-
زعل والموت ابوفاضل..رواها طشر للعده ونکس ......رواها عطاشه الطف شبل حیدر..رواها کفو ونعمین ابن حامی الحمیه بقلم ➖#عاشقة الحسین ع ✖️
حشة الأطياب
ابيـــــــــع الروح لليـسوه #ونصها
وعله الموگدها مااعتــب #ونصها
ثلث طاحوا من اعيوني #ونصها
مايملكون أبـــــــــد غيره وحميه
✍🏻 ام حيدر مكي النصاري
بمناسبة مولد ابالفضل العباس[ س]
الوفيّه الجــابته واشرق #بدرها
وغذّت للگمــــر خــــــوّه #بدرها
يشيله حسين ابن فارس #بدرها
ويقدمه الزينب ايهني الأبيه
✍🏻 أم حيدر مكي النصاري
#بمناسبة مولد الإمام الحسين [ س]
شهر شعبان من أشرق #هلاهل
عليــــنه والدمع مُفرح #هلاهل
الطيور اتغرّد ابحبــــه #هلاهل
لبن خيـــــر البَشر سيد البريّه ـــــــــــــــــــــــــــــــــــــــــــــ
✍🏻 أم حيدر مكي النصاري
الهوسة الأهوازيّة
ٱحنـــه سورة لظه التدوي ٱلعجّزت متن الوغىٰ
وٱحنه سیــــف البي منایه العفّر اخدود البغىٰ
یظل عزم احسین بینه الفرک خیشوم الطغيٰ
((من لاگه الموت ابصولاته))
شيخ ملا غلام أبو محمد
ـــــــــــــــــــــــــــــــــــــــــــــــــــــــــــــــ
حسين بَحر من الكرامه وألف هنيـاله الغرَف
واحنـه ربّــات المراجل شيعه عنوان الشرَف
احزام واحد عالكلايف عدنه مصدر والهدف
نحرگ عين أم الوهابي
✍ أم حيدر مكي النصاري
ـــــــــــــــــــــــــــــــــــــــــــــــــــــــــــــــ
مجاراة مع أستاذي☝️
#بمناسبة_عيد_المبعث
خطيت الشعر باشواگ وبالأفراح گلبي استر
محمّد رحمة البـــــــاري وإله الكون اِله بشّر
طاها وصل للمريـــــــود وانزاح المَكر والشر
والشيخه الطاها وأولاده
✍🏻 أم حيدر مكي النصاري
بمناسبة ميلاد أمير المؤمنين علي س
أشرت للكعبـــــــــه أمـه وفتــح بيبـانه الجلـيل
انطَـــر جدار البيـت إلها وصــــــــار للعالم دليل
لجل ابو الحسنين حيدر ضيّف ام حيدر دخيل
و لمحيدر طراها الطوفه
✍ أم حيدر مكي النصاري
بمناسبة مولد باقر العلوم ع
باقر اعلـوم الرساله وخامس أنوار الإباء
باقر الخاتم نهجهم آل بيت أهل السخاء
باقر الي كان حاضر يـوم ضجت كربلاء
بيدين الحر عم الساده
✍🏻 أم حيدر مكي النصاري
الأبوذيّة
مثـل كـاروك دارت #لامع_آني
الدنيــه وابهظمــها #لامع_آني
عظيـم الي يشيـله #لامع_آني
گلبــی امگطـع ونـازف عليه
✍🏻 أم حيدر النصّاري
في حق السیده ام البنين( س)
المنیــه ام الگمـر لمـن #وفتهه
نحیله الحزن مرمـرها #وفتهه
مواقف ڪربلا تشهــد #وفتهه
الفاطم ضحت الیوث الحمية
✍🏻 أم حيدر مكي النصّاري
الأبوذيّة
هَواهـم يـسري ابريتي هواوين
وجِفاهم كسَراضلوعي هواوين
اريـده الينشد ابحـَالي هواوين
بعد ماضَل صديـج ايحِن عليّه
✍🏻 أم حيدر النصّاري
عتــــــاب
والله حبّيتك عشق يذبَــــــــح قتيل
و واهس العنــدي الك يعميله عيـــن
