63738
Masofatalim™ — brend. Ta’limga oid xabarlar, yangiliklar. Shuningdek, kuzatuvlar va fikrlar Reklama uchun: @masofatalimbot
Aytishlaricha, huquq fanidan test topshirgan bir guruh abituriyentlar Bilim va malakalarni baholash agentligini sudga bermoqchi ekan. Ular darslikka kiritilmagan savollardan foydalanilgani, testlarda to‘g‘ri javoblar soni birdan ko‘pligi, imtihondagi testlar namunaviy testlardan farq qilganini aytyapti.
@masofatalim
Mana senga ochiqligu, ana senga shaffoflik! “El-yurt umidi” jamgʻarmasining sayti – eyuf.uz ishlamayapti.
Dasturchilardan pulni qismay, texnik qoʻllab-quvvatlashgayam mablagʻ ajratib turish kerakda :)
UPD: soat 17.57 da sayt ishlab ketdi.
@masofatalim
#Qabul2024
⚡️ Hali ham bir to'xtamga kelaolmagan abituriyentlar diqqatiga! Sizda 10-avgustga qadar Toshkent kimyo-texnologiya institutini tanlash imkoniyati bor.
👉 Kunduzgi ta’lim shakli bo‘yicha qabul kvotasi va ta’lim yo'nalishlari
👉 Sirtqi ta’lim shakli bo'yicha qabul kvotasi va ta'lim yo'nalishlari
👉 Kechki va masofaviy ta’lim shakli bo'yicha qabul kvotasi va ta'lim yo'nalishlari
👉 Magistratura mutaxassisligi bo'yicha qabul kvotasi va ta'lim yo'nalishlari
👉 Ikkinchi mutaxassislik bo'yicha qabul kvotasi va ta'lim yo'nalishlari
CALL-CENTER:
📞 Bakalavriatning kunduzgi ta'lim shakli uchun +998 95 324 88 86
📞 Sirtqi ta'lim shakli uchun +998 95 324 80 01
📞 Magistratura mutaxassisliklari uchun +998 95 324 80 84
📞 Xorijiy oliy ta'lim muassasalari bilan hamkorlikdagi qo'shma ta'lim shakli uchun +998 95 324 80 82
📞 Xorijiy fuqarolar uchun +998 97 012 44 55
📞 Ishonch telefoni: +998 95 324 80 85
Yo'nalishlar tanlash bo'yicha video-qo'llanma 👉 /channel/tktiuz/33243
🤖 Institut universal botidan foydalaning 👉 @tktiuzuniversalbot
👩🎓 TKTI.UZ | ✉️ Telegram | ✅ TUTOR.UZ | 📱 Instagram | 📱 Facebook | 🌐 tktiuzrasmiy">YouTube | 📱 VK | 🌐 Linkedin
O‘zbekistonlik o‘quvchi ilk bor xalqaro iqtisod olimpiadasida sovrindor bo‘ldi
Honkong mezbonlik qilgan xalqaro iqtisod olimpiadasida (IEO-2024) O‘zbekiston jamoasi sharafini himoya qilgan 10-sinf o‘quvchisi Jasurbek Rizoqulov bronza medalini qo‘lga kiritdi.
@masofatalim
Jahongir Ortiqxo‘jayevga qarashli bo‘lgan Central Asian University (sobiq AKFA universiteti) Xalqaro nemis tili olimpiadasida oltin medalni qo‘lga kiritgan Rayyona Ibrohimovaga 100 foizlik grant (qiymati 800 mln so‘m) ajratibdi. Shuningdek, turar joy masalasi ham to‘liq qoplab berilarkan.
@masofatalim
Xalqaro kimyo olimpiadalarida O‘zbekiston vakillarining katalizatori – talaba!
Boltayeva Mohira Matyoqub qizi – 2001-yil Toshkent shahrida tug‘ilgan. Toshkent pediatriya tibbiyot institutining 6-kurs talabasi, kimyo fani bo‘yicha O‘zbekiston terma jamoasini xalqaro fan olimpiadalariga tayyorlaydigan yosh iqtidor egasi.
Jumladan, u:
2019-yil 51-Xalqaro kimyo olimpiadasi kumush medali;
2019-yil 53-Xalqaro Mendeleyev olimpiadasi bronza medali;
2020-yil Zulfiya nomidagi davlat mukofoti sovrindori;
2020-yil Talabalar o‘rtasida respublika olimpiadasi 1-o‘rin;
2021-yil Talabalar o‘rtasida xalqaro olimpiadada 2-o‘rin sohibi.
