63738
Masofatalim™ — brend. Ta’limga oid xabarlar, yangiliklar. Shuningdek, kuzatuvlar va fikrlar Reklama uchun: @masofatalimbot
O‘qituvchilar va shifokorlarni majburiy topshiriqlar balosidan kimdir qutqarishi kerak. Gapni qara, telefonlarni tekshirisharkanda kimda ovoz berilmagan chiqsa, o‘zidan ko‘rsin ekan. Tavba.
@masofatalim
Tadbirkor Husan Mamasaidov variantga, “rassrochka”ga biror mahsulot sotib olishda iste’molchi qanday aldanib qolayotganini oddiy telefon misolida juda yaxshi tushuntirib beribdi. “Borma, kuyasanni ishi bu. Ehtiyot bo‘linglar”, deb aytmoqda tadbirkor.
Bo‘lib to‘lashga biror tovarni xarid qilishdan avval kalkulyatorni olib, yaxshilab hisoblab ko‘rish kerak. Hech qaysi tadbirkor o‘zining zarariga mahsulot sotmaydi.
@masofatalim
Izlagan imkon topadi
Yozishlaricha, stipendiyasi berilmayotgan jurnalistika universiteti talabalarining guruhida yozish imkoniyati cheklab qo‘yilgan. Ammo uddaburon talabalar murojaatlarini yetkazishning yo‘lini topib, telegramdagi foydalanuvchi nomiga mana shunday so‘zlarni yozib, guruhga qo‘shilishgan.
Albatta, barakalla, talabalar!
@masofatalim
Rasmiy statistikaga ko‘ra, O‘zbekistonda bolalarning 74 foizi maktabgacha ta’lim bilan qamrab olingan. Bu degani bolalarning 1/4 qismi bog‘chaga bormaydi.
Hali veri bu raqam 100 foiz bo‘lmaydi. Chunki 2024-yil yanvar oyida mas’ullar aytgan ma’lumotdan kelib chiqilsa, mamlakatda bu ko‘rsatkichni 2026-yilgacha 80 foizga, 2030-yilga borib, 100 foizga yetkazish reja qilingan. Tasavvur qilyapsizmi, 74 foizni 80 foiz qilish uchun hali yana 2 yil bor, 100 foizgacha esa 6 yil.
Shunda bog‘cha bilan qamrab olinmagan 26 foiz o‘zbekistonlik bolaning ota-onasi “ovqatini yeb bo‘lgach idishini olib borib qo‘yishni“, “navbatda turish madaniyatini” va umuman mana shu videoda aytilgan talablarning o‘rgatilishini kimdan talab qilishi kerak? Bolasi bog‘chaga bormasa, masalan, bunga sharoiti yo‘q. Yoki yaqinida bog‘cha bo‘lmasa, ular dardini kimga aytadi shunda?
Xullas, eng katta tarbiyani uyda ota-ona berishi lozim. Bog‘cha, maktab kabilar esa bunga qo‘shimcha bo‘lishi kerak. Ammo hech qachon asosiy tarbiyani bularning gardaniga yuklamaslik kerak.
P.S. Videodagi gaplar huddi oltindek yaltiragan misga o‘xshaydi. Bundan boshqa narsa emas.
@masofatalim
Oʻzbekistonning birinchi Prezidenti Islom Karimov Navroʻz bayrami haqida aytgan gaplari.
@masofatalim
Qishda – anomal sovuq
Yozda – anomal issiq
Bahorda – noqulay ob-havo
Kutaylikchi, kuzda nima deyisharkan😁
@masofatalim
Toshkent kimyo-texnologiya instituti rektori Botir Usmonov boshchiligida institutda sport musobaqalari tashkil etilib, g‘oliblar pul mukofotlari hamda esdalik sovg‘alari bilan taqdirlanibdi.
Shundan so‘ng talabalar yotoqxonasida istiqomat qiluvchi talabalar uchun iftorlik dasturxoni tashkil etilib, talabalarga osh damlanibdi. Rektor va prorektorlar talabalar bilan bir dasturxonda ovqatlanishgan.
