452
Ушбу каналда шоир Мансур ЖУМАЕВ ижодини кузатиб бориш имконига эга бўласиз. Канал шоирнинг дўстлари, мухлислари томонидан очилди.
Salqin havoda issiq kitobga nima deysiz? Kanalni qayerdan kuzatyapsiz, qaysi viloyatga "dostafka" qilaylik? Izohlarda yozing!!!
Читать полностью…
ERTAK HAQIDA ERTAK.
🎙Azizabegim
📝Mansur Jumayev
🍃🌸
#Шарқ_юлдузи (07/2024)
#Назм
Мансур Жумаев
Кел яшайлик битта дард билан
Бу ерларда
Қўлга босиб иягин,
ўйга толган одамнинг
титроқлари гуллайди;
руҳдаги ўт,
сув,
ҳаво,
тупроқлари гуллайди;
кўксидаги меърожбахш
буроқлари гуллайди;
юлдуззор кўкка солган
ўроқлари гуллайди;
кўнгил – кўҳна дастурхон,
қуроқлари гуллайди...
❗️
Ona tilim o‘lmaydi!
O‘zbek tiliga bag‘ishlangan she’rlar va hikmatli so‘zlar
✍️ Alisher NAVOIY
✍️ Abdulla AVLONIY
✍️ Alixontoʻra SOG‘UNIY
✍️ Ismoil G‘ASPRALI
✍️ Ahmad Zakiy VALIDIY
✍️ Abdurauf FITRAT
✍️ Abdulla QODIRIY
✍️ Abdulla QAHHOR
✍️ ELBEK
✍️ MIRTEMIR
✍️ Jumaniyoz JABBOROV
✍️ Erkin VOHIDOV
✍️ Abdulla ORIPOV
✍️ Rauf PARFI
✍️ Halima XUDOYBERDIYEVA
✍️ Saʼdulla HАKIM
✍️ Shukur QURBON
✍️ Xurshid DAVRON
✍️ Muhammad YUSUF
✍️ Sirojiddin SAYYID
✍️ Odil IKROM
✍️ A’zam O‘KTAM
✍️ Eshqobil SHUKUR
✍️ Zebo MIRZO
✍️ Iqbol MIRZO
✍️ G‘ayrat MAJID
✍️ Jo‘rabek RAMAZON
✍️ Dadaxon MUHAMMADIYEV
✍️ Islom QO‘CHQOROV
✍️ Mansur JUMAYEV
✍️ Navoiylik ALISHER
✍️ Shohsanam NISHONOVA
✍️ Charos BURXON
✍️ Quddus ASAD
✍️ Nilufar ERGASHEVA
✅Jadidmedia’ga obuna bo‘ling
❗️
1 октябрь – Ҳалима Аҳмедова таваллуд топган кун
Ҳалима Аҳмедова 1960 йил Навоий вилояти Қизилтепа туманида дунёга келган. Шоиранинг илк китоби 1986 йил «Кўзимнинг тили» номи остида чоп этилган. Кейинчалик «Тунги марваридгуллар», «Эрк даричаси», «Тийрамоҳ», «Афсун», «Умид сояси», «Нигоҳ қибласи», «Шафақ ибодати», «Ёсуман гулининг сояси», «Яшил», «Ташбеҳ» сингари китоблари нашрдан чиққан.
Ҳалима Аҳмедова Лондонда ўтказилган Марказий Осиё китоб форуми ва адабиёти фестивалининг «Адабий асар» номинациясидаги мукофотига сазовор бўлган.
СEН МEНИ ИШОНТИР
Сен мени ишонтир муҳаббатингга,
Дегилки, сен учун яралдим, илло.
Йиғлаб илтижо қил: мунис дунёда
Сенинг дийдорингдан бўлмайин жудо.
Сен мени ишонтир эртакларингга,
Мангуга кетишинг билсамда атай.
Дегилки, бир тола сочим қолдиргум,
Куйдиргин, шу лаҳза ёнингга қайтай.
Сен мени ишонтир қайғуларингга,
Гарчи заққум улар, сен дегилки, бол-
Тўйиб ичаверсанг, дардларинг кетар,
Фақат тақдирингда қолар бир савол.
Сен мени ишонтир соғинчларингга,
Токи мен ишонай: соғинчлари ҳақ.
Она ўлимига ишонмай, гўрни
Қайта қазиётган етимдай илҳақ.
Сен мени ишонтир...
Noʻnoq nazmim uchun afv et, xalqim,
Na olim, na fozil, na soʻz piriman.
Oʻz vaqtida daftar topshira olmay
Qolgan bolalarning biriman.
