63738
Masofatalim™ — brend. Ta’limga oid xabarlar, yangiliklar. Shuningdek, kuzatuvlar va fikrlar Reklama uchun: @masofatalimbot
Kamyob hodisa. Liftdan talabalarning foydalanishini taqiqlash faqat davlat oliy ta’lim muassasalarida emas, xususiy OTMlarda ham uchrab turarkan. Qaysi OTMligini bilish uchun logoga qaralsin.
P.S.: Talabaning OTM liftidan foydalanishini man etishni oqlashga har xil gaplarni aytish befoyda. Talaba kontraktini to‘layapti. Sifatli ta’lim olishga, yaxshi sharoitda o‘qishga haqqi bor.
@masofatalim
2024-yilda eng faol ishlagan oliy ta’lim muassasasi rektori qaysi?
Uzbekistanofficial.uz sayti “2024 yilda eng yaxshi ishlagan OTM rektori qaysi?” nomli so‘rovnoma o‘tkazmoqda.
Ovoz berish uchun:
1-qism: /channel/uzbekistanofficial/89303
2-qism: /channel/uzbekistanofficial/89304
3-qism: /channel/uzbekistanofficial/89305
4-qism: /channel/uzbekistanofficial/89306
5-qism: /channel/uzbekistanofficial/89307
6-qism: /channel/uzbekistanofficial/89308
7-qism: /channel/uzbekistanofficial/89309
8-qism: /channel/uzbekistanofficial/89310
So‘rovnoma 5-dekabr soat 23:59 gacha davom etadi.
Yakuniy bosqich so‘rovnomada eng ko‘p ovoz to‘plagan 1 nafar OTM rektoriga sertifikat, maxsus statuetka va qimmatbaho sovg‘a topshiriladi.
Sobiq oliy ta’lim vaziri Abduqodir Toshqulov bundan ikki yilcha oldin aytgandi: “[Talabaga] ertaga haydalib ketasan, kursingdan qolib ketasan, degan tahdid bilan yuribmiz haliyam”.
Bugun qiziq murojaat kelibdi. Universitetidagi muammolar haqida fakulteti guruhida yozgan keyin lift rasmi tarqab ketishiga sabab bo‘lgan talabaga kursdan qoldirish va “diplom ololmasdan o‘tishi” bilan tahdid qilishganmish. Shunaqa deb yozishdi, har holda.
Shuni o‘qib turib sobiq vazirning gaplari esga tushib ketdi. Abduqodir Toshqulov to‘g‘ri gapni aytib ketgandi. Talabaga ko‘p yonbosardi. Hozirgilarda bunaqa jihat ko‘rinmadi, balki ko‘rmayotgandirmiz.
Xullas, eski gaplar, eski muammolar, eskicha tahdidlar.
@masofatalim
Yoshlar turizmi bo‘yicha ochiq muloqot bo‘lib o‘tadi
“Toshkent yoshlarni sevadi” oyligi doirasida 22-noyabr kuni soat 10:00 da “Zakovat arena” binosida yoshlar turizmi yo‘nalishi bo‘yicha yoshlar va mutaxassislar o‘rtasidagi ochiq muloqot bo‘lib o‘tadi.
Sohaga qiziquvchi yoshlar uchun mazkur ochiq muloqotda juda ko‘plab katta imkoniyatlar ma’lum qilinadi. Turizm daromadli sohalardan biri bo‘lib, millionlab yoshlarni ish bilan ta’minlashi mumkin.
Ishtirok etish uchun @poytaxtuzbot orqali ro‘yxatdan o‘tish lozim.
@masofatalim
Oliy ta’lim, fan va innovatsiyalar vazirligi huzuridagi Yoshlar akademiyasi rahbari Akbarxon Sobirxonov “Toshkent yoshlarni sevadi” oyligi doirasida o‘tkazilayotgan ochiq muloqotda Yoshlar akademiyasi tomonidan taqdim etiladigan grantlar haqida ma’lumot berdi.
@masofatalim
Matbuot xizmatining vazifasi — rahbar obro‘siga putur yetkazish emas
O‘zbekistonda rahbarlarning dam olish kunlari ishlashi hech kimga sir emas va bu allaqachon normal holatga aylanib ulgurgan. Masalan, kecha Oliy ta’lim, fan va innovatsiyalar vaziri dam olish kunida yig‘ilish o‘tkazgani haqida xabar berilgandi. Bugun Mehnat kodeksini bir chetga surib, masalaning boshqa jihatiga — samarasiz ishlayotgan matbuot xizmatiga e’tibor qaratamiz.
