63738
Masofatalim™ — brend. Ta’limga oid xabarlar, yangiliklar. Shuningdek, kuzatuvlar va fikrlar Reklama uchun: @masofatalimbot
Qonuniy bo‘lgan hamma narsa ham adolatli bo‘lmasligi mumkin.
@masofatalim
“Diplom bu erga tegish dokumenti emas” – Jahongir Ortiqxo‘jayev
Toshkentning sobiq hokimi, tadbirkor Jahongir Ortiqxo‘jayev Central Asian University (sobiq Akfa universiteti) ilk bitiruvchilarini tabriklab, ularga tilaklarini bildiribdi.
“...Men bugun qadrli ota-onalar oldida bir narsani iltimos qilmoqchi edim. Mana ko‘pchilik qizlar bitiryapti. Iltimos qilaman sizlardan, diplom bu erga tegish dokumenti emas. Qadrli ota-onalar, ko‘pchilik diplomini olgandan keyin erga bervoradi, shu bilan qizining orzulari bilan kelishmaydi, gaplashmaydi... Iltimos, kuyov tanlayotganingizda qizlaringizning orzusini amalga oshira oladigan kuyov tanlanglar”, degan Jahongir Ortiqxo‘jayev.
@masofatalim
O‘zidan davlat qabul komissiyasi yasab olgan Sog‘liqni saqlash vazirligi e’lon qilgan xabarini tahrirlab, “kutilmoqda” degan so‘zni kiritib qo‘yibdi.
Test o‘tkazish va qabul bilan bog‘liq jarayonlarni Sog‘liqni saqlash vazirligiga umuman aloqasi yo‘q. Hammani chalg‘itib, aqllilik qilmasdan o‘zlarining ishini qilsa nima bo‘larkin-a, shular?
@masofatalim
❗️Rasman: Test sinovlari 14 iyuldan boshlanadi, mandat 22 avgustga qadar e’lon qilinadi
2024/2025 o‘quv yili uchun oliy ta’lim muassasalariga kirish test sinovlari 2024 yil 14 iyuldan 28 iyul kuniga qadar o‘tkazilishi rejalashtirilgan.
Imtihonlar 28 iyulda yakunlanadi hamda 30 iyuldan boshlab 15 kun yo‘nalish tanlash imkoniyati yaratiladi.
13 avgustda (shu kuni ham tanlash mumkin bo‘ladi) ushbu muddat yakunlanadi.
7 kunlik muddatdan so‘ng mandat hisoblanadi hamda 21-22 avgustda mandat e’lon qilinadi.
@masofatalim
Masofatalim™ kanali bilan faol hamkorlikda ishlaydigan oliy ta’lim muassasalarining matbuot kotiblari
27-iyun – Matbuot va ommaviy axborot vositalari xodimlari kuni munosabati bilan ushbu sohada faoliyat yuritayotgan barcha xodimlarni tabriklaymiz!
Shu o‘rinda, o‘zimizning yo‘nalishdan kelib chiqib, Masofatalim™ Telegram kanali bilan faol hamkorlik qilayotgan oliy ta’lim muassasalarining matbuot kotiblarini e’tirof etishni lozim topdik.
Bunda kanalimizga kelib tushgan talabalarning murojaatini befarq qoldirmay, OTM rahbariyatini xabardor qilib, ularga amaliy yordam berish, tanqidiy xabarlarni to‘g‘ri qabul qilib, munosabat bildirish, va eng asosiysi, ochiqlik hamda muloqot kabi jihatlarga alohida e’tibor qaratildi. Shuningdek, oʻzlari ishlaydigan OTM faoliyatini yoritib borishdagi mehnatlari ham inobatga olindi.
Izoh: mazkur post boshqa oliy ta’lim muassasalarining matbuot kotiblari faoliyati qoniqarsiz ekanini anglatmaydi.
