188
"الـكـلـمـات قد تـكـذب ، ولـكـن الـتـصـرفـات دائـمـا تـقـول الـحـقـيـقـة" 🖤✨🤍🤍
نعي للفاقد اخوته يوم العيد
بلعيد كلبي يحن للكبور
من غبشه ليهم يرحل ايزور
يفراكهم خلاني مكسور
بلمكبره جم دمعه عايف
وبلعيد اخوتي عيب شايف
محد تدنه اصوابي رايف
من امشي يوم العيد ليهم
ارتاح من ابجي عليهم
يكسرون كلبي مو بديهم
بلمكبره وبديه العتاب
وبجي ع ال بلعيد غياب
ولتراب
وياهم دفني ريت التراب
بس الحزن جاب
العيد اجه وبس الحزن جاب
ع الماشي منصاب
كلبي يون ع الماشي منصاب
اينكع النكاب
بلعيد دمعي اينكع النكاب
كل الحباب
بلعيد تفرح كل الحباب
بس انا ع الباب
عيني ربت بس انا ع الباب
كرار الحوفي
نعي بحق الولد عتاب ام الولد
يوم العيد
حضريت كبر ابني ونعيته
ودمعي علكبره وشليته
مكسور كلبي وعايديته
كل عيد مالي وياه ملكه
للمكبره امشي وتركه
يم ابني اثر دمعات يلكه
يم كبر المعدل اون حيل
وابجي واكله شما يجي اليل
اصورك عليهن دمعتي اسيل
العيد لو مرني صباحه
ابجي اشكثر ماشوف راحه
وصير يم كبره المناحه
ام الولد لو تبدي العتاب
اتهدم الكلب لو ضيعت شاب
وبلون دمعه ينكع التراب
كرار الحوفي
قصيده بحق الابو
مات ابوي وفگده عامي اعيوني
بلعيد يم كبره الصبح تلكوني
يم كبره مصباح العيد
ابجي عليه وماهيد
مات ابوي وفگده عامي اعيوني
///////////////////////////
بثوبي الاسود ودمع امشيله
وابجي يم كبره اشكثر ونعيله
ورد اكله العفته منهد حيله
العيد لا يجبل عليه ادخيله
كلبي متروس هموم
يلعيد منك محروم
وي الحزن عشرت عمر تدروني
مات ابوي وفكده عامي اعيوني
/////////////////////////
فاركيته ولفرح طش بكفاه
وكلبي منصاب برحيله ومانساه
الابو من يروح بيته ينهدم كله وراه
العيد اجه وللمكبره كلبي عتناه
بيناتنه ابعيد الدرب
ماقنع يمشي الكلب
اعليه اون بلمكبره لاكوني
مات ابوي وفكده عامي اعيوني
//////////////////////////
مات ابوي وصبحت جني غريب
وكمت الاكي العيد بفراكه نحيب
روحي مجروحه لاجن مات الطبيب
ياكلب حكك تون ذاكر حبيب
منين احصلي دوه
كلبي بصوابه خوه
الابو موته الصابني تدروني
مات ابوي وفگده عامي اعيوني
///////////////////////////
بيا وسيله تهدي عيني وما تهل
الابو فراكه اصوابه ابد ما ينحمل
العيد جيته للفكد كلش تذل
عيوني ابوي اعليه تبجي وما تمل
كل ليله اهل بدمعات
غالي الابو لاجن مات
العيد جيته بيه لتحيروووني
مات ابوي وفگده عامي عيوني
كرار الحوفي
نعي بحق الاخو سابع
صحت ياخوي ريض موش تمشي
لون تروح يمشي وياك كلشي
صار اسبوع مانشفان رمشي
بجيت وعذبت بجفاك عيني
ادري اطول وماضن تجيني
ع دربك كثر عكبك ونيني
عليك ابجي يخويه موش بهداي
فراكك صاب كلبي وصاب يمناي
وين الكه اليردك خويه وياي
روحي النوح بفراكك فجعه
عيني سبوع صار يهل دمعه
روحي تنوح ما واحد سمعه
