12556
قناة سودانية كلام حاصل لينا قصص حاصلة لينا في حياتنا تصاميم لي أغاني سودانيه 😍 تصاميمي الخاصه 😘 طلب تصاميم 😊 روايات
بالنسبة لناس اللغة الإنجليزية لقيت حاجة جدآ حتفيدكم 💗.
Читать полностью…
دي قناة بودكاست بعنوان « ليه كده؟» بتقدمه لينة ياسر 💗.
ما لحقت ادخل واشوف الموضوعات البتقدمها علشان اقدم ليكم وصف ليها بس العنوان جاذب حشو وما حتخسروا شئ 🫶
يارب ايامنا الجايه مافيها ناس مكلكعه نفسيًا ابدا
Читать полностью…
المحافظة على أذكار الصباح والمساء، قوّة وبركة وحفظ، تخيل أنك في حفظ الله أينما أحاطت بك المكاره، حتى اليوم يمشي خفيفاً مُباركاً♥️.
Читать полностью…
ذَكِر ترتفع درجات ♥️.
ـ سبحان الله
ـ الحمدلله
ـ لا إله إلا الله
ـ الله اكبر
ـ لا حول ولا قوة الا بالله العلي العظيم
ـ أستغفر الله العظيم واتوب اليه
ـ سبحان الله وبحمده سبحان الله العظيم
ـ لا إله إلا أنت سبحانك إني كنت من الظالمين
ـ اللهم صلِّ وسلم وبارك على سيدنا محمد
نفسي اعرف الـ 12K ليش ما عم يثبتو وجودهم 😀💗
Читать полностью…
https://m.facebook.com/story.php?story_fbid=pfbid0e7hpRRyqm8w7g6o6U7vEwbZALHvMiQD392L6YJ7SXt76VxoEiGHWUyv8tzag2K7Fl&id=100076262855730&mibextid=Nif5oz
حتلاقوا كل التفاصيل هنا 🧡.
أمبارح لاقتني تغريدة في منصة X لواحدة سعودية تقريباً بتحكي قالت فيها كلام بالنسبة لي كنت محتاجه أسمعه في المرحلة دي من حياتي وفي الوضع ده تحديداً والظروف دي ، وحاسه إنه ممكن يقع في جرح لزول زي ما وقع لي كده بالضبط
المهم ، قالت :
"أبغى أقول نصيحه لكل بنت وشاب ، شئ أنا عشته وعانيت منه شخصياً وتخلصت منه ، كنت قبل سنين شغلي الشاغل أمور الدنيا وكيف أحققها ، وحتى ليل نهار أصلي وأدعي ربنا يحققها لي :
وظيفة
ترقية
بعثة
سيارة
زواج
أطفال
فلوس و..إلخ
راح عمري وشبابي بالعشرينات وأنا بدعي بهذي الأشياء لين جاني كف قبل كم سنة يوم فقدت أعزّ شخص بالنسبة لي ، والدي رحمه الله ، أصبت بحزن عميق بس توالت بعده الصفعات أقوى وأقوى خلال أيام وشهور ، كرهت الدنيا وصرت أدعي إنه بس ربي يحسن خاتمتي ويجمعني بوالدي وإني ما عاد أبغى شئ من الدنيا غير أبوي ، سبحان الله وأقسم لكم وبمن أحل القسم ، يوم أقبلت على الآخرة أقبلت الدُنيا عليّ من حيث لا أدري ، كل شئ تمنيته جاني ولله الحمد وفي نفس الوقت لدرجة مو قادرة أرتب أولوياتي الدنيوية ، اللي صار معي لما أقبلت على الآخرة حسيت كأن الدنيا ركعت تحت قدمي ، كأن الله يقول يا عبدي أنا أكفيك الدنيا وهمومها لكن تقرّب مني وتسألني الآخرة"
وده بينطبق تماماً وبصورة تخليك تندهش زاتو ، مع حديث النبي الكريم الرواه زيد بن ثابت عن إنه سمِع رسول الله ﷺ بيقول :
(من كان همه الآخرة ، جمع الله شمله ، وجعل غناه في قلبه ، وأتته الدنيا وهي راغمة ، ومن كانت نيته الدنيا ، فرّق الله عليه ضيعته ، وجعل فقره بين عينيه ، ولم يأته من الدُنيا إلا ما كُتب له)
مواقِف مشابهة حصلَت لي ، وأكيد ليكم..
