24226
Masofatalim™ — ta’lim va yoshlar masalalari. Shuningdek, turli mavzularda kuzatuvlar va subyektiv fikrlar. Reklama uchun: @masofatalimbot
Oxirgi yillarda davlat oliy ta’lim muassasalarida ishlaydigan juda ko‘plab tajribali o‘qituvchilar yoppasiga xususiy OTMlarga o‘tib ketayotgani tez-tez qulloqqa chalinadi. Ochiq manbalar orqali buning aniq raqamlarini bilish imkoni yo‘q. Ammo shu tizimda ishlovchi kadrlarning fikrlarini o‘qib, o‘qituvchilar nega davlat OTMlarini tashlab ketayotgani ancha tushunarli bo‘ldi.
@masofatalim
Telegram Premium obunachilar uchun ajoyib qulayliklarni taqdim etdi:
➖ Xabar yuborilganda ikkinchi tomon xabarni soat nechida o‘qiganini ko‘rish imkoniyati yaratildi.
➖ Premium obunachilar endilikda xabar yozishni kontaktida bo‘lmagan yoki Premium akkaunt bo‘lmaganlarga cheklab qo‘yishi mumkin bo‘ldi.
P.S. Durovning marketologlari qattiq ishlashyapti :)
@masofatalim
Mana marketingni zo‘ri. Oshpaz akaning zakovatiga ham qoyil.
@masofatalim
Hukumat qarori bilan Respublika davlat ta’lim muassasalarida o‘quvchi va talabalarga o‘quv-uslubiy filmlar yordamida dars o‘tish tizimi yo‘lga qo‘yiladi.
Madaniyat vazirligi huzuridagi Kinematografiya agentligi 2024-yil 1-aprelga qadar o‘quv-uslubiy filmlar portali va mobil ilovasini yaratadi.
Kinematografiya agentligi buyurtmasiga asosan Oliy ta’lim, fan va innovatsiyalar vazirligi hamda Maktabgacha va maktab ta’limi vazirligi tomonidan tasdiqlangan ro‘yxatga muvofiq har yili 50 tagacha o‘quv-uslubiy film ishlab chiqariladi.
@masofatalim
Andijon davlat universitetini tekshirgan KRUchilar 129 mln so‘mlik kamomad aniqlagan. Undan keyin Hisob palatasi borib tekshirgan va 39 mlrd so‘mlik talon-torojni aniqlagan.
@masofatalim
W avlod
Maktabda hamma fanni 5 bahoga bitirib, kumush so‘zini “kumuw” deb yozadigan va kamiga kumush medal oladigan avlod chiqishni boshladi.
Hali tibbiyotga super-muper kontrakt bilan o‘qishga kirgan avlod to‘liq bitirib chiqishni boshlasin, kasal bo‘lishga ham haqqingiz qolmaydi :)
p.s. wunaq yozmasli ucn vowwem k6p ktop 6qiw kere
@masofatalim
O‘zbekistonlik bo‘la turib, pulini to‘lab, qonuniy ravishda teleminoraga chiqmoqchi bo‘lganimizda ish vaqti tugashiga 10 daqiqa qolganini aytib, eshik yaqiniga ham yo‘latishmagandi bir paytlar.
@masofatalim
“Keyingi oy”dan uchtasi o‘tdi, rolikdan darak yo‘q
2023-yil 23-oktabr kuni Toshkent davlat transport universitetining bir guruh talabalari o‘quv formasida universitet hovlisida yugurib yurgani, ular darsga kechikkani uchun shunday jazolangani aytilgan video tarqalgandi.
Universitet bu holat videorolik olish jarayoni bilan bog‘liqligini, uni keyingi oydagi tadbir uchun olinayotganini bildirgandi. Ammo rasmiylar videorolikdan parchani taqdim eta olishmagan.
