-
زعل والموت ابوفاضل..رواها طشر للعده ونکس ......رواها عطاشه الطف شبل حیدر..رواها کفو ونعمین ابن حامی الحمیه بقلم ➖#عاشقة الحسین ع ✖️
لسان حال العقيله زينب تخاطب
أمير المؤمنين علي (عليهم السلام)
يمن سيفك سگيته ادموم بعداك
تـسعـــر بالگلـــب نيـــران بعداك
تمــوت اليـوم وآنه ٱشلون بعداك
علــه الهــزل يضربــونـي وسبيـّه
✍ أم حيدر مكي النصاري
لكريم أهل البيت الحسن المجتبىٰ ع
چـــن اشوفن للحسن وگفت ألوف
امگد رحمتـــه الناس ملتمه ابفخر
وچــــن اشوف اتغاره يوميـّه يزود
ايطبخه ابــــوفاضل ويوَزع بالنظر
وچـن اشوفن چف ابوالغيره ثجيل
بيـــــــــده لازم جربه ويفض الگمر
وچـن اشوفن تحلا بچفوفه الدلال
الگهوه تشبـــــــع من ابوفاضل نهر
وهم اشوف امضيف ابومحمد چبير
مگد نفس زينب صبرها اعله الدهر
وچن اشوف حسيـن ماطايح چتيل
ولا عليه ملتــــــــمه قَذره ولا خطر
وچن اشوف الأكبر ابهيبــــــــــة أبو
ونـــــــور وجها عاكس ابوجه البشر
والحسن شابگ سكيــنه وكله شوگ
ابگلبه فرحه ايعرسه جاسم لو كبَر
وچن اباوع زيـــــــــن العباد ابأمان
لا برجلينه سنـاسل لا حجــــــــــر
وچن اشوف اطفال مالامسها خوف
ولا تــــدوس الشوك لا داست صخر
وبلاخير ابگلبه چـــــــن بانيله بيت
ويابخيــــــــــت العد ابومحمد فطر
وعفيه امضيــف الي شايل كله هاذ
ابـــــــــــــزود راعيّه يفرشون السفر
الكرم والجـــــــــــود راسخ للچريم
والحسن حامل وسامـــــــه وانتصر
✍🏻 أم حيدر مكي النصاري
تاريخ: السبت - ١٤ رمضان ١٤٤٣
في مناسبة مولد حسن المجتبىٰ( س)
ابدليلي الهم فَرح شايل حسن هم
ويضل مرســــوخ للعالم حسن هم
انولد بيت النـبي وضوّه حسن هم
وحِسِن إلها الحَسن أمنـــه الزچيه
✍ أم حيدر مكي النصاري
في شجاعة (الأڪبر) عليه السلام
چواهم چويّت المحروگ گلب سافلها عاليها
كمش لحية ابن غانم وگاع الطف كنس بيها
معروف الشهم بيـه زود يدَور اڪبار يسبيها
والأڪبر عباس ازماطه
✍🏻 ام حيدر مكي النصاري
بمناسبة مولد الإمام المنتظر (عج)
امڪمّل آيــــاته
فـــرضَ وصلاته
يمهدي يمهـــدي
نور بـــــــــارينه
ضــــاوي اعلينه
يمهــدي يمهدي
ـــــــــــــــــــــــــــــــــــــــــــــــــــــــ
ارتـــــوّه حتى الهوه
ذكـــره للمرضه دوه
انحيي فخر الساده
نفرح ابجـيـته سوه
لبن شـــــــيال اللوه
البــــاري هذا الراده
راسخ ابهيــــــبة علي همنه باسمه ينجلي
بالحــگ هو المعتـلي يــــــــــــــــا مهدي
ياهوه الڪل البشر شوفته اتكحل النظر
وجها چن فلقة گمر يــــــــــــــــــا مهدي
القائد من جانه ها
نـــوّر دنيـــــانه ها
وينـــه العـادانه ها
(والناكركم نار ابعينه)
ــــــــــــــــــــــــــــــــــــــــــــــــــــــــــــــــ
افــرحت كل المله
اتنـادي يا مية هله
اتهنــــي ابمولوده
بالسمه نوره اعتله
زاهـي الله امعدله
