لـغـةُ روحٍ🌼💜

24 марта 2024 21:02

`
اليوم خبر اغتصاب نساء غزة بعد حصارهم وتجويعهم، وأمس خبر اصطياد الشباب العزل وقتلهم للتسلية كأنهم بلعبة إلكترونية، وقبلها مجازر الطحين وقتل بالجملة..
كل مشاهد الإذلال تتصاعد وفي بث مباشر وفي رمضان.. ما يحدث تجاوز الخذلان ما يحدث تواطئ علني عالمي من الكل مع الإبادة.💔💔

لـغـةُ روحٍ🌼💜

23 марта 2024 14:29

ضاقت بنا الدُّنيا برغمِ مداها
وبكت عيونُ الناسِ من بَلوَاها
ربَّاه أكرِمْنا بيُسرٍ عاجلٍ
واجعلْ سُرورَ نفوسِنا تقواها

آمين🤍

لـغـةُ روحٍ🌼💜

21 марта 2024 11:53

يَا حبّذَا رَمضانٌ بِمڪّة وإفطارٌ علىٰ عتَبَاتِ الحَرمْ 🤍")!

لـغـةُ روحٍ🌼💜

19 марта 2024 22:49

🪴 ليكن في بدنكم قلة طعام وشراب حتى يكون في قلوبكم يقظة تستعينون بالله عز وجل ثم بها في الدعاء على أعداء هذه الأمة من اليهود وغيرهم، فلا تستزيدوا في المباحات حتى تظل هذه القلوب يقظة والألسنة غير فاترة!

قال أبو شامة المقدسي: "وبلَغني من شدة اهتمام نور الدين محمود رحمه الله بأمر المسلمين، حين نزل الفرنج على دمياط - أنه قرئ عليه جزءٌ من حديث كان له به رواية، فجاء في جملة تلك الأحاديث حديثٌ مسلسَل بالتبسُّم، فطلب منه بعضُ طلبة الحديث أن يتبسم لتتم السلسلة، على ما عُرف من عادة أهل الحديث، فغضب من ذلك، وقال: إني لأستحيي من الله تعالى أن يراني مبتسمًا والمسلمون محاصَرون بالفرنج!".
[الروضتين في أخبار الدولتين النورية والصلاحية].

هل نسيتهم أهلنا في غزة وسوريا والعراق والسودان وغيرها من أراضي البلايا والمِحن التي يتعرض لها المسلمون؟

»» نافع | Nafe3
»» صوتيات نافع

لـغـةُ روحٍ🌼💜

18 марта 2024 20:27

في ظِل ما نقاسيه لا تتوقف أبدًا عن الترديد: 🌻

«ربنا أفرِغ علينا صبرًا».

لـغـةُ روحٍ🌼💜

15 марта 2024 11:13

في معظم أيام رمضان، تنام أمي عدد ساعات قليل؛ هذا لأنها في الليل تُحضر طعام الغد، وفي اليوم الرمضاني تستيقظ لتكمله.

هي لا تبخل علينا بأية نقطة من عرقها، وتصنع الأشياء بحب كأنها تصنعها لنفسها، وتُنجز أشياء من الصعب عليها إنجازها بمفردها، لكنها تفعل.

حتى حين تجلس لتصلي، أو لتقرأ القرآن، فإنها تدعو للبيت كله، لي ولإخوتي، وتصوم بنية فك الكرب عن المكروب منا.

"هي أثر لا يزول".

- عمر إبراهيم

لـغـةُ روحٍ🌼💜

13 марта 2024 11:56

🕔 الدعاء بين الظهر والعصر يوم الأربعاء 📆

📎عن جابر بن عبدﷲ رضي ﷲ عنه أن النبي ﷺ دعا في مسجد الفتح ثلاثا:
يوم الاثنين، ويوم الثلاثاء، ويوم الأربعاء، فاستجيب له يوم الأربعاء بين الصلاتين ➡️
فعرف البشر في وجهه

🌟 قال جابر:
فلم ينزل بي أمر مهم غليظ إلا توخيت تلك الساعة فأدعو فيها فأعرف الإجابة ✅

✏️ قال ابن تيمية :

⏩وهذا الحديث يعمل به طائفة من أصحابنا وغيرهم، فيتحرون الدعاء في هذا.. كما نقل عن جابر، ولم يُنقل عن جابر رضي الله عنه أنه تحرى الدعاء في المكان بل في الزمان⏪

✍️ قال البيهقي:

⏩ويتحرى للدعاء الأوقات والأحوال والمواطن التي يرجى فها الإجابة تماما، فأما الأوقات فمنها ما بين الظهر والعصر من يوم الأربعاء⏪

#الدعاء

لـغـةُ روحٍ🌼💜

12 марта 2024 15:47

" ‏ابتعد عن منطقة الراحة إن أردت أن تضبط علما أو تترك أثرا أو تحقق حلما أو تروم تميزا !

• لن تدرك معالي الأمور وأنت متكئ على أريكتك ، ومهدر لوقتك ، ومسوف لمهامك "☁️💚

لـغـةُ روحٍ🌼💜

11 марта 2024 01:13

يا سيدي مش مشكلة ان شالله يحضر قبل صلاة الفجر بدقيقة، المهم تلاقيه..


يا جماعة، هو الهدف من رمضان ان كل واحد يلاقب ضالته، واحنا داخلين سباق على الجنة، محدش فينا هيوصلها غير لما يلاقي ضالته، وضالة كل مؤمن قلبه..