Mohira Boltayeva tayyorlagan shogirdlarining 15 dan ortig‘i xalqaro kimyo olimpiadalarida oltin, kumush va bronza medallarini qo‘lga kiritgan.
Joriy yilning 29-iyul kuni Saudiya Arabistonida bo’lib o’tgan 56-Xalqaro kimyo olimpiadasida qahramonimizning 3 nafar shogirdi 1 ta oltin, 1 ta kumush, 1 ta bronza medalini qo‘lga kiritdi.
@masofatalim
Moliyaviy soha vakillari bilan maslahat pishdimi?
8-may kuni o‘tkazilgan matbuot anjumanida oliy ta’lim, fan va innovatsiyalar vazirining birinchi o‘rinbosari Shohruh Daliyev shunday degandi:
“Talabalar stipendiyalari miqdorini oshirish masalasini o‘ylab ko‘rishimiz kerak. To‘lov-kontrakt miqdori ham pandemiya davridan beri oshirilmadi. Bir talabaga davlat tomonidan sarflanayotgan pul, u to‘layotgan kontrakt miqdoridan ancha ko‘p. Oliygoh o‘zini “boqishi” masalalari ham sal qiyinroq. Stipendiya oshishi yoki oshirilmasligi masalasida to‘liq javobni bizning moliyaviy soha vakillari hamda Moliya vazirligi bilan birga ishlab, keyin javob beramiz”.
Shu gapga ham sal kam 3 oy bo‘ldi. 2024-2025-o‘quv yili uchun to‘lov-kontrakt miqdori o‘rtacha 15 foizga oshirildi. Talabalarning stipendiyasi esa 2021-yildan beri indeksatsiya qilinmayapti. Moliya sohasi vakillari bilan ishlagan bo‘lsangiz, natijasi haqida jamoatchilikka ma’lumot taqdim etilishini kutyapmiz.
Stipendiya ham oshiriladimi yoki yo‘qmi?
@masofatalim
“Diyora tug‘ilganda 1,5 kilo edi”
Olimpiadada tarixiy natija qayd etib, oltin medalni qo‘lga kiritgan Diyora Keldiyorovaning oilasi o‘tmishdagi qiyinchiliklar haqida gapirdi.
@masofatalim
JIDU kontrakt narxlarini oshirdi
Jahon iqtisodiyoti va diplomatiya universitetida kontrakt narxi oshirildi. Stipendiyasiz shaklda 1-bosqich bakalavr talabalari uchun 29,4 mln soʻm, 2-4-bosqich talabalari uchun esa 23,7 mln soʻm etib belgilandi. Magistratura esa 27 mln soʻm.
@masofatalim
Islohotning bir qismi amalga oshmadi: minimal o‘tish bali o‘zgarishsiz qoldi
O‘zbekiston Respublikasi ta’lim muassasalariga o‘qishga qabul qilish bo‘yicha Davlat komissiyasining tegishli bayoni bilan respublika oliy ta’lim muassasalariga davlat granti bo‘yicha minimal o‘tish bali – 68,0 ball (maksimal 189 ballning 36%), to‘lov-kontrakt bo‘yicha minimal o‘tish bali – 56,7 ball (maksimal 189 ballning 30%) etib belgilandi.
P.S. Bir necha oy avval rasmiylar minimal o‘tish balini oshirish haqida gapirgandi. Aftidan, o‘rtacha ballarning ahvolini ko‘rib, eski holatda qoldirishga qaror qilishgan, shekilli. Nimayam derdik, bitta botqoqdan chiqmasdan turib tepalikka ko‘tarilib bo‘lmaydi. OTMlarda vijdonan dars beradigan kuchli o‘qituvchilar va professorlarga sabr tilaymiz. O‘rtacha 85 ball yig‘a oladigan avlod boradi bu yil.
@masofatalim
Parijdagi olimpiadada toʻp tepgan oʻzbek futbolchilariga chuqur hurmat saqlagan holda aytamizki… Baribir alam qiladida, e, yorib tashlamaydimi-a? Oldindan uzr, yigitlar zoʻr oʻynagandir, ammo natija magʻlubiyatligi hammasini yuvib ketadi.
