552
اللهم عجل لوليك الفرج 💔 ياحســــــــين ياحســــــــين كل الخدم تنهان شفناها بالعين بس بكرامه تعيش خدام الحسين القناة الرسمية لمحمد باقر العميدي قناة لنشر القصائد الحسينية ولمسابقات
زينب تنادي بهضم بويه جارو بضلم
الحك النه
--------------
انه يابويه الأميره بويه شوفه الحالي
وحدي صرت بكربله حايره بأطـفالي
من بعد ذاك الدلال وعزي من يبرالي
ذبحو ابنك آل اميه وكل عزيز وغالي
ياعلي عندك علم بويه جارو بضلم
الحك النه
--------------
راح عباس الكفلني ضحه لجله لدينه
مرمي ذاك عله الشريعه خلصاهه سنينه
بروحته ذيچه يبويه كسر ضهر حسينه
فدوه كال عيوني اني وانطه هم چفينه
نابت بعينه السهم بويه جارو بالضلم
الحك النه
----------------
بعده ياعيني الحبيبك لسبي اخذوني
سياطهم يابويه كامت تلتوي عله متوني
وسفه يابويه عدوكم يحدي كام ضعوني
لو عدل حامي الشريعه فنهم يحاچوني
كمت انوح من الألم بويه جارو بالضلم
الحك النه
-------------
بويه صدره انطحن هو وجثته ضلت بالشمس
شلون أتحمل يبويه كبالي ابنك ينرفس
بعيني شفت الخيل تسحك هرسن ضلوعه هرس
وسفه ياغالي اتوذر اعضم وأشرف نفس
من بعد راعي العلم بويه جارو بالضلم
الحك النه
------------------
انت ياحامي الحميه الحك الطف كربله
زينب الحره الحبيبه هسه هيه معلعله
منهو يحمل هالمصيبه بيوم راحو كل هله
دمعتي دوم عله خدي والله تبقه هامله
حسيني ماضله عضم بويه جارو بالضلم
الحك النه
محمد باقر العميدي
#نزله_للعباس
عمر اصفن وافتهم نزل عباس الشهم
بخزره يذبحله سره. الحومه صارت مكبره
----------------------
كسر قانون الأرض. الذبح صايرله فرض
ينحر بهالوادم
عارض عليهم عَرض ماشي والهم الركض
قادم الهم قادم
كام بعضامهم يرض الزلمه خله يعترض
طفه يمحي عازم
ها عمر شو لابد انت عودن قائد
چنه يوم الآخره الحومه صارت مكبره
---------------
هذا ابنه الفاطمه. بيده جرد صارمه
چماله لابس لامه
ومطر نزلتِ السمه بدلت المي بدمه
دم وصل للهامه
شنهو سوه هالضمه لحومه صارت ملحمه
رجفو امن ابهامه
فخر عنده الشارد. بالعبي اذا لابد
وياهو شافه ينحره الحومه صارت مكبره
------------+++++
الصار ماصار بحلم. أبد ماعنده سِلم
رجع خيبر بيهم
يطشر بأيده ويلم نسوان عدنه مو زلم
اله كال افنيهم
شوفه مملي بالعزم والشرد هم يلزم
شلهن الرجليهم
والفلت من الكمر. راسه بالجو انشمر
هذا وكت الزمجره الحومه صارت مكبره
----------------------------
نزل عباس واخو حسين كللهم كفو
ياهو يوصل صوبه
دخنه بي هذا منو. الإبن لو حيدر أبو
الدنيه شو مگلوبه
علي عباس وصفو للكمر مايعرفو
الربع صاحت توبه
الجيش صاير يرتدم. طفنه مابي كل زلم
السيف بيهم كَسره الحومه صارت مكبره
-----------------
هاذي عنده غانمه امن اخته كام تحشمه
فجر البركانه
هذا ابن حامي الحمه صار يوم الموزمه
من دره عطشانه
دنيه صارت مضلمه. وياهو اليشوفه عمه
رجف الأحشانه
برز يشبه زلزال. وطبگ خيل بخيال
سوه بينه مجزره. الحومه صارت مكبره
محمد باقر العميدي
#ليلة 10
ابن امي رايح عالغبره طايح
ياكلشي بالروح ابن امي مذبوح
رايح. رايح
-----++++++---*------+++
شفته نايم عالوجه وبضهره خسفه جبيره
وبضهره اشوفن للسهم موقف صعب تصويره
هذا ابنه الوالدي دارت عليه عشِيره
بعده ياهو الي الي ضليت انه بالحيره