كرار الحوفي
نعي بحق الابو
يكولون من نبجي الابو اعليه
مايصلح المغرب نون بيه
جاوين اضم وني وخليه
وياك يلعابر اله ابصوووب
نهضمت تكله ابنيته الغروووب
ماغفت تربي العين للبووب
هوه الابو كلش ترئ حنين
ولو مات فكده يصيب بلعين
مات وعليه اليوووم ميتين
بنص كلبي ابونه رسم مرسوم
جاليش منه اليوم محرووم
من كثر ماابجي وون حيل
من الدمع ماضلت اهدوووم
كرار الحوفي
نعي بحق الاحبه
للمكبره امحملين الاحباب
ومامش دوه نحصل للصواب
برمضان اهلنه اليوم غياب
للمكبره نمشي بلحزان
ويمهم دمعنه ينكع الردان
انكلهم علينه جاي رمضان
بلمكبره التربان رطبه
تجري عيونه ولا موش صلبه
ويانه الحزن يعزاز يربه
بلمكبره يمهم نعينه
ولكلب ماريض ونينه
ونالهم جلمات زينه
رمضان اجه ردو علينه
بلمكبره عيوني عفتهن
ضلن احذاهم ما جبتهن
شوف من اهلنه البين الكبور
ايشبعن ترئ عيوني ردتهن
كرار الحوفي جديد
نعي بحق الام
ع الكبرتني
هل يادمع ع الكبرتني
ماسمعتني
وداع المشت ماسمعتني
لحيرتني
يمه اليالي الحيرتني
الفركه عمتني
يمه ابجي ولفركه عمتني
++++++++++++++++
دمعت ترئ العين
ع الغربت دمعت ترئ العين
كل هاي السنين
تعبت علي كل هاي السنين
وليوم الحنين
يبجي ع امه اليوم الحنين
اهلن تكولين
من اجنت اجي اهلن تكولين
لو مني تمشين
روحي تون لو مني تمشين
كرار الحوفي
نعي بحق الاخو
الحزن ماحسبيته هيج / يرها
ودموعي اجفاك يوم رحلت / يرها
الخوه من اجاك البين / يرها
خذاك وبنجف رحت من اديه
النجف كاعه طششتنه
دفنت اخوي وفاركتنه
تكتل الفركه وعذبتنه
ردينه وبردنه انهضمنه
الدرب كل. طوله. بجيته
ودمعي ع ابن امي كضيته
لداره. وصلت. ومالكيته
وكلبي. بونيني. شلوطيته
لو شال اخوك الحيل. يذبل
ودمعك اشواي اشواي ينهل
كلبي حنين. اخوه. يندل
للمكبره. يشتاك. ورحل
الكلب. حناله. وبجاله
العتب. مافاد. ومشاله
بفراكه هم. اهواي. شاله
تغير ترئ من. راح. حاله
كرار الحوفي
نعي بحق الشباب
ايتركوني ويا وسفه يمشون
شباب وللمكابر شالو ابساع
تلجم بدليل وصابت الحيل
بلولاد ادفنت ماصبرت الكاع
خذت وين الكبل لو يجبل ارتاح
نشلع كلبي. ترئ. كتال. الوداع
بعد ماعدي واهس تبجي العيون
اعزاز. مضيع. وكلفين. وسباع
وين الكه. الفرح دلوني. وشريه
بسوك الفاركو بس ضيم. ينباع
انا امضيع نبض دكات. الكلووب
ومبين. عليه. افراك. وضياع
فراك المشو مني مارحم. حيل
صاب العين. ومبيس. بلضراع
كرار الحوفي
نعي بحق الابو
عفتني وضلت اعيوني اتجاره
الابو مو سهله من ايعوف داره
يلكلب ناره
مسعره وماطفت يلكلب ناره
مشيت وضلو اولادك ينحبون
يدموع الهجر. حركن بلعيون
وليزتون
ماريضو. بويه. اليزتووووون
بويه النعش جدامي محمول
وبروه الذمه الشيع ايكووول
مو جيله هجرك منه مكتول
الابوووو غالي. وراح. مني
وتراب كبره كون. طمني
مشيت المووت الهاضمتني
