63738
Masofatalim™ — brend. Ta’limga oid xabarlar, yangiliklar. Shuningdek, kuzatuvlar va fikrlar Reklama uchun: @masofatalimbot
“Global ko‘prik”
Ijtimoiy tarmoqlarda Rossiyadagi mehnat migrantlari qanchalik qiyinchiliklarga duch kelayotgani haqida tez-tez xabarlar tarqaladi. Ko‘rib odamning yuraklari ezilib ketadi. Biroq migratsiya faqat Rossiyadan iborat emas.
Davlat ham mavjud vaziyatni tushunib, xorijda o‘qish yoki ishlashni istagan yoshlar uchun bir qancha imkoniyatlar eshigini ochishga intilyapti. Bu yo‘nalishda ko‘proq e’tibor Yevropa davlatlariga qaratilayotgani ham alohida ahamiyatga ega.
Ana shunday yo‘nalishda Germaniyaga o‘qish va ishlash uchun yuborilgan o‘zbekistonlik yigit-qizlarning hayoti, u yerdagi mehnat sharoitlari, erishayotgan yutuqlari haqida so‘zlovchi “Global ko‘prik” nomli ilmiy-ommabop hujjatli film suratga olinibdi. Mazkur film premyerasi 22-may kuni soat 19:00da bo‘lib o‘tadi.
Tomosha qiling: https://www.youtube.com/watch?v=C8bFBNfzVNE
“Subyektiv”ning qaysidir bir sonida Amerikada uchuvchi bo‘lib ishlaydigan Javohir ismli o‘zbek yigitni olib chiqishgan ekan. Ijtimoiy tarmoqlarda yozishlaricha, o‘sha bola vatanga qaytib, o‘zimizning havoshkada (UzAirways) ishlamoqchi bo’libdi. Ammo rus tilini yaxshi bilmagani uchun uni ishga qabul qilishmabdi. Darvoqe, undagi xalqaro sertifikat milliy havoshkamizdagi birorta uchuvchida yo‘q, deb yozishmoqda Twitterda.
@masofatalim
Ma’lumot uchun, Zo‘r TVda qizil knopka bosib o‘tirgan artistlar shu ishiga budjetdan oyiga 38 mln so‘mdan gonorar olyapti.
@masofatalim
“Yoshlar ovozi” – Boʻzatov FEST tanlovining tantanali taqdirlash marosimidan ajoyib salyutlar!
Boʻzatov iqtidorlarni kashf etadi!
@masofatalim
Davlat budjetidan milliardlab pul olib kun koʻrib yurgan, kamiga ijtimoiy tarmoqlardagi sahifasini boshqalardan post oʻgʻrilab yuritib yurgan gazetalardan biri kecha davlatning “Oltin qalam” mukofotini olibdi😁
@masofatalim
❗️Ish qidirib yurgan talabalar uchun zoʻr imkoniyat: sotuv menejeri lavozimiga tanlov asosida 18-35 yoshgacha bo‘lgan yoshlar ishga taklif etilmoqda
Asosiy talablar:
➖ sotuvchilikni uddalay olish;
➖ sotuvchi operator lavozimida eng kamida 6 oylik tajribaga ega bo‘lish (tajriba bo‘lmasa o‘rgatiladi);
➖ o‘zbek tilida ravon va chiroylik gaplasha olish;
➖ hushmuomala va kirishimli bo‘lish.
Qulayliklar:
➖ qulay joylashuv;
➖ oylik va qo‘shimcha bonuslar;
➖ shaxsiy rivojlanish va o‘sish imkoniyati.
💵 Oylik-maosh: 5 mln soʻmdan 10 mln soʻmgacha (oklad + sotuvdan bonuslar bor).
Ish vaqti:
• 08:00 dan 19:00 gacha( qat’iy)
• 6/1 dam olish kuni (yakshanba).
Manzil: Toshkent shahri: Mirzo Ulugʻbek tumani Ц1. Orientr Bibigon kafesi.