Kecha yakshanba, dam olish kunida vazirlik kanalida naqd 10 ta post chiqqani e’tiborni tortdi. Savol tug‘ildi: vazirlik matbuot xizmati dam olish kunlarisiz ishlaydimi? Keyin e’lon qilingan xabarlarni qarab, tahlil qilinayotganda, yig‘ilish haqidagi post yarqirab ko‘zni qamashtirdi. Sanalar tekshirilganda, ayni dam olish kuniga to‘g‘ri keldi.
Ya’ni vazir dam olish kuni yig‘ilish o‘tkazganini ayni o‘sha kunning o‘zida vazirlik matbuot xizmati yoritmaganda, bu e’tiborni tortmasdi va e’tiroz uyg‘otmasdi. Hay, vazir yakshanba kuni yig‘ilish o‘tkazishga o‘tkazibdi, buning xabarini ayni shu kuni berish shartmidi? Shuni bugun, dushanba, ish haftasida e’lon qilinganda hammasi “silliq” kechgan bo‘lardi, masalan.
Qo‘ng‘irotboy Sharipov ilmli, ziyoli va fidoiy inson. Xizmat safarlarida vaqt tig‘iz bo‘ladi, vaziyat shuni taqazo qilgandir — bularning hammasini tushunsa bo‘lar, ammo dam olish kunida o‘tkazilgan yig‘ilishni ayni shu kuni ommaga jar solib, rahbar reputatsiyasiga putur yetkazish — matbuot xizmatining qo‘pol xatosidan boshqa narsa emas. Bularni ular hisobga olishi, har bir e’lon qilayotgan materiallarini tahlil qilishi kerak edi.
Qissadan xissa shuki, dam olish kuni yig‘ilish o‘tkazilishi — bir xato, uni hammaga matbuot xizmati ochiqlab qo‘yishi — ikkinchi qo‘pol xato.
@masofatalim
Yoshlar lideri Alisher Sa’dullayev Prezident farmoni bilan senatorlikka tayinlandi.
Samimiy tabriklaymiz, xayrli boʻlsin!
@masofatalim
Prezident yordamchisi Saida Mirziyoyeva talabalar bilan ochiq va samimiy muloqot o‘tkazdi
“Biz ularning orzu-maqsadlari va kelajak rejalari haqida gaplashdik.
⠀
Bugungi kunda xalqimizning ham, Prezidentimizning ham ko‘nglida yoshlarga nisbatan katta ishonch va umid bor.
⠀
Qadrli yoshlar, sizlarni katta hayot, butun O‘zbekiston kutib turibdi”, deb yozdi S.Mirziyoyeva.
Videoda talabalardan biri Prezident yordamchisiga yakuniy nazorat ishlari bugungi kun talabiga javob bermasligi haqida ham gapirib o‘tganini ko‘rish mumkin.
@masofatalim
Raqamli texnologiyalar vaziri Sherzod Shermatov yoshlarga:
“Har doim o‘zingizni qadrlang. Hech qachon o‘zingizga past baho bermang. Yutqazmaysiz!”
@masofatalim
Yangi ish kuniga otlanayotgan ota — manba
@masofatalim
Namangan muhandislik-texnologiya instituti rektori Mamatkarimov Odiljon Oxundadayevich Namangan viloyatidan senatorlikka saylandi.
@masofatalim
Toshkent davlat iqtisodiyot universiteti katta o‘qituvchisi Shohrux Boymurodov “Yosh o‘qituvchi va olimlar kengashi” boshqaruv raisi etib saylandi.
@masofatalim
#Job
Yirik Amerika autsorsing kompaniyasi nemis tilida so‘zlashuvchi mijozlarga xizmat ko‘rsatish agentlarini qidirmoqda: Uydan turib ishlang va yuqori daromad oling!
Boshlang‘ich maosh: 10 million so‘mdan yuqori!
Joylashuv: Masofaviy (O‘zbekistonning istalgan joyida)
Nega aynan bu lavozim?
Moslashuvchan ish jadvali
Avvalgi tajriba talab qilinmaydi
Martabani oshirish uchun treninglar va o‘sish imkoniyatlari
Raqobatbardosh ish haqi va eng yaxshi xodimlar uchun bonuslar
Talablar:
Nemis tilini bilish — C1
Bevosita O‘zbekistondan global brendlar bilan ishlash uchun noyob imkoniyat!