@masofatalim
Toshkent davlat transport universitetining bitiruvchilari ham ishli, ham uyli bo‘lishdi
2023-2024-yilda Toshkent davlat transport universitetining 144 nafar bitiruvchisini “Toshkent metropoliteni” DUKning xizmat va bo‘lim depolari ishga qabul qilgan. Bundan tashqari, 30 yoshgacha bo‘lgan yoshlarga metropoliten tarkibida qurilayotgan ko‘p qavatli uylardan imtiyozli shaklda 500 o‘rinli uylar yoshlarga taklif qilingan. Hozirgi kunda 300 nafarga yaqin yoshlar mazkur uylardan xarid qilishgan.
Toshkent davlat transport universiteti tomonidan e’lon qilingan lavhada aytilishicha, “Toshkent metropoliteni” DUK har tomonlama yoshlarni qo‘llab-quvvatlashga harakat qilmoqda. Ayniqsa, yoshlarning tajribasini oshirish, bilimlarini yanada mustahkamlash maqsadida ularni xorijiy davlatlarga yuborish amaliyotiga ham alohida e’tibor qaratilayotgani ta’kidlanmoqda.
P.S. Lavhani ko‘rib, Toshkent davlat transport universitetida o‘qiging va metroga ishga kirging keladi-ya :)
@masofatalim
Yoshlarni mukofot pulini beringlar, hurmatli tanlov o‘tkazganlar!
Bir guruh yoshlardan murojaat kelyapti. Aytishlaricha, Mirzo Ulug‘bek vorislari tanlovining tuman bosqichi g‘oliblariga (Bag‘dod) mukofot pullari berilmayotgan ekan. Albatta, bu holat birinchi marta emas. Oldinam bo‘lgan.
Bu paytda taxminan quyidagicha harakat(sizlik) bo‘ladi:
Vazirlik aytadi: bu bosqichdagi masalani hokimlar hal qiladi, deydi. Hokimlar aytadi: sessiyada tasdiqlash kerak, deydi. Sessiya bo‘lgan payt budjetda pul bo‘lmaydi. Shu bilan murojaating aylanaveradi, aylanaveradi...
@masofatalim
Futbol ishqibozlari uchun zo‘r yangilik bor: jahon futbol yulduzlari O‘zbekistonda tashrif buyuradi!
Yoshlar oyligi doirasida 29-iyun kuni dunyoga mashhur futbol yulduzlari O‘zbekistonga tashrif buyurishadi.
🇧🇷 Dida (Jesus Silva) – darvozabon, Braziliya terma jamoasining sobiq a’zosi, jahon chempioni, ikki karra Milan klubi bilan UEFA chempionlar ligasi g‘olibi.
🇮🇹 Kristian Panuchchi – Italiya terma jamoasining sobiq himoyachisi, Real Madrid va Milan jamoalari bilan ikki marta UEFA chempionlar ligasi g‘olibi.
🇮🇹 Kristian Zakkardo – Italiya terma jamoasining sobiq a’zosi, o‘ng qanot himoyachisi, jahon va Bundesliga chempioni.
🇧🇷 Serjinio (Serjio Klaudio dos Santos) – Braziliya terma jamoasining sobiq a’zosi, yarim himoyachi, jahon chempioni, ikki karra Milan klubi bilan UEFA chempionlar ligasi g‘olibi.
29-iyun kuni soat 15:00da Yoshlar ijod saroyida bo‘ladigan uchrashuvda futbol tarixi, buguni va kelajak istiqbollari, O‘zbekistonda sohadagi islohotlar hamda sportchilarimizning muvaffaqiyatlari haqida suhbat bo‘ladi. Uchrashuvda ishtirok etish bepul. Rasmga tushsa ham bo‘ladi :)
Ro‘yxatdan o‘tish uchun: @yoshlaruchrashuvibot
27-30-iyun kunlari Toshkent fotosuratlar uyida Jahon yoshlar festivali doirasidagi “Orzu” nomli noyob ko‘rgazma-auksioni bo‘lib o‘tadi.