أيام الواحد بكون جاري وراء همومه ومشاغله والدنيا بتكون هي الـTop في أولوياتو وفي قلبه ، ورغم سعيه الحثيث وتوفر الأسباب والإمكانيات تتعكّس عليه من كل ناحية
وأيام تانية الواحد بكون متيقِن وراكز وخاتي الرحمن في قلبه ومتصبّر ومستحضِر الآخرة ورب الآخرة معاه في كل خطوة ، وساعِي بأبسط الأسباب ، ورغم إنعدام الوسائل والإمكانيات تتفتح عليه من كل ناحيه!
ولا أحسب السبب غير إنه من إتكل على الأسباب وعلى نفسه أُوكِل إليهما
ومن إتكل على الرب آخذاً بالأسباب فنِعم التوكُل ونِعم الوكِيل
ابن القيم رحمه الله بيقول :
"فإن العارفين كلهم مجمعون على أن التوفِيق أن لا يكِلك الله تعالى إلى نفسك ،والخُزلان أن يكلك الله تعالى إلى نفسَك"
صباح آخر يوم في السنة دِي ، ما حابه إلا أختمها بالدعوة دي :
يارب لا تكِلني إلى نفسي فأعجز ، ولا إلى الناسِ فأضيع
ولا تكتبني عندك ممن آثروا الحياةَ الدُنيا ، ولا ممن قالوا آتِنا في الدُنيا وما لهم في الآخرةِ من نصيب
لا تجعل الدُنيا أكبر همِي ، ولا مبلغَ علمي ، ولا إلى النارِ مصيري.💙
#مريم_الشيخ
اللُهم وفق من أُحِب بما يسعى لأجله ♥️
Читать полностью…
"من الظروف ما تشيلي هم" ... 💜
هـذا الصبـاح :
كل الحكـاوي كانت في يـوم واقـع ... وكـل الأحـزان القديمـة اتعاشـت في يـوم .
(يومـاً مًا وأنا علـى رصيف الانتظـار ... كُنتُ أحمِـلُ الكثيـر من الخـوف وبداخلـي الكثيـرُ من الضعـف ... إلّا أننـي يا رفيـقُ نجـوت ... نجًوتُ بفضلِك 💜).
في حافلـة متجهـة نحـو الحيـاة ...
كُنت بسمـع فـي "من الظـروف ما تشيلي هم"...
كانت طبطبـة في عِـز الاحتيـاج . كُنت بحارب قسـوة الحيـاة بالضحكـة، الصبـر والفضفضـة لإنسـان قريب جداً ... قريب أقرب من النيّـة . ببتسِـم بيهـو وليهـو .
من شبـاك الحافلـة ... كنت بشـوف الحيـاة كيف قاهـرة الناس ... راجل ف الستينات بكافح عشـان لقمـة عيش ، طِفل صغيـر شردتو الحيـاة وبقـى في سبيل انو يفتش عن شغل يكفيهـو ونساء في عز المحن بكونو صابـرات، ضاحكات وعنيدات قدام الظـروف .
لحظتا آمنت انو آلامنا هي رفاهيـات عند الغيـر ...
مخاوفنـا حاجات بسيطة بالنسبـة لمصائب ناس تانية
وهمّنـا قدام هموم غيـرِنا ولا حاجـة .
رنّ تلفونـي وقطـع كل الأفكـار ...
كان هـو
رفيـق الخوف والزعـل والهموم
من أوّل كلمـة مني ... عرف العلـي ... كان بشارك من دون ما أطلب ، بيسمع بالساعات قصص وحكاوي معادة وبطبطب علـى قلبي عشـان اقدر استمِـر .