Murojaat uchun:
Telegram: @HR_SEVINCH
Telefon: 50 708 41 40.
2023-2024-o‘quv yilini yakunlash va “So‘nggi qo‘ng‘iroq” tadbirlarini o‘tkazish davomida quyidagilar taqiqlanadi:
- turli restoran va kafelar, xonadonlarda "Bitiruv oqshomlari"ni o‘tkazish, bosqichli nazorat imtihonlari va yakuniy davlat attestatsiyalarini o‘tkazishda, ta’lim muassasalarini yangi o‘quv yiliga tayyorlash borasida o‘quvchi va bitiruvchilar hamda ularning ota-onalaridan turli xil pul mablag‘larini yig‘ish;
- bitiruv tadbirlarida o‘quvchilardan qimmatbaho sovg‘alar uchun pul yig‘ish, bitiruv kechalariga atab qimmat kiyimlar olish, yengil avtomashinalarda sayr tashkil etish;
- o‘quvchilarning guruh-guruh bo‘lib xiyobonlar, istirohat bog‘lari, cho‘milish havzalariga borishi.
Maktabgacha va maktab ta’limi vazirligi
@masofatalim
Nukus shahrida “Yoshlar ovozi” – Boʻzatov FEST tanlovi respublika bosqichining tantanali ochilish marosimi boshlanmoqda.
@masofatalim
Samarqand viloyatidagi maktabning 8-sinf o‘quvchisi, voyaga yetmagan (2009-yilda tug‘ilgan) qiz chaqaloq dunyoga keltirdi. Bolaning otasi 2006-yil tugʻilgan bola ekani ma’lum boʻldi. Holat yuzasidan jinoyat ishi qoʻzgʻatilgan. Bu haqida Bolalar ombudsmani xabar berdi.
@masofatalim
Kimdir taqib ketsa, indamay taqib yuravermang. Georgiy tasmasi nima o‘zi u?
Har yili 9-may arafasida Georgiy tasmasining tarqatilishini, uning tarixini bilib-bilmay, goh ko‘ksiga, goh mashinasiga taqib yuradigan yurtdoshlarimizni ko‘rib hayron qolasan kishi. Axir bu tasma ortida qanchalik qora tarix bor!
Yekaterina II davrida, rus-turk urushi paytida joriy etilgan bu tasma va shu nomdagi orden urushda jasorat ko‘rsatgan rus harbiylariga berilgan bo‘lsa-da, keyinchalik bu tasma o‘zga yurt tuproqlarini toptagan, bosib olgan bosqinchilarga rag‘bat ramziga aylangan.
Uch qator qora va ikki qator to‘q sariq rangdan iborat bu tasma chor Rossiyasining Turkiston o‘lkasiga bosqinchilik yurishlari davrida bosqin uchun mukofot bo‘lgan. Bizning ota-bobolarimiz qonini to‘kkani uchun ne-ne bosqinchilar bu tasmani taqmagan deysiz.
“Qo‘qon xonligini zabt etgani uchun”, “Markaziy Osiyoga yurishi uchun”, “Xiva xonligiga yurishi uchun” kabi medallar ta’sis etilib, ularning barchasida shu mazmun aks etgani achchiq haqiqat.
Begunoh odamlarning to‘kilgan daryo-daryo qonlari, mushtipar ayollarning ohu voylari, yetim qolib bo‘zlagan bolalarning faryodlari, yonib ketgan uylar, vayron bo‘lgan binolar, zo‘ravonlik va xo‘rlikning haddi a’losiga yetishi ortida bu tasma yomg‘irdan keyin chiqqan kamalak kabi tovlanib turadi. Bu qora tarixni bilmasdan yoki ongli ravishda qatida qon jilvalanib turgan tasmani tarqatish kimgadir kerakdir, lekin uni taqish sharafsizlik emasmi? Hech bir vatanparvar inson bu tasmani o‘ziga ravo ko‘rmaydi, aksincha, undan jirkanadi.