@masofatalim
Til bilish – zo‘r, ammo bu shunchaki vosita ekanini ham unutmaslik kerak
Bilim va malakalarni baholash agentligi saytida joriy yilda oliy ta’lim muassasalariga o‘qishga kirish uchun o‘tkazilgan imtihonlarning statistik ma’lumotlari e’lon qilindi.
Birinchi holat. Joriy yil bitiruvchilarining o‘rtacha bali 85,07 ballni tashkil qilgan, Buxoro viloyati birinchi o‘rinda. Eng oxirgi o‘rinni esa Andijon viloyati qayd etgan – 68,5 ball.
Ikkinchi holat. 345 ming abituriyent 56,7 ball ham to‘play olmagan. Bu jami abituriyentning 46,9 foiziga to‘g‘ri keladi. Bu degani, imtihonga kirgan 345 ming abituriyent mandatni kutmasa ham bo‘ladi – “yiqildi”.
Oxirgi vaqtlarda xorijiy tillarni o‘rganish uchun davlat tomonidan ko‘p e’tibor qaratilmoqda. Albatta, bu zo‘r, ammo boshqa fanlar-chi? Til bilish davr talabi, ammo bu shunchaki vosita ekanini ham unutmaslik kerak.
Xorijiy tillar uchun milliardlar sarflanyapti. Ichida samarali loyihalar ham bor, quruq sharlar ham bor. Kamida shu qatori fizika, matematika, kimyo, biologiya, tarix, geografiya kabi fanlarga ham e’tibor qaratilishi kerak.
Darvoqe, til o‘rgatishni xususiy sektor, o‘quv markazlar, repetitorlar yaxshi bajaryapti. Ularning o‘ziga qo‘yib bersa ham bo‘ladi. Aniq fanlarga bo‘lgan bugungi e’tibor esa yomon ahvolda, deyish mumkin. Tilga qaratilgan e’tiborning o‘ndan birini boshqa fanlarga qaratilsa, achinarli statistikalarni kamroq ko‘rarmidik?
@masofatalim
ALFRAGANUS universitetida bakalavriat yoʻnalishlari va magistraturaga qabul davom etmoqda
📚 Bakalavriat yo‘nalishlari (tibbiyot)
▫️ Davolash ishi
▫️ Pediatriya ishi
▫️ Stomatologiya
▫️ Farmatsiya
▫️ Sanoat farmatsiyasi
✅ Shuningdek:
- Iqtisodiyot
- Turizm
- Pedagogika
- Ijtimoiy fanlar
- Filologiya
- Raqamli texnologiya
- Jismoniy tarbiya va sport
🎓 Magistratura mutaxassisliklari:
➖ Kompyuter injiniringi
➖ Dasturiy injiniring
➖ Sun’iy intellekt
➖ Lingvistika
➖ Sport faoliyati
➖ Turizm
➖ Iqtisodiyot
➖ O‘zbek tili va adabiyoti
➖ Falsafa
➖ Pedagogika
👉BATAFSIL
📃 Litsenziya (№ 034974, 12.08.2022)
➖ DTM ball bilan hujjat topshirish
➖ Hujjat topshirish
➖ O’qishni ko’chirish
➖ Magistraturaga hujjat topshirish
➖ Qabul boti: @AfuQabulBot
☎️ +998 78-122-75-57
📞 @Alfraganus_callcenter
📍 Manzil
Telegram | Facebook | Instagram | X | YouTube | Web-sayt
Hindlar Zahiriddin Muhammad Boburni mogʻul imperatori sifatida koʻrsatib, film ishlayaptimi? Otabek Hasanov bunga munosabat bildirdi
Ijtimoiy tarmoqlarda hindlar bobokalonimiz Zahiriddin Muhammad Bobur haqida film olayotgani va nomi “Buyuk mo‘g‘ul imperatori Bobur” ekani aytilayotgan xabarlar tarqaldi. Hatto film tizerlari ham tarmoqlarga yoyila boshladi.
Buyuk bobokalonimiz bilan bog‘liq tarix haqida dunyo ahlini chalg‘itish kabi bu holat mamlakatimiz jamoatchiligini, ziyolilarni tashvishga solib, keskin munosabatlarga sabab bo‘ldi.
Shu qatori meni ham bu holat qattiq tashvishga soldi va tegishli davlat tashkilotlari, elchixonalar bilan vaziyat yuzasidan ma’lumot olish uchun bog‘landim.