حكـى وحكيًت
سِمِـع وشكيـت
وف النهايـة قال كمًا بقـول دايمـاً :
"بُكـرة الزمـن ليك يبتسِـم" 💜
" ليـل الحُـزُن بيـك انهـزم ... اتصبـري ما تشيلي هم" 💜
#غفران_تاج_الســر 🌸
بعيدا عن الايجابية المفرطة،
الحياه فيها ايام اثقل من ان تمر ببساطة، دون ان تترك علينا علامات وتغيرنا ايضا، تكون متعبة جداً لنا، لكن الشيء الوحيد المطمئن في ذلك ان كل ما نمر به مقدر، والاقدار لها حكمة بالغة يتبعها رحمة عظيمة تسمى العوض،
فالحمدلله🙏🏽🩷.!
- صباح الخير لمن لا نحظى برؤيتهم ، للكثيفين فينا ، للذين أنبتهم الله فينا نباتاً أصيلاً طيباً لا تذبله المسافات . .
ففي ودائعك هم دائماً يا الله❤️ ..
● عبارة مُحببة إلي 🤎.!
" فاقد الشئ لا يُطعيه "
- علطول بسمع العبارة دي وبلقى أنه تحليلات الناس ليها غلط وفاهمين نُص الحكاية بس .. فعلشان كده فضلت أفكر فيها بصورة ما عادية لحدى ما وصلت لي تحليل منطقي ومُنصف 🤎.
- في جدل كبير حول العبارة دي وأحب أقول إننا على حسب الموقف بنقدر نعرف معناها بس مبدئياً كده وجهة نظري بتقول :
أنه الشخص بيعطِي على قدر ما يملك وفي حال أنه ما أعطي فده بيعني انه ما عنِدهُ القُدرة وأكيد في reasons وراء الحاجة دي، فبالتالي العبارة دي بِتنطبق في حالات كتيره وابسطها مثلا ً : يجيك شخص يطلب منك تِساعدهُ في حاجة وأنت ما عندك مِقدرة ولا بأي شكل من الأشكال في أنك تقدمه له مساعده، ببساطة مافي يدك حيلة تِجاهُ فهنا مُمّكن نقول أنك فاقد للمساعدة .
بس ما ننسى إحتمال أنه يُكون في أسباب تمنعك من الحاجة دي، و أولها أنه ممكن تَفُوق قُدرتك وفي احتمال كمان أنه الشخص ده يطلب منك حاجة ويتسبب ليك بأذي في نهاية المطاف و كُله متوقع .. ما عايزين نتعمق في الموضوع بس مهما كان السبب فدي حاجة بترجع ليك وإذا كان عندك القُُدرة إنك تقدم يد المساعدة كويس 👍
وإذا لا يبقى أنت فاقد للشئ اللي محتاج ليه الطرف الآخر .. وفي غيرها امثلة بس الأهم من كده تعرف إنها بِتعتمد على مبدأ حياتك، اذا كنت بتتعامل بمبدأ
Give what you want !
يبقى ما حيأثر عليك وإذا العكس بِتأخُد ألف حذر قبل ما تتصرف في أي شئ .. وفي إمكانك انك ما تعطي حتى لو بيدك .. ببساطة الحكاية واقفة على مبدئك أنت .
أما بالنسبة :
للحب .. الحنية .. الاحتواء .. All feeling 🤎.
فأنا شايفه أنه عُمرها ما كانت أشياء إذا فُقدت لم تعُد ♡.
فاقد الحب بنظري يعطيه وبشده أيضاً . فتلك التجربة تعود عليه بأثار سلبية ولَن يرغب ابداً بِتكرارها مع أقرب الأشخاص إليه .. فعندما تفقد الحنان تُغطيه بقدر أكبر، وإذا فقدت الثقة تصبح مصدر ثقة لغيرك، وفى الأخير كل شئ يعود عليك بنتائِجه ♡.