مثــل حيدر عوده
شهر يا أجمـــل الشهر جاينه وجايب خبر
زاهيه حتـــــى الشجر يـــــــــــــــــا مهدي
البهجه تبقــــــه دايمه لبن حمـــــــاي الحمه
امعيّده ابجيته السمه يـــــــــــــــــــا مهدي
العـــــالم مسروره ها
چـــن كعبه ادوره ها
المهدينـــه اتزوره ها
(اتهز الشيعه ابكاروكه)
ـــــــــــــــــــــــــــــــــــــــــــــــــــــــ
رحمــــه من الله العطف
بيك محـــــــتار الوصف
غـــــــــالي يــا محبوبي
يحله باسمك كل حرف
نــــــــــاذر الگلبي وقُف
والك نــــــــــــاذر ثوبي
يحلا ابوصفه المدِح شيخ وعلينه يصِح
العاند ابعيــــنه ملِح يـــــــــــــــــا مهدي
انـــت يا أول عشگ عالي مگد الصدگ
گلبي بيكم محترگ يــــــــــــــــا مهدي
مهدي واجــــداده ها
شيخ اعله الساده ها
ويــــخسر ماراده ها
(الماوالاه اتغمه الدنيه)
ـــــــــــــــــــــــــــــــــــــــــــــــــــــــــــــــ
احبابــــه كلها اتجمعت
ابهالولاده افــــــــرحت
والبــــــــــــشر فرحانه
املاك تــتــــبارك اجت
اتزوره وباسمه الهجت
مهدي يــــــــــا مولانه
ابزوده جبريل اعتنه ابفرحه وسرور وهنه
ينادي محلاها اسنه يــــــــــــــــــــا مهدي
نوالي ليه حد العظم يمحي كل جور وظلم
ابجيته ينزاح الهظم يــــــــــــــــــــــا مهدي
يحكـم مهدينه ها
ابلهفه امتانينه ها
مرحَب ناديـنه ها
(ياشيخ امچانك بضلوعي)
ـــــــــــــــــــــــــــــــــــــــــــــــــــــــــــــــــ
رحمة الله الـواسعه
النور وجهك جامعه
الحَبـــــك ايلومونه
الخــــــلايق مقنعه
للسماء الســــــابعه
قائـــــــــد ويردونه
بس رضاه الغـــاية نموت حدر افيـــايه
آيه حُبـــــــك آيه يــــــــــــــــــــا مهدي
هوَ بس يحلالي عايــــــــــــش ابدلالي
غالي ابن الغالي يــــــــــــــــــــا مهدي
يا يــــوم انشوفه ها
المهدي ومانعوفه ها
كعبـــه وانطــوفه ها
(ورايتــــنه ابإسمه انعليها )
ـــــــــــــــــــــــــــــــــــــــــــــــــــــــــ
✍🏻 حيدر مكي النصاري
تاريخ:: السبت - ٩ شعبان ١٤٤٦
2025-02-08 ميلادي
🕊°●
يعباس نورك يعباس
ملا: حڪيـــــــم النــــصاري
كلمات: حيدر مكي النصاري
في شجاعة ابا الفضل العباس (؏)
چَف يشگ حلوگ بالطف چف ابن فارس مضَر
صَگع يصگع ردم يــردِم سيـــفه يالهم من شهَر
ماتت النــــــاس ابركضته اتنادي من اين المفَر
يا چف ايلاوي الچفينه
✍🏻 ام حيدر مكي النصاري
#بمناسبة مولد الإمام الحسين [ س]
شهر شعبان من أشرق #هلاهل
عليــــنه والدمع مُفرح #هلاهل
الطيور اتغرّد ابحبــــه #هلاهل
لبن خيـــــر البَشر سيد البريّه ـــــــــــــــــــــــــــــــــــــــــــــ
✍🏻 أم حيدر مكي النصاري
الڪعبه اجاها انذار
☆✦☆✦☆
بصوت ملا حكــــــيم النصاري
كلمات أم حيدر مكي النصاري
°●
انزاحت الأشرار
☆✦☆✦☆