Aytish lozimki, film haqidagi xabarlar haqiqatdan yiroq va bunga oydinlik ham kiritilmoqda. Albatta, bu masalaga yana aniqlik kiritib, qo‘shimcha xabar beriladi.
Kinematografiya milliy agentligi bilan ham suhbatlashdik. Xabaringiz bor, O‘zbekistonda eng qadimgi o‘tmishdan to yaqin tarixgacha bo‘lgan davrni o‘z ichiga olgan “Tirik tarix” loyihasi doirasida sarkardalarimiz, allomalar haqida turkum filmlar yaratilmoqda. Bu loyiha ham tez orada o‘z samarasini berib, milliy o‘zligimiz bilan bog‘liq tariximiz ekranlarda gavdalanadi.
Lekin shu o‘rinda meni xursand qilgani, milliy g‘urur, vatanparvarlik shunchaki kitoblaru, quruq so‘zlarda emas, xalqimiz ongu shuurida yashamoqda, keng jamoatchilik esa bu kabi holatlarga aslo befarq emas.
Bu esa aynan Prezidentimiz aytgan, tahlikali vaziyatlarda millat fidoyilari – uyg‘oq qalbli ziyolilar jasorat bilan maydonga chiqqayotganliklarining bir ko‘rinishidir.
O‘z navbatida, Respublika Ma’naviyat va ma’rifat markazi keng jamoatchilikka, ziyolilarga befarq bo‘lmagani, ajdodlarimiz bilan bog‘liq tariximizni targ‘ib qilish haqidagi fikrlari uchun minnatdorchilik bildiradi.
Biz millat mas’uliyati yo‘lida hamfikr bo‘lsak, birlashsak, bu kabi qadriyatimiz, tariximiz, o‘zligimizga qaratilgan tahdidlarga qarshi tura olamiz.
Otabek Hasanov, Respublika ma’naviyat va ma’rifat markazi rahbari.
@masofatalim
“Narxoz”ning Samarqand filiali bosh muhandisi firibgarlik qilayotganda qo‘lga olindi
Bosh prokuratura huzuridagi Departamentning Samarqand shahar bo‘limi, DXX va IIB xodimlari hamkorligida o‘tkazilgan tezkor tadbirda Toshkent davlat iqtisodiyot universiteti Samarqand filiali bosh muhandisi Sh.X. fuqarolar Sh.Ya. va X.K. ning ishonchiga kirib, ularni Toshkent kimyo xalqaro universitetining Samarqand filialiga o‘qishga kiritib qo‘yishi evaziga firibgarlik yo‘li bilan 1 000 AQSH dollarini olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, tergov harakatlari o‘tkazilmoqda.
Prokuratura departamenti
@masofatalim
“Biz Olimpiada o'yinlarida butun turkiy olam sportchilarini qo'llab-quvvatlаymiz” – Sherzodxon Qudratxo‘ja
@masofatalim
Talabalar turar joyi uchun ariza yuborish boshlandi
1-avgustdan talabalar turar joylari uchun onlayn ariza berish boshlandi. Yotoqxonaga ehtiyoji bor talabalar arizalarini my.gov.uz portali orqali jo‘natishlari mumkin.
Vazirlar Mahkamasining 376-son qarori bilan tasdiqlangan reglamentga ko‘ra, dastlab imtiyoz va ustuvorliklarga ega talabgorlar talabalar turar joylariga qabul qilinadi. Shundan so‘ng umumiy ro‘yxatdagi talabalar uchun yotoqxonada ortib qolgan o‘rinlar soniga nisbatan navbat asosida quyidagicha taqsimlanadi:
1-kurs talabalari uchun 55 – 65 foiz;
2-kurs talabalari uchun 15 – 20 foiz;
3-kurs va undan yuqori kurs talabalari uchun 20 – 25 foizgacha ajratiladi.
Arizalar qabuli 1-avgustdan boshlab o‘quv yili yakuniga qadar davom etadi. 2024/2025 o‘quv yilida OTM 1-bosqichiga tavsiya etilgan abituriyentlar yakuniy natija chiqqandan so‘ng ariza yuborishlari mumkin bo‘ladi. Ular uchun ham joylar yuqoridagi tartib asosida ajratiladi.
