Artistlarni davri keldi, ahay-ahay, vohay-vohay
O‘zsanoatqurilishbank bir yil muddatga rep yo‘nalishida ijod qiluvchi, 35 yoshgacha bo‘lgan san’atkorni brend ambassador sifatida jalb etish uchun 630 mln so‘mlik tender e’lon qilibdi.
Talablar: 630 mln so‘mni qo‘lga kiritish uchun 365 kun davomida bankning brend ambasadori bo‘lish va bir yil davomida 4 marta foto va video sessiyaga tushib berishi hamda rasmga olingan foto va video faylardan bank xizmatlarini targ‘ibot qilish uchun foydalanish huquqi berilishi kerak ekan.
Bundan tashqari, o‘sha artist ijtimoiy tarmoqlarda o‘z sahifalariga ega bo‘lishi, 500 000 ko‘rishlar va ijtimoiy tarmoqlarda jami 150 000 dan kam bo‘lmagan obunachisi mavjud bo‘lishi kerak ekan. Keyin konsert berib, banki reklama ham qilishi kerak ekan. Zo‘r-a?
P.S. Madaniyat vazirligining artistlarga uy olishi uchun 245 mln so‘mgacha subsidiya berish kerakligi haqidagi taklifidan jamoatchilik hali o‘ziga kelib ulgurmasdan, davlat banki 630 mln so‘mni artistga sarflamoqchi. Bosilar, pul topib aql topmaganlar.
@masofatalim
Artistlarga uy olishi uchun 245 mln so‘mgacha subsidiya berilishi mumkinligi haqidagi qaror loyihasini ko‘rgach, bir taklif tug‘ildi. Shu soha xodimlarini aholining eng qiynalgan va ezilgan qatlami deb topib, “Temir daftar”, “Ayollar daftari” bo‘lgani kabi, “Artistlar daftari” degan daftar ham joriy qilish kerak.
Masalan, bu asosida keyin qiynalib qolgan artistlarga BHMning nechadir baravari miqdorida bir martalik moddiy yordam, efirga chiqishiga joy ajratishga yordam, qo‘shiq qilishga she’r topa olmasa, she’rdan yordam, bastakorga berishga puli bo‘lmasa, bastakordan yordam, to‘yga aytilmasa, to‘ydan yordam kabi yordam turlarini ham joriy qilish kerak. Masalan, bu shunchaki taklif, xolos.
@masofatalim
Qo‘qonda ikki yosh nikoh to‘yini kutubxonada o‘tkazdi
Kelin-kuyov Qo‘qon shahridagi “Amiriy” kutubxonasida tanishib qolgan. Kelin ushbu kutubxonada faoliyat olib borgan, kuyov esa kitob o‘qishga tez-tez kelib turgan. Kutubxonada tanishgan ikki yosh nikohini ham shu yerda o‘tkazishga qaror qilgan.
Yoshlar baxtli bo‘lishsin.
@masofatalim
Grafik dizaynerlar oyiga qancha topadi?
🙋 Ijtimoiy tarmoqda faoliyat yuritadigan har qanday odam borki, Grafik dizaynerlarga ishi tushadi.
Hattoki sahifasiga faqat video yuklaydigan insonlar ham grafik dizaynerga video uchun kover tayyorlatadi.
😐 Xo’sh, bu muhim shaxslar oyiga qancha daromad qiladi?
Kursni endi bitirgan va 6 oygacha tajribaga ega grafik dizaynerlarning o’rtacha oyligi 3 000 000 dan 6 000 000 so’mgachani tashkil qiladi. Tajriba ortgani sari daromad ham o'sib boradi.
Bu sohada ishlashning yana bir qancha afzalliklari mavjud:
• masofadan turib ishlash mumkin;
• bir vaqtning o’zida bir nechta loyihalar bilan ishlash mumkin;
• turli saytlar orqali passiv daromad ham topsa bo’ladi.
➡️ Agar siz ham grafik dizayn sohasini o’rganib, yuqori daromad topishni istasangiz, «Najot Ta'lim»dagi grafik dizayn kursi uchun ro’yxatdan o’ting.