كل واحد يدخل رمضان يدور على قلبه لحد ما يحضر معاه وهو بيعبد ربنا..

ضروري تركز مع طاعة تلاقي بيها قلبك.. عشان ميبقاش رمضان محطة مؤقتة ونخرج بعدها نعمل نفس المعاصي، ونفضل بنفس العيوب، واحنا احنا متغيرناش.

خليك مختلف.. الجنة للي قلبه سليم..

شوف انت محتاج ايه واعمله، شوف دائك ايه و دور على دوا مناسب ليك انت، الجدول اللي يناسب غيرك ممكن ميناسبكش، متدخلش تقلد غير لو انت لسه فعلا فعلا مش فاهم اي حاجة.. الكلام دا للناس اللي ملتزمة بقالها كتير ولسه تايهة.. وبتتوه كل رمضان، أو الملتزم المنتكس اللي نسى معالم الطريق..


أنا وجهتك وانت اتصرف بالشكل اللي يناسبك.. وبلاس طموحات تودي فـ داهية، عشان متيأسش وتزهق وتسيب كل حاجة.

ومتنساش أهم حاجة بندخل بيها رمضان، من أول ما تصحى لحد ما تنام تدعي ربنا يوفقك لطاعته، انت من غير ربنا متقدرش تحرك ورقة من مكانها.


#زاد

لـغـةُ روحٍ🌼💜

10 марта 2024 17:41

🪴 قبل أن يبدأ معترك كل عام في الواجبات المنزلية:
مما أراه شخصياً من أعظم معاني البر بالوالدة: أن تترك الابنة لوالدتها مساحة ووقت في رمضان للتعبد والصلاة وقراءة القرآن وتتولى الابنة بنفسها شؤون البيت من تنظيف وطهي وتهيئة البيت، محتسبةً ذلك لله عز وجل..

الفارق العمري بينك وبين والدتك يُلمِح لكِ بشيء: هي قد أفنت نفسها وعمرها في خدمة البيت وخدمتكم جميعاً، وأنتِ مازلتِ يافعة شابة صغيرة وعندك من الطاقة والقدرة ما ليس عندها، وهي على مشارف كِبر السن وانقطاع العمر..

فمن أعظم أبواب الإحسان وتمام الإيمان أن يحب المرء لغيره الخير مثلما يحبه لنفسه، وذلك بأن توفري فرصة الراحة والعبادة لوالدتك عسى الله أن يرد لكِ هذا الإحسان في نفسك وأنتِ في مثل عمرها، ومن السيء أخلاقياً أن تستشري "الأنانية" في سلوكيات الأخوات باهتمامهن الشديد في رمضان بأوراد القرآن والخروج للصلاة في المسجد وقيام الليل والمذاكرة وطلب العلم وتترك والدتها طوال الليل والنهار في شؤون البيت بدون مساعدة ولا إعانة!

فإن كان رضا ربك هو ما تبغين: فها هو باب الجنة المفتوح على الأرض "والدتك"، وبر الوالدة مقدم على أي نافلة أخرى، لكن أكثر الأخوات لا يفقهن ذلك.

»» نافع | Nafe3

لـغـةُ روحٍ🌼💜

10 марта 2024 10:00

السلام عليكم ورحمة الله وبركاته،،

أتت على المرء فترة في بدايات التزامه كان يرى طاعاته التي كان يفعلها بسهولة تتساقط من أمامه واحدة تلو الأخرى لا يدري كيف يحافظ كالسابق ولا يعرف للمجاهدة في الثبات عليها سبيلًا، فذهبتُ لأحد من المقربين وتحدثت معه في الأمر وسألته عن سبب عدم إتيان المجاهدة ينفع سيما أن هذه الطاعات كانت يسيرة جدا في البداية، فنصحني باستمرار المجاهدة ولكني رغم هذا كنت أشعر أن هناك خطأ إما في توبتي أو في رسالة معينة يريد الله أن يوصلها إليّ .. وبينما أنا أقرأ كتابًا عن التزكية إذ ألهمني الله سبحانه وتعالى معنى عجيب لم أكن أعرفه من قبل..


قلتُ لنفسي لماذا أتوب مما بيني وبين الله فقط؟
أليست أعمال العبد على قسمين: قسم ما بينه وبين الله فقط
وقسم ما بينه وبين العباد؟
لماذا حصرتُ توبتي فيما بيني وبين الله فقط؟

لماذا لم يخطر ببالي أن طاعات سُلبت لذنب بيني وبين العباد؟

فشرعت في التفكير فإذا بي لم أفتح هذا الملف منذ القدم بل تجاهلته تمامًا لإني صوبت كل اهتمامي بما بيني وبين الله فقط فإذا بي أجد طوام يا أخوات والله طوام!

ما هذه الذنوب! ما هذا التقصير!

لما عرفت حينها ودققت في معنى الأخوة في الله وإقصاء حظ النفس في التعامل مع الناس وجدت مني تقصير شديد وقلت يا الله أغافلون نحن عن كل هذه المعاني لتلك الدرجة!