Hoziroq ariza topshiring
Otabek Sobitov Toshkent talabalar assotsiatsiyasi raisi etib saylandi
Toshkent shahar hokimligi tashabbusi bilan Toshkent talabalar assotsiatsiyasining birinchi ta’sis yig‘ilishi bo‘lib o‘tdi. Unda oliy ta’lim muassasalarining yoshlar yetakchilari, fakultet koordinatorlari, talabalarning o‘zini-o‘zi boshqarish organlari, uyushmalari, assotsiatsiyalari, kengashlari, harakatlari, guruhlari rahbarlaridan iborat 550 nafar delegatlar ishtirok etdi.
Tadbirda talabalar ichidan o‘z tashabbusi bilan nomzodini qo‘ygan talabgorlarning bir qator qiziqarli va maqsadli rejalari tinglandi. Xususan, talabalarning ilmiy izlanishlariga ko‘mak berish, networking uchun o‘quv oromgohlari tashkil qilish, tashabbuskor talabalar o‘rtasida eng yaxshi loyiha mualliflarini taqdirlash maqsadida “Yil mukofoti”ni joriy qilish, so‘rovnomalar o‘tkazish orqali talabalar muammolarini o‘rganish va ularga yechim topishga ko‘maklashish kabi maqsadlarni o‘z oldiga qo‘ygan yoshlar fikr-mulohazalari barchaning e’tiborini tortdi.
Taqdimotlardan so‘ng Talabalar assotsiatsiyasi raisi va uning turli yo‘nalishlar bo‘yicha yordamchilari ochiq ovoz berish yo‘li orqali saylandi. Yakuniy natijalarga ko‘ra, 11 nafar o‘z tashabbusi bilan nomzodini qo‘ygan talabalar ichidan Nizomiy nomidagi Toshkent davlat pedagogika universiteti magistranti Otabek Sobitov eng ko‘p ovoz yig‘gan nomzod deb qayd etildi va bir ovozdan assotsiatsiya raisi etib saylandi.
@masofatalim
Toshkent haqida yoshlarning fikri qanday?
Platina.uz sayti yoshlar orasida yurib, ularning poytaxt haqidagi fikrlari bilan qiziqdi.
📹 VIDEONI TOMOSHA QILING
@masofatalim
Yoshlar turizmi yoʻnalishida ochiq muloqot boshlandi – jonli efir
Ayni vaqtda “Zakovat arena” binosida “Toshkent yoshlarni sevadi” oyligi doirasida yoshlar turizmi yo‘nalishi bo‘yicha yoshlar va mutaxassislar o‘rtasidagi ochiq muloqot boshlandi.
Jonli efir: https://youtube.com/live/b9zNQi0wN0k?feature=share
Telegram | Instagram | Facebook
Havo biroz sovuq bo‘lishiga qaramasdan “Toshkent yoshlarni sevadi” oyligi qaynoq atmosferada davom etmoqda
Toshkent shahar hokimligi tashabbusi bilan poytaxtda o‘tkazilayotgan “Toshkent yoshlarni sevadi” oyligi doirasidagi loyihalar minglab yosh yigit-qizlarni bir joyga jamlab, ular uchun o‘ziga xos imkoniyatlar eshigi bo‘lib xizmat qilmoqda.
Bir-biridan qiziqarli loyihalar, yoshlarbop ochiq muloqotlar ko‘zi chaqnab turgan yigit-qizlarga yanada zavq berishi shubhasiz. Ma’lum qilinishicha, “Toshkent yoshlarni sevadi” oyligi doirasida hali ko‘plab loyihalar oldinda. Yoshlardan esa yanada faol bo‘lishlari so‘raladi.
@masofatalim
Prezidentlikka sobiq nomzod “selxoz”ga rektor boʻldi
Hukumat qarori bilan Oblomuradov Narzullo Naimovich Toshkent davlat agrar universiteti rektori etib tayinlandi. Bunga qadar u ushbu universitetda oʻquv ishlari bo‘yicha prorektor lavozimida ishlagan.
Eslatib oʻtamiz, Narzullo Oblomurodov 2021-yilda Oʻzbekiston Prezidentligiga nomzod sifatida koʻrsatilgan. Shu yili 24-oktabr kuni boʻlib oʻtgan ovoz berish natijalariga koʻra, 4,1% ovoz olgan.
@masofatalim
Oliy ta’lim, fan va innovatsiyalar vazirligi huzuridagi Talaba va o‘quvchilarning ijtimoiy faolligini oshirish markazi rahbari o‘zgarishi kutilmoqda.
@masofatalim
Vazir va o‘rinbosari dam olish kunida yig‘ilish o‘tkazdi
Oliy ta’lim, fan va innovatsiyalar vaziri Qo‘ng‘irotboy Sharipov hamda vazir o‘rinbosari Sarvarxon Buzrukxonov Urganch davlat universitetida Xorazm viloyatidagi oliy va kasbiy ta’lim muassasalari rahbarlari hamda OTFIV Xorazm viloyati hududiy boshqarmasi vakillari ishtirokida kengaytirilgan yig‘ilish o‘tkazishgan. Bu haqida vazirlik matbuot xizmati xabar bermoqda.