بصوت ملا محمد رضا الكربلائي
كلمات أم حيــــدر مكي النصاري
°○
كلمات: الشاعرة ام حيدر النصاري
الرادود: محمد رضا الكربلائي
°○
هوسه في حق مولاتي فاطمة الزهراء س
منزله انطاج الجَلالة وآية خصّچ فاطمة
والعفــافج دنيّــه رفعـت راســها يالعالمه
انتي نبراس الإمامه وسيف عالشر قائمة
ام زينب قرآن الثاني
ام حيدر مكي النصارى
في حق السیده ام البنين( س)
المنیــه ام الگمـر لمـن #وفتهه
نحیله الحزن مرمـرها #وفتهه
مواقف ڪربلا تشهــد #وفتهه
الفاطم ضحت الیوث الحمية
✍🏻 أم حيدر مكي النصّاري
في حق أم المؤمنين خديجة
الكبرىٰ سلام الله عليها
حيلي من الهَضم للراح ينشل
و دمــع العيــن للغيـاب ينشل
يفـاطم كثـري الــونّات ينشل
نَعـشها اليــوم اُمّچ يــا زچيّه
✍... أم حيدر مكي النصاري
في حق كريم أهل البيت حسن المجتبىٰ
صِفاتك تشبــه المختار وچفّك للعطـىٰ ممــدود
ولمضيفك يــشهد التاريخ بابه مايضِل مسدود
هاشم للكــرم عنـــوان ماتنـوصف كلــها احيّود
( تاريخ الهمّ يشهد يومه )
✍ .. أم حيدر مكي النصاري
☜.. إجتماعيه ○°
شبـــــــــه اعمِه وانام الليل وقفاه
ومثل موي البــــحر لدموع وقفاه
صديقي الچان الي ويَــــاي وقفاه
وگف ويــــــــه الدهر ضدّي عليه
✍🏻 ام حيدر مكي النصاري
أبوذية
انه وگلبي ابمحبته ادهور ضعناه
ولفي وبالدليل امچــــــان ضعناه
مثل نوح ابسفينه وشَـال ضعناه
وسهم فَرگـــــاه خله اسموم بيـّه
✍🏻 °○ ام حيدر مكي النصاري
بمناسبة ولادت الإمام زين العابدين [س]
الله بشّر ابواليّمه وزيـــــــــــــــن العبـاد انولد
وچن يضل ابليس مچوّي لَم لَم احبـاله وگعد
انگطع ظهره ابصياره صاح هذه اهوّه السجد
وشرفها السجده ابإيمانه
✍🏻 أم حيدر مكي النصاري
بمناسبة مولد أبالفضل العباس( ؏)
يعبــــــــاس نورك يعبــــاس
مله الكون ساطع عله الناس
نــوره سطع عباس
نبض الگلب عباس
يعبـــاس نــــــــــورك يعباس
مله الكون ساطع عله الناس
ـــــــــــــــــــــــــــــــــــــــــــــــــــــــــ
يسحر جماله الكون /فلقة گمـــــر يدرون
ماكــــو مثيله
يشبه علي ابـــــزوده / ماخذها من عوده
وامـه الاصيله
ابراعي الوفـــه نفخر / ونهني بيه حيدر
واخته الجليله
نقرأ الفــــــلق كامل / زينـه وخُلق حامل
ابصوره جميله
ابحلاتـــــــه ماكـو ابحلاته
أبالفضل تـــــــزهي صفاته
ضوّه الارض عباس
راعي الوفه عباس
ــــــــــــــــــــــــــــــــــــــــــــــــــــــــــــــــــ
صوت الفـرح صداح / دنيه ظلمها انزاح
نوّر سمـــانه
عطره انتشر فواح / گلب المُحب مرتـاح
الغالي اجانه
كــــــافلنه شع نوره / والدنيـــــه مسروره
فرحت معانه
من زغره ابوالنوماس/غيره وشهامه احساس
يشهد مكانه
ابو الجود يا محله ابو الجود
الــــورود وانطشها الــــورود
يسوه الورد عباس
وجها الگمر عباس
ـــــــــــــــــــــــــــــــــــــــــــــــــــــــــــــ
