-
زعل والموت ابوفاضل..رواها طشر للعده ونکس ......رواها عطاشه الطف شبل حیدر..رواها کفو ونعمین ابن حامی الحمیه بقلم ➖#عاشقة الحسین ع ✖️
لسان حال مولاتي العقيله زينب (س)
یحــادی الضعن بالله اعلیڪ یَن یَن
راســـي مـــن همــوم البـیــن یَن یَن
المنادی اسمعته صاح بصوت یَن یَن
علــه الهــزّل خوات ابـــن الزچــیه
✍ أم حيدر مكي النصاري
هوسة: في رثاء مسلم بن عقيل عليه السلام
مسلم والنــعم مسلم طــرّ الكوفه من اشتـدّ
وابزوده البطل مغوار چــن طوفان بيهم هدّ
حاصرهم وهوه اوحيد سد الهوه اعليهم سدّ
چن حيدر رد يرعِد بيها
✍ أم حيدر مكي النصاري
هوسات: في حَق العليله عليه السلام
سارت اضعون الأحبـــهم وحمّلت كل الأهل
شدو ارحيــل المنــــايه وانگطع منــي الأمل
اعليله بين الدور ظلمه وروحي تنطر للأجل
{ عالراحو بالهم خلوني }
راحوا وخلوني اهلــي والگلب زايــد ونين
وروحي للطيبين حنّــت للغوالي وللحسين
ليش اهلي ماخذوني وليش ماحن الحنين
{ مشتاگه الهم راحت عيني }
✍ أم حيدر مكي النصاري
تاريخ: الخميس _٣ محرم _١٤٤٣
محرم الحرام: ثاني يوم محرم
ازغار إكبـــــار نندب واحسيناه
إلك بيرغ يضامي هـــم نشرناه
ـــــــــــــــــــــــــــــــــــــــــــــــــــــــ
عله الذبحوه عاري اعله الوطيه
وبلايه غسل واختـــــــــه سبيه
عله الگــــــــادوها زينب هالأبيه
ابعالي الصوت نـصرخ مانسيناه
ـــــــــــــــــــــــــــــــــــــــــــــــــــــــــ
انعـازي المرتضىٰ ابهاي المصيبه
اجينــــــه انجدد البيعه الحبيبه
انواسي ابـــروح مقهوره الغريبه
نفدي ارواحنــــــــه لجله اجيناه
ــــــــــــــــــــــــــــــــــــــــــــــــــــــــ
نفدي ارواحنـــــه الزهره وابنها
حزن يعگوب ماصايـــــر حزنها
عميــــــه عيونها و وارم جفنها
تنوح حسيــــــن يمه وا غريباه
ـــــــــــــــــــــــــــــــــــــــــــــــــــــ
غريب حسيـن مسلوب العِمامه
ومكسور الصدر رضــوا عظامه
واطفاله بگت عگبــــــــه يتامه
تنوح اتگول ردنه الخيمه ردناه
ـــــــــــــــــــــــــــــــــــــــــــــــــــــــــــــ
تنـوح اطفاله ابوليمه الصميده
عله المطروح متوسد البيــــده
وسبع الگنــــــطره ذاك عضيده
تنعاه السمــــــه والأراض تنعاه
ـــــــــــــــــــــــــــــــــــــــــــــــــــــــ
چن تنعى الأرض زينب ابحيره
تمشي اميـــــسره ذيج الأميره
وعباس السبـع مات أبو الغيره
تنادى الحــــره تندب وا اخياه
ـــــــــــــــــــــــــــــــــــــــــــــــــــــــــ
انجدد كل سنـــــه هذا عهدنه
نحب حسين يخسه من يردنه
ابد مانعوفه أبــو اليمه عمدنه
ونهتف واحسيـــــناً وا قتيلاه
ـــــــــــــــــــــــــــــــــــــــــــــــــــــــــ
✍ أم حيدر مكي النصاري
تمت ولله الحمد / تاريخ
الأربعاء 1 محرم 1445 هـ
« ياحُسين »
ضَاگت الدنيـه وندبتَڪ يا حُسين، زحمه
مكسورة گلب وتعوفني... 💔
✍ أم حيدر النصاري
خلص كلشي..