يا خويه ضربوني. ورمت متوني
ميرد الي يروح. ابن امي مذبوح
رايح رايح
-------------+++
شفته نايم بالشمس من كل كتر ينزف جان
وبنضرتي شفت الرمح بالضهر حاير حزنان
لن اباوع للسهم ذَبل أخوي الذبلان
سهم من ثلث شعب بالگلب نام وغركان
بالحجر مضروب. والهدم مسلوب
مملي بالجروح ابن امي مذبوح
رايح رايح
--+++++---------
شفته يون عله الترب مابي يمدهن رجليه
من الله ياخذ للرمح عالهوه يدور مخليه
وحافر شفت ذاك الفرس طاحن طحن كل البيه
يروح ويرد يسحك سحك ماضل عضم سالم بيه
والجسم مسحون. والصدر مطحون
وضل عطره يفوح. ابن امي مذبوح
رايح رايح
----**-------*
وبعد كل ذاك الألم اتعنه الشمر وبرمحه
وسيفه شفت بإيده وصحت ياوسفه راح يذبحه
عطشان اخوي وبالشمس خايب دعوفه ورحمه
وشفته الشمر يرفس رفس وبگلبه كام يلچمه
وكطعو نحره داسو بضهره
من يمه ميروح. ابن امي مذبوح
رايح رايح
--*----+++---
من بعد ذاك الذبح عالرمح صعدو للراس
وذكرت كعدتنه انه ولمتنه ويه العباس
محد يباوع لو يحن حتى الصخر عنده احساس
ومن الصخر شاف الأم علينه حن ياهالناس
ماعدهم احساس وينك يعباس
هم صخر وينوح ابن امي مذبوح
رايح رايح
محمد باقر العميدي
#عكيلي للقاسم
انصر عمك وارضي الزهره
انصر عمك وارضي الزهره
----------***---
افزع يبني وناصر عمك
للحومه انزل وفدي ابدمك
امك اني ومن احشمك
خلي الحومه يمه اموجره
---------------
انهض يبني وافني الحومه
حيدر جدك هاي علمومه
جدهم يمه ذب هدومه
طيح كلهه فوك الغبره
---------**---
انهض يله وشَوف نجمه
بالحر ذاكَ وذيج الضهره
صير العمك حزام بضهره
واحد اطعن ولحد سطره
-------*----
انزل يبني الحومه تريدك
تفنني تطشر بسرعه اريدك
محد يكدر منهم لأيدك
زودك هذا يبن الزهره
*------***---
زلمه يبارز ماكو العدهم
ماشي بس الغدر بدمهم
طشر شتت كل عسكرهم
اذبح واحد واحد كسره
------*-----
يله وليدي جرده الصارم
حارب بي كل طاغي وضالم
انته هيبة هاشم هاشم
شايل وجهك كل البشره
--------*---
رد وكله يمه تبشري
فنه اليكدر يوكف ضدي
نازل انه والهم افني
رايد عمي سالم نحره
---------****---
ابرز يبني بروحك ضحي
عمك هذا ولحد يدني
ابرز يبني بزودك تحمي
كلمن ياخذ منك سطره
محمد باقر العميدي
#عكيلي_للعباس
عباس وطب لأرض الحومه
عباس وطب لأرض الحومه
------------------
يفني العالم كله بضربه
قوه ماخذ من عد ربه
ياهو اليكدر يوصل كربه
اسود يصبح عنده يومه
-------------------
سوه بطفه جبيره طلابه
زامط عد الماي وجابه
ياهو المنهم يدنه كرابه
يفرغ بيهم كل همومه
-----------++++++++
منهو اليدنه شويه لعنده
هذا الكافل براسه يصدعه
بس يفكر يخسف صدره
وضحت عدهم المعلومه
---*-------*
سيفه اقرب من قرب المنحر
طشر وفنه بيده العسكر
منهو العايش فنه اليكدر
يفني الطف ويفني كومه
-------------++++
وبأرض الطف صارت خوفهه
زلزل بيده الطف ميعوفه
شوف الوان شكد مخطوفه
مطرها دموم امن غيومه
*------*------
صاح حزام حسين وضهره
محد يدنه لأبن الزهره
ياهو اليوصل راسه نوذره
وكلهه منه تفر مهزومه
---------------*----
تالي انغدر وسفه بضربه
لابد واحد خلف النخله
الخوذه وراسه انفطرو وسفه
والروح بهمه ومهضومه
محمد باقر العميدي
#عكيلي_مسلم_بن_عقيل
مسلم وحده ومحد ينصره
مسلم وحده ومحد ينصره
..............