@masofatalim
Sun’iy intellektda 0 dan O‘zbekiston tarixiga oid generatsiya qilingan kadrlardan test sifatida video tayyorlashibdi.
Baho bering.
@masofatalim
Bo‘sh vaqtda qaysi filmni tomosha qilamiz?
BizMedia’da tanlang! Premium obunasi bilan birga. Qo‘shimchasiga 70 dan ortiq xorijiy va mahalliy telekanallar, radio va ko‘rsatuvlar!
Undan tashqari, obunani olish orqali 3 ta Iphone 15, Dyson, Play Station 5 hamda 5 ta chet elga $300 vaucher kabi qimmatbaho sovg‘alarga ham ega bo‘ling!
Sovg‘alarga ega bo‘ling: 👉 https://t.ly/8Wgzd
Maktab ta’lim dargohimi yoki sartaroshxona?
Navoiy viloyatidagi maktablardan birida bola huquqlariga tupurgan holda soch olish “marosimi” o‘tkazilgani aytilmoqda.
Shularni bolalarning sochi, ko‘rinishi, kiyinishi bilan nima ishi bor ekan-a? Sochni oldirdi deylik, keyin nima bo‘ladi? E, mantig‘ingga!
@masofatalim
Oliy ta’lim muassasalarida 630,1 ming nusxadagi oʻquv adabiyotlar yetishmasligi aytildi
Oliy ta’lim, fan va innovatsiyalar vazirligida oliy ta’lim va tizim tashkilotlari rahbarlari ishtirokida kengaytirilgan yig‘ilish bo‘lib o‘tgan.
Yigʻilishda davlat oliy ta’lim muassasalarida umumiy hisobda 630,1 ming nusxadagi o‘quv adabiyotlar yetishmasligi ko‘rsatilib, mas’ullarga aniq va fundamental fanlar bo‘yicha zamonaviy darsliklar tayyorlash choralarini ko‘rish topshirilgan.
Ma’lumot uchun, OTMlardagi talabalar soni jami 1 mln nafardan ko‘proqni tashkil qiladi. Yetishmayotgan o‘quv adabiyotlar soni esa 630,1 ming nusxa ekan. Qiziq raqamlar.
@masofatalim
Oliy taʼlim vazirligi rahbariyatini taniysizmi?
Platina.uz nashri vazirlik, idora va tashkilot rahbarlarini tanishtirib bormoqda (1, 2, 3, 4, 5). Bugungi sonda Oliy taʼlim, fan va innovatsiyalar vaziri Sharipov Kongratbay Avezimbetovich, vazirning birinchi oʻrinbosari Karimov Komiljon Hamidovich, vazir oʻrinbosarlari Turdikulova Shaxloxon Utkurovna va Buzrukxonov Sarvarxon Munavarxonovich hamda vazirning axborot siyosati masalalari boʻyicha maslahatchisi – Abduqunduzova Nazokat Usmonqulovna haqida ma’lumot berishibdi.
Batafsil: /channel/platinauzb/4980
@masofatalim
🔥 Endi siz ham dasturchi bo'la olasiz. Dasturlashni 0 dan o'rganmoqchi bo'lganlar uchun ajoyib imkoniyat!
«Najot Ta'lim» yilda 4 marta qabul bo'ladigan Dasturlash foundation kursiga qabul e'lon qiladi.
Dasturlash foundation kursida siz atigi 5 oy ichida dasturlash asoslarini mustahkam o'rganasiz va dasturlash sohasida o'z o'rningizni topasiz.
Bizning takliflarimiz:
— ish taklif qilmasak, pulni 100% qaytarib berish*;
— yilda bir marotaba chet elga sayohat yutish imkoniyati;
— 24/7 bepul kovorking;
— har hafta soha bo'yicha musobaqa va master-klasslar;
— ingliz tili kurslari uchun 5,000,000 so'mgacha vaucher;
— 5,000,000 so'mgacha pul mukofotlari*.
