-
زعل والموت ابوفاضل..رواها طشر للعده ونکس ......رواها عطاشه الطف شبل حیدر..رواها کفو ونعمین ابن حامی الحمیه بقلم ➖#عاشقة الحسین ع ✖️
لستة دعم
كريم اهل البيت عليهم السلام ( 1 )
💜💜💜💜💜💜💜💜💜
ــــــــــــــــــــــــــ
قناة منقذ البشريه 313
💜 @ansar_emam_mahdi
ـــــــــــــــــــــــــ
قصائد مكتوبة
💜 @bfkcbbfjjf
الشاعرة و الملة العلوية ام زينب الحسيني
💜 @zainxvybcxvhxxa
قصائد حسينية مكتوبة الناشرابو الاكبر
💜 @Qqaassaad
المأتم الخالده
💜 @AlHosaene
الشاعرة بتول الكربلائية
💜 @pDQDJRsUu3Q3MzAy
اسرار وخفايا اهل البيت عليهم السلام
💜 @a_313gg
برداً وسلاماً
💜 @ibraheam11
الشاعرة طالبة الزهراء القريشي
💜 @sakiAtashi
سيدة نساء العالمين
💜 @nooralatrh
العتبه الفاطميه المقدسه
💜 @alfatamae
عبرة وعظه
💜 @Ebra_w_Eza
اشراقات نورانيه
💜 @hope_pictures
الحسين مصباح الهدي
💜 @Husain_Alrouh
آنتظاري قائم حتى ظهور القائم
💜 @Husseinee
خادمة اهل البيت ام عدنان
💜 @molaomadnan
يا صاحب الزمان عج
💜 @yashblzaman
عشاق الحسين صوتيات
💜 @ashaghalhosseinmidya
متن وسبك مداحي
💜 @madahifarsii
طب وعلوم اهل البيت عليهم السلام
💜 @AlwumAhlAlpyet
سراديب العشق
💜 @khadim_ahil_albayt
دروس في تجويد المبسط
💜 @Quoraaaan
💚💜💚💜💚💜💚💜💚💜💚💜💚
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
/channel/ansar_emam_mahdi
في رثاء الإمام الحسين عليه السلام
كفر وابخيل دارت حیل الحسين
وترڪّ ابكل قـوَاها حيل الحسين
بعد ياحاله توصِف حیل الحسين
اندمَج عظم ولحَم صارن سويّه
✍🏻 ام حيدر مكي النصاري
#الآهواز_عبادان_المحمره_الفلاحیه_الدورگ_خورموسی_البسیتین_الخفاجیه_السوس_تستر_الآعمیدیه_خلف_آباد_الهور_الحمیدیه_دارخوین_مله_ثانی_شیبان_خیط_الروآس_الکوره
#الشعر_الشعبي_العراقي
#الشعائر_الحسينية
#الشعراء
https://www.instagram.com/reel/DMim0wPv3A7/?igsh=MTNhZ3V3MWhhaGxzcw==
شڪري وتقديري الواصل لڪم
شيخنا الفاضل الرؤوف
ملا حميد ألعوّادي، ڪثر الله عطائك.