رافع راسه بأرض الكوفه
خله الدنيه كلهه أطوفه
سوه العمله الما مألوفه
ياهو يعجبه يذبحه بخزره
................
طب عليهم جنه الكافل
يمحي الكوفه بچفه نازل
والي يمنع حتماً جاهل
يمحي الكوفه كله بسطره
...............
بطبته يطشر مثل السبحه
بكيفه يطحن طحن الرحه
كل الجيش برمشه يذبحه
كله يوسد فوك الغبره
..............
بهز صمصامه كله تشرد
الكوفه بأيده صارت ترعد
ميثني الضربات ويفرد
يسطر واحد واحد ينحره
--------------****------
مسلم ذل الضالم الكافر
وخله العالم كله حاير
ياهو يفسر شنهو الصاير
العالم ناده والله حيره
---------
العركه بأيده كامت تحله
خله الجيش بعله كله
ياهو الزلمه المنه يدنه
بس بنضره يكسر ضهره
----
ولن بالغدر وسفه لزموه
ميذب سيفه لو ماوعده
بيه وغدرو امان انطوه
منهم تاخذ ثاره الزهره
محمد باقر العميدي
#للعليله
رجعو اهله وفرحت ركضت مفارك ركضت
عبدالله رايح الطفل الأهل خِلصو بالقتل
حچت للعليله
------------------------
رد الضعن بس نسوان. ماكو زلم لاخلان
ردو يهلنه الشجعان أتناني
كل الزلم راحت تره ياعمه ارجو المعذره
الوالي ياعمه غدره زماني
كلهم كضو ماضل طفل الأهل خلصو بالقتل
حچت للعليله
--------------------
اكبرنه طب للميدان عمه علي شكد ذبلان
طب ونصر واصفر جان يا ألمنه
والمهر طب طعنو طعن الوالده راجع يضن
وبگلبي ضليت انه اون فجعنه
وسفه أبقه بلا اهل الأهل خلصو بالقتل
حچت للعليله
---++++----------
ضليت اون عله الثره. وروحي بقت متوجره
ياعمه شنهي الأخره كمرنه
طايح شفت يم النهر وگلبي امتله حزن وقهر
شمعتنه راحت والكمر كسرنه
ليش رايح بالعَجل الأهل خلصو بالقتل
حچت للعليه
------------------
ياعمه طفله ستشهدت. راس الأبو شافت بجت
انصدمت وحيل حزنت. ماتت
راس الأبو صدمه صدم. والألم ماضن ينكتم
محد أكو منهم سلم راحت
وسفه بالغربه تضل الأهل خلصو بالقتل
حچت للعليله
---------+--++-+++
وضل الأبو بلايه ولي وكمت انده بجدچ علي
ياهو اليضل بعده الي بله حيره
خيول داسنه الصدر وتطبر حسيني طبر
ماضل اخو لاضل خدر والله جبيره
يعني دنه عمه الأجل. الأهل خلصو بالقتل
حچت للعليله
محمد باقر العميدي
#عكيلي_للعليله
بتهم انه وماخذوني
بتهم انه وماخذوني
..............
طفله صغيره وحدي ضليت
كلهم راحو وحدي بهالبيت
بس عبدالله يمي تمنيت
بهاي الروحه حل اذوني
..............
بنتك بويه هيچي تترك
بعدك بويه بيتي يخنك
غيابك بويه الكلبي يحرك
طفله عليله وهم تركوني
................
اجتمعو كلهم ناكه ركبو
واحد واحد كبالي صعدو
ناكه وماكو وحدي تركو
اقنع بيهم ماسمعوني
.......
الاكبر راح وعمي العباس
راحت عمتي وشيب هالراس
عمري صغير وماضل انفاس
خمسه العمر وتعوفوني
...............