خلص كلشي وماضي صرنه وذكريات
وخلص وكت الشوق ضيــّـعنه الدُرب
چنـــــه متعودين نغفَه اعلىٰ الحنين
وهسه صرنه حالنــــــــهِ حال الغُرب
✍.. أم حيدر النصاري
في رثاء الإمام السجاد عليه السلام
صبـح دمعي على اجفوني #منهلاي
وچبــدتي من الهضم تسعر #منهلاي
امگيــــد من يفك گيــــدي #منهلاي
وهلي خلصوا ضحايه اعله الوطيّه
ام حيدر مكي النصاري
في شجاعة ابالفضل ( من غير حرف الألف)
حين هَد زمزير گومه چَــن سبع مُغضب يكرّ
شهم ينـعَد كله غيـــره كـَــلفّ لو حدّ من يفرّ
سبـــــع يفرس ردّ خصمهم بيده دچهم للگبرّ
سلّ سيفه و حَدّر للجيمه
✍ أم حيدر مكي النصاري
لسان حال العقيله زينب تخاطب
أمير المؤمنين علي (عليهم السلام)
يمن سيفك سگيته ادموم بعداك
تـسعـــر بالگلـــب نيـــران بعداك
تمــوت اليـوم وآنه ٱشلون بعداك
علــه الهــزل يضربــونـي وسبيـّه
✍ أم حيدر مكي النصاري
*في حق الحوراء زينب سلام الله عليها*
أخــوي الوزّعوا عَظمه ولحما
ومشيت مگيّده ابهمي ولحما
دليـلي اشلون اطيـبنه ولحما
وخوتي بلادَفن فوگ الوطيّه
*ام حيدر مكي النصاري*
*في مناسبة استشهاد جواد الائمة (س)*
قطعه من مَنـهج محمّد سمّته احزاب النذول
والجواد أعلىٰ النقاوه ايعالج ابچبده ويجول
حزنت الدنيـّه ابأسرها لجل ضلع امن البتول
حزنان الحي لجل امصابه
*ام حيدر مكي النصاري*
*موعظة لاصحاب الضمير الذين يدركون الانسانية*
*لسان حال المريض*👇👇👇
من يچل اليل روحي اتهوي واتحن ما تنام
وانه بفراش المنيــّه اتزورنـي اتمنـه العمام
مااريد المال منــهم بس ردت منــهم سلام
بفراش الموت ايذكروني
*ام حيدر مكي النصاري*
*في حق الحوراء زينب س*
اونّ وعضاي حيل اتونّ لونّي
الدهر بفــــراگ خوانــي لونّي
لَـون ميــته ولا شوفــن لونّي
حسيــن ابكربلـه ماله تچيــّه
____
*مكي الحاج جبار النصاري*
لسان حال العليله بنت الحسين س
صبح ريجي ابجفه الوليان مرمر
احترگ گلبي وعليهم حيل مرمر
وينـــك يــاعميــد الگـــوم مرمر
يبويــه الــــدار هالظلمــه عليـه
ام حيدر مكي النصاري✍
#نسالكم_الدعاء
لسان حال الحوراء زينب سلام الله عليها
بعد ماقتلو آل بيت الرسول، وسبية بنات الرساله وبعد خروجهم من كربلاء مر بها
ركب السبايا على جثث القتلى... تقول
👇🏻👇🏻👇🏻👇🏻👇🏻
شكثر روحي عله الوليـان هامات
وعله ارماح العده تنـشال هامات
صحت بصوت ها عبـاس هامات
وانــه اعلـه الهزل امشي سبـيـه
___
ام حيدر مكي النصاري✍
#نسالكم_الدعاء
هوسات: في حق الأنصار حبيب بن مظاهر
واگـف اباب المخيّـــــــم وعينـه تربي للدرب
احسين ابواليّمه ويتاني الشيبه صگّار العرب
لبن ظاهر هالغضنـفّر رايــــّــــه ينطي للحرب
يتنگه الحر يلگط بيها
حبيب اشتـد عله الحومه وشايل بيـده الرايه
نــــاده يالعقيله وصاح الج يــــــم عون وفايه
عفت اديــــاري لجل حسين لبن الزهره عنايه
خدام العودج واولاده
خدامج يخت عبـــــــاس وقبليها الخدامه انريد