#مُفترق_أخير :-
إذا كُنت تفتقد لشئ ولا تستطيع أن تُعطيهِ فتأكد أن لا تَضع نفسك تحت إطار هذهِ العبارة فهي ليست كاملة الفهم والصحيح أن فاقد الشئ يُفرغ قلبه بالكامل علي طاولة الحياه، و يمنح فوق طاقته لأنهُ أدري الناس بمرارة فقد هذا الشعـور 🤎!
#ثولين_مُوسى♡.
شباب اي حد بادي مشروع ولا بكتب نصوص ولا عامل اي حاجة لطيفة وعايز يشارك الناس بيها يتفضل يرسلها وحابعتها هنا وفي باقي القنوات وعسى الفايدة تعم 💗.
+ مطلوب مشرفين بس بشروط بسيطة 🫶
1- نشر محتوى مفيد في المقام الأول
2- المواظبة على فترات النشر
إذا عجزت عن أذكار الصباح والمساء فلا تعجز عن هذه الكلمات الثلاث صباحًا ومساءً:
١- بسم الله الذي لا يضر مع اسمه شيء في الأرض ولا في السماء وهو السميع العليم "ثلاثًا".
٢- أعوذ بكلمات الله التامات من شر ما خلق "ثلاثًا".
٣- رضيت بالله ربًا وبالإسلام دينًا وبمحمد ﷺ نبيًا ورسولًا "ثلاثًا".
مَن قال: بسمِ اللهِ الذي لا يضُرُّ مع اسمِه شيءٌ في الأرضِ ولا في السماءِ وهو السميعُ العليمُ، ثلاثَ مرَّاتٍ، لم تَفجَأْهُ فاجِئةُ بلاءٍ حتى الليلِ، ومَن قالَها حينَ يُمسي، لم تَفجَأْهُ فاجِئةُ بلاءٍ حتى يُصبِحَ إنْ شاءَ اللهُ.
حصّنوا أنفسكم بهذا الذكر🫂♥️.
قايز التفاعل مش حكاية صعبة بس تضغط على الرسالة وحتلاقي الرياكش المناسب خلونا نعرف بنشرف حاجات مفيدة ولا ساي 💗.
Читать полностью…
أدركت مؤخراً أنهُ من السهل على الإنسان أن يتوه في عالمه الخاص ويلتقي بعضاً من الذكريات، ويغوص في أعماق تساؤلاتهِ المُحيرة؛ لكي يبحث عن جواب يُنصف ما يشُعر به ولكن من الصعب أيضاً أن يوقف دوامة هذه الصِراعات وقتما شاء، فعندما يُقرر ماضيك أن يسجُنك عند تلك الصفحة السوداء من حياتك، يصعب عليك ايجاد الحُرية، فهو يحكم عليك بِقُيودهِ ذات الحِبر الداكن يترك لك خيار البحث عن حُريتك وسط هذه العتمة
مَنْ قال أنَّ الحُرية تنحصِر على الابتعاد عن تِلك الجُدران المُحكَمة، وعن القُيود المُؤلمة، أو أنَّها تأتي بَعد الإفراج عن حبسٍ دام عدة سنوات، فقد كان مخطئ
فالحُرية بصورة عامة تتمثل في الإبتعاد عن كُل ما هو مؤذٍ، سواء كان ذَلِك القِيد يُكبل يِديك أم روحك أو حتى أفكارك .. عليك دوماً أنَّ تُحاول جاهِداً إزالة ذَلِك القَيد لكي تستطيع التقدم
على هامش الحياة :
«لا تترك أمواج افكارك تجرفك بعيداً فالقاع مظلم ولا يوجد احد على اليابسة ليساعدك فقط هنالك أنت »
●
#إمتثال_مُوسى♡.
من تلبيس الشيطان على تارك الصلاة
أن يعتقد أنه سيدخل الجنة بطيبة قلبه وحبه للخير وحسن خلقه وعدم ظلمه للناس إلخ ، ويلبس عليه أيضًا فيرى أن كثيرًا من المصلين منافقون وأنه أفضل منهم
ولا يعلم المسكين أن المصلي الذي يقع في المنكرات أفضل من تارك الصلاة ولو كان من أفضل الناس معاملة وعملاً.