Алмати-2024
Туркий дунё ёш шоирларининг Халқаро шеърият фестивали
#dolzarb
"Yoshlik" yosh ijodkorlarning minbari, u orqali xalqimizning iste'dodli farzandlari ijodi bilan yaqindan tanishib borish imkoniyati bor.
Shunday ekan, keling, jurnalimizning ijtimoiy tarmoqdagi sahifalarini adabiyot ixlosmandlari orasida ommalashishiga o'z hissangizni qo'shing!
Ko‘zyoshingni sochma tunlarga,
Asrab qo‘ygin yaxshi kunlarga.
Shavkat Rahmon
12-sentyabr – Shavkat Rahmon tug‘ilgan kun.
😀
❤️🔥 “Jadid” gazetasining 2024-yil 6-sentyabrdagi 36-soni bilan tanishing:
📱Elektron gazeta
⚫️Oqil SALIMOV:
“Yurtning kuchi – birlikda, qadri esa tinchlikdadir!”;
⚫️Mansur JUMAYEV:
“Chin xazina”;
⚫️Rustambek SHAMSUTDINOV, Dilshod HOMIDOV:
“Hurriyat uchqunlari”;
⚫️Oqil ABDUBARNOYEV:
“Paralimpiyachilarimiz tarix yaratmoqda”;
⚫️Muhayyo PIRNAFASOVA:
“O‘zbekistonda transplantologiya istiqbollari”;
⚫️Bahodir KARIM:
“Dahoga ehtirom”;
⚫️Gunnar SHELLENBERGER:
“O‘zbekiston hamkorlikka munosib mamlakatdir”;
⚫️Munavvara USMONOVА:
“She’riyatimizning onaguli edi”;
⚫️Erpo‘lat BAXT:
“Bugungi bolalar adabiyoti muammolari”;
⚫️Muxtor XUDOYQULOV:
“Mumtoz she’riyatning sodiq davomchisi”
⚫️Rustam JABBOROV:
“Turkman elining ulug‘ farzandi”;
⚫️Xurshid ABDURASHID:
“Oq va qora e’tiqod saltanati”;
⚫️Temur SHIRINOV:
“Tarixning vazifasi nima?”;
⚫️Olim OLTINBEK:
“Ittifoq-u g‘ayrat-u himmat kerak...”;
⚫️Bahodir NURMUHAMMAD:
“Ortga qaytish yo‘q”;
⚫️Muhayyo RUSTAM qizi:
“Qilko‘prikdan omon o‘tganlar”;
⚫️Abduvohid HAYIT:
“Olqindi”;
⚫️Abror ZOHIDOV:
“Avlodlarga o‘tib kelayotgan qarzlar”;
Кирилл алифбосида:
👉 @Jadidmedia_rasmiy
😄Jadidmedia’ga obuna bo‘ling
Ватанимиз Мустақиллигининг 33 йиллиги барчамизга қутлуғ бўлсин!
Читать полностью…
TANLOV G‘OLIBLARI TAQDIRLANDI
2024-yil 29-avgust kuni Yozuvchilar uyushmasida yurtimiz mustaqilligining 33 yilligiga bag‘ishlab o‘tkazilgan “Vatan uchun yashaylik!” Respublika tanlovi g‘oliblarini taqdirlash marosimi bo‘lib o‘tdi.
Tanlov g‘oliblari:
1-o‘rin – Sh.Salimova, “Qabohat saltanati”;
2-o‘rin – Sh.Matkarim, “Maqar”; G.Tog‘ayeva, “Ishq handasasi”; 3-o‘rin – A.Said, “Munavvar qorining so‘nggi nidosi”; Bahodir Karim, “Maxtumquli"; Narjan Atabayeva, “Barchin bo‘lish oson emas...”; O‘ta Berdiyor, “Oriyat”, “Tasalli” kitoblari uchun.
Rag‘batlantiruvchi mukofotlar:
Abdunabi Hamro – “Vatan surati” sheʼriy to‘plami uchun;
Neʼmat Dushayev – “Shirin so‘zning kuchi” sheʼriy to‘plami uchun; Muhammad Shodiy – tojik tilidagi “Vatan qasidasi” sheʼrlar kitobi uchun;
Dilbar Haydarova – “Gul Vatanim bor” kitobi uchun;
Mansur Jumayev – “Hazrati ishq” sheʼriy to‘plami uchun.
O‘zbekiston Yozuvchilar uyushmasi
ШОИР
Мен Алишер бўлиб келган замонда,
Ҳусайний бор эди ҳарнав жаҳонда.
Олтмиш йил ҳикматин айладим иншо,
Ўзгардими-йўқми, билмадим, дунё.