في رثاء الإمام السجاد عليه السلام
چَـــــــن اشوفن بدِر طالع للطفوف ابڪل عَزم
اعمامته الخضره اعله راسه بيده درعَه وملتزم
امطشره وسجَـــــاد لمها العايله وهـــــدّ الشهِم
( يعگوب وهدّ ابعصَاته)
✍🏻 ڪ. حيدر مكي النصّاري
/channel/lajmmmm
في رثاء الإمام زين العابدين( س)
السجدِه طَالت بالطفوف
ابـوكت ماشاف السيِوف
يحمد الله يحمد الله
حسين ذبحَتــــه الألوف
يحمد الله ويشُــــــــوف
يحمد الله يحمد الله
ــــــــــــــــــــــــــــــــــــــــــــــــــــــــــــــ
رفَع چفــــــــه وعالهزل دمعَه يهل
يصيــــــح ربي تقبَل وبيده الحبل
انچِتل لحسين وابسيــــــف النذل
سَاده ربي والنــــــــــه عاده القتل
راسه مگطوع الرؤوف
يحـــــمد الله ويشوف
يحمد الله يحمد الله
ــــــــــــــــــــــــــــــــــــــــــــــــــــــــــــــــــ
وبالأخير ايحَـــــــــامي ويه عمته
والسلاسِل واصلات الهـَـــــــــامته
ومَايـــــلِه من راسه ويلي اعمامته
جامعه ابچتفـه وعَبيــــــد الگادته
ومَر عله حسينه يطوف
يحـــــــمد الله ويشوف
يحمد الله يحمد الله
ـــــــــــــــــــــــــــــــــــــــــــــــــــــــــــ
شـَــاف ڪلهِن ويلي والڪلهِن إله
هالمصاب الي جـِــــــــراله ابكربله
وشاف گــادوها جَميــــــع العايله
وعــــــــــازَت الخوَان عازه بالفله
يسمع انيَــاح وهتوف
يحــــمد الله ويشوف
يحمد الله يحمد الله
ـــــــــــــــــــــــــــــــــــــــــــــــــــــــــ
الصَار بيهم مو سهِل يــــوم الحرب
سيـِـــــــد امچتَف عله طول الدرُب
امرافگ الكفــــــــار متحَمل الضرب
أبسَط من الماي منـــــــــــعُو الغرب
ابسوط جازو العَطوف
يحمـــــد الله ويشوف
يحمد الله يحمد الله
ــــــــــــــــــــــــــــــــــــــــــــــــــــــــــــــ
ابسكتِه ڪاسر كل حِزن ينعَى الولي
ابتَالي ليـــــــل الضلمه ويحشِم هلي
گاعد ابلَمة العده ينـــــــــــــادي علي
ايگِل سُكيـــــــنه اعليه خويه ادللي
عفيّه ضيم المايعوف
يحمـــد الله ويشوف
يحمد الله يحمد الله
ـــــــــــــــــــــــــــــــــــــــــــــــــــــــــــــــــ
القَــــــــــاده ضلت عالترب وابلا گبر
وتڪتل امعَايــــــــــر چلمهم هالكفر
ويــــــــــلي عالمعلول قاسيـه الشمر
گوَه يمشي والله ناطيــــــــــه الصبُر
امرافگ انفوس الضعوف
يحمـــــــــد الله ويشوف
يحمد الله يحمد الله
ــــــــــــــــــــــــــــــــــــــــــــــــــــــــــــــــــ
ڪ. حيدر مكي النصّاري
²⁴ محرم ¹⁴⁴⁷
/channel/lajmmmm
في رثاء الإمام زين العابدين عليه السلام
اتـوهدَن الموت وخجِل من حالته
الأثر بمتونــــــــــه يسولف قِصته
ـــــــــــــــــــــــــــــــــــــــــــــــــــــــــــــ
شـــــاف عِنوان السلاسل ومتحن
طبِع خاتمها عله اچتـــــافه الزمن