O‘zbek degan millat o‘ziga qilingan yomonlikni kechirishi mumkin, lekin hech qachon unutmaydi. Biz ota-bobolarga munosib avlod bo‘lish uchun eng avval ularning qonini to‘kkan dushmanlarni tanib olishimiz zarur. Zotan, o‘z vataningni bosib, talab, vayron qilib, uni toptagan bosqinchiga muhabbat qo‘yish, uning faxr belgisi bo‘lmish – ramziy tasmasini taqish millatga nisbatan xiyonatdir.
Biz faxr qiladigan muqaddas bayrog‘imiz bor. Ataylab bizga tiqishtiriladigan yovuz tasma o‘rniga o‘z bayrog‘imiz tasvirlangan tasmalarni taqib yurganga nima yetsin! Ularga munosib javob shu!
Yaqinlarni ogohlantirishni unutmang!
@masofatalim
Oliy ta’lim fan va innovatsiyalar vazirligida o‘tkazilgan matbuot anjumanida bir qator yaxshi tashabbuslar ilgari surilgan. Ulardan eng muhimlari quyida keltirilmoqda:
• 2025-yildan boshlab davlat buyurtmasi parametrlari oliy ma’lumotli kadrlarni tayyorlash va ularga bo‘lgan talab prognoziga muvofiq 4 yillik davr uchun tasdiqlanadi (amalda 1 yil);
• Ta’lim granti asosida tahsil olgan talabalarning o‘qishni tugatgandan so‘ng 3 yil ishlab berish majburiyati bekor qilinadi.
• Davlat buyurtmasi asosida grant o‘rinlari har bir yo‘nalish uchun respublika bo‘yicha to‘plangan ballar ketma-ketligiga ko‘ra abituriyentlarning tanloviga muvofiq amalga oshiriladi.
• O‘qishga kirish uchun minimal o‘tish balini 2 bosqichda oshirib, sog‘liqni saqlash, huquq, biznes va boshqaruv yo‘nalishlari uchun – 94,5 ball, boshqa yo‘nalishlar uchun – 75,6 ball etib belgilanadi (amalda barcha yo‘nalishlar uchun – 56,7 ball).
Barchasini islohotlar deyish mumkin. Ammo bu yangiliklarning hujjati chiqishidan oldin biroz boyitish kerak.
Birinchidan, minimal ball oshirilyapti. Ammo “superkontrakt” joyida turibdi. Demak, bu masala ham ko‘rilishi kerak. Masalan, tibbiyotga kirish biroz baland yuradi. Deylik imtihonda 1-75,6 ball olgan talaba pulini to‘lab tibbiyotda o‘qishi adolat emas. Ball oshirilishining ham bularga taalluqli joyi ko‘rinmayapti. Bu masalani ko‘p marta ko‘targanmiz.
Ikkinchidan, o‘qishga kirishdagi imtiyozlar to‘liq tugatilishi kerak. Bilimi zo‘r bo‘lsa, el qatori imtihon topshirib o‘qisin. Boshqa izoh shartmas. Bu haqidayam ko‘p gapirganmiz.
Uchinchidan, stipendiya masalasi shu orada yana unutilib qolib ketmasligi lozim.
Xullas, shu 3 ta narsa qolib ketmasligi kerak: superkontrakt, imtiyoz va stipendiya. Balki barchasi navbati bilan bo‘lar. Muhimi bugungi yangiliklarning hammasini yaxshi qadamlar deyish mumkin, albatta.
@masofatalim
Agar mana shu topshiriq rost boʻlsa, maktabgacha va maktab ta’limi vazirligida munosib oʻrinbosarlar oʻtiribdi, rahmat.
Oʻtgan yili ayrim OTMlar “katyusha” va rus qoʻshiqlariga oʻynagan. Bu yil kuzatamiz, shunaqa holat kuzatilsa, albatta, ayash yoʻq.
Oliy ta’lim, fan va innovatsiyalar vaziri va ikki oʻrinbosari yaqinda tayinlandi. Ularga ham shu orqali baho beramiz.