نفدي الروح لجل حسين ومانعوفه يضل اوحيد
نهدمها العساچـــر هاي وخنـــدقها ابحربها انعيد
وصفين اليشهد تاريخه
✍ أم حيدر مكي النصاري
هوسه: في رثاء مسلم بن عقيل عليه السلام
الكوفه خمَّد كل زلمها والعدو صابــــــه العمِه
من لفَــــــاها الأسد مسلم ذاك سبــــع الغانمِه
خله خيل بخيل تسحَگ والأرض صارت دمه
من طبها ابزوده العدناني
✍ أم حيدر مكي النصاري
محرم الحرام: نزول الحسين ع في كربلاء
حسيـن لرض الضيم شد ارحاله
نازل ابطـــف كربله اويه ارجاله
ـــــــــــــــــــــــــــــــــــــــــــــــــــــــــ
آل هاشم نزلـــــــوا ابطف كربله
نزلوا الارض المصايـــــب والبله
بيت حمــــــاي الحمه والمرجله
نزل بيها البـــــــطل ويا اطفاله
ـــــــــــــــــــــــــــــــــــــــــــــــــــــــــــ
نصب بيها الخيّــم بالهم والقهر
اعلينه ياعباس خويــه هالقدر
نزّل الحوراء بيــــــــدك يالگمر
خايف امن البين شيـنه افعاله
ـــــــــــــــــــــــــــــــــــــــــــــــــــــــــــ
ابهالارض خويـه يذبحوني تره
خويه يا عبـــاس سبع الگنطره
حارص انت تكون عينك ناظره
ديربالك تـــــــــوصل الخيــاله
ــــــــــــــــــــــــــــــــــــــــــــــــــــــــ
ابهالارض زيـنب تراهي تنسبي
يسرق الطفله رقيــــــه هالغبي
وتشرد النـــسوان من آل النبي
اعيون اختــــك بالدمع همـاله
ـــــــــــــــــــــــــــــــــــــــــــــــــــــــ
عالنيـاگ الهزل تـركب بت علي
وهالحماة الديـن تمشي بالخلي
اتصيح بعدحسين بالدنيه شلي
ضيـــــــّعت كل اهلي هالحياله
ـــــــــــــــــــــــــــــــــــــــــــــــــــــــــ
شب گلبها هالعقيـــــله العالمه
شلون سمعتـه يوصي الفاهمه
ناحت اعليـهم طيـور البالسمه
حايـره ومحزونه والهـم شاله
ـــــــــــــــــــــــــــــــــــــــــــــــــــــــ
✍ أم حيدر مكي النصاري
تاريخ: ۱۴۰۰/۰۵/۱۹
الثلاثاء - ١ محرم ١٤٤٣
محرم الحرام: اول يوم (للهلال)
هِل محَــــــــرم شيعه بان اهلاله
وبان ضيم حسيـــــن ويه اعياله
ــــــــــــــــــــــــــــــــــــــــــــــــــــــــ
اليله أول يــــــوم لمصاب الشهيد
امصاب أبو سجاد مگطوع الوريد
الغريب المـــــات عطشان الوحيد
ونسِبـــــــــــت ليزيد حته اطفاله
ــــــــــــــــــــــــــــــــــــــــــــــــــــــ
اليــله يا ليله اعله گلب أم الحسن
منـــــــــفطر دلالها مـــــــن المحن
تنادي واسو ابني يشيعه بكل زمن
ابچوا يانـــــــــــــاس ابدمع هماله
ـــــــــــــــــــــــــــــــــــــــــــــــــــــــــــ
ابچـوا عالمذبوح نايــــــــــم عالثره
والگمر عبـــــــــاس سبـــع الگنطره
وبت علي تمشي اعله ناگه اميسره
احسين راســــــه الرمح چن شياله
ــــــــــــــــــــــــــــــــــــــــــــــــــــــــــــ
راسه فوگ الرمح سبــــــع الغانمه
والسمه حگـــــــــها إذا تبچي دمه
حسين عالتربان ابـن حامي الحمه
