3615
Қарақалпақстан хабар агентлигиниң Телеграм тармағындағы рәсмий каналы Веб-сайт: https://kknews.uz/ E-mail: nukus-uza@mail.ru Мүрәжатлар ушын бот-мәнзили: http://t.me/KarakalpakstanIA_bot
“Саҳра ҳаўазы” халықаралық фестивалы басланды
Бүгин Елликқала районында “Саҳра ҳаўазы” II халықаралық фестивалы өткерилмекте. Фестиваль Ташкент мәмлекетлик экономикалық университетиниң басламасы менен Қарақалпақстан Республикасы Туризм басқармасы ҳәм бир қатар министрлик ҳәм мәкемелер менен биргеликте шөлкемлестирилмекте.
Фестивалды өткериўден тийкарғы мақсет, Елликқала районының тарийхый-мәдений, зыярат ҳәм экологиялық туризм бағдарлары, жергиликли өнерментлер ҳәм усы аймақтың туризм орынларын кеңнен үгит-нәсиятлаўдан ибарат.
Еки күнлик илаж даўамында:
✔️Университет профессор-оқытыўшыларының халықаралық тренинглери
✔️Топырақ қала тарийхый объектинде сүўретлеў өнери таңлаўы
✔️Ақшакөл көли бойында миллий тағамлар таңлаўы
✔️Ақшакөл көли бойындағы амфитеатрда концерт бағдарламасы
✔️“Аяз қала” тарийхый комплексинде спорт ойынлары
✔️Сыйлықлаў мәресими өткериледи.
📲 Telegram| Instagram | Live | Sport|
Бибиханым мешити реставрацияланады
«Ар-Рая» басылымы Қатар музейлери қайырқомлық кеңесиниң баслығы Шайха Ал-Маясса бинт Ҳамад Ол Соний Өзбекстан Президенти жәрдемшиси Саида Мирзиёева менен ушырасып, Бибиханым мешитин оңлаў жумысын додалағаны ҳаққында жазды.
Шымбайлы көше бийлери әҳмийетли мәселелерди көтерди
Қарақалпақстан Республикасы Жоқарғы Кеңесиниң Баслығы Аманбай Орынбаев пуқаралардың турмыс шараятын жақсылаў бағдарында еле де шешимин күтип турған мәселелерди анықлаў ҳәм машқалаларға шешим табыў мақсетинде, Шымбай районындағы көше бийлери, нураний-аксақаллар ҳәм белсендилер менен ушырасты.
Әлийшер Наўайы атындағы Өзбекстан мәмлекетлик академиялық үлкен театрының жәмәәти Түркиядағы Халықаралық көркем өнер фестивалында қатнаспақта
Президентимиздиң «Опера ҳәм балет көркем өнерин және де раўажландырыў илажлары ҳаққында»ғы қарарына тийкарланып миллий опера ҳәм балет көркем өнерин дүнья көлеминде кеңнен үгит-нәсиятлаў, алдынғы сырт ел тәжирийбелерин үйрениў ҳәм мәдений қатнасықларды және де кеңейтиў мақсетинде Әлийшер Наўайы атындағы Өзбекстан мәмлекетлик академиялық үлкен театры жәмәәти бир қатар сырт мәмлекетлерге дөретиўшилик сапарлар менен шықпақта.
Пидайы педагог
Фоторепортаж
Самарқанд мәмлекетлик ветеринария медицинасы, шарўашылық ҳәм биотехнологиялар университети Нөкис филиалында пидайы, жанкүйер устазлар жәм болған. Олар қатарында көп жыллық мийнет тәжирийбесине ийе профессор-оқытыўшы, аўыл хожалығы илимлериниң докторы Рўзимбай Турғунбаев да бар.
«Жас китапқумар шаңарақ» таңлаўының жеңимпазлары анықланды
Мәмлекетимизде китапқумарлық мәдениятын жетилистириў бойынша көплеген илажлар алып барылмақта. Жасларды китап оқыўға қызықтырыў, китап басып шығарыўды жетилистириў мәселеси мәмлекетлик сиясат дәрежесине көтерилип, бүгинги ҳәм келешек әўладты тәрбиялаўда китаптың орны, бул бойынша шаңарақта ҳәм оқыў орынларында итибарлы жумысларды алып барыў талап етилмекте.
Британия Өзбекстан менен инглис тилин оқытыў бағдарламаларын кеңейтеди
Британия Өзбекстан менен инглис тилин оқытыў бағдарламаларын кеңейтиў ҳәм университетлераралық байланысларды тереңлестириўге таяр.