ابيـــــوم وليله راحَن عيونه عمن
شـــاف أميه أحبـــال شدو عمته
ـــــــــــــــــــــــــــــــــــــــــــــــــــــــــــــ
مختصَر مات ابـــو باقر بالطفوف
بيـــوم شاف ابكربله التمت ألوف
ويذبح الذباح وبعينـــــــه يشوف
حسين خيــــــل الأعوجيه داسته
ــــــــــــــــــــــــــــــــــــــــــــــــــــــــــــ
بيوم شـــاف الخُوف بعيون الزغار
ابگلبه نار وبالخيم مشتــــــعلِه نار
والبنـــات اعليها كـومه من الشَرَار
وعالنهر طبرو الكـــــــــافل هامته
ــــــــــــــــــــــــــــــــــــــــــــــــــــــــــــــ
حيِــره من حيره الوكت شوف اله
مشهد الشــــــــــافِه ابشام وكربله
امطرحـــــــــه اهله الهيّاكل بالفله
عُوزه عوان اليشيـــــــل امصيبته
ـــــــــــــــــــــــــــــــــــــــــــــــــــــــــــــ
مـــرت عله عيونه الليالي الصعب
ناگِص من العافيــــه ورافگ غرب
صــــار بين العايله وبيـــن الحَرب
بالخلگ ماكـــــــــــو مثلها حيرته
ـــــــــــــــــــــــــــــــــــــــــــــــــــــــــــــــــ
واليكرهــــــــا يمشي ويـا القَافله
نوبه يضرب متنه نـــــوبه العايله
وباتـــــــــت الأحزان ويا ام العله
شلون ابـــــــو باقر اتحمل غربته
ــــــــــــــــــــــــــــــــــــــــــــــــــــــــــــــ
مختنِگ جايبـــها كل هاي السنين
ألف موته مات من شاف الحسين
دم تهِل عيــــــــــونه دلاله حزين
ويا الغريب انذبح چـــانت موتته
ــــــــــــــــــــــــــــــــــــــــــــــــــــــــــــــــ
/channel/lajmmmm
✍🏻ك: حيدر مڪي النصّاري
¹⁹ محرم ¹⁴⁴⁷
في حق الإمام السجاد( ؏) أيام السبي
عله الغيــرِه السَلام
امگيّد بيــــد اللئام
وينـــــــه الي رافگني ويگلّي بسلامه
هاظمنِي امشي اويا العده وبلا كرامه
يرمي ابڪلامه سهَام
ذاك الذبَـــــــــح إِِمام
ــــــــــــــــــــــــــــــــــــــــــــــــــــــــــــــــــ
شايـِــل خلگ گد الأرض بس يا هظيمه
علويه وترافگ كفُــــــر امصيبه عظيمه
لكنــــــــــــها هيبتنه كفو تمشي حليمه
اتردد باسم عبـــــــاس ثورَه مو سليمه
الگـــالت اذلّ اشام
گول وفعِل تــــمام
مشتريــه عزّه الها تصَافحها الشهامه
محروسه بت حيدر نيَاشين الفخَامه
عله الغيــرِه السَلام
ــــــــــــــــــــــــــــــــــــــــــــــــــــــــــــــــــــ
تمشي الأميره بالضعن اتصفي الحساب
حسين هو حسينها وتــــــرجع للمصاب
اتگلي عمــــــــــه اليسر مايرحَم أحباب
وجهي اديره امدنگه ماتشوفـه الجناب
الشرف أكبـر وسَام
ماريــــدن أي مقَام
نتــــــوڪل اعله الما إله ابداً ختــامه
ونشهگ عشگ حيدر علي ابو الإمامه
عله الغيــرِه السَلام
ـــــــــــــــــــــــــــــــــــــــــــــــــــــــــــــــــــــــ
مرَاكض بنات حسين وسط الحومه هزني