🔗 Ro'yxatdan o'tish
7-noyabr kuni soat 11:00 atrofida Oliy Majlis Senati (Senat.uz), “Adolat” sotsial-demokratik partiyasi (Adolat.uz), Oliy ta’lim, fan va innovatsiyalar vazirligi (Edu.uz) hamda Yoshlar siyosati va sport vazirligi (Minsport.uz) veb saytlariga kirish imkonsiz bo‘lib qolgan. Aytishlaricha, ushbu saytlar hakerlar hujumiga uchragan.
@masofatalim
Paveljon Durov yaratib bergan keng-ko‘lamli imkoniyatlardan foydalanib, yutuqli o‘yin e’lon qildik (Telegram tarixida Durovdan keyin 2-giveaway’ni biz e’lon qildik).
G‘olib bo‘lgan 1 nafar obunachiga 3 oylik Telegram Premium sovg‘a qilinadi! G‘olibni Paveljon aytganidek, Telegramning o‘zi, mutlaqo shaffof shaklda aniqlaydi.
Omadni sinab ko‘ring!
8-9-noyabr kunlari Toshkentda Iqtisodiy hamkorlik tashkilotining sammiti bo‘lib o‘tadi. Ushbu sammitga Prezident Shavkat Mirziyoyev raislik qilishi kutilmoqda.
Tadbirda Ozarbayjon, Eron, Qozog‘iston, Qirg‘iziston, Pokiston, Tojikiston, Turkmaniston hamda Turkiyaning davlat va hukumat rahbarlari ishtirok etadi.
Iqtisodiy hamkorlik tashkiloti va sammitning ahamiyati haqida ekspert batafsil ma’lumot berdi.
@masofatalim
“Uzbekistan Airports” rasmiy bayonoti
Ijtimoiy tarmoqlarda yosh spotterlarning huquq-tartibot idoralari xodimlari tomonidan qo‘lga olingani haqidagi foto va video materiallar tarqaldi.
Takidlash joiz, voqea Toshkent shahrining Sergeli tumanidagi Qumariq mahallasi hududida sodir bo‘lgan. Bolalar havo bandargohi chegaralarini buzmagan holda Toshkent xalqaro aeroporti panjarasi ortida turib samolyotlarni suratga olgan.
O‘z navbatida, “Uzbekistan Airports” O'zbekistondagi spotting harakatini qo'llab-quvvatlaydi va yosh avlodni ushbu hobbi bilan shug'ullanishiga to’sqinlik qilmaydi. Yil boshidan buyon Toshkent aeroporti hududida 30 ga yaqin rejali va rejadan tashqari spotting-turlar tashkil etildi. Shuningdek, joriy yilning 14-oktabr kuni bo‘lib o‘tgan rejali kuzgi spottingda 6 yoshdan 15 yoshgacha bo‘lgan 12 nafar bolalar qatnashganini ham alohida ta’kidlash lozim.
Eslatib o‘tamiz, 2022-yil 26-yanvarda Vazirlar Mahkamasining “Avispottingni rivojlantirish uchun shart-sharoitlar yaratish chora-tadbirlari to‘g‘risida”gi qarori bilan O‘zbekistonda spotting harakati rasman qonuniylashtirilgan.
@masofatalim
❓Hali ham talaba bo’lmadingizmi?
🤩 Sizda sirtqi ta'limda imtihonsiz talaba bo’lish imkoni bor!
🔖 Davlat namunasidagi bakalavr diplomi.
💵 Kontrakt narxlari atiga 9 mln va to’rtga bo‘lib to‘lash imkoniyati.
📥 Horijdan o’qishni ko’chirish (2-kursga).
Ta’lim yo‘nalishlari:
✔️ Axborot tizimlari va kompyuter muhandisligi
✔️ Boshlang‘ich ta’lim
✔️ Pedagogika va psixologiya
✔️ Tarix
✔️ Moliya va moliyaviy texnologiyalar
✔️ Bank ishi va auditi
✔️ Iqtisodiyot
✔️ Arxitektura
✔️ Xalqaro munosabatlar
✔️ Turizm
❗️Yana bir qancha taʼlim yoʻnalishlarimiz mavjud. Operatorlarimiz orqali batafsil maʼlumot olishingiz mumkin!