Ko‘rgazmada ko‘zi ojiz va zaif ko‘ruvchi bolalarning tasavvurlari asosida sun’iy intellekt yordamida yaratilgan va rassomlar tomonidan chizilgan kartinalar namoyish etiladi.
Auksion 29-iyun kuni soat 17:00 da bo‘lib o‘tadi. Xayriya ko‘rgazmasida sotilgan ijodiy ishlar uchun olingan mablag‘lar ko‘zi ojiz bolalar ko‘rish qobiliyatini tiklash uchun operatsiyalarga yo‘naltiriladi.
@masofatalim
Rasmiy munosabat
Joriy yilning 22-iyun kuni soat 08:30 larda fuqaro M.E o‘ziga oldindan tanish bo‘lgan Qarshi davlat universiteti talabasi fuqaro S.T. bilan universitet hududida o‘zaro janjallashib, S.T.ning tanasini turli sohalariga o‘zi bilan olib kelgan pichoqni 8 marotaba sanchib, og‘ir tan jarohati yetkazgan.
Shundan so‘ng fuqaro M.E. o‘zining qorin bo‘shlig‘iga pichoq sanchib, o‘ziga-o‘zi tan jarohati yetkazgan.
Holat yuzasidan 22-iyun kuni Qarshi shahar prokuraturasi tomonidan fuqaro M.E. ga nisbatan O‘zbekiston Respublikasi JKning 25, 97-moddasi 1-qismi bilan jinoyat ishi qo‘zg‘atilgan.
Jabrlanuvchi hozirda shifoxonada tibbiyot xodimlari nazorati ostida davolanmoqda.
Gumonlanuvchi shaxs protsessual tartibda ushlangan.
Jinoyat ishi bo‘yicha dastlabki tergov harakatlari shahar prokuraturasi tomonidan olib borilmoqda.
Qashqadaryo viloyati prokuraturasi
@masofatalim
Vazirlar Mahkamasining tegishli qaroriga asosan:
⁃ Oybek Abdimo‘minovich Ro‘ziyev – Samarqand davlat universitetining
Denov tadbirkorlik va pedagogika instituti rektori;
⁃ Muxiddin Baxritdinovich Kalonov – Navoiy davlat pedagogika
instituti rektori etib tayinlandi.
@masofatalim
⭕️⭕️⭕️
🌍 Ajoyib yangilik! Endi siz bizning darslarimiz sifatini masofadan turib ham his qila olasiz.
💬 Ko'pgina talab va takliflarni hisobga olib endilikda onlayn kurslarni ham yo'lga qo'ydik.
🗓 Darslar 1-iyuldan boshlanadi
🧪 Darsda olinadigan test materiallar imtixon materiallariga yaqin hamda ularni darajasiga teng tarzda tuzib chiqilgan.
💸 Narxi esa oyiga 290.000 so'm
Kursimizga yozilgan dastlabki 10ta odam uchun 90.000 so'm chegirma mavjud (shunda siz 200.000 so'm to'laysiz)
“Yangi O’zbekiston yoshlari, birlashaylik!” shiori ostida Andijon viloyatida unutilmas lahzalarga boy bo‘lgan gala-konsert o‘tkazildi.
@masofatalim
Soliqchilarning gapi bilan oliy ta’lim vazirligidagilarning gapi bir-biriga mos kelmayapti
Vazirlar Mahkamasi huzuridagi Davlat soliq qoʻmitasi boshqarma boshligʻi Shuxrat Ismoilov talabalarga ragʻbatlantirish uchun toʻlangan pullar jismoniy shaxslardan olinadigan daromad soligʻiga tortilmasligini ma’lum qilgan.
Soliq kodeksining 369-moddasida jismoniy shaxslarning jami daromadlar tarkibiga kiritilmaydigan daromadlari belgilangan. Unda Hukumat qarorlari asosida jismoniy shaxslarga bir yilda to‘lanadigan pul mukofotlari jismoniy shaxslarning jami daromadlari tarkibiga kiritilmaydi va jismoniy shaxslardan olinadigan daromad solig‘idan ozod etiladi. Buni soliqchilar aniq-tiniq qilib tushuntirib qo‘yishgan.