Айролиқларга ҳам собир эдим мен,
Кетдим мен, агарчи Бобур эдим мен.
Келдим бу оламга бўлиб шоҳ Машраб,
Дунё ўзгармади, боз кетдим ташлаб.
Фурқат бўлиб келдим, фурқатда кетдим,
Чўлпон бўлиб келдим, ҳасратда кетдим.
Эрким қайда эди, эрким, билмадим,
Эркин бўлиб келдим, эркин бўлмадим.
Ҳасратли қўшиқлар ҳам яллалар — мен,
Келиб кетган қанча Абдуллалар — мен.
Мен тағин борман шу дунёйингизда,
Лекин шеър тиловчи дил борми сизда?!
Саволим юракка қадалган ўқми:
Ё ҳануз Бойқаро туғилган йўқми?!
Бу очиқ дафтарни буткул ёпай деб,
Мансур бўлиб келдим нусрат топай деб.
Тағин ўзгармаса дунё, нетгайман?
Энди ўзгартирмай ташлаб кетмайман!
Мансур Жумаев
SHOIR
Men Alisher bo‘lib kelgan zamonda,
Husayniy bor edi harnav jahonda.
Oltmish yil hikmatin ayladim insho,
O‘zgardimi-yo‘qmi, bilmadim, dunyo.
Ayroliqlarga ham sobir edim men,
Ketdim men, agarchi Bobur edim men.
Keldim bu olamga bo‘lib shoh Mashrab,
Dunyo o‘zgarmadi, boz ketdim tashlab.
Furqat bo‘lib keldim, furqatda ketdim,
Cho‘lpon bo‘lib keldim, hasratda ketdim.
Erkim qayda edi, erkim, bilmadim,
Erkin bo‘lib keldim, erkin bo‘lmadim.
Hasratli qo‘shiqlar ham yallalar — men,
Kelib ketgan qancha Abdullalar — men.
Men tag‘in borman shu dunyoyingizda,
Lekin she’r tilovchi dil bormi sizda?!
Savolim yurakka qadalgan o‘qmi:
Yo hanuz Boyqaro tug‘ilgan yo‘qmi?!
Bu ochiq daftarni butkul yopay deb,
Mansur bo‘lib keldim nusrat topay deb.
Tag‘in o‘zgarmasa dunyo, netgayman?
Endi o‘zgartirmay tashlab ketmayman!
Mansur Jumayev
📹 Шаҳрисабзда Амир Темур томонидан қурдирилган Оқсарой тарихи ҳақида чет эл телеканали тайёрлаган лавҳа!
/channel/Anvar_MIRZO_original
/channel/Anvar_MIRZO_original
Бугун — устоз Усмон Азим туғилган кун.
ТОШ ҲАҚИДА ЭРТАК
Усмон Азимга
Эй бўғзимни ёққан аччиқ бўз,
эй сен руҳи равоним кўрки –
гулханларда ёнган туркий сўз,
гулханларда ёнмаган туркий!
Эй тошларни сайратган калом,
эй бошимни омон тутган бўрк,
эй сен... мени кечир, вассалом,
кечир дейман, Ҳазрат Абуттурк!
Гуноҳкорман қошингда буткул,
гумроҳману осийман, тамом...
кечир дейман, айбимдан ўтгил,
олма дейман фақат интиқом!
Шу даштларда кездим минг йиллар,
шу офтобда ўсдим, исиндим,
шу кўксимга ботди соҳиллар,
шу қирларда юксалдим, индим.
Шу сойларга тўкилди оҳим,
шу боғларда пиндиқ отди бахт,
қаҳқаҳамдан унган оғочим,
фарёдимдан тўкилган дарахт...
Мен барини куйладим жўшиб,
куйларимдан даштларим қонди,
мен куйлаган у дилбар қўшиқ
истилолар ўтида ёнди.
Ёнди бари жизғанак бўлиб,
ёнди бари кўкка уриб бош,
кул шаклида топдилар ўлим...
вафо қилди менга фақат тош!
Шу тош қолди сендан эсдалик –
тош шаклида қотган туркий дил!
Ким бевафо келган менчалик?!
Ким менчалик норасо ўғил?!
Мен билмасман
куйларим нақши
руниймиди,
оромиймиди,
жилвалари,
нури,
дурахши
ерликмиди,
осмониймиди?!
Менми ўша – унутган тавба,
ўйларингни,
эҳсосларингни;
бир асрда тўрт маротаба
ўзгартирган либосларингни?!