Garchi bu yig‘ilish qachon o‘tkazilgani ochiqlanmagan bo‘lsada, uni 17-noyabrda o‘tkazilganini aniqlash ko‘p qiyinchilik tug‘dirmadi — rasmdagi monitorning o‘ng tomoni, pastki qismida 17.11.2024 sanasi va 10:16 soati turibdi. Demak, vazir va uning o‘rinbosari 17-noyabr, yakshanba, dam olish kunida kengaytirilgan yig‘ilish o‘tkazgan. Bu esa eng kamida Mehnat kodeksiga zid.
P.S.: Yig‘ilishlardan bo‘sh vaqtlarda shunaqa kodekslarni, qonunlarni o‘qib turish kerak.
@masofatalim
Senatorlikka saylangan OTMlar rektorlari, professor va o‘qituvchilar
Qoraqalpog‘iston tibbiyot instituti rektori Ataniyazova Oral Aminovna Qoraqalpog‘iston Respublikasidan;
Jizzax politexnika institutining Iqtisodiyot va menejment kafedrasi professori Bobanazarova Jamila Xolmurodovna Jizzax viloyatidan;
Namangan muhandislik-texnologiya instituti rektori Mamatkarimov Odiljon Oxundedayevich Namangan viloyatidan;
Samarqand davlat universiteti rektori Xalmuradov Rustam Ibragimovich Samarqand viloyatidan;
Termiz davlat universiteti o‘qituvchisi Suvonova Dilbar Nabiyevna Surxondaryo viloyatidan;
Urganch davlat universiteti rektori Abdullayev Baxrom Ismoilovich Xorazm viloyatidan;
Qarshi davlat universiteti “Milliy g‘oya va ma’naviyat asoslari” kafedrasi dotsenti Irkayev Abduraxim Pandjiyevich Qashqadaryo viloyatidan senatorlikka saylanishdi.
@masofatalim
Davlat bayrog‘i qabul qilingan kun sharafiga Toshkent shahri markazida otliq kavaleriya ishtirokida harbiy parad bo‘lib o‘tdi.
@masofatalim
Poytaxt hokimligining mega loyihasi qizlarga qanday ilhom va imkoniyat berdi?
Toshkent shahar hokimligi poytaxtda 30 yoshgacha bo‘lgan ayol-qizlarning zamonaviy kasblarni o‘rganishi, ularning bandligini ta’minlash va daromad topishlari uchun mega loyihani boshlagandi. Ya’ni hokimlik “Toshkent yoshlarni sevadi” oyligi doirasida poytaxtda 1000 nafar qizni SMM yo‘nalishiga bepul o‘qitmoqda.
Platina.uz mazkur loyiha doirasida SMM-maktabda o‘qiyotgan qizlar bilan suhbatlashdi, loyiha ayol-qizlarga nimalar berayotgani, o‘qish jarayoni qanday kechayotgani va ularning galdagi rejalariga quloq tutdi.
Batafsil — https://platina.uz/92871f
@masofatalim
Ochiq muloqotlar boshlandi!
Toshkent shahar hokimligi tashabbusi bilan oʻtkazilayotgan “Toshkent yoshlarni sevadi” oyligi doirasida yoshlar bilan ochiq muloqotlar forumi boshlandi.
Jonli efir:
https://youtube.com/live/ehvokwf6J3M?feature=share
“Toshkent yoshlarni sevadi” oyligi eng qizg‘in pallaga kirdi: ochiq muloqotlar boshlanmoqda
15-noyabr kuni soat 10:00 da Toshkent shahridagi “Zakovat arena” binosida yoshlar va mutaxassislar o‘rtasidagi ochiq muloqot forumi bo‘lib o‘tadi. Unda:
Jinoyat ishlari bo‘yicha Yakkasaroy tumani sudi sudyasi Farxod Abdushukurov, Korrupsiyaga qarshi kurashish agentligi axborot xizmati rahbari Sherzod Saparov, jurnalist Yulduzxon Olimova, Xalqaro Islom akademiyasi dotsenti Saidafzal Saidjalolov ishtirok etib, yoshlar bilan ochiq muloqot qilishadi.