فوجهت بوصلتي للجهة الأخرى وشرعتُ في التحلل من حقوق العباد مع الدعاء لمن لم أستطع رد حقه، على قدر ما تذكرت تُبت ورجعت وندمت عن يقين بقول حبيبي ﷺ" لا يؤمن أحدكم حتى يحب لأخيه ما يحب لنفسه"

وشرعت في رد المظالم والاعتراف لكل صاحب حق بخطئي في حقه ما استطعت وجمعت الأرقام وشرعت في الاتصالات وإعادة الوصال ولا نغفل عن جانب تصفية القلب من أذى مَن بغى علينا وظلم، فوجدت في قلبي حينها صفاءً وإيمانًا مُتقدًا لم أجده في أورادي ولا مجاهدتي التي كانت قبل ذلك.. فقلتُ سبحان الله! لو لم يلهمني الله هذا المعنى لكنت أضعت عمري في التوبة من أشياء غير التي فُتنت بسببها!


فحمدت الله الذي سلبني بعض الطاعات ليربيني طيلة حياتي ..

تتوقعون هل عادت إليّ طاعاتي حبيباتي أم لا؟

عادت ورب الكعبة عادت بفضل الله..


منذ يومين وجدت أختًا كتبت منشورًا على الفيسبوك تشتكي انتكاسها فقرأت تعليقًا لأخت بارك الله فيها تقول لها: تحللي من حقوق العباد..

فتذكرت نفسي.. سبحان الله، لو كنتِ تعتقدين أن هذا الجانب قليل جانب حق الله فأنتِ مخطئة، فالله يسامح الكافر والزاني وشارب الخمر وساب الدين والعاق لوالديه ومرتكب الكبائر إذا تاب من ذنبه، أما حق العباد فقد قضى الله على عباده ألا يرحم ولا يغفر من حمل ذنبًا في عنقه كان لأخيه فيه حق!

وهذه الفائدة أقصها عليكِ لعلك تدركين خطورة الأمر وتعلمين أن إيمان الصحابة كان منه جزء كبيييير جدًا يكتسبونه من تقوى اله في معاملة الناس.
وحقوق العباد كثيرة ..

لهذا أنصحكم بالقراءة والسماع عن هذا الجانب"الأخوة في الله" وعندكم من تسجيلاتي عن "آداب الصحبة ما ينفعكم بأمر الله".


والله المستعان.

#زاد

لـغـةُ روحٍ🌼💜

06 марта 2024 20:22

الحمد لله.. وبعد،

أحد أعظم إنجازات المرأة بلا منازع في هذا الزمان الذي كادت الشريعة فيه أن تُحرف وتندثر وتكالبت فيه الأمم على المستضعفين= أن تخرج من أطفالها طلبة علم يدفعون الشبهات ويحفظون أصول الشريعة وينشرون العلم ويحرسون حياض الدين وعلومه من التحريف.
يرسخون في النفوس معاني الاعتقاد وأصول الولاء والبراء ومعاني الإخوة في الدين

وهذا أمر لا يتأتى عادة إلا ببذل أسبابه؛ ومن أعظم أسبابه إن لم يكن أعظمها مطلقًا= الدعاء؛ ليس بعد الرزق بالأطفال فحسب؛ بل ومن قبل الزواج تجعل لها وردُا لا ينقطع من الدعاء بهذا.
ثم تهيئة المرأة نفسها وعقلها وقلبها لهذه المهمة العلية الشريفة؛ ويا حبذا لو بدأت أيضًا من قبل الزواج.

وفضل الله يؤتيه من يشاء، ويصطفي له من يشاء؛ فقد يرزق الله حديثة عهد باستقامة أو امرأة عامية ما لا يرزقه كثيرات ممن سبقن بصدق النية.

لـغـةُ روحٍ🌼💜

05 марта 2024 13:46

- بتحبيه؟
= أكيد بحبُه، هو دا سؤال؟

- وقدمتيلُه ايه يثبت الحب دا؟
= بحاول أحافظ على أكلُه وشُربه، وبرعاه طول الوقت و..

-بسألك قدمتيله إيه يثبت الحب دا؟ الصدق في المحبة أقصد..
= ما انا بجاوبك يا بنتي!

- وانتي بتحسبيها بحسابات ربنا ولا شيفاها من وجهة نظرك انتي؟
= مش فاهمة أي حاجة منك، وضحي أكتر!؟


- ربنا سُبحانه وتعالى لما تكلم عن الحب كان دايما بيتكلم عن علاقة فيها طرفين شايلين هَمّ الآخرة.. إنما اللي بينهم دنيا بس دا مش حب يُعتبر من جِهة الشرع ولا عند ربنا يتسمى حُب، حتى الصداقة، ربنا لم يَعُدّ الصداقة الحقيقية حب، إلا بالتقوى بين الطرفين..

= وايه علاقة دا باللي بتسأليني عنه؟

- علاقته، إن دا حتة منك، قدمتيله ايه يثبت حبك من جهة شرعية؟
= هي رعايتي مش كفاية واللي قولته وبعمله مش كفاية؟

- أديكي قولتيها رعاية! فين الحب؟
= أحبه ازاي طيب؟

- تحبيه من وهو نُطفة من وقت ما تعرفي إنه جواكِ، تبدئي تعملي لآخرته، تعكفي على مُصحفك ليل نهار، متبطليش ذِكر، ولا متابعة لأعمالك ومحاسبة نفس، رحلة إصلاحك لازم تكثفيها علشان هو جاي للحياة وانتي النموذج الوحيد اللي قدامه بيتعلم منه..

تتعلمي ازاي تربيه صح وتزرعي فيه القيم من أول ما يبدأ عقله يستوعب كل حاجة حواليه..