O‘shanda “Bu mavzuga qaytamiz. Universitet o‘sha rolikni taqdim etsa, tekinga kanalda joylab ham beramiz. Albatta, u o‘zi mavjud rolik bo‘lsa”, deb yozgandik. 13-yanvarga ham keldik, rolikdan esa darak yo‘q.
Shunda talabalar darsga kechikkani uchun universitet hovlisida yugurtirilgani haqidagi ma’lumot o‘z tasdig‘ini topgan bo‘lyaptimi? Afandi aytganidek, agar bu go‘sht bo‘lsa, mushuk qani, agar bu mushuk bo‘lsa, go‘sht qani?
@masofatalim
“O‘zbekistonlik degan brendni yarata olmadik”
• Yaponiyada yangi yilning 1-kuni sodir bo‘lgan 7 ballik zilzilada o‘lganlar soni 100 nafardan oshdi. Turkiyada 50 mingdan oshgan edi. Yaponlarni qurilish sifati zo‘rligi, balo-battarlari haqida gapirmoqchi emasman.
• Shu zilzila bo‘lgani sababli, boshqalarning munosabati haqida gapirmoqchiman.
Yaponiyada yangi yildan keyin “Shinnenkai” juda ommalashgan. “Shinnenkai” — Yangi yilni yaxshi kutib olish uchun kompaniya xodimlari uchun uyushtiriladigan bazm.
• Yaponiyadagi bazmlar “Kanpai” bilan boshlanadi. “Kanpai” — bizdagi “qani oldik” degandek gap.
Xullas, hozir, shunaqa bazmlar, bayramlar, “kanpai” deb boshlab, o‘lguncha ichadigan bazmlar mavsumi. Ammo, Yaponlarni shu hislatini hurmat qildim:
• Qanchalik muhim tadbir, bazm bo‘lmasin yaponlar har tadbirni “motam” bilan boshlashyapti. “Yaponiyaning falon hududida 100 kishi o‘ldi, bayram qilish yarashmaydi”, deb har bir tadbirini, nishonlash bilan emas, o‘lganlarni, o‘sha hududdagi odamlarni eslash bilan boshlashyapti. Xursandchilik, o‘yin-kulgu qilishmayapti. To‘y-bazmlarni rad qilishyapti.
• Shularni ko‘rib, haqiqiy jamiyat, bir-birini hurmat qilish, bir xalq bo‘lish, bir yoqadan bosh chiqarish nimaligini tushundim. Tasavvur qiling, Surxondaryoda nimadir falokat bo‘lsa, Toshkentda turib hamdard bo‘la olasizmi? To‘y-bazmlaringizni rad eta olasizmi?
• Yaqinda, bir pastkash san’atkor chiqib, “Viloyatliklar Toshkentni havosini bulg‘ayapti” deganda jinni bo‘lib qolay dedim. “Hey, ahmoq, bittagina Tokioda butun O‘zbekistonning aholisi yashaydi. Kamiga, 10 millionga yaqin xorijlik immigrantlar yashaydi, nimalar deyapsan”, degim keldi.
• Yaponiyada, Tokioda 15 daqiqada “propiska”ga kirasiz. Qaysi millat, qaysi viloyat vakili bo‘lishingizning farqi yo‘q. Shu paytgacha birorta yaponni falon viloyatlik, falon joydan deganini eshitmadim. Haqiqiy jips millat bo‘la olishgan. “Yaponiyalik” degan brendni yarata olishgan. Xuddi “Amerikalik” degandek.
• Nega biz haligacha “O‘zbekistonlik” degan brendi yarata olmadik? Viloyatlik, falonlik-fustonlik deb bir-birimizni kamsitish bilan bandmiz. Negaki, siyosiy tizim uchun shunisi qulay, xalq birlasha olmaganligi qulay. Bir-birini ajratadigan, mahalliychilik urchigan jamiyat qulay!