☎️ Axborot-maslahat markazi:
+998978021916 | Operator
+998957473638 | Operator
🌐 Sayt | 📲 Instagram
Bitta madaniyat vaziriga ikkita birinchi o‘rinbosar tayinlanibdi. Ajoyib!
@masofatalim
Buxoro tabiiy resurslarni boshqarish institutida talabalar supurgi yasashga olib chiqilibdi.
Mabodo biror oliy ta’lim muassasasi talabalarni mol-qo‘y boqishga olib chiqmayaptimi ishqilib? 😂
@masofatalim
Obuna mavsumi va navbatdagi shishirilgan narxlar
O‘zbekiston davlat san’at va madaniyat instituti 40 ta gazeta obunasi uchun “Inform Express” MChJ bilan 181 mln 650 ming so‘mlik to‘g‘ridan to‘g‘ri shartnoma tuzgan. Narxlar bir necha o‘n barobarga shishirib ko‘rsatilgan holatlar bor.
Xususan, 2023-yilda O‘zbekiston pochtasi orqali “Xalq so‘zi”ning obunasi 887 ming so‘mni tashkil etgan. Bu narxga gazeta bir yilda nechta son chiqsa, hammasi yetkazib beriladi. Ammo O‘zbekiston san’at va madaniyat instituti shartnomasida gazetaning 1 donasi narxi qariyb 1,3 mln so‘m ko‘rsatilgan. Bir dona gazeta narxi bir yillik obuna narxidan ham qimmat. Boshqa gazetalarning narxlarini esa ushbu havola orqali taqqoslab ko‘rish mumkin.
Nega bunday bo‘lganini tushunish uncha qiyin emas, o‘rtada vositachi bor. Aksariyat OTMlar shu o‘rtakashlardan bir necha o‘n barobar qimmatiga obuna sotib olyapti. Qiziq holat, juda qiziq. Bu pullar esa tahririyatlarga to‘liq yetib bormaydi. Masalan, o‘rtakash shartnomada “Xalq so‘zi”ni 10 dona ko‘rsatib, buning uchun sal kam 13 mln olgan. Tahririyatga shu puldan 1 mln so‘m ham yetib bormasa kerak. Mehnat qilgan boshqa, huzur topgan boshqa.
Biz erkin obunaga aslo qarshi emasmiz. OTMlarga tavsiya shu: shishirilgan narxda emas, bir necha o‘n barobar arzoniga ham shu gazetalarga obuna bo‘lish mumkin. Ko‘pchilik OTMlar shu tarzda obuna bo‘lyapti. Shunchaki tahririyatlar bilan bog‘lanish yoki juda bo‘lmasa, insof doirasida ishlaydigan yetkazib beruvchilarni topish kifoya. Soqqa qilish kerak, lekin insof bilan.
@masofatalim
Open AI O‘zbekiston uchun Chat GPT’ga ruxsat berdi
Sun’iy intellektga asoslangan so‘rovlar bo‘yicha ma’lumot beruvchi ChatGPT xizmati o‘zbekistonlik foydalanuvchilar uchun ochildi.
Bundan avval mazkur xizmatdan faqat VPN vositasida chet el raqamlari orqali ro‘yxatdan o‘tish mumkin edi. Endilikda O‘zbekistondagi aloqa operatorlari raqamlari orqali ham ro‘yxatdan o‘tish mumkin bo‘ldi.
@masofatalim
Artistlarga uy olishi uchun subsidiya beriladi
Artistlar uy-joy sotib olmoqchi bo‘lsa, uyning yarim pulini mahalliy budjetning qo‘shimcha manbalari hisobidan subsidiya qilib to‘lab berish bo‘yicha Madaniyat vazirligi Hukumat qarori loyihasini ishlab chiqibdi.
Unga ko‘ra, Qoraqalpog‘iston Respublikasi va viloyatlar uchun 192,5 mln so‘mdan hamda Toshkent shahri uchun 245 mln so‘mdan yuqori bo‘lmagan miqdorda bir martalik subsidiya berilishi nazarda tutilmoqda.