متبطليش تقولي أذكارك بنية إن هو كمان ربنا يحفظه بيها..

عيالك لو متعبتيش علشان آخرتهم تعبك معاهم هيروح على الفاضي!

- انا مفكرتش في كل دا.. لإني شايفة ان القرءان ممكن يأثر على قلبي أنا وهو لسه جنين إنما هيأثر عليه هو ازاي!؟

= هيأثر عليه ببركته، بركة القرءان اللي بتسرِي في قلبك وجسمك هتسري فيه، وانتي تقرئي بالنية دي إن ربنا يجعلهولك مُبارك بالقرءان أينما حلّ وارتحل، مش لسه هنستنى لما يعقل عشان نعوده على القرءان، الطفل من الشهور الأخيرة بيبدأ يسمع الأصوات حواليه ويتعلق بيهم علقي ابنك بصوتك في القرءان، متعلقيهوش بحجات هايفة وتافهة، خليه عارف القرءان من وهو لسه في بطنك، هيكبر وفيه من بركته..


- انا معملتش كل دا.. أتداركه ازاي!
=تعمليه من دلوقت، وتعوديه على انه يسمع الأذكار، وتحرصي على دا قرءان وذكر..

واوعي تفتكري ان التربية رعاية وأكل وشرب ولِبس، لو كدا كانت المسئولية هتبقا سهلة اوي ومكنش فيه آباء يدخلوا النار بسبب ولادهم، الموضوع جنة ونار.. واللي بيأسس ولاده صح ببرتاح قدام اوي وبيريحهم..


ابنك او بنتك لما تخلي الجو كله حواليه بيئة ايمانية هيكرهوا الدنيا وهيتأسسوا على حب ربنا وحب الدين وطلب العلم، والطفل دايما عنده حب استطلاع وفهم، اتعلمي عشان تكوني جاهزة لكل سؤال هيسأله عن ربنا، عن الدين، عن حقيقة الخلق.. اتعلمي عشان انتي المدرسة بالنسباله والمُعلم الأول في حياته، اتعلمي واصلحي نفسك عشان انتي اول قدوة في حياة ولادك، اتعلمي عشان متتركيش فراغ جواهم وفجوة واسئلة ملهاش اجابة فيتعلموها من مصادر غريبة وغلط وترجعي تتفاجئي من عقليتهم اللي اتغيرت للأسوأ وتندمي..


اربطي ولادك بالقرءان من صغرهم..

- الموضوع صعب..

= صعب عشان محتاجة تركزي في كل فعل في الأول بس، لكن بعد كدا هتصبح عادات عندك وعندهم، وأهم حاجة ميشغلكيش عنهم شيء!

لو عقلك مشتت بغير تربيتهم وآخرتهم، هتلاقي الموضوع فعلا صعب! وهتنسي المبدأ دا كتير جدا وهيجيلك احباط من قلة تركيزك على تطبيق النصايح دي..

لكن لو اعتبرتي دي آخرتك قبل آخرتهم–لإن تربيتهم مسئوليتك–هتلاقي نفسك بتركزي معاهم وبس!

-أصعب حاجة عليا إن البيئة اللي حواليا حتى لو عملت كل دا هتهدم كل اللي بعمله.. بيئة مليانة ألفاظ صعبة ومبادئ كلها غلط ودا بيحبطني أصلا ومخليني مش شايفة كل اللي بتقوليه ولا عمري فكرت فيه!

= الله عز وجل حط لكل داء دواء، لو خايفة على ولادك عليكي بتقوى الله عز وجل وميضركيش الوضع من حولك سواء في زوجك او اهله او اهلك..

وتقدري تتحكمي في الحجات اللي بيتعلمها، ولو مقدرتيش تحجمي علاقته بالناس اللي مش هتعلمه غير الحجات الغلط، تقدري تعلمي ابنك لما يجي يعملها ان دا غلط وان متقلدش اي حاجة تتعمل قدامك، وتربطيه بيكِ انتي أطول وقت ممكن طالما مفيش مصدر ٱصلاح غيرك بالنسبالُه

علمي ابنك كل اسبوع ذكر يردده يوميا وراكِ من أذكار الصباح والمساء من اول ما يتعلم الكلام، لحد ما يحفظ الأذكار، وربنا هيحفظهولك، وقبل ما يتعلم الكلام ترقيه بنية إن ربنا يعافي سمعه وبصره وكل جوارحه من انه يتعلم حاجة تضره في دينه او دنياه..

ودعائك لِيه حصن منيع، ونيتك العظيمة في تربيته على نَهج السلف كفيلة تهدم كل السلبيات اللي مكن تتسلل لقلب ابنك او مسامعه!

ودايما تدعي ربنا يحفظهولك ويصنعه على عينه، لإن مش احنا اللي بنربي، دا ربنا سبحانه وتعالى

- من كتر ما اللي قولتهولك كان محبط ليا كان أقصى هدفي يطلع محترم وخلاص مش لازم التزام قوي..