بهجتنه الچــــــبيره / العباس ابـــــو الغيره
افضاله عديده
شامخ حليف الذات / تحله ابـــــزوده ابيات
اوصافه مجيده
ابطاري العشگ ايذوب / گلب المحب ميتوب
لبن الصميـــده
كافي الإسم عنــــوان / راسخ ابــــــو الإيمان
نهوه نـــــريده
املنه الكــــــــــافل املنه
ابوالجـــــود يبقه سندنه
يبـــقه سند عباس
رحمه ونزل عباس
ــــــــــــــــــــــــــــــــــــــــــــــــــــــــــــــــ
مولد گمر عدنــــان / الشيعي صبح فرحان
صفگ بدينه
اغلا واعـــز ناسي / يا مــــــالك احساسي
نقبل يمينه
نهتف ابعالي الصوت / لبو الوفــــــه للموت
شايخ علينه
بس راعي النخــــــوه / خوّتــــــه بس خوِه
ينطيها عينه
العيـــون يشلعها العيون
بالطفوف كافلها ام عون
نعــــم الكفل عباس
راعي المجد عباس
ــــــــــــــــــــــــــــــــــــــــــــــــــــــــــــــــــ
تتنــــــاثر الأوراد / والشمعه بالميــــلاد
نعلگها لجله
انـــزاحت الأشرار /جـانه البطل مغوار
دنيانه تحله
ونهني المختــــار / ونهني حامي الجار
كافلنه مثله
امعيده احبـــــابه / فرحـــــانه اصحابه
راية تشدله
ابمحبته الخوة ابمحبته
والعيون نـــــاذرها لخته
نـــــاذر نذر عباس
يفدي النظر عباس
ــــــــــــــــــــــــــــــــــــــــــــــــــــــــــــــ
✍🏻 حيدر مكي النصاري
السبت - ٢ شعبان ١٤٤٦
2025-02-01 الميلادي
بمناسبة مولد ابالفضل العباس[ س]
هله ابعبــاس أبن فارس #بدرها
الوفيّه الجــابته واشرق #بدرها
غـــذّت للگمــــر خــــوّه #بدرها
يوافي الزينب اخته الهاشمية
✍🏻 أم حيدر مكي النصاري
( للگصبة الحبيبة)
سارح ابعالم خيــــالي وذڪرت گصبة هلي
وذڪرت ذيــــچ الحموله يعرُب ابهيبة علي
حگي لو افخـر باسمها والها اصيـــح ادللي
( ابنخوة عامر نصاري)
✍🏻 ام حيدر مكي النصاري
(مولد امير المؤمنين علي ؏)
الكعبه اجــاها انذار
جايــــج علي خطار
مولانه مولانه مولانـــه علي
مولانه مولانه مولانـــه علي
شمس ضوّه بنوره علي الكرار
ملامح وجها چن نبي المختار
الكعبه اجاها انذار
جايــج علي خطار
مولانـــــه مولانه مولانه علي
مولانــــه مولانه مولانه علي
ـــــــــــــــــــــــــــــــــــــــــــــــــــــــ
جانــــــه الشهم جـانه / والأمه فرحــانه
حيــدر علي الصگار / ابميــــلاده مولانه
صاطع سمانه ابنور/ مولد بــــــدر البدور
ظلم الخصوم انزاح / عالـَــم زهَر مسرور
شفيع الأمه چفه حامينه
بعد طاها حيدرنه والينه
للشيعي رفعة راس
عِزّ وشـرف نبراس
مولانه مولانه مولانه علي
مولانه مولانه مولانه علي
ـــــــــــــــــــــــــــــــــــــــــــــــــــــــ
عِــــزّ وشرف لينه / يستــــاهل الزينه
امفـــــسِر القـــران / كــــل آيه غالينه
واجبــــــنه انطيعه / ونـعلن اله البيعه
لا مايخيب الظن / شيعه ونضل شيعه
رفَع شانه ابزغره علي ربّه