15-noyabr kuni soat 14:00 da Toshkent shahridagi “Zakovat arena” binosida fan va ta’lim yo‘nalishi bo‘yicha yoshlar bilan ochiq muloqot bo‘lib o‘tadi. Unda:
Turin politexnika universiteti rektori Olimjon To‘ychiyev, deputat Shahxnoza Joldaseva, jurnalist Sarvarbek Bahodirov, tadbirkor Muhammadali Eshonqulov, “RoboCode” akademiyasi asoschisi Abdulaziz Yakubovlar ishtirok etib, yoshlar bilan ochiq muloqot qilishadi.
Roʻyxatdan oʻtish uchun: @poytaxtuzbot
@masofatalim
Yosh o‘qituvchi va olimlar kengashining 1-ta’sis yig‘ilishi bo‘lib o‘tdi
“Toshkent yoshlarni sevadi” oyligi doirasida poytaxtdagi yoshlar markazida Toshkent shahar yosh o‘qituvchi va olimlar kengashining 1-ta’sis yig‘ilishi bo‘lib o‘tdi.
Ilk bora tashkil etilgan kengash yig‘ilishida 500 nafardan ziyod maktablar, professional va oliy ta’lim muassasalarida faoliyat yuritayotgan yosh o‘qituvchilar, olimlar, tadqiqotchilar hamda tayanch doktorantlar qatnashdi.
Tadbirdan ko‘zlangan maqsad — yoshlarning ilm-fanda o‘zini o‘zi boshqarish tizimini rivojlantirish orqali davlat va ilmiy tashkilotlar o‘rtasida ijtimoiy sheriklikni kuchaytirish, ularning ilmiy g‘oya va tashabbuslarini yuzaga chiqarish hamda faoliyatlarini qo‘llab-quvvatlashdan iborat.
Yig‘ilishda “Yosh o‘qituvchi va olimlar kengashi” tuzilib, boshqaruv raisi etib iqtisodiyot fanlari bo‘yicha falsafa doktori, yosh olim, Toshkent davlat iqtisodiyot universiteti katta o‘qituvchisi Shohrux Boymurodov saylandi.
Shuningdek, kengashning 2025-yilga mo‘ljallangan ish reja va dastur loyihalari ko‘rib chiqildi.
@masofatalim
Ertalabdan beri shu sovuq va yomg‘irda “Adiblar xiyoboni”da 6 ta oliy ta’lim muassasalari talabalari ishtirokida tadbir bo‘lyapti ekan. Soat 16:00 gacha davom etarkan. Rasmda yupun kiyimdagi qizlarni ham ko‘rish mumkin.
P.S.: Osmon uzilib yerga tushsayam, shunaqa tadbirlarni sal quyosh bor, havo ochiq paytda qilish kerakligini tushunish uchun ja unchalik katta aql talab etilmaydi. Salla desa kallani oladi bular.
@masofatalim
10 yosh
Eng sara kontentlarni taqdim etishi bilan boshqa nodavlat telekanallardan ajralib turuvchi, ayniqsa, yoshlarbop loyihalari, oila davrasida bemalol tomosha qilsa boʻladigan saviyali koʻrsatuvlari, zoʻr-zoʻr kino va seriallari hamda original milliy mediamahsulotlari bilan tomoshabinlarning sevimli telekanaliga aylanib ulgurgan “MY5” bugun oʻzining 10 yillik yubileyini nishonlamoqda.
“Mening yurtim” telekanali erishib kelayotgan barcha yuksak natijalar ortida katta odamlar emas, balki jamoaning katta mehnati yotadi, deb bemalol e’tirof etish mumkin. Bundan keyin ham yutuqlar bardavom boʻlsin.
Telekanal jamoasiga bayram muborak!
@masofatalim
Xalqaro fan olimpiadalari sovrindorlari sun’iy intellektga bepul o’qitilib, yuqori daromadli ish bilan ta’minlanadi — Sherzod Shermatov
Raqamli texnologiyalar vaziri Sherzod Shermatov Future AI talents dasturi yo‘lga qo‘yilayotganini ma’lum qildi.
Ushbu dastur doirasida mintaqaviy yoki milliy darajadagi aniq fanlar bo‘yicha olimpiadalarda, masalan, Xalqaro matematika olimpiadasi (IMO), Xalqaro fizika olimpiadasi (IPhO), Xalqaro informatika olimpiadasi (IOI) yoki shunga o‘xshash tanlovlarda sovrindor bo‘lgan yoshlar sun’iy intellektga bog‘liq kurslarda bepul o‘qitilib, kelajakda sun’iy intellekt sohasida kuchli iqtidor egasi sifatida yuqori daromadli ishga ega bo‘lishi mumkin.
Boshlash uchun quyidagi formani to‘ldirish lozim:
https://forms.gle/LdbjPyUZruKhaaQw5
@masofatalim