Rus propagandachilari bundan bir necha oy avval chiqib gapirgan sassiq gaplarini unutib qoʻymaylik.
@masofatalim
Endi davlat granti 4 yilga bitta talabaga emas, balki har yili yuqori baholarga erishgan talabalar orasida qayta taqsimlanadi. Bu haqda bugun Shavkat Mirziyoyev huzurida oliy ta’lim tizimi bo‘yicha bo‘lgan taqdimotda aytildi.
@masofatalim
🇺🇿🇺🇿🇺🇿
U-23: Men Porijga ketaman, ketaman dedim, ketaman:)⚽️
Jaloliddinov, Odilov, Norchayev va boshqalar… Oʻzbekiston U-23 terma jamoasi va ularning ota-onalaridan eksklyuziv intervyu.
https://youtu.be/cZmCQyh547I?si=T_av2xi65k3TYgqU
@Sinchalak_blog
Haddan tashqari madaniyatli millat-a shu yaponlar. O‘zbekistonlik muxlislar oldiga kelib, ularga o‘z hurmatini bildirib ketdi.
Manba
@masofatalim
Nodir Sayfullayev O‘zbekiston davlat san’at va madaniyat instituti rektori lavozimiga tayinlandi.
Tayinlovga qadar u Prezident Administratsiyasi madaniyat va san’atni rivojlantirish shoʻbasi mudiri lavozimida faoliyat yuritayotgan edi.
@masofatalim
Oliy ta’lim tizimidagi poraxo‘rlardan biri ushlandi
7-may kuni Samarqand viloyati Kattaqo‘rg‘on tumanida huquqni muhofaza qiluvchi organ xodimlari tomonidan tezkor tadbir o‘tkazildi.
O‘tkazilgan tadbirda Kattaqo‘rg‘on shahar Abu Ali ibn Sino nomidagi jamoat salomatligi texnikumi katta o‘qituvchisi lavozimida ishlagan, 1992-yilda tug‘ilgan Sh.F. 2 nafar shaxsni 1 000 AQSH dollari evaziga texnikum direktorini moddiy manfaatdor etish orqali budjetga o‘qishga joylashtirib berishini aytib, kelishilgan pullarni olgan vaqtda ashyoviy dalillar bilan ushlangan. Bu haqda Samarqand viloyati IIB Matbuot xizmati xabar berdi.
@masofatalim
❗️Ayni daqiqalarda “Mening yurtim” telekanalida “Yoshlar ovozi - Bo‘zatov Fest” tanlovining tantanali taqdirlash marosimi takroran efirga uzatilmoqda. O‘ta ko‘tarinki ruhda bo‘lib o‘tgan bayram dasturini o‘tkazib yubormang!
@masofatalim
Lola Boʻzatovda!
Qoraqalpogʻiston Respublikasining Boʻzatov tumanida “Yoshlar ovozi” – Boʻzatov FEST tanlovining tantanali yopilish marosimi boʻlib oʻtmoqda. Unda estrada yulduzlari oʻz qoʻshiqlari bilan haqiqiy bayramona kayfiyat ulashmoqda. Xonanda Lolaning chiqishi esa kutilmagan boʻldi. Eng muhimi, odamlar, yoshlar mazza qilishyapti.
@masofatalim
Qoraqalpogʻiston Respublikasida oʻtayotgan “Yoshlar ovozi” – Boʻzatov FEST tanlovoning respublika bosqichi, super finali juda qizgʻin oʻtyapti.
Videoda 23-30 yosh toifasi, estrada yoʻnalishi super finalida samarqandlik Abdurahim Mamatqulov Gruziya qoʻshigʻi bilan chiqish qildi.
Shunaqa katta tanlovda, uzoq yillik tajribaga ega hakamlar oldida (ular orasida Oʻzbekiston Qahramoni Munojat Yoʻlchiyeva ham bor) gruzin qoʻshigʻini jonli ijroda kuylash oson emas, albatta.