Endilikda o'quvchilar kirish imtihonisiz qabul qilinadi.
Imkoniyatdan foydalaning, hoziroq kurs uchun ro'yxatdan o'ting.
🔗 Ro'yxatdan o'tish
📞 78 888 9 888Reklama
Xohish bo‘lsa yetadi
“Mening yurtim” telekanalining “Markaziy studiya” dasturida rus millatiga mansub va o‘zbek tilida ravon so‘zlasha oladigan o‘qituvchi haqida lavha efirga uzatilibdi. E’tiborlisi, u o‘quvchilarga tarix, xususan, O‘zbekiston tarixi fanidan dars berib kelmoqda.
Tilimizni o‘rganish, davlat tilida so‘zlashish va o‘zbek tilining mavqeyi borasida xohish bo‘lsa yetadi. Bu yo‘lda hech nima to‘sqinlik qila olmasligiga mana shunday o‘qituvchilar yaqqol misoldir. Bu kabi ko‘plab misollar keltirsa bo‘ladi. Masalan, “Markaziy studiya”ning boshqa bir lavhasida o‘zbekzabon rus sportchi haqida so‘z borgan.
@masofatalim
Toshkentda odamlarning plastigidan pul o‘g‘irlovchi zararli ilova yaratgan talaba 5 yilga qamaldi
Toshkent shahrida yashovchi tadbirkor Sh.Sh. hamda Turin politexnika universiteti talabasi A.Y. internet ijtimoiy tarmog‘idan foydalanib, “Agrobank mobile” zararli ilovasini yaratadi. Mazkur ilova orqali esa fuqarolarning plastik kartasidan erkin foydalanish imkoniyatiga ega bo‘lishadi.
Dastur yordamida fuqaro A.N.ning plastik kartasidagi 47 mln 235 ming so‘m miqdoridagi pul mablag‘ini birjada kriptovalyutaga almashtirgan holda mazkur mablag‘larni yashirin ravishda talon-toroj qiladi.
Bundan tashqari, fuqaro O.J.ning kartasidagi 45 mln 225 ming so‘m so‘m miqdoridagi pul mablag‘larini ham kriptovalyutaga almashtirgan holda o‘zlashtirib olgan.
Sudlanuvchilarga sud hukmi bilan 5 yil muddatga ozodlikdan mahrum etish jazosi tayinlandi.
@masofatalim
Oliy ta’lim vazirligi 3,7 mlrd so‘mga albom chiqarmoqchi. Nashriyot ham begonamas – Ortiqxo‘jayevniki!
Oliy ta’lim, fan va innovatsiyalar vazirligi “O‘zbekiston obidalaridagi bitiklar” kitob albomlarini (20 jild, 1000 nusxada) chop etish uchun “Kolorpak” MChJ bilan 3,7 mlrd so‘mlik to‘g‘ridan to‘g‘ri shartnoma tuzgan. Ushbu shartnomaga Vazirlar Mahkamasining 2024-yil 19-yanvardagi 6-son majlis bayoni asos qilib keltirilgan.
Izoh: mazkur 3,7 mlrd soʻmlik shartnoma 2024-yil 22-yanvarda tuzilgan. Oʻsha paytda oliy ta’limda vazir yoʻq edi. Vazirlik nomidan shartnomani Komiljon Karimov imzolagan.
“Kolorpak” ushbu kitob-albomlarni chop etgach, albomlar Oliy ta’lim, fan va innovatsiyalar vazirligi huzuridagi OTMlarning kutubxonalariga tarqatiladi.
Joriy yil fevral oyida vazir Qo‘ng‘irotboy Sharipov boshchiligida o‘tkazilgan vazirlik yig‘ilishida oliy ta’lim muassasalarida 630,1 ming nusxadagi oʻquv adabiyotlar yetishmasligi aytilgandi. Ya’ni katta miqdordagi o‘quv adabiyotlarga ehtiyoj bor, ammo bu qolib shuncha pulga albomlar chiqarilyapti.