Qizig‘i shundaki, oliy ta’lim, fan va innovatsiyalar vaziri o‘rinbosari Sarvarxon Buzrukxonov imzosi bilan 19-iyun kuni OTMlar rektorlari va filiallar direktorlariga yuborilgan xatda oliy ta’lim vazirligi Hukumat qarori asosida tashkil etilgan jamg‘arma mablag‘lari hisobidan talabalarga to‘langan mukofot va rag‘bat pullaridan ushlanishi lozim bo‘lgan daromad solig‘ini budjetga o‘tkazishni so‘rayapti.
O‘tgan safar Soliq qo‘mitasi mas’ullari chiqib, holatga aniqlik kiritib, munosabat bildirdi. Oliy ta’lim, fan va innovatsiyalar vazirligining esa bu haqidagi biror bir izohini topishning imkoni bo‘lmadi. Balki bu safar endi ikkinchi tomon sifatida vazirlik tilga kirib, biror narsa der-a? Yoki soliqchilar bilan gaplashib, masalaga nuqta qo‘yib olish shunchalik qiyin ishmi?
@masofatalim
Vazir va yoshlar uchrashuvlari boshlanmoqda
“Yoshlar oyligi” doirasida 21-26-iyun kunlari poytaxtdagi Yoshlar ijod saroyida “Vazir va yoshlar” hamda “Rahbar va yoshlar” uchrashuvlari bo‘lib o‘tadi.
Ilk uchrashuv 21-iyun kuni:
Maktabgacha va maktab ta’limi vaziri Hilola Umarova – 10.00-12.00
Raqamli texnologiyalar vaziri Sherzod Shermatov – 14.00-16.00
Oliy ta’lim, fan va innovatsiyalar vaziri Qoʻngʻirotboy Sharipov – 17.00-19.00
P.S. Terlatadigan savollar bersa ham boʻladi :)
@masofatalim
“Global Youth Festival”. Uzbekistan-2024
@masofatalim
O‘qishga kiritib qo‘yishni va’da qilgan firibgarlar ushlandi
Bosh prokuratura huzuridagi Departament hamda DXXning Farg‘ona viloyati boshqarmalari tomonidan o‘tkazilgan tezkor tadbirda fuqaro I.O. fuqaro Sh.Yu.ning ishonchiga kirib, unga tanishlari yordamida qo‘shni Qirg‘iziston Respublikasidagi oliygohlarda o‘qiganlik haqida soxta hujjat tayyorlab, uning o‘qishini Namangan viloyatidagi nodavlat oliy ta’lim muassasiga ko‘chirib berish evaziga 4 500 AQSH dollarini olgan vaqtida ashyoviy dalillar bilan ushlangan.
Shu kabi, Departamentning Qo‘rg‘ontepa tuman bo‘limi tomonidan IIB xodimlari bilan hamkorlikda o‘tkazilgan tezkor tadbirda fuqarolar P.X. va X.A. oldindan o‘zaro oldindan til biriktirib, fuqaro A.T.ning ishonchiga kirib, uni 4 000 AQSH dollari evaziga yuqori lavozimda ishlovchi tanishlari yordamida Jizzax davlat universitetiga o‘qishga kiritib qo‘yishlari aytib, oldindan 2 000 AQSH dollarini olgan vaqtida ashyoviy dalillar bilan ushlanishgan.
Departamentning Qoraqalpog‘iston Respublikasi boshqarmasi, DXX va IIV xodimlari hamkorligida o‘tkazilgan tezkor tadbirda esa, fuqaro A.U. fuqaro G.U.ning ishonchiga kirib, unga qo‘shni Qozog‘iston Respublikasidagi institutda o‘qiyotganligi to‘g‘risida hujjatlarni tayyorlab berish orqali Qoraqalpoq davlat universitetiga o‘qishga kiritib qo‘yishi evaziga 14 mln so‘mni firibgarlik yo‘li bilan olgan vaqtida ashyoviy dalillar bilan ushlangan.