علي فاز الي يمشي ابدربه
رب العَـــرش علاه
الحــــقّ علي وياه
مولانه مولانه مولانه علي
مولانه مولانه مولانه علي
ــــــــــــــــــــــــــــــــــــــــــــــــــــــــــــــــ
الحــــق علي اينصره / والكـــــافر ايدمره
ايهابه كــــل الكون / ابچف العـــدو جمره
ابايده يمحي الجور / الباطل صبح مدحور
يبگه الذهب لوّاح / يبگه المجــــــد مشهور
ترف رايــــــه بايده ترف رايه
اعله خط طٰه حيدرنه مشايه
اصروح الگبل طاغين
تذبحــــها خزرت عين
مولانه مولانه مولانه علي
مولانه مولانه مولانه علي
ـــــــــــــــــــــــــــــــــــــــــــــــــــــــــــــــ
خــزرَت علي المغوار / نــــار ابگلب لشرار
لو عله صوته وصاح /يخرَس خصمنه العار
چفـه صلب ميهاب / والعــدو ظهره انعاب
جـــــدمه تهز الگاع / مايــــــرد ابـد طلّاب
شهم كلــه غيــره سبــــع ريال
يفَگس اعيون الشر سهم چتال
يانخوة اهل الزود
ومخلفينه احيـود
مولانه مولانه مولانه علي
مولانه مولانه مولانه علي
ــــــــــــــــــــــــــــــــــــــــــــــــــــــــ
✍🏻.. ام حيدر مكي النصاري
تاريخ: 9 ژانویه /2025
۸ رجب ۱۴۴۶
في مناسبة مولد الإمام الباقر ع
انزاحت الأشرار
وعالِم الأنــــوار
إجانه / إجــانه
امحمّد الباقـــر
بــــــالعَمل ثابِر
إجانه / إجانـه
ـــــــــــــــــــــــــــــــــــــــــــــــــــــــــــــــ
هالملائك حيــــــــــــيته
اتهنـــــــي طاها ابجيته
يابـــعد شوگي وغرامي
بالدليل امحبــــــــــــته
عفيـــــــــــه أم الجابته
ياشرف ناسي و وسامي
يا صلاتـــــــي ومبدئي يا نجاتي ومنشأي
يا حبيبــــــي وملجأي يـــــــــــــا مولاي
يا عِلم حيــــدر علي بالحگ انت المعتلي
باسمك الهم ينجلي يــــــــــــــــا مولاي
الباقر من جانه ها
نوّر دنـــــــيانه ها
ساطِـع بسمانه ها
[ والباقر چن حيدر ثاني ]
ـــــــــــــــــــــــــــــــــــــــــــــــــــــــــــــــ
عِلمه مــــن عِلم الرسول
منه تحتــــــــــار العقول
ولله خيعونه اليـــــزوره
نال نـــــــوره من البتول
ومن علي فَحل الفحول
عالمَله فاحــــت عطوره
البــــــــاري راده وكَرّمه تاج بيــــــده سلمه
صار للعالــــــــــم حمه باقر العتــــــــــــره
المثـــــله كلها اتبايعه صيته بالحگ شايعه
المنـــــهج اهوه تابعه باقر العـــــــــــــتره
شاعت انـــــــواره ها
باقـــــــر واسراره ها
هاي احله ابشاره ها
[ من طاها علمه وايمانه ]
ـــــــــــــــــــــــــــــــــــــــــــــــــــــــــــــــ
هيّه ليـــــــــــــــلة مولده
كلنه جينه انعــــــــــاهده
ابحبــــــه أنه أعلن ولائي
يبقـــــــــــه تاج الرافضه
ضد نفـــــــوس المغرضه
ابطريقـــــه افدي دمائي
وجها چن طلعت شمس من علي ماخذ درس
ايضحي حَد آخر نفس من نسل طاهــــــــــر