وهاج الحـــــزن بيمن تلوذ وظهري مَحني
دامي السمِه إِبراس ابوي اگبـــــالي هَدني
وجْزع مصيبه امچتف اعله النـاگه سبني
الدنــــيه چن ضَلام
جرح وحـــــزن ألام
ابچف الزغار من الحبل صارت عَلامه
بُعــــــد المسَافه جـرح اخدود اليتامه
عله الغيــرِه السَلام
ــــــــــــــــــــــــــــــــــــــــــــــــــــــــــــــــــــــ
ابذمة كفر نمشي انـــه وعمتي سبايه
انلم بالحزن نشگف سياط من البدايه
انچن باليتامه ومستعز بيـــها الرعايه
ابوكت الضلام بلا ضوه نفرش عبايه
ابدمي ســـــرَه الإلهام
أحرص ابروحي ايتام
ابطيفي اذا مرني العزيز ابلايه هَامه
يجيني ويشوف الخِـــدر كلهن نيامه
عله الغيــرِه السَلام
ـــــــــــــــــــــــــــــــــــــــــــــــــــــــــــــــــــــ
ابوجه الليالي نـــوگف انسولف حزنه
ننعى سويّـه امصاب ابواليمه سندنه
ذبلن اعيوني ما اشوف الطف عمتنه
والناگه هزّله اعثـــر وطيحن عذبتنه
نبات ابلا خيـــــــــام
ينــــــظر علينه العام
ياريـــــت عم الساده ذاك ابو الجهامه
ايحَشم الهاشم تجـــــي تحظر عمامه
عله الغيــرِه السَلام
ـــــــــــــــــــــــــــــــــــــــــــــــــــــــــــــــــــــــــــ
الشاعر: حيدر مكي النصاري
¹⁷محرم ¹⁴⁴⁷
في رثاء الإمام السجاد عليه السلام
صبـح دمعي على اجفوني منهلاي
وچبــدتي من الهضم تسعر منهلاي
امگيــــد من يفك گيــــدي منهلاي
وهلي خلصوا ضحايه اعله الوطيّه
✍🏻 ام حيدر مكي النصاري
#محرم الحرام: لدفن الأجساد الطاهره( س)
لــو ردت ياعلــــي ابلحده اتمدده
حسيــــن لاتلچــم اضلوعه امّرده
لو ردت تــــدفن ابن حامي الحمه
مــــاي رش الچبـــــدته الكلها دمه
وطلع اسهـــام البگلبــــــــه امألمه
ابهيــده ياعمه العزيــــز اتــوسده
لـــــــــون احضرله يعـــمه بالدفن
گبراخوي حسيـن ابخه من الجفن
عميه عيني من المصايب من لفن
وينـــــــها تحضرلي امي الماجده
عالــــــــنهر اچفوف عمه امگطعه
علم طايــــح والجسد عالمشرعه
ابعينه نابـــــــت سهـم عمه طلعه
واحچي العبــــاس بالصار وسده
والشبــــاب الماتهنـــــــه بالعرس
جـــــاسم واولاد عمه چن شمس
هشموا روس الاعـــــادي بلأمس
تبگه ثورتــــــهم عظيمه وخالده
بعـد لاتنـــــــسه يعمـه هالرضيع
ازغير عمه خافن الجسمه يضيع
منذبح ضامي عله الغبـره صريع
اعليـه دمع من دمّ تصب الوالده
علي الأكبــــــر بعــد لمّ اوصاله
التــــــــشهد الطف كربله افعاله
امگـطع المظلوم لمــــــــن شاله
انحنــه لحسين لمــــــن شاهده
✍🏻. ام حيدر مكي النصاري
تاريخ: ۱۴۰۰/۰۵/۳٠
السبت - ١٢ محرم ١٤٤٣
في شجاعة (الأڪبر) عليه السلام
چواهم چويّت المحروگ گلب سافلها عاليها
كمش لحية ابن غانم وگاع الطف كنس بيها
معروف الشهم بيـه زود يدَور اڪبار يسبيها
( والأڪبر عباس ازماطه)
✍🏻 ام حيدر مكي النصاري
في شجاعة شباب كربلاء علي الاكبر (س)