لـغـةُ روحٍ🌼💜

03 марта 2024 16:49

إن من الهزيمة النفسية أن تبحث عن أقرب عذر لتنسحب وتستلم، من يفعل ذلك فهو شخصية ليست جادة، إن من يرغب بشيء ثمين عليه أن يقاتل من أجله، عليه أن يحاول تجاوز العقبة تلو أخرى لا أن يستسلم عند أول عثرة، هناك من لا يرغب لكنه صامت، فيقوم بالبحث عن ذريعة ليتراجع، كن واضحًا منذ البداية

#أسامة الجامع

لـغـةُ روحٍ🌼💜

29 февраля 2024 19:14

عدد شهداء مجزرة الطحين في شارع الرشيد فجر اليوم الخميس يزداد بشكلٍ متسارع، أكثر من 100 شهيد موثق بحلول الساعة 16:00 بتوقيت القدس، وقرابة 800 جريح يرتقي بعضهم شهداء تباعاً بسبب العجز الشديد الذي تواجهه الطواقم الطبية القليلة.

الجرحى قاموا بالزحف للخروج من منطقة الخطر، والبعض تم سحبه بمخاطرة من الأهالي ونقلوا إلى المشافي محمولين على الأكتاف أو على عربات تجرها الدواب.

الإصابات معظمها خطيرة والمشافي المتهالكة لا تستطيع التعامل معها. الأطباء في مشفى الشفاء اضطروا لانتظار طلوع الشمس لمعاينة الجرحى بسبب انقطاع الكهرباء، في "الشفاء" الذي كان أكبر مشافي غزة قبل الحرب، توجد 3 غرف عمليات فقط تعمل، والجرحى ينتظرون طوابير حتى يأتي دورهم. لا توجد أنابيب أكسجين أو وحدات دم كافية ولا سولار لتشغيل الإنارة والأجهزة الطبية.

بعض الحالات تنتقل بين مشفى وآخر أملاً في أن تجد فرصة لإسعافها، وأجساد المصابين الهزيلة لا تساعد الأطباء، فالمجاعة وسوء التغذية وانتشار الأوبئة جعل معظم الناس في شمال وادي غزة في حالة صحية متردية، ما يزيد من صعوبة الحالات وضعف إمكانية تماثلها للشفاء.

جثامين العشرات من الشهداء ما زالت ملقاة في شارع الرشيد قرب ثكنة الاحتلال، فبعد أن داست دبابات الاحتلال بعضها صباحاً، قامت جرافات الاحتلال بتجريف الجثامين وإبعادها.

جلّ شهداء المجزرة هم من الشباب، أي المعيلون لعوائلهم وأعمدة ارتكازها وأمانها في هذه الإبادة. عشرات الآباء خرجوا لإطعام أطفالهم لكن الأطفال ظلّوا جوعى وسيعيشون عمرهم أيتاماً. تنوح أمٌ فوق جثمان ابنها وتعاتبه قائلة: "مين حكالك بدي طحين؟" لكننا جميعاً نعلم أن العجز والتجويع والتخاذل قتل الرجل، قبل أن تقتله الرصاصة.



💔

لـغـةُ روحٍ🌼💜

24 марта 2024 12:58

"إذا رأيت الفزع والقلق يتلاشيان كالسراب، ونفسك تسير مع الأقدار حمدًا وشكراً، وإرادتك لا تنكسر تحت وطأة الحسرة ولوم الذات، بل تستقيم على الصواب، وتُعيد تنظيم شؤونك وفق ما استجد من أحوال لا حول لك فيها؛ هنا يتجلى معنى التوكل على الله".
🪴💚

لـغـةُ روحٍ🌼💜

21 марта 2024 16:05

ياربِّ،

صحَّة وعافية، وأثر طيِّب، وعلم واسع،

وذريَّة طيِّبة، وبيت هاديء،
وسفر آمن، وزيارة نبيتك في شبابنا،

وأكتب لنا الجنَّة بغير حساب ولا سابق عذاب.

لـغـةُ روحٍ🌼💜

21 марта 2024 03:12

(الذين يذكرون الله قيامًا وقعودًا وعلى جنوبِهم ويتفكّرون في خلق السماوات والأرض)

"قدّم الذكرَ على الدوام على التفكّر، للتنبيه على أن العقل لا يفي بالهداية ما لم يتنوّر بنور ذكر الله تعالى وهدايته، فلا بد للمتفكّر من الرجوع إلى الله تعالى ورعاية ما شرع له، وأن العقل المخالف للشرع لبس الضلال ولا نتيجة لفكره إلا الضلال".

- الآلوسي، روح المعاني. 🌻💚

لـغـةُ روحٍ🌼💜

19 марта 2024 14:02

من مقامات التوكل العظيمة أن لا يبالي الإنسان بإقبال الأسباب وإدبارها، ولا يضطرب قلبه ويخفق عند إدبار ما يحب، وإقبال ما يكره، لأن اعتماده على الله، لا على الأسباب.

- ياسر الحزيمي. 🫀💚

لـغـةُ روحٍ🌼💜

15 марта 2024 17:49

سمعتوا عن تعدُّد النيِّات ؟

اليوم رافقني الموضوع وواللَّــهِ شيء عَظيم جدًا أن تعمل عليه ..

أنتَ عارف أكيد أنه كل إنسان يُحاسَب على نيَّته والنية نُواة القَبول فما بالك لو كنت تنوي أكثر من نيّة خيّرة في عمل واحد فقط !!!

فمثلاً : مُعلمة حطّت في نيتها أن تعمل في التعليم من باب معاونة زوجها في المصروف و ونية العمل بما علِمت من علم ، ونية نفع المُتعلمين من طلابها وربما نية التأثير في الناس في الشارع من خلال لباسها الشرعي ، والكثيررررررر .. تخيّل كم نيّة في عمل واحد !!!