ضل بلا تغسيل صعبــــــــه الحاله
ـــــــــــــــــــــــــــــــــــــــــــــــــــــــــ
صعبه حاله شلون ابن حامي الدخيل
ضل ثلث تيـــــــــــام عاري ابلا دليل
اجروحه كثرَه والدمه منــــــه يسيل
وخانــــتهِ گـــــــــــــوم العدِه القتاله
ـــــــــــــــــــــــــــــــــــــــــــــــــــــــــــــــ
خانتــــــــه ابطف كربله گوم النذول
اتجمعت اوحوشها وذيــــج الخيول
وگطعوا الماي اعله ابن طٰه الرسول
فعل ذاك الشمر ويــــــــــــــا ارجاله
ـــــــــــــــــــــــــــــــــــــــــــــــــــــــــــــــ
✍ أم حيدر مكي النصاري
تمت ولله الحمد /تاريخ
الثلاثاء 30 ذو الحجة 1444 هـ
اعتزّ أنه عربية 👑
اكتِــب يا قلم أشعار وانــظُم هوسه حربيه
ماذلّن أبــد هيـــهات وانــــه اربــات كعبـيه
هلي بالموزمه شجعان وأصل الذات عربيه
واتفاخَر عند البيه هيبه
ـــــــــــــــــــــــــــــــــــــ
✍ أم حيدر مكي النصاري
أجمل ماسمعت ❤️ طور العلوانية الاهوازية
Читать полностью…
✦للصادق ع✦
علِم صادق يساوي الكون #مذهب
وشرَّف بيــــه إلٰه العرش #مذهب
دوم اربـط دليلي ابعشگ #مذهب
الغيـــــــره و غيره ما مذهب إليه
#أم حيدر مكي النصاري•••
🌟 بمناسبة عيد الفطر المبارك 🌟
سعيـــد اللي يلمّ أعضاه وزيَّـــــــــن للأهل دارَه
وسعيد اللي صَباح العيد صافَح خوته وي جارَه
بارينه يوصي ابحيــــــــــث هذه اليوم مختارَه
انعايّد بيه أهل الغيره
أم حيدر مكي النصاري
في حق كريم أهل البيت حسن المجتبىٰ
صِفاتك تشبــه المختار وچفّك للعطـىٰ ممــدود
ولمضيفك يــشهد التاريخ بابه مايضِل مسدود
هاشم للكــرم عنـــوان ماتنـوصف كلــها احيّود
( تاريخ الهمّ يشهد يومه )
✍ .. أم حيدر مكي النصاري
في مناسبة استشهاد الإمام الجواد س
جرح الخدين دمعي وضلعوعي حنّت للإمام
الحاضر ابغداد گبــــره السمته گـــــوم الئام
حزنت الاملاك كلها الأنس والجــن والحمام
ومتفَطر دلال الشيعه
ام حيدر مكي النصاري
*في مناسبة أستشهاد الإمام الجواد س*
انعازي بيت المصطفىٰ بموت الجواد
ابهــالفجيــعه المؤلمــه نعلــن حـداد
ابهالحَـدث كثـرت جُراحــات النبي
عالگضـه المسمـوم بيــــد الأجنبي
الفادحه الكبـرىٰ التشيّب كل صبي
مات ممرود الچبــــد بــاب المـراد
ارتفــعَت اصوات البـكاء ابمنــزله
عالنـقــي العـالـم ينــوح ابــأكمله
للعظيــم الشـان وابــن المرجــله
يرتَدي اثياب الحزن يلبس سواد
ضلمه صارت دار مَوله المحسنين
اليــشهد ابتـقـوا جبــريل الأميــن
بـاب مـن باب الله وابــن المتقيـن
الگضه عمره ابحرب ينهي الفساد
انگــول لاحـــول ولاقــوّه بعــد
خلّصت عتــرة محمــد بالعــدد
همـــا للتـــاريــخ عنــوان وسند
للرساله بَلغــوا انـــواع الجــهاد
ياحسافه ابسمّ يمــوت ابـن البتول
ابإيد زمرّه الطاغيه وحزب النذول
ابهالجريــمه ايــذوب دلال الرسول
المشتـــكىٰ لله وابيــــوم المــعــاد