Халық ардағындағы қосықшының юбилейи белгиленди
Бүгин Бердақ атындағы Қарақалпақ мәмлекетлик академиялық музыкалы театрында Өзбекстан, Қарақалпақстан, Татарстан халық артисти Тамара Дошумованың 70 жыллық юбилейине бағышланған салтанатлы илаж өткерилди.
Бақша директорлары ушын орынбасарлар тайынланады ҳәм мийнет ҳақысына үстеме бериледи
2025-жыл 1-январьдан баслап мектепке шекемги билимлендириў шөлкемлериниң тәрбияшы-методист лаўазымы тийкарында әмелдеги мийнетке ҳақы төлеў шәртлерин сақлап қалған ҳалда мектепке шекемги билимлендириў шөлкеми директорының орынбасары лаўазымы енгизиледи.
Дүнья баспасөзи Өзбекстан ҳаққында
Ҳиндстанда басып шығарылатуғын «Business Central Asia» журналының бул ретки арнаўлы саны Өзбекстанға бағышланды.
Сырт елде оқып атырған өзбекстанлы студентлердиң саны белгили болды
👉 Толық оқыў - https://kknews.uz/211538.html
📲 Telegram| Instagram | Live | Sport|
Жас дзюдошымыз қола медальды қолға киргизди
Кеше Тәжикстан пайтахты Душанбе қаласында дзюдо бойынша жаслар арасында жәҳән чемпионатына старт берилди.
Өзбекстан ҳәм Малайзия: музыка көркем өнериндеги дослық еллерди бирлестиреди
Өзбекстан Республикасы Мәденият министрлиги ҳәм мәмлекетимиздиң Малайзиядағы елшиханасының басламасы менен Юнус Ражабий атындағы Өзбек миллий музыка көркем өнери институтының ректоры Элдор Шерманов басшылығындағы делегация Куалалумпур қаласында болып турыпты.
Сеулде Өзбекстан – Корея туризм форумы болып өтти
Өзбекстан ҳәм Қубла Корея арасында ҳәр тәреплеме исбилерменлик қатнасықлары орнатылып бирге ислесиў имканиятлары кеңеймекте. Соның ишинде, туризм бағдарындағы кең көлемдеги илажлар өз нәтийжесин берип келмекте.
#Saylaw2024
«Сайлаў ҳәм жаслар»: ОСК жаслар менен ушырасты
Быйыл 27-октябрь сәнесинде өткерилетуғын Олий Мажлис Нызамшылық палатасы ҳәм жергиликли Кеңеслер депутатлары сайлаўына таярлық процесслери қызғын даўам етпекте. Елимиздеги бул сиясий илажда жаслардың қатнасы ҳәм даўысы әҳмийетке ийе. Солай екен, жаслардың сайлаў бойынша сиясий билим ҳәм көнликпелерин байытыў, олардың кеўлинде елдиң ертеңине байланыслылық сезимин арттырыў әҳмийетли орын ийелейди.
Экология ҳәм қоршаған орталықты қорғаў тараўлары және де жетилистириледи
Президент Пәрманына бола, 2026-жыл 1-январьдан аймақларда шығындылар менен ислесиў дәрежесин арттырыў ҳәм бул бағдарда ашықлықты тәмийинлеў, жәмийетшиликтиң ролин арттырыў, исбилерменлер ҳәм халық арасында қайта байланысты толық жолға қойыўды нәзерде тутыўшы төмендегилер әмелге асырылады:
Жеңилликлерден нәтийжели пайдаланылмақта
Сырт ел инвестицияларын кеңнен тартыўға қаратылған илажлар шеңберинде Қарақалпақстан Республикасы бажыхана басқармасы 2024-жылы 604 миллион АҚШ долларлық 34 жойбардан ибарат сырт ел инвестициясы ҳәм кредиттиң өзлестирилиўине жуўапкер етип белгиленген.
Жәрдемге мүтәж шаңарақлардың машқалалары тыңланды
Өзбекстан Республикасы Президенти Ш.Мирзиёевтиң тапсырмасы менен ҳәр бир басшыға социаллық жәрдемге мүтәж шаңарақлар бириктирилип, олардың турмыслық жағдайын жақсылаў бойынша ўазыйпалар белгилеп берилген еди.
Исбилерменлер менен әҳмийетли мәселелер талқыланды
Шымбай районында Қарақалпақстан Республикасы Жоқарғы Кеңеси Баслығы Аманбай Орынбаев басшылығында исбилерменлик жойбарларын қоллап-қуўатлаў ҳәм жаңа жойбарларды иске түсириўде ушырасып атырған машқалаларды анықлаў ҳәм оларды сапластырыў бойынша исбилерменлер менен ушырасыў болып өтти.