وعندي ابيـــــــات الغزل لجلك تهيج
شما أخط احروف أضلّ مطلوب دِين
وچنت اضنـــّك منتظرني ولهفه بيك
ثــــــــــاري متعلم علىٰ الفرگات زين
جاي أقنــــع روحي وافكاري ابهدُوء
المشكله ماتقتنـــــــــــع تمطّر حنين
وچ يروحي مـــــــو بعد بسّچ هموم
اقتَنــــــعي ماعدهُم گلب لاترتجين
وهم أرد أزعل واتـــــاني ابكل وفاء
وچنّــــــــي امعلعَل أرد ذاك الحزين
ومرّه اضمّ اسوالفي بروحي إشتياق
ابگلبي ادفنــــــها واردن چنّ سجين
تدري من اللهفه مــــــــافرزن اشوف
وعزته الدنيّه انت عندي شي ثمين
وشوگي الروحك دفو ابليــلة شتاء
وگلبك الفاهي ولا چنّـــــــــه فطين
اشلون اقــنَعها وانه المتروس ضِيم
اشوكت ترتاح روحي بيـــــــا سنين
ومشكله امبـين علىٰ عيوني انتظَار
وابقــــه گولن سهله الله المستعين
✍🏻 أم حيدر النصّاري
تاريخ / ٦ جمادي الثاني ١٤٤٥Читать полностью…
بمناسبة ميلاد العقيله زينب( س)
وحگ بیت الّي كلمـن حیّداره
ادمــوع الفــرح منــی حیّداره
یشیعي ابتشر وافرح حیّداره
علي، الدره العقیـله الهاشمیه
#أم_حيدر_النصاري ✍🏻
حشه القارئ
عليه الچنت اودهااسيوف ياريت
ومـن حـزنــي ولا مخـلوق ياريت
عساهــا الـروح تطلع كـون ياريت
ولا منــهم ادوینی ايــمـِـن عليـّـه
✍ أم حيدر مكي النصاري
اللهم نسألك الشفاء والعافية
غده ابعظمي المرض ياكل ولا شف
وصبـــح جفني دمع ينزف ولاشف
يريت العيـن هم عميـــــه ولا شف
ذليله والحـــــــــــــــزن خيّم عليه
✍ أم حيدر مكي النصاري
نسالكم الدعاء يا أطياب 💔
محرم الحرام: ليلة العاشر بحق الحسين (س)
بلخيم احسين جالس و ودع العيله الكرام
گلها زينب خويه رايـد افني هالزمرّه الائام
باري العيله يحـره وباري سجـــــاد الأمام
وباريها يالحره ايتامي
راح يصعد فوگ صدري ويذبح ابراسي الشمر
وعالرمح راسي يحــــــره يشيله شراب الخمر
وتنسبي العيله يزينب وعالجمر تمشي الخدر
وتتعثّر بالحومه اطفالي
✍ أم حيدر مكي النصاري
بمناسبة ولادت الإمام زين العابدين [س]
الله بشّر ابواليّمه وزيـــــــــــــــن العبـاد انولد
وچن اشوف ابليس مچوّي لَم لَم احباله وگعد
انگطع ظهره ابصيــــاره صاح هذه اهوّه العبد
وشرفها السجده ابإيمانه
✍🏻 أم حيدر مكي النصاري
#بمناسبة مولد الإمام الحسين عليه السلام
اتجمّعت كــل الملائــك وافــرحت كل المــله
ابنور سبــط النبي الهادي حسين الله امكمله
ايهني جبـــريل النبینه ومَهـــد لجـله امعدله
وابمهده ايهز ابجنحانه
بـيك انــــولدت الأقمار يا شعبان وامنوره
سفّان السفينه حسين ولد الطاهره الحره
عبــــاس وعلي السجاد والأكبر بزغ بدره
وسيف الحگ عالشر مهدينه
✍🏻 أم حيدر مكي النصاري
#بمناسبة حلول شهر شعبان المعظم
انبـــارك الأمه ابقدومه شهر شعبان الفضيل
بيه يبزغ نــــــــور هاشم ولِد حماي الدخيل