كال الوالد انه ادزلچ
عمج هذا وهذا اخيج
واحد منهم يتعنه الچ
خلص عمري وما اجوني
محمد باقر العميدي
#عكيلي
نزله
محرم بين بأول يومه
محرم بين بأول يومه
----------//
محرم جانه ويله تحضرو
وسمو الصدر يله ولطمو
وعله حسيني نوحو وابجو
بس احزان يضل ودومه
-----------------*
كتله عسن لا ما هليت
طفله وتبجي ضلت بالبيت
كالت ويه حسين تمنيت
طفله عليله وهم مهضومه
---*-*--*---
بيك حسين يضل العطشان
وحده وحاير ماعنده اخوان
موسد كافل فوك التربان
ضل لوحده جبيره همومه
-------/
بيك الكافل جفوفه مكطمه
وكله سهام مترس جسمه
حسين تمنه بس يكومه
روحه تضل وبس مهضومه
----------
حسين لحاله ويبقه لوحده
راح الكمر وراحو ولده
مامن ناصر يجي لعنده
كلهم طاحو بأرض الحومه
--------*------*
بيك الحره تبقه بحيره
تسير مجتفه وتمشي اسيره
تنادي وينك يابو الغيره
سهم بعينه وخذ معلومه
------*---*
تبقه الدمعه تنزل وتنوح
والهم احنه نفدي بالروح
للكافل وحسين المذبوح
فوك الغبره مسلبه هدومه
محمد باقر العميدي
سيتم نشر وتلحين قصائد محرم هنا اول باول
/channel/ahmed_alziwar1
وهنا سيتم نشر قصائد الشعراء بدون الحان
/channel/ahmed_alziwar15
اجمل قنوات التلجرام لنشر وتلحين القصائد الحسينية👇
/channel/+QYhwKvqAiD7e_b1P
لاول مرة زيادة مشتركين يوتيوب
بعد توقف لأكثر من سنة الان يتوفر لدينا زيادة (مشتركين+ مشاهدات ) لليوتيوب لفترة محدودة جدا
للاستفسار @ahmed_alziwar0
للتواصل واتساب 07732320742
تحضيرات محرم 1446
لعمل هندسة صوتية عن طريق بصمة الواتساب
او التلجرام وانت كاعد بالبيت
تواصل معنى
@ahmed_alziwar0
واتساب
07732320742
اجمل قنوات التلجرام لنشر وتلحين القصائد الحسينية👇
/channel/+QYhwKvqAiD7e_b1P
راح الغالي الوجهه يلالي
راح الأكبر. جسمه مطشر
شيصبرني شيصبرني
---------------
وليدي راح وأخذ روحي وأبد ماهو رجع
وأمه بالخيمه تنوح وتسجد وتركع
وليدي راح ومايرد گلبي بالخيل انمرد
انه أحسه
ياذي أكثر هوه. بعيني اشوفه تلوه
مگدر انسه
طاح كبالي وذبل حالي
بيش اتصبر جسمه مطشر
شيصبرني
-----------------
شـلـون بـيـه بـروحتــه گـلـبي أحـسـه تــصـدع
ناسي كل الي جره وبس صوته كمت انه اسمع
وذرو وليدي وذر. ياهو ابنه الي كدر
بعينه يشوفه
من كل كتر بي ينطعن صاح بويه وبس يون
يكدر يعوفه
ياضي عيني وملح اسنيني
چبدي اتفطر جسمه مطشر
شيصبرني شيصبرني
--------------------
ناده يابويه دخيلك بويه الحك ليه
بويه بس طمني كلي راضي انت عليه
راضي طبعا ياعلي أتمنه بس ترجع الي
أرد أحاجيك
محله بويه الحچيك. نسخه منه لجدك
وهدو عليك
صعب الفراگ بويه مشتاك
حالي تگدر. جسمه مطشر
شيصبرني شيصبرني
-------------
انه اذكره من اجاني وراد گطره اميه
وگتله يابويه لساني غادي خشبه عليه
شبيدي يا ابني عليك منين اجيبن وأسكيك
والعطش صاح
راح للحومه برز سيفه بيمينه ارتجز
وامتله ارماح
كلهه عليه. شسوو بيه
شفته معفر جسمه مطشر
شيصبرني شيصبرني
----------------
يوليدي يالأكبر علي يالخلصت كل حيلي
جنت أحسبك لمن أتعب بويه التچيلي
طاح أسد بين ضباع من مهره طاح اعله الكاع
راح دمه تبده