Bir tomondan vazirlikni ham toʻgʻri tushunish kerakdir. Balki ularga ham tepadan albom chiqarasan va shartnomani “Kolorpak” bilan tuzasan, deb topshiriq tushgan bo‘lsa va bu bayon orqali oʻz aksini topgan bo‘lsa, bular ham nailoj topshiriqni bajarishga majbur qolgandir. Kim bilsin.
Ma’lumot uchun aytish kerak, 3,7 mlrd so‘mlik shartnomani qo‘lga kiritgan “Kolorpak” MChJ poytaxtning sobiq hokimi Jahongir Ortiqxo‘jayevning jiyaniga tegishli ekani aytiladi. Bu korxona avvalgi yillarda bir qancha maktab darsliklarini ham chop etgan.
@masofatalim
Iqtisodchi Botir Kobilov: “Open budjet” va odamlar aynan parlament qilishi kerak bo‘lgan ishni qilmoqda
“Open budjet” orqali odamlar parlamentning ishini qilmoqdalar, ya’ni budjet taqsimotida qatnashmoqdalar. Balki bu hozircha umumiy budjetning kichik qismidir, majburiy mehnat va boshqa texnik muammolar ham bordir – bular borib-borib bartaraf etiladi, odamlar faolligi esa qoladi.
Ovozlar “narxi” oshayotgani sababi – odamlar ovoz qadrini anglamoqdalar. Masalan, 2 yil oldin hech narsaga qaramasan duch kelgan loyihaga ovoz berib yuborganlar bu yil o‘z mahallasiga yoki bilgan loyihasiga bersa, ovozlar soni cheklangan bozorda narx oshadi.
“Open budjet”ga o‘rinli tanqidlardan biri – bu qaysidir amaldor masalan do‘xtirlarni, o‘qituvchilarni, qo‘l ostidagilarni ovoz yig‘ishga majburlayotgani. Aslida, bu “Open budjet” muammosi emas, bu majburiy mehnat haliyam borligi, tepadan buyruqbozlik borligini ko‘rsatib beryapti.
Ya’ni shuning uchun “Open budjet”ni “otmen” qilaylik deb targ‘ibot qilmasdan, “majburiy mehnat haliyam bor ekan, shu bilan kurashaylik” desa bo‘lar edi. Ular “Open budjet” bo‘lmasa, boshqa narsaga majburlaydi: gul festivaliga, “subbotnikka”, ko‘cha tozalashga va hokazo.
“Open budjet” orqali odamlar hukumatga ham, parlamentga ham o‘ta muhim “message” yubormoqdalar - “bizni poliklinikada, bizni qishloqda, bizni maktada u-bu narsa yo‘q, pul kerak” degan. Agar openbudget bo‘lmasa hukumat ham, parlament ham bilmas edi, kimdir ijtimoiy tarmoqda yozmaguncha.
“O‘zi shundoq ham davlat qilishi kerak buni” deyishadi. Soliqni to‘lab qo‘yib davlatdan mo‘jiza kutish, ya’ni davlat qayerga qancha kerak va shaffof taqsimlaymiz deyishiga umid qilib bo‘lmaydi. Ularga “message” berilmasa, “accountability” so‘ralmasa, pulni boshqa narsaga sarflashadi.
Bu sarson yoki sharmanda budjet ham emas. Odamlar o‘z soliqlarini qanday qilib bo‘lsa ham taqsimlashga urinishyapti. Jarayon mutlaqo silliq ishlamayotgandir hozircha, lekin “Open budjet” va odamlar aynan parlament qilishi kerak bo‘lgan ishni qilmoqda.
Agar parlement to‘liq ishlaganda va hukumat xarajatlarini tiyib turganda edi (masalan, professional sportchilarga trillion bermasdan) poliklinika va maktab uchun ovoz yig‘ilishga xojat ham qolmas edi. Toki hozircha shunday emas ekan, odamlarning faolligiga bolta urish kerak emas.
Botir Kobilov, iqtisodchi
@masofatalim
“O‘zbekiston dunyoning eng oldi, eng ilg‘or davlatlaridan biriga aylansin” – Prezident Shavkat Mirziyoyev samimiy tilaklarini bildirib, Namanganda iftorlik qildi.