إعمل على تِعداد نيّاتك وإصلاحها بعزم في رمضان 💚✓ .

لـغـةُ روحٍ🌼💜

13 марта 2024 23:00

تَحَمّل مسؤوليّة تفاصيلك..

خُذ مهامك على محمل الجِدّ، واعلم أنّ الحياة صَعبٌ جُلّها، والأيّام تمضي بلا استئذان، واللّحظة تفوت بلا شعور، والفرصة قد لا تعود، فافتَح بابًا بينك والجهد، وإن أتَتكَ منه ريحٌ عاصفة، فتلك طبيعة الحياة!

لا تقلق، واخرج قليلًا من طلب المثاليّة في كلّ شيء! عِش الكَدّ كأنّه خيارك الوحيد، والمحاولة كأنّها كلّ أنفاسك، والخطوة كأنّك لا ترى سواها، وخذ من الإخلاص زادًا تصل به مبتغاك، وإن أخذ الألم شيئًا من ملامحك، وأكَلَ البلاء قطعةً من قلبك، وغَيَّرَت الأيّام جزءًا من شخصيّتك، لا تنكسر!

تَذَكّر لِمَ بدأت؟ لِمَ كلّ هذا التَّعَب؟ مَن يَحمِلُ الجَبَل لا تهدمه حَصاة، ومَن واجَهَ المَوج لا تُغرقه قطرة، إيّاكَ أن تنطفئ، لا تترك غرسك، الزم ثغرك، ولا تَنسَ اللّه! ..

#قصي العسيلي

لـغـةُ روحٍ🌼💜

13 марта 2024 11:45

(وَاللهُ يَعلَمُ وَأنتُمْ لا تَعلَمُونَ)

ستربيك هذه الآية في كل لحظة في حياتك تعتقد فيها أنك بلغت أو سبقت! فتعيدك لرشدك!

(لِيَقْضِيَ اللَّهُ أَمْرًا كَانَ مَفْعُولًا)

ستربيك هذه الآية في كل لحظة غرتك فيها المشاهد والتفاصيل ودنياك ونفسك، فتعيدك لحجمك عبدا لله موحدا منكسرا.
#ليلى_حمدان

لـغـةُ روحٍ🌼💜

12 марта 2024 15:46

‏قَالَ ابْنُ الْقَيِّم ـ رَحِمَهُ اللهُ ـ :

"فأفضلُ الصُوَّامِ، أكثرُهُم ذِكراً لله عزّ وجل في صَوْمِهِم". ☁️💚

لـغـةُ روحٍ🌼💜

11 марта 2024 01:13

اقولك خلاصة الاستعداد لرمضان؟

عارف الفرق بين واحد سَبق بالقليل، وواحد لسه واقف مع إن جدوله مليان ايه؟

إن اللي سبق بالقليل كان صادق في معرفة أهمية اللي بيعمله فعمله بصدق وتفانِي وإخلاص فسبق بصدقه في الطاعة

وإن اللي لسه واقف رغم إن جدوله مليان طاعات، زاحم نفسه بحجات كتير عشان يلملم أي أجر، فشتت نفسه عشان هو موقفس وقفة مع قلبه أصلًا قبل رمضان.



بص بقا، رمضان دا موسم سباق على الجنة مش على الطاعة نفسها، أنت لو أدركت النقطة دي هتعرف انها مش مشكلة جداول، يعني كونك اول ما تعرف ان رمضان قرب تجري تشتت نفسك بالجداول دا اول غلط هيتبني عليه تقصير بعدين.


طب هو انا لو أدركت إنه سباق على الجنة هتفرق ايه فـ ايه؟

- هيبقا هدفك تدخلها، يعني هتركز مع قلبك، مش مع الطاعة.

= هو فيه فرق؟

- اه فيه طبعا، انا لو كل هدفي الجنة، هفضل محافظ على قلبي لآخر لحظة، حتى لو جدولي مش مليان، بس بعمل بصدق وبثبت لحد آخر لحظة، لو تركيزي بقا على الطاعة والأجر بس، فهدخل رمضان واخرج بقلبي متغيرش فيه غير شوية حسنات كسبتها، واحتمال كبير ملحقش اخرج من رمضان وانا ثابت على حاجة ف الجدول، لأن انا داخل اصلا مقصر، وروحت زاحمت نفسي بجدول مليان، متعودتش عليه، فطبيعي أمل في النص، وازهق، واستتقل الحاجة بعد يومين تلاتة.. فتقع مني طاعة ورا طاعة، ما انا هدفي حسنات بقا مش جنة، فالطاعة اللي هتقع مني هقول هعوض ف غيرها، وافضل ابرر لحد ما ابص الاقيني ف اول عشر ايام ةكل الجدول اللي دخلت بيه مش عارف اعمل منه حاجة.



طيب الحل؟
- الحل انت محتاج ايه بجد؟

= واللهِ عندك مثلًا شخص أعرفه وقت ما اللي حواليه بيتكلموا في الاستعداد لرمضان قالك (انا عاوز رمضان دا بالذات اعمل حاجتين لو مش هعمل غيرهم معنديش أي مشكلة، ألَا وهما: اصلي كل فرض على وقته من غير تأخير طول الـ٣٠ يوم، ميفوتش منهم يوم والصلاة خرجت عن وقتها لو خمس دقايق، ويكون ليا وِرد اقراه بقلبي حتى لو مش هختم إلا ختمة)، وأهم شيء أصون لساني عن اي قول لا يرضي الله عز وجل حتى لو كنت شايف لنفسي فيه حق! وعلل كل رغباته دي بـقول الله في الحديث القدسي" وما تقرب إليّ عبدي بشيء أحب إليّ مما افترضته عليه).