Mazkur holatlar yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishlari qo‘zg‘atilib, tergov harakatlari o‘tkazilmoqda.
@masofatalim
Davlat qabul komissiyasi qolib, imtihon o‘tkazadigan Bilim va malakalarni baholash agentligi qolib, Sog‘liqni saqlash vazirligi telegram kanalida birinchi bo‘lib imtihon qachon va qanday tartibda o‘tkazilishini e’lon qilish juda g‘alati bo‘ldida. Hamma o‘zining ishini qilgani ma’qul edi.
@masofatalim
O‘zbekistonda birinchi marotaba oʻtkazilayotgan “Butunjahon yoshlar festivali” doirasidagi tadbirlar bugun, 26-iyun kuni Samarqanddan boshlandi.
@masofatalim
Vazirlik talabalarning rag‘bat pulini soliqqa tortishni so‘rayapti. Bu amaldagi qonunchilikka zid
Oliy ta’lim, fan va innovatsiyalar vazirligi talabalarga beriladigan rag‘bat pullaridan daromad solig‘i ushlab qolishni so‘rab, rektorlarga xat jo‘natdi. Lekin bir necha oy oldin Soliq qo‘mitasi bu noto‘g‘ri ekanini bildirgandi.
https://kun.uz/kr/24098394
@masofatalim
“Rassrochkalar koʻpayyapti, variantga mashinalar, variantga telefonlar, kreditlar, halol nasiyalar, deymiz – hammasi koʻpayyapti.
Tez pul, oson pul olish imkoniyatini bergandan keyin qoʻlida pul ishlamagan inson dovdirab, shoshilib qoladi. Ayniqsa, yoshlarimiz qoʻlida iPhone’li boʻlsa… Otasi, onasi bolam shuni qarzga olma desa, gapini olmaydi. Boshi muammodan chiqmaydi…”
Tadbirkor Husan Mamasaidov bugun kun sayin koʻpayayotgan “rasrochka”, variantlar va turli halol nasiyalar haqida gapirib, yoshlarga yaxshi maslahat beribdi.
@masofatalim
Rahbarlar almashinuvi
Korrupsiyaga qarshi kurashish agentligi tomonidan e’lon qilingan 2023-yil davomida korrupsiyaga qarshi kurashish ishlarining samaradorligi reytingida Oliy ta’lim, fan va innovatsiyalar vazirligi qoniqarsiz roʻyxatda birinchi oʻrinni egallagandi.
Yoshlar ijod saroyida oʻtkazilgan “Vazir va yoshlar” uchrashuvida vazir Qoʻngʻirotboy Sharipov bunga nima sabab boʻlganini tushuntirdi.
@masofatalim
22-iyun kuni Toshkent viloyatida “Yangi O‘zbekiston yoshlari, birlashaylik!” shiori ostida gala-konsert dasturi bo‘lib o‘tdi. Ko‘tarinki ruhda o‘tgan tadbirda minglab yigit-qizlar jam bo‘ldi.
@masofatalim
2023-yil may oyida Namangan davlat universitetida yigit turmush oʻrtogʻini pichoqlab oʻldirgan.
2024-yil iyun oyida esa Qarshi davlat universitetida shunga oʻxshash holat sodir etilyapti.
Har ikkisi ham juda ogʻir jinoyat. OTMlarda talabalarning xavfsizligini ta’minlashga qaratilgan keskin choralar zarur!
@masofatalim
Ijtimoiy tarmoqlarda Qarshi davlat universitetida pichoqbozlik bo‘lgani aytilgan video tarqaldi. Unda aytilishicha, bir yigit qiz bolani pichoq bilan bo‘g‘izlab tashlagan.