• Ey, o‘zbekistonliklar, birlashaylik! Joyga qarab, viloyatga qarab ajratmaylik! Shunaqa pastkashlarni ko‘rsak, ayovsiz kaltaklaylik! Aks holda, holimiz tang. Yaponlar falonda, amerikaliklar falonda deb, o‘zingizni aldamang. Yaponlar ham arzimagan 50-60 yilda to‘g‘ri tizimni yo‘lga qo‘yib, hozir dunyoda birinchi raqamli millatlardan biri bo‘lib turibdi. Ehhh...
Bahodir Iskandarov, Yaponiya
@uzbekistonlikuz
Poraxo‘r tyutor qo‘lga olindi
Samarqand davlat universiteti matematika fakulteti tyutori, 48 yoshli T.A. viloyat Budjetdan tashqari pensiya jamg‘armasining mansabdor shaxslari bilan jinoiy til biriktirib, mahalliy fuqarolarning mehnat faoliyatlariga 20 yillik ish staji qo‘shib, nafaqaga chiqarib berish evaziga 3 000 AQSh dollari olayotgan vaqtda qo‘lga olindi.
@masofatalim
Rossiyaning raketa hujumlari tufayli Ukrainadagi futbol lagerida bolalar shunday uxlayapti. Tinchlik — ulug‘ ne’mat.
@masofatalim
Media sohasida ishlashni istovchi talaba-yoshlar uchun ish bor. SMM, copywriting, jurnalistika va muxbirlik yo‘nalishlariga ariza topshiring.
Nomzodlarga qo‘yiladigan asosiy talablar:
- Toshkent shahrida istiqomat qilishi (prospika talab etilmaydi);
- Ishlashni istagan yo‘nalishi bo‘yicha zarur bilimlarga ega bo‘lish;
- Kreativlik, izlanish va tinimsiz o‘z ustida ishlash qadrlanadi.
Muhim: ish turi onlayn emas, ofisga kelib ishlash talab etiladi.
Arizalarni quyidagi havola orqali topshirish mumkin.
👉 https://forms.gle/7DNoHk95Bw6QC1rY6
Bepul kiyim uchun jang
Toshkent shahridagi kiyim do‘konlaridan biri aksiya e’lon qilib, unda qishki kiyimlarni bepul olib ketish mumkinligni bildirgan. Natijada olomon to‘planib, bepul kiyim uchun haqiqiy kurashga kirishgan.
@masofatalim
Ko‘pincha bot orqali so‘raladigan savollarni ko‘rib, odamning ensasi qotadi. Aksariyat yoshlar oddiy narsalarni, savollarni so‘raydi. O‘sha savolini to‘liq holda emas, hatto kalit so‘zlar bilan internet orqali qidirsa ham, hamma ma’lumot chiqib kelaveradi.
Ko‘pchilik uchun oddiy Google’ni ishlatishni bilmaydiganlar haqida o‘qish kulguli tuyular, lekin bu haqiqat — aholining katta qismi va ko‘pchilik yoshlar foydalana olmaydi, nazarimizda. Qo‘limizda aniq statistika yo‘q, lekin kuzatuvlar shuni ko‘rsatyapti, afsuski.
@masofatalim
Darvoqe, 2023-yil 13-dekabr kuni platina.uz sayti 2023-yilda eng yomon ishlagan vazir sifatida Amrillo Inoyatovni qayd etib, bunga asos boʻluvchi omillarni yozgandi. Oʻqish uchun: https://pltn.uz/c02e
@masofatalim
Qo'shtirnoq Podkastda bu safar o'zbekcha gapiroladigan sun'iy intellekt (SI) ham mehmon bo'ldi. Suhbat davomida SI kimlarni ishsiz qoldirishi, SI firibgarlarga qo'l kelayotgani, ChatGPT orqali pul ishlash, SI bizda bloklanishi mumkinmi, SI'ning tibbiyot va ta'limda qo'llanilishi kabi mavzularda gaplashildi.
https://youtu.be/plE83MaMjBU
8-yanvar kuni yoshlarxxx.uz (yashirib ko‘rsatildi) domeni bilan O‘zbekistonda bemalol faoliyat yuritayotgan onlayn qimor haqida ma’lumot beruvchi, targ‘ib quluvchi sayt haqida, bu domen avval Oliy ta’lim, fan va innovatsiyalar vazirligi huzuridagi “Yoshlar akademiyasi”ga tegishli bo‘lgani haqida yozgandik.