طبعًا دا في وسط الجداول والناس اللي بتتسابق على مليون طاعة، أقل بكتير، وانا مش بضربهولك كمثال علشان يبقا الصدق مقرون بالقليل، لا والله قيه ناس تبارك الله جدولها مليان وصادقة بردو، بس بكلمك لإن دا بني أدم لمسنا الصدق في رغبته، هو داخل رمضان عاوز يخرج بقلب تاني، وصادق مع نفسه وعارف هو محتاج ايه بالظبط، فقالك انا عايز اتغير بالصلاة والقرءان عشان دي أهم حاجة في الطريق لله عز وجل، نفسي اقرب لربنا بيهم، عرفت أزود عليهم تمام، مقدرتش أثبت على غيرهم، فهما دول أكتر هدفين ناوي أحققهم.



شخص تاني قالك لا، انا محتاج السنادي ألتزم بقيام الليل، وورد تدبر، اعمل ختمة قراءة سريعة وختمة للتدبر..دا طبعا بجانب بقية الطاعات الأساسية.



انا مش بنصحك عشان تتشتت أكتر، أنت محاط بخير كتير، انا بس عاوزك بدل ما تشيل شيلة تسببلك احباط زيادة، اقف مع قلبك وقفة، انت محتاج ايه؟

ما أكيد فيه باب معين دخلت منه على ربنا وبتحس فيه بقلبك اكتر من اي باب تاني..


فيه ناس تصلي ركعتين تلاقي ايمانياتها في السما، دي ناس بابها الصلاة وبتعالج قلبها بالصلاة.

وناس قلبها متعلق بالصدقات، بتحب تدخل على ربنا من الباب دا جدااا

وناس مش بتلاقي قلوبها غير في وقت السَحر والقيام والذِكر والدعاء

وناس إذا صامت وجدت قلبها..


انت بابك ايه؟

اختارلك كام طاعة تركز عليه من اول ما تقوم من النوم لحد ما تنام تاني، هم دول اهدافك الأساسية في رمضان


قدرت تزود كان بها، مقدرتش يبقا هو دا الهدف.


أحيانًا بنضطر نشيل عن اللي قدامنا بعض الأمور(اللي هي خير أساسًا)  ونقوله لا، قلل شوية، عشان عارفين انه لسه في البداية، ولو دخل بتُقله هيرجع أضعاف ما كان واقف! دا بدل ما كان مقصر هيحصله يأس تام من فشل التجربة..

وهو مش مدرك ان طبيعي يفشل أصلا عشان طريق ربنا مش بيتاخد كدا.. الجنة درجات، عشان كل واحد يجاهد على قد امكانياته، والدين مليان تنوع، ادخل من أي باب شئت بس بنقولك ربك بينظر للقلوب.. لما تدخل عليه اختار أي طاعة، بس هو يحب انك تدخل بقلبك.

فحط عدد طاعات للأجر.. ومتكونش كتير عليك عشان متشتتش نفسك عن الأهداف الأساسية.

وحط أهداف أساسية انت بتصحى عشان تعملها وهي دي اللي بتلاقي فيها قلبك وبتحس انك دايس فيها جامد.



كلنا هناخد أجر ان شاء الله، بس انا نفسي تعرف ان مش كلنا بنوصل!

اللي بيوصل دا واحد صادق، وقلبه عاوز ربنا، مش الأجر بس..

فهو متلهف وهو بيعمل الطاعة.. خاشع فيها، كل ذرة في كيانه بترجو أن ربنا يقبلها..

ودا اللي يفسرلك ليه ناس بتعيط من اول ليلة وهي بتقرأ الورد، وناس بتعيط قبل رمضان ما يخلص بيوم!

واحد قلبه حاضر من بدري والتاني لسه قلبه فايق دلوقت!

يُتبع...

لـغـةُ روحٍ🌼💜

10 марта 2024 17:38

ٱوعي تفـوتك أول ليلـة اللي بتفوت ناس كتير ، أول ليلـة دي تكون مُـرابط من بعد المغرب في المسجد

أبدأ لربك بالسـبق يبدؤك بالفـضل

•الشيخ سمير مصطفي - فك الله أسره -

لـغـةُ روحٍ🌼💜

07 марта 2024 10:52

الحمدُللهِ وبَعد،

استعينوا بشيءٍ من العُزلة على إصلاح قلوبكم، واستعادة حياتها مرةً أخرى، فكثرة الانغماس في الدنيا والعلائق من مُفسدات القلب، لا سيما لو كنت تختلط كثيراً بمرضى القلوب، مَن يؤذون الناس بعيوبهم ونقائصهم قصداً وسهوًا ..
والعُزلة خيرُ ما يُستعان به على ضَعف النفس وهشاشتها.