@masofatalim
Ota-ona bitta bolasini tarbiyalashga vaqti yoki toqati yo‘q. Lekin mana bu akamiz 30 ta bolaga qaraydigan bitta bog‘cha opadan shuncha narsa talab qilyapti😂
@masofatalim
Navro‘z bayramiga bag‘ishlangan davlat tadbirida maktabdagi davomatning yomonlashgani va ahvolni Milliy gvardiya o‘nglab bergani haqida :)
@masofatalim
Bitta telefon raqam 1 mlrd 70 mln soʻmga sotildi
Tovar-xomashyo birjasida o‘tkazilgan onlayn auksionda +998200000000 mobil raqami 1 mlrd 70 mln so‘mga sotilgan. Auksion qoidalariga ko‘ra, xaridordan komissiya yig‘imi ( 32,4 mln so‘m) ham undirilishi ko‘zda tutilgan. Mijoz jismoniy shaxs ekani ko‘rsatilgan. Pulni 5 kun ichida toʻlashi kerak.
@masofatalim
Darvoqe, yozishlaricha, madaniyat vaziri Ozodbek Nazarbekov bitta klip uchun toʻgʻridan toʻgʻri shartnoma qilib, 2,7 mlrd soʻm sarflayotgan ekan.
A, mana bu yerda esa Oʻzbekiston Milliy universiteti “Open budjet” orqali Geodeziya va geoinformatika kafedrasining “Geodeziya” hamda “Fotogrammetriya va tadqiqot usullari” laboratoriyasini zamonaviy geodezik asboblar va ishchi stansiyalar bilan jihozlash uchun 1,2 mlrd soʻm soʻrab, ovoz yigʻib oʻtiribdi. Bu birgina misol, xolos.
Endi ritorik savol: bizga hozir 2,7 mlrd soʻmlik klip muhimmi yoki ilmiy labaratoriya?
@masofatalim
Toshkent davlat transport universitetining 4 turdagi jurnalga 158 mln so‘mlik obunasi. Yaxshi niyatlar bilan birorta OTM o‘quv adabiyoti yoki kitob sotib olgan bo‘lsa, maqtaymiz deb xaridlarni qarasak, jurnallar chiqib turibdi-da.
5-fevral kuni o‘tkazilgan yig‘ilishda davlat rahbari OTMlarda darslik va adabiyotlar yetmasligini, bori ham bugungi talablarga javob bermasligini ko‘rsatib o‘tdilar. Shunday ekan, OTMlarimiz o‘quv adabiyotlar ham sotib olib tursa, jurnallar obunasi qochib ketmasdi. Kitob — birinchi masala. Qolgani — keyingi masala.
@masofatalim
Erkin bolada soch bo‘ladi. Qamoqdagi bolalarning sochi majburiy olinadi — Otabek Bakirov
@masofatalim
Ayrim davlat banklari odamlarni shilishning yangi amaliyotiga o‘tdi(mi)?
Ijtimoiy tarmoqlarda bank kartalaridan naqd pul yechgandagi 1 foiz komissiya 1,5 foiz bo‘lgani haqida xabarlar tarqaldi. Bu feyk xabar ekanini ko‘pchilik tushunib ulgurdi. Ammo qaroqchilik boshqacha usulda davom etyapti.
Yaqinda plastik kartaning muddati tugagani sabab uni yangilatish uchun Asakabankka bordim. Qiziq tomoni, davlatga qarashli Asakabankimiz oddiy Uzcard yoki Humo karta bermayotgan ekan. Uzcard + Mastercard yoki Humo + Mastercard shaklida kobeydj karta berilyapti.
Kimdir biladi, kimdir yo‘q, Mastercard yoki Visa kartadan bankomat orqali pul yechganda komissiya 1 foizdan ko‘proq, ko‘pincha 1,5 foiz yechadi. Toza Humo yoki Uzcard kartada esa 1 foizgacha (odatda 1 foiz, lekin undan ko‘p emas aniq) yechadi.