خلق باقر هالغيـــــور الله سبحـــانه الغفور
أشرق اعله دنيه نور من نسل طاهــــــــــر
وينه العادانه ها
نار ابصيـوانه ها
باقر بحـمانه ها
[ والمارادك نار ابعينه]
ـــــــــــــــــــــــــــــــــــــــــــــــــــــــــــــــ
زيّن العبـــــــــاد ابفرح
صدره ابجيــته انشرح
لله ساجـد ضَل يِشكرَه
گلب عدوانه انجــــرح
والي عالشيـعه انطرَح
والمخالف چف يسطرَه
عمّه سبـــــــع الگنطره ذاك فارس حيــــدره
ابوفاضل مفخــــــــره ابحقه نتبــــــــــــاها
رفرفَت رايـــــة مجِد لله سبحــــــــانه الحمِد
نتلي بآيـــــــاته ونرِد ابحقه نتبـــــــــــــــاها
باقر ميـــــلاده ها
مفخـَـــر لساده ها
هيبه الأجداده ها
[ ومحمّد طاعون إعدانه]
ـــــــــــــــــــــــــــــــــــــــــــــــــــــــــــــــ
بقلم أم حيدر مكي النصاري
الأربعاء - ٣٠ جمادي الثانيه ١٤٤٣
۱۴۰۰/۱۱/۱۳ ت
بمناسبة مولد الزهراء ع ويوم الأم
من تچنه
من تچّنه اچفيل زينـب شايـل اعلام الفخر
هلهلت زينــب ابزوده اودگت ابظهره الظهر
گلها امنــي ابزود عَزمــي مايمُر بيچ الخطر
بس رايد زلمه ايلاگيني
_____
✍🏻 ام حيدر مكي النصارى
في حق ام البنين( س)
چــن اشوفن شمس متگبعه ابحجاب
أمضيعه أنجـــوم أربعة بيـــن القبور
وچـــــن اشوفن گابعه ابهمها وتنوح
والحــــزن منديـــل غاطــيها الزهور
وچـــن اشوفن عينـــــــها تمطر وفاء
وهيه البيــها المثـــــل يضرب دهور
امضيـعه أقمار المشت تفدي العيون
وامضيعه اهلال السقط ويه البدور
تكسر الخــــــــــــاطر تدور بالوجوه
وروحها مذبوحه چن طيــر ويدور
وبيها حرگة ضيــــم مايطفيها ماي
تبگه عطشانه اعله المگطعه النحور
هيــه أم عبـــــــاس هاي أم البنين
ابوفـــــــــــاها تحلف الوادم مرور
وأم وفه حتــــــــه الوفــه منها يغار
ابحيث من درها شرب غيره الغيور
وكربله من الوفه رضعت وفــــــاء
بيـوم طاح الچف وضل الّدَم يفور
تبـــــــــقه أم عباس نبراس الزمان
والزمان البيــــــــها ثبّت هالفخور
✍🏻 أم حيدر مكي النصاري
(صيحولي عباس)
صيــّــــــاح ابفاتحه صيحولي عباس
وعلىٰ البيبــــــــــان طشوها الرسايل
يعيروني بقيت وحيـــــــــده بالشام
وهــــــــذاك الشام عاد اعليــه عايل
يسّن سچّــــــين ويهددني ذبـــــاح
وشواربـــــــــــكم تهز كومة عوايل
هلي ولو مــــــا هلي بالضيج ماريد
اريـــــد اغفه علىٰ اچفوف الكفايل
هظيــمه اعلىٰ السبــاع اتنام بالكاع
يخيعونه اويـــه اهله ابظلمه شايل
انه الحـــــــره العقيلة بنت الحيود
اخـــــــاف ابالهم ذولـــــــه الرزايل
امس ذاك الوجه يصطرني عالنوگ
واجاني اليــوم عد الحضره حايـل
بعد حيل الركض مابيــــــه معدوم
ولا اكدر اصيــــــــح ودمعي سايل
يه مُرّه السالفه وتنعاد فشله اتكون
ارجع انسبي و چــــــن حملي مايل
✍🏻 ام حيدر مكي النصاري
/channel/lajmmmm