ياموت صايب حيل بلعين
بجيتك امودع للكبر زين
وني هدم ركن الحياطين
كرار الحوفي
عتب الامام الحسين
بحق امه الزهراء
نكسر ضلع الزجيه وضلعي منصاب
ماتت وضهر بجفاه مكسوور
رافكني الحزن من رفكت الموووت
ول يبجي عليه ويانه ماجور
حلوه الكعده جانت ومنه بدار
الكبر وسفه يتراب يطفي بنووور
صبح فركه العزيزه كلش اجبيره
بحر ويتعبن فوجات البحوووور
يجل اليل وبجي واحجي وياه
بجان امي عتاب ابين ايدور
زغار وفاركينه التعبت اهواي
علئ امنه يلحسن لو تبجي معذور
عزيزه وهاي زينب تكسر اكلوب
تبجي وكبر امنه رادت اتزور
كرار الحوفي
نعي بحق الولد لسان حال الام
امك هضمها
فراكك ترئ امك هضمها
كون طمها
كبرك اترابه كون طمها
الكلب خمها
ديارك ييمه الكلب خمها
مرها وضلمها
شماله الهجر مرها وضلمها
روحي العصرها
شيل النعش روحي العصرها
نعشك انشال وصايحتله
يلحادي هاي. امه. بجتله
عوف الولد. وياي. كتله
راح النعش ولولد. زته
كامت بكلبي تبز فركته
نعشك ييمه ابجي وتبعته
لتراب من شفته غطه العين
فراكك احسه صاب. مرتين
صايب الحيل وصاب الحنين
فراكك ييمه. عذباني
عاف ديارنه ويمك خذاني
الحزن مادور ويندل بجاني
كرار الحوفي
نعي بحق الابو
بغيابك كمت اعوف الفرح / وهمال
وخبرك بلحمل يابووووي / وهمال
اخزن. بدمع. بجفاك. / وهمال
علئ فراكك يهل كطعيت بيه
بويه عليك تصب العيوووون
وعفت التعزهم حيل يبجون
الجانو. الجيتك يركضوووون
عاشرنه بجفاك. المناحه
خلافك ولا شفنه احنه راحه
كل ليل نبجي. لحد. صباحه
ضيم الهجر بجفاك شفنه
بس البجي مايوم. عفنه
فراك الابو يكسر. عرفنه
غالي وفراكك صاب الكلوب
هواي الدمع يجري ع الثوب
ولحزن كرب عتبت البووب
شفنه الحزن واكف. علينه
من رحت يابويه. من. ادينه
بينه. الهجر. ثبت. ونينه
كرار الحوفي
نعي بحق الابو
روحي معوده تنشد عليه
ليش تعوفه بهمه. وبجيه
يتيمه الروح ضلت ماتجيه
عشرتك كفت الموت من اجانه
متعذبين. وفراكك. حنانه
الهجر بفراك بويه صوبانه
اعيوني اعليك طول اليل تهمل
فركتك. حيل بلعباس. تكتل
اضل طول العمر انعاك ما مل
راح. الحيل. وديران. . بيه
الحزن من غربت خيم. عليه
اوون ع دار. لووو كربيت ليه
شفت الهجر سوه عملته
ولموت اخذ كلبي ونسته
ولحادي من يوم. التبعته
للمكبره وصل حناني
وفراك. ابوي. العذباني
ودعته بس ما. ودعاني
كرار الحوفي
نعي بحق الولد لسان حال الام
يبني وياي ماضليت
كضه حيلي ييمه وموتاني اجفاك
ولذاك الكبر عايفني ونزتيت
اعيونك فاركتهن راح طولك ذاك
كضه دمع العيون اعليك من اجفيت
ادورك بليالي البيه الك سهريت
ترئ ماضل بدليلي ابجان ما خميت
رايح وين انا امك تعال الجيتك نطريت
عفتني بلا ولد ولوكت يلجم حيل
عفت كلبي يتعذب منه وتخليت
ذيج المكبره اتعنه من اشتاك
الدرب جبته بواجي وع الكبر ونيت
كرار الحوفي