لـغـةُ روحٍ🌼💜

05 марта 2024 13:46

= ما هو دا كدا مش التزام قوي، دا احنا بنأسسه يكون مسلم بجد! وبعدين ليه حتى ميبقاش التزام قوي؟
ليه منخلفش ونربي ونكبر جيل شَبه جيل الصحابة والسلف الصالح؟ كدا كدا سُنة الله في الكون إن يكون في كل زمان صالحين، ليه ولادنا احنا ميكونوش هم الصالحين دول؟ ليه الطمع والتطلع والطموح يكون في الدنيا بس، والآخرة ناخد منها على القدّ؟
ليه متكونيش أُمّ لراجل يومًا ما يحرر الأمة من قيود الاستعباد الغربي اللي مسيطر على فِكرها؟
ليه متكونيش أُمّ لعالِم رباني يعلم الناس دينهم ويقربهم من ربنا سبحانه وتعالى؟

ليه متكونيش أمّ لرجل بأُمّة!

مستخسرة في نفسك ولا في ابنك الأجر؟

كل دا هيكون في ميزانك ليوم الدين..
يا حبيبتي هُم شوية تعَب في الأول وهتشوفي واللهِ كل اللي تعبتي فيه بيكبر قدام عينك في دين وخلق ابنك!

لما تزهقي افتكري أهدافك.. افتكري إنه لما يكبر هيدعيلك، وكل شخص هيستفيد على إيده هيدعي ليكِ عشان ربيتيه على دا.. افتكري ربنا لما يسألك عن الأمانة–تربية ولادك–هتردي بإيه؟
قصرت؟
ولا جاهدت يارب وتعبت عشان أكبره عارف الدين وبيطبقه؟

- الخِلفة رزق من ربنا كبير ميقلش أبدًا عن عِظم رزق الزواج، الاتنين مسئولية كبيرة جدًا ربنا يقدرنا ونكون قدها، المهم لما نُرزقها منضيعش الأمانة!


#زاد

لـغـةُ روحٍ🌼💜

03 марта 2024 20:26

أنا عمّال أقع واقوم أنا محتاج حل!

-طب مـأنت عندك ربنا ! يارب كرهني فالذنب ده، يارب شيله من قلبي
يارب نفسي أبقي من المُصلّين، ليه مبتجربش الباب ده " الدعاء".

م/ أحمد عامر

لـغـةُ روحٍ🌼💜

02 марта 2024 17:22

التربية من 4 ل 12 سنة
1. بنت او ولد مفيش لعب او بقاء برة البيت بعد الساعة 8 .
2. 30 دقيقة قراءة في اليوم .. ( كتب هما الي يختاروها )
3. الأب يخف من قول " انا طالع عيني في الشغل" ويقضي وقت مع عياله
4. متضربيش ابنك وتحضنيه لما ينام .. ابنك محتاج الحضن وهو صاحي !!
5. مفيش مهرجانات ولا اغاني تشتغل في بيتنا .. في كلام ربنا
6. خد ابنك الصغير او بنتك معاك المسجد .. حببهم في بيوت الله.
7. مفيش أفلام .. في كارتون محترم
8. بنتك متتسابش مع ولد او رجل حتى لو موثوق فيه .. وبلاش تهاون في الموضوع ده !
9. الساعه 9 يكونوا في سريرهم
10 .آية الكرسي قبل ما يناموا .. وبعدها حضن كبير
11 . يكون موجود جدول للصلاة .. واللي يلتزم يجيله هدية
12 . ولادك ميسمعوش عن خناقة بينك وبين أبوهم ولا حتى صوت عالي
13. إبنك يشوف احترامك لمامته .. علشان يحترم زوجته ..
14 . مفيش تدخين جوه البيت ولا قدام ولادك حتى من الضيوف
15. الاستحمام وغسل السنان كل يوم
16. لما يتكلموا اسمعوا لهم حتى لو كلام تافه ..
لو مفيش انتباه لكلامهم النهارده .. مش هيتكلموا خالص بكرة !!
17 . مفيش نت نهائي في السن ده غير تحت اشرافكم
18. حاولوا يشاركوا في رياضة في سن مبكر
19. نعلمهم يحبوا الناس كلها .. ومنغتبش خلق الله قدامهم
20. علموهم يثقوا في نفسهم وشكلهم ( خصوصا البنات)
21. علموا الولد يحن على اخته ويخاف عليها
22. علموا البنت تحب أخوها وتخاف عليه

استعينوا بالله ..
الجيل الجديد ده محتاج وقفة بجد ..
احنا في ناحية والافلام الهابطة والمجتمع في ناحية !!
مش عايزين جيل متحرشين جديد
مش عايزين جيل محطم نفسيا ومش واثق في نفسه !
مش عايزين جيل واخد الدين عادة ..
عايزين نعلمهم الأخلاق.
-وليد راضي.

•أثـر طـيـب. || #يلا_نتغير.

لـغـةُ روحٍ🌼💜

29 февраля 2024 19:11

يا عباد الله! الصلاة ثم الصلاة ثم الصلاة!
يا عباد الله، والله إن الدنيا برمتها وأشغالها لا تعدل حرفا واحدا من ذكر أو آية تقرؤها في صلاتك.
حبل النجاة بينك وبين ربك؛ الصلاة.
وأنت ميت، لا محالة ميت!
تحمل على الأعناق في سباتٍ وتدخل قبرك في سباتٍ وتترك وحدك.
أعدوا لهذا اليوم وصلّ، إذا أذن المؤذن قم وانتفض واترك ما في يدك، ربك يناديك فاستجب النداء.

رب العزة أم شغل الدنيا؟ الصلاة الصلاة يا عباد الله. 🪶💚