P.S. Tavba, bular turib-turib nimalarni o‘ylab topadi-ya. Ozodbek Nazarbekov ham mana bunaqa tashabbuslarni ishlab chiqmay, tinchgina “Jigi-jigi” deb ashulasini aytib yurgani yaxshi ekan, masalan.
@masofatalim
Sobiq oliy ta’lim, fan va innovatsiyalar vaziri, amaldagi qishloq xo‘jaligi vaziri Ibrohim Abdurahmonov Toshkent davlat agrar universitetida daraxt ekibdi.
Daraxtni ekish jarayonida kimdir chuqurni tayyor qazib qo‘ygan, quyishga suvni olib kelib tayyor qilgan, yana ikki kishi esa daraxtchani ushlab turib, vazirga yordam bergan.
@masofatalim
Toshkent shahrida Iqtisodiy hamkorlik tashkiloti sammiti o‘tkazilishi va shu sabab qatnovda noqulaylik tug‘dirmaslik uchun Toshkent davlat iqtisodiyot universitetida 8-9-noyabr kunlaridagi darslar qoldirilib, 10-17-noyabr oralig‘ida professor-o‘qituvchilarning dars jadvaliga moslashtiriladi.
@masofatalim
Sovg‘a sifatida tanlangan 1 kishiga 3 oylik Telegram Premium to‘lovi amalga oshirilgan. Giveaway’da qatnashish va g‘olib bo‘lib, sovg‘ani qo‘lga kiritish uchun @masofatalim kanaliga obuna bo‘lish hamda do‘stlarga ulashish kerak. G‘olib 13-noyabr kuni ma’lum bo‘ladi.
Quyidagi havola orqali ovoz berishni ham unutmang: /channel/masofatalim?boost
Telegram asoschisi Pavel Durov kanallarda endi yutuqli o‘tkazish mumkinligi haqida e’lon qildi
Kanal egalari endi obunachilari orasida mukofotlarni tasodifiy tarqatish orqali yutuqli oʻyinlarni oʻtkazishi mumkin. Bu kanalni tanitish, yangi obunachilarni jalb qilish yoki joriy obunachilarni mukofotlashning yangi usulidir.
Yutuqli oʻyinlar ijtimoiy tarmoqlarda ancha vaqtdan buyon mashhur trend boʻlib kelmoqda, lekin hozirgacha ularni tasdiqlangan va shaffof tarzda tezda tashkillashtirish imkonsiz edi. Bugun Telegram buni oʻzgartirmoqda. Bu millionlab foydalanuvchilarga Telegram Premium obunalari kabi mukofotlarni olishga yordam beradi va Telegram gʻoliblar adolatli tanlanishiga kafolat beradi.
Bepul Telegram Premium
Kanallar egalari atigi bir nechta bosish orqali yutuqli oʻyinlar yaratishi mumkin. Telegram gʻoliblarni kanal egalari belgilangan qoidalar asosida tasodifan tanlaydi va mukofotlarni tarqatadi.
Omadli gʻoliblar hadya kodlariga ega havolalarni oladi, bu ular gʻolib boʻlganining ommaviy tasdigʻi sifatida xizmat qilishi mumkin. Har bir kod Telegram Premiumga bepul obunani oʻz ichiga oladi, lekin tashkilotchilar kanalga qiziqishni orttirish uchun boshqa mukofotlarni (Teslalar kabi) qoʻshishi mumkin.
@masofatalim
O‘zbekistonlik shaxmatchi Javohir Sindarov Rossiyaning amaldagi chempioni Vladislav Artemiev ustidan g‘alaba qozonib, dunyoning TOP 2700 reytinglik shaxmatchilari qatoridan joy olibdi. Bugungacha o‘zbekistonlik shaxmatchilardan faqat Nodirbek Abdusattorov 2700+ reytingga ega edi.
@masofatalim
Yoshlarga xos qiziqish bilan supurgi yasash o‘rniga samolyotlarni rasmga tushirib yurishibdi ekan, zumrashalar... (c)
#tushungantushundi
@masofatalim
Ijtimoiy tarmoqlarda Toshkentda aviaspotting bilan shugʻullanayotgan yoshlarni ichki ishlar xodimlari ushlab olib ketishgani haqida xabarlar tarqalmoqda.