Мәҳәлле системасы халықаралық көлемде үйренилмекте
Самарқанд қаласында «Жергиликли халықтың турмыс дәрежесин арттырыўда мәҳәллениң орны» темасында халықаралық конференция өткерилмекте.
#Saylaw2024
Ҳәзирги ўақытқа шекем 291 сырт ел бақлаўшысы аккредитациядан өткерилген
Сайлаўлардың ашық-айдынлығын тәмийинлеўде ғалаба хабар қураллары әҳмийетли орын ийелейди. Соның ишинде, олар арқалы пуқаралар өз сайлаў ҳуқықларын әмелге асырыў, сайлаўда қатнасып атырған ҳәр қыйлы сиясий партиялар ҳәм талабанлардың сайлаўалды бағдарламаларының тийкарғы бағдарларынан хабардар болыў имканиятына ийе болады.
Өзбекстанда волейбол бойынша жәҳән чемпионаты өткериледи
2025-жылы Ташкент қаласында 19 жасқа шекемги жаслар арасында волейбол бойынша жәҳән чемпионаты өткериледи.
Устаздың мийнети шәкиртлериниң табысларында көринеди
Халқымызда бақсышылық өнери жақсы раўажланған болып, әсирлер даўамында бул өнер бақсылар арқалы устаз-шәкирт тымсалында мийрас болып, усы күнимизге шекем жетип келген. «Ең жақсы намаға жаным садаға» дегениндей жақсы сөз бенен қулақтың қурышын қандыратуғын жақсы намаға қызығыўшы халқымыз бул өнерди қәстерлеп, бүгинги күни де жақсы раўажандырып келмекте. «Сөз жетпеген жерге саз жетеди» дегениндей бақсының хош ҳаўазына сай сыңғырлаған ала мойнақ дуўтардың ҳаўазы қосықтың тыңлаўшыға жақсы жетип барыўы ушын жақсы жанапай болары сөзсиз.
Тараў пидайылары кәсиплик аўқамы тәрепинен хошаметленди
Ҳәр бир жәмийеттиң ҳәр тәреплеме раўажланыўы сол елде жас әўладтың тәлим-тәрбиясына қаратылып атырған итибары ҳәм усы тараўда жумыс ислеп атырған устаз-муғаллимлердиң мийнетине байланыслы.
Өзбекстан ҳәм Корея дөретиўшилериниң әдебий сәўбети
Өзбекстан Жазыўшылар аўқамында мәмлекетимиз дөретиўшилериниң Корея Республикасы жазыўшы ҳәм шайырлары менен ушырасыўы болып өтти.
Саудия Арабстаны нефть баҳасының қулаўы ҳаққында ескертти
👉 Толық оқыў - https://kknews.uz/211534.html
📲 Telegram| Instagram | Live | Sport|
Өзбекстан екинши мәрте «Вики естеликлерди жақсы көреди» таңлаўында қатнаспақта
«Вики естеликлерди жақсы көреди» халықаралық таңлаўы ҳәр жылы дүнья көлеминде шөлкемлестириледи. Быйылғы жылғы таңлаўда 40 тан аслам мәмлекет қатнасады. Олардың ишинде Өзбекстан да бар. Таңлаўда тарийхый имаратлар ҳәм дыққатқа ылайық жайлардың фотосүўретлери менен қатнасыў мүмкин.
ЕЧЛ. «Реал» ҳәм «Бавария» жеңилди, «Ливерпуль», «Ювентус»та исенимли жеңис
👉 Толық оқыў - https://kknews.uz/211527.html
📲 Telegram| Instagram | Live | Sport|
Итибар ҳәм ҳүрметтиң белгиси
“Устаз атаңдай уллы” дейди дана халқымыз. Дурысында да, бәрқулла жасы үлкенге ҳүрмет, жасы кишиге иззетте болып келген халқымыз илим-билим сырларын жалықпастан үйретип, өмирден ҳәм жәмийеттен мүнәсип орын табыўға жол-жоба берген устазларды ҳүрметлеп, қәдирлейди. Оларға ҳәмийше бас ийеди.
Жаңа идея ҳәм технологиялардың кеңнен ен жайыўы ушын беккем көпир
2-октябрь күни Ташкент қаласында IV Пүткил жер жүзилик креатив экономика конференциясының биринши күнги илажлары болып өтти.