من خذه الرخصه علي
من أبـــوليــمه الـولي
صاح لَفنيـــها الضّلاله
اعيونـي عمـه اتدللي
يالثارات الزچيه واحسيناااااااه 2
من برَز ليـــهم الأكبر بچّــــه كـل عدوانهه
يشبه الحيــدر ابعزمه الحومه فرسڪانهه
طشر اصفوف الأعادی طوّه كـل فرسانهه
يلعب السيـــف ابزلمهــم غَیــّم ابمیــدانهه
يلعب ابسـيفه البطل
علي الأكبر من حمل
ذوله ماعدهم أصاله
اعيوني عمه اتدللي
يالثارات الزچیه واحسیناااااااه 2
طلعت من الخيــّم ليـله اتعـاين الحملة علي
درعم ابحد الثنيّه و سيــفه بالطگ مصطلي
خلص الجيش ابعظمتــه ابعزمه يلاهم يلي
گطع راس ابن الدعيّه وصوته بالطف معتلي
شردت منــّه الرجـال
للخصم ماضل مجال
گطع نفسه من اجاله
اعيوني عمـه اتدللي
یالثارات الزچیه واحسیناااااااه 2
ناده بيــهم یــا رذاله أنـــــه ولــد الطاهره
والــذي امعَجّـز زلمكم ابـــو زينب حيدره
وذاك طوفان المراجل عمي سبع الگنطره
يشهدالله اعله المنايه لجعل الطف مگبره
طفَح الطــف ابعـــزم
جثث بيــهم بس يلم
عزمه من رب الجلاله
اعيونـي عمه اتدللي
یالثارات الزچیه واحسینااااااه 2
يطلب ابحگ الزچيه يجول بيهم چن أسد
ايـــدَور البيـهم شجاعـه مالگه بيـــهم أحد
اچبيرهم طَم روحه بيده ماطلع راسه بعد
ذلّت اكبارات أميه الجيش من خوفه أبتعد
كله غيره ومرجـله
جــال بيــها كربــله
كفر ماعدهم عداله
اعيوني عمه اتدللي
يالثارات الزچيه واحسينااااااااه 2
طب ذخر حامی الحمیه صال بیها ابزلزله
گلب عالیــها ابیمنته وگـام یمشی ابهروله
طبَـــر روس الكفُــر كلهه بس بده بلبسمله
هَوست الحــرّه العفیـفه هله بزودك ياهله
كرهـا طشرها الشهم
ابصولته أشتد العزم
بالحرب ماكو مثاله
اعيوني عمه اتدللي
هلهلت ام المعـالي استـــر گلبها ابصولته
شافت اجنــود النذاله اطّشرو من حملته
ياهله ابفخـر الهواشم عمتــه زينب نادته
شدّ عليها الحُر تَحزم غيــره لهله شالته
العمته زينب والخدر
بيــها ضل يبــتر بَتر
لكسر اخشوم الرذاله
اعيوني عمه اتدللي
يالثارات الزچيه واحسينااااااه 2
✍🏻 ام حيدر مكي النصاري
لستة دعم
كريم اهل البيت عليهم السلام ( 2 )
💜💜💜💜💜💜💜💜💜
ــــــــــــــــــــــــــ
قناة منقذ البشريه 313
💜 @ansar_emam_mahdi
ـــــــــــــــــــــــــ
الشاعر حيدر مكي النصاري
💜 @lajmmmm
الأستاذة الشاعرة هبه الموسوي
💜 @hepaam
لـــِ خادمة الرضا
💜 @aryks_313
قناة خوله و الحسن المجتبى (ع)
💜 @f3i313
صوتيات عشاق ملاباسم
💜 @rrrhz33
تلحین القصائد
💜 @alhanhussinea87
قصائدحسينية مكتوبه الناشرابوالاكبر
💜 @Qqaassaad
الشاعره‌ام‌کرار الشباني
💜 @krsnta21
الشاعره حوراء الساري
💜 @asdfghf24
قناة مسلم ابن عقيل عليه السلام
💜 @mslmapnAGyel
فجر الظهور
💜 @kafeel_zainab
ولاية على حصني
💜 @madinat_elm_alrassoul
مصممه رافضيه
💜 @SINA_IRAQ
غسق
💜 @Mujtabab
💚💜💚💜💚💜💚💜💚💜💚💜💚