@masofatalim
Ochiqlik va samimiy muloqot hamisha foyda keltiradi
Kecha Instagramda Oʻzbekiston-Finlandiya pedagogika institutining 8-iyulda joylagan videosi lentada chiqib qoldi. Unda institut rektori Shahzoda Negmatova abituriyentlar bilan samimiy muloqot qilgani va “birorta e’tiroz bo‘lsa shaxsan rektorga murojaat qilishlari mumkinligi va kameralar ishlayotgani” aytilgan.
Bu kabi holatlar, ya’ni rektorlarning talabalar bilan samimiy muloqoti kamdan kam uchraydigan holat. Balki ko‘pchilik rektorlar tez-tez mana shunday kabinetidan chiqib, institutni aylanib, yoshlar bilan muloqot qilar-u, matbuot xizmati buni ko‘rsatib bera olmas. Balki ko‘rsatishni xohlamas, kim bilsin.
Shu narsa aniqki, ochiqlik va samimiy muloqotlarni yoritaverish kerak. Bu juda yaxshi qabul qilinadi, odamlarning hurmati oshadi.
P.S. Videodagi rektor opaga hurmat oshdi👍
@masofatalim
“El-yurt umidi” fondi va fondga ta’sir doirasi bor odamlar diqqatiga!
“El-yurt umidi” fondi 25-iyundan 25-iyulga qadar 2024-yilgi birinchi ochiq stipendiya tanlovini e’lon qildi. Suhbat bosqichi 24-avgustgacha o‘tkazilarkan.
Endi savol: tanlovga hujjat topshirgan va o‘qishi sentabrdan boshlanadigan yoshlar nima qilsin? Javoblar qachon chiqadi, tanlab olingan yoshlarga to‘lovi qachon to‘lanadi? Nega bu yil jarayon kechikdi?
Bu savollarga tayin-tuturiqli javob kutamiz! Garchi fond rahbari bir vaqtning o‘zida Davlat boshqaruv akademiyasiga ham rektorlik qilib, u tomondagi kamchiliklarga lom-mim demayotgan bo‘lsada, fonddan umid qilib turgan yoshlarning murojaati e’tibordan chetda qolmaydi, deb umid qilamiz!
P.S. Mabodo kanal kuzatuvchilariga bu fond haqida bizning fikrimiz qiziq boʻlsa, 2021-yil ularning faoliyatiga baho berib boʻlganmiz. Qarashlarimiz hozir ham shunday, oʻzgarmadi.
@masofatalim
2024-yilning birinchi yarim yilligida 72 ta OTM ichida eng koʻp daromadni Toshkent davlat iqtisodiyot universiteti topibdi – 504,4 mlrd soʻm. Sof daromad boʻyicha esa birinchi oʻrinni Qarshi davlat universiteti egallagan – 214,2 mlrd soʻm.
E’tiborlisi, hech bir OTM zararga ishlamagan.
@masofatalim
Shoir Nodir Jonuzoq olimpiadada O‘zbekiston uchun ilk oltin medalni olib kelgan Diyora Keldiyorovaga atab she’r yozibdi.
She’r quyidagi toʻrtlik bilan boshlangan (toʻligʻi videoda):
Yapon kurashida yapon qizini
Ippon usulida yutdi Diyora.
Olimp kitobiga goʻzal ismini
Oltin harf bilan bitdi Diyora.
@masofatalim
Bazaviy kontrakt miqdori oshirildi
2023-yil talabalarning to‘lov-kontrakti oshirilmagandi, 2024/2025-o‘quv yili uchun kontrakt narxlari tasdiqlandi va narxlar oshgani yaqqol ko‘rinadi.
Taqqoslash uchun, o‘tgan yili iqtisod 9,1 mln so‘mni tashkil qilgan bo‘lsa, bu yildan 10,5 mln so‘mni tashkil etmoqda.
Darvoqe, bu tasdiqlangan narxlarni moliyaviy mustaqillik berilgan OTMlarga ko‘pam ta’siri yo‘q. Ular 2024-2025 o‘quv yilidan qabul qilingan talabalarga bundan ham qimmatroq narx belgilashi mumkin.
@masofatalim
To‘qlikka sho‘xlik yoki 15 sutkaga yangi nomzodlar
Befarosatlar. Tarvuz arzon bo‘lib ketdi deb har balo qiliqni qilyapti bular. Isrof qilyapmiz, befarosatlik qilyapmiz, degan tushuncha mutlaqo yo‘q. Bular xiring-xiring qilib shuncha ne’matni uvol qilayotganda qaysidir davlatlar ocharchilikni boshdan o‘tkazyapti.