Mana, oradan roppa-rosa 10 kun o‘tdi. AOKA ham, Raqamli texnologiyalar vazirligi ham bu borada biror tayinli chora ko‘rgani haqida ma’lumot yo‘q. Qimor sayti esa hozir ham bemalol ishlab turibdi. Shunaqa saytlarni bloklash uchun aynan “Shermatov qayerga qarayapti?” deb sarlavha qo‘yib post yozish shartmi? Yoki bu qimor saytlari ishlab turishidan kim(lar)dir manfaatdormi?
@masofatalim
Tekinga shunday joy borligini bilarmidingiz?
Toshkent shahridagi Yoshlar ijod saroyida ochilgan “Kreativ park” yorqin, zamonaviy atmosferaga ega, yoshlarbop eng ajoyib maskanlardan biridir. Bu yerdan foydalanish, boshqa shunday manzillardan farqli o‘laroq, mutlaqo bepul. Mazkur hududda bir nechta qulayliklar mavjud. Ular:
- Kafe&bar;
- Coworking hududi;
- Kutubxona;
- Wifi;
- turli stol o‘yinlari;
- animatsiya maktabi;
- shaxmat klubi;
- kulolchilik akademiyasi.
Darvoqe, ushbu ajoyib maskan 24/7 ishlaydi. Yoshlar uchun bu yerda qanday zo‘r sharoitlar yaratilgani bilan esa videoda tanishish mumkin.
@masofatalim
Yosh talaba bolalar ombudsmaniga turmushga chiqishga majburlanayotganidan shikoyat qildi, unga himoya orderi berildi
Shahrisabzda 17 yoshli talaba-qiz turmushga chiqishga majburlandi. U bolalar ombudsmaniga murojaat qilib, avval o‘qishini tugatmoqchi ekani sababli yordam so‘ragan. Qizga himoya orderi berilgan, ota-onasi esa majburiy nikoh uchun javobgarlik borligidan ogohlantirilgan.
Shahrisabz shahrida yashovchi M.M. bolalar ombudsmani Surayyo Rahmonovaga universitetda birinchi kursda o‘qiyotgani va o‘qishini davom ettirmoqchi ekanini aytgan. Ammo bir necha yildan buyon tanishi bo‘lgan O.B. ismli yigit uni turmushga chiqishga undab, turli bosimlar o‘tkazib keladi. Yigit va qizning ota-onalari esa qizdan rozilik so‘ramay, unashtiruv marosimini o‘tkazgan.
Vaziyat nazoratga olinib, ichki ishlar organlari va prokuratura xodimlari tomonidan o‘rganildi. Talaba-qizga himoya orderi berilgan va uning xavfsizligini ta’minlash choralari ko‘rilgan.
Ma’lumot uchun, Ma’muriy javobgarlik to‘g‘risidagi kodeksning 47−3-moddasiga (Nikoh yoshi to‘g‘risidagi qonunchilikni yoki nikoh tuzish tartibini buzish) ko‘ra, ushbu huquqbuzarlik BHMning 5 baravaridan 10 baravarigacha miqdorda jarima solishga sabab bo‘ladi. Ayolni erga tegishga majbur qilish yoki uning erga tegishiga to‘sqinlik qilganlik uchun esa Jinoyat kodeksining 136-moddasiga ko‘ra, jarima, ahloq tuzatish ishlari, 3 yilgacha ozodlikdan cheklash yoki ozodlikdan mahrum qilish jazolari belgilangan.