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
🔺للاشتراك بدعم عبر معرف مثبت↙️
@ansar_313_m
@satobmnbot
/channel/satob_mn_ajl_al_mahde
في رثاء طفلة الحسين رقيه (س)
احچيلك • أنـــــــتظر طيفَك يمر
وابچـيلك • بويه ذابحــني الهجر
واشكيلك • ابزينب شسوَه الشمر
(احچيلك )
°°°°°°°°°°°°°°°°°°°°°°°°°°°°°°°°°°°°°°°°°°
اشهَگ ابعبـــــرة حزن/ المـــايعرفك مايحِن
وانـــــه دمك
آه يـَــــاشوگي عليك/ لهفتي لچفُوف ايديك
خذنـي يمك
واگف ابفكري لگيت/ روحي اترد لو أجيت
بسْ أشمك
بويه محتــــــــار العقِل/ مايشبهونك شڪِل
ويـــن أضمك
انحييلك • لو تمرنـــــه يا شمس
وانعيلك• ابگلبي اليـــوم وأمس
وبديلك • عتبي لو جَانه الرجس
(احچيلك )
°°°°°°°°°°°°°°°°°°°°°°°°°°°°°°°°°°°°°°°°°°
المَلگه اتريد الچفوف / وانت مذبُوح بسيوف
شلون احضنك
جسمك امگطــــع ألفّ / روحي الروحك ترفّ
وين أبوسك
اتمنى بس نگعد سوَه / بيــــدي حطّلك دوَه
ابروحي المك
الشفِتك اسگيها ماي / وبالعبي نسوي فِيــّاي
ضُمني اگلك
انسوِيلك • شطوط ماي من البحَر
نفــديلك • الگلب قبـــــــــل النظر
نهــديلك • وننـــــذر الجيتك دَهر
(احچيلك )
°°°°°°°°°°°°°°°°°°°°°°°°°°°°°°°°°°°°°°°°°°
بويــــــه ذبلانِه صرت / دَم عله چفوفي شفت
الحبل گصني
طفله وبهـــــــاي العمُر / ابواهس سنين الزغُر
الوكت ذبني
الطرق رايـــــد يرع /وعالنياگ ابيـــــا شرع
عذبــــــنّي
حاضره ويــــــــــا الكفر / رايـــــده عون ونفُر
گوم ردني
امشيلك • ياذخر حيــدر علي
ادعيـلك • بس تــرد سالم الي
انحييلك• يا بجيــت كل هلي
(احچيلك )
°°°°°°°°°°°°°°°°°°°°°°°°°°°°°°°°°°°°°°°°°°
مــــرَه احسب للفجر / مــــــرَه انطُر للعصر
الهيبـــه ردته
ردت انسِه ومانسيت / وداعتك لجلك عميت
وابچي سڪتِه
امصلا افــــرش للصَلا / اغلا انتَ من الغلا
ابروحي شفته
العالم ابعيني سوَاد/ الحسره تـــاڪل بالفؤاد
اتــــردلي يمته
اعــميلك •اعيون لجلك لو ردِت
اضحيلك • مرَه طولك لو شفت
ادخيـلك •ردلي يـــــابويه متت
(احچيلك)
°°°°°°°°°°°°°°°°°°°°°°°°°°°°°°°°°°°°°°°°°°
ويا العده نمشي ابيسر/ والضعَن يحدي زجر
بگلبي جمرَه
عـــالدلال امعودَات /وعالنيـــــاگ امربطات
القصه مرَه
امدنگه امشي اويا البنات / بالخرايب بايتٓات
الغربه خطره
ابعزتك حــدّ الممات / علمتني اعله الحيات
ابقَه حــــره
انوديلك • ارواحنــــــه لجلك ثمن
ارحيلك •فــــــاجِعه ابگلبي اندفن
يرضيلك •اموت واهدومي الچفن
(احچيلك)
°°°°°°°°°°°°°°°°°°°°°°°°°°°°°°°°°°°°°°°°°°
ڪ. حيدر مكي النصاري
²⁴محرم ¹⁴⁴⁷
/channel/lajmmmm
.
ألحزن بگلیبی یا هلنّاس یابر
ومثل یوسف رمانی البین یابر
أبفگد مکّی ألسّلف حزنان یابر
(ویصك ألرّاح و دموعه جریّه)
ک.ملّاحمید ملّا أحمد ألعوّادی
ــــــــــــــــــــــــــــــــــــــــــــــــــــــــ
.