ردت اجيبه الأمه صاير وصل شيلمه
خدي عله خده
كوه شلته صاحت عمته
گلبي تفطر جسمه مطشر
شيصبرني شيصبرني
محمد باقر العميدي
حبيب وعابس وجون اذا لطف يطبون
مايبقه واحد بيه مايبقه واحد
---------------
سبعين ضد سبعين الف هذا فرق واضح
كثر العدد لامايهم ذوله بس الصايح
زلمتنه يطوي لدرب عنده مايصعب صعب
سهله للكون ايكلب شايبنه فنك قارع
بس هاذي تسمه زلم الف منهم والنعم
مو مثل ذاك الخصم لصنم هو راكع
عالجثث يسحكون اذا لطف يطبون
مايبقه واحد بيه مايبقه واحد
------------------
عدنه زهير هذاالبطل هذا بألف ينقاس
شوفه من طب الحرب مابقه أي راس
هذا يتسمه فحل بالحومه يسحلهم سحل
يذبح وأبد لا مايمل بالدمه حناها
ناده ياعابس نطب نكلب الحومه كلب
مثل بينه ينضرب. طلابه عدنه وياها
عده كامو يرجفون اذا لطف يطبون
مايبقه واحد بيه مايبقه واحد
--------------------
ياهو تشوفه بالحرب مملي ترى واهس
هذا كدام البشر ذبه وطبهه وطبه عابس
حبنه مايتبدل ابد. يزداد واكثر هم بعد
هم سمعت احد شرد نتسابق عله الموت
موتنه هذا شرف. جون وي عابس هتف
هالجيش يهتز جن سعف. يله يله نفوت
برمشه هم يذبحون. اذا لطف يطبون
مايبقه واحد بيه مايبقه واحد
----------------------
خاطب حبيب حسين كال احنه النضحي
والي فكر يدنه يمك والله نمحي
اخذه من عدنه عهد احنه واعدنه وعد
وياك والله وللأبد اله نفني الحومه
يمشي حبيب القسوره وزلم ترجع ليوره
موت جاهه بالسره. هالعده مهزومه
عالزلم يدوسون. اذا لطف يطبون
مايبقه واحد بيه مايبقه واحد
------------------------------
التمو ينصار الحسين وسوو ملعب
ماجابته امه اللخيم فكر يكرب
شنسوي احنه مقصرين مانوفي ويه الحسين
هالعين فدوه وهالعين بس نريده سالم
احنه ذبنه بالعشك عنه ابد مانفترك
كالو اصحاب الصدك نضحي كلنه لهاشم
للموت همه يحيون. اذا لطف يطبون
محمد باقر العميدي
#ليلة_العاشر
بيه يطعنون جدي يسبون
زينب صاحت ضربو المتون
انه الحسين. انه الحسين
--------------------------
الف وتسع مية جرح حيروني
طعنه برمح رمي بسهم غدروني
وسفه انضرب انه بحجر أذوني
طحن انطحن صدري انسحن سحكوني
طايح شافتني خويه عايفني
من التل لاحت ضربو المتون
-------------------------------
ايده الرمت ابني بسهم أليمه
ابني الطفل بيدي انذبح جريمه
مصايب تره بينه جرت عضيمه
وفوك الألم كله حميده يتيمه
مسلم وصاني بنته بأماني
وسبيه راحت ضربو المتون
-------------------
صوت سمعت من الحرم ويخاطب
سكنه تناديني وربابه تعاتب
يابو علي بقينه بألم ومصايب
هجمو علينه عله الخيام وغايب
والنه يضربون لزينب يشتمون
واختك ناحت. ضربو المتون
----------------------------
تله شفت يمه مره حاچتني
الحق يخويه هالعده شتمتني
زينب بجت فوك الألم ألمتني
وانه اندست خيل العده سحگتي
ماضلت ضلوع وبانت لدموع
دمعه ساحت ضربو المتون
-------------------------
فوك الثره ولدمعه تجري بعيني
والحسره عاشت بالگلب تچويني
واختي صرخت يازينب تسمعيني
وحدچ بقيتي بهألأرض عذريني
يازينب ميتين كل أهلچ وحسين
وزينب مالت ضربو المتون
محمد باقر العميدي
#عكيلي_للأكبر
لكبر نازل ويعرفونه
لكبر نازل ويعرفونه