Endi nima bo‘lyapti, bank Uzcard yoki Humo kartaga Mastercard qo‘shib beryapti, boshqachasiga tanlov yo‘q. Keyin bankomatdan pul yechaman deganda komissiya 1,5 foizdan yechyapti. Shu plastikni bergan bankning bankomatlaridan yoki Humo bankomatlaridan 1 foizdan komissiya bilan yechish imkoni bor, xolos. U bankning bankomati esa qayerdadir bor, qayerdadir esa yo‘q.
Ma’lumotlarga ko‘ra, shunga o‘xshash holat Agrobank’da ham kuzatilayotgan bo‘lishi mumkin. Bu bank saytida ham faqatgina kobeydj kartalar keltirilgan, oddiy Uzcard yoki Humo yo‘q. Davlat banklari odamlarni oddiy Uzcard yoki Humo kartadan mahrum qilib, komissiyani 1,5 foizdan shaqillatib yechib yotibdi, Markaziy bank esa uxlayapti.
@masofatalim
20-fevral kuni O‘zbekiston davlat jahon tillari universitetining yotoqxonasida isqitomat qiluvchi talaba-qizlardan biri universitetga qarashli 5-sonli yotoqxonada isitish tizimi yaxshi ishlamayotgani haqida murojaat qilgandi.
Bu holatga oydinlik kiritish maqsadida Oliy ta’lim, fan va innovatsiyalar vazirligi matbuot xizmati hamda universitet matbuot kotibiga bog‘lanildi. Vazirlik matbuot kotibi buni befarq qoldirmasdan, shaxsan yotoqxonaga borib, vaziyatni o‘rgangan va talaba-qizlar bilan muloqot qilgan.
Yotoqxonada isitish bilan bog‘liq hech qanday muammo yo‘qligi ma’lum qilindi va buni ko‘rsatuvchi video ham taqdim etildi. Shu o‘rinda, murojaatni bee’tibor qoldirmasdan shaxsan vaziyatni o‘rgangan mas’ullarga minnatdorchilik bildiramiz.
@masofatalim
Oʻzbekiston Respublikasining bosh qomusi — Konstitutsiyada yozib qoʻyilgan davlat tili — oʻzbek tilini kamsitib, rus tilini reklama qiladigan churvaqalar ham paydo boʻla boshlabdi.
@masofatalim
O‘zbekistonda mavjud 21 ta vazirlikdan 19 tasi rasmiy telegram kanalini lotin yozuviga asoslangan o‘zbek alifbosida yuritmoqda. Ushbu vazirliklarga rahmat.
Ammo guruch kurmaksiz bo‘lmaydi, deganlaridek Sog‘liqni saqlash vazirligi va Suv xo‘jaligi vazirligi sahifalarini hali hamon krill yozuvida yuritmoqda.
Lotinga o‘tganimizga 30 yil bo‘ldi. Bu ikki vazirlik rasmiy sahifalarini yuritishda kirilldan voz kechishiga yana nechi yil kerak ekan? Bu faqat vazirliklar misolida, qo‘mita, agentlik, inspeksiya va boshqa tashkilotlardan lotinga o‘tmaganlarining ham nomini e’lon qilamiz.
@masofatalim
Turin politexnika universiteti OAV, ijtimoiy tarmoqlar va matbuot kotibining farqiga bormaydimi?
16-fevral kuni Oliy sud matbuot kotibi Aziz Obidov e’lon qilgan xabarga asosalanib, Toshkentda odamlarning plastigidan pul o‘g‘irlovchi zararli ilova yaratgan talaba 5 yilga qamalgani haqida xabar bergandik. Aziz Obidov e’lon qilgan xabarda aniq qilib Turin politexnika universiteti talabasi haqida so‘z borgan.