@masofatalim
Buxoro tabiiy resurslarni boshqarish institutida talabalar supurgi yasashga olib chiqilgani haqidagi xabarga Oliy ta’lim, fan va innovatsiyalar vazirligi matbuot kotibi Nazokat Abduqunduzova rasmiy munosabat bildiribdi.
“Yer maydoni talabalar turar joyining yaqinida bo‘lgani bois, ushbu jarayonga qiziqqan bir necha talabalar xodimlarning ishini bevosita kelib kuzatganlar va ayrimlari yoshlarga xos qiziqish tufayli o‘zlari ham supurgi yasab ko‘rishga uringan”, – deb yozgan u.
Bu rasmiy munosabatga tadbirkor Feruz Allayev twitter sahifasida: “Man katta sinf bolalari yoshlarga xos qiziqish bilan g‘isht quygan yoki maktab zamdirektori uyida suvoq qilgan holatlarni bilaman. Bu 15-20 yil oldin edi. Yoshlarga xos qiziqishlar noziklashibdi”, deb fikr bildirgan.
Sen-chi, sen, ey talaba, yoshlarga xos qiziqish bilan nimalar yasagansan? Lekin qoyil qolmay iloj yo‘q. Vaziyatdan chiqishning yangi, innovatsion yo‘lini topishibdi — “yoshlarga xos qiziqish bilan”. Shu holat bo‘yicha 3 kishi 3 xil munosabat bildirdi. Uyalinglar-e.
@masofatalim
Tepadan topshiriq “ixtiyoriy” deb tushadi. Pastda esa uni “ixtiyoriy-majburiy” deb o‘qilmasligiga kim kafolat beradi? Bundan tashqari, shu obuna ishiga “tepa” aralashmay, mana bunaqa har xil “tavsiyaviy” xatlar yozmasa yaxshi bo‘lardi. Gazeta o‘qishni va o‘qitishni xohlaydigan rektorlarning o‘zlari ham bu masalani hal qila olsa kerak, axir? Yoki, albatta, xat yozib, tavsiya qilib o‘tirish shartmi?
@masofatalim
Joriy yil 6-may kuni Namangan davlat universiteti oldidagi piyodalar yo‘lakchasida turmush o‘rtog‘ini shafqatsizlarcha o‘ldirgan shaxs 17 yil 6 oy muddatga ozodlikdan mahrum qilinibdi. Vafot etgan ayol NamDU talabasi bo‘lgan ekan.
@masofatalim
Termiz davlat universitetining sobiq rektori (oldin O‘zMUni rektori bo‘lgan) Maraximov Avaz Raximovich yangi tashkil etilgan Nurafshon davlat universitetiga rektor etib tayinlanibdi.
@masofatalim
Oliy ta’limda yangi avlod ko‘rgan eng yaxshi davrlardan biri Toshqulov davri bo‘ldi. Shu odam tizimda boshqa vazirlarga qaraganda ko‘proq va samaraliroq o‘zgarishlar qila olgandi. Kamchiliklar bor edi-yu, ammo tayinli ishlar ham ko‘p qilingan davr bo‘ldi. IMHO.
@masofatalim
“Rossiyalik z-artistlar O‘zbekistonga kelib ashulasini aytib yuraversa maylimi, bunga biror chora ko‘rmaysizlarmi, cheklamaysizlarmi, munosabat bildirmaysizlarmi, deb so‘raganingda “O‘zbekistonda san’atga umuman to‘siq yo‘q”, deb suvga tushgan mushukchadek miyovlab qoladigan mana bunaqa vallomatlar o‘zimiznikilarni yomonlash imkoniyati berilganida sherga aylanishini ko‘ring” — Muhrim A’zamxo‘jayev.
P.S. Videodagi ul “madaniyati oliy zot” madaniyat vazirining o‘rinbosari Bahodir Ahmedov bo‘ladi. San’atning bosh senzorlarini tanib qo‘yish zarar qilmaydi.
@masofatalim