افرحت كل الخليقه ابفضل سبحان الجليل
من جانه الحگ بيّن نوره
✍🏻 أم حيدر مكي النصاري
#بمناسبة_عيد_المبعث
منهاج النبوّه اصلاح ومحمّد للنـهج غايه
حكم رب الجلاله وقــدّ كَرّم للنبـي ابهايه
رسول الأمه والإسلام وقائد شايل الرايه
سلمها الحيدر هادينه
✍🏻 أم حيدر مكي النصاري
#مبعث_الرسول
أهني حي هلي ابعيــــــده وجاري
الرسول الأمه اخط شعري وجاري
الدمع بالعين هم مستـــــر وجاري
انبعث شيـــــخ الأمم سيد البريّه
✍🏻 أم حيدر مكي النصاري
في حق أمير المؤمنين علي ع
شرف للكعبه الشريفــــــه ينولد بيها الشرَف
والماعرَف حيدر علينه خسر عمره وماعرَف
هدَف بارينه الصميــــده يكون للكعبه هدَف
نيشنها الكعبه وطراها
✍ أم_حيدر مكي النصاري
السلام عليكم ورحمة الله وبركاته
إذا كانت لديكم أية استفسار
حول الأشعار المنشورة، بإمكانكم
مراسلتي علىٰ هذا المعرف..
@a713641
@a713641
@a713641
#هوسات
(بمناسبة ميلاد الطاهرة فاطمة الزهراء س)
سارح ابعالم خيالي والفرح صوته اعتـله
أليله ميلاد الزجيه يا هـــله ومية هــــله
يا هله ابضعة محمد البيها كل هم أنجله
مبتشـره الدنيه وفـرحانه
_
سارح ابعـــالم خيــالي ومنـي انزاح الكدَر
ازَهت الدنيــه ابــوردها والعطـر كله انتثَر
ايهني جبريل المحمد وعالم الكـون ابتشر
باقدومچ يا بت الهيبه
____
بأسم ام الحسن هليـــوم شَــع الكـون انواره
عنوان العـرش مرسوم بتـول المعدن اسراره
خرالهاالوجود ابحيث خشَع واتكدرَت اشراره
يا سِـر الكون وايمانه
___
فرحت العـــالم جَمعها والبـــلابـل غَردت
رحمة الله انزلت فاطم والملائك افرحت
ضوّت الدنيــه وسماهاو الخَلايق هلهلت
امبارك عيدچ هليله
___
✍🏻 ام حيدر مكي النصاري
چن اشوفن
أني
أني احِس روحي تطِيح اويّـــــه
الدمو؏...
أم حيدر النصّاري ✍🏻Читать полностью…
في حق ميلاد بطلة كربلاء زينب س
العَفـافـچ ضوّت الدنيـه وسم ها
وتزهي ابعطرج الطيب وسم ها
نبيــنه الخــاتــم الأمــه وسم ها
زينــب فَخـَــر ســـادات البـريّه
✍ أم حيدر مكي النصاري
#حزني
حزنــي وهم البگلبي شباني
ومثل تنــور الموجّـر شباني
وينــه الي يمـر داري شباني
يسألني ويشيـل الحمل ليّه
✍ أم حيدر النصاري
في حق الرسول الأكرم (ص)
حزن خيّـم علىٰ العالم ولكوان
يگلبي عالنبــــي الأمـه ولكوان
اهمومی المرّدن چبدی ولکوان
فــــــرگة والـــدی أعظم رزيّه
✍ أم حيدر مكي النصاري
في دفن الأجساد الطاهرة 🏴
العده واسیوفها تخسه کفنهم
او یاهو اللي يصح فنّه کفنهم
غســــــلهم دم والترابه كفنهم
الحسين و هله وصحبه الأبيّه
✍ أم حيدر مكي النصاري
لسان حال عقيلة الطالبيين (س)
سبــايــه وعــالهزل لشام شلنه
وسوط الشمر عالمتنيـــن شلنه
بعدعينك يخويه حسيـن شلنهِ
ابعمُر،دونک یبـن حامی الحمیّه
✍ أم حيدر مكي النصاري