Йўқ, мен эмас –
шу кенгликларда
йиғлаб-кулиб қўшиқ айтмасам,
кўтармасам сени бир парда,
мен мен эмас – сенга қайтмасам!
Қайтажакман қошингга, она,
ёшларимни тўккайман тахир.
Онамдирсан ахир ягона,
якка-ёлғиз отамсан ахир.
Эй бўғзимни ёққан аччиқ бўз,
эй сен руҳи равоним кўрки –
гулханларда ёнган туркий сўз,
гулханларда ёнмаган туркий!
2018 йил 13 ноябрь
Мансур Жумаев
Jasorat, bilim va ko‘zyosh bilan yozilgan sheʼrlar – uch zamonaviy shoir sheʼriyati tahlili
U Qashqadaryoda, togʻlar orasida katta boʻlgani sheʼrlaridagi tabiatga yaqinlik, zaminga oshnolikdan seziladi. Va ayni shu oshiqlik uni boshqa shoirlardan ajratib turadi.
Batafsil: https://oyina.uz/uz/article/3130
Rasmiy sahifalarimiz👇
Telegram | Facebook | YouTube | X
Men sening yoninga keldim sevgolim.
🎙Azizabegim
📝Mansur Jumayev
🖥Azizabegim
🍃🌸
Rasmda #IZLAM'ning ikkinchi faslidan o'rin olgan 16 nafar yosh ijodkor ismlari gorizontal va vertikal holatda yashirilgan.
Kimlarni topdingiz? Izohlarda yozib qoldiring. ✍️
📚 @akademnashr
akademnashr">Youtube | Instagram | Facebook | Twitter
21-oktyabr — Oʻzbek tili bayrami kuni. Barchamizga bu bayram qutlugʻ boʻlsin!
ONA TILIM
Odam soʻramasa, hayot tutmas bol,
Ot chopmasa, shamol oʻpmas yolini.
Bir bor koʻrganmisiz tildan qolgan chol
Va tili chiqmagan goʻdak holini?
Til bilan tirikdir yer uzra har kim,
Uningsiz vujudga baxt ham sigʻmaydi.
Tildan qolgan bobo ingraydi sim-sim
Va tili chiqmagan goʻdak yigʻlaydi.
Oynaga toʻsh urgan notavon qushday,
Bezabon el chiqmas ozod hovliga.
Yo tildan qolgan chol holiga tushgay,
Yo tili chiqmagan goʻdak holiga.
Mening ona tilim, sen sabab izhor
Qiloldim sevgimni — uygʻoq nafasman:
Demak, tildan qolgan cholmasman zinhor,
Yo tili chiqmagan goʻdak emasman!
Mansur Jumayev
ОНА ТИЛИМ
Одам сўрамаса, ҳаёт тутмас бол,
От чопмаса, шамол ўпмас ёлини.
Бир бор кўрганмисиз тилдан қолган чол
Ва тили чиқмаган гўдак ҳолини?
Тил билан тирикдир ер узра ҳар ким,
Унингсиз вужудга бахт ҳам сиғмайди.
Тилдан қолган бобо инграйди сим-сим
Ва тили чиқмаган гўдак йиғлайди.
Ойнага тўш урган нотавон қушдай,
Безабон эл чиқмас озод ҳовлига.
Ё тилдан қолган чол ҳолига тушгай,
Ё тили чиқмаган гўдак ҳолига.
Менинг она тилим, сен сабаб изҳор
Қилолдим севгимни – уйғоқ нафасман:
Демак, тилдан қолган чолмасман зинҳор,
Ё тили чиқмаган гўдак эмасман!
Мансур Жумаев
Ўзбекистон ўқитувчи ва мураббийларига табрик
—
Поздравление учителям и наставникам Узбекистана
Prezident.uz|Facebook|Instagram|YouTube|X
25-28 сентябрь кунлари Қозоғистонда ўтказилган "Турк дунёси ёш шоирларининг биринчи фестивали"да иштирок этдим.
Ўзбекистон, Туркия, Озарбайжон, Туркманистон, Қирғизистон ва Қозоғистон вакиллари қатнашган мазкур халқаро тадбир туркий элларнинг бугунги бирдамлигини
яна бир бор намоён этди.
Almati—2024
Turkiy dunyo yosh shoirlarining xalqaro sheʼriyat festivali
* * *
Титрадим самовот тузган тадбирдан,
Унут туйғуларим барг ёзди бирдан.
Кўкламай бўлурми, ўсмай бўлурми,
Ҳаёт иси келиб турса ёмғирдан?!
* * *
Titradim samovot tuzgan tadbirdan,
Unut tuyg'ularim barg yozdi birdan.