"مَا سَلَكَكُمْ فِي سَقَرَ (42) قَالُوا لَمْ نَكُ مِنَ الْمُصَلِّينَ"
بوست فرييي ليكم بعيداً عن الوضع الحالي اكيد حتكونوا حققتوا إنجازات حتى ولو صغيرة فيلا شاركونا بإنجازاتكم للعام ده في الكومنتات تحت❤️.
Читать полностью…
"أكثر نعمة نغفل عنها دائمًا ونتعامل معها كأمر مُسلّم به، هي نعمة الصّحة، ومُجرد أن تشعر بعارض صحّي بسيط كالزكام الخفيف، تشعر بقيمتها وكم كُنت في نعيم كبير، نوم هادئ، التلذذ بالأكل، الشعور المُنعش في جسدك طوال اليوم، القيام بالأعمال العادية بكلّ سهولة. الحمدلله ملء كُل شيء."
Читать полностью…
" أﺩﻳﻨﻲ ﻣﻦ ﺭُﻭﺣﻚ ﺃﻣﺎﻥ.!
ﺃﺣﻤﻴّﻨﻲ ﻣﻦ ﺟُﻮﺭ ﺍﻟﺰﻣﺎﻥ
ﺿْﻤِﺪ ﺟِﺮﺍﺣﺎﺕ ﺍﻟﺴﻨﻴّﻦ..❤️🌍."
_بتذكر في يوم إني كنت راكب المواصلات و كالعادة راكب جنب الشُباك و مركب سماعاتي و عازل نفسي من جوطة الحافلة و الرُكاب..
أنا من النوع الما بركز مع أي حاجة لما يكون مُركب سماعة، الحصل إنو السواق شغل أُغنية لمُعتز صُباحي، كسرت حنك السماعة و فضلت مُركز مع كلمات الأُغنية..
و كانت أول مرة أسمع فيها "الحُب البديّع" مع إني كنت من النوع الما بهوى يسمع أغاني صُباحي إلا بمحض الصُدف..
كلمات الأغنية دي كانت بتحكِي عن عالم تاني..
في اللحظة ديٍّك عرفت إنو "السامبا" دا بعيِّد حد البُعد..
أثبت لي إنو فنان غير باقي الشباب الأسي ديل، لازم يعيش إحساس الأغنية و الكلمات أول..
نبرة صُوتو لما يبدا يغني و يقول..))
ﺷِﻠﺖَ ﺍﻟﻜَﻼﻡ ﺍﻟﻘُﻠﺘﻮ ﻓﻴِّﻚ.."
ﻭﻗﻔﺖَ ﻗِﺪﺍﻡ ﺍﻟﺠَﻤﻴّﻊ.."
ﺗﺎﻧﻲ ﺍﻟﻜﻼﻡ ﺃﻫﺪﻳﺘﻮ ﻟﻴﻚ.."
ﻛُﻞ ﺍﻟﻜﻼﻡ ﺃﻫﺪﻳﺘﻮ ﻟﻴﻚ.."
ﻭ ﺟﺎﻫﺮﺕ ﺑﺤُﺒﻲ ﺍﻟﺒﺪﻳِّﻊ.."
_ الإحساس الوصلني من الكوبليهات دي، إنو الحُب ما بتدس..
المشاعر ما حاجة بيخفوها، بالعكس لازم تجاهِر بيها..
و هنا كأنو بيقول ليها..
أنا بَحبك قدام الدُنيا دي كُلها، ما عندي حاجة لزول طالما إنتِ معاي و جنبي.."
وتاني واصل و قال..))
ﻳﺎ ﻗِﻤﺔ ﺍﻟﺮﻳِّﺪ ﺍﻟﻤﺜﺎﻟﻲ.."