@masofatalim
Diyora Keldiyorova – Olimpiada chempioni!
O‘zbekistonlik dzyudochi Diyora Keldiyorova Olimpiadada O‘zbekiston uchun ilk oltin medalni taqdim etdi.
Diyoraning olimpiadadagi dastlabki raqibi ham, oxirgisi ham Olimpiada chempioni edi. U kurashdi va gʻalaba qozondi.
Diyora – Oʻzbekiston tarixida yozgi Olimpiya oʻyinlarida chempion boʻlgan ilk ayol sportchi! Shuningdek, dzyudo sportida oltin olgan ilk sportchi! Bungacha erkaklarimiz ham dzyudodan oltin ololmagan edi.
P.S. Faqat Boburiylar yo Temuriylar emas, Toʻmarislar ham borgan ekan-ku :)
@masofatalim
🎓 Xalqaro ta'lim va diplom olish endi oson!
🛫 "Millat Umidi" universiteti talabalari uchun eng yaxshi xalqaro universitetlarda almashinuv dasturlari mavjud: 2 yil O'zbekistonda va 2 yil BAA, Britaniya yoki Janubiy Koreyada tahsil olish imkoniyati.
IELTS/SAT/CEFR sertifikatlariga ega abituriyentlar kirish imtihonlarisiz qabul qilinadi!
2024 - 2025 o'quv yili uchun qabul ochildi!
1. Xalqaro o'qituvchilar;
2. Dunyo bo'ylab tan olingan diplom;
3. Xalqaro sertifikatlar;
4. Ishga joylashishda ko'mak;
5. Zamonaviy infratuzilma va qulay yotoqxona;
Bakalavriat ta'lim dasturlari:
🌍 ELT (Ingliz tili o'qitish);
💰 Buxgalteriya va moliya (ACCA);
🖥 IT va dasturlash;
📈 Biznes va menejment.
O'qish narxi: 18 - 25 mln. (fakultetga qarab farqlanadi).
🎁 IELTS va SAT sertifikatlariga ega talabalar 100% grantga ega bo'lishlari mumkin.
🔗 Hoziroq ariza topshiring va biz bilan birga xalqaro fuqaroga aylaning!
🌍 Website: millatumidi.uz
☎️ +998 71 200 03 06
Minimal ball hali tasdiqlanmagan, OTM va yo‘nalishni tanlashga shoshmagan ma’qul
Bundan bir necha oy avval o‘qishga kirish uchun minimal o‘tish balini 2 bosqichda oshirib, sog‘liqni saqlash, huquq, biznes va boshqaruv yo‘nalishlari uchun – 94,5 ball, boshqa yo‘nalishlar uchun – 75,6 ball etib belgilanishi kutilayotgani haqida xabarlar tarqalgandi (amalda barcha yo‘nalishlar uchun – 56,7 ball).
Agar mana shu tartib tasdiqlansa, 56,7 balldan oshiq to‘plaganlar ham xursand bo‘lishmagani ma’qul. Chunki tegishlicha 94,5 va 75,6 ball o‘z-o‘zidan minimal ballga aylanib, 56,7 ball tarixda qoladi. Super kontrakt va super-muper kontrakt ham keyin boshqacha hisob-kitob qilinadi.
OTM va yo‘nalishni tanlashda mana shu yangiliklarga qarab tanlagan afzal. Agar 75,6 balldan oshiq, biroq 94,5 ballga yetmagan bo‘lsa, unda tibbiyotni emas, biologiya yoki boshqa turdosh yo‘nalishni, iqtisodni emas, matematika yoki boshqasini tanlash kerak. Bunga e’tiborsizlik qilib, abituriyent o‘zini-o‘zi o‘qishdan yiqitib qo‘yishi hech gap emas.
@masofatalim
Oliy ta’lim muassasalari va ta’lim yo‘nalishlarini tanlash boshlandi
Oliy va professional ta’lim muassasalariga kirish test sinovlarida ishtirok etgan abituriyentlar 2024-yil 27-iyuldan 10-avgustga qadar 15 kun davomida oliy ta’lim muassasalari va ta’lim yo‘nalishlarini tanlashlari lozim.
Buning uchun my.uzbmb.uz platformasining “Oliy va professional ta’lim muassasalariga qabul” bo‘limiga kirib, “Xizmatdan foydalanish” tugmasi bosiladi va “OTM tanlash” bo‘limiga o‘tiladi.