نعي بحق الخوان يوم العيد
عتاب المقبره
يامكبره مخزن بلعيون
عتاب ودمع ع المايردون
دفنيتي اخوتي الكلهم اعزاز
ايردون ردناهم يعيدون
يامكبره دربج مشيته
لخوي شتاك دلالي وجيته
منج عيب ردلي الفاركيته
لخوي الشوك جرني وعايديته
يامكبره بلعيد ماهم
اخوتي مدفنه ونعه بجفاهم
بكبورج دليلي عايداهم
احذاهم كعد كلبي ونعاهم
يامكبره من ارجع اعيوني
يحومن ع اكبور الجفوني
بلعيد ما مرو وجوني
معايدهم وما عيدوووني
كرار الحوفي
قصيده بحق الابو
گرب عيدي ومات ابوي وعافني
ولمكابر بيه غبشه يبجي دم الشافني
نگع اهدومي الدمع
العيد بي وني نسمع
كرب عيدي ومات ابوي وعافني
ولمكابر بيه غبشه يبجي دم الشافني
////////////////////////
كثر حزني ولمكابر حيرتني
دفنت بسباح كلبي وشيبتني
العيد كرباني يبوي شو عفتني
من الزغر يلغالي صعبه يتمتني
بكلبي ملتم الحزن
العيد بيه اهواي اون
ارموشي شيبه الدمع ما كافني
كرب عيدي ومات ابوي وعافني
ولمكابر بيه غبشه يبجي دم الشافني
////////////////////////
اشلون تكضي ولابو حدر التراب
كلبي يسئل ودمع رد الجواب
العيد جايب مو فرح جايب عذاب
الابو موته يكسر اكلوب الشباب
ثوبي لايگ لونه
يمشي ماعبالي ابونه
وياي يكضي العمر ضنتي الرادني
كرب عيدي ومات ابوي وعافني
ولمكابر بيه غبشه يبجي دم الشافني
/////////////////////////
راح حيلي وراح شوف اعيوني
لخذو نعشه للمكابر ضنتي يتانوني
شلون بلعيد وعربنه غبشه ويلاكوني
الهدم اسود وبجي سكته الردو
ايشوفوني
الخيمه غطاه اتراب
اذاني بفراكه الباب
البيه اكعد ونتضر بلعافني
كرب عيدي ومات ابوي وعافني
ولمكابر بيه غبشه يبجي دم الشافني
///////////////////////
كلبي مات وغربن كل ذكرياته
تعب لجلي وعن خواتي كل حياته
الصعبه من ايموت تكتب عن مماته
عاف كلشي لاجن ماعايف صلاته
لكبره من اتعناه
اتعاتب شكد وياه
كتله ضعنه واخذ كلشي وماخذاني
كرب عيدي ومات ابوي وعافني
ولمكابر بيه غبشه يبجي دم الشافني
كرار الحوفي
بلعيد روحي تريد تنعه اكبورهم
اعزاز اهلنه ونمشي غاد انزورهم
بعيوني ينشاف الحزن بجفاهم
هواي الكلب صايرله ما شافاهم
شما صار ضيمه هواي ماينساهم
معذب الروح ودمرانه اجفاهم
الشوگ ناره اشعلت بيه ابخورهم
بلعيد روحي تريد تنعه اكبورهم
اعزاز اهلنه ونمشي غاد نزورهم
//////////////////////////
هم النه حگ ونبجي يم موتانه
الما رحمنه افراكهم صابانه
ولفاكد اعزازه يوون ويانه
ماردنه جيته العيد خل ينسانه
لمتنه حلوه الجانت بنص دورهم
بلعيد روحي تريد تنعه اكبورهم
اعزار اهلنه ونمشي غاد انزورهم
//////////////////////////
بين الكبور العين خل اعميه
عزازي ومشو جا المن مخليه
شيفيد شوفي وراح المبجيه
ترتاح ياهوه المشه يخليه
تنور العيون بشوفهم وبنورهم
بلعيد روحي تريد تنعه اكبورهم
اعزاز اهلنه ونمشي غاد انزورهم