ﻭ ﻣَﺪﺧﻞ ﺍﻟﺬُﻭﻕ ﺍﻟﺮﻓﻴّﻊ.."
ﺧﻠﻴﻨﻲ ﺟﻨﺒﻚ ﻳﺎ ﻋﻈﻴﻢ.."
أﻛﺴﺐ ﺭِﺿﺎﻙ أنا ﻟﻮ أﺳﺘﻄﻴّﻊ.."
ﻳﺎ ﺣُﺒﻲ ﻟﻮ ﺟَﺎﺭ ﺍﻟﺰﻣﻦْ..ﺗﻠﻘﺎﻧﻲ ﺑﺨﻠﺺ ﻟﻴّﻚ ﻭ أﻃﻴّﻊ.."
ﻣﺎ ﺑﺴﺎﻭِﻡ ﺑﻐﺮﺍﻣﻚ..ﻣﺎ ﺑﺠﺎﻣﻞ أنا ﻟﻮ أﺿﻴﻊ.."
_ أبلغ كلام ممكن يتقال عن الآبدية و الوعود الصحّ..
نحن مُحتاجين لناس تكون معانا و نحسسنا بالعظمة، تحسسنا على قُدر شنو نحنا جميّلين و بنستاهل نحب و نتحب..
في بعض الأحيان نحن ما محتاجين كتير، غير إنو نتحب بطريقة تخلينا نحب ذاتنا تاني من جديد..
محتاجين ناس تخلينا نحس بفرح شديد ذيّ العندنا جناح..
الحُب البديِّع و المثالي ما صعب..
الصعب الإختيار الصح..
طيب الإختيار صح كيف..!؟
ما كل الناس في البداية حلوين..
ما معانا عجلة زمن عشان نمشي المستقبل نشوف الناس ديل حتفضل معانا ولا حتسيبنا في نص المُسافة..!
ما هو أنا بحقيقة مُحتاج أعرف الزول الصح بيكون كيف..!!
أنا حأجاوب و اقول ليكم الزول الصح دا واضح من البداية..!
بغض النظر إنو حتى الكعبين بيكونوا كويسين في البداية..
لو ركزت شويتين بعقلانية حتعرف الزول البحبك و كايس رضاك..
من الزول الجاري وراك عشان لحظة محددة و يسيبك..
في بعض الأحيان بنعرف إنو نحن ما مع الناس الصح، بس بنوهم نفسنا بالحب و آخر المطاف بنخسر مشاعِرنا و بنتألم بس.."
و يرجع القيصر يكمل..))
ﻳﺎ ﻧﺴﻤﺔ ﻫَﻠﺖ ﻣِﻦ ﺳَﺮﺍﺏ.."
مليانة ﺑﺎﻟﺸُﻮﻕ ﻭ ﺍﻟﺤﻨﻴّﻦ.."
ﻳﺎ ﻧَﺒﺘﺔ ﻓﻲ ﺩﺭﻭﺏ ﺍﻟﻴَﺒﺎﺏ.."
ﻳﺎ ﻓَﺮﺣﺔ ﺍﻟﻠﻴِّﻞ ﺍﻟﺤﺰﻳِّﻦ.."
أﺩﻳﻨﻲ ﻣﻦ ﺭُﻭﺣﻚ ﺃﻣﺎﻥ.."
ﺃﺣﻤﻴّﻨﻲ ﻣﻦ ﺟُﻮﺭ ﺍﻟﺰﻣﺎﻥ.."
ﺿْﻤِﺪ ﺟِﺮﺍﺣﺎﺕ ﺍﻟﺴﻨﻴّﻦ.."
_ مختصر لأي حاجة حلوة في العلاقات..
كأنو بيقول ليها كُنت بعدك أرض قاحلة لحدي ما جيتي و قلبتي حياتي واحة خضراء..
كُنت تايه و لقيت ذاتي مرسومة في حِسك..
حياتي كانت باهتة، كانت رمادية، و فجأة إتملت آلوان..
قوس قُزح و حياة و ألحان..