Dastlab abituriyent “Tanlov ustuvorligi” va “Maqsadli qabul” bo‘yicha o‘z tanlovini amalga oshiradi.
Shundan so‘ng abituriyent test topshirgan fanlar majmuasi va ta’lim tiliga mos bo‘lgan beshtagacha oliy ta’lim muassasasi va ta’lim yo‘nalishini ta’lim shakli bilan birga tanlaydi.
Bunda ta’lim yo‘nalishlarini bir oliy ta’lim muassasasi yoki turli oliy ta’lim muassasalari doirasida tanlash mumkin.
Ta’lim yo‘nalishlarini tanlab, “Saqlash” tugmasi bosilgandan so‘ng ma’lumotlarni tasdiqlash uchun abituriyentning telefon raqamiga SMS xabar yuboriladi. SMS xabardagi kodni dasturga kiritish orqali ma’lumotlar tasdiqlanadi.
Ma’lumotlar tasdiqlanganidan so‘ng, “Abituriyent qayd varaqasi” shakllanadi. Qayd varaqada abituriyent tanlagan tanlov ustuvorligi, ta’lim shakllari, oliy ta’lim muassasalari va ta’lim yo‘nalishlari aks etgan bo‘ladi. Yuklab olish tugmasi orqali abituriyent qayd varaqasini yuklab olishi mumkin.
Abituriyentlar ta’lim yo‘nalishlarini tanlash muddati yakunlangunga qadar o‘z ma’lumotlarini o‘zgartirishlari va qayd varaqasini qayta yuklab olishlari mumkin.
Abituriyentlarning talabalikka tavsiya etilgan yoki etilmagani to‘g‘risidagi yakuniy tanlov natijalari ta’lim yo‘nalishlarini tanlash to‘liq yakunlangandan so‘ng bir hafta muddatda e’lon qilinadi.
@masofatalim
Bilim va malakalarni baholash agentligi saytidagi ma’lumotga koʻra, bu yil kirish imtihonlarida bitiruvchilarning oʻrtacha bali 85 ballni tashkil qilgan.
Statistika agentligi joriy yilning birinchi yarmi boʻyicha bergan ma’lumotga koʻra, eng kam oylik oladigan sohalardan biri haliyam ta’limligicha qolmoqda.
@masofatalim
Oxirgi bir yilda 6 ta OTMning litsenziyasini bekor qilish bo‘yicha vazirlik sudga murojaat qilgan
Oliy sudning ish holatlarini onlayn kuzatib borishga mo‘ljallangan platformasi orqali o‘rganilganda Oliy ta’lim, fan va innovatsiyalar vazirligi oxirgi bir yil ichida 6 ta nodavlat oliy ta’lim muassasasining litsenziyasini bekor qilish uchun sudga murojaat qilgani, bundan 5 ta holatda vazirlikning talabi qanoatlantirilib, litsenziyalar bekor qilingani ma’lum bo‘ldi.
2024-yil 18-yanvar kuni Urganch tumanlararo iqtisodiy sudi qarori bilan Binariy universiteti, 2023-yil 26-oktabr kuni Buxoro tumanlararo iqtisodiy sudining qarori bilan “Turkiston yangi innovatsiyalar universiteti” (2023-yil 14-dekabrda Oliy sud ham bu qarorni o‘zgarishsiz qoldirgan), 2023-yil 23-avgustda Uchqo‘rg‘on tumanlararo iqtisodiy sudi qarori bilan Namangan xalqaro universiteti, 2023-yil 3-avgustda Toshkent tumanlararo iqtisodiy sud qarori bilan Toshkent texnologiyalar universiteti, 2023-yil 17-noyabrda Oliy sud qarori bilan Valley Innovative university litsenziyalari bekor qilingan.
@masofatalim
Hududlarda “Ma’naviyat festivali” ajoyib o‘tyapti
Surxondaryo viloyati Denov tumanida “Ma’naviyat festivali” doirasida “Vatan madhi” nomli gala-konsert bo‘lib o‘tdi.
Tadbirda vatanparvarlik va mehr-muhabbatni tarannum etuvchi kuy-qo‘shiqlar yig‘ilganlarga bayramona kayfiyat ulashdi.
Eng asosiysi, chekka tuman va mahallalarga mana shunday e’tibor qilinayotganini alohida e’tirof etish kerak.
@masofatalim