شيعـــوا للحقّ نعش بيــد العمام
صلوا اعلـه اجنــازتــه ذاك الإمام
اندفن بين اهله و عمامه بحترام
بس يويلي حسين عطشان الفؤاد
*بقلم ام حيدر مكي النصاري*
*23 ذو القعدة 1442*
12 تیر 1400
*سيف*
سيف المااله شيال يضل مهضوم يوم الهد
وغوج المااله خيــال ابوكت الهيـج ماينعد
ورجل الماتبـــَع گـومه خله ويالهضم يگعد
لو گبر صدها ايعد گومه
*مكي الحاج جبار النصاري*
*في حق الحوراء زينب س ايام السبي*
ضيّعوني احبابي ابديرة غرُب
ماالـي والـي اليـدلّيني الـدرُب
*______________«★»___________*
ضيّعــونـي وأنـه ابعــــازة ولي
ماتـت الخوان خلصوا كل هلي
انه دون احبـابي مايـل محملي
امتوني بادت بعد ماتحمل ضرب
✍ام حيدر مكي النصاري
*______________«★»___________*
بـادت امتــوني و خذت ثلثيــنها
اسياط اميّه وعيب خجلت عينها
آنه بت حيــدره المــات ٱحسيـنها
وظل رميّه وذاك وجهه اعله الترب
✍ملاغلام ابومحمد
*______________«★»___________*
ظل رمیه اعله الثری ومحد اله
یلملم اوصاله المـلت ذاک الفلا
یدفِنه بلحـده عگــب میـغسله
ویجر سهم اللي تمكـن بلگلب
✍سیدناصرالموسوی
*_____________«★»___________*
صعب فگـــد الاهل حگی امـن انوح
وشَد جسم حسین عاری ابلایه روح
والشماتـــــه ابسهـم بعیـــونی تلوح
اشلون اسد العيـن والمــدمع يصب
✍سيد حلاوي الهاشمي
*_____________«★»___________*
انه بت حیــــدر الچنـت امدلله
وانه اخت عباس راعی المرجله
ارد اروحن للشریـــعه واسئـله
یرضى هاي العايله اتعيش ابرعب
✍سیدصاحب الخمیسی
*_____________«★»___________*
ارده اگل عبـــاس وشکــی لذبــیح
مره شیلن ثوبی خویه ومره اطیح
و العلیــل اویای و گلیـــبه جریــح
اویه الغرب امشی عگب عینک صعب
✍کریم التمیمی
*_____________«★»___________*
لیـش کلکم بالهضم یهل النبی
و الاخیام ابنــار تسعر و العبی
سلبوها اجلاف جیش الاجنبی
و الیتامه فرّت ابسوح الحرب
✍محمد مطور
*_____________«★»___________*
كون اروحن للغري وشكي الجره
الحيد ابوالحسنيـن شنهو الصّبره
مادره ابزيـنب خذوهـا امـيـسره
والأشد نمشي عله الهزل غصب
✍ام حيدر مكي النصاري
*______________«★»___________*
*تٌمًتٌ وٌلَلَهّ آلَحًمًدٍ بًآقُلَآمً آلَشُعٌرآء مًجّمًوٌعٌةّ خِدٍآمً آلَحًسِيَنِ عَلَيْهِ آلَسِلَآمً وٌمًنِ آلَلَهّ آلَتٌوٌفُيَقُ*
🖤🌟🖤🌟🖤🌟🖤🌟🖤🌟
لسان حال العليله بنت الحسين س
صبح ريجي ابجفه الوليان مرمر
احترگ گلبي وعليهم حيل مرمر
وينـــك يــاعميــد الگـــوم مرمر
يبويــه الــــدار هالظلمــه عليـه
ام حيدر مكي النصاري
لسان حال الحوراء زينب سلام الله عليها
بعد ماقتلو آل بيت الرسول، وسبية بنات الرساله وبعد خروجهم من كربلاء مر بها
ركب السبايا على جثث القتلى... تقول
👇🏻👇🏻👇🏻👇🏻👇🏻
شكثر روحي عله الوليـان هامات
وعله ارماح العده تنـشال هامات
صحت بصوت ها عبـاس هامات
وانــه اعلـه الهزل امشي سبـيـه
___
ام حيدر مكي النصاري