Hozircha holat qachon sodir boʻlgani va boshqa biror rasmiy ma’lumot berilmadi.
@masofatalim
Hududlarda yoshlar festivallari davom etmoqda
Farg‘ona viloyatida yoshlar oyligi munosabati bilan “Yangi O‘zbekiston yoshlari, birlashaylik” shiori ostida gala-konsert dasturi bo‘lib o‘tdi.
@masofatalim
Bo‘rijar kanalida oqib ketib vafot etgan talaba o‘zbekcha vikipediya ma’muri ekani ma’lum bo‘ldi
Bundan bir necha kun avval O‘zbekiston davlat jahon tillari universitetining 3-bosqich talabasi Bo‘rijar kanalining Yakkasaroy tumanidan oqib o‘tuvchi qismida cho‘milmoqchi bo‘lib, cho‘kib ketgani va natijada vafot etgani xabar qilingandi.
Oʻzbekcha Vikipediya jamoasi koʻngillilari nomidan tayyorlangan matbuot relizida aytilishicha, halok bo‘lgan talaba oʻzbekcha Vikipediyada administrator huquqiga ega boʻlgan faol foydalanuvchi – Ikramov Muhammadali Toʻlqinjonovich ekani ma’lum bo‘ldi.
Ikramov Muhammadali Toʻlqinjonovich 2004-yilning 16-aprelida Surxondaryo viloyati Denov tumanida tugʻilgan. Oʻrta maktabni tamomlagach, 2021-yil Oʻzbekiston davlat jahon tillari universitetiga oʻqishga kirgan. U yerda filologiya va tillarni oʻqitish mutaxassisligi boʻyicha tahsil olgan.
Asosan oʻzbekcha Vikipediyada faoliyat yuritgan Ikramov ikki yil davomida oʻzbek tilida qariyb 600 ta maqola va 5 mingdan ziyod sahifa yaratdi, minglab maqolani tahrir qildi. Vikimaʼlumotlarda esa 3 mingga yaqin tahrir qildi. Umuman olganda, Vikimedia Jamgʻarmasi loyihalarida 26 mingdan oshiq tahrir qildi. Qisqa faoliyati davomida yana bir mavzuda – Surxandaryo viloyatida goʻdaklar yoʻtal siropidan zaharlanib, nobud boʻlgani haqida mukammal maqola yozdi.
Muhammadalining oila aʼzolari va yaqinlariga chuqur hamdardlik bildiramiz.
@masofatalim
Yoshlar ijod saroyida Oliy ta’lim, fan va innovatsiyalar vaziri Qo‘ng‘irotboy Sharipov 200 dan ortiq yoshlar bilan ochiq muloqot qilmoqda.
Aytishlaricha, muloqot chog‘ida talabalarga to‘lanadigan rag‘bat pullaridan daromad solig‘i olinishi yoki olinmasligi haqida ham vazirga savol berilgan.
@masofatalim
Oliy ta’lim muassasalari talabalarini rag‘batlantirish uchun to‘lovlardan daromad solig‘i ushlab qolinadimi? Javob, yo‘q.
Video shu yerda turib tursin.
@masofatalim
Oliy sud xabaridagi izohdan:
“Hech qanday jinoyat jazosiz qolmaydi, albatta. Qonunni bilmaslik hech kimni javobgarlikdan asrab qolmaydi. Kimning yoki qaysidir tashkilotning kafilligida ozod etildi, nazoratida bo‘ladi, degani “Butunlay oqlandi”, degani ham emas, endi jinoyat sodir etgan shaxs nihoyatda ehtiyot va ogoh bo‘lishi, qonunni umuman buzmasligi shart, deganidir. Aks holda, endigi jazo juda qattiq bo‘lishi mumkin. Buni unutmang”.
P.S. Iqtibos: “Qonun ustuvor, jazo muqarrar”, degan gapni ham unutmaslik kerak!!!
@masofatalim