Endi bu xabarga Turin politexnika universiteti rasmiy munosabat bildirib, ushbu talaba 2023-yil 12-maydagi 98-y sonli Rektor Buyrugʻiga asosan talabalikdan chetlatilgani haqida xabar beribdi. Qolaversa, talabalikdan chetlatilganligini asoslovchi hujjatlar, rasmiy soʻrovnoma yuborilgan holatda tegishli tashkilotlarga taqdim qilinishi ma’lum qilingan.
Bu tushunarli. Endi universitet “kalla qo‘ygan” joyiga to‘xtalsak. Turin politexnika universiteti munosabatining yakunini shunday tugatgan: “Universitet maʼmuriyati OAVlar va ijtimoiy tarmoq vakillaridan maʼlumotlarni toʻliq oʻrganmagan holatda yangiliklarni tayyorlamasliklarini va ularni tarqatmasliklarini soʻraydi”, deb yozgan.
Bular shunda OAV va ijtimoiy tarmoqlarni aybdor qilyaptimi? Baraka topgurlar, bu xabarni ijtimoiy tarmoqlar va telegram kanallar osmondan olib, yoki o‘zicha yozmadi. Balki Oliy sud matbuot kotibi Aziz Obidov e’lon qilgan xabarga asoslanib yozdi. Shunda kim xabarni to‘liq o‘rganmagan bo‘lib chiqyapti?
Turin politexnika universitetidan keyingi safar biror holat yuzasidan rasmiy munosabat bildirishda avval xabar birinchi manba o‘laroq kimda chiqqanini yaxshilab o‘rganishni, bo‘lar-bo‘lmasga OAV va ijtimoiy tarmoqlarni ayblamaslikni hamda takroran aytamiz: to‘liq o‘rganmagan holda munosabat bermaslikni so‘raymiz.
@masofatalim
Madaniyatchilarning o‘zi ham yarim ruscha, yarim o‘zbekcha gapirib tursa, dodingni kimga aytasan?
Madaniyat vazirligi boshchiligida “Zo‘r TV” telekanalida “Artist” degan loyiha bor ekan (hozir ham bormi yoki yo‘qmi bilmayman). Mana shu loyihaning ayrim sonlariga (1-2 yil avvalgi, shekilli) YouTube’da ko‘zim tushib qoldi. Chiqib qo‘shiq aytiladi, taniqli san’atkorlar esa baho beradi.
San’atimizning ayrim “durdona”lari qo‘shiqchilarga o‘zlarining tavsiyalarini bera turib, sahna muqaddasligi, unda o‘zini qanday tutish kerakligi haqida dakki beryapti. Odamlarni hurmati, muxlislar hurmati, degan narsalar haqida so‘zlayapti. Eng ajablanarlisi esa, o‘sha san’atimiz “durdona”lari bu dakkilarini rus tilida aytyapti.
Hay, baraka topgur, sen sahna muqaddasligi, muxlislar hurmati haqida ruscha gapiryapsan, lekin o‘zbek xalqiga, uning tiliga bo‘lgan hurmat qani? TVda chiqib bemalol ruscha gapirishga va “Zo‘r TV” buni bemalol efirga berishiga nega jim qarab turilgan?
Madaniyat vazirligi bu faqat “otarchilar” bilan ishlaydigan tashkilot emas. O‘zbek xalqining to‘lagan soliqlari hisobidan vazirlik yashab turgan ekan, demak, artistlari shu xalqning tilini, Konstitutsiyasida belgilab qo‘yilgan davlat tilini hurmatini joyiga qo‘yishini ham nazoratga olishi kerak. Eplab o‘zbekcha gapira olmaydigan madaniyat vakillariga TVda joy bo‘lmasligi kerak.
Bahodir Ahmedov degan madaniyat vazirining o‘rinbosari artistlarga yig‘ilish o‘tkazib, dakki berishga usta-ku, shu odam til masalasida ham u-bu narsa deb qo‘ysin, deb bu postni tugatmoqchi edik. Ammo uning o‘zi ham dakkisining yarmini rus tilida gapiradi. Madaniyatni tepasida ham yarim ruscha, yarim o‘zbekcha gapiradiganlar o‘tiribdi.
@masofatalim