///////////////////////////
وين العزيز ندفنه ويهد بلحيل
يكتل الروح الي تعزه من ايشيل
بلمغرب ايهيض البجي ونص اليل
وشوك عدنه اهواي بس ماكو ريل
كسرو الجان بكلشي جان ايشورهم
بلعيد روحي تريد تنعه اكبورهم
اعزاز اهلنه ونمشي غاد انزورهم
كرار الحوفي
نعي بحق الام
برمضان ويانه احنه ردناج
وبفطورنه نتكابل اوياج
ماحصلين اشمالنه ادواج
برمضان فكديناج كلنه
فارغ ابجانج من كعدنه
يجري الدمع يمه وفطرنه
برمضان روحي كبالج تريد
تكعد ولذت كعدتي تزيد
ماريد اون اعليج بلعيد
برمضان ماردنه انتفارك
ردنه عللفطور انتسابك
فراكج جمر بروح حارك
كرار الحوفي
نعي بحق الاخو
ياكلبي اخيك ماجه وياي
وبردي دمعي مبلل الحاي
ذكره من اخيك هاي الك هاي
بعيوني ماضل دمع عفته
محمل اكبالي ابن امي شفته
انهضم دلالي ولحكته
ع كبر طايح فص العيووون
من شفت بعضيدي يدفنون
ويضل اخوي ومنه يمشوون
ماعدي جف ينشال بوداع
ميت وره المدفون الذراع
حيلي وي اخيي طمت الكاع
فكد الاخو صوبني بلهام
ومخلي توجع بيه الايام
يلجمني جرحه ومنه ما انام
كرار الحوفي
نعي بحق الاخو
بفراك اخوي اليوم مدهور
ماينجبر دلالي مكسور
تغورك اعيوني واعتني بشوك
شمحلا البجي المابين الكبور
من اكعد وئبدي بلعتاب
ماطايب بنص كلبي الصواب
بديرانه بيبان مو باب
لكبرك اجيت وماشفت باب
بلمكبره سويت حرثات
وبيهن دمع طايح ع المات
صار الغروب وكالو نروح
يم الاخو كتلهم انبات
نفرش دمع وغطانه ونه
وسيرنه للمحد اجه انه
مو من عوايدهم نضل هيج
محد فتح بابه من اهلنه
كرار الحوفي
نعي بحق الام
المصايب ماعرفنه / ونحداه
بدليلي البين ونه / ونحداه
اريد انشد ع امنه / ونحداه
وخبره بضيگت الدنيه عليه
عليج اشلون ماون يمه بجفاج
الفرح ولحيل يمه غرب اوياج
للموت الكلب مايوم ينساج
ابجي اشما ذكرتج وذكر ارباج
البيت ابوجودج جان ونسه
ومني مشيتي اليوم وسفه
الفرح بدار يمه نكطع. حسه
انا عدي كلب لا عيب ينسه
وبجي عليه
امي مشت وبجي عليه
ويريد ليه
كلبي انهضم ويريد ليه
وذكر حجيه
لدار اطب وذكر حجيه
بليل يمه اتسير الهمووم
ويبگه الدمع يجري عللهدوم
بجفاج يمه اليوم ملجووووم
كون بطيف مريت علينه
جا ابد يمه ما غفينه
احنان ونناطر للحنينه
كرار الحوفي
حوار بين ام البنين وولدها العباس ع
اعذريني ييمه مانسيتج
كون جفوف عدي يمه اجيتج
ولذاك الكبر بيدي خذيتج
عباس الولد مريود يحضر
تزت نعشي ييمه. وماتعذر
للمتانه اليزتني عيب صبر
ياكوني عدل وجفوف عدي
ابنج بنعش عباس يحدي
موش الناس نعشج غاد تسدي
تمنيتك ابدفني حاضرتني
االيالي حيل يمه حيرتني
ولا واحد عدل منكم يزتني
المنيه ماتهدت ضيعتنه
جابت الموت وطششتنه
يمه وياج ماقبلت تلمنه
النعش عباس يمه شايلينه
لو عدلين. هسه لاحكينه
وعليه تبجون يمه ودافنينه
كرار الحوفي
نعي بحق الولد
وديني وياه.