محرم الحرام: أيام السبي في حق
العقيلة( س)
يالحادي اعله هونك مشي بهداي
عفت هيبـــة الساده ماشرب ماي
ــــــــــــــــــــــــــــــــــــــــــــــــــــــــــــــــ
عفت هيبة الســـاده اعله الوطيه
ومطروحــــــه الجثث بالغاضريه
ذبحوا ڪل اخوتي گــــــوم اميه
شلون امشي ياحادي فاگده الراي
ـــــــــــــــــــــــــــــــــــــــــــــــــــــــــــــــــ
شلون امشي وروح اويه السبايه
واهل زينـــــب اعوفنهم ضحايه
حرم وايتام ماعدهــــــــم حمايه
ضل اعله الشريعه الچـان حماي
ـــــــــــــــــــــــــــــــــــــــــــــــــــــــــــــــــ
نايــــــــم عالشريعه ابلايه ازنود
ابهيده وچـــــن اعاتبهم بالوعود
زينبڪم يخوتي متونـــــها سود
محتــاره وعليله امضيعه ادواي
ـــــــــــــــــــــــــــــــــــــــــــــــــــــــــــــــــــ
امضيعه واريــــــــــدنها الغوالي
خــــــــــــوّان الدهر ماخله والي
امشي اويه العده وشلون حالي
مهظومه ابشمس ماشوف الفياي
ـــــــــــــــــــــــــــــــــــــــــــــــــــــــــــــــــــــ
مهظومه ودليلي انـــمرد حزنان
وطب بيـا شرع ودخل الديوان
يافرحه وشماته بيــــــن عدوان
چبـيره السالفه امصيبيتي هاي
ـــــــــــــــــــــــــــــــــــــــــــــــــــــــــــــــــــــــ
چبـــيره السالفه واتـريد المعين
وين اهلي وخوتي وين الحسين
عفت هيبـــة عمامي ذبني البين
وماكو من هلي يجينـــــي عناي
ـــــــــــــــــــــــــــــــــــــــــــــــــــــــــــــــــــــــ
ام حيدر مكي النصاري
¹⁴ محرم ¹⁴⁴⁷
في رثاء الإمام الحسين عليه السلام
كفر وابخيل دارت حیل الحسين
وترڪّ ابكل قـوَاها حيل الحسين
بعد ياحاله توصِف حیل الحسين
اندمَج عظم ولحَم صارن سويّه
✍🏻 ام حيدر مكي النصاري
ليلة دفن الحسين عليه السلام
يهنيال الأرض يحسين حضنـــــت بالوفه باعك
وعن عين الشمس مولاي غطّت باجي اضلاعك
بــارد هاللحد والطين بلكي ايبــــــــرد اوجاعك
( ماخاب الطف دافن غيره)
✍🏻. ام حيدر مكي النصاري
في حق الحوراء زينب (س) أيام السبي
يمّه يابنــــاتي
لزمنّي ابعباتي
امشدّدات ايديّه /وبالدرب سبيّــه
لاتضيعن بالبراري / لزمنّي ابعباتي
__
شلّت ايـــده الي ضربچن ياحبايب
امنين اجتنه كربله وجت المصايب
اتگود بيـنه هالعده والحيـــد غايب
وصبحت أنه غريبــــــه أم النوايب
امضيـعه أخوها / والكفر سبـوها
العتبنه ماكوشاري/ لزمنّي ابعباتي
__
إلعتبـنه ماكــــو شاري احسيـن مذبوح
افراگه شَب ابگلبي جمره اتفتّت الروح
نمشي من غصباًعلينه وي العده انروح
ومن يصيحون السبيّه اتزيــد الجروح
مارد شَملنـــــــــه /ماتـــــــــو اهلنـه