أديني وعد إنك تكوني معاي، أيوا تبقيّ في لحظات إنكساري و أساي..
أمحي كُل حاجة وحشة أنا عِشتها..
في حُب أكبر من كدا..
صُباحي ما غنى عن فراغ..
و ما قال كلام عشان يتداول.."
أها عرفتو القيِّصر ليها بيتقال عنو قيِّصْر..!!
و على عتبة النهايات بيختم..))
ﻛﺘﺒﺖ ﻟﻴﻚ ﺍﻷﻏﻨﻴﺎﺕ.."
ﻧﻈﻤﺖ ﻓﻴِّﻚ أنا أحلى ﺍﻟﻜﻼﻡ.."
ﻗﺒﻞ ﺍﻟﺸَﺠﻦْ ﻭ ﺍلأُﻣﻨﻴﺎﺕ..ﻗﺪﻣﺖ ﻟﻴﻚ الإِﺣﺘﺮﺍﻡ.."
ﻻ ﺩﺍﻳّﺮ أﻛﺘﺮ ﻣﻦ ﺭﺿﺎﻙ..ﻻ ﻃﺎﻟﺐ أﻛﺘﺮ ﻣﻦ ﺳَﻼﻡ.."
ﻭ أﻓﻀﻞ ﺍﺣﺒﻚ أأه ﻣﻦ ﺑﻌﻴِّﺪ..ﺃﺑﺪﺍﻫﺎ ﺑﺎﻟﺮﻳِّﺪ ﻭﺍﻟﻐﺮﺍﻡ.."
_ هنا بيقول ليها ما عايز إنك تعملي لي نفس العملتو ليكِ..
ما عايز إنك تحبيني بالطريقة الأنا حبيتك بيها..
بس خليكِ معاي..
خليكِ جنبي و حداي..
و أحميني من جُور الزمان.
بإختصار نحن ما مُحتاجين إلا للناس تحبنا بمهايتنا العلينا دي..
يحبونا بعيوبنا و بكل حاجاتنا السمحة و الكعبة..
الحُب المثالي ما محتاج كتيِّر كفاية إنك تحسسني بإني فعلاً عظيِّم..
و تحسسني بأنو أي حاجة أنا فيها بتميزني و بتحبني بيها..
بإختصار حبني زيِّ ما أنا بس.
#عند_المفترق
أﺩﻳﻨﻲ ﻣﻦ ﺭُﻭﺣﻚ ﺃﻣﺎﻥ، ﺃﺣﻤﻴﻨﻲ ﻣﻦ ﺟُﻮﺭ ﺍﻟﺰﻣﺎﻥ❤️"
#محمد_ورق.
#كتابات_حب.
"كُلَّما أُفكِّر
أجد أنَّ اللّٰه لا يبتلي أحدٍ بشيءٍ دون أن يلهمه القوة والصبر عليه،" لَا يُكلِّف اللّٰه نَفسًا ِإلَا وسعَهَا" لن يضع في طريقك عقبات لن تستطيع تجاوزها ، لن يبتليك بشيء يُفقِدك عقلك، لن يجعل أقدارك أصعب من أن تتحمَّلها، امتحان اللّٰه دائمًا ما يكون على قدر صبرنا و قوة تحمُّلنا ، هو العالم بشؤون عِباده ، و لن يُكلِّفنا برحمته ولطفه ما لا نطيق، أو ما لا نستطيع تجاوزه
اللّٰه أحنّ وأرحم من أن يُحمِّلنا ما لا نستطيع تحمُّله"☁️💗.!
*_ "الحمدللّٰه لأن الأشياء لا تبقى على وتيرةٍ واحدة، ولأن ما تُقاسيه لن يفوتك تعويضه، ولأنها مهما انغلقت أمامك فهي إلى انفراج."*
Читать полностью…
يارب اكفنا شرّ الفراغ، وانعدام الشغف، ووجع القلب، وضيق الاختيارات، والندم على ما فات، اكفنا يارب كل ما يؤرقنا وينغّص سعاداتنا
Читать полностью…