راح الولد وديني وياه
ولكلب تركاه
شال الولد ولكلب تركاه
وشلون ينساه
غالي الدليل اشلون ينساه
وبجي ع فركاه
ماينحمل وبجي ع فركاه
لا عيب خلاه
حادي اليزت لا عيب خلاه
يكتل ترئ اجفاه
يدفان الولد يكتل ترئ اجفاه
ولحيل هداه
فراكه كلف ولحيل هداه
كل مغرب انعاه
يضيج الخلك. كل مغرب انعاه
كرار الحوفي
نعي بحق الاخو
زماني افراحي بحزانه / غيرهن
وليالي الضيم الي فراكك /غيرهن
ارسومك كبرك اترابه / غيرهن
فتركنه وكفت ايام الخويه
اعيوني اعليك يجارن عفتهن
وبصواب الغفل ماشي وصبتهن
علي لا اجيت خويه وهودتهن
عليك من البواجي عذبتهن
تربي الروح مترجيه تجيه
تراه معذبه وبس نوح بيه
كونك يوم لو ساعه بغفيه
تمره وهود الصلن عليه
اخوك معذب ويكتل فراكك
بضيجي بكعدتي بكلهن احتاجك
علي شده ودليلي اليوم رادك
صوبني الهجر رايد اضمادك
شلون الدليل يلوج اوصفه
معذب اعيوني وعيب تغفه
من همها روحي اشلون تصفه
فراكك ابجيته افراح طفه
كرار الحوفي
زينب تعاتب الحسين عندما ستشهدت امها الزهراء
الهضم جاس بضلع زينب / وصلها
بغياب امي الحزن روحي / وصلها
يخووويه حسين. حاديه / وصلها
الكبرها وصلن اضلوعي عليه
//////////////////////
يحسين صبرني امشيه
ماضل دمع خلص عليه
كلبي. يحبه. وراد. ليه
بعيوني ضل ينشاف تعبي
وكام الحزن ع الروح يربي
من زغري خويه انصاب كلبي
فركاها. كلش. عذباني
وحادي الجنازه الموتاني
من شفته زت امي وجفاني
ضل يومي جفي وعيب شافه
ويا. المناشغ. حالي. عافه
فراك امي جرحه ما تشافه
خلص. دفنه. ونجمعنه
بحجرته بس الحزن شفنه
يمه. تعالو. ماسمعنه
تموت الكلب لمت لفكدو
وتهمل عيوني الينه نضرو
زينب عليه حسين صبرو
كرار الحوفي
نعي بحق الاهل ولاحبه
شيحمل الفركه يهل ماشين
بكل مغرب تهل ضلت العين
احنان وفكدنه احنه الحنينين
النجف. يترابه. غطاهم
اعزازنه. كلهم. كضاهم
غالين اهلنه. وفكدناهم
اهل الكلب من مشو حيره
ونهضمت اكلوب. العشيره
للحزن. كلبي. فتح. بيبان
يهوئ الحزن مايهوئ. غيره
ديران. اهلنه. عاينتهن
مهضومات ع شالو. شفتهن
ودمع. صب. وكربتهن
بيهن نعيت ودمعي هايل
وشفت المضيف هطاره مايل
من الدار غالي وزين. شايل
ياكون اهلنه الشال منهم
يسمع عتب كلبي وعتبهم
كسراني هجرانه وكسرهم
كرار الحوفي
نعي بحق الصاحب
ياصاحبي شوفي خذيته
ونضر بفراكك. عميته
المثلك حسافه ضيعيته
بجي عليك اهواي خلني
ياصاحبي لتروووح. عني
عشرتك حلوووه يلعفتني
عذب دليلي خبر فگدك
لمتنه. ليه. من. يردك
طيب ومحنه اهواي عدك
صاحبنه غالي حيل عدنه
الكبرك الشوك يكول ودنه
بلحزن عشنه وطش سعدنه
شفرح بعد ياثوب البسه
ثوب الحزن وراح. ونسه
يفراكه صار احاه اشرسه
كرار الحوفي
نعي بحق الام
فراكج لفه وحتم. علينه
كسر بكلوبنه وجتف بدينه
ماعافج اويانه. يل. حنينه
لصبح نوحي اعليج ماهاد
وطشت الكعده بلمت الزاد
عكبج دليلي مدري. اشراد
كل ما. اهوده. ينوح. زايد
لمي الحنينيه يكول رايد
مهضوم. ماريد. السعايد
يمه الهضم صايب اعيوووني
كف الفرح. ونوب. لووووني
اخواني. عكبج. كابلوووني
شفت الحزن جتال الخوان
يمه. عليج. الكلب. تعبان
لمتنه. متبدله. بلحزان
بس البواجي وحزن عفتي
بلحال كون اليوم. شفتي
البلوه. جدامي. اندفنتي
كرار الحوفي
عتاب السيده زينب ع
من بعد الغياب
اجين نزوركم من بعد الغياب
خويه التراب
منكع بدمعي خويه التراب
يحسين ماطاب
جرح الكلب يحسين ماطاب
وصلت المكبره وكبرك لكيته
وحيلي يخويه هدميته
يحزام ضهري الفاركيته
زينب يخويه شوفه شلون
شوف البواجي مروحه العيون
هجرك يخويه غير الووون
اشلون حال التفكد اخوان
هلجيتكم ولحيل خلصان
زينب حنينه وفكدت احنان
يهل المحنه جايتكم
تكعدون جايمته لختكم
بعيد الدرب ماناسيتكم
جبت الدرب ودمع يجري
وصاير يريت هناه كبري
يم اخوتي وخلصان عمري
كرار الحوفي