@masofatalim
❗️Jizzax politexnika institutida haqiqatda ishlamagan 110 nafar fuqaroga, qariyb 10 milliard so‘m ish haqi hisoblab, noqonuniy o‘zlashtirilgan. Bu haqida Prezident Shavkat Mirziyoyev raisligida o‘tayotgan videoselektor yig‘ilishida ma’lum qilindi.
Davlat tashkilotlari rahbarlari o‘zlariga asossiz ravishda mukofotlar va boshqa moddiy rag‘batlantirish pullarini yozib kelayotgani bilan bog‘liq holatlar tekshiriladi va mablag‘larning byudjetga qaytarilishi ta’minlanadi.
@masofatalim
Termiz davlat universiteti rektori Abduqodir Toshqulov o‘g‘il bolalar istiqomat qiladigan talabalar turar joyiga borib, ular bilan muloqot qilibdi va 14-yanvar — “Vatan himoyachilari kuni” bilan tabriklabdi.
Shuningdek, rektor va talabalar o‘rtasidagi suhbat davomida yotoqxonadagi sharoitlarni yanada yaxshilash borasida ularning takliflari tinglangan.
Abduqodir Toshqulovning shu odatini doim hurmat qilganmiz. Talabalar ichida ko‘p yuradi, muloqot qiladi. Ba’zi rektorlarga o‘xshab o‘ziga alohida lift ajratib, xonasiga qamalib olmaydi. Faqat rasmiy tadbirlarda ikki og‘iz gap gapirish uchun ko‘rinish bermaydi.
P.S. Albatta, talabalar bilan doimiy muloqotda bo‘ladigan boshqa rektorlar ham ko‘plab topilsa kerak, ammo o‘sha OTM matbuot xizmati buni eplab yoritib bera olmas, yanayam kim bilsin.
@masofatalim
Toshkent teleminorasi strategik obyekt hisoblanadi. Aytishlaricha, rossiyalik bir bloger kelib, beruxsat pildirab teleminoraning eng tepasiga chiqib ketibdi.
Strategik obyektda beruxsat shunchalik bemalol sayr qilib yurish mumkinmi? Yoki ruxsati bo‘lgan taqdirda ham, uni strategik obyektligi qayerda qoladi?
@masofatalim
Men oʻzbekistonlikman — qonimda gʻalaba!
Futbolchilarimizga omad tilaymiz!
@masofatalim
😊Hayotingizni o’zgartirish vaqti keldi
Toshkent shahrida joylashgan Japan Digital University oliygohida nafaqat yangi do’stlar orttirasiz, balki sifatli yapon ta’limini olib, ushalmagan orzularingizni ham haqiqatga aylantirasiz!
Universitetdagi mavjud yo’nalishlar:
📚Axborot xavfsizligi;
📚Sun’iy intellekt (AI);
📚Muhandis-dasturchi;
📚Kompyuter grafikasi va dizayn;
⏳Yapon tili filologiyasi;
⏳Turizm.
Ro’yxatdan o’tish uchun pastdagi havola ustiga bosing.
📨BAHORGI QABUL
📞71-200-05-95
📝 Telegram | 💻 Instagram
📝 Facebook | 🎞 JapanDigitalUniversity">YouTube
Nodirbek Abdusattorov 2023-yil eng ko‘p daromad qilgan shaxmatchilar o‘nligidan joy oldi
Nodirbek Abdusattorov 2023-yilda 12 ta musobaqada ishtirok etib, 190 ming AQSh dollari miqdoridagi pul mukofotiga ega chiqqan.
Yil davomida jahonning eng ko‘p daromad qilgan shaxmatchisi xitoylik grossmeyster Ding Liren bo‘ldi. U 2023-yil davomida turnirlardan 1 228 200 AQSh dollari miqdorida pul topgan.