Ko'klamay bo'lurmi, o'smay bo'lurmi,
Hayot isi kelib tursa yomg'irdan?!
@Mansur_Jumayev
ЮЗИНГНИ КЎРГАЛИЧитать полностью…
Юзингни кўргали ой уёлмишдир.
Сўзларинг инжу, лабларинг болмишдир.
Агарки ҳусн мулкида баҳс этсалар,
Лайлию Ширин пойингда қолмишдир.
Бу не ҳолмишдир, васлинг умидида
кўзларим йўлларинг пойлаб толмишдир.
Орзум рўёби рўё, неча вақтким
бетин вақт каби тинчим йўқолмишдир.
Бу не лашкар каби оҳ эмиш, мудом
айрилиқ кўксима лак-лак солмишдир,
ким, ҳажрингда гар бир оҳ урса Икром,
Искандар каби дунёни олмишдир.
Шеър муаллифини изоҳларингизда ёзиб қолдиринг!
https://www.facebook.com/share/p/cmgLhZCJ59Upk9Ej/?mibextid=oFDknk
"Hurriyat"dagi yangi she'riy turkumni o‘qishingizni tavsiya etamiz
ЧИН ХАЗИНА
Паралимпия рекордчиси Асила Мирзаёровага бағишлайман.
Бу юртнинг гарчи кенг жазираси йўқ,
Денгизи, уммони — ваҳимаси йўқ.
Унинг чин, асил, пок фарзандлари бор,
Фарзанддан азизроқ хазинаси йўқ.
Асила мингани олтин отини
Мақтайин дедим мен зафар тотини.
Ахир, дил изҳорга шоир зотининг
Шеъридан бошқа бир василаси йўқ.
Гарчи у оламда ўн йилдан бу ёқ,
Кўрипти на шакл, на ранг, на бўёқ,
Кўрар кўз йўқ, кўрар кўнгил бор бироқ,
Кўнгилдан ўзга нур — басираси йўқ.
У бахтдан кўз ёши тўкса бир майин,
Дил кўзим очилди, чоғи, билмайин,
Муҳаббат — дунёнинг энг эски майи,
Бебахтдир, ким ундан насибаси йўқ.
Севинг, нафс отидан ингани севинг,
Севинг, шу кибрнинг сингани, севинг,
Ватанни Асила сингари севинг!
Фарзанднинг бундан чўнг вазифаси йўқ.
Ҳар кимнинг ўз айтар калимаси бор,
Тожира, машҳура, жамиласи бор.
Ўзбекнинг энг асил Асиласи бор!
Бошқанинг бунчалик Асиласи йўқ!
Мансур Жумаев
Мансур Жумаев шеърлари жимжималикдан, пафосдан, бақир-чақирдан холи сокин ва нафис шеърият. Бу шеърлар худди ўрта асрларда қурилган меъморий обидаларга солинган нақшлар каби. Диққат билан қарасангиз, нақшларнинг ўта аниқ математик ҳисоб-китоб билан солинганини кўрасиз. Ҳам чиройли, ҳам бағоят пухта. Мансур Жума шеърлари ҳам шундай. Сўзлар ўша нақшлар каби: ҳам чиройли, ҳам ўз ўрнида пишиқ ишлатилган. Жой-жойига тушган! Шоир бугун урф бўлган мавҳум ташбеҳлар "кортеж"и изидан қувмайди. Айтмоқчи бўлаётган гапини ўзи англайди, шеърдаги ҳар бир сўзнинг таржимаи ҳолидан бохабар ва маъносини билиб қўллайди.
“Ҳайрат қўшиқлари” китоби чиққанига 2 йилдан ошди. Шу кунларда шоирнинг янги китоби – “Ҳазрати ишқ” номли учинчи шеърий тўплами нашрдан чиқибди. Қутлуғ бўлсин.
👉 @xurshidabdurashid
Uyg‘oq bo'lsangiz O'zbekiston telekanalini ko'ring, diydorlashamiz!!!!
Читать полностью…
* * *
Бу дунё кураш майдонидир. Бу майдоннинг қуроли соғлом жисму тан, ақл ва ахлоқдир. Лекин ана шу қурол-аслаҳамиз синиб, занг босиб, чириб кетган. Шундай қуроллар билан бу дунёда бизга на саодат ва на роҳат бор.
ФИТРАТ
Chempionlar korteji shahar bo'ylab harakatlandi. O'zbek sporti tarixida yangi sahifa ochgan delegatsiyamiz Milliy Olimpiya qo’mitasiga yetib keldi. Parij-2024 qahramonlari Prezident sovg'alarini qabul qilib olishdi.
Читать полностью…