududlarda bir kun davomida o‘tkaziladi. Barcha hududlarda olimpiada jarayonlari bir vaqtda soat 10:00 da boshlanadi.

Kimlar ishtirok etadi:
✅Olimpiadaning viloyat bosqichida matematika, fizika, kimyo, biologiya fanlari bo‘yicha
2021 yil dekabr oyida o‘tkazilgan Al-Xorazmiy olimpiasining tuman bosqichda 1 – 3-o‘rinlarni egallagan o‘quvchilar hamda Prezident ta’lim muassasalari agentligiga qarashli ta’lim muassasalarining 3 nafardan
7 – 8-sinf o‘quvchilari ishtirok etadi.

✅Har bir fandan 7 – 8-sinf o‘quvchilariga bir xil topshiriqlar beriladi va g‘oliblar ham sinflarga ajratilmagan holda aniqlanadi.

✅ Viloyat bosqichida umumiy natijalarga ko‘ra, yuqori ballarni qo‘lga kiritgan dastlabki 3 nafar o‘quvchi (1 – 3-o‘rin) olimpiadaning Respublika bosqichida ishtirok etish huquqiga ega bo‘ladi.

🔰Olimpiadaning viloyat bosqichi test sinovi shaklida o‘tkazilib, ishtirokchilarga 30 ta test topshiriqlari taqdim qilinadi:
✅ test topshiriqlarining dastlabki 10 tasi sodda darajasidagi yopiq (A, B, C, D javob variantlaridan tanlanadi) test bo‘lib, har bir to‘g‘ri javob 0,9 ball bilan baholanadi;
✅ keyingi 10 tasi o‘rta qiyinlik darajasidagi yopiq (A, B, C, D javob variantlaridan tanlanadi) test bo‘lib, har bir to‘g‘ri javob 1,5 ball bilan baholanadi;
✅ qolgan 10 tasi ochiq (javobi yoziladigan) test bo‘lib, har bir to‘g‘ri javob 2,6 ball bilan baholanadi, jami 50 ball (10*0,9+10*1,5+10*2,6=50).

🔰Test topshiriqlarini bajarish uchun 2 soat (120 daqiqa) vaqt ajratiladi.

❗️Al-Xorazmiy olimpiadasining respublika bosqichi ikki turdan iborat test hamda yozma ish ko‘rinishida o‘tkazilishi rejalashtirilmoqda.

🌐 👉 olympiad.uzedu.uz oo.uzedu.uz
📲 👉@olimpdep