Ikkinchi o‘rindan rossiyalik Yan Nepomnyashiy o‘rin olgan – 1 226 825 AQSh dollari. Uchlikni Magnus Karlsen yopgan – 705 155 AQSh dollari.
@masofatalim
Alisher Navoiyning sunʼiy idrok orqali qayta tiklangan ko‘rinishi ekan.
@masofatalim
Xalqaro imtihon tizimlari kompensatsiyasi: ikki yilda yoshlar soni 10 mingga, yo‘naltirilgan mablag‘ esa 4 baravarga ko‘paydi
O‘ndan ortiq xalqaro imtihon tizimlarida 70% va undan yuqori ball to‘plagan yoshlarga imtihon xarajatlari Yoshlar ishlari agentligi tomonidan qoplab berilishi bo‘yicha yaxshi tizim ishga tushirilgan.
Tahlillarga ko‘ra, 2021-yilda 2 833 nafar yoshga 5,5 mlrd so‘m, 2022-yilda 7 744 nafar yoshga 13,4 mlrd so‘m, 2023-yilda esa 12 359 nafar yoshga 21,7 mlrd so‘m imtihon xarajatlari qoplab berilgan.
Bu shuni anglatadiki, 2021-yil va 2023-yil orasida imtihon pulini qaytarib olgan yoshlar soni 10 mingdan ortiqqa ko‘paygan bo‘lsa, yoshlarga bu borada yo‘naltirilgan mablag‘ 4 baravarga ko‘paygan.
Umumiy hisobda oxirgi uch yilda yoshlarning 18 turdagi xalqaro imtihon tizimlarida yuqori ball olgani uchun qoplab berilgan mablag‘ miqdori 40 mlrd so‘mdan ko‘proqni tashkil etmoqda.
@masofatalim
Amerika universiteti endi Markaziy Osiyoda
American University of Central Asia (AUCA) — AQSh taʼlim tizimi asosida oʻqituvchi ushbu universitet endi qoʻshni Qirgʻiziston poytaxti, Bishkek shahrida va unda U.S.-CAEF 2024 stipendiya dasturi doirasida Qozogʻiston, Qirgʻiziston, Tojikiston va Oʻzbekistonlik isteʼdodli yoshlar 4ta yoʻnalish boʻyicha bakalavr darajasiga ega boʻlishlari mumkin:
⭐️ Biznes boshqaruvi
⭐️ Iqtisodiyot
⭐️ Dasturiy taʼminot muhandisligi
⭐️ Amaliy matematika va informatika
Universitet shuningdek, quyidagi afzalliklarga ham ega:
Toʻrt yillik taʼlim xarajatlari qoplanadi (GRANT);
Oylik stipendiya;
Turar joy;
Sayohat puli;
Yozgi bepul amaliyotlar;
Shaxsiy rivojlanish va boshqalar
Hujjatlar 2024-yilning 15-yanvarigacha online tarzda qabul qilinadi.
Toʻliq maʼlumotlar universitet saytida: https://uscaef.org/apply/
Xitoydagi iqtisodiy pasayish yoshlar orasida misli ko‘rilmagan ishsizlik darajasiga sabab bo‘ldi. Hozirda mamlakatda 16 va 24 yoshlar o‘rtasidagilarning 20 foizidan ko‘prog‘i ishsiz. Bu raqamlarni aniqlash qiyinlashgan, chunki Xitoy statistikani chop qilmay qo‘ydi. Bitiruvchilar o‘z diplomlari bir tiyinga qimmat ekanini ko‘rsatish uchun mana bunday challenjlar o‘tkazishyapti ekan.
Ibrat Safo
@masofatalim
❗️Amrillo Inoyatovning oliy ta’lim, fan va innovatsiyalar vaziri etib tayinlanishi haqidagi xabar rasmiy manbalar tomonidan qat’iy rad etildi. Shu sababli xabar o‘chirildi. Ammo Inoyatov sog‘liqni saqlash vaziri lavozimidan olingan.
@masofatalim