----------------
الاكبر نازل والهم يفني
باطف كامت كله تحني
واحد ماكو ومنه يدني
وين الزلم خيلاكونه
--------------
رجف للطف كله بسيفه
يكطع روس الضلمو بكيفه
منهم ياخذ والله حيفه
الكافل انت ويسألونه
------------
وطب الحومه واحد حاقد
فوك المهره هيبه كاعد
هيبه عنده مثل القائد
ابن الغانم ويسمونه
----++++++
وليله تودع كام الأكبر
وتقبل بي وسط المنحر
تنوح وتبجي وبي هم تفخر
ربي وليدي ليذبحونه
------
ولأرض الطف روه من الدم
بسيفه طشر رد وهم لم
وفوك الحومه كلهم كوم
بخزره تذبح هاي عيونه
---------
محمد باقر العميدي
#نزله_للعباس
عمر اصفن وافتهم نزل عباس الشهم
بخزره يذبحله سره. الحومه صارت مكبره
----------------------
كسر قانون الأرض. الذبح صايرله فرض
ينحر بهالوادم
عارض عليهم عَرض ماشي والهم الركض
قادم الهم قادم
گول وفعل ما أكبره الحومه صارت مكبره
---------------
الصار ماصار بحلم. أبد ماعنده سِلم
رجع خيبر بيهم
يطشر بأيده ويلم نسوان صارت هزلم
اله كال افنيهم
هذا وكت الزمجره الحومه صارت مكبره
-*-------------
مطر نزلتِ السمه بدلت المي بدمه
دم وصل للهامه
شنهو سوه هالضمه لحومه صارت ملحمه
شردو امن ابهامه
كل الشافه ينحره الحومه صارت مكبره
----------------------------
نزل عباس واخو حسين كللهم كفو
ياهو يوصل صوبه
علي عباس وصفو للكمر مايعرفو
كله صاحت توبه
السيف بيهم كَسره الحومه صارت مكبره
-----------------
الجثث صعد للسمه صار يوم الموزمه
فجر البركانه
دنيه صارت مضلمه. ياهو اليشوفه عمه
رجف العدوانه
سوه بيهم مجزره. الحومه صارت مكبره
محمد باقر العميدي
#عكيلي_للأنصار
كلنه فدوه لأبن الزهره
كلنه فدوه لأبن الزهره
---*---*----------+
سبعين احنه نطوي للكاع
نشبه هاشم هيج احنه سباع
فوك نرفرف نشبه لشراع
بلايا العتره كلنه فقره
---*----------
ناده ابن القين احنه فدوه
كلنه نروح لأبن الزهره
نفدي حسين ونفدي العتره
حزام ونسند احنه لضهره
--------+---------
وياهو تشوفه مملي واهس
ذب هدومه وطبهه عابس
هيجي عالحب كلهه تنافس
كله تنافس باهو ينصره
--------------------
التمو كلهم سوو ملعب
وياهو اليكدر منهم يكرب
يموت بخزره حساب يحسب
هيجي سهله عدهم نحره
----------+----++++
هيج اصحابه غيره تندي
ياهو الأول يموت ويفدي
وكلمن اجره الزهره تنطي
واسمه خادم لأبن العتره
---*---
شيبه العدنه شد حزامه
خله الخوذه وذب لعمامه
هز الحومه بدك جدامه
ويعلم كل واحد قدره
محمد باقر العميدي
#ام_البنين
روحو تِكل للبنين. بگلبي يضل الأنين
تنزل تضل دمعتي . سالم اريده حُسين
----------
يولدي انه امكم لتعوفون الحسين
ميكربله واحد تكروهه هلعين
واحدكم يولدي يحسبونه الفين
وانه ادريكم انتو تعشكو ومجانين
محد يعوف الولي. اليبرز ينادي علي
افديكم بدنيتي سالم اريده حُسين
---------------
جعفر ينادي ييمه تبشري
ماهم والله ابد فدوه نحري
متدرين ييمه بدم حبه يسري
بغيابه ابد ما اريدنه عمري
ثابت يضل بالگلب من ربي هذا طلب
مارد وهي روحتي سالم اريده حُسين
-+------------*
اختكم يولدي يحسدوها اميره
لان اخوه سته يبدر العشيره
يولدي اوصي وصيتي الأخيره