@masofatalim
Boʻzatov FEST: tanlovning respublika bosqichi, 3-kun – estrada yoʻnalishi
13-may kuni Nukus shahrida tashkil etilgan muhtasham pavilonda “Yoshlar ovozi” – Bo‘zatov FEST tanlovining estrada yo‘nalishi bo‘yicha bellashuvlar bo‘lib o‘tdi.
Yoshlar ijrosidagi o‘zbek, jahon va qoraqalpoq estrada na’munalari hakamlar hay’ati tomonidan baholab borildi. Ishtiromchilarning 17 nafari estrada yo‘nalishi bo‘yicha tanlovning super finaliga yo‘llanmani qo‘lga kiritdi.
@masofatalim
Qoraqalpogʻiston Respublikasida 10-17-may kunlari boʻlib oʻtadigan, iste’dodli yoshlarning eng sevimli tanlovi – “Yoshlar ovozi” – Bo‘zatov FEST’ning respublika bosqichiga start berildi.
@masofatalim
Talabalar uchun SMM yo‘nalishida 100 foizlik grant e’lon qilindi
SMM sohasiga qiziqishi bor va shu yo‘nalishda o‘z kelajagini ko‘ra olgan talaba-yoshlar uchun grant e’lon qilindi.
Grant g‘oliblari amaliyotga asoslangan 3 oylik SMM kursida bepul o‘qish imkoniyatiga ega bo‘ladi. Kurs bitiruvchilari yuqori daromadli ish bilan ta’minlanadi.
🔗 Grant uchun roʻyxatdan oʻting
SMM maktabda bepul o‘qib, yuqori daromadli kasb egasiga aylaning.
📞 Aloqa: +998 55 520 60 60
✈️ @smmaktab
“Boʻzatov FEST” yorqin pallaga kirmoqda!
Nukusda “Yoshlar ovozi” – Bo‘zatov FEST tanlovining Respublika bosqichi ishtirokchilari tantanali kutib olindi.
@masofatalim
Mudofaa vazirligining Markaziy harbiy klinik gospitalida davolanayotgan Muhiddin bobo Doʻsanboyevning Imona ismli nabirasi Toshkent davlat iqtisodiyot universitetiga imtihonsiz, davlat granti asosida, hali qabul boshlanmay turib qabul qilinibdi. Buni Muhiddin boboning oldiga shaxsan vazir Qo‘ng‘irotboy Sharipov borib ma’lum qilibdi.
@masofatalim
Toshkentdagi Isroil elchixonasini yoqib yuborishga uringan talaba 5 yilga qamaldi
Toshkent shahrida talaba yigit Isroilning O‘zbekistondagi elchixonasini yoqib yuborishga urindi. Sud hujjatida keltirilishicha, 2004-yilda Farg‘ona viloyatida tug‘ilgan, O‘zbekiston Jahon tillari universiteti 2-bosqich talabasi bo‘lgan A.A. 2023-yilning 19-oktabr kuni erta tongda Isroil elchixonasini yoqib yubormoqchi bo‘lgan.
Yigit o‘sha kuni soat 4:30 lar atrofida o‘z maqsadini amalga oshirish uchun sport sumkasiga kerosin solingan shisha idish, gantel, ikki quti gugurt va mato bo‘laklarini solib, velosipedda elchixona yoniga kelib to‘xtagan. Shunda uning harakatlari elchixona yonida joylashgan Yakkasaroy tumani IIO FMB 4-sonli IIB xodimlarining e’tiborini tortgan.
IIB xodimlari yigitdan to‘xtashni so‘ragan, u esa esa velosipedini boshqargan holda qochishni boshlagan. Xodimlar xizmat mashinasida uni kuzatib borib, to‘xtatgan va IIB binosi yoniga olib kelishgan hamda yelkasidagi sumkani ochib ko‘rsatishni so‘rashgan.