عالرمل والينه عاري/لزمنّي ابعباتي
__
عالرمل واليـنه عاري وداسته اخيول
طحنت اضلوعه الاعادي گوم النذول
ورفگت الغربه هضيمه صعبـه اتطول
و الدرب رايــــد قيــاده ثگله الحمول
احمولنــــه ثجيــله / راحت التشيله
الدمع من جفني جاري/لزمنّي ابعباتي
___
الدمع من جفني يجري عدمن انبات
عمه كلجـــــــن بيّه لوذن يا اميـرات
ياحسافه من خدرنـه انضل اسيـرات
وذاك كفّال الضعيـــــنه ابكربـله مات
عالشريــــعه نايـم / ونحمل الهضايم
وينه لي ياخذلي ثاري/لزمنّي ابعباتي
__
ويــنه لي ياخــذلي ثاري من الأعادي
ايفك حبلنــه النايـــــــم ابيـن الأيادي
طفله ويطكها ابسيـــاطه ويـن سادي
ودم اذنها اتصب زغيره انشب فؤادي
دمّها اعله خـــدها / وفتّت چبـــدها
ابهالفعل زودلي ناري/لزمنّي ابعباتي
_
ابهالفعل زودلي نــــاري اشلون أبدي
صرت كفــّــــالت يتامه وكلها عنـدي
من بعد ذيـــج الجلاله امشي وحدي
وانه بـــــت المصطفي المختار جدي
بعــــــد المهــــابه / انبــات ابخرابه
بعد ماترجعلي داري/لزمنّي ابعباتي
__
ام حيدر مكي النصاري
تاريخ: ۱۴۰۰/۰۶/۰۵
الجمعة - ١٨ محرم ١٤٤٣
محرم الحرام: في رثاء القاسم ابن الحسن( س)
یجاسم یاشهــم یاغالی
یجاسم یاثمــــــر دلالي
يجاسم مادريت بحالي
ييمه ييمه
بروحتك يمه يجاسم راح من عندي النظر
يمه مني انهدم حيلي وانكسر حتي الظهر
من بعد عينك ييــــــــمه گلي شلي بالعمر
ردت بیدینک ییمه اتشیـــــل نعشی للگبر
يجاسم خيبــيت اضنــــوني
يجاسم اعليك اصب عيوني
يجاسم ذولــــــه مارحموني
ييمه ييمه
انه ردتک ذخر لیـــــــه یالولد تبــــگه الی
یالعفتنی ابدیره غربه و انه اضل ابلا ولی
حگی لو الطم و انوحن یمه لجلک بالخلی
حیث ماضل صبر عندی یابجیت کل هلی
يجاسم ضاع من عندي الفكر
يجاسم چتفــــــــونه باليـسر
يجاسم رحم ماعـــــدهم كفر
ييمه ييمه
یمه گلی السهر وینه و وین کل ذاک الوعد
یمه انته الواعدتــنی تبگه تچایــــه و سند
یمه تالی اشلون بیــــــه من عفتنی یالولد
یمه گلی اشلون انسه لو رحت منـــی بعد
يجاسم ليش ماتسمع عتب
يجاسم مااتجاوبني عجب
يجاسم زاد همي و التعب
ييمه ييمه
اشلون تقبل يمه جاسم انه ابقه ابحيــرتي
مو طلعت اوياك يمه وانت گتلي اوديعتي
وانت اتباريني يمه طول دربـــي بمشيتي
موش بيدك يمه يبنـــي عدلتلي الخيمتي
يجاسم انه امـــــــك يالولد
يجاسم غيرك ماعنـدي أحد
يجاسم اعليك ممرود الكبد
ييمه ييمه
ضاع كل تعبي يجاسم وانه امشي للسبي
من كثر ضرب الأعادي يمه ما ضلت عبي
يسطر ابسوطه علينه رحم ماعنده الغبي
واليــتامه بالبــــــراري اطشروا آل النبي
يجاسم ريـت حاضر مامتت
يجاسم امـــــــك انه شيبت
يجاسم ابگاع صبـخه بيتت
ييمه ييمه
✍🏻ام حيدر مكي النصاري