ماريدن اختكم يكيدوهه اسيره
ياولدي ماكو عذر انه نذرتكم نذر
هايه ترى وصيتي سالم اريده حُسين
--------------*
تمنيت وياكم عشيره بناتي
اسمهن خدامات تضل امنياتي
برضاتج يزينب اكمل حياتي
بلياج يبنتي اريدن مماتي
يا محلى هذا الممات. ماتسوه ابد هالحياة
تخلص دخل دنيتي. سالم اريده حُسين
------*--*-----*-*
خدمتهم يولدي تدروهه جبيره
يامحلى الممات برضات الاميره
ترى والله كلش يولدي چبيره
بلياهم انه تعتبروني أسيره
ماريد يولدي العمر بس ترضه ام الخدر
تكبر بعد فرحتي. سالم اريده حسين
محمد باقر العميدي
#عكيلي_ام البنين
فدوه اولادي لأبن الزهره
فدوه اولادي لأبن الزهره
--------------------------
امكم انه سمعو الكلمه
محد يدني حسيني يمه
وين الزلمه يفدي بدمه
امه بس اليفدي نحره
------------
عثمان انت ابني الأصغر
ترجع عايش لا مافخر
تبرز بالطف تفدي المنحر
وتشوف كل واحد قدره
----------------
جعفر ناده يمه بشري
بالطف انه افدي بنحري
حب حسين بدمي يسري
نار بكلبي والله موجره
-----------+++-*
ولن عبدالله ينادي بقوه
ابنچ انه وكلي مروه
قوه وزود وغيره ونخوه
كل اليكرب اكسر ضهره
-------*----*
لن الكافل وج الجمره
طب الحومه وصارت عثره
كباله الجثث بس مستعره
هذا يسطره وهذا ينحره
------------------
نادى الكافل يله وطبو
كلنه ندخل للطف نمحو
ميضل احد كلهم تفنو
زود الكافل هذا شكبره
------++++++++
وبكاع الطف وجت ترابه
لن الكافل حل نكابه
طلابه جبيره سوه طلابه
ياهو اليدنه يذبحه بخزره
----------**----
وهدو كلهم كامت ترعد
وكل الزلم صارت تشرد
لكثر الجثث لا ما نعد
فوك الحومه بس دم يجره
محمد باقر العميدي
#عكيلي_للخدمه
خدام احنه لأبن الزهره
خدام احنه لأبن الزهره
............
نفخر احنه وصرنه الخدام
ونضل نخدم احنه بكل عام
نعيد ننكرر هاي الايام
نبچي على احسين ونحره
............
نبقه نبچي احنه وانوح
عالكافل وحسين المذبوح
ولهم نفدي احنه بالروح
والدمعه تضل دوم موجره
............
انضحي ونفدي الهم بالدم
ونفخر احنه وصرنه الخدم
نفدي حسين ولا مانندم
افضل نعمه ابن الحره
............
ماتطفه ابد بينه الجمره
عالعطشان وخسفو صدره
وأبنه الدامي وجثته موذره
وجسمه مطشر فوك الغبره
.............
وتسجلنه بذاك الدفتر
وكلمن يلطم جوه المنبر
والحره تضل بينه تفخر
وعله الزهره كلمن اجره
محمد باقر العميدي
تعلن مطبعة الكفيل عن حاجتها الى مندوبين او مندوبات للعمل معها( اون لاين)
يعني وانت بالبيت تشتغل
رابط المطبعة
/channel/+ta8JrNDdU6UzMGJi
قريبا يم نشر برنامج محرم
لاتفوت فرصة الاشتراك بالقناة
/channel/abbas_alzamili
تحضيرات محرم 1446
لعمل هندسة صوتية عن طريق بصمة الواتساب
او التلجرام وانت كاعد بالبيت
تواصل معنى
@ahmed_alziwar0
واتساب
07732320742
اجمل قنوات التلجرام لنشر وتلحين القصائد الحسينية👇
/channel/+QYhwKvqAiD7e_b1P
تحضيرات محرم 1446
لعمل هندسة صوتية عن طريق بصمة الواتساب
او التلجرام وانت كاعد بالبيت
تواصل معنى
@ahmed_alziwar0
واتساب
07732320742
لعمل هندسة صوتية لاستشهاد الامام الكاظم ع
عن طريقة بصمة التلجرام التواصل مع
@ahmed_alziwar0