Talaba yigit shunda ham o‘z maqsadiga yetishish uchun IIB xodimlarini chalg‘itib, sumkasidagi kerosin solingan shisha idishni va bir dona gantel toshini qo‘liga olib, elchixona binosi tomonga yugurgan. IIB va elchixona binosini qo‘riqlayotgan Milliy gvardiya xodimlari yigitni elchixona eshigi yonida ushlashgan. Bu orada u qo‘lidagi shishani va gantel toshini devor ustidan elchixona hovlisi ichiga uloqtirishga erishgan.
A.A. sudda bergan ko‘rsatmasida 2023-yil oktabr oyining o‘rtalarida Gʻazo sektorida Isroil va Falastin o‘rtasida bo‘layotgan qurolli to‘qnashuvlar aks etgan videolarni ko‘ra boshlaganini, oqibatda Isroil davlatini yomon ko‘rib qolganligini, o‘ch olish maqsadida ushbu davlatning Toshkentdagi elchixonasini yoqib yuborishni maqsad qilganini bildirgan.
“Avval kerosin solingan butilkalarni devor orqali elchixona ichki hovlisiga uloqtirmoqchi edim. Keyin uning ortidan mato bo‘laklarini gantel toshlariga o‘ragan holda kerosin bilan to‘yintirib, ularni ham yoqqan holda kerosinli shisha singan hududga otib, bu orqali elchixonaga o‘t qo‘yishni reja qildim.
Odamlarga yoki elchixonaga zarar yetkazish niyatim bo‘lmagan, faqatgina Isroil davlati Falastindagi shifoxonaga bomba tashlagani uchun norozilik bildirmoqchi bo‘ldim. Sodir etgan harakatlarim noto‘g‘ri ekanini tushunib yetdim”, degan suddagi ko‘rsatmasida.
Jinoyat ishlari bo‘yicha Yakkasaroy tuman sudining shu yil 19 apreldagi hukmi bilan A.A. Jinoyat kodeksining 155-moddasi (terrorizm) 1-qismida nazarda tutilgan jinoyatni sodir etganlikda aybli deb topilib, unga nisbatan 5 yil ozodlikdan mahrum qilish jazosi tayinlangan.
@masofatalim
❗️Ajoyib yangilik: dekanatlar optimallashtiriladi.
@masofatalim
“Yoshlar ovozi” – Bo‘zatov fest tanlovining hududiy boqichi yakunlandi. Tanlovning respublika bosqichi esa 9-17-may kunlari Qoraqalpog‘iston Respublikasida bo‘lib o‘tadi.
Har bir hududdan uchta yosh toifasida baxshichilik, an’anaviy ijro, opera va estrada yo‘nalishlarida 1-o‘rinni qo‘lga kiritgan yoshlar tanlovning respublika bosqichida bellashadilar.
Ma’lumot uchun, respublika bosqichida 1-o‘ringa 50 mln so‘m, 2-o‘ringa 30 mln so‘m va 3-o‘ringa 20 mln so‘m pul mukofoti bor. Qolgan barcha respublika bosqichi ishtirokchilarini esa 10 mln so‘m pul mukofoti bilan rag‘batlantiriladi.
@masofatalim
😊“Poytaxt Bank” yangi ishchi o‘rinlari yaratgan tadbirkorlik sub’yektlariga kredit foiz stavkalari kamayib boruvchi “Taraqqiyot sari” yangi kredit mahsulotini joriy qildi.
➖ Muddati: 36 oy
➖ Miqdori: 5 mlrd so‘mgacha
➖ Foiz stavkasi quyidagicha:
⁃ 10-20 tagacha yangi ishchi o‘rin uchun – 25,0%
⁃ 21-30 tagacha yangi ishchi o‘rin uchun yillik – 24,0%
⁃ 31 ta va undan ortiq yangi ishchi o‘rni uchun – 22,9%
Imtiyozlar:
⁃ 6 oygacha imtiyozli davr;
⁃ Debet aylanma uchun komissiya – 0%.
🚀 “Poytaxt Bank” bilan hamkorligingizni ertangi kunga qoldirmang!
Telegram ▪️ Facebook ▪